(1)

An 15 Meitheamh 2018, d’údaraigh an Chomhairle don Choimisiún tús a chur le caibidlíocht de bhun Airteagal XXVIII den Chomhaontú Ginearálta um Tharaifí agus Trádáil (GATT) 1994 le Poblacht Chónaidhmitheach na Brasaíle maidir le modhnú lamháltas ar na cuótaí ráta taraife uile a áirítear i Sceideal AE CLXXV, de thoradh tharraingt siar na Ríochta Aontaithe as an Aontas Eorpach.

(2)

Tugadh an chaibidlíocht le Poblacht Chónaidhmitheach na Brasaíle i gcrích go rathúil agus cuireadh inisealacha leis an gComhaontú idir an tAontas Eorpach agus Poblacht Chónaidhmitheach na Brasaíle de bhun Airteagal XXVIII den Chomhaontú Ginearálta um Tharaifí agus Trádáil (GATT) 1994 a bhaineann le modhnú lamháltas ar na cuótaí ráta taraife uile a áirítear i sceideal AE CLXXV de thoradh tharraingt siar na Ríochta Aontaithe as an Aontas Eorpach (‘an Comhaontú’) an 14 Meán Fómhair 2022.

(3)

Síníodh an Comhaontú thar ceann an Aontais an 1 Feabhra 2023, faoi réir a thabhairt i gcrích ar dháta níos déanaí, i gcomhréir le Cinneadh (AE) 2022/2492 (2).

(4)

Ba cheart an Comhaontú a fhormheas,

(1)

Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo.

(2)

Le Rialachán (CEE) Uimh. 2658/87, leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm.

(3)

De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, is earraí iad ba cheart a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin.

(4)

Maidir le faisnéis taraife cheangailteach arna heisiúint i leith na n-earraí a bhaineann leis an Rialachán seo, ar faisnéis í nach bhfuil i gcomhréir leis an Rialachán seo, is iomchuí a fhoráil go bhféadfaidh an sealbhóir an fhaisnéis sin a agairt fós, go ceann tréimhse áirithe, i gcomhréir le hAirteagal 34(9) de Rialachán (AE) Uimh. 952/2013. Is tréimhse 3 mhí ba cheart a bheith sa tréimhse sin.

(5)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

(1)

Foráiltear le Rialachán (AE) 2016/429 nach mór do choinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas.

(2)

Le Rialachán Tarmligthe (AE) 2020/692 ón gCoimisiún (2) leagtar síos na ceanglais sláinte ainmhithe nach mór do choinsíneachtaí de speicis agus catagóirí ainmhithe, de tháirgí geirmeacha agus de tháirgí de bhunadh ainmhíoch áirithe a chomhlíonadh chun teacht isteach san Aontas ó thríú tíortha nó ó chríocha nó ó chriosanna de thríú tír nó de chríoch, nó ó dheighleoga de thríú tír nó de chríoch i gcás ainmhithe uisceacha.

(3)

Le Rialachán Cur Chun Feidhme (AE) 2021/404 ón gCoimisiún (3) bunaítear na liostaí de thríú tíortha, nó de chríocha, nó de chriosanna nó deighleoga de thríú tír nó de chríoch, óna gceadaítear na speicis agus catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas.

(4)

Go háirithe, in Iarscríbhinní V agus XIV a ghabhann le Rialachán Cur Chun Feidhme (AE) 2021/404 leagtar amach na liostaí de thríú tíortha nó de chríocha nó de chriosanna de thríú tír nó de chríoch atá údaraithe i dtaca le coinsíneachtaí d’éanlaith chlóis, de tháirgí geirmeacha ó éanlaith chlóis, agus d’fheoil úr ó éanlaith chlóis agus ó éin ghéim a theacht isteach san Aontas.

(5)

Thug Ceanada fógra don Choimisiún faoi chúig ráig den fhliú éanúil ardphataigineach (HPAI) in éanlaith chlóis i gcúigí Québec (4) agus British Columbia (1), ráigeanna a deimhníodh an 18 Aibreán 2023 agus an 6 Bealtaine 2023 le hanailís saotharlainne (RT-PCR).

(6)

Thairis sin, thug an Ríocht Aontaithe fógra don Choimisiún faoi ráig amháin den fhliú éanúil ardphataigineach in éanlaith chlóis i gcontae Lincolnshire i Sasana, ráig deimhníodh an 16 Bealtaine 2023 le hanailís saotharlainne (RT-PCR).

(7)

Tar éis na ráigeanna deireanacha sin den fhliú éanúil ardphataigineach, bhunaigh údaráis tréidliachta Cheanada agus na Ríochta Aontaithe criosanna srianta de 10 km ar a laghad timpeall ar na bunaíochtaí a bhí buailte agus chuir siad beartas díothaithe chun feidhme chun láithreacht an fhliú éanúil ardphataiginigh a rialú agus chun leathadh an ghalair sin a theorannú.

(8)

Tá faisnéis curtha faoi bhráid an Choimisiúin ag Ceanada agus ag an Ríocht Aontaithe maidir leis an staid eipidéimeolaíoch ar a gcríocha agus maidir leis na bearta atá déanta acu chun leathadh breise an fhliú éanúil ardphataiginigh a chosc. Rinne an Coimisiún meastóireacht ar an bhfaisnéis sin. Ar bhonn na meastóireachta sin, agus chun stádas sláinte ainmhithe an Aontais a chosaint, níor cheart údarú a thabhairt a thuilleadh do choinsíneachtaí d’éanlaith chlóis, de tháirgí geirmeacha ó éanlaith chlóis ná d’fheoil úr ó éanlaith chlóis ná ó éin ghéim a theacht isteach san Aontas ó na ceantair atá faoi shrianta arna leagan síos ag údaráis tréidliachta Cheanada agus na Ríochta Aontaithe mar gheall ar na ráigeanna deireanacha den fhliú éanúil ardphataigineach.

(9)

Thairis sin, chuir Ceanada faisnéis nuashonraithe isteach maidir leis an staid eipidéimeolaíoch ar a chríoch i ndáil le 6 ráig den fhliú éanúil ardphataigineach i mbunaíochtaí éanlaithe clóis i gcúigí British Columbia (4) agus Québec (2), ráigeanna a deimhníodh idir an 25 Samhain 2022 agus an 2 Feabhra 2023.

(10)

Ina theannta sin, tá faisnéis nuashonraithe curtha isteach ag an Ríocht Aontaithe maidir leis an staid eipidéimeolaíoch ar a críoch i ndáil le ráig den fhliú éanúil ardphataigineach i mbunaíochtaí éanlaithe clóis i gcontae Devon i Sasana, an Ríocht Aontaithe, ráig a deimhníodh an 31 Márta 2023.

(11)

Thairis sin, tá faisnéis nuashonraithe curtha isteach ag na Stáit Aontaithe maidir leis an staid eipidéimeolaíoch ar a gcríoch i ndáil le 25 ráig den fhliú éanúil ardphataigineach i mbunaíochtaí éanlaithe clóis i stáit Alaska (1), Colorado (1), Florida (2), Illinois (2), Indiana (1), Missouri (1), New York (2), Oregon (4), Pennsylvania (3), South Dakota (1), Tennessee (3), Utah (1), Virginia (2) and Wisconsin (1), ráigeanna a deimhníodh idir an 12 Iúil 2022 agus an 5 Aibreán 2023.

(12)

Thairis sin, chuir Ceanada, an Ríocht Aontaithe agus na Stáit Aontaithe faisnéis isteach freisin faoi na bearta a rinne siad chun leathadh breise an fhliú éanúil ardphataiginigh a chosc. Go sonrach, tar éis na ráigeanna sin den ghalar sin, tá beartas díothaithe curtha chun feidhme ag Ceanada, ag an Ríocht Aontaithe agus ag na Stáit Aontaithe chun leathadh an ghalair sin a rialú agus a theorannú, agus tá na bearta glantacháin agus díghalraithe is gá curtha i gcrích acu freisin tar éis chur chun feidhme an bheartais díothaithe ar na bunaíochtaí éanlaithe clóis ionfhabhtaithe ar a gcríocha.

(13)

Rinne an Coimisiún meastóireacht ar an bhfaisnéis a chuir Ceanada, an Ríocht Aontaithe agus na Stáit Aontaithe isteach agus tháinig sé ar an gconclúid go bhfuil na ráigeanna den fhliú éanúil ardphataigineach i mbunaíochtaí éanlaithe clóis díothaithe agus nach bhfuil riosca ag baint a thuilleadh le teacht isteach tráchtearraí éanlaithe clóis san Aontas ó na criosanna i gCeanada, sa Ríocht Aontaithe ná sna Stáit Aontaithe óna raibh teacht isteach san Aontas na dtráchtearraí éanlaithe clóis ar fionraí tar éis na ráigeanna sin.

(14)

Dá bhrí sin, ba cheart Iarscríbhinní V agus XIV a ghabhann le Rialachán Cur Chun Feidhme (AE) 2021/404 a leasú chun an staid eipidéimeolaíoch atá ann faoi láthair a chur san áireamh a mhéid a bhaineann leis an bhfliú éanúil ardphataigineach i gCeanada, sa Ríocht Aontaithe agus sna Stáit Aontaithe.

(15)

Agus an staid eipidéimeolaíoch atá ann faoi láthair i gCeanada, sa Ríocht Aontaithe agus sna Stáit Aontaithe á cur san áireamh a mhéid a bhaineann leis an bhfliú éanúil ardphataigineach agus an riosca tromchúiseach atá ann go dtabharfaí isteach san Aontas é, ba cheart éifeacht a bheith leis na leasuithe atá le déanamh leis an Rialachán seo ar Iarscríbhinní V agus XIV a ghabhann le Rialachán Cur Chun Feidhme (AE) 2021/404 mar ábhar práinne.

(16)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Thug an tAontas an Comhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (‘an Comhaontú Trádála agus Comhair’) i gcrích trí bhíthin Chinneadh (AE) 2021/689 ón gComhairle (1) agus tháinig sé i bhfeidhm an 1 Bealtaine 2021, tar éis é a bheith á chur i bhfeidhm go sealadach ón 1 Eanáir 2021.

(2)

De bhun Airteagal 778(1) den Chomhaontú Trádála agus Comhair, is cuid dhílis den chomhaontú sin na Prótacail agus na hIarscríbhinní a ghabhann leis. I gcomhréir le hAirteagal 783(3) den Chomhaontú Trádála agus Comhair, ón dáta ónar cuireadh an comhaontú sin i bhfeidhm go sealadach ar aghaidh, tá tagairtí do dháta a theacht i bhfeidhm le tuiscint mar thagairtí don dáta óna gcuirtear i bhfeidhm go sealadach é.

(3)

Le hAirteagal 8(4)(c) den Chomhaontú Trádála agus Comhair, cumhachtaítear don Choiste Speisialaithe um Chomhordú Slándála Sóisialta (‘an Coiste Speisialaithe’) cinntí, lena n-áirítear leasuithe, agus moltaí a ghlacadh i leith na n-ábhar uile a bhfuil foráil sa chomhaontú seo maidir leo. I gcomhréir le hAirteagal 10(1) den Chomhaontú Trádála agus Comhair, tá na cinntí a bheidh glactha ag an gcoiste ina gceangal ar na Páirtithe.

(4)

De bhun Airteagal SSCI.53(2) den Phrótacal maidir le Comhordú Slándála Sóisialta a ghabhann leis an gComhaontú Trádála agus Comhair (‘an Prótacal’), tá an t-ús ar íocaíochtaí déanacha le ríomh ar bhonn an ráta tagartha a chuireann an institiúid airgeadais arna hainmniú chun na críche sin ag an gCoiste Speisialaithe i bhfeidhm maidir lena príomhoibríochtaí athmhaoiniúcháin.

(5)

In go leor forálacha, amhail Airteagail SSC.6(a), SSC.19(1), SSC.26, SSC.47 agus SSC.64, SSCI.22(4) agus (5), SSCI.23(7), SSCI.56, SSCI.57, SSCI.62 agus SSCI.64 den Phrótacal, tá cásanna inar gá, chun sochar nó ranníocaíocht a íoc, a ríomh nó a athríomh, nó chun críoch fritháirimh agus chun críocha na nósanna imeachta aisghabhála, an ráta malairte a chinneadh.

(6)

De bhun Airteagal SSCI.73 den Phrótacal, chun críocha an Phrótacail agus Iarscríbhinn SSC-7 a ghabhann leis, is é an ráta malairte idir dhá airgeadra an ráta tagartha a fhoilsíonn an institiúid airgeadais arna hainmniú chun na críche sin ag an gCoiste Speisialaithe. Is é an Coiste Speisialaithe a shocróidh an dáta atá le cur san áireamh chun an ráta malairte a chinneadh.

(7)

Cé go bhfuil na rialacha maidir le comhordú slándála sóisialta a leagtar síos sa Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (2), arna thabhairt i gcrích ag an Aontas trí bhithín Chinneadh (AE) 2020/135 ón gComhairle (3), scartha go dlíthiúil ó na rialacha a leagtar síos sa Chomhaontú Trádála agus Comhair, tugann an Coiste Speisialaithe dá aire gurbh fhearr úsáid a bhaint as an institiúid airgeadais chéanna le haghaidh an dá chomhaontú, chomh maith leis an dáta socraithe céanna atá le cur san áireamh chun an ráta malairte a chinneadh, toisc go seachnódh sé castachtaí do na hinstitiúidí slándála sóisialta a chuireann na comhaontuithe sin chun feidhme agus go maolódh sé an riosca earráidí.

(8)

Is iomchuí an seasamh atá le glacadh thar ceann an Aontais sa Choiste Speisialaithe a bhunú a mhéid a bhaineann leis an institiúid airgeadais a ainmniú chun fónamh mar thagairt chun an ráta úis le haghaidh íocaíochtaí déanacha agus an ráta malairte le haghaidh comhshó airgeadra a chinneadh chomh maith leis an dáta atá le cur san áireamh chun rátaí comhshó airgeadra a chinneadh, ós rud é go mbeidh an cinneadh atá beartaithe ceangailteach ar an Aontas,

(1)

I gcomhréir le hAirteagal 6(4) de Threoir (AE) 2019/904 ó Pharlaimint na hEorpa agus ón gComhairle (2), táirgí plaisteacha aon úsáide dá dtagraítear in Airteagal 6(1) den Treoir sin atá i gcomhréir le caighdeáin chomhchuibhithe nó le codanna díobh, caighdeáin ar foilsíodh a dtagairtí in Iris Oifigiúil an Aontais Eorpaigh, glactar leis go bhfuil siad i gcomhréir leis na ceanglais a leagtar amach in Airteagal 6(1) den Treoir sin a chumhdaítear leis na caighdeáin sin nó le codanna díobh.

(2)

Le Cinneadh Cur Chun Feidhme C(2020) 7244 ón gCoimisiún (3), rinne an Coimisiún iarraidh ar an gCoiste Eorpach um Chaighdeánú (CEN) caighdeán comhchuibhithe nua a dhréachtú maidir le coimeádáin dí phlaisteacha aon úsáide áirithe a bhfuil toilleadh suas le trí lítear iontu agus a bhfuil caipíní agus cláir déanta as plaisteach acu, chun tacú le hAirteagal 6(1) de Threoir (AE) 2019/904.

(3)

Ar bhonn na hiarrata a leagtar amach i gCinneadh Cur Chun Feidhme C(2020) 7244, dhréachtaigh CEN an caighdeán comhchuibhithe nua EN 17665:2022+A1:2023.

(4)

I gcomhar le CEN, rinne an Coimisiún measúnú ar an gcaighdeán a dhréachtaigh CEN féachaint an caighdeán é a chomhlíonann an iarraidh a leagtar amach i gCinneadh Cur Chun Feidhme C(2020) 7244.

(5)

Comhlíonann caighdeán comhchuibhithe EN 17665:2022+A1:2023 na ceanglais is aidhm dó a chumhdach agus a leagtar amach i dTreoir (AE)/2019/904. Dá bhrí sin is iomchuí an tagairt don chaighdeán sin a fhoilsiú in Iris Oifigiúil an Aontais Eorpaigh.

(6)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart an Cinneadh seo a theacht i bhfeidhm ar dháta a fhoilsithe,

(1)

I gcomhréir le Cinneadh (AE) 2022/2512, is gá liosta a tharraingt suas de na doiciméid taistil de chuid Chónaidhm na Rúise a eisítear i réigiúin nó i gcríocha na hÚcráine nó do dhaoine a bhfuil cónaí orthu i réigiúin nó i gcríocha na hÚcráine atá faoi fhorghabháil ag Cónaidhm na Rúise nó i gcríocha scarúnaíocha sa tSeoirsia nach raibh faoi rialú rialtas na Seoirsia an 22 Nollaig 2022, ar doiciméid iad nár cheart glacadh leo mar dhoiciméid taistil bhailí chun víosa a eisiúint i gcomhréir le Rialachán (CE) Uimh. 810/2009 ó Pharlaimint na hEorpa agus ón gComhairle (2) agus chun na teorainneacha seachtracha a thrasnú i gcomhréir le Rialachán (AE) 2016/399 ó Pharlaimint na hEorpa agus ón gComhairle (3).

(2)

Ba cheart a áirithiú leis an liosta go mbeidh faisnéis chruinn chothrom le dáta ar fáil d’údaráis na mBallstát atá freagrach as iarratais ar víosaí a phróiseáil agus as seiceálacha teorann a dhéanamh maidir leis na doiciméid taistil nár cheart glacadh leo i gcomhréir le Cinneadh (AE) 2022/2512. Is é is cuspóir don liosta a áirithiú go ndéanfar acquis an Aontais a chur i bhfeidhm go aonfhoirmeacha maidir leis na víosaí agus na seiceálacha a bhfuil daoine atá ag trasnú teorainneacha seachtracha faoina réir.

(3)

An 18 Márta 2014, tar éis do Chónaidhm na Rúise Poblacht Fhéinrialaitheach na Crimé agus cathair Sevastopol a ionghabháil go neamhdhleathach, shínigh Uachtarán Chónaidhm na Rúise an Conradh um ionghabháil. Dá bhrí sin, ba cheart na doiciméid taistil arna n-eisiúint i bPoblacht Fhéinrialaitheach na Crimé agus i gcathair Sevastopol nó do chónaitheoirí Phoblacht Fhéinrialaitheach na Crimé agus chathair Sevastopol tar éis an 18 Márta 2014 a bheith ar an liosta sin.

(4)

An 24 Aibreán 2019, trí Fhoraithne Uimh. 183 ó Uachtarán Chónaidhm na Rúise, rinne Cónaidhm na Rúise simpliú ar an nós imeachta do chónaitheoirí na réigiún Donetsk agus Luhansk na hÚcráine nach bhfuil faoi rialú rialtais chun saoránacht Rúiseach a fháil, lena n-áirítear an nós imeachta maidir le pasanna idirnáisiúnta Rúiseacha a eisiúint do na cónaitheoirí sin. Dá bhrí sin, ba cheart na doiciméid taistil arna n-eisiúint i réigiún Donetsk agus i réigiún Luhansk nó do chónaitheoirí réigiún Donetsk agus réigiún Luhansk tar éis an 24 Aibreán 2019 a bheith ar an liosta sin.

(5)

An 25 Bealtaine 2022 leathnaigh Cónaidhm na Rúise an nós imeachta simplithe maidir le saoránacht Rúiseach a fháil chun na réigiúin Kherson agus Zaporizhzhia a chuimsiú. An 11 Iúil 2022, leathnaigh an Rúis an pasúchán chun críoch iomlán na hÚcráine a chuimsiú ionas go bhféadfadh saoránaigh uile na hÚcráine saoránacht Rúiseach a éileamh agus pas Rúiseach a fháil tríd an nós imeachta simplithe. Ar bhonn fhoraithne an 11 Iúil 2022, eisíodh doiciméid taistil de chuid na Rúise i réigiún Kharkiv ón 1 Lúnasa 2022 i leith. Rinne an Úcráin formhór réigiún Kharkiv a saoradh an 9 Meán Fómhair 2022. D’fhéadfadh doiciméid taistil de chuid na Rúise arna n-eisiúint sa réigiún sin a bheith i gcúrsaíocht. Dá bhrí sin, na doiciméid taistil arna n-eisiúint i réigiún Kherson agus i réigiún Zaporizhzhia nó do chónaitheoirí réigiún Kherson agus réigiún Zaporizhzhia tar éis an 25 Bealtaine 2022 agus i réigiún Kharkiv nó do chónaitheoirí réigiún Kharkiv tar éis an 1 Lúnasa 2022, ba cheart na doiciméid taistil sin a bheith ar an liosta sin.

(6)

An 26 Lúnasa 2008 chinn Uachtarán Chónaidhm na Rúise go dtabharfadh an Rúis aitheantas foirmiúil don Abcáis agus don Oiséit Theas mar stáit neamhspleácha. Dá bhrí sin, ba cheart na doiciméid taistil arna n-eisiúint san Abcáis agus san Oiséit Theas nó do chónaitheoirí na hAbcáise agus na hOiséite Theas tar éis an 26 Lúnasa 2008 a bheith ar an liosta sin.

(7)

Tír nó eintiteas a bheith ar an liosta, níor cheart glacadh leis go dtugann sé sin le tuiscint go dtugann Ballstát amháin nó níos mó aitheantas faoin dlí idirnáisiúnta don tír nó don eintiteas sin.

(8)

Ós rud é go gcuireann Cinneadh (AE) 2022/2512 le acquis Schengen, i gcomhréir le hAirteagal 4 de Phrótacal Uimh. 22 maidir le seasamh na Danmhairge, prótacal atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, thug an Danmhairg fógra faoi chur chun feidhme Chinneadh (AE) 2022/2512 ina dlí náisiúnta. Dá bhrí sin, tá sé de cheangal ar an Danmhairg faoin dlí idirnáisiúnta an Cinneadh seo a chur chun feidhme.

(9)

Is é atá sa Chinneadh seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (4); dá bhrí sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(10)

Maidir leis an Íoslainn agus an Iorua, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá Stát sin le acquis Schengen (5) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointí A agus B de Chinneadh 1999/437/CE ón gComhairle (6).

(11)

Maidir leis an Eilvéis, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen (7) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointí A agus B de Chinneadh 1999/437/CE arna léamh i gcomhar le hAirteagal 3 de Chinneadh 2008/146/CE ón gComhairle (8).

(12)

Maidir le Lichtinstéin, is é atá sa Chinneadh seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen (9) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointí A agus B de Chinneadh 1999/437/CE arna léamh i gcomhar le hAirteagal 3 de Chinneadh 2011/350/AE ón gComhairle (10).

(13)

Maidir leis an gCipir, leis an mBulgáir agus leis an Rómáin, is é atá sa Chinneadh seo gníomh atá ag cur le acquis Schengen nó atá gaolmhar leis ar dhóigh eile, de réir bhrí Airteagal 3(2) d’Ionstraim Aontachais 2003, Airteagal 4(2) d’Ionstraim Aontachais 2005 agus Airteagal 4(2) d’Ionstraim Aontachais 2011 faoi seach, maidir le víosaí a eisiúint i gcomhréir le Rialachán (CE) Uimh. 810/2009, dá dtagraítear i bpointe (a) d’Airteagal 1 de Chinneadh (AE) 2022/2512, de bhrí gurb é atá ann gníomh atá ag cur le acquis Schengen nó atá gaolmhar leis ar dhóigh eile, de réir bhrí Airteagal 3(1) d’Ionstraim Aontachais 2003 agus Airteagal 4(1) d’Ionstraim Aontachais 2005 faoi seach, maidir le trasnú na dteorainneacha seachtracha i gcomhréir le Rialachán (AE) 2016/399 dá dtagraítear i bpointe (b) d’Airteagal 1 de Chinneadh (AE) 2022/2512.

(14)

Chun go bhféadfar na bearta dá bhforáiltear i gCinneadh (AE) 2022/2512 a chur i bhfeidhm go pras agus go haonfhoirmeach, agus i ngeall ar an staid éigeandála i réigiúin agus i gcríocha san Úcráin atá faoi fhorghabháil ag an Rúis agus i gcríocha scarúnaíocha sa tSeoirsia freisin, ba cheart an Cinneadh seo a theacht i bhfeidhm ar bhonn práinne an lá tar éis lá a fhoilsithe in Iris Oifigiúil an Aontais Eorpaigh.