(1)

Le Rialachán (AE) 2019/876 ó Pharlaimint na hEorpa agus ón gComhairle (4), Rialachán (AE) 2019/877 ó Pharlaimint na hEorpa agus ón gComhairle (5) agus Treoir (AE) 2019/879 ó Pharlaimint na hEorpa agus ón gComhairle (6), leasaíodh creat an Aontais um réiteach i gcomhair institiúidí creidmheasa agus gnólachtaí infheistíochta trí leasuithe ar Rialachán (AE) Uimh. 575/2013 ó Pharlaimint na hEorpa agus ón gComhairle (7), Rialachán (AE) Uimh. 806/2014 ó Pharlaimint na hEorpa agus ón gComhairle (8) agus Treoir 2014/59/AE ó Pharlaimint na hEorpa agus ón gComhairle (9), faoi seach. Bhí gá leis na leasuithe sin chun an bhileog idirnáisiúnta “Bileog Téarmaí an Chumais Iomláin Ionsúcháin Caillteanais (TLAC)”, arna foilsiú ag an mBord um Chobhsaíocht Airgeadais an 9 Samhain 2015 (“an caighdeán TLAC”) a chur chun feidhme san Aontas, le haghaidh bainc a bhfuil tábhacht shistéamach dhomhanda leo, dá dtagraítear i gcreat an Aontais mar institiúidí domhanda a bhfuil tábhacht shistéamach leo (G-SIInna), agus chun cur i bhfeidhm an íoscheanglais maidir le cistí dílse agus dliteanais incháilithe (ICDI) a fheabhsú le haghaidh gach bainc. Le creat athbhreithnithe an Aontais um réiteach banc, ba cheart a áirithiú ar bhealach níos fearr go dtarlaíonn ionsúcháin caillteanais agus athchaipitliú banc trí mheáin phríobháideacha nuair nach bhfuil na bainc sin inmharthana ó thaobh airgeadais de a thuilleadh agus nuair a chuirtear faoi réiteach ansin iad.

(2)

Foráiltear le hAirteagal 12a de Rialachán (AE) Uimh. 575/2013 maidir le G-SIInna ag a bhfuil straitéis réitigh faoina bhféadfaí níos mó ná eintiteas grúpa amháin a réiteach (“straitéis réitigh ilphointí iontrála” nó “straitéis réitigh MPE”) go bhfuil na grúpaí institiúidí sin lena gceanglas bunaithe ar phriacal maidir le cistí dílse agus dliteanais incháilithe a ríomh ar an toimhde theoiriciúil nach réiteofaí ach aon eintiteas amháin den ghrúpa, agus go n-aistreofaí riachtanais chaillteanas agus athchaipitlithe aon fhochuideachta de chuid an ghrúpa sin chuig an eintiteas réitigh (“straitéis réitigh an phointe iontrála aonair” nó “straitéis réitigh SPE”). Foráiltear do cheanglas comhchosúil in Airteagal 45d(4) de Threoir 2014/59/AE, maidir leis an gceanglas breise maidir le cistí dílse agus dliteanais incháilithe a d’fhéadfadh údaráis réitigh a fhorchur de bhun mhír 3 den Airteagal sin. I gcomhréir le caighdeán TLAC, ba cheart a áireamh sna ríomhanna sin na heintitis tríú tír uile atá mar chuid de G-SII a bheadh ina n-eintitis réitigh dá mbeidís bunaithe san Aontas.

(3)

I gcomhréir le hAirteagal 45h(2), an tríú fomhír, de Threoir 2014/59/AE, agus i gcomhréir le caighdeán TLAC, níl suim na gceanglas iarbhír maidir le cistí dílse agus dliteanais incháilithe atá ag G-SII ag a bhfuil straitéis réitigh MPE le bheith níos ísle ná ceanglas teoiriciúil an ghrúpa sin faoi straitéis réitigh SPE. Chun forálacha Rialachán (AE) Uimh. 575/2013 a ailíniú le forálacha Threoir 2014/59/AE agus chun a áirithiú leo go ngníomhaíonn na húdaráis réitigh i gcomhréir leis an Treoir sin i gcónaí agus go gcuireann siad san áireamh na ceanglais maidir le cistí dílse agus dliteanais incháilithe a leagtar síos i Rialachán (AE) Uimh. 575/2013 agus aon cheanglas breise maidir le cistí dílse agus dliteanais incháilithe arna chinneadh i gcomhréir le hAirteagal 45d de Threoir 2014/59/AE, ba cheart Airteagal 12a de Rialachán (AE) Uimh. 575/2013 a leasú agus ba cheart Airteagal 92a(3) den Rialachán sin a scriosadh. Níor cheart sin a bheith ina bhac ar na húdaráis réitigh a chinneadh gur mhíchuí nó gurbh ar neamhréir le straitéis réitigh G-SII aon choigeartú chun an difríocht a laghdú nó a mhaolú idir suim na gceanglas iarbhír maidir le cistí dílse agus dliteanais incháilithe a bhaineann le G-SII a bhfuil straitéis réitigh MPE aige, agus ceanglas teoiriciúil an ghrúpa sin faoi straitéis réitigh SPE, i gcás inarb airde suim na gceanglas iarbhír ná an ceanglas teoiriciúil. Chun comhsheasmhacht a áirithiú idir Airteagal 12a de Rialachán (AE) Uimh. 575/2013 agus Airteagal 45h(2) de Threoir 2014/59/AE, ba cheart a chur san áireamh freisin sa ríomh dá dtagraítear in Airteagal 45h(2) den Treoir sin gach eintiteas tríú tír atá mar chuid de G-SII agus ar eintitis iad a bheadh ina n-eintitis réitigh dá mbeidís bunaithe san Aontas.

(4)

In Airteagal 92b de Rialachán (AE) Uimh. 575/2013, leagtar amach go bhféadfar an ceanglas maidir le cistí dílse agus dliteanais incháilithe a chomhlíonadh i gcás fochuideachtaí ábhartha G-SIInna neamh-AE agus nach eintitis réitigh iad, inter alia, trí bhíthin ionstraimí dliteanas incháilithe. I gcás na gcritéar maidir le hionstraimí dliteanas incháilithe a leagtar síos in Airteagal 72b(2), pointí (c), (k), (l) agus (m), de Rialachán (AE) Uimh. 575/2013, áfach, glactar leis gur eintiteas réitigh é an t-eintiteas eisiúna. Ba cheart a áirithiú go bhfuil ar chumas na bhfochuideachtaí ábhartha sin ionstraimí fiachais a eisiúint lena gcomhlíonfar na critéir incháilitheachta uile, mar a bhí beartaithe ag an tús.

(5)

I gcomhréir le hAirteagal 72e(4), an chéad fhomhír, de Rialachán (AE) Uimh. 575/2013, maidir le G-SII a bhfuil straitéis réitigh MPE aige, is féidir leis na húdaráis réitigh cead a thabhairt dó sealúchais áirithe de chistí dílse agus ionstraimí dliteanas incháilithe a bhaineann lena fhochuideachtaí nach cuid den ghrúpa réitigh céanna iad a asbhaint trí mhéid coigeartaithe, níos ísle a asbhaint, méid arna shonrú ag an údarás réitigh. Éilítear le hAirteagal 72e(4), an dara fomhír, den Rialachán sin, i gcásanna mar sin go ndéanfaí an difríocht idir an méid coigeartaithe agus an méid bunaidh a asbhaint d’acmhainneacht ionsúcháin caillteanais agus athchaipitlithe na bhfochuideachtaí lena mbaineann. I gcomhréir le caighdeán TLAC, ba cheart a chur san áireamh leis an gcur chuige sin, na ceanglais ar an bhfochuideachta lena mbaineann, ceanglais atá bunaithe ar phriacal agus ceanglais nach bhfuil bunaithe ar phriacal araon, maidir le cistí dílse agus dliteanais incháilithe. Thairis sin, ba cheart an cur chuige sin a bheith infheidhme maidir leis na fochuideachtaí tríú tír uile atá mar chuid den G-SII sin, fad is go bhfuil na fochuideachtaí sin faoi réir córas réitigh atá, de réir an údaráis réitigh ábhartha san Aontas, in-fhorfheidhmithe le dlí agus a chuireann chun feidhme caighdeáin a comhaontaíodh go hidirnáisiúnta, go sonrach, doiciméad an Bhoird um Chobhsaíocht Airgeadais dar teideal “Príomhthréithe Córas Éifeachtach Imréitigh do Bhonneagair Margaidh Airgeadais”, arna fhoilsiú i mí Dheireadh Fómhair 2011, agus caighdeán TLAC.

(6)

Leasaíodh Treoir 2014/59/AE le Treoir (AE) 2019/879 chun rialacha sonracha maidir le suibscríobh indíreach acmhainní incháilithe i dtaca le ICDI inmheánach a thabhairt isteach, is iad sin cistí dílse agus dliteanais lena gcomhlíontar coinníollacha Airteagal 45f(2) de Threoir 2014/59/AE, laistigh de ghrúpaí réitigh. Chun na rialacha sin a chur i ngníomh agus chun a áirithiú go ndéantar an suibscríobh indíreach sin ar bhealach fónta ó thaobh na stuamachta de, tugadh sainordú don Údarás Maoirseachta Eorpach (Údarás Baincéireachta Eorpach) (ÚBE), a bunaíodh le Rialachán (AE) Uimh. 1093/2010 ó Pharlaimint na hEorpa agus ón gComhairle (10), faoi Airteagal 45f(6) de Threoir 2014/59/AE chun dréachtchaighdeáin theicniúla rialála a fhorbairt chun modhanna a shonrú maidir le hacmhainní incháilithe a shuibscríobh go hindíreach mar sin. De réir mar a thug ÚBE chun suntais ina litir chuig an gCoimisiún dar dáta an 25 Eanáir 2021, áfach, bhí roinnt mhaith neamhréireanna idir na ceanglais maidir leis an tarmligean arna leagan síos i dTreoir 2014/59/AE agus na rialacha stuamachta reatha arna leagan síos i Rialachán (AE) Uimh. 575/2013, a bhí ina mbac ar chur i bhfeidhm na láimhseála stuamachta a bhí riachtanach chun an sainordú a chomhlíonadh de réir mar a bhí beartaithe ag an tús. Lena chur níos beaichte, thug ÚBE dá aire nár cumasaíodh le Rialachán (AE) Uimh. 575/2013 acmhainní incháilithe i dtaca le ICDI inmheánach a asbhaint agus, ina dhiaidh sin, ualú priacail iomchuí a chur i bhfeidhm sna cásanna uile atá ábhartha maidir leis an sainordú faoi Threoir 2014/59/AE. Rinneadh fadhbanna cosúla a shainaithint i réimse an cheanglais maidir le cóimheas luamhánaithe a leagtar síos i Rialachán (AE) Uimh. 575/2013. I bhfianaise na srianta dlíthiúla sin, ba cheart na modhanna arna bhforbairt ag ÚBE a ionchorprú go díreach i Rialachán (AE) Uimh. 575/2013. Dá bharr sin, ba cheart Airteagal 45f(6) de Threoir 2014/59/AE a scriosadh.

(7)

I gcomhthéacs acmhainní incháilithe i dtaca le ICDI inmheánach a bheith á suibscríobh go hindíreach ag eintitis réitigh de bhun chreat athbhreithnithe an Aontais um réiteach banc, ba cheart ceangal a chur ar eintitis idirmheánacha an sealúchas iomlán acmhainní incháilithe i dtaca le ICDI inmheánacha arna n-eisiúint ag eintitis nach eintitis réitigh iad féin agus a bhaineann leis an ngrúpa réitigh céanna a asbhaint. Áirithítear leis sin feidhmiú ceart na sásraí inmheánacha ionsúcháin caillteanais agus athchaipitlithe laistigh de ghrúpa agus seachnaítear leis comhaireamh dúbailte acmhainní incháilithe na n-eintiteas sin i dtaca le ICDI inmheánach ionas gur féidir leis an eintiteas idirmheánach a ICDI inmheánach féin a chomhlíonadh. Gan na hasbhaintí sin, d’fhéadfaí cur isteach ar chur chun feidhme ceart na straitéise réitigh a roghnaíodh, mar go bhféadfadh an t-eintiteas idirmheánach, ní hamháin a acmhainneacht ionsúcháin caillteanais agus a acmhainneacht athchaipitlithe féin a ídiú go hiomlán, ach freisin acmhainneacht ionsúcháin caillteanais agus acmhainneancht athchaipitlithe eintiteas eile nach eintitis réitigh iad féin agus a bhaineann leis an ngrúpa réitigh céanna, roimh an bpointe nach inmharthanach a thuilleadh é an t-eintiteas idirmheánach nó na heintitis eile sin. Chun a áirithiú go mbeidh an oibleagáid maidir le hasbhaint ailínithe le raon feidhme na n-eintiteas a d’fhéadfadh an t-eintiteas réitigh a úsáid le hacmhainní incháilithe i dtaca le ICDI inmheánach a shuibscríobh go hindíreach, agus chun arbatráiste rialála a sheachaint, ba cheart d’eintitis idirmheánacha a sealúchais d’acmhainní incháilithe i dtaca le ICDI inmheánacha arna n-eisiúint ag na heintitis go léir a bhaineann leis an ngrúpa réitigh céanna agus a d’fhéadfadh a bheith faoi réir chomhlíonadh ICDI inmheánach, seachas sealúchais acmhainní arna n-eisiúint ag a bhfochuideachtaí amháin a asbhaint. Ba cheart feidhm a bheith ag na hoibleagáidí céanna i gcás eisiúint indíreach acmhainní atá incháilithe chun an ceanglas maidir le cistí dílse agus dliteanais incháilithe a chomhlíonadh le haghaidh fochuideachtaí ábhartha G-SIInna neamh-AE a leagtar síos in Airteagal 92b de Rialachán (AE) Uimh. 575/2013, i gcás inarb ábhartha.

(8)

Chun a áirithiú go leanfaidh an córas asbhainte de bheith comhréireach, ba cheart d’eintitis idirmheánacha a bheith in ann an meascán ionstraimí a roghnú, ina bhfuil cistí dílse nó dliteanais incháilithe, lena gcistítear úinéireacht a fháil ar acmhainní incháilithe i dtaca le ICDI inmheánacha. D’fhágfadh sé sin go bhféadfadh na heintitis idirmheánacha aon asbhaintí a bhaineann le cistí dílse a sheachaint go hiomlán fad is a bheadh dliteanais incháilithe leordhóthanacha eisithe acu. Ba cheart, dá bhrí sin, na hasbhaintí a fheidhmiú i dtús báire maidir le hítimí dliteanas incháilithe na n-eintiteas idirmheánach. I gcás ina gceanglaítear ar an eintiteas idirmheánach ICDI inmheánach a chomhlíonadh de bhun Threoir 2014/59/AE ar bhonn aonair, ba cheart na hasbhaintí a chur i bhfeidhm ar na dliteanais incháilithe lena gcomhlíontar coinníollacha Airteagal 45f(2) den Treoir sin. I gcás inar airde an méid atá le hasbhaint ná méid ítimí dliteanas incháilithe na n-eintiteas idirmheánach, níor mhór an méid atá fágtha a bhaint dá n-ítimí Ghnáthchothromas Leibhéal 1, Leibhéal Breise 1 agus Leibhéal Breise 2, ag tosú le hítimí Leibhéal 2 i gcomhréir le hAirteagal 66, pointe (e), de Rialachán (AE) Uimh. 575/2013. I gcás den sórt sin, is gá na hasbhaintí lena gcomhfhreagraítear don mhéid atá fágtha a chur i bhfeidhm freisin agus cistí dílse á ríomh chun críoch na gceanglas a leagtar síos i Rialachán (AE) Uimh. 575/2013 agus i dTreoir 2013/36/AE ó Pharlaimint na hEorpa agus ón gComhairle (11). Seachas sin, féadfar róshuíomh a dhéanamh ar chóimheasa sócmhainneachta na n-eintiteas idirmheánach a d’eisigh cistí dílse, seachas dliteanais incháilithe, chun éadáil acmhainní incháilithe i dtaca le ICDI inmheánacha a chistiú. Ina theannta sin, trí láimhseáil sealúchas acmhainní ICDI inmheánacha is incháilithe a choinneáil ailínithe chun críoch stuamachta agus réitigh, seachnaítear méadú míchuí castachta, ós rud é go mbeadh institiúidí in ann leanúint d’aon sraith amháin a ríomh, a thuairisciú agus a nochtadh, de mhéid iomlán an risíochta ar phriacal agus de thomhas iomlán risíochta ar phriacal, chun críoch stuamachta agus réitigh. Dá bhrí sin, ba cheart Airteagal 49(2) de Rialachán (AE) Uimh. 575/2013 a leasú dá réir sin.

(9)

Chun comhréireacht an chórais asbhainte a fheabhsú tuilleadh, níor cheart an córas sin a bheith infheidhme sna cásanna eisceachtúla sin ina gcuirtear, de bhun Airteagal 45f(1), an tríú fomhír, agus (4) de Threoir 2014/59/AE, ICDI inmheánach i bhfeidhm ar bhonn comhdhlúite agus ar bhonn comhdhlúite amháin, a mhéid a bhaineann le sealúchais acmhainní i dtaca le ICDI inmheánacha is incháilithe arna n-eisiúint ag eintitis a áirítear san imlíne chomhdhlúthaithe. Ba cheart feidhm a bheith ag an eisceacht chéanna nuair a chomhlíontar an ceanglas maidir le cistí dílse agus dliteanais incháilithe i gcás fochuideachtaí ábhartha de G-SIInna neamh-AE a leagtar síos in Airteagal 92b de Rialachán (AE) Uimh. 575/2013 ar bhonn comhdhlúite, de bhun Airteagal 11(3a) den Rialachán sin.

(10)

Le suibscríobh indíreach acmhainní atá incháilithe i dtaca le ICDI inmheánach, ba cheart a áirithiú, nuair a shroichfidh fochuideachta an pointe neamh-inmharthanachta, go gcuirfear na caillteanais ar aghaidh chuig an eintiteas réitigh, agus go ndéanfaidh an t-eintiteas réitigh an fhochuideachta lena mbaineann a athchaipitliú. Dá bhrí sin, níor cheart don eintiteas idirmheánach na caillteanais sin a ionsú, mar níl san eintiteas ach bealach chun na caillteanais sin a sheoladh ar aghaidh chuig an eintiteas réitigh. Dá bharr sin, agus lena áirithiú go bhfuil toradh an tsuibscríofa indírígh coibhéiseach leis an toradh ar shuibscríobh díreach iomlán mar a beartaíodh faoin sainordú a leagtar amach in Airteagal 45f(6) de Threoir 2014/59/AE, chun críocha méid iomlán na risíochta ar phriacal an eintitis idirmheánaigh a ríomh, níor cheart ualaí riosca a chur i bhfeidhm ar na risíochtaí a asbhaintear faoin gcóras asbhainte nua atá le tabhairt isteach in Airteagal 72e de Rialachán (AE) Uimh. 575/2013. Ar an gcaoi chéanna, ba cheart na risíochtaí sin a eisiamh ó ríomh thomhas risíochta ar phriacal an eintitis idirmheánaigh. An láimhseáil gan ualaí riosca a chur i bhfeidhm agus na risíochtaí sin a eisiamh ó thomhas iomlán na risíochta, ba cheart í a theorannú go docht do risíochtaí a asbhaintear i gcomhréir leis an gcóras asbhainte nua atá le tabhairt isteach in Airteagal 72e den Rialachán sin ar mhaithe leis an gcur chuige maidir le suibscríobh indíreach acmhainní i dtaca le ICDI inmheánach is incháilithe a chur i ngníomh.

(11)

Na teimpléid chun faisnéis chomhchuibhithe a nochtadh don phobal maidir le ICDI agus maidir leis an gceanglas i ndáil le cistí dílse agus dliteanais incháilithe d’fhochuideachtaí ábhartha G-SIInna neamh-AE a leagtar amach i Rialachán Cur Chun Feidhme (AE) 2021/763 ón gCoimisiún (12), ba cheart iad a leasú chun an córas asbhainte nua le haghaidh acmhainní incháilithe i dtaca le ICDI inmheánach a léiriú. Ba cheart na teimpléid nochta a leasú freisin chun méid iomlán na risíochta ar phriacal agus tomhas iomlán na risíochta a bheadh ag eintitis idirmheánacha mura n-eisiafaí na risíochtaí arna n-asbhaint faoin gcóras asbhainte nua sin a chur san áireamh.

(12)

Ós rud é nach féidir leis na Ballstáit cuspóirí an Rialacháin seo a ghnóthú go leordhóthanach, eadhon an láimhseáil stuamachta ar shealúchais a dhéanann eintitis idirmheánacha ar acmhainní incháilithe i dtaca le ICDI inmheánach eintiteas atá sa ghrúpa réitigh céanna a chomhchuibhiú agus na ceanglais maidir le cistí dílse agus dliteanais incháilithe le haghaidh G-SIInna agus le haghaidh fochuideachtaí ábhartha G-SIInna neamh-AE a athbhreithniú ar bhealach spriocdhírithe, agus gur fearr is féidir, mar gheall ar scála an ghnímh, iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta mar a leagtar amach é in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(13)

Chun measúnú cuí a dhéanamh ar iarmhairtí neamhbheartaithe a d’fhéadfadh a bheith i gceist le suibscríobh indíreach acmhainní incháilithe i dtaca le ICDI inmheánacha lena n-áirítear an córas asbhainte nua, agus chun cóir chomhréireach agus cothrom na Féinne a áirithiú idir cineálacha éagsúla struchtúr grúpa baincéireachta, go háirithe institiúidí a bhfuil cuideachta oibriúcháin acu idir an chuideachta shealbhaíochta agus a fochuideachtaí, agus i gcás eintitis a bhforálann a bplean réitigh dá bhfoirceannadh faoi ghnáthimeachtaí dócmhainneachta i gcás teipe, ba cheart don Choimisiún athbhreithniú a dhéanamh, a luaithe is féidir, ar an gcur chun feidhme a dhéantar ar acmhainní incháilithe i dtaca le ICDI inmheánach a bheith á suibscríobh go hindíreach ag na cineálacha éagsúla struchtúr grúpa baincéireachta a luaithe is féidir. Ba cheart don Choimisiún measúnú cuí a dhéanamh ar réitigh struchtúracha a d’fhéadfadh a bheith ann maidir le haon saincheisteanna a shainaithnítear amhail an fhéidearthacht a mhéadú d’eintitis nach eintitis réitigh iad féin na ICDI atá acu a chomhlíonadh ar bhonn comhdhlúite. Sa togra reachtach tionlacain a fhéadfaidh an Coimisiún a ghlacadh, ba cheart breithniú cuí a dhéanamh ar dháta chur i bhfeidhm na láimhseála tiomnaithe le haghaidh suibscríobh indíreach acmhainní incháilithe i dtaca le ICDI inmheánach, ionas gur féidir í a chur chun feidhme sula dtiocfaidh Airteagal 72e(5) de Rialachán (AE) Uimh. 575/2013 i bhfeidhm. B’fhearr gur thogra tiomnaithe a bheadh i dtogra reachtach den sórt sin.

(14)

Chun a áirithiú go bhfuil dóthain ama ag na hinstitiúidí chun an láimhseáil thiomnaithe maidir le suibscríobh indíreach acmhainní incháilithe i dtaca le ICDI inmheánach a chur chun feidhme, lena n-áirítear an córas nua asbhainte agus gur féidir leis na margaí eisiúintí breise acmhainní incháilithe i dtaca le ICDI inmheánach a iompar, i gcás inar gá, ba cheart feidhm a bheith ag na forálacha lena leagtar síos an láimhseáil sin an 1 Eanáir 2024, i gcomhréir leis an spriocdháta chun ICDI a chomhlíonadh.

(15)

Ba cheart, dá bhrí sin, Rialachán (AE) Uimh. 575/2013 agus Treoir 2014/59/AE a leasú dá réir,

(1)

Glacadh Rialachán (AE) 2019/833 ó Pharlaimint na hEorpa agus ón gComhairle (3) chun na rialacha is nuashonraithe le haghaidh bearta caomhnaithe agus forfheidhmithe is infheidhme i Limistéar Rialála Eagraíocht Iascaigh an Atlantaigh Thiar Thuaidh (NAFO) a chur chun feidhme i ndlí an Aontais. Leasaíodh an Rialachán sin ina dhiaidh sin le Rialachán (AE) 2021/1231 ó Pharlaimint na hEorpa agus ón gComhairle (4) chun bearta NAFO a glacadh ag a chruinnithe bliantúla in 2019 agus 2020 a chur chun feidhme i ndlí an Aontais.

(2)

Ina dhiaidh sin, ag an 43ú cruinniú bliantúil dá chuid, i mí Mheán Fómhair 2021, ghlac NAFO líon áirithe cinntí atá ceangailteach ó thaobh dlí de maidir le caomhnú a dhéanamh ar acmhainní iascaigh atá faoina cúram a mhéid a bhaineann le gabháil den chuóta “Eile” a choinneáil, cigireacht chalafoirt i dtaca le tabhairt i dtír trosc i Roinn 3M agus haileabó Graonlannach, agus forálacha treisithe maidir le faireachán, le sáruithe agus le forfheidhmiú (“Cinntí NAFO”).

(3)

Is chuig Páirtithe Conarthacha NAFO a dhírítear na cinntí sin, ach cuirtear oibleagáidí ar oibreoirí leo chomh maith. Tar éis dóibh teacht i bhfeidhm an 2 Nollaig 2021, tá bearta caomhnaithe agus forfheidhmithe NAFO (“CEManna”) ina gceangal ar Pháirtithe Conarthacha uile NAFO. Tá siad le hionchorprú, dá bhrí sin, i ndlí an Aontais sa mhéid is nach ndéantar foráil dóibh cheana le dlí an Aontais.

(4)

Dá bhrí sin, ba cheart Rialachán (AE) 2019/833 a chur in oiriúint chun na CEManna nua sin a chur i bhfeidhm maidir le soithí iascaireachta de chuid an Aontais.

(5)

Meastar go leasófar roinnt forálacha CEManna ag cruinnithe bliantúla NAFO amach anseo de bharr bearta teicniúla nua arna dtabhairt isteach i ndáil le bithmhais stoc a athrú agus de bharr athbhreithniú ar shrianta limistéar maidir le gníomhaíochtaí iascaireachta grinnill. Dá bhrí sin, chun leasuithe den sórt sin ar CEManna a dhéanfar amach anseo a ionchorprú go tapa i ndlí an Aontais roimh thús an tséasúir iascaireachta, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le beart tabhartha i dtír agus cigireachta le haghaidh haileabó Graonlannach agus i dtaca le beart rialaithe le haghaidh trosc i Roinn 3M. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (5). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, gheobhaidh Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus beidh rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bheidh ag déileáil le hullmhú na ngníomhartha tarmligthe.

(6)

Ba cheart, dá bhrí sin, Rialachán (AE) 2019/833 a leasú dá réir sin,

(1)

Rinneadh leasú ar Rialachán (CEE) Uimh. 95/93 ón gComhairle (3) roinnt uaireanta ó cuireadh tús le géarchéim COVID-19 ós rud é, maidir leis an gceanglas a shocraítear leis an Rialachán sin chun 80 % den tsraith sliotán a oibriú chun an ceart chun an tsraith sliotán chéanna sa chéad tréimhse sceidealaithe choibhéiseach eile a choinneáil ar bun, gur tháinig sé chun a bheith neamh-inbhuanaithe d’aeriompróirí i bhfianaise leibhéil aerthráchta a bhí laghdaithe go mór.

(2)

Léirítear le figiúirí a d’fhoilsigh Eurocontrol, arb é an bainisteoir líonra d’fheidhmeanna líonra aerthráchta an aerspáis Eorpaigh aonair é, go bhfuil téarnamh mór tagtha ar an aerthrácht ó thús thréimhse sceidealaithe shamhradh 2022 agus meastar go mbeidh an t-aerthrácht ag tús thréimhse sceidealaithe gheimhreadh 2022/2023 thart ar 90 % de leibhéil 2019 faoin mbonnfhaisnéis. Leis na figiúirí sin tugtar bonn cirt chun an tairseach úsáide sliotán 80 % a athbhunú mar riail ghinearálta do thréimhse sceidealaithe shamhradh 2023, mar aon le maolú sonrach ar úsáid sliotán i gcás neamhúsáid sliotán a bhfuil údar maith leo.

(3)

Mar sin féin, mar gheall ar ghéarchéim COVID-19, tá an staid in earnáil na heitlíochta fós an-éiginnte. Mar a tharla ag deireadh 2021, is féidir le hathraithigh nua COVID-19 teacht chun cinn agus a bheith ina gcúis le freagairtí láithreacha ó údaráis náisiúnta agus ó thomhaltóirí a d’fhéadfadh tionchar diúltach a imirt ar aerthrácht. Thairis sin, leanann bearta sláintíochta lena gcuirtear isteach go mór ar aerthrácht de bheith ag cur isteach go mór ar mhargaí cianaistir áirithe.

(4)

Tá tionchar ag cogadh foghach na Rúise i gcoinne na hÚcráine ar aerthrácht agus ar chumas aeriompróirí a gcuid sliotán a oibriú freisin ós rud é go bhfuil cosc ar aeriompróirí an Aontais dul isteach in aerspás na Bealarúise, na Rúise agus na hÚcráine.

(5)

Níl aon smacht ag aeriompróirí ar shrianta taistil arna bhforchur ag an Stát ar chúiseanna sláintíochta agus ar an dodhéantacht a bhaineann le dul isteach san aerspás ar limistéar cogaidh anois. Mar thoradh ar na himthosca sin, d’fhéadfadh cealú deonach nó éigeantach a gcuid aersheirbhísí nó coigeartú sceideal tarlú. Go háirithe, le cealuithe deonacha, cosnaítear sláinte airgeadais aeriompróirí agus seachnaítear, an tráth céanna, tionchar diúltach comhshaoil mar thoradh ar eitiltí nach n-oibrítear ach chun sliotáin na n-aeriompróirí a choinneáil.

(6)

Faoi na himthosca sin, maidir le haeriompróirí a mainníonn orthu a gcuid sliotán a úsáid i gcomhréir leis an ráta úsáide sliotán a leagtar amach i Rialachán (CEE) Uimh. 95/93, níor cheart go gcaillfidís an tosaíocht go huathoibríoch i leith shraith na sliotán, a leagtar síos in Airteagail 8(2) agus 10(2) den Rialachán sin, ar tosaíocht í a mbainfidís leas as murach sin. Ba cheart rialacha sonracha chuige sin a bhunú leis an Rialachán seo.

(7)

Ag an am céanna, tá sé tábhachtach cuspóirí Rialachán (CEE) Uimh. 95/93 a mheabhrú, eadhon úsáid éifeachtúil acmhainne aerfoirt a áirithiú agus rochtain chothrom ag na haeriompróirí uile ar acmhainn aerfoirt theoranta a áirithiú agus, dá bhrí sin, iomaíocht a chur chun cinn. Ba cheart coigeartú na ngnáthcheanglas úsáide sliotán trí ráta úsáide níos ísle nó trí eisceachtaí maidir le neamhúsáid a bhfuil bonn cirt leo a bheith teoranta go docht ar chásanna ina bhfuil gá le díolúine sliotán agus níor cheart buntáistí iomaíocha éagóracha a bheith ag na haeriompróirí sin a bhfuil sliotáin stairiúla acu mar thoradh orthu.

(8)

Go háirithe, tá gá lena áirithiú go gceadófar d’aeriompróirí atá toilteanach seisbhísí a chur ar fáil gabháil d’acmhainneacht neamhúsáidte agus go mbeidh an t-ionchas acu sliotáin den sórt sin a choinneáil san fhadtéarma. Ba cheart go gcoinneodh sé sin dreasachtaí na n-aeriompróirí chun úsáid a bhaint as acmhainneacht aerfoirt, rud a rachadh chun tairbhe do thomhaltóirí i dtéarmaí nascachta.

(9)

Is gá, dá bhrí sin, i gcomhréir leis na prionsabail sin agus ar feadh tréimhse theoranta, na coinníollacha a leagan síos faoina leanfaidh aeriompróirí ar aghaidh de bheith i dteideal sraith sliotán faoi Airteagail 8(2) agus 10(2) de Rialachán (CEE) Uimh. 95/93, agus ceanglais a bhunú d’aeriompróirí lena mbaineann ar mhaithe le hacmhainneacht neamhúsáidte a scaoileadh. Ba cheart don tréimhse rith ón 30 Deireadh Fómhair 2022 go dtí an 28 Deireadh Fómhair 2023 i gcomhréir le réamhaisnéis téarnaimh Eurocontrol.

(10)

Le linn na tréimhse sin, ba cheart an sainmhíniú ar an téarma “iontrálaí nua” a bheith leathan i gcónaí chun líon na n-aeriompróirí atá cumhdaithe a mhéadú, agus ar an gcaoi sin an deis a thabhairt do níos mó aeriompróirí a gcuid oibríochtaí a bhunú agus a leathnú.

(11)

Ón 30 Deireadh Fómhair 2022 go dtí an 28 Deireadh Fómhair 2023, leis an gcóras leithroinnte sliotán, ba cheart aitheantas a thabhairt d’iarrachtaí na n-aeriompróirí a rinne eitiltí a oibriú trí úsáid a bhaint as sliotáin atá ina gcuid de shraith a bhfuil aeriompróir eile ina teideal faoi Airteagail 8(2) agus 10(2) de Rialachán (CEE) Uimh. 95/93, ach a cuireadh ar fáil don chomhordaitheoir sliotán le haghaidh ath-leithroinnt sealadach. Ba cheart, dá bhrí sin, tosaíocht a thabhairt d’aeriompróirí a rinne ar a laghad cúig shliotán de shraith a oibriú ci gcás leithroinnt na sraitheanna sin sa chéad tréimhse sceidealaithe coibhéisí eile, faoi réir an acmhainneacht aerfoirt atá ar fáil.

(12)

Chun aghaidh a thabhairt ar thionchar chogadh foghach na Rúise i gcoinne na hÚcráine agus chun tacú le téarnamh nascachta idir an tAontas agus an Úcráin, is gá síneadh a chur leis an tréimhse inar féidir le hoibreoirí brath ar an gcúis a leagtar amach in Airteagal 10(4), pointe (a), de Rialachán (CEE) Uimh. 95/93 chun údar maith a thabhairt do neamhúsáid na sraithe sliotán ar na bealaí idir an tAontas agus an Úcráin.

(13)

Gan dochar d’oibleagáid na mBallstát dlí an Aontais a chomhlíonadh, go háirithe na rialacha a leagtar síos sna Conarthaí agus i Rialachán (CE) Uimh. 1008/2008 ó Pharlaimint na hEorpa agus ón gComhairle (4), ní féidir iarmhairtí diúltacha ar chumas paisinéirí taisteal a dhéanamh de dheasca srianta féideartha arna nglacadh ag údaráis phoiblí na mBallstát nó tríú tíortha atá ag dul i ngleic le staideanna eipidéimeolaíocha, tubaistí nádúrtha nó corraíl pholaitiúil, amhail éirí amach, círéibeacha nó droch-neamhord poiblí, a chur i leith aeriompróirí agus ba cheart iad a mhaolú i gcás ina mbeadh tionchar mór ag na bearta sin ar an inmharthanacht nó ar an bhféidearthacht taistil nó ar an éileamh ar na haerbhealaí lena mbaineann. Ba cheart a áirithiú le bearta maolaithe nach ngearrfar pionós ar aeriompróirí a mainníonn orthu úsáid a bhaint as sliotáin i gcás ina bhfuil an an mhainneachtain sin mar thoradh ar shrianta den sórt sin.

(14)

Chun an baol a bhaineann le saobhadh iomaíochta a laghdú agus chun a áirithiú go mbainfear úsáid éifeachtúil as acmhainneacht aerfoirt, ba cheart tréimhse agus raon feidhme teoranta a bheith le díolúine shonrach ó éifeachtaí a bheadh ag forchur na srianta sin, agus ar an gcaoi sin a áirithiú go ndéanfar tionchar na mbeart maolaithe a theorannú don tréimhse ina mbeidh bonn cirt leo. Ba cheart na sliotáin a chumhdaítear le bearta den sórt sin lena maolófar éifeacht na srianta a mheas a bheith á n-oibriú chun críche Rialachán (CEE) Uimh. 95/93.

(15)

Is gá a shoiléiriú nach bhfuil feidhm ag na forálacha maidir le neamhúsáid eisceachtaí sliotán i leith aeriompróirí atá faoi réir bearta srianta arna nglacadh de bhun Airteagal 29 den Chonradh ar an Aontas Eorpach (CAE) nó Airteagal 215 den Chonradh ar Fheidhmiú an Aontais Eorpaigh (CFAE), nó i leith aeriompróirí atá faoi réir toirmisc oibríochta laistigh den Aontas a liostaítear in Iarscríbhinn A nó B a ghabhann le Rialachán (CE) Uimh. 474/2006 ón gCoimisiún (5). Chun cur i bhfeidhm éifeachtach na mbeart sin a áirithiú, i bhfianaise nach féidir na forálacha i leith neamhúsáid eisceachtaí sliotán a bhfuil bonn cirt leo a agairt, ba cheart iad a chur i bhfeidhm freisin maidir le haeriompróirí is ábhar cheana féin do bhearta sriantacha den sórt sin atá i bhfeidhm ar dháta theacht i bhfeidhm an Rialacháin seo.

(16)

Ba cheart an comhar idir comhordaitheoirí a neartú chun cur chun feidhme aonfhoirmeach Rialachán (CEE) Uimh. 95/93 a áirithiú ar fud an Aontais.

(17)

Ba cheart do na comhordaitheoirí dea-chleachtais a mhalartú maidir le cur chun feidhme Rialachán (CEE) Uimh. 95/93, lena n-áirítear trí Chomhlachas Comhordaitheoirí Aerfoirt na hEorpa (EUACA). Moltar do EUACA leanúint de threoir a eisiúint chun cur chun feidhme comhchuibhithe rialacha an Aontais a áirithiú, go háirithe maidir leis an bhforáil i ndáil leis na srianta a mhaolú. Thairis sin, cibé acu a chuirtear nó nach gcuirtear an maolú i bhfeidhm, is píosa tábhachtach faisnéise é d’aeriompróirí agus a sceidil á bpleanáil acu. Dá bhrí sin, is gá cumarsáid thrédhearcach ó na comhordaitheoirí a áirithiú.

(18)

Cé gur cheart bearta lena maolófar na srianta a léirthuiscint go docht ós rud é gurb ionann iad agus eisceacht ó na gnáthcheanglais maidir le húsáid sliotán, i ndálaí áirithe ba cheart a bheith in ann gníomhaíocht choiteann a cheangal ar gach comhordaitheoir chun cothrom na Féinne a áirithiú ar fud an Aontais. Faoi choinníollacha áirithe agus bunaithe ar chinneadh d’aon toil, ba cheart do chomhordaitheoirí a bheith in ann an fhoráil sin a chur i bhfeidhm maidir leis na sliotáin go léir a choinnítear ag aerfoirt chomhordaithe.

(19)

Tá tionchar diúltach ag éiginnteacht maidir le héabhlóid géarchéimeanna éagsúla, go háirithe ar an staid san Úcráin agus ar ghéarchéim COVID-19, ar stóinseacht na réamhaisnéisí tráchta do thréimhse sceidealaithe gheimhreadh 2022/23. Dá bhrí sin, ba cheart aeriompróirí a scaoileadh, a mhéid is gá, ó na ceanglais maidir le sliotáin a oibriú chun an ceart chun na sliotáin chéanna a choinneáil sa chéad tréimhse sceidealaithe choibhéiseach eile. Chuirfeadh sé sin ar chumas aeriompróirí soláthar seirbhísí a mhéadú nuair is féidir sin, d’fhonn na rialacha rialta maidir le hoibriú sliotán ó thréimhse sceidealaithe shamhradh 2023 a chur i bhfeidhm, faoi réir na n-oiriúnuithe sin arna ndéanamh ag an gCoimisiún in imthosca sonracha chun freagairt do dhúshláin áirithe don earnáil aeriompair.

(20)

Chun aghaidh a thabhairt ar thionchar athraitheach ghéarchéim COVID-19 nó ar staideanna eipidéimeolaíocha eile, chomh maith le tionchar tubaisteach díreach chogadh foghach na Rúise i gcoinne na hÚcráine, ar an aerthrácht agus chun tacú le nascacht go dtí, nó, ón Úcráin, agus chun freagairt go solúbtha, i gcás ina bhfuil fíor-ghá agus bonn cirt leis sin, ar na dúshláin atá os comhair earnáil an aeriompair mar thoradh air sin, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean don Choimisiún i ndáil le luachanna céatadáin an íosráta úsáide a leasú laistigh de raon áirithe agus laistigh d’aon tréimhse sceidealaithe laistigh den tréimhse ón 30 Deireadh Fómhair 2022 go dtí an 28 Deireadh Fómhair 2023 i gcomhréir le réamhaisnéis téarnaimh Eurocontrol agus i ndáil le luachanna céatadáin an íosráta úsáide a leasú laistigh de raon áirithe ar na bealaí idir an tAontas agus an Úcráin agus i gcás aon tréimhse sceidealaithe ón 30 Deireadh Fómhair 2022 go dtí an 28 Deireadh Fómhair 2023. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (6). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna le saineolaithe na mBallstát, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(21)

Ní mór d’aerfoirt, do sholáthraithe aersheirbhísí agus d’aeriompróirí faisnéis a bheith acu maidir leis an acmhainneacht atá ar fáil chun críche pleanála leormhaithe. Ba cheart d’aeriompróirí leanúint d’aon sliotán nach bhfuil sé beartaithe acu a úsáid a chur ar fáil don chomhordaitheoir le haghaidh leithroinnt fhéideartha ar aeriompróirí eile a luaithe is féidir agus tráth nach déanaí ná 3 seachtaine roimh an dáta atá pleanáilte dá n-oibriú. I gcás ina mainníonn ar aeriompróirí an ceanglas sin a chomhlíonadh arís agus arís eile, níor cheart dóibh tairbhe a bhaint as aon ráta laghdaithe maidir le hoibriú sliotán.

(22)

I gcás ina bhfuil comhordaitheoir sásta go bhfuil deireadh curtha ag aeriompróir le hoibríochtaí ag aerfort, ba cheart don chomhordaitheoir na sliotáin a tharraingt siar ón aeriompróir i dtrácht agus iad a chur i gcomhthiomsú lena n-ath-leithroinnt ar iompróirí eile.

(23)

D’fhéadfadh blocáil gan údar ar shliotáin ag aerfoirt an Aontais a bheith mar thoradh ar an toirmeasc ar aeriompróirí eitilt isteach in aerspás an Aontais agus bearta sriantacha arna nglacadh de bhun Airteagal 29 CAE nó Airteagal 215 CFAE nó toirmeasc oibríochta de bhun Rialachán (CE) Uimh. 474/2006 á gcur i bhfeidhm ina leith. Cé gur féidir sliotáin a d’úsáid na haeriompróirí sin a ath-leithroinnt ar bhonn ad hoc le linn na tréimhse sceidealaithe, ní leor an spreagadh sin d’úsáid éifeachtúil sliotán a chumasóidh d’aerlínte iomaíocht agus nascacht fhadtéarmach a mhéadú ar mhaithe le tomhaltóirí. Ba cheart, dá bhrí sin, na sliotáin a tharraingt siar láithreach ó na haeriompróirí lena mbaineann láithreach.

(24)

Ós rud é nach féidir leis na Ballstáit cuspóir an Rialacháin seo, eadhon rialacha sonracha agus an díolúine ó na rialacha ginearálta maidir le húsáid sliotán ar feadh tréimhse theoranta ama a shuíomh chun éifeachtaí géarchéime eipidéimeolaíche agus chogadh foghach na Rúise i gcoinne na hÚcráine go háirithe ar aerthrácht a mhaolú, a ghnóthú go leordhóthanach, agus, de bharr fhairsinge agus éifeachtaí na gníomhaíochta atá beartaithe, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(25)

I bhfianaise na práinne atá i gceist leis na himthosca eisceachtúla a bhaineann le géarchéim COVID-19 agus cogadh foghach na Rúise i gcoinne na hÚcráine, meastar gurb iomchuí an eisceacht ar an tréimhse 8 seachtaine a agairt dá dtagraítear in Airteagal 4 de Phrótacal Uimh. 1 maidir le ról na bParlaimintí náisiúnta san Aontas, atá i gceangal leis an gConradh ar an Aontas Eorpach, leis an gConradh ar Fheidhmiú an Aontais Eorpaigh agus leis an gConradh ag bunú an Chomhphobail Eorpaigh do Fhuinneamh Adamhach.

(26)

Chun go bhféadfar na bearta dá bhforáiltear sa Rialachán seo a chur i bhfeidhm go pras, ba cheart an Rialachán seo a theacht i bhfeidhm mar ábhar práinne an lá tar éis lá a fhoilsithe in Iris Oifigiúil an Aontais Eorpaigh,

(1)

Rinneadh difear mór do na Ballstáit, agus do réigiúin láir agus thoir an Aontais Eorpaigh go háirithe, mar gheall ar iarmhairtí fhogha míleata Chónaidhm na Rúise in aghaidh na hÚcráine, tráth a bhfuil geilleagair na mBallstát fós ag téarnamh ó thionchar phaindéim COVID-19. Agus rabharta leanúnach daoine atá ar a dteitheadh ó fhogha na Rúise ag teacht isteach sna Ballstáit, tá difear á dhéanamh do mhórán Ballstát freisin mar gheall ar ghanntanas saothair, deacrachtaí sa slabhra soláthair agus praghsanna agus costais fuinnimh atá ag ardú. Mar gheall ar an méid sin, cruthaítear, ar thaobh amháin, dúshláin do bhuiséid phoiblí agus, ar an taobh eile, cuirtear moill ar chur chun feidhme infheistíochtaí. Mar gheall ar chúinsí den sórt sin, is ann do staid eisceachtúil nach mór aghaidh a thabhairt uirthi le bearta sonracha dea-dhírithe, chun nach mbeidh gá le hathruithe ar uasteorainneacha bliantúla an chreata airgeadais ilbhliantúil maidir le gealltanais agus íocaíochtaí a leagtar amach in Iarscríbhinn I a ghabhann le Rialachán (AE, Euratom) 2020/2093 ón gComhairle (2), agus chun nach ndéanfar dochar do théarnamh leanúnach glas digiteach athléimneach an gheilleagair freisin.

(2)

D’fhonn an t-ualach méadaitheach ar bhuiséid náisiúnta a mhaolú, le Rialachán (AE) 2022/562 ó Pharlaimint na hEorpa agus ón gComhairle (3), rinneadh roinnt leasuithe spriocdhírithe ar Rialacháin (AE) Uimh. 1303/2013 (4) agus (AE) Uimh. 223/2014 (5) ó Pharlaimint na hEorpa agus ón gComhairle chun é a dhéanamh níos éasca do na Ballstáit úsáid a bhaint as leithdháiltí Chiste Forbraíochta Réigiúnaí na hEorpa (CFRE), Chiste Sóisialta na hEorpa (CSE) agus an Chiste um Chabhair Eorpach do na Daoine is Díothaí (FEAD) atá fágtha acu faoi chreat airgeadais ilbhliantúil 2014-2020, agus úsáid a bhaint as acmhainní REACT-EU chun aghaidh a thabhairt, a éifeachtaí agus a luaithe is féidir, ar na dúshláin imirce arb é fogha míleata Chónaidhm na Rúise is cúis leo.

(3)

Ina theannta sin, le Rialachán (AE) 2022/613 ó Pharlaimint na hEorpa agus ón gComhairle (6), cuireadh deiseanna breise ar fáil chun acmhainní a shlógadh go tapa chun na costais bhuiséadacha láithreacha ar na Ballstáit a fhritháireamh agus chun costas aonaid a bhunú chun maoiniú bhunriachtanais agus thacaíocht na ndaoine sin atá ar a dteitheadh ó fhogha na Rúise agus a dtugtar cosaint shealadach dóibh a éascú.

(4)

Mar sin féin, ba cheart socruithe eisceachtúla breise a sholáthar do na Ballstáit chun é a chur ar a chumas dóibh díriú ar an bhfreagairt is gá ar an staid shocheacnamaíoch nach bhfacthas a leithéid riamh roimhe, i bhfianaise gur leathnaíodh ionradh na Rúise, go háirithe maidir le hoibríochtaí lena dtugtar aghaidh ar na dúshláin imirce mar thoradh ar fhogha míleata Chónaidhm na Rúise.

(5)

I bhfianaise an bhrú bhreise ar bhuiséid phoiblí de bharr fhogha míleata Chónaidhm na Rúise, ba cheart an tsolúbthacht maidir le húsáid CFRE agus CSE dá bhforáiltear in Airteagal 98(4) de Rialachán (AE) Uimh. 1303/2013 le haghaidh oibríochtaí den sórt sin a leathnú chun an Ciste Comhtháthaithe a chumhdach freisin ionas gur féidir acmhainní an Chiste sin a úsáid chun tacú le hoibríochtaí a thagann faoi raon feidhme CFRE nó CSE i gcomhréir leis na rialacha is infheidhme maidir leis na Cistí sin. Thairis sin, is iomchuí na ceanglais faireacháin shimplithe a leagtar amach in Airteagal 98(4) de Rialachán (AE) Uimh. 1303/2013 a leathnú chun na hoibríochtaí a fhaigheann tacaíocht ó CSE agus lena dtugtar aghaidh ar dhúshláin imirce a chumhdach, i gcás ina ndéantar na hoibríochtaí sin a chlársceidealú in ais tosaíochta nach dtugtar aghaidh ach ar na dúshláin sin amháin léi. Thairis sin, tosaíochtaí lena gcuirtear chun cinn lánpháirtiú socheacnamaíoch náisiúnach tríú tír, lena n-áirítear na tosaíochtaí sin atá tiomnaithe d’oibríochtaí lena dtugtar aghaidh ar na dúshláin imirce arb é fogha na Rúise is cúis leo, ba cheart an deis a thabhairt isteach go dtairbheoidh na tosaíochtaí sin de ráta cómhaoinithe suas le 100 % sa dá chlárthréimhse, chun tacú leis na Ballstáit aghaidh a thabhairt ar dhaoine easáitithe anois agus amach anseo. Ar an gcaoi chéanna, ba cheart méid an chostais aonaid chun maoiniú bhunriachtanais agus thacaíocht na ndídeanaithe a mhéadú agus ba cheart síneadh a chur lena chur i bhfeidhm.

(6)

Ina theannta sin, maidir le tús a chur leis an dáta incháilitheachta an 24 Feabhra 2022 le haghaidh oibríochtaí lena dtugtar aghaidh ar na dúshláin imirce mar thoradh ar fhogha míleata Chónaidhm na Rúise, níor leor é sin chun a áirithiú go bhféadfaí, leis na Cistí, tacú le gach oibríocht ábhartha lena dtugtar aghaidh ar na dúshláin sin. Dá bhrí sin, is iomchuí, ar bhonn eisceachtúil, roghnú oibríochtaí den sórt sin a cheadú sula bhformheastar leasú ar chlár gaolmhar agus is iomchuí incháilitheacht an chaiteachais a cheadú i gcás oibríochtaí den sórt sin atá lánchríochnaithe go fisiceach nó atá curtha chun feidhme go hiomlán, agus na solúbthachtaí sin a leathnú freisin chun oibríochtaí a fhaigheann tacaíocht ón gCiste Eorpach Muirí agus Iascaigh (CEMI) a chumhdach, oibríochtaí lena dtugtar aghaidh ar na hiarmhairtí ar earnáil an iascaigh agus an dobharshaothraithe arb é fogha na Rúise is cúis leo. Thairis sin, agus an cistiú teoranta atá ar fáil sna réigiúin is mó atá buailte á chur san áireamh, ba cheart é a bheith indéanta tacú le hoibríochtaí den sórt sin thar theorainneacha limistéar an chláir laistigh de Bhallstát ar leith, ós rud é gur dúshlán do chomhtháthú eacnamaíoch, sóisialta agus críochach an Aontais ina iomláine é an staid ina bhfuil daoine atá ar a dteitheadh ó fhogha na Rúise agus atá ag bogadh laistigh de na Ballstáit agus ó Bhallstát go chéile. Dá bhrí sin, ba cheart oibríochtaí den sórt sin a bheith incháilithe gan beann ar an áit a gcuirtear chun feidhme iad laistigh de Bhallstát ar leith, toisc nach critéar cinntitheach é suíomh na n-oibríochtaí agus aghaidh á tabhairt ar na riachtanais láithreacha.

(7)

Thairis sin, ós rud é go bhfuil ualach ard ar údaráis áitiúla agus ar eagraíochtaí na sochaí sibhialta a fheidhmíonn i bpobail áitiúla maidir le haghaidh a thabhairt ar dhúshláin imirce mar thoradh ar fhogha míleata Chónaidhm na Rúise, ba cheart íosleibhéal tacaíochta 30 % a chur i leataobh do chomhlachtaí den sórt sin i gcomhthéacs na n-acmhainní atá á n-úsáid chun tacú le hoibríochtaí faoi raon feidhme CFRE nó CSE i gcomhréir le hAirteagal 98(4), an chéad fhomhír agus an dara fomhír, de Rialachán (AE) Uimh. 1303/2013.

(8)

D’fhonn an t-ualach riaracháin ar na Ballstáit a laghdú chun na riachtanais athraitheacha agus comhlíonadh na leithdháiltí airgeadais i gclár oibríochtúil a chur san áireamh, ba cheart deireadh a chur leis an gceanglas faoi chlárthréimhse 2014-2020 go ndéanfaí leasú foirmiúil ar chlár i ndáil le haistrithe idir cuspóirí téamacha laistigh de thosaíocht de chuid an Chiste chéanna agus de chuid na catagóire réigiúin céanna.

(9)

Ar deireadh, chun úsáid leithdháiltí 2014-2020 a bharrfheabhsú i gcomhthéacs dhúnadh na gclár faoi chlárthréimhse 2014-2020, ba cheart ardú a dhéanamh ar uasteorainn na solúbthachta idir tosaíochtaí chun iarmhéid deiridh na ranníocaíochta ó na Cistí a ríomh.

(10)

Sa chreat dlíthiúil lena rialaítear cláir faoi chlárthréimhse 2021-2027, ba cheart foráil a dhéanamh freisin maidir le solúbthachtaí áirithe chun aghaidh a thabhairt ar an staid nach bhfacthas a leithéid riamh roimhe. Arís eile, d’fhonn an t-ualach ar bhuiséid náisiúnta a mhaolú, ba cheart íocaíochtaí réamh-mhaoinithe do chláir faoi sprioc na hInfheistíochta le haghaidh post agus fáis a mhéadú. Thairis sin, i bhfianaise na ndúshlán a bhaineann le heasáitiú daoine agus i bhfianaise na bhfreagairtí comhtháite atá ag teastáil ó na Ballstáit, i gcás ina dtiomnaíonn Ballstát tosaíocht faoi cheann dá chláir chomhtháthaithe 2021-2027 chun tacú le hoibríochtaí a chuireann lánpháirtiú socheacnamaíoch náisiúnach tríú tír chun cinn, ba cheart go bhféadfaí ráta cómhaoinithe suas le 100 % a bheith ann le haghaidh na tosaíochta sin go dtí an 30 Meitheamh 2024, ar choinníoll go ndírítear leibhéal iomchuí tacaíochta ar na húdaráis áitiúla agus ar eagraíochtaí na sochaí sibhialta a fheidhmíonn i bpobail áitiúla, agus nach sáraítear, leis an méid iomlán arna chlársceidealú faoi thosaíochtaí den sórt sin i mBallstát, 5 % de leithdháileadh náisiúnta tosaigh an Bhallstáit sin ó CFRE agus ó Chiste Sóisialta na hEorpa Plus (CSE+) le chéile. Ní dochar an méid sin don deis atá ag na Ballstáit méideanna breise a chlársceidealú le haghaidh tosaíochtaí den sórt sin le rátaí cómhaoinithe rialta. Chomh maith leis sin, agus aon suaitheadh go dtí deireadh chlárthréimhse 2014-2020 arb é fogha míleata na Rúise is cúis leo á chur san áireamh, sa bhreis ar iarmhairtí fadtéarmacha phaindéim COVID-19 ar chur chun feidhme tionscadal agus an suaitheadh leanúnach sna slabhraí luacha, ba cheart solúbthacht bhreise a sholáthar freisin chun go bhféadfaí tacaíocht a dheonú go díreach agus oibríochtaí a thabhairt chun críche ar cuireadh tús lena gcur chun feidhme i gcomhréir le creat reachtach 2014-2020 roimh dháta an togra reachtaigh don Rialachán seo, fiú i gcás nach dtiocfadh oibríochtaí den sórt sin faoi raon feidhme an Chiste faoi chlárthréimhse 2021-2027, cé is moite de chásanna inar úsáideadh na Cistí faoi Airteagal 98(4), an chéad fhomhír agus an dara fomhír, de Rialachán (AE) Uimh. 1303/2013. Chun a áirithiú gur féidir oibríochtaí den sórt sin a shannadh do chineálacha idirghabhála, ba cheart Iarscríbhinn I a ghabhann le Rialachán (AE) 2021/1060 ó Pharlaimint na hEorpa agus ón gComhairle (7) a choigeartú dá réir sin. Le tacaíocht le haghaidh oibríochtaí den sórt sin, níor cheart difear a dhéanamh d’oibleagáidí na mBallstát ceanglais an dírithe théamaigh agus spriocanna rannchuidithe aeráide a chomhlíonadh.

(11)

Ós rud é nach féidir leis na Ballstáit cuspóirí an Rialacháin seo, eadhon cuidiú leis na Ballstáit aghaidh a thabhairt ar na dúshláin a cruthaíodh mar gheall ar líon ard urghnách na ndaoine atá ag teacht isteach agus atá ar a dteitheadh ó fhogha míleata Chónaidhm na Rúise in aghaidh na hÚcráine agus tacú le hiarrachtaí leanúnacha na mBallstát téarnamh athléimneach an gheilleagair ó phaindéim COVID-19 a bhaint amach, a ghnóthú go leordhóthanach agus, de bharr fhairsinge agus éifeachtaí na gníomhaíochta atá beartaithe, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach (CAE). I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a bhaint amach.

(12)

Ba cheart, dá bhrí sin, Rialacháin (AE) Uimh. 1303/2013 agus (AE) 2021/1060 a leasú dá réir.

(13)

I bhfianaise gur gá faoiseamh tapa a sholáthar do bhuiséid phoiblí d’fhonn acmhainneacht na mBallstát a chaomhnú maidir le próiseas an téarnaimh eacnamaíoch a chothú agus chun clársceidealú gasta ar chéimniú na n-oibríochtaí i gclárthréimhse 2021-2027 a chumasú, ba cheart an Rialachán seo a theacht i bhfeidhm mar ábhar práinne an lá tar éis lá a fhoilsithe in Iris Oifigiúil an Aontais Eorpaigh,

(1)

Le Conradh Liospóin, rinneadh modhnú ar an gcreat dlíthiúil lena rialaítear na cumhachtaí a bhronnann an reachtóir ar an gCoimisiún, agus tugadh isteach idirdhealú idir na cumhachtaí arna dtarmligean chuig an gCoimisiún chun gníomhartha neamhreachtacha a bhfuil feidhm ghinearálta leo a ghlacadh chun eilimintí neamhriachtanacha áirithe de ghníomh reachtach a fhorlíonadh nó a leasú (gníomhartha tarmligthe) agus cumhachtaí arna dtabhairt don Choimisiún chun gníomhartha a ghlacadh chun coinníollacha aonfhoirmeacha a áirithiú maidir le gníomhartha de chuid an Aontais atá ceangailteach ó thaobh dlí a chur chun feidhme (gníomhartha cur chun feidhme).

(2)

Le gníomhartha reachtacha a glacadh roimh theacht i bhfeidhm Chonradh Liospóin, tugtar cumhachtaí don Choimisiún bearta a ghlacadh faoin nós imeachta rialúcháin lena ngabhann grinnscrúdú a bunaíodh le hAirteagal 5a de Chinneadh 1999/468/CE ón gComhairle (2).

(3)

Maidir le tograí a rinneadh roimhe seo i dtaobh na reachtaíochta lena dtagraítear don nós imeachta rialúcháin lena ngabhann grinnscrúdú a ailíniú leis an gcreat reachtach a tugadh isteach le Conradh Liospóin, tarraingíodh siar iad (3) mar thoradh ar an stad sa chaibidlíocht idirinstitiúideach.

(4)

Ina dhiaidh sin, i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (4), tháinig Parlaimint na hEorpa, an Chomhairle agus an Coimisiún ar chomhaontú maidir le creat nua le haghaidh gníomhartha tarmligthe agus d’aithin siad go raibh gá leis an reachtaíocht atá ann cheana a ailíniú leis an gcreat reachtach a tugadh isteach le Conradh Liospóin. D’aontaigh siad, go háirithe, faoin ngá atá le hardtosaíocht a thabhairt d’ailíniú pras ar na bunghníomhartha uile ina dtagraítear fós don nós imeachta rialúcháin lena ngabhann grinnscrúdú. Gheall an Coimisiún go n-ullmhódh sé togra le haghaidh an ailínithe sin faoi dheireadh 2016.

(5)

Leis an gcumhacht a thugtar don Choimisiún na foirmeacha caighdeánacha a leagtar amach sna hIarscríbhinní a ghabhann le Rialachán (CE) Uimh. 805/2004 ó Pharlaimint na hEorpa agus ón gComhairle (5) a leasú, déantar foráil maidir le húsáid an nós imeachta rialúcháin lena ngabhann grinnscrúdú. Ós rud é go gcomhlíonann an cumhachtú sin na critéir faoi Airteagal 290 den Chonradh ar Fheidhmiú an Aontais Eorpaigh (CFAE), ba cheart é a oiriúnú don fhoráil sin.

(6)

Chun Rialachán (CE) Uimh. 805/2004 a thabhairt cothrom le dáta, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún ionas gur féidir leis na hIarscríbhinní a ghabhann leis an Rialachán sin a leasú chun na foirmeacha caighdeánacha a thabhairt cothrom le dáta. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(7)

Níor cheart don Rialachán seo difear a dhéanamh do nósanna imeachta atá ar feitheamh ar thug an coiste a thuairim cheana ina leith i gcomhréir le hAirteagal 5a de Chinneadh 1999/468/CE roimh theacht i bhfeidhm an Rialacháin seo.

(8)

I gcomhréir le hAirteagal 3 agus Airteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal leis an gConradh ar an Aontas Eorpach (CAE) agus le CFAE, tá fógra tugtha ag Éirinn gur mian léi a bheith rannpháirteach i nglacadh agus i gcur i bhfeidhm an Rialacháin seo.

(9)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal le CAE agus le CFAE, níl an Danmhairg rannpháirteach i nglacadh an Rialacháin seo agus níl sí faoi cheangal aige ná faoi réir a chur i bhfeidhm.

(10)

Dá bhrí sin, ba cheart Rialachán (CE) Uimh. 805/2004 a leasú dá réir sin,

(1)

De bhun Airteagal 3 den Chonradh ar an Aontas Eorpach (CAE), is iad cuspóirí an Aontais, inter alia, dea-bhail a phobal a chur chun cinn agus oibriú ar mhaithe leis an Eoraip a fhorbairt go hinbhuanaithe bunaithe ar gheilleagar sóisialta margaidh ina bhfuil iomaíocht ghéar, agus arb é is aidhm dó an lánfhostaíocht agus an dul chun cinn sóisialta, ardleibhéal cosanta agus feabhsú cháilíocht an chomhshaoil a áirithiú, agus ceartas sóisialta agus comhionannas idir mná agus fir á gcur chun cinn. De bhun Airteagal 9 den Chonradh ar Fheidhmiú an Aontais Eorpaigh (CFAE), tá an tAontas le cur san áireamh, inter alia, ceanglais atá nasctha le hardleibhéal fostaíochta a chur chun cinn, le cosaint shóisialta leordhóthanach a ráthú, agus leis an gcomhrac i gcoinne an eisiata shóisialta.

(2)

Foráiltear le hAirteagal 151 CFAE go bhfuil sé de chuspóir ag an Aontas agus ag na Ballstáit, agus aird á tabhairt acu ar chearta sóisialta bunúsacha amhail iad sin atá leagtha amach i gCairt Shóisialta na hEorpa (CSE), inter alia, an fhostaíocht a chur chun cinn, dálaí maireachtála agus oibre a fheabhsú, chun go bhféadfar iad a chomhchuibhiú agus an feabhsú á choimeád ar bun, cosaint chuí shóisialta a bheith ann, agus idirphlé a bheith ann idir lucht bainistíochta agus lucht saothair.

(3)

Déantar foráil in Airteagal 31 den Chairt um Chearta Bunúsacha an Aontais Eorpaigh (4) (“an Chairt”) maidir leis an gceart atá ag gach oibrí chun dálaí oibre, lena n-urramaítear a shláinte nó a sláinte, a shábháilteacht nó a sábháilteacht agus a dhínit nó a dínit. Déantar foráil in Airteagal 27 den Chairt maidir leis an gceart atá ag oibrithe faisnéis a fháil agus comhairliúchán a dhéanamh. Déantar foráil in Airteagal 28 den Chairt maidir leis an gceart atá ag fostóirí agus ag fostaithe, nó ag a n-eagraíochtaí faoi seach, i gcomhréir le dlí an Aontais agus le dlíthe agus cleachtais náisiúnta, dul i mbun caibidlíochta agus comhaontuithe comhchoiteanna a thabhairt i gcrích ar na leibhéil iomchuí. Déantar foráil in Airteagal 23 den Chairt maidir leis an gceart chun comhionannais idir mná agus fir i ngach réimse, lena n-áirítear fostaíocht, obair agus pá.

(4)

Bunaítear in ESC go bhfuil an ceart ag na oibrithe uile chun dálaí córa oibre. Aithnítear inti an ceart atá ag na hoibrithe uile chun luach saothair cóir atá leordhóthanach le haghaidh caighdeáin chuibhiúla mhaireachtála dóibh féin agus dá dteaghlaigh. Aithnítear inti freisin ról na gcomhaontuithe comhchoiteanna a chuirtear i gcrích gan bhac gan bheann agus sásraí socraithe pá íosta, chun feidhmiú éifeachtach an chirt sin a áirithiú, mar aon leis an gceart atá ag gach oibrí agus ag gach fostóir eagrú in eagraíochtaí áitiúla, náisiúnta agus idirnáisiúnta chun a leasanna eacnamaíocha agus sóisialta a chosaint, agus an ceart chun cómhargála.

(5)

I gCaibidil II de Cholún Eorpach na gCeart Sóisialta (“an Colún”), a fógraíodh an 17 Samhain 2017 in Gothenburg, bunaítear tacar prionsabal mar threoir chun dálaí córa oibre a áirithiú. Athdhearbhaítear le Prionsabal Uimh. 6 den Cholún an ceart atá ag oibrithe chun pá chóir lenar féidir caighdeán sásúil maireachtála a sholáthar. Foráiltear leis freisin go bhfuil pá íosta leordhóthanach le háirithiú, ar bhealach a fhágann go ndéanfar riachtanais an oibrí agus a theaghlaigh nó a teaghlaigh a shásamh i bhfianaise dálaí náisiúnta eacnamaíocha agus sóisialta, agus, ag an am céanna, rochtain ar fhostaíocht agus dreasachtaí chun obair a lorg á gcosaint. Ina theannta sin, meabhraítear ann go bhfuil cosc le cur ar bhochtaineacht lucht oibre agus go bhfuil an pá uile le socrú ar bhealach trédhearcach intuartha de réir cleachtais náisiúnta, agus neamhspleáchas na gcomhpháirtithe sóisialta á urramú. Foráiltear le Prionsabal Uimh. 8 den Cholún go bhfuiltear le dul i gcomhairle leis na comhpháirtithe sóisialta maidir le beartais eacnamaíocha, fostaíochta agus shóisialta a cheapadh agus a chur chun feidhme de réir na gcleachtas náisiúnta, agus go bhfuil siad le spreagadh chun caibidlíocht a dhéanamh agus comhaontuithe cómhargála a thabhairt i gcrích maidir le hábhair atá ábhartha dóibh, agus, ag an am céanna a neamhspleáchas agus an ceart chun comhghníomhaíochat á n-urramú.

(6)

Le Treoirlíne 5 san iarscríbhinn a ghabhann le Cinneadh (AE) 2020/1512 (5) ón gComhairle, iarrtar ar na Ballstáit a bhfuil sásraí náisiúnta um shocrú pá íosta reachtúil i bhfeidhm acu rannpháirtíocht éifeachtúil comhpháirtithe sóisialta i socrú pá a áirithiú, lena ndéanfar foráil maidir le pá cóir lena gcumasófar caighdeán sásúil maireachtála, agus aird ar leith á tabhairt ar ghrúpaí ísealioncaim agus meánioncaim, ar mhaithe le cóineasú aníos. Sa Treoirlíne sin iarrtar freisin ar na Ballstáit an t-idirphlé sóisialta agus an chómhargáil a chur chun cinn ar mhaithe le socrú pá. Iarrtar léi freisin ar na Ballstáit agus ar na comhpháirtithe sóisialta a áirithiú go bhfuil pá leordhóthanach cóir ag gach oibrí a bhuí le comhaontuithe comhchoiteanna nó le pá íosta reachtúil leordhóthanach, agus an tionchar atá ag an méid sin ar an iomaíochas, ar chruthú post agus ar bhochtaineacht lucht oibre a chur san áireamh, agus cleachtais náisiúnta á n-urramú. Luaitear sa teachtaireacht ón gCoimisiún an 17 Meán Fómhair 2020 dar teideal “Straitéis Bhliantúil maidir le Fás Inbhuanaithe 2021” gur cheart do na Ballstáit bearta a ghlacadh chun dálaí córa oibre a áirithiú. Thairis sin, meabhraítear sa teachtaireacht ón gCoimisiún an 17 Nollaig 2019 dar teideal “Straitéis Bhliantúil maidir le Fás Inbhuanaithe 2020”, i gcomhthéacs an mhéadaithe atá ag teacht ar bhearnaí sóisialta, go bhfuil sé tábhachtach a áirithiú go mbeidh pá cóir á shaothrú ag gach oibrí. Eisíodh moltaí tírshonracha chuig roinnt Ballstát i réimse an phá íosta agus é mar aidhm leis sin feabhas a chur ar shocrú agus nuashonrú pá íosta.

(7)

Tairbhíonn idir oibrithe agus ghnólachtaí san Aontas, chomh maith leis an tsochaí agus an geilleagair i gcoitinne, de dhálaí maireachtála agus oibre níos fearr, lena n-áirítear trí phá íosta leordhóthanach, agus is réamhriachtanas iad chun fás cóir, cuimsitheach agus inbhuanaithe a bhaint amach. Trí aghaidh a thabhairt ar dhifríochtaí móra maidir le cuimsiú agus leordhóthanacht chosaint an phá íosta, rannchuidítear le feabhas a chur ar chothroime mhargadh saothair an Aontais, agus sa chaoi sin, déantar éagothromaíochtaí pá agus sóisialta a chosc agus a laghdú, agus rannchuidítear le dul chun cinn eacnamaíoch agus sóisialta agus an cóineasú aníos a chur chun cinn. Ba cheart iomaíocht sa mhargadh inmheánach a bheith bunaithe ar ardchaighdeáin shóisialta, lena n-áirítear ardleibhéil cosanta d’oibrithe agus cruthú post ardcháilíochta, agus ar nuálaíocht agus feabhsuithe ar tháirgiúlacht chomh maith, agus cothroime iomaíochta á háirithiú.

(8)

Nuair a shocraítear an pá íosta ar leibhéil leordhóthanacha, mar a fhoráiltear sa dlí náisiúnta nó i gcomhaontuithe comhchoiteanna, cosnaítear ioncam oibrithe, go háirithe oibrithe faoi mhíbhuntáiste agus cuidítear le slí bheatha shásúil a áirithiú, agus teorannaítear laghduithe ioncaim le linn drochthréimhsí, mar a shaothraítear le Coinbhinsiún Uimh. 131 de chuid na hEagraíochta Idirnáisiúnta Saothair (EIS) maidir le Socrú Pá Íosta (1970), arna leasú. Is féidir le pá íosta a dhéanann foráil do chaighdeán cuibhiúil maireachtála agus a shásaíonn tairseach chuibhiúlachta dá réir sin, rannchuidiú leis an mbochtaineacht a laghdú ar an leibhéal náisiúnta agus rannchuidiú le héileamh intíre agus cumhacht cheannaigh a chothú, dreasachtaí chun oibre a neartú, neamhionannais phá, an bhearna phá idir na hinscní agus bochtaineacht san obair a laghdú, agus teorainn a chur le laghduithe ioncaim le linn cúluithe eacnamaíocha.

(9)

Tá méadú tagtha ar bhochtaineacht lucht oibre san Aontas le 10 mbliana anuas agus tá níos mó oibrithe buailte ag an mbochtaineacht. Le linn cúluithe eacnamaíocha, bíonn ról an-tábhachtach ag an bpá íosta leordhóthanach i gcosaint oibrithe ar phá íseal ós rud é gur leochailí na hoibrithe sin i leith na n-iarmhairtí a bhíonn ag cúluithe den sórt sin, agus bíonn sé bunriachtanach chun tacú le téarnamh eacnamaíoch inbhuanaithe agus cuimsitheach ar cheart méadú fostaíocht ardcháilíochta a bheith mar thoradh air. Chun téarnamh inbhuanaithe a áirithiú, tá sé ríthábhachtach go mbeadh rath ar ghnólachtaí, go háirithe micrifhiontair agus fiontair bheaga. I bhfianaise éifeachtaí phaindéim COVID-19, tá sé tábhachtach measúnú a dhéanamh ar leordhóthanacht an phá sna hearnálacha lena ngabhann pá íseal, arb earnálacha iad ar léiríodh a ríthábhacht agus a mórluach sóisialta le linn na géarchéime.

(10)

Mná, oibrithe óga, oibrithe imirceacha, tuismitheoirí aonair, oibrithe ar bheagán oiliúna, daoine faoi mhíchumas, agus go háirithe daoine a ndéantar iliomad cineálacha idirdhealaithe orthu, is amhlaidh fós is mó an dóchúlacht go mbeidh siad ar phá iosta nó ar phá íseal i gcomparáid le grúpaí eile. I bhfianaise ró-ionadaíocht na mban i bpoist ar phá íseal, rannchuidítear, trí fheabhas a chur ar leordhóthanacht pá íosta, leis an gcomhionannas inscne, leis an mbearna phá agus phinsin idir na hinscní a dhúnadh, agus le mná agus a dteaghlaigh a thabhairt as an mbochtaineacht, agus rannchuidítear le fás eacnamaíoch inbhuanaithe san Aontas.

(11)

Tá tionchar suntasach á imirt ag an ngéarchéim arbh í paindéim COVID-19 ba chúis léi ar an earnáil seirbhísí, ar mhicrifhiontair agus ar fhiontair bheaga, ina bhfuil sciar ard de na hoibrithe ar phá íseal agus ar phá íosta. Tá an pá íosta tábhachtach freisin, dá bhrí sin, i bhfianaise na dtreochtaí struchtúracha atá ag athmhúnlú na margaí saothair agus ina bhfuil ag méadú i gcónaí ar na sciartha arda de chineálacha oibre forbhásacha agus neamhchaighdeánacha iontu, lena n-áirítear go minic oibrithe páirtaimseartha, oibrithe séasúracha, oibrithe ardáin agus oibrithe gníomhaireachta sealadacha. Tá méadú tagtha, i mórán cásanna, ar pholarú oibre mar thoradh ar na treochtaí sin agus sciar méadaitheach gairmeacha agus earnálacha ar bheagán oiliúna agus ar bheagán pá i bhformhór na mBallstát dá bharr, agus neamhionannas pá níos airde i roinnt acu chomh maith. Tá sé níos deacra d’oibrithe a bhfuil conarthaí neamhchaighdeánacha acu comhaontuithe comhchoiteanna a eagrú agus dul i mbun caibidlíochta chun iad a bhaint amach.

(12)

Cé gurb ann do chosaint pá íosta i ngach Ballstát, i roinnt Ballstát eascraíonn an chosaint sin as forálacha reachtacha nó riaracháin agus as comhaontuithe comhchoiteanna agus i mBallstáit eile cuirtear ar fáil í go heisiach trí chomhaontuithe comhchoiteanna. Ba cheart na traidisiúin náisiúnta éagsúla sna Ballstáit a urramú.

(13)

Bíonn an chosaint pá íosta dá bhforáiltear i gcomhaontuithe comhchoiteanna maidir le slite beatha ar phá íseal leordhóthanach agus, dá bhrí sin, soláthraítear caighdeáin chuibhiúla mhaireachtála léi den chuid is mó, agus tá léirithe gur bealach éifeachtach í chun bochtaineacht lucht oibre a laghdú. I roinnt Ballstát, bíonn an pá íosta reachtúil íseal de ghnáth i gcomparáid leis an bpá eile sa gheilleagar. In 2018 bhí naoi mBallstát nár leor an pá íosta reachtúil iontu mar ioncam chun go mbainfeadh saothraí singil ar phá íosta tairseach riosca na bochtaineachta amach.

(14)

Ní dhéantar gach oibreoir san Aontas a chosaint go héifeachtach trí phá íosta, mar i roinnt Ballstát faigheann roinnt oibrithe, cé go gcumhdaítear iad, luach saothair atá níos ísle i ndáiríre ná an pá íosta reachtúil de bharr neamhchomhlíonadh na rialacha atá ann cheana. Tá tionchar ag neamhchomhlíonadh den sórt sin, go háirithe, ar mhná, ar oibrithe óga, ar oibrithe ar bheagán oiliúna, ar oibrithe imirceacha, ar thuismitheoirí aonair, ar dhaoine faoi mhíchumas, ar oibrithe a bhfuil cineálacha neamhchaighdeánacha fostaíochta acu amhail oibrithe sealadacha agus oibrithe páirtaimseartha, agus ar oibrithe talmhaíochta agus oibrithe fáilteachais, rud a chuireann laghdú ar phá dá dheasca. Sna Ballstáit ina ndéantar foráil maidir le cosaint pá íosta i gcomhaontuithe comhchoiteanna amháin, meastar gur idir 2 % agus 55 % de na hoibrithe uile é sciar na n-oibrithe nach gcumhdaítear.

(15)

Le Coinbhinsiún na Náisiún Aontaithe ar Chearta Daoine faoi Mhíchumas, ceanglaítear go bhfaigheadh oibrithe faoi mhíchumas, lena n-áirítear iad siúd atá i bhfostaíocht dhídeanach, luach saothair comhionann as obair ar comhionann a luach. Tá an prionsabal sin ábhartha maidir le cosaint pá íosta freisin.

(16)

Cé go gcuidíonn cómhargáil láidir, go háirithe ar leibhéal na hearnála nó ar an leibhéal trastionscail, le cosaint pá íosta leordhóthanaigh a áirithiú, tá laghdú ag teacht ar struchtúir thraidisiúnta chómhargála le 20 nó 30 bliain anuas de bharr, inter alia, athruithe struchtúracha sa gheilleagar i dtreo earnálacha inar lú an t-eagar ceardchumainn agus laghdú ar bhallraíocht i gceardchumainn, atá mar iarmhairt go háirithe ar chleachtais chun deireadh a chur le ceardchumainn agus ar an méadú ar chineálacha oibre forbhásacha agus neamhchaighdeánacha. Ina theannta sin, cuireadh an chómhargáil ar leibhéal earnála agus trastionscail faoi bhrú i roinnt Ballstát tar éis ghéarchéim airgeadais 2008. Mar sin féin, is gné ríthábhachtach í an chómhargáil earnála agus trastionscail chun cosaint pá íosta leordhóthanaigh a bhaint amach agus is gá, dá bhrí sin, í a chur chun cinn agus a neartú.

(17)

Chuaigh an Coimisiún i gcomhairle leis an mbainistíocht agus leis an lucht saothair i bpróiseas dhá chéim maidir le gníomhaíocht a d’fhéadfaí a dhéanamh chun aghaidh a thabhairt ar na dúshláin a bhaineann le cosaint pá íosta leordhóthanaigh san Aontas, i gcomhréir le hAirteagal 154 CFAE. Ní raibh aon chomhaontú ann i measc na gcomhpháirtithe sóisialta i dtaobh dul i mbun caibidlíochta maidir leis na hábhair sin. Tá sé tábhachtach, áfach, gníomhaíocht a dhéanamh ar leibhéal an Aontais, agus prionsabal na coimhdeachta á urramú, chun dálaí maireachtála agus oibre san Aontas a fheabhsú, go háirithe leordhóthanacht pá íosta, agus torthaí chomhairliúchán na gcomhpháirtithe sóisialta á gcur san áireamh.

(18)

D’fhonn dálaí maireachtála agus oibre mar aon le cóineasú sóisialta aníos san Aontas a fheabhsú, bunaítear leis an Treoir seo ceanglais íosta ar leibhéal an Aontais agus leagtar amach oibleagáidí nós imeachta maidir le leordhóthanacht pá íosta reachtúil, agus cuirtear le rochtain éifeachtach oibrithe ar chosaint pá íosta, i bhfoirm pá íosta reachtúil i gcás inarb ann dó, nó dá bhforáiltear i gcomhaontuithe comhchoiteanna mar a shainmhínítear chun críocha na Treorach seo. Déantar cómhargáil maidir le socrú pá a chur chun cinn sa Treoir seo freisin.

(19)

I gcomhréir le hAirteagal 153(5) CFAE, níl sé d’aidhm ag an Treoir seo leibhéal an phá íosta ar fud an Aontais a chomhchuibhiú ná níl sé d’aidhm aici sásra aonfhoirmeach maidir le socrú pá íosta a bhunú. Ní chuireann sé isteach ar shaoirse na mBallstát pá íosta reachtúil a shocrú ná rochtain ar chosaint pá íosta dá bhforáiltear i gcomhaontuithe comhchoiteanna a chur chun cinn, i gcomhréir leis an dlí agus cleachtas náisiúnta agus le sainiúlachtaí gach Ballstáit agus lánurraim á tabhairt d’inniúlachtaí náisiúnta agus do cheart na gcomhpháirtithe sóisialta comhaontuithe a thabhairt i gcrích. Maidir leis na Ballstáit ina n-áirithítear foirmiú pá go heisiach trí bhíthin comhaontuithe comhchoiteanna, ní fhorchuirtear oibleagáid orthu leis an Treoir seo pá íosta reachtúil a thabhairt isteach nó comhaontuithe comhchoiteanna a dhearbhú a bheith infheidhme go huilíoch, agus níor cheart í a fhorléiriú mar sin. Thairis sin, ní bhunaítear leis an Treoir seo leibhéal an phá, a thagann faoi cheart na gcomhpháirtithe sóisialta comhaontuithe a thabhairt i gcrích ar an leibhéal náisiúnta agus faoi inniúlacht ábhartha na mBallstát.

(20)

Cuirtear san áireamh sa Treoir seo, i gcomhréir le Coinbhinsiún Oibreachais Mhuirí EIS (2006) (6), arna leasú, go bhfuil na Ballstáit a dhaingnigh an Coinbhinsiún sin, tar éis dóibh dul i gcomhairle le heagraíochtaí ionadaíocha longúinéirí agus maraithe, le nósanna imeachta a bhunú chun pá íosta do mharaithe a chinneadh. Tá eagraíochtaí ionadaíocha longúinéirí agus maraithe le páirt a ghlacadh sna nósanna imeachta sin. I bhfianaise a gcineáil shonraigh, níor cheart gníomhartha na mBallstát a eascraíonn as na nósanna imeachta sin a bheith faoi réir na rialacha maidir le pá íosta reachtúil a leagtar amach i gCaibidil II den Treoir seo. Níor cheart do ghníomhartha den sórt sin cur isteach ar chómhargáil shaor idir longúinéirí nó a n-eagraíochtaí agus eagraíochtaí maraithe.

(21)

Agus Rialachán (CE) Uimh. 593/2008 ó Pharlaimint na hEorpa agus ón gComhairle (7) á chomhlíonadh, ba cheart feidhm a bheith ag an Treoir seo maidir le hoibrithe ag a bhfuil conradh fostaíochta nó caidreamh fostaíochta mar a shainmhínítear sa dlí, le comhaontuithe comhchoiteanna nó leis an gcleachtas atá i bhfeidhm i ngach Ballstát, agus na critéir arna mbunú ag Cúirt Bhreithiúnais an Aontais Eorpaigh (an Chúirt Bhreithiúnais) maidir le stádas oibrí a chinneadh á gcur san áireamh. Maidir le hoibrithe san earnáil phríobháideach agus san earnáil phoiblí araon, chomh maith le hoibrithe tí, oibrithe ar éileamh, oibrithe eadrannacha, oibrithe dearbhánbhunaithe, oibrithe ardáin, oiliúnaithe, printísigh agus oibrithe neamhchaighdeánacha eile, chomh maith le hoibrithe féinfhostaithe bréagacha agus oibrithe neamhdhearbhaithe, d’fhéadfaidís, ar choinníoll go gcomhlíonann siad na critéir sin, teacht faoi raon feidhme na Treorach seo. Daoine ar fíor go bhfuil siad féinfhostaithe, ní thagann siad faoi chuimsiú raon feidhme na Treorach seo ós rud é nach gcomhlíonann siad na critéir sin. Is cineál oibre a dhearbhaítear go bréagach í drochúsáid stádas daoine féinfhostaithe, mar a shainmhínítear sa dlí náisiúnta í, ar an leibhéal náisiúnta nó i gcásanna trasteorann, agus is minic a bhíonn baint ag obair neamhdhearbhaithe léi. Tarlaíonn féinfhostaíocht bhréagach nuair a dhearbhaítear go bhfuil duine féinfhostaithe, fad a chomhlíonann sé na coinníollacha is saintréithe de chaidreamh fostaíochta, chun oibleagáidí dlíthiúla nó fioscacha áirithe a sheachaint. Ba cheart go dtiocfadh na daoine sin faoi chuimsiú raon feidhme na Treorach seo. Ba cheart gur leis na fíorais a bhaineann leis an obair iarbhír a dhéantar a threorófaí an cinneadh an ann do chaidreamh fostaíochta agus ní bunaithe ar an tuairisc a dhéanann na páirtithe ar an gcaidreamh.

(22)

Is modh tábhachtach í an chómhargáil dhea-fheidhmiúil maidir le socrú pá chun a áirithiú go gcosnaítear oibrithe le pá íosta leordhóthanach, a fhágann, dá bhrí sin, gur féidir leo caighdeán cuibhiúil maireachtála a bheith acu. Sna Ballstát ina bhfuil pá íosta reachtúil, tacaíonn an chómhargáil le forbairtí ginearálta pá agus mar sin cuidíonn sí le leordhóthanacht an phá íosta, agus le dálaí maireachtála agus oibre, a fheabhsú. Sna Ballstáit ina soláthraítear cosaint pá íosta tríd an gcómhargáil amháin, is le feidhmiú an chórais cómhargála agus an chumhdaigh cómhargála go díreach a chinntear a leibhéal agus sciar na n-oibrithe a chosnaítear. Is le cómhargáil láidir dhea-fheidhmiúil in éineacht le cumhdach ard ar chomhaontuithe comhchoiteanna earnála nó trastionscail a neartaítear leordhóthanacht agus cumhdach an phá íosta.

(23)

Téann cosaint pá íosta trí chomhaontuithe comhchoiteanna chun tairbhe d’oibrithe, d’fhostóirí agus do ghnólachtaí chomh maith. Ní ann do phá íosta reachtúil i roinnt Ballstát. Sna Ballstáit sin, déantar foráil maidir le pá, lena n-áirítear cosaint pá íosta, go heisiach trí chómhargáil idir na comhpháirtithe sóisialta. Tá an meánphá sna Ballstáit sin i measc an mheánphá is airde san Aontas. Is saintréith de na córais sin cumhdach cómhargála an-ard chomh maith le leibhéil arda chleamhnachta leis na cumainn agus ceardchumainn fostóirí araon. Maidir le pá íosta dá bhforáiltear i gcomhaontú comhchoiteanna a dearbhaíodh a bheith infheidhme go huilíoch gan aon rogha a bheith ag an údarás dearbhaithe maidir le hinneachar na bhforálacha is infheidhme, níor cheart a mheas gur pá íosta reachtúil é.

(24)

I gcomhthéacs lagú ar chumhdach cómhargála, tá sé ríthábhachtach go gcuirfeadh na Ballstáit an chómhargáil chun cinn agus, go n-éascóidís feidhmiú an chirt chun cómhargála maidir le socrú pá agus, ar an gcaoi sin, go gcuirfidís feabhas ar an socrú pá dá bhforáiltear i gcomhaontuithe comhchoiteanna chun cosaint pá íosta oibrithe a fheabhsú. Tá Coinbhinsiún Uimh. 87 EIS maidir le Saoirse Comhlachais agus Cosaint an Chirt Eagrúcháin (1948) agus Coinbhinsiún Uimh. 98 EIS maidir leis an gCeart Eagrúcháin agus leis an gCómhargáil (1949) daingnithe ag na Ballstáit. Aithnítear an ceart chun cómhargála faoi na Coinbhinsiúin EIS sin, faoi Choinbhinsiún Uimh. 151 EIS 1978 maidir le Caidreamh Oibreachais (Seirbhísí Poiblí) (1978), agus Coinbhinsiún Uimh. 154 EIS maidir le Cómhargáil (1981), agus faoin gCoinbhinsiún chun Cearta an Duine agus Saoirsí Bunúsacha a Chosaint agus faoi CSE freisin. Le hAirteagail 12 agus 28 den Chairt, ráthaítear saoirse comhthionóil agus comhlachais agus an ceart chun cómhargála agus chun caingne, faoi seach. De réir an bhrollaigh, athdhearbhaítear na cearta sin sa Chairt toisc go n-eascraíonn siad, go háirithe, as an gCoinbhinsiún chun Cearta an Duine agus Saoirsí Bunúsacha a Chosaint agus as na Cairteacha Sóisialta arna nglacadh ag an Aontas agus ag An Chomhairle Eorpach. Ba cheart do na Ballstáit, de réir mar is iomchuí agus i gcomhréir leis an dlí agus cleachtas náisiúnta, bearta a dhéanamh chun cómhargáil maidir le socrú pá a chur chun cinn. D’fhéadfadh bearta chun rochtain ionadaithe ceardchumann ar oibrithe a éascú a bheith san áireamh sna bearta sin, i measc nithe eile.

(25)

Is gnách gur sciar beag oibrithe ar phá íseal agus pá íosta ard a bhíonn ag na Ballstáit a bhfuil cumhdach cómhargála ard acu. Ráta cumhdaigh cómhargála os cionn 80 % atá ag na Ballstáit ina bhfuil sciar íseal oibrithe ar phá íseal. Ar an gcaoi chéanna, tá cumhdach cómhargála os cionn 80 % ag formhór na mBallstát a bhfuil leibhéil arda pá íosta acu i gcoibhneas leis an meánphá. Dá bhrí sin, ba cheart do gach Ballstát ag a bhfuil ráta cumhdaigh cómhargála faoi bhun 80 % bearta a ghlacadh d’fhonn cómhargáil den sórt sin a fheabhsú. Ba cheart do gach Ballstát a bhfuil cumhdach cómhargála faoi bhun tairseach 80 % acu creat a sholáthar lena gcumasófar coinníollacha don chómhargáil, agus plean gníomhaíochta a bhunú chun cómhargáil a chur chun cinn ionas go méadófar an ráta cumhdaigh cómhargála de réir a chéile. Chun neamhspleáchas na gcomhpháirtithe sóisialta a urramú, lena n-áirítear a gceart chun cómhargála agus lena n-eisiatar aon oibleagáid comhaontuithe comhchoiteanna a thabhairt i gcrích, níor cheart an tairseach 80 % de chumhdach cómhargála a fhorléiriú ach mar tháscaire lena spreagtar an oibleagáid plean gníomhaíochta a bhunú.

Ba cheart an plean gníomhaíochta a athbhreithniú ar bhonn rialta, gach 5 bliana ar a laghad, agus, más gá, ba cheart é a athcheartú. Ba cheart fógra a thabhairt don Choimisiún faoin bplean gníomhaíochta agus faoi aon nuashonrú air agus ba cheart é a chur ar fáil go poiblí. Ba cheart do gach Ballstát a bheith in ann cinneadh a dhéanamh maidir le foirm iomchuí a phlean gníomhaíochta. D’fhéadfaí a mheas gur plean gníomhaíochta faoin Treoir seo atá i bplean gníomhaíochta arna ghlacadh ag Ballstát roimh theacht i bhfeidhm na Treorach seo, ar choinníoll go bhfuil gníomhaíochtaí ann chun cómhargáil a chur chun cinn go héifeachtach agus go gcomhlíontar na hoibleagáidí faoin Treoir seo leis. Ba cheart do gach Ballstát plean gníomhaíochta den sórt sin a bhunú tar éis dó dul i gcomhairle leis na comhpháirtithe sóisialta nó trí chomhaontú leo, nó, tar éis iarraidh chomhpháirteach ó na comhpháirtithe sóisialta, mar a chomhaontaigh siad eatarthu féin. Tá éagsúlacht shuntasach idir rátaí cumhdaigh cómhargála na mBallstát mar gheall ar roinnt tosca, lena n-áirítear an traidisiún agus an cleachtas náisiúnta chomh maith leis an gcomhthéacs stairiúil. Ba cheart é sin a chur san áireamh agus anailís á déanamh ar an dul chun cinn i dtreo cumhdach cómhargála níos airde, go háirithe maidir leis an bplean gníomhaíochta dá bhforáiltear sa Treoir seo.

(26)

Is gá rialacha fónta, nósanna imeachta agus cleachtais éifeachtacha maidir le pá íosta reachtúil a shocrú agus a nuashonrú chun pá íosta leordhóthanach a sholáthar, agus poist atá ann cheana á gcosaint agus deiseanna nua fostaíochta á gcruthú, agus cothroime iomaíochta agus iomaíochas gnóthas á gcosaint, lena n-áirítear micrifhiontair, fiontair bheaga agus fiontair mheánmhéide (FBManna). Áirítear ar na rialacha, na nósanna imeachta agus na cleachtais sin roinnt gnéithe chun rannchuidiú le leordhóthanacht an phá íosta reachtúil, lena n-áirítear critéir chun treoir a thabhairt do na Ballstáit agus pá íosta reachtúil á shocrú agus á nuashonrú acu agus táscairí chun measúnú a dhéanamh ar a leordhóthanacht, nuashonruithe rialta tráthúla, comhlachtaí comhairleacha a bheith ann agus rannpháirtíocht na gcomhpháirtithe sóisialta. Is gné eile den dea-rialachas í rannpháirtíocht thráthúil éifeachtach na gcomhpháirtithe sóisialta a fhágann go mbíonn próiseas cinnteoireachta eolach cuimsitheach ann, agus pá íosta reachtúil á shocrú agus á nuashonrú agus nuair a bhíonn foirmlí innéacsúcháin uathoibríocha á mbunú nó á modhnú, i gcás inarb ann dóibh. Ba cheart do na Ballstáit faisnéis ábhartha a sholáthar do na chomhpháirtithe sóisialta maidir le socrú agus nuashonrú pá íosta reachtúil. Trí dheis a thabhairt do na chomhpháirtithe sóisialta tuairimí a chur ar fáil, agus freagairt réasúnaithe a fháil ar thuairimí arna gcur in iúl roimh thíolacadh tograí, maidir le socrú agus nuashonrú pá íosta reachtúil agus sula ndéanfar aon chinntí, d’fhéadfaí rannchuidiú le rannpháirtíocht chuí na gcomhpháirtithe sóisialta sa phróiseas sin.

(27)

Maidir le Ballstáit a úsáideann sásra innéacsaithe uathoibríoch, lena n-áirítear sásraí leath-uathoibríocha ina ráthaítear ar a laghad méadú éigeantach fíorbheag ar phá íosta reachtúil, ba cheart dóibh na nósanna imeachta a dhéanamh chun an pá íosta reachtúil a thabhairt cothrom le dáta gach 4 bliana ar a laghad. Ba cheart meastóireacht ar an bpá íosta a bheith i gceist leis na nuashonruithe rialta sin, agus na treoirchritéir á gcur san áireamh, agus an méid a mhodhnú ina dhiaidh sin, más gá. D’fhéadfadh sé go mbeadh difear idir minicíocht choigeartuithe an innéacsaithe uathoibríoch, ar thaobh amháin, agus na nuashonruithe ar an bpá íosta reachtúil ar an taobh eile. I gcás nach ann do shásraí innéacsaithe uathoibríocha nó leath-uathoibríocha, ba cheart do na Ballstáit sin a bpá íosta reachtúil a thabhairt cothrom le dáta gach 2 bhliain ar a laghad.

(28)

Meastar gur leordhóthanach é an pá íosta más rud é go bhfuil sé cóir i ndáil le dáileadh pá sa Bhallstát ábhartha agus má sholáthraíonn sé caighdeán cuibhiúil maireachtála d’oibrithe bunaithe ar chaidreamh fostaíochta lánaimseartha. Déanann gach Ballstát leordhóthanacht an phá íosta reachtúil a chinneadh agus a mheasúnú i bhfianaise a dhálaí socheacnamaíocha náisiúnta, lena n-áirítear fás fostaíochta, iomaíochas agus forbairtí réigiúnacha agus earnála. Chun críoch an chinnidh sin, ba cheart do na Ballstáit an chumhacht cheannaigh agus na leibhéil agus forbairtí fadtéarmacha táirgiúlachta náisiúnta a chur san áireamh, mar aon le leibhéil an phá, dáileadh pá agus fás pá.

I measc ionstraimí eile, d’fhéadfadh bascaed earraí agus seirbhísí ar fhíorphraghsanna arna mbunú ar an leibhéal náisiúnta a bheith lárnach chun an costas maireachtála a chinneadh, agus é mar aidhm leis caighdeán cuibhiúil maireachtála a bhaint amach. Chomh maith le riachtanais ábhartha amhail bia, éadaí agus tithíocht, d’fhéadfaí an gá atá le páirt a ghlacadh i ngníomhaíochtaí cultúrtha, oideachais agus sóisialta a chur san áireamh freisin. Is iomchuí breithniú ar leithligh a dhéanamh ar shocrú agus nuashonrú pá íosta reachtúil ó shásraí tacaíochta ioncaim. Ba cheart do na Ballstáit táscairí agus luachanna tagartha gaolmhara a úsáid chun a measúnú ar leordhóthanacht pá íosta reachtúil a threorú. D’fhéadfadh na Ballstáit rogha a dhéanamh as measc táscairí a úsáidtear go coitianta ar an leibhéal idirnáisiúnta agus/nó táscairí a úsáidtear ar an leibhéal náisiúnta. D’fhéadfadh an measúnú a bheith bunaithe ar luachanna tagartha a úsáidtear go coitianta ar an leibhéal idirnáisiúnta, amhail an cóimheas idir an t-ollphá íosta agus 60 % den ollphá airmheánach agus an cóimheas idir an t-ollphá íosta agus 50 % den mheán-ollphá, ar luachanna iad sin nach bhfuil á gcomhlíonadh ag na Ballstáit uile faoi láthair, nó an cóimheas idir an glanphá íosta agus 50 % nó 60 % den mheán-ghlanphá íosta. D’fhéadfadh an measúnú a bheith bunaithe freisin ar luachanna tagartha a bhaineann le táscairí a úsáidtear ar an leibhéal náisiúnta, amhail comparáid idir an glanphá íosta agus tairseach na bochtaineachta agus cumhacht cheannaigh an phá íosta.

(29)

Gan dochar d’inniúlacht na mBallstát an pá íosta reachtúil a shocrú agus athruithe agus asbhaintí a chur san áireamh, tá sé tábhachtach úsáid fhorleathan éagsúlachtaí agus asbhaintí a sheachaint, toisc go bhfuil an baol ann go mbeadh tionchar diúltach acu ar leordhóthanacht an phá íosta. Ba cheart a áirithiú, le hathruithe agus asbhaintí, go n-urramaítear prionsabail an neamh-idirdhealaithe agus na comhréireachta. Dá bhrí sin, ba cheart aidhm dhlisteanach a shaothrú le hathruithe agus asbhaintí. Samplaí d’asbhaintí dá leithéid a d’fhéadfaí a lua is ea í méideanna iomarcacha arna n-íoc nó asbhaintí arna n-ordú ag údarás breithiúnach nó riaracháin a aisghabháil. Bíonn ardriosca ann gur díréireach a bheidh asbhaintí eile, amhail na hasbhaintí sin a bhaineann leis an trealamh is gá chun post a dhéanamh nó asbhaintí as liúntais chomhchineáil, amhail lóistín. Thairis sin, níor cheart aon ní sa Treoir seo a fhorléiriú mar ní lena bhforchuirtear oibleagáid ar na Ballstáit aon athruithe ar phá íosta nó asbhaintí uaidh a thabhairt isteach.

(30)

Is gá córas forfheidhmithe éifeachtach a bheith ann, lena n-áirítear faireachán iontaofa, rialuithe agus cigireachtaí allamuigh, chun feidhmiú creataí náisiúnta pá íosta reachtúil agus a gcomhlíonadh a áirithiú. Chun éifeachtúlacht údarás forfheidhmithe a neartú, is gá dlúthchomhar a bheith ann leis na comhpháirtithe sóisialta chomh maith, lena n-áirítear chun aghaidh a thabhairt ar dhúshláin ríthábhachtacha amhail iad sin a bhaineann le fochonraitheoireacht mhí-úsáideach, féinfhostaíocht bhréagachnó, ragobair gan taifead nó rioscaí sláinte agus sábháilteachta a bhaineann le méadú ar dhéine oibre. Ba cheart cumas údarás forfheidhmithe a fhorbairt freisin, go háirithe trí oiliúint agus treoir. Modhanna tábhachtacha lena n-áitítear ar fhostóirí gan sáruithe a fheidhmiú atá i ngnáthchuairteanna agus cuairteanna gan réamhfhógra, imeachtaí breithiúnacha agus riaracháin agus pionóis i gcás sáruithe.

(31)

Tá cur chun feidhme éifeachtach chosaint an phá íosta a leagtar amach le forálacha dlíthiúla nó dá bhforáiltear i gcomhaontuithe comhchoiteanna riachtanach agus soláthar poiblí agus conarthaí lamháltais á mbronnadh agus á gcomhlíonadh. D’fhéadfadh neamh-urramú na gcomhaontuithe comhchoiteanna ina ndéantar foráil maidir le cosaint pá íosta tarlú agus na conarthaí sin á gcur i gcrích nó sa slabhra fochonraitheoireachta ina dhiaidh sin, rud a d’fhágfadh go n-íocfaí níos lú ná an leibhéal pá a aontaítear sna comhaontuithe comhchoiteanna earnála le hoibrithe. Chun cásanna den sórt sin a chosc, i gcomhréir le hAirteagail 30(3) agus 42(1) de Threoir 2014/23/AE (8), Airteagail 18(2) agus 71(1) de Threoir 2014/24/AE (9) agus le hAirteagail 36(2) agus 88(1) de Threoir 2014/25/AE (10) ó Pharlaimint na hEorpa agus ón gComhairle, tá údaráis chonarthacha agus eintitis chonarthacha an tsoláthair phoiblí le bearta iomchuí a dhéanamh, lena n-áirítear an fhéidearthacht coinníollacha feidhmíochta conartha a thabhairt isteach, agus a áirithiú go gcuirfidh oibreoirí eacnamaíocha an pá dá bhforáiltear i gcomhaontuithe comhchoiteanna don earnáil agus limistéar geografach ábhartha i bhfeidhm maidir lena n-oibrithe agus go n-urramóidh siad cearta oibrithe agus ceardchumann a eascraíonn as Coinbhinsiún Uimh. 87 EIS maidir le Saoirse Comhlachais agus Cosaint an Chirt Eagrúcháin (1948) agus Coinbhinsiún Uimh. 98 EIS maidir leis an gCeart Eagrúcháin agus leis an gCómhargáil (1949), dá dtagraítear sna Treoracha sin, chun cloí leis na hoibleagáidí is infheidhme i réimse dhlí an tsaothair. Mar sin féin, ní chruthaítear aon oibleagáid bhreise leis an Treoir seo i ndáil leis na Treoracha sin.

(32)

I gcás iarratasóirí ar thacaíocht airgeadais ó chistí agus cláir de chuid an Aontais, faoi Rialachán (AE) 2021/1060 ó Pharlaimint na hEorpa agus ón gComhairle (11) agus na coinníollacha cumasúcháin atá ann, ba cheart na rialacha maidir le soláthar poiblí agus lamháltais a chur i bhfeidhm go leordhóthanach, lena n-áirítear maidir le forálacha comhaontuithe comhchoiteanna a chomhlíonadh.

(33)

Tá faireachán iontaofa agus bailiú sonraí riachtanach le haghaidh cosaint pá íosta éifeachtach. Chun críoch bailithe sonraí, féadfaidh na Ballstáit brath ar shuirbhéanna samplacha atá ionadaíoch go leor, ar bhunachair sonraí náisiúnta, ar shonraí comhchuibhithe ó Eurostat agus ar fhoinsí eile atá inrochtana go poiblí amhail an Eagraíocht um Chomhar agus Forbairt Eacnamaíochta. I gcásanna eisceachtúla nach bhfuil sonraí cruinne ar fáil, d’fhéadfadh na Ballstáit meastacháin a úsáid. Níor cheart ualach riaracháin neamhriachtanach a bheith ar fhostóirí, go háirithe micrifhiontair agus FBManna eile, maidir le cur chun feidhme ceanglas maidir le bailiú sonraí. Ba cheart don Choimisiún a anailís ar leibhéil agus forbairtí leordhóthanacht agus chumhdach an phá íosta reachtúil chomh maith leis an gcumhdach cómhargála, ar bhonn sonraí agus faisnéis atá le soláthar ag na Ballstáit, a chur faoi bhráid Pharlaimint na hEorpa agus na Comhairle gach dara bliain.

Chomh maith leis sin, ba cheart faireachán a dhéanamh ar dhul chun cinn phróiseas comhordaithe an bheartais eacnamaíoch agus fostaíochta ar leibhéal an Aontais. Sa chomhthéacs sin, féadfaidh an Chomhairle nó an Coimisiún a iarraidh ar an gCoiste Fostaíochta agus ar an gCoiste um Chosaint Shóisialta, i gcomhréir le hAirteagail 150 agus 160 CFAE faoi seach, scrúdú a dhéanamh, ina réimse inniúlachta faoi seach, ar fhorbairt an chumhdaigh cómhargála agus ar leordhóthanacht an phá íosta reachtúil sna Ballstáit ar bhonn na tuarascála a chuireann an Coimisiún ar fáil agus ar bhonn uirlisí faireachais iltaobhaigh eile amhail tagarmharcáil. Le linn scrúdaithe den sórt sin, tá na Coistí le rannpháirt a thabhairt do na comhpháirtithe sóisialta ar leibhéal an Aontais, lena n-áirítear comhpháirtithe sóisialta trasearnálacha, i gcomhréir le hAirteagail 150 agus 160 CFAE faoi seach.

(34)

Ba cheart rochtain éasca a bheith ag oibrithe ar fhaisnéis chuimsitheach maidir le pá íosta reachtúil agus ar chosaint pá íosta dá bhforáiltear i gcomhaontuithe comhchoiteanna is infheidhme go huilíoch chun trédhearcacht agus intuarthacht a áirithiú maidir lena ndálaí oibre, lena n-áirítear do dhaoine faoi mhíchumas i gcomhréir le Treoir (AE) 2016/2102 ó Pharlaimint na hEorpa agus ón gComhairle (12).

(35)

Ba cheart oibrithe agus ionadaithe oibrithe, lena n-áirítear iad siúd ar comhaltaí nó ionadaithe ceardchumainn iad, a bheith in ann a gceart chun cosanta a fheidhmiú i gcás ina bhforáiltear dá gcearta a bhaineann le cosaint pá íosta sa dlí náisiúnta nó i gcomhaontuithe comhchoiteanna agus ina ndearnadh iad a shárú. Chun nach mbainfear a gcearta, dá bhforáiltear sa dlí náisiúnta nó i gcomhaontuithe comhchoiteanna, d’oibrithe, agus gan dochar do mhodhanna sásaimh agus réitithe díospóidí dá bhforáiltear i gcomhaontuithe comhchoiteanna, lena n-áirítear córais um réiteach comhchoiteann díospóidí, ba cheart do na Ballstáit na bearta is gá a dhéanamh chun a áirithiú go mbeidh rochtain ag oibrithe ar réiteach díospóidí éifeachtach, tráthúil agus neamhchlaonta agus ar cheart chun sásaimh, agus ar chosaint éifeachtach bhreithiúnach agus/nó riaracháin ar dhochar ar bith, má chinneann siad a gceart chun cosanta a fheidhmiú. Is féidir le rannpháirtíocht comhpháirtithe sóisialta i bhforbairt bhreise sásraí neamhchlaonta um réiteach díospóidí sna Ballstáit a bheith tairbhiúil. Ba cheart oibrithe a chur ar an eolas maidir leis na sásraí sásaimh chun críche a gceart chun sásaimh a fheidhmiú.

(36)

Ba cheart don Choimisiún meastóireacht a dhéanamh chun bonn a chur ar fáil d’athbhreithniú ar chur chun feidhme éifeachtach na Treorach seo. Ba cheart Parlaimint na hEorpa agus an Chomhairle a chur ar an eolas faoi thorthaí an athbhreithnithe sin.

(37)

Cé gur céimeanna sa treo ceart iad na leasuithe agus na bearta arna nglacadh ag na Ballstáit chun cosaint pá íosta leordhóthanaigh d’oibrithe a chur chun cinn, ní leasuithe ná bearta cuimsitheacha córasacha i gcónaí iad. Thairis sin, le gníomhaíocht a dhéantar ar leibhéal an Aontais chun feabhas a chur ar leordhóthanacht agus cumhdach pá íosta, is féidir rannchuidiú le dálaí maireachtála agus oibre san Aontas a fheabhsú tuilleadh agus le cúiseanna imní a mhaolú maidir le héifeachtaí díobhálacha eacnamaíocha a d’fhéadfadh a bheith ann mar thoradh ar bhearta aonaracha Ballstát. Ós rud é nach féidir leis na Ballstáit cuspóirí na Treorach seo a ghnóthú go leordhóthanach agus, de bharr a bhfairsinge agus a n-éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 CAE. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

(38)

Leis an Treoir seo, leagtar síos oibleagáidí nós imeachta mar cheanglais íosta, sa chaoi nach ndéantar aon athrú ar shaincheart na mBallstát forálacha níos fabhraí a thabhairt isteach nó a choinneáil. Ba cheart go mbeadh feidhm fós ag cearta a fuarthas faoin gcreat dlíthiúil náisiúnta atá ann cheana, mura rud é go dtugtar forálacha níos fabhraí isteach leis an Treoir seo. Ní féidir cur chun feidhme na Treorach seo a úsáid chun na cearta atá ann d’oibrithe san Aontas cheana a laghdú ná ní féidir é a bheith ina fhoras bailí chun leibhéal ginearálta na cosanta a thugtar d’oibrithe sna réimsí a chumhdaítear sa Treoir seo a laghdú, lena n-áirítear, go háirithe, i ndáil le pá íosta a ísliú nó a dhíothú.

(39)

Agus an Treoir seo á cur chun feidhme, ba cheart do na Ballstáit staonadh ó shrianta riaracháin, airgeadais agus dlíthiúla neamhriachtanacha a fhorchur, go háirithe má chuirtear bac leo ar bhunú agus ar fhorbairt FBManna. Moltar do na Ballstáit, dá bhrí sin, measúnú a dhéanamh ar an tionchar atá ag a mbearta trasuite ar FBManna chun a áirithiú nach ndéanfar difear díréireach dóibh, agus aird faoi leith a thabhairt ar mhicrifhiontair agus ar an ualach riaracháin, agus torthaí na measúnuithe sin a fhoilsiú. Má fhaigheann na Ballstáit amach go ndéantar difear díréireach do FBManna leis na bearta trasuite, ba cheart dóibh féachaint le bearta a dhéanamh chun tacú le FBManna a struchtúir luacha saothair a choigeartú do na ceanglais nua.

(40)

Tá Rialacháin (AE) 2021/240 (13) agus (AE) 2021/1057 (14) ó Pharlaimint na hEorpa agus ón gComhairle ar fáil do na Ballstáit chun gnéithe teicniúla na gcreataí pá íosta a fhorbairt nó a fheabhsú, lena n-áirítear maidir le measúnú a dhéanamh ar leordhóthanacht, faireachán agus bailiú sonraí, rochtain a leathnú, agus le forfheidhmiú agus fothú acmhainneachta ginearálta a bhaineann le cur chun feidhme na gcreataí sin. I gcomhréir le Rialachán (AE) 2021/1057, tá na Ballstáit le méid iomchuí a leithdháileadh ar fhothú acmhainneachta na gcomhpháirtithe sóisialta,

(1)

Le Rialachán (AE) Uimh. 1284/2009 ón gComhairle (2), tugtar éifeacht do na bearta dá bhforáiltear i gCinneadh 2010/638/CBES maidir le bearta sriantacha i gcoinne Phoblacht na Guine.

(2)

Le Cinneadh (CBES) 2022/2052, tugtar isteach modhnú ar theideal Chinneadh 2010/638/CBES.

(3)

Tá gá le gníomhaíocht rialála ar leibhéal an Aontais, dá bhrí sin, chun éifeacht a thabhairt do Chinneadh (CBES) 2022/2052, go háirithe d’fhonn a áirithiú go gcuirfidh oibreoirí eacnamaíocha na bearta sin i bhfeidhm go haonfhoirmeach sna Ballstáit uile.

(4)

Ba cheart, dá bhrí sin, Rialachán (AE) Uimh. 1284/2009 a leasú dá réir sin,

(1)

An 1 Deireadh Fómhair 2015, ghlac an Chomhairle Rialachán (AE) 2015/1755.

(2)

Ar bhonn athbhreithniú ón gComhairle, ba cheart triúr a bhaint de liosta na ndaoine nádúrtha agus dlítheanacha, na n-eintiteas agus na gcomhlachtaí atá faoi réir bearta sriantacha, mar a leagtar amach in Iarscríbhinn I a ghabhann le Rialachán (AE) 2015/1755.

(3)

Ba cheart, dá bhrí sin, Iarscríbhinn I a ghabhann le Rialachán (AE) 2015/1755 a leasú dá réir,

(1)

Tá scrúdú déanta ag an gCoimisiún ar an iarratas ar leasuithe a fhormheas ar shonraíocht sonrúchán tionscnaimh faoi chosaint “Roero”, a chuir an Iodáil ar aghaidh i gcomhréir le hAirteagal 105 de Rialachán (AE) Uimh. 1308/2013.

(2)

D’fhoilsigh an Coimisiún an t-iarratas ar fhormheas ar na leasuithe ar an tsonraíocht in Iris Oifigiúil an Aontais Eorpaigh (2), de réir mar a cheanglaítear le hAirteagal 97(3) de Rialachán (AE) Uimh. 1308/2013.

(3)

Níl aon ráiteas agóide faighte ag an gCoimisiún faoi Airteagal 98 de Rialachán (AE) Uimh. 1308/2013.

(4)

Dá bhrí sin, ba cheart na leasuithe ar an tsonraíocht a fhormheas i gcomhréir le hAirteagal 99 de Rialachán (AE) Uimh. 1308/2013.

(5)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Chomheagrú na Margaí Talmhaíochta,

(1)

De bhun Airteagal 53(1), an chéad fhomhír, de Rialachán (AE) Uimh. 1151/2012, tá scrúdú déanta ag an gCoimisiún ar iarratas na hIodáile ar leasuithe a fhormheas ar shonraíocht an tsonrúcháin tionscnaimh faoi chosaint “Chianti Classico” atá cláraithe faoi Rialachán (CE) Uimh. 2446/2000 ón gCoimisiún (2), faoi mar a leasaíodh é le Rialachán (AE) Uimh. 216/2011 (3) agus Rialachán Cur Chun Feidhme (AE) Uimh. 267/2013 (4).

(2)

Ós rud é gur leasú nach mion atá sa leasú i gceist de réir bhrí Airteagal 53(2) de Rialachán (AE) Uimh. 1151/2012, d’fhoilsigh an Coimisiún an t-iarratas ar leasú in Iris Oifigiúil an Aontais Eorpaigh (5) faoi mar a cheanglaítear le hAirteagal 50(2), pointe (a), den Rialachán sin.

(3)

Ós rud é nach bhfuair an Coimisiún aon ráiteas agóide faoi Airteagal 51 de Rialachán (AE) Uimh. 1151/2012, ba cheart na leasuithe ar an tsonraíocht a fhormheas,

(1)

Le hIarscríbhinní I agus II a ghabhann le Rialachán (AE) Uimh. 1408/2013 ón gCoimisiún (2), leagtar amach uasmhéideanna carnacha na cabhrach de minimis a dheonaítear de réir an Bhallstáit i leith gnóthais atá gníomhach i dtáirgeadh príomhúil talmhaíochta le linn aon tréimhse 3 bliana fioscacha dá dtagraítear in Airteagal 3(3) agus Airteagal 3(3a) den Rialachán sin faoi seach.

(2)

An Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (3) (“an Comhaontú um Tharraingt Siar”), comhaontú a bhfuil an Prótacal maidir le hÉirinn/Tuaisceart Éireann (“an Prótacal”) ina chuid dhílis de, is comhaontú é a tháinig i bhfeidhm an 1 Feabhra 2020.

(3)

An idirthréimhse dá bhforáiltear in Airteagal 126 den Chomhaontú um Tharraingt Siar, idirthréimhse ina raibh feidhm fós den chuid is mó ag dlí an Aontais maidir le Ríocht Aontaithe na Breataine Móire agus Thuaisceart Éireann agus laistigh de Ríocht Aontaithe na Breataine Móire agus Thuaisceart Éireann, tháinig deireadh léi an 31 Nollaig 2020.

(4)

Mar sin féin, le hAirteagal 10 den Phrótacal, foráiltear go mbeidh feidhm ag forálacha áirithe de dhlí an Aontais a liostaítear in Iarscríbhinn 5 a ghabhann leis an bPrótacal sin maidir leis an Ríocht Aontaithe i leith bearta a dhéanann difear do thrádáil na dtáirgí talmhaíochta idir Tuaisceart Éireann agus an tAontas.

(5)

Liostaítear Rialachán (AE) Uimh. 1408/2013 i measc na bhforálacha sin.

(6)

Chun a áirithiú go gcomhlíonfar forálacha an Chomhaontaithe um Tharraingt Siar agus an Phrótacail, uasmhéideanna carnacha na Ríochta Aontaithe ina hiomláine faoi mar a leagtar amach sna hIarscríbhinní a ghabhann le Rialachán (AE) Uimh. 1408/2013, is uasmhéideanna iad ar gá gan ach méideanna comhfhreagracha Thuaisceart Éireann a chur ina n-ionad.

(7)

Chun cothroime iomaíochta a áirithiú, an modh ríofa a úsáideadh le haghaidh na mBallstát tráth a bunaíodh na hIarscríbhinní sin, is ar bonn an mhodha ríofa chéanna ba cheart na huasmhéideanna carnacha a ríomh le haghaidh Thuaisceart Éireann.

(8)

Dá bhrí sin, ba cheart Rialachán (AE) Uimh. 1408/2013 a leasú dá réir,

(1)

In Iarscríbhinn II a ghabhann le Rialachán Cur Chun Feidhme (AE) 2021/2325 ón gCoimisiún (2), leagtar amach liosta na n-údarás rialaithe agus na gcomhlachtaí rialaithe a dhéantar a aithint chun críche coibhéise agus atá inniúil chun rialuithe a dhéanamh agus deimhnithe a eisiúint i dtríú tíortha.

(2)

In Iarscríbhinn IV a ghabhann le Rialachán (CE) Uimh. 1235/2008 ón gCoimisiún (3) rinneadh “Ecocert SA” le haghaidh Bhairéin a aithint ar dtús a mhéid a bhaineann le catagóir táirgí D. An ró a bhain le Bairéin i gcás chatagóir táirgí D, in Iarscríbhinn II a ghabhann le Rialachán Cur Chun Feidhme (AE) 2021/2325 fágadh folamh go hearráideach é. Ní mór an earráid sin a cheartú.

(3)

In Iarscríbhinn II a ghabhann le Rialachán Cur Chun Feidhme (AE) 2021/2325, “Florida Certified Organic Growers and Consumers, Inc. (FOG), DBA as Quality Certification Services (QCS)” [Saothróirí agus Tomhaltóirí Orgánacha Deimhnithe Florida, Crp., DBA mar Sheirbhísí Deimhnithe Cáilíochta], liostaítear é go hearráideach mar chomhlacht aitheanta i gCósta Ríce le haghaidh chatagóir táirgí A. Ina theannta sin, níor chuir an comhlacht rialaithe sonraí ar fáil maidir leis an gcineál táirgí ba mhian leis a dheimhniú le haghaidh chatagóir táirgí D i gCósta Ríce, agus dá bhrí sin is go hearráideach a rinneadh é a aithint le haghaidh na catagóire táirgí sin. Ní mór an iontráil ábhartha a cheartú.

(4)

Dá bhrí sin, ba cheart Rialachán Cur Chun Feidhme (AE) 2021/2325 a cheartú dá réir.

(5)

Rinneadh raon feidhme geografach an aitheantais a tugadh do “Ecocert SA” go hearráideach. Dá bhrí sin, an earráid sin a bhaineann le Bairéin i gcás chatagóir táirgí D, ba cheart í a cheartú go haisghníomhach ó dháta theacht i bhfeidhm Rialachán Cur Chun Feidhme (AE) 2021/2325. An t-aitheantas a tugadh do “Florida Certified Organic Growers and Consumers, Inc. (FOG), DBA as Quality Certification Services (QCS)” [Saothróirí agus Tomhaltóirí Orgánacha Deimhnithe Florida, Crp., DBA mar Sheirbhísí Deimhnithe Cáilíochta], is go hearráideach a rinneadh é a leathnú d’fhonn catagóirí táirgí A agus D a chumhdach i gCósta Ríce. Dá bhrí sin, ba cheart an earráid sin a cheartú go haisghníomhach ó dháta chur i bhfeidhm Rialachán Cur Chun Feidhme (AE) 2021/2325.

(6)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Tháirgeadh Orgánach,

(1)

Le Rialachán Tarmligthe (AE) Uimh. 1062/2014 ón gCoimisiún (2), leagtar síos liosta de shubstaintí gníomhacha atá ann cheana a bhfuil meastóireacht le déanamh orthu maidir lena bhformheas féideartha i dtaca lena n-úsáid i dtáirgí bithicídeacha. Tá aigéad L-(+)-lachtach ar an liosta sin.

(2)

Rinneadh meastóireacht ar aigéad L-(+)-lachtach lena úsáid i dtáirgí bithicídeacha de chineál táirge 6, is é sin leasaithigh le haghaidh táirgí le linn a stórála, mar a thuairiscítear in Iarscríbhinn V a ghabhann le Rialachán (AE) Uimh. 528/2012.

(3)

Ainmníodh an Ghearmáin ina Ballstát is rapóirtéir agus chuir a húdarás inniúil meastóireachta an tuarascáil ar an measúnú mar aon lena conclúidí faoi bhráid na Gníomhaireachta Eorpaí Ceimiceán (“an Ghníomhaireacht”) an 3 Meán Fómhair 2020.

(4)

I gcomhréir le hAirteagal 75(1), pointe (a), de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir le hiarratais ar fhormheas substaintí gníomhacha. I gcomhréir le hAirteagal 7(2) de Rialachán Tarmligthe (AE) Uimh. 1062/2014, ghlac an Coiste um Tháirgí Bithicídeacha an tuairim ón nGníomhaireacht (3) an 15 Meitheamh 2021, ag féachaint do chonclúidí an údaráis inniúil mheastóireachta.

(5)

De réir na tuairime sin, d’fhéadfaí coinne a bheith leis go gcomhlíonfadh táirgí bithicídeacha de chineál táirge 6 ina bhfuil aigéad L-(+)-lachtach na critéir a leagtar síos in Airteagal 19(1), pointe (b), de Rialachán (AE) Uimh. 528/2012, ar choinníoll go gcomhlíonfar na coinníollacha a bhaineann lena n-úsáid.

(6)

Agus tuairim na Gníomhaireachta á cur san áireamh, is iomchuí aigéad L-(+)-lachtach a fhormheas lena húsáid i dtáirgí bithicídeacha de chineál táirge 6 faoi réir comhlíonadh coinníollacha áirithe.

(7)

Go háirithe, ós rud é go n-aicmítear aigéad L-(+)-lachtach maidir le creimeadh/greannú craicinn, fochatagóir 1C, agus damáiste agus greannú súl, Catagóir 1, mar a shonraítear i gCuid 3 d’Iarscríbhinn VI a ghabhann le Rialachán (CE) Uimh. 1272/2008 ó Pharlaimint na hEorpa agus ón gComhairle (4), an duine atá freagrach as substaintí nó meascáin a chur ar an margadh, ar substaintí nó meascáin iad a cóireáladh leis an tsubstaint ghníomhach nó a chuimsíonn an tsubstaint ghníomhach ag tiúchan as a leanann aicmiú maidir le creimeadh/greannú craicinn nó damáiste/greannú súl, ba cheart don duine sin a áirithiú go n-íoslaghdófar an risíocht don phobal i gcoitinne le bearta maolaithe riosca iomchuí.

(8)

Ós rud é go gcomhlíonann aigéad L-(+)-lachtach na critéir maidir lena aicmiú mar shubstaint atá creimneach don chonair riospráide mar a shonraítear i gCuid 3 d’Iarscríbhinn VI a ghabhann le Rialachán (CE) Uimh. 1272/2008, an duine atá freagrach as substaintí nó meascáin a chur ar an margadh, ar substaintí nó meascáin iad a cóireáladh leis an tsubstaint ghníomhach nó a chuimsíonn an tsubstaint ghníomhach ag tiúchan as a leanann aicmiú maidir le creimeadh don chonair riospráide, ba cheart don duine sin a áirithiú go n-íoslaghdófar an risíocht don phobal i gcoitinne le bearta maolaithe riosca iomchuí.

(9)

Chun úsáid shábháilte táirgí bithicídeacha ina bhfuil aigéad L-(+)-lachtach in earraí cóireáilte a ráthú agus chun é a chur ar a gcumas d’úsáideoirí earraí cóireáilte roghanna eolasacha a dhéanamh, ba cheart don duine atá freagrach as earra a cóireáladh le haigéad L-(+)-lachtach nó a chuimsíonn an t-aigéad sin a áirithiú go soláthrófar ar lipéad an earra chóireáilte sin an fhaisnéis a liostaítear in Airteagal 58(3), an dara fomhír, de Rialachán (AE) Uimh. 528/2012. Thairis sin, ba cheart d’údaráis inniúla na mBallstát nó, i gcás údarú Aontais, ba cheart don Choimisiún na treoracha ábhartha maidir le húsáid agus na réamhchúraimí atá le cur ar lipéad na n-earraí cóireáilte faoi Airteagal 58(3), pointe (e), de Rialachán (AE) Uimh. 528/2012 a shonrú san achoimre ar shaintréithe an táirge bhithicídigh ina bhfuil aigéad L-(+)-lachtach.

(10)

Ba cheart tréimhse réasúnta a bheith ann sula bhformheasfar substaint ghníomhach ionas go mbeidh páirtithe leasmhara in ann na bearta ullmhúcháin is gá a dhéanamh chun na ceanglais nua a chomhlíonadh.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,

(1)

Le hIarscríbhinn I a ghabhann le Rialachán Cur Chun Feidhme (AE) Uimh. 2021/2325 ón gCoimisiún (2), leagtar amach an liosta de thríú tíortha a n-aithnítear go bhfuil a gcórais táirgthe agus a mbearta rialaithe chun táirgí talmhaíochta a tháirgeadh go horgánach coibhéiseach leis na córais táirgthe agus bearta rialaithe a leagtar síos i Rialachán (CE) Uimh. 834/2007 (3).

(2)

Chuir an India in iúl don Choimisiún gur chuir a húdarás inniúil an comhlacht rialaithe “TQ Cert Services Private Limited” ar fionraí agus dá bhrí sin gur cheart an comhlacht rialaithe sin a bhaint den liosta de chomhlachtaí rialaithe dá dtugann an India aitheantas.

(3)

Le hIarscríbhinn II a ghabhann le Rialachán Cur Chun (AE) 2021/2325, leagtar amach an liosta d’údaráis rialaithe agus de chomhlachtaí rialaithe atá aitheanta chun críche coibhéise agus atá inniúil chun rialuithe a dhéanamh agus deimhnithe a eisiúint i dtríú tíortha. I bhfianaise faisnéis nua agus iarrataí nua a fuair an Coimisiún ó ghlacadh Rialachán Cur Chun Feidhme (AE) 2021/2325, ba cheart athruithe áirithe a dhéanamh ar an liosta sin.

(4)

Rinneadh fógraí maidir le cásanna neamh-chomhlíontachta i gCóras Faisnéise na Talmhaíochta Orgánaí “Control Union Certifications” [Rialú Deimhniúchán de chuid an Aontais] (BIO-149), “Ecocert SA” (BIO-154), “Lacon GmbH” (BIO-134) agus “OneCert International PVT Ltd” (BIO-152). Baineann na fógraí sin le héilliú líon mór coinsíneachtaí táirgí a táirgeadh san India, táirgí a dheimhnigh na comhlachtaí rialaithe sin mar choinsíneachtaí orgánacha. Éillíodh na táirgí sin le táirgí agus substaintí nach gceadaítear i dtáirgeadh orgánach agus/nó i dtáirgeadh traidisiúnta san Aontas ar leibhéil os cionn na n-Uasleibhéal Iarmhar a leagtar síos i Rialachán (CE) Uimh. 396/2005 ó Pharlaimint na hEorpa agus ón gComhairle (4) agus ba mhinic iad i bhfad os cionn na leibhéal sin. Áirítear ar na héillithe sin éilliú le hocsaíd eitiléine, éilliú atá carcanaigineach só-ghineach agus tocsaineach lena atáirgeadh, agus éillithe eile nach é.

(5)

Thairis sin, níor léirigh na comhlachtaí rialaithe sin gur táirgeadh táirgí orgánacha a allmhairíodh faoina rialú i gcomhréir leis na rialacha táirgthe ná go raibh siad faoi réir socruithe rialaithe atá coibhéiseach leo sin a leagtar síos i Rialachán (CE) Uimh. 834/2007 agus i Rialacháin (CE) Uimh. 889/2008 (5) agus (CE) Uimh. 1235/2008 (6) ón gCoimisiún.

(6)

Ina theannta sin, ní dhearna na comhlachtaí rialaithe sin bearta ceartaitheacha mar fhreagairt ar na neamhrialtachtaí agus ar na sáruithe a tugadh faoi deara.

(7)

Ar gach ceann de na cúiseanna sin, agus i gcomhréir le hAirteagal 4(1), pointí (d)(iv), (d)(v) agus (d)(vii) de Rialachán Tarmligthe (AE) 2021/1342 ón gCoimisiún (7), ba cheart na comhlachtaí rialaithe “Control Union Certifications”, “Ecocert SA”, “Lacon GmbH” agus “OneCert International PVT Ltd” a bhaint den liosta d’údaráis rialaithe agus de chomhlachtaí rialaithe a aithnítear le haghaidh na hIndia chun críche coibhéise faoi Airteagal 33(3) de Rialachán (CE) Uimh. 834/2007.

(8)

Thug “A CERT European Organization for Certification S.A” fógra don Choimisiún gur athraíodh a sheoladh.

(9)

Fuair an Coimisiún iarraidh ó “BioGro New Zealand Limited”, agus rinne sé scrúdú ar an iarraidh sin, maidir lena aitheantas a tharraingt siar i dtaca le gach tríú tír a n-aithnítear é ina leith i gcomhréir le Rialachán Cur Chun Feidhme (AE) 2021/2325.

(10)

Thug “Bureau Veritas Certification France SAS” fógra don Choimisiún maidir leis an athrú ar a sheoladh.

(11)

Fuair an Coimisiún iarraidh ó “Ecocert SA” a ainm a athrú agus scrúdaigh sé an iarraidh sin. Chinn an Coimisiún, de réir na faisnéise a fuarthas, go bhfuil údar maith le hainm an chomhlachta rialaithe sin a athrú go “Ecocert SAS”.

(12)

Thug an comhlacht creidiúnaithe IOAS fógra don Choimisiún maidir le tarraingt siar a chreidiúnaithe a bhaineann leis an gcomhlacht rialaithe “FairCert Certification Services Pvt Ltd”. Chomh maith leis sin, d’iarr an Coimisiún ar an gcomhlacht rialaithe deimhniú creidiúnaithe bailí a chur ar fáil agus gníomhaíocht feabhais iomchuí thráthúil a dhéanamh. Mar sin féin, níor thug “FairCert Certification Services Pvt Ltd” freagra sásúil laistigh den sprioc-am a leagadh síos chun na críche sin. Ar deireadh, níor chuir “FairCert Certification Services Pvt Ltd” an fhaisnéis ar fad a bhaineann lena shainchomhad teicniúil in iúl don Choimisiún. Ar na trí chúis sin, agus i gcomhréir le hAirteagal 4(1), pointe (d)(iii), de Rialachán Tarmligthe (AE) 2021/1342, ba cheart “FairCert Certification Services Pvt Ltd” a bhaint den liosta d’údaráis rialaithe agus de chomhlachtaí a leagtar amach in Iarscríbhinn II a ghabhann le Rialachán Cur Chun Feidhme (AE) 2021/2325 maidir le gach tríú tír.

(13)

Thug “Kiwa Sativa” fógra don Choimisiún gur athraíodh a sheoladh idirlín.

(14)

Fuair an Coimisiún iarraidh ó “Lacon GmbH”, agus rinne sé scrúdú ar an iarraidh sin, maidir lena aitheantas a tharraingt siar i dtaca le gach tríú tír a n-aithnítear é ina leith i Rialachán Cur Chun Feidhme (AE) 2021/2325.

(15)

Fuair an Coimisiún iarraidh ó “LETIS S.A.”, agus rinne sé scrúdú ar an iarraidh sin, maidir lena aitheantas a tharraingt siar i dtaca leis an Afganastáin, an Asarbaiseáin, an Bhealarúis, an Cósta Eabhair, an Éigipt, an Aetóip, an Iaráin, an Chasacstáin, an Chirgeastáin, an Mholdóiv, Maracó, an Phacastáin, an Rúis, an Táidsíceastáin, an Tuircméanastáin, an Úcráin, Aontas na nÉimíríochtaí Arabacha agus an Úisbéiceastáin.

(16)

Thug an comhlacht creidiúnaithe IOAS fógra don Choimisiún maidir le tarraingt siar a chreidiúnaithe i dtaca le “LETIS S.A.” sa Tuirc. Chomh maith leis sin, d’iarr an Coimisiún ar an gcomhlacht rialaithe deimhniú creidiúnaithe bailí a chur ar fáil i ndáil leis an Tuirc agus gníomhaíocht feabhais iomchuí thráthúil a dhéanamh. Mar sin féin, níor thug “LETIS S.A.” freagra sásúil laistigh den sprioc-am a leagadh síos chun na críche sin. Ar an dá chúis sin, agus i gcomhréir le hAirteagal 4(1), pointe (d)(iii), de Rialachán Tarmligthe (AE) 2021/1342, tá údar maith leis an aitheantas atá ag “LETIS S.A.” maidir leis an Tuirc a tharraingt siar.

(17)

Thug “OneCert International PVT Ltd” fógra don Choimisiún gur athraíodh a sheoladh agus a sheoladh idirlín.

(18)

Fuair an Coimisiún iarraidh ó “Oregon Tilth” maidir lena aitheantas maidir le Panama a tharraingt siar.

(19)

Fuair an Coimisiún iarraidh ó “Organic Standard” chun a aitheantas maidir leis an Rúis a tharraingt siar.

(20)

Fuair an Coimisiún iarraidh ó “Soil Association Certification Limited”, agus rinne sé scrúdú ar an iarraidh sin, maidir le scor go deonach dá ghníomhaíochtaí maidir le gach tríú tír a n-aithnítear é ina leith i gcomhréir le Rialachán Cur Chun Feidhme (AE) 2021/2325.

(21)

Thug “Tse-Xin Organic Certification Corporation” fógra don Choimisiún gur athraíodh a sheoladh.

(22)

Dá bhrí sin, ba cheart Rialachán Cur Chun Feidhme (AE) 2021/2235 a leasú dá réir.

(23)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Tháirgeadh Orgánach,

(1)

De bhun Airteagal 300(3) den Chonradh, tá Coiste na Réigiún le bheith comhdhéanta d’ionadaithe do chomhlachtaí réigiúnacha agus áitiúla agus sainordú toghchánach acu in údarás réigiúnach nó áitiúil nó atá freagrach go polaitiúil do thionól tofa.

(2)

An 17 Feabhra 2020, ghlac an Chomhairle Cinneadh (AE) 2020/235 (2), lena gceaptar comhalta agus comhalta malartach, arna moladh ag Poblacht na hOstaire, de Choiste na Réigiún. An 21 Meitheamh 2022, ghlac an Chomhairle Cinneadh (AE) 2022/1000 (3), lena gceaptar comhalta, arna mholadh ag Poblacht na hOstaire, de Choiste na Réigiún.

(3)

Tá suíochán comhalta ar Choiste na Réigiún tagtha chun bheith folamh tar éis do Christopher DREXLER éirí as oifig.

(4)

Tá suíochán comhalta mhalartaigh ar Choiste na Réigiún tagtha chun bheith folamh tar éis cheapadh Hannes WENINGER mar chomhalta de Choiste na Réigiún.

(5)

Mhol rialtas na hOstaire Werner AMON, ar ionadaí do chomhlacht réigiúnach é agus a bhfuil aige sainordú toghchánach in údarás réigiúnach, Landesrat, Steiermärkische Landesregierung (Comhalta den Rialtas Cúige, Rialtas Cúige Styria), mar chomhalta de Choiste na Réigiún ar feadh a bhfuil fágtha den téarma oifige reatha, a leanfaidh go dtí an 25 Eanáir 2025.

(6)

Mhol rialtas na hOstaire Thomas STEINER, ar ionadaí do chomhlacht áitiúil é agus a bhfuil aige sainordú toghchánach in údarás áitiúil, Mitglied des Gemeinderats von Eisenstadt (Comhalta den Chomhairle Cathrach Eisenstadt), mar chomhalta malartach de Choiste na Réigiún ar feadh a bhfuil fágtha den téarma oifige reatha, a leanfaidh go dtí an 25 Eanáir 2025,

(1)

An 1 Deireadh Fómhair 2015, ghlac an Chomhairle Cinneadh (CBES) 2015/1763 (1) a bhaineann le bearta sriantacha i bhfianaise na staide sa Bhurúin.

(2)

Ar bhonn athbhreithniú ón gComhairle ar Chinneadh (CBES) 2015/1763, ba cheart na bearta sriantacha a athnuachan go dtí an 31 Deireadh Fómhair 2023 agus ba cheart triúr a bhaint de liosta na ndaoine nádúrtha agus dlítheanacha, na n-eintiteas agus na gcomhlachtaí atá faoi réir bearta sriantacha, mar a leagtar amach san Iarscríbhinn a ghabhann le Cinneadh (CBES) 2015/1763 iad.

(3)

Ba cheart, dá bhrí sin, Cinneadh (CBES) 2015/1763 a leasú dá réir,

(1)

An 25 Deireadh Fómhair 2010, ghlac an Chomhairle Cinneadh 2010/638/CBES (1) a bhaineann le bearta sriantacha i gcoinne Phoblacht na Guine.

(2)

Ar bhonn athbhreithniú ar Chinneadh 2010/638/CBES, ba cheart síneadh a chur leis na bearta sriantacha sin go dtí an 27 Deireadh Fómhair 2023.

(3)

Measann an Chomhairle gur cheart teideal Chinneadh 2010/638/CBES a leasú.

(4)

Ba cheart, dá bhrí sin, Cinneadh 2010/638/CBES a leasú dá réir sin,

(1)

An 30 Lúnasa 2022 rinneadh iarraidh ar chlárú an tionscnaimh Eorpaigh ó na saoránaigh dar teideal “Tionscnamh Eorpach ó na saoránaigh maidir le béilí veigeánacha” a chur faoi bhráid an Choimisiúin.

(2)

Is é is cuspóir don tionscnamh, mar a chuir an lucht eagair in iúl é, “an rogha mhalartach veigeánach a chur ar fáil go sainráite i gcónaí sna spásanna príobháideacha agus poiblí ina ndíoltar bia agus deochanna san Eoraip. Is ar mhaithe leo siúd ar veigeánaigh iad agus ar mhaithe leo siúd a urramaíonn an ceart chun rogha malartaí veigeánaí atá an Tionscnamh Eorpach ó na saoránaigh maidir le BÉILÍ VEIGÉANACHA, sin agus ar mhaithe le gníomhú i gcoinne an athraithe aeráide trí bhia plandabhunaithe a chur ar fáil ar bhealach níos éasca do thomhaltóirí an Aontais sa saol laethúil. Ní cuid den aiste bia veigeánach neamhchruálach dúshaothrú agus marú ainmhithe, agus ar an gcaoi sin freagraíonn an aiste bia chéanna don fheasacht chomhchoiteann atá ag teacht chun cinn maidir le cearta ainmhithe. Thairis sin, athraíonn an aiste bia veigeánach an rogha atá ann maidir le gníomhaíochtaí, struchtúir agus lóistíocht táirgthe agus fostaíochta lena ngabhann níos lú truaillithe. Leis an Tionscnamh Eorpach ó na saoránaigh maidir le BÉILÍ VEIGEÁNACHA táthar ag iarraidh go ndéanfaí cuid de dhíol bia agus deochanna leis an bpobal san Eoraip, go ndéanfaí cuid de sin an rogha mhalartach veigeánach de réir dlí, agus táthar ag súil gurb é an toradh a bheidh ar rannpháirtíocht saoránach Eorpach go bhformheasfar dlí de chuid an Aontais a rachaidh go mór chun tairbhe don phláinéad, i.e. ó thaobh maolú ar an ngéarchéim aeráide, ar dhíothú speiceas fiáin, ar an dífhoraoisiú, ar dhramhbhia agus ar an míchothú, sin agus ó thaobh talamh a úsáid ar bhealach níos fearr agus cosaint don bheatha mhuirí.”

(3)

Tá iarscríbhinn ann, chomh maith le doiciméad breise, ina dtugtar tuilleadh sonraí maidir le hábhar, cuspóirí agus cúlra an tionscnaimh, trí na cúiseanna atá ann le tacú leis an tionscnamh a leagan amach agus a shonrú. An rogha mhalartach veigeánach a chur ar fáil mar chuid de dhíol bia agus deochanna leis an bpobal i spásanna príobháideacha agus poiblí, maíonn an lucht eagair gur rud é a fhágann go mbíonn sé níos éasca an rogha mhalartach veigeánach a rochtain agus gur féidir costas an bhia a laghdú, agus gur rud é a chabhraíonn leis an ngéarchéim aeráide a chomhrac trí chur leis an méid bia phlandabhunaithe a itear. “Ach infhaighteacht bia veigeánaigh a éascú in earnálacha poiblí agus príobháideacha a bhaineann le díol bia agus deochanna, is lú truailliú i bhfoirm astaíochtaí CO2 agus éilliú comhshaoil a bhíonn ann, is lú uisce a úsáidtear agus is lú a fhulaingíonn ainmhithe”, a deir an lucht eagair.

(4)

A mhéid a bhaineann le cuspóir an tionscnaimh oibleagáid dhlíthiúil a thabhairt isteach, is é sin oibleagáid ar oibreoirí sa mhargadh miondíola bia agus deochanna táirgí veigeánacha a chur ar fáil, tá sé de chumhacht ag an gCoimisiún togra le haghaidh gníomh dlí a thíolacadh ar bhonn Airteagal 114 CFAE. Ina theannta sin, sa mhéid go bhféadfadh an tionscnamh difear a dhéanamh do bhearta sonracha faoin gcomhbheartas talmhaíochta, nó sa mhéid go bhféadfadh na bearta sin a bheith ag teastáil faoi, tá sé de chumhacht ag an gCoimisiún tograí le haghaidh gníomhartha dlí a chur i láthair ar bhonn Airteagal 43 CFAE.

(5)

Ar na cúiseanna sin, níl aon chuid den tionscnamh lasmuigh, go follasach, de chreat chumhachtaí an Choimisiúin togra le haghaidh gníomh dlí de chuid an Aontais a thíolacadh chun na Conarthaí a chur chun feidhme.

(6)

Is conclúid é sin atá gan dochar don mheasúnú ar cé acu a chomhlíonfaí nó nach gcomhlíonfaí, sa chás seo, na coinníollacha coincréiteacha substainteacha is gá chun go ngníomhódh an Coimisiún, coinníollacha lena n-áirítear comhlíonadh phrionsabail na comhréireachta agus na coimhdeachta, sin agus comhoiriúnacht le cearta bunúsacha.

(7)

Tá fianaise iomchuí curtha ar fáil ag an lucht eagair go gcomhlíonann sé na ceanglais a leagtar síos in Airteagal 5(1) agus (2) de Rialachán (AE) 2019/788 agus gur i gcomhréir le hAirteagal 5(3), an chéad fhomhír, den Rialachán sin atá na teagmhálaithe ainmnithe aige.

(8)

Ní tionscnamh é ar follas é a bheith míchuí, suaibhreosach ná cráiteach, ná ní follas go bhfuil sé contrártha do luachanna an Aontais arna leagan amach in Airteagal 2 den Chonradh ar an Aontas Eorpach ná do na cearta a chumhdaítear i gCairt um Chearta Bunúsacha an Aontais Eorpaigh.

(9)

Dá bhrí sin, ba cheart an tionscnamh Eorpach ó na saoránaigh dar teideal “Tionscnamh Eorpach ó na saoránaigh maidir le béilí veigeánacha” a chlárú.

(10)

An chonclúid go gcomhlíontar na coinníollacha maidir le clárú faoi Airteagal 6(3) de Rialachán (AE) 2019/788, ní rud í a thugann le tuiscint go ndearbhaíonn an Coimisiún ar bhealach ar bith go bhfuil ábhar an tionscnaimh cruinn fíorasach, agus is é lucht eagair an tionscnaimh amháin atá freagrach as an méid sin. Ní chuireann ábhar an tionscnaimh ach tuairimí an luchta eagair in iúl, agus ní féidir a dhéanamh amach ar aon bhealach gurb iad tuairimí an Choimisiúin a léiríonn sé,

(1)

An 29 Samhain 2016, chuir an chuideachta Lanxess Deutschland GmbH (“an t-iarratasóir”) iarratas isteach ar aitheantas frithpháirteach comhthreomhar le haghaidh an táirge bhithicídigh Preventol A 12 TK 50 (“an táirge bithicídeach”) chuig na húdaráis inniúla i roinnt Ballstát, lena n-áirítear an Fhrainc, an tSualainn agus an Ghearmáin, i gcomhréir le hAirteagal 34 de Rialachán (AE) Uimh. 528/2012. Is leasaitheach sceo de chineál táirge 7 é an táirge bithicídeach, táirge ina bhfuil própaconasól mar shubstaint ghníomhach agus atá le húsáid ag úsáideoirí tionsclaíocha chun péinteanna agus bratuithe uisce-bhunaithe agus bunaithe ar thuaslagóirí a chaomhnú. Is í an Ísiltír an Ballstát tagartha atá freagrach as meastóireacht a dhéanamh ar an iarratas dá dtagraítear in Airteagal 34(1) de Rialachán (AE) Uimh. 528/2012.

(2)

An 16 Meán Fómhair 2020, tharchuir an Ghearmáin agóidí chuig an ngrúpa comhordúcháin inar léiríodh nach n-áirithítear le coinníollacha an údaraithe a leag an Ísiltír síos go gcomhlíonann an táirge bithicídeach na ceanglais a leagtar síos in Airteagal 19(1), pointe (b)(iii), de Rialachán (AE) Uimh. 528/2012.

(3)

An 17 Meán Fómhair 2020, d’iarr rúnaíocht an ghrúpa comhordúcháin ar na Ballstáit eile lena mbaineann agus ar an iarratasóir barúlacha i scríbhinn a chur isteach maidir leis an tarchur. Chuir an t-iarratasóir barúlacha i scríbhinn isteach an 29 Meán Fómhair 2020. Pléadh an tarchur sa ghrúpa comhordúcháin an 21 Deireadh Fómhair 2020 agus bhí an t-iarratasóir rannpháirteach ann.

(4)

Maidir le bearta maolaithe riosca i ndáil le hearraí a cóireáladh leis an táirge nó a chuimsíonn an táirge sin a chur ar an margadh, measann an Ghearmáin nach féidir na bearta sin a chur san áireamh in údarú táirge bhithicídigh ach amháin má tagraíodh dóibh sna coinníollacha maidir le substaint ghníomhach a fhormheas. Ós rud é nach n-áirítear i Rialachán Cur Chun Feidhme (AE) 2015/1609 ón gCoimisiún (2) na bearta maolaithe riosca is gá chun earraí a cóireáladh leis an táirge nó a chuimsíonn an táirge a chur ar an margadh, measann an Ghearmáin nach féidir na bearta maolaithe riosca a mhol an Ísiltír i ndáil le hearraí cóireáilte a chur ar an margadh a áireamh in údarú an táirge bhithicídigh. Dá bhrí sin, de réir na Gearmáine, ós rud é nach féidir aghaidh cheart a thabhairt in údarú an táirge bhithicídigh ar éifeachtaí do-ghlactha ar shláinte an duine agus ar an gcomhshaol a d’eascródh as úsáid an táirge bhithicídigh, níor cheart an táirge a údarú.

(5)

Ós rud é nár tháinig an grúpa comhordúcháin ar aon chomhaontú maidir leis an agóid a rinne an Ghearmáin, an 16 Nollaig 2021 tharchuir an Ísiltír an agóid nach raibh réitithe chuig an gCoimisiún de bhun Airteagal 36(1) de Rialachán (AE) Uimh. 528/2012. Ar an gcaoi sin chuir sí ráiteas mionsonraithe faoi bhráid an Choimisiúin maidir leis an tsaincheist faoinar theip ar na Ballstáit teacht ar chomhaontú agus na cúiseanna a bhí lena n-easaontas. Cuireadh an ráiteas sin ar aghaidh chuig na Ballstáit lena mbaineann agus chuig an iarratasóir.

(6)

Foráiltear le hAirteagal 19(1), pointí (b)(iii) agus (b)(iv), de Rialachán (AE) Uimh. 528/2012 gur ceann de na coinníollacha maidir le húdarú a dheonú is ea go suitear, de réir na gcomhphrionsabal le haghaidh meastóireacht a dhéanamh ar na sainchomhaid do tháirgí bithicídeacha a leagtar síos in Iarscríbhinn VI a ghabhann leis an Rialachán sin, nach bhfuil aon éifeacht dho-ghlactha ag an táirge bithicídeach féin, ná mar thoradh ar a iarmhair, ar shláinte daoine agus ainmhithe, ná ar an gcomhshaol.

(7)

In Airteagal 19(2), pointe (b), de Rialachán (AE) Uimh. 528/2012, déantar foráil gur cheart a chur san áireamh sa mheastóireacht ar cé acu a chomhlíonann nó nach gcomhlíonann táirge bithicídeach na critéir a leagtar amach i mír 1, pointe (b), den Airteagal sin, an chaoi a bhféadfar earraí a cóireáladh leis an táirge bithicídeach nó ina bhfuil an táirge bithicídeach a úsáid.

(8)

Foráiltear le hAirteagal 58(2) de Rialachán (AE) Uimh. 528/2012 nach gcuirfear earra cóireáilte ar an margadh mura rud é go n-áirítear gach substaint ghníomhach atá sa táirge bithicídeach lenar cóireáladh é nó a chuimsíonn iad ar an liosta a tarraingíodh suas i gcomhréir le hAirteagal 9(2) den Rialachán sin, i gcás an chineáil táirge ábhartha agus na húsáide ábhartha, nó in Iarscríbhinn I a ghabhann leis an Rialachán sin, agus foráiltear leis go gcomhlíonfaí aon choinníoll nó srian a shonraítear ann. Tháinig an Ísiltír ar an gconclúid go n-eascródh éifeachtaí do-ghlactha ar shláinte an duine agus ar an gcomhshaol as úsáid an táirge bhithicídigh, ar éifeachtaí iad a fhágann go mbeidh gá le bearta maolaithe riosca a chur san áireamh in údarú an táirge bhithicídigh, bearta maidir le hearraí a cóireáladh leis an táirge bithicídeach nó a chuimsíonn an táirge bithicídeach a chur ar an margadh agus a úsáid. Sna coinníollacha a leagtar síos i Rialachán Cur Chun Feidhme (AE) 2015/1609 ní áirítear bearta sonracha maolaithe riosca i ndáil le hearraí a cóireáladh le própaconasól nó a chuimsíonn própaconasól a chur ar an margadh, agus ní fhoráiltear sa Rialachán Cur Chun Feidhme sin go bhféadfaidh údaráis inniúla na mBallstát na bearta maolaithe riosca sin a leagan síos in údarú táirgí bithicídeacha ina bhfuil própaconasól maidir le cineál táirge 7, bearta a mbeadh gá leo chun aghaidh a thabhairt ar na rioscaí do-ghlactha arna sainaithint do shláinte an duine agus don chomhshaol a d’eascródh as úsáid earraí a cóireáladh leis an táirge bithicídeach nó a chuimsíonn an táirge bithicídeach.

(9)

Tar éis don Choimisiún an fhaisnéis uile a scrúdú go cúramach, tuigeann sé nach féidir comhlíonadh na gcoinníollacha in Airteagal 19(1), pointí (b)(iii) agus (b)(iv), de Rialachán (AE) Uimh. 528/2012 maidir leis an táirge bithicídeach a áirithiú trí choinníollacha a fhorchur ar úsáid na dtáirgí bithicídeacha sna hearraí cóireáilte gan oibleagáidí a fhorchur go comhuaineach ar na daoine a chuireann earraí cóireáilte a chuimsíonn na táirgí bithicídeacha sin ar an margadh. Mar sin féin, ós rud é nár leagadh síos i Rialachán Cur Chun Feidhme (AE) 2015/1609 na coinníollacha nó na srianta is gá chun úsáid shábháilte an táirge bhithicídigh a áirithiú inar cuireadh san áireamh an chaoi ar féidir earraí a cóireáladh leis an táirge bithicídeach nó ina bhfuil an táirge bithicídeach a úsáid, agus ós rud é nach féidir iad a leagan síos in údarú an táirge bhithicídigh, dá n-úsáidfí an táirge bithicídeach sna hearraí cóireáilte bheadh éifeachtaí do-ghlactha aige sin ar shláinte an duine agus ar an gcomhshaol.

(10)

Dá bhrí sin, ós rud é nach féidir úsáid shábháilte an táirge bhithicídigh in earraí cóireáilte a áirithiú trí choinníollacha a fhorchur maidir le húsáid na dtáirgí bithicídeacha sna hearraí cóireáilte gan oibleagáidí a fhorchur go comhuaineach ar dhaoine a chuireann earraí cóireáilte ar an margadh amháin, measann an Coimisiún nach gcomhlíonann an táirge na coinníollacha a leagtar síos in Airteagal 19(1), pointí (b)(iii) agus (b)(iv), de Rialachán (AE) Uimh. 528/2012.

(11)

An 21 Meitheamh 2022, thug an Coimisiún an deis don iarratasóir barúlacha i scríbhinn a chur ar fáil i gcomhréir le hAirteagal 36(2) de Rialachán (AE) Uimh. 528/2012. An 18 Iúil 2022, chuir an t-iarratasóir barúlacha i scríbhinn ar fáil agus chuir an Coimisiún san áireamh iad.

(12)

Tá na bearta dá bhforáiltear sa Chinneadh seo i gcomhréir le tuairim an Bhuanchoiste um Tháirgí Bithicídeacha,

1.

2.

3.

4.

5.

6.

7.

8.

9.

10.

11.

12.

13.

1

2

3

4

5

6

7

1.1.

1.2.

1.3.

1.3.1.

1.3.2.

1.3.3.

1.4.

2.1.

2.1.1.

2.2.

2.3.

2.4.

2.5.

Tá feidhm ag an Rialachán seo maidir le frámaí tarraingthe ar aonaid ar leithligh iad, nach cuid struchtúrach den tarracóir iad.

2.6.

2.7.

2.8.

2.9.

2.9.1.

2.9.2.

2.9.3.

2.9.4.

2.10.

2.10.1.

Maidir le feistí agus comhpháirteanna cúplála meicniúla nach bhfuil deartha chun tacú le hualaí ceartingearacha forchurtha, is éard atá sa luach:

Maidir le feistí agus comhpháirteanna cúplála meicniúla le haghaidh leantóirí barra tarraingthe docht mar a shainmhínítear i 2.12., is éard atá sa luach:

I gcás inarb amhlaidh:

2.10.2.

2.10.3.

2.10.4.

2.11.

Foscripteanna: