(1)

Tá feidhm le bheith ag an gceanglas a leagtar amach in Airteagal 45(5) de Rialachán (AE) 2023/1114 freisin maidir le hinstitiúidí ríomh-airgid a eisíonn comharthaí ríomh-airgid suntasacha, i gcomhréir le hAirteagal 58(1), pointe (b), den Rialachán sin, i gcás ina gceanglaíonn an t-údarás inniúil é sin faoi Airteagal 35(4) den Rialachán sin, maidir le heisitheoirí comharthaí sócmhainn-tagartha nach comharthaí suntasacha iad, agus, i gcás ina gceanglaíonn an t-údarás inniúil é sin faoi Airteagal 58(2) den Rialachán sin, maidir le hinstitiúidí ríomh-airgid a eisíonn comharthaí ríomh-airgid nach comharthaí suntasacha iad.

(2)

Ba cheart d’eisitheoirí comharthaí sócmhainn-tagartha suntasacha nó comharthaí ríomh-airgid suntasacha, chomh maith le heisitheoirí comharthaí sócmhainn-tagartha nó comharthaí ríomh-airgid nach bhfuil suntasach, ach atá faoi réir Airteagal 45(5) de Rialachán (AE) 2023/1114 i gcomhréir le hAirteagal 35(4) nó le hAirteagal 58(2), faoi seach, den Rialachán sin, plean a fhorbairt chun leibhéal na gcistí dílse a choigeartú chuig an leibhéal is gá laistigh den tréimhse ama is gá. Ba cheart do na heisitheoirí sin a indéanta atá plean den sórt sin a phlé agus a chomhaontú leis na húdaráis inniúla ábhartha. Ba cheart do na húdaráis inniúla dlúthfhaireachán a dhéanamh ar chur chun feidhme an phlean sin agus, chun na críche sin, ba cheart do na heisitheoirí ábhartha fógra a thabhairt don údarás inniúil faoi na bearta a rinneadh, lena n-áirítear fógra deiridh faoi chur i gcrích an choigeartaithe.

(3)

Ba cheart d’údaráis inniúla an Bhallstáit baile an tréimhse ama a chinneadh do na heisitheoirí chun a gcistí dílse a choigeartú. Ba cheart spriocdháta uasta a bheith ag aon tréimhse ama den sórt sin agus ba cheart é a bheith chomh gearr agus is féidir agus bunaithe ar mheasúnú cás ar chás agus ba cheart é a chinneadh tar éis idirphlé leis an eisitheoir sin, ag féachaint don tionchar a d’fhéadfadh a bheith aige ar an eisitheoir sin, dá shainiúlachtaí agus dá rioscaí do chobhsaíocht airgeadais an chórais airgeadais i gcoitinne.

(4)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin.

(5)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (2),

(a)

eisitheoirí comharthaí sócmhainn-tagartha suntasacha;

(b)

institiúidí ríomh-airgid a eisíonn comharthaí ríomh-airgid suntasacha;

(c)

eisitheoirí comharthaí sócmhainn-tagartha nach comharthaí suntasacha iad, i gcás ina gceanglaíonn an t-údarás inniúil é sin faoi Airteagal 35(4) de Rialachán (AE) 2023/1114;

(d)

institúidí ríomh-airgid a eisíonn comharthaí ríomh-airgid nach comharthaí suntasacha iad, i gcás ina gceanglaíonn an t-údarás inniúil é sin faoi Airteagal 58(2) de Rialachán (AE) 2023/1114.