(1)

Chun inathraitheacht mhíchuí sna ceanglais chaipitil a sheachaint ar fud institiúidí, agus chun an cur chuige bunaithe ar shainordú a chur i bhfeidhm i gcásanna nach bhfuil faisnéis leordhóthanach ann, is gá an modh a shonrú chun méid na risíochta atá ualaithe ó thaobh priacal a ríomh le haghaidh gnóthas comhinfheistíochta (GC) faoin gcur chuige bunaithe ar shainordú maidir leis na cásanna nach féidir méid na risíochta atá ualaithe ó thaobh priacal a ríomh mar gheall ar ionchuir atá in easnamh.

(2)

I gcás ina ndéanann GC idirbhearta díorthach agus nach eol ionstraimí foluiteacha na ndíorthach nó priacal foluiteach shuímh na ndíorthach, ní féidir le hinstitiúidí costas athsholáthair na suíomh a chinneadh, dá bhrí sin ní féidir leo a luach risíochta a chinneadh. Sa chás sin, ba cheart d’institiúidí a ríomhanna a bhunú ar mhéid barúlach an tsuímh díorthaigh, a bheadh ar eolas de ghnáth agus a bheadh mar an táscaire is fearr maidir le méid an tsuímh, agus dá bhrí sin, lena soláthrófaí comhfhogasú maidir le luach na risíochta.

(3)

I gcás nach n-eisiatar le sainordú GC dul isteach i ndíorthaigh ach nach n-áirítear ann faisnéis leordhóthanach chun a chinneadh an risíocht laistigh nó lasmuigh den chlár comhardaithe atá in ionstraim fholuiteach, ní féidir a eisiamh go bhfuil risíocht den sórt sin bunaithe. Is gá, dá bhrí sin, an risíocht sin a chur san áireamh agus méideanna na risíochta atá ualaithe ó thaobh priacal á ríomh maidir le risíochtaí an GC.

(4)

I gcás nach soláthraítear leis an sainordú faisnéis leordhóthanach faoi luach risíochta an tsuímh sin, ní féidir a eisiamh gurb éard atá i luach na risíochta méid barúlach iomlán an tsuímh díorthaigh.

(5)

I gcás nach sonraítear sa sainordú méid barúlach an tsuímh díorthaigh, chun cur chuige sách stuama a áirithiú, ba cheart an méid sin a dhíorthú ó uasmhéid barúlach na ndíorthach a cheadaítear faoin sainordú.

(6)

I gcás nach eol na costais athsholáthair nó an risíocht todhchaí fhéideartha chun méid na risíochta a bhaineann le priacal creidmheasa an chontrapháirtí a ríomh, ba cheart d’institiúidí a ríomhanna a bhunú ar shuim mhéideanna barúlacha na n-idirbheart sa tacar glanluachála, arbh é an meastachán coimeádach is fearr a bheadh ar fáil é chun gur féidir an cur chuige bunaithe ar shainordú a úsáid.

(7)

Tá cásanna ann nach féidir le hinstitiúidí na tacair ghlanluachála ábhartha le haghaidh cineál áirithe díorthaigh sa GC a fhionnadh, ós rud é nach bhfuil aon fhaisnéis ar fáil maidir leis na contrapháirtithe nó maidir le cibé acu atá nó nach bhfuil na hidirbhearta faoi réir ag socrú glanluachála déthaobhach is infheidhme le dlí dá dtagraítear in Airteagal 272, pointe (4), de Rialachán (AE) Uimh. 575/2013. Sna cásanna sin, ba cheart d’institiúidí toimhdiú nach ann d’éifeachtaí glanluachála ná d’éagsúlú contrapháirtí don chineál sin díorthaigh. Dá bhrí sin, ba cheart d’institiúidí toimhdiú go bhfuil an GC tar éis dul isteach i ndíorthach aonair leis an uasmhéid barúlach a cheadaítear faoin sainordú le haghaidh díorthach den chineál sin.

(8)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin.

(9)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo ann agus d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (2),

(1)

De bhun Airteagal 50(2)(a) de Rialachán (AE) Uimh. 1151/2012, foilsíodh an t-iarratas ón Iodáil ar fhormheas ar leasú nach mion ar shonraíocht táirge an táisc gheografaigh faoi chosaint “Aceto Balsamico di Modena” in Iris Oifigiúil an Aontais Eorpaigh (2).

(2)

An 31 Lúnasa 2021, fuair an Coimisiún trí fhógra freasúra agus ráiteas réasúnaithe amháin ón nGearmáin. Cuireadh dhá ráiteas freasúra réasúnaithe eile ón nGearmáin isteach an 11 Deireadh Fómhair 2021. An 16 Meán Fómhair 2021, fuair an Coimisiún an ceathrú fógra freasúra ó fhreasúróir atá lonnaithe sa Tuirc. Cuireadh an ráiteas freasúra réasúnaithe lena mbaineann isteach an 16 Samhain 2021.

(3)

Tar éis don Choimisiún scrúdú a dhéanamh ar na ráitis freasúra réasúnaithe agus iad a mheas a bheith inghlactha, i gcomhréir le hAirteagal 51(3) de Rialachán (AE) Uimh. 1151/2012, thug sé cuireadh don Iodáil agus don Ghearmáin agus don Iodáil agus don fhreasúróir ón Tuirc i litir dar dáta an 10 Nollaig 2021 a bheith páirteach i gcomhairliúcháin iomchuí d’fhonn teacht ar chomhaontú.

(4)

An 4 Márta 2021, chuir an Ghearmáin an Coimisiún ar an eolas gur tarraingíodh ceann amháin de na freasúraí siar, ach go seasann beirt fhreasúróirí eile ón nGearmáin na freasúraí eile.

(5)

Tháinig deireadh leis na comhairliúcháin idir an Iodáil agus an Ghearmáin ar thaobh amháin agus an Iodáil agus an freasúróir ón Tuirc ar an taobh eile agus níor tháinig siad ar chomhaontú. Dá bhrí sin, ba cheart don Choimisiún cinneadh a dhéanamh maidir leis na leasuithe i gcomhréir leis an nós imeachta dá bhforáiltear in Airteagal 52(3)(b) de Rialachán (AE) Uimh. 1151/2012 agus torthaí na gcomhairliúchán sin á gcur san áireamh aige.

(6)

Mheas na freasúróirí go mbeadh neamhchomhlíonadh na gcoinníollacha a leagtar síos in Airteagal 5(2) de Rialachán (AE) Uimh. 1151/2012 ina thoradh ar na leasuithe ar an tsonraíocht táirge, ar an ábhar go mbrisfidís an nasc idir an táirge agus an limistéar geografach go háirithe. Chuige sin, léiríodh amhras faoi na hathruithe a líomhnaítear a bheith déanta ar shaintréithe orgánaileipteacha “Aceto Balsamico di Modena”, faoin athrú ar an aigéadacht iomlán íosta le haghaidh an táirge aoisithe agus faoin nós imeachta ceartúcháin maidir le diallais ó na paraiméadair a d’fhéadfadh a bheith ann. Cuireadh i gcoinne na leasuithe sin freisin sa mhéid go raibh cáilíocht “Aceto Balsamico di Modena” á laghdú acu agus gurbh éard a bheadh mar thoradh orthu neamhchomhlíonadh na gceanglas a leagtar síos le haghaidh fínéagair fíona faoi phointe 17 de Chuid II d’Iarscríbhinn VII a ghabhann le Rialachán (AE) Uimh. 1308/2013 ó Pharlaimint na hEorpa agus ón gComhairle (3) lena mbunaítear comheagrú na margaí i dtáirgí talmhaíochta (aigéadacht 60 gram in aghaidh an lítir ar a laghad = 6 % ar a laghad).

(7)

Thairis sin, líomhain na freasúróirí neamhchomhlíonadh na gceanglas íosta le haghaidh inneachar na sonraíochta táirge, maidir le hAirteagal (7)(1)(g) de Rialachán (AE) Uimh. 1151/2012, maidir leis an tagairt don chomhlacht rialúcháin le haghaidh “Aceto Balsamico di Modena” a bhaint.

(8)

Thairis sin, líomhain na freasúróirí go ndearnadh raon feidhme na cosanta atá ann cheana a leathnú go míchuí agus, dá bhrí sin, go gcuirfí ainmneacha, trádmharcanna nó táirgí i mbaol le clárú na leasuithe, lena n-áirítear fínéagair bhalsamacha de thionscnaimh eile. Bhainfeadh an t-éileamh sin, go háirithe, le háireamh líomhnaithe na hoibleagáide an buidéalú a dhéanamh sa limistéar críochaithe, riail bhreise maidir le cruth na gcoimeádán, chomh maith le paraiméadair an chóimheasa iseatópaigh a thabhairt isteach. Dá thoradh sin, líomhnaíonn na freasúróirí go ndéanann na leasuithe atá beartaithe dochar do leasanna bhuidéalaithe “Aceto Balsamico di Modena” agus tháirgeoirí Gearmánacha fínéagar eile.

(9)

Ar deireadh, mhaígh na freasúróirí go bhféadfadh laghdú ar an aigéadacht íosta a tugadh isteach le déanaí mearbhall a chruthú idir PGI “Aceto Balsamico di Modena” (TGFC) agus “Aceto Balsamico Tradizionale di Modena” (STFC).

(10)

Rinne an Coimisiún measúnú ar na hargóintí a nochtadh sna ráitis freasúra réasúnaithe ón nGearmáin agus ón Tuirc i bhfianaise fhorálacha Rialachán (AE) Uimh. 1151/2012, agus torthaí na gcomhairliúchán iomchuí a rinneadh idir an t-iarratasóir agus na freasúróirí á gcur san áireamh aige, agus tháinig sé ar an gconclúid gur cheart an leasú ar an tsonraíocht táirge le haghaidh an táisc gheografaigh faoi chosaint “Aceto Balsamico di Modena” a fhormheas.

(11)

Mhaígh an Iodáil nár léirigh na freasúróirí go raibh leas dlisteanach acu i dtaisceadh na bhfreasúraí, mar a cheanglaítear le hAirteagal 51(1) de Rialachán (AE) 1151/2012, ós rud é gur chuir na freasúróirí i gcoinne leasuithe nach ndearnadh iarratas orthu ná nach raibh bacainní trádála agus/nó margaidh ina dtorthaí orthu.

I gcomhthéacs an nós imeachta is infheidhme maidir le hiarratais ar leasuithe ar an tsonraíocht nach mionleasuithe iad, féadfaidh aon duine nádúrtha nó dlítheanach a bhfuil leas dlisteanach aige freasúra a thaisceadh i gcoinne an iarratais ar leasú a cuireadh isteach. Sa chás seo, níor measadh go raibh an riosca díobhála do leasanna na bhfreasúróirí neamhdhóchúil amháin ná hipitéiseach agus, dá bhrí sin, thángthas ar an gconclúid gur léirigh na freasúróirí go raibh leas dlisteanach acu i dtaisceadh na bhfreasúraí.

(12)

Go deimhin, san anailís ar na húdair amhrais a chuir na freasúróirí isteach, léiríodh gur eilimintí nár athraíodh de thoradh na leasuithe atá idir lámha cuid de na héilimh a rinneadh maidir leis na heilimintí sa tsonraíocht táirge, agus nach raibh iontu ach athruithe eagarthóireachta. Bhí sé d’aidhm ag na hathruithe eagarthóireachta sin an doiciméad aonair a thabhairt i gcomhréir le hAirteagal 8(1)(c) de Rialachán (AE) 1151/2012 agus na coinníollacha a leagtar síos i sonraíocht táirge “Aceto Balsamico di Modena” (TGFC) a léiriú ar bhealach níos fearr. Baineann sé sin, go háirithe, leis na hathruithe a líomhnaítear a bheith déanta ar na saintréithe orgánaileipteacha, leis na hathruithe a líomhnaítear baint a bheith acu le húsáid breiseán agus le húsáid coimeádán plaisteach, chomh maith le hoibleagáid a líomhnaítear an buidéalú a dhéanamh sa limistéar críochaithe. Níor tháinig aon athrú ar na rialacha sin, ach cuireadh foclaíocht úr ar an doiciméad aonair, agus tá an seans ann gur tuigeadh í mar leasú ar an tsonraíocht táirge, ach is amhlaidh go bhfuil siad ina dtoradh ar cheartú neamhréireachtaí idir an tsonraíocht táirge agus an achoimre ar an tsonraíocht táirge a foilsíodh Iris Oifigiúil an Aontais Eorpaigh (4). Dhírigh measúnú an Choimisiúin ar an iarratas ar leasú “Aceto Balsamico di Modena” (TGFC) ar na leasuithe substaintiúla a ndearnadh iarratas orthu.

(13)

Ní féidir a mheas go bhfuil tionchar diúltach ar an nasc idir an táirge agus a thionscnamh geografach ag na hathruithe a bhaineann le híoschéatadán aigéadachta le haghaidh an chineáil invecchiato (aoisithe), is é sin athrú ó 6 % go 5,5 %, ná ag an nós imeachta ceartúcháin a cheadaítear maidir le diallais a d’fhéadfadh a bheith ann. Míníodh na cúiseanna atá leis na leasuithe sin agus tugadh údar cuí leo tráth foilsithe an iarratais, agus is léir nach n-athraíonn cineál agus scála na leasuithe sin saintréithe “Aceto Balsamico di Modena” (TGFC) agus, dá bhrí sin, nach féidir leo an nasc a chur ar ceal.

(14)

Thairis sin, ní féidir mearbhall a bheith ann de thoradh na cosúlachta i leibhéal na haigéadachta idir “Aceto Balsamico di Modena” (TGFC) agus “Aceto Balsamico Tradizionale di Modena” (STFC) ná ní féidir a thabhairt le fios dá toradh gurb é an dara ceann atá i gceist. Fiú má tá saintréithe áirithe i bpáirt ag táirgí faoin dá sonrúchán, cuir i gcás leibhéal na haigéadachta, is as amhábhair éagsúla agus le modhanna táirgthe éagsúla a dhéantar iad agus dá bhrí sin, is táirgí éagsúla iad fós.

(15)

Ar deireadh, ní mar fhínéagar fíona a shainmhínítear “Aceto Balsamico di Modena” (TGFC) agus dá bhrí sin níl sé faoi réir na rialacha is infheidhme maidir le fínéagar fíona, go háirithe maidir leis an aigéadacht íosta.

(16)

I dtaca leis na freasúraí a bhaineann le raon méide na mbuidéal a leathnú, ní féidir a mheas faoin leasú go bhforchuirtear aon srian ar na hoibreoirí atá bainteach le pacáistiú “Aceto Balsamico di Modena”. A mhalairt ar fad, le méideanna breise toillte coimeádán a cheadú amhail 0,100 l, 0,150 l, 0,200 l nó 1,5 l, is féidir a mheas go bhfuil na coinníollacha buidéalaithe á liobrálú. Tá an seans ann go mbeadh iomaíocht bhreise ina toradh ar “Aceto Balsamico di Modena” a mhargú i raon níos leithne de mhéid buidéal, rud a bheadh i gcomhréir le bunphrionsabail bheartas iomaíochta an Aontais agus nár cheart a mheas go ndéanfadh sí dochar do cháil “Aceto Balsamico di Modena” (TGFC).

(17)

Is é is aidhm do shaintréithe na gcoimeádán ar lú a dtoilleadh ná 0,250 lítear a áirítear i roinn 3.5 den doiciméad aonair íoschaighdeán aonfhoirmeachta a áirithiú i measc na mbuidéal ina ndíolfar an táirge. Ní áirítear an riail sin maidir le pacáistiú sa tuairisc ar an táirge, ná ní thugtar tuilleadh sonraí fúithi i dtaca le sainiúlacht an táirge faoin roinn den doiciméad aonair atá dírithe ar an nasc agus, dá bhrí sin, ní féidir í a mheas mar ghné fhíor-riachtanach de chur i láthair an táirge. Ós rud é gur le haghaidh coimeádáin nua ar lú a dtoilleadh ná 0.250 lítear amháin a shocraítear na ceanglais sin, coimeádáin nár ceadaíodh roimh an leasú atá idir lámha, ní bheidh tionchar diúltach ag an athrú a gcuirtear ina choinne ar infheistíochtaí i gcoimeádáin a rinne buidéalaithe “Aceto Balsamico di Modena” cheana féin agus dá bhrí sin, ní bheidh siad thíos le caillteanas eacnamaíoch dá dheasca.

(18)

Níor soláthraíodh faisnéis faoin gcomhlacht rialúcháin go díreach sa doiciméad aonair, ós rud é nach gceanglaítear é a sholáthar ann i gcomhréir le hIarscríbhinn I a ghabhann le Rialachán Cur Chun Feidhme (AE) 668/2014 ón gCoimisiún (5). Mar sin féin, áiríodh an fhaisnéis sin sa tsonraíocht táirge, mar a shonraítear in Airteagal 7(1)(g) de Rialachán (AE) 1151/2012.

(19)

I dtaca le freasúraí na bhfreasúróirí i gcoinne chomhlíonadh riachtanach pharaiméadair an chóimheasa iseatópaigh, tugadh na paraiméadair sin isteach chun tanú féideartha an fhínéagair fíona a bhrath ar bhealach níos fearr agus chun feabhas a chur ar an gcóras rialúcháin le haghaidh “Aceto Balsamico di Modena”. Déantar fíorú an chóimheasa iseatópaigh ag an gcéim táirgthe ar aon chuma, agus dá bhrí sin ní dhéanann sé difear ach do tháirgeoirí “Aceto Balsamico di Modena”.

(20)

Dá réir sin, ba cheart na leasuithe ar an tsonraíocht táirge a foilsíodh in Iris Oifigiúil an Aontais Eorpaigh maidir leis an ainm “Aceto Balsamico di Modena” (TGFC) a fhormheas.

(21)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Beartas Cáilíochta Táirgí Talmhaíochta,

(1)

Le Rialachán (AE) 2016/429 leagtar síos, inter alia, na ceanglais sláinte ainmhithe maidir le coinsíneachtaí ainmhithe, táirgí geirmeacha agus táirgí de bhunadh ainmhíoch a theacht isteach san Aontas, agus tá feidhm aige ón 21 Aibreán 2021. Ceann de na ceanglais sláinte ainmhithe sin is ea nach mór do na coinsíneachtaí sin a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, i gcomhréir le hAirteagal 230(1) den Rialachán sin.

(2)

Le Rialachán Tarmligthe (AE) 2020/692 ón gCoimisiún (2) déantar forlíonadh ar Rialachán (AE) 2016/429 a mhéid a bhaineann le ceanglais sláinte ainmhithe maidir le coinsíneachtaí speiceas agus catagóirí áirithe d’ainmhithe, de tháirgí geirmeacha agus de tháirgí de bhunadh ainmhíoch a theacht isteach san Aontas ó thríú tíortha nó ó chríocha, nó ó chriosanna nó ó dheighleoga de thríú tír nó de chríoch. Le Rialachán Tarmligthe (AE) 2020/692, foráiltear nach gceadófar coinsíneachtaí ainmhithe, táirgí geirmeacha ná táirgí de bhunadh ainmhíoch a thagann faoina raon feidhme a theacht isteach san Aontas ach amháin más ó thríú tír nó ó chríoch, nó ó chrios nó ó dheighleog de thríú tír nó de chríoch, a thagann siad, a liostaítear le haghaidh na speiceas agus na gcatagóirí áirithe sin ainmhithe, táirgí geirmeacha agus táirgí de bhunadh ainmhíoch i gcomhréir leis na ceanglais sláinte ainmhithe a leagtar síos sa Rialachán Tarmligthe sin.

(3)

Le Rialachán Cur Chun Feidhme (AE) 2021/404 ón gCoimisiún (3) leagtar síos na liostaí de thríú tíortha, nó de chríocha nó criosanna nó deighleoga de thríú tír nó de chríoch, óna gceadaítear do na speicis agus do na catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas. Déantar na liostaí agus rialacha ginearálta áirithe maidir leis na liostaí a leagan amach in Iarscríbhinní I go XXII a ghabhann leis an Rialachán Cur Chun Feidhme sin.

(4)

Le hIarscríbhinn XV, Cuid 1 a ghabhann le Rialachán Cur Chun Feidhme (AE) 2021/404, leagtar amach liosta de thríú tíortha, de chríocha nó de chriosanna de thríú tír nó de chríoch óna n-údaraítear táirgí feola ó chrúbacha, ó éanlaith chlóis agus ó éin ghéim a theacht isteach san Aontas. Le hIarscríbhinn XIX, Cuid 1 a ghabhann le Rialachán Cur Chun Feidhme (AE) 2021/404, leagtar amach liosta de thríú tíortha, de chríocha nó de chriosanna de thríú tír nó de chríoch óna n-údaraítear coinsíneachtaí uibheacha agus táirgí uibhe a theacht isteach san Aontas.

(5)

Tá iarratas curtha isteach ag an Moldóiv chuig an gCoimisiún ar údarú le haghaidh coinsíneachtaí de tháirgí feola ó éanlaith chlóis, seachas raitítigh, agus uibheacha, a theacht isteach san Aontas, agus thug sí ráthaíochtaí maidir leis an tríú tír sin a bheith ag comhlíonadh na gceanglas maidir le fógra a thabhairt i leith na ngalar liostaithe dá dtagraítear in Iarscríbhinn I a ghabhann le Rialachán Tarmligthe (AE) 2020/692 atá ábhartha d’éanlaith chlóis, agus ráthaíochtaí maidir leis an tríú tír sin a bheith ag comhlíonadh na gceanglas ábhartha de chuid an Aontais maidir le sláinte ainmhithe nó ceanglais choibhéiseacha. Dá bhrí sin, agus staid sláinte éanlaithe clóis sa Mholdóiv á cur san áireamh, is iomchuí an tríú tír sin a chur ar na liostaí a leagtar amach in Iarscríbhinn XV, Cuid 1 agus in Iarscríbhinn XIX, Cuid 1 a ghabhann le Rialachán Cur Chun Feidhme (AE) 2021/404 a mhéid a bhaineann le táirgí feola ó éanlaith chlóis seachas raitítigh agus le huibheacha.

(6)

Dá bhrí sin, ba cheart Iarscríbhinní XV agus XIX a ghabhann le Rialachán Cur Chun Feidhme (AE) 2021/404 a leasú dá réir.

(7)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Le Rialachán Tarmligthe (AE) 2022/2292 ón gCoimisiún (2), déantar forlíonadh ar Rialachán (AE) 2017/625 agus is é is aidhm dó a áirithiú i gcás coinsíneachtaí de bhia-ainmhithe agus earraí áirithe a bheartaítear lena gcaitheamh ag an duine ó thríú tíortha nó ó réigiúin sna tíortha sin go gcomhlíonfaidh na coinsíneachtaí sin ceanglais áirithe de chuid an Aontais maidir le sábháilteacht bia, nó na ceanglais a aithnítear a bheith ar a laghad coibhéiseach leo. Go háirithe, sainaithnítear sa Rialachán sin na hainmhithe agus na hearraí a bheartaítear lena gcaitheamh ag an duine agus atá faoi réir an cheanglais maidir le teacht ó thríú tír nó réigiún sa tír sin atá ar an liosta dá dtagraítear in Airteagal 126(2)(a) de Rialachán (AE) 2017/625.

(2)

Déantar foráil le hAirteagal 7 de Rialachán Tarmligthe (AE) 2022/2292 nach bhfuil coinsíneachtaí áirithe de bhia-ainmhithe, táirgí de bhunadh ainmhíoch agus táirgí ilchodacha le teacht isteach san Aontas ach ó thríú tír atá ar an liosta de thríú tíortha a fhormheastar i dtaobh na gcoinsíneachtaí sin a bheartaítear lena gcaitheamh ag an duine a theacht isteach san Aontas.

(3)

Leagtar síos le Rialachán Cur Chun Feidhme (AE) 2021/405 ón gCoimisiún (3) liosta de thríú tíortha nó réigiúin sna tíortha sin a údaraítear i dtaobh coinsíneachtaí de tháirgí áirithe atá an-mhínphróiseáilte agus a bheartaítear lena gcaitheamh ag an duine a theacht isteach san Aontas.

(4)

Ó rinneadh leasú (4) le déanaí ar Rialachán (CE) Uimh. 853/2004 ó Pharlaimint na hEorpa agus ón gComhairle (5), tá díorthaigh shaille agus blastáin bhia a údaraítear i gcomhréir le Rialachán (CE) Uimh. 1334/2008 ó Pharlaimint na hEorpa agus ón gComhairle (6) cumhdaithe faoi tháirgí an-mhínphróiseáilte, faoi réir cóireálacha lena gcuirtear deireadh le haon riosca don tsláinte phoiblí nó do shláinte ainmhithe. Ba cheart Rialachán Cur Chun Feidhme (AE) 2021/405 a leasú le bheith comhsheasmhach leis an athrú sin.

(5)

Tá plean rialaithe curtha isteach ag an Asarbaiseáin, plean ina gcumhdaítear eochraí agus caibheár. Leis an bplean tugtar ráthaíochtaí leordhóthanacha agus ba cheart é a fhormheas dá bhrí sin.

(6)

Tá plean rialaithe curtha isteach ag an Liobáin, plean ina gcumhdaítear mil. Leis an bplean tugtar ráthaíochtaí leordhóthanacha agus ba cheart é a fhormheas dá bhrí sin.

(7)

Liostaítear Oileán Mhanann sa tábla in Iarscríbhinn -I a ghabhann le Rialachán Cur Chun Feidhme (AE) 2021/405 ós rud é go ndéanann sé feoil de chineál caorach agus de chineál gabhair a onnmhairiú chuig an Aontas uaidh. Mar sin féin, chuir Oileán Mhanann an Coimisiún ar an eolas nach bhfuil suim aige a thuilleadh feoil de chineál gabhair a onnmhairiú chuig an Aontas. Dá bhrí sin, san iontráil maidir le hOileán Mhanann a bhaineann le feoil de chineál caorach agus de chineál gabhair sa tábla sin d’Iarscríbhinn -I a ghabhann le Rialachán Cur Chun Feidhme (AE) 2021/405, níor cheart a chumhdach léi ach feoil de chineál caorach.

(8)

Liostaítear an tSeapáin sa tábla in Iarscríbhinn -I a ghabhann le Rialachán Cur Chun Feidhme (AE) 2021/405 ós rud é go ndéanann sí muiceoil a onnmhairiú chuig an Aontas uaithi. Mar sin féin, chuir an tSeapáin an Coimisiún ar an eolas nach bhfuil suim aici a thuilleadh plean rialaithe maidir le muiceoil a chur isteach agus nach bhfuil sé ar intinn aici ach muiceoil de thionscnamh na mBallstát nó tríú tíortha óna n-údaraítear na táirgí sin a theacht isteach san Aontas a úsáid. Dá bhrí sin, ba cheart an iontráil maidir leis an tSeapáin a bhaineann le muiceoil a oiriúnú dá réir in Iarscríbhinn -I a ghabhann le Rialachán Cur Chun Feidhme (AE) 2021/405.

(9)

Liostaítear an Ríocht Aontaithe sa tábla in Iarscríbhinn –I a ghabhann le Rialachán Cur Chun Feidhme (AE) 2021/405 ós rud é go ndéanann sí feoil choinín a onnmhairiú chuig an Aontas uaithi. Mar sin féin, chuir an Ríocht Aontaithe an Coimisiún ar an eolas nach bhfuil suim aici a thuilleadh plean rialaithe maidir le feoil choinín a chur isteach ach nach bhfuil sé ar intinn aici ach feoil choinín de thionscnamh na mBallstát nó tríú tíortha óna n-údaraítear na táirgí sin a theacht isteach san Aontas a úsáid. Dá bhrí sin, ba cheart an iontráil maidir leis an Ríocht Aontaithe a bhaineann le feoil choinín a oiriúnú dá réir in Iarscríbhinn -I a ghabhann le Rialachán Cur Chun Feidhme (AE) 2021/405.

(10)

Níl plean rialaithe maidir le bainne curtha faoi bhráid an Choimisiúin ag an Téalainn. Mar sin féin, thug an Téalainn ráthaíochtaí nach n-úsáidfear ach bainne de thionscnamh na mBallstát nó tríú tíortha óna n-údaraítear bainne a theacht isteach san Aontas. Chuir sé an Coimisiún ar an eolas freisin nach mbeidh bainne den sórt sin atá le honnmhairiú chuig an Aontas teoranta do tháirgí ilchodacha ina bhfuil táirgí bainne próiseáilte. Dá bhrí sin, ba cheart an iontráil maidir leis an Téalainn a bhaineann le bainne a oiriúnú dá réir in Iarscríbhinn –I a ghabhann le Rialachán Cur Chun Feidhme (AE) 2021/405.

(11)

Tá plean rialaithe curtha isteach ag Stáit Aontaithe Mheiriceá, plean ina gcumhdaítear cásálacha. Leis an bplean tugtar ráthaíochtaí leordhóthanacha agus ba cheart é a fhormheas dá bhrí sin.

(12)

Liostaítear Ruanda faoi láthair sa tábla in Iarscríbhinn –I a ghabhann le Rialachán Cur Chun Feidhme (AE) 2021/405 le haghaidh meala agus liostaítear an Cholóim agus an tSiria le haghaidh cásálacha. Ós rud é nach bhfuil pleananna maidir leis na táirgí sin curtha faoi bhráid an Choimisiúin ag na tríú tíortha sin, ba cheart na hiontrálacha sin a scriosadh ón tábla atá san Iarscríbhinn sin.

(13)

Tá clár rialaithe maidir le Salmonella in ealtaí béaróg curtha isteach ag an Moldóiv ionas go mbeidh sí údaraithe i dtaobh uibheacha aicme A a theacht isteach san Aontas i gcomhréir le hAirteagal 7 de Rialachán Cur Chun Feidhme (AE) 2021/405. Rinne an Coimisiún measúnú ar an gclár rialaithe sin agus fuarthas go raibh sé sásúil. An chomhlíontacht a bhaineann leis na ceanglais maidir le rialú Salmonella i gcomhréir le hAirteagal 10(6) de Rialachán (CE) Uimh. 2160/2003 ó Pharlaimint na hEorpa agus ón gComhairle (7), rinneadh an chomhlíontacht sin a sheiceáil faoi dhó le linn an iniúchta a rinne an Coimisiún i mí Aibreáin 2022 (8). Dá bhrí sin, ba cheart an Mholdóiv a údarú i dtaobh uibheacha aicme A a theacht isteach san Aontas.

(14)

Dá bhrí sin, ba cheart Rialachán Cur Chun Feidhme (AE) 2021/405 a leasú dá réir.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Treoir 2008/107/CE ón gCoimisiún (2) áirítear abaimeictin mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

Maidir leis na substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

An formheas ar an tsubstaint ghníomhach abaimeictin, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé sin in éag an 30 Aibreán 2023.

(4)

Cuireadh iarratas faoi bhráid na hIorua, an Ballstát is rapóirtéir, agus faoi bhráid na hOstaire, an Bhallstáit is comhrapóirtéir, agus Mhálta, chun formheas na substainte gníomhaí abaimeictin a athnuachan, i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (5) agus laistigh den tréimhse ama dá bhforáiltear san Airteagal sin.

(5)

Chuir na hiarratasóirí na sainchomhaid fhorlíontacha a cheanglaítear faoi bhráid an Bhallstáit is rapóirtéir, an Bhallstáit is comhrapóirtéir, an Choimisiúin agus an Údaráis Eorpaigh um Shábháilteacht Bia (an tÚdarás) i gcomhréir le hAirteagal 6 de Rialachán Cur Chun Feidhme (AE) Uimh. 844/2012. Chinn an Ballstát is rapóirtéir an t-iarratas a bheith iomlán.

(6)

D’ullmhaigh an Ballstát is rapóirtéir dréacht-tuarascáil maidir le measúnú ar athnuachan i gcomhairle leis an mBallstát is comhrapóirtéir agus chuir sé faoi bhráid an Údaráis agus an Choimisiúin í an 17 Aibreán 2019. Ina dhréacht-tuarascáil maidir le measúnú ar athnuachan, mhol an Ballstát is rapóirtéir go ndéanfaí an formheas ar abaimeictin a athnuachan.

(7)

Chuir an tÚdarás an dréacht-tuarascáil maidir le measúnú ar athnuachan in iúl don iarratasóir agus do na Ballstáit chun barúlacha a fháil uathu agus chuir sé na barúlacha a fuarthas ar aghaidh chuig an gCoimisiún. Chuir an tÚdarás an sainchomhad achomair forlíontach ar fáil don phobal freisin.

(8)

An 15 Iúil 2020, chuir an tÚdarás a chonclúid (6) in iúl don Choimisiún maidir le cé acu is féidir nó nach féidir coinne a bheith leis go gcomhlíonfaidh abaimeictin na critéir formheasa dá bhforáiltear in Airteagal 4 de Rialachán (CE) Uimh. 1107/2009. Shainaithin an tÚdarás roinnt saincheisteanna nárbh fhéidir a thabhairt chun críche. Go háirithe, sainaithníodh rioscaí a mhéid a bhaineann le héin agus mamaigh, orgánaigh uisceacha agus macra-orgánaigh ithreach.

(9)

An 01 Feabhra 2022, chuir an Coimisiún sainordú chuig an Údarás mar aon le hiarraidh ar athbhreithniú a dhéanamh ar an measúnú teagmhála agus an measúnú riosca a mhéid a bhaineann le héin agus mamaigh, orgánaigh uisceacha agus méisea-orgánaigh ithreach. Chuir an tÚdarás conclúid nuashonraithe chuig an gCoimisiún an 27 Iúil 2022 (7). Sa Chonclúid nuashonraithe uaidh, dheimhnigh an tÚdarás na rioscaí a sainaithníodh sa mheasúnú roimhe seo.

(10)

Chuir an Coimisiún tuarascáil athnuachana agus an dréacht-Rialachán maidir le habaimeictin faoi bhráid an Bhuanchoiste um Plandaí, Ainmhithe, Bia agus Beatha an 25 Márta 2021 agus chuir sé leaganacha athbhreithnithe den dá dhoiciméad faoin bhráid an 8 Nollaig 2022 chun na torthaí i gConclúid nuashonraithe an Údaráis a chur san áireamh.

(11)

D’iarr an Coimisiún ar an iarratasóir a bharúlacha a chur isteach maidir le conclúid an Údaráis agus, i gcomhréir le hAirteagal 14(1), an tríú fomhír, de Rialachán Cur Chun Feidhme (AE) Uimh. 844/2012, a bharúlacha maidir leis an tuarascáil athnuachana. Chuir an t-iarratasóir isteach a bharúlacha maidir leis an dá leagan den dréacht-tuarascáil athnuachana agus rinneadh scrúdú cúramach orthu.

(12)

Maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil abaimeictin, suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(13)

Tá an measúnú riosca chun formheas na substainte gníomhaí abaimeictin a athnuachan bunaithe ar úsáidí ionadaíocha mar fheithidicíd agus mar acairicíd i mbarra faoi chosaint. Cé nach gá, i bhfianaise an mheasúnaithe riosca sin, an srian gan úsáid a bhaint aisti ach amháin mar fheithidicíd agus acairicíd a choinneáil, is gá, i gcomhréir le hAirteagal 14(1) de Rialachán (CE) Uimh. 1107/2009 i gcomhar le hAirteagal 6 den Rialachán sin agus i bhfianaise an eolais eolaíoch agus theicniúil reatha, foráil a dhéanamh maidir le coinníollacha agus srianta áirithe. Is iomchuí, go háirithe, úsáid táirgí cosanta plandaí ina bhfuil abaimeictin a shrianadh d’úsáidí lenar gceadaítear ábhar agus fuinneamh a mhalartú ar bhealach rialaithe leis an timpeallacht, chun cosc a chur ar scaoileadh táirgí cosanta plandaí amach sa chomhshaol agus chun an t-ardriosca a shainaithnítear a bheith ann d’orgánaigh uisceacha agus d’orgánaigh talún fiáine nach spriocorgánaigh talún iad a mhaolú. Dá réir sin, féadfar úsáidí i dtithe gloine buana a údarú.

(14)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(15)

Le Rialachán Cur Chun Feidhme (AE) 2022/378 ón gCoimisiún (8), cuireadh síneadh leis an tréimhse formheasa ar abaimeictin go dtí an 30 Aibreán 2023 chun go bhféadfar an próiseas athnuachana a chur i gcrích sula rachaidh tréimhse formheasa na substainte gníomhaí sin in éag. Ós rud é go ndearnadh cinneadh maidir le hathnuachan roimh an dáta éaga sin ar cuireadh síneadh leis, agus á chur san áireamh go rachaidh an formheas reatha ar abaimeictin in éag an 30 Aibreán 2023, ba cheart don Rialachán seo teacht i bhfeidhm a luaithe is féidir agus feidhm a bheith aige níos luaithe ná an dáta sin.

(16)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán Cur Chun Feidhme (AE) 2020/2236 ón gCoimisiún (3) leagtar amach na deimhnithe sláinte ainmhithe caighdeánacha maidir le coinsíneachtaí ainmhithe uisceacha agus táirgí áirithe de bhunadh ainmhíoch ó ainmhithe uisceacha a theacht isteach san Aontas agus lena ngluaiseacht laistigh den Aontas.

(2)

Go háirithe, in Iarscríbhinn II a ghabhann le Rialachán Cur Chun Feidhme (AE) 2020/2236 leagtar amach an deimhniú sláinte ainmhithe caighdeánach i dtaca le coinsíneachtaí ainmhithe uisceacha a theacht isteach san Aontas atá beartaithe le haghaidh bunaíochtaí dobharshaothraithe áirithe, lena scaoileadh san fhiadhúlra, nó chun críoch eile, seachas lena gcaitheamh go díreach ag an duine (deimhniú caighdeánach “AQUA-ENTRY-ESTAB/RELEASE/OTHER”). Leasaíodh Airteagal 166 de Rialachán Tarmligthe (AE) 2020/692 ón gCoimisiún (4) le déanaí le Rialachán Tarmligthe (AE) 2023/119 (5) chun cead a thabhairt do ghairmithe sláinte ainmhithe uisceacha cigireachtaí cliniciúla a dhéanamh ar choinsíneachtaí ainmhithe uisceacha sula n-onnmhairítear na hainmhithe sin chuig an Aontas, ar choinníoll go bhfuil siad údaraithe sin a dhéanamh faoi dhlí na tríú tíre nó críche is onnmhaireoir. Ba cheart na ceanglais maidir leis na coinsíneachtaí sin a theacht isteach san Aontas a léiriú i bpointe II.3.2 den deimhniú sláinte ainmhithe caighdeánach sin. Dá bhrí sin, ba cheart Iarscríbhinn II a ghabhann le Rialachán Cur Chun Feidhme (AE) 2020/2236 a leasú dá réir.

(3)

Chun aon chur isteach ar thrádáil a sheachaint a mhéid a bhaineann le coinsíneachtaí d’ainmhithe uisceacha a theacht isteach san Aontas atá beartaithe le haghaidh bunaíochtaí dobharshaothraithe áirithe, lena scaoileadh san fhiadhúlra, nó chun críoch eile, seachas lena gcaitheamh go díreach ag an duine, maidir le deimhnithe sláinte ainmhithe a eisítear i gcomhréir le Rialachán Cur Chun Feidhme (AE) 2020/2236, mar ab infheidhme roimh na leasuithe a dhéantar leis an Rialachán Cur Chun Feidhme seo, ba cheart a n-úsáid a údarú i gcónaí ar feadh idirthréimhse faoi réir coinníollacha áirithe.

(4)

Ós rud é go bhfuil feidhm ag Rialachán Cur Chun Feidhme (AE) 2020/2236 ón 21 Aibreán 2021, ar mhaithe le deimhneacht dhlíthiúil agus chun trádáil a éascú, ba cheart éifeacht a bheith ag na leasuithe atá le déanamh leis an Rialachán seo ar Rialachán Cur Chun Feidhme (AE) 2020/2236 mar ábhar práinne.

(5)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

1.

“(a)

ullmhúchán a dhéanamh maidir leis an tionchar a bheidh ag éigeandálaí sláinte poiblí ar tháirgí íocshláinte agus ar fheistí leighis agus an tionchar a bheidh ag mórimeachtaí ar tháirgí íocshláinte agus ar fheistí leighis ar leibhéal an Aontais, a chosc, a chomhordú agus a bhainistiú;”,

“(a)

ullmhúchán a dhéanamh maidir leis an tionchar a bheidh ag éigeandálaí sláinte poiblí ar tháirgí íocshláinte agus ar fheistí leighis agus an tionchar a bheidh ag mórimeachtaí ar tháirgí íocshláinte ar leibhéal an Aontais, a chosc, a chomhordú agus a bhainistiú;”.

2.

3.

4.

5.

“(d)

faisnéis faoi tháirgí leighis ar an liosta de chógais leighis chriticiúla a iarraidh ar na pointí teagmhála aonair dá dtagraítear in Airteagal 3(6) ar bhonn an tacair faisnéise dá dtagraítear in Airteagal 6(4), agus sprioc-am a leagan síos le cur isteach na faisnéise sin, más rud é nach bhfuil an fhaisnéis sin ar fáil ar ESMP.”,

“(d)

faisnéis faoi tháirgí leighis ar an liosta de chógais leighis chriticiúla a iarraidh ar na pointí teagmhála aonair dá dtagraítear in Airteagal 3(6), an dara fomhír, ar bhonn an tacair faisnéise dá dtagraítear in Airteagal 6(4), agus sprioc-am a leagan síos le cur isteach na faisnéise sin, más rud é nach bhfuil an fhaisnéis sin ar fáil ar ESMP.”.

6.

7.

“(a)

an tacar faisnéise dá dtagraítear in Airteagal 6(4) a chur isteach, lena n-áirítear na sonraí atá ar fáil agus na sonraí atá measta faoi mhéid éilimh agus faoi réamhaisnéisí éilimh, tríd an bpointe teagmhála aonair dá dtagraítear in Airteagal 3(6) agus ag úsáid na modhanna tuairiscithe agus na gcóras tuairiscithe a bhunaítear de bhun Airteagal 9(1), pointí (b) agus (c), faoi seach;”,

“(a)

an tacar faisnéise dá dtagraítear in Airteagal 9(2), pointe (d), a chur isteach, lena n-áirítear na sonraí atá ar fáil agus na sonraí atá measta faoi mhéid éilimh agus faoi réamhaisnéisí éilimh, tríd an bpointe teagmhála aonair dá dtagraítear in Airteagal 3(6), an dara fomhír, agus ag úsáid na modhanna tuairiscithe agus na gcóras tuairiscithe a bhunaítear de bhun Airteagal 9(1), pointí (b) agus (c), faoi seach;”.

8.

9.

“(b)

úsáidfidh na Ballstáit, trí na pointí teagmhála aonair dá dtagraítear in Airteagal 9(1), pointe (d), ESMP chun faisnéis a bhaineann le táirgí íocshláinte ar na liostaí de chógais leighis chriticiúla a thuarisiciú, i gcomhréir le hAirteagail 9 agus 11.”,

“(b)

úsáidfidh na Ballstáit, trí na pointí teagmhála aonair dá dtagraítear in Airteagal 3(6), an dara fomhír, ESMP chun faisnéis a bhaineann le táirgí íocshláinte ar na liostaí de chógais leighis chriticiúla a thuarisiciú, i gcomhréir le hAirteagail 9 agus 11.”.

10.

“(b)

bainfidh na Ballstáit úsáid as ESMP chun ganntanais táirgí íocshláinte ar dócha go mbeidh éigeandáil sláinte poiblí nó mórimeacht mar thoradh orthu i gcomhréir le hAirteagal 4(2) a thuairisciú don Ghníomhaireacht, trí na pointí teagmhála aonair dá dtagraítear in Airteagal 9(1), pointe (e).”,

“(b)

bainfidh na Ballstáit úsáid as ESMP chun ganntanais táirgí íocshláinte ar dócha go mbeidh éigeandáil sláinte poiblí nó mórimeacht mar thoradh orthu i gcomhréir le hAirteagal 4(2) a thuairisciú don Ghníomhaireacht, trí na pointí teagmhála aonair dá dtagraítear in Airteagal 3(6), an dara fomhír.”.

11.

12.

13.

14.

“(a)

an tacar faisnéise dá dtagraítear in Airteagal 22(2) a chur isteach, lena n-áirítear faisnéis atá ar fáil faoi riachtanais a bhaineann le feistí leighis a áirítear ar liosta feistí criticiúla na héigeandála sláinte poiblí, chomh maith leis na sonraí atá ar fáil nó atá measta faoin méid éilimh ar na táirgí leighis agus réamhaisnéisí éilimh maidir leis na táirgí leighis sin, tríd an bpointe teagmhála aonair faoi seach dá dtagraítear in Airteagal 25(2), pointe (a), agus ag úsáid na modhanna agus na gcóras faireacháin agus tuairiscithe arna mbunú de bhun Airteagal 25(1), pointe (b);”,

“(a)

an tacar faisnéise dá dtagraítear in Airteagal 22(2), pointe (a), a chur isteach, lena n-áirítear faisnéis atá ar fáil faoi riachtanais a bhaineann le feistí leighis a áirítear ar liosta feistí criticiúla na héigeandála sláinte poiblí, chomh maith leis na sonraí atá ar fáil nó atá measta faoin méid éilimh ar na táirgí leighis agus réamhaisnéisí éilimh maidir leis na táirgí leighis sin, tríd an bpointe teagmhála aonair faoi seach dá dtagraítear in Airteagal 25(5), an dara fomhír, agus ag úsáid na modhanna agus na gcóras faireacháin agus tuairiscithe arna mbunú de bhun Airteagal 25(1), pointe (b);”.

15.

16.

“(b)

aon mholtaí dá dtagraítear in Airteagal 24(3) agus aon treoirlínte dá dtagraítear in Airteagal 28, pointe (b), a chur san áireamh agus comhordú a dhéanamh ar a ngníomhaíochtaí a bhaineann le haon ghníomhartha arna ndéanamh ar leibhéal an Aontais de bhun Airteagal 12, pointe (a), a chomhlíonadh;”,

“(b)

aon mholtaí dá dtagraítear in Airteagal 24(3) agus aon treoirlínte dá dtagraítear in Airteagal 28, pointe (b), a chur san áireamh agus comhordú a dhéanamh ar a ngníomhaíochtaí a bhaineann le haon ghníomhartha arna ndéanamh ar leibhéal an Aontais de bhun Airteagal 28, pointe (a), a chomhlíonadh;”.

(1)

i dTábla A ‘Daoine nádúrtha dá dtagraítear in Airteagal 2(1)’, cuirtear na hiontrálacha seo a leanas in ionad iontrálacha 10, 17, 20, 22, 35, 39, 41, 42, 64, 65, 71, 73, 75, 78, 85, 87, 89, 90, 123, 125 agus 179:”,

(1)

i dTábla A ‘Daoine nádúrtha dá dtagraítear in Airteagal 2(1)’, cuirtear na hiontrálacha seo a leanas in ionad iontrálacha 10, 17, 20, 22, 35, 39, 41, 42, 64, 65, 71, 73, 75, 78, 85, 87, 89, 90, 104, 123, 125, 129, 131, 179 agus 195:”.