(1)

Le Rialachán (AE) 2018/1240, bunaítear an Córas Eorpach um Fhaisnéis agus Údarú Taistil (‘ETIAS’), córas is infheidhme maidir le náisiúnaigh tríú tír atá díolmhaithe ó cheanglas víosa agus atá ag iarraidh teacht isteach i gcríoch na mBallstát.

(2)

De bhun Airteagail 18 agus 24 de Rialachán (AE) 2018/1240, chun costais oibriúcháin agus chothabhála ETIAS a chúiteamh, ceanglaítear ar iarratasóirí, i bprionsabal, táille a íoc.

(3)

Is gá, dá bhrí sin, na modhanna íocaíochta atá le húsáid agus an próiseas chun an táille údaraithe taistil a bhailiú a chinneadh.

(4)

Ba cheart do sholáthraí seirbhísí íocaíochta, arna roghnú ar bhonn nós imeachta soláthair, an táille údaraithe taistil a bhailiú.

(5)

Mar mhodh chun freastal ar éagsúlacht gheografach na n-iarratasóirí agus ar infhaighteacht éagsúil modhanna íocaíochta ar fud an domhain, ba cheart don soláthraí seirbhísí íocaíochta glacadh le raon leathan modhanna íocaíochta le haghaidh íocaíocht na táille údaraithe taistil ag náisiúnaigh tríú tír dá dtagraítear in Airteagal 2(1) de Rialachán (AE) 2018/1240.

(6)

Chun an táille údaraithe taistil a íoc ar bhealach slán agus chun an riosca calaoise a laghdú a mhéid is féidir, ba cheart na hidirbhearta íocaíochta agus na modhanna íocaíochta a úsáidtear cloí go docht leis na forálacha atá i dTreoir (AE) 2015/2366 ó Pharlaimint na hEorpa agus ón gComhairle (2) agus i Rialachán Tarmligthe (AE) 2018/389 ón gCoimisiún (3).

(7)

Chun a áirithiú gur féidir íocaíocht na táille údaraithe taistil a nascadh le hiarratas sonrach, ba cheart do Chóras Faisnéise ETIAS aitheantóir sealadach le haghaidh an chomhaid iarratais dá dtagraítear i gCaibidil III de Rialachán (AE) 2018/1240 a chur in iúl don soláthraí seirbhísí íocaíochta tráth a chuirfear tús leis an bpróiseas íocaíochta.

(8)

Chun sonraí pearsanta iarratasóirí ar údarú taistil ETIAS a choimirciú, níor cheart don soláthraí seirbhísí íocaíochta aon fhaisnéis a iarraidh ar iarratasóirí seachas an fhaisnéis íocaíochta is gá chun gur féidir íocaíocht rathúil na táille údaraithe taistil a chur i gcrích.

(9)

Tar éis don iarratasóir an táille údaraithe taistil a íoc go rathúil, ba cheart don soláthraí seirbhísí íocaíochta uimhir thagartha uathúil na híocaíochta dá dtagraítear in Airteagal 19(3), pointe (e), de Rialachán (AE) 2018/1240 a chur ar fáil do Chóras Faisnéise ETIAS mar aon le haitheantóir sealadach an chomhaid iarratais, ionas go bhféadfadh Córas Faisnéise ETIAS a fhíorú, i gcomhréir le hAirteagal 19(1) de Rialachán (AE) 2018/1240, ar cheart iarratas a bheith measta mar iarratas inghlactha.

(10)

Chun réiteach beacht na n-íocaíochtaí a áirithiú, ba cheart don Choimisiún líon iomlán na n-íocaíochtaí rathúla a cuireadh i gcrích agus a n-uimhreacha tagartha uathúla a fháil ón nGníomhaireacht Eorpach chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (‘eu-LISA’) agus ón soláthraí seirbhísí íocaíochta.

(11)

Ós rud é go gcuireann Rialachán (AE) 2018/1240 le acquis Schengen, agus i gcomhréir le hAirteagal 4 de Phrótacal Uimh. 22 maidir le seasamh na Danmhairge, prótacal atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, thug an Danmhairg fógra faoi chur chun feidhme Rialachán (AE) 2018/1240 ina dlí náisiúnta. Dá bhrí sin, tá an Danmhairg faoi cheangal ag an Rialachán seo.

(12)

Is é atá sa Rialachán seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (4). Dá bhrí sin, níl Éire rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.

(13)

Maidir leis an Íoslainn agus leis an Iorua, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá Stát sin le acquis (5) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle (6).

(14)

Maidir leis an Eilvéis, is é atá sa Rialachán seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (7) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE, arna léamh i gcomhar le hAirteagal 3 de Chinneadh 2008/146/CE ón gComhairle (8).

(15)

Maidir le Lichtinstéin, is é atá sa Rialachán seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (9) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE arna léamh i gcomhar le hAirteagal 3 de Chinneadh 2011/350/AE ón gComhairle (10).

(16)

Is é atá sa Rialachán seo gníomh lena gcuirtear le acquis Schengen nó a bhfuil baint ar shlí eile aige le acquis Schengen de réir bhrí Airteagal 3(1) d’Ionstraim Aontachais 2003.

(17)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (11) agus thug sé tuairim uaidh an 27 Aibreán 2021,