(1)

De réir Airteagal 19(2) de Rialachán (AE) 2023/588, tá Clár an Aontais um Nascacht Shlán le cur chun feidhme trí roinnt conarthaí, a d’fhéadfadh a bheith i bhfoirm conarthaí lamháltais, soláthair, seirbhíse nó i bhfoirm conarthaí oibreacha nó conarthaí measctha. I gCinneadh Cur Chun Feidhme C(2023) 1776 (2) ón gCoimisiún chinn an Coimisiún leanúint air Clár an Aontais um Nascacht Shlán a chur chun feidhme trí chonradh lamháltais agus, le fógra conartha DEFIS/2023/CD/0008, Conradh Lamháltais a sholáthar chun Clár an Aontais um Nascacht Shlán a chur chun feidhme, a mhéid a bhaineann le bonneagar rialtais a bhunú, lena n-áirítear imscaradh an spáis agus na coda ar talamh.

(2)

Déantar foráil le hAirteagal 5(2), pointe (d), de Rialachán (AE) 2023/588 maidir le bonneagar ar talamh le haghaidh soláthar seirbhísí rialtais d’úsáideoirí atá údaraithe ag rialtas a bheith san áireamh i mbonneagar rialtais an chórais nascachta sláine. Tá an bonneagar ar talamh le bheith comhdhéanta as lárionaid, dá dtagraítear in Airteagal 5(3) de Rialachán (AE) 2023/588 (‘lárionaid rialaithe’).

(3)

Chun na ceanglais seirbhíse a leagtar síos i gCinneadh Cur Chun Feidhme (AE) 2023/1053 ón gCoimisiún (3) a chomhlíonadh, mhol an tairgeoir soláthair lamháltais dá dtagraítear in aithris 1 coincheap oibríochta ar bhonn trí lárionad rialaithe atá suite ar shuíomhanna éagsúla. De réir an choincheapa sin, ní mór oibriú an chórais nascachta sláine a bhunú ar athdháileadh cothrom feidhmeanna, lena n-áirítear na feidhmeanna sin a bhaineann le rialú satailíte, rialú misin, bainistiú seirbhíse agus coinneáil ar bun seirbhíse, thar na suíomhanna thuasluaite. Chuige sin, ní mór na lárionaid rialaithe a bheith oibríochtúil go buan agus ní mór a bheith in ann cúltaca gan uaim ar fheidhmeanna a sholáthar leo le haghaidh phríomhoibríochtaí agus bhainistiú seirbhíse an chórais. Ní mór a bheith in ann a áirithiú leis na lárionaid rialaithe freisin go ndéanfar cothromú lóid cuí ar na feidhmeanna ar fud an chórais, lena n-áirítear i gcás ardéilimh nó géarchéime.

(4)

Ceanglaítear le hAirteagal 5(3), an chéad fhomhír, de Rialachán (AE) 2023/588 nach mór an roghnú suímh le haghaidh na lárionad rialaithe a bheith faoi réir próiseas oscailte trédhearcach. Chun na críche sin, sheol an Coimisiún glao ar léiriú spéise chuig na Ballstáit uile, rud a thug deis do gach Ballstát spéis a léiriú maidir le lárionad rialaithe a óstáil i gcomhréir le coincheap na hoibríochta arna mholadh ag táirgeoir an tsoláthair lamháltais. Rinne coiste ar a bhfuil ionadaithe ón gCoimisiún agus ón nGníomhaireacht meastóireacht ar na tograí sin de réir critéir oibríochtúla agus airgeadais a bhaineann le ceanglais theicniúla, slándáil (lena n-áirítear na ceanglais slándála ghinearálta dá dtagraítear in Airteagal 30(3) de Rialachán (AE) 2023/588), rioscaí, an sceideal maidir le himscaradh na lárionad rialaithe, pleanáil soláthair seirbhíse agus costas, rud a bhfuil sé d’aidhm aige an cóimheas is buntáistí idir praghas agus cáilíocht a bhunú.

(5)

Mhol an Fhrainc, an Iodáil agus Lucsamburg na lárionaid rialaithe a bhunú in Toulouse, Fucino agus Bettembourg, faoi seach. Mar thoradh ar an meastóireacht, mhol an coiste na suíomhanna a mhol an Fhrainc, an Iodáil agus Lucsamburg mar na suíomhanna is oiriúnaí chun na hionaid rialaithe a óstáil.

(6)

Tá an Cinneadh seo le teacht i bhfeidhm go luath chun cur chun feidhme rianúil an Chláir a áirithiú, go háirithe imscaradh tráthúil oibríochtúil na suíomhanna le haghaidh an bhonneagair rialtais ar talamh.

(7)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón gCoiste Cláir a bhunaítear le hAirteagal 107 de Rialachán (AE) 2021/696 ó Pharlaimint na hEorpa agus ón gComhairle (4), i gcumraíocht GOVSATCOM,

(a)

gur thug an Coimisiún agus an lamháltóir féideartha conradh lamháltais i gcrích i gcomhréir le hAirteagal 19(5) de Rialachán (AE) 2023/588, ar conradh é lena dtugtar aghaidh inter alia ar choincheap oibríochta ar bhonn na dtrí lárionad a bheith oibríochtúil go buan, feidhmeanna ar leibhéal coibhéiseach criticiúlachta a dhéanamh, agus cúltaca gan uaim a áirithiú go comhpháirteach ar na feidhmeanna uile le haghaidh oibríochtaí córais agus soláthar seirbhíse;

(b)

gur thug an Coimisiún agus gach ceann de na Ballstáit óstacha lena mbaineann comhaontú óstála chun feidhme i bhfoirm comhaontú riaracháin.