(1)

Is baol mór don tsláinte phoiblí í an fhrithsheasmhacht fhrithmhiocróbach. Nuair a thagann an fhrithsheasmhacht chun cinn ar oibreán frithmhiocróbach a úsáidtear chun ionfhabhtú ar leith a chóireáil, ionfhabhtú nach bhfuil aon rogha mhalartach chóireála eile ann ina leith agus nuair a leathnaíonn an fhrithsheasmhacht sin, is tromchúiseach na hiarmhairtí atá ann do dhaoine agus d’fhéadfadh sé gur baol don bheatha iad. Tá sláinte an duine, sláinte ainmhithe agus an comhshaol idirnasctha. Dá bhrí sin, ar cheann amháin de chuspóirí Rialachán (AE) 2019/6, tá leathadh na frithsheasmhachta frithmhiocróbaí a shrianadh ag baint úsáid as bearta nithiúla chun úsáid stuama agus fhreagrach táirgí íocshláinte frithmhiocróbacha in ainmhithe a chur chun cinn.

(2)

Úsáid na dtáirgí íocshláinte frithmhiocróbacha chun fás a chur chun cinn nó chun an táirgeacht a mhéadú, níl sí stuama ná freagrach. Is léir ó chorpas cuimsitheach den litríocht eolaíoch gur féidir úsáid na n-ábhar frithsheasmhach chun na gcríoch sin an fhrithsheasmhacht fhrithmhiocróbach a spreagadh. Dá bhrí sin, le Rialachán (AE) 2019/6, tá toirmeasc ar úsáid na dtáirgí íocshláinte frithmhiocróbacha chun fás a chur chun cinn nó an táirgeacht a mhéadú, lena n-áirítear ábhair fhrithmhiocróbacha a bhíonn i dtáirgí íocshláinte tréidliachta agus ábhair fhrithmhiocróbacha a bhíonn i dtáirgí íocshláinte lena n-úsáid ag an duine.

(3)

Thairis sin, le Rialachán (AE) 2019/6, déantar foráil maidir leis an nós imeachta chun ábhair áirithe fhrithmhiocróbacha a ainmniú atá le forchoimeád chun ionfhabhtuithe áirithe i ndaoine a chóireáil. Níor cheart na hábhair fhrithmhiocróbacha sin a úsáid i dtáirgí íocshláinte frithmhiocróbacha a thugtar d’ainmhithe. Tá sé d’aidhm ag an mbeart sin éifeachtacht ábhar áirithe frithmhiocróbach a úsáidtear le haghaidh cóireáil ionfhabhtuithe i ndaoine a chaomhnú, go háirithe na cóireálacha sin a mheastar gur rogha dheireanach iad. Na critéir maidir le hainmniú ábhar frithmhiocróbach arna bhforchoimeád chun ionfhabhtuithe áirithe i ndaoine a chóireáil, leagtar síos iad i Rialachán Tarmligthe (AE) 2021/1760 ón gCoimisiún (2), agus liosta na n-ábhar frithmhiocróbach arna bhforchoimeád chun ionfhabhtuithe áirithe i ndaoine a chóireáil, leagtar síos é i Rialachán Cur Chun Feidhme (AE) 2022/1255 ón gCoimisiún (3).

(4)

Ba cheart gné idirnáisiúnta na forbartha frithsheasmhachta frithmhiocróbaí a mheas freisin. Go sonrach, le hAirteagal 118(1) de Rialachán (AE) 2019/6, déantar foráil, i leith ainmhithe nó táirgí de bhunadh ainmhíoch a onnmhairítear ó thríú tíortha isteach san Aontas. maidir le hoibreoirí i dtríú tíortha, nach n-úsáidfidh siad táirgí íocshláinte frithmhiocróbacha chun fás a chur chun cinn nó an táirgeacht a mhéadú, agus nach n-úsáidfidh siad na hábhair fhrithmhiocróbacha nó na grúpaí ábhar frithmhiocróbach ainmnithe arna bhforchoimeád chun ionfhabhtuithe ndaoine a chóireáil.

(5)

Tá beatha íocleasaithe ar cheann de na bealaí chun táirgí íocshláinte a thabhairt d’ainmhithe de bhéal. Dá bhrí sin, an toirmeasc ar úsáid táirgí áirithe íocshláinte frithmhiocróbacha i leith ainmhithe nó táirgí de bhunadh ainmhíoch a onnmhairítear ó tríú tíortha isteach san Aontas, ba cheart feidhm a bheith aige nuair a thugtar na táirgí íocshláinte frithmhiocróbacha sin trí bheatha íocleasaithe.

(6)

Tá córas láidir de rialuithe maidir le hainmhithe nó le táirgí de bhunadh ainmhíoch a onnmhairítear ó thríú tíortha isteach san Aontas chun comhlíonadh na gceanglas a leagtar síos i Rialachán (AE) 2019/6 a áirithiú. Níl córas sonrach de rialuithe maidir le hallmhairithe ainmhithe ná táirgí de bhunadh ainmhíoch i bhfeidhm faoi chreat an Aontais maidir le táirgí íocshláinte tréidliachta. Bheadh gá le líon acmhainní agus tréimhse ama shuntasach chun chreat tiomnaithe um rialuithe den sórt sin a bhunú. Thairis sin, bheadh dúbailtí ar leibhéal na n-údarás inniúil agus ar leibhéal na n-oibreoirí lena mbaineann mar thoradh air. Ar mhaithe le héifeachtacht agus chun an t-ualach riaracháin a laghdú, úsáidfear creat an Aontais atá ann cheana maidir le rialuithe oifigiúla chun a fhíorú go gcomhlíonfaidh ainmhithe nó táirgí de bhunadh ainmhíoch atá ag teacht isteach san Aontas ó thríú tíortha Rialachán (AE) 2019/6. Chuige sin, rinneadh Rialachán (AE) 2017/625 ó Pharlaimint na hEorpa agus ón gComhairle (4) a leasú le Rialachán (AE) 2021/1756 (5). Dá bhrí sin, ba cheart fíorú chomhlíonadh na gceanglas a leagtar amach in Airteagal 118(1) de Rialachán (AE) 2019/6 a dhéanamh i gcomhréir le Rialachán (AE) 2017/625.

(7)

Coinsíneachtaí na n-ainmhithe nó na dtáirgí de bhunadh ainmhíoch atá ag teacht isteach san Aontas atá faoi réir an toirmisc ar úsáid táirgí íocshláinte frithmhiocróbacha chun fás a chur chun cinn nó an táirgeacht a mhéadú agus ar úsáid ábhar frithmhiocróbach arna bhforchoimeád chun ionfhabhtuithe áirithe i ndaoine a chóireáil, ba cheart iad a leagan amach go soiléir. Dá bhrí sin, leis an Rialachán Tarmligthe seo, ba cheart rialacha mionsonracha a thabhairt maidir leis an toirmeasc a leagtar síos in Airteagal 118(1) de Rialachán (AE) 2019/6.

(8)

Baineann formhór mór na dtomhaltas frithmhiocróbach in ainmhithe (méid na n-ábhar frithmhiocróbach) le bia-ainmhithe. Ina theannta sin, tá fianaise bhreise eolaíoch ann go mbíonn tionchar ag úsáid na n-ábhar frithmhiocróbach ar an bhfrithsheasmhacht fhrithmhiocróbach a fhorbairt. Dá bhrí sin, tá gá le gníomh ar leith maidir le húsáid na dtáirgí íocshláinte frithmhiocróbacha i mbia-ainmhithe nó i dtáirgí de bhunadh ainmhíoch atá beartaithe lena dtomhailt ag an duine chun aghaidh a thabhairt ar an bhfrithsheasmhacht fhrithmhiocróbach. I gcomhréir le prionsabal na comhréireachta, trí ghníomhaíocht mar sin a ghlacadh, cuirfear go héifeachtach le haghaidh a thabhairt ar ghné idirnáisiúnta na forbartha frithsheasmhachta frithmhiocróbaí agus íoslaghdófar na teagmhais ar thrádáil.

(9)

Thairis sin, ba cheart a shoiléiriú go mbaineann an toirmeasc ar úsáid ábhar áirithe fhrithmhiocróbach a leagtar amach in Airteagal 118(1) de Rialachán (AE) 2019/6 le bia-ainmhithe nó le táirgí de bhunadh ainmhíoch atá beartaithe lena dtomhailt ag an duine a onnmhairítear ó thríú tíortha isteach san Aontas. Chun cinnteacht dhlíthiúil a áirithiú, ba cheart na hainmhithe agus na táirgí de bhunadh ainmhíoch a shainaithint trí bhíthin tagairtí do chóid Ainmníochta Comhcheangailte a leagtar amach i Rialachán (CEE) Uimh. 2658/87 ón gComhairle (6).

(10)

Coinsíneachtaí ainmhithe nó táirgí lena mbaineann nach bhfuil beartaithe ach amháin le haghaidh idirthurais, agus táirgí lena mbaineann freisin atá beartaithe chun críoch samplaí le haghaidh anailís táirgí agus tástáil cáilíochta nach gcuirtear ar an margadh iad, níor cheart iad a chumhdach leis an Rialachán seo.

(11)

Coinsíneachtaí na n-ainmhithe nó na dtáirgí lena mbaineann a onnmhairítear ó thríú tíortha isteach san Aontas, ba cheart dóibh na srianta céanna a bhfuil feidhm acu san Aontas a chomhlíonadh i ndáil leis na cuspóirí a shaothraítear le hAirteagail 107(2) agus 37(5) de Rialachán (AE) 2019/6. Chuige sin, níor cheart coinsíneachtaí na n-ainmhithe nó na dtáirgí lena mbaineann a cheadú lena dteacht isteach san Aontas ach amháin i gcás inar féidir leis na tríú tíortha agus na réigiúin díobh a bhfuil na hainmhithe nó na táirgí sin dá mbunadh a áirithiú go gcomhlíonfar toirmeasc an Aontais ar úsáid táirgí íocshláinte frithmhiocróbacha chun fás a chur chun cinn nó an táirgeacht a mhéadú, agus ar ábhair fhrithmhiocróbacha arna bhforchoimeád chun ionfhabhtuithe áirithe i ndaoine a chóireáil.

(12)

Áireofar tríú tíortha - nó réigiúin - díobh a chomhlíonann na ceanglais sin i liosta a tharraingeoidh an Coimisiún suas, trí bhíthin gníomhartha cur chun feidhme, i gcomhréir le hAirteagal 127 de Rialachán (AE) 2017/625. Áireofar tríú tíortha nó réigiúin díobh ar an liosta sin ar bhonn na fianaise atá ar fáil agus ráthaíonn siad go gcomhlíonann na hainmhithe lena mbaineann nó na táirgí ar de bhunadh na n-ainmhithe sin iad toirmeasc an Aontais ar úsáid táirgí íocshláinte frithmhiocróbacha chun fás a chur chun cinn nó an táirgeacht a mhéadú, agus ar ábhair fhrithmhiocróbacha arna bhforchoimeád chun ionfhabhtuithe áirithe i ndaoine a chóireáil.

(13)

Coinsíneachtaí ainmhithe nó táirgí lena mbaineann atá ag teacht isteach san Aontas ó thríú tíortha a liostaítear i gcomhréir le hAirteagal 127 de Rialachán (AE) 2017/625, ba cheart deimhniú oifigiúil a bheith ag gabháil leo lena ndeimhnítear comhlíontacht thoirmeasc an Aontais ar úsáid táirgí íocshláinte frithmhiocróbacha chun fás a chur chun cinn nó an táirgeacht a mhéadú, agus ar ábhair fhrithmhiocróbacha arna bhforchoimeád chun ionfhabhtuithe áirithe i ndaoine a chóireáil.

(14)

Ba cheart don Choimisiún ceanglais shonracha maidir leis na deimhnithe oifigiúla is gá, trí bhíthin gníomhartha cur chun feidhme, a ghlacadh i gcomhréir le Rialachán (AE) 2017/625.

(15)

Beidh eolas ag oibreoirí tríú tír maidir leis na coinníollacha maidir le teacht isteach coinsíneachtaí ainmhithe nó táirgí lena mbaineann san Aontas ó dháta foilsithe an Rialacháin seo. Mar sin féin, beidh gá le tuilleadh beart cur chun feidhme a ghlacadh de bharr chur i bhfeidhm praiticiúil an chreata a leagtar síos sa Rialachán seo. Ar mhaithe le tuarthacht agus cinnteacht dhlíthiúil agus d’fhonn am leordhóthanach a thabhairt do pháirtithe leasmhara lena mbaineann chun ceanglais an Aontais a chomhlíonadh, ba cheart na coinníollacha maidir leis na coinsíneachtaí nó na táirgí a leagtar amach sa Rialachán seo a theacht isteach san Aontas chur siar,

(1)

I gcomhréir leis an gcéad fhomhír d’Airteagal 53(1) de Rialachán (AE) Uimh. 1151/2012, tá scrúdú déanta ag an gCoimisiún ar iarratas na hIodáile ar fhormheas ar leasú ar shonraíocht an tsonrúcháin tionscnaimh faoi chosaint ‘Pane Toscano’ atá cláraithe faoi Rialachán Cur Chun Feidhme (AE) 986/2011 ón gCoimisiún (2).

(2)

Ós rud é gur leasú nach mion atá sa leasú i gceist de réir bhrí Airteagal 53(2) de Rialachán (AE) Uimh. 1151/2012, d’fhoilsigh an Coimisiún an t-iarratas ar leasú in Iris Oifigiúil an Aontais Eorpaigh mar a cheanglaítear le hAirteagal 50(2)(a) den Rialachán sin (3).

(3)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart an leasú ar an tsonraíocht a fhormheas,

(1)

Sa leagan Fraincise de Rialachán Cur Chun Feidhme (AE) 2022/1412 ón gCoimisiún (2), tá earráid in Airteagal 2(3) a athraíonn brí na forála.

(2)

Dá bhrí sin, ba cheart an leagan Fraincise de Rialachán Cur Chun Feidhme (AE) 2022/1412 a cheartú dá réir. Ní dhéantar difear do na leaganacha teanga eile.

(3)

Ós rud é go raibh an earráid ann ó theacht i bhfeidhm Rialachán Cur Chun Feidhme (AE) 2022/1412 agus go mbainfidh oibreoirí tairbhe as ceartú na hearráide ba chúis le héiginnteacht dhlíthiúil, ba cheart Rialachán Cur Chun Feidhme (AE) 2022/1412 a cheartú ó dháta a theacht i bhfeidhm.

(4)

Tá na bearta dá bhforáiltear sa Rialachán Cur Chun Feidhme seo i gcomhréir leis na tuairimí ón mBuanchoiste um Plandaí, Ainmhithe, Bia agus Beatha, arna dtabhairt an 15 Nollaig 2022,

(1)

Le hIarscríbhinn I a ghabhann le Rialachán (CE) Uimh. 881/2002 liostaítear na daoine, na grúpaí agus na heintitis arna gcumhdach ag reo na gcistí agus na n-acmhainní eacnamaíocha faoin Rialachán sin.

(2)

An 26 Aibreán 2023 chuir Coiste Smachtbhannaí Chomhairle Slándála na Náisiún Aontaithe a bunaíodh de bhun Rúin 1267(1999), 1989(2011) agus 2253(2015) ó Chomhairle Slándála na Náisiún Aontaithe dhá iontráil le liosta na ndaoine, na ngrúpaí agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo.

(3)

De thoradh athbhreithniú teicniúil ar Iarscríbhinn I a ghabhann le Rialachán (CE) Uimh. 881/2002, ba cheart dhá eintiteas a leasú ar liosta na ndaoine, na ngrúpaí agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo.

(4)

Ba cheart, dá bhrí sin, Iarscríbhinn I a ghabhann le Rialachán (CE) Uimh. 881/2002 a leasú dá réir.

(5)

Chun a áirithiú go mbeidh na bearta dá bhforáiltear sa Rialachán seo éifeachtach, ba cheart é a theacht i bhfeidhm láithreach,

(1)

Thug an tAontas an Comhaontú Saorthrádála idir an tAontas Eorpach agus Poblacht Shóisialach Vítneam (1) (“an Comhaontú”) i gcrích le Cinneadh (AE) 2020/753 ón gComhairle (2) agus tháinig sé i bhfeidhm an 1 Lúnasa 2020.

(2)

De bhun Airteagal 36 de Phrótacal 1 a ghabhann leis an gComhaontú (Prótacal 1), féadfaidh an Coiste um Chustaim athbhreithniú a dhéanamh ar fhorálacha Phrótacal 1agus togra a thíolacadh le haghaidh cinneadh a bheidh le glacadh ag an gCoiste um Thrádáil.

(3)

De bhun Airteagal 17.1 den Chomhaontú, tá an Coiste um Thrádáil le cinntí a mheas agus a ghlacadh, i gcás ina bhforáiltear maidir leis sin sa Chomhaontú, maidir le haon ábhar a chuirfidh an Coiste um Chustaim faoina bhráid.

(4)

Tá an Coiste um Thrádáil le Cinneadh a ghlacadh lena leasófar Iarscríbhinn II a ghabhann le Prótacal 1.

(5)

Tugadh isteach leasuithe an 1 Eanáir 2017 agus an 1 Eanáir 2022 i ndáil leis an ainmníocht atá faoi rialú an Choinbhinsiúin ar an gCóras Comhchuibhithe um Thuairisciú agus um Chódú Tráchtearraí (“CC”). Tá gá leis an gCinneadh sin chun Prótacal 1 agus na hiarscríbhinní a ghabhann leis a thabhairt cothrom le dáta chun an leagan is déanaí de CC a léiriú.

(6)

Níl aon choinníoll in Iarscríbhinn II a ghabhann le Prótacal 1 maidir le táirgí cniotáilte nó cróiseáilte faoi Cheannteideal 6212 a mheas mar tháirgí leoroibrithe nó leorphróiseáilte. Ní féidir an riail atá i gCaibidil 62 inIarscríbhinn II a ghabhann le Prótacal 1 a chur i bhfeidhm maidir leis na táirgí sin, ós rud é go bhfuil an riail teoranta do tháirgí nach bhfuil cniotáilte ná cróiseáilte. Dá bhrí sin, ba cheart riail shonrach a chur isteach maidir le táirgí cniotáilte nó cróiseáilte faoi Cheannteideal 6212.

(7)

Tá an t-oibriú nó an phróiseáil is gá le haghaidh táirgí a aicmítear i gCaibidil 41 in Iarscríbhinn II a ghabhann le Prótacal 1 le cur isteach sa cholún ábhartha san Iarscríbhinn sin.

(8)

D’fhéadfaí an focal “aonair” sa tríú agus sa cheathrú coinníoll den oibriú nó den phróiseáil is gá le haghaidh táirgí a aicmítear i gCaibidil 19 in Iarscríbhinn II a ghabhann le Prótacal 1 a léiriú ar bhealaí éagsúla a mhéid a bhaineann le cion na n-ábhar atá i gCaibidil 4 agus le cion an tsiúcra. Chun an riail a shoiléiriú, tá an focal “aonair” le sciosadh sa dá chás.

(9)

Le haghaidh na dtáirgí teicstíle atá aicmithe i gCaibidil 62 in Iarscríbhinn II a ghabhann le Prótacal 1, ba cheart tagairt do na lamháltais a chur isteach sa cholún maidir le na rialacha malartacha éagsúla maidir leis an oibriú nó an phróiseáil is gá..

(10)

Is iomchuí an seasamh atá le glacadh thar ceann an Aontais sa Choiste um Chustaim agus sa Choiste um Thrádáil a bhunú, ós rud é go mbeidh Cinneadh an Choiste um Thrádáil ina cheangal ar an Aontas.

(11)

Dá bhrí sin, ba cheart seasamh an Aontais sa Choiste um Chustaim agus sa Choiste um Trádáil a bheith bunaither ar an Dréachtchinneadh atá i gceangal leis seo,

(1)

I gcomhréir le Rialachán (AE) Uimh. 305/2011, úsáidfidh Comhlachtaí um Measúnú Teicniúil na modhanna agus na critéir a sholáthraítear i nDoiciméid um Measúnú Eorpach, ar foilsíodh na tagairtí dóibh in Iris Oifigiúil an Aontais Eorpaigh, chun measúnú a dhéanamh ar fheidhmíocht táirgí foirgníochta a chumhdaítear leis na doiciméid sin i ndáil lena mbuntréithe.

(2)

I gcomhréir le hAirteagal 19 de Rialachán (AE) Uimh. 305/2011, ar lorg roinnt iarratas ó mhonaróirí ar Mheasúnuithe Teicniúla Eorpacha, tá 25 Dhoiciméad um Measúnú Eorpach tarraingthe suas agus glactha ag eagraíocht na gComhlachtaí um Measúnú Teicniúil.

(3)

Na Doiciméid um Measúnú Eorpach a tharraing eagraíocht na gComhlachtaí um Measúnú Teicniúil suas agus a ghlac sí, baineann siad leis na táirgí foirgníochta seo a leanas:

(4)

Na Doiciméid um Measúnú Eorpach atá tarraingthe suas agus glactha ag eagraíocht na gComhlachtaí um Measúnú Teicniúil, comhlíonann siad na riachtanais atá le comhlíonadh maidir leis na buncheanglais i ndáil le hoibreacha foirgníochta a leagtar amach in Iarscríbhinn I a ghabhann le Rialachán (AE) Uimh. 305/2011. Dá bhrí sin, is iomchuí na tagairtí do na Doiciméid um Measúnú Eorpach sin a fhoilsiú in Iris Oifigiúil an Aontais Eorpaigh.

(5)

Foilsítear liosta na dtagairtí do Dhoiciméid um Measúnú Eorpach maidir le táirgí foirgníochta de bhun Chinneadh Cur Chun Feidhme (AE) 2019/450 ón gCoimisiún (2). Ar mhaithe le soiléireacht, ba cheart tagairtí do Dhoiciméid nua um Measúnú Eorpach a chur leis an liosta sin.

(6)

Dá bhrí sin, ba cheart Cinneadh Cur Chun Feidhme (AE) 2019/450 a leasú dá réir.

(7)

Chun gur féidir na Doiciméid um Measúnú Eorpach a úsáid a luaithe is féidir, ba cheart don Chinneadh seo teacht i bhfeidhm lá a fhoilsithe,

1.

2.

3.

“(g)

ranníocaíochtaí comhchineáil ó na Comhaltaí Príobháideacha nó a gcomheintitis agus a n-eintitis chleamhnaithe mar a shainmhínítear in Airteagal 9(7) den Rialachán seo.”,

“ (g)

ranníocaíochtaí comhchineáil ó na Comhaltaí Príobháideacha nó a gcomheintitis agus a n-eintitis chleamhnaithe mar a shainmhínítear in Airteagal 2, pointí (16) agus (17) den Rialachán seo.”.

1.

2.

3.