(1)

Tá allmhairí arbhair mhilis áirithe in eithní, allmhairí atá ullmhaithe nó leasaithe, de thionscnamh na Téalainne faoi réir dleachtanna frithdhumpála cinntitheacha arna bhforchur le Rialachán Cur Chun Feidhme (AE) 2019/1996 ón gCoimisiún (2).

(2)

Sun Sweet Co., Ltd., cód breise TARIC (3) A792, cuideachta atá faoi réir ráta dleachta frithdhumpála aonair 11,1 %, chuir sí in iúl don Choimisiún an 7 Márta 2023 gur athraigh sí a hainm go Sunsweet Public Company Limited.

(3)

D’iarr an chuideachta ar an gCoimisiún a dheimhniú nach ndéanfaidh an t-athrú ainm aon difear do cheart na cuideachta tairbhiú den ráta dleachta frithdhumpála aonair ab infheidhme maidir léi faoin ainm a bhí uirthi roimhe sin.

(4)

Scrúdaigh an Coimisiún an fhaisnéis a soláthraíodh, agus tháinig sé ar an gconclúid go raibh an t-athrú ar an ainm cláraithe i gceart leis na húdaráis ábhartha, agus nach raibh aon ghaol nua ann dá bharr le grúpaí eile cuideachtaí a bhain le díolacháin an táirge nach ndearna an Coimisiún imscrúdú orthu.

(5)

Dá réir sin, ní dhéanann an t-athrú ar an ainm difear do thorthaí Rialachán Cur Chun Feidhme (AE) 2019/1996, agus go háirithe don ráta dleachta frithdhumpála is infheidhme maidir leis.

(6)

Ba cheart an t-athrú ar an ainm a theacht i bhfeidhm amhail ón 7 Márta 2023. Chuathas i dteagmháil leis an gcuideachta maidir leis an dáta is infheidhme. Dheimhnigh an chuideachta, cé gur athraíodh an t-ainm amhail ón 4 Meán Fómhair 2017, nár iarr sí ar an gCoimisiún an t-athrú ar an ainm a dheimhniú amhail ón 7 Márta 2023.

(7)

I bhfianaise a bhfuil sna haithrisí thuas, mheas an Coimisiún gurbh iomchuí Rialachán Cur Chun Feidhme (AE) 2019/1996 a leasú chun ainm nua na cuideachta a léiriú, ainm ar sannadh cód breise TARIC A792 dó roimhe seo.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste a bunaíodh le hAirteagal 15(1) de Rialachán (AE) 2016/1036,