1.   Agus Rialachán IBTV á chur chun feidhme, glacfaidh an Íoslainn na bearta is gá chun a áirithiú go gcomhlíonfar na forálacha is ábhartha do bhainistiú agus rialú airgeadais, a leagtar síos sa Chonradh ar Fheidhmiú an Aontais Eorpaigh (‘CFAE’) agus i ndlí an Aontais a fhaigheann a bunús dlí ó CFAE.

Is iad seo a leanas na forálacha dá dtagraítear sa chéad fhomhír:

2.   I gcás aon leasú, aisghairm, athsholáthar nó athmhúnlú ar an Rialachán Airgeadais is ábhartha maidir le IBTV:

3.   Cuirfidh an Íoslainn na gníomhartha seo a leanas i bhfeidhm agus, i gcás inar gá sin, cuirfidh sí chun feidhme iad:

Chun go bhféadfaidh an Íoslainn déanamh amhlaidh, déanfaidh an Coimisiún Eorpach an méid seo a leanas:

Féadfaidh an Íoslainn a seasamh maidir leis na tograí a chur in iúl don Aontas a luaithe is féidir agus tabharfaidh an tAontas aird chuí air sin.

Tabharfaidh an Íoslainn fógra don Aontas, a luaithe is féidir agus in aon chás tráth nach déanaí ná 90 lá tar éis fógra a fháil, faoina cinneadh glacadh leis na gníomhartha ar thug an tAontas fógra ina leith don Íoslainn faoin gcéad fhomhír, pointe (a) nó (b).

4.   Féadfaidh eintitis dhlítheanacha atá bunaithe san Íoslainn a bheith rannpháirteach i ngníomhaíochtaí a mhaoinítear leis an Ionstraim faoi choinníollacha atá coibhéiseach leis na coinníollacha sin is infheidhme maidir le heintitis dhlítheanacha atá bunaithe san Aontas.

1.   Déanfaidh an Coimisiún méid breise dá dtagraítear in Airteagal 10(1)(b) de Rialachán IBTV a leithdháileadh ar an Íoslainn ar choinníoll go gcomhlíonfar coinníollacha Airteagal 14(2) de Rialachán IBTV 2 bhliain tar éis thús rannpháirtíocht na hÍoslainne san Ionstraim.

2.   Déanfar tagairtí do spriocdhátaí a thagraíonn do theacht i bhfeidhm Rialachán IBTV a fhorléiriú mar thagairtí don dáta a thiocfaidh an Comhaontú seo i bhfeidhm.

1.   Beidh cinntí arna nglacadh ag an gCoimisiún agus a fhorchuireann oibleagáid airgeadais ar dhaoine seachas Stáit in-fhorfheidhmithe ar chríoch na hÍoslainne.

Beidh forfheidhmiú na gcinntí sin faoi rialú ag na rialacha nós imeachta shibhialta atá i bhfeidhm san Eilvéis. Beidh an t-ordú maidir lena fhorfheidhmiú i gceangal leis an gcinneadh ábhartha ón údarás inniúil dá dtagraítear sa tríú fomhír gan aon fhoirmiúlacht seachas fíorú bharántúlacht an chinnidh.

Ainmneoidh rialtas na hÍoslainne údarás inniúil chun na críche sin agus cuirfidh sé an t-ainmniú sin i bhfios don Choimisiún, agus cuirfidh an Coimisiún an t-ainmniúchán sin in iúl do Chúirt Bhreithiúnais an Aontais Eorpaigh.

A luaithe a bheidh na foirmiúlachtaí sin curtha i gcrích, ar iarratas ón gCoimisiún, féadfaidh an Coimisiún dul ar aghaidh leis an bhforfheidhmiú i gcomhréir le dlí na hÍoslainne trí ábhar a thabhairt go díreach os comhair an údaráis inniúil.

Ní fhéadfar an forfheidhmiú a chur ar fionraí ach amháin trí bhreith ó Chúirt Bhreithiúnais an Aontais Eorpaigh. Beidh dlínse ag cúirteanna na hÍoslainne, áfach, maidir le gearáin go bhfuil an forfheidhmiú á chur i gcrích ar dhóigh neamhrialta.

2.   Beidh breithiúnais Chúirt Bhreithiúnais an Aontais Eorpaigh i ndáil le cur i bhfeidhm clásal eadrána atá i gconradh nó i gcomhaontú deontais a thagann faoi raon feidhme an Chomhaontaithe seo in-fhorfheidhmithe san Íoslainn ar an mbealach céanna le cinntí ón gCoimisiún Eorpach dá dtagraítear i mír 1.

1.   Déanfaidh an Íoslainn an méid seo a leanas:

2.   Cuirfidh údaráis inniúla na hÍoslainne an Coimisiún Eorpach nó an Oifig Eorpach Frith-Chalaoise (‘OLAF’) ar an eolas gan mhoill faoi aon fhíoras nó amhras atá tugtha faoi deara acu maidir le neamhrialtacht, calaois nó gníomhaíocht neamhdhleathach eile a dhéanann difear do leasanna airgeadais an Aontais. Cuirfidh siad Oifig an Ionchúisitheora Phoiblí Eorpaigh (‘OIPE’) ar an eolas freisin nuair a bhaineann na fíorais nó an t-amhras sin le cás a d’fhéadfadh teacht faoi inniúlacht OIPE.

Áiritheoidh an Íoslainn agus an tAontas cúnamh frithpháirteach éifeachtach i gcásanna ina bhfuil imscrúduithe nó imeachtaí breithiúnacha ann ag údaráis inniúla an Aontais nó na hÍoslainne, i gcomhréir leis an gcreat dlíthiúil is infheidhme, maidir le leasanna airgeadais a chéile a chosaint faoi raon feidhme an Chomhaontaithe seo.

3.   Glacfaidh an Íoslainn bearta atá coibhéiseach leo sin arna nglacadh ag an Aontas i gcomhréir le hAirteagal 325(4) de CFAE agus atá i bhfeidhm ar dháta sínithe an Chomhaontaithe seo.

4.   Déanfar an malartú faisnéise idir an Coimisiún Eorpach, OLAF, OIPE, an Chúirt Iniúchóirí agus údaráis inniúla na hÍoslainne ag féachaint go cuí do na ceanglais rúndachta. Déanfar sonraí pearsanta a áirítear sa mhalartú faisnéise a chosaint i gcomhréir leis na rialacha is infheidhme.

1.   Beidh sé de cheart ag an Aontas athbhreithnithe agus iniúchtaí teicniúla, airgeadais nó cineálacha eile athbhreithnithe agus iniúchtaí a dhéanamh ar áitreabh aon duine nádúrtha a bhfuil cónaí air san Íoslainn nó aon eintiteas dlítheanach atá bunaithe san Íoslainn agus a fhaigheann cistiú ón Aontas ó IBTV, chomh maith le haon tríú páirtí a bhfuil baint aige le cur chun feidhme chistiú an Aontais ó IBTV atá ina chónaí nó bunaithe san Íoslainn, ar an mbealach céanna agus is féidir i mBallstáit an Aontais Eorpaigh. Féadfaidh an Coimisiún Eorpach, OLAF agus an Chúirt Iniúchóirí athbhreithnithe agus iniúchtaí den chineál sin a dhéanamh.

2.   Éascóidh údaráis na hÍoslainne na hathbhreithnithe agus na hiniúchtaí a fhéadfar a dhéanamh i gcomhpháirt leo, más mian leis na húdaráis sin.

3.   Féadfar na hathbhreithnithe agus na hiniúchtaí a dhéanamh freisin tar éis cearta eintiteas dlítheanach atá bunaithe san Íoslainn, ar cearta iad a dhíorthaíonn ó chur i bhfeidhm an Chomhaontaithe seo, a chur ar fionraí, nó tar éis fhoirceannadh an Chomhaontaithe seo, i ndáil le haon ghealltanas dlíthiúil lena gcuirtear chun feidhme buiséad an Aontais ar gealltanas é a bheidh déanta roimh an dáta óna ngabhfaidh éifeacht le fionraí chur i bhfeidhm an Chomhaontaithe seo ann nó le foirceannadh an Chomhaontaithe seo.

1.   Déanfaidh an Íoslainn íocaíochtaí bliantúla le buiséad IBTV i gcomhréir leis an bhfoirmle a thuairiscítear in Iarscríbhinn I.

2.   Gach bliain, féadfaidh an Coimisiún suas le 0,75 % de na híocaíochtaí arna ndéanamh ag an Íoslainn a úsáid chun maoiniú a dhéanamh ar an gcaiteachas riaracháin don fhoireann nó don fhoireann sheachtrach is gá chun tacú le cur chun feidhme Rialachán IBTV agus an Chomhaontaithe seo ag an Íoslainn.

3.   Tar éis an caiteachas riaracháin dá dtagraítear i mír 2 a asbhaint, sannfar an méid atá fágtha de na híocaíochtaí bliantúla mar a leanas:

4.   Úsáidfear méid is ionann agus íocaíochtaí bliantúla na hÍoslainne chun rannchuidiú le bainistiú comhtháite teorainneacha san Eoraip atá láidir agus éifeachtach ag na teorainneacha seachtracha.

5.   Soláthróidh an tAontas don Íoslainn faisnéis maidir lena rannpháirtíocht airgeadais mar a áirítear san fhaisnéis bhuiséadach, chuntasaíochta, feidhmíochta agus mheastóireachta arna soláthar d’údaráis bhuiséadacha agus d’údaráis um urscaoileadh an Aontais maidir leis an Ionstraim.

1.   Formheasfaidh na Páirtithe an Comhaontú seo i gcomhréir lena nósanna imeachta féin. Tabharfaidh siad fógra dá chéile maidir le cur i gcrích na nósanna imeachta sin. I gcás an Aontais, seolfar an fógra i scríbhinn chuig Ardrúnaí Chomhairle an Aontais Eorpaigh.

2.   Tiocfaidh an Comhaontú seo i bhfeidhm ar an gcéad lá den chéad mhí tar éis lá an fhógra dheireanaigh dá dtagraítear i mír 1.

3.   Chun leanúnachas a áirithiú maidir le tacaíocht a sholáthar sa réimse beartais ábhartha agus chun gur féidir tús a chur leis an gcur chun feidhme ó thús chreat airgeadais ilbhliantúil 2021 go 2027, is féidir tús a chur leis na bearta a chumhdaítear le Rialachán IBTV roimh theacht i bhfeidhm an Chomhaontaithe agus ar a luaithe ón 1 Eanáir 2021.

4.   Ní fhéadfar an Comhaontú seo a leasú ach amháin i scríbhinn le toiliú coiteann na bPáirtithe. Leanfaidh teacht i bhfeidhm na leasuithe an nós imeachta céanna is infheidhme maidir le teacht i bhfeidhm an Chomhaontaithe seo.

5.   D’ainneoin mhír 4 den Airteagal seo, tabharfar de chumhacht don Choiste Measctha arna bhunú faoi Airteagal 3 den Chomhaontú Comhlachais leis an Íoslainn agus leis an Iorua na leasuithe is gá ar an dara fomhír, pointe (a), de mhír 1, d’Airteagal 2 den Chomhaontú seo a chaibidil agus a ghlacadh i gcás fógra a thabhairt i gcomhréir le hAirteagal 15(2) in imthosca nach dtiocfar ar chomhaontú ina leith de bhun Airteagal 2(2) den Chomhaontú seo.

1.   Féadfaidh an tAontas cearta eintiteas dlítheanach atá bunaithe san Íoslainn, a dhíorthaíonn ó chur i bhfeidhm an Chomhaontaithe seo, a chur ar fionraí i gcomhréir le míreanna 5 go 7 den Airteagal seo, i gcás neamhíoc iomlán nó páirteach na ranníocaíochta airgeadais atá dlite ag an Íoslainn, i gcás neamh-chomhlíonadh Airteagal 2(3), lena n-áirítear cinneadh gan glacadh le gníomh ar tugadh fógra ina leith faoin bhforáil sin; nó i gcúinsí i gcás ina bhfuil an Rialachán Airgeadais faoi réir leasú, aisghairm, ionadú nó athmhúnlú atá ábhartha do IBTV agus nach dtagtar ar chomhaontú de bhun Airteagal 2(2) laistigh de 30 lá ó theacht i bhfeidhm leasú, aisghairm, ionadú nó athmhúnlú ar an Rialacháin Airgeadais.

2.   Tabharfaidh an tAontas fógra don Íoslainn go bhfuil sé ar intinn aige cearta eintiteas dlítheanach atá bunaithe san Íoslainn, ar cearta iad a dhíorthaíonn ó chur i bhfeidhm an Chomhaontaithe seo, a chur ar fionraí agus, sa chás sin, iontrálfar an t-ábhar go hoifigiúil ar chlár oibre an Choiste Mheasctha arna bhunú faoi Airteagal 3 den Chomhaontú Comhlachais leis an Íoslainn agus leis an Iorua.

3.   Tionólfar an Coiste Measctha agus tionólfar an cruinniú laistigh de 30 lá tar éis an fógra dá dtagraítear i mír 2 a fháil. Beidh 90 lá ag an gCoiste Measctha chun an t-ábhar a shocrú, ag comhaireamh ón dáta a nglacfar an clár oibre ar cuireadh an t-ábhar air i gcomhréir le mír 2. I gcás nach féidir leis an gCoiste Measctha an t-ábhar a shocrú laistigh den sprioc-am 90 lá, cuirfear 30 lá leis an sprioc-am sin d’fhonn teacht ar réiteach críochnaitheach.

4.   I gcás nach féidir leis an gCoiste Measctha an t-ábhar a shocrú laistigh den sprioc-am dá bhforáiltear i mír 3, féadfaidh an tAontas cearta eintiteas dlítheanach atá bunaithe san Íoslainn, ar cearta iad a dhíorthaíonn ó chur i bhfeidhm an Chomhaontaithe seo dá dtagraítear i míreanna 5 go 7, a chur ar fionraí.

5.   I gcás fionraí, ní bheidh eintitis dhlítheanacha atá bunaithe san Iorua incháilithe páirt a ghlacadh i nósanna imeachta dámhachtana nach bhfuil tugtha i gcrích go fóill nuair a chuirfear an fhionraí i bhfeidhm. Measfar nós imeachta dámhachtana a bheith curtha i gcrích nuair a ghlacfar gealltanais dhlíthiúla de láimh mar thoradh ar an nós imeachta sin.

6.   Leis an bhfionraí, ní dhéanfar difear do na gealltanais dhlíthiúla arna ndéanamh de láimh leis na heintitis dhlítheanacha atá bunaithe san Íoslainn sular tháinig an fhionraí i bhfeidhm. Leanfaidh an Comhaontú seo d’fheidhm a bheith aige maidir le gealltanais dhlíthiúla den sórt sin.

7.   Féadfar aon oibríocht is gá chun leas airgeadais an Aontais a chosaint agus chun a áirithiú go gcomhlíonfar na hoibleagáidí airgeadais a eascraíonn as gealltanais a rinneadh faoin gComhaontú seo roimh an bhfionraí, a dhéanamh freisin tar éis na fionraí.

8.   Tabharfaidh an tAontas fógra láithreach don Íoslainn a luaithe a bheidh méid na ranníocaíochta airgeadais nó oibríochtúla atá dlite faighte aige, nuair a bheidh deireadh leis an neamh-chomhlíonadh le hAirteagal 2(3) nó nuair a shocrófar an t-ábhar a bhaineann leis an Rialachán Airgeadais. Cuirfear deireadh leis an bhfionraí le héifeacht láithreach tar éis an fhógra sin.

9.   Amhail ón dáta a gcuirfear deireadh leis an bhfionraí, beidh eintitis dhlítheanacha na hÍoslainne incháilithe arís le haghaidh nósanna imeachta dámhachtana a sheolfar tar éis an dáta sin agus i nósanna imeachta dámhachtana a seoladh roimh an dáta sin, ar nósanna imeachta dámhachtana iad nach bhfuil na sprioc-amanna chun iarratais a chur isteach dulta in éag.

1.   Féadfaidh an tAontas nó an Íoslainn an Comhaontú seo a fhoirceannadh trí fhógra a thabhairt don Pháirtí eile faoina chinneadh. Scoirfidh an Comhaontú d’fheidhm a bheith aige 3 mhí tar éis dháta an fhógra sin. I gcás an Aontais, seolfar an fógra i scríbhinn chuig Ardrúnaí Chomhairle an Aontais Eorpaigh.

2.   Foirceannfar an Comhaontú seo go huathoibríoch nuair a fhoirceannfar an Comhaontú Comhlachais leis an Íoslainn agus leis an Iorua i gcomhréir le hAirteagal 8(4), le hAirteagal 11(3) nó le hAirteagal 16 den Chomhaontú Comhlachais leis an Íoslainn agus leis an Iorua.

3.   I gcás ina bhfoirceannfar an Comhaontú seo i gcomhréir le mír 1 nó mír 2, comhaontaíonn na Páirtithe go leanfar le hoibríochtaí ina ndearnadh na gealltanais dhlíthiúla tar éis theacht i bhfeidhm an Chomhaontaithe seo, agus sula bhfoirceannfar an Comhaontú seo, go dtí go dtabharfar chun críche na hoibríochtaí sin faoi na coinníollacha a leagtar síos sa Chomhaontú seo.

4.   Féadfar aon oibríocht is gá chun leas airgeadais an Aontais a chosaint agus chun a áirithiú go gcomhlíonfar na hoibleagáidí airgeadais a eascraíonn as gealltanais a rinneadh faoin gComhaontú seo sular foirceannadh é, a dhéanamh freisin tar éis fhoirceannadh an Chomhaontaithe seo.

5.   Socróidh na Páirtithe de chomhthoil aon iarmhairtí eile a thiocfaidh as an gComhaontú seo a fhoirceannadh.