(1)

An 1 Meán Fómhair 2017 tháinig comhaontú comhlachais idir an tAontas agus an Úcráin (2), lena n-áirítear Limistéar Domhain Cuimsitheach Saorthrádála, i bhfeidhm.

(2)

In 2014, thug an Úcráin faoi chlár uaillmhianach um athchóiriú arb é is aidhm dó a geilleagar a chobhsú agus slí bheatha shaoránaigh na tíre a fheabhsú. Ar na príomhthosaíochtaí atá sa chlár oibre, tá an comhrac i gcoinne an éillithe, chomh maith le hathchóirithe bunreachtúla, toghchánacha agus breithiúnacha. Tugadh tacaíocht do chur chun feidhme na n-athchóirithe sin le cláir chúnaimh mhacrairgeadais as a chéile, faoina bhfuair an Úcráin cúnamh ón Aontas i bhfoirm iasachtaí dar luach EUR 6,6 billiún san iomlán.

(3)

Leis an gcúnamh macrairgeadais éigeandála, a cuireadh ar fáil i gcomhthéacs na bagartha a bhí ag méadú díreach roimh ionradh na Rúise, de bhun Chinneadh (AE) 2022/313 ó Pharlaimint na hEorpa agus ón gComhairle (3), tugadh EUR 1,2 billiún d’iasachtaí don Úcráin, a eisíocadh in dhá thráthchuid dar luach EUR 600 milliún, i mí an Mhárta agus mí na Bealtaine 2022.

(4)

Leis an gcúnamh macrairgeadais eisceachtúil ón Aontas dar luach suas le EUR 1 bhilliún a cuireadh ar fáil de bhun Chinneadh (AE) 2022/1201 ó Pharlaimint na hEorpa agus ón gComhairle (4), soláthraíodh tacaíocht mhear phráinneach do bhuiséad na hÚcráine agus eisíocadh ina iomláine é in dhá thráinse an 1 agus an 2 Lúnasa 2022. Ba é an cúnamh sin an chéad chéim den chúnamh macrairgeadais eisceachtúil pleanáilte suas le EUR 9 mbilliún don Úcráin, a d’fhógair an Coimisiún ina theachtaireacht dar teideal “Fóirithint agus Atógáil na hÚcráine” an 18 Bealtaine 2022 agus a d’fhormhuinigh an Chomhairle Eorpach an 23–24 Meitheamh 2022.

(5)

Is éard a bhí i gCinneadh (AE) 2022/1628 ó Pharlaimint na hEorpa agus ón gComhairle (5) céim eile i gcur chun feidhme an chúnaimh mhacrairgeadais eisceachtúil sin de chuid an Aontais a beartaíodh. Bunaíodh leis an bonn chun méid breise suas le EUR 5 bhilliún a chur ar fáil don Úcráin i bhfoirm iasachtaí ar ardleibhéal lamháltais, méid as ar eisíocadh EUR 2 bhilliún an 18 Deireadh Fómhair, leis an EUR 3 bhilliún atá fágtha le heisíoc faoi dheireadh 2022.

(6)

Mar thoradh ar an gcogadh foghach a thug an Rúis gan chúis gan údar faoin Úcráin, ón 24 Feabhra 2022 i leith, chaill an Úcráin rochtain ar na margaí airgeadais agus tá laghdú ollmhór tagtha ar a hioncaim phoiblí, agus tá méadú suntasach tagtha ar an gcaiteachas poiblí chun aghaidh a thabhairt ar an staid dhaonnúil agus chun leanúnachas na seirbhísí Stáit a choimeád. Sa chás éiginnte agus luaineach sin, is léir ó na meastacháin is fearr maidir le riachtanais chistiúcháin na hÚcráine ón gCiste Airgeadaíochta Idirnáisiúnta (CAI) i samhradh na bliana 2022 go bhfuil bearna urghnách cistiúcháin de thart ar USD 39 mbilliún ann in 2022, a bhféadfaí tuairim is leath de a shásamh mar gheall ar chúnamh idirnáisiúnta. Maidir le soláthar pras den chúnamh macrairgeadais don Úcráin ón Aontas faoi Chinneadh (AE) 2022/1628, meastar gur freagairt ghearrthéarmach iomchuí é, i bhfianaise na n-imthosca eisceachtúla atá ann faoi láthair, ar na rioscaí suntasacha do chobhsaíocht mhacrairgeadais na hÚcráine. Tá an méid breise suas le EUR 5 bhilliún den chúnamh macrairgeadais eisceachtúil faoin gCinneadh sin, le tacú le cobhsaíocht macrairgeadais na hÚcráine, le hathléimneacht láithreach na tíre sin a neartú agus lena cumas i dtreo téarnamh a chothú, agus dá bhrí sin, chuirfí le hinbhuanaitheacht fiachais phoiblí na hÚcráine agus lena cumas a cuid oibleagáidí airgeadais a chomhlíonadh sa deireadh.

(7)

Ó thús chogadh foghach na Rúise i gcoinne na hÚcráine, rinne an tAontas, a Bhallstáit agus institiúidí airgeadais na hEorpa EUR 19,7 billiún a shlógadh le haghaidh athléimneacht eacnamaíoch, shóisialta agus airgeadais na hÚcráine. Leis an méid sin, tugtar le chéile tacaíocht ó bhuiséad an Aontais, ar luach EUR 12,4 billiún, arna ráthú go hiomlán nó i bpáirt ag buiséad an Aontais, lena n-áirítear an cúnamh macrairgeadais eisceachtúil agus an tacaíocht ón mBanc Eorpach Infheistíochta agus ón mBanc Eorpach Athfhoirgníochta agus Forbartha, chomh maith le tacaíocht airgeadais bhreise ó na Ballstáit, ar luach EUR 7,3 billiún.

(8)

Ina theannta sin, chinn an Chomhairle bearta cúnaimh chun tacú le fórsaí armtha na hÚcráine faoin tSaoráid Síochána Eorpach, ar bearta cúnaimh iad ar luach EUR 3,1 billiún faoi Chinneadh (CBES) 2021/509 ón gComhairle (6), agus misean cúnaimh mhíleata chun tacú leis an Úcráin le EUR 0,1 billiún le haghaidh na gcostas coiteann faoi Chinneadh (CBES) 2022/1968 ón gComhairle (7). Sheachaid an tAontas agus a Bhallstáit freagairt éigeandála nach bhfacthas a leithéid riamh roimhe seo trí Shásra an Aontais um Chosaint Shibhialta faoi Rialachán (AE) 2021/836 ó Pharlaimint na hEorpa agus ón gComhairle (8), atá ar an oibríocht éigeandála is mó í ó bunaíodh an sásra sin, agus a chuireann na milliúin ábhar éigeandála ar fáil don Úcráin agus don réigiún.

(9)

Chinn an Chomhairle Eorpach an 23 Meitheamh 2022 stádas tír is iarrthóir a dheonú don Úcráin. Is príomhthosaíocht de chuid an Aontais é tacaíocht láidir leanúnach a thabhairt don Úcráin. Ós rud é go bhfuil damáiste ollmhór á dhéanamh ar gheilleagar, ar shaoránaigh agus ar ghnólachtaí na hÚcráine mar gheall ar chogadh foghach na Rúise, tá gá le cur chuige comhchoiteann eagraithe mar a leagtar amach san ionstraim chun tacaíocht láidir leanúnach a thabhairt don Úcráin (cúnamh macrairgeadais +) a bhunaítear leis an Rialachán seo (“an Ionstraim”).

(10)

Is ionann cogadh foghach na Rúise i gcoinne na hÚcráine agus bagairt straitéiseach gheopholaitiúil ar an Aontas trí chéile agus ceanglaítear ar na Ballstáit an fód a sheasamh go láidir in éineacht le chéile. Tá sé ríthábhachtach, dá bhrí sin, tacaíocht ón Aontas a imscaradh go tapa agus go mbeidh sé in ann í a chur in oiriúint go solúbtha agus de réir a chéile d’fhóirithint láithreach agus d’athshlánú gearrthéarmach ar an mbealach chun atógáil amach anseo a bhaint amach.

(11)

Is é cuspóir ginearálta na hIonstraime rannchuidiú le bearna chistiúcháin na hÚcráine a dhúnadh in 2023, go háirithe trí fhaoiseamh airgeadais gearrthéarmach ar ardleibhéal lamháltais a sholáthar do bhuiséad Stáit na hÚcráine ar bhealach intuartha, leanúnach, ordúil agus tráthúil, lena n-áirítear maoiniú a dhéanamh ar an athshlánú agus ar an tacaíocht tosaigh i dtreo atógáil iarchogaidh, i gcás inarb iomchuí, d’fhonn tacú leis an Úcráin agus í ar a bealach i dtreo lánpháirtiú na hEorpa.

(12)

Chun cuspóir ginearálta na hIonstraime a bhaint amach, ba cheart an cúnamh a chur ar fáil chun tacú le cobhsaíocht mhacrairgeadais san Úcráin, agus chun srianta na hÚcráine maidir le maoiniú seachtrach a éascú. Ba cheart don Choimisiún an tacaíocht a chur chun feidhme faoin Ionstraim i gcomhréir le príomhphrionsabail agus le príomhchuspóirí na mbeart a glacadh laistigh de réimsí éagsúla na gníomhaíochta seachtraí agus le beartais ábhartha eile de chuid an Aontais.

(13)

Maidir le soláthar tacaíochta athshlánúcháin, le deisiú agus le feidhmeanna criticiúla agus bonneagair a chothabháil chomh maith le faoiseamh a thabhairt do dhaoine atá i ngátar agus do na limistéir is mó a ndéantar difear dóibh i dtéarmaí tacaíochta ábhartha agus sóisialta, le tithíocht shealadach, le foirgníocht chónaithe agus bonneagair, ba cheart iad a áireamh i measc na bpríomhréimsí tacaíochta faoin Ionstraim.

(14)

Ba cheart an Ionstraim a bheith ina tacaíocht freisin le cumas údaráis na hÚcráine a neartú chun ullmhú le haghaidh na hatógála iarchogaidh amach anseo agus le haghaidh luathchéim ullmhúcháin an phróisis réamhaontachais, de réir mar is iomchuí, lena n-áirítear institiúidí na hÚcráine a neartú, éifeachtacht an riaracháin phoiblí a athchóiriú agus a threisiú mar aon le trédhearcacht, athchóirithe struchtúracha agus dea-rialachas ar gach leibhéal.

(15)

Leis an Ionstraim, tacófar le beartas seachtrach an Aontais i leith na hÚcráine. Ba cheart don Choimisiún agus don tSeirbhís Eorpach Gníomhaíochta Seachtraí a bheith ag obair i ndlúthchomhar le chéile i rith na hoibríochta tacaíochta chun beartas seachtrach an Aontais a chomhordú agus chun comhsheasmhacht bheartas seachtrach an Aontais a áirithiú. Leis an tacaíocht leis an Úcráin faoin Ionstraim, leanfar den rannchuidiú mór le riachtanais chistiúcháin na hÚcráine a shásamh, riachtanais arna meas ag CAI, ag an mBanc Domhanda, agus ag institiúidí airgeadais idirnáisiúnta eile, agus cuirfear san áireamh leis sin cumas na hÚcráine í féin a mhaoiniú le hacmhainní dá cuid féin. Agus méid na tacaíochta á chinneadh, cuirtear san áireamh freisin na ranníocaíochtaí airgeadais a bhfuil coinne leo ó dheontóirí déthaobhacha agus ó dheontóirí iltaobhacha, chomh maith leis an úsáid atá á baint cheana as ionstraimí maoiniúcháin sheachtraigh eile de chuid an Aontais san Úcráin agus an breisluach a bhaineann le rannpháirtíocht an Aontais ina hiomláine.

(16)

Le staid na hÚcráine éilítear cur chuige céim ar chéim lenar cheart tacaíocht leanúnach faoin Ionstraim um Chomharsanacht, Forbairt agus Comhar Idirnáisiúnta — an Eoraip Dhomhanda a bhunaítear le Rialachán (AE) 2021/947 ó Pharlaimint na hEorpa agus ón gComhairle (9) agus oibríochtaí cabhrach daonnúla faoi Rialachán (CE) Uimh 1257/969 (10) ón gComhairle chomh maith le faoiseamh láithreach agus athshlánú a bheith ag gabháil le hionstraim lena ndírítear ar chobhsaíocht mhacrairgeadais.

(17)

Sa Rialachán seo, ba cheart na hacmhainní atá ar fáil le haghaidh na hIonstraime a leagan síos le haghaidh na tréimhse ón 1 Eanáir 2023 go dtí an 31 Nollaig 2023 agus d’fhéadfaí eisíocaíochtaí a dhéanamh go dtí an 31 Márta 2024. Ba cheart uasmhéid EUR 18 mbilliún a chur ar fáil i bhfoirm iasachtaí. Ina theannta sin, le haghaidh na tréimhse ón 1 Eanáir 2023 go dtí an 31 Nollaig 2027, sa Rialachán seo ba cheart foráil a dhéanamh maidir le fóirdheontas ráta úis. Chun a áirithiú go gcumhdófar costais úis le linn shaolré na n-iasachtaí, ba cheart ranníocaíochtaí ó na Ballstáit tar éis 2027 a athnuachan agus ba cheart gurb ioncam sannta seachtrach iad go fóill mura rud é go gcumhdaítear iad ar bhealaí eile i gcreataí airgeadais ilbhliantúla amach anseo. Dá bhrí sin, d’fhéadfadh sé go bhféadfaí síneadh a chur leis na ranníocaíochtaí ó na Ballstáit tar éis 2027.

(18)

Leis an Rialachán seo, ba cheart an deis a thabhairt do na Ballstáit acmhainní breise a chur ar fáil, mar ioncam sannta seachtrach a bheidh le cur chun feidhme faoi mheabhrán tuisceana (MT) na hIonstraime. An fhéidearthacht sin maidir le ranníocaíocht bhreise a dhéanamh mar ioncaim shannta sheachtracha, ba cheart í a bheith le haghaidh tríú tíortha leasmhara agus páirtithe leasmhara, i gcomhréir le hAirteagal 21(2), pointí (d) agus (e), de Rialachán (AE, Euratom) 2018/1046 ó Pharlaimint na hEorpa agus ón gComhairle (11) (“an Rialachán Airgeadais”). Chun sineirgí agus comhlántachtaí a chothú, is iomchuí a cheadú go bhféadfaí ranníocaíochtaí breise den sórt sin ó na Ballstáit, ó thríú tíortha leasmhara agus ó thríú páirtithe leasmhara a chur ar fáil freisin do na cláir arna mbunú faoi Rialacháin (AE) 2021/947 agus (CE) Uimh. 1257/96 chun bearta a mhaoiniú lena rannchuidítear le cuspóirí na hIonstraime.

(19)

Ba cheart ranníocaíochtaí deonacha ó na Ballstáit a bheith neamh-inchúlghairthe, neamhchoinníollach agus ar éileamh. Chun na críche sin, ba cheart do na Ballstáit dul isteach i gcomhaontú ranníocaíochta leis an gCoimisiún de réir bhrí Airteagal 22(2) den Rialachán Airgeadais. Le comhaontú ranníocaíochta den sórt sin, ba cheart an ranníocaíocht leis an bhfóirdheontas ráta úis a chumhdach agus méideanna breise freisin, más mian leis an mBallstát iad a sholáthar.

(20)

Ba cheart an tacaíocht faoin Ionstraim a chur ar fáil faoin réamhchoinníoll go leanann an Úcráin de shásraí éifeachtacha daonlathacha agus a hinstitiúidí a urramú, lena n-áirítear córas parlaiminteach ilpháirtí, agus an smacht reachta, agus urraim do chearta an duine a ráthú.

(21)

Ba cheart an tacaíocht faoin Ionstraim a bheith nasctha le coinníollacha beartais a leagfar amach i meabhrán tuisceana. Sna coinníollacha sin, ba cheart a áireamh iontu freisin gealltanais chun feidhmíocht eacnamaíoch agus athléimneacht na tíre a neartú, an timpeallacht ghnó, atógáil chriticiúil a éascú agus aghaidh a thabhairt ar dhúshláin in earnáil an fhuinnimh.

(22)

Ba cheart na coinníollacha beartais a chomhlánú le diancheanglais tuairiscithe, arb é is aidhm dóibh a áirithiú go n-úsáidfear na cistí ar bhealach éifeachtúil, trédhearcach agus cuntasach.

(23)

I bhfianaise na staide san Úcráin, is iomchuí foráil a dhéanamh maidir le hathbhreithniú meántéarma ar MT.

(24)

Ba cheart an tacaíocht faoin Ionstraim a scaoileadh faoi réir réamhchoinníollacha a urramú, chur chun feidhme sásúil agus dul chun cinn i dtreo chur chun feidhme na gcoinníollacha beartais.

(25)

Is iomchuí foráil a dhéanamh maidir leis an bhféidearthacht athmheasúnú a dhéanamh ar riachtanais chistiúcháin na hÚcráine agus an tacaíocht a laghdú, a chur ar fionraí nó a chur ar ceal má thagann laghdú bunúsach ar na riachtanais sin le linn thréimhse eisíocaíochta na tacaíochta faoin Ionstraim i gcomparáid leis na réamh-mheastacháin tosaigh. Is iomchuí freisin foráil a dhéanamh maidir leis an bhféidearthacht eisíocaíochtaí a chur ar fionraí nó a chur ar ceal i gcás nach gcomhlíonfar na ceanglais maidir leis an tacaíocht faoin Ionstraim a scaoileadh.

(26)

I gcomhthéacs riachtanais phráinneacha mhaoiniúcháin na hÚcráine, is iomchuí an cúnamh airgeadais a eagrú faoin straitéis cistiúcháin éagsúlaithe dá bhforáiltear in Airteagal 220a den Rialachán Airgeadais agus a bhunú mar mhodh cistiúcháin aonair, a bhfuil coinne go bhfeabhsóidh sé leachtacht bhannaí an Aontais agus tarraingteacht agus costéifeachtúlacht eisiúint an Aontais.

(27)

I bhfianaise staid dheacair na hÚcráine mar thoradh ar chogadh foghach na Rúise agus chun tacú leis an Úcráin ar a conair fhadtéarmach cobhsaíochta, is iomchuí iasachtaí a chur ar fáil don Úcráin ar ardleibhéal lamháltais a mhairfidh 35 bliana ar a mhéad agus gan tús a chur le haisíoc an bhunairgid tráth nach luaithe ná 2033. Is iomchuí freisin maolú ar Airteagal 220(5), pointe (e), den Rialachán Airgeadais agus cead a thabhairt don Aontas na costais ráta úis a chumhdach agus na costais riaracháin a bheadh le hiompar ag an Úcráin murach sin a tharscaoileadh. Ba cheart an fóirdheontas ráta úis a dheonú mar ionstraim a mheastar a bheith iomchuí chun éifeachtacht na tacaíochta a áirithiú faoin Ionstraim de réir bhrí Airteagal 220(1) den Rialachán Airgeadais. Ba cheart é a mhaoiniú ó ranníocaíochtaí deonacha breise ó na Ballstáit agus ba cheart é a bheith ar fáil de réir a chéile de réir mar a tháinig na comhaontuithe leis na Ballstáit i bhfeidhm.

(28)

Ba cheart é a bheith indéanta don Úcráin fóirdheontas an ráta úis agus tarscaoileadh na gcostas riaracháin a iarraidh gach bliain.

(29)

Níor cheart tacú leis an dliteanas airgeadais ó iasachtaí faoin Rialachán seo leis an Ráthaíocht do Ghníomhaíochtaí Seachtracha, de mhaolú ar Airteagal 31(3), an dara habairt, de Rialachán (AE) 2021/947. Ba cheart tacaíocht faoin Ionstraim a bheith ina cúnamh airgeadais de réir bhrí Airteagal 220(1) den Rialachán Airgeadais. Agus na rioscaí airgeadais agus an cumhdach buiséadach á gcur san áireamh, níor cheart aon soláthar a bhunú don chúnamh airgeadais i bhfoirm iasachtaí faoin Ionstraim agus, de mhaolú Airteagal 211(1) den Rialachán Airgeadais, níor cheart ráta soláthair a shocrú mar chéatadán den mhéid dá dtagraítear in Airteagal 4(1) den Rialachán seo.

(30)

Le Rialachán (AE, Euratom) 2020/2093 ón gComhairle (12) ní cheadaítear cumhdach an dliteanais airgeadais a eascraíonn as iasachtaí faoin Ionstraim i láthair na huaire. Go dtí go ndéanfaí leasú ionchasach air, lena bhféadfaí, mar ráthaíocht, acmhainní buiséadacha a shlógadh de bhreis ar uasteorainneacha an chreata airgeadais ilbhliantúil (CAI) agus suas go dtí teorainneacha na n-uasteorainneacha dá dtagraítear in Airteagal 3(1) agus (2) de Chinneadh (AE, Euratom) 2020/2053 ón gComhairle (13), is iomchuí réiteach malartach a lorg lena gcuirfear acmhainní breise ar fáil.

(31)

Táthar tar éis ranníocaíochtaí ó na Ballstáit i bhfoirm ráthaíochtaí a shainaithint mar uirlis iomchuí chun an chosaint a chur ar fáil sa bhreis lena bhféadfaí na hoibríochtaí a dhéanamh trína bhfaightear agus trína dtugtar iasachtaí faoin Rialachán seo. Ba cheart ráthaíochtaí na mBallstát a bheith ina gcosaint iomchuí lena n-áiritheofar cumas an Aontais na hiasachtaí trína dtacaítear leis na hiasachtaí faoin Ionstraim.

(32)

Ba cheart do na ráthaíochtaí a sholáthraíonn na Ballstáit an tacaíocht faoin Ionstraim a chumhdach i bhfoirm iasachtaí suas go dtí EUR 18 000 000 000. Tá sé tábhachtach go dtabharfaidh na Ballstáit na nósanna imeachta náisiúnta is infheidhme chun críche chun ráthaíochtaí a sholáthar mar phríomhthosaíocht. I bhfianaise a phráinní atá an staid, níor cheart, leis an am is gá chun na nósanna imeachta sin a chur i gcrích, moill a chur ar an tacaíocht airgeadais riachtanach don Úcráin i bhfoirm iasachtaí faoin Rialachán seo. Ag an am céanna, ba cheart an tacaíocht airgeadais faoin Ionstraim i bhfoirm iasachtaí a chur ar fáil de réir a chéile, de réir mar a a thiocfaidh na ráthaíochtaí a thugann na Ballstáit i bhfeidhm. I bhfianaise phrionsabal na bainistíochta fónta airgeadais agus na stuamachta, ba cheart don Choimisiún na hiasachtaí a shocrú agus aird chuí á tabhairt ar a sheasamh creidmheasa. Ba cheart, áfach, méid iomlán na tacaíochta, suas go dtí EUR 18 000 000 000, a bheith ar fáil ón dáta a chuirfear leasú ar Rialachán (AE, Euratom) 2020/2093, nó ar a chomharba, i bhfeidhm lena bhforáiltear do ráthaíocht na n-iasachtaí dá dtagraítear faoin Ionstraim faoi bhuiséad an Aontais de bhreis ar uasteorainneacha CAI agus suas le teorainneacha na n-uasteorainneacha dá dtagraítear in Airteagal 3(1) agus (2) de Chinneadh (AE, Euratom) 2020/2053.

(33)

Ba cheart ráthaíochtaí na mBallstát a bheith neamh-inchúlghairthe neamhchoinníollach agus ar éileamh. Leis na ráthaíochtaí sin, ba cheart cumas an Aontais a áirithiú chun na cistí a fuarthas ar iasacht sna margaí caipitil nó ó na hinstitiúidí airgeadais a aisíoc. Ba cheart na ráthaíochtaí scor de bheith inghlaoite amhail ó dháta chur i bhfeidhm leasú ar Rialachán (AE, Euratom) 2020/2093, nó ar a chomharba, lena bhforáiltear do ráthaíocht na n-iasachtaí faoin Ionstraim faoi bhuiséad an Aontais de bhreis ar uasteorainneacha CAI agus suas le teorainneacha na n-uasteorainneacha dá dtagraítear in Airteagal 3(1) agus (2) de Chinneadh (AE, Euratom) 2020/2053. Ba cheart na ráthaíochtaí a ghlaoch i gcás nach bhfaighidh an tAontas íocaíocht thráthúil ón Úcráin i ndáil leis na hiasachtaí faoin Ionstraim, lena n-áirítear, go háirithe, i gcás athruithe ar an sceideal íocaíochta ar chúis ar bith chomh maith le neamhíocaíochtaí a bhfuiltear ag súil leo agus neamhíocaíochtaí gan choinne.

(34)

Na méideanna a aisghabhadh faoi na comhaontuithe iasachta i ndáil leis na hiasachtaí faoin Ionstraim, ba cheart iad a aisíoc leis na Ballstáit a chomhlíon na glaonna ráthaíochta, de mhaolú ar Airteagal 211(4), pointe (c), den Rialachán Airgeadais.

(35)

Sula nglaofaidh sé ar na ráthaíochtaí arna soláthar ag na Ballstáit, ba cheart don Choimisiún, dá lánrogha agus dá fhreagracht iomlán mar institiúid de chuid an Aontais a gcuirtear de chúram uirthi buiséad ginearálta an Aontais a chur chun feidhme i gcomhréir le hAirteagal 317 den Chonradh ar Fheidhmiú an Aontais Eorpaigh, scrúdú a dhéanamh ar na bearta uile atá ar fáil faoin straitéis cistiúcháin éagsúlaithe dá bhforáiltear in Airteagal 220a den Rialachán Airgeadais, i gcomhréir leis na teorainneacha a leagtar amach sa Rialachán seo. Sa ghlao ábhartha ráthaíochta, ba cheart don Choimisiún na Ballstáit ar an eolas faoin scrúdú, mar is iomchuí.

(36)

Ba cheart sciar coibhneasta ranníocaíochtaí gach Ballstáit (treoir ranníoca) leis an méid foriomlán ráthaithe a bheith ag freagairt do sciartha coibhneasta na mBallstát d’ollioncam náisiúnta (OIN) iomlán an Aontais. Ba cheart na glaonna ar na ráthaíochtaí a dhéanamh pro rata agus an treoir ranníoca á cur i bhfeidhm. Go dtí go dtiocfaidh na comhaontuithe ráthaíochta uile idir an Coimisiún agus na Ballstáit i bhfeidhm, ba cheart an treoir ranníoca a choigeartú go comhréireach ar bhonn sealadach.

(37)

Is iomchuí go dtabharfaidh an Coimisiún agus an Úcráin comhaontú iasachta i gcrích don tacaíocht iasachta, faoi chuimsiú na gcoinníollacha a leagtar amach sa MT. Chun a áirithiú go gcosnaítear ar bhealach éifeachtúil na leasanna airgeadais sin de chuid an Aontais atá nasctha leis an tacaíocht faoin Ionstraim, ba cheart don Úcráin na bearta iomchuí a dhéanamh maidir le calaois, éilliú agus neamhrialtachtaí eile i dtaca leis an tacaíocht sin a chosc agus a bhaineann leis an gcomhrac ina gcoinne. Sa bhreis air sin, ba cheart foráil a dhéanamh sa chomhaontú iasachta agus sa chomhaontú maoiniúcháin go ndéanfadh an Coimisiún seiceálacha, go ndéanfadh an Chúirt Iniúchóirí iniúchtaí agus go bhfeidhmeodh Oifig an Ionchúisitheora Phoiblí Eorpaigh a cuid inniúlachtaí, i gcomhréir le hAirteagail 129 agus 220 den Rialachán Airgeadais.

(38)

Ós rud é nach féidir leis na Ballstáit cuspóir an Rialacháin seo a ghnóthú go leordhóthanach, eadhon rannchuidiú le bhearna chistiúcháin na hÚcráine in 2023 a dhúnadh, go háirithe trí fhaoiseamh gearrthéarmach ard-lamháltais a sholáthar chun buiséad stáit na hÚcráine ar bhealach intuartha, leanúnach, ordúil agus tráthúil agus, de bharr a fhairsinge agus a éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(39)

Chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (14).

(40)

I bhfianaise na práinne a bhaineann leis na himthosca eisceachtúla atá ann mar thoradh ar chogadh foghach na Rúise gan chúis gan údar, meastar gurb iomchuí an eisceacht ar an tréimhse 8 seachtaine dá dtagraítear in Airteagal 4 de Phrótacal Uimh. 1 maidir le ról na bParlaimintí náisiúnta san Aontas Eorpach, atá i gceangal leis an gConradh ar an Aontas Eorpach, leis an gConradh ar Fheidhmiú an Aontais Eorpaigh agus leis an gConradh ag bunú an Chomhphobail Eorpaigh do Fhuinneamh Adamhach a agairt.

(41)

I bhfianaise na staide san Úcráin, ba cheart an Rialachán seo a theacht i bhfeidhm mar ábhar práinne an lá tar éis lá a fhoilsithe in Iris Oifigiúil an Aontais Eorpaigh,

(1)

Sa teachtaireacht uaidh an 11 Nollaig 2019 dar teideal The European Green Deal [an Comhaontú Glas don Eoraip] (“an Comhaontú Glas”), thug an Coimisiún gealltanas chun athbhreithniú a dhéanamh ar fhorálacha Threoir 2013/34/AE ó Pharlaimint na hEorpa agus ón gComhairle (3) a bhaineann le tuairisciú neamhairgeadais. Is é an Comhaontú Glas straitéis nua fáis an Aontais. Is é is aidhm dó geilleagar nua-aimseartha iomaíoch, atá tíosach ó thaobh acmhainní de a dhéanamh den Aontas, áit nach mbeidh aon ghlan-astaíochtaí gás ceaptha teasa (GCT) faoi 2050. Tá sé d”aidhm aige freisin caipiteal nádúrtha an Aontais a chosaint, a chaomhnú agus a mhéadú, agus sláinte agus folláine saoránach de chuid an Aontais a chosaint ar rioscaí agus tionchair a bhaineann leis an gcomhshaol. Is é is aidhm don Chomhaontú Glas an fás eacnamaíoch a dhíchúpláil ó úsáid acmhainní, agus a áirithiú go mbeidh gach réigiún agus saoránach de chuid an Aontais ina rannpháirtí in aistriú a bheidh cóir ar bhonn sóisialta chuig córas eacnamaíoch inbhuanaithe, ina áiritheofar nach bhfágtar aon duine nó aon áit ar lár. Beidh sé ina rannchuidiú leis an gcuspóir geilleagar a oibríonn do na daoine a fhorbairt, geilleagar margaidh shóisialta an Aontais a threisiú, chun cuidiú lena áirithiú go mbeidh sé réidh don todhchaí agus go soláthróidh sé cobhsaíocht, poist, fás agus infheistíocht inbhuanaithe.

Tá na spriocanna sin tábhachtach go háirithe i bhfianaise an damáiste shocheacnamaíoch a rinneadh mar thoradh ar phaindéim COVID-19 agus an gá atá le téarnamh inbhuanaithe, ionchuimsitheach agus cóir. Le Rialachán (AE) 2021/1119 ó Pharlaimint na hEorpa agus ón gComhairle (4), rinneadh cuspóir na haeráidneodrachta faoi 2050 ceangailteach san Aontas. Thairis sin, sa teachtaireacht uaidh an 20 Bealtaine 2020 dar teideal EU Biodiversity Strategy for 2030: Bringing nature back into our lives [Straitéis Bhithéagsúlachta AE do 2030: An dúlra a thabhairt ar ais inár saol], geallann an Coimisiún go n-áiritheoidh sé go ndéanfar éiceachórais uile an domhain a athchóiriú, go mbeidh teacht aniar iontu agus go gcosnófar iad go leormhaith faoi 2050. Is é is aidhm don straitéis sin bithéagsúlacht na hEorpa a chur ar shlí téarnaimh faoi 2030.

(2)

Ina Theachtaireacht an 8 Márta 2018 dar teideal Action Plan: Financing Sustainable Growth [Plean Gníomhaíochta: Fás Inbhuanaithe a Mhaoiniú] (“an Plean Gníomhaíochta maidir le Fás Inbhuanaithe a Mhaoiniú”), leag an Coimisiún amach bearta chun na cuspóirí seo a leanas a bhaint amach: sreafaí caipitil a atreorú chuig infheistíocht inbhuanaithe chun fás inbhuanaithe ionchuimsitheach a bhaint amach, rioscaí airgeadais a eascraíonn as an athrú aeráide, ídiú acmhainní, díghrádú comhshaoil agus saincheisteanna sóisialta a bhainistiú, agus trédhearcacht agus fadtéarmachas i ngníomhaíocht airgeadais agus eacnamaíoch a chothú. Réamhriachtanas chun na cuspóirí sin a bhaint amach is ea nochtadh faisnéise ábhartha, inchomparáide agus iontaofa inbhuanaitheachta ag catagóirí áirithe gnóthas. Tá roinnt gníomhartha reachtacha glactha ag Parlaimint na hEorpa agus an Chomhairle mar chuid de chur chun feidhme an Phlean Gníomhaíochta maidir le Fás Inbhuanaithe a Mhaoiniú. Rialaítear le Rialachán (AE) 2019/2088 ó Pharlaimint na hEorpa agus ón gComhairle (5) an chaoi a bhfuil rannpháirtithe margaí airgeadais agus comhairleoirí airgeadais le faisnéis inbhuanaitheachta a nochtadh d”infheisteoirí deiridh agus úinéirí sócmhainní.

Cruthaítear le Rialachán (AE) 2020/852 ó Pharlaimint na hEorpa agus ón gComhairle (6) córas aicmithe le haghaidh gníomhaíochtaí eacnamaíocha atá inbhuanaithe ó thaobh an chomhshaoil de, agus é mar aidhm leis scálaí infheistíochtaí inbhuanaithe a mhéadú agus dul i ngleic le glas-snasú táirgí airgeadais a maítear go míchuí ina leith go bhfuil siad inbhuanaithe. Tugtar isteach le Rialachán (AE) 2019/2089 ó Pharlaimint na hEorpa agus ón gComhairle (7), arna chomhlánú ag Rialacháin Tarmligthe (AE) 2020/1816 (8), (AE) 2020/1817 (9) agus (AE) 2020/1818 (10) ón gCoimisiún, ceanglais maidir le nochtadh comhshaoil, sóisialta agus rialachais (“ESG”) le haghaidh riarthóirí tagarmharcanna agus íoschaighdeáin chun Tagarmharcanna Aistrithe Aeráide AE agus Tagarmharcanna AE atá ailínithe le Comhaontú Pháras a chruthú.

Ceanglaítear le Rialachán (AE) Uimh. 575/2013 ó Pharlaimint na hEorpa agus ón gComhairle (11) ar institiúidí móra a bhfuil urrúis eisithe acu a ligtear isteach chun a dtrádála ar mhargadh rialáilte faisnéis a nochtadh ar rioscaí ESG ón 28 Meitheamh 2022. Sa chreat stuamachta le haghaidh gnólachtaí infheistíochta a bunaíodh le Rialachán (AE) 2019/2033 ó Pharlaimint na hEorpa agus ón gComhairle (12) agus le Treoir (AE) 2019/2034 ó Pharlaimint na hEorpa agus ón gComhairle (13), tá forálacha maidir le gné riosca ESG a thabhairt isteach sa Phróiseas Athbhreithnithe Maoirseachta agus Meastóireachta (“SREP”) ag údaráis inniúla, agus tá ceanglais maidir le nochtadh rioscaí ESG ann le haghaidh gnólachtaí infheistíochta, a mbeidh feidhm acu ón 26 Nollaig 2022. An 6 Iúil 2021, ghlac an Coimisiún freisin togra le haghaidh Rialachán ó Pharlaimint na hEorpa agus ón gComhairle maidir le bannaí glasa Eorpacha, mar obair leantach ar an bPlean Gníomhaíochta maidir le Fás Inbhuanaithe a Mhaoiniú.

(3)

Ina Theachtaireacht an 17 Meitheamh 2019, dar teideal Guidelines on non-financial reporting: Supplement on reporting climate-related information [Treoirlínte maidir le tuairisciú neamhairgeadais: Forlíonadh ar fhaisnéis a bhaineann leis an aeráid a thuairisciú] (“Treoirlínte maidir le faisnéis a bhaineann leis an aeráid a thuairisciú”), leag an Coimisiún béim ar na tairbhí do chuideachtaí a bhaineann le faisnéis a bhaineann leis an aeráid a thuairisciú, go háirithe trí fheasacht agus tuiscint ar rioscaí agus deiseanna a bhaineann leis an aeráid laistigh den chuideachta a mhéadú, an bonn infheisteoirí a éagsúlú, costas níos ísle caipitil a chruthú agus idirphlé cuiditheach leis na geallsealbhóirí uile a fheabhsú. Thairis sin, d”fhéadfadh sé go n-imreodh éagsúlacht ar bhoird cuideachtaí tionchar ar chinnteoireacht, ar rialachas corparáideach agus ar athléimneacht.

(4)

Sna conclúidí uaithi an 5 Nollaig 2019 maidir le hAontas na Margaí Caipitil a dhoimhniú, leag an Chomhairle béim ar a thábhachtaí atá faisnéis iontaofa, inchomparáide agus ábhartha maidir le rioscaí inbhuanaitheachta, deiseanna agus tionchair, agus d”iarr sí ar an gCoimisiún breithniú a dhéanamh ar chaighdeán tuairiscithe neamhairgeadais Eorpach a fhorbairt.

(5)

Ina rún an 29 Bealtaine 2018 maidir le maoiniú inbhuanaithe (14), d”iarr Parlaimint na hEorpa go ndéanfaí tuilleadh forbartha ar cheanglais tuairiscithe neamhairgeadais faoi chuimsiú Threoir 2013/34/AE. Ina rún an 17 Nollaig 2020 maidir le rialachas corparáideach inbhuanaithe (15), chuir Parlaimint na hEorpa fáilte roimh ghealltanas an Choimisiúin chun athbhreithniú a dhéanamh ar Threoir 2013/34/AE agus léirigh sí an gá atá le creat cuimsitheach de chuid an Aontais um thuairisciú neamhairgeadais a bhunú ina bhfuil caighdeáin tuairiscithe neamhairgeadais shainordaitheacha de chuid an Aontais. D”iarr Parlaimint na hEorpa raon feidhme na gceanglas tuairiscithe a leathnú chun catagóirí breise gnóthas a chur san áireamh agus chun ceanglas iniúchta a bhunú.

(6)

Sa rún uaidh an 25 Meán Fómhair 2015 dar teideal Transforming our world: the 2030 Agenda for Sustainable Development [I mbun athraithe: Clár oibre 2030 don Fhorbairt Inbhuanaithe] (“Clár Oibre 2030”), ghlac Comhthionól Ginearálta na Náisiún Aontaithe (NA) creat nua domhanda um fhorbairt inbhuanaithe. Tá Spriocanna Forbartha Inbhuanaithe na Náisiún Aontaithe (“SFInna”) i gcroílár Chlár Oibre 2030 agus cumhdaítear trí ghné na hinbhuanaitheachta leis: eacnamaíoch, sóisialta agus comhshaoil. sa Teachtaireacht ón gCoimisiún an 22 Samhain 2016 dar teideal Next steps for a sustainable European future: European action for sustainability [Na chéad chéimeanna eile i dtreo todhchaí inbhuanaithe don Eoraip: Gníomhaíocht Eorpach um inbhuanaitheacht], rinneadh SFInna a nascadh le creat beartais an Aontais chun a áirithiú go gcuirfear na spriocanna sin san áireamh i ngníomhaíochtaí agus i dtionscnaimh bheartais uile an Aontais, laistigh den Aontas agus lasmuigh de, ón tús. Sna conclúidí uaithi an 20 Meitheamh 2017 maidir le “Todhchaí inbhuanaithe don Eoraip: “Freagairt an Aontais do Chlár Oibre 2030 don Fhorbairt Inbhuanaithe”, dheimhnigh an Chomhairle tiomantas an Aontais agus na mBallstát do chur chun feidhme Chlár Oibre 2030 ar bhealach iomlán, comhleanúnach, cuimsitheach, comhtháite agus éifeachtach, i ndlúthchomhar le comhpháirtithe agus le geallsealbhóirí eile.

(7)

Le Treoir 2014/95/AE ó Pharlaimint na hEorpa agus ón gComhairle (16), leasaíodh Treoir 2013/34/AE a mhéid a bhaineann le faisnéis neamhairgeadais a bheith á nochtadh ag gnóthais agus grúpaí móra áirithe. Le Treoir 2014/95/AE, cuireadh ceanglas ar ghnóthais faisnéis a thuairisciú maidir le hábhair chomhshaoil, shóisialta agus fostaithe, meas ar chearta an duine, agus ábhair frithéillithe agus frithbhreabaireachta, ar a laghad. Maidir leis na topaicí sin, le Treoir 2014/95/AE, ceanglaíodh ar ghnóthais faisnéis a nochtadh faoi na réimsí tuairiscithe seo a leanas: samhail ghnó; beartais, lena n-áirítear próisis díchill chuí; toradh na mbeartas sin; rioscaí agus bainistíocht riosca; agus príomhtháscairí feidhmíochta atá ábhartha don ghnó.

(8)

Measann go leor geallsealbhóirí go bhfuil an téarma “neamhairgeadais” míchruinn, go háirithe toisc go dtugann sé sin le fios nach bhfuil aon tábhacht airgeadais leis an bhfaisnéis atá i gceist. De réir a chéile, tá ábharthacht airgeadais ag baint le faisnéis den sórt sin, áfach. Tagraíonn go leor eagraíochtaí, tionscnamh agus cleachtóirí i réimse an tuairiscithe inbhuanaitheachta do “fhaisnéis inbhuanaitheachta”. Dá bhrí sin, is fearr an téarma “faisnéis inbhuanaitheachta” a úsáid in ionad “faisnéis neamhairgeadais”. Dá bhrí sin, ba cheart Treoir 2013/34/AE a leasú chun an t-athrú sin sa téarmaíocht a chur san áireamh.

(9)

Más rud é go ndearna gnóthais tuairisciú inbhuanaitheachta níos fearr, is iad saoránaigh aonair agus coigilteoirí a bheadh ina dtairbhithe deiridh, lena n-áirítear ceardchumainn agus ionadaithe oibrithe a bheadh ar an eolas go leormhaith agus, dá bhrí sin, a bheadh in ann páirt níos fearr a ghlacadh san idirphlé sóisialta. Má theastaíonn ó choigilteoirí infheistiú ar bhealach inbhuanaithe, tabharfar deis dóibh déanamh amhlaidh, agus, ag an am céanna, bhainfeadh na saoránaigh uile tairbhe as córas eacnamaíoch atá cobhsaí, inbhuanaithe agus cuimsitheach. Chun tairbhithe den sórt sin a bhaint amach, ní mór an fhaisnéis inbhuanaitheachta a nochtar i dtuarascálacha bliantúla gnóthas a chur in iúl do dhá phríomhghrúpa úsáideoirí ar dtús. Is infheisteoirí atá sa chéad ghrúpa úsáideoirí, lena n-áirítear bainisteoirí sócmhainní, ar mian leo tuiscint níos fearr a fháil ar na rioscaí agus deiseanna a chruthaíonn saincheisteanna inbhuanaitheachta dá n-infheistíochtaí agus na tionchair a bhíonn ag na hinfheistíochtaí sin ar dhaoine agus ar an gcomhshaol. Is gníomhaithe na sochaí sibhialta atá sa dara grúpa, lena n-áirítear, eagraíochtaí neamhrialtasacha agus páirtithe sóisialta, ar mian leo gnóthais a thabhairt chun cuntais ar bhealach níos fearr maidir leis na tionchair a bhíonn acu ar dhaoine agus ar an gcomhshaol. D”fhéadfadh geallsealbhóirí eile úsáid a bhaint freisin as faisnéis inbhuanaitheachta a nochtar i dtuarascálacha bliantúla, go háirithe chun inchomparáideacht a chothú ar fud earnálacha an mhargaidh agus laistigh díobh.

D„fhéadfadh comhpháirtithe gnó gnóthas, lena n-áirítear custaiméirí, brath ar fhaisnéis inbhuanaitheachta chun a rioscaí agus a dtionchair inbhuanaitheachta a thuiscint agus, i gcás inar gá, tuairisciú orthu ar fud a slabhraí luacha féin. Is féidir le lucht ceaptha beartas agus gníomhaireachtaí comhshaoil úsáid a bhaint as faisnéis den sórt sin, go háirithe ar bhonn comhiomlán, chun faireachán a dhéanamh ar threochtaí comhshaoil agus sóisialta, chun cur le cuntais chomhshaoil, agus chun faisnéis a chur ar fáil i gcomhair beartas poiblí. Is beag saoránach aonair nó tomhaltóir a fhéachann go díreach ar thuarascálacha bliantúla gnóthas, ach d”fhéadfaidís úsáid a bhaint as faisnéis den sórt sin go hindíreach, mar shampla, agus comhairle nó tuairimí ó chomhairleoirí airgeadais nó ó eagraíochtaí neamhrialtasacha á meas acu. Ceannaíonn go leor infheisteoirí agus bainisteoirí sócmhainní faisnéis inbhuanaitheachta ó sholáthraithe sonraí tríú páirtí, a bhailíonn faisnéis ó fhoinsí éagsúla, lena n-áirítear tuarascálacha corparáideacha poiblí.

(10)

Tá an margadh le haghaidh faisnéis inbhuanaitheachta ag fás go gasta, agus tá ról na soláthraithe sonraí tríú páirtí ag dul i dtábhacht i bhfianaise na n-oibleagáidí nua is gá d”infheisteoirí agus do bhainisteoirí sócmhainní a chomhlíonadh. Agus níos mó sonraí imdhealaithe ar fáil, ba cheart an costas atá ar fhaisnéis inbhuanaitheachta a bheith níos réasúnaí. Leis na leasuithe ar Threoir 2013/34/AE dá bhforáiltear sa Treoir leasaitheach seo, meastar go méadófar inchomparáideacht na sonraí agus go gcomhchuibheofar caighdeáin. Táthar ag dréim leis go dtiocfaidh feabhas ar chleachtais na soláthraithe sonraí tríú páirtí agus go dtiocfaidh méadú ar an saineolas sa réimse sin, lena bhféadfaí poist a chruthú.

(11)

Tháinig méadú an-suntasach ar an éileamh ar fhaisnéis inbhuanaitheachta chorparáideach le blianta beaga anuas, go háirithe ón bpobal infheistíochta. Tá an méadú sin ar an éileamh á spreagadh ag cineál athraitheach na rioscaí do ghnóthais agus feasacht níos mó na n-infheisteoirí ar impleachtaí airgeadais na rioscaí sin. Is ionann an cás go háirithe maidir le rioscaí airgeadais a bhaineann leis an aeráid. Tá méadú ag teacht freisin ar an bhfeasacht ar na rioscaí agus na deiseanna atá ann do ghnóthais agus d”infheistíochtaí a eascraíonn as saincheisteanna comhshaoil eile, amhail cailliúint na bithéagsúlachta, agus as saincheisteanna sláinte agus sóisialta, lena n-áirítear saothar leanaí agus saothar éignithe. Tá an méadú ar an éileamh ar fhaisnéis inbhuanaitheachta á spreagadh ag an bhfás i dtáirgí infheistíochta freisin, a fhéachann go sainráite le caighdeáin inbhuanaitheachta áirithe a chomhlíonadh nó cuspóirí inbhuanaitheachta áirithe a ghnóthú, agus comhleanúnachas a áirithiú le huaillmhian Chomhaontú Pháras faoi Chreat-Choinbhinsiún na Náisiún Aontaithe ar an Athrú Aeráide a glacadh an 12 Nollaig 2015 (“Comhaontú Pháras”), Coinbhinsiún na Náisiún Aontaithe maidir leis an Éagsúlacht Bhitheolaíoch agus beartais an Aontais. Tá cuid den mhéadú sin mar iarmhairt loighciúil na reachtaíochta de chuid an Aontais a glacadh roimhe seo, go háirithe Rialacháin (AE) 2019/2088 agus (AE) 2020/852. Tharlódh cuid den mhéadú sin in aon chás, toisc go bhfuil feasacht saoránach, roghanna tosaíochta tomhaltóirí agus cleachtais mhargaidh ag athrú go tapa. Tháinig méadú níos mó ar riachtanais faisnéise úsáideoirí de bharr phaindéim COVID-19, go háirithe ós rud é gur nochtadh leochaileachtaí oibrithe agus slabhraí luacha gnóthas dá thoradh. Tá faisnéis faoi thionchair chomhshaoil ábhartha freisin i gcomhthéacs paindéimí sa todhchaí a mhaolú, ós rud é go bhfuil baint níos mó ag teacht idir suaitheadh éiceachóras a dhéanann an duine agus tarlú agus scaipeadh galar.

(12)

D”fhéadfadh na gnóthais féin tairbhiú de thuairisciú ardchaighdeáin a dhéanamh ar ábhair inbhuanaitheachta. Maidir leis an méadú ar líon na dtáirgí infheistíochta a bhfuil sé mar aidhm leo cuspóirí inbhuanaitheachta a shaothrú, ciallaíonn sé sin go bhféadfaí rochtain níos fearr ar chaipiteal airgeadais a thabhairt do ghnóthas le tuairisciú inbhuanaitheachta maith. Féadfaidh tuairisciú inbhuanaitheachta cuidiú le gnóthais chun a gcuid rioscaí agus deiseanna féin a aithint agus a bhainistiú i ndáil le hábhair inbhuanaitheachta. Is féidir leis a bheith ina bhonn i gcomhair idirphlé agus cumarsáid níos fearr idir na gnóthais agus a ngeallsealbhóirí, agus is féidir leis cuidiú le gnóthais chun feabhas a chur ar an gcáil atá orthu. Ina theannta sin, dá mbeadh bonn comhsheasmhach ann don tuairisciú inbhuanaitheachta i bhfoirm caighdeáin tuairiscithe inbhuanaitheachta, sholáthrófaí faisnéis ábhartha leordhóthanach agus, ar an gcaoi sin, laghdófaí go suntasach iarrataí ad hoc ar fhaisnéis.

(13)

I dtuarascáil ón gCoimisiún an 21 Aibreán 2021 maidir leis na clásail athbhreithnithe i dTreoracha 2013/34/AE, 2014/95/AE, agus 2013/50/AE agus an tseiceáil oiriúnachta a ghabhann léi ar chreat an Aontais maidir le tuairisciú poiblí ag cuideachtaí (“Tuarascáil ón gCoimisiún maidir leis na clásail athbhreithnithe agus an tseiceáil oiriúnachta a ghabhann léi”), sainaithníodh fadhbanna maidir le héifeachtacht Threoir 2014/95/AE. Tá fianaise shuntasach ann nach nochtann a lán gnóthas faisnéis ábhartha maidir leis na príomhthopaicí uile a bhaineann le hinbhuanaitheacht, lena n-áirítear faisnéis a bhaineann leis an aeráid amhail na hastaíochtaí gás ceaptha teasa uile, agus na tosca a mbíonn tionchar acu ar an mbithéagsúlacht. Sainaithníodh sa tuarascáil freisin gur fadhbanna suntasacha iad inchomparáideacht theoranta agus iontaofacht na faisnéise inbhuanaitheachta. Sa bhreis air sin, i gcás go leor gnóthas óna mbíonn faisnéis inbhuanaitheachta ag teastáil ó úsáideoirí, ní bhíonn sé d”oibleagáid orthu faisnéis den sórt sin a thuairisciú. Dá réir sin, tá gá soiléir le creat tuairiscithe láidir agus inacmhainne a mbeidh cleachtais iniúchóireachta éifeachtacha ag gabháil leis chun iontaofacht sonraí a áirithiú agus chun glas-snasú agus comhaireamh dúbailte a sheachaint.

(14)

In éagmais gníomhaíocht bheartais, meastar go dtiocfaidh méadú ar an mbearna idir riachtanais faisnéise úsáideoirí agus an fhaisnéis inbhuanaitheachta atá á soláthar ag gnóthais. Tá iarmhairtí diúltacha suntasacha ag an mbearna sin. Ní féidir le hinfheisteoirí aird chuí a thabhairt ar rioscaí agus deiseanna a bhaineann le hinbhuanaitheacht ina gcuid cinntí infheistíochta. Má dhéantar go leor cinntí infheistíochta le chéile nach dtugtar aird chuí leo ar na rioscaí a bhaineann le hinbhuanaitheacht d”fhéadfaí rioscaí córasacha a chruthú dá bharr sin, rud a d”fhéadfadh an chobhsaíocht airgeadais a chur i mbaol. Tá aird tarraingthe ag an mBanc Ceannais Eorpach (BCE) agus ag eagraíochtaí idirnáisiúnta, amhail an Bord um Chobhsaíocht Airgeadais, ar na rioscaí córasacha sin, go háirithe maidir leis an aeráid. Bíonn deis níos lú ag infheisteoirí acmhainní airgeadais a threorú chuig gnóthais agus gníomhaíochtaí eacnamaíocha a thugann aghaidh ar fhadhbanna sóisialta agus comhshaoil agus nach ngéaraíonn na fadhbanna sin, rud a dhéanann dochar do chuspóirí an Chomhaontaithe Ghlais, an Phlean Gníomhaíochta maidir le Fás Inbhuanaithe a Mhaoiniú agus Chomhaontú Pháras. Tá sé níos deacra ar eagraíochtaí neamhrialtasacha, páirtithe sóisialta, comhphobail a ndéanann gníomhaíochtaí gnóthas difear dóibh, agus geallsealbhóirí eile gnóthais a thabhairt chun cuntais maidir leis na tionchair a bhíonn acu ar dhaoine agus ar an gcomhshaol. Cruthaíonn sé sin easnamh ó thaobh cuntasachta de, agus d”fhéadfadh sé a bheith ina chúis le leibhéil níos ísle iontaoibhe ag saoránaigh i ngnólachtaí, rud a bhféadfadh tionchair dhiúltacha a bheith aige ar fheidhmiú éifeachtúil gheilleagar an mhargaidh shóisialta. Tá an easpa méadrachtaí agus modhanna a nglactar leo go ginearálta chun rioscaí a bhaineann le hinbhuanaitheacht a thomhas, a luacháil agus a bhainistiú ina bacainn freisin ar na hiarrachtaí a dhéanann gnóthais chun a áirithiú go bhfuil a gcuid samhlacha gnó agus a ngníomhaíochtaí inbhuanaithe. Leis an easpa faisnéise inbhuanaitheachta, cuirtear teorainn freisin le cumas na ngeallsealbhóirí, lena n-áirítear gníomhaithe na sochaí sibhialta, ceardchumainn agus ionadaithe oibrithe, dul i mbun idirphlé le gnóthais maidir le hábhair inbhuanaitheachta.

(15)

Sa tuarascáil ón gCoimisiún maidir leis na clásail athbhreithnithe agus an tseiceáil oiriúnachta a ghabhann léi, sainaithníodh méadú suntasach ar iarrataí chuig gnóthais ar fhaisnéis faoi ábhair inbhuanaitheachta arb é is aidhm dóibh aghaidh a thabhairt ar an mbearna faisnéise atá ann cheana idir riachtanais faisnéise úsáideoirí agus an fhaisnéis inbhuanaitheachta chorparáideach atá ar fáil. Chomh maith leis sin, is dócha go mbeidh coinne fós leis go n-úsáidfeadh gnóthais réimse creataí agus caighdeán agus d”fhéadfaí béim níos mó a leagan air sin de réir mar a éiríonn faisnéis inbhuanaitheachta níos tábhachtaí. In éagmais gníomhaíocht beartais chun comhdhearcadh a spreagadh maidir leis an bhfaisnéis is gá do ghnóthais a thuairisciú, tiocfaidh méaduithe suntasacha ó thaobh costas agus ualaí de do ghnóthais tuairiscithe agus d”úsáideoirí faisnéise den sórt sin.

(16)

Mar gheall ar an mbearna faisnéise atá ann faoi láthair, is mó an seans go dtabharfaidh Ballstáit aonair isteach rialacha nó caighdeáin náisiúnta atá ag éirí níos éagsúla. Le ceanglais tuairiscithe dhifriúla i mBallstáit dhifriúla d”fhéadfaí costais bhreise agus castacht níos mó a chruthú do ghnóthais a oibríonn thar theorainneacha agus dhéanfaí dochar don mhargadh inmheánach dá bhrí sin, agus d”fhéadfaí dochar a dhéanamh freisin don cheart chun caipiteal a bhunú agus a bhogadh go héasca ar fud an Aontais. De thoradh ar cheanglais tuairiscithe dhifriúla den sórt sin, d”fhéadfadh sé a bheith níos deacra freisin an fhaisnéis a thuairiscítear a chur i gcomparáid lena chéile thar theorainneacha, rud a dhéanfadh dochar d”aontas na margaí caipitil.

(17)

Tá feidhm ag Airteagail 19a agus 29a de Threoir 2013/34/AE maidir le gnóthais mhóra atá ina n-eintitis leasa phoiblí ina bhfuil breis agus 500 fostaí ar an meán, agus maidir le heintitis leasa phoiblí atá ina máthairghnóthais ar ghrúpa mór ina bhfuil breis agus 500 fostaí ar an meán ar bhonn comhdhlúite, faoi seach. I bhfianaise an mhéadaithe ar riachtanais úsáideoirí i ndáil le faisnéis inbhuanaithe, ba cheart a chur de cheangal ar chatagóirí breise gnóthas faisnéis inbhuanaitheachta a thuairisciú. Dá bhrí sin, is iomchuí a cheangal ar gach gnóthas mór agus gach gnóthas, cé is moite de mhicreaghnóthais, a ligtear isteach a gcuid urrús chun a dtrádála ar mhargadh rialáilte san Aontas, faisnéis inbhuanaitheachta a thuairisciú. Le forálacha na Treorach leasaithí seo lena leasaítear Airteagail 19a agus 29a de Threoir 2013/34/AE, leagtar amach go sainráite raon feidhme na gceanglas tuairiscithe faoi threoir Airteagail 2 agus 3 de Threoir 2013/34/AE. Dá bhrí sin, ní dhéantar ceanglas eile a shimpliú ná a mhodhnú leo agus ní bheidh feidhm ag an srian ar dhíolúintí d”eintitis leasa phoiblí dá bhforáiltear in Airteagal 40 de Threoir 2013/34/AE. Go háirithe, níor cheart caitheamh le heintitis leasa phoiblí mar ghnóthais mhóra chun críocha chur i bhfeidhm na gceanglas tuairiscithe inbhuanaitheachta. Dá réir sin, ba cheart cead a bheith ag gnóthais bheaga agus mheánmhéide a ligtear isteach a gcuid urrús chun a dtrádála ar mhargadh rialáilte san Aontas ar eintitis leasa phoiblí iad tuairisciú i gcomhréir leis na caighdeáin tuairiscithe inbhuanaitheachta le haghaidh gnóthais bheaga agus mheánmhéide. Ina theannta sin, ba cheart do na gnóthais uile atá ina máthairghnóthais ar ghrúpaí móra tuairisciú inbhuanaitheachta a ullmhú ar an leibhéal grúpa. Thairis sin, ós rud é go dtagraítear in Airteagal 8 de Rialachán (AE) 2020/852 d”Airteagal 19a agus d”Airteagal 29a de Threoir 2013/34/AE, na gnóthais a chuirtear le raon feidhme na gceanglas tuairiscithe inbhuanaitheachta, beidh orthu Airteagal 8 de Rialachán (AE) 2020/852 a chomhlíonadh freisin.

(18)

Maidir leis an gceanglas dá bhforáiltear sa Treoir leasaitheach seo gur cheart do ghnóthais mhóra nach ligtear isteach a gcuid urrús chun a dtrádála ar mhargadh rialáilte san Aontas faisnéis a nochtadh faoi ábhair inbhuanaitheachta, tá údar maith leis go príomha mar gheall ar imní faoi thionchair agus cuntasacht gnóthas den sórt sin, lena n-áirítear trína slabhra luacha. Chuige sin, ba cheart gach gnóthas mór a bheith faoi réir na gceanglas céanna chun faisnéis inbhuanaitheachta a thuairisciú go poiblí. Ina theannta sin, bíonn faisnéis de dhíth ar rannpháirtithe sa mhargadh airgeadais freisin ó na gnóthais mhóra nach ligtear isteach a gcuid urrús chun a dtrádála ar mhargadh rialáilte san Aontas.

(19)

An ceanglas dá bhforáiltear sa Treoir leasaitheach seo gur cheart do ghnóthais tríú tír a ligtear isteach a gcuid urrús chun a dtrádála ar mhargadh rialáilte san Aontas faisnéis a nochtadh freisin maidir le hábhair inbhuanaitheachta, is é is aidhm dó freagairt do riachtanais rannpháirtithe sa mhargadh airgeadais maidir le faisnéis ó na gnóthais sin chun a chur ar a gcumas rioscaí agus tionchair a n-infheistíochtaí a thuiscint agus chun na ceanglais maidir le nochtadh a leagtar síos i Rialachán (AE) 2019/2088 a chomhlíonadh.

(20)

Ba cheart a cheangal ar ghnóthais tríú tír a bhfuil gníomhaíocht shuntasach acu ar chríoch an Aontais freisin faisnéis inbhuanaitheachta a sholáthar, go háirithe maidir lena dtionchar ar ábhair shóisialta agus chomhshaoil, chun a áirithiú go bhfuil gnóthais tríú tír freagrach as a dtionchar ar dhaoine agus ar an gcomhshaol agus go bhfuil cothrom iomaíochta ann do chuideachtaí atá ag oibriú sa mhargadh inmheánach. Dá bhrí sin, ba cheart gnóthais tríú tír a ghineann glanláimhdeachas de níos mó ná EUR 150 milliún san Aontas, agus a bhfuil foghnóthas nó brainse acu ar chríoch an Aontais, a bheith faoi réir ceanglais tuairiscithe inbhuanaitheachta. Chun comhréireacht agus in-fhorfheidhmitheacht na gceanglas sin a áirithiú, an tairseach go mbeadh glanláimhdeachas de níos mó ná EUR 40 milliún ann, ba cheart feidhm a bheith aici maidir le brainsí na ngnóthas tríú tír, agus na tairseacha a bhaineann le bheith measta mar ghnóthas mór nó gnóthas beag nó meánmhéide, cé is moite de mhicreaghnóthais, a ligtear isteach a gcuid urrús chun a dtrádála ar mhargadh rialáilte san Aontas, ba cheart feidhm a bheith aici maidir le foghnóthais tríú tír, ós rud é gur cheart foghnóthais agus brainsí den sórt sin a bheith freagrach as tuarascáil inbhuanaitheachta an ghnóthais tríú tír a fhoilsiú. Ba cheart na tuarascálacha inbhuanaitheachta arna bhfoilsiú ag foghnóthas nó brainse de ghnóthas tríú tír a ullmhú i gcomhréir leis na caighdeáin atá le glacadh ag an gCoimisiún faoin 30 Meitheamh 2024 trí ghníomhartha tarmligthe.

Ba cheart d”fhoghnóthas nó do bhrainse de ghnóthas tríú tír a bheith in ann tuairisciú i gcomhréir leis na caighdeáin is infheidhme maidir le gnóthais atá bunaithe san Aontas, nó i gcomhréir le caighdeáin a mheastar a bheith coibhéiseach de bhun gníomh cur chun feidhme. I gcás nach soláthraíonn gnóthas tríú tír an fhaisnéis uile a cheanglaítear faoin Treoir leasaitheach seo, d”ainneoin iarrachtaí fhoghnóthas nó bhrainse an ghnóthais tríú tír sin an fhaisnéis is gá a fháil, ba cheart don fhoghnóthas sin nó don bhrainse sin an fhaisnéis uile atá ina sheilbh a sholáthar agus ráiteas a eisiúint ina léirítear nár chuir an gnóthas tríú tír an chuid eile den fhaisnéis a éilíodh ar fáil. Chun cáilíocht agus iontaofacht an tuairiscithe a áirithiú, ba cheart na tuarascálacha inbhuanaitheachta ó ghnóthais tríú tír a fhoilsiú in éineacht le tuairim dearbhaithe arna cur in iúl ag duine nó gnólacht atá údaraithe chun tuairim a thabhairt maidir le dearbhú an tuairiscithe inbhuanaitheachta, faoi dhlí náisiúnta an ghnóthais tríú tír nó Ballstáit. I gcás nach soláthraítear tuairim dearbhaithe den sórt sin, ba cheart d”fhoghnóthas nó do bhrainse an ghnóthais tríú tír ráiteas a eisiúint ina léirítear nár thug an gnóthas tríú tír an tuairim dearbhaithe ba ghá. Ba cheart an tuarascáil inbhuanaitheachta a chur ar fáil saor in aisce don phobal trí chláir lárnacha, tráchtála nó cuideachtaí na mBallstát, nó de rogha air sin ar shuíomh gréasáin fhoghnóthas nó bhrainse an ghnóthais tríú tír.

Ba cheart do na Ballstáit a bheith in ann an Coimisiún a chur ar an eolas ar bhonn bliantúil faoi fhoghnóthais nó brainsí na ngnóthas tríú tír a chomhlíon an ceanglas maidir le foilsiú agus faoi na cásanna inar foilsíodh tuarascáil ach inar luaigh foghnóthas nó brainse an ghnóthais tríú tír nach bhféadfadh sé an fhaisnéis is gá a fháil ón ngnóthas tríú tír. Ba cheart don Choimisiún liosta de na gnóthais tríú tír a d”fhoilsigh tuarascáil inbhuanaitheachta a chur ar fáil go poiblí ar a shuíomh gréasáin.

(21)

I bhfianaise ábharthacht mhéadaitheach na rioscaí a bhaineann le hinbhuanaitheacht agus é á chur san áireamh go bhfuil gnóthais bheaga agus mheánmhéide a ligtear isteach a gcuid urrús chun a dtrádála ar mhargadh rialáilte san Aontas ina gcion suntasach de na gnóthais mheánmhéide uile a ligtear isteach a gcuid urrús chun a dtrádála ar mhargadh rialáilte san Aontas, chun cosaint infheisteoirí a áirithiú, is iomchuí a cheangal ar ghnóthais bheaga agus mheánmhéide, cé is moite de mhicreaghnóthais, a ligtear isteach a gcuid urrús chun a dtrádála ar mhargadh rialáilte san Aontas faisnéis faoi ábhair inbhuanaitheachta a nochtadh. Le ceanglas den sórt sin a thabhairt isteach, cuideofar lena áirithiú gur féidir le rannpháirtithe sa mhargadh airgeadais gnóthais bheaga a ligtear isteach a gcuid urrús chun a dtrádála ar mhargadh rialáilte san Aontas a chur san áireamh i bpunanna infheistíochta, ar an mbonn go dtuairiscíonn siad an fhaisnéis inbhuanaitheachta atá de dhíth ar rannpháirtithe sa mhargadh airgeadais.

Dá bhrí sin, cuideoidh sé chun rochtain ar chaipiteal airgeadais a chosaint agus a fheabhsú do ghnóthais bheaga a ligtear isteach a gcuid urrús chun a dtrádála ar mhargadh rialáilte san Aontas, agus chun idirdhealú in aghaidh na ngnóthas sin a sheachaint ar thaobh na rannpháirtithe sa mhargadh airgeadais. Is gá freisin an ceanglas a thabhairt isteach ar ghnóthais bheaga agus mheánmhéide, cé is moite de mhicreaghnóthais, a ligtear isteach a gcuid urrús chun a dtrádála ar mhargadh rialáilte san Aontas faisnéis a nochtadh maidir le hábhair inbhuanaitheachta chun a áirithiú go mbeidh an fhaisnéis a theastaíonn ó ghnóthais infheistíochta ag rannpháirtithe sa mhargadh airgeadais chun go mbeidh siad in ann a gceanglais féin maidir le nochtadh inbhuanaitheachta a leagtar síos i Rialachán (AE) 2019/2088 a chomhlíonadh. Ba cheart an deis a thabhairt do ghnóthais bheaga agus mheánmhéide a ligtear isteach a gcuid urrús chun a dtrádála ar mhargadh rialáilte san Aontas tuairisciú i gcomhréir le caighdeáin atá comhréireach lena n-acmhainneachtaí agus lena n-acmhainní, agus atá ábhartha do scála agus castacht a ngníomhaíochtaí. Ba cheart an deis a bheith ag gnóthais bheaga agus mheánmhéide nach ligtear isteach a gcuid urrús chun a dtrádála ar mhargadh rialáilte san Aontas rogha a dhéanamh caighdeáin chomhréireacha den sórt sin a úsáid ar bhonn deonach.

Beidh na caighdeáin tuairiscithe inbhuanaitheachta le haghaidh gnóthais bheaga agus mheánmhéide ina dtagairt do ghnóthais a thagann faoi raon feidhme na gceanglas a thugtar isteach leis an Treoir leasaitheach seo maidir le leibhéal na faisnéise inbhuanaitheachta a d”fhéadfaidís a iarraidh go réasúnach ó ghnóthais bheaga agus mheánmhéide ar soláthróirí nó cliaint sna slabhraí luacha den sórt sin iad. Ina theannta sin, ba cheart go leor ama a thabhairt do ghnóthais bheaga agus mheánmhéide a ligtear isteach a gcuid urrús chun a dtrádála ar mhargadh rialáilte san Aontas chun ullmhú do chur i bhfeidhm na bhforálacha lena gceanglaítear tuairisciú inbhuanaitheachta áfach, toisc go bhfuil siad níos lú agus go bhfuil níos lú acmhainní acu, agus aird á tabhairt ar na cúinsí eacnamaíocha deacra a tháinig mar thoradh ar phaindéim COVID-19. Dá bhrí sin, ba cheart feidhm a bheith ag na forálacha maidir le tuairisciú inbhuanaitheachta corparáideach a mhéid a bhaineann le gnóthais bheaga agus mheánmhéide, cé is moite de mhicreaghnóthais, a ligtear isteach a gcuid urrús chun a dtrádála ar mhargadh rialáilte san Aontas le haghaidh na mblianta airgeadais dar tús an 1 Eanáir 2026 nó dá éis. Tar éis an dáta sin, ar feadh idirthréimhse 2 bhliain, ba cheart an fhéidearthacht a bheith ag gnóthais bheaga agus mheánmhéide a ligtear isteach a gcuid urrús chun a dtrádála ar mhargadh rialáilte san Aontas diúltú do na ceanglais tuairiscithe inbhuanaitheachta a leagtar síos sa Treoir leasaitheach seo, ar choinníoll go luann siad go hachomair ina dtuarascáil bhainistíochta na cúiseanna nár soláthraíodh an fhaisnéis inbhuanaitheachta.

(22)

Ba cheart an tsaoirse a bheith ag na Ballstáit measúnú a dhéanamh ar thionchar a mbeart trasuí náisiúnta ar ghnóthais bheaga agus mheánmhéide, chun a áirithiú nach ndéanfar difear díréireach dóibh, agus aird ar leith le tabhairt ar mhicreaghnóthais agus ar ualach riaracháin nach bhfuil gá leis a sheachaint. Ba cheart do na Ballstáit breithniú a dhéanamh ar bhearta a thabhairt isteach chun tacú le gnóthais bheaga agus mheánmhéide agus na caighdeáin tuairiscithe inbhuanaitheachta á gcur i bhfeidhm acu.

(23)

Tá feidhm ag Treoir 2004/109/CE ó Pharlaimint na hEorpa agus ón gComhairle (17) maidir le gnóthais a ligtear isteach a gcuid urrús chun a dtrádála ar mhargadh rialáilte san Aontas. Chun a áirithiú go dtagann gnóthais a ligtear isteach a gcuid urrús chun a dtrádála ar mhargadh rialáilte san Aontas, lena n-áirítear eisitheoirí tríú tír, faoi réir na gceanglas tuairiscithe inbhuanaitheachta céanna, ba cheart na crostagairtí riachtanacha d”aon cheanglas maidir le tuairisciú inbhuanaitheachta sa tuarascáil airgeadais bhliantúil a bheith i dTreoir 2004/109/CE.

(24)

Le pointe (i) den chéad fhomhír d”Airteagal 23(4) agus an ceathrú fomhír d”Airteagal 23(4) de Threoir 2004/109/CE, tugtar de chumhacht don Choimisiún bearta a ghlacadh chun sásra a chur ar bun ar mhaithe le comhionannas na faisnéise a éilítear faoin Treoir sin a chinneadh, agus chun critéir chomhionannais ghinearálta a bhunú maidir le caighdeáin chuntasaíochta, faoi seach. Leis an tríú fomhír d”Airteagal 23(4) de Threoir 2004/109/CE, tugtar de chumhacht don Choimisiún freisin na cinntí is gá a dhéanamh maidir le comhionannas na gcaighdeán cuntasaíochta a úsáideann eisitheoirí tríú tír. Chun cuimsiú na gceanglas inbhuanaitheachta i dTreoir 2004/109/CE a léiriú, ba cheart an chumhacht a thabhairt don Choimisiún sásra a bhunú chun coibhéis na gcaighdeán tuairiscithe inbhuanaitheachta arna gcur i bhfeidhm ag eisitheoirí tríú tír a chinneadh, cosúil leis an méid dá bhforáiltear i Rialachán (CE) Uimh. 1569/2007 ón gCoimisiún (18) ina leagtar amach na critéir chun coibhéis na gcaighdeán cuntasaíochta arna gcur i bhfeidhm ag eisitheoirí tríú tír a chinneadh. Ar an gcúis chéanna, ba cheart an Coimisiún a chumhachtú chun na cinntí is gá a dhéanamh maidir le comhionannas na gcaighdeán tuairiscithe inbhuanaitheachta a úsáideann eisitheoirí tríú tír. Leis na leasuithe a thugtar isteach leis an Treoir leasaitheach seo, áiritheofar córais chomhionannais chomhsheasmhacha le haghaidh ceanglais tuairiscithe inbhuanaitheachta agus ceanglais tuairiscithe airgeadais i ndáil leis an tuarascáil airgeadais bhliantúil.

(25)

Le hAirteagal 19a(3) agus Airteagal 29a(3) de Threoir 2013/34/AE, díolmhaítear foghnóthais ón oibleagáid faisnéis neamhairgeadais a thuairisciú i gcás ina gcuimsítear na gnóthais sin agus a bhfoghnóthais i dtuarascáil bhainistíochta chomhdhlúite a máthairghnóthais, ar choinníoll go gcuimsítear leis an tuarascáil sin faisnéis neamh-airgeadais a thuairiscítear de bhun na Treorach sin. Is gá a áirithiú áfach, go bhféadfaidh úsáideoirí rochtain a fháil ar fhaisnéis inbhuanaitheachta go héasca agus chun a áirithiú go bhfuil trédhearcacht ann maidir le máthairghnóthas an fhoghnóthais dhíolmhaithe atá ag tuairisciú ar an leibhéal grúpa. Dá bhrí sin, is gá a cheangal ar na foghnóthais sin ainm agus oifig chláraithe an mháthairghnóthais a thuairiscíonn faisnéis inbhuanaitheachta ar an leibhéal grúpa a áireamh ina dtuarascáil bhainistíochta, na naisc ghréasáin chuig tuarascáil bhainistíochta chomhdhlúite a máthairghnóthais agus tagairt ina dtuarascáil bhainistíochta don fhíoras go bhfuil siad díolmhaithe ó thuairisciú inbhuanaitheachta. Ba cheart do na Ballstáit a bheith in ann a cheangal ar an máthairghnóthas an tuarascáil bhainistíochta chomhdhlúite a fhoilsiú sna teangacha a nglacann siad leo agus go soláthróidh an máthairghnóthas aon aistriúchán is gá sna teangacha sin. Ba cheart feidhm a bheith ag díolúine den sórt sin freisin i gcás ina bhfuil an máthairghnóthas atá ag tuairisciú ar an leibhéal grúpa ina ghnóthas tríú tír a thuairiscíonn faisnéis inbhuanaitheachta i gcomhréir le caighdeáin tuairiscithe inbhuanaitheachta choibhéiseacha.

Le Treoir 2004/109/CE, arna leasú leis an Treoir leasaitheach seo, ba cheart foráil a dhéanamh maidir le sásraí iomchuí chun coibhéis na gcaighdeán tuairiscithe inbhuanaitheachta a chinneadh, agus ba cheart a cheangal ar ghnóthais a ligtear isteach a gcuid urrús chun a dtrádála ar mhargadh rialáilte san Aontas agus ar ghnóthais nach ligtear isteach a gcuid urrús chun a dtrádála ar mhargadh rialáilte san Aontas a thuairisciú i gcomhréir leis na caighdeáin tuairiscithe inbhuanaitheachta chéanna. Sa chomhthéacs sin, maidir leis na gníomhartha cur chun feidhme a ghlacann an Coimisiún de bhun phointe (i) den chéad fhomhír d”Airteagal 23(4) agus an cheathrú fomhír d”Airteagal 23(4) de Threoir 2004/109/CE lena mbunaítear sásra chun comhionannas caighdeán a chinneadh, ba cheart iad a úsáid chun a chinneadh ar cheart foghnóthais de chuid máthairghnóthas tríú tír a dhíolmhú faoi chóras Threoir 2013/34/AE. Dá bhrí sin, ba cheart an foghnóthas a dhíolmhú nuair a dhéantar an tuairisciú inbhuanaitheachta comhdhlúite i gcomhréir leis na caighdeáin tuairiscithe inbhuanaitheachta a ghlacann an Coimisiún de bhun Airteagal 29b de Threoir 2013/34/AE a thugtar isteach leis an Treoir leasaitheach seo nó ar bhealach atá coibhéiseach leis na caighdeáin tuairiscithe inbhuanaitheachta sin, arna chinneadh i gcomhréir le gníomh cur chun feidhme maidir le coibhéis na gcaighdeán tuairiscithe inbhuanaitheachta arna ghlacadh de bhun an tríú fomhír d”Airteagal 23(4) de Threoir 2004/109/CE. Níor cheart feidhm a bheith ag díolúine den sórt sin maidir le gnóthais mhóra a ligtear isteach a gcuid urrús chun a dtrádála ar mhargadh rialáilte san Aontas ar chúiseanna cosanta infheisteoirí, chun trédhearcacht níos fearr a áirithiú a mhéid a bhaineann le gnóthais den sórt sin.

(26)

Le hAirteagal 23 de Threoir 2013/34/AE, díolmhaítear máthairghnóthais ón oibleagáid chun ráitis airgeadais chomhdhlúite agus tuarascáil bhainistíochta chomhdhlúite a ullmhú i gcás ina bhfuil máthairghnóthais ina bhfoghnóthais de mháthairghnóthas eile a chomhlíonann an oibleagáid sin. Ba cheart a shonrú áfach, maidir leis an gcóras díolúine le haghaidh ráitis airgeadais chomhdhlúite agus tuarascálacha bainistíochta comhdhlúite, go bhfeidhmítear an córas sin ar leithligh ón gcóras díolúine le haghaidh tuairisciú inbhuanaitheachta comhdhlúite. Dá bhrí sin, féadfaidh gnóthas a bheith díolmhaithe ó cheanglais tuairiscithe airgeadais comhdhlúite ach gan a bheith díolmhaithe ó cheanglais tuairiscithe inbhuanaitheachta comhdhlúite i gcás ina n-ullmhaíonn a mháthairghnóthas deiridh ráitis airgeadais chomhdhlúite agus tuarascálacha bainistíochta comhdhlúite i gcomhréir le dlí an Aontais, nó i gcomhréir le ceanglais choibhéiseacha má tá an gnóthas bunaithe i dtríú tír, ach nach ndéanann tuairisciú inbhuanaitheachta comhdhlúite i gcomhréir le dlí an Aontais, nó i gcomhréir leis na ceanglais choibhéiseacha má tá an gnóthas bunaithe i dtríú tír. Tá sé riachtanach go dtabharfaidh máthairghnóthais a thuairiscíonn ar an leibhéal grúpa tuiscint leormhaith ar na rioscaí dá bhfoghnóthais agus ar na tionchair atá acu, lena n-áirítear faisnéis maidir lena bpróisis díchill chuí i gcás inarb iomchuí. D”fhéadfadh cásanna a bheith ann ina mbeadh na difríochtaí idir staid an ghrúpa agus staid a fhoghnóthas aonair, nó idir staid foghnóthas aonair i gcríocha éagsúla an-suntasach agus, in éagmais faisnéis bhreise faoin bhfoghnóthas aonair lena mbaineann, go dtiocfadh úsáideoir na faisnéise ar chonclúid atá an-difriúil maidir leis na rioscaí don fhoghnóthas nó maidir leis na tionchair atá aige.

(27)

Bíonn ról lárnach ag institiúidí creidmheasa agus gnóthais árachais san aistriú i dtreo córas eacnamaíoch agus airgeadais atá iomlán inbhuanaithe agus cuimsitheach i gcomhréir leis an gComhaontú Glas. D”fhéadfadh tionchair shuntasacha dhearfacha agus dhiúltacha a bheith acu trína gcuid gníomhaíochtaí iasachta, infheistíochta agus frithgheallta. Institiúidí creidmheasa agus gnóthais árachais seachas na cinn sin a n-éilítear orthu Treoir 2013/34/AE a chomhlíonadh, lena n-áirítear comharchumainn agus gnóthais fhrithpháirteacha, ba cheart iad a bheith faoi réir ceanglais tuairiscithe inbhuanaitheachta, dá bhrí sin, ar choinníoll go gcomhlíonann siad critéir mhéide áirithe. Ar an gcaoi sin, chuirfí ar chumas úsáideoirí faisnéise inbhuanaitheachta measúnú a dhéanamh ar thionchair na n-institiúidí creidmheasa agus na ngnóthas árachais sin ar an tsochaí agus ar an gcomhshaol agus ar na rioscaí a eascraíonn as ábhair inbhuanaitheachta a d”fhéadfadh a bheith roimh institiúidí creidmheasa agus gnóthais árachais den sórt sin. Foráiltear le Treoir 2013/34/AE maidir le trí chritéar a d”fhéadfadh a bheith ann chun a chinneadh an measfar gnóthas a bheith ina “gnóthas mór”, eadhon iomlán an chláir chomhardaithe, glanláimhdeachas agus meánlíon na bhfostaithe le linn na bliana airgeadais.

Is gá critéar an ghlanláimhdeachais a oiriúnú i gcás institiúidí creidmheasa agus i gcás gnóthais árachais trí thagairt a dhéanamh don sainmhíniú atá ar ghlanláimhdeachas i dTreoracha 86/635/CEE (19) agus 91/674/CEE (20) ón gComhairle in ionad an tsainmhínithe ghinearálta arna leagan síos i dTreoir 2013/34/AE. Chun comhleanúnachas le ceanglais tuairiscithe Threoir 86/635/CEE a áirithiú, ba cheart do na Ballstáit a bheith in ann a roghnú gan ceanglais tuairiscithe inbhuanaitheachta a chur i bhfeidhm maidir le hinstitiúidí creidmheasa a liostaítear in Airteagal 2(5) de Threoir 2013/36/AE ó Pharlaimint na hEorpa agus ón gComhairle (21).

(28)

Ba cheart an liosta de na hábhair inbhuanaitheachta nach mór do ghnóthais tuairisciú ina leith a bheith chomh comhsheasmhach agus is féidir leis an sainmhíniú ar an téarma “tosca inbhuanaitheachta” a leagtar síos i Rialachán (AE) 2019/2088 agus ba cheart cosc a chur ar neamhréir idir faisnéis a éilíonn úsáideoirí sonraí agus faisnéis atá le tuairisciú ag na gnóthais. Chomh maith leis sin, ba cheart an liosta sin a bheith ag freagairt do riachtanais agus ionchais úsáideoirí agus gnóthas, a bhaineann úsáid as na téarmaí “comhshaoil”, “sóisialta” agus “rialachas” go minic mar bhealach chun na trí phríomhábhar inbhuanaitheachta a chatagóiriú. Mar sin féin, ní áirítear ábhair rialachais go sainráite sa sainmhíniú ar an téarma “tosca inbhuanaitheachta” a leagtar síos i Rialachán (AE) 2019/2088. Dá bhrí sin, leis an sainmhíniú ar an téarma “ábhair inbhuanaitheachta” i dTreoir 2013/34/AE, arna leasú leis an Treoir leasaitheach seo, ba cheart cearta comhshaoil, cearta sóisialta agus cearta an duine, agus tosca rialachais, a chumhdach, agus ba cheart an sainmhíniú ar an téarma “tosca inbhuanaitheachta” a leagtar síos i Rialachán (AE) 2019/2088 a ionchorprú. Níor cheart gur dochar ceanglais tuairiscithe Threoir 2013/34/AE d”oibleagáidí tuairiscithe náisiúnta.

(29)

Le hAirteagal 19a(1) agus Airteagal 29a(1) de Threoir 2013/34/AE, ceanglaítear faisnéis a thuairisciú a mhéid is gá chun tuiscint a fháil ar fhorbairt, feidhmíocht agus seasamh an ghnóthais, agus faisnéis a thuairisciú freisin a bhfuil gá léi chun tuiscint a fháil ar thionchar ghníomhaíochtaí an ghnóthais ar ábhair chomhshaoil, shóisialta agus fostaithe, meas ar chearta an duine, agus ábhair frithéillithe agus frithbhreabaireachta. Dá bhrí sin, leis na hAirteagail sin, ceanglaítear ar ghnóthais tuairisciú a dhéanamh ar thionchair ghníomhaíochtaí an ghnóthais ar dhaoine agus ar an gcomhshaol, agus ar an mbealach a dhéanann ábhair inbhuanaitheachta difear don ghnóthas. Tagraítear dó sin mar pheirspictíocht na hábharthachta dúbailte, ina léiríonn na rioscaí don ghnóthas agus tionchair an ghnóthais faoi seach peirspictíocht ábharthachta amháin. Léiríonn an tseiceáil oiriúnachta ar thuairisciú corparáideach nach dtuigtear an dá pheirspictíocht sin go maith nó nach gcuirtear i bhfeidhm iad go minic. Dá bhrí sin, is gá a shoiléiriú nach mór do ghnóthais an dá pheirspictíocht ábharthachta a chur san áireamh ina gceart féin, agus nach mór dóibh faisnéis a nochtadh atá ábhartha ón dá pheirspictíocht chomh maith le faisnéis nach bhfuil ábhartha ach ó pheirspictíocht amháin.

(30)

Le hAirteagal 19a(1) agus Airteagal 29a(1) de Threoir 2013/34/AE, ceanglaítear ar ghnóthais faisnéis a nochtadh faoi chúig réimse tuairiscithe: an tsamhail ghnó; beartais, lena n-áirítear próisis dhíchill chuí arna gcur chun feidhme; toradh na mbeartas sin; rioscaí agus bainistíocht riosca; agus na príomhtháscairí feidhmíochta atá ábhartha don ghnó. Níl tagairtí sainráite in Airteagal 19a(1) de Threoir 2013/34/AE do réimsí tuairiscithe eile a mheasann úsáideoirí faisnéise a bheith ábhartha, a bhfuil cuid acu i gcomhréir le nochtaí a chuirtear san áireamh i gcreataí idirnáisiúnta, lena n-áirítear moltaí an Tascfhórsa um Nochtaí Airgeadais a bhaineann leis an Aeráid. Ba cheart ceanglais maidir le nochtadh a shonrú ar bhealach atá mionsonraithe go leor chun a áirithiú go dtuairisceoidh gnóthais faisnéis faoina n-athléimneacht i ndáil le rioscaí a bhaineann le hábhair inbhuanaitheachta. Sa bhreis ar na réimsí tuairiscithe a shainaithnítear in Airteagal 19a(1) agus Airteagal 29a(1) de Threoir 2013/34/AE, ba cheart a cheangal ar ghnóthais faisnéis a nochtadh faoina straitéis ghnó agus athléimneacht na samhla gnó agus na straitéise gnó i ndáil le rioscaí a bhaineann le hábhair inbhuanaitheachta. Ba cheart ceangal a bheith orthu freisin aon phleananna a d”fhéadfadh a bheith acu a nochtadh chun a áirithiú go bhfuil a samhail ghnó agus a straitéis ghnó comhoiriúnach leis an aistriú chuig geilleagar inbhuanaithe agus leis na cuspóirí an téamh domhanda a theorannú go 1,5 °C i gcomhréir le Comhaontú Pháras agus an aeráidneodracht a bhaint amach faoi 2050, mar a bhunaítear i Rialachán (AE) 2021/1119, gan aon taraimsiú nó le taraimsiú teoranta.

Tá sé thar a bheith tábhachtach go mbeidh pleananna a bhaineann leis an aeráid bunaithe ar na tuarascálacha eolaíochta is déanaí, lena n-áirítear tuarascálacha ón bPainéal Idir-Rialtasach ar an Athrú Aeráide (IPCC) agus tuarascálacha ón mBord Comhairleach Eolaíoch Eorpach ar an Athrú Aeráide. Le faisnéis a nochtar i gcomhréir le hAirteagal 8 de Rialachán (AE) 2020/852 maidir le méid an chaiteachais chaipitiúil (CapEx) nó an chaiteachais oibríochtúil (OpEx) a bhaineann le gníomhaíochtaí atá ailínithe leis an tacsanomaíocht, d”fhéadfaí tacú le pleananna airgeadais agus infheistíochta a bhaineann le pleananna den sórt sin i gcás inarb iomchuí. Ba cheart a cheangal ar ghnóthais freisin a nochtadh cibé acu a chuirtear nó nach gcuirtear leasanna na ngeallsealbhóirí san áireamh ina samhail ghnó agus ina straitéis ghnó agus conas a chuirtear leasanna na ngeallsealbhóirí san áireamh; aon deiseanna don ghnóthas a leanann ó ábhair inbhuanaitheachta; cur chun feidhme na ngnéithe den straitéis ghnó a dhéanann difear d”ábhair inbhuanaitheachta nó a ndéanann ábhair inbhuanaitheachta difear dóibh; aon sprioc inbhuanaitheachta a shocraigh an gnóthas agus an dul chun cinn a rinneadh i dtreo iad a bhaint amach; ról an bhoird agus an lucht bainistíochta maidir le hábhair inbhuanaitheachta; na príomh-dhrochthionchair iarbhír agus fhéideartha a bhaineann le gníomhaíochtaí an ghnóthais; agus conas a rinne an gnóthas sainaithint ar an bhfaisnéis ar ina leith a dhéanann sé tuairisciú. I gcás ina gceanglaítear nochtadh a dhéanamh ar ghnéithe amhail spriocanna agus an dul chun cinn ionsar iad a bhaint amach, ní bheidh gá a thuilleadh leis an gceanglas ar leithligh i leith nochtadh a dhéanamh ar thorthaí na mbeartas.

(31)

Chun comhsheasmhacht a áirithiú le hionstraimí idirnáisiúnta amhail “Prionsabail Threoracha na Náisiún Aontaithe maidir le Gnó agus Cearta an Duine: Creat na Náisiún Aontaithe maidir le Cosaint, Urraim agus Leigheas” a chur chun feidhme (“Prionsabail Threoracha na Náisiún Aontaithe maidir le Gnó agus Cearta an Duine”), Treoirlínte ECFE d”Fhiontair Ilnáisiúnta agus Treoir ECFE um Dhícheall Cuí maidir le hIompar Gnó Freagrach, ba cheart na ceanglais maidir le nochtadh díchill chuí a shonrú ar bhealach níos mionsonraithe ná mar atá faoi láthair i gcás phointe (b) d”Airteagal 19a(1) agus phointe (b) d”Airteagal 29a(1) de Threoir 2013/34/AE. Is é atá i gceist le dícheall cuí an próiseas a dhéanann gnóthais chun na príomh-dhrochthionchair iarbhír agus fhéideartha a bhaineann lena gcuid gníomhaíochtaí a shainaithint, faireachán a dhéanamh orthu, iad a chosc, a mhaolú, a leigheas nó deireadh a chur leo agus lena sainaithnítear conas a thugann gnóthais aghaidh ar na drochthionchair sin. Áirítear le tionchair a bhaineann le ghníomhaíochtaí gnóthais na tionchair sin a mbíonn an gnóthas ina chúis leo go díreach, tionchair a gcuireann an gnóthas leo, agus tionchair a bhfuil baint acu le slabhra luacha an ghnóthais ar chaoi éigin eile. Baineann an próiseas díchill chuí le slabhra luacha iomlán an ghnóthais, lena n-áirítear a oibríochtaí féin, a tháirgí agus a sheirbhísí, a ghaolmhaireachtaí gnó agus a shlabhraí soláthair. I gcomhréir le Prionsabail Threoracha na Náisiún Aontaithe maidir le Gnó agus Cearta an Duine, measfar drochthionchar iarbhír nó féideartha a bheith ina phríomh-dhrochthionchar i gcás ina n-áirítear é sna tionchair is mó a bhaineann le gníomhaíochtaí an ghnóthais bunaithe ar an méid seo a leanas: a thromchúisí atá an tionchar ar dhaoine nó ar an gcomhshaol; an líon daoine a ndéantar difear dóibh nó a bhféadfaí difear a dhéanamh dóibh, nó méid an damáiste don chomhshaol; a éasca is atá sé an díobháil a réiteach, agus an comhshaol nó na daoine a ndearnadh difear dóibh a chur ar ais mar a bhí siad roimhe sin.

(32)

Ní éilítear le Treoir 2013/34/AE go nochtfaí faisnéis faoi acmhainní doláimhsithe seachas sócmhainní doláimhsithe a aithnítear sa chlár comhardaithe. Aithnítear go forleathan, nach ndéantar go leor tuairiscithe ar fhaisnéis faoi shócmhainní doláimhsithe agus tosca doláimhsithe eile, lena n-áirítear acmhainní doláimhsithe a ghintear go hinmheánach, rud a chuireann bac ar mheasúnú ceart a dhéanamh ar fhorbairt, feidhmíocht agus seasamh gnóthais, agus ar an bhfaireachán a dhéantar ar infheistíochtaí. Chun é a chur ar a gcumas d”infheisteoirí tuiscint níos fearr a fháil ar an mbearna mhéadaitheach idir leabharluach cuntasaíochta go leor gnóthas agus a luacháil margaidh, a thugtar faoi deara i mórán earnálacha den gheilleagar, ba cheart tuairisciú leordhóthanach ar acmhainní doláimhsithe a éileamh i gcás gnóthais mhóra go léir agus gnóthais go léir, cé is moite de mhicreaghnóthais, a ligtear isteach a gcuid urrús chun a dtrádála ar mhargadh rialáilte san Aontas. Mar sin féin, tá faisnéis áirithe maidir le hacmhainní doláimhsithe ina cuid dhílis d”ábhair inbhuanaitheachta, agus dá bhrí sin, beidh sí mar chuid den tuairisciú inbhuanaitheachta. Mar shampla, is ionann faisnéis faoi scileanna, inniúlachtaí agus taithí fostaithe, mar aon lena ndílseacht don ghnóthas agus a n-inspreagadh chun próisis, earraí agus seirbhísí a fheabhsú, agus faisnéis inbhuanaitheachta faoi ábhair shóisialta a d”fhéadfaí a mheas freisin mar fhaisnéis faoi acmhainní doláimhsithe. Ar an gcuma chéanna, faisnéis faoi cháilíocht na gcaidreamh idir an gnóthas agus a gheallsealbhóirí, lena n-áirítear custaiméirí, soláthraithe agus pobail a bhfuil tionchar ag gníomhaíochtaí an ghnóthais orthu, is ionann an fhaisnéis sin agus faisnéis inbhuanaitheachta is ábhartha d”ábhair shóisialta nó rialachais a d”fhéadfaí a mheas freisin mar fhaisnéis faoi acmhainní doláimhsithe. Léiríonn na samplaí sin an chaoi nach féidir, i gcásanna áirithe, faisnéis faoi acmhainní doláimhsithe a idirdhealú ó fhaisnéis faoi ábhair inbhuanaitheachta.

(33)

Ní shonraítear in Airteagal 19a(1) ná Airteagal 29a(1) de Threoir 2013/34/AE cibé an gá an fhaisnéis atá le tuairisciú a bheith ina faisnéis réamhbhreathnaitheach nó ina faisnéis ar fheidhmíocht roimhe seo. Tá easpa nochtaí réamhbhreathnaitheacha ann faoi láthair, rud a mbíonn ardmheas ag úsáideoirí na faisnéise inbhuanaitheachta orthu. Dá bhrí sin, ba cheart a shonrú le hAirteagail 19a agus 29a de Threoir 2013/34/AE nach mór faisnéis réamhbhreathnaitheach agus faisnéis chúlghabhálach, agus faisnéis cháilíochtúil agus chainníochtúil araon, a bheith san áireamh leis an bhfaisnéis inbhuanaitheachta a thuairiscítear. Ba cheart an fhaisnéis a bheith bunaithe ar fhianaise dhochloíte eolaíoch i gcás inarb iomchuí. Ba cheart faisnéis a bheith comhchuibhithe, inchomparáide agus bunaithe ar tháscairí aonfhoirmeacha i gcás inarb iomchuí, agus tuairisciú a bhaineann go sonrach le gnóthais aonair á cheadú ag an am céanna agus nach gcuirtear suíomh tráchtála an ghnóthais i mbaol léi. Ba cheart na físeanna gearrthéarmacha, meántéarmacha agus fadtéarmacha a chur san áireamh leis an bhfaisnéis inbhuanaitheachta a thuairiscítear freisin, agus ba cheart faisnéis a bheith iontu faoi shlabhra luacha iomlán an ghnóthais, lena n-áirítear a chuid oibríochtaí féin, a tháirgí agus a sheirbhísí, a ghaolmhaireachtaí gnó, agus a shlabhra soláthair, de réir mar is iomchuí. Maidir le faisnéis faoi shlabhra luacha iomlán an ghnóthais, ba cheart faisnéis a chuimsiú a bhaineann lena shlabhra luacha laistigh den Aontas Eorpach agus faisnéis a chumhdaíonn tríú tíortha más rud é go síneann slabhra luacha an ghnóthais lasmuigh den Aontas Eorpach. Maidir leis na chéad 3 bliana de chur i bhfeidhm na mbeart atá le glacadh ag na Ballstáit i gcomhréir leis an Treoir leasaitheach seo, i gcás nach bhfuil an fhaisnéis uile is gá maidir leis an slabhra luacha ar fáil, ba cheart don ghnóthas míniú a thabhairt ar na hiarrachtaí a rinneadh chun an fhaisnéis a fháil faoina shlabhra luacha, na cúiseanna nach bhféadfaí an fhaisnéis sin a fháil, agus pleananna an ghnóthais faisnéis den sórt sin a fháil amach anseo.

(34)

Níl sé mar chuspóir leis an Treoir leasaitheach seo a cheangal ar ghnóthais caipiteal intleachtúil, maoin intleachtúil, fios gnó nó torthaí nuálaíochta a nochtadh a cháileodh mar rúin trádála mar a shainmhínítear i dTreoir (AE) 2016/943 ó Pharlaimint na hEorpa agus ón gComhairle (22). Dá bhrí sin, níor cheart gur dochar na ceanglais tuairiscithe dá bhforáiltear sa Treoir leasaitheach seo do Threoir (AE) 2016/943.

(35)

Le hAirteagal 19a(1) agus Airteagal 29a(1) de Threoir 2013/34/AE, ceanglaítear ar ghnóthais tagairtí do na méideanna a tuairiscíodh sna ráitis airgeadais bhliantúla a chur san áireamh ina dtuairisciú neamhairgeadais, chomh maith le mínithe breise ina leith. Ní chuireann na hAirteagail sin ceangal ar ghnóthais tagairtí a dhéanamh d”fhaisnéis eile sa tuarascáil bhainistíochta áfach, ná chun mínithe breise a chur leis an bhfaisnéis sin. Dá bhrí sin, tá easpa comhsheasmhachta ann faoi láthair idir an fhaisnéis neamhairgeadais a thuairiscítear agus an chuid eile den fhaisnéis a nochtar sa tuarascáil bhainistíochta. Is gá ceanglais shoiléire a leagan síos maidir leis sin.

(36)

Le hAirteagal 19a(1) agus Airteagal 29a(1) de Threoir 2013/34/AE, ceanglaítear ar ghnóthais míniú soiléir agus réasúnaithe a sholáthar ar an gcúis nár saothraíodh beartais i ndáil le ceann amháin nó níos mó de na hábhair atá liostaithe sna hAirteagail sin, i gcás nach ndéanann an gnóthas amhlaidh. Toisc gur pléadh go difriúil le nochtaí faoi na beartais a d”fhéadfadh a bheith ag gnóthais, i gcomparáid le réimsí tuairiscithe eile a áirítear sna hAirteagail sin, cruthaíodh mearbhall idir gnóthais tuairiscithe agus níor chuidigh sé sin chun feabhas a chur ar cháilíocht na faisnéise a thuairiscítear. Dá bhrí sin, ní gá leanúint leis an láimhseáil dhifriúil sin i ndáil le beartais sa Treoir sin. Leis na caighdeáin tuairiscithe inbhuanaitheachta, ba cheart a chinneadh cén fhaisnéis is gá a nochtadh i ndáil le gach ceann de na réimsí tuairiscithe a luaitear in Airteagail 19a agus 29a de Threoir 2013/34/AE arna leasú leis an Treoir leasaitheach seo.

(37)

Féadfaidh gnóthais a thagann faoi raon feidhme Airteagal 19a(1) agus Airteagal 29a(1) de Threoir 2013/34/AE brath ar chreataí tuairiscithe náisiúnta, creataí tuairiscithe atá bunaithe san Aontas nó creataí tuairiscithe idirnáisiúnta, agus i gcás ina ndéanann siad amhlaidh, ní mór dóibh na creataí sin ar ar bhraith siad a shonrú. Mar sin féin, le Treoir 2013/34/AE, ní chuirtear ceanglas ar ghnóthais creat tuairiscithe coiteann nó caighdeán tuairiscithe coiteann a úsáid, agus ní chuirtear cosc léi ar ghnóthais a roghnú gan aon chreat tuairiscithe ná aon chaighdeán tuairiscithe in aon chor a úsáid. Mar a cheanglaítear le hAirteagal 2 de Threoir 2014/95/AE, an 5 Iúil 2017, ghlac an Coimisiún Teachtaireacht dar teideal Guidelines on non-financial reporting (methodology for reporting non-financial information) [Treoirlínte maidir le tuairisciú neamhairgeadais (modheolaíocht chun faisnéis neamhairgeadais a thuairisciú] (“Treoirlínte maidir le tuairisciú neamhairgeadais”), lena bhforáiltear do threoirlínte neamhcheangailteacha le haghaidh gnóthais a thagann faoi raon feidhme na Treorach sin.

An 17 Meitheamh 2019, ghlac an Coimisiún a Threoirlínte maidir le faisnéis a bhaineann leis an aeráid a thuairisciú, ina bhfuil treoirlínte breise, go sonrach maidir le faisnéis a bhaineann leis an aeráid a thuairisciú. Rinneadh moltaí an Tascfhórsa um Nochtaí Airgeadais a bhaineann leis an Aeráid a ionchorprú go sainráite sna Treoirlínte sin maidir le faisnéis a bhaineann leis an aeráid a thuairisciú. Léiríonn an fhianaise atá ar fáil nach raibh tionchar suntasach ag na Treoirlínte maidir le tuairisciú neamhairgeadais ar cháilíocht an tuairiscithe neamhairgeadais a rinne gnóthais a thagann faoi raon feidhme Airteagail 19a agus 29a de Threoir 2013/34/AE. Ciallaíonn cineál deonach na dtreoirlínte go bhfuil sé de shaoirse ag na gnóthais féin iad a chur i bhfeidhm nó gan iad a chur i bhfeidhm. Dá bhrí sin, ní féidir a áirithiú leis na treoirlínte amháin go mbeidh an fhaisnéis go léir a nochtfaidh gnóthais dhifriúla inchomparáide ná go nochtfar an fhaisnéis uile a mheasann úsáideoirí na faisnéise sin a bheith ábhartha. Is é sin an chúis go bhfuil gá le caighdeáin tuairiscithe inbhuanaitheachta choiteanna shainordaitheacha chun a áirithiú go bhfuil an fhaisnéis inchomparáide agus go ndéantar gach faisnéis ábhartha a nochtadh. Ag cur le prionsabal na hábharthachta dúbailte, ba cheart an fhaisnéis uile atá ábhartha d”úsáideoirí na faisnéise sin a chumhdach sna caighdeáin. Tá gá le caighdeáin tuairiscithe inbhuanaitheachta choiteanna freisin chun dearbhú agus digitiú an tuairiscithe inbhuanaitheachta a chumasú agus chun maoirseacht agus forfheidhmiú ina leith a éascú.

Is gá caighdeáin tuairiscithe inbhuanaitheachta choiteanna shainordaitheacha a fhorbairt chun teacht ar chás ina bhfuil stádas ag faisnéis inbhuanaitheachta atá inchomparáide le stádas na faisnéise airgeadais. Le glacadh caighdeán tuairiscithe inbhuanaitheachta trí bhíthin gníomhartha tarmligthe, d”áiritheofaí tuairisciú inbhuanaitheachta comhchuibhithe ar fud an Aontais. Dá bhrí sin, bheadh ceanglais tuairiscithe inbhuanaitheachta Threoir 2013/34/AE á gcomhlíonadh ag gnóthas trí thuairisciú i gcomhréir leis na caighdeáin tuairiscithe inbhuanaitheachta. Agus caighdeáin den sórt sin á sainiú, tá sé ríthábhachtach aird chuí a thabhairt, a mhéid is féidir, ar na príomhchaighdeáin tuairiscithe inbhuanaitheachta a úsáidtear ar fud an domhain, agus gan uaillmhian na Treorach leasaithí seo agus na ngníomhartha tarmligthe arna nglacadh dá bun a laghdú ag an am céanna.

(38)

Níl aon chaighdeán ná creat ann faoi láthair lena sásaítear riachtanais an Aontais i ndáil le tuairisciú inbhuanaitheachta leis féin. Maidir leis an bhfaisnéis a éilítear le Treoir 2013/34/AE, is gá faisnéis a chumhdach léi atá ábhartha ó thaobh gach ceann de na peirspictíochtaí ábharthachta, is gá na hábhair inbhuanaitheachta uile a chumhdach léi agus is gá í a ailíniú, i gcás inarb iomchuí, le hoibleagáidí eile faoi dhlí an Aontais chun faisnéis inbhuanaitheachta a nochtadh, lena n-áirítear oibleagáidí a leagtar síos i Rialacháin (AE) 2019/2088 agus (AE) 2020/852. Ina theannta sin, ba cheart caighdeáin tuairiscithe inbhuanaitheachta shainordaitheacha le haghaidh ghnóthais an Aontais a bheith i gcomhréir le leibhéal uaillmhéine an Chomhaontaithe Ghlais agus chuspóir an Aontais an aeráidneodracht a bhaint amach faoi 2050 chomh maith leis na spriocanna idirmheánacha faoi Rialachán (AE) 2021/1119. Dá bhrí sin, is gá an Coimisiún a chumhachtú chun caighdeáin tuairiscithe inbhuanaitheachta an Aontais a ghlacadh, lena gcuirfear ar a chumas dó iad a ghlacadh go tapa agus a áirithiú go bhfuil ábhar na gcaighdeán tuairiscithe inbhuanaitheachta sin comhsheasmhach le riachtanais an Aontais.

(39)

Is comhlachas neamhbhrabúis é an Grúpa Comhairleach Eorpach um Thuairisciú Airgeadais (EFRAG) a bunaíodh faoi dhlí na Beilge agus a oibríonn chun leasa an phobail trí chomhairle a sholáthar don Choimisiún maidir le caighdeáin tuairiscithe airgeadais idirnáisiúnta a fhormhuiniú. Tá EFRAG tar éis cáil a bhaint amach mar lárionad saineolais Eorpach um thuairisciú corparáideach, agus is áit mhaith é chun comhordú a chothú idir caighdeáin tuairiscithe inbhuanaitheachta an Aontais agus tionscnaimh idirnáisiúnta a fhéachann le caighdeáin a fhorbairt atá comhsheasmhach ar fud an domhain. I mí an Mhárta 2021, rinne tascfhórsa ilpháirtithe leasmhara, a bhunaigh EFRAG, moltaí a fhoilsiú maidir leis an bhféidearthacht caighdeáin tuairiscithe inbhuanaitheachta a fhorbairt le haghaidh an Aontais. Tá tograí sna moltaí sin chun sraith chomhleanúnach agus chuimsitheach caighdeán tuairiscithe inbhuanaitheachta a fhorbairt, lena gcumhdófar gach ábhar inbhuanaitheachta ó pheirspictíocht na hábharthachta dúbailte. Áirítear leis na moltaí sin freisin treochlár mionsonraithe chun caighdeáin den sórt sin a fhorbairt, chomh maith le tograí chun comhar a threisiú go frithpháirteach idir tionscnaimh dhomhanda maidir le socrú caighdeán agus tionscnaimh de chuid an Aontais maidir le socrú caighdeán. I mí an Mhárta 2021, d”fhoilsigh Uachtarán Bhord EFRAG moltaí maidir le hathruithe féideartha ar rialachas EFRAG i gcás ina n-iarrfaí air comhairle theicniúil a fhorbairt i ndáil le caighdeáin tuairiscithe inbhuanaitheachta. Áirítear i moltaí Uachtarán Bhord EFRAG colún nua tuairiscithe inbhuanaitheachta a bhunú laistigh de EFRAG, agus, ag an am céanna, gan modhnú suntasach a dhéanamh ar an gcolún tuairiscithe airgeadais atá ann cheana. I mí an Mhárta 2022, cheap Comhthionól Ginearálta EFRAG comhaltaí Bhord Tuairiscithe Inbhuanaitheachta EFRAG a cruthaíodh le déanaí. Nuair atá caighdeáin tuairiscithe inbhuanaitheachta á nglacadh, ba cheart don Choimisiún comhairle theicniúil a fhorbróidh EFRAG a chur san áireamh.

Chun caighdeáin ardcháilíochta a áirithiú a rannchuidíonn le leas an phobail Eorpaigh agus a chomhlíonann riachtanais gnóthas agus úsáideoirí na faisnéise a thuairiscítear, ba cheart cistiú poiblí leordhóthanach a bheith ag EFRAG chun a neamhspleáchas a áirithiú. Ba cheart a chomhairle theicniúil a fhorbairt le próis chuí chóir, formhaoirseacht phoiblí agus trédhearcacht, agus bunaithe ar shaineolas ionadaíocht chothrom na ngeallsealbhóirí ábhartha, lena n-áirítear gnóthais, infheisteoirí, eagraíochtaí na sochaí sibhialta agus ceardchumainn, agus ba cheart anailísí costais is tairbhe a bheith ag gabháil léi. Ba cheart rannpháirtíocht in obair EFRAG ar an leibhéal teicniúil a bheith coinníollach ar shaineolas i dtuairisciú inbhuanaitheachta agus níor cheart í a bheith coinníollach ar aon ranníocaíocht airgeadais, gan dochar do rannpháirtíocht comhlachtaí poiblí agus eagraíochtaí náisiúnta maidir le socrú caighdeán san obair sin. Ba cheart próiseas trédhearcach lena seachnaítear coinbhleachtaí leasa a ráthú. Chun a áirithiú go gcuirfear dearcaí na mBallstát san áireamh le caighdeáin tuairiscithe inbhuanaitheachta an Aontais, ba cheart don Choimisiún, sula nglacfaidh sé na caighdeáin sin, dul i gcomhairle le Grúpa Saineolaithe na mBallstát maidir le Maoiniú Inbhuanaithe, dá dtagraítear i Rialachán (AE) 2020/852, (“Grúpa Saineolaithe na mBallstát maidir le Maoiniú Inbhuanaithe”) agus leis an gCoiste Rialála Cuntasaíochta, dá dtagraítear i Rialachán (CE) Uimh. 1606/2002 ó Pharlaimint na hEorpa agus ón gComhairle (23), (“an Coiste Rialála Cuntasaíochta”) i ndáil le comhairle theicniúil EFRAG.

Tá ról ag an Údarás Eorpach um Urrúis agus Margaí (ÚEUM), an tÚdarás Baincéireachta Eorpach (ÚBE) agus an tÚdarás Eorpach um Árachas agus Pinsin Cheirde (ÚEÁPC) i gcaighdeáin theicniúla rialála a dhréachtú faoi Rialachán (AE) 2019/2088 agus is gá comhleanúnachas a bheith ann idir na caighdeáin theicniúla rialála sin agus na caighdeáin tuairiscithe inbhuanaitheachta. Faoi Rialachán (AE) Uimh. 1095/2010 ó Pharlaimint na hEorpa agus ón gComhairle (24), tá ról ag ÚEUM freisin i gcóineasú maoirseachta a chur chun cinn agus tuairisciú inbhuanaitheachta á fhorfheidhmiú ag eisitheoirí a ligtear isteach a gcuid urrús chun a dtrádála ar mhargadh rialáilte san Aontas agus a gceanglófar orthu tuairisciú i gcomhréir leis na caighdeáin tuairiscithe inbhuanaitheachta sin. Dá bhrí sin, ba cheart a cheangal ar ÚEUM, ÚBE agus ÚEÁPC tuairim a sholáthar maidir le comhairle theicniúil EFRAG. Ba cheart tuairimí den sórt sin a sholáthar laistigh de 2 mhí ón dáta a fhaightear an iarraidh ón gCoimisiún. Ina theannta sin, ba cheart don Choimisiún dul i gcomhairle leis an nGníomhaireacht Eorpach Chomhshaoil, Gníomhaireacht an Aontais Eorpaigh um Chearta Bunúsacha, BCE, Coiste na gComhlachtaí Eorpacha um Fhormhaoirseacht Iniúchóireachta (CCEFI) agus an tArdán maidir le Maoiniú Inbhuanaithe chun a áirithiú go bhfuil na caighdeáin tuairiscithe inbhuanaitheachta comhleanúnach le beartas agus dlí ábhartha an Aontais. I gcás ina gcinneann aon cheann de na heintitis sin tuairim a thíolacadh, ba cheart dóibh déanamh amhlaidh laistigh de 2 mhí ón dáta a chuaigh an Coimisiún i gcomhairle leo.

(40)

Chun rialú daonlathach, grinnscrúdú agus trédhearcacht a chothú, ba cheart don Choimisiún, uair sa bhliain ar a laghad, dul i gcomhairle le Parlaimint na hEorpa, agus go comhpháirteach le Grúpa Saineolaithe na mBallstát maidir le Maoiniú Inbhuanaithe agus leis an gCoiste Rialála Cuntasaíochta maidir le clár oibre EFRAG a mhéid a bhaineann le caighdeáin tuairiscithe inbhuanaitheachta a fhorbairt.

(41)

Ba cheart na caighdeáin tuairiscithe inbhuanaitheachta a bheith comhleanúnach le dlí eile de chuid an Aontais. Go háirithe, ba cheart na caighdeáin sin a ailíniú leis na ceanglais maidir le nochtadh a leagtar síos i Rialachán (AE) 2019/2088, agus ba cheart a chur san áireamh leis na caighdeáin sin na táscairí agus modheolaíochtaí forluiteacha a leagtar amach sna gníomhartha tarmligthe éagsúla arna nglacadh de bhun Rialachán (AE) 2020/852, na ceanglais maidir le nochtadh is infheidhme maidir le riarthóirí tagarmhairc de bhun Rialachán (AE) 2016/1011 ó Pharlaimint na hEorpa agus ón gComhairle (25), na híoschaighdeáin chun Tagarmharcanna Aistrithe Aeráide AE agus Tagarmharcanna AE atá ailínithe le Comhaontú Pháras a chruthú, agus aon obair a rinne ÚBE agus ceanglais Cholún III maidir le nochtadh atá i Rialachán (AE) Uimh. 575/2013 á gcur chun feidhme.

Ba cheart dlí comhshaoil an Aontais a chur san áireamh sna caighdeáin, lena n-áirítear Rialachán (CE) Uimh. 1221/2009 ó Pharlaimint na hEorpa agus ón gComhairle (26) agus Treoir 2003/87/CE ó Pharlaimint na hEorpa agus ón gComhairle (27), agus ba cheart Moladh 2013/179/AE ón gCoimisiún (28), na hiarscríbhinní a ghabhann leis agus na nuashonruithe orthu a chur san áireamh freisin. Ba cheart dlí ábhartha eile an Aontais, lena n-áirítear Treoir 2010/75/AE ó Pharlaimint na hEorpa agus ón gComhairle (29), agus ceanglais eile a leagtar síos i ndlí an Aontais do ghnóthais a mhéid a bhaineann le dualgais stiúrthóirí agus dícheall cuí, a chur san áireamh freisin.

(42)

Ba cheart na Treoirlínte maidir le tuairisciú neamhairgeadais agus na Treoirlínte maidir le faisnéis a bhaineann leis an aeráid a thuairisciú a chur san áireamh le caighdeáin tuairiscithe inbhuanaitheachta. Ba cheart ceanglais tuairiscithe eile i dTreoir 2013/34/AE, nach mbaineann go díreach leis an inbhuanaitheacht, a chur san áireamh leo freisin, d”fhonn tuiscint níos fearr a thabhairt d”úsáideoirí na faisnéise a thuairiscítear ar fhorbairt, feidhmíocht, seasamh agus tionchar an ghnóthais, tríd an leas is mó is féidir a bhaint as na naisc idir an fhaisnéis inbhuanaitheachta agus faisnéis eile a thuairiscítear i gcomhréir le Treoir 2013/34/AE.

(43)

Ba cheart na caighdeáin tuairiscithe inbhuanaitheachta a bheith comhréireach agus ní cheart dóibh ualach riaracháin gan ghá a chur ar na cuideachtaí a gcuirtear ceangal orthu iad a úsáid. Chun an suaitheadh a íoslaghdú do ghnóthais a thuairiscíonn faisnéis inbhuanaitheachta cheana féin, ba cheart a chur san áireamh le caighdeáin tuairiscithe inbhuanaitheachta na caighdeáin agus creataí atá ann cheana féin maidir le cuntasaíocht agus tuairisciú inbhuanaitheachta i gcás inarb iomchuí. Le caighdeáin agus creataí den sórt sin atá ann cheana, áirítear an Tionscnamh Domhanda um Thuairisciú, an Bord um Chaighdeáin Chuntasaíochta Inbhuanaitheachta, an Chomhairle Idirnáisiúnta um Thuairisciú Comhtháite, an Bord um Chaighdeáin Idirnáisiúnta Chuntasaíochta, an Tascfhórsa um Nochtaí Airgeadais a bhaineann leis an Aeráid, an Bord um Chaighdeáin Nochtadh Carbóin, agus CDP, ar a dtugtaí an Tionscadal Nochtadh Carbóin roimhe seo.

Ba cheart aon chaighdeán tuairiscithe inbhuanaitheachta a forbraíodh faoi choimirce na Fondúireachta Idirnáisiúnta um Chaighdeáin Tuairiscithe Airgeadais a chur san áireamh le caighdeáin an Aontais. Chun deighilt rialála gan ghá a sheachaint, a d”fhéadfadh iarmhairtí diúltacha a bheith aici do ghnóthais a oibríonn go domhanda, ba cheart do chaighdeáin an Aontais cuidiú le próiseas an chóineasaithe ar chaighdeáin tuairiscithe inbhuanaitheachta ar leibhéal domhanda trí thacú le hobair an Bhoird Idirnáisiúnta um Chaighdeáin Inbhuanaitheachta (ISSB). Le caighdeáin tuairiscithe inbhuanaitheachta an Aontais, ba cheart an riosca a laghdú go mbeadh ceanglais tuairiscithe neamhréireacha ann do ghnóthais a oibríonn ar fud an domhain trí inneachar na gcaighdeán bonnlíne domhanda atá le forbairt ag ISSB a chomhtháthú, a mhéid atá inneachar na gcaighdeán bonnlíne sin comhsheasmhach le creat dlíthiúil an Aontais agus le cuspóirí an Chomhaontaithe Ghlais.

(44)

Sa Chomhaontú Glas, gheall an Coimisiún go dtacódh sé le gnólachtaí agus geallsealbhóirí eile chun cleachtais chuntasaíochta caighdeánaithe don chaipiteal nádúrtha a fhorbairt laistigh den Aontas Eorpach agus go hidirnáisiúnta, agus é mar aidhm aige bainistiú iomchuí ar rioscaí comhshaoil agus deiseanna maolaithe a áirithiú, agus na costais idirbhirt lena mbaineann a laghdú.

Tá an Tionscadal Trédhearcach atá urraithe faoin gClár um an gComhshaol agus um Ghníomhú ar son na hAeráide (clár LIFE) a bunaíodh le Rialachán (AE) 2021/783 ó Pharlaimint na hEorpa agus ón gComhairle (30) ag forbairt na chéad mhodheolaíochta cuntasaíochta caipitil nádúrtha, rud a fhágfaidh go mbeidh sé níos éasca na modhanna atá ann cheana a chur i gcomparáid agus a bheith níos trédhearcaí agus, ag an am céanna, an tairseach a ísliú do chuideachtaí chun na córais a ghlacadh agus a úsáid chun tacú lena ngnó a dhéanamh slán i bhfad na haimsire. Is tagairt thábhachtach é an Prótacal Caipitil Nádúrtha i réimse chuntasaíocht an chaipitil nádúrtha freisin. Cé gurb é an phríomhchúis le modhanna cuntasaíochta caipitil nádúrtha ná cinntí bainistíochta inmheánacha a neartú, ba cheart iad a chur san áireamh go hiomchuí nuair atá caighdeáin tuairiscithe inbhuanaitheachta á mbunú. Bíonn sé d”aidhm ag roinnt modheolaíochtaí cuntasaíochta caipitil nádúrtha luach airgid a shannadh do na tionchair chomhshaoil a bhíonn i gceist de thoradh gníomhaíochtaí cuideachtaí, rud a d”fhéadfadh cuidiú le húsáideoirí faisnéise inbhuanaitheachta tuiscint níos fearr a fháil ar thionchair den sórt sin. Dá bhrí sin, is iomchuí go bhféadfaí táscairí airgid ar thionchair inbhuanaitheachta a chuimsiú i gcaighdeáin tuairiscithe inbhuanaitheachta má mheastar go bhfuil gá leis sin.

(45)

Ba cheart prionsabail agus creataí maidir le hiompar gnó freagrach a aithnítear go hidirnáisiúnta a chur san áireamh le caighdeáin tuairiscithe inbhuanaitheachta freisin, mar aon le freagracht shóisialta chorparáideach, agus forbairt inbhuanaithe, lena n-áirítear SFInna, Prionsabail Threoracha na Náisiún Aontaithe maidir le Gnó agus Cearta an Duine, Treoirlínte ECFE maidir le Fiontair Ilnáisiúnta, Treoir ECFE um Dhícheall Cuí le haghaidh Iompar Gnó Freagrach agus treoirlínte earnálacha gaolmhara, an Comhshocrú Domhanda, Dearbhú Tríthaobhach Prionsabal na hEagraíochta Idirnáisiúnta Saothair (EIS) maidir le Fiontair Ilnáisiúnta agus Beartas Sóisialta, caighdeán ISO 26000 maidir le freagracht shóisialta, agus Prionsabail na Náisiún Aontaithe um Infheistíocht Fhreagrach.

(46)

Ba cheart a áirithiú go gcomhlíontar, leis an bhfaisnéis a thuairiscíonn gnóthais i gcomhréir leis na caighdeáin tuairiscithe inbhuanaitheachta, riachtanais na n-úsáideoirí agus nach gcuirtear ualach díréireach ó thaobh iarrachta agus costas de ar na gnóthais tuairiscithe agus orthu siúd a ndéantar difear dóibh go hindíreach mar chuid de shlabhra luacha na ngnóthas sin. Dá bhrí sin, ba cheart a shonrú sna caighdeáin tuairiscithe inbhuanaitheachta an fhaisnéis is gá do ghnóthais a nochtadh maidir leis na príomhthosca comhshaoil uile, lena n-áirítear a dtionchair agus spleáchais ar an aeráid, ar aer, talamh, uisce agus bithéagsúlacht. Soláthraítear aicmiú ar chuspóirí comhshaoil an Aontais le Rialachán (AE) 2020/852.

Ar mhaithe leis an gcomhleanúnachas, is iomchuí aicmiú comhchosúil a úsáid chun na tosca comhshaoil a shainaithint nach mór aghaidh a thabhairt orthu le caighdeáin tuairiscithe inbhuanaitheachta. Ba cheart a bhreithniú agus a shonrú sna caighdeáin tuairiscithe inbhuanaitheachta aon fhaisnéis gheografach nó chomhthéacsúil eile nach mór do ghnóthais a nochtadh chun tuiscint a sholáthar ar na príomhthionchair a bhíonn acu ar ábhair inbhuanaitheachta agus ar na príomhrioscaí don ghnóthas a leanann ó ábhair inbhuanaitheachta. Agus an fhaisnéis faoi thosca comhshaoil atá le nochtadh ag gnóthais á sonrú, ba cheart comhleanúnachas a áirithiú leis na sainmhínithe a leagtar síos in Airteagal 2 de Rialachán (AE) 2020/852 agus leis na ceanglais tuairiscithe a leagtar síos in Airteagal 8 den Rialachán sin agus sna gníomhartha tarmligthe arna nglacadh de bhun an Rialacháin sin.

(47)

Maidir le faisnéis a bhaineann leis an aeráid, is spéis le húsáideoirí eolas a bheith acu faoi rioscaí fisiciúla agus aistrithe gnóthas, agus faoina n-athléimneacht i dtaca le cásanna aeráide éagsúla, agus pleananna chun oiriúnú dóibh, agus pleananna chun oiriúnú do chuspóir an Aontais an aeráidneodracht a bhaint amach faoi 2050. Tá spéis acu freisin i leibhéal agus raon feidhme na n-aistrithe agus na n-astaíochtaí gás ceaptha teasa a chuirtear i leith an ghnóthais, lena n-áirítear a mhéid a úsáideann an gnóthas fritháirimh agus foinse na bhfritháireamh sin. Is gá caighdeáin fritháirimh agus cuntasaíochta gás ceaptha teasa a ailíniú chun geilleagar aeráidneodrach a bhaint amach. Bíonn faisnéis iontaofa de dhíth ar úsáideoirí maidir le fritháirimh lena dtugtar aghaidh ar ábhair imní i ndáil le comhaireamh dúbailte agus rómheastacháin fhéideartha, i bhfianaise na rioscaí a d”fhéadfaí a chruthú le comhaireamh dúbailte agus rómheastachán i ndáil le spriocanna aeráide a bhaint amach. Is spéis le húsáideoirí freisin a bheith ar an eolas faoi na hiarrachtaí atá á ndéanamh ag cuideachtaí chun dearbhastaíochtaí gás ceaptha teasa a laghdú go héifeachtach mar chuid dá straitéisí maidir le maolú ar an athrú aeráide agus oiriúnú don athrú sin, lena n-áirítear astaíochtaí raon feidhme 1, astaíochtaí raon feidhme 2 agus, i gcás inarb ábhartha, astaíochtaí raon feidhme 3.

Maidir le hastaíochtaí raon feidhme 3, is tosaíocht d”úsáideoirí é faisnéis a fháil maidir le catagóirí raon feidhme 3 atá suntasach i gcás an ghnóthais, agus maidir leis na hastaíochtaí i ngach ceann de na catagóirí raon feidhme 3 sin. Dá bhrí sin, ba cheart an fhaisnéis is gá do ghnóthais a thuairisciú maidir le hábhair den sórt sin a shonrú sna caighdeáin tuairiscithe inbhuanaitheachta.

(48)

Ní mór na hearnálacha eacnamaíocha uile a shlógadh go hiomlán chun geilleagar ciorclach atá aeráidneodrach agus timpeallacht gan truailliú idirleata a bhaint amach. Tá sé ríthábhachtach úsáid fuinnimh a laghdú agus éifeachtúlacht fuinnimh a mhéadú chuige sin, mar úsáidtear fuinneamh ar fud na slabhraí soláthair. Dá bhrí sin, ba cheart aird chuí a thabhairt ar ghnéithe fuinnimh i gcaighdeáin tuairiscithe inbhuanaitheachta, go háirithe i ndáil le hábhair chomhshaoil, lena n-áirítear ábhair a bhaineann leis an aeráid.

(49)

Ba cheart a shonrú sna caighdeáin tuairiscithe inbhuanaitheachta an fhaisnéis ba cheart do ghnóthais a nochtadh maidir le tosca sóisialta, lena n-áirítear dálaí oibre, rannpháirtíocht na gcomhpháirtithe sóisialta, cómhargáil, comhionannas, neamh-idirdhealú, éagsúlacht agus cuimsiú, agus cearta an duine. Ba cheart na tionchair a bhíonn ag an gnóthas ar dhaoine, lena n-áirítear ar oibreoirí agus ar shláinte daoine, a chumhdach le faisnéis den sórt sin. Ba cheart faisnéis faoi shaothar éignithe agus dúshaothrú leanaí ina slabhraí luacha agus soláthair a chur san áireamh san fhaisnéis a nochtann gnóthais faoi chearta an duine i gcás inarb ábhartha. Níor cheart do cheanglais tuairiscithe inbhuanaitheachta maidir le saothar éignithe a bheith saor ó na húdaráis phoiblí atá freagrach as aghaidh a thabhairt, trí bheartas trádála agus trí mhodhanna taidhleoireachta, ar allmhairiú earraí a tháirgtear mar thoradh ar sháruithe ar chearta an duine, lena n-áirítear saothar éignithe. Ba cheart do ghnóthais a bheith in ann tuairisc a thabhairt freisin ar rioscaí agus treochtaí a d”fhéadfadh a bheith ann maidir le fostaíocht agus ioncaim.

I gcás caighdeáin tuairiscithe inbhuanaitheachta lena dtugtar aghaidh ar thosca sóisialta, ba cheart a shonrú iontu an fhaisnéis is gá do ghnóthais a nochtadh maidir le prionsabail Cholún Eorpach na gCeart Sóisialta atá ábhartha do ghnólachtaí, lena n-áirítear deiseanna comhionanna do gach duine agus dálaí oibre. Leis an bPlean Gníomhaíochta maidir le Colún Eorpach na gCeart Sóisialta, a ghlac an Coimisiún an 4 Márta 2021, éilítear go gcuirfí ceanglais níos láidre ar ghnóthais chun tuairisciú a dhéanamh i ndáil le saincheisteanna sóisialta. Ba cheart a shonrú sna caighdeáin tuairiscithe inbhuanaitheachta freisin an fhaisnéis ba cheart do ghnóthais a nochtadh maidir le cearta an duine, saoirsí bunúsacha, prionsabail dhaonlathacha agus caighdeáin dhaonlathacha arna mbunú sa Bhille Idirnáisiúnta um Chearta an Duine agus croíchoinbhinsiúin eile de chuid na Náisiún Aontaithe maidir le cearta an duine, lena n-áirítear Coinbhinsiún Eorpach na Náisiún Aontaithe ar Chearta Daoine atá faoi Mhíchumas, Dearbhú na Náisiún Aontaithe maidir le Cearta na bPobal Dúchasach, Dearbhú na Náisiún Aontaithe maidir le Cearta an Linbh, Dearbhú EIS maidir le Prionsabail Bhunúsacha agus Cearta Bunúsacha san Obair, coinbhinsiúin bhunúsacha EIS, an Coinbhinsiún Eorpach chun Cearta an Duine agus Saoirsí Bunúsacha a Chosaint, Cairt Shóisialta na hEorpa, agus Cairt um Chearta Bunúsacha an Aontais Eorpaigh. Ba cheart an tuairisciú a dhéantar ar thosca sóisialta, agus ar thosca comhshaoil agus rialachais freisin, a bheith comhréireach le raon feidhme agus le spriocanna na Treorach leasaithí seo. Ba cheart a shonrú sna caighdeáin tuairiscithe inbhuanaitheachta lena dtugtar aghaidh ar chomhionannas inscne agus ar phá comhionann as obair ar comhionann a luach, i measc nithe eile, faisnéis atá le tuairisciú faoin mbearna phá idir na hinscní, agus dlí ábhartha eile de chuid an Aontais á chur san áireamh. Ba cheart a shonrú sna caighdeáin tuairiscithe inbhuanaitheachta lena dtugtar aghaidh ar fhostaíocht agus ar chuimsiú daoine faoi mhíchumas, i measc nithe eile, an fhaisnéis atá le tuairisciú faoi bhearta inrochtaineachta arna ndéanamh ag an ngnóthas.

Ba cheart a shonrú sna caighdeáin tuairiscithe inbhuanaitheachta lena dtugtar aghaidh ar oiliúint agus ar fhorbairt scileanna, i measc nithe eile, an fhaisnéis atá le tuairisciú faoi chion agus miondealú na n-oibrithe atá rannpháirteach san oiliúint. Ba cheart a shonrú sna caighdeáin tuairiscithe inbhuanaitheachta lena dtugtar aghaidh ar an gcómhargáil, i measc nithe eile, an fhaisnéis atá le nochtadh faoi chomhairlí oibreacha a bheith ann chomh maith le comhaontuithe comhchoiteanna a bheith ann agus cion na n-oibrithe a chumhdaítear le comhaontuithe den sórt sin. Le caighdeáin tuairiscithe inbhuanaitheachta lena dtugtar aghaidh ar rannpháirtíocht oibrithe, ba cheart a shonrú, i measc nithe eile, an fhaisnéis atá le nochtadh faoi rannpháirtíocht na n-oibrithe ar bhoird riaracháin agus mhaoirseachta. Ba cheart a shonrú sna caighdeáin tuairiscithe inbhuanaitheachta lena dtugtar aghaidh ar éagsúlacht, i measc nithe eile, an fhaisnéis atá le tuairisciú ar éagsúlacht inscne ag an ardbhainistíocht agus líon na gcomhaltaí den ghnéas tearcionadaithe ar a mboird.

(50)

Bíonn faisnéis faoi thosca rialachais de dhíth ar úsáideoirí. Déantar na tosca rialachais is ábhartha d”úsáideoirí a liostú i gcreataí tuairiscithe údarásacha amhail an Tionscnamh Domhanda um Thuairisciú agus an Tascfhórsa um Nochtaí Airgeadais a bhaineann leis an Aeráid, agus ag creataí domhanda údarásacha amhail Prionsabail Rialachais Dhomhanda an Líonra Idirnáisiúnta um Rialachas Corparáideach agus Prionsabail Rialachais Chorparáidigh G20/ECFE. An fhaisnéis ba cheart do ghnóthais a nochtadh maidir le tosca rialachais, ba cheart í a shonrú sna caighdeáin tuairiscithe inbhuanaitheachta. Ba cheart a cumhdach le faisnéis den sórt sin an ról atá ag comhlachtaí riaracháin, bainistíochta agus maoirseachta gnóthais maidir le hábhair inbhuanaitheachta, an saineolas agus na scileanna is gá chun an ról sin a chomhlíonadh nó an rochtain atá ag comhlachtaí den sórt sin ar shaineolas agus scileanna den sórt sin, an bhfuil beartas ag an gcuideachta maidir leis na dreasachtaí a thairgtear do chomhaltaí na gcomhlachtaí sin agus atá nasctha le hábhair inbhuanaitheachta, agus faisnéis faoi chórais inmheánacha rialaithe agus bainistithe riosca gnóthais i ndáil leis an bpróiseas tuairiscithe inbhuanaitheachta. Bíonn faisnéis de dhíth ar úsáideoirí faoi chultúr corparáideach na ngnóthas agus a gcur chuige i leith eitic ghnó freisin, ar gnéithe iad a aithnítear mar ghnéithe de chreataí údarásacha maidir le rialachas corparáideach amhail Prionsabail Rialachais Dhomhanda an Líonra Idirnáisiúnta um Rialachas Corparáideach, lena n-áirítear faisnéis faoi fhrithéilliú agus frithbhreabaireacht, agus faoi ghníomhaíochtaí agus gealltanais an ghnóthais arb é is aidhm dóibh a thionchar polaitiúil a fheidhmiú, lena n-áirítear a ghníomhaíochtaí brústocaireachta.

Le faisnéis faoi bhainistiú an ghnóthais agus faoi cháilíocht an chaidrimh le custaiméirí, soláthraithe agus pobail dá ndéanann gníomhaíochtaí an ghnóthais difear, cuidítear le húsáideoirí tuiscint a fháil ar rioscaí agus tionchair gnóthais a bhaineann le hábhair inbhuanaitheachta. Áirítear san fhaisnéis faoi na caidrimh le soláthraithe cleachtais íocaíochta a bhaineann leis an dáta nó an tréimhse íocaíochta, an ráta úis maidir le híocaíocht dhéanach nó an cúiteamh i leith costais téarnaimh dá dtagraítear i dTreoir 2011/7/AE ó Pharlaimint na hEorpa agus ón gComhairle (31). Gach bliain, bíonn ualaí riaracháin agus airgeadais ar na mílte gnólachtaí, go háirithe fiontair bheaga agus mheánmhéide (FBManna), toisc go n-íoctar go déanach iad, nó nach n-íoctar in aon chor iad. Sa deireadh, tarlaíonn dócmhainneacht agus féimheacht de bharr íocaíochtaí déanacha, agus bíonn droch-éifeachtaí acu sin ar shlabhraí luacha ina n-iomláine. Má mhéadaítear an méid faisnéise faoi chleachtais íocaíochta, ba cheart go ndéanfaí gnóthais eile a chumhachtú chun íocóirí iontaofa a íocann go pras a aithint, chun cleachtais íocaíochta éagóracha a aithint, rochtain a fháil ar fhaisnéis faoi na gnólachtaí lena mbíonn siad ag trádáil, agus téarmaí íocaíochta níos córa a chaibidliú.

(51)

Ba cheart léiriú níos comhtháite ar an bhfaisnéis go léir a fhoilsíonn gnóthais sa tuarascáil bhainistíochta a chur chun cinn leis na caighdeáin tuairiscithe inbhuanaitheachta, ionas go gcuirfí tuiscint níos fearr ar fáil d”úsáideoirí na faisnéise sin ar fhorbairt, fheidhmíocht, sheasamh agus thionchar an ghnóthais. Ba cheart idirdhealú a dhéanamh leis na caighdeáin tuairiscithe inbhuanaitheachta sin, de réir mar is gá, idir an fhaisnéis is ceart do ghnóthais a nochtadh agus tuairisciú á dhéanamh acu ar leibhéal aonair agus an fhaisnéis is ceart do ghnóthais a nochtadh agus tuairisciú á dhéanamh acu ar an leibhéal grúpa. Ba cheart treoraíocht do ghnóthais a bheith sna caighdeáin tuairiscithe inbhuanaitheachta freisin maidir leis an bpróiseas a leantar chun an fhaisnéis inbhuanaitheachta nach mór a chur san áireamh sa tuarascáil bhainistíochta a aithint, ós rud é nár cheart a cheangal ar ghnóthas a nochtadh ach an fhaisnéis atá ábhartha chun tuiscint a fháil ar a thionchair ar ábhair inbhuanaitheachta, agus an fhaisnéis atá ábhartha chun tuiscint a fháil ar an gcaoi a ndéanann ábhair inbhuanaitheachta difear d”fhorbairt, feidhmíocht agus seasamh an ghnóthais.

(52)

Ba cheart do na Ballstáit a áirithiú go ndéantar tuairisciú inbhuanaitheachta i gcomhréir le cearta oibrithe chun faisnéise agus comhairliúcháin. Dá bhrí sin, ba cheart do lucht bainistíochta an ghnóthais ionadaithe na n-oibrithe ar an leibhéal iomchuí a chur ar an eolas agus an fhaisnéis ábhartha agus na modhanna chun faisnéis inbhuanaitheachta a fháil agus a fhíorú a phlé leo. Tugtar le tuiscint leis sin, chun críoch na Treorach leasaithí seo, go mbunófar idirphlé agus malartú tuairimí idir ionadaithe na n-oibrithe agus an bhainistíocht lárnach nó aon leibhéal eile bainistíochta a d”fhéadfadh a bheith níos iomchuí, ag am den sórt sin, ar bhealach den sórt sin agus le hábhar den sórt sin a chuirfeadh ar chumas ionadaithe na n-oibrithe a dtuairim a chur in iúl. Ba cheart a dtuairim a chur in iúl, i gcás inarb infheidhme, do na comhlachtaí ábhartha riaracháin, bainistíochta nó maoirseachta.

(53)

Is minic a bhíonn gnóthas san earnáil chéanna nochta do rioscaí inbhuanaitheachta comhchosúla, agus bíonn tionchair chomhchosúla acu ar an tsochaí agus ar an gcomhshaol go minic freisin. Tá sé fíorluachmhar d”infheisteoirí agus d”úsáideoirí eile na faisnéise inbhuanaitheachta comparáidí a dhéanamh idir gnóthais san earnáil chéanna. Dá bhrí sin, ba cheart a shonrú sna caighdeáin tuairiscithe inbhuanaitheachta an fhaisnéis ar cheart do ghnóthais i ngach earnáil a nochtadh agus an fhaisnéis ar cheart do ghnóthais a nochtadh ag brath ar a n-earnáil gníomhaíochta. Tá tábhacht ar leith ag baint le caighdeáin tuairiscithe inbhuanaitheachta earnáilsonracha i gcás earnálacha a mbaineann rioscaí arda inbhuanaitheachta leo don chomhshaol, do chearta an duine agus don rialachas nó a mbíonn tionchair arda inbhuanaitheachta acu ar an gcomhshaol, ar chearta an duine agus ar an rialachas, lena n-áirítear na hearnálacha a liostaítear i Ranna A go H agus i Roinn L d”Iarscríbhinn I a ghabhann le Rialachán (CE) Uimh. 1893/2006 ó Pharlaimint na hEorpa agus ón gComhairle (32), agus i gcás na ngníomhaíochtaí ábhartha laistigh de na hearnálacha sin. Agus caighdeáin tuairiscithe inbhuanaitheachta earnáilsonracha á nglacadh aige, ba cheart don Choimisiún a áirithiú go bhfuil an fhaisnéis a shonraítear leis na caighdeáin tuairiscithe inbhuanaitheachta sin comhréireach le scála na rioscaí agus na dtionchar a bhaineann le hábhair inbhuanaitheachta a bhaineann go sonrach le gach earnáil, agus é á chur san áireamh go bhfuil rioscaí agus tionchair earnálacha áirithe níos airde ná rioscaí agus tionchair earnálacha eile. Ba cheart don Choimisiún a chur san áireamh freisin nach gá go mbeadh baint ag gach gníomhaíocht laistigh d”earnálacha den sórt sin le rioscaí nó tionchair arda inbhuanaitheachta. I gcás gnóthais a oibríonn in earnálacha a bhíonn ag brath go háirithe ar acmhainní nádúrtha, chuirfí de cheangal orthu, le caighdeáin tuairiscithe inbhuanaitheachta earnáilsonracha, tionchair a bhaineann leis an dúlra agus rioscaí don bhithéagsúlacht agus d”éiceachórais a nochtadh.

Le caighdeáin tuairiscithe inbhuanaitheachta, ba cheart aird a thabhairt freisin ar na deacrachtaí a d”fhéadfadh a bheith ag gnóthais maidir le faisnéis a bhailiú ó ghníomhaithe ar fud a slabhra luacha, go háirithe ó sholáthraithe ar gnóthais bheaga nó mheánmhéide iad agus ó sholáthraithe i margaí agus geilleagair éiritheacha. Le caighdeáin tuairiscithe inbhuanaitheachta, ba cheart nochtaí a shonrú a bhaineann le slabhraí luacha atá comhréireach agus ábhartha maidir le scála agus castacht ghníomhaíochtaí na ngnóthas, agus ba cheart acmhainneachtaí agus saintréithe gnóthas i slabhraí luacha a shonrú, go háirithe na hacmhainneachtaí agus saintréithe sin atá ag gnóthais nach bhfuil faoi réir na gceanglas tuairiscithe inbhuanaitheachta dá bhforáiltear sa Treoir leasaitheach seo. Le caighdeáin tuairiscithe inbhuanaitheachta, níor cheart nochtaí a shonrú lena gceanglófaí ar ghnóthais faisnéis a fháil ó ghnóthais bheaga agus gnóthais mheánmhéide ina slabhra luacha a sháraíonn an fhaisnéis atá le nochtadh i gcomhréir leis na caighdeáin tuairiscithe inbhuanaitheachta le haghaidh gnóthais bheaga agus mheánmhéide. Níor cheart gur dochar an méid sin d”aon cheanglais de chuid an Aontais maidir le gnóthais próiseas díchill chuí a sheoladh.

(54)

Chun riachtanais faisnéise úsáideoirí a chomhlíonadh go tráthúil, agus go háirithe i bhfianaise na práinne chun riachtanais faisnéise rannpháirtithe sa mhargadh airgeadais a chomhlíonadh faoi réir na gceanglas a leagtar síos sna gníomhartha tarmligthe a glacadh de bhun Airteagal 4(6) agus (7) de Rialachán (AE) 2019/2088, ba cheart don Choimisiún, trí bhíthin gníomhartha tarmligthe, an chéad sraith de chaighdeáin tuairiscithe inbhuanaitheachta a ghlacadh faoin 30 Meitheamh 2023. Ba cheart a shonrú sa tsraith caighdeán tuairiscithe inbhuanaitheachta sin an fhaisnéis is ceart do ghnóthais a nochtadh maidir le gach réimse tuairiscithe agus ábhar inbhuanaitheachta, agus nach mór do rannpháirtithe sa mhargadh airgeadais na hoibleagáidí maidir le nochtadh a leagtar síos i Rialachán (AE) 2019/2088 a chomhlíonadh. Ba cheart don Choimisiún, trí bhíthin gníomhartha tarmligthe, an dara sraith caighdeán tuairiscithe inbhuanaitheachta a ghlacadh faoin 30 Meitheamh 2024, lena sonraítear an fhaisnéis chomhlántach is ceart do ghnóthais a nochtadh faoi ábhair inbhuanaitheachta agus réimsí tuairiscithe, i gcás inar gá, agus faisnéis a bhaineann go sonrach leis an earnáil ina n-oibríonn an gnóthas. Ba cheart don Choimisiún athbhreithniú a dhéanamh gach 3 bliana ar na caighdeáin tuairiscithe inbhuanaitheachta sin, lena n-áirítear na caighdeáin tuairiscithe inbhuanaitheachta do ghnóthais bheaga agus mheánmhéide, chun forbairtí ábhartha a chur san áireamh, lena n-áirítear forbairt caighdeán idirnáisiúnta.

(55)

Ní éilítear le Treoir 2013/34/AE go gcuirfí an tuarascáil bhainistíochta ar fáil i bhformáid dhigiteach, rud a chuireann bac ar sho-aimsitheacht agus ar inúsáidteacht na faisnéise a thuairiscítear. Bíonn coinne ag úsáideoirí na faisnéise inbhuanaitheachta i gcónaí go mbeidh an fhaisnéis sin so-aimsithe, inchomparáide agus inléite ag meaisín i bhformáidí digiteacha. Ba cheart do na Ballstáit a bheith in ann a cheangal ar ghnóthais atá faoi réir na gceanglas tuairiscithe inbhuanaitheachta de Threoir 2013/34/AE a dtuarascálacha bainistíochta a chur ar fáil saor in aisce don phobal ar a suíomhanna gréasáin. Leis an digitiú, cruthaítear deiseanna chun faisnéis a shaothrú ar bhealach níos éifeachtúla agus d”fhéadfaí coigilteas costais suntasach a dhéanamh d”úsáideoirí agus do ghnóthais araon. Leis an digitiú, cumasaítear freisin lárú sonraí ar leibhéal an Aontais agus ar leibhéal na mBallstát i bhformáid oscailte inrochtana lena n-éascaítear an léamh agus lenar féidir comparáid a dhéanamh idir sonraí. Ba cheart a cheangal ar ghnóthais, dá bhrí sin, a dtuarascáil bhainistíochta a ullmhú san fhormáid tuairiscithe leictreonach a shonraítear in Airteagal 3 de Rialachán Tarmligthe (AE) 2019/815 ón gCoimisiún (33), agus a dtuairisciú inbhuanaitheachta a mharcáil, lena n-áirítear na nochtaí a cheanglaítear le hAirteagal 8 de Rialachán (AE) 2020/852, i gcomhréir leis an bhformáid tuairiscithe leictreonach a shonraítear i Rialachán Tarmligthe (AE) 2019/815 a luaithe a chinnfear an méid sin.

Beidh gá le tacsanomaíocht dhigiteach le haghaidh caighdeáin tuairiscithe inbhuanaitheachta an Aontais ionas go mbeifí in ann an fhaisnéis a thuairiscítear a chlibeáil i gcomhréir leis na caighdeáin tuairiscithe inbhuanaitheachta sin. Ba cheart na ceanglais sin a chur san áireamh san obair maidir leis an digitiú a d”fhógair an Coimisiún sa teachtaireacht uaidh an 19 Feabhra 2020 dar teideal A European strategy for data [Straitéis Eorpach le haghaidh sonraí], agus sa teachtaireacht uaidh an 24 Meán Fómhair 2020 dar teideal Digital Finance Strategy for the EU [Straitéis Airgeadais Dhigitigh don Aontas]. Chomhlánódh na ceanglais sin pointe rochtana aonair Eorpach (ESAP) d”fhaisnéis chorparáideach phoiblí mar a bheartaítear i dteachtaireacht ón gCoimisiún an 24 Méan Fómhair 2020 dar teideal A Capital Markets Union for people and businesses - new action plan [Aontas na Margaí Caipitil do dhaoine agus do ghnólachtaí - plean gníomhaíochta nua] ina gcuirtear san áireamh freisin an gá atá le faisnéis inchomparáide a chur ar fáil i bhformáid dhigiteach.

(56)

Chun gur féidir an fhaisnéis inbhuanaitheachta tuairiscithe a áireamh in ESAP, ba cheart do na Ballstáit a áirithiú go bhfoilseoidh gnóthais nach ligtear isteach a gcuid urrús chun a dtrádála ar mhargadh rialáilte san Aontas a dtuarascáil bhainistíochta, lena n-áirítear tuairisciú inbhuanaitheachta, san fhormáid tuairiscithe leictreonach a shonraítear in Airteagal 3 de Rialachán Tarmligthe (AE) 2019/815.

(57)

Le hAirteagal 19a(4) de Threoir 2013/34/AE cuirtear ar a gcumas do Bhallstáit gnóthais a dhíolmhú ón ráiteas neamhairgeadais a éilítear faoi Airteagal 19a(1) den Treoir sin a chur san áireamh sa tuarascáil bhainistíochta. Tá sé de chead ag Ballstáit é sin a dhéanamh i gcás ina n-ullmhaíonn an gnóthas lena mbaineann tuarascáil ar leithligh a fhoilsítear in éineacht leis an tuarascáil bhainistíochta i gcomhréir le hAirteagal 30 den Treoir sin, nó i gcás ina gcuirtear an tuarascáil sin ar fáil go poiblí ar shuíomh gréasáin an ghnóthais laistigh de thréimhse réasúnach ama nach mó ná 6 mhí tar éis dháta an chláir chomhardaithe, agus go dtagraítear di sa tuarascáil bhainistíochta. Tá an fhéidearthacht chéanna ann maidir leis an ráiteas neamhairgeadais comhdhlúite dá dtagraítear i dTreoir 2013/34/AE. Bhain fiche Ballstát leas as an rogha sin. Leis an bhféidearthacht maidir le tuarascáil ar leithligh a fhoilsiú, cuirtear bac ar infhaighteacht na faisnéise a nascann faisnéis airgeadais agus faisnéis faoi ábhair inbhuanaitheachta, áfach. Cuireann sé sin bac ar sho-aimsitheacht agus inrochtaineacht na faisnéise d”úsáideoirí freisin, go háirithe infheisteoirí, a bhfuil spéis acu i bhfaisnéis airgeadais agus faisnéis inbhuanaitheachta araon. Géaraítear an fhadhb sin leis an bhféidearthacht d”amanna foilsithe difriúla le haghaidh faisnéis airgeadais agus faisnéis inbhuanaitheachta. Má dhéantar foilsiú i dtuarascáil ar leithligh, féadfar a thabhairt le fios freisin, go hinmheánach agus go seachtrach, go mbaineann faisnéis inbhuanaitheachta le catagóir faisnéise nach bhfuil chomh hábhartha céanna, lena bhféadfaí dochar a dhéanamh d”iontaofacht braite na faisnéise. Dá bhrí sin, ba cheart do ghnóthais faisnéis inbhuanaitheachta a thuairisciú i roinn ar leith den tuarascáil bhainistíochta ar féidir a aithint go soiléir agus níor cheart a cheadú do Bhallstáit a thuilleadh gnóthais a dhíolmhú ón oibleagáid chun faisnéis faoi ábhair inbhuanaitheachta a chuimsiú sa tuarascáil bhainistíochta.

Cuideoidh oibleagáid den sórt sin freisin chun ról na n-údarás náisiúnta inniúil a shoiléiriú maidir le maoirseacht a dhéanamh ar thuairisciú inbhuanaitheachta, mar chuid den tuarascáil bhainistíochta a ullmhaítear i gcomhréir le Treoir 2004/109/CE. Chomh maith leis sin, maidir le gnóthais a gceanglaítear orthu faisnéis inbhuanaitheachta a thuairisciú, níor cheart iad a dhíolmhú ón oibleagáid chun an tuarascáil bhainistíochta a fhoilsiú, mar tá sé tábhachtach a áirithiú go gcuirtear faisnéis inbhuanaitheachta ar fáil go poiblí.

(58)

Le hAirteagal 20 de Threoir 2013/34/AE ceanglaítear ar ghnóthais a ligtear isteach a gcuid urrús chun a dtrádála ar mhargadh rialáilte san Aontas ráiteas rialachais chorparáidigh a chuimsiú ina dtuarascáil bhainistíochta, nach mór tuairisc ar an mbeartas éagsúlachta a chuir an gnóthas i bhfeidhm i ndáil lena comhlachtaí riaracháin, bainistíochta agus maoirseachta, i measc nithe eile, a bheith san áireamh ann. Le hAirteagal 20 de Threoir 2013/34/AE fágtar solúbthacht do ghnóthais a chinneadh cén gnéithe den éagsúlacht a ndéanfaidh siad tuairisciú ina leith. Ní chuirtear oibleagáid leis ar ghnóthais go sainráite chun faisnéis a chuimsiú ar aon ghné ar leith den éagsúlacht. Chun bogadh i dtreo rannpháirtíocht níos cothroime ó thaobh inscne de i gcinnteoireacht eacnamaíoch, is gá a áirithiú go ndéanann gnóthais a ligtear isteach a gcuid urrús chun a dtrádála ar mhargadh rialáilte san Aontas tuairisciú ar a gcuid beartais maidir le héagsúlacht inscne agus ar chur chun feidhme na mbeartas sin. Mar sin féin, chun ualach riaracháin nach bhfuil gá leis a sheachaint, ba cheart an deis a bheith ag gnóthais den sórt sin cuid den fhaisnéis a éilítear le hAirteagal 20 de Threoir 2013/34/AE a thuairisciú in éineacht le faisnéis inbhuanaitheachta eile. Má chinneann siad déanamh amhlaidh, ba cheart a áireamh sa ráiteas rialachais chorparáidigh tagairt do thuairisciú inbhuanaitheachta an ghnóthais, agus ba cheart an fhaisnéis a cheanglaítear faoi Airteagal 20 de Threoir 2013/34/AE a bheith fós faoi réir cheanglais dearbhaithe an ráitis rialachais chorparáidigh.

(59)

Le hAirteagal 33 de Threoir 2013/34/AE, ceanglaítear ar Bhallstáit a áirithiú go bhfuil sé de fhreagracht chomhchoiteann ar chomhaltaí chomhlachtaí riaracháin, bainistíochta agus maoirseachta an ghnóthais a áirithiú go ndéantar na ráitis airgeadais bhliantúla, na ráitis airgeadais chomhdhlúite, an tuarascáil bhainistíochta, an tuarascáil bhainistíochta chomhdhlúite, an ráiteas rialachais chorparáidigh agus an ráiteas rialachais chorparáidigh comhdhlúite a tharraingt suas agus a fhoilsiú i gcomhréir le ceanglais na Treorach sin. Ba cheart an fhreagracht chomhchoiteann sin a shíneadh chuig na ceanglais maidir le digitiú a leagtar síos i Rialachán Tarmligthe (AE) 2019/815, chuig an gceanglas chun caighdeáin tuairiscithe inbhuanaitheachta an Aontais a chomhlíonadh agus chuig an gceanglas chun tuairisciú inbhuanaitheachta a mharcáil.

(60)

Déanann gairm an dearbhaithe idirdhealú idir dearbhuithe iontaofachta teoranta agus dearbhuithe iontaofachta réasúnacha. Soláthraítear an chonclúid ar dhearbhú iontaofachta teoranta le léiriú diúltach de ghnáth, trína lua nár aithin an cleachtóir aon ábhar as a mbainfí an chonclúid gur tugadh míráiteas ábhartha i leith an ábhair atá i gceist. I gcás dearbhú iontaofachta teoranta, déanann an t-iniúchóir líon níos lú tástálacha ná mar a dhéantar le dearbhú iontaofachta réasúnach. Dá bhrí sin, bíonn méid níos lú oibre i gceist le gníomhaíocht dearbhaithe theoranta ná mar a bhíonn i gceist le dearbhú iontaofachta réasúnach. Cuimsítear nósanna imeachta fairsinge leis an méid oibre a bhíonn i gceist le dearbhú iontaofachta réasúnach lena n-áirítear breithniú ar rialuithe inmheánacha an ghnóthais atá ag tuairisciú agus tástáil shubstainteach, agus dá bhrí sin, bíonn an iarracht oibre i bhfad níos mó ná mar a bhíonn i gceist le dearbhú iontaofachta teoranta.

Tugtar conclúid dearbhaithe iontaofachta réasúnaigh i bhfoirm dhearfach de ghnáth agus is é an toradh a bhíonn air tuairim ar an ábhar a thomhas in aghaidh critéar a sainíodh cheana féin. Le Treoir 2013/34/AE, ceanglaítear ar Bhallstáit a áirithiú go seiceálann an t-iniúchóir reachtúil nó an gnólacht iniúchóireachta cibé an ndearnadh an ráiteas neamhairgeadais nó an tuarascáil ar leithligh a sholáthar. Ní éilítear leis an Treoir go ndéanfadh soláthraí neamhspleách de sheirbhísí dearbhaithe an fhaisnéis a fhíorú, cé go gcuireann sé ar chumas na mBallstát an fíorú sin a éileamh más mian leo. In éagmais ceanglas dearbhaithe maidir le tuairisciú inbhuanaitheachta, i gcodarsnacht leis an gceanglas a chuirtear ar an iniúchóir reachtúil iniúchtaí reachtúla a dhéanamh bunaithe ar dhearbhú iontaofachta réasúnach, chuirfí creidiúnacht na faisnéise inbhuanaitheachta a nochtar i mbaol, agus ar an gcaoi, sin ní fhéadfaí riachtanais úsáideoirí beartaithe na faisnéise a chomhlíonadh. Cé gurb é an cuspóir leibhéal dearbhaithe comhchosúil a bhaint amach maidir le tuairisciú airgeadais agus inbhuanaitheachta, tá an baol ann go mbeidh tuiscintí agus ionchais dhifriúla ann i ndáil leis an méid a bheadh i gceist le dearbhú iontaofachta réasúnach le haghaidh catagóirí difriúla faisnéise inbhuanaitheachta toisc nach bhfuil caighdeán a comhaontaíodh i gcomhpháirt ann maidir le tuairisciú inbhuanaitheachta a dhearbhú, go háirithe maidir le nochtaí réamhbhreathnaitheacha agus cáilíochtúla.

Dá bhrí sin, ba cheart breithniú a dhéanamh ar chur chuige forásach chun feabhas a chur ar leibhéal an dearbhaithe a éilítear maidir le faisnéis inbhuanaitheachta, ag tosú le hoibleagáid ar an iniúchóir reachtúil nó ar an ngnólacht iniúchóireachta chun tuairim a chur in iúl maidir lena mhéid a chomhlíontar ceanglais an Aontais leis an tuairisciú inbhuanaitheachta bunaithe ar dhearbhú iontaofachta teoranta. Ba cheart a chumhdach leis an tuairim sin cibé acu an gcomhlíontar caighdeáin tuairiscithe inbhuanaitheachta an Aontais leis an tuairisciú inbhuanaitheachta nó nach gcomhlíontar, mar aon leis an bpróiseas a dhéanann an gnóthas chun an fhaisnéis a thuairiscítear a aithint de bhun na gcaighdeán tuairiscithe inbhuanaitheachta agus an chomhlíontacht leis an gceanglas chun tuairisciú inbhuanaitheachta a mharcáil. Ba cheart don iniúchóir measúnú a dhéanamh freisin ar cibé an gcomhlíonann tuairisciú an ghnóthais na ceanglais maidir le tuairisciú atá in Airteagal 8 de Rialachán (AE) 2020/852 nó nach gcomhlíonann. Chun comhthuiscint agus ionchais choiteann a áirithiú maidir leis an méid a bheadh i gceist le dearbhú iontaofachta réasúnach, ba cheart ansin a cheangal ar an iniúchóir reachtúil nó ar an ngnólacht iniúchóireachta tuairim a chur in iúl bunaithe ar dhearbhú iontaofachta réasúnach maidir lena mhéid a chomhlíontar ceanglais an Aontais leis an tuairisciú inbhuanaitheachta, nuair a ghlacann an Coimisiún caighdeáin dearbhaithe le haghaidh dearbhú réasúnach ar thuairisciú inbhuanaitheachta trí bhíthin gníomhartha tarmligthe tráth nach déanaí ná an 1 Deireadh Fómhair 2028, tar éis measúnú chun a chinneadh an mbeadh dearbhú réasúnach indéanta d”iniúchóirí agus do ghnóthais.

Leis an gcur chuige de réir a chéile ó dhearbhuithe iontaofachta teoranta go dearbhuithe iontaofachta réasúnacha, chumasófaí forbairt fhorásach an mhargaidh um dhearbhú maidir le faisnéis inbhuanaitheachta, agus forbairt fhorásach chleachtais tuairiscithe na ngnóthas freisin. Ar deireadh, le cur chuige de réir a chéile den sórt sin, thabharfaí isteach an méadú ar chostais de réir a chéile do ghnóthas atá ag tuairisciú, ós rud é go bhfuil dearbhú an tuairiscithe inbhuanaitheachta bunaithe ar dhearbhú iontaofachta réasúnach níos costasaí ná dearbhú ar thuairisciú inbhuanaitheachta bunaithe ar dhearbhú iontaofachta teoranta. Ba cheart do ghnóthais atá faoi réir ceanglais tuairiscithe inbhuanaitheachta a bheith in ann cinneadh a dhéanamh tuairim dearbhaithe a fháil maidir lena dtuairisciú inbhuanaitheachta bunaithe ar dhearbhú iontaofachta réasúnach más mian leo, agus sna cásanna sin ba cheart a mheas gur chomhlíon siad an oibleagáid tuairim a bheith acu bunaithe ar dhearbhú iontaofachta teoranta. Níl sa tuairim atá bunaithe ar dhearbhú iontaofachta réasúnach maidir le faisnéis réamhbhreathnaitheach ach dearbhú gur ullmhaíodh an fhaisnéis sin i gcomhréir leis na caighdeáin is infheidhme.

(61)

Déanann iniúchóirí reachtúla nó gnólachtaí iniúchóireachta na ráitis airgeadais agus an tuarascáil bhainistíochta a fhíorú cheana féin. I gcás ina ndéanfadh na hiniúchóirí reachtúla nó na gnólachtaí iniúchóireachta dearbhú an tuairiscithe inbhuanaitheachta, chuideodh sé sin chun nascacht agus comhsheasmhacht a áirithiú idir faisnéis airgeadais agus faisnéis inbhuanaitheachta, rud atá fíorthábhachtach d”úsáideoirí na faisnéise inbhuanaitheachta. Tá an baol ann go ndéanfaí an margadh iniúchóireachta a chomhchruinniú tuilleadh, áfach, rud a chuirfeadh neamhspleáchas iniúchóirí i mbaol agus mhéadódh táillí iniúchóireachta nó táillí a bhaineann le dearbhú an tuairiscithe inbhuanaitheachta.

I bhfianaise phríomhról na n-iniúchóirí reachtúla agus dearbhú á sholáthar acu ar thuairisciú inbhuanaitheachta agus faisnéis inbhuanaitheachta iontaofa á háirithiú, d”fhógair an Coimisiún go ngníomhóidh sé chun cáilíocht iniúchóireachta a fheabhsú tuilleadh agus chun margadh iniúchóireachta níos oscailte agus níos éagsúlaithe a chruthú, ar coinníollacha iad chun an Treoir leasaitheach seo a chur i bhfeidhm go rathúil. Ina theannta sin, is inmhianaithe rogha níos leithne soláthraithe seirbhísí dearbhaithe neamhspleácha a thairiscint do ghnóthais maidir le tuairisciú inbhuanaitheachta a dhearbhú. Dá bhrí sin, ba cheart a cheadú do na Ballstáit soláthraithe seirbhísí dearbhaithe neamhspleácha a chreidiúnú i gcomhréir le Rialachán (CE) Uimh. 765/2008 ó Pharlaimint na hEorpa agus ón gComhairle (34) chun tuairim dearbhaithe a sholáthar maidir le tuairisciú inbhuanaitheachta, ar cheart í a fhoilsiú in éineacht leis an tuarascáil bhainistíochta. Ina theannta sin, ba cheart an rogha a thabhairt do na Ballstáit cead a thabhairt d”iniúchóir reachtúil, seachas an ceann nó na cinn a dhéanann an t-iniúchadh reachtúil ar na ráitis airgeadais, tuairim dearbhaithe a chur in iúl maidir le tuairisciú inbhuanaitheachta. Thairis sin, má cheadaíonn siad do sholáthraithe seirbhísí dearbhaithe neamhspleácha dearbhú an tuairiscithe inbhuanaitheachta a chur i gcrích, ba cheart do na Ballstáit a cheadú freisin d”iniúchóir reachtúil, seachas an ceann nó na cinn a dhéanann an t-iniúchadh reachtúil ar na ráitis airgeadais, tuairim dearbhaithe ar thuairisciú inbhuanaitheachta a chur in iúl.

Ba cheart do na Ballstáit ceanglais a leagan amach lena n-áirithítear cáilíocht dhearbhú an tuairiscithe inbhuanaitheachta a dhéanann soláthraithe seirbhísí dearbhaithe neamhspleácha agus torthaí comhsheasmhacha i dtaca le tuairisciú inbhuanaitheachta a dhearbhú. Dá bhrí sin, ba cheart gach soláthraí seirbhísí dearbhaithe neamhspleách a bheith faoi réir ceanglais atá coibhéiseach leis na ceanglais a leagtar amach i dTreoir 2006/43/CE ó Pharlaimint na hEorpa agus ón gComhairle (35) a mhéid a bhaineann le dearbhú an tuairiscithe inbhuanaitheachta, agus iad á n-oiriúnú do shaintréithe soláthraithe seirbhísí dearbhaithe neamhspleácha nach ndéanann iniúchtaí reachtúla. Go háirithe, ba cheart do na Ballstáit ceanglais choibhéiseacha a leagan amach maidir le hoiliúint agus scrúdú, oideachas leanúnach, córais dearbhaithe cáilíochta, eitic ghairmiúil, neamhspleáchas, rúndacht oibiachtúlachta agus ghairmiúil, ceapadh agus dífhostú, eagrú oibre na soláthraithe seirbhísí dearbhaithe neamhspleácha, imscrúduithe agus smachtbhannaí, agus tuairisciú neamhrialtachtaí. Ar an gcaoi sin, ráthófaí cothrom iomaíochta i measc na ndaoine agus na ngnólachtaí uile a gceadaíonn Ballstáit dóibh tuairim dearbhaithe a sholáthar maidir le tuairisciú inbhuanaitheachta, lena n-áirítear iniúchóirí reachtúla. Má lorgaíonn gnóthas tuairim ó sholáthraí seirbhísí dearbhaithe neamhspleách creidiúnaithe seachas an t-iniúchóir reachtúil i ndáil lena thuairisciú inbhuanaitheachta, níor cheart gur gá dó tuairim dearbhaithe a iarraidh ón iniúchóir reachtúil maidir lena thuairisciú inbhuanaitheachta chomh maith.

Soláthraithe seirbhísí dearbhaithe neamhspleácha a chreidiúnaigh Ballstát cheana féin le haghaidh dhearbhú an tuairiscithe inbhuanaitheachta, ba cheart cead a bheith acu i gcónaí é sin a dhéanamh. Ar an gcaoi chéanna, ba cheart do na Ballstáit a áirithiú, faoi dháta chur i bhfeidhm na gceanglas nua maidir le hoiliúint agus scrúdú, nach mbeidh soláthraithe seirbhísí dearbhaithe neamhspleácha atá ag dul faoina phróiseas creidiúnaithe faoi réir na gceanglas nua creidiúnaithe sin, ar choinníoll go gcríochnóidh siad an próiseas sin laistigh de 2 bhliain ón dáta a gcuirfear na ceanglais nua sin i bhfeidhm. Ba cheart do na Ballstáit a áirithiú, áfach, go bhfaighidh na soláthraithe seirbhísí dearbhaithe neamhspleácha uile arna gcreidiúnú ag Ballstát le haghaidh dhearbhú an tuairiscithe inbhuanaitheachta, laistigh de 2 bhliain tar éis theacht i bhfeidhm na gceanglas nua maidir le creidiúnú, an t-eolas is gá maidir le tuairisciú inbhuanaitheachta agus dearbhú tuairiscithe inbhuanaitheachta trí oideachas gairmiúil leanúnach.

(62)

Chun saorghluaiseacht seirbhísí a chothú, ba cheart do na Ballstáit a cheadú do sholáthraithe seirbhísí dearbhaithe neamhspleácha atá bunaithe i mBallstát eile dearbhú an tuairiscithe inbhuanaitheachta a dhéanamh ina gcríoch. Bheadh sé sin i bhfabhar freisin an margadh dearbhaithe a oscailt fiú nuair nach gceadaíonn na Ballstáit uile creidiúnú soláthraithe seirbhísí dearbhaithe neamhspleácha ina gcríoch. I gcás ina ndéanann soláthraithe seirbhísí dearbhaithe neamhspleácha dearbhú an tuairiscithe inbhuanaitheachta i gcríoch Ballstáit óstaigh, ba cheart don Bhallstát óstach sin a bheith in ann a chinneadh maoirseacht a dhéanamh ar sholáthraithe seirbhísí dearbhaithe neamhspleácha, i bhfianaise na féidearthachta chun giaráil a dhéanamh ar an gcreat arna chur chun feidhme le haghaidh maoirseacht a dhéanamh ar iniúchóirí a dhéanann dearbhú an tuairiscithe inbhuanaitheachta.

(63)

Ba cheart do na Ballstáit a áirithiú, i gcás ina gceanglaítear ar ghnóthas le dlí an Aontais eilimintí dá thuairisciú inbhuanaitheachta a bheith fíoraithe ag tríú páirtí neamhspleách creidiúnaithe, gur cheart tuarascáil an tríú páirtí neamhspleách chreidiúnaithe a chur ar fáil mar iarscríbhinn a ghabhann leis an tuarascáil bhainistíochta nó ar aon mhodh eile a bhfuil rochtain ag an bpobal air. Le cur ar fáil na tuarascála sin, níor cheart teacht roimh thoradh na tuairime dearbhaithe ar cheart don fhíorú tríú páirtí a bheith neamhspleách ina leith. Níor cheart aon dúbláil oibre a bheith i gceist leis idir an t-iniúchóir nó an soláthraí seirbhísí dearbhaithe neamhspleách a chuireann an tuairim dearbhaithe in iúl agus an tríú páirtí neamhspleách creidiúnaithe.

(64)

Leagtar amach i dTreoir 2006/43/CE rialacha maidir leis an iniúchadh reachtúil ar ráitis airgeadais bhliantúla agus chomhdhlúite. Is gá a áirithiú go gcuirtear rialacha comhsheasmhacha i bhfeidhm maidir leis an iniúchadh a dhéanann an t-iniúchóir reachtúil ar ráitis airgeadais agus an dearbhú a dhéanann sé ar thuairisciú inbhuanaitheachta. Ba cheart feidhm a bheith ag Treoir 2006/43/CE i gcás inarb iniúchóir reachtúil nó an gnólacht iniúchóireachta a chuireann an tuairim dearbhaithe maidir le tuairisciú inbhuanaitheachta in iúl.

(65)

Leis na rialacha maidir le hiniúchóirí reachtúla agus gnólachtaí iniúchóireachta a fhormheas agus a aithint, ba cheart cead a thabhairt d”iniúchóirí reachtúla cáiliú freisin le haghaidh dearbhú an tuairiscithe inbhuanaitheachta. Ba cheart do na Ballstáit a áirithiú go bhfuil an leibhéal eolais theoiriciúil is gá ag iniúchóirí reachtúla, ar mian leo cáiliú chun tuairisciú inbhuanaitheachta a dhearbhú, ar ábhair is ábhartha maidir leis an dearbhú sin agus go bhfuil an cumas acu an t-eolas sin a chur i bhfeidhm sa chleachtas.

Dá bhrí sin, ba cheart d”iniúchóirí reachtúla oiliúint phraiticiúil 8 mí ar a laghad a chur i gcrích maidir le dearbhú an tuairiscithe inbhuanaitheachta bhliantúil agus chomhdhlúite nó i seirbhísí eile a bhaineann le hinbhuanaitheacht, agus taithí fostaíochta roimhe sin á cur san áireamh. Maidir le hiniúchóirí reachtúla a ndearna Ballstát iad a fhaomhadh nó a aithint cheana féin, áfach, ba cheart a cheadú dóibh dearbhú maidir le tuairisciú inbhuanaitheachta a dhéanamh. Ar an gcaoi chéanna, ba cheart do na Ballstáit a áirithiú nach mbeidh daoine nádúrtha atá ag dul faoin bpróiseas formheasa faoi dháta chur i bhfeidhm na gceanglas maidir leis an tuairisciú inbhuanaitheachta a bhunaítear leis an Treoir leasaitheach seo a dhearbhú faoi réir na gceanglas sin, ar choinníoll go gcríochnóidh siad an próiseas faoi cheann 2 bhliain ina dhiaidh sin. Ba cheart do na Ballstáit a áirithiú, áfach, go bhfaighidh iniúchóirí reachtúla arna bhformheas laistigh de 2 bhliain ó dháta chur i bhfeidhm na gceanglas sin agus ar mian leo tabhairt faoi dhearbhú an tuairiscithe inbhuanaitheachta an t-eolas riachtanach maidir le tuairisciú inbhuanaitheachta agus tuairisciú inbhuanaitheachta a dhearbhú trí oideachas gairmiúil leanúnach. Daoine nádúrtha a chinneann a bheith formheasta mar iniúchóirí reachtúla le haghaidh iniúchadh reachtúil amháin, ba cheart dóibh a bheith in ann cinneadh a dhéanamh ag tráth níos déanaí cáiliú freisin chun tuairisciú inbhuanaitheachta a dhearbhú. Chun an méid sin a dhéanamh, ba cheart do na daoine sin na ceanglais riachtanacha atá leagtha amach ag na Ballstáit a chomhlíonadh chun a áirithiú go bhfuil an leibhéal riachtanach eolais theoiriciúil ar na hábhair is ábhartha maidir le tuairisciú inbhuanaitheachta a dhearbhú agus go mbeidh an cumas iontu an t-eolas sin a chur i bhfeidhm go praiticiúil.

(66)

Ba cheart a áirithiú maidir leis na ceanglais a fhorchuirtear ar iniúchóirí a mhéid a bhaineann leis an iniúchadh reachtúil agus dearbhú an tuairiscithe inbhuanaitheachta a dhéanann siad, go bhfuil siad comhsheasmhach. Dá bhrí sin, ba cheart duine ainmnithe amháin (“príomh-chomhpháirtí inbhuanaitheachta”) a bheith ann ag a bhfuil baint ghníomhach le dearbhú an tuairiscithe inbhuanaitheachta a dhéanamh (“príomh-chomhpháirtí inbhuanaitheachta”). Agus dearbhú an tuairiscithe inbhuanaitheachta á dhéanamh, ba cheart a cheangal ar iniúchóirí reachtúla am leordhóthanach a chaitheamh agus acmhainní agus saineolas leordhóthanach a shannadh chun a ndualgais a dhéanamh go hiomchuí. Ba cheart a shonrú i dtaifead an chuntais cliant na táillí a ghearrtar as dearbhú an tuairiscithe inbhuanaitheachta agus ba cheart comhad dearbhaithe a chruthú chun faisnéis a bhaineann le dearbhú an tuairiscithe inbhuanaitheachta a chur san áireamh. I gcás inarb é nó í an t-iniúchóir reachtúil céanna a dhéanann an t-iniúchadh reachtúil ar ráitis airgeadais bhliantúla agus dearbhú an tuairiscithe inbhuanaitheachta, ba cheart é a bheith indéanta an comhad dearbhaithe a áireamh sa chomhad iniúchóireachta. Níor cheart, áfach, feidhm a bheith ag ceanglais a bhaineann le dearbhú an tuairiscithe inbhuanaitheachta arna bhforchur ar na hiniúchóirí reachtúla sin ach amháin maidir le hiniúchóirí reachtúla a dhéanann dearbhú an tuairiscithe inbhuanaitheachta.

(67)

Ba cheart ardleibhéal saineolais theicniúil agus speisialaithe i réimse na hinbhuanaitheachta a bheith ag iniúchóirí reachtúla nó ag gnólachtaí iniúchóireachta a dhéanann dearbhú ar thuairisciú inbhuanaitheachta.

(68)

Le Treoir 2006/43/CE, ceanglaítear ar Bhallstáit rialacha iomchuí a chur ar bun chun a áirithiú i gcás ina soláthraítear seirbhísí breise don eintiteas ar a ndearnadh iniúchadh nach mbeadh tionchar aige sin ar na táillí don iniúchadh reachtúil agus nach mbeadh na táillí sin bunaithe ar aon chineál teagmhais. Leis an Treoir sin, ceanglaítear ar Bhallstáit freisin a áirithiú go gcomhlíonann iniúchóirí reachtúla a dhéanann iniúchtaí reachtúla na rialacha maidir le heitic ghairmiúil, neamhspleáchas, oibiachtúlacht, rúndacht agus rúndacht ghairmiúil. Ar chúiseanna comhleanúnachais, is iomchuí go sínfear na rialacha sin chuig iniúchóirí reachtúla a dhéanann dearbhú an tuairiscithe inbhuanaitheachta.

(69)

Chun foráil a dhéanamh maidir le cleachtais dearbhaithe aonfhoirmeacha agus dearbhú ardchaighdeáin an tuairiscithe inbhuanaitheachta ar fud an Aontais, ba cheart an Coimisiún a chumhachtú chun caighdeáin dearbhaithe inbhuanaitheachta a ghlacadh trí bhíthin gníomhartha tarmligthe. Ba cheart an deis a thabhairt do na Ballstáit caighdeáin, nósanna imeachta nó ceanglais náisiúnta dearbhaithe a chur i bhfeidhm fad nach mbeidh caighdeán dearbhaithe glactha ag an gCoimisiún trí bhíthin gníomhartha tarmligthe lena gcumhdaítear an t-ábhar céanna. Ba cheart a leagan amach i gcaighdeáin dearbhaithe den sórt sin na nósanna imeachta atá le déanamh ag an iniúchóir chun teacht ar a chonclúidí maidir le dearbhú an tuairiscithe inbhuanaitheachta. Dá bhrí sin, ba cheart don Choimisiún caighdeáin dearbhaithe le haghaidh dearbhú teoranta a ghlacadh trí bhíthin gníomhartha tarmligthe roimh an 1 Deireadh Fómhair 2026. D’fhonn comhchuibhiú dhearbhú an tuairiscithe inbhuanaitheachta ar fud na mBallstát a éascú, ba cheart CCEFI a spreagadh chun treoirlínte neamhcheangailteacha a ghlacadh chun na nósanna imeachta atá le déanamh a leagan amach agus tuairim dearbhaithe maidir le tuairisciú inbhuanaitheachta á cur in iúl, go dtí go nglacfaidh an Coimisiún caighdeán dearbhaithe lena gcumhdaítear an t-ábhar céanna.

(70)

Le Treoir 2006/43/CE leagtar amach rialacha maidir le hiniúchadh reachtúil a dhéanamh ar ghrúpa gnóthas. Ba cheart rialacha comhchosúla a leagan amach maidir le dearbhú an tuairiscithe inbhuanaitheachta chomhdhlúite.

(71)

Le Treoir 2006/43/CE, ceanglaítear ar iniúchóirí reachtúla nó gnólachtaí reachtúla torthaí a n-iniúchta reachtúil a chur i láthair i dtuarascáil iniúchóireachta. Ba cheart rialacha comhchosúla a leagan amach maidir leis an tuairisciú inbhuanaitheachta a dhearbhú. Ba cheart torthaí dhearbhú an tuairiscithe inbhuanaitheachta a chur i láthair i dtuarascáil dearbhaithe. I gcás inarb é nó í an t-iniúchóir reachtúil céanna a dhéanann an t-iniúchadh reachtúil ar ráitis airgeadais bhliantúla agus dearbhú an tuairiscithe inbhuanaitheachta, ba cheart é a bheith indéanta an fhaisnéis faoi dhearbhú an tuairiscithe inbhuanaitheachta a chur i láthair sa tuarascáil iniúchóireachta.

(72)

Le Treoir 2006/43/CE, ceanglaítear ar Bhallstáit córas a bhunú chun athbhreithniú dearbhaithe cáilíochta a dhéanamh ar iniúchóirí reachtúla agus gnólachtaí iniúchóireachta. Chun a áirithiú go ndéantar athbhreithnithe dearbhaithe cáilíochta freisin i ndáil le dearbhú an tuairiscithe inbhuanaitheachta agus chun a áirithiú go bhfuil oideachas gairmiúil agus taithí ábhartha iomchuí i dtuairisciú inbhuanaitheachta agus i ndearbhú an tuairiscithe inbhuanaitheachta ag na daoine a dhéanann athbhreithnithe dearbhaithe cáilíochta, ba cheart an ceanglas sin chun córas a bhunú le haghaidh athbhreithniú dearbhaithe cáilíochta a dhéanamh a shíneadh chun dearbhú an tuairiscithe inbhuanaitheachta a chumhdach. Mar bheart idirthréimhseach, go dtí an 31 Nollaig 2025, ba cheart na daoine a dhéanann athbhreithnithe dearbhaithe cáilíochta a bhaineann le dearbhú an tuairiscithe inbhuanaitheachta a dhíolmhú ón gceanglas taithí ábhartha a bheith acu i dtuairisciú inbhuanaitheachta agus i ndearbhú an tuairiscithe inbhuanaitheachta nó i seirbhísí inbhuanaitheachta gaolmhara eile.

(73)

Le Treoir 2006/43/CE ceanglaítear ar Bhallstáit córas imscrúduithe agus pionós a bhunú le haghaidh iniúchóirí reachtúla agus gnólachtaí iniúchóireachta a dhéanann iniúchtaí reachtúla. Leis an Treoir sin, ceanglaítear freisin ar Bhallstáit córas éifeachtach a eagrú chun formhaoirseacht phoiblí a dhéanamh, agus chun a áirithiú go gceadaítear, le socruithe rialála i ndáil le córais formhaoirseachta phoiblí, comhar éifeachtach ar leibhéal an Aontais i leith ghníomhaíochtaí formhaoirseachta na mBallstát. Ba cheart ceanglais den sórt sin a shíneadh chun go gcumhdófar iniúchóirí reachtúla agus gnólachtaí iniúchóireachta a dhéanann dearbhuithe iontaofachta ar thuairisciú inbhuanaitheachta chun comhsheasmhacht a áirithiú ó thaobh na n-imscrúduithe, na bpionós agus na gcreataí formhaoirseachta a bhunaítear ar mhaithe le hobair an iniúchóra san iniúchadh reachtúil agus dearbhú an tuairiscithe inbhuanaitheachta.

(74)

Tá rialacha i dTreoir 2006/43/CE maidir le ceapadh agus dífhostú iniúchóirí reachtúla agus gnólachtaí iniúchóireachta a dhéanann iniúchtaí reachtúla. Ba cheart na rialacha sin a shíneadh chun dearbhú an tuairiscithe inbhuanaitheachta a chumhdach, chun comhsheasmhacht a áirithiú sna rialacha a fhorchuirtear ar iniúchóirí a mhéid a bhaineann lena gcuid oibre ar an iniúchadh reachtúil agus dearbhú an tuairiscithe inbhuanaitheachta.

(75)

De bhun Airteagal 6 de Threoir 2007/36/CE ó Pharlaimint na hEorpa agus ón gComhairle (36), ceanglaítear ar na Ballstáit a áirithiú go bhfuil sé de cheart ag scairshealbhóirí gnóthas a ligtear isteach a gcuid urrús chun a dtrádála ar mhargadh rialáilte san Aontas, ag gníomhú dóibh ina n-aonar nó i dteannta a chéile, míreanna a chur ar chlár oibre an chruinnithe ghinearálta, ar choinníoll go bhfuil bonn cirt nó dréachtrún atá le glacadh ag an gcruinniú ginearálta ag gabháil le gach mír sin, agus go bhfuil sé de cheart acu dréachtrúin a chur síos le haghaidh míreanna atá san áireamh nó atá le háireamh ar chlár oibre an chruinnithe ghinearálta, de réir mar a bheidh. I gcás ina bhfuil na cearta sin faoi réir an choinníll go bhfuil bun íosta ag an scairshealbhóir nó ag na scairshealbhóirí ábhartha sa ghnóthas, ní rachaidh an geall íosta sin thar 5 % den scairchaipiteal. Maidir le dearbhú an tuairiscithe inbhuanaitheachta, ba cheart do scairshealbhóirí a bheith in ann na cearta a leagtar amach in Airteagal 6 de Threoir 2007/36/CE a fheidhmiú chun dréachtrúin atá le glacadh ag an gcruinniú ginearálta a chur síos, lena gceanglaítear, ar an gcéad dul síos, go n-ullmhódh tríú páirtí creidiúnaithe nach mbaineann leis an ngnólacht iniúchóireachta céanna nó leis an líonra céanna leis an iniúchóir reachtúil nó an gnólacht iniúchóireachta a dhéanann an t-iniúchadh reachtúil tuarascáil ar ghnéithe áirithe den tuairisciú inbhuanaitheachta agus, ar an dara dul síos, go gcuirfí tuarascáil den sórt sin ar fáil don chruinniú ginearálta.

I gcás gnóthais atá faoi réir ceanglais tuairiscithe inbhuanaitheachta a thugtar isteach leis an Treoir leasaitheach seo agus nach dtagann faoi raon feidhme Airteagal 6 de Threoir 2007/36/CE, ba cheart an ceart a thabhairt do scairshealbhóirí ar mó iad ná 5 % de na cearta vótála nó 5 % de chaipiteal an ghnóthais, ag gníomhú dóibh ina n-aonar nó i dteannta a chéile, dréachtrún atá le glacadh ag an gcruinniú ginearálta a chur síos, lena gceanglaítear, ar an gcéad dul síos, go n-ullmhódh tríú páirtí creidiúnaithe nach mbaineann leis an ngnólacht iniúchóireachta céanna ná leis an líonra céanna leis an iniúchóir reachtúil nó leis an ngnólacht iniúchóireachta a dhéanann an t-iniúchadh reachtúil tuarascáil ar ghnéithe áirithe den tuairisciú inbhuanaitheachta agus, ar an dara dul síos, go gcuirfí tuarascáil den sórt sin ar fáil don chruinniú ginearálta.

(76)

Le Treoir 2006/43/CE, ceanglaítear ar Bhallstáit a áirithiú go bhfuil coiste iniúchóireachta ag gach eintiteas leasa phoiblí, agus go sonraíonn sé a chuid cúraimí maidir leis an iniúchadh reachtúil. Ba cheart cúraimí áirithe a shannadh don choiste iniúchóireachta maidir le dearbhú an tuairiscithe inbhuanaitheachta. Ba cheart a chuimsiú leis na cúraimí sin an oibleagáid chun comhlacht riaracháin nó maoirseachta an eintitis leasa phoiblí a chur ar an eolas faoi thoradh an dearbhaithe iontaofachta ar an tuairisciú inbhuanaitheachta agus a mhíniú conas a chuidigh an coiste iniúchóireachta le sláine an tuairiscithe inbhuanaitheachta agus cén ról a bhí ag an gcoiste iniúchóireachta sa phróiseas sin. Ba cheart do na Ballstáit a bheith in ann a cheadú gurbh é an comhlacht riaracháin nó maoirseachta ina iomláine nó comhlacht tiomnaithe arna bhunú ag an gcomhlacht sin a dhéanfadh na feidhmeanna a shanntar don choiste iniúchóireachta a bhaineann le tuairisciú inbhuanaitheachta agus a bhaineann le dearbhú an tuairiscithe inbhuanaitheachta.

(77)

Tá ceanglais i dTreoir 2006/43/CE maidir le heintitis iniúchóireachta agus iniúchóirí tríú tír a chlárú agus formhaoirseacht a dhéanamh orthu. Chun a áirithiú gurb ann do chreat comhsheasmhach le haghaidh obair na n-iniúchóirí san iniúchadh reachtúil agus i ndearbhú an tuairiscithe inbhuanaitheachta araon, is gá síneadh a chur leis na ceanglais sin chuig dearbhú an tuairiscithe inbhuanaitheachta.

(78)

Tá feidhm ag Rialachán (AE) Uimh. 537/2014 ó Pharlaimint na hEorpa agus ón gComhairle (37) maidir le hiniúchóirí reachtúla agus gnólachtaí iniúchóireachta a dhéanann iniúchtaí reachtúla ar eintitis leasa phoiblí. Chun neamhspleáchas an iniúchóra reachtúil a áirithiú agus iniúchóireacht reachtúil á déanamh aige nó aici, bunaítear leis an Rialachán sin teorainn maidir leis na táillí do sheirbhísí eile is féidir leis an iniúchóir reachtúil a fháil. Is den tábhacht a shoiléiriú nár cheart dearbhú an tuairiscithe inbhuanaitheachta a áireamh agus an teorainn sin á ríomh. Ina theannta sin, le Rialachán (AE) Uimh. 537/2014, cuirtear cosc ar sholáthar seirbhísí neamh-iniúchóireachta áirithe thar thréimhsí áirithe tráth a dhéanann iniúchóir reachtúil an t-iniúchadh reachtúil. Maidir le seirbhísí a bhaineann le tuairisciú inbhuanaitheachta a ullmhú, lena n-áirítear aon seirbhísí comhairliúcháin, ba cheart iad a mheas freisin mar sheirbhísí toirmiscthe thar an tréimhse a fhorordaítear i Rialachán (AE) Uimh. 537/2014. Ba cheart feidhm a bheith ag toirmeasc soláthair seirbhísí den sórt sin i ngach cás inarb é an t-iniúchóir reachtúil a dhéanann an t-iniúchadh reachtúil ar ráitis airgeadais.

Chun neamhspleáchas an iniúchóra reachtúil a áirithiú, ba cheart toirmeasc a chur freisin ar sheirbhísí áirithe neamh-iniúchóireachta nuair atá dearbhú an tuairiscithe inbhuanaitheachta á dhéanamh ag an iniúchóir reachtúil. Ceanglaítear le Rialachán (AE) Uimh. 537/2014 ar iniúchóirí reachtúla neamhrialtachtaí a thuairisciú don eintiteas a ndéantar iniúchadh air agus, in imthosca áirithe, d”údaráis arna n-ainmniú ag na Ballstáit atá freagrach as na neamhrialtachtaí sin a imscrúdú. Ba cheart na hoibleagáidí sin a shíneadh freisin, de réir mar is iomchuí, le hiniúchóirí reachtúla agus gnólachtaí iniúchóireachta maidir lena gcuid oibre ar dhearbhú tuairiscithe inbhuanaitheachta a dhéanamh ar eintitis leasa phoiblí.

(79)

Le Treoir 2004/109/CE, sanntar cúram ar mhaoirseoirí náisiúnta forfheidhmiú a dhéanamh ar chomhlíonadh na gceanglas tuairiscithe chorparáidigh ag gnóthais a ligtear isteach a gcuid urrús chun a dtrádála ar mhargadh rialáilte san Aontas. Le hAirteagal 4 den Treoir sin, sonraítear an t-ábhar atá le háireamh sna tuarascálacha airgeadais bliantúla, ach níl tagairt shainráite ann d”Airteagal 19a ná 29a de Threoir 2013/34/AE, lena gceanglaítear ráiteas neamhairgeadais agus ráiteas neamhairgeadais comhdhlúite a ullmhú. Mar thoradh air sin, níl aon sainordú dlíthiúil ag údaráis náisiúnta inniúla Ballstát áirithe chun na ráitis neamhairgeadais sin a mhaoirsiú, go háirithe i gcás ina bhfoilsítear na ráitis neamhairgeadais sin i dtuarascáil ar leithligh, lasmuigh den tuarascáil airgeadais bhliantúil, rud a fhéadfaidh na Ballstáit a cheadú faoi láthair. Is gá, dá bhrí sin, tagairt don tuairisciú inbhuanaitheachta a chur isteach in Airteagal 4(5) de Threoir 2004/109/CE. Is gá, freisin, a cheangal ar na daoine atá freagrach laistigh den eisitheoir a dheimhniú sa tuarascáil airgeadais bhliantúil go ndéantar, chomh fada agus is eol dóibh, an tuarascáil bhainistíochta a ullmhú i gcomhréir leis na caighdeáin tuairiscithe inbhuanaitheachta.

Ina theannta sin, i bhfianaise chineál úrnua na gceanglas tuairiscithe inbhuanaitheachta, ba cheart do ÚEUM treoirlínte a eisiúint d”údaráis inniúla náisiúnta chun maoirseacht chóineasaithe ar thuairisciú inbhuanaitheachta arna déanamh ag eisitheoirí faoi réir Threoir 2004/109/CE a chur chun cinn. Níor cheart feidhm a bheith ag na treoirlínte sin ach amháin maidir le maoirseacht ar ghnóthais a ligtear isteach a gcuid urrús chun a dtrádála ar mhargadh rialáilte san Aontas.

(80)

Chun na ceanglais a leagtar amach sa Treoir leasaitheach seo a shonrú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le caighdeáin tuairiscithe inbhuanaitheachta a bhunú agus caighdeáin a bhunú maidir le dearbhú an tuairiscithe inbhuanaitheachta. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (38). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(81)

Ba cheart don Choimisiún tuarascáil a chur faoi bhráid Pharlaimint na hEorpa agus na Comhairle maidir le cur chun feidhme na Treorach leasaithí seo, lena n-áirítear, inter alia: measúnú ar bhaint amach spriocanna na Treorach seo, lena n-áirítear cóineasú na gcleachtas tuairiscithe idir na Ballstáit; measúnú ar líon na ngnóthas beag agus meánmhéide a úsáideann caighdeáin tuairiscithe inbhuanaitheachta go deonach; measúnú ar cibé ar cheart raon feidhme na gceanglas tuairiscithe a leathnú tuilleadh agus conas é sin a dhéanamh, go háirithe i ndáil le gnóthais bheaga agus mheánmhéide agus go gnóthais tríú tír a oibríonn go díreach ar mhargadh inmheánach an Aontais gan foghnóthas nó brainse i gcríoch an Aontais; measúnú ar chur chun feidhme na gceanglas tuairiscithe ar fhoghnóthais agus ar bhrainsí gnóthas tríú tír a thugtar isteach leis an Treoir leasaitheach seo, lena n-áirítear measúnú ar líon na ngnóthas tríú tír a bhfuil fochuideachta, gnóthas nó brainse acu atá faoi réir ceanglais tuairiscithe i gcomhréir le Treoir 2013/34/AE; measúnú ar an sásra forfheidhmiúcháin agus ar na tairseacha ábhartha a leagtar amach i dTreoir 2013/34/AE; measúnú ar cibé ar cheart inrochtaineacht ar thuairisciú inbhuanaitheachta arna fhoilsiú ag gnóthais a thagann faoi raon feidhme na Treorach leasaithí seo a áirithiú do dhaoine faoi mhíchumas agus conas an rochtain sin a áirithiú.

Ba cheart an tuarascáil ar chur chun feidhme na Treorach leasaithí seo a fhoilsiú faoin 30 Aibreán 2029 agus gach 3 bliana ina dhiaidh sin, agus ba cheart tograí reachtacha a bheith ag gabháil léi, más iomchuí. Faoin 31 Nollaig 2028, ba cheart don Choimisiún athbhreithniú agus tuairisciú a dhéanamh ar leibhéal comhchruinnithe an mhargaidh dearbhaithe inbhuanaitheachta. Ba cheart na córais náisiúnta is infheidhme maidir le soláthraithe seirbhísí dearbhaithe neamhspleácha a chur san áireamh san athbhreithniú agus measúnú a dhéanamh an rannchuidíonn na córais náisiúnta sin le hoscailt an mhargaidh dearbhaithe agus a mhéid a rannchuidíonn siad leis an margadh sin a oscailt. Faoin 31 Nollaig 2028, ba cheart don Choimisiún measúnú a dhéanamh ar bhearta dlíthiúla féideartha chun éagsúlú leordhóthanach an mhargaidh dearbhaithe inbhuanaitheachta agus cáilíocht tuairiscithe inbhuanaitheachta iomchuí a áirithiú. Ba cheart an tuarascáil ar leibhéal comhchruinnithe an mhargaidh dearbhaithe inbhuanaitheachta a tharchur chuig Parlaimint na hEorpa agus chuig an gComhairle faoin 31 Nollaig 2028 agus ba cheart tograí reachtacha a bheith ag gabháil léi, más iomchuí.

(82)

Ós rud é nach féidir leis na Ballstáit cuspóirí na Treorach leasaithí seo a ghnóthú go leordhóthanach agus, de bharr fhairsinge agus éifeachtaí na gníomhaíochta, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir leasaitheach seo thar a bhfuil riachtanach chun na cuspóirí sin a ghnóthú.

(83)

Ba cheart, dá bhrí sin, Rialachán (AE) Uimh. 537/2014, Treoir 2004/109/CE, Treoir 2006/43/CE agus Treoir 2013/34/AE a leasú dá réir sin.

(84)

Chuathas i gcomhairle le BCE agus thug sé tuairim uaidh an 7 Meán Fómhair 2021,

(1)

in Airteagal 1, cuirtear na míreanna seo a leanas leis:

(*1)  Treoir 91/674/CEE ón gComhairle an 19 Nollaig 1991 maidir le cuntais bhliantúla agus cuntais chomhdhlúite ghnóthais árachais (IO L 374, 31.12.1991, lch. 7)."

(*2)  Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí creidmheasa agus gnólachtaí infheistíochta, agus lena leasaítear Rialachán (AE) Uimh. 648/2012 (IO L 176, 27.6.2013, lch. 1)."

(*3)  Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht institiúidí creidmheasa agus maidir le maoirseacht stuamachta ar institiúidí creidmheasa agus ar ghnólachtaí infheistíochta, lena leasaítear Treoir 2002/87/CE agus lena n-aisghairtear Treoir 2006/48/CE agus Treoir 2006/49/CE (IO L 176, 27.6.2013, lch. 338)."

(*4)  Rialachán (AE) 2019/2088 ó Pharlaimint na hEorpa agus ón gComhairle an 27 Samhain 2019 maidir le nochtaí ó thaobh na hinbhuanaitheachta de san earnáil airgeadais (IO L 317, 9.12.2019, lch. 1).”;"

(2)

leasaítear Airteagal 2 mar a leanas:

(3)

in Airteagal 19(1), cuirtear an fhomhír seo a leanas leis:

“Déanfaidh gnóthais mhóra, agus gnóthais bheaga agus mheánmhéide, cé is moite de mhicreaghnóthais, ar eintitis leasa phoiblí iad mar a shainmhínítear i bpointe (a) de phointe (1) d”Airteagal 2 faisnéis a thuairisciú maidir leis na príomhacmhainní doláimhsithe agus míneoidh siad an chaoi a mbraitheann samhail ghnó an ghnóthais go bunúsach ar acmhainní den sórt sin agus conas is foinse cruthaithe luacha don ghnóthas iad acmhainní den sórt sin.”;

(4)

cuirtear an méid seo a leanas in ionad Airteagal 19a:

(*8)  Rialachán (AE) 2021/1119 ó Pharlaimint na hEorpa agus ón gComhairle an 30 Meitheamh 2021 lena mbunaítear an creat chun aeráidneodracht a bhaint amach agus lena leasaítear Rialacháin (CE) Uimh. 401/2009 agus (AE) 2018/1999 (“An Dlí Aeráide Eorpach”) (IO L 243, 9.7.2021, lch. 1)."

(*9)  Treoir (AE) 2022/2464 ó Pharlaimint na hEorpa agus ón gComhairle an 14 Nollaig lena leasaítear Rialachán (AE) Uimh. 537/2014, Treoir 2004/109/CE, Treoir 2006/43/CE agus Treoir 2013/34/AE, a mhéid a bhaineann le tuairisciú inbhuanaitheachta corparáideach (IO L 322, 16.12.2022, lch. 15)."

(*10)  Treoir 2009/138/CE ó Pharlaimint na hEorpa agus ón gComhairle an 25 Samhain 2009 maidir le gabháil le gnó Árachais agus Athárachais agus an gnó sin a shaothrú (Sócmhainneacht II) (IO L 335, 17.12.2009, lch. 1)."

(*11)  Treoir 2004/109/CE ó Pharlaimint na hEorpa agus ón gComhairle an 15 Nollaig 2004 maidir le comhchuibhiú ceanglas trédhearcachta i ndáil le faisnéis i dtaobh eisitheoirí a ligtear isteach a gcuid urrús chun a dtrádála ar mhargadh rialáilte agus lena leasaítear Treoir 2001/34/CE (IO L 390, 31.12.2004, lch. 38)."

(*12)  Rialachán (AE) 2020/852 ó Pharlaimint na hEorpa agus ón gComhairle an 18 Meitheamh 2020 maidir le creat a bhunú chun infheistíocht inbhuanaithe a éascú, agus lena leasaítear Rialachán (AE) 2019/2088 (IO L 198, 22.6.2020, lch. 13).”;"

(5)

leasaítear Airteagal 20(1) mar a leanas:

(6)

leasaítear Airteagal 23 mar a leanas:

(7)

cuirtear an méid seo a leanas in ionad Airteagal 29a:

(8)

cuirtear an chaibidil seo a leanas isteach:

(*13)  Rialachán Tarmligthe (AE) 2020/1816 ón gCoimisiún an 17 Iúil 2020 lena bhforlíontar Rialachán (AE) 2016/1011 ó Pharlaimint na hEorpa agus ón gComhairle a mhéid a bhaineann leis an míniú sa ráiteas tagarmhairc ar an gcaoi a léirítear tosca comhshaoil, sóisialta agus rialachais i ngach tagarmharc a sholáthraítear agus a fhoilsítear (IO L 406, 3.12.2020, lch. 1)."

(*14)  Rialachán Tarmligthe (AE) 2020/1817 ón gCoimisiún an 17 Iúil 2020 lena bhforlíontar Rialachán (AE) 2016/1011 ó Pharlaimint na hEorpa agus ón gComhairle a mhéid a bhaineann leis an íosmhéid inneachair a bheidh sa mhíniú ar an gcaoi a léirítear fachtóirí comhshaoil, sóisialta agus rialachais sa mhodheolaíocht tagarmhairc (IO L 406, 3.12.2020, lch. 12)."

(*15)  Rialachán Tarmligthe (AE) 2020/1818 ón gCoimisiún an 17 Iúil 2020 lena bhforlíontar Rialachán (AE) 2016/1011 ó Pharlaimint na hEorpa agus ón gComhairle a mhéid a bhaineann le híoschaighdeáin i gcomhair Thagarmharcanna Aistrithe Aeráide AE agus Thagarmharcanna AE atá ailínithe le Comhaontú Pháras (IO L 406, 3.12.2020, lch. 17)."

(*16)  Moladh 2013/179/AE ón gCoimisiún an 9 Aibreán 2013 maidir le modhanna coiteanna a úsáid chun feidhmíocht chomhshaoil saolré táirgí agus eagraíochtaí a thomhas agus a chur in iúl (IO L 124, 4.5.2013, lch. 1)."

(*17)  Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear scéim i ndáil le trádáil ar lamháltais i gcomhair astaíochtaí gás ceaptha teasa laistigh den Chomhphobal agus lena leasaítear Treoir 96/61/CE ón gComhairle (IO L 275, 25.10.2003, lch. 32)."

(*18)  Rialachán (CE) Uimh. 1221/2009 ó Pharlaimint na hEorpa agus ón gComhairle an 25 Samhain 2009 maidir le rannpháirtíocht shaorálach eagraíochtaí i scéim Chomhphobail um bainistíocht agus iniúchadh comhshaoil (EMAS), agus lena n-aisghairtear Rialachán (CE) Uimh. 761/2001 agus Cinntí 2001/681/CE agus 2006/193/CE ón gCoimisiún (IO L 342, 22.12.2009, lch. 1)."

(*19)  Treoir (AE) 2019/1937 ó Pharlaimint na hEorpa agus ón gComhairle an 23 Deireadh Fómhair 2019 maidir le cosaint daoine a thuairiscíonn sáruithe ar dhlí an Aontais (IO L 305, 26.11.2019, lch. 17).”;"

(9)

cuirtear an chaibidil seo a leanas isteach:

(*20)  Rialachán Tarmligthe (AE) 2019/815 ón gCoimisiún an 17 Nollaig 2018 lena bhforlíontar Treoir 2004/109/CE ó Pharlaimint na hEorpa agus ón gComhairle maidir le caighdeáin theicniúla rialála i dtaca le sonraíocht formáide tuairiscithe leictreonaigh aonair (IO L 143, 29.5.2019, lch. 1).”;"

(10)

in Airteagal 30, cuirtear an méid seo a leanas in ionad mhír 1:

(*21)  Treoir (AE) 2017/1132 ó Pharlaimint na hEorpa agus ón gComhairle an 14 Meitheamh 2017 maidir le gnéithe áirithe de dhlí na gcuideachtaí (IO L 169, 30.6.2017, lch. 46).”;"

(11)

in Airteagal 33, cuirtear an méid seo a leanas in ionad mhír 1:

(12)

cuirtear an méid seo a leanas in ionad theideal Chaibidil 8:

“Iniúchóireacht agus dearbhú an tuairiscithe inbhuanaitheachta”;

(13)

leasaítear Airteagal 34 mar a leanas:

(14)

cuirtear an chaibidil seo a leanas isteach:

(15)

cuirtear an méid seo a leanas in ionad theideal Chaibidil 11:

(16)

cuirtear an t-airteagal seo a leanas isteach:

(17)

leasaítear Airteagal 49 mar a leanas:

(1)

in Airteagal 2(1), cuirtear an pointe seo a leanas leis:

(*23)  Treoir 2013/34/AE ó Pharlaimint na hEorpa agus ón gComhairle an 26 Meitheamh 2013 maidir leis na ráitis airgeadais bhliantúla, na ráitis airgeadais chomhdhlúite agus tuarascálacha gaolmhara maidir le cineálacha áirithe gnóthas, lena leasaítear Treoir 2006/43/CE ó Pharlaimint na hEorpa agus ón gComhairle agus lena n-aisghairtear Treoir 78/660/CEE agus Treoir 83/349/CEE ón gComhairle (IO L 182, 29.6.2013, lch. 19).”;"

(2)

leasaítear Airteagal 4 mar a leanas:

(3)

leasaítear Airteagal 23(4) mar a leanas:

(4)

cuirtear an tAirteagal seo a leanas isteach:

(1)

cuirtear an méid seo a leanas in ionad Airteagal 1:

(2)

leasaítear Airteagal 2 mar a leanas:

(3)

cuirtear an méid seo a leanas in ionad Airteagal 6:

(4)

cuirtear an méid seo a leanas in ionad Airteagal 7:

(5)

in Airteagal 8, cuirtear an mhír seo a leanas leis:

(6)

in Airteagal 10(1), cuirtear an fhomhír seo a leanas leis:

“Chun go bhformheasfar freisin an t-iniúchóir reachtúil nó an t-oiliúnaí chun dearbhú an tuairiscithe inbhuanaitheachta a dhéanamh, bainfidh ar a laghad 8 mí den oiliúint phraiticiúil dá dtagraítear sa chéad fhomhír le dearbhú an tuairiscithe inbhuanaitheachta bhliantúil agus chomhdhlúite nó le seirbhísí eile a bhaineann leis an inbhuanaitheacht.”;

(7)

cuirtear an méid seo a leanas in ionad Airteagal 12:

(8)

in Airteagal 14(2), cuirtear an fhomhír seo a leanas leis:

“Chun go bhformheasfar an t-iniúchóir reachtúil chun dearbhú an tuairiscithe inbhuanaitheachta a dhéanamh freisin, cumhdófar leis an triail inniúlachta dá dtagraítear sa chéad fhomhír eolas leordhóthanach an iniúchóra reachtúil ar dhlíthe agus rialacháin an Bhallstáit óstaigh a mhéid is ábhartha maidir le dearbhú an tuairiscithe inbhuanaitheachta.”;

(9)

cuirtear an tAirteagal seo a leanas isteach:

(10)

leasaítear Airteagal 16 mar a leanas:

(11)

leasaítear Airteagal 17 mar a leanas:

(12)

leasaítear Airteagal 24b mar a leanas:

(13)

cuirtear an méid seo a leanas in ionad Airteagal 25:

(14)

cuirtear na hAirteagail seo a leanas isteach:

(15)

cuirtear an tAirteagal seo a leanas isteach:

(16)

cuirtear an tAirteagal seo a leanas isteach:

(17)

in Airteagal 28(2), cuirtear an méid seo a leanas in ionad phointe (e):

(18)

cuirtear an tAirteagal seo a leanas isteach:

(19)

leasaítear Airteagal 29 mar a leanas:

(20)

in Airteagal 30, cuirtear an méid seo a leanas in ionad mhíreanna 1 agus 2:

(21)

in Airteagal 30a(1), cuirtear an pointe seo a leanas isteach:

(22)

in Airteagal 30a(1), cuirtear an pointe seo a leanas isteach:

(23)

leasaítear Airteagal 32 mar a leanas:

(24)

cuirtear an tAirteagal seo a leanas isteach:

(25)

leasaítear Airteagal 37 mar a leanas:

(26)

leasaítear Airteagal 38 mar a leanas:

(27)

leasaítear Airteagal 39 mar a leanas:

(28)

leasaítear Airteagal 45 mar a leanas:

(29)

leasaítear Airteagal 48a mar a leanas:

(1)

in Airteagal 4(2), cuirtear an méid seo a leanas in ionad an dara fomhír:

“Chun críocha na dteorainneacha a shonraítear sa chéad fhomhír den mhír seo, eisiafar dearbhú an tuairiscithe inbhuanaitheachta, agus seirbhísí neamh-iniúchóireachta seachas na cinn dá dtagraítear in Airteagal 5(1), a cheanglaítear le reachtaíocht an Aontais nó le reachtaíocht náisiúnta.”;

(2)

leasaítear Airteagal 5 mar a leanas:

(1)

Tá margadh an Aontais Eorpaigh le haghaidh ionchuir áirithe leasacháin nítrigine ag brath go mór ar allmhairí ó thríú tíortha. In 2021, d’allmhairigh an tAontas 2,9 milliún tona amóinia agus 4,7 milliún tona úiré chun leasacháin nítrigine a tháirgeadh. Tháinig méadú suntasach ar phraghsanna na dtáirgí sin in 2021 agus tá méadú breise tagtha orthu le linn na bliana reatha.

(2)

Faoi láthair, déantar cuid shuntasach de na hionchuir sin le haghaidh leasacháin nítrigine a allmhairiú isteach san Aontas ó thríú tíortha a bhaineann tairbhe as rochtain fhabhrach ar mhargadh an Aontais, agus dá bhrí sin tá na hallmhairí saor ó dhleacht. D’ainneoin sin, allmhairíonn an tAontas méid mór ionchur le haghaidh leasacháin nítrigine de thionscnamh tíortha atá faoi réir na Comhtharaife Custaim a leagtar amach in Rialachán (CEE) Uimh. 2658/87 ón gComhairle (1), agus tá rátaí taraife idir 5,5 % agus 6,5 % ann faoi láthair.

(3)

I dteachtaireacht ón gCoimisiún an 23 Márta 2022 maidir leis “An tSlándáil bia a choimiriciú agus athléimneacht na gcóras bia a neartú”, tugann an Coimisiún dá aire go raibh borradh suntasach faoi phraghsanna i margaí tráchtearraí cheana féin roimh ionradh na Rúise ar an Úcráin, rud a léiríodh i margaí talmhaíochta trí méaduithe ar chostais fuinnimh agus leasacháin, agus méadú ar phraghsanna earraí talmhaíochta. Tugann an Coimisiún dá aire go bhfuil méadú breise tagtha ar phraghsanna i margaí talmhaíochta mar gheall ar an ionradh ar an Úcráin agus ar an ardú domhanda ar phraghsanna tráchtearraí, agus go bhfuil siad ag nochtadh leochaileachtaí chóras bia an Aontais, atá ag brath go páirteach ar allmhairiú leasachán. Leis sin méadaítear costais ar tháirgeoirí agus bíonn tionchar aige ar phraghas an bhia, rud a fhágann go bhfuil imní ann a mhéid a bhaineann le cumhacht cheannaigh tomhaltóirí, agus le hioncam fheirmeoirí san Aontas. Cuireann an Coimisiún i dtábhacht nach mór, sa ghearrthéarma, tús áite a thabhairt do chostas agus infhaighteacht leasachán mianraí, go dtí go n-aistreofar chuig cineálacha leasachán inbhuanaithe nó modhanna leasacháin inbhuanaithe. Le linn na tréimhse sin, ní mór don tionscal leasachán san Aontas a bheith in ann rochtain a fháil ar na hallmhairí riachtanacha, lena n-áirítear ionchuir chun leasacháin a tháirgeadh laistigh den Aontas é féin. Cuireann an Coimisiún i bhfios go láidir freisin go ndéanfar faireachán ar phraghsanna leasacháin agus ar sholáthairtí d’fheirmeoirí chun a áirithiú nach gcuirfear na hionchais le haghaidh Fómhair an Aontais i mbaol.

(4)

I bhfianaise an mhéid sin, is iomchuí gníomhaíocht a dhéanamh chun na costais atá le híoc ag táirgeoirí leasacháin an Aontais agus na hionchuir is gá chun leasacháin nítrigine a tháirgeadh á n-allmhairiú acu, na costais sin a laghdú.

(5)

Ina theannta sin, tráth an ghanntanais leasachán nítrigine ar mhargaí idirnáisiúnta, is dídhreasacht do sholáthar mhargadh an Aontais é taraifí maidir le hionchuir idirmheánacha amhail amóinia agus úiré a allmhairiú isteach san Aontas, i gcomparáid le margaí domhanda eile nach bhfuil taraifí allmhairiúcháin acu. Cuireann an difreálach taraife bac freisin ar na hiarrachtaí atá á ndéanamh chun allmhairí an Aontais a éagsúlú.

(6)

Is iomchuí, dá bhrí sin, dleachtanna na Comhtharaife Custaim dá dtagraítear in Airteagal 56(2), pointe (c), de Rialachán (AE) Uimh. 952/2013 ó Pharlaimint na hEorpa agus ón gComhairle (2) a chur ar fionraí go sealadach i gcás ionchuir áirithe leasachán nítrigine. Ba cheart feidhm a bheith ag an mbeart sealadach seo go ceann tréimhse 6 mhí ó dháta theacht i bhfeidhm an Rialacháin seo. Ionas go mbeifear in ann measúnú a dhéanamh ar éifeachtaí an bhirt, ba cheart don Choimisiún tuarascáil a dhéanamh agus í a chur faoi bhráid na Comhairle.

(7)

Ag an am céanna, i gcomhréir le hAirteagal 21(3) den Chonradh ar an Aontas Eorpach, áiritheoidh an tAontas comhsheasmhacht idir réimsí éagsúla a ghníomhaíochta seachtraí agus idir a ghníomhaíocht sheachtrach agus beartais eile an Aontais chomh maith.

(8)

Tá forbairt an-diúltach tagtha ar an gcaidreamh idir an tAontas agus Cónaidhm na Rúise le blianta beaga anuas, agus tá meath ar leith tagtha air le míonna beaga anuas ó thaobh neamhaird Chónaidhm na Rúise ar an dlí idirnáisiúnta agus go háirithe a cogadh foghach gan chúis gan údar i gcoinne na hÚcráine.

(9)

Ó bhí mí Iúil 2014 ann, tá bearta sriantacha á bhforchur de réir a chéile ag an Aontas ar Chónaidhm na Rúise. Sna conclúidí uaithi an 24 Feabhra 2022, chuir an Chomhairle Eorpach in iúl go bhfuil an fogha míleata gan chúis gan údar a thugann Cónaidhm na Rúise ar an Úcráin ag sárú an dlí idirnáisiúnta agus phrionsabail Chairt na Náisiún Aontaithe agus go bhfuil an t-ionsaí sin ag baint an bhoinn de shlándáil agus cobhsaíocht na hEorpa agus an domhain.

(10)

Le déanaí, an 3 Meitheamh 2022, ghlac an Chomhairle an séú pacáiste smachtbhannaí i gcoinne Chónaidhm na Rúise mar gheall ar an gcogadh foghach leanúnach i gcoinne na hÚcráine agus na hainghníomhartha tuairiscithe a rinne fórsaí armtha na Rúise san Úcráin.

(11)

Thairis sin, cé gur comhalta den Eagraíocht Dhomhanda Trádála í Cónaidhm na Rúise, scaoiltear an tAontas, de bhua na n-eisceachtaí a bhfuil feidhm acu faoin gComhaontú lena mbunaítear an Eagraíocht Dhomhanda Trádála, agus go háirithe Airteagal XXI de GATT 1994, ón oibleagáid na buntáistí a dheonaítear do tháirgí comhchosúla a allmhairítear ó thíortha eile (cóir an náisiúin barrfhabhair) a thabhairt do tháirgí a allmhairítear ó Chónaidhm na Rúise.

(12)

Dá bhrí sin, ní bheadh sé iomchuí allmhairí ó Chónaidhm na Rúise a bheith saor ó dhleacht agus cóir an náisiúin bharrfhabhair a thabhairt dóibh maidir leis na táirgí a chumhdaítear leis an Rialachán seo.

(13)

Tá meath tagtha freisin ar an staid idir an tAontas agus an Bhealarúis le blianta beaga anuas, mar gheall ar neamhaird an réimis ar an dlí idirnáisiúnta, ar chearta bunúsacha agus ar chearta an duine. Ina theannta sin, thacaigh an Bhealarúis le cogadh foghach Chónaidhm na Rúise i gcoinne na hÚcráine ón tús, inter alia trí chead a thabhairt do Chónaidhm na Rúise diúracáin bhalaistíocha a scaoileadh ó chríoch na Bealarúise, trí iompar pearsanra míleata agus airm throma, tancanna agus iompróirí míleata de chuid na Rúise a chumasú, trí chead a thabhairt d’aerárthaí míleata na Rúise eitilt thar aerspás na Bealarúise go dtí an Úcráin, trí pointí athbhreoslaithe a chur ar fáil, agus trí airm Rúiseach agus trealamh míleata Rúiseach a stóráil sa Bhealarúis.

(14)

Ó mhí Dheireadh Fómhair 2020, tá bearta sriantacha á bhforchur de réir a chéile ag an Aontas ar an mBealarúis. An 2 Nollaig 2021, ghlac an Chomhairle an cúigiú pacáiste smachtbhannaí ag féachaint do sháruithe leanúnacha ar chearta an duine agus ar ionstraimiú imirceach. Glacadh pacáistí breise smachtbhannaí an 24 Feabhra, an 2 Márta, an 9 Márta agus an 3 Meitheamh 2022, i bhfianaise rannpháirtíocht na Bealarúise i gcogadh foghach gan chúis gan údar Chónaidhm na Rúise i gcoinne na hÚcráine. Ina theannta sin, níl an Bhealarúis ina comhalta den Eagraíocht Dhomhanda Trádála. Dá bhrí sin, níl sé d’oibleagáid ar an Aontas, de bhua an Chomhaontaithe lena mbunaítear an Eagraíocht Dhomhanda Trádála, cóir an náisiúin barrfhabhair a thabhairt do tháirgí ón mBealarúis. Ina theannta sin, le comhaontuithe trádála ceadaítear gníomhaíochtaí a bhfuil bonn cirt leo ar bhonn clásail eisceachta is infheidhme, go háirithe eisceachtaí slándála.

(15)

I bhfianaise an mhéid sin, is iomchuí Cónaidhm na Rúise agus an Bhealarúis a eisiamh ó raon feidhme na bhfionraíochtaí taraife uathrialaitheacha a leagtar amach sa Rialachán seo, agus na Rialacha Ginearálta maidir le dleachtanna Iarscríbhinn I a ghabhann le Rialachán (CEE) Uimh. 2658/87, go háirithe Cuid I, Roinn I, cuid B, mír 1, de, á gcur i bhfeidhm.

(16)

Dá réir sin, níor cheart allmhairí ionchur le haghaidh leasacháin nítrigine de thionscnamh Chónaidhm na Rúise agus na Bealarúise a bheith faoi réir na fionraí dleachta. Ina ionad sin, ba cheart go leanfadh allmhairí na dtáirgí lena mbaineann an Rialachán seo ó Chónaidhm na Rúise agus ón mBealarúis de bheith faoi réir na dleachta allmhairiúcháin a raibh siad faoina réir roimhe seo.

(17)

I bhfianaise an mhéadaithe shuntasaigh thobainn atá tagtha ar phraghsanna na n-ionchur le haghaidh táirgeadh leasachán nítrigine, atá níos measa fós mar gheall ar an staid éigeandála a spreag cogadh foghach Chónaidhm na Rúise i gcoinne na hÚcráine i margadh na leasachán, ba cheart don rialachán seo teacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

(18)

Ba cheart, dá bhrí sin, Iarscríbhinn I a ghabhann le Rialachán (CEE) Uimh. 2658/87 a leasú dá réir,

(1)

I gCuid a Dó, Roinn VI, Caibidil 28, cuirtear an méid seo a leanas in ionad an téacs le haghaidh chód AC 2814 10 00 i gcolún 3 (“Ráta caighdeánach dleachta (%)”):

“5,5 (*1)

(*1)  Dleacht chustaim curtha ar fionraí go huathrialach go ceann tréimhse 6 mhí dar tús an 16 Nollaig 2022, cé is moite den Rúis agus den Bhealarúis a bhfuil feidhm ag ráta 5,5 % ina leith, de bhun Rialachán (AE) 2022/2465 ón gComhairle.”;"

(2)

I gCuid a Dó, Roinn I, Caibidil 31, cuirtear an méid seo a leanas in ionad an téacs le haghaidh chóid AC 3102 10 10 agus 3102 10 90 i gcolún 3 (“Ráta caighdeánach dleachta (%)”):

“6,5 (*2)

(*2)  Dleacht chustaim curtha ar fionraí go huathrialach go ceann tréimhse 6 mhí dar tús an 16 Nollaig 2022, cé is moite den Rúis agus den Bhealarúis a bhfuil feidhm ag ráta 6,5 % ina leith, de bhun Rialachán (AE) 2022/2465 ón gComhairle.”."

(1)

I gcomhréir le hAirteagal 50(2), pointe (a), de Rialachán (AE) Uimh. 1151/2012, rinneadh an t-iarratas a thíolaic an Spáinn ar chlárú an ainm “Nuez de Pedroso” a fhoilsiú in Iris Oifigiúil an Aontais Eorpaigh (2).

(2)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart an t-ainm “Nuez de Pedroso” a chlárú,

(1)

Is éard a leagtar síos le Rialachán (CE) Uimh. 1484/95 ón gCoimisiún (3) rialacha mionsonraithe chun córas na ndleachtanna allmhairithe breise a chur chun feidhme, agus le praghsanna ionadaíocha a shocrú in earnáil na feola éanlaithe clóis agus in earnáil na n-uibheacha agus i gcás gealacáin uibhe.

(2)

Is éard a léiríonn faireachán rialta ar na sonraí a úsáidtear chun praghsanna ionadaíocha d’fheoil éanlaithe agus do tháirgí uibheacha a shocrú, sin agus an faireachán rialta ar ghealacáin uibhe, gur cheart na praghsanna allmhairithe ionadaíocha ar tháirgí áirithe a leasú chun an éagsúlacht praghsanna de réir áit tionscnaimh cuid de na hearraí a chur san áireamh.

(3)

Ba cheart, dá bhrí sin, Rialachán (CE) Uimh. 1484/95 a leasú dá réir sin.

(4)

Toisc gur gá a áirithiú go mbeidh feidhm ag an mbeart seo a thúisce is féidir ach a mbeidh na sonraí nuashonraithe ar fáil, ba cheart an Rialachán seo a theacht i bhfeidhm lá a fhoilsithe,

(1)

In Iarscríbhinn II a ghabhann le Rialachán Cur Chun Feidhme (AE) 2021/2325 ón gCoimisiún (2) leagtar amach liosta na n-údarás rialaithe agus na gcomhlachtaí rialaithe a dhéantar a aithint chun críche coibhéise agus atá inniúil chun rialuithe a dhéanamh agus deimhnithe a eisiúint i dtríú tíortha.

(2)

In Iarscríbhinn II a ghabhann le Rialachán Cur Chun Feidhme (AE) 2021/2325, liostaítear “IMOCERT Latinoamérica Ltda” mar chomhlacht aitheanta le haghaidh Chósta Ríce agus is earráid é sin. Ní mór an iontráil ábhartha a cheartú.

(3)

Dá bhrí sin, ba cheart Rialachán Cur Chun Feidhme (AE) 2021/2325 a cheartú dá réir.

(4)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Tháirgeadh Orgánach,

(1)

Thug an tAontas an Comhaontú Saorthrádála idir an tAontas Eorpach agus Poblacht Shingeapór (“an Comhaontú”) i gcrích trí bhíthin Chinneadh (AE) 2019/1875 (1) ón gComhairle, agus tháinig sé i bhfeidhm an 21 Samhain 2019.

(2)

De bhun Airteagal 34 de Phrótacal 1 a ghabhann leis an gComhaontú, féadfaidh an Coiste um Chustam Cinntí a ghlacadh chun forálacha an Prótacail sin a leasú.

(3)

Tá an Coiste um Chustam, le linn an chéad chruinnithe a bheidh aige, le Cinneadh a ghlacadh lena leasófar Prótacal 1 agus na hIarscríbhinní a ghabhann leis (“an Cinneadh”).

(4)

Is iomchuí an seasamh atá le glacadh thar ceann an Aontais sa Choiste um Chustam a leagan síos, ós rud é go mbeidh an Cinneadh ina cheangal ar an Aontas.

(5)

Tugadh isteach leasuithe ar an bPrótacal an 1 Eanáir 2012, an 1 Eanáir 2017 agus an 1 Eanáir 2022 i ndáil leis an ainmníocht arna rialú ag an gChoinbhinsiún Idirnáisiúnta ar an gCóras Comhchuibhithe um Thuairisciú agus um Chódú Tráchtearraí (“CC”). Is gá an Cinneadh chun Prótacal 1 agus na hIarscríbhinní a ghabhann leis a thabhairt cothrom le dáta chun an leagan is déanaí de CC a léiriú.

(6)

Ba cheart raon feidhme na gcuótaí bliantúla a leagtar amach in Iarscríbhinn B(a) a ghabhann le Prótacal 1 maidir le feoil lóin stánaithe, millíní éisc curaí agus millíní cudail a leathnú, ionas gur féidir le honnmhaireoirí Shingeapór iad a úsáid.

(7)

Chun foráil a dhéanamh maidir le cóir chomhionann idir oibreoirí eacnamaíocha sa dá Pháirtí a mhéid a bhaineann leis an deimhniú tionscnaimh, ba cheart Prótacal 1 a leasú ionas go bhféadfaidh gach Páirtí a chinneadh, i gcomhréir lena ndlíthe agus rialacháin féin, cén t-onnmhaireoir is féidir féindeimhniúchán a dhéanamh ar thionscnamh a tháirgí tionscnaimh. San Aontas, fágfaidh sé sin go ndeimhneoidh onnmhaireoirí cláraithe tionscnamh na n-earraí seachas onnmhaireoirí formheasta, ar an gcuma chéanna leis an gcóras a chuireann Singeapór i bhfeidhm i gcomhthéacs an Chomhaontaithe,