(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a athnuachan.

(2)

Le Rialachán Cur Chun Feidhme (AE) Uimh. 403/2013 ón gCoimisiún (2) údaraíodh ullmhóid d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, ar feadh 10 mbliana mar bhreiseán beathaithe le haghaidh éanlaith chlóis lena ramhrú agus le bheith ina mbéaróg agus le haghaidh bainbh scoite.

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, a athnuachan mar bhreiseán beathaithe. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(4)

Chinn an tÚdarás Eorpach um Shábháilteacht Bia (‘an tÚdarás’) sa tuairim uaidh an 11 Bealtaine 2023 (3) go bhfuil an ullmhóid d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, sábháilte i gcónaí d’éanlaith chlóis lena ramhrú agus le bheith ina mbéaróg agus do bhainbh scoite, do thomhaltóirí agus don chomhshaol faoi na coinníollacha úsáide atá údaraithe faoi láthair. Chinn sé freisin maidir leis an ullmhóid d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, gur cheart an ullmhóid sin a mheas mar íogróir riospráide féideartha. In éagmais sonraí, ní fhéadfadh an tÚdarás teacht ar chonclúid maidir le féidearthacht na hullmhóide sin a bheith ina cúis le greannú craicinn agus súl nó le híogrú deirmeach. Chuir an tÚdarás in iúl freisin nach gá measúnú a dhéanamh ar éifeachtúlacht na hullmhóide d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, i gcomhthéacs athnuachan an údaraithe. Níor mheas an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar na modhanna anailíse ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann an ullmhóid d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Mar thoradh ar údarú na hullmhóide d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, a athnuachan mar bhreiseán beathaithe, ba cheart Rialachán Cur Chun Feidhme (AE) Uimh. 403/2013 a leasú.

(7)

Ós rud é nach gá na modhnuithe ar na coinníollacha údaraithe maidir leis an ullmhóid d’ion–1,4-béite-xiolanáis, ion–1,3(4) béite-ghlúcanáis agus ion–1,4-béite-ghlúcanáis, arna táirgeadh ag Trichoderma reesei ATCC 74444, a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

Scriostar Airteagal 1;

2.

scriostar an Iarscríbhinn.