ISSN 1977-0839
Iris Oifigiúil
an Aontais Eorpaigh
L 39
An t-eagrán Gaeilge
Reachtaíocht
Imleabhar 66
9 Feabhra 2023
|
ISSN 1977-0839 |
||
|
Iris Oifigiúil an Aontais Eorpaigh |
L 39 |
|
|
|
||
|
An t-eagrán Gaeilge |
Reachtaíocht |
Imleabhar 66 |
|
|
|
Ceartúcháin |
|
|
|
* |
||
|
|
* |
||
|
|
* |
||
|
|
* |
|
|
|
|
|
(1) Téacs atá ábhartha maidir le LEE. |
|
GA |
Tagraíonn gníomhartha a bhfuil a dteidil i gcló éadrom do bhainistiú cúrsaí talmhaíochta ó lá go lá agus go ginearálta bíonn tréimhse theoranta bailíochta i gceist leo. Tá teidil na ngníomhartha eile i gcló trom agus tagann réiltín rompu. |
II Gníomhartha neamhreachtacha
RIALACHÁIN
|
9.2.2023 |
GA |
Iris Oifigiúil an Aontais Eorpaigh |
L 39/1 |
RIALACHÁN CUR CHUN FEIDHME (AE) 2023/267 ÓN gCOIMISIÚN
an 8 Feabhra 2023
lena n-údaraítear cnónna triomaithe Canarium ovatum Engl. a chur ar an margadh mar bhia traidisiúnta ó thríú tír agus lena leasaítear Rialachán Cur Chun Feidhme (AE) 2017/2470 ón gCoimisiún
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (1), agus go háirithe Airteagal 15(4) de,
De bharr an mhéid seo a leanas:
|
(1) |
Foráiltear le Rialachán (AE) 2015/2283 nach bhféadfar ach bianna núíosacha a údaraítear agus atá curtha ar liosta an Aontais de bhianna núíosacha a chur ar an margadh laistigh den Aontas. Ar bhonn an tsainmhínithe a leagtar amach in Airteagal 3(2), pointe (c), den Rialachán sin, meastar gur bia núíosach bia traidisiúnta ó thríú tír. |
|
(2) |
De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2). |
|
(3) |
An 28 Márta 2019, chuir an chuideachta DOMENICODELUCIA SPA (“an t-iarratasóir”) fógra faoi bhráid an Choimisiúin go raibh rún aici cnónna Canarium ovatum Engl. a chur ar mhargadh an Aontais mar bhia traidisiúnta ó thríú tír i gcomhréir le hAirteagal 14 de Rialachán (AE) 2015/2283. Chuir an t-iarratasóir iarraidh isteach i leith cnónna triomaithe Canarium ovatum Engl. lena dtomhailt sa riocht sin ag an bpobal i gcoitinne. |
|
(4) |
Comhlíonann an fógra na ceanglais a leagtar síos in Airteagal 14 de Rialachán (AE) 2015/2283. Go sonrach, sna sonraí a chuir an t-iarratasóir i láthair, léiríodh go bhfuil stair úsáid an bhia shláin ag cnónna triomaithe Canarium ovatum Engl. sna hOileáin Fhilipíneacha. |
|
(5) |
De bhun Airteagal 15(1) de Rialachán (AE) 2015/2283, an 13 Nollaig 2021 chuir an Coimisiún an fógra bailí ar aghaidh chuig na Ballstáit agus chuig an Údarás Eorpach um Shábháilteacht Bia (“an tÚdarás”). |
|
(6) |
Maidir leis an mbia lena mbaineann a chur ar an margadh laistigh den Aontas, níor cuireadh aon agóid chuí-réasúnaithe i ndáil le sábháilteacht faoi bhráid an Choimisiúin ó na Ballstáit ná ón Údarás laistigh den tréimhse a leagtar síos in Airteagal 15(2) de Rialachán (AE) 2015/2283. |
|
(7) |
An 13 Bealtaine 2022, d’fhoilsigh an tÚdarás an Tuarascáil theicniúil uaidh maidir le fógra a thabhairt faoi cnónna Canarium ovatum Engl. mar bhia traidisiúnta ó thríú tír (3). Sa tuarascáil sin, tháinig an tÚdarás ar an gconclúid nach cúis imní sábháilteachta iad na sonraí atá ar fáil maidir le comhdhéanamh cnónna Canarium ovatum Engl. ná maidir le stair na húsáide a iarrtar ina leith. |
|
(8) |
Dá bhrí sin, ba cheart don Choimisiún údarú a thabhairt cnónna triomaithe Canarium ovatum Engl. a chur ar an margadh laistigh den Aontas mar bhia traidisiúnta ó thríú tír, agus liosta an Aontais de bhianna núíosacha údaraithe a thabhairt cothrom le dáta dá réir sin. |
|
(9) |
Sa tuarascáil uaidh, thug an tÚdarás dá aire freisin, ar bhonn na fianaise teoranta a foilsíodh maidir le hailléirge bhia a bhaineann le cnónna Canarium ovatum Engl., gur féidir coinne a bheith le frithghníomhuithe ailléirgeacha tar éis cnónna Canarium ovatum Engl. a thomhailt. Go sonrach, léiríodh i staidéir gur ann do thrasimoibríocht in vitro i leith cnónna Canarium ovatum Engl. le caisiú agus gallchnó. Maidir le bianna atá ann a d’fhéadfadh a bheith ina gcúis le frithghníomhuithe ailléirgeacha, tá sé tábhachtach go dtabharfaí faisnéis ina leith go soiléir, chun go mbeidh na tomhaltóirí in ann roghanna feasacha a dhéanamh atá sábháilte dóibh. Dá bhrí sin, maidir le cnónna Canarium ovatum Engl. a chuirtear ar fáil don tomhaltóir, is iomchuí iad a lipéadú go hiomchuí de réir cheanglais Airteagal 9 de Rialachán (AE) 2015/2283. |
|
(10) |
Ba cheart cnónna triomaithe Canarium ovatum Engl. a chur mar bhia traidisiúnta ó thríú tír ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470 ón gCoimisiún. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
1. Údaraítear cnónna triomaithe Canarium ovatum Engl. a chur ar an margadh laistigh den Aontas.
Cuirfear cnónna triomaithe Canarium ovatum Engl. mar bhia traidisiúnta ó thríú tír ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470 ón gCoimisiún.
2. Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 8 Feabhra 2023.
Thar ceann an Choimisiúin
An tUachtarán
Ursula VON DER LEYEN
(1) IO L 327, 11.12.2015, lch. 1.
(2) Rialachán Cur Chun Feidhme (AE) 2017/2470 ón gCoimisiún an 20 Nollaig 2017 lena mbunaítear liosta an Aontais de bhianna núíosacha i gcomhréir le Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha (IO L 351, 30.12.2017, lch. 72).
(3) EFSA Supporting Publications [Foilseacháin Tacaíochta EFSA] 2022:EN-7314.
IARSCRÍBHINN
Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 mar a leanas:
|
(1) |
Cuirtear an iontráil seo a leanas isteach i dTábla 1 (Bianna núíosacha údaraithe
|
||||||||||||||||
|
(2) |
Cuirtear an iontráil seo a leanas isteach i dTábla 2 (Sonraíochtaí):
|
|
9.2.2023 |
GA |
Iris Oifigiúil an Aontais Eorpaigh |
L 39/5 |
RIALACHÁN CUR CHUN FEIDHME (AE) 2023/268 ÓN gCOIMISIÚN
an 8 Feabhra 2023
lena leasaítear Iarscríbhinní V agus XIV a ghabhann le Rialachán Cur Chun Feidhme (AE) 2021/404 a mhéid a bhaineann leis na hiontrálacha a bhaineann le Ceanada, leis an Ríocht Aontaithe agus leis na Stáit Aontaithe ar liostaí tríú tíortha atá údaraithe maidir le coinsíneachtaí d’éanlaith clóis, de tháirgí geirmeacha ó éanlaith chlóis, agus d’fheoil úr ó éanlaith chlóis agus d’éin ghéim a theacht isteach san Aontas
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (“Dlí maidir le Sláinte Ainmhithe”) (1), agus go háirithe Airteagal 230(1) agus Airteagal 232(1) agus (3) de.
De bharr an mhéid seo a leanas:
|
(1) |
Foráiltear le Rialachán (AE) 2016/429 nach mór do choinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas. |
|
(2) |
Le Rialachán Tarmligthe (AE) 2020/692 ón gCoimisiún (2) leagtar síos na ceanglais sláinte ainmhithe nach mór do choinsíneachtaí speiceas agus catagóirí áirithe d’ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha nó ó chríocha nó ó chriosanna de thríú tír nó de chríoch, nó ó dheighleoga de thríú tír nó de chríoch i gcás ainmhithe uisceacha. |
|
(3) |
Le Rialachán Cur Chun Feidhme (AE) 2021/404 ón gCoimisiún (3) bunaítear na liostaí de thríú tíortha, nó de chríocha nó criosanna nó deighleoga de thríú tír nó de chríoch, óna gceadaítear speicis agus catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas. |
|
(4) |
Thar aon ní eile, le hIarscríbhinní V agus XIV a ghabhann le Rialachán Cur Chun Feidhme (AE) 2021/404 leagtar amach na liostaí de thríú tíortha, nó de chríocha, nó de chriosanna de thríú tír nó de chríoch atá údaraithe i dtaca le coinsíneachtaí d’éanlaith chlóis, de tháirgí geirmeacha ó éanlaith chlóis, d’fheoil úr ó éanlaith chlóis agus d’éin ghéim a theacht isteach san Aontas. |
|
(5) |
Thug Ceanada fógra don Choimisiún faoi dhá ráig den fhliú éanúil ardphataigineach atá ann in éanlaith chlóis i gcúige British Columbia, ráigeanna a deimhníodh idir an 5 Eanáir 2023 agus an 6 Eanáir 2023 le hanailís saotharlainne (RT-PCR). |
|
(6) |
Thairis sin, thug an Ríocht Aontaithe fógra don Choimisiún faoi 5 ráig den fhliú éanúil ardphataigineach atá ann in éanlaith chlóis i gcontaetha Norfolk (2) i Sasana, an Ríocht Aontaithe agus Aberdeenshire (1), Highland (1) agus Dumfries agus Galloway (1), in Albain, an Ríocht Aontaithe, ráigeanna a deimhníodh idir an 13 Eanáir 2023 agus an 30 Eanáir 2023 le hanailís saotharlainne (RT-PCR). |
|
(7) |
Ina theannta sin, thug na Stáit Aontaithe fógra don Choimisiún faoi 9 ráig den fhliú éanúil ardphataigineach atá ann in éanlaith chlóis i stáit California (1), Iowa (1), Kansas (2), South Dakota (1), Tennessee (1) Texas (1) agus Virginia (2), na Stáit Aontaithe, ráigeanna a deimhníodh idir an 4 Eanáir 2023 agus an 30 Eanáir 2023 le hanailís saotharlainne (RT-PCR). |
|
(8) |
Tar éis na ráigeanna sin den fhliú éanúil ardphataigineach a bhí ann le déanaí, bhunaigh údaráis tréidliachta Cheanada, na Ríochta Aontaithe agus na Stát Aontaithe criosanna rialaithe de 10 km ar a laghad timpeall ar na bunaíochtaí atá buailte agus chuir siad beartas díothaithe chun feidhme chun láithreacht an fhliú éanúil ardphataiginigh a rialú agus chun leathadh an ghalair sin a theorannú. |
|
(9) |
Tá faisnéis curtha faoi bhráid an Choimisiún ag Ceanada, ag an Ríocht Aontaithe agus ag na Stáit Aontaithe maidir leis an staid eipidéimeolaíoch ar a gcríoch agus maidir leis na bearta atá déanta acu chun leathadh breise an fhliú éanúil ardphataiginigh sin a chosc. Rinne an Coimisiún meastóireacht ar an bhfaisnéis sin. Ar bhonn na meastóireachta sin, agus chun stádas sláinte ainmhithe an Aontais a chosaint, níor cheart údarú a thabhairt a thuilleadh do choinsíneachtaí d’éanlaith chlóis, de tháirgí geirmeacha ó éanlaith chlóis ná d’fheoil úr ó éanlaith chlóis ná d’éin ghéim a theacht isteach san Aontas ó na ceantair atá faoi shrianta a leagann údaráis tréidliachta Cheanada, na Ríochta Aontaithe agus na Stát Aontaithe síos mar gheall ar na ráigeanna den fhliú éanúil ardphataigineach atá ann le déanaí. |
|
(10) |
Thairis sin, chuir Ceanada faisnéis nuashonraithe isteach maidir leis an staid eipidéimeolaíoch ar a chríoch i ndáil le 39 ráig den fhliú éanúil ardphataigineach atá ann i mbunaíochtaí éanlaithe clóis i gcúigí Alberta (7), British Columbia (5), Manitoba (11), Ontario (5), Québec (4) agus Saskatchewan (7) i gCeanada, ráigeanna a deimhníodh idir an 7 Aibreán 2022 agus an 9 Samhain 2022. |
|
(11) |
Ina theannta sin, chuir an Ríocht Aontaithe faisnéis nuashonraithe isteach maidir leis an staid eipidéimeolaíoch ar a gcríoch i ndáil le 13 ráig den fhliú éanúil ardphataigineach atá ann i mbunaíochtaí éanlaithe clóis i gcontaetha Cheshire (2), Cornwall (2) Devon (4), Somerset (1) agus Staffordshire (1) i Sasana, an Ríocht Aontaithe, ar Oileán Leodhais (1), in Albain, an Ríocht Aontaithe agus in Anglesey (2) sa Bhreatain Bheag, an Ríocht Aontaithe, ráigeanna a deimhníodh idir an 21 Iúil 2022 agus an 24 Deireadh Fómhair 2022. |
|
(12) |
Thairis sin arís, chuir na Stáit Aontaithe faisnéis nuashonraithe isteach maidir leis an staid eipidéimeolaíoch ina gcríoch i ndáil le 50 ráig den fhliú éanúil ardphataigineach atá ann i mbunaíochtaí éanlaithe clóis i stáit California (5), Colorado (2), Idaho (10), Kansas (2), Kentucky (1), Michigan (2), Minnesota (9), Montana (1), New Jersey (1), Nua Eabhrac (1), North Dakota (2), Ohio (1) Oregon (1), Pennsylvania (2), South Dakota (6), Tennessee (1), Utah (2) agus Washington (1), na Stáit Aontaithe, ráigeanna a deimhníodh idir an 5 Aibreán 2022 agus an 19 Deireadh Fómhair 2022. |
|
(13) |
Chuir Ceanada an Ríocht Aontaithe agus na Stáit Aontaithe faisnéis isteach freisin faoi na bearta a rinne siad chun leathadh breise an fhliú éanúil ardphataiginigh a chosc. Go sonrach, tar éis na ráigeanna sin den ghalar sin, tá beartas díothaithe curtha chun feidhme ag Ceanada, ag an Ríocht Aontaithe agus ag na Stáit Aontaithe chun leathadh an ghalair sin a rialú agus a theorannú, agus tá na bearta glantacháin agus díghalraithe is gá curtha i gcrích acu freisin tar éis chur chun feidhme an bheartais díothaithe maidir leis na bunaíochtaí éanlaithe clóis ionfhabhtaithe ar a gcríocha. |
|
(14) |
Rinne an Coimisiún meastóireacht ar an bhfaisnéis a chuir Ceanada, an Ríocht Aontaithe agus na Stáit Aontaithe isteach agus tháinig sé ar an gconclúid go bhfuil na ráigeanna den fhliú éanúil ardphataigineach i mbunaíochtaí éanlaithe clóis díothaithe agus nach bhfuil riosca ag baint a thuilleadh le teacht isteach tráchtearraí éanlaithe clóis san Aontas ó na criosanna i gCeanada, sa Ríocht Aontaithe ná sna Stáit Aontaithe óna raibh teacht isteach san Aontas na dtráchtearraí éanlaithe clóis ar fionraí tar éis na ráigeanna sin. |
|
(15) |
Dá bhrí sin, ba cheart Iarscríbhinní V agus XIV a ghabhann le Rialachán Cur Chun Feidhme (AE) 2021/404 a leasú chun an staid eipidéimeolaíoch atá ann faoi láthair a chur san áireamh a mhéid a bhaineann leis an bhfliú éanúil ardphataigineach i gCeanada, sa Ríocht Aontaithe agus sna Stáit Aontaithe. |
|
(16) |
Agus an staid eipidéimeolaíoch atá ann faoi láthair i gCeanada, sa Ríocht Aontaithe agus sna Stáit Aontaithe á cur san áireamh a mhéid a bhaineann leis an bhfliú éanúil ardphataigineach agus an riosca tromchúiseach atá ann go dtabharfaí isteach san Aontas é, ba cheart éifeacht a bheith leis na leasuithe atá le déanamh ar Iarscríbhinní V agus XIV a ghabhann le ar Rialachán Cur Chun Feidhme (AE) 2021/404 leis an Rialachán seo mar ábhar práinne. |
|
(17) |
Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní V agus XIV a ghabhann le Rialachán Cur Chun Feidhme (AE) 2021/404 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 8 Feabhra 2023.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1.
(2) Rialachán Tarmligthe (AE) 2020/692 ón gCoimisiún an 30 Eanáir 2020 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le coinsíneachtaí d’ainmhithe, de tháirgí geirmeacha agus de tháirgí áirithe de bhunadh ainmhíoch a theacht isteach san Aontas, agus maidir lena ngluaiseacht agus lena láimhseáil tar éis dóibh a theacht isteach (IO L 174, 3.6.2020, lch. 379).
(3) Rialachán Cur Chun Feidhme (AE) 2021/404 ón gCoimisiún an 24 Márta 2021 lena leagtar síos na liostaí de thríú tíortha, de thríú críocha nó de chriosanna díobh óna gceadaítear ainmhithe, táirgí geirmeacha agus táirgí de bhunadh ainmhíoch teacht isteach san Aontas i gcomhréir le Rialachán (AE) 2016/429 ó Pharlaimint na hEorpa agus ón gComhairle (IO L 114, 31.3.2021, lch. 1).
IARSCRÍBHINN
Leasaítear Iarscríbhinní V agus XIV a ghabhann le Rialachán Cur Chun Feidhme (AE) 2021/404 mar a leanas:
|
(1) |
Leasaítear Iarscríbhinn V mar a leanas:
|
|
(2) |
leasaítear Roinn B de Chuid 1 d’Iarscríbhinn XIV mar a leanas
|
CINNTÍ
|
9.2.2023 |
GA |
Iris Oifigiúil an Aontais Eorpaigh |
L 39/32 |
CINNEADH (AE) 2023/269 ÓN gCOMHAIRLE
an 30 Eanáir 2023
maidir leis an seasamh atá le glacadh, thar ceann an Aontais Eorpaigh, i gComhchoiste LEE, a bhaineann le leasú ar Iarscríbhinn IX (Seirbhísí Airgeadais) a ghabhann le Comhaontú LEE (Taisclanna Lárnacha Urrús - Lichtinstéin)
(Téacs atá ábhartha maidir le LEE)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 i gcomhar le hAirteagal 218(9) de,
Ag féachaint do Rialachán (CE) Uimh. 2894/94 ón gComhairle an 28 Samhain 1994 a bhaineann le socruithe le haghaidh chur chun feidhme an Chomhaontaithe ar an Limistéar Eorpach Eacnamaíoch (1), agus go háirithe Airteagal 1(3) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Tháinig an Comhaontú ar an Limistéar Eorpach Eacnamaíoch (2) (“Comhaontú LEE”) i bhfeidhm an 1 Eanáir 1994. |
|
(2) |
De bhun Airteagal 98 de Chomhaontú LEE, féadfaidh Comhchoiste LEE a chinneadh Iarscríbhinn IX (Seirbhísí Airgeadais) a ghabhann le Comhaontú LEE, inter alia, a leasú. |
|
(3) |
Ionchorpraíodh Rialachán (AE) Uimh. 909/2014 ó Pharlaimint na hEorpa agus ón gComhairle (3) i gComhaontú LEE le Cinneadh Uimh. 18/2019 ó Chomhchoiste LEE (4)agus tagraítear dó i bpointe 31bf d’Iarscríbhinn IX a ghabhann le Comhaontú LEE. |
|
(4) |
Le hoiriúnú (c) i bpointe 31bf d’Iarscríbhinn IX a ghabhann le Comhaontú LEE, deonaítear maolú do Lichtinstéin chun cead a thabhairt do Thaisclanna Lárnacha Urrús tríú tír a bhfuil seirbhísí dá dtagraítear in Airteagal 25(2) de Rialachán (AE) Uimh. 909/2014 á soláthar acu cheana féin d’idirghabhálaithe airgeadais i Lichtinstéin nó a bhfuil brainse curtha ar bun acu i Lichtinstéin cheana féin leanúint de na seirbhísí dá dtagraítear san Airteagal sin a sholáthar ar feadh tréimhse nach faide ná 5 bliana tar éis dháta theacht i bhfeidhm Chinneadh Uimh. 18/2019 ó Chomhchoiste LEE. |
|
(5) |
An 2 Samhain 2022, chuir Lichtinstéin iarraidh isteach ar shíneadh a chur leis an maolú dá dtagraítear in oiriúnú (c) i bpointe 31bf d’Iarscríbhinn IX a ghabhann le Comhaontú LEE a mhairfidh tar éis an 8 Feabhra 2024, ar feadh tréimhse nár cheart a bheith níos faide ná 7 mbliana. |
|
(6) |
Ba cheart, dá bhrí sin, Iarscríbhinn IX a ghabhann le Comhaontú LEE a leasú chun a cheadú do Thaisclanna Lárnacha urrús tríú tír a bhfuil seirbhísí dá dtagraítear in Airteagal 25(2) de Rialachán (AE) Uimh. 909/2014 á soláthar acu cheana féin d’idirghabhálaithe airgeadais i Lichtinstéin nó a bhfuil brainse curtha ar bun acu i Lichtinstéin cheana féin leanúint de na seirbhísí sin a sholáthar ar feadh tréimhse nach faide ná 7 mbliana tar éis theacht i bhfeidhm an dréachtchinneadh seo atá i gceangal. Mar sin féin, ba cheart athbhreithniú a dhéanamh ar oiriúnú (c) i bpointe 31bf d’Iarscríbhinn IX a ghabhann le Comhaontú LEE má dhéantar leasú ar Airteagail 25 nó 69 de Rialachán (AE) Uimh. 909/2014 le linn na tréimhse sin. |
|
(7) |
Ba cheart, dá bhrí sin, seasamh an Aontais i gComhchoiste LEE a bheith bunaithe ar an Dréachtchinneadh atá i gceangal, |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh, thar ceann an Aontais, i gComhchoiste LEE i ndáil leis an leasú atá beartaithe ar Iarscríbhinn IX (Seirbhísí Airgeadais) a ghabhann le Comhaontú LEE, beidh sé bunaithe ar an Dréachtchinneadh ó Chomhchoiste LEE atá i gceangal leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 30 Eanáir 2023.
Thar ceann na Comhairle
An tUachtarán
P. KULLGREN
(1) IO L 305, 30.11.1994, lch. 6.
(3) Rialachán (AE) Uimh. 909/2014 ó Pharlaimint na hEorpa agus ón gComhairle an 23 Iúil 2014 maidir le socraíocht urrús san Aontas Eorpach a fheabhsú agus maidir le taisclanna lárnacha urrús agus lena leasaítear Treoracha 98/26/CE agus 2014/65/AE agus Rialachán (AE) Uimh. 236/2012, IO L 257, 28.8.2014, lch. 1.
(4) Cinneadh Uimh. 18/2019 ó Chomhchoiste LEE an 8 Feabhra 2019 lena leasaítear Iarscríbhinn IX (Seirbhísí Airgeadais) a ghabhann le Comhaontú LEE [2019/341] (IO L 60, 28.2.2019, lch. 31).
DRÉACHT
CINNEADH Ó CHOMHCHOISTE LEE Uimh. …
an …
lena leasaítear Iarscríbhinn IX (Seirbhísí Airgeadais) a ghabhann le Comhaontú LEE
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagal 98 de,
De bharr an mhéid seo a leanas:
|
(1) |
Rialachán (AE) Uimh. 909/2014 ó Pharlaimint na hEorpa agus ón gComhairle an 23 Iúil 2014 maidir le socraíocht urrús san Aontas Eorpach a fheabhsú agus maidir le taisclanna lárnacha urrús agus lena leasaítear Treoracha 98/26/CE agus 2014/65/AE agus Rialachán (AE) 236/2012 (1), ionchorpraíodh é i gComhaontú LEE le Cinneadh ó Chomhchoiste LEE Uimh. 18/2019 an 8 Feabhra 2019 (2) agus tagraítear dó i bpointe 31bf d’Iarscríbhinn IX a ghabhann le Comhaontú LEE. |
|
(2) |
Na coinníollacha le haghaidh soláthar seirbhísí i Limistéar Eorpach a dhéanann taisclann lárnach urrús atá bunaithe i dtríú tír, rialáiltear iad le hAirteagal 25 de Rialachán (AE) Uimh. 909/2014. |
|
(3) |
Le hoiriúnú (c) i bpointe 31bf d’Iarscríbhinn IX a ghabhann le Comhaontú LEE, deonaítear maolú do Lichtinstéin chun cead a thabhairt do thaisclanna lárnacha urrús tríú tír a bhfuil seirbhísí dá dtagraítear in Airteagal 25(2) de Rialachán (AE) Uimh. 909/2014 á soláthar acu cheana féin d’idirghabhálaithe airgeadais i Lichtinstéin nó a bhfuil brainse curtha ar bun acu i Lichtinstéin cheana féin leanúint de na seirbhísí sin a sholáthar ar feadh tréimhse suas le 5 bliana tar éis dháta theacht i bhfeidhm Chinneadh Uimh. 18/2019 ó Chomhchoiste LEE an 8 Feabhra 2019. |
|
(4) |
Ba cheart oiriúnú (c) i bpointe 31bf d’Iarscríbhinn IX a ghabhann le Comhaontú LEE a leasú chun a cheadú do thaisclanna lárnacha urrús tríú tír a bhfuil seirbhísí dá dtagraítear in Airteagal 25(2) de Rialachán (AE) Uimh. 909/2014 á soláthar acu cheana féin d’idirghabhálaithe airgeadais i Lichtinstéin nó a bhfuil brainse curtha ar bun acu i Lichtinstéin cheana féin leanúint de na seirbhísí sin a sholáthar ar feadh tréimhse nach faide ná 7 mbliana tar éis theacht i bhfeidhm an Chinnidh seo. Mar sin féin, má dhéantar leasú ar Airteagal 25 nó 69 de Rialachán (AE) Uimh. 909/2014 le linn na tréimhse sin, ba cheart athbhreithniú a dhéanamh ar oiriúnú (c) dá réir. |
|
(5) |
Ba cheart, dá bhrí sin, Iarscríbhinn IX a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas in ionad théacs oiriúnú (c) i bpointe 31bf d’Iarscríbhinn IX a ghabhann le Comhaontú LEE:
|
“(c) |
Féadfaidh Lichtinstéin cead a thabhairt do thaisclanna lárnacha urrús tríú tír a bhfuil seirbhísí dá dtagraítear in Airteagal 25(2) á soláthar acu cheana féin d’idirghabhálaithe airgeadais i Lichtinstéin nó a bhfuil brainse curtha ar bun acu i Lichtinstéin cheana féin leanúint de na seirbhísí dá dtagraítear in Airteagal 25(2) a sholáthar ar feadh tréimhse nach faide ná 7 mbliana tar éis dháta theacht i bhfeidhm Chinneadh Uimh. .../... ó Chomhchoiste LEE an [an Cinneadh seo].”. |
Airteagal 2
Déanfaidh na Páirtithe Conarthacha athbhreithniú ar oiriúnú (c) i bpointe 31bf d’Iarscríbhinn IX agus iad ag ionchorprú i gComhaontú LEE aon ghnímh lena leasaítear Airteagal 25 nó 69 de Rialachán (AE) Uimh. 909/2014 nó aon ghnímh a chuirtear ina n-ionad.
Airteagal 3
Tiocfaidh an Cinneadh i bhfeidhm an […], ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*1).
Airteagal 4
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, […].
Thar ceann Chomhchoiste LEE
An tUachtarán
Rúnaithe
Chomhchoiste LEE
(1) IO L 257, 28.8.2014, lch. 1.
(2) IO L 60, 28.2.2019, lch. 31.
(*1) [Ní shonraítear aon cheanglas bunreachtúil.] [Sonraítear ceanglais bhunreachtúla.]
|
9.2.2023 |
GA |
Iris Oifigiúil an Aontais Eorpaigh |
L 39/36 |
CINNEADH (AE) 2023/270 ÓN gCOMHAIRLE
an 30 Eanáir 2023
maidir leis an seasamh atá le glacadh, thar ceann an Aontais Eorpaigh, i gComhchoiste LEE a bhaineann le leasú ar Phrótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse (Cedefop)
(Téacs atá ábhartha maidir le LEE)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 166(4) agus Airteagal 165(4) i gcomhar le hAirteagal 218(9) de,
Ag féachaint do Rialachán (CE) Uimh. 2894/94 ón gComhairle an 28 Samhain 1994 maidir le socruithe le haghaidh chur chun feidhme an Chomhaontaithe ar an Limistéar Eorpach Eacnamaíoch (1), agus go háirithe Airteagal 1(3) de,
Ag féachaint don togra ón gCoimisiún Eorpach,
De bharr an méid seo a leanas:
|
(1) |
Tháinig an Comhaontú ar an Limistéar Eorpach Eacnamaíoch (2) (“Comhaontú LEE”) i bhfeidhm an 1 Eanáir 1994. |
|
(2) |
De bhun Airteagal 98 de Chomhaontú LEE, féadfaidh Comhchoiste LEE a chinneadh, inter alia, Prótacal 31 maidir le comhar i réimsí ar leith lasmuigh de na ceithre shaoirse (“Prótacal 31”) a ghabhann le Comhaontú LEE, a leasú. |
|
(3) |
Is iomchuí comhar na bPáirtithe Conarthacha i gComhaontú LEE a leathnú chun Rialachán (AE) 2019/128 ó Pharlaimint na hEorpa agus ón gComhairle (3) a chumhdach. |
|
(4) |
Ba cheart, dá bhrí sin, Prótacal 31 a ghabhann le Comhaontú LEE a leasú ionas go mbeifear in ann an comhar leathnaithe sin a chur ar siúl ó 1 Eanáir 2023. |
|
(5) |
Ba cheart, dá bhrí sin, seasamh an Aontais i gComhchoiste LEE a bheith bunaithe ar an dréachtchinneadh atá i gceangal, |
TAR ÉIS AN CINNEADH SEO A GHLACADH:
Airteagal 1
An seasamh atá le glacadh, thar ceann an Aontais, i gComhchoiste LEE i ndáil leis an leasú atá beartaithe ar Phrótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse, beidh sé bunaithe ar an dréachtchinneadh ó Chomhchoiste LEE atá i gceangal leis an gCinneadh seo.
Airteagal 2
Tiocfaidh an Cinneadh seo i bhfeidhm an dáta a ghlacfar é.
Arna dhéanamh sa Bhruiséil, an 30 Eanáir 2023.
Thar ceann na Comhairle
An tUachtarán
P. KULLGREN
(1) IO L 305, 30.11.1994, lch. 6.
(3) Rialachán (AE) Uimh. 2019/128 ó Pharlaimint na hEorpa agus ón gComhairle an 16 Eanáir 2019 lena mbunaítear an Lárionad Eorpach um Fhorbairt na Gairmoiliúna (Cedefop) agus lena n-aisghairtear Rialachán (CEE) Uimh. 337/75 ón gComhairle (IO L 30, 31.1.2019, lch. 90).
DRÉACHT
CINNEADH Ó CHOMHCHOISTE LEE Uimh. ...
an ...
lena leasaítear Prótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagail 86 agus 98 de,
De bharr an méid seo a leanas:
|
(1) |
De réir mhír 6 d’Airteagal 4 de Phrótacal 31, spreagfaidh na Páirtithe Conarthacha comhar iomchuí idir na heagraíochtaí inniúla, na hinstitiúidí agus na comhlachtaí eile ina gcríocha féin i gcás ina rannchuideodh sé sin le comhar a neartú agus a leathnú. Beidh feidhm aige sin go háirithe maidir le hábhair a chumhdaítear le gníomhaíochtaí an Lárionaid Eorpaigh um Fhorbairt na Gairmoiliúna (Cedefop). |
|
(2) |
Is iomchuí comhar na bPáirtithe Conarthacha i gComhaontú LEE a leathnú chun Rialachán (AE) 2019/128 ó Pharlaimint na hEorpa agus ón gComhairle an 16 Eanáir 2019 lena mbunaítear an Lárionad Eorpach um Fhorbairt na Gairmoiliúna (Cedefop), agus lena n-aisghairtear Rialachán (CEE) 337/75 (1) a chumhdach. |
|
(3) |
Ba cheart, dá bhrí sin, Prótacal 31 a ghabhann le Comhaontú LEE a leasú chun go mbeidh an comhar leathnaithe sin ann ón 1 Eanáir 2023, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas in ionad théacs mhír 6 d’Airteagal 4 de Phrótacal 31 a ghabhann le Comhaontú LEE:
|
“(a) |
Beidh Stáit CSTE rannpháirteach, le héifeacht ón 1 Eanáir 2023, sna gníomhaíochtaí a d’fhéadfadh teacht as an ngníomh seo a leanas de chuid an Aontais:
|
|
(b) |
Déanfaidh Stáit CSTE ranníocaíochtaí airgeadais i leith na ngníomhaíochtaí dá dtagraítear faoi (a) i gcomhréir le hAirteagal 82(1)(a) den Chomhaontú agus le Prótacal 32 a ghabhann leis an gComhaontú. |
|
(c) |
Glacfaidh Stáit CSTE páirt iomlán, gan ceart vótála, i mBord Bainistíochta Cedefop. |
|
(d) |
De mhaolú ar Airteagal 12(2)(a) agus Airteagal 82(3)(a) de Choinníollacha Fostaíochta Sheirbhísigh Eile an Aontais Eorpaigh, náisiúnaigh Stáit CSTE a bhfuil a gcearta iomlána acu mar shaoránaigh, féadfaidh Stiúrthóir Feidhmiúcháin Cedefop iad a fhostú faoi chonradh. |
|
(e) |
De mhaolú ar Airteagal 12(2)(e), Airteagal 82(3)(e) agus Airteagal 85(3) de Choinníollacha Fostaíochta Sheirbhísigh Eile an Aontais Eorpaigh, na teangacha dá dtagraítear in Airteagal 129(1) den Chomhaontú, déanfaidh Cedefop iad a mheas mar theangacha de chuid an Aontais, i dtaca lena baill foirne, dá dtagraítear in Airteagal 55(1) den Chonradh ar an Aontas Eorpach. |
|
(f) |
Beidh pearsantacht dhlítheanach ag Cedefop. I Stáit uile na bPáirtithe Conarthacha beidh an inniúlacht dhlíthiúil is fairsinge a thugtar do dhaoine dlítheanacha faoina ndlíthe aige. |
|
(g) |
Deonóidh Stáit CSTE pribhléidí agus díolúintí do Cedefop agus dá fhoireann, pribhléidí agus díolúintí is coibhéiseach leis na pribhléidí agus na díolúintí i bPrótacal ar Phribhléidí agus Díolúintí an Aontais Eorpaigh. |
|
(h) |
Beidh feidhm ag Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún, chun Rialachán (AE) 2021/696 a chur i bhfeidhm, maidir le haon doiciméad de chuid Cedefop a bhaineann le Stáit CSTE freisin.”. |
Airteagal 2
Tiocfaidh an Cinneadh seo i bhfeidhm an lá tar éis an fhógra dheireanaigh faoi Airteagal 103(1) de Chomhaontú LEE (*).
Beidh feidhm aige ón 1 Eanáir 2023.
Airteagal 3
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil,
Thar ceann Chomhchoiste LEE
An tUachtarán
Rúnaithe
Chomhchoiste LEE
(1) IO L 30, 31.1.2019, lch. 90.
(*) [Ní shonraítear aon cheanglas bunreachtúil.] [Sonraítear ceanglais bhunreachtúla.]
Dearbhú Comhpháirteach ó na Páirtithe Conarthacha i gCinneadh Uimh…/... lena n-ionchorpraítear sa Chomhaontú Rialachán (AE) 2019/128 ó Pharlaimint na hEorpa agus ón gComhairle
Aithníonn na páirtithe go bhfuil ionchorprú an ghnímh seo gan dochar do chur i bhfeidhm díreach Phrótacal 7 i ndáil le pribhléidí agus díolúintí an Aontais Eorpaigh maidir le náisiúnaigh de chuid Stáit CSTE ar chríoch gach Ballstáit den Aontas Eorpach, de bhun Airteagal 11 den Phrótacal sin.
|
9.2.2023 |
GA |
Iris Oifigiúil an Aontais Eorpaigh |
L 39/41 |
CINNEADH (AE) 2023/271 ÓN gCOMHAIRLE
an 30 Eanáir 2023
maidir leis an seasamh atá le glacadh, thar ceann an Aontais Eorpaigh, i gComhchoiste LEE a bhaineann le leasú ar Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus ar Phrótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE (NIS)
(Téacs atá ábhartha maidir le LEE)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 i gcomhar le hAirteagal 218(9) de,
Ag féachaint do Rialachán (CE) Uimh. 2894/94 ón gComhairle an 28 Samhain 1994 a bhaineann le socruithe le haghaidh chur chun feidhme an Chomhaontaithe ar an Limistéar Eorpach Eacnamaíoch (1), agus go háirithe Airteagal 1(3) de,
Ag féachaint don togra ón gCoimisiún Eorpach,
De bharr an méid seo a leanas:
|
(1) |
Tháinig an Comhaontú ar an Limistéar Eorpach Eacnamaíoch (2) (‘Comhaontú LEE’) i bhfeidhm an 1 Eanáir 1994. |
|
(2) |
De bhun Airteagal 98 de Chomhaontú LEE, féadfaidh Comhchoiste LEE a chinneadh, inter alia, Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus Prótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE a leasú. |
|
(3) |
Tá Treoir (AE) 2016/1148 ó Pharlaimint na hEorpa agus ón gComhairle (3) le hionchorprú i gComhaontú LEE. |
|
(4) |
Chun go bhfeidhmeoidh Comhaontú LEE go maith, tá Prótacal 37 a ghabhann le Comhaontú LEE le leathnú chun an Grúpa Comhair arna chur ar bun le Treoir (AE) 2016/1148 a chumhdach. |
|
(5) |
Ba cheart, dá bhrí sin, Iarscríbhinn XI agus Prótacal 37 a ghabhann le Comhaontú LEE a leasú dá réir sin. |
|
(6) |
Ba cheart, dá bhrí sin, seasamh an Aontais i gComhchoiste LEE a bheith bunaithe ar an dréachtchinneadh atá i gceangal leis seo, |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh, thar ceann an Aontais, i gComhchoiste LEE i ndáil leis an leasú atá beartaithe ar Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus ar Phrótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE, beidh sé bunaithe ar an dréachtchinneadh ó Chomhchoiste LEE atá i gceangal leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 30 Eanáir 2023.
Thar ceann na Comhairle
An tUachtarán
P. KULLGREN
(1) IO L 305, 30.11.1994, lch. 6.
(3) Treoir (AE) 2016/1148 ó Pharlaimint na hEorpa agus ón gComhairle an 6 Iúil 2016 a bhaineann le bearta chun leibhéal ard comhchoiteann slándála na gcóras gréasán agus faisnéise a áirithiú ar fud an Aontais (IO L 194, 19.7.2016, lch. 1).
DRÉACHT
CINNEADH Ó CHOMHCHOISTE LEE Uimh. ...
an …
lena leasaítear Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus Prótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,
De bharr an méid seo a leanas:
|
(1) |
Tá Treoir (AE) 2016/1148 ó Pharlaimint na hEorpa agus ón gComhairle an 6 Iúil 2016 a bhaineann le bearta le haghaidh ardleibhéal comhchoiteann slándála líonraí agus córas faisnéise ar fud an Aontais (1) le hionchorprú i gComhaontú LEE. |
|
(2) |
Tá Rialachán Cur Chun Feidhme (AE) 2018/151 ón gCoimisiún an 30 Eanáir 2018 lena leagtar síos rialacha maidir le cur i bhfeidhm Threoir (AE) 2016/1148 ó Pharlaimint na hEorpa agus ón gComhairle a mhéid a bhaineann le tuilleadh sonraíochta ar na heilimintí atá le cur san áireamh ag soláthraithe seirbhíse digití chun na rioscaí a bhaineann le slándáil líonraí agus córas faisnéise a bhainistiú agus maidir leis na paraiméadair lena gcinntear an bhfuil tionchar suntasach ag teagmhas (2), le hionchorprú i gComhaontú LEE. |
|
(3) |
Chun go bhfeidhmeoidh Comhaontú LEE go maith, tá Prótacal 37 a ghabhann le Comhaontú LEE le leathnú chun go n-áireofar an Grúpa Comhair arna chur ar bun le Treoir (AE) 2016/1148. |
|
(4) |
Ba cheart, dá bhrí sin, Iarscríbhinn XI agus Prótacal 37 a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas isteach i ndiaidh phointe 5cp (Rialachán (AE) Uimh. 526/2013 ó Pharlaimint na hEorpa agus ón gComhairle) d’Iarscríbhinn XI a ghabhann le Comhaontú LEE:
|
“5cpa. |
32016 L 1148: Treoir (AE) 2016/1148 ó Pharlaimint na hEorpa agus ón gComhairle an 6 Iúil 2016 a bhaineann le bearta le haghaidh ardleibhéal comhchoiteann slándála na gcóras gréasán agus faisnéise ar fud an Aontais (IO L 194, 19.7.2016, lch. 1). Módúlachtaí maidir le comhlachas Stáit CSTE i gcomhréir le hAirteagal 101 den Chomhaontú: Beidh Stáit CSTE iomlán rannpháirteach sa Ghrúpa Comhair agus beidh na cearta agus na hoibleagáidí céanna acu ann agus a bhíonn ag na Ballstáit den Aontas, cé is moite den cheart vótála. |
|
5cpaa. |
32018 R 0151: Rialachán Cur Chun Feidhme (AE) 2018/151 ón gCoimisiún an 30 Eanáir 2018 lena leagtar síos rialacha maidir le cur i bhfeidhm Threoir (AE) 2016/1148 ó Pharlaimint na hEorpa agus ón gComhairle a mhéid a bhaineann le tuilleadh sonraíochta ar na heilimintí atá le cur san áireamh ag soláthraithe seirbhíse digití chun na rioscaí a bhaineann le slándáil líonraí agus córas faisnéise a bhainistiú agus maidir leis na paraiméadair lena gcinntear an bhfuil tionchar suntasach ag teagmhas (IO L 26, 31.1.2018, lch. 48).” |
Airteagal 2
Cuirtear an pointe seo a leanas isteach i bPrótacal 37 a ghabhann le Comhaontú LEE:
|
“43. |
An Grúpa Comhair (Treoir (AE) 2016/1148 ó Pharlaimint na hEorpa agus ón gComhairle an 6 Iúil 2016 a bhaineann le bearta le haghaidh ardleibhéal comhchoiteann slándála do líonraí agus do chórais faisnéise ar fud an Aontais).”. |
Airteagal 3
Is téacsanna barántúla a bheidh i dtéacsanna Íoslainnise agus Ioruaise Treoir (AE) 2016/1148 agus Rialachán Cur Chun Feidhme (AE) 2018/151, atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 4
Tiocfaidh an Cinneadh seo i bhfeidhm an […], ar choinníoll go mbeidh na fógraí uile faoi Airteagal 103(1) de Chomhaontú LEE tugtha ina leith (*1).
Airteagal 5
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil,
Thar ceann Chomhchoiste LEE
An tUachtarán
Rúnaithe
Chomhchoiste LEE
(1) IO L 194, 19.7.2016, lch. 1.
(2) IO L 26, 31.1.2018, lch. 48.
(*1) [Ní shonraítear aon cheanglas bunreachtúil.] [Sonraítear ceanglais bhunreachtúla.]
|
9.2.2023 |
GA |
Iris Oifigiúil an Aontais Eorpaigh |
L 39/45 |
CINNEADH (AE) 2023/272 ÓN gCOMHAIRLE
an 30 Eanáir 2023
maidir leis an seasamh atá le glacadh thar ceann an Aontais Eorpaigh i gComhchoiste LEE a bhaineann le leasú ar Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus ar Phrótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE (An Gníomh um Chibearshlándáil)
(Téacs atá ábhartha maidir le LEE)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 i gcomhar le hAirteagal 218(9) de,
Ag féachaint do Rialachán (CE) Uimh. 2894/94 ón gComhairle an 28 Samhain 1994 maidir le socruithe le haghaidh chur chun feidhme an Chomhaontaithe ar an Limistéar Eorpach Eacnamaíoch (1), agus go háirithe Airteagal 1(3) de,
Ag féachaint don togra ón gCoimisiún Eorpach,
De bharr an méid seo a leanas:
|
(1) |
Tháinig an Comhaontú ar an Limistéar Eorpach Eacnamaíoch (2) (“Comhaontú LEE”) i bhfeidhm an 1 Eanáir 1994. |
|
(2) |
De bhun Airteagal 98 de Chomhaontú LEE, féadfaidh Comhchoiste LEE a chinneadh, inter alia, Iarscríbhinn XI agus Prótacal 37 a ghabhann le Comhaontú LEE a leasú. |
|
(3) |
Tá Rialachán (AE) 2019/881 ó Pharlaimint na hEorpa agus ón gComhairle (3) le hionchorprú i gComhaontú LEE. |
|
(4) |
Ba cheart, dá bhrí sin, Iarscríbhinn XI agus Prótacal 37 a ghabhann le Comhaontú LEE a leasú dá réir. |
|
(5) |
Ba cheart, dá bhrí sin, seasamh an Aontais i gComhchoiste LEE a bheith bunaithe ar an dréachtchinneadh atá i gceangal, |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh, thar ceann an Aontais, i gComhchoiste LEE i ndáil leis an leasú atá beartaithe ar Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus ar Phrótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE, beidh sé bunaithe ar an dréachtchinneadh ó Chomhchoiste LEE atá i gceangal leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 30 Eanáir 2023.
Thar ceann na Comhairle
An tUachtarán
P. KULLGREN
(1) IO L 305, 30.11.1994, lch. 6.
(3) Rialachán (AE) 2019/881 ó Pharlaimint na hEorpa agus ón gComhairle an 17 Aibreán 2019 maidir le ENISA (Gníomhaireacht an Aontais Eorpaigh um Chibearshlándáil) agus maidir le deimhniú i ndáil le cibearshlándáil theicneolaíocht na faisnéise agus na cumarsáide agus lena n-aisghairtear Rialachán (AE) Uimh. 526/2013 (an Gníomh um Chibearshlándáil) (IO L 151, 7.6.2019, lch. 15).
DRÉACHT
CINNEADH Ó CHOMHCHOISTE LEE Uimh. ...
an …
lena leasaítear Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus Prótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagal 98 de,
De bharr an méid seo a leanas:
|
(1) |
Tá Rialachán (AE) 2019/881 ó Pharlaimint na hEorpa agus ón gComhairle an 17 Aibreán 2019 maidir le ENISA (Gníomhaireacht an Aontais Eorpaigh um Chibearshlándáil) agus maidir le deimhniú i ndáil le cibearshlándáil theicneolaíocht na faisnéise agus na cumarsáide agus lena n-aisghairtear Rialachán (AE) Uimh. 526/2013 (an Gníomh um Chibearshlándáil) (1) le hionchorprú i gComhaontú LEE. |
|
(2) |
Le Rialachán (AE) 2019/881, aisghairtear Rialachán (AE) Uimh. 526/2013 ó Pharlaimint na hEorpa agus ón gComhairle (2), a ionchorpraítear i gComhaontú LEE agus atá le haisghairm dá bharr faoi Chomhaontú LEE. |
|
(3) |
Ba cheart, dá bhrí sin, Iarscríbhinn XI agus Prótacal 37 a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas in ionad théacs phointe 5cp (Rialachán (AE) Uimh. 526/2013 ó Pharlaimint na hEorpa agus ón gComhairle) d’Iarscríbhinn XI a ghabhann le Comhaontú LEE:
‘ 32019 R 0881: Rialachán (AE) 2019/881 ó Pharlaimint na hEorpa agus ón gComhairle an 17 Aibreán 2019 maidir le ENISA (Gníomhaireacht an Aontais Eorpaigh um Chibearshlándáil) agus maidir le deimhniú i ndáil le cibearshlándáil theicneolaíocht na faisnéise agus na cumarsáide agus lena n-aisghairtear Rialachán (AE) Uimh. 526/2013 (an Gníomh um Chibearshlándáil) (IO L 151, 7.6.2019, lch. 15).
Chun críocha an Chomhaontaithe seo, léifear téacs an Rialacháin in éineacht leis na hoiriúnuithe seo a leanas:
|
(a) |
Mura sonraítear a mhalairt thíos, agus d’ainneoin fhorálacha Phrótacal 1 a ghabhann leis an gComhaontú, maidir leis na téarmaí ‘Ballstát/Ballstáit’ agus le téarmaí eile lena dtagraítear dá n-údaráis atá sa Rialachán, tuigfear go bhfuil Stáit CSTE agus a n-údaráis ar áireamh freisin, sa bhreis ar bhrí na dtéarmaí sin sa Rialachán. |
|
(b) |
A mhéid a bhaineann le Stáit CSTE, déanfaidh an Ghníomhaireacht, de réir mar is iomchuí agus nuair is iomchuí, cúnamh a thabhairt d’Údarás Faireacháin CSTE nó den Bhuanchoiste, de réir mar a bheidh, agus a gcúraimí sonracha á ndéanamh acu. |
|
(c) |
A mhéid a bhaineann le Stáit CSTE, tuigfear gur tagairtí do Chomhaontú LEE iad tagairtí do dhlí an Aontais. |
|
(d) |
Cuirtear an mhír seo a leanas le hAirteagal 14: “5. Beidh Stáit CSTE iomlán rannpháirteach sa Bhord Bainistíochta agus beidh na cearta agus na hoibleagáidí céanna acu ann agus a bhíonn ag Ballstáit an Aontais, cé is moite den cheart vótála.” |
|
(e) |
Cuirtear an mhír seo a leanas le hAirteagal 28: “4. I ndáil le cur i bhfeidhm an Rialacháin seo, beidh feidhm ag Rialachán (CE) Uimh. 1049/2001 maidir le haon doiciméad de chuid na Gníomhaireachta a bhaineann le Stáit CSTE chomh maith.” |
|
(f) |
Cuirtear an mhír seo a leanas le hAirteagal 30: “3. Glacfaidh Stáit CSTE páirt sa ranníocaíocht ón Aontas dá dtagraítear i mír 1, pointe (a). Chun na críche sin, beidh feidhm mutatis mutandis ag na nósanna imeachta a leagtar síos in Airteagal 82(1)(a) de Chomhaontú LEE agus i bPrótacal 32 a ghabhann leis an gComhaontú sin.” |
|
(g) |
Cuirtear an mhír seo a leanas le hAirteagal 34: “De mhaolú ar Airteagail 12(2)(a) agus 82(3)(a) de Choinníollacha Fostaíochta Sheirbhísigh Eile an Aontas Eorpaigh, náisiúnaigh Stáit CSTE a bhfuil a gcearta iomlána acu mar shaoránaigh, féadfaidh Stiúrthóir Feidhmiúcháin na Gníomhaireachta iad a fhostú faoi chonradh.” |
|
(h) |
Cuirtear an mhír seo a leanas le hAirteagal 35: “Deonóidh Stáit CSTE pribhléidí agus díolúintí don Ghníomhaireacht agus dá foireann, pribhléidí agus díolúintí is coibhéiseach leis na pribhléidí agus na díolúintí i bPrótacal ar Phribhléidí agus Díolúintí an Aontais Eorpaigh.” |
|
(i) |
Cuirtear an mhír seo a leanas le hAirteagal 40: “3. De mhaolú ar Airteagal 12(2)(e), Airteagal 82(3)(e) agus Airteagal 85(3) de Choinníollacha Fostaíochta Sheirbhísigh Eile an Aontais Eorpaigh, na teangacha dá dtagraítear in Airteagal 129(1) de Chomhaontú LEE, déanfaidh an Ghníomhaireacht iad a mheas mar theangacha de chuid an Aontais, i dtaca lena baill foirne, dá dtagraítear in Airteagal 55(1) den Chonradh ar an Aontas Eorpach.” |
|
(j) |
Cuirtear an mhír seo a leanas le hAirteagal 62: “6. Beidh Stáit CSTE rannpháirteach go hiomlán sa Ghrúpa Eorpach um Dheimhniú Cibearshlándála, cé is moite den cheart vótála.”’. |
Airteagal 2
Cuirtear an pointe seo a leanas isteach i bPrótacal 37 a ghabhann le Comhaontú LEE:
|
“44. |
An Grúpa Eorpach um Dheimhniú Cibearshlándála (Rialachán (AE) 2019/881 ó Pharlaimint na hEorpa agus ón gComhairle).”. |
Airteagal 3
Is téacs barántúil a bheidh i dtéacs Rialachán (AE) 2019/881 san Ioruais agus san Íoslainnis, atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 4
Tiocfaidh an Cinneadh seo i bhfeidhm an […], ar choinníoll go mbeidh na fógraí uile faoi Airteagal 103(1) de Chomhaontú LEE tugtha ina leith (*1), nó ar lá theacht i bhfeidhm Chinneadh Uimh. .../... ó Chomhchoiste LEE an […] (3) [lena n-ionchorpraítear {Treoir (AE) 2016/1149 (Treoir NIS)} i gComhaontú LEE], cibé acu is déanaí.
Airteagal 5
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil,
Thar ceann Chomhchoiste LEE
An tUachtarán
Rúnaithe
Chomhchoiste LEE
(1) IO L 151, 7.6.2019, lch. 15.
(2) IO L 165, 18.6.2013, lch. 41.
(*1) [Ní shonraítear aon cheanglas bunreachtúil.] [Sonraítear ceanglais bhunreachtúla.]
(3) IO L ...
Dearbhú Comhpháirteach ó na Páirtithe Conarthacha i gCinneadh Uimh.…/... lena n-ionchorpraítear sa Chomhaontú Rialachán (AE) 2019/881 ó Pharlaimint na hEorpa agus ón gComhairle
Aithníonn na páirtithe go bhfuil ionchorprú an ghnímh seo gan dochar do chur i bhfeidhm díreach Phrótacal 7 i ndáil le pribhléidí agus díolúintí an Aontais Eorpaigh maidir le náisiúnaigh de chuid Stáit CSTE ar chríoch gach Ballstáit den Aontas Eorpach, de bhun Airteagal 11 den Phrótacal sin.
|
9.2.2023 |
GA |
Iris Oifigiúil an Aontais Eorpaigh |
L 39/51 |
CINNEADH (AE) 2023/273 ÓN gCOMHAIRLE
an 30 Eanáir 2023
maidir leis an seasamh atá le glacadh, thar ceann an Aontais Eorpaigh, i gComhchoiste LEE i ndáil le leasú ar Phrótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse (An Lárionad Cibearshlándála)
(Téacs atá ábhartha maidir le LEE)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 173(3) agus an chéad mhír d’Airteagal 188 i gcomhar le hAirteagal 218(9) de,
Ag féachaint do Rialachán (CE) Uimh. 2894/94 ón gComhairle an 28 Samhain 1994 maidir le socruithe le haghaidh chur chun feidhme an Chomhaontaithe ar an Limistéar Eorpach Eacnamaíoch (1), agus go háirithe Airteagal 1(3) de,
Ag féachaint don togra ón gCoimisiún Eorpach,
De bharr an méid seo a leanas:
|
(1) |
Tháinig an Comhaontú ar an Limistéar Eorpach Eacnamaíoch (2) (“Comhaontú LEE”) i bhfeidhm an 1 Eanáir 1994. |
|
(2) |
De bhun Airteagal 98 de Chomhaontú LEE, féadfaidh Comhchoiste LEE a chinneadh, inter alia, Prótacal 31 maidir le comhar i réimsí ar leith lasmuigh de na ceithre shaoirse (“Prótacal 31”), a ghabhann le Comhaontú LEE, a leasú. |
|
(3) |
Is iomchuí comhar na bPáirtithe Conarthacha i gComhaontú LEE a leathnú chun Rialachán (AE) 2021/887 ó Pharlaimint na hEorpa agus ón gComhairle (3) a chumhdach. |
|
(4) |
Ba cheart, dá bhrí sin, Prótacal 31 a ghabhann le Comhaontú LEE a leasú ionas go mbeifear in ann an comhar leathnaithe sin a chur ar siúl ó 1 Eanáir 2023. |
|
(5) |
Ba cheart, dá bhrí sin, seasamh an Aontais i gComhchoiste LEE a bheith bunaithe ar an Dréachtchinneadh atá i gceangal, |
TAR ÉIS AN CINNEADH SEO A GHLACADH:
Airteagal 1
An seasamh atá le glacadh, thar ceann an Aontais, laistigh de Chomhchoiste LEE i ndáil leis an leasú atá beartaithe ar Phrótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse, bunófar an seasamh sin ar an Dréachtchinneadh ó Chomhchoiste LEE atá ceangailte leis an gCinneadh seo.
Airteagal 2
Tiocfaidh an Cinneadh seo i bhfeidhm an dáta a ghlacfar é.
Arna dhéanamh sa Bhruiséil, an 30 Eanáir 2023.
Thar ceann na Comhairle
An tUachtarán
P. KULLGREN
(1) IO L 305, 30.11.1994, lch. 6.
(3) Rialachán (AE) 2021/887 ó Pharlaimint na hEorpa agus ón gComhairle an 20 Bealtaine 2021 lena mbunaítear an Lárionad Eorpach um Inniúlachtaí Tionsclaíochta Cibearshlándála, Teicneolaíochta Cibearshlándála agus Taighde Cibearshlándála agus Líonra na Lárionad Náisiúnta Comhordúcháin (IO L 202, 8.6.2021, lch. 1).
DRÉACHT
CINNEADH Ó CHOMHCHOISTE LEE Uimh. ...
an ...
lena leasaítear Prótacal 31 a ghabhann le Comhaontú LEE, maidir le comhar i réimsí ar leith lasmuigh de na ceithre shaoirse
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (“Comhaontú LEE”), agus go háirithe Airteagail 86 agus 98 de,
De bharr an méid seo a leanas:
|
(1) |
Is iomchuí comhar na bPáirtithe Conarthacha i gComhaontú LEE a leathnú chun Rialachán (AE) 2021/887 ó Pharlaimint na hEorpa agus ón gComhairle an 20 Bealtaine 2021 lena mbunaítear an Lárionad Eorpach um Inniúlachtaí Tionsclaíochta Cibearshlándála, Teicneolaíochta Cibearshlándála agus Taighde Cibearshlándála agus Líonra na Lárionad Náisiúnta Comhordúcháin a chumhdach (1). |
|
(2) |
Ba cheart, dá bhrí sin, Prótacal 31 a ghabhann le Comhaontú LEE a leasú chun go mbeidh an comhar leathnaithe sin ann ón 1 Eanáir 2023, |
TAR ÉIS AN CINNEADH SEO A GHLACADH:
Airteagal 1
In Airteagal 2 de Phrótacal 31 a ghabhann le Comhaontú LEE, cuirfear an pointe seo a leanas isteach i ndiaidh phointe 7 (líonraí teileachumarsáide tras-Eorpacha):
|
“8. |
|
Airteagal 2
Tiocfaidh an Cinneadh seo i bhfeidhm an lá tar éis an fhógra dheireanaigh faoi Airteagal 103(1) de Chomhaontú LEE (*1).
Beidh feidhm aige ón 1 Eanáir 2023.
Airteagal 3
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, [...].
Thar ceann Chomhchoiste LEE
An tUachtarán
Rúnaithe
Chomhchoiste LEE
(1) IO L 202, 8.6.2021, lch. 1.
(*1) [Ní shonraítear aon cheanglas bunreachtúil.] [Sonraítear ceanglais bhunreachtúla.]
Dearbhú Comhpháirteach ó na Páirtithe Conarthacha i gCinneadh Uimh. …/... lena n-ionchorpraítear sa Chomhaontú Rialachán (AE) 2021/887 ó Pharlaimint na hEorpa agus ón gComhairle
Aithníonn na páirtithe go bhfuil ionchorprú an ghnímh seo gan dochar do chur i bhfeidhm díreach Phrótacal 7 i ndáil le pribhléidí agus díolúintí an Aontais Eorpaigh maidir le náisiúnaigh de chuid Stáit CSTE ar chríoch gach Ballstáit den Aontas Eorpach, de bhun Airteagal 11 den Phrótacal sin.
|
9.2.2023 |
GA |
Iris Oifigiúil an Aontais Eorpaigh |
L 39/56 |
CINNEADH (AE) 2023/274 ÓN gCOMHAIRLE
an 6 Feabhra 2023
maidir leis an seasamh atá le glacadh, thar ceann an Aontais Eorpaigh, i gCoiste Speisialaithe an Aontais agus na Ríochta Aontaithe um Fhuinneamh arna bhunú faoin gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile, maidir le socruithe trádála leictreachais idir an tAontas agus an Ríocht Aontaithe
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 194(1) de, i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
An 29 Aibreán 2021, ghlac an Chomhairle Cinneadh (AE) 2021/689 (1) maidir le tabhairt i gcrích an Chomhaontaithe Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (2) (“an Comhaontú Trádála agus Comhair”). Ó bhí an 1 Eanáir 2021 ann tá feidhm shealadach ag an gComhaontú Trádála agus Comhair agus tháinig sé i bhfeidhm an 1 Bealtaine 2021. |
|
(2) |
De bhun Airteagal 8(4), pointe (c), den Chomhaontú Trádála agus Comhair, féadfaidh an Coiste Speisialaithe um Fhuinneamh (“an Coiste Speisialaithe”) cinntí agus moltaí a ghlacadh i ndáil le gach cás ina bhforáiltear dó sin sa Chomhaontú Trádála agus Comhair nó aon chomhaontú forlíontach dar tharmlig an Chomhairle Comhpháirtíochta cumhachtaí dó, ar shaincheisteanna a bhaineann lena réimse inniúlachta. De bhun Airteagal 10(2) den Chomhaontú Trádála agus Comhair, tá coiste le cinntí a ghlacadh agus le moltaí a dhéanamh trí chomhthoil. |
|
(3) |
Ceanglaítear le hAirteagal 311(1) den Chomhaontú Trádála agus Comhair ar gach Páirtí a áirithiú go mbeidh leithdháileadh acmhainneachta agus bainistiú ar phlódú i gcás idirnascairí leictreachais margadhbhunaithe, trédhearcach agus neamh-idirdhealaitheach. Ba cheart do na Páirtithe aghaidh a thabhairt, i measc nithe eile agus de réir mar is iomchuí, ar ríomh acmhainneachta, bainistiú ar phlódú agus socruithe trádála le haghaidh gach creat ama ábhartha, lena n-áirítear an creata ama lá roimh ré. De bhun Airteagal 311(1), pointe (f), i gcomhar le hAirteagal 311(2) den Chomhaontú Trádála agus Comhair, áiritheoidh gach Páirtí go mbeidh leithdháileadh acmhainneachta agus bainistiú ar phlódú thar idirnascairí leictreachais comhordaithe idir an tAontas agus oibreoirí córais tarchurtha leictreachais na Ríochta Aontaithe (“OCTanna”) le haghaidh gach creat ama ábhartha agus ní chiallóidh comhordú den sórt sin rannpháirtíocht na n-oibreoirí sin i nósanna imeachta ábhartha an Aontais ná ní bheidh sé intuigthe leis. |
|
(4) |
Ceanglaítear le hAirteagal 312(1) den Chomhaontú Trádála agus Comhair go nglacfaidh an Coiste Speisialaithe, le haghaidh leithdháileadh acmhainneachta agus bainistiú ar phlódú ag an gcéim lá roimh ré, mar ábhar tosaíochta, na céimeanna is gá i gcomhréir le hAirteagal 317 chun a áirithiú go bhforbróidh OCTanna socruithe ina leagfar amach nósanna imeachta teicniúla le haghaidh an chreata ama lá roimh ré. |
|
(5) |
An 22 Eanáir 2021, sholáthair Ard-Stiúrthóireacht Fuinnimh an Choimisiúin Eorpaigh agus Roinn Gnó, Fuinnimh agus Straitéise Tionsclaíche Rialtas na Ríochta Aontaithe réamh-mholadh do na hOCTanna, sular thosaigh an Coiste Speisialaithe ar an obair. Maidir le ríomh acmhainneachta agus leithdháileadh acmhainneachta don chreat ama lá roimh ré, tugadh cuireadh sa réamh-mholadh do OCTanna samhail spriocdhírithe lá roimh ré a ullmhú maidir leis an gcoincheap de “chúpláil toirte scaoilte ilréigiúin” i gcomhréir le hAirteagal 312(1), Airteagal 317(2) agus (3) agus Iarscríbhinn 29 a ghabhann leis an gComhaontú Trádála agus Comhair. Maidir le ríomh acmhainneachta agus leithdháileadh acmhainneachta le haghaidh creataí ama seachas an creat ama lá roimh ré, tugadh cuireadh leis an réamh-mholadh do OCTanna na bPáirtithe togra le haghaidh amlíne a ullmhú chun na dréacht-nósanna imeachta teicniúla a fhorbairt. |
|
(6) |
Ag glacadh leis gur chuir an Coiste Speisialaithe tús lena chuid oibríochtaí le linn 2021, is iomchuí, de bhun Airteagal 317(2) den Chomhaontú Trádála agus Comhair, go ndeimhníonn sé anois, mar mholadh uaidh do na Páirtithe, an réamh-mholadh arna eisiúint an 22 Eanáir 2021, arna sholáthar ag na Páirtithe do na hOCTanna, ag iarraidh orthu tús a chur le hullmhú na nósanna imeachta teicniúla maidir le húsáid éifeachtúil idirnascairí leictreachais. Ba cheart go leanfadh an réamh-mholadh, a luaithe is a dheimhnítear é mar mholadh de chuid an Choiste Speisialaithe, de bhunús a thabhairt d’aon obair eile de chuid na nOCTanna chuige sin. |
|
(7) |
Bunaithe ar an réamh-mholadh an 22 Eanáir 2021, chuir OCTanna an dá Pháirtí measúnú costais is tairbhe isteach chuig an gCoimisiún maidir leis na roghanna chun an chúpláil toirte scaoilte ilréigiúin a fhorbairt mar a leagtar amach in Iarscríbhinn 29 a ghabhann leis an gComhaontú Trádála agus Comhair agus imlíne de na nósanna imeachta teicniúla comhfhreagracha. An 7 Bealtaine 2021, chuir an Ghníomhaireacht um Chomhar idir Rialálaithe Fuinnimh a tuairim neamhfhoirmiúil maidir leis an measúnú sin isteach chuig an gCoimisiún. |
|
(8) |
Bhreithnigh an Coimisiún toradh an mheasúnaithe costais is tairbhe agus tuairim na Gníomhaireachta um Chomhar idir Rialálaithe Fuinnimh in aghaidh cheanglais an Chomhaontaithe Trádála agus Comhair agus chuir sé an Chomhairle ar an eolas maidir lena réamhthuairimí. Bhain sé de chonclúid as nach mór na torthaí a fuair na hOCTannaa scagadh arís agus go dteastaíonn tuilleadh faisnéise maidir leis na roghanna go léir ar a ndearna siad anailís. D’aontaigh an Ríocht Aontaithe leis an gconclúid ag cruinniú den Choiste Speisialaithe an 30 Márta 2022. |
|
(9) |
Is iomchuí, dá bhrí sin, tacú leis an nglacadh a dhéanfaidh an Coiste Speisialaithe ar Mholadh do na Páirtithe maidir lena n-iarraidh ar na hOCTanna maidir le faisnéis bhreise lena bhforlíontar an measúnú costais is tairbhe agus na tograí imlíne le haghaidh nósanna imeachta teicniúla chun cuidiú leis an gCoiste Speisialaithe a chuid oibleagáidí a chomhlíonadh faoi Airteagal 312(1) agus Airteagal 317(2) den Chomhaontú Trádála agus Comhair. Is iomchuí é go n-iarrann an Aontas ar a OCTanna faisnéis bhreise den sórt sin a sholáthar laistigh de 5 mhí ó dháta na hiarrata. |
|
(10) |
Tá an Coiste Speisialaithe leis an Moladh do gach Páirtí a ghlacadh maidir lena n-iarrataí chuig OCTanna i bhfianaise nósanna imeachta teicniúla a ullmhú maidir le húsáid éifeachtúil idirnascairí leictreachais chomh luath agus is féidir. Tá an Coiste Speisialaithe chun an Moladh a ghlacadh le linn an chéad chruinnithe eile dá chuid, nó trí nós imeachta i scríbhinn, cibé acu is túisce, tar éis do gach Páirtí na nósanna imeachta intíre a chur i gcrích. |
|
(11) |
Is iomchuí an seasamh atá le ghlacadh thar ceann an Aontais sa Choiste Speisialaithe a bhunú a bhaineann leis an Moladh do gach Páirtí maidir lena n-iarrataí chuig OCTanna, ós rud é go bhféadfadh an Moladh beartaithe tionchar cinntitheach a imirt ar ábhar acquis an Aontais nó an bealach ina ndéanfar é a chur chun feidhme, go háirithe Rialachán (AE) 2015/1222 ón gCoimisiún (3), |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh thar ceann an Aontais sa Choiste Speisialaithe um Fhuinneamh, beidh sé bunaithe ar an dréachtmholadh ón gCoiste Speisialaithe atá i gceangal leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 6 Feabhra 2023.
Thar ceann na Comhairle
An tUachtarán
J. ROSWALL
(1) Cinneadh (AE) 2021/689 an 29 Aibreán 2021 ón gComhairle maidir le tabhairt i gcrích, thar ceann an Aontais, an Chomhaontaithe Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile, agus an Chomhaontaithe idir an tAontas Eorpach agus Ríocht Aontaithe na Breataine Móire agus Thuaisceart Éireann a bhaineann le nósanna imeachta slándála le haghaidh malartú agus cosaint faisnéise rúnaicmithe (IO L 149, 30.4.2021, lch. 2).
(2) IO L 149, 30.4.2021, lch. 10.
(3) Rialachán (AE) 2015/1222 an 24 Iúil 2015 ón gCoimisiún lena mbunaítear treoirlíne maidir le leithdháileadh acmhainneachta agus le bainistiú ar phlódú (IO L 197, 25.7.2015, lch. 24).
DRÉACHT
MOLADH Uimh. .../2023 Ó CHOISTE SPEISIALAITHE UM FHUINNEAMH ARNA BHUNÚ LE hAIRTEAGAL 8(1)(L) DEN CHOMHAONTÚ TRÁDÁLA AGUS COMHAIR IDIR AN tAONTAS EORPACH AGUS AN COMHPHOBAL EORPACH DO FHUINNEAMH ADAMHACH, DE PHÁIRT, AGUS RÍOCHT AONTAITHE NA BREATAINE MÓIRE AGUS THUAISCEART ÉIREANN, DEN PHÁIRT EILE
an ...
chuig gach Páirtí maidir lena n-iarrataí chuig oibreoirí córais tarchurtha i gcomhair leictreachais d’fhonn nósanna imeachta teicniúla a ullmhú maidir le húsáid éifeachtúil idirnascairí leictreachais
TÁ AN COISTE SPEISIALAITHE UM FHUINNEAMH,
Ag féachaint don Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (‘an Comhaontú Trádála agus Comhair’), agus go háirithe Airteagal 311(1) agus (2), Airteagal 312(1), Airteagal 317(2) agus (3) de agus Iarscríbhinn 29 a ghabhann leis,
De bharr an mhéid seo a leanas:
|
(1) |
De bhun Airteagal 8(4), pointe (a), den Chomhaontú Trádála agus Comhair, tá sé de chumhacht ag an gCoiste Speisialaithe um Fhuinneamh (“an Coiste Speisialaithe”) faireachán agus athbhreithniú a dhéanamh ar chur chun feidhme an Chomhaontaithe Trádála agus Comhair ina réimse inniúlachta agus feidhmiú ceart an Chomhaontaithe a áirithiú. De bhun Airteagal 8(4), pointe (c), tá sé de chumhacht aige cinntí agus moltaí a ghlacadh maidir le gach ábhar dá bhforáiltear leis an gComhaontú Trádála agus Comhair nó dar tharmlig an Chomhairle Comhpháirtíochta a cuid cumhachtaí don Choiste Speisialaithe sin de bhun Airteagal 7(4), pointe (f). De bhun Airteagal 329(3) den Chomhaontú Trádála agus Comhair, tá sé chun moltaí a dhéanamh de réir mar is gá chun cur chun feidhme éifeachtach na gCaibidlí den Teideal VIII den Chomhaontú Trádála agus Comhair dá bhfuil sé freagrach a áirithiú. |
|
(2) |
Agus é mar aidhm úsáid éifeachtúil as idirnascairí leictreachais agus bacainní ar thrádáil idir na Páirtithe a laghdú, leagtar síos tiomantais inter alia in Airteagal 311(1) den Chomhaontú Trádála agus Comhair maidir le leithdháileadh inniúlachta, bainistiú ar phlódú agus ríomh inniúlachta le haghaidh idirnascairí leictreachais, chomh maith le socruithe a fhorbairt chun torthaí stóinsithe agus éifeachtúla a bhaint amach le haghaidh na gcreataí ama ábhartha uile. |
|
(3) |
An 22 Eanáir 2021, sholáthair Ard-Stiúrthóireacht Fuinnimh an Choimisiúin Eorpaigh agus Roinn Gnó, Fuinnimh agus Straitéise Tionsclaíche Rialtas na Ríochta Aontaithe réamh-mholadh (‘an réamh-mholadh’) dá n-oibreoirí córais tarchurtha leictreachais (‘OCTanna’) faoi seach ag iarraidh orthu tús a chur le hullmhú nósanna imeachta teicniúla maidir le húsáid éifeachtúil idirnascairí leictreachais sula gcuirfidh an Coiste Speisialaithe tús leis an obair. Ag glacadh leis gur chuir an Coiste Speisialaithe tús lena chuid oibríochtaí le linn 2021, ní mór don Choiste Speisialaithe seo an réamh-mholadh sin, arna sholáthar ag na Páirtithe do na hOCTanna, a dheimhniú mar Mholadh do na Páirtithe. |
|
(4) |
Maidir le ríomh acmhainneachta agus an leithdháileadh le haghaidh creat ama lá roimh ré, iarradh sa réamh-mholadh ar OCTanna spriocshamhail lá roimh ré a ullmhú bunaithe ar an gcoincheap ‘Cúpláil toirte scaoilte ilréigiúin’ i gcomhréir le hAirteagal 312(1), Airteagal 317(2) agus (3) agus Iarscríbhinn 29 a ghabhann leis an gComhaontú Trádála agus Comhair. |
|
(5) |
Maidir le ríomh acmhainneachta agus an leithdháileadh le haghaidh creataí ama seachas an creat ama lá roimh ré, tugadh cuireadh leis an réamh-mholadh do OCTanna na bPáirtithe togra le haghaidh creat ama a ullmhú i gcomhpháirt chun na dréacht-nósanna imeachta teicniúla a fhorbairt. Is pointe tagartha áisiúil é i gcónaí agus é mar threoir maidir le hobair bhreise ar na hábhair sin cé go dtugtar tosaíocht do thrádáil leictreachais ag an gcreat ama lá roimh ré. |
|
(6) |
Cé nár comhlíonadh an amlíne a leagtar amach in Iarscríbhinn 29 dá dtagraítear sa réamh-mholadh, ba cheart don Choiste Speisialaithe d’ainneoin sin a oibleagáidí a chomhlíonadh faoi Airteagal 312(1) agus Airteagal 317(2) den Chomhaontú Trádála agus Comhair. |
|
(7) |
Thug na hOCTanna agus údaráis rialála na bPáirtithe faoi obair cheana féin le tagairt don réamh-mholadh. I bhfianaise an dul chun cinn atá bainte amach go dtí seo ag na hOCTanna, tá breis faisnéise de dhíth maidir leis an measúnú costais is tairbhe agus tograí imlíne na nósanna imeachta teicniúla chun go mbeidh an Coiste Speisialaithe in ann a chuid oibleagáidí a chomhlíonadh faoi Airteagal 312(1) agus Airteagal 317(2) den Chomhaontú Trádála agus Comhair. |
|
(8) |
Ba cheart, dá bhrí sin, do gach Páirtí iarraidh ar a OCTanna an fhaisnéis bhreise sin a sholáthar, |
TAR ÉIS AN MOLADH SEO A GHLACADH,
|
(1) |
An réamh-mholadh arna eisiúint an 22 Eanáir 2021 ag Ard-Stiúrthóireacht Fuinnimh an Choimisiúin Eorpaigh agus ag Roinn Gnó, Fuinnimh agus Straitéise Tionsclaíche Rialtas na Ríochta Aontaithe, faoi seach, do OCTanna de chuid an Aontais agus de chuid na Ríochta Aontaithe ag iarraidh orthu tús a chur le hullmhú nósanna imeachta teicniúla maidir le húsáid éifeachtúil idirnascairí leictreachais, mar a leagtar amach in Iarscríbhinn I a ghabhann leis an Moladh sin, deimhnítear é leis seo mar Mholadh de chuid an Choiste Speisialaithe um Fhuinneamh do na Páirtithe. |
|
(2) |
Molann an Coiste Speisialaithe go n-iarrfaidh gach Páirtí ar a nOCTanna faoi seach an fhaisnéis bhreise mar a leagtar amach in Iarscríbhinn II a ghabhann leis an Moladh seo a sholáthar laistigh de 5 mhí ó dháta na hiarrata a dhéanfaidh gach Páirtí. |
Arna dhéanamh sa Bhruiséil agus i Londain, [dáta]
F. ERMACORA
P. KOVACS
Thar ceann an Choiste Speisialaithe
Na Comhchathaoirligh
M. SKRINAR
|
9.2.2023 |
GA |
Iris Oifigiúil an Aontais Eorpaigh |
L 39/61 |
CINNEADH (AE) 2023/275 ÓN gCOMHAIRLE
an 6 Feabhra 2023
lena gceaptar comhalta malartach, arna mholadh ag Poblacht na hIodáile, de Choiste na Réigiún
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 305 de,
Ag féachaint do Chinneadh (AE) 2019/852 ón gComhairle an 21 Bealtaine 2019 lena gcinntear comhdhéanamh Choiste na Réigiún (1),
Ag féachaint don togra ó rialtas na hIodáile,
De bharr an mhéid seo a leanas:
|
(1) |
De bhun Airteagal 300(3) den Chonradh, tá Coiste na Réigiún le bheith comhdhéanta d’ionadaithe do chomhlachtaí réigiúnacha agus áitiúla agus sainordú toghchánach acu in údarás réigiúnach nó áitiúil nó atá freagrach go polaitiúil do thionól tofa. |
|
(2) |
An 10 Nollaig 2019, ghlac an Chomhairle Cinneadh (AE) 2019/2157 (2), lena gceaptar comhaltaí agus comhaltaí malartacha Choiste na Réigiún don tréimhse ón 26 Eanáir 2020 go dtí an 25 Eanáir 2025. |
|
(3) |
Tá suíochán comhalta mhalartaigh ar Choiste na Réigiún tagtha chun bheith folamh tar éis deireadh a theacht leis an sainordú náisiúnta ar dá bhun a moladh Federico BORGNA a cheapadh. |
|
(4) |
Mhol Rialtas na hIodáile Enzo LATTUCA, ar comhalta do chomhlacht áitiúil é agus a bhfuil aige sainordú toghchánach in údarás áitiúil, Presidente della Provincia di Forlì-Cesena e Sindaco di Cesena (Uachtarán Chúige Forlì-Cesena agus Méara Cesena), mar chomhalta malartach de Choiste na Réigiún ar feadh a bhfuil fágtha den téarma oifige reatha, a leanfaidh go dtí an 25 Eanáir 2025, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar Enzo LATTUCA, ionadaí do chomhlacht áitiúil a bhfuil aige sainordú toghchánach, Presidente della Provincia di Forlì-Cesena e Sindaco di Cesena (Uachtarán Chúige Forlì-Cesena agus Méara Cesena), mar chomhalta malartach de Choiste na Réigiún ar feadh a bhfuil fágtha den téarma oifige reatha, a leanfaidh go dtí an 25 Eanáir 2025.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 6 Feabhra 2023.
Thar ceann na Comhairle
An tUachtarán
J. ROSWALL
(1) IO L 139, 27.5.2019, lch. 13.
(2) Cinneadh (AE) 2019/2157 ón gComhairle an 10 Nollaig 2019 lena gceaptar comhaltaí agus comhaltaí malartacha Choiste na Réigiún don tréimhse ón 26 Eanáir 2020 go dtí an 25 Eanáir 2025 (IO L 327, 17.12.2019, lch. 78).
|
9.2.2023 |
GA |
Iris Oifigiúil an Aontais Eorpaigh |
L 39/62 |
CINNEADH (AE) 2023/276 ÓN gCOMHAIRLE
an 6 Feabhra 2023
lena gceaptar comhalta malartach, arna mholadh ag Poblacht na Cipire, de Choiste na Réigiún
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 305 de,
Ag féachaint do Chinneadh (AE) 2019/852 ón gComhairle an 21 Bealtaine 2019 lena gcinntear comhdhéanamh Choiste na Réigiún (1),
Ag féachaint don togra ó rialtas na Cipire,
De bharr an mhéid seo a leanas:
|
(1) |
De bhun Airteagal 300(3) den Chonradh, tá Coiste na Réigiún le bheith comhdhéanta d’ionadaithe do chomhlachtaí réigiúnacha agus áitiúla agus sainordú toghchánach acu in údarás réigiúnach nó áitiúil nó atá freagrach go polaitiúil do thionól tofa. |
|
(2) |
An 8 Meitheamh 2020, ghlac an Chomhairle Cinneadh (AE) 2020/766 (2), lena gceaptar comhaltaí agus comhaltaí malartacha Choiste na Réigiún don tréimhse ón 1 Feabhra 2020 go dtí an 25 Eanáir 2025. |
|
(3) |
Tá suíochán comhalta mhalartaigh ar Choiste na Réigiún tagtha chun bheith folamh tar éis deireadh a theacht leis an sainordú náisiúnta ar dá bhun a moladh Panayiotis VASILIOU a cheapadh. |
|
(4) |
Mhol Rialtas na Cipire Christodoulos PAPACHRISTOU, ar ionadaí do chomhlacht áitiúil é agus a bhfuil aige sainordú toghchánach in údarás áitiúil, Πρόεδρος Κοινοτικού Συμβουλίου, Κοινότητα Ψεματισμένου, Επαρχία Λάρνακας (Uachtarán na Comhairle Chomhphobail, Pobal Psematismenos, Ceantar Larnaca), mar chomhalta malartach de Choiste na Réigiún ar feadh a bhfuil fágtha den téarma oifige reatha, a leanfaidh go dtí an 25 Eanáir 2025, |
TAR ÉIS AN CINNEADH SEO A GHLACADH:
Airteagal 1
Ceaptar Christodoulos PAPACHRISTOU, ar ionadaí do chomhlacht áitiúil é agus a bhfuil aige sainordú toghchánach in údarás áitiúil, Πρόεδρος Κοινοτικού Συμβουλίου, Κοινότητα Ψεματισμένου, Επαρχία Λάρνακας (Uachtarán na Comhairle Chomhphobail, Pobal Psematismenos, Ceantar Larnaca), mar chomhalta malartach de Choiste na Réigiún ar feadh a bhfuil fágtha den téarma oifige reatha, a leanfaidh go dtí an 25 Eanáir 2025.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 6 Feabhra 2023.
Thar ceann na Comhairle
An tUachtarán
J. ROSWALL
(1) IO L 139, 27.5.2019, lch. 13.
(2) Cinneadh (AE) 2020/766 ón gComhairle an 8 Meitheamh 2020 lena gceaptar comhaltaí agus comhaltaí malartacha Choiste na Réigiún don tréimhse ón 1 Feabhra 2020 go dtí an 25 Eanáir 2025 (IO L 187, 12.6.2020, lch. 3).
Ceartúcháin
|
9.2.2023 |
GA |
Iris Oifigiúil an Aontais Eorpaigh |
L 39/63 |
Ceartúchán ar Rialachán (AE) 2016/2336 ó Pharlaimint na hEorpa agus ón gComhairle an 14 Nollaig 2016 lena mbunaítear coinníollacha sonracha maidir le stoic dhomhainfharraige a iascach san Atlantach Thoir Thuaidh agus forálacha maidir le hiascaireacht i bhfarraigí idirnáisiúnta an Atlantaigh Thoir Thuaidh agus lena n-aisghairtear Rialachán (CE) Uimh. 2347/2002 ón gComhairle
( Iris Oifigiúil an Aontais Eorpaigh L 354 an 23 Nollaig 2016 )
|
1. |
Ar leathanach 11, in Airteagal 17(2), sa chéad abairt, |
in ionad:
“2. Déanfar an chumhacht chun gníomhartha tarmligthe a ghlacadh dá dtagraítear in Airteagal 9(6) a thabhairt don Choimisiún ar feadh tréimhse cúig bliana ón 12 Eanáir 2017.”,
léitear:
“2. Déanfar an chumhacht chun gníomhartha tarmligthe a ghlacadh dá dtagraítear in Airteagal 9(7) a thabhairt don Choimisiún ar feadh tréimhse cúig bliana ón 12 Eanáir 2017.”.
|
2. |
Ar leathanach 11, in Airteagal 17(3), sa chéad abairt: |
in ionad:
“3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 9(6) a chúlghairm tráth ar bith”,
léitear:
“3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 9(7) a chúlghairm tráth ar bith.”.
|
3. |
Ar leahanach 11, in Airteagal 17(6), sa chéad abairt: |
in ionad:
“Tiocfaidh gníomh tarmligthe a ghlactar de bhun Airteagal 9(6) i bhfeidhm ach amháin má chuir Parlaimint na hEorpa nó an Chomhairle ina choinne laistigh de thréimhse dhá mhí ó cuireadh Parlaimint na hEorpa nó an Chomhairle ar an eolas faoin ngníomh sin nó más rud é, sula dtiocfaidh an tréimhse sin in éag, go bhfuil curtha in iúl ag Parlaimint na hEorpa agus ag an gComhairle araon nach gcuirfidh siad ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle.”,
léitear:
“Tiocfaidh gníomh tarmligthe a ghlactar de bhun Airteagal 9(7) i bhfeidhm ach amháin má chuir Parlaimint na hEorpa nó an Chomhairle ina choinne laistigh de thréimhse dhá mhí ó cuireadh Parlaimint na hEorpa nó an Chomhairle ar an eolas faoin ngníomh sin nó más rud é, sula dtiocfaidh an tréimhse sin in éag, go bhfuil curtha in iúl ag Parlaimint na hEorpa agus ag an gComhairle araon nach gcuirfidh siad ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle.”.
|
9.2.2023 |
GA |
Iris Oifigiúil an Aontais Eorpaigh |
L 39/64 |
Ceartúchán ar Rialachán Cur Chun Feidhme (AE) 2022/581 ón gComhairle an 8 Aibreán 2022 lena gcuirtear chun feidhme Rialachán (AE) Uimh. 269/2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin
( Iris Oifigiúil an Aontais Eorpaigh L 110 an 8 Aibreán 2022 )
|
1. |
Ar leathanach 16, san Iarscríbhinn, in iontráil 922 (Ekaterina IGNATOVA), sa cholún “Faisnéis aitheantais”: |
in ionad:
“Lyudmila Rukavishikova (máthair)”,
léitear:
“Lyudmila Rukavishnikova (máthair)”.
|
2. |
Ar leathanach 16, san Iarscríbhinn, in iontráil 923 (Anastasia IGNATOVA), sa cholún “Faisnéis aitheantais”: |
in ionad:
“Lyudmila Rukavishikova (seanmháthair)”,
léitear:
“Lyudmila Rukavishnikova (seanmháthair)”.
|
3. |
Ar leathanach 16, san Iarscríbhinn, in iontráil 924 (Lyudmila RUKAVISHIKOVA), sa cholún “Ainm”: |
in ionad:
“Lyudmila RUKAVISHIKOVA”,
léitear:
“Lyudmila RUKAVISHNIKOVA”.
|
4. |
Ar leathanach 16, san Iarscríbhinn, in iontráil 924, tagann (Lyudmila RUKAVISHIKOVA) chun cinn faoi dhó sa cholún “Cúiseanna” |
in ionad:
“Lyudmila Rukavishikova”,
léitear:
“Lyudmila Rukavishnikova”.
|
9.2.2023 |
GA |
Iris Oifigiúil an Aontais Eorpaigh |
L 39/65 |
Ceartúchán ar Chinneadh (CBES) 2022/582 ón gComhairle an 8 Aibreán 2022 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin
( Iris Oifigiúil an Aontais Eorpaigh L 110 an 8 Aibreán 2022 )
|
1. |
Ar leathanach 68, san Iarscríbhinn, in iontráil 922 (Ekaterina IGNATOVA), sa cholún “Faisnéis aitheantais”: |
in ionad:
“Lyudmila Rukavishikova (máthair)”,
léitear:
“Lyudmila Rukavishnikova (máthair)”.
|
2. |
Ar leathanach 69, san Iarscríbhinn, in iontráil 923 (Anastasia IGNATOVA), sa cholún “Faisnéis aitheantais”: |
in ionad:
“Lyudmila Rukavishikova (seanmháthair)”,
léitear:
“Lyudmila Rukavishnikova (seanmháthair)”.
|
3. |
Ar leathanach 69, san Iarscríbhinn, in iontráil 924 (Lyudmila RUKAVISHIKOVA), sa cholún “Ainm”: |
in ionad:
“Lyudmila RUKAVISHIKOVA”,
léitear:
“Lyudmila RUKAVISHNIKOVA”.
|
4. |
Ar leathanach 69, san Iarscríbhinn, in iontráil 924, tagann (Lyudmila RUKAVISHIKOVA) chun cinn faoi dhó sa cholún “Cúiseanna” |
in ionad:
“Lyudmila Rukavishikova”,
léitear:
“Lyudmila Rukavishnikova”.
|
9.2.2023 |
GA |
Iris Oifigiúil an Aontais Eorpaigh |
L 39/66 |
Ceartúchán ar Rialachán Cur Chun Feidhme (AE) 2022/1193 ón gCoimisiún an 11 Iúil 2022 lena mbunaítear bearta chun Ralstonia solanacearum (Smith 1896) Yabuuchi et al. 1996 emend a dhíothú agus chun a leathadh a chosc. Safni et al. 2014
( Iris Oifigiúil an Aontais Eorpaigh L 185 an 12 Iúil 2022 )
Ar leathanach 37, cuirtear an méid seo a leanas in ionad Iarscríbhinn II:
IARSCRÍBHINN II
Teimpléad suirbhé dá dtagraítear in Airteagal 3(3)
Teimpléad chun torthaí an tsuirbhé ar lobhadh donn a chur i láthair maidir le fómhair prátaí agus fómhair trátaí don bhliain féilire roimhe seo.
Ní úsáidfear an tábla seo ach i gcás thorthaí an tsuirbhé i gcomhair na bprátaí agus na dtrátaí a bhaintear i do thír.
|
BALLSTÁT |
Catagóir |
Limistéar faoi bharr (ha) |
Tástáil saotharlainne |
Scrúdú amhairc ar thiúbair (1) |
Scrúduithe amhairc ar an mbarr atá ag fás (1) |
Faisnéis eile |
|||||||||
|
Líon na samplaí |
Líon na mbaisceanna |
Méid na mbaisceanna (t nó ha) |
Tréimhse samplála |
Líon torthaí dearfacha |
Líon na samplaí a scrúdaíodh |
Méid an tsampla |
Líon samplaí dearfacha (2) |
Líon scrúduithe amhairc |
Líon heicteár (prátaí) nó plandaí (trátaí) |
Líon torthaí dearfacha (2) |
|||||
|
Samplaí |
Baisceanna |
||||||||||||||
|
|
Prátaí síl deimhnithe |
|
|
|
|
|
|
|
|
|
|
|
|
|
|
|
Prátaí síl eile (sonraigh) |
|
|
|
|
|
|
|
|
|
|
|
|
|
|
|
|
Prátaí margaidh agus prátaí próiseála |
|
|
|
|
|
|
|
|
|
|
|
|
|
|
|
|
Tiúbair eile (sonraigh) |
|
|
|
|
|
|
|
|
|
|
|
|
|
|
|
|
Trátaí atá beartaithe lena n-athphlandú |
|
|
|
|
|
|
|
|
|
|
|
|
|
|
|
|
Óstaigh eile (sonraigh na speicis, an abhainn/limistéar) |
|
|
|
|
|
|
|
|
|
|
|
|
|
||
|
Uisce (sonraigh an abhainn/limistéar/suíomh an áitribh) |
|
|
|
|
|
|
|
|
|
|
|
|
|
||
(1) Tuigfear gur scrúdú macrascópach ar thiúbair nó ar bharra é.
(2) Aimsíodh siomptóim, tógadh sampla agus dheimhnigh an tástáil saotharlainne go raibh an lotnaid shonraithe ann.