(1)

Tá an tAontas Eorpach ar cheann de na bloic thrádála is mó ar domhain, agus is cloch choirnéil de sin an t-aontas custaim. Tá an t-aontas custaim bunriachtanach do lánpháirtiú rathúil an Aontais agus d’fheidhmiú cuí an mhargaidh inmheánaigh, chun leasa gnólachtaí agus tomhaltóirí.

(2)

Tá trádáil idirnáisiúnta an Aontais faoi réir reachtaíocht chustaim agus reachtaíocht nach reachtaíocht chustaim í araon. Tá reachtaíocht nach reachtaíocht chustaim í infheidhme maidir le hearraí sonracha i réimsí beartais lena n-áirítear sláinte agus sábháilteacht, an comhshaol, talmhaíocht, an t-iascach, oidhreacht chultúrtha agus faireachas margaidh. Ar na príomhchúraimí a shanntar d’údaráis chustaim faoi Rialachán (AE) Uimh. 952/2013 ó Pharlaimint na hEorpa agus ón gComhairle (3), tá slándáil agus sábháilteacht an Aontais agus na ndaoine atá ina gcónaí ann agus cosaint an chomhshaoil a áirithiú, i gcás inarb iomchuí, i ndlúthchomhar le húdaráis eile. Mar gheall ar an easpa ailínithe idir foirmiúlachtaí neamhchustaim an Aontais agus foirmiúlachtaí custaim, bíonn oibleagáidí tuairiscithe casta troma le haghaidh trádálaithe, próisis neamhéifeachtacha um imréiteach earraí atá fabhrach d’earráidí agus don chalaois agus costais bhreise d’oibreoirí eacnamaíocha. Tá easpa idir-inoibritheachta na gcóras a úsáideann na húdaráis chustaim sin agus údaráis eile ina constaic mhór roimh dhul chun cinn maidir leis an margadh aonair digiteach a chur i gcrích i ndáil le rialuithe custaim. Chun aghaidh a thabhairt ar an idir-inoibritheacht ilroinnte idir údaráis chustaim agus údaráis inniúla chomhpháirtíochta maidir leis na próisis um imréiteach earraí a bhainistiú agus chun an ghníomhaíocht sa réimse seo a chomhordú, rinne an Coimisiún agus na Ballstáit roinnt gealltanas i gcaitheamh na mblianta maidir le tionscnaimh ionaid ilfhreastail a fhorbairt chun earraí a imréiteach.

(3)

I gcomhréir le Cinneadh Uimh. 70/2008/CE ó Pharlaimint na hEorpa agus ón gComhairle (4), tá na Ballstáit agus an Coimisiún le féachaint le creat seirbhísí ilfhreastail a bhunú agus a chur ag obair lena bhforáiltear do shreabhadh rianúil sonraí idir oibreoirí eacnamaíocha agus údaráis chustaim, idir údaráis chustaim agus an Coimisiún, idir údaráis chustaim agus riaracháin nó gníomhaireachtaí eile, agus idir córas custaim amháin agus córas custaim eile ar fud an Aontais. Tá codanna áirithe den Chinneadh sin atá dímholta nó nach bhfuil coincréiteach go leor chun dul chun cinn breise a spreagadh agus a dhreasú, go háirithe maidir leis an tionscnamh ilfhreastail. Mar obair leantach ar an méid sin, agus i gcomhréir leis an tuarascáil deiridh ón gCoimisiún an 21 Eanáir 2015 dar teideal ‘Evaluation of the electronic customs implementation in the EU’ [Meastóireacht ar chur chun feidhme custaim leictreonaigh san Aontas Eorpach], formhuiníodh Dearbhú na Veinéise an 15 Deireadh Fómhair 2014 sna Conclúidí ón gComhairle an 17 Nollaig 2014 maidir le Custam Leictreonach agus Cur Chun Feidhme Ionaid Ilfhreastail san Aontas Eorpach agus iarradh ar an gCoimisiún togra a thíolacadh le haghaidh athbhreithniú ar Chinneadh Uimh. 70/2008/CE.

(4)

An 1 Deireadh Fómhair 2015, ghlac an Chomhairle Cinneadh (AE) 2015/1947 (5) lena dtugtar chun críche, thar ceann an Aontais, an Comhaontú um Éascú Trádála, a tháinig i bhfeidhm an 22 Feabhra 2017. Is é atá sa chomhaontú sin an iarracht is fairsinge ar éascú trádála agus athchóiriú custaim a rinneadh faoin Eagraíocht Dhomhanda Trádála. Tá forálacha ann arb é is aidhm leo feabhas nach beag a chur ar imréiteach earraí agus ar chomhar éifeachtach idir údaráis chustaim agus údaráis rialála eile san éascú trádála agus i saincheisteanna comhlíonta custaim. I gcomhréir le hAirteagal 10(4) den chomhaontú sin, tá baill le féachaint le hionad ilfhreastail a bhunú nó a choinneáil ar bun, ionad lena ligfear do thrádálaithe doiciméadacht agus/nó ceanglais sonraí a chur isteach maidir le hearraí a allmhairiú, a onnmhairiú nó a thrasghluaiseacht chuig na húdaráis nó na gníomhaireachtaí rannpháirtíochta trí phointe iontrála aonair. I gcás ina measfar é a bheith iomchuí agus i gcás ina bhforáiltear dó sin i reachtaíocht an Aontais nach reachtaíocht chustaim í, ba cheart na Ballstáit a bheith in ann a chur ar chumas trádálaithe doiciméadacht agus/nó ceanglais sonraí a chur isteach maidir le hearraí atá á stóráil go sealadach tríd an bpointe iontrála aonair sin.

(5)

Na húdaráis ar fad a bhfuil baint acu leis an bpróiseas imréitigh earraí, is cúram dóibh an t-éascú trádála agus an tsábháilteacht agus slándáil. Rinne an t-ardú mear i dtrádáil idirnáisiúnta agus sa r-thráchtáil méadú ar an ngá atá le comhar agus comhordú feabhsaithe i measc na n-údarás sin. Le próiseas leanúnach na digiteála is féidir aghaidh a thabhairt ar an staid sin ar bhealach níos éifeachtúla trí chórais na n-údarás custaim agus na n-údarás inniúil comhpháirtíochta a nascadh agus trí mhalartú comhtháite, inrochtana agus córasach uathoibrithe faisnéise a chumasú eatarthu, a bhfuil neartú comhair maidir le nósanna imeachta custaim mar chuspóir leis. Mar sin, níl an creat comhlíonta rialála atá ann faoi láthair leordhóthanach chun tacú le hidirghníomhaíocht éifeachtach idir údaráis chustaim agus údaráis inniúla chomhpháirtíochta, a bhfuil ilroinnt agus iomarcaíocht mar shaintréithe dá gcórais agus dá nósanna imeachta. Le haghaidh próiseas imréitigh earraí atá lánchomhordaithe agus éifeachtúil, teastaíonn timpeallacht rialála chuíchóirithe san Aontas le haghaidh trádáil idirnáisiúnta, timpeallacht ina soláthrófar tairbhí fadtéarmacha don Aontas agus dá chónaitheoirí sna réimsí beartais uile, ina dtacófar le héifeachtacht agus dea-fheidhmiú an mhargaidh inmheánaigh agus ina ndéanfar cosaint tomhaltóirí a áirithiú.

(6)

Maidir le Tuarascáil Speisialta 4/2021 ó Chúirt Iniúchóirí na hEorpa dar teideal ‘Customs controls: insufficient harmonisation hampers EU financial interests’ (“Rialuithe custaim: comhchuibhiú neamhleor ag cur isteach ar leasanna airgeadais an Aontais”] agus le Conclúidí ón gComhairle an 28 Meitheamh 2021 maidir leis an Tuarascáil Speisialta sin, ba cheart iad a chur san áireamh agus an Rialachán seo á chur chun feidhme, ós rud é go bhfuil gá le dóthain acmhainní agus foirne chun feidhmiú cuí an mhargaidh inmheánaigh agus an aontais chustaim a bhaint amach.

(7)

Le Plean Gníomhaíochta Ríomhrialtais an Aontais Eorpaigh 2016-2020 a leagtar amach sa Teachtaireacht ón gCoimisiún an 19 Aibreán 2016 féachtar le cur le héifeachtúlacht na seirbhísí poiblí trí na bacainní digiteacha atá ann faoi láthair a bhaint, tríd an ualach riaracháin a laghdú agus trí chaighdeán na n-idirghníomhaíochtaí idir na húdaráis náisiúnta a fheabhsú. Go háirithe, cumhdaítear sa phlean gníomhaíochta sin prionsabail amhail prionsabal an chaighdeáin seirbhíse “digiteach mar réamhshocrú”, prionsabal tuairiscithe “na haon uair amháin” agus an prionsabal “trasteorann mar réamhshocrú”, arb é is aidhm dóibh soghluaisteacht laistigh den mhargadh aonair digiteach a éascú. Cumhdaítear ann freisin prionsabal “na hidir-inoibritheachta mar réamhshocrú”, arb é is aidhm dó a áirithiú go n-oibreoidh seirbhísí poiblí gan uaim ar fud an mhargaidh inmheánaigh, agus an prionsabal i dtaca le hiontaofacht na sonraí pearsanta agus na slándála TF.

(8)

I gcomhréir leis an bhfís a leagtar amach i bPlean Gníomhaíochta Ríomhrialtais an Aontais Eorpaigh 2016-2020 agus le hiarrachtaí ar bhonn níos leithne chun na próisis tuarascála maidir le trádáil idirnáisiúnta earraí a shimpliú agus a dhigiteáil, d’fhorbair an Coimisiún treoirthionscadal deonach ar a dtugtar “Córas Malartaithe Deimhnithe d’Ionad Ilfhreastail an Aontais Eorpaigh maidir le Custam”. Leis an tionscadal sin lamháiltear do na húdaráis chustaim comhlíontacht a fhíorú go huathoibríoch le líon teoranta foirmiúlachtaí neamhchustaim, lena gcumasaítear d’fhaisnéis a mhalartú idir córais chustaim na mBallstát rannpháirteach agus córais neamhchustaim an Aontais faoi seach lena mbainistítear foirmiúlachtaí neamhchustaim. Cé go bhfuil feabhas tagtha ar nósanna imeachta imréitigh de bharr an tionscadail, is léir go gcuireann an bunús deonach atá leis teorainn lena acmhainneacht maidir le tairbhí suntasacha a ghiniúint le haghaidh údaráis chustaim, údaráis inniúla chomhpháirtíochta agus oibreoirí eacnamaíocha. Tá na tairbhí a d’fhéadfadh a bheith ag baint leis an tionscadal teoranta go háirithe toisc nach bhfuil léargas cuimsitheach ann ar na hallmhairí uile chuig an Aontas agus ar na honnmhairí uile ón Aontas agus toisc nach bhfuil ach éifeacht theoranta aige maidir leis an ualach riaracháin ar oibreoirí eacnamaíocha a laghdú.

(9)

Chun timpeallacht lándigiteach agus próiseas imréitigh earraí éifeachtúil a bhaint amach le haghaidh na bpáirtithe uile atá rannpháirteach sa trádáil idirnáisiúnta, is gá rialacha comhchoiteanna a bhunú le haghaidh Thimpeallacht Ionaid Ilfhreastail an Aontais Eorpaigh maidir le Custam (“Timpeallacht Ionaid Ilfhreastail AE maidir le Custam”) a bheidh comhchuibhithe agus comhtháite. Seirbhísí leictreonacha lán-chomhtháite a chuirtear ar fáil ar leibhéal an Aontais agus ar an leibhéal náisiúnta chun comhroinnt faisnéise agus comhar digiteach idir na húdaráis chustaim agus na húdaráis inniúla chomhpháirtíochta a éascú agus chun próisis imréitigh earraí a chuíchóiriú le haghaidh oibreoirí eacnamaíocha, ba cheart dóibh a bheith san áireamh sa timpeallacht sin. Ba cheart Timpeallacht Ionaid Ilfhreastail AE maidir le Custam a fhorbairt i gcomhréir leis na féidearthachtaí ar shainaithint iontaofa agus fíordheimhniú iontaofa a thairgtear le Rialachán (AE) Uimh. 910/2014 ó Pharlaimint na hEorpa agus ón gComhairle (6) agus leis an bprionsabal aonuaire, i gcás inarb iomchuí, mar a athdhearbhaíodh i Rialachán (AE) 2018/1724 ó Pharlaimint na hEorpa agus ón gComhairle (7). Chun Timpeallacht Ionaid Ilfhreastail AE maidir le Custam a chur chun feidhme, is gá, ar bhonn an treoirthionscadail, córas malartaithe deimhnithe a bhunú, is é sin Córas leictreonach Malartaithe Deimhnithe Ionaid Ilfhreastail an Aontais Eorpaigh maidir le Custam (CSW-CERTEX AE), lena ndéanfar ionaid ilfhreastail náisiúnta a idirnascadh le haghaidh córais chustaim agus córais neamhchustaim an Aontais lena mbainistítear foirmiúlachtaí neamhchustaim sonracha. Is gá timpeallachataí ionaid ilfhreastail náisiúnta maidir le custam a chomhchuibhiú freisin, na hionaid sin a chomhtháthú i dTimpeallacht Ionaid Ilfhreastail AE maidir le Custam, agus sraith rialacha a bhunú maidir leis an gcomhar riaracháin digiteach laistigh de Thimpeallacht Ionaid Ilfhreastail AE maidir le Custam.

(10)

Ba cheart Timpeallacht Ionad Ilfhreastail AE maidir le Custam a ailíniú agus a dhéanamh chomh hidir-inoibritheach agus is féidir le córais eile a bhaineann le custam atá ann cheana nó a bheidh ann amach anseo, amhail imréiteach láraithe faoi Rialachán (AE) Uimh. 952/2013. I gcás inarb ábhartha, ba cheart sineirgí a lorg idir an timpeallacht Eorpach Ionaid Ilfhreastail Mhuirí arna bunú le Rialachán (AE) 2019/1239 ó Pharlaimint na hEorpa agus ón gComhairle (8) agus Timpeallacht Ionaid Ilfhreastail AE maidir le Custam.

(11)

Ba cheart, go háirithe, cosaint níos fearr a bheith ann do shaoránaigh agus laghdú ar an ualach riaracháin ar oibreoirí eacnamaíocha agus ar údaráis chustaim mar thoradh ar an Rialachán seo.

(12)

Ní mór do Thimpeallacht Ionaid Ilfhreastail AE maidir le Custam ardréitigh chibearshlándála a chomhtháthú chun go gcoiscfear ionsaithe a d’fhéadfadh cur isteach ar na córais chustaim agus neamhchustaim, a d’fhéadfadh dochar a dhéanamh do shlándáil trádála nó a d’fhéadfadh dochar a dhéanamh do gheilleagar an Aontais. Ba cheart caighdeáin na cibearshlándála a dhearadh sa chaoi is go bhforbrófar iad ar aon luas leis na ceanglais rialála maidir le slándáil faisnéise líonra. Agus Timpeallacht Ionaid Ilfhreastail AE maidir le Custam á forbairt, á hoibriú agus á cothabháil, ba cheart don Choimisiún agus do na Ballstáit treoirlínte iomchuí arna n-eisiúint ag Gníomhaireacht an Aontais Eorpaigh um Chibearshlándáil (ENISA) maidir leis an gcibearshlándáil a leanúint.

(13)

Foirmiúlachtaí neamhchustaim an Aontais a leagtar síos i reachtaíocht de chuid an Aontais nach reachtaíocht chustaim í a bhfuil sé de chúram ar na húdaráis chustaim iad a fhorfheidhmiú, ba cheart iad a chumhdach leis an malartú faisnéise digití trí CSW-CERTEX AE. Is éard atá i bhfoirmiúlachtaí neamhchustaim an Aontais gach oibríocht atá le déanamh ag duine nádúrtha, oibreoir eacnamaíoch nó údarás inniúil comhpháirtíochta le haghaidh gluaiseacht idirnáisiúnta earraí, lena n-áirítear an chuid sin den ghluaiseacht idir na Ballstáit, nuair is gá sin. Leis na foirmiúlachtaí sin déantar oibleagáidí éagsúla a fhorchur maidir le hearraí áirithe a allmhairiú, a onnmhairiú nó a thrasghluaiseacht agus tá tábhacht bhunúsach ag baint lena bhfíorú trí rialuithe custaim ó thaobh fheidhmiú éifeachtach Thimpeallacht Ionaid Ilfhreastail AE maidir le Custam. Agus an fhaisnéis ábhartha ó na Ballstáit uile atá ag teastáil chun earraí a imréiteach á stóráil, ba cheart foirmiúlachtaí digiteáilte a leagtar síos i reachtaíocht an Aontais agus a bhainistíonn údaráis inniúla chomhpháirtíochta i gcórais leictreonacha neamhchustaim an Aontais a chumhdach le CSW-CERTEX AE. Is iomchuí, dá bhrí sin, foirmiúlachtaí neamhchustaim an Aontais agus córais neamhchustaim an Aontais faoi seach ar cheart iad a bheith faoi réir comhar digiteach trí CSW-CERTEX AE a shainaithint.

Go háirithe, ba cheart an sainmhíniú ar chórais neamhchustaim an Aontais a bheith leathan agus ba cheart a chuimsiú leis na cásanna agus na foirmlithe dlíthiúla éagsúla sna gníomhartha dlí lena gcumasaíodh nó lena gcumasófar cruthú agus úsáid na gcóras sin. Thairis sin, is iomchuí freisin na dátaí a shonrú faoinar cheart córas sonrach neamhchustaim an Aontais lena gcumhdaítear foirmiúlacht neamhchustaim an Aontais agus na timpeallachtaí ionaid ilfhreastail náisiúnta maidir le custam a idirnascadh le-CERTEX CSW AE. Ba cheart na dátaí sin léiriú a dhéanamh ar na dátaí a bhunaítear i reachtaíocht de chuid an Aontais nach reachtaíocht chustaim í chun foirmiúlacht shonrach neamhchustaim an Aontais a chomhlíonadh a chur san áireamh, chun go bhféadfar comhlíonadh a dhéanamh trí Thimpeallacht Ionaid Ilfhreastail AE maidir le Custam. Go háirithe, ba cheart a chumhdach ar dtús, le CSW-CERTEX AE, ceanglais sláintíochta agus fíteashláintíochta, rialacha lena rialaítear allmhairiú táirgí orgánacha, ceanglais chomhshaoil maidir le gáis cheaptha teasa fhluairínithe agus substaintí ídithe ózóin, agus foirmiúlachtaí a bhaineann le hallmhairiú earraí cultúrtha.

(14)

Ba cheart malartú faisnéise idir na timpeallachtaí ionaid ilfhreastail náisiúnta maidir le custam agus córais neamhchustaim an Aontais a éascú le CSW-CERTEX AE. Dá réir sin, nuair a chuireann oibreoir eacnamaíoch dearbhú custaim nó dearbhú ath-onnmhairiúcháin isteach, lena gceanglaítear foirmiúlachtaí neamhchustaim an Aontais a bheith comhlíonta, ba cheart údaráis chustaim agus údaráis inniúla chomhpháirtíochta a bheith in ann an fhaisnéis a éilítear don phróiseas imréitigh custaim a mhalartú agus a fhíorú go huathoibríoch agus go héifeachtach. Ríomhphróisis a bheidh níos comhtháite, níos tapúla agus níos simplí maidir le hearraí a imréiteach agus feabhas ar fhorfheidhmiú agus ar chomhlíonadh fhoirmiúlachtaí neamhchustaim an Aontais, ba cheart dóibh siúd a bheith mar thoradh ar chomhar digiteach feabhsaithe agus ar chomhordú feabhsaithe idir údaráis chustaim agus údaráis inniúla chomhpháirtíochta.

(15)

Ba cheart don Choimisiún, i gcomhar leis na Ballstáit, CSW-CERTEX AE a fhorbairt, a chomhtháthú agus a oibriú, lena n-áirítear oiliúint iomchuí a chur ar fáil do na Ballstáit maidir lena fheidhmiú agus lena chur chun feidhme. Chun seirbhísí ilfhreastail iomchuí comhchuibhithe agus caighdeánaithe a sholáthar ar leibhéal an Aontais le haghaidh fhoirmiúlachtaí neamhchustaim an Aontais, ba cheart don Choimisiún gach ceann de chórais neamhchustaim an Aontais a nascadh le CSW-CERTEX AE. Ba cheart na Ballstáit a bheith freagrach as a dtimpeallachtaí ionaid ilfhreastail náisiúnta maidir le custam a nascadh le CSW-CERTEX AE, le cúnamh, i gcás inar gá, ón gCoimisiún.

(16)

Ba cheart aon phróiseáil sonraí pearsanta agus sonraí neamhphearsanta in CSW-CERTEX AE a dhéanamh i gcomhréir le Rialachán (AE) 2016/679 ó Pharlaimint na hEorpa agus ón gComhairle (9) (“RGCS”), Rialachán (AE) 2018/1725 ó Pharlaimint na hEorpa agus ón gComhairle (10) (“IDPR”) agus tá sí gan dochar do Rialachán (AE) 2018/1807 ó Pharlaimint na hEorpa agus ón gComhairle (11) (“Rialachán maidir le saorshreabhadh sonraí neamhphearsanta”). Ba cheart é a dhéanamh laistigh de thimpeallacht shábháilte agus shlán a chosnaítear ar chibearbhagairtí. Chuige sin, ba cheart bearta oiriúnacha eagraíochtúla agus teicniúla cibearshlándála, amhail criptiú, a úsáid. Thairis sin, ba cheart a cheadú leis sin malartú faisnéise idir na timpeallachtaí ionaid ilfhreastail náisiúnta maidir le custam agus córais neamhchustaim an Aontais gan aon sonraí pearsanta a stóráil, cé is moite de logaí teicniúla a bhfuil gá leo chun na sonraí a sheoltar chuig córas ar leith a shainaithint. Ba cheart dó sonraí a chlaochlú, freisin, i gcás inar gá, chun malartú faisnéise idir an dá réimse dhigiteacha a éascú. Ba cheart an bonneagar teicneolaíochta faisnéise a úsáidfear chun sonraí a chlaochlú a bheith lonnaithe san Aontas.

(17)

De réir chineál na foirmiúlachta neamhchustaim, d’fhéadfadh catagóirí éagsúla ábhar sonraí agus na sonraí pearsanta dá gcuid a theastaíonn chun an dearbhú custaim nó an dearbhú ath-onnmhairiúcháin a thaisceadh nó chun iarratas a dhéanamh ar dhoiciméid tacaíochta a bheith san fhaisnéis leictreonach atá le malartú trí CSW-CERTEX AE. D’fhéadfadh sonraí pearsanta roinnt catagóirí ábhar sonraí a bheith i ndearbhuithe custaim nó i ndearbhuithe ath-onnmhairiúcháin, lena n-áirítear onnmhaireoirí, allmhaireoirí, coinsínithe, agus gníomhaithe breise sa slabhra soláthair. D’fhéadfadh an fhaisnéis chéanna a bheith i ndoiciméid tacaíochta maidir le catagóirí eile ábhar sonraí, mar shampla coinsíneoirí, onnmhaireoirí, coinsínithe, allmhaireoirí agus ceadúnaithe. Tá an tríú catagóir d’ábhar sonraí ann a bhféadfaí a sonraí pearsanta a phróiseáil in CSW-CERTEX AE, lena n-áirítear baill foirne údaraithe d’údaráis chustaim, d’údaráis inniúla chomhpháirtíochta nó de chomhlacht deimhnithe eile, chomh maith le baill foirne den Choimisiún agus aon soláthraí tríú páirtí eile a ghníomhaíonn thar ceann an Choimisiúin agus a bhfuil baint aige le hoibriú agus le cothabháil CSW-CERTEX AE.

(18)

Dhá eintiteas nó níos mó a chinneann cuspóir agus modhanna na próiseála go comhpháirteach, i gcás ina ndéanann siadsan sonraí pearsanta a phróiseáil go comhpháirteach, ba cheart na heintitis sin a bheith ina rialaitheoirí comhpháirteacha. Ós rud é go bhfuil an Coimisiún agus údaráis chustaim na mBallstát agus údaráis inniúla chomhpháirtíochta freagrach as feidhmiú CSW-CERTEX AE, ba cheart iad a bheith ina rialaitheoirí comhpháirteacha ar phróiseáil sonraí pearsanta in CSW-CERTEX AE i gcomhréir le Rialacháin (AE) 2016/679 agus (AE) 2018/1725.

(19)

Ba cheart a áireamh i dTimpeallacht Ionaid Ilfhreastail AE maidir le Custam ionstraimí teipe agus ba cheart iad a cheapadh d’fhonn cur le cumais anailísíochta sonraí na n-údarás custaim agus iad a chothú, lena n-áirítear trí uirlisí le cuidiú intleachta saorga a úsáid chun sáruithe atá faoi réir rialuithe custaim nó atá á n-imscrúdú ag údaráis chustaim a bhrath, lena n-áirítear maidir le sábháilteacht agus slándáil earraí agus cosaint leasanna airgeadais an Aontais.

(20)

Mar thoradh ar an méadú ar dhigiteáil na bhfoirmiúlachtaí custaim agus fhoirmiúlachtaí rialála neamhchustaim an Aontais is infheidhme maidir leis an trádáil idirnáisiúnta, cuireadh deiseanna nua ar fáil do na Ballstáit feabhas a chur ar an gcomhar digiteach idir údaráis chustaim agus údaráis inniúla chomhpháirtíochta. Chun na deiseanna agus na tosaíochtaí sin a bhaint amach, chuir roinnt Ballstát tús le creataí a fhorbairt le haghaidh timpeallachtaí ionaid ilfhreastail náisiúnta maidir le custam. Bíonn éagsúlachtaí substaintiúla sna tionscnaimh sin de réir leibhéal an bhonneagair teicneolaíochta faisnéise maidir le custam atá ann cheana, tosaíochtaí agus anailís chostais. Is gá, dá bhrí sin, a cheangal ar na Ballstáit timpeallachtaí ionaid ilfhreastail náisiúnta maidir le custam a bhunú agus a oibriú le haghaidh foirmiúlachtaí neamhchustaim an Aontais a chumhdaítear le CSW-CERTEX AE, le tacar íosta feidhmiúlachtaí lenar féidir na sonraí go léir atá i gcórais neamhchustaim an Aontais arna n-úsáid ag údaráis inniúla chomhpháirtíochta a shaothrú. Ba cheart na timpeallachtaí ionaid ilfhreastail náisiúnta sin a bheith ina gcomhchodanna náisiúnta de Thimpeallacht Ionaid Ilfhreastail AE maidir le Custam, lena gcumasódh malartú faisnéise agus comhar trí mhodhanna leictreonacha idir údaráis chustaim, údaráis inniúla chomhpháirtíochta agus oibreoirí eacnamaíocha chun comhlíonadh agus forfheidhmiú éifeachtúil na reachtaíochta custaim agus foirmiúlachtaí neamhchustaim an Aontais a chumhdaítear le CSW-CERTEX AE a áirithiú.

I gcomhréir leis an gcuspóir sin, le timpeallachtaí an ionaid ilfhreastail náisiúnta maidir le custam ba cheart é a chur ar a gcumas d’údaráis chustaim foirmiúlachtaí a ndéantar sonraí ina leith a tharchur ón gcóras neamhchustaim an Aontais trí CSW-CERTEX AE a fhíorú go huathoibrithe. Le timpeallachtaí an ionaid ilfhreastail náisiúnta maidir le custam, ba cheart deis a bheith ag údaráis inniúla chomhpháirtíochta faireachán a dhéanamh ar chainníochtaí na n-earraí údaraithe a scaoil údaráis chustaim tríd an Aontas agus iad a bhainistiú freisin (“bainistiú cainníochta”). Ba cheart é sin a áirithiú tríd an bhfaisnéis imréitigh is gá a sholáthar do chórais neamhchustaim an Aontais trí CSW-CERTEX AE. Go praiticiúil, tá bainistiú cainníochta ar leibhéal an Aontais riachtanach chun go bhféadfar forfheidhmiú feabhsaithe foirmiúlachtaí neamhchustaim a dhéanamh trí fhaireachán a dhéanamh go huathoibríoch agus go comhsheasmhach ar úsáid na gcainníochtaí údaraithe maidir le hearraí a scaoileadh, agus a ró-úsáid nó a míláimhseáil á seachaint. Leis na timpeallachtaí ionaid ilfhreastail náisiúnta maidir le custam a nascadh le CSW-CERTEX AE dhéanfaí bainistiú éifeachtúil cainníochta a éascú ar leibhéal an Aontais.

(21)

Chun próisis imréitigh earraí a shimpliú tuilleadh d’oibreoirí eacnamaíocha, ba cheart timpeallachtaí an ionaid ilfhreastail náisiúnta maidir le custam a bheith ina gcainéal aonair a d’fhéadfadh oibreoirí eacnamaíocha a úsáid, gan dochar d’úsáid cainéal cumarsáide eile atá ann cheana, chun cumarsáid a dhéanamh le húdaráis chustaim agus le húdaráis inniúla chomhpháirtíochta. Níor cheart, áfach, go gcuirfeadh na timpeallachtaí sin teorainn ná bac ar aon chineál eile comhair idir údaráis chustaim agus údaráis inniúla chomhpháirtíochta. Fothacar de na foirmiúlachtaí uileghabhálacha a chumhdaítear le CSW-CERTEX AE is ea foirmiúlachtaí neamhchustaim an Aontais atá faoi réir an bhirt éascaíochta breise sin. Ba cheart don Choimisiún na foirmiúlachtaí sin a shainaithint go forchéimnitheach trí mheasúnú a dhéanamh ar chomhlíonadh sraith critéar atá ábhartha maidir le héascú trádála, agus a n-indéantacht dhlíthiúil agus theicniúil á cur san áireamh. Chun cur le héascú trádála tuilleadh agus feabhas a chur ar éifeachtúlacht rialuithe, ba cheart é a bheith indéanta úsáid a bhaint as na timpeallachtaí ionaid ilfhreastail náisiúnta maidir le custam mar ardán chun rialuithe idir údaráis chustaim agus údaráis inniúla chomhpháirtíochta a chomhordú i gcomhréir le hAirteagal 47(1) de Rialachán (AE) Uimh. 952/2013.

(22)

Ba cheart do gach Ballstát údarás inniúil amháin nó níos mó a ainmniú chun gníomhú mar rialaitheoir na n-oibríochtaí próiseála sonraí a dhéantar laistigh dá thimpeallacht ionaid ilfhreastail náisiúnta maidir le custam. Ba cheart na hoibríochtaí próiseála sonraí sin a dhéanamh i gcomhréir le Rialachán (AE) 2016/679. Toisc go bhfuil cuid de na sonraí a thagann ó na timpeallachtaí ionaid ilfhreastail náisiúnta maidir le custaim le malartú le córais neamhchustaim an Aontais trí CSW-CERTEX AE, ba cheart ceangal a chur ar gach Ballstát fógra a thabhairt don Choimisiún gan moill mhíchuí faoi sháruithe ar shonraí pearsanta lena gcuirtear slándáil, rúndacht, infhaighteacht nó sláine na sonraí pearsanta a phróiseáiltear laistigh dá thimpeallacht ionaid ilfhreastail náisiúnta maidir le custam i mbaol agus a mhalartaítear trí CSW-CERTEX AE.

(23)

Le haghaidh próiseas imréitigh earraí lán-chomhordaithe teastaíonn nósanna imeachta lena dtacaítear le comhar digiteach agus comhroinnt faisnéise idir údaráis chustaim, údaráis inniúla chomhpháirtíochta agus oibreoirí eacnamaíocha chun foirmiúlachtaí neamhchustaim an Aontais a chumhdaítear le CSW-CERTEX AE a chomhlíonadh agus a fhorfheidhmiú. Sa chomhthéacs sin, ciallaíonn idir-inoibritheacht an cumas na próisis sin a reáchtáil go rianúil i gcórais agus réimsí custaim agus neamhchustaim gan comhthéacs ná ciall na sonraí a mhalartaítear a chailleadh. Chun go bhféadfaí fíorú iomlán uathoibrithe ar fhoirmiúlachtaí neamhchustaim an Aontais a chumasú, ba cheart do CSW-CERTEX AE idir-inoibritheacht theicniúil a áirithiú agus a áirithiú go bhfuil brí na sonraí ábhartha comhsheasmhach. Tá sé tábhachtach téarmaíocht chustaim agus neamhchustaim a ailíniú chun a áirithiú go gcaomhnófar agus go dtuigfear na sonraí agus an fhaisnéis a mhalartófar sna malartuithe uile idir córais neamhchustaim an Aontais agus timpeallachtaí an ionaid ilfhreastail náisiúnta maidir le custam. Ina theannta sin, chun forfheidhmiú comhchuibhithe foirmiúlachtaí neamhchustaim an Aontais a áirithiú ar fud an Aontais, ba cheart do CSW-CERTEX AE na nósanna imeachta custaim nó an t-ath-onnmhairiú ar féidir na doiciméid tacaíochta a úsáid ina leith a shainaithint bunaithe ar an gcinneadh riaracháin arna chur in iúl ag an údarás inniúil comhpháirtíochta sa doiciméad tacaíochta. Ó thaobh na teicneolaíochta de, ba cheart do CSW-CERTEX AE sonraí custaim agus neamhchustaim a dhéanamh comhoiriúnach trína bhformáid nó a struchtúr a thrasfhoirmiú i gcás inar ghá, gan a n-inneachar a athrú.

(24)

I bhfianaise fhoirmiúlachtaí neamhchustaim an Aontais a chumhdaítear, ba cheart do CSW-CERTEX AE roinnt cuspóirí a chomhlíonadh. Ba cheart dó na sonraí ábhartha a chur ar fáil do na údaráis chustaim chun beartais rialála neamhchustaim an Aontais a fhorfheidhmiú ar bhealach níos fearr trí fhíorú uathoibrithe na bhfoirmiúlachtaí sin; Ba cheart dó freisin na sonraí ábhartha a sholáthar do na húdaráis inniúla chomhpháirtíochta chun go mbeidís in ann faireachán a dhéanamh ar an gcainníocht atá fágtha d’earraí údaraithe nach bhfuil díscríofa ag custam le linn coinsíneachtaí eile a imréiteach agus chun an chainníocht sin a chinneadh. Sa bhreis air sin, ba cheart dó tacú le prionsabal “an ionaid ilfhreastail” a chur chun feidhme chun na rialuithe dá dtagraítear in Airteagal 47(1) de Rialachán (AE) Uimh. 952/2013 a dhéanamh, trí chomhtháthú custaim agus nósanna imeachta neamhchustaim an Aontais a éascú le haghaidh próiseas imréitigh earraí atá go hiomlán uathoibrithe.

Éilíonn roinnt gníomhartha dlí de chuid an Aontais aistrithe sonraí idir córais chustaim náisiúnta agus an córas faisnéise agus cumarsáide a bunaíodh sa ghníomh ábhartha. Dá bhrí sin, le CSW-CERTEX AE, ba cheart aon mhalartú uathoibrithe faisnéise idir údaráis chustaim agus údaráis inniúla chomhpháirtíochta a chumasú i gcás ina gceanglaítear sin leis na gníomhartha sin, gan an comhar a theorannú do na malartuithe sonraí sin amháin. Sa mhéid nach bhforáiltear don mhéid sin i ndlí an Aontais, sainíonn na Ballstáit an ghné oibríochtúil den chomhar idir údaráis chustaim agus údaráis neamhchustaim ar an leibhéal náisiúnta. Dá bhrí sin, tá na Ballstáit in ann feidhmiúlachtaí CSW-CERTEX AE uile a úsáid le haghaidh comhlíonadh iomlán uathoibrithe ar fhoirmiúlachtaí agus aon aistriú uathoibrithe sonraí eile idir údaráis chustaim agus na húdaráis inniúla chomhpháirtíochta ábhartha a cheanglaítear le reachtaíocht an Aontais lena mbunaítear foirmiúlachtaí neamhchustaim an Aontais.

(25)

Chun cainéal cumarsáide aonair a bhunú leis na húdaráis a bhfuil baint acu le himréiteach earraí, leis na timpeallachtaí ionaid ilfhreastail náisiúnta maidir le custam, ba cheart é a chur ar a gcumas d’oibreoirí eacnamaíocha na sonraí riachtanacha atá ag teastáil mar gheall ar an reachtaíocht chustaim agus reachtaíocht de chuid an Aontais nach reachtaíocht chustaim í a thíolacadh ag pointe aonair agus aiseolas leictreonach faoi aon fhaisnéis ghaolmhar a fháil ó na húdaráis lena mbaineann go díreach ón bpointe sin. Féadfar fógraí faoi chinntí custaim a áireamh san aiseolas sin. Ba cheart é a bheith indéanta an cainéal cumarsáide aonair a úsáid le haghaidh foirmiúlachtaí neamhchustaim an Aontais a chumhdaítear le CSW-CERTEX AE, agus iad sin amháin, ar foirmiúlachtaí iad a aithnítear go mbeadh bearta éascaithe oiriúnach dóibh.

(26)

Tá forluí suntasach ann idir na sonraí a áirítear sa dearbhú custaim nó sa dearbhú ath-onnmhairiúcháin agus na sonraí a áirítear sna doiciméid tacaíochta is gá le haghaidh fhoirmiúlachtaí neamhchustaim an Aontais a liostaítear san Iarscríbhinn. Chun go bhféadfar sonraí a athúsáid ionas nach mbeidh ar oibreoirí eacnamaíocha na sonraí céanna a sholáthar níos mó ná an t-aon uair amháin, is gá na ceanglais maidir le sonraí a réiteach agus a chuíchóiriú le haghaidh foirmiúlachtaí custaim agus foirmiúlachtaí neamhchustaim an Aontais a chumhdaítear le CSW-CERTEX AE. Dá bhrí sin, ba cheart don Choimisiún na heilimintí sonraí a áirítear sa dearbhú custaim nó sa dearbhú ath-onnmhairiúcháin araon agus sna doiciméid tacaíochta le haghaidh fhoirmiúlachtaí neamhchustaim an Aontais a liostaítear san Iarscríbhinn (“tacar comhchoiteann sonraí”) a shainaithint. Ba cheart don Choimisiún na heilimintí sonraí nach bhfuil ag teastáil ach faoi reachtaíocht de chuid an Aontais nach reachtaíocht chustaim í a shainaithint freisin (“tacair sonraí údaráis inniúil comhpháirtíochta). Ba cheart gur tacar comhtháite sonraí a bheadh sa tacar comhchoiteann sonraí, sa tacar sonraí ón údarás inniúil comhpháirtíochta agus sa tacar sonraí nach n-éilíonn ach na húdaráis chustaim amháin, lena n-áirítear an fhaisnéis uile a bhaineann le himréiteach atá ag teastáil chun na foirmiúlachtaí custaim agus foirmiúlachtaí neamhchustaim an Aontais a chumhdaítear le CSW-CERTEX AE a chomhlíonadh.

(27)

Chun gur féidir foirmiúlachtaí custaim agus neamhchustaim a dhéanann difear do na gluaiseachtaí earraí céanna a chomhlíonadh, ba cheart go gcuirfeadh timpeallachtaí an ionaid ilfhreastail náisiúnta maidir le custam, i gcás córais neamhchustaim éigeantacha de chuid an Aontais, nó d’fhéadfadh sé, i gcás córais neamhchustaim dheonacha de chuid an Aontais, ar chumas oibreoirí eacnamaíocha na sonraí uile a chur isteach a éilíonn an iliomad údarás rialála chun na hearraí a chur faoi nósanna imeachta custaim nó iad a ath-onnmhairiú trí thacar comhtháite sonraí. Ag brath ar fhoirmiúlacht shonrach neamhchustaim an Aontais, ba cheart é a bheith indéanta na sonraí sin a chur isteach ag pointí éagsúla ama, agus in éineacht leis an dearbhú custaim nó leis an dearbhú ath-onnmhairithe a taisceadh roimh thíolacadh ionchasach na n-earraí do na húdaráis chustaim, i gcomhréir le hAirteagal 171 de Rialachán (AE) Uimh. 952/2013. D’fhágfadh na tíolacthaí sin go bhféadfaí prionsabal na haonuaire a chomhlíonadh. Ba cheart na timpeallachtaí ionaid ilfhreastail náisiúnta maidir le custam an tacar sonraí comhtháite a úsáid chun an tacar comhchoiteann sonraí agus tacar sonraí an údaráis inniúil chomhpháirtíochta a tharchur chuig CSW-CERTEX AE, agus na sonraí coiteanna agus sonracha a theastaíonn ó lucht custaim chuig na húdaráis chustaim.

(28)

Chun an fhaisnéis a sholáthraíonn na hoibreoirí eacnamaíocha trí na timpeallachtaí ionaid ilfhreastail náisiúnta maidir le custam a tharchur chuig na húdaráis uile lena mbaineann, le CSW-CERTEX AE ba cheart an malartú faisnéise is gá idir custam agus réimsí neamhchustaim a bheith indéanta. Go háirithe, ba cheart do CSW-CERTEX AE na sonraí is gá a fháil ó na timpeallachtaí ionaid ilfhreastail náisiúnta maidir le custam chun foirmiúlachtaí neamhchustaim is infheidhme an Aontais a chomhlíonadh agus iad a tharchur chuig an gcóras neamhchustaim an Aontais faoi seach. Leis an malartú sin ba cheart é a chur ar a gcumas d’údaráis inniúla chomhpháirtíochta an fhaisnéis a tharchuirtear chuig na córais neamhchustaim de chuid an Aontais faoi seach a athbhreithniú agus a gcinntí imréitigh a dhéanamh ar cheart a chur ar aghaidh chuig údaráis chustaim trí CSW-CERTEX AE. Ba cheart d’údaráis chustaim, dá réir sin, an fhaisnéis sin a tharchur chuig na hoibreoirí eacnamaíocha trí na timpeallachtaí ionaid ilfhreastail náisiúnta maidir le custam. Ba cheart an uimhir chláraithe agus aitheantais oibreoirí eacnamaíocha (“uimhir EORI”) a úsáid mar aitheantóir chun an fhaisnéis a bhaineann leis na malartuithe sin a chomhroinnt agus a chrostagairt.

(29)

I gcomhréir le hAirteagal 9 de Rialachán (AE) Uimh. 952/2013, mar aitheantóir le haghaidh gach plé le húdaráis chustaim san Aontas sanntar uimhir EORI do gach oibreoir eacnamaíoch a bhíonn ag gabháil d’oibríochtaí custaim. Coinníonn an Coimisiún córas lárnach EORI ar bun chun sonraí a bhaineann le EORI a stóráil agus a láimhseáil. Chun comhar idir na húdaráis éagsúla atá páirteach sa phróiseas imréitigh earraí a éascú, ba cheart rochtain a bheith ag na húdaráis inniúla chomhpháirtíochta ar chóras EORI chun an uimhir EORI is féidir a iarraidh ó oibreoirí eacnamaíocha i gcomhthéacs a bhfoirmiúlachtaí a bhailíochtú.

(30)

Tá dlúthchomhar idir an Coimisiún agus na Ballstáit riachtanach chun na gníomhaíochtaí uile a bhaineann le feidhmiú éifeachtach Thimpeallacht Ionaid Ilfhreastail AE maidir le Custam a chomhordú. Cabhróidh sé sin freisin chun an bhearna idir leibhéil éagsúla digiteála agus ullmhachta digití a dhúnadh, agus ar an gcaoi sin chun aon saobhadh a d’fhéadfadh a bheith ann a chosc. I bhfianaise raon feidhme leathan éagsúil na ngníomhaíochtaí sin, ní mór do gach Ballstát údarás inniúil a cheapadh mar chomhordaitheoir náisiúnta. Gan dochar d’eagrúchán inmheánach na riarachán náisiúnta, ba cheart don chomhordaitheoir náisiúnta a bheith ina phointe teagmhála le haghaidh an Choimisiúin, agus ba cheart dó comhar a chur chun cinn ar an leibhéal náisiúnta agus idir-inoibritheacht córais á áirithiú aige ag an am céanna. Ba cheart don Choimisiún comhordú a sholáthar i gcás inar gá, agus cuidiú le forfheidhmiú éifeachtúil foirmiúlachtaí neamhchustaim an Aontais a áirithiú.

(31)

Gabhann costais áirithe cur chun feidhme le Timpeallacht Ionaid Ilfhreastail AE maidir le Custam a fhorbairt. Tá sé tábhachtach na costais sin a leithdháileadh ar an gCoimisiún agus ar na Ballstáit ar an mbealach is iomchuí ag brath ar chineál na seirbhísí a sholáthraítear. Ba cheart don Choimisiún costais a iompar a bhaineann le forbairt, cothabháil agus oibriú CSW-CERTEX AE, arb é an chomhpháirt lárnach de Thimpeallacht Ionaid Ilfhreastail AE maidir le Custam, agus na costais a bhaineann lena chomhéadain le córais neamhchustaim an Aontais a áirithiú. Ba cheart do na Ballstáit costais a iompar a bhaineann leis an ról atá acu comhéadain le CSW-CERTEX AE a áirithiú agus timpeallachtaí an ionaid ilfhreastail náisiúnta maidir le custam a fhorbairt, a chothabháil agus a oibriú.

(32)

Teastaíonn pleanáil mhionsonraithe chun foirmiúlachtaí neamhchustaim áirithe de chuid an Aontais a chomhtháthú de réir a chéile ó réimsí éagsúla beartais go CSW-CERTEX AE. Chun na críche sin, ba cheart don Choimisiún clár oibre a ullmhú chun na foirmiúlachtaí sin a ionchorprú in CSW-CERTEX AE agus chun naisc a fhorbairt idir córais neamhchustaim an Aontais lena ndéantar na foirmiúlachtaí sin agus CSW-CERTEX AE a phróiseáil. Ba cheart gurb é príomhchuspóir an chláir oibre tacú le ceanglais oibríochtúla agus amlíne chur chun feidhme na ngníomhaíochtaí sin, agus aird ar leith á tabhairt ar na forbairtí TF is gá, inter alia, i dtimpeallachtaí an ionaid ilfhreastail náisiúnta maidir le custam. Ba cheart athbhreithniú rialta a dhéanamh ar an gclár oibre chun measúnú a dhéanamh ar an dul chun cinn foriomlán maidir leis an Rialachán seo a chur i bhfeidhm, agus ba cheart é a thabhairt cothrom le dáta gach 3 bliana ar a laghad.

(33)

Ba cheart don Choimisiún faireachán a dhéanamh go rialta ar staid forbartha Thimpeallacht Ionaid Ilfhreastail AE maidir le Custam agus ar an bhféidearthacht a húsáid a leathnú tuilleadh. Chuige sin, ba cheart don Choimisiún tuarascáil bhliantúil a ullmhú maidir le staid chur chun feidhme Thimpeallacht Ionaid Ilfhreastail AE maidir le Custam agus timpeallachtaí an ionaid ilfhreastail náisiúnta maidir le custam, trí thagairt a dhéanamh don chlár oibre. Thairis sin, ba cheart a áireamh sa tuarascáil sin freisin forléargas mionsonraithe ar fhoirmiúlachtaí neamhchustaim an Aontais atá ann cheana agus ar na foirmiúlachtaí sin a áirítear i dtograí reachtacha an Choimisiúin, chun críche forléargas soiléir a thabhairt ar staid digiteála na bhfoirmiúlachtaí ag an teorainn. Thairis sin, ba cheart a áireamh sa tuarascáil sin, gach 3 bliana ar a laghad, torthaí an fhaireacháin rialta ar fheidhmiú Thimpeallacht Ionaid Ilfhreastail AE maidir le Custam. I dteannta an fhaireacháin, ba cheart don Choimisiún meastóireacht a dhéanamh freisin ar fheidhmíocht CSW-CERTEX AE chun forfheidhmiú éifeachtúil fhoirmiúlachtaí neamhchustaim an Aontais a chumhdaítear le CSW-CERTEX AE a áirithiú. Ba cheart don Choimisiún tuarascálacha measúnachta rialta ar fheidhmiú Thimpeallacht Ionaid Ilfhreastail AE maidir le Custam a chur faoi bhráid Pharlaimint na hEorpa agus faoi bhráid na Comhairle. Sna tuarascálacha sin ba cheart breithniú a dhéanamh ar dhul chun cinn, réimsí a shainaithint a d’fhéadfaí a fheabhsú agus moltaí a dhéanamh maidir leis an todhchaí i bhfianaise an dul chun cinn a dhéanfar i dtreo comhar digiteach feabhsaithe idir na húdaráis chustaim agus na húdaráis inniúla chomhpháirtíochta a bhfuil baint acu le himréiteach earraí chun próisis shimplithe le haghaidh oibreoirí eacnamaíocha agus forfheidhmiú éifeachtúil fhoirmiúlachtaí neamhchustaim an Aontais a áirithiú. Ba cheart a chur san áireamh sna tuarascálacha sin freisin faisnéis ábhartha arna soláthar ag na Ballstáit maidir le, inter alia, na timpeallachtaí ionaid ilfhreastail náisiúnta maidir le custam. Chun críche faireacháin agus tuairiscithe, ba cheart don Choimisiún idirphlé leanúnach a eagrú agus a choinneáil ar bun leis na Ballstáit, le hoibreoirí eacnamaíocha ábhartha agus le páirtithe ábhartha eile.

(34)

Chun córais nua TF a fhorbairt agus chun córais TF atá ann cheana a thabhairt cothrom le dáta, is gá iarrachtaí suntasacha a dhéanamh ó thaobh infheistíocht airgeadais agus infheistíocht dhaonna, go háirithe in TF féin. Leis an Rialachán seo, déantar na bearnaí idir údaráis chustaim agus údaráis inniúla chomhpháirtíochta a dhúnadh, agus soláthraítear creat le haghaidh comhoibriú digiteach nach mór a chur chun feidhme ar fud an Aontais. Dá bhrí sin, chun pleanáil agus amlínte iomchuí a áirithiú, moltar do na Ballstáit measúnuithe tionchair a dhéanamh ar a gcórais, próisis agus pleanáil náisiúnta agus an fhaisnéis is gá a sholáthar, ar bhealach tráthúil, don Choimisiún, d’fhonn reachtóireacht níos fearr a chur chun cinn, go háirithe maidir le gníomhartha tarmligthe agus gníomhartha cur chun feidhme, i gcomhréir le cuspóirí Chomhaontú Idirinstitiúideach an 13 Aibreán 2016 maidir le Reachtóireacht Níos Fearr (12).

(35)

Chun a áirithiú go mbeidh feidhmiú Thimpeallacht Ionaid Ilfhreastail AE maidir le Custam éifeachtúil agus éifeachtach, ba cheart an chumhacht maidir le gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i leith an leasaithe ar liosta d’fhoirmiúlachtaí neamhchustaim an Aontais a chumhdaítear le CSW-CERTEX AE san Iarscríbhinn; an Rialachán seo a fhorlíonadh trí na heilimintí sonraí atá le malartú trí CSW-CERTEX AE a shonrú; agus lena bhforlíontar an Rialachán seo tríd an tacar comhchoiteann sonraí a shainaithint in éineacht le tacar sonraí an údaráis inniúil comhpháirtíochta le haghaidh gach gníomh ábhartha de chuid an Aontais is infheidhme maidir le foirmiúlachtaí neamhchustaim an Aontais arna gcomhtháthú in CSW-CERTEX AE. Agus liosta d’fhoirmiúlachtaí neamhchustaim an Aontais a chumhdaítear le CSW-CERTEX AE á leasú, ba cheart don Choimisiún na dátaí a chinneadh freisin ar cheart na córais neamhchustaim an Aontais agus timpeallachtaí an ionaid ilfhreastail náisiúnta maidir le custam faoi seach a nascadh le CSW-CERTEX AE, ar a dhéanaí. Ba cheart na dátaí sin a bhunú agus dhá ghné á gcur san áireamh: ar an gcéad dul síos, na dátaí faoina bhfuil oibleagáidí áirithe ó reachtaíocht an Aontais le comhlíonadh, chun a áirithiú gur féidir Timpeallacht Ionaid Ilfhreastail AE maidir le Custam a úsáid chun na críche sin agus, ar an dara dul síos, na hionaid ilfhreastail a úsáidtear go coitianta le haghaidh córais chustaim.

D’fhéadfadh na Ballstáit córais áirithe neamhchustaim an Aontais agus an timpeallacht ionaid ilfhreastail náisiúnta maidir le custam a nascadh le CSW-CERTEX AE níos luaithe ná na dátaí a leagtar síos san Iarscríbhinn. Tá sé tábhachtach, go sonrach, go rachaidh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(36)

Chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún a mhéid a bhaineann leis na freagrachtaí faoi seach a bhunú atá ar na rialaitheoirí comhpháirteacha maidir leis na hoibleagáidí faoi Rialacháin (AE) 2016/679 agus (AE) 2018/1725 a chomhlíonadh; a mhéid a bhaineann le rialacha sonracha a ghlacadh maidir leis an malartú faisnéise atá le próiseáil trí CSW-CERTEX AE, lena n-áirítear, i gcás inarb iomchuí, aon riail shonrach chun cosaint sonraí pearsanta a áirithiú; a mhéid a bhaineann le foirmiúlachtaí neamhchustaim an Aontais atá comhtháthaithe in CSW-CERTEX AE ar féidir iad a bheith faoi réir comhar digiteach breise a chinneadh; a mhéid a bhaineann le socruithe nós imeachta a ghlacadh le haghaidh malartuithe breise faisnéise arna bpróiseáil trí CSW-CERTEX AE, lena n-áirítear, i gcás inarb iomchuí, aon riail shonrach lena rialaítear cosaint na sonraí pearsanta agus a mhéid a bhaineann le cláir oibre a ghlacadh chun tacú le cur chun feidhme na bhforálacha a bhaineann le córais ábhartha neamhchustaim an Aontais a nascadh le CSW-CERTEX AE agus le comhtháthú fhoirmiúlachtaí neamhchustaim ábhartha de chuid an Aontais faoi seach. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (13).

(37)

Ós rud é go gcuirtear sásra i bhfeidhm leis an Rialachán seo lenar féidir leis na húdaráis chustaim foirmiúlachtaí a dhéanann difear don phróiseas imréitigh earraí a fhorfheidhmiú, is gá é agus a chuid forálacha cur chun feidhme agus forálacha forlíontacha a chur san áireamh sa sainmhíniú ar reachtaíocht chustaim a leagtar amach in Airteagal 5, pointe 2, de Rialachán (AE) Uimh. 952/2013. Tá an cur chuige seo i gcomhréir le hAirteagal 3 den Rialachán sin, lena gcuirtear de chúram ar údaráis chustaim slándáil agus sábháilteacht an Aontais agus a chuid cónaitheoirí a áirithiú i ndlúthchomhar le húdaráis eile i gcás inarb iomchuí, agus an trádáil á héascú ag an am céanna. Ba cheart, dá bhrí sin, Rialachán (AE) Uimh. 952/2013 a leasú chun Timpeallacht Ionaid Ilfhreastail AE maidir le Custam a áireamh ar liosta na reachtaíochta custaim atá ann. Sonraítear in Airteagal 163(1) de Rialachán (AE) Uimh. 952/2013 gur gá na doiciméid tacaíochta, atá ag teastáil chun na forálacha lena rialaítear an nós imeachta custaim ábhartha nó an t-ath-onnmhairiú a chur i bhfeidhm, a bheith i seilbh an dearbhóra agus ar fáil do na húdaráis chustaim tráth a dtaiscfear an dearbhú custaim nó an dearbhú ath-onnmhairithe. Ós rud é go mbeidh na húdaráis chustaim in ann na sonraí riachtanacha a bhaineann le foirmiúlachtaí neamhchustam an Aontais a fháil trí CSW-CERTEX AE, ba cheart a mheas go bhfuil an oibleagáid sin comhlíonta. Dá bhrí sin, chun nósanna imeachta custaim agus neamhchustaim an Aontais a chomhtháthú níos fearr, lena bhféadfaidís feidhmiú go comhuaineach, ba cheart Airteagal 163(1) de Rialachán (AE) Uimh. 952/2013 a leasú dá réir.

(38)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim uaidh an 20 Samhain 2020.

(39)

Chun foirmiúlachtaí neamhchustaim an Aontais a lánpháirtiú in CSW-CERTEX AE, ní mór bonneagar nua teicneolaíochta faisnéise a chur chun feidhme chun naisc a bhunú idir na timpeallachtaí ionaid ilfhreastail náisiúnta maidir le custam agus córais neamhchustaim an Aontais, na sonraí atá le malartú a shainaithint, agus chun sonraíochtaí teicniúla agus feidhmiúla a fhorbairt. Dá bhrí sin, ba cheart an t-uainiú is gá chun na forbairtí sin a chur ar aghaidh ar leibhéal an Aontais agus ar an leibhéal náisiúnta a chur san áireamh chun an Rialachán seo a chur i bhfeidhm. Thairis sin, táthar ag súil go dtógfaidh sé i bhfad níos mó ama bearta breise maidir le comhar digiteach a chur chun feidhme, toisc gur gá foirmiúlachtaí neamhchustaim an Aontais lena mbaineann a shainaithint roimh ré chomh maith leis na forbairtí teicniúla ábhartha. Is gá, dá bhrí sin, cur i bhfeidhm forálacha áirithe de chuid an Rialacháin seo a chur siar.

(40)

Ós rud é nach féidir leis na Ballstáit cuspóir an Rialacháin seo a ghnóthú go leordhóthanach, eadhon forfheidhmiú feabhsaithe cheanglais rialála an Aontais thar theorainneacha an Aontais agus éascú na trádála idirnáisiúnta, i ngeall ar an nádúr trasnáisiúnta a bhaineann le gluaiseacht earraí thar theorainneacha agus castacht na gluaiseachta sin, agus, de bharr fhairsinge agus éifeachtaí na gníomhaíochta, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú,

(1)

Maidir leis na gealltanais a leagtar amach i gCoinbhinsiún Stócólm maidir le Truailleáin Orgánacha Mharthanacha (“an Coinbhinsiún”), arna fhormheas thar ceann an Chomhphobail le Cinneadh 2006/507/CE ón gComhairle (3), agus sa Phrótacal a ghabhann le Coinbhinsiún 1979 ar Thruailliú Aeir Trasteorann Fadraoin maidir le Truailleáin Orgánacha Mharthanacha, arna fhormheas thar ceann an Chomhphobail le Cinneadh 2004/259/CE ón gComhairle (4), déantar na gealltanais sin a chur chun feidhme ar leibhéal an Aontais le Rialachán (AE) 2019/1021 ó Pharlaimint na hEorpa agus ón gComhairle (5) maidir le truailleáin orgánacha mharthanacha.

(2)

Ag an seachtú cruinniú de Chomhdháil na bPáirtithe sa Choinbhinsiún, a tionóladh ón 4 go dtí an 15 Bealtaine 2015, comhaontaíodh peinteaclóraifeanól, a shalainn agus a eistir (“peinteaclóraifeanól”) a chur isteach in Iarscríbhinn A a ghabhann leis an gCoinbhinsiún. Ag an naoú cruinniú de Chomhdháil na bPáirtithe sa Choinbhinsiún, a tionóladh ón 29 Aibreán go dtí an 10 Bealtaine 2019, comhaontaíodh déchófól chomh maith le haigéad sárfhluarochtánóch (PFOA), a shalainn agus a chomhdhúile PFOA-ghaolmhara a chur isteach in Iarscríbhinn A a ghabhann leis an gCoinbhinsiún. Ag an deichiú cruinniú de Chomhdháil na bPáirtithe sa Choinbhinsiún, a tionóladh ón 6 go dtí an 17 Meitheamh 2022, comhaontaíodh aigéad sárfhluaraiheacsáin sulfónach (PFHxS), a shalainn agus a chomhdhúile PFHxS-ghaolmhara a chur isteach in Iarscríbhinn A a ghabhann leis an gCoinbhinsiún. I bhfianaise na leasuithe sin ar an gCoinbhinsiún agus chun a áirithiú go ndéantar dramhaíl ina bhfuil na substaintí sin a bhainistiú i gcomhréir le forálacha an Choinbhinsiúin, is gá Iarscríbhinní IV agus V a ghabhann le Rialachán (AE) 2019/1021 a leasú freisin trí pheinteaclóraifeanól, déchófól agus PFOA, a shalainn agus a chomhdhúile PFOA-ghaolmhara, chomh maith le PFHxS, a shalainn agus a chomhdhúile PFHxS-ghaolmhara, a chur isteach sna hIarscríbhinní agus teorainneacha tiúchana comhfhreagracha gach ceann ar leith díobh a lua.

(3)

Le Rialachán (AE) 2019/636 ón gCoimisiún (6), liostaíodh peinteaclóraifeanól roimhe in Iarscríbhinní IV agus V a ghabhann le Rialachán (CE) Uimh. 850/2004 ó Pharlaimint na hEorpa agus ón gComhairle (7), agus luach 100 mg/kg luaite maidir leis in Iarscríbhinn IV agus luach 1 000 mg/kg luaite maidir leis in Iarscríbhinn V. I Rialachán (AE) 2019/1021, lenar aisghaireadh Rialachán (CE) Uimh. 850/2004, fágadh peinteaclóraifeanól ar lár go neamhbheartaithe. Is gá, dá bhrí sin, Iarscríbhinní IV agus V a ghabhann le Rialachán (AE) 2019/1021 a leasú chun peinteaclóraifeanól a chur isteach iontu.

(4)

Tá teorainneacha tiúchana cheana féin ann in Iarscríbhinní IV agus V a ghabhann le Rialachán (AE) 2019/1021 maidir leis na substaintí nó na grúpaí substaintí seo a leanas: (a) suim na dtiúchan éitir teitreabrómaidhéfheinile, éitir peinteabrómaidhéfheinile, éitir heicseabrómaidhéfheinile, éitir heipteabrómaidhéfheinile agus éitir deacabrómaidhéfheinile (cé is moite den cheann deireanach, ceann nach liostaítear in Iarscríbhinn V a ghabhann leis an Rialachán sin); (b) Heicseabrómaiciogladóideacán; (c) Alcáin C10-C13, clóra (pairifíní clóirínithe gearrshlabhracha) (SCCPanna); agus (d) débheinsi-p-dé-ocsainí polaclóirínithe agus débheinseafúráin pholaclóirínithe (PCDD/PCDF). De bhun Airteagal 15(2) de Rialachán (AE) 2019/1021, is iomchuí na teorainneacha tiúchana in Iarscríbhinn IV a leasú maidir leis na substaintí sin chun a dteorainnluachanna a oiriúnú don dul chun cinn eolaíoch agus teicniúil. Chun bheith comhsheasmhach leis an liosta d’éitir dhéfheinile pholabróimínithe (PBDEnna) a leagtar amach in Iarscríbhinn IV a ghabhann le Rialachán (AE) 2019/1021, ba cheart an tsubstaint éitear deacabrómaidhéfheinile a chur isteach i measc na PBDEnna a liostaítear sa tríú colún d’Iarscríbhinn V a ghabhann leis an Rialachán sin.

(5)

Chun a chur ar chumas na mBallstát sonraí a bhailiú maidir leis an méid iarbhír PCDD/PCDF agus défheinilí polaclóirínithe dé-ocsainiúla (dl-PCBanna) i luaithreach agus súiche ó theaghlaigh phríobháideacha, agus i luaith cháithníneach ó aonaid bhithmhaise le haghaidh táirgeadh teasa agus cumhachta, agus chun dóthain ama a thabhairt do na Ballstáit na bearta is gá a dhéanamh chun éifeacht a thabhairt do Rialachán (AE) 2019/1021, ba cheart feidhm a bheith ag an teorainn tiúchana leasaithe le haghaidh shuim PCDD/PCDF agus dl-PCBanna, a mhéid a bhaineann le luaithreach agus súiche ó theaghlaigh phríobháideacha agus le luaith cháithníneach ó aonaid bhithmhaise, tráth níos déanaí tar éis theacht i bhfeidhm an Rialacháin seo. Chun gur féidir beartais oiriúnacha a dhearadh chun an luaithreach agus an súiche sin a bhailiú agus a chóireáil agus chun tacú leis an athbhreithniú dá dtagraítear in Iarscríbhinn IV agus leis an bhfaireachán ar chur chun feidhme de bhun Airteagal 13 de Rialachán (AE) 2019/1021, ba cheart do na Ballstáit faisnéis a bhailiú maidir le PCDD/PCDF agus dl-PCBanna a bheith i luaithreach agus súiche ó theaghlaigh phríobháideacha agus i luaith cháithníneach ó aonaid bhithmhaise le haghaidh táirgeadh teasa agus cumhachta. Ba cheart an fhaisnéis sin a chur ar fáil tráth nach déanaí ná an 1 Iúil 2026.

(6)

A mhéid a bhaineann le PBDEnna a liostaítear i Rialachán (AE) 2019/1021, ba cheart an teorainn tiúchana le haghaidh shuim na substaintí sin i ndramhaíl a shocrú ag 500 mg/kg. Agus aird chuí á tabhairt ar an meath atá ag teacht ar thiúchain PBDEnna i ndramhaíl áirithe, atá mar thoradh ar na srianta atá ann cheana ar PBDEnna a chur ar an margadh agus a úsáid, agus i bhfianaise na héabhlóide a d’fhéadfadh teacht ar mhodhanna ábhartha sórtála agus anailíse, ba cheart an teorainnluach a ísliú go 350 mg/kg 3 bliana tar éis theacht i bhfeidhm an Rialacháin seo agus go 200 mg/kg 5 bliana tar éis dó teacht i bhfeidhm.

(7)

Ós rud é go bhfuil airíonna tocsaineolaíocha ag gabháil le foghrúpa ina bhfuil 12 chomhaicmeach PCB, eadhon PCB-77, PCB-81, PCB-105, PCB-114, PCB-118, PCB-123, PCB-126, PCB-156, PCB-157, PCB-167, PCB-169 agus PCB 189, ar a dtugtar dl-PCBanna, airíonna tocsaineolaíocha atá cosúil go mór le hairíonna tocsaineolaíocha PCDD/PCDF, agus chun éifeacht chomhiomlánaithe na gcomhdhúl dé-ocsainiúil uile a liostaítear i Rialachán (AE) 2019/1021 a chur san áireamh, is iomchuí dl-PCBanna a chur isteach san iontráil ghrúpa atá ann cheana le haghaidh PCDD/PCDF in Iarscríbhinní IV agus V a ghabhann le Rialachán (AE) 2019/1021. Ba cheart an liosta de luachanna fachtóra coibhéise tocsaineachta i gCuid 2 d’Iarscríbhinn V a ghabhann leis an Rialachán sin a leasú freisin chun na luachanna comhfhreagracha a thabhairt isteach i leith na gcomhaicmeach dl-PCB aonair.

(8)

Na teorainneacha tiúchana atá beartaithe in Iarscríbhinní IV agus V a ghabhann le Rialachán (AE) 2019/1021, socraíodh iad trí bhíthin na modheolaíochta céanna lenar bunaíodh na teorainneacha tiúchana i leasuithe a rinneadh roimhe seo ar Iarscríbhinní IV agus V a ghabhann le Rialachán (CE) Uimh. 850/2004. Ba cheart prionsabal an réamhchúraim, mar a leagtar síos sa Chonradh ar Fheidhmiú an Aontais Eorpaigh, a bheith mar bhuntaca leis na teorainneacha tiúchana atá beartaithe agus ba cheart é a bheith mar aidhm leo deireadh a chur, nuair is féidir, le scaoileadh truailleán orgánach marthanach sa chomhshaol, chun go mbainfear amach leo an cuspóir maidir le leibhéal ard cosanta do shláinte an duine agus don chomhshaol, cosaint lena ngabhann scriosadh nó claochlú do-aisiompaithe na substaintí lena mbaineann. Ba cheart a chur san áireamh leis na teorainneacha sin freisin an cuspóir beartais leathan maidir le huaillmhian truailliú nialasach a bhaint amach chun críche timpeallacht atá saor ó thocsainí, athchúrsáil a mhéadú, astaíochtaí gás ceaptha teasa a laghdú, timthriallta ábhar neamhthocsaineach a fhorbairt, agus geilleagar ciorclach neamhthocsaineach, a chumhdaítear i dteachtaireacht ón gCoimisiún an 11 Nollaig 2019 dar teideal The European Green Deal [An Comhaontú Glas don Eoraip], a bhaint amach.

(9)

Na teorainneacha tiúchana a shonraítear in Iarscríbhinní IV agus V a ghabhann le Rialachán (AE) 2019/1021, ba cheart iad a bheith comhleanúnach agus ba cheart dóibh cur le cur i bhfeidhm theachtaireacht ón gCoimisiún an 14 Deireadh Fómhair 2020 dar teideal Chemicals Strategy for Sustainability — Towards a Toxic-Free Environment [Straitéis Ceimiceán don Inbhuanaitheacht — I dTreo Timpeallacht Saor ó Thocsainí].

(10)

Chun inrianaitheacht níos fearr agus cóireáil éifeachtach ar an dramhaíl ina bhfuil truailleáin orgánacha mharthanacha a áirithiú, agus chun neamhréireachtaí i ndlí an Aontais a sheachaint, is gá comhleanúnachas a áirithiú idir na forálacha a bhaineann le dramhaíl ina bhfuil truailleáin orgánacha mharthanacha a leagadh amach i dtosach i Rialachán (CE) Uimh. 850/2004, atá aisghairthe anois le Rialachán (AE) 2019/1021, agus na forálacha sin a leagtar amach ina dhiaidh sin. Ba cheart don Choimisiún, dá bhrí sin, measúnú a dhéanamh i dtaobh an bhfuil sé iomchuí go bhfuil dramhaíl ina bhfuil aon truailleáin orgánacha mharthanacha a sháraíonn na teorainneacha tiúchana a shonraítear in Iarscríbhinn IV a ghabhann le Rialachán (AE) 2019/1021 le haicmiú mar dhramhaíl ghuaiseach, agus ba cheart dó togra reachtach a chur ar aghaidh, más iomchuí, chun Treoir 2008/98/CE ó Pharlaimint na hEorpa agus ón gComhairle (8) a leasú nó togra a chur ar aghaidh chun Cinneadh 2000/532/CE ón gCoimisiún (9) a leasú, nó iad araon, dá réir sin.

(11)

De réir chuspóirí na Straitéise Teicstílí, a leagtar amach i dteachtaireacht ón gCoimisiún an 30 Márta 2022 dar teideal EU Strategy for Sustainable and Circular Textiles [Straitéis an Aontais Eorpaigh um Theicstílí Inbhuanaithe agus Ciorclacha], ba cheart táirgí teicstíle a chuirtear ar mhargadh an Aontais a bheith déanta den chuid is mó as snáithíní athchúrsáilte atá saor ó shubstaintí guaiseacha. Chun a áirithiú go bhfuil teicstílí athchúrsáilte saor ó cheimiceáin ghuaiseacha amhail PFOA ón tús, is gá teorainnluachanna i leith PFOA, a shalann agus a chomhdhúl PFOA-ghaolmhar i ndramhaíl a neartú ós rud é go bhféadfadh a láithreacht tionchar a bheith ar bhailiú agus cóireáil dramhaíola teicstíle. Dá bhrí sin, ba cheart don Choimisiún athbhreithniú a dhéanamh ar an teorainn tiúchana d’fhonn an luach a ísliú, i gcás inarb indéanta an t-ísliú sin i gcomhréir leis an dul chun cinn eolaíoch agus teicniúil.

(12)

Dá bhrí sin, ba cheart Rialachán (AE) 2019/1021 a leasú dá réir.

(13)

Is iomchuí foráil a dhéanamh maidir le tréimhse leordhóthanach ionas go mbeidh cuideachtaí agus údaráis inniúla in ann iad féin a chur in oiriúint do na ceanglais nua.

(14)

Ós rud é nach féidir leis na Ballstáit cuspóir an Rialacháin seo, eadhon an comhshaol agus sláinte an duine a chosaint ar thruailleáin orgánacha mharthanacha, a ghnóthú go leordhóthanach agus, de bharr éifeachtaí trasteorann na dtruailleán sin, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú,

(1)

cuirtear an t-airteagal seo a leanas isteach:

(2)

Déantar Iarscríbhinní IV agus V a leasú i gcomhréir leis an Iarscríbhinn a ghabhann leis an Rialachán seo.

(1)

An 18 Iúil 2005, ghlac an Chomhairle Rialachán (CE) Uimh. 1183/2005.

(2)

Tar éis athbhreithniú a dhéanamh ar na bearta sriantacha breise a leagtar síos in Airteagal 2b de Rialachán (CE) Uimh. 1183/2005, ba cheart an ráiteas ar chúiseanna a bhaineann le daoine áirithe a liostaítear in Iarscríbhinn Ia a ghabhann le Rialachán (CE) Uimh. 1183/2005 a leasú.

(3)

Ba cheart, dá bhrí sin, Rialachán (CE) Uimh. 1183/2005 a leasú dá réir,

(1)

Sna leaganacha Bulgáirise, Cróitise, Danmhairgise, Eastóinise, Gearmáinise, Gréigise, Iodáilise, Laitvise, Liotuáinise, Ollainnise, Polainnise, Portaingéilise, Rómáinise, Seicise, Slóivéinise, Slóvaicise agus Sualainnise de Rialachán Tarmligthe (AE) 2017/1018 ón gCoimisiún (2), tá earráid in Airteagal 6(2), pointe (g)(iii), a mhéid a bhaineann leis an bhfaisnéis ar leith nach mór d’oibreoirí fógra a thabhairt ina leith faoin bhforáil lena mbaineann.

(2)

Dá bhrí sin, ba cheart na leaganacha Bulgáirise, Cróitise, Danmhairgise, Eastóinise, Gearmáinise, Gréigise, Iodáilise, Laitvise, Liotuáinise, Ollainnise, Polainnise, Portaingéilise, Rómáinise, Seicise, Slóivéinise, Slóvaicise agus Sualainnise de Rialachán Tarmligthe (AE) 2017/1018 a cheartú dá réir. Ní dhéantar difear do na leaganacha teanga eile,

(1)

Sna leaganacha Bulgáirise, Cróitise, Danmhairgise, Gearmáinise, Gréigise, Iodáilise, Laitvise, Liotuáinise, Máltaise, Polainnise, Portaingéilise, Rómáinise, Seicise, Sualainnise agus Ungáirise de Rialachán Tarmligthe (AE) Uimh. 1151/2014 ón gCoimisiún (2) tá earráid in Airteagal 3(2), pointe (b)(iii), sa tríú fleasc, a mhéid a bhaineann leis an bhfaisnéis ar leith nach mór d’oibreoirí fógra a thabhairt ina leith faoin bhforáil lena mbaineann.

(2)

Dá bhrí sin, ba cheart na leaganacha Bulgáirise, Cróitise, Danmhairgise, Gearmáinise, Gréigise, Iodáilise, Laitvise, Liotuáinise, Máltaise, Polainnise, Portaingéilise, Rómáinise, Seicise, Sualainnise agus Ungáirise de Rialachán Tarmligthe (AE) Uimh. 1151/2014 a cheartú dá réir. Ní dhéantar difear do na leaganacha teanga eile,

(1)

Le Rialachán (AE) 2016/2031 déantar foráil maidir leis na bunrialacha i ndáil le sláinte plandaí san Aontas.

(2)

Le hAirteagal 32(4), pointe (b), den Rialachán sin bunaítear an oibleagáid ar Bhallstáit torthaí suirbhéanna de 3 bliana roimhe sin ar a laghad a chur san áireamh agus iarratas á dhéanamh acu ar chrios nua faoi chosaint chun a thaispeáint nach bhfuil lotnaid choraintín na gcriosanna faoi chosaint (“an lotnaid”) sa chríoch lena mbaineann.

(3)

Le hAirteagal 34(1) de Rialachán (AE) 2016/2031 bunaítear an oibleagáid ar na Ballstáit suirbhéanna bliantúla a dhéanamh ar gach crios faoi chosaint a mhéid a bhaineann leis na lotnaidí agus torthaí na suirbhéanna sin a thuairisciú don Choimisiún agus do na Ballstáit eile gach bliain.

(4)

Sna rialacha a bhaineann leis na suirbhéanna a ullmhú, ba cheart ceanglais a áireamh maidir le breithniú a dhéanamh ar bhitheolaíocht na lotnaide agus na bplandaí óstacha lena mbaineann, agus maidir le huainiú an tsuirbhé a bheith oiriúnach chun an lotnaid a bhrath. Tá na gnéithe sin tábhachtach chun ullmhú an tsuirbhé a bheith iomlán agus oiriúnach don suirbhé lena mbaineann.

(5)

In ábhar an tsuirbhé ba cheart tásca ar léarscáileanna, tuairisc ar limistéar an tsuirbhé, scrúduithe, sampláil agus tástáil, spriocphobail, modhanna braite agus tosca riosca a áireamh, chun iomláine, éifeachtacht agus éifeachtúlacht na suirbhéanna a áirithiú.

(6)

Chomh maith leis sin ba cheart na suirbhéanna a dhéanamh i gcrios maolánach timpeall ar an gcrios faoi chosaint agus a bheith níos déine ná na suirbhéanna sa chrios faoi chosaint, toisc nach bhfuil toirmeasc ar an lotnaid sa chrios maolánach agus nach bhfuil aon bhearta ina choinne infheidhme sa limistéar sin. Tá gá leis sin chun neamhláithreacht na lotnaide sa chrios maolánach a dheimhniú agus chun stádas saor ó lotnaidí an chreasa faoi chosaint a chaomhnú ar bhealach níos fearr. Tá sé sin i gcomhréir freisin leis na Caighdeáin Idirnáisiúnta maidir le Bearta Fíteashláintíochta is infheidhme chun limistéir atá saor ó lotnaidí a bhunú (2), caighdeáin a úsáidtear dá réir sin chun criosanna faoi chosaint a bhunú de bhun dhlí an Aontais. Ceanglaítear leis na caighdeáin idirnáisiúnta sin criosanna maolánacha a bhunú chun limistéir atá saor ó lotnaidí a bhunú agus a chaomhnú, i gcás nach meastar go bhfuil leithlisiú geografach leordhóthanach chun cosc a chur le lotnaidí a thabhairt isteach sna limistéir sin nó le hathmhíolú na limistéar sin, nó i gcás nach bhfuil aon bhealach eile ann chun gluaiseacht lotnaidí chuig na limistéir sin a chosc.

(7)

Ar na cúiseanna céanna, na suirbhéanna sna bandaí laistigh den chrios faoi chosaint, feadh na teorann leis an gcrios faoi chosaint, ba cheart iad a threisiú i gcomparáid leis na suirbhéanna atá sa chuid eile den chrios faoi chosaint.

(8)

Chun go mbeidh ábhar na suirbhéanna comhsheasmhach, ba cheart teimpléad tuairiscithe a bhunú. Le Rialachán Cur Chun Feidhme (AE) 2020/1231 ón gCoimisiún (3) bunaíodh formáid agus treoracha na dtuarascálacha bliantúla maidir le torthaí suirbhéanna i limistéir nach eol an lotnaid a bheith iontu. D’fhonn cur chuige comhchuibhithe a bheith ann agus torthaí na suirbhéanna á dtuairisciú laistigh den Aontas, ba cheart formáid chomhchosúil a ghlacadh chun torthaí suirbhéanna a thuairisciú i gcriosanna faoi chosaint, agus gnéithe sonracha na suirbhéanna sin á gcur san áireamh.

(9)

Le Treoir 92/70/CEE ón gCoimisiún (4) leagtar síos freisin rialacha mionsonraithe maidir le suirbhéanna atá le déanamh chun críche criosanna faoi chosaint a aithint. Ós rud é gur glacadh an Treoir faoi ghníomhartha dlíthiúla an Aontais maidir le sláinte plandaí a bhí ann roimhe seo, tá sí imithe i léig anois agus ba cheart í a aisghairm,

(a)

suirbhéanna maidir le crios nua faoi chosaint a bhunú de bhun Airteagal 32(3) nó (6) de Rialachán (AE) 2016/2031; agus

(b)

ullmhú na suirbhéanna bliantúla agus ábhar na suirbhéanna sin de bhun Airteagal 34(1) den Rialachán (AE) 2016/2031.

(a)

ciallaíonn “crios maolánach” limistéar timpeall ar chrios faoi chosaint chun an dóchúlacht go dtabharfar isteach an lotnaid sa chrios faoi chosaint agus go leathfaidh sí ann a íoslaghdú;

(b)

ciallaíonn “banda laistigh” limistéar laistigh de chrios faoi chosaint, ar leithead atá coibhéiseach le leithead an chreasa mhaolánaigh atá timpeall ar an gcrios faoi chosaint ar an taobh istigh feadh a teorann seachtraí;

(c)

ciallaíonn “suirbhé” suirbhé braite a dhíríonn ar an lotnaid i gcrios faoi chosaint agus, i gcás inarb iomchuí, i gcrios maolánach;

(d)

ciallaíonn “limistéar críochaithe” limistéar a críochaíodh tar éis don lotnaid a bheith aimsithe i gcrios faoi chosaint, mar a thuairiscítear in Airteagal 18 de Rialachán (AE) 2016/2031;

(e)

ciallaíonn “suirbhé bunaithe ar staidreamh” suirbhé a dhéantar ar bhonn threoirlínte ginearálta an Údaráis Eorpaigh um Shábháilteacht Bia (EFSA), treoirlínte do shuirbhéanna ar lotnaidí plandaí atá fónta ó thaobh staidrimh de agus atá bunaithe ar riosca (5).

(a)

léarscáil ar a bhfuil teorannú geografach an chreasa faoi chosaint agus, i gcás inarb iomchuí, an chreasa mhaolánaigh nó an bhanda laistigh, ar a sonrófar suíomh na ngníomhaíochtaí suirbhéireachta a rinneadh agus ar a léireofar na pointí suirbhé, na torthaí nó na ráigeanna agus aon limistéar críochaithe a bunaíodh;

(b)

tuairisc ar an méid seo a leanas:

(c)

liosta na bplandaí óstacha;

(d)

na limistéar riosca a sainaithníodh inar féidir leis an lotnaid a bheith ann;

(e)

faisnéis faoi mhíonna na bliana ina rinneadh an suirbhé;

(f)

san áit arb iomchuí:

(g)

dearadh an tsuirbhé in aghaidh na lotnaide, lena n-áirítear tuairisc ar na nithe seo a leanas: I gcás suirbhéanna bunaithe ar staidreamh, na toimhdí bunúsacha a bhaineann le

(a)

Airteagal 32(4), pointe (b), de Rialachán (AE) 2016/2031; nó

(b)

Airteagal 34(2) de Rialachán (AE) 2016/2031.

(1)

Le Rialachán Cur Chun Feidhme (AE) 2021/1044 ón gCoimisiún (2) deonaíodh údarú Aontais le haghaidh an táirge bhithicídigh aonair “Pesguard® Gel” ina bhfuil clóitiainídin mar shubstaint ghníomhach atá inbhreithnithe lena hionadú, de réir mar a shainaithnítear í i Rialachán Cur Chun Feidhme (AE) 2015/985 ón gCoimisiún (3) i gcomhréir le hAirteagal 10(5) de Rialachán (AE) Uimh. 528/2012.

(2)

De réir Airteagal 23(6) de Rialachán (AE) Uimh. 528/2012, údarú le haghaidh táirge bithicídeach ina bhfuil substaint ghníomhach atá inbhreithnithe lena hionadú, beidh sé le deonú ar feadh tréimhse nach faide ná 5 bliana.

(3)

Le Rialachán Cur Chun Feidhme (AE) 2021/1044 dheonaigh an Coimisiún an t-údarú Aontais le haghaidh an táirge bhithicídigh aonair “Pesguard® Gel” ar feadh tréimhse 10 mbliana go hearráideach.

(4)

Dá bhrí sin, ba cheart Rialachán Cur Chun Feidhme (AE) 2021/1044 a cheartú dá réir.

(5)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,

(1)

in Airteagal 1, sa dara mhír, cuirtear “30 Meitheamh 2026” in ionad “30 Meitheamh 2031”;

(2)

san Iarscríbhinn, i bpointe 1.2, sa tábla, sa ró “Dáta éaga an údaraithe”, cuirtear “30 Meitheamh 2026” in ionad “30 Meitheamh 2031”.

(1)

Idir an 29 Nollaig 2019 agus an 13 Bealtaine 2020 agus idir an 24 Samhain 2020 agus an 28 Iúil 2021, dheimhnigh an Pholainn 392 ráig den fhliú éanúil ardphataigineach d’fhochineál H5 agus thug sí fógra fúthu. Is iad lachain, géanna, turcaithe, guinithe, sicíní Gallus domesticus agus béaróga na speicis a ndearnadh difear dóibh.

(2)

Rinne an Pholainn na bearta sláinte ainmhithe agus tréidliachta uile ba ghá láithreach agus go héifeachtúil i gcomhréir le Treoir 2005/94/CE ón gComhairle (2) agus, ón 21 Aibreán 2021, i gcomhréir le Rialachán (AE) 2016/429 ó Pharlaimint na hEorpa agus ón gComhairle (3), lena ndearnadh an Treoir sin a aisghairm agus a ionadú.

(3)

Go háirithe, rinne an Pholainn bearta rialaithe, faireacháin agus coisctheacha agus bhunaigh sí criosanna cosanta agus faireachais (‘na criosanna rialaithe’) de bhun Chinntí Cur Chun Feidhme (AE) 2020/10 (4), (AE) 2020/47 (5), (AE) 2020/114 (6), (AE) 2020/134 (7), (AE) 2020/175 (8), (AE) 2020/210 (9), (AE) 2020/240 (10), (AE) 2020/281 (11), (AE) 2020/384 (12), (AE) 2020/504 (13), (AE) 2020/529 (14), (AE) 2020/549 (15), (AE) 2020/574 (16), (AE) 2020/604 (17), (AE) 2020/1809 (18), (AE) 2020/2010 (19), (AE) 2021/18 (20), (AE) 2021/68 (21), (AE) 2021/122 (22), (AE) 2021/151 (23), (AE) 2021/239 (24), (AE) 2021/335 (25), (AE) 2021/396 (26), (AE) 2021/450 (27), (AE) 2021/489 (28), (AE) 2021/562 (29), (AE) 2021/640 (30), (AE) 2021/641 (31), (AE) 2021/688 (32), (AE) 2021/766 (33), (AE) 2021/846 (34), (AE) 2021/906 (35), (AE) 2021/989 (36), (AE) 2021/1084 (37), (AE) 2021/1146 (38), agus (AE) 2021/1186 (39) ón gCoimisiún.

(4)

Chuir an Pholainn in iúl don Choimisiún go ndearna na bearta sláinte agus tréidliachta ba ghá, a cuireadh i bhfeidhm chun leathadh an ghalair a shrianadh agus a dhíothú, difear do líon an-mhór oibreoirí agus gur chaill na hoibreoirí sin ioncam nach raibh incháilithe do ranníocaíocht airgeadais ón Aontas faoi Rialachán (AE) Uimh. 652/2014 ó Pharlaimint na hEorpa agus ón gComhairle (40), a ndearnadh a aisghairm agus a ionadú le Rialachán (AE) 2021/690 (41) ón 1 Eanáir 2021.

(5)

An 21 Márta 2022, fuair an Coimisiún iarraidh fhoirmiúil ón bPolainn chun go ndéanfaí bearta eisceachtúla áirithe a pháirtmhaoiniú de bhun Airteagal 220(3) de Rialachán (AE) Uimh. 1308/2013 le haghaidh ráigeanna a deimhníodh idir an 29 Nollaig 2019 agus an 13 Bealtaine 2020, agus idir an 24 Samhain 2020 agus an 28 Iúil 2021. An 11 Bealtaine 2022, an 24 Meitheamh 2022, an 3 Lúnasa 2022, an 5 Deireadh Fómhair 2022 agus an 9 Samhain 2022, rinne údaráis na Polainne a n-iarraidh a shoiléiriú agus a dhoiciméadú.

(6)

De thoradh na mbeart sláinte ainmhithe agus tréidliachta dá dtagraítear in aithris 3, cuireadh síneadh le tréimhsí branair, cuireadh toirmeasc ar éin a chur ar lonnú agus cuireadh srian ar ghluaiseachtaí ar ghabháltais de gach cineál éanlaithe clóis sna criosanna rialaithe. Dá thoradh sin, cailleadh táirgeadh uibheacha goir, uibheacha tomhaltais, ainmhithe beo agus feoil éanlaithe clóis ar na gabháltais sin, ach bhí caillteanais ann freisin de dheasca uibheacha agus feoil a scriosadh agus a íosghrádaíodh.

(7)

I gcomhréir le hAirteagal 220(5) de Rialachán (AE) Uimh. 1308/2013, ní mór páirtmhaoiniú an Aontais a bheith coibhéiseach le 50 % den chaiteachas a d’iompair an Pholainn mar gheall ar na bearta eisceachtúla tacaíochta margaidh. Ba cheart don Choimisiún na huaschainníochtaí atá incháilithe do mhaoiniú i leith gach birt eisceachtúil tacaíochta margaidh a shocrú tar éis dó grinnscrúdú a dhéanamh ar an iarraidh a fuarthas ón bPolainn i dtaca le ráigeanna a deimhníodh idir an 29 Nollaig 2019 agus an 13 Bealtaine 2020, agus idir an 24 Samhain 2020 agus an 28 Iúil 2021.

(8)

Chun aon riosca róchúitimh a sheachaint, ba cheart méid ráta comhréidh an pháirtmhaoinithe a bhunú ar staidéir theicniúla agus eacnamaíocha nó ar dhoiciméid chuntasaíochta agus a shocrú ar leibhéal atá iomchuí i gcás gach ainmhí agus gach táirge de réir catagóirí.

(9)

Chun aon riosca cistithe dhúbailte a sheachaint, níor cheart go ndearnadh cúiteamh i leith na gcaillteanas le státchabhair nó le hárachas agus ba cheart an páirtmhaoiniú ón Aontas faoin Rialachán seo a bheith teoranta d’ainmhithe agus do tháirgí incháilithe nach bhfuarthas aon ranníocaíocht airgeadais ón Aontas ina leith faoi Rialachán (AE) Uimh. 652/2014, a ndearnadh a aisghairm agus a ionadú le Rialachán (AE) 2021/690 ón 1 Eanáir 2021.

(10)

Ba cheart méid agus fad na mbeart eisceachtúil tacaíochta margaidh dá bhforáiltear sa Rialachán seo a bheith teoranta don mhéid a bhfuil fíorghá leis chun tacú leis an margadh. Go háirithe, níor cheart feidhm a bheith ag na bearta eisceachtúla tacaíochta margaidh ach amháin maidir le táirgeadh uibheacha agus éanlaithe clóis ar na gabháltais atá lonnaithe sna criosanna rialaithe agus ar feadh fhad na mbeart sláinte ainmhithe agus tréidliachta a leagtar síos i reachtaíocht an Aontais agus na Polainne atá ábhartha do na 392 ráig den fhliú éanúil ardphataigineach a deimhníodh idir an 29 Nollaig 2019 agus an 13 Bealtaine 2020, agus idir an 24 Samhain 2020 agus an 28 Iúil 2021.

(11)

Chun solúbthacht a áirithiú i gcás nach ionann líon na n-uibheacha ná na n-ainmhithe atá incháilithe do chúiteamh agus na huasmhéideanna a shocraítear sa Rialachán seo, méideanna atá bunaithe ar mheastacháin, féadfar cúiteamh a choigeartú laistigh de theorainneacha áirithe, ar choinníoll go n-urramaítear an t-uasmhéid caiteachais a pháirtmhaoineoidh an tAontas.

(12)

Ar mhaithe le bainistiú buiséadach fónta na mbeart eisceachtúil tacaíochta margaidh sin, níor cheart ach na híocaíochtaí sin a dhéanfaidh an Pholainn le tairbhithe faoin 30 Meán Fómhair 2023 ar a dhéanaí a bheith incháilithe do pháirtmhaoiniú ón Aontas. Níor cheart feidhm a bheith ag Airteagal 5(2) de Rialachán Tarmligthe (AE) Uimh. 907/2014 ón gCoimisiún (42), ar cuireadh Airteagal 5(2) de Rialachán Tarmligthe (AE) 2022/127 ón gCoimisiún (43) ina ionad ón 1 Eanáir 2023.

(13)

Chun incháilitheacht agus cruinneas na n-íocaíochtaí a áirithiú, ba cheart don Pholainn seiceálacha ex ante a dhéanamh.

(14)

Chun go mbeidh an tAontas in ann a rialú airgeadais a dhéanamh, ba cheart don Pholainn imréiteach na n-íocaíochtaí a chur in iúl don Choimisiún.

(15)

Ós rud é gur tháinig na srianta a bhaineann le ráigeanna an fhliú éanúil i bhfeidhm ar dhátaí éagsúla sna criosanna rialaithe dá dtagraítear i reachtaíocht an Aontais a liostaítear san Iarscríbhinn a ghabhann leis an Rialachán seo, agus ós rud é nach ndéantar foráil sa Rialachán seo maidir le spriocdháta chun na hiarratais ar chabhair a chur isteach, is iomchuí a mheas, chun críocha Airteagal 29(4) de Rialachán Tarmligthe (AE) Uimh. 907/2014, ar cuireadh Airteagal 30(3) de Rialachán Tarmligthe (AE) 2022/127 ina ionad ón 1 Eanáir 2023, dáta theacht i bhfeidhm an Rialacháin seo mar an teagmhas oibríochtúil le haghaidh an ráta malairte maidir leis na méideanna a leagtar amach sa Rialachán seo.

(16)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Chomheagrú na Margaí Talmhaíochta,

(a)

incháilitheacht an iarratasóra a bhfuil an iarraidh ar thacaíocht á cur isteach aige;

(b)

i gcás gach iarratasóra incháilithe: incháilitheacht, cainníocht agus luach an chaillteanais iarbhír táirgeachta;

(c)

nach bhfuair aon iarratasóir incháilithe cistiú ó aon fhoinse eile chun na caillteanais dá dtagraítear in Airteagal 2 den Rialachán seo a chúiteamh.

(1)

I Roinn I.1 d’Iarscríbhinn I, Roinn II.1 d’Iarscríbhinn II agus Roinn III.1 d’Iarscríbhinn III a ghabhann le Treoir 2008/68/CE, tagraítear d’fhorálacha a leagtar amach i gcomhaontuithe idirnáisiúnta maidir le hiompar intíre earraí contúirteacha de bhóthar, d’iarnród nó ar uiscebhealach intíre.

(2)

Tugtar forálacha na gcomhaontuithe idirnáisiúnta sin cothrom le dáta gach 2 bhliain. Beidh feidhm ag a leaganacha leasaithe deiridh ón 1 Eanáir 2023 ar aghaidh, agus beidh idirthréimhse ann go dtí an 30 Meitheamh 2023.

(3)

I gcomhréir le Dearbhú Comhpháirteach Polaitiúil an 28 Meán Fómhair 2011 ó na Ballstáit agus ón gCoimisiún maidir le doiciméid mhíniúcháin, ghlac na Ballstáit mar chúram orthu féin, i gcásanna a bhfuil údar cuí leo, doiciméad amháin nó níos mó a chur leis an bhfógra maidir lena mbearta trasuite, ar doiciméid iad lena mínítear an gaol idir codanna de Threoir agus páirteanna comhfhreagracha na n-ionstraimí náisiúnta trasuite.

(4)

Dá bhrí sin, ba cheart Roinn I.1 d’Iarscríbhinn I, Roinn II.1 d’Iarscríbhinn II agus Roinn III.1 d’Iarscríbhinn III a ghabhann le Treoir 2008/68/CE a leasú dá réir sin,

1.

in Iarscríbhinn I, cuirtear an méid seo a leanas in ionad Roinn I.1:

Iarscríbhinní A agus B a ghabhann le ADR, de réir mar is infheidhme le héifeacht ón 1 Eanáir 2023, ar choinníoll go gcuirtear ‘Ballstát’ in ionad ‘páirtí conarthach’ de réir mar is iomchuí.”;

2.

in Iarscríbhinn II, cuirtear an méid seo a leanas in ionad Roinn II.1:

An Iarscríbhinn a ghabhann le RID, de réir mar is infheidhme le héifeacht ón 1 Eanáir 2023, ar choinníoll go gcuirtear ‘Ballstát’ in ionad ‘Stát Conarthach RID’ de réir mar is iomchuí.”;

3.

in Iarscríbhinn III, cuirtear an méid seo a leanas in ionad Roinn III.1:

Na Rialacháin atá i gceangal le ADN, de réir mar is infheidhme le héifeacht ón 1 Eanáir 2023, chomh maith le hAirteagal 3, pointí (f) agus (h) agus Airteagal 8(1) agus (3) de ADN, ar choinníoll go gcuirtear ‘Ballstát’ in ionad ‘páirtí conarthach’ de réir mar is iomchuí.”.

(1)

Shínigh an tAontas an Conradh lena mbunaítear an Comhphobal Iompair (“TCT”) i gcomhréir le Cinneadh (AE) 2017/1937 ón gComhairle (1).

(2)

Formheasadh TCT thar ceann an Aontais an 4 Márta 2019 (2) agus tháinig sé i bhfeidhm an 1 Bealtaine 2019.

(3)

Bunaíodh an Coiste Stiúrtha Réigiúnach faoi TCT chun TCT a riar agus a chur chun feidhme mar is cuí.

(4)

Foráiltear le hAirteagal 24(5) TCT go bhfuil an Coiste Stiúrtha Réigiúnach lena rialacha nós imeachta a ghlacadh. Ina theannta sin, foráiltear le hAirteagal 30 TCT go bhfuil sé chun rialacha Bhuanrúnaíocht an Chomhphobail Iompair a leagan síos.

(5)

Tá sé beartaithe go nglacfaidh an Coiste Stiúrtha Réigiúnach cinneadh lena leasaítear a rialacha nós imeachta, chun foráil a dhéanamh maidir le teorainn ama níos giorra chun an dréachtchlár oibre agus aon doiciméid ghaolmhara a dháileadh roimh chruinniú an Choiste Stiúrtha Réigiúnaigh, cinneadh lena nglactar rialacha nós imeachta an Choiste Idir-réitigh agus rialacha maidir le réiteach díospóidí is infheidhme maidir leis an mBuanrúnaíocht, chun díospóidí idir an Bhuanrúnaíocht agus comhaltaí dá foireann a rialú, agus cinneadh maidir leis na leasuithe ar Rialacháin Foirne an Chomhphobail Iompair is gá de thoradh ar ghlacadh na rialacha sin.

(6)

Is iomchuí an seasamh atá le glacadh thar ceann an Aontais sa Choiste Stiúrtha Réigiúnach a bhunú i ndáil leis na cinntí sin a ghlacadh, óir tá na cinntí sin riachtanach do dhea-fheidhmiú na Buanrúnaíochta,

(1)

Shínigh an tAontas an Conradh lena mbunaítear an Comhphobal Iompair (“TCT”) i gcomhréir le Cinneadh (AE) 2017/1937 ón gComhairle (1).

(2)

Formheasadh TCT thar ceann an Aontais Eorpaigh an 4 Márta 2019 (2) agus tháinig sé i bhfeidhm an 1 Bealtaine 2019.

(3)

Bunaíodh an Coiste Stiúrtha Réigiúnach faoi TCT chun TCT a riar agus a chur chun feidhme mar is cuí. Ceanglaítear le TCT go nglacfaidh an Coiste Stiúrtha Réigiúnach rialacha maidir le cur i bhfeidhm an bhuiséid agus maidir le cuntais a thíolacadh agus a iniúchadh.

(4)

Tá an Coiste Stiúrtha Réigiúnach le cinntí a ghlacadh go luath maidir leis an athbhreithniú ar rialacha airgeadais agus nósanna imeachtaí iniúchóireachta is infheidhme maidir leis an gComhphobal Iompair.

(5)

Is iomchuí an seasamh atá le glacadh thar ceann an Aontais sa Choiste Stiúrtha Réigiúnach a bhunú, óir tá na cinntí sin riachtanach do dhea-fheidhmiú Bhuanrúnaíocht an Chomhphobail Iompair, agus beidh siad ina gceangal ar an Aontas,