TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Threoir 2002/46/CE ó Pharlaimint na hEorpa agus ón gComhairle an 10 Meitheamh 2002 maidir le comhfhogasú dhlíthe na mBallstát a bhaineann le forbhianna (1), agus go háirithe Airteagal 4(5) di,

De bharr an mhéid seo a leanas:

(1)	In Iarscríbhinní I agus II a ghabhann le Treoir 2002/46/CE bunaítear liostaí na vitimíní agus mianraí, agus na foirmeacha díobh, i gcás gach ceann acu, a fhéadfar a úsáid i monarú forbhianna.

(2)	De bhun Airteagal 14 de Threoir 2002/46/CE, tá forálacha maidir le vitimíní agus mianraí i bhforbhianna a bhféadfadh tionchar a bheith acu ar shláinte an phobail le glacadh tar éis dul i gcomhairle leis an Údarás Eorpach um Shábháilteacht Bia (‘an tÚdarás’).

(3)

Tar éis iarraidh a fháil ón gCoimisiún tuairim a thabhairt uaidh maidir le monaihiodráit chailcidióil mar bhia núíosach de bhun Rialachán (AE) 2015/2283 ó Pharlaimint na hEorpa agus ón gComhairle (2) agus mar fhoinse vitimín D i gcomhthéacs Threoir 2002/46/CE, ghlac an tÚdarás tuairim eolaíoch ar an ábhar an 25 Bealtaine 2021 (3).

(4)

Fágann an tuairim sin nach ábhar imní maidir le sábháilteacht é monaihiodráit chailcidióil a úsáid i bhforbhianna, ar choinníoll go gcomhlíontar na coinníollacha maidir lena húdarú a leagtar amach i Rialachán Cur Chun Feidhme (AE) 2024/1052 ón gCoimisiún (4). Ar bhonn na tuairime fabhraí ón Údarás agus ar bhonn a húdaraithe mar chomhábhar bia núíosaigh i Rialachán Cur Chun Feidhme (AE) 2024/1052, ba cheart monaihiodráit chailcidióil a áireamh ar liosta na substaintí vitimín agus mianracha a leagtar amach in Iarscríbhinn II a ghabhann le Treoir 2002/46/CE, chun go bhféadfar í a úsáid mar fhoinse vitimín D i bhforbhianna.

(5)	Dá bhrí sin, ba cheart Treoir 2002/46/CE a leasú dá réir.

(6)	Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn II a ghabhann le Treoir 2002/46/CE i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 21 Feabhra 2025.

Thar ceann an Choimisiúin

An tUachtarán

Ursula VON DER LEYEN

(2) Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (IO L 327, 11.12.2015, lch. 1, ELI: http://data.europa.eu/eli/reg/2015/2283/oj).

(3) Painéal NDA EFSA (Painéal EFSA ar Tháirgí Diaitéiteacha, Cothú agus Ailléirgí). Sábháilteacht monaihiodráite cailcidióil arna táirgeadh trí shintéis cheimiceach mar bhia núíosach de bhun Rialachán (AE) 2015/2283, EFSA Journal [Iris EFSA] 2021;19(6):6660.