(1)

Tá lucht saothair oilte ríthábhachtach chun aistrithe glasa agus digiteacha atá cothrom agus cóir ar bhonn sóisialta a áirithiú, agus chun iomaíochas agus athléimneacht inbhuanaithe an Aontais a neartú i bhfianaise suaití seachtracha díobhálacha amhail paindéim COVID-19 nó iarmhairtí chogadh foghach na Rúise i gcoinne na hÚcráine. Le scileanna níos oiriúnaí agus níos comhoiriúnaí, cruthaítear deiseanna nua agus cumhachtaítear do dhaoine aonair páirt iomlán a ghlacadh i margadh an tsaothair, sa tsochaí agus sa daonlathas, leas a bhaint as na deiseanna a bhaineann leis na haistrithe glasa agus digiteacha, agus tairbhiú díobh agus a gcearta a fheidhmiú.

(2)

Ar fud an Aontais, tuairiscíonn fostóirí go bhfuil sé deacair oibrithe a fháil ag a bhfuil na scileanna is gá. D’aithin an tÚdarás Eorpach Saothair, ina thuarascáil dar teideal ‘Report on labour shortages and surpluses’ (‘Tuarascáil maidir le ganntanais agus barrachais sa lucht saothair’], agus Gníomhaireacht an Aontais Eorpaigh um Chibearshlándáil, ina thuarascáil dar teideal ‘Cybersecurity skills development in the EU’ (‘Forbairt scileanna cibearshlándála san Aontas’], go raibh 28 ngairm mar ghairm ina raibh ganntanas scileanna in 2021, lena n-áirítear sna hearnálacha cúraim sláinte, fáilteachais, tógála agus seirbhíse, agus sainaithníodh ganntanas speisialtóirí TF agus slándála, go háirithe saineolaithe cibearshlándála, agus oibrithe a bhfuil cúlra eolaíochta, teicneolaíochta, innealtóireachta agus matamaitice. De réir a chéile, is é an srian is mó ar aistrithe glasa agus digiteacha rathúla an easpa oibrithe a bhfuil na scileanna cearta acu. D’fhéadfadh ganntanas lucht saothair, i gcásanna áirithe, a bheith mar thoradh ar phoist neamhtharraingteacha agus ar dhrochdhálaí oibre. Tá sé tábhachtach dul i ngleic leis na saincheisteanna sin, trí thairiscintí post ar ardchaighdeán agus trí bheartais choinneála, ar mhaithe le margadh saothair dea-fheidhmiúil. I roinnt mhaith Ballstát, meastar go gcuirfear dlús le haosú déimeagrafach sa deacáid amach romhainn de réir mar a rachaidh glúin an ‘bhabaíbhorrtha’ ar scor, rud a threiseoidh an gá atá le leas iomlán a bhaint as acmhainneacht iomlán na ndaoine fásta uile atá in aois oibre, beag beann ar a mbunadh, trí infheistíochtaí leanúnacha a dhéanamh ina gcuid scileanna chomh maith le níos mó daoine a ghníomhachtú, go háirithe mná agus daoine óga, go háirithe iad siúd nach bhfuil i mbun fostaíochta, oideachais ná oiliúna (NEETanna) toisc go bhfuil dúshláin shonracha roimh na grúpaí sin a chuireann bac ar a rannpháirtíocht i margadh an tsaothair. Chuideodh straitéisí éifeachtúla cuimsitheacha scileanna agus rochtain mhéadaithe ar dheiseanna oideachais agus oiliúna do ghrúpaí faoi mhíbhuntáiste agus comhrac in aghaidh steiréitíopaí, go háirithe steiréitíopaí inscne, le fostaíocht a mhéadú agus le ganntanas scileanna a laghdú. D’fhonn aistriú atá cothrom agus cuimsitheach go sóisialta a áirithiú, is féidir bearta den sórt sin a chomhlánú le réitigh do dhaoine nach bhfuil in ann athsciliú agus uas-sciliú.

(3)

Tá infhaighteacht foirne oilte agus bainisteoirí a bhfuil taithí acu, agus a mbíonn ról riachtanach acu i bhfás inbhuanaithe an Aontais, fós ar an bhfadhb is tromchúisí don cheathrú cuid de 25 mhilliún fiontar beag agus meánmhéide (FBManna) de chuid an Aontais, arb iad cnámh droma gheilleagar agus rathúnas an Aontais iad, arb ionann iad agus 99 % de na gnólachtaí uile agus a fhostaíonn 83 mhilliún duine. Aithnítear sa teachtaireacht ón gCoimisiún an 10 Márta 2020 dar teideal ‘Straitéis FBM d’Eoraip inbhuanaithe digiteach’ an ról fíor-riachtanach atá ag FBManna maidir le hiomaíochas agus rathúnas an Aontais.

(4)

De dheasca easpa lucht saothair atá oilte go leormhaith agus ráta íseal rannpháirtíochta i ngníomhaíochtaí oiliúna daoine fásta in aois oibre, laghdaítear deiseanna i margadh an tsaothair agus a fhágann go mbíonn neamhionannais shóisialta agus eacnamaíocha ann ar dúshlán mór don Aontas iad. Léiríonn an easpa lucht saothair atá oilte go leormhaith agus ráta íseal rannpháirtíochta i ngníomhaíochtaí oiliúna an acmhainneacht neamhshaothraithe shuntasach atá ann maidir le hathsciliú agus uas-sciliú chun cuidiú le maolú a dhéanamh ar ghanntanais lucht saothair atá ag méadú in earnálacha amhail an mhonaraíocht agus seirbhísí, agus go háirithe i ngníomhaíochtaí eacnamaíocha a bhaineann le fáilteachas agus monarú trealaimh ríomhaireachta agus leictreonaigh, agus earnáil an chúraim. Mar sin féin, níor tháinig aon mhéadú ar rannpháirtíocht san fhoghlaim aosach san Aontas le deacáid anuas agus níor éirigh le 21 Bhallstát sprioc 2020 an Aontais a bhaint amach. I gcás go leor daoine fásta in aois oibre, amhail iad siúd atá i gcineálacha oibre neamhthipiciúla, fostaithe FBManna, daoine dífhostaithe, daoine neamhghníomhacha agus daoine ar bheagán scileanna, is rómhinic nach mbíonn deiseanna forbartha scileanna le fáil acu. Trí na deiseanna athscilithe agus uas-scilithe do na grúpaí sin agus do gach duine fásta in aois oibre a mhéadú, rannchuideofaí freisin le sprioc fostaíochta an Aontais 78 % a bhaint amach le haghaidh daoine fásta idir 20 agus 64 bliana d’aois arbh é 73,1 % an ráta fostaíochta dóibh in 2021 Tá gá le tuilleadh iarrachtaí chun tacaíocht éifeachtach a chur ar fáil do dhaoine fásta a bhfuil leibhéal íseal scileanna acu agus do dhaoine dífhostaithe i gcomhréir leis na moltaí ón gComhairle an 19 Nollaig 2016 maidir le conairí uas-scilithe: deiseanna nua do dhaoine fásta (3) agus moltaí an 15 Feabhra 2016 maidir le daoine atá dífhostaithe go fadtéarmach a lánpháirtiú i margadh an tsaothair (4).

(5)

Sonraítear i bprionsabal Uimh. 1 de Cholún Eorpach na gCeart Sóisialta (an ‘Colún’) go bhfuil an ceart ag cách ar oideachas, oiliúint agus foghlaim ar feadh an tsaoil ar ardchaighdeán agus cuimsitheach chun na scileanna atá acu a choinneáil agus chun scileanna nua a fháil a chuirfidh ar a gcumas a bheith rannpháirteach go hiomlán sa tsochaí agus athruithe ó phost go post sa mhargadh saothair a bhainistiú go rathúil. Déantar tagairt le Prionsabal Uimh. 4 den Cholún do thacaíocht ghníomhach don fhostaíocht, chun seasamh leis an gceart atá gach duine cúnamh tráthúil saincheaptha a fháil chun feabhas a chur ar a n-ionchais fostaíochta nó féinfhostaíochta, lena n-áirítear an ceart chun tacaíocht a fháil don oiliúint agus don athcháiliú. I bPrionsabal Uimh. 5 den Cholún maidir le fostaíocht shlán agus inoiriúnaithe, luaitear go bhfuil an ceart ag oibrithe, beag beann ar an gcineál caidrimh fostaíochta atá acu agus ar an bhfad atá an caidreamh sin ar bun, cóir chothrom chomhionann a fháil maidir le dálaí oibre, rochtain ar chosaint shóisialta agus oiliúint. In Airteagal 14(1) de Chairt um Chearta Bunúsacha an Aontais Eorpaigh (‘an Chairt’), sonraítear go bhfuil ag gach duine an ceart chun oideachais agus chun rochtain a fháil ar ghairmoiliúint agus ar oiliúint leanúnach.

(6)

Cuirtear i dtábhacht i bPrionsabal Uimh. 3 den Cholún go bhfuil ag gach duine, gan beann ar inscne, bunadh ciníoch nó eitneach, reiligiún nó creideamh, míchumas, aois nó gnéaschlaonadh, an ceart chun córa comhionainne agus chun deiseanna comhionanna, lena n-áirítear fostaíocht, oideachas agus oiliúint. Ba cheart Bliain Eorpach na Scileanna a chur chun feidhme ar bhealach atá cuimsitheach agus a chuireann comhionannas do chách chun cinn go gníomhach. Tugtar le fios i bPlean Gníomhaíochta Cholún Eorpach na gCeart Sóisialta, arna ghlacadh ag an gCoimisiún sa teachtaireacht uaidh an 4 Márta 2021, gur féidir fás fostaíochta níos cuimsithí a bhaint amach trí rannpháirtíocht na ngrúpaí sin atá faoi ghannionadaíocht faoi láthair a mhéadú.

(7)

Sa teachtaireacht ón gCoimisiún an 1 Iúil 2020 dar teideal ‘Clár Oibre Scileanna don Eoraip don iomaíochas inbhuanaithe, don chothroime shóisialta agus don athléimneacht’ (‘An Clár Oibre Scileanna don Eoraip’), iarrtar go mbeidh réabhlóid scileanna ann chun téarnamh an gheilleagair a áirithiú, iomaíochas domhanda agus cothroime shóisialta na hEorpa a neartú agus chun deiseanna a thapú sna haistrithe glasa agus digiteacha do chách. Is é is aidhm don Chlár Oibre Scileanna don Eoraip gníomhaíocht chomhchoiteann maidir le scileanna a chothú, a áirithiú go bhfuil ábhar na hoiliúna ailínithe leis na riachtanais sa mhargadh saothair atá ag síorathrú, agus deiseanna oiliúna a mheaitseáil ar bhealach níos fearr le toilmhianta daoine chun glacadh deiseanna oiliúna den sórt sin a spreagadh ar fud an daonra atá in aois oibre. Ba dhíol sásaimh do Pharlaimint na hEorpa cuspóirí agus gníomhaíochtaí an Chláir Oibre Scileanna don Eoraip i Rún uaithi an 11 Feabhra 2021 (5).

(8)

An 25 Meitheamh 2021, ba dhíol sásaimh don Chomhairle Eorpach, ina cuid conclúidí, príomhspriocanna an Aontais de Phlean Gníomhaíochta Cholún Eorpach na gCeart Sóisialta, i gcomhréir le Dearbhú Porto an 8 Bealtaine 2021, agus ar an gcaoi sin an sprioc a áirithiú, faoi 2030, gurb é 78 % ar a laghad an ráta fostaíochta agus go mbeidh ar a laghad 60 % de na daoine fásta uile rannpháirteach san oiliúint gach bliain.

(9)

An 14 Meán Fómhair 2022, d’fhógair Uachtarán an Choimisiúin ina hAitheasc ar Staid an Aontais go mbeartódh an Coimisiún go ndéanfaí Bliain Eorpach na Scileanna de 2023. Tharraing sí aird ar fhadhb na nganntanas lucht saothair in earnálacha áirithe agus chuir sí i dtábhacht a thábhachtaí atá infheistíochtaí san oideachas gairmiúil agus san uas-sciliú. Chuir sí i dtábhacht freisin nach mór na scileanna cearta a mhealladh chun an Aontais mar chuid den réiteach, arna thacú le haitheantas na gcáilíochtaí do náisiúnaigh tríú tír a bhrostú agus a éascú. Trí bhíthin Bhliain Eorpach na Scileanna, féachann an Coimisiún leis an móiminteam a mhéadú agus cur chun feidhme an iliomad gníomhaíochtaí atá déanta aige cheana féin a chothú chun athsciliú agus uas-sciliú san Aontas a neartú chun aghaidh a thabhairt ar ghanntanais sa mhargadh saothair. Tá Bliain Eorpach na Scileanna, trí bhíthin an athscilithe agus an uas-scilithe, ceaptha tacú le fás inbhuanaithe gheilleagar sóisialta margaidh an Aontais agus é mar aidhm léi borradh a chur faoina iomaíochas, agus cur le poist ar ardchaighdeán a chruthú.

(10)

An 15 Meán Fómhair 2021, d’fhógair Uachtarán an Choimisiúin ina haitheasc ar Staid an Aontais seoladh idirphlé struchtúrtha ar an leibhéal is airde chun gealltanais maidir le scileanna digiteacha agus oideachas digiteach a neartú. Cheap na Ballstáit comhordaitheoirí náisiúnta don phróiseas sin. Le Bliain Eorpach na Scileanna, cuirfear leis an bpróiseas idirphlé struchtúrtha sin, tríd an mbéim a leagtar inti a leathnú i gcomhréir le cuspóirí an Chinnidh seo.

(11)

Tagann Bliain Eorpach na Scileanna sna sála ar Bhliain Eorpach na hÓige 2022 a rinne iarracht daoine óga a chumhachtú, onóir agus tacaíocht a thabhairt dóibh agus dul i dteagmháil leo, lena n-áirítear daoine óga a bhfuil níos lú deiseanna acu, le peirspictíocht iar-phaindéim COVID-19, d’fhonn tionchar fadtéarmach dearfach a bheith ann ar dhaoine óga. Leag Bliain Eorpach na hÓige 2022 béim freisin ar an tábhacht a bhaineann le scileanna chun fostaíocht ar ardchaighdeán a aimsiú do dhaoine óga agus chun a ndeiseanna fostaíochta a leathnú.

(12)

Trí mheoin athscilithe agus uas-scilithe a chur chun cinn ar fud an Aontais, is féidir le Bliain Eorpach na Scileanna tionchar dearfach níos leithne a imirt ar an tsochaí agus ar an daonlathas, ós rud é go gciallaíonn lucht saothair níos oilte freisin saoránaigh níos gníomhaí agus níos rannpháirtí. Tugann athsciliú agus uas-sciliú na scileanna is gá d’oibrithe chun tairbhe a bhaint as deiseanna fostaíochta ar chaighdeán níos fearr, chun feabhas a chur ar a ndea-bhail ag an obair, agus chun dul chun cinn a dhéanamh ina bhforbairt phearsanta agus ghairmiúil, agus ag an am céanna cuireann sé borradh faoi iomaíochas an gheilleagair agus rannchuidíonn sé le poist ar ardchaighdeán a chruthú.

(13)

Ós rud é gur fearr a thuigeann fostóirí, oibrithe, ionadaithe fostóirí agus oibrithe, comhpháirtithe sóisialta náisiúnta, Eorpacha agus idirnáisiúnta, comhlachais tráchtála agus páirtithe leasmhara eile cad iad na scileanna atá ag teastáil ina n-éiceachórais thionsclaíocha, ní mór a ngníomhaíocht chomhchoiteann maidir le forbairt scileanna a neartú mar chuid den réiteach. Mar sin tá ról tábhachtach ag an idirphlé sóisialta maidir le riachtanais scileanna i margadh an tsaothair a thuar. Leis an gComhshocrú um Scileanna arna sheoladh ag an gCoimisiún in 2020 mar an chéad ghníomhaíocht faoin gClár Oibre Scileanna don Eoraip, tugtar le chéile fostóirí, na comhpháirtithe sóisialta, soláthraithe oideachais agus oiliúna, seirbhísí fostaíochta poiblí agus páirtithe leasmhara eile maidir le príomhscileanna, idir pháirtithe leasmhara príobháideacha agus pháirtithe leasmhara poiblí. Go dtí seo, tá níos mó ná 700 eagraíocht tar éis clárú leis an gComhshocrú um Scileanna agus bunaíodh 12 chomhpháirtíocht mhórscála in earnálacha straitéiseacha a thagann faoina réimse freagrachtaí, agus gheall siad go gcuirfidh siad 6 mhilliún deis oiliúna chun cinn. Baineann comhaltaí an Chomhshocraithe um Scileanna tairbhe as seirbhísí tiomnaithe chun torthaí nithiúla a bhaint amach. Tá tábhacht ag baint leis na gnéithe réigiúnacha agus áitiúla freisin, go háirithe i réigiúin teorann, áit a dteastaíonn bearta spriocdhírithe chun teacht ar oibrithe a bhfuil na scileanna cearta acu chun tacú le margaí saothair trasteorann éifeachtacha. Ar an gcaoi chéanna, tá dúshláin ar leith roimh limistéir atá faoi mhíbhuntáiste agus iargúlta, lena n-áirítear na réigiúin is forimeallaí, toisc go bhfuil rochtain ar mhargadh an tsaothair agus deiseanna athscilithe agus uas-scilithe teoranta.

(14)

Leis an Rún ón gComhairle an 26 Feabhra 2021 maidir le creat straitéiseach le haghaidh comhar Eorpach san oideachas agus san oiliúint i dtreo an Limistéir Eorpaigh Oideachais agus níos faide anonn (2021-2030) (6) bunaítear mar cheann de thosaíochtaí straitéiseacha an chreata ‘Foghlaim ar feadh an tsaoil agus an tsoghluaisteacht a chur i gcrích do chách’, mar aon le gníomhaíochtaí nithiúla arb é is aidhm dóibh scileanna fháil nó a nuashonrú, eadhon athsciliú agus uas-sciliú, le linn an tsaoil oibre.

(15)

Leis na Moltaí ón gComhairle an 16 Meitheamh 2022 maidir le cuntais foghlama aonair (7) agus cur chuige Eorpach maidir le micridhintiúir don fhoghlaim ar feadh an tsaoil agus don infhostaitheacht (8), cuidítear le daoine dul ar chonairí foghlama nó leanúint dá gconairí foghlama ar bhealach níos solúbtha agus níos spriocdhírithe. Leis an Rún ón gComhairle an 29 Samhain 2021 maidir le clár oibre Eorpach nua don fhoghlaim aosach 2021-2030 (9), cuirtear deiseanna foghlama foirmiúla, seachfhoirmiúla agus neamhfhoirmiúla chun cinn lena bhféadfar an t-eolas, na scileanna agus na hinniúlachtaí uile is gá a sholáthar chun Aontas a chruthú a bheidh cuimsitheach, inbhuanaithe, cóir go sóisialta agus níos athléimní. Leagtar béim ann ar fhoghlaim aosach mar chuid thábhachtach den fhoghlaim ar feadh an tsaoil. Tá an fhoghlaim, gairmthreoir ardcháilíochta agus deiseanna féinmheasúnaithe scileanna i measc na mbeart a theastaíonn chun tacú le daoine agus iad ar a gconairí foghlama.

(16)

Is é is aidhm do na beartais ghníomhacha neartaithe maidir leis an margadh saothair a mholtar sa Mholadh ón gCoimisiún an 4 Márta 2021 maidir le tacaíocht ghníomhach éifeachtach don Fhostaíocht tar éis ghéarchéim COVID-19 (EASE) (10) tacú le haistrithe chuig fostaíocht nua le linn an téarnaimh ó ghéarchéim COVID-19 agus meaitseáil níos fearr a dhéanamh ar scileanna i margadh an tsaothair, le tacaíocht ó sheirbhísí fostaíochta a bhfuil acmhainneacht riaracháin leordhóthanach acu.

(17)

Leis an Moladh ón gComhairle an 24 Samhain 2020 maidir leis an ngairmoideachas agus leis an ngairmoiliúint don iomaíochas inbhuanaithe, don chothroime shóisialta agus don athléimneacht (11), tacaítear le nuachóiriú na gcóras gairmoideachais agus gairmoiliúna chun an t-eolas, na scileanna agus na hinniúlachtaí a theastaíonn ó dhaoine óga agus ó dhaoine fásta a thabhairt dóibh ionas go mbeidh rath orthu sa mhargadh saothair agus sa tsochaí atá ag síorathrú, chun bainistiú a dhéanamh ar an téarnamh agus ar na haistrithe córa chuig an ngeilleagar glas agus digiteach, tráth an athraithe dhéimeagrafaigh agus le linn na dtimthriallta eacnamaíocha uile. Cuireann sé gairmoideachas agus gairmoiliúint chun cinn mar spreagadh féideartha don nuálaíocht agus don fhás, rud atá solúbtha ó thaobh athruithe sa mhargadh saothair de lena gcuirtear scileanna ar fáil do ghairmeacha ar éileamh ard agus chun cuimsitheacht agus comhdheiseanna a chothú. Tá sé riachtanach go méadófaí tarraingteacht an ghairmoideachais agus na gairmoiliúna trí bhíthin feachtais chumarsáide agus for-rochtana, trí ionaid barr feabhais gairme, trí éiceachórais speisialta do ghairmoideachas agus gairmoiliúint, agus trí chomórtais scileanna, amhail Euroskills.

(18)

Beidh scileanna le haghaidh an aistrithe ghlais agus athsciliú agus uas-sciliú an lucht saothair ag teastáil i gcomhthéacs an aistrithe chuig geilleagar nua-aimseartha, atá tíosach ar acmhainní, ciorclach, cuimsitheach, athléimneach agus iomaíoch, mar a leagtar amach sa teachtaireacht ón gCoimisiún an 11 Nollaig 2019 dar teideal ‘an Comhaontú Glas don Eoraip’, lena leagtar síos an bealach i dtreo aeráidneodrachta don Aontais faoi 2050. Aithnítear sa teachtaireacht ón gCoimisiún an 14 Iúil 2021 dar teideal ‘Oiriúnach do 55: sprioc aeráide an Aontais do 2030 i dtreo aeráidneodracht a bhaint amach’ nach n-éireoidh leis an aistriú glas ach amháin má tá an lucht saothair oilte is gá ag an Aontas chun a bheith iomaíoch i rith an ama agus tugann sé aird ar ghníomhaíochtaí suaitheanta an Chláir Oibre Scileanna don Eoraip chun na scileanna is gá do na haistrithe glasa agus digiteacha a thabhairt do dhaoine.

(19)

Chun aistrithe glasa agus digiteacha leanúnach thionscal an Aontais agus na riachtanais ghaolmhara sa mhargadh saothair a bhaint amach, ní mór infheistíocht a dhéanamh chun córais láidre VET a fhorbairt ar fud an Aontais, agus scileanna agus inniúlachtaí réitigh fadhbanna le haghaidh teicneolaíochtaí nua á gcur chun cinn, amhail táirgeadh agus innealra cliste, róbataic sofaisticiúil, néalríomhaireacht, intleacht shaorga, próiseáil sonraí agus Idirlíon na Rudaí Nithiúla.

(20)

Tá méadú ag teacht ar úsáid uirlisí agus teicneolaíochtaí digiteacha i ngach réimse den saol agus is féidir léi deighilt dhigiteach a chruthú. Tá scileanna digiteacha ríthábhachtach ní hamháin le haghaidh rannpháirtíocht i margadh an tsaothair, ach le haghaidh cáilíocht saoil agus aosú gníomhach freisin. San Aontas, tá leibhéal bunúsach eolais dhigitigh de dhíth i gcomhair níos mó ná 90 % de na róil ghairmiúla, agus níl bunscileanna digiteacha ag thart ar 42 % de shaoránaigh an Aontais, 37 % d’oibrithe san áireamh. Bunaítear le Cinneadh (AE) 2022/2481 ó Pharlaimint na hEorpa agus ón gComhairle (12) an cuspóir a áirithiú go mbeidh bunscileanna digiteacha ar a laghad ag 80 % de dhaonra an Aontais faoi 2030, agus leagtar síos sprioc de 20 milliún saineolaí teicneolaíochta faisnéise agus cumarsáide (TFC) a bheith fostaithe faoi 2030, agus é mar aidhm aige cóineasú inscne a bhaint amach freisin. Sa teachtaireacht ón gCoimisiún an 17 Eanáir 2018 maidir leis an bPlean Gníomhaíochta don Oideachas Digiteach, leagtar béim freisin ar an easpa acmhainneachta atá ag cláir speisialaithe oideachais agus oiliúna chun oiliúint a chur ar shaineolaithe breise TFC. Thairis sin, i dteachtaireacht uaidh an 30 Meán Fómhair 2020 leag an Coimisiún béim sa Phlean Gníomhaíochta don Oideachas Digiteach 2021-2027 ar an ngá atá le modhanna teicneolaíochta a úsáid chun inrochtaineacht deiseanna foghlama a éascú agus chun solúbthacht na ndeiseanna foghlama a neartú, lena n-áirítear athsciliú agus uas-sciliú.

(21)

Sa teachtaireacht ón gCoimisiún an 5 Bealtaine 2021 dar teideal ‘Straitéis Nua Tionsclaíochta 2020 a thabhairt cothrom le dáta: Margadh Aonair níos láidre a fhorbairt do théarnamh na hEorpa’ iarrtar go ngníomhófaí go cinntitheach chun foghlaim ar feadh an tsaoil a chur i gcrích do chách agus chun a áirithiú go mbeidh an t-oideachas agus an oiliúint bord ar bhord leis na haistrithe glasa agus digiteacha agus go gcuideoidh siad leis na haistrithe sin a bhaint amach. Cuirtear i bhfios go láidir ann go bhfuil lucht saothair oilte ríthábhachtach chun a áirithiú go mbeidh rath ar na haistrithe sin, chun tacú le hiomaíochas thionscal an Aontais, agus le poist ar ardchaighdeán a chruthú. Ina theannta sin, aithnítear ann a thábhachtaí atá comhpháirtíochtaí láidre idir an tAontas, na Ballstáit, na comhpháirtithe sóisialta agus páirtithe leasmhara ábhartha eile agus comhar idir éiceachórais thionsclaíocha agus laistigh díobh. Sa teachtaireacht ón gCoimisiún an 9 Nollaig 2021 dar teideal ‘Geilleagar a thógáil a fhóireann do dhaoine: i bplean gníomhaíochta don gheilleagar sóisialta’, cuirtear i bhfios go láidir gur féidir ról cinntitheach a bheith ag an ngeilleagar sóisialta ós rud é gur tacaí tábhachtach é d’aistrithe glasa agus digiteacha atá cothrom go sóisialta agus cuimsitheach agus mar phríomhspreagadh don nuálaíocht shóisialta, lena n-áirítear i réimse an athscilithe agus an uas-scilithe.

(22)

Trí náisiúnaigh tríú tír oilte a mhealladh, is féidir cuidiú le dul i ngleic le ganntanais scileanna agus lucht saothair an Aontais. Tá Treoir (AE) 2021/1883 ó Pharlaimint na hEorpa agus ón gComhairle (13) ar cheann de na príomhrudaí a baineadh amach chun tallann ardoilte a mhealladh i margadh an tsaothair. Sa teachtaireacht uaidh an 23 Meán Fómhair 2020 maidir le Comhaontú Nua maidir le hImirce agus Tearmann, leagann an Coimisiún béim láidir freisin ar imirce lucht saothair agus ar lánpháirtiú náisiúnach tríú tír. Sa chomhthéacs sin, is é is aidhm don teachtaireacht ón gCoimisiún an 27 Aibreán 2022 dar teideal ‘Scileanna agus tallann a mhealladh chuig an Aontas’ an creat dlíthiúil agus gníomhaíocht an Aontais sa réimse sin a threisiú. Moltar an Treoir 2003/109/CE ón gComhairle (14) agus Treoir 2011/98/AE ó Pharlaimint na hEorpa agus ón gComhairle (15) a athmhúnlú, d’fhonn na nósanna imeachta maidir le hoibrithe tríú tír de gach leibhéal scile a ligean isteach san Aontas a shimpliú, agus chun feabhas a chur ar a gcearta agus a gcosaint ar dhúshaothrú saothair. Leanfaidh an Coimisiún de Linn Tallann an Aontais Eorpaigh a chur i bhfeidhm ar bhonn céimnithe chun meaitseáil saothair a éascú le náisiúnaigh tríú tír agus tá sé ag obair chun comhpháirtíochtaí tallainne saincheaptha a sheoladh le príomhthíortha comhpháirtíochta sonracha chun borradh a chur faoi shoghluaisteacht idirnáisiúnta an lucht saothair agus faoi fhorbairt tallainne ar bhealach a rachaidh chun tairbhe don dá thaobh agus ar bhealach ciorclach. Ina theannta sin, leanann an tAontas de bheith ar thús cadhnaíochta maidir le ranníocaíochtaí don chistiú domhanda don oideachas, lena ndírítear go háirithe ar oiliúint múinteoirí, ar oideachas cailíní agus ar ghairmoideachas agus ar ghairmoiliúint. Tá an obair sin, faoi scáth na teachtaireachta comhpháirtí ón gCoimisiún agus ón Ardionadaí an 1 Nollaig 2021 maidir leis an ‘Global Gateway’, comhlántach le cuspóirí an togra seo.

(23)

Tá muinín as cáilíochtaí agus trédhearcacht cáilíochtaí, cibé acu a fuarthas na cáilíochtaí san Aontas nó i dtríú tír, ríthábhachtach chun a n-aitheantas a éascú. Is túsphointe iad uirlisí an Aontais, amhail an Creat Eorpach um Cháilíochtaí, Europass, an tAicmiú Eorpach Scileanna, Inniúlachtaí, Cáilíochtaí agus Gairmeacha (ESCO), Uirlis an Aontais Eorpaigh um Próifíliú Scileanna do Náisiúnaigh Tríú Tíortha, Dintiúir Dhigiteacha Eorpacha le haghaidh Foghlama, Tairseach EURES agus creataí inniúlachta ábhartha de chuid an Aontais chun cuidiú le trédhearcacht agus inchomparáideacht scileanna agus cáilíochtaí a mhéadú. I gcás margaí saothair dea-fheidhmiúla, ní mór scileanna a thuiscint agus a luacháil, cibé acu a fuarthas na scileanna i suíomhanna foirmiúla, seachfhoirmiúla nó neamhfhoirmiúla. Is céimeanna ríthábhachtacha iad sainaithint agus doiciméadacht scileanna a neartú tuilleadh, chomh maith le treoir chun scileanna a dhéanamh infheicthe, i dtreo thrédhearcacht agus iniomparthacht na scileanna uile, lena n-áirítear scileanna idirdhisciplíneacha amhail scileanna teanga, smaointeoireacht chriticiúil, fiontraíocht, cruthaitheacht, inniúlachtaí idirchultúrtha, obair foirne agus litearthacht sna meáin.

(24)

In go leor Ballstát, ní leor na hinfheistíochtaí poiblí agus príobháideacha san athsciliú agus san. Ní chuireann a lán gnóthas, go háirithe FBManna, oiliúint ar fáil dá bhfoireann ná ní mhaoiníonn na cuideachtaí oiliúint dóibh, agus tá níos lú rochtain nó easpa rochtana fiú ag daoine aonair a bhfuil obair neamhthipiciúil ar bun acu ar oiliúint arna hurrú ag fostóir. D’fhéadfadh neamhionannais den sórt sin an bonn a bhaint ó leas agus sláinte daoine aonair, iomaíochas eacnamaíoch a laghdú, deiseanna a scrios agus bacainní ar an nuálaíocht a chruthú agus d’fhéadfadh sé go bhfágfaí daoine áirithe chun deiridh sna haistrithe glasa agus digiteacha chuig gníomhaíochtaí eacnamaíocha níos inbhuanaithe. Tá sé tábhachtach d’iomaíochas na ngnóthas acmhainní a thiomnú chun a chinntiú go bhfuil fostaithe in ann oibriú leis na teicneolaíochtaí is déanaí. Tá gá le creat cumasúcháin lena ndéanfar infheistíochtaí airgeadais fostóirí i scileanna a scaoileadh agus a dhreasú agus lena dtabharfar infheictheacht do luach eacnamaíoch an athscilithe agus an uas-scilithe. Mar shampla, tá sé mar aidhm ag an bPacáiste Fóirithinte do FBManna rochtain ar mhaoiniú agus ar scileanna a éascú. Foráiltear le Treoir (AE) 2019/1152 ó Pharlaimint na hEorpa agus ón gComhairle (16) go bhfuil na Ballstáit le háirithiú, i gcás ina gceanglaítear ar fhostóir le dlí an Aontais nó leis an dlí náisiúnta nó le comhaontuithe comhchoiteanna oiliúint a chur ar fáil d’oibrithe chun go mbeidh siad in ann an obair dá bhfuil siad fostaithe a dhéanamh, go bhfuil an oiliúint sin le cur ar fáil saor in aisce do na hoibrithe, go bhfuil an oiliúint sin le háireamh mar am oibre agus, i gcás inar féidir, go bhfuil s í le déanamh le linn uaireanta oibre.

(25)

San am a chuaigh thart, chonaic an tAontas méaduithe móra ar na hinfheistíochtaí poiblí san oideachas agus san oiliúint tosaigh. Go dtí seo, áfach, níor tháinig méaduithe comhfhreagracha ar infheistíochtaí ná forbairt ar chur chuige iomlánaíoch chun tacú le forbairt leanúnach scileanna tríd an saol oibre ar fad. Iarrtar ar na Ballstáit sna conclúidí ón gComhairle an 8 Meitheamh 2020‘samhlacha a d‘fhéadfadh a bheith ann do mhaoiniú poiblí agus príobháideach don fhoghlaim ar feadh an tsaoil a scrúdú agus scileanna a fhorbairt ar leibhéal an duine aonair’, agus iarrtar ar an gCoimisiún tacú leis na Ballstáit sna hiarrachtaí sin.

(26)

Tá tacaíocht mhór airgeadais ar fáil ón Aontas chun athsciliú agus uas-sciliú a dhéanamh, cuir i gcás, trí Chiste Sóisialta na hEorpa Plus (CSE+), an tSaoráid Téarnaimh agus Athléimneachta (RRF), Ciste Forbraíochta Réigiúnaí na hEorpa, an Ciste um Aistriú Cóir, clár InvestEU (InvestEU), an Clár don Eoraip Dhigiteach, Erasmus+, Fís Eorpach, an Clár don Chomhshaol agus do Ghníomhú ar son na hAeráide (LIFE), an Ciste don Nuachóiriú agus an Ionstraim um Chomharsanacht, Forbairt agus Comhar Idirnáisiúnta - An Eoraip Dhomhanda. Is é CSE+ an phríomhuirlis chistiúcháin atá ag an Aontas i gcónaí lenar féidir infheistíocht a dhéanamh i níos mó scileanna agus i scileanna níos fearr atá ag an lucht saothair, go háirithe trí thacú le hinstitiúidí agus le seirbhísí measúnú a dhéanamh ar riachtanais agus ar dhúshláin scileanna agus iad a dhéanamh amach roimh ré, lena dtacaítear le deiseanna athscilithe agus uas-scilithe d’oibrithe a chuireann an earnáil phoiblí agus an earnáil phríobháideach ar fáil. Is é aidhm atá ag Ráthaíocht don Aos Óg go bhfaighidh daoine óga tairiscint mhaith fostaíochta, oideachas leanúnach, printíseacht nó cúrsa oiliúna laistigh de 4 mhí tar éis dóibh a bheith dífhostaithe nó an t-oideachas foirmiúil a fhágáil. Tá gné shuntasach scileanna ag baint le hathchóirithe agus le hinfheistíochtaí a áirítear i bpleananna náisiúnta téarnaimh agus athléimneachta na mBallstát faoi RRF, a bhfuil nasc aici go minic le beartais ghníomhacha maidir leis an margadh saothair, go háirithe tacaíocht don fhostaíocht le haghaidh daoine óga. Sna pleananna náisiúnta téarnaimh agus athléimneachta a d’fhormhuinigh an Coimisiún agus an Chomhairle go dtí seo, tá thart ar 20 % den chaiteachas sóisialta tiomnaithe do ‘fhostaíocht agus scileanna’.

(27)

Ba é an Cúnamh Téarnaimh don Chomhtháthú agus do Chríocha na hEorpa (REACT-EU) an chéad ionstraim den phacáiste tearnaimh NextGenerationEU chun íocaíochtaí a dhéanamh ar mhaithe le téarnamh na mBallstát. Chuidigh sé le poist a chruthú agus infheistíocht a dhéanamh i scileanna sna réigiúin is mó a bhí i ngátar. Oibrithe a chailleann a bpost mar gheall ar theagmhais athstruchtúraithe ar mhórscála, féadfaidh siad tairbhiú freisin de thacaíocht ón gCiste Eorpach um Choigeartú don Domhandú d’Oibrithe Iomarcacha chun poist nua a aimsiú, cuir i gcás trí oideachas agus oiliúint bhreise agus trí threoir ghairme agus comhairle shaincheaptha.

(28)

Aithnítear i Rialachán (AE) 2021/1056 ó Pharlaimint na hEorpa agus ón gComhairle (17) lena mbunaítear an Ciste um Aistriú Cóir gurb é atá in athsciliú agus uas-sciliú oibrithe agus cuardaitheoirí poist ionstraim a bhfuil gá léi chun aistriú glas atá cothrom agus cuimsitheach a áirithiú agus chun iarmhairtí díobhálacha an aistrithe sin a mhaolú. Sa mholadh ón gComhairle an 16 Meitheamh 2022 maidir le haistriú cothrom i dtreo na haeráidneodrachta a áirithiú (18), leagtar amach treoraíocht shonrach chun cuidiú leis na Ballstáit pacáistí beartais a cheapadh agus a chur chun feidhme maidir le gnéithe ábhartha fostaíochta agus sóisialta, lena n-áirítear beartais athscilithe agus uas-scilithe. Thairis sin, leis an moladh ón gComhairle an 16 Meitheamh 2022 maidir le foghlaim don aistriú glas agus don fhorbairt inbhuanaithe (19), cuirtear beartais agus cláir chun cinn chun a áirithiú go sealbhóidh foghlaimeoirí de gach aois an t-eolas agus na scileanna chun tairbhiú de mhargadh saothair atá ag athrú, chun maireachtáil go hinbhuanaithe agus chun gníomhú ar mhaithe le todhchaí inbhuanaithe.

(29)

Le InvestEU, faoina ionú infheistíochta sóisialta agus scileanna, tacaítear leis an éileamh ar scileanna agus le soláthar scileanna, agus feabhas á chur ar thacair scileanna nó úsáid scileanna faighteoirí deiridh agus margaí infheistíochta scileanna á gcothú. Le InvestEU, tacaítear freisin le hinfheistíochtaí ginearálta san oideachas, san oiliúint agus i seirbhísí gaolmhara. Ina theannta sin, leis an scéim um aistriú cóir faoi InvestEU, tacaítear le hinfheistíochtaí, lena n-áirítear na hinfheistíochtaí sin atá dírithe ar thacú le hathsciliú agus uas-sciliú oibrithe, i réigiúin atá faoi réir plean formheasta um aistriú cóir, i gcomhréir le Rialachán (AE) 2021/1056, agus tionscadail a théann chun tairbhe do na réigiúin sin, ar choinníoll go bhfuil siad ríthábhachtach maidir le haistrithe glasa agus digiteacha na gcríoch sin.

(30)

Le saineolas saincheaptha tríd an Ionstraim um Thacaíocht Theicniúil de chuid an Choimisiúin, is féidir cuidiú leis na Ballstáit athchóirithe a dhéanamh atá nasctha le straitéisí náisiúnta nó réigiúnacha maidir le scileanna, rud a fhágann go dtiocfaidh feabhas marthanach ar na deiseanna athscilithe agus uas-scilithe atá ar fáil ó chistí sealadacha an Aontais. Is féidir leis an bhfoghlaim fhrithpháirteach, arna éascú ag an gCoimisiún, tacú leis an bpróiseas freisin.

(31)

Is é is aidhm don Teachtaireacht ón gCoimisiún an 3 Márta 2021 dar teideal ‘An tAontas Comhionannais: Straitéis maidir le Cearta Daoine faoi Mhíchumas 2021-2030’ go mbeidh daoine faoi mhíchumas rannpháirteach go hiomlán sa tsochaí, ar bhonn comhionann le daoine eile san Aontas agus i dtríú tíortha, agus tacú le cur chun feidhme Choinbhinsiún na Náisiún Aontaithe ar Chearta Daoine atá faoi Mhíchumas. Laistigh den straitéis a mholtar, geallann an Coimisiún Eorpach go n-áiritheoidh sé gur féidir le daoine faoi mhíchumas páirt a ghlacadh in oiliúint agus scileanna nua a fhoghlaim, mar riachtanas bunúsach le haghaidh fostaíochta agus neamhspleáchais.

(32)

Ar leibhéal an Aontais, dhéanfaí an leithdháileadh airgeadais is gá chun an Cinneadh seo a chur chun feidhme a shainaithint laistigh de bhuiséad na gclár ranníocaíochta i gcomhréir le creataí airgeadais ilbhliantúla 2014-2020 agus 2021-2027. Gan dochar do chumhachtaí Pharlaimint na hEorpa agus na Comhairle mar údarás buiséadach, ba cheart gurb é an aidhm a bheadh ann cistiú EUR 9,3 milliún ar a laghad le haghaidh costais oibríochtúla a chur ar fáil chun an Cinneadh seo a chur chun feidhme. Le cláir agus ionstraimí ábhartha eile de chuid an Aontais, faoi réir cistiú a bheith ar fáil, agus i gcomhréir leis na rialacha is infheidhme, ba cheart an tacaíocht airgeadais a sholáthar do Bhliain Eorpach na Scileanna. Le maoiniú Bhliain Eorpach na Scileanna, níor cheart go ndéanfaí dochar do mhaoiniú tionscadal i gcláir reatha an Aontais agus ba cheart é a bheith d’aidhm aige leagáid fhadmharthanach a áirithiú do Bhliain Eorpach na Scileanna.

(33)

Ós rud é nach féidir leis na Ballstáit cuspóirí an Chinnidh seo a ghnóthú go leordhóthanach agus, de bharr fhairsinge agus éifeachtaí na gníomhaíochta atá beartaithe, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Cinneadh seo thar a bhfuil riachtanach chun na cuspóirí sin a ghnóthú.

(34)

Chun cur chun feidhme tapa Bhliain Eorpach na Scileanna a áirithiú, ba cheart an Cinneadh seo a theacht i bhfeidhm mar ábhar práinne an lá tar éis lá a fhoilsithe in Iris Oifigiúil an Aontais Eorpaigh,

(1)

De bhun Airteagal 8 de Rialachán (AE) 2015/2283, bhí an Coimisiún le liosta an Aontais de bhianna núíosacha a údaraíodh nó ar tugadh fógra ina leith faoi Rialachán (CE) Uimh. 258/97 ó Pharlaimint na hEorpa agus ón gComhairle (2) a bhunú faoin 1 Eanáir 2018.

(2)

Bunaíodh liosta an Aontais de bhianna núíosacha a údaraíodh nó ar tugadh fógra ina leith faoi Rialachán (CE) Uimh. 258/97 le Rialachán Cur Chun Feidhme (AE) 2017/2470 ón gCoimisiún (3).

(3)

Tá earráid sainaitheanta ag an gCoimisiún san Iarscríbhinn a ghabhann le Rialachán Cur Chun Feidhme (AE) 2017/2470. Tá gá le ceartú chun soiléireacht agus deimhneacht dhlíthiúil a thabhairt d’oibreoirí gnó bia agus d’údaráis inniúla na mBallstát, agus ar an gcaoi sin déanfar foráil maidir le cur chun feidhme cuí agus úsáid chuí liosta an Aontais de bhianna núíosacha.

(4)

D’údaraigh údarás inniúil na Ríochta Aontaithe an bia núíosach “Fosfáit déstáirse fhosfáitithe a tháirgtear ó stáirse cruithneachta” (stáirse cruithneachta fosfáitithe) faoi choinníollacha áirithe úsáide i mí na Bealtaine 2014 i gcomhréir le Rialachán (CE) Uimh. 258/97. Fágadh an bia núíosach ar lár i liosta an Aontais trí dhearmad nuair a bunaíodh an liosta tosaigh. Dá bhrí sin, is iomchuí “Fosfáit déstáirse fhosfáitithe a tháirgtear ó stáirse cruithneachta” a chur le liosta an Aontais de bhianna núíosacha.

(5)

Dá bhrí sin, ba cheart Rialachán Cur Chun Feidhme (AE) 2017/2470 a cheartú dá réir.

(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear i liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

Áirítear bithmhais giosta Yarrowia lipolytica mar bhia núíosach údaraithe i liosta an Aontais a leagtar amach san Iarscríbhinn a ghabhann le Rialachán Cur Chun Feidhme (AE) 2017/2470.

(4)

Le Rialachán Cur Chun Feidhme (AE) 2019/760 ón gCoimisiún (3) údaraíodh bithmhais giosta Yarrowia lipolytica a chur ar an margadh mar bhia núíosach lena úsáid i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (4), seachas forbhianna do naíonán agus leanaí óga.

(5)

An 27 Iúil 2020 chuir an chuideachta Skotan S.A. (“an t-iarratasóir”) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283, iarratas ar athrú ar choinníollacha úsáide an bhia núíosaigh bithmhais giosta Yarrowia lipolytica. D’iarr an t-iarratasóir úsáid bithmhaise giosta Yarrowia lipolytica a leathnú chun ionadaigh ar bhéilí chun meáchan a rialú, ar ionadaigh ar bhéilí iad atá beartaithe do dhaoine fásta, a chumhdach. D’iarr an t-iarratasóir freisin go n-athrófaí lipéadú ainmniú an bhia núíosaigh.

(6)

I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (“an tÚdarás”) an 21 Nollaig 2020, agus d’iarr an Coimisiún ar an Údarás tuairim eolaíoch a sholáthar maidir leis an athrú ar choinníollacha úsáide an bhia núíosaigh bithmhais giosta Yarrowia lipolytica.

(7)

An 1 Iúil 2022 ghlac an tÚdarás tuairim eolaíoch uaidh dar teideal “Safety of an extension of use of Yarrowia lipolytica yeast biomass as a novel food pursuant to Regulation (EU) 2015/2283 [Sábháilteacht bithmhaise giosta Yarrowia lipolytica mar bhia núíosach i ndáil le leathnú úsáide ina leith de bhun Rialachán (AE) 2015/2283]” (5) i gcomhréir le hAirteagal 11 de Rialachán (AE) 2015/2283.

(8)

Sa tuairim eolaíoch uaidh, tháinig an tÚdarás ar an gconclúid go bhfuil an t-athrú atá beartaithe sábháilte faoi na coinníollacha úsáide atá beartaithe, agus dá bhrí sin is iomchuí coinníollacha úsáide bithmhaise giosta Yarrowia lipolytica a leasú.

(9)

I gcomhréir le coinníollacha úsáide ionadach ar bhéilí chun meáchan a rialú ina bhfuil bithmhais giosta Yarrowia lipolytica mar atá beartaithe ag an iarratasóir agus mar a ndearna an tÚdarás measúnú orthu, is gá tomhaltóirí a chur ar an eolas trí bhíthin lipéad iomchuí nár cheart ach do dhaoine os cionn 18 bliana d’aois ionadaigh ar bhéilí chun meáchan a rialú ina bhfuil bithmhais giosta Yarrowia lipolytica a thomhailt, agus nár cheart na hionadaigh sin a úsáid má thomhlaítear forbhianna arna mbreisiú le bithmhais giosta Yarrowia lipolytica an lá céanna.

(10)

Is leor an foras atá le fáil san fhaisnéis a sholáthraítear san iarratas agus sa tuairim ón Údarás chun a shuí go bhfuil na hathruithe a iarrtar ar choinníollacha úsáide agus ar lipéadú ainmniú (an téarma “maraithe le teas” a bhaint) an bhia núíosaigh i gcomhréir le hAirteagal 12 de Rialachán (AE) 2015/2283 agus gur cheart iad a fhormheas.

(11)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán Cur Chun Feidhme (AE) Uimh. 571/2014 ón gCoimisiún (2) rinneadh iopconasól a fhormheas mar shubstaint ghníomhach i gcomhréir le Rialachán (CE) Uimh. 1107/2009 agus liostaíodh é i gCuid B den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (3).

(2)

Tar éis na sonraí deimhniúcháin maidir leis an riosca fadtéarmach d’éin a itheann gráin agus síolta a chur isteach, mar a cheanglaítear le hAirteagal 1 i gcomhar le hIarscríbhinn I a ghabhann le Rialachán Cur Chun Feidhme (AE) Uimh. 571/2014, rinne an Ballstát bunaidh is rapóirtéir, an Ríocht Aontaithe (4), meastóireacht ar na sonraí a ndearna na Ballstáit agus an tÚdarás Eorpach um Shábháilteacht Bia (‘an tÚdarás’) athbhreithniú uirthi. Ar bhonn na faisnéise a cuireadh isteach, tháinig an tÚdarás ar an gconclúid go bhfuil ardriosca fadtéarmach ann d’éin maidir le húsáidí ionadaíocha iopconasóil (5).

(3)

An 9 Márta 2018 ghlac Coiste um Measúnú Riosca na Gníomhaireachta Eorpaí Ceimiceán tuairim (6) i gcomhréir le hAirteagal 37(4) de Rialachán (CE) Uimh. 1272/2008 ó Pharlaimint na hEorpa agus ón gComhairle (7) inar tháinig sé ar an gconclúid go gcomhlíonann iopconasól na critéir chun go n-aicmeofaí é mar shubstaint thocsaineach de chatagóir 1B, i measc critéir eile.

(4)

Dá réir sin, le Rialachán Tarmligthe (AE) 2020/1182 ón gCoimisiún (8) leasaíodh Iarscríbhinn VI a ghabhann le Rialachán (CE) Uimh. 1272/2008 agus aicmíodh iopconasól mar shubstaint thocsaineach le haghaidh an atáirgthe de chatagóir 1B.

(5)

I gcomhréir le hAirteagal 4(3), pointe (e)(ii) de Rialachán (CE) Uimh. 1107/2009, ní féidir substaint ghníomhach a fhormheas ach amháin sa chás nach bhfuil éifeachtaí do-ghlactha ag táirge cosanta plandaí ina bhfuil an tsubstaint sin ar an gcomhshaol, go háirithe ar speicis nach spriocspeicis iad lena n-áirítear éin.

(6)

Faoi phointe 3.6.4. d’Iarscríbhinn II a ghabhann le Rialachán (CE) Uimh. 1107/2009 ní fhormheasfar substaint ghníomhach ach amháin mura n-aicmítear í ná mura mbeidh sí le haicmiú i gcomhréir le forálacha Rialachán (EC) Uimh. 1272/2008 mar shubstaint thocsaineach le haghaidh an atáirgthe de chatagóir 1B, mura mbeidh teagmháil an duine leis an tsubstaint ghníomhach sin i dtáirge cosanta plandaí, faoi choinníollacha réalaíocha úsáide a bheartaítear, diomaibhseach.

(7)

I gcomhréir le hAirteagal 21(1) de Rialachán (CE) Uimh. 1107/2009, chuir an Coimisiún na Ballstáit, an tÚdarás agus an t-iarratasóir ar an eolas gur mheas sé go bhféadfadh sé nach gcomhlíonfar na critéir formheasa a leagtar síos in Airteagal 4(3), pointe (e)(ii) den Rialachán agus i bpointe 3.6.4 d’Iarscríbhinn II a ghabhann leis an Rialachán sin ós rud é gur sainaithníodh riosca fadtéarmach d’éin agus go n-aicmítear iopconasól mar shubstaint thocsaineach le haghaidh an atáirgthe de chatagóir 1B. D’iarr an Coimisiún ar an iarratasóir barúlacha a chur isteach.

(8)

Sholáthair an t-iarratasóir barúlacha agus faisnéis bhreise a mheas agus a mheasúnaigh an Ballstát nua is rapóirtéir, an Bheilg.

(9)

D’iarr an Coimisiún ar an Údarás an fhaisnéis a sholáthair an t-iarratasóir a mheas, agus an measúnú a rinne an Ballstát nua is rapóirtéir á chur san áireamh, agus d’iarr sé air go sonrach na rioscaí a bhaineann le héin de bharr úsáidí ionadaíocha iopconasóil a mheas agus d’iarr sé air a mheas an bhféadfar na ceanglais maidir le teagmháil dhiomaibhseach le daoine (teagmháil chothaitheach agus neamhchothaitheach) a leagtar amach i bpointe 3.6.4 d’Iarscríbhinn II a ghabhann le Rialachán (CE) Uimh. 1107/2009 a mheas a bheith comhlíonta.

(10)

An 1 Feabhra 2022, rinne an tÚdarás cumarsáid leis an gCoimisiún sa ráiteas uaidh (9) inar léirigh sé go bhfuil neamhchinnteachtaí ann maidir le teagmháil oibreoirí agus oibrithe le hiopconasól de bharr teorainneacha sna staidéir a cuireadh isteach, cé go bhfuil iarmhair iopconasóil i mbia faoi bhun an luacha réamhshocraithe de 0,01 mg/kg agus, dá bhrí sin, go bhfuil coinne leis go mbeidh an teagmháil chothaitheach le hiopconasóil diomaibhseach. Go háirithe, i gcás oibreoirí, níor áiríodh tomhais teagmhála le linn ghlanadh an trealaimh sa staidéar agus íoslaghdaíodh an teagmháil le linn chur isteach na síolta a cóireáladh le hiopconasól i málaí de bharr próiseas atá uathoibrithe go mór, rud a chuireann teorainn le hionadaíochas an staidéir, dá bhrí sin, nuair a mheastar na cleachtais a úsáidtear go coitianta maidir le cóireáil síolta ar fud an Aontas. Dá bhrí sin, ní raibh ach úsáid theoranta ag baint leis an staidéar. Thairis sin, maidir le hoibrithe, ní raibh ach luach teoranta ag baint leis an staidéar a soláthraíodh ós rud é nár áiríodh ann ach sonraí le haghaidh beirt oibrithe. Thairis sin, i gcás duine amháin de na hoibrithe sin, níorbh fhéidir an teagmháil a mheas a bheith diomaibhseach, fiú amháin agus úsáid trealaimh cosanta pearsanta á cur san áireamh.

(11)

Ina theannta sin, tháinig an tÚdarás ar an gconclúid go bhfuil ardriosca fadtéarmach ann d’éin a bhaineann le húsáidí ionadaíocha iopconasóil, fiú amháin tar éis na mionchoigeartuithe iomchuí uile a chur san áireamh sa mheasúnú riosca.

(12)

D’iarr an Coimisiún ar an iarratasóir a bharúlacha a chur isteach maidir leis an ráiteas ón Údarás agus maidir leis an togra uaidh an formheas ar iopconasól a tharraingt siar de bharr na n-ábhar imní a shainaithin an tÚdarás. Chuir an t-iarratasóir a bharúlacha isteach, agus rinneadh scrúdú cúramach orthu.

(13)

Measann an Coimisiún nach gcomhlíonann iopconasól na critéir formheasa a thuilleadh a leagtar síos in Airteagal 4(3), pointe (e)(ii) de Rialachán (CE) Uimh. 1107/2009 agus i bpointe 3.6.4 d’Iarscríbhinn II a ghabhann leis an Rialachán sin.

(14)

Dá bhrí sin, is iomchuí an formheas ar iopconasól a tharraingt siar.

(15)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir agus ba cheart Rialachán Cur Chun Feidhme (AE) Uimh. 571/2014 a aisghairm.

(16)

Ba cheart am leordhóthanach a thabhairt do na Ballstáit údaruithe le haghaidh táirgí cosanta plandaí ina bhfuil iopconasól a tharraingt siar.

(17)

Maidir le táirgí cosanta plandaí ina bhfuil iopconasól, i gcás ina ndeonóidh na Ballstáit aon tréimhse chairde i gcomhréir le hAirteagal 46 de Rialachán (CE) Uimh. 1107/2009, ba cheart an tréimhse sin a bheith chomh gearr agus is féidir agus gan bheith níos faide ná 9 mí ó dháta theacht i bhfeidhm an Rialacháin seo.

(18)

Leis an Rialachán seo, ní chuirtear cosc ar iarratas nua a chur isteach maidir leis an tsubstaint ghníomhach iopconasól a fhormheas de bhun Airteagal 7 de Rialachán (CE) Uimh. 1107/2009.

(19)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Tugadh an Comhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (2) (‘an Comhaontú Trádála agus Comhair’), i gcrích trí bhíthin Chinneadh (AE) 2021/689.

(2)

Le Teideal VIII de Chuid III den Comhaontú Trádála agus Comhair, forlíontar forálacha, agus éascaítear cur i bhfeidhm idir na Ballstáit, de pháirt, agus an Ríocht Aontaithe, den pháirt eile, an Choinbhinsiúin Eorpaigh maidir le Cúnamh Frithpháirteach in Ábhair Choiriúla, arna dhéanamh in Strasbourg an 20 Aibreán 1959, an Phrótacail Bhreise a ghabhann leis an gCoinbhinsiún Eorpach ar Chúnamh Frithpháirteach, arna dhéanamh in Strasbourg an 17 Márta 1978, agus an Dara Prótacal Breise a ghabhann leis an gCoinbhinsiún Eorpach maidir le Cúnamh Frithpháirteach, arna dhéanamh in Strasbourg an 8 Samhain 2001.

(3)

Tá feidhm ag Treoir 2014/41/AE ó Pharlaimint na hEorpa agus ón gComhairle (3) maidir leis an Ordú Imscrúdaithe Eorpach in ábhair choiriúla agus Gníomh ón gComhairle an 29 Bealtaine 2000 ag bunú i gcomhréir le hAirteagal 34 den Chonradh ar an Aontas Eorpach an Coinbhinsiún um Chúnamh Frithpháirteach in Abhair Choiriúla idir Ballstáit an Aontais Eorpaigh (4) i gcomhréir leis na Conarthaí.

(4)

De bhun Airteagal 635(1) den Chomhaontú Trádála agus Comhair, déanfaidh an Coiste Speisialaithe um Fhorfheidhmiú an Dlí agus um Chomhar Breithiúnach foirm chaighdeánach a bhunú le haghaidh iarrataí ar chúnamh frithpháirteach trí iarscríbhinn a ghabhann leis an gComhaontú sin a ghlacadh. I gcomhréir le hAirteagal 635(2) den Chomhaontú Trádála agus Comhair, i gcás ina nglacann an Coiste Speisialaithe um Fhorfheidhmiú an Dlí agus um Chomhar Breithiúnach cinneadh lena mbunaítear foirm chaighdeánach den sórt sin, tá iarrataí ar chúnamh frithpháirteach le déanamh trí úsáid a bhaint as an bhfoirm chaighdeánach sin.

(5)

Leis an bhfoirm chaighdeánach le haghaidh iarrataí ar chúnamh frithpháirteach, éascófar cúnamh frithpháirteach idir údaráis inniúla sna Ballstáit, de pháirt, agus sa Ríocht Aontaithe, den pháirt eile, tríd an bhfaisnéis uile is gá a bheith in iarraidh ar chúnamh frithpháirteach a léiriú.

(6)

Is iomchuí an seasamh atá le glacadh thar ceann an Aontais sa Choiste Speisialaithe um Fhorfheidhmiú an Dlí agus um Chomhar Breithiúnach a bhunú.

(7)

Tá an Comhaontú Trádála agus Comhair ina cheangal ar na Ballstáit uile de bhua Chinneadh (AE) 2021/689, Cinneadh a bhfuil Airteagal 217 den Chonradh ar Fheidhmiú an Aontais Eorpaigh ina bhunús dlí substainteach aige.

(8)

Tá an Danmhairg agus Éire faoi cheangal ag Cuid a Trí den Chomhaontú Trádála agus Comhair de bhua Chinneadh (AE) 2021/689 agus dá bhrí sin tá siad rannpháirteach i nglacadh agus i gcur i bhfeidhm an Chinnidh seo lena gcuirtear an Comhaontú Trádála agus Comhair chun feidhme,

(1)

I gcomhréir le hAirteagal 14 de Rialachán (AE) 2016/425 ó Pharlaimint na hEorpa agus ón gComhairle (2), trealamh cosanta pearsanta atá i gcomhréir leis na caighdeáin chomhchuibhithe, ar foilsíodh na tagairtí dóibh in Iris Oifigiúil an Aontais Eorpaigh, nó le codanna de na caighdeáin sin, glactar leis go bhfuil sé i gcomhréir leis na buncheanglais sláinte agus sábháilteachta a leagtar amach in Iarscríbhinn II a ghabhann leis an Rialachán sin, ceanglais a chumhdaítear leis na caighdeáin sin nó na codanna sin díobh.

(2)

I gCinneadh Cur Chun Feidhme C(2020)7924 ón gCoimisiún (3), iarrann an Coimisiún ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) caighdeáin chomhchuibhithe a dhréachtú chun tacú le Rialachán (AE) 2016/425.

(3)

Ar bhonn na hiarrata a leagtar amach i gCinneadh Cur Chun Feidhme C(2020)7924, dhréachtaigh CEN roinnt caighdeán nua agus rinne sé athbhreithniú ar roinnt caighdeán comhchuibhithe a bhí ann cheana.

(4)

Ar bhonn Chinneadh Cur Chun Feidhme C(2020)7924, dhréachtaigh CEN na caighdeáin chomhchuibhithe nua seo a leanas: EN 13138-1:2021 maidir le ceanglais sábháilteachta agus modhanna tástála i gcomhair áiseanna snámhacha le haghaidh treoracha snámha, arna cheartú le EN 13138-1:2021/AC:2022, EN 17520:2021 maidir le ceanglais sábháilteachta agus modhanna tástála le haghaidh láinnéir cheangail phearsanta, agus EN ISO 16321-2:2021 maidir le ceanglais bhreise i ndáil le cosaint súl agus aghaidhe a úsáidtear le linn táthaithe agus teicnící gaolmhara chun tacú le Rialachán (AE) 2016/425.

(5)

Ar bhonn Chinneadh Cur Chun Feidhme C(2020)7924, rinne CEN athbhreithniú ar chaighdeáin chomhchuibhithe EN 166:2001, EN 169:2002, EN 170:2002, EN 171:2002, EN 172:1994 arna leasú le EN 172:1994/A1:2000 agus EN 172:1994/A2:2001, EN 174:2001, EN 379:2003+A1:2009, EN 1731:2006 agus EN ISO 20345:2011. Is é an toradh a bhí ar an athbhreithniú sin gur glacadh caighdeáin chomhchuibhithe EN ISO 16321-1:2022 i ndáil le ceanglais ghinearálta maidir le cosaint súl agus aghaidhe le haghaidh úsáid cheirde, EN ISO 16321-3:2022 maidir le ceanglais bhreise le haghaidh cosaintí mogalra súl agus aghaidhe, EN ISO 18527-1:2022 maidir le ceanglais le haghaidh gloiní cosanta sciála le fána agus clársciála agus EN ISO 20345:2022 maidir le coisbheart sábháilteachta.

(6)

Na caighdeáin chomhchuibhithe a rinne CEN a dhréachtú agus a athbhreithniú, rinne an Coimisiún measúnú i gcomhar le CEN chun féachaint cé acu a chomhlíonann nó nach gcomhlíonann na caighdeáin sin an iarraidh a leagtar amach i gCinneadh Cur Chun Feidhme C(2020) 7924.

(7)

Na caighdeáin chomhchuibhithe EN 13138-1:2021, arna gceartú le EN 1318-1:2021/AC:2022, EN ISO 16321-1:2022, EN ISO 16321-2:2021, EN ISO 16321-3:2022, EN 17520:2021, EN ISO 18527-1:2022 agus EN ISO 20345:2022, comhlíonann siad na ceanglais is aidhm dóibh a chumhdach agus a leagtar amach i Rialachán (AE) 2016/425. Dá bhrí sin, is iomchuí na tagairtí do na caighdeáin chomhchuibhithe sin a fhoilsiú in Iris Oifigiúil an Aontais Eorpaigh.

(8)

Tagraíonn caighdeáin chomhchuibhithe EN ISO 16321-2:2021 agus EN ISO 16321-3:2022 do chaighdeán tagartha normatach EN ISO 16321-1:2020, caighdeán a bhfuil a dháta mícheart. Dá bhrí sin, ba cheart na caighdeáin chomhchuibhithe sin a fhoilsiú in Iris Oifigiúil an Aontais Eorpaigh.

(9)

Is gá na tagairtí do chaighdeáin chomhchuibhithe EN 166:2001, EN 169:2002, EN 170:2002, EN 172:1994 arna leasú le EN 172:1994/A1:2000, agus EN 172:1994/A2:2001, EN 174:2001, EN 379:2003+A1:2009, EN 1731:2006 agus EN ISO 20345:2011 a tharraingt siar ó Iris Oifigiúil an Aontais Eorpaigh, ós rud é go ndearnadh athbhreithniú ar na caighdeáin sin.

(10)

Ar mhaithe le soiléireacht agus le réasúnaíocht, na tagairtí do chaighdeáin chomhchuibhithe a dréachtaíodh chun tacú le Rialachán (AE) 2016/425 agus a chomhlíonann na ceanglais is aidhm dóibh a chumhdach, ba cheart liosta iomlán de na tagairtí sin a fhoilsiú in aon ghníomh amháin. Na tagairtí do chaighdeáin chomhchuibhithe a dréachtaíodh chun tacú le Rialachán (AE) 2016/425, leagtar amach iad faoi láthair i gCinneadh Cur Chun Feidhme (AE) 2020/668 ón gCoimisiún (4) agus i dTeachtaireacht 2018/C 209/03 ón gCoimisiún (5).

(11)

Rinneadh Cinneadh Cur Chun Feidhme (AE) 2020/668 a leasú go substaintiúil roinnt uaireanta. Ar mhaithe le soiléireacht agus le réasúnaíocht, agus ós rud é gur gá leasú breise a dhéanamh ar an gCinneadh Cur Chun Feidhme sin, ba cheart an Cinneadh Cur Chun Feidhme sin a ionadú.

(12)

Tarraingíodh siar go leor de na tagairtí do chaighdeáin chomhchuibhithe a foilsíodh i dTeachtaireacht 2018/C 209/03 le Cinneadh Cur Chun Feidhme (AE) 2020/668. Le Cinneadh Cur Chun Feidhme (AE) 2020/668, déantar foráil maidir le tarraingt siar na dtagairtí atá fágtha do na caighdeáin chomhchuibhithe a foilsíodh leis an Teachtaireacht sin. Ar mhaithe le soiléireacht agus le réasúnaíocht, ba cheart Teachtaireacht 2018/C 209/03 a aisghairm. Chun a ndóthain ama a thabhairt do mhonaróirí a gcuid táirgí a oiriúnú do na leaganacha athbhreithnithe de na caighdeáin lena mbaineann, ba cheart go leanfadh Teachtaireacht 2018/C 209/03 d’fheidhm a bheith aici go dtí na dátaí a tharraingeofar siar na tagairtí do na caighdeáin chomhchuibhithe lena mbaineann a foilsíodh leis an Teachtaireacht sin.

(13)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuil comhréir ann leis na buncheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,