(1)

De bhun Airteagal 8(3) de Rialachán (AE) 2020/1503, ní mór do sholáthraithe seirbhísí sluachistiúcháin rialacha inmheánacha a choinneáil ar bun agus a oibriú chun coinbhleachtaí leasa a chosc. Chun a áirithiú go gcomhlíonfaidh na rialacha sin a gcuspóir coinbhleachtaí leasa a chosc le himeacht ama, ba cheart do sholáthraithe seirbhísí sluachistiúcháin na rialacha sin a athbhreithniú go tréimhsiúil agus ar bhonn bliantúil ar a laghad, agus a áirithiú go ndéanfar bearta iomchuí chun aghaidh a thabhairt ar aon easnamh maidir leis na rialacha sin.

(2)

Chun coinbhleachtaí leasa a bhainistiú, níor cheart do sholáthraithe seirbhísí sluachistiúcháin a bheith ag brath an iomarca ar cheanglais nochta a leagtar amach in Airteagal 8(5) de Rialachán (AE) 2020/1503. Dá bhrí sin, ba cheart do sholáthraithe seirbhísí sluachistiúcháin rialacha inmheánacha a bhunú chun coinbhleachtaí leasa a chosc. Rialacha inmheánacha chun coinbhleachtaí leasa a chosc, ba cheart iad a bheith iomchuí maidir le cineál, scála agus castacht na seirbhísí sluachistiúcháin arna soláthar agus maidir le méid agus eagrú ghnó an tsoláthraí seirbhísí sluachistiúcháin. Maidir leis an méid sin, le rialacha inmheánacha chun coinbhleachtaí leasa a chosc, ba cheart a chur san áireamh, i gcás inarb ábhartha, imthosca a bhaineann leis an bhfíoras go mbaineann soláthraí seirbhísí sluachistiúcháin le grúpa.

(3)

Agus rialacha inmheánacha chun coinbhleachtaí leasa a chosc á ndearadh ag soláthraithe seirbhísí sluachistiúcháin, ba cheart dóibh a ndícheall a dhéanamh chun cosc, sainaithint agus bainistiú coinbhleachtaí leasa a áirithiú. Mar sin féin, i gcás ina sainaithnítear coinbhleacht leasa, ba cheart do sholáthraithe seirbhísí sluachistiúcháin na bearta is gá a dhéanamh chun a áirithiú go nochtfar an choinbhleacht leasa sin le cliaint an tsoláthraí seirbhísí sluachistiúcháin agus le haon pháirtí eile a bhféadfaí difear a dhéanamh dóibh.

(4)

Na bearta atá le déanamh ag soláthraithe seirbhísí sluachistiúcháin i gcomhréir le hAirteagal 8(4) de Rialachán (AE) 2020/1503, ba cheart a áirithiú leo, le muinín réasúnach, go gcoiscfear na rioscaí maidir le damáiste do leasanna na gcliant, agus, i gcás nach féidir déanamh amhlaidh, go ndéanfar iad a mhaolú go cuí.

(5)

Chun a áirithiú go bhféadfaidh cliaint cinneadh eolach a dhéanamh maidir le seirbhísí lena mbaineann coinbhleacht leasa iarbhír, ba cheart do sholáthraithe seirbhísí sluachistiúcháin an fhaisnéis, arna nochtadh i gcomhréir le hAirteagal 8(5) de Rialachán (AE) 2020/1503, maidir le cineál ginearálta agus foinsí coinbhleachtaí leasa chomh maith leis na bearta arna ndéanamh chun iad a mhaolú, a thabhairt cothrom le dáta. Ba cheart an nochtadh sin a bheith iomchuí maidir le cineál na gcliant ar a bhfuil sé dírithe, go háirithe agus a gcáilíocht mar infheisteoirí sofaisticiúla nó infheisteoirí neamhshofaisticiúla á cur san áireamh, lena n-áirítear infheisteoirí ionchasacha. Ba cheart tuairisc a bheith sa nochtadh ar na coinbhleachtaí leasa agus ar na rioscaí gaolmhara do na cliaint.

(6)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí faoi bhráid an Choimisiúin.

(7)

Rinne an tÚdarás Eorpach um Urrúis agus Margaí comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (2).

(8)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3)agus thug sé tuairim uaidh an 1 Meitheamh 2022,

(1)

Chun sásra aonfhoirmeach a áirithiú trína bhfeidhmeoidh údaráis inniúla a gcumhachtaí go héifeachtach i leith iarratais ar údarú ó sholáthraithe seirbhísí sluachistiúcháin ionchasacha, is iomchuí foirmeacha, teimpléid agus nósanna imeachta caighdeánacha, coiteanna a leagan amach le haghaidh na n-iarratas sin.

(2)

Chun cumarsáid idir soláthraí seirbhísí sluachistiúcháin ionchasach agus an t-údarás inniúil a éascú, ba cheart don údarás inniúil pointe teagmhála a ainmniú go sonrach chun críche an phróisis iarratais agus ba cheart dó na sonraí teagmhála ábhartha a chur ar fáil go poiblí ar a shuíomh gréasáin.

(3)

Ionas go mbeidh an t-údarás inniúil in ann measúnú críochnúil a dhéanamh ar cé acu atá nó nach bhfuil an t-iarratas comhlánaithe ina iomláine, i gcás ina gceanglaíonn an t-údarás inniúil ar an soláthraí seirbhísí sluachistiúcháin ionchasach faisnéis atá in easnamh a sholáthar, ba cheart an teorainn ama chun measúnú a dhéanamh ar iomláine an iarratais dá dtagraítear in Airteagal 12(4) de Rialachán (AE) 2020/1503 a chur ar fionraí ón dáta a iarrfar an fhaisnéis sin go dtí an dáta a gheobhaidh an t-údarás inniúil í.

(4)

Chun gur féidir leis an údarás inniúil a mheas an bhféadfadh athruithe ar an bhfaisnéis arna soláthar san iarratas ar údarú difear a dhéanamh don nós imeachta údarúcháin, is iomchuí a cheangal ar sholáthraithe seirbhísí sluachistiúcháin ionchasacha na hathruithe sin a chur in iúl gan moill mhíchuí. Thairis sin, is gá a shuí go mbeidh feidhm ag na teorainneacha ama chun measúnú a dhéanamh ar an bhfaisnéis a leagtar síos in Airteagal 12(8) de Rialachán (AE) 2020/1503 ón dáta a sholáthróidh an t-iarratasóir an fhaisnéis leasaithe don údarás inniúil.

(5)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí faoi bhráid an Choimisiúin.

(6)

Rinne an tÚdarás Eorpach um Urrúis agus Margaí comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (2),

(7)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3) agus thug sé tuairim uaidh an 1 Meitheamh 2022,

(1)

Leis an bhfaisnéis nach mór d’údaráis inniúla a mhalartú de bhun Airteagal 31(1) de Rialachán (AE) 2020/1503, ba cheart é a chur ar a gcumas do na húdaráis sin a gcuid gníomhaíochtaí imscrúdúcháin, maoirseachta agus forfheidhmiúcháin a dhéanamh faoin Rialachán sin. Dá bhrí sin, is gá a shonrú an fhaisnéis nach mór d’údaráis inniúla a mhalartú chun go mbeidh siad in ann na cúraimí sin a dhéanamh.

(2)

Chun a áirithiú gur féidir leis na húdaráis inniúla faireachán éifeachtach a dhéanamh ar sholáthraithe seirbhísí sluachistiúcháin, ba cheart do na húdaráis inniúla faisnéis chúlra ghinearálta agus doiciméid bhunreachtúla a mhalartú, lena n-áirítear doiciméid chorpraithe náisiúnta, nó doiciméid eile lena dtugtar léargas ar struchtúr agus ar ghníomhaíochtaí oibríochtúla na soláthraithe seirbhísí sluachistiúcháin. Ar an gcúis chéanna, ba cheart d’údaráis inniúla faisnéis a mhalartú freisin faoin bpróiseas údarúcháin agus faoi chomhlachtaí bainistíochta soláthraithe seirbhísí sluachistiúcháin, lena n-áirítear faisnéis faoina oiriúnaí atá sé soláthraí seirbhísí sluachistiúcháin a bhainistiú agus faoi chlú chomhaltaí an chomhlachta bainistíochta, agus faisnéis faoi scairshealbhóirí, faoi phionóis agus faoi bhearta riaracháin arna bhforchur, faoi ghníomhaíochtaí forfheidhmiúcháin agus stair ábhartha iompair agus comhlíontachta soláthraithe seirbhísí sluachistiúcháin.

(3)

Chun a ndualgais mhaoirseachta a chomhlíonadh ar bhealach cuimsitheach, ba cheart do na húdaráis inniúla faisnéis ábhartha a mhalartú freisin maidir le daoine nádúrtha nó dlítheanacha eile agus maidir le tríú páirtithe a bhaineann leis an sluachistiúchán atá ábhartha i dtaca le soláthar na seirbhísí a sholáthraíonn na soláthraithe seirbhísí sluachistiúcháin, lena n-áirítear faisnéis maidir le tríú páirtithe atá ainmnithe chun feidhmeanna oibríochtúla a chomhlíonadh i ndáil le soláthar seirbhísí sluachistiúcháin.

(4)

Is sna himthosca sin ina bhféadfadh saincheisteanna teacht chun cinn ar ábhair imní rialála iad a bhaineann leis na heintitis atá faoi réir Rialachán (AE) 2020/1503 is mó a bheidh an malartú faisnéise úsáideach, lena n-áirítear faisnéis faoi iarratas tosaigh soláthraithe seirbhísí sluachistiúcháin ar údarú, faoin maoirseacht leanúnach ar chomhlíontacht eintitis leis an Rialachán sin, agus faoi ghníomhaíochtaí maoirseachta agus forfheidhmiúcháin a d’fhéadfadh tionchar a imirt ar oibríochtaí eintitis i ndlínse eile.

(5)

Ba cheart an malartú faisnéise idir údaráis inniúla maidir le gníomhaíochtaí imscrúdúcháin, maoirseachta agus forfheidhmiúcháin a dhéanamh i gcomhréir leis an gceart chun sonraí pearsanta na ndaoine lena mbaineann a chosaint, mar a leagtar amach in Airteagail 7 agus 8, faoi seach, den Chairt um Chearta Bunúsacha an Aontais Eorpaigh agus ní mór dó a bheith i gcomhréir le Rialachán (AE) 2016/679 ó Pharlaimint na hEorpa agus ón gComhairle (2).

(6)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí (ESMA) faoi bhráid an Choimisiúin.

(7)

Ní dhearna ESMA comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, ná ní dhearna sé anailís ar na costais agus ar na tairbhí a d’fhéadfadh a bheith ag baint leo, toisc go mbeadh sé sin an-díréireach i ndáil le raon feidhme agus tionchar na gcaighdeán sin, ós rud é go mbaineann na caighdeáin sin go príomha leis na húdaráis inniúla.

(8)

D’iarr ESMA comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (3).

(9)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (4) agus thug sé tuairim uaidh an 1 Meitheamh 2022,

(1)

Chun a áirithiú go ndéanann soláthraithe seirbhís sluachistiúcháin an triail eolais iontrála le haghaidh infheisteoirí neamhshofaisticiúla ionchasacha dá dtagraítear in Airteagal 21 de Rialachán (AE) 2020/1503 ar bhealach comhchuibhithe, is gá rialacha comhchoiteanna a leagan síos maidir leis an measúnú ar cé acu atá nó nach bhfuil na seirbhísí sluachistiúcháin a thairgtear iomchuí le haghaidh na n-infheisteoirí neamhshofaisticiúla ionchasacha agus cé acu díobh atá iomchuí lena n-aghaidh.

(2)

Chun a áirithiú go bhfionnann soláthraithe seirbhísí sluachistiúcháin go dtuigeann infheisteoirí neamhshofaisticiúla ionchasacha an leibhéal riosca a bhaineann le hinfheistíochtaí sluachistiúcháin, ba cheart do sholáthraithe seirbhísí sluachistiúcháin bearta réasúnacha a dhéanamh chun a áirithiú go bhfuil an fhaisnéis a bhailítear ó infheisteoirí neamhshofaisticiúla ionchasacha iontaofa agus go léirítear inti go cruinn eolas, scileanna, taithí agus staid airgeadais, cuspóirí infheistíochta agus tuiscint bhunúsach na n-infheisteoirí neamhshofaisticiúla ionchasacha sin maidir leis na rioscaí lena mbaineann.

(3)

Ba cheart infheisteoirí a chur ar an eolas go soiléir agus ar bhealach aonfhoirmeach maidir leis na rioscaí a thabhóidís dá gcinnfidís infheistíocht a dhéanamh i seirbhísí sluachistiúcháin. Ba cheart do sholáthraithe seirbhísí sluachistiúcháin rabhadh riosca comhchuibhithe a eisiúint, dá bhrí sin, d’infheisteoirí neamhshofaisticiúla ionchasacha a dteipeann orthu sa triail eolais iontrála agus ceanglais shonracha á leanúint acu maidir leis an gcaoi ar cheart an rabhadh a léiriú d’infheisteoirí den sórt sin.

(4)

Chun cosaint infheisteoirí a chur chun cinn agus chun a áirithiú go ndéantar an t-ionsamhlú ar chumas na n-infheisteoirí neamhshofaisticiúla ionchasacha caillteanas a sheasamh go leordhóthanach, ba cheart do sholáthraithe seirbhísí sluachistiúcháin uirlis ríofa ar líne a chur ar fáil ar a suíomh gréasáin arb é is aidhm dó cabhrú le hinfheisteoirí neamhshofaisticiúla ionchasacha ionsamhlú a dhéanamh ar a gcumas caillteanas a sheasamh. Mar sin féin, de dheasca chineál íogair na faisnéise atá le soláthar ag infheisteoirí neamhshofaisticiúla ionchasacha in uirlis ríofa ar líne den sórt sin, ba cheart an uirlis sin a bhunú ar bhealach lena gcuirtear cosc ar sholáthraithe seirbhísí sluachistiúcháin rochtain a bheith acu ar an bhfaisnéis a chuir na hinfheisteoirí neamhshofaisticiúla ionchasacha isteach nó an fhaisnéis a thaifeadadh.

(5)

Chun a áirithiú nach féidir an fhaisnéis a sholáthraíonn infheisteoirí neamhshofaisticiúla ionchasacha san uirlis ríofa ar líne a bhailiú gan a gcead sainráite, ba cheart an uirlis sin a bhunú ar bhealach lena gcuirtear cosc ar sholáthraithe seirbhísí sluachistiúcháin athrú a dhéanamh ar thoradh an ionsamhlaithe arna ndéanamh ag infheisteoirí neamhshofaisticiúla ionchasacha nó cur isteach ar an toradh sin. Thairis sin, chun infheisteoirí neamhshofaisticiúla ionchasacha a chosaint agus go háirithe chun é a chur ar a gcumas dóibh seiceáil go bhfuil an fhaisnéis a chuir siad isteach ceart agus cruinn, níor cheart do sholáthraithe seirbhísí sluachistiúcháin toradh an ionsamhlaithe ar an gcumas caillteanas a sheasamh a bhailiú go díreach ach, ina ionad sin, ba cheart d’infheisteoirí neamhshofaisticiúla ionchasacha é a roinnt go toilteanach a luaithe a mheasann siad go léirítear go leordhóthanach i dtoradh an ionshamhlaithe a gcumas caillteanas a sheasamh.

(6)

Chun solúbthacht a áirithiú maidir leis an mbealach a ndéantar an t-ionsamhlú ar an gcumas caillteanas a sheasamh, ba cheart infheisteoirí neamhshofaisticiúla ionchasacha a bheith in ann an fhéidearthacht a thabhairt d’infheisteoirí neamhshofaisticiúla ionchasacha ionsamhlú a dhéanamh ar a gcumas caillteanas a sheasamh trí mhodh difriúil gan an uirlis ríofa ar líne a úsáid, ar choinníoll go dtabharfar an fhéidearthacht sin sa bhreis ar an uirlis ríofa ar líne a chur ar fáil ar shuíomh gréasáin an tsoláthraí seirbhísí sluachistiúcháin.

(7)

Chun cur chuige comhchuibhithe a áirithiú maidir leis an ionsamhlú ar chumas infheisteoirí neamhshofaisticiúla ionchasacha caillteanas a sheasamh, ba cheart rialacha a leagan síos maidir leis an gcaoi ar cheart glanfhiúchas infheisteoirí neamhshofaisticiúla ionchasacha a ríomh, bunaithe ar a n-ioncam bliantúil, a sócmhainní leachtacha iomlána agus a gceangaltais bhliantúla airgeadais.

(8)

I bhfianaise na rioscaí a bhaineann le cuir chuige éagsúla, agus na hiarmhairtí diúltacha a d’fhéadfadh a bheith ann de bharr na n-éagsúlachtaí sin ar fhiúntas an ionsamhlaithe ar chumas infheisteoirí neamhshofaisticiúla ionchasacha caillteanais a sheasamh, is iomchuí a shonrú, le leibhéal mionsonraithe leordhóthanach, an chaoi ar cheart ríomh a dhéanamh ar gach ceann de na comhpháirteanna a úsáidtear chun an glanfhiúchas a ríomh agus dáta chomhchoiteann a bhunú chun na comhpháirteanna éagsúla a luacháil.

(9)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí faoi bhráid an Choimisiúin, agus a forbraíodh i ndlúthchomhar leis an Údarás Baincéireachta Eorpach.

(10)

Rinne an tÚdarás Eorpach um Urrúis agus Margaí comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (2).

(11)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3)agus thug sé tuairim uaidh an 1 Meitheamh 2022,

(1)

Is gá infheisteoirí a chumasú chun cinntí eolasacha infheistíochta a dhéanamh. Ós rud é go bhféadfadh sé go dtairgfí níos mó ná iasacht amháin le tionscadal sluachistiúcháin amháin, is gá, agus an mhodheolaíocht á sonrú chun rátaí mainneachtana tionscadal a thairgtear ar ardán sluachistiúcháin a ríomh, rialacha a leagan síos maidir le rátaí mainneachtana a ríomh ar leibhéal gach iasachta aonair i ndáil le tionscadal sluachistiúcháin ar leith a thairgtear ar ardán sluachistiúcháin. Le sainmhíniú ar mhainneachtain ar leibhéal níos mionsonraithe, i.e. ar leibhéal na hiasachta, is féidir cásanna a ghabháil nach dócha go gcomhlíonfaidh úinéir tionscadail a oibleagáidí creidmheasa a bhaineann le hiasacht amháin ach nach mbaineann le hiasachtaí eile. Dá bhrí sin, chun rátaí mainneachtana tionscadal a thairgtear ar ardán sluachistiúcháin a ríomh, níor cheart do sholáthraithe seirbhísí sluachistiúcháin a mheas go huathoibríoch go bhfuil na hiasachtaí difriúla a bhaineann leis an tionscadal céanna ar mainneachtain an tráth céanna. Ba cheart do sholáthraithe seirbhísí sluachistiúcháin measúnú a dhéanamh ar cé acu a bhaineann nó nach mbaineann roinnt táscairí mainneachtana leis an tionscadal sluachistiúcháin ina iomláine, seachas le hiasacht ar leith. Go háirithe, i gcás ina bhfuil cuid mhór de na hiasachtaí a bhaineann le tionscadal sluachistiúcháin ar mainneachtain, féadfaidh soláthraithe seirbhísí sluachistiúcháin a mheas nach dócha go n-íocfar na hiasachtaí eile a bhaineann leis an tionscadal sluachistiúcháin sin ina n-iomláine gan dul i muinín gníomhaíochtaí, lena n-áirítear urrús a réadú agus caitheamh leis na hiasachtaí sin mar iasachtaí ar mainneachtain freisin.

(2)

Is gá arbatráiste rialála a sheachaint agus é a chur ar a gcumas d’infheisteoirí comparáid a dhéanamh idir feidhmíocht soláthraithe seirbhísí sluachistiúcháin a sholáthraíonn seirbhísí sluachistiúcháin arb é atá i gceist leo deonú iasachtaí a éascú agus, go háirithe, cáilíocht tionscadal a thairgtear ar ardáin sluachistiúcháin. Is iomchuí, dá bhrí sin, na heilimintí a shonrú, ar eilimintí iad ar cheart do na soláthraithe seirbhísí sluachistiúcháin sin a mheas ar a mbonn gur tharla mainneachtain maidir le hiasacht a thairgtear ar a n-ardán sluachistiúcháin. Dá bhrí sin, ba cheart próisis éifeachtacha a bheith i bhfeidhm ag na soláthraithe seirbhísí sluachistiúcháin sin lena gcuirtear ar a gcumas dóibh an fhaisnéis is gá a fháil chun a shainaithint, gan moill mhíchuí, gur mhainnigh iasachtaí a thairgtear ar a n-ardán sluachistiúcháin.

(3)

Le hAirteagal 20(1) de Rialachán (AE) 2020/1503, ceanglaítear ar sholáthraithe seirbhísí sluachistiúcháin a sholáthraíonn seirbhísí sluachistiúcháin arb é atá i gceist leo deonú iasachtaí a éascú rátaí mainneachtana na dtionscadal sluachistiúcháin a tairgeadh ar a n-ardán sluachistiúcháin le linn na 36 mhí roimhe sin ar a laghad a nochtadh gach bliain agus ráiteas torthaí a fhoilsiú laistigh de cheithre mhí ag deireadh gach bliana airgeadais ina léirítear ráta mainneachtana ionchasach agus iarbhír na n-iasachtaí uile a d’éascaigh siad. Chun a áirithiú go mbeidh rochtain ag infheisteoirí agus infheisteoirí ionchasacha ar fhaisnéis lena mbaineann tréimhsí ama comhchosúla le haghaidh méadracht riosca agus luaíochta i ndáil leis na hiasachtaí a thairgtear ar ardán sluachistiúcháin, is gá comhsheasmhacht le hAirteagal 180(1), pointe (a), de Rialachán (AE) Uimh. 575/2013 ó Pharlaimint na hEorpa agus ón gComhairle (2) a áirithiú, agus úsáid a bhaint as rátaí mainneachtana 1 bhliana mar thagairt chun rátaí mainneachtana a ríomh. Tá na rátaí mainneachtana 1 bhliana ina léiriú ar an sciar iasachtaí a théann ó stádas neamh-mhainnithe go stádas mainnithe ar a laghad uair amháin le linn tréimhse breathnóireachta 1 bhliana. Dá bhrí sin, leis an ráta mainneachtana ionchasach, ba cheart meastachán a thabhairt ar an gcion d’iasachtaí neamh-mhainnithe a mheastar a bheidh ar mainneachtain le linn tréimhse breathnóireachta 1 bhliana. Dá bhrí sin, chun an meastachán ar an ráta mainneachtana ionchasach sin a bhunú ar an ráta mainneachtana iarbhír, ba cheart ríomh an ráta mainneachtana iarbhír a bheith teoranta d’iasachtaí atá i stádas neamh-mhainnithe ag tús na tréimhse breathnóireachta 1 bhliana. Chun léiriú inchomparáide agus cothrom ar na rátaí mainneachtana a áirithiú, níor cheart aon scéim ualaithe a chur i bhfeidhm chun na rátaí mainneachtana bliantúla a ríomh (ríomh iasachtbhunaithe). Dá bhrí sin, níor cheart suim airgid na n-iasachtaí a úsáid chun na rátaí mainneachtana a ríomh ionas nach dtabharfar níos mó tosaíochta d’iasachtaí áirithe agus na rátaí mainneachtana á ríomh. I gcás ina bhfuil claontacht ann mar gheall ar iasachtaí gearrthéarmacha a bheith ann, ba cheart do sholáthraithe seirbhísí sluachistiúcháin a sholáthraíonn seirbhísí sluachistiúcháin arb é atá i gceist leo deonú iasachtaí a éascú, ba cheart dóibh ríomh an ráta mainneachtana a choigeartú. Chun a áirithiú go léireofar go cothrom na rátaí mainneachtana d’infheisteoirí, níor cheart do sholáthraithe seirbhísí sluachistiúcháin a sholáthraíonn seirbhísí arb é atá i gceist leo deonú iasachtaí a éascú, níor cheart dóibh na rátaí mainneachtana a fhoilsítear i gcomhréir le hAirteagal 20(2) de Rialachán (AE) 2020/1503 a chúbláil ná mífhaisnéis a thabhairt ina leith.

(4)

D’fhéadfadh earráidí i ríomh na rátaí mainneachtana le haghaidh tionscadail sluachistiúcháin a bheith mar thoradh ar shonraí atá neamhréireach, míchruinn, neamhiomlán nó as dáta. Dá bhrí sin, chun iontaofacht agus ardcháilíocht sonraí a áirithiú, ba cheart na nósanna imeachta a bhaineann le bailiú agus stóráil sonraí a bheith láidir agus dea-dhoiciméadaithe.

(5)

Maidir le modh inmheánach soláthraithe seirbhísí sluachistiúcháin chun na rátaí mainneachtana iarbhír agus ionchasacha a ríomh, ba cheart dó a bheith bunaithe ar fhaisnéis faoi fheidhmíocht iasachtaí a éascaíonn na soláthraithe seirbhísí sluachistiúcháin sin agus na catagóirí riosca a leagtar amach sa chreat bainistithe riosca dá dtagraítear in Airteagal 19(7), pointe (d), de Rialachán (AE) 2020/1503.

(6)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí (“ESMA”) faoi bhráid an Choimisiúin, i ndlúthchomhar leis an Údarás Baincéireachta Eorpach.

(7)

Reáchtáil ESMA comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (3).

(8)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (4) agus thug sé tuairim uaidh an 1 Meitheamh 2022,

(1)

Chun a áirithiú go ndéanfar na bearta agus na nósanna imeachta le haghaidh an phlean leanúnachais gnó dá dtagraítear in Airteagal 12(2), pointe (j), de Rialachán (AE) 2020/1503 a chomhchuibhiú go cuí laistigh den Aontas, ba cheart na bearta agus na nósanna imeachta le haghaidh phlean sin a shonrú.

(2)

Chun aghaidh a thabhairt mar is ceart ar na rioscaí a bhaineann le seirbhísí criticiúla a scor, ba cheart a áirithiú leis an bplean leanúnachais gnó go leanfar de sheirbhísí criticiúla a fheidhmiú lena n-áirítear iad siúd a sheachfhoinsítear, d’ainneoin chliseadh an tsoláthraí seirbhísí sluachistiúcháin, nó an tríú páirtí ar seachfhoinsíodh seirbhísí criticiúla chucu.

(3)

I bhfianaise an réimse teagmhas a d’fhéadfadh tionchar díobhálach a bheith acu ar fheidhmiú na seirbhísí criticiúla, leis an bplean leanúnachais gnó, ba cheart aghaidh a thabhairt ar chásanna as a n-éiríonn fabht nó mainneachtain shuntasach ar fheidhmiú na seirbhísí criticiúla.

(4)

Chun a áirithiú go bhfuil an plean leanúnachais gnó éifeachtach, is iomchuí ábhar íosta beart agus nósanna imeachta a leagan amach le haghaidh phlean leanúnachais gnó.

(5)

Is iomchuí líon teoranta téarmaí teicniúla a shoiléiriú. Tá gá leis na sainmhínithe teicniúla sin chun cur i bhfeidhm aonfhoirmeach an Rialacháin seo a áirithiú agus, dá bhrí sin, rannchuidiú le bunú leabhair rialacha aonair maidir le soláthraithe seirbhísí sluachistiúcháin an Aontais. Is chun oibleagáidí soláthraithe seirbhísí sluachistiúcháin a leagan amach, agus chun na críche sin amháin, atá na sainmhínithe sin ann agus ba cheart iad a bheith teoranta go docht do thuiscint an Rialacháin seo.

(6)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí faoi bhráid an Choimisiúin.

(7)

Rinne an tÚdarás Eorpach um Urrúis agus Margaí comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (2).

(8)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3)agus thug sé tuairim uaidh an 1 Meitheamh 2022,

(1)

Ar mhaithe le hinfheisteoirí a chosaint agus chun córas éifeachtach rialachais inmheánaigh a chur chun cinn, ba cheart do sholáthraithe seirbhísí sluachistiúcháin, ar a suíomh gréasáin, rochtain éasca a sholáthar dá gcliaint ar thuairisc atá soiléir, intuigthe agus cothrom le dáta ar a nós imeachta láimhseála gearán.

(2)

Chun nach mbeidh nósanna imeachta láimhseála gearán éagsúla ann i measc soláthraithe seirbhísí sluachistiúcháin ar fud an Aontais, ba cheart do chliaint a bheith in ann a gcuid gearán a dhéanamh trí fhormáidí caighdeánacha comhchuibhithe a úsáid.

(3)

Chun foráil a dhéanamh maidir le leibhéal leormhaith cosanta d’infheisteoirí, is iomchuí a cheangal ar sholáthraithe seirbhísí sluachistiúcháin a áirithiú go gceadófar do ghearánaigh gearáin a dhéanamh, ar a laghad, sa teanga a úsáideann na soláthraithe seirbhísí sluachistiúcháin chun a seirbhísí nó a dtairiscintí sluachistiúcháin a chur chun cinn san Aontas.

(4)

Chun láimhseáil phras thráthúil gearán a áirithiú, ba cheart do sholáthraithe seirbhísí sluachistiúcháin admháil fála a thabhairt i leith aon ghearáin agus an gearánach a chur ar an eolas laistigh de 10 lá oibre tar éis dóibh an gearán a fháil maidir le cé acu atá nó nach bhfuil an gearán sin inghlactha. Nuair a admhaítear go bhfuarthas an gearán, ba cheart don ghearánach sonraí teagmhála an duine nó na roinne a fháil le haghaidh aon cheist a bhaineann leis an ngearán, mar aon le tráthchlár táscach inar féidir coinne a bheith le cinneadh i leith an ghearáin. I gcás ina meastar gearán a bheith neamh-inghlactha, ba cheart don soláthraí seirbhísí sluachistiúcháin an gearánach a chur ar an eolas faoina chinneadh agus na cúiseanna leis an neamh-inghlacthacht sin a thabhairt don ghearánach.

(5)

Chun a áirithiú go ndéanfar imscrúdú pras, tráthúil agus cothrom ar ghearáin, ba cheart do sholáthraithe seirbhísí sluachistiúcháin, tar éis dóibh gearán a fháil, a mheas an bhfuil an gearán sin soiléir, iomlán agus an bhfuil an fhianaise agus an fhaisnéis ábhartha uile is gá ann chun é a láimhseáil. I gcás inarb iomchuí, ba cheart faisnéis bhreise a iarraidh go pras. Ba cheart do sholáthraithe seirbhísí sluachistiúcháin an fhianaise agus an fhaisnéis ábhartha uile maidir leis an ngearán a bhailiú agus imscrúdú a dhéanamh orthu. Ba cheart gearánaigh a choinneáil ar an eolas go cuí faoin bpróiseas láimhseála gearán.

(6)

Chun a áirithiú go láimhseálfar gearáin go cothrom agus go héifeachtach, is gá aghaidh a thabhairt ar na pointí uile a ardaíonn an gearánach ina ghearán agus cinneadh á dhéanamh i leith gearán. Thairis sin, ba cheart cinntí comhsheasmhacha a bheith mar thoradh ar ghearáin lena mbaineann imthosca comhchosúla, seachas i gcás ina bhfuil an soláthraí seirbhísí sluachistiúcháin in ann údar oibiachtúil a thabhairt le haon diall ó chinneadh a rinneadh roimhe sin.

(7)

Chun a áirithiú go láimhseálfar gearáin go pras, ba cheart cinntí maidir le gearáin a chur in iúl don ghearánach a luaithe is féidir agus laistigh den tráthchlár a chinntear sa nós imeachta láimhseála gearán. In imthosca eisceachtúla nach bhfuil an soláthraí seirbhísí sluachistiúcháin in ann an tráthchlár sin a chomhlíonadh, ba cheart an gearánach a chur ar an eolas maidir leis na cúiseanna leis an moill agus maidir leis an dáta faoina ndéanfar cinneadh.

(8)

I gcás nach dtugtar aghaidh dhearfach ar iarraidh an ghearánaigh ina hiomláine sa chinneadh i leith gearáin, is iomchuí réasúnú críochnúil agus faisnéis maidir leis na réitigh atá ar fáil a bheith sa chinneadh.

(9)

Chun idirghníomhaíochtaí éifeachtúla a áirithiú, ba cheart do sholáthraithe seirbhísí sluachistiúcháin cumarsáid a dhéanamh le gearánaigh i dteanga shoiléir intuigthe. Ba cheart teachtaireachtaí ó sholáthraithe seirbhísí sluachistiúcháin a dhéanamh i scríbhinn trí mhodhanna leictreonacha nó, arna iarraidh sin don ghearánach, i bhfoirm páipéir.

(10)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí (ESMA) faoi bhráid an Choimisiúin.

(11)

Rinne ESMA comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí gaolmhara a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (2).

(12)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3) agus thug sé tuairim uaidh an 1 Meitheamh 2022,

(1)

Agus infheistíocht á déanamh acu i bpunann iasachtaí a thairgeann soláthraí seirbhísí sluachistiúcháin, ní roghnaíonn infheisteoirí na tionscadail ina ndéanfaidh siad a gcistí a infheistiú, ach, ina ionad sin, roghnaíonn siad roinnt paraiméadar agus táscairí riosca agus fágann siad faoin soláthraí seirbhísí sluachistiúcháin na cistí a leithdháileadh dá réir. Dá bhrí sin, ba cheart don soláthraí seirbhísí sluachistiúcháin leibhéil iomchuí faisnéise a nochtadh d’infheisteoirí ionchasacha agus d’infheisteoirí reatha, rud a chuirfeadh ar a gcumas do na hinfheisteoirí sin eolas leormhaith a bheith acu ar thorthaí agus ar rioscaí na dtionscadal agus cinntí eolasacha a dhéanamh.

(2)

Chun an neamhshiméadracht faisnéise idir soláthraithe seirbhísí sluachistiúcháin agus infheisteoirí a laghdú, ba cheart an fhaisnéis ábhartha uile maidir le comhdhéanamh na punainne a chur ar fáil d’infheisteoirí, lena n-áirítear na tionscadail ina n-infheistítear a gcistí, mar aon le cáilíocht na n-iasachtaí lena maoinítear na tionscadail sin. Leis sin, ba cheart d’infheisteoirí a bheith in ann tuiscint níos fearr a fháil ar fheidhmíocht agus ar an méid riosca a bhaineann le punanna éagsúla agus comparáid níos fearr a dhéanamh eatarthu, bíodh sin punanna a thairgtear ar an ardán céanna nó ar ardáin mhalartacha.

(3)

Ní hamháin go bhfuil infheisteoirí neamhchosanta ar rioscaí a bhaineann leis na tionscadail nó leis na hiasachtaí ina n-infheistítear a gcistí, ach freisin ar an gcaoi a ndéanann an soláthraí seirbhísí sluachistiúcháin measúnú ar riosca na n-iasachtaí sin agus ar riosca na dtionscadal sin agus ar an gcaoi a ndéanann an soláthraí sin bainistiú ar roghnú na n-iasachtaí le haghaidh na punainne. I ndáil leis sin, tástálacha struis a dhéanamh ar an bpunann agus anailís íogaireachta a dhéanamh ar an iasacht aonair agus ar an úinéir tionscadail aonair, is féidir sin a bheith éifeachtach go háirithe chun measúnú críochnúil agus iomlán ar na hinfheistíochtaí a sholáthar. Dá bhrí sin, agus na tástálacha struis sin á ndéanamh ag an soláthraí seirbhísí sluachistiúcháin, is iomchuí torthaí na n-anailísí sin a nochtadh d’infheisteoirí.

(4)

Chun trédhearcacht éifeachtach a áirithiú, an fhaisnéis maidir leis na heilimintí atá le cur san áireamh ag an soláthraí seirbhísí sluachistiúcháin sa mhodh a úsáidtear chun measúnuithe a dhéanamh ar riosca creidmheasa, ba cheart í a nochtadh go hiomchuí. Leis sin, beidh infheisteoirí in ann a thuiscint an bhfuil cur chuige leormhaith stuamachta á ghlacadh ag soláthraithe seirbhísí sluachistiúcháin agus measúnú á dhéanamh acu ar inbhuanaitheacht na dtionscadal atá á maoiniú, ar inacmhainneacht na n-iasachtaí do na húinéirí tionscadail, agus ar chomhdhéanamh na n-iasachtaí aonair i bpunann struchtúrtha.

(5)

Féadfaidh soláthraí seirbhísí sluachistiúcháin brath ar chiste teagmhasach tiomnaithe chun infheisteoirí a chúiteamh as na caillteanais a d’fhéadfadh na hinfheisteoirí sin a thabhú i gcás nach n-aisíocann úinéirí tionscadail a n-iasachtaí. Ní mór a chur in iúl d’infheisteoirí, cé gur ann don chiste teagmhasach sin, nach ráthaítear leis sin gur féidir a mheas go bhfuil an infheistíocht saor ó riosca agus go n-aisíocfar iad i gcás ina mbeadh an iasacht a mhaoinigh siad ar mainneachtain, toisc go bhfuil lánrogha ag an soláthraí seirbhísí sluachistiúcháin cinneadh a dhéanamh maidir le haon íocaíocht. Chun a áirithiú go dtabharfar cosaint leormhaith d’infheisteoirí, tá sé tábhachtach go mbeidh beartais agus socruithe rialachais iomchuí i bhfeidhm ag soláthraithe seirbhísí sluachistiúcháin agus cistí teagmhasacha á mbainistiú acu, bíodh sin go díreach nó trí sholáthraí tríú páirtí.

(6)

Tá an Rialachán seo bunaithe ar na dréachtchaighdeáin theicniúla rialála a d’fhorbair ÚBE i ndlúthchomhar le ESMA agus a cuireadh faoi bhráid an Choimisiúin.

(7)

Rinne ÚBE comhairliúcháin phoiblí oscailte maidir leis na dréachtchaighdeáin theicniúla rialála ar a mbunaítear an Rialachán seo, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí Baincéireachta a bunaíodh i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (2),

(8)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (3) agus thug sé tuairim uaidh an 1 Meitheamh 2022,

(1)

Chun an inchomparáideacht a áirithiú i measc bileoga faisnéise infheistíochta bunriachtanaí a bhaineann le tairiscintí sluachistiúcháin éagsúla agus chun a éascú d’úinéirí tionscadail bileoga faisnéise infheistíochta bunriachtanaí a dhréachtú, ba cheart samhail chomhchoiteann a leagan amach chun an fhaisnéis lena mbaineann a chur i láthair. Leis an tsamhail sin, ba cheart a áirithiú go leanfadh úinéirí tionscadail patrún atá comhchosúil i bhfoirm agus i substaint maidir le cur i láthair agus, an tráth céanna, an tsolúbthacht is gá a cheadú lena gcuirtear san áireamh sainiúlachtaí gach tairisceana sluachistiúcháin, agus cineál, scála agus castacht na dtairiscintí sin á gcur san áireamh.

(2)

Chun idir-inoibritheacht na sonraí a áirithiú agus chun go mbeifear in ann crostagairt a dhéanamh idir an fhaisnéis a áirítear sa bhileog faisnéise infheistíochta bunriachtanaí agus faisnéis eile, go háirithe an fhaisnéis a thuairiscítear i gcomhréir le Rialachán Cur Chun Feidhme (AE) 2022/2120 ón gCoimisiún (2), ba cheart aitheantóir uathúil a bheith i ngach bileog faisnéise infheistíochta bunriachtanaí le haghaidh na tairisceana sluachistiúcháin lena mbaineann sí.

(3)

Chun an fhéidearthacht a thabhairt d’úinéirí tionscadail tuilleadh faisnéise ábhartha a sholáthar d’infheisteoirí ionchasacha, ba cheart a bheith in ann hipearnaisc a áireamh, agus ba cheart cloí leis an tsamhail chomhchoiteann iontu siúd. Mar sin féin, leis na hipearnaisc sin, níor cheart dochar a dhéanamh do chuimsitheacht na bileoige faisnéise infheistíochta bunriachtanaí mar dhoiciméad neamhspleách. Dá bhrí sin, trí hipearnaisc a úsáid, níor cheart úinéirí tionscadail a dhíolmhú ón oibleagáid an fhaisnéis ábhartha a áireamh sa bhileog faisnéise infheistíochta bunriachtanaí ar bhealach soiléir agus cuimsitheach.

(4)

Chun é a chur ar a gcumas d’infheisteoirí ionchasacha cinntí eolasacha infheistíochta a dhéanamh, ba cheart a áireamh sa bhileog faisnéise infheistíochta bunriachtanaí tuairisc shonrach neamhchineálach ar na rioscaí ábhartha uile a bhaineann leis an tionscadal sluachistiúcháin, leis an tairiscint sluachistiúcháin agus leis an úinéir tionscadail.

(5)

Chun go mbeidh an inchomparáideacht agus an tsoiléireacht ann maidir le faisnéis airgeadais a áirítear sa bhileog faisnéise infheistíochta bunriachtanaí agus, dá bhrí sin, chun go bhfeabhsófar an trédhearcacht d’infheisteoirí ionchasacha, ba cheart ráitis airgeadais agus faisnéis airgeadais a chur i láthair i gcomhréir le caighdeáin agus prionsabail a aithnítear go coitianta.

(6)

Chun go mbeidh faisnéis thrédhearcach ar fáil maidir leis na coimisiúin, na táillí agus na costais idirbheart eile arna dtabhú ag an infheisteoir le linn shaolré an tionscadail sluachistiúcháin, ba cheart miondealú ar na costais dhíreacha agus indíreacha a chur i láthair sa bhileog faisnéise infheistíochta bunriachtanaí, lena sonraítear costais iontrála, costais scoir, costais arna dtabhú le linn an tionscadail agus costais theagmhasacha.

(7)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí faoi bhráid an Choimisiúin.

(8)

Rinne an tÚdarás Eorpach um Urrúis agus Margaí comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (3).

(9)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (4)agus thug sé tuairim uaidh an 1 Meitheamh 2022,

(1)

Chun go ndéanfaidh na húdaráis inniúla comhiomlánú éifeachtach agus comparáid éifeachtach ar an bhfaisnéis maidir le tionscadail sluachistiúcháin, ba cheart comhsheasmhacht a bheith sna caighdeáin agus sna formáidí a úsáideann soláthraithe seirbhísí sluachistiúcháin agus an fhaisnéis sin á tuairisciú i gcomhréir le hAirteagal 16(1) de Rialachán (AE) 2020/1503. Dá bhrí sin, ba cheart teimpléad a leagan amach lena bhforáiltear maidir le caighdeáin choiteanna agus formáidí coiteanna chun an fhaisnéis sin a thuairisciú.

(2)

Chun go mbeidh údaráis inniúla in ann faisnéis a bhailiú go tráthúil agus í a chur faoi bhráid ESMA ina dhiaidh sin, ba cheart do sholáthraithe seirbhísí sluachistiúcháin faisnéis le haghaidh bliain féilire a thuairisciú do na húdaráis inniúla tráth nach déanaí ná deireadh mhí Feabhra den bhliain dár gcionn. Chun faisnéis chuimsitheach a sholáthar d’údaráis inniúla agus do ESMA, ar faisnéis í atá riachtanach chun feabhas a chur ar chumas na n-údarás inniúil maoirseacht a dhéanamh ar na heintitis éagsúla agus chun a chumasú do ESMA staitisticí iomlána a bhaineann leis an margadh sluachistiúcháin san Aontas a fhorbairt agus a fhoilsiú, ba cheart a áireamh san fhaisnéis a thuairiscíonn soláthraithe seirbhísí sluachistiúcháin faisnéis faoi na tionscadail uile a chistítear ar ardán soláthraí seirbhísí sluachistiúcháin, lena n-áirítear tionscadail nár bailíodh aon airgead ina leith sa bhliain ábhartha. Ba cheart do sholáthraithe seirbhísí sluachistiúcháin a áirithiú go bhfuil an fhaisnéis a thugann siad iomlán agus cruinn.

(3)

I bhfianaise íogaireacht na faisnéise atá le tuairisciú ag soláthraithe seirbhísí sluachistiúcháin, ba cheart rúndacht na faisnéise arna tuairisciú a áirithiú leis na nósanna imeachta chun an fhaisnéis sin a thuairisciú.

(4)

Chun sainaithint chinnte éifeachtúil úinéirí tionscadail a áirithiú, ba cheart aitheantóirí a úsáidtear go coitianta a thuairisciú. I gcás inar eintiteas dlíthiúil é an t-úinéir tionscadail, ba cheart cód aitheantóra eintitis dhlítheanaigh ISO 17442 (LEI) an úinéara tionscadail a thuairisciú. Ós rud é nach bhfuil aon chaighdeán coiteann idirnáisiúnta ann chun daoine nádúrtha a shainaithint agus i bhfianaise a thábhachtaí atá sé a áirithiú go ndéanfar úinéirí tionscadail, ar daoine nádúrtha iad, a shainaithint go soiléir, ba cheart an t-aitheantóir a leagtar amach in Airteagal 6 de Rialachán Tarmligthe (AE) 2017/590 ón gCoimisiún (2) a thuairisciú i gcás na n-úinéirí tionscadail sin. Thairis sin, chun idir-inoibritheacht sonraí a áirithiú agus chun go mbeifear in ann an fhaisnéis arna tuairisciú a fhorlíonadh le sonraí eile atá ar fáil sa bhileog faisnéise infheistíochta bunriachtanaí dá dtagraítear in Airteagal 23 de Rialachán (AE) 2020/1503, ba cheart aitheantóir na tairisceana sluachistiúcháin arna chinneadh i gcomhréir le hAirteagal 3 de Rialachán Tarmligthe (AE) 2022/2119 (3) a thuairisciú.

(5)

Chun a chumasú do ESMA comhiomlánú trasteorann éifeachtach a dhéanamh agus comparáid éifeachtach a dhéanamh ar fhaisnéis agus chun staitisticí a fhorbairt i ndáil leis an margadh sluachistiúcháin san Aontas, ba cheart comhsheasmhacht a bheith sna caighdeáin agus sna formáidí a úsáidtear agus faisnéis maidir le tionscadail sluachistiúcháin á soláthar ag údaráis inniúla do ESMA. Dá bhrí sin, ba cheart teimpléad a leagan amach lena bhforáiltear maidir le caighdeáin choiteanna agus formáidí coiteanna chun an fhaisnéis sin a thuairisciú. Ba cheart do na húdaráis inniúla faisnéis iomlán agus chruinn a sholáthar do ESMA, agus sainaithint an úinéara tionscadail á hanaithnidiú trí úsáid a bhaint as modh coiteann.

(6)

Tá an Rialachán seo bunaithe ar na dréachtchaighdeáin theicniúla cur chun feidhme a chuir ESMA faoi bhráid an Choimisiúin.

(7)

Rinne ESMA comhairliúcháin phoiblí oscailte maidir leis na dréachtchaighdeáin theicniúla cur chun feidhme ar a bhfuil an Rialachán seo bunaithe, rinne sé anailís ar na costais agus na tairbhí a d’fhéadfadh a bheith ag baint leo agus d’iarr sé comhairle ar an nGrúpa Geallsealbhóirí um Urrúis agus Margaí a bunaíodh i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (4),

(8)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (5)agus thug sé tuairim uaidh an 1 Meitheamh 2022,