CINNEADH Ó CHOMHCHOISTE LEE Uimh. 225/2021

an 14 Iúil 2021

lena leasaítear Iarscríbhinn V (Saorghluaiseacht oibrithe) agus Iarscríbhinn VIII (Ceart bunaíochta) a ghabhann le Comhaontú LEE [2024/273]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Cinneadh Cur Chun Feidhme (AE) 2021/1126 ón gCoimisiún an Déardaoin 8 Iúil 2021 lena mbunaítear gur coibhéiseach iad deimhnithe COVID-19 arna n-eisiúint ag an Eilvéis leis na deimhnithe arna n-eisiúint i gcomhréir le Rialachán (AE) 2021/953 ó Pharlaimint na hEorpa agus ón gComhairle (1), tá sé le hionchorprú i gComhaontú LEE.

(2)	Dá bhrí sin, ba cheart Iarscríbhinní V agus VIII a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an pointe seo a leanas isteach i ndiaidh phointe 10a (Cinneadh Cur Chun Feidhme (AE) 2021/1073 ón gCoimisiún) d’Iarscríbhinn V a ghabhann le Comhaontú LEE:

‘10b.

32021 D 1126: Cinneadh Cur Chun Feidhme (AE) 2021/1126 ón gCoimisiún an Déardaoin 8 Iúil 2021 lena mbunaítear gur coibhéiseach iad deimhnithe COVID-19 arna n-eisiúint ag an Eilvéis leis na deimhnithe arna n-eisiúint i gcomhréir le Rialachán (AE) 2021/953 ó Pharlaimint na hEorpa agus ón gComhairle (IO L 243, 9.7.2021, p. 49).’

Airteagal 2

Cuirtear an pointe seo a leanas isteach i ndiaidh phointe 11a (Cinneadh Cur Chun Feidhme (AE) 2021/1073 ón gCoimisiún) d’Iarscríbhinn VIII a ghabhann le Comhaontú LEE:

‘11b.

Airteagal 3

Is téacs barántúil a bheidh i dtéacs Chinneadh Cur Chun Feidhme (AE) 2021/1126 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 4

Tiocfaidh an Cinneadh seo i bhfeidhm an 14 Iúil 2021, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 5

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 14 Iúil 2021.

Thar ceann Chomhchoiste LEE

An tUachtarán

Rolf Einar FIFE

(1) IO L 243, 9.7.2021, lch. 49.

(*1) Ní shonraítear aon cheanglas bunreachtúil.