(1)

An 5 Márta 2014, ghlac an Chomhairle Rialachán (AE) Uimh. 208/2014.

(2)

Ar bhonn athbhreithniú ón gComhairle, ba cheart na hiontrálacha maidir le ceathrar a ndeachaigh cur i bhfeidhm beart sriantach ina gcoinne in éag an 6 Meán Fómhair 2022, agus an fhaisnéis maidir lena gcearta cosanta agus lena gceart chun cosaint bhreithiúnach éifeachtach a fháil, a scriosadh ó Iarscríbhinn I a ghabhann le Rialachán (AE) Uimh. 208/2014.

(3)

Ba cheart, dá bhrí sin, Rialachán (AE) Uimh. 208/2014 a leasú dá réir sin,

(1)

An 18 Eanáir 2016, ghlac an Chomhairle Rialachán (AE) 2016/44.

(2)

An 18 Iúil 2022, rinne Coiste Chomhairle Slándála na Náisiún Aontaithe a bunaíodh de bhun Rún 1970 (2011) ó Chomhairle Slándála na Náisiún Aontaithe nuashonrú ar an bhfaisnéis a bhaineann le duine amháin atá faoi réir bearta sriantacha.

(3)

Ba cheart, dá bhrí sin, Iarscríbhinn II a ghabhann le Rialachán (AE) 2016/44 a leasú dá réir sin,

(1)

An 30 Lúnasa 2017, ghlac an Chomhairle Rialachán (AE) 2017/1509.

(2)

An 26 Iúil 2022, rinne Coiste Chomhairle Slándála na Náisiún Aontaithe, arna bhunú de bhun Rún 1718 (2006) ó Chomhairle Slándála na Náisiún Aontaithe, nuashonrú ar an bhfaisnéis a bhaineann le 20 duine agus 24 eintiteas atá faoi réir bearta sriantacha.

(3)

Ba cheart, dá bhrí sin, Iarscríbhinn XIII a ghabhann le Rialachán (AE) 2017/1509 a leasú dá réir,

(1)

Le Treoir 2006/112/CE ón gComhairle (2), arna leasú le Treoir (AE) 2020/284 (3), tugtar isteach oibleagáidí tuairiscithe le haghaidh soláthraithe seirbhísí íocaíochta ón 1 Eanáir 2024. As sin amach, tá na soláthraithe seirbhísí íocaíochta atá bunaithe san Aontas Eorpach nó a sholáthraíonn seirbhísí íocaíochta ann le taifid áirithe a choimeád ar íocaíochtaí trasteorann de thionscnamh íocóirí laistigh de na Ballstáit agus ar fhaisnéis áirithe faoi na híocaithe, agus tá na soláthraithe leis na taifid sin a tharchur chuig na Ballstáit le haghaidh an chomhraic in aghaidh na calaoise cánach breisluacha (CBL).

(2)

De bhun Rialachán (AE) Uimh. 904/2010, arna leasú le Rialachán (AE) 2020/283 (4), tá na taifid sin le tarchur ag na Ballstáit chuig lárchóras leictreonach faisnéise íocaíochta (“CESOP”), córas atá le forbairt, le coinneáil ar bun, le hóstáil agus le bainistiú go teicniúil ag an gCoimisiún.

(3)

Chun feidhmiú cuí CESOP a áirithiú, agus de bhun Airteagal 24e, pointe (a), de Rialachán (AE) Uimh. 904/2010, is gá na bearta teicniúla a ghlacadh chun CESOP a bhunú. Leis na bearta sin, ba cheart foráil a dhéanamh maidir leis na feidhmiúlachtaí CESOP is gá chun cumais CESOP a fhorbairt mar a thuairiscítear in Airteagal 24c de Rialachán (AE) Uimh. 904/2010. Ba cheart do na bearta ardleibhéal soláimhsitheachta a áirithiú freisin trí uirlisí cuardaigh agus léirshamhlaithe a sholáthar in CESOP. Anuas air sin, ba cheart do CESOP malartuithe faisnéise idir oifigigh idirchaidrimh Eurofisc a éascú trína chur ar a gcumas dóibh faisnéis faoin gcalaois CBL a mhalartú go díreach in CESOP ar bhealach tapa sábháilte. Na bearta ba cheart don Choimisiún a dhéanamh chun CESOP a choinneáil ar bun tar éis dó dul i mbun feidhme, ba cheart na bearta sin a leagan síos chun caighdeáin cáilíochta oibríochtúla bhonneagar TF CESOP agus a fheidhmiúlachtaí a áirithiú agus chun a áirithiú go ndéantar na nuashonruithe is gá nuair is gá chun teagmhais an chórais idir an Coimisiún agus na Ballstáit a láimhseáil.

(4)

Cé gurb iad na Ballstáit, mar rialaitheoirí CESOP, atá freagrach as a bhainistíocht, tá sraith freagrachtaí ar an gCoimisiún a theorannaítear do bhainistíocht theicniúil CESOP toisc gurb é a óstach agus a phróiseálaí é, de bhun Airteagal 24e, pointe (b), de Rialachán (AE) Uimh. 904/2010. Ba cheart a áireamh leo sin na cúraimí teicniúla is gá le haghaidh riarachán laethúil CESOP, amhail taifid a choimeád ar an oifigeach idirchaidrimh Eurofisc a fhaigheann rochtain ar CESOP, taifid a choimeád ar na soláthraithe seirbhísí íocaíochta a tharchuir sonraí chuig na Ballstáit, bearta iomchuí eagraíochtúla slándála a leagan síos le haghaidh CESOP, mar aon leis an oiliúint agus an tacaíocht is gá a sholáthar d’oifigigh idirchaidrimh Eurofisc chun go mbeidh siad in ann CESOP a úsáid go héifeachtach.

(5)

De bhun Airteagal 24b(1), pointe (b), de Rialachán (AE) Uimh. 904/2010, tá na Ballstáit le sonraí a chur chuig CESOP i bhformáid choiteann. Na heilimintí sonraí atá le tuairisciú ag na soláthraithe seirbhísí íocaíochta i bhformáid doiciméid XML, ba cheart iad a leagan amach. Chun inoibritheacht fhoriomlán idir na córais leictreonacha náisiúnta agus CESOP de bhun Airteagal 24b(3) de Rialachán (AE) Uimh. 904/2010 a áirithiú, ba cheart do na Ballstáit a sheiceáil go n-áirítear leis na sonraí a tharchuireann na soláthraithe seirbhísí íocaíochta na heilimintí sonraí atá éigeantach agus ceart go comhréireach de bhun Airteagal 243d de Threoir 2006/112/CE, toisc nach féidir le CESOP oibriú ach amháin má logáiltear na sonraí sainordaitheacha go ceart in CESOP.

(6)

Ba cheart do na Ballstáit na hoifigigh idirchaidrimh Eurofisc ag a mbeidh rochtain ar CESOP a ainmniú agus an Coimisiún a chur ar an eolas faoina gcinneadh. Maidir leis sin, ba cheart don Choimisiún aitheantóir uathúil chun rochtain a fháil ar CESOP a sholáthar do na hoifigigh sin agus liosta de na hoifigigh idirchaidrimh Eurofisc uile ag a bhfuil rochtain ar CESOP a choinneáil ar bun bunaithe ar an bhfaisnéis a fhaightear ó na Ballstáit.

(7)

De bhun Airteagal 24e, pointe (g), de Rialachán (AE) Uimh. 904/2010, tá an Coimisiún le nósanna imeachta a leagan síos chun a áirithiú go bhfuil na bearta iomchuí eagraíochtúla agus teicniúla slándála i bhfeidhm le haghaidh CESOP a fhorbairt agus a oibriú. Braitheann roinnt gnéithe slándála de chomhpháirteanna lárnacha CESOP ar chur chun feidhme na mbeart náisiúnta slándála, amhail bearta chun sábháilteacht na sonraí a tharchuirtear a rialú agus bearta chun a áirithiú nach féidir ach le hoifigeach idirchaidrimh Eurofisc ag a bhfuil aitheantóir uathúil bailí rochtain a fháil ar CESOP. Dá bhrí sin, ba cheart do na Ballstáit faisnéis faoina mbearta slándála féin a sholáthar don Choimisiún. Ba cheart do na Ballstáit agus don Choimisiún a chéile a choinneáil ar an eolas maidir leis na bearta slándála a dhéantar agus maidir leis an ngá le huasghrádú a dhéanamh ar na bearta sin.

(8)

An phróiseáil sonraí pearsanta faoin Rialachán seo mar aon le freagrachtaí na mBallstát agus an Choimisiúin, tá siad faoi réir na rialacha a leagtar síos i Rialachán (AE) 2016/679 ó Pharlaimint na hEorpa agus ón gComhairle (5) agus i Rialachán (AE) 2018/1725 ó Pharlaimint na hEorpa agus ón gComhairle (6). De bhun Airteagal 24e, pointe (h), de Rialachán (AE) Uimh. 904/2010, ba cheart róil agus freagrachtaí na mBallstát agus an Choimisiúin maidir le rialú CESOP a leagan síos. Ba cheart na Ballstáit a mheas mar chomhrialaitheoirí CESOP mar go gcinneann siad modh próiseáilte agus úsáidte na sonraí in CESOP. Ba cheart an Coimisiún a mheas mar phróiseálaí mar go ngníomhaíonn sé thar ceann na mBallstát agus é i mbun a chúraimí uile.

(9)

Níor cheart feidhm a bheith ag an Rialachán seo ach ón 1 Eanáir 2024 chun é a ailíniú le cur i bhfeidhm Rialachán (AE) 2020/283 agus Threoir (AE) 2020/284.

(10)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim an 2 Feabhra 2022.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Chomhar Riaracháin,

(a)

liosta a choinneáil agus a nuashonrú d’oifigigh idirchaidrimh Eurofisc ag a bhfuil rochtain ar CESOP agus dá n-aitheantóir uathúil pearsanta úsáideora i gcomhréir le hAirteagal 5;

(b)

na bearta teicniúla agus eagraíochtúla slándála dá dtagraítear in Airteagal 6 a chur chun feidhme;

(c)

liosta a bhunú, a choimeád agus a choinneáil ar bun de na soláthraithe seirbhísí íocaíochta a thuairiscigh sonraí de bhun Airteagal 24b(1) de Rialachán (AE) Uimh. 904/2010, i gcomhréir leis na sonraí a sholáthraíonn na Ballstáit;

(d)

maidir le hoifigigh idirchaidrimh Eurofisc ag a bhfuil rochtain ar CESOP, rochtain uathoibrithe a thabhairt dóibh ar an liosta a choinnítear ar bun de bhun phointe (c);

(e)

cúnamh teicniúil a sholáthar d’oifigigh idirchaidrimh Eurofisc agus CESOP á n-úsáid acu;

(f)

oiliúint a sholáthar d’oifigigh idirchaidrimh Eurofisc ar CESOP a úsáid.

(1)

An 16 Iúil 2012, ghlac an Chomhairle Cinneadh 2012/392/CBES (1) lena mbunaítear misean CBSC an Aontais Eorpaigh sa Nígir chun tacú le fothú acmhainneachta ghníomhaithe slándála na Nígire chun an sceimhlitheoireacht agus an choireacht eagraithe a chomhrac (EUCAP Sahel Niger).

(2)

An 7 Meán Fómhair 2020, ghlac an Chomhairle Cinneadh (CBES) 2020/1254 (2) agus chuir sí síneadh leis an Misean go dtí an 30 Meán Fómhair 2022.

(3)

An 15 Meitheamh 2022, scrúdaigh an Coiste Polaitiúil agus Slándála an tAthbhreithniú Straitéiseach ar an Misean agus chomhaontaigh sé síneadh a chur le EUCAP Sahel Niger go dtí an 30 Meán Fómhair 2024. An 28 Meitheamh 2022, agus an tAthbhreithniú Straitéiseach ar an Misean á dhúnadh, chomhaontaigh an Coiste Polaitiúil agus Slándála, ina theannta sin, inter alia, gur cheart don Mhisean a bheith in ann faisnéis rúnaicmithe AE a mhalartú le gníomhaireachtaí Ceartais agus Gnóthaí Baile an Aontais, faoi chuimsiú a shainordaithe.

(4)

Ba cheart Cinneadh 2012/392/CBES a leasú dá réir.

(5)

Cuirfear EUCAP Sahel Niger i gcrích i gcomhthéacs staid a d’fhéadfadh dul in olcas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh ar an Aontas Eorpach,

(1)

in Airteagal 3, cuirtear an méid seo a leanas in ionad mhír 4 agus cuirtear mír nua leis:

(2)

in Airteagal 13(1), cuirtear an fhomhír seo a leanas leis:

“Is é EUR 72 161 381,16 a bheidh sa mhéid tagartha airgeadais chun an caiteachas a bhaineann le EUCAP Sahel Niger a chumhdach don tréimhse ón 1 Deireadh Fómhair 2022 go dtí an 30 Meán Fómhair 2024.”;

(3)

cuirtear an mhír seo a leanas le hAirteagal 14:

(4)

in Airteagal 15, cuirtear an méid seo a leanas in ionad mhír 4 agus cuirtear mír nua leis:

(5)

in Airteagal 16, cuirtear an méid seo a leanas in ionad an dara habairt:

“Beidh feidhm aige go dtí an 30 Meán Fómhair 2024.”.

(1)

Is uirlis riachtanach beartais eachtraigh do ghníomhaíocht sheachtrach an Aontais iad na bearta sriantacha a ghlac an Chomhairle ar bhonn Airteagal 29 den Chonradh ar an Aontas Eorpach agus ar bhonn Airteagal 215 den Chonradh ar Fheidhmiú an Aontais Eorpaigh.

(2)

Scaipeadh forleathan faisnéise maidir le bearta sriantacha atá i bhfeidhm san Aontas agus rochtain éasca ar an bhfaisnéis sin, mar aon le malartú faisnéise idir na Ballstáit, na geallsealbhóirí agus an Coimisiún, is coinníoll riachtanach é sin d’éifeachtúlacht na mbeart sriantach sin.

(3)

Le cogadh foghach na Rúise i gcoinne na hÚcráine, léiríodh a phráinní atá sé gníomhaíocht a sheoladh chun cur ar chumas na mBallstát agus na n-oibreoirí na bearta sriantacha a glacadh ón 24 Feabhra 2022 i leith a chur chun feidhme ar bhealach níos fearr. Mar thoradh ar an éileamh méadaithe ar chur chun feidhme éifeachtach na mbeart sriantach, ceanglais nua atá leagtha síos ag raon feidhme agus cineál na mbeart sriantach nach bhfacthas a leithéid riamh cheana, agus an gá atá le cumarsáid shlán agus dlúthchomhar idir na Ballstáit, na geallsealbhóirí agus an Coimisiún chun na bearta sriantacha sin a chur chun feidhme, tá gá le huirlisí teicneolaíochta faisnéise nua nó feabhsaithe agus níos sláine.

(4)

Ba cheart do ghníomhaíocht oibríochtúil faoin gcomhbheartas eachtrach agus slándála tacú le forbairt na bhfeidhmchlár agus na mbunachar sonraí is gá mar ábhar práinne,

(1)

An 5 Márta 2014, ghlac an Chomhairle Cinneadh 2014/119/CBES (1).

(2)

Ar bhonn athbhreithniú ón gComhairle, ba cheart na hiontrálacha maidir le ceathrar a ndeachaigh cur i bhfeidhm beart sriantach ina gcoinne in éag an 6 Meán Fómhair 2022, agus an fhaisnéis maidir lena gcearta cosanta agus lena gceart chun cosaint bhreithiúnach éifeachtach a fháil, a scriosadh ón Iarscríbhinn a ghabhann le Cinneadh 2014/119/CBES.

(3)

Ba cheart, dá bhrí sin, Cinneadh 2014/119/CBES a leasú dá réir,

(1)

in Airteagal 5, cuirtear an méid seo a leanas in ionad an dara mír:

“Beidh feidhm ag an gCinneadh seo go dtí an 6 Márta 2023.”;

(2)

leasaítear an Iarscríbhinn mar a leagtar amach san Iarscríbhinn a ghabhann leis an gCinneadh seo.

(1)

An 4 Bealtaine 2020, ghlac an Chomhairle Cinneadh (CBES) 2020/610 (1), lena bhforáiltear do bhailíocht na gceadanna náisiúnta de Phalaistínigh áirithe a fhadú le haghaidh dul isteach, nó fanachta, ar chríoch na mBallstát dá dtagraítear i gComhsheasamh 2002/400/CBES ón gComhairle (2) go ceann tréimhse bhreise 24 mhí.

(2)

Ar bhonn meastóireacht ar chur i bhfeidhm Chomhsheasamh 2002/400/CBES, measann an Chomhairle gurb iomchuí bailíocht na gceadanna sin a fhadú go ceann tréimhse bhreise 24 mhí,

(1)

An 31 Iúil 2015, ghlac an Chomhairle Cinneadh (CBES) 2015/1333.

(2)

An 18 Iúil 2022, rinne Coiste Chomhairle Slándála na Náisiún Aontaithe a bunaíodh de bhun Rún 1970 (2011) ó Chomhairle Slándála na Náisiún Aontaithe nuashonrú ar an bhfaisnéis a bhaineann le duine amháin atá faoi réir bearta sriantacha.

(3)

Ba cheart, dá bhrí sin, Iarscríbhinní I agus III a ghabhann le Cinneadh (CBES) 2015/1333 a leasú dá réir sin,

(1)

An 27 Bealtaine 2016, ghlac an Chomhairle Cinneadh (CBES) 2016/849.

(2)

An 26 Iúil 2022, rinne Coiste Chomhairle Slándála na Náisiún Aontaithe, arna bhunú de bhun Rún 1718 (2006) ó Chomhairle Slándála na Náisiún Aontaithe, nuashonrú ar an bhfaisnéis a bhaineann le 20 duine agus 24 eintiteas atá faoi réir bearta sriantacha.

(3)

Ba cheart, dá bhrí sin, Iarscríbhinn I a ghabhann le Cinneadh (CBES) 2016/849 a leasú dá réir,

(1)

Le Cinneadh (AE) 2021/2313 ón gCoimisiún (3), deonaíodh, i leith Ballstáit áirithe, faoiseamh ó dhleachtanna ar allmhairí agus díolúine ó cháin bhreisluacha (“CBL”) maidir le hallmhairiú earraí is gá chun éifeachtaí ráig COVID-19 a chomhrac, ón 1 Eanáir 2022 go dtí an 30 Meitheamh 2022.

(2)

An 15 Meitheamh 2022, chuaigh an Coimisiún i gcomhairle leis na Ballstáit maidir le cé acu an raibh nó nach raibh gá le síneadh a chur le bailíocht na mbeart a leagtar síos sa Chinneadh sin. Chuir an Bheilg, an Laitvia, an Ostair, an Phortaingéil agus an tSlóivéin (“na Ballstáit iarrthacha”) isteach iarrataí chuige sin an 21 Meitheamh 2022.

(3)

Bhí na hallmhairí arna ndéanamh chuig na Ballstáit iarrthacha faoi Chinneadh (AE) 2021/2313 tairbhiúil ó thaobh rochtain a thabhairt d’eagraíochtaí Stáit nó d’eagraíochtaí eile a d’fhormheas na húdaráis inniúla náisiúnta ar chógais leighis, trealamh leighis agus trealamh cosanta pearsanta is gá, a raibh ganntanas ann ina leith. Léiríonn staidreamh trádála le haghaidh na n-earraí sin go bhfuil na hallmhairí gaolmhara ag dul i laghad, ach go bhféadfaidh siad luainiú de réir éilimh nua ar earraí is gá chun paindéim COVID-19 a chomhrac. D’ainneoin an vacsaínithe atá ar siúl faoi láthair san Aontas agus roinnt beart a glacadh chun leathadh an víris a chosc, tá rioscaí don tsláinte phoiblí fós ag baint le líon ionfhabhtuithe COVID-19 sna Ballstáit iarrthacha. Ós rud é go go dtuairiscítear ganntanais maidir leis na hearraí is gá chun paindéim COVID-19 a chomhrac fós sna Ballstáit sin, is iomchuí faoiseamh a dheonú i leith dleachtanna ar allmhairí is inmhuirearaithe ar earraí arna n-allmhairiú chun na gcríoch a shonraítear in Airteagal 74 de Rialachán (CE) Uimh. 1186/2009 agus díolúine a dheonú maidir le CBL is inmhuirearaithe ar earraí arna n-allmhairiú chun na gcríoch a shonraítear in Airteagal 51 de Threoir 2009/132/CE.

(4)

Ba cheart do na Ballstáit iarrthacha an Coimisiún a chur ar an eolas faoi chineál agus faoi chainníochtaí na n-earraí éagsúla a ligtear isteach saor ó dhleachtanna allmhairiúcháin agus CBL d’fhonn éifeachtaí ráig COVID-19 a chomhrac, faoi na heagraíochtaí a d’fhormheas siad chun na hearraí sin a dháileadh nó a chur ar fáil agus faoi na bearta a rinneadh chun cosc a chur ar úsáid na n-earraí chun críoch eile seachas éifeachtaí na ráige sin a chomhrac.

(5)

Agus na dúshláin a mheasann na Ballstáit iarrthacha a bheith rompu á gcur san áireamh, ba cheart faoiseamh ó dhleachtanna allmhairiúcháin agus díolúine ó CBL a dheonú i leith allmhairí a dhéantar ón 1 Iúil 2022. Ba cheart an faoiseamh a bheith i bhfeidhm go dtí an 31 Nollaig 2022.

(6)

An 22 Iúil 2022, chuathas i gcomhairle leis na Ballstáit i gcomhréir le hAirteagal 76, an chéad mhír, de Rialachán (CE) Uimh. 1186/2009 agus i gcomhréir le hAirteagal 53, an chead mhír, de Threoir 2009/132/CE,

(1)

Cuireadh iarraidh faoi bhráid an Choimisiúin an 11 Iúil 2022 ar chlárú tionscnaimh Eorpaigh ó na saoránaigh dar teideal “Every European house equipped with 1 kW photovoltaic and 0,6 kW wind turbines using EU funding through the municipalities alone” [Painéil fhótavoltacha 1 kW agus tuirbíní gaoithe 0,6 kW a chur le gach teach Eorpach le cistiú AE agus trí na bardais amháin].

(2)

Is iad seo a leanas cuspóirí an tionscnaimh mar a chuir na heagraithe in iúl iad: “(1) lorg CO2 gach lín tí a laghdú; (2) a chinntiú go mbeidh na bardais, na dáileoirí agus na soláthróirí fuinnimh cuntasach, teorainn a chur leis an imirce idir soláthróirí sa chrios glas agus oiliúint ghairmiúil d’aon fhostaí bardais amháin ar a laghad i gcúrsaí comhshaoil, trealamh AE amháin a úsáid; (3) foinsí fuinnimh ghlais a fhorbairt sna sráidbhailte is iargúlta agus sna pointí is faide amach de líonraí ar ghá infheistíochtaí comhdhlúthúcháin lena n-aghaidh ina éagmais sin, infheistíochtaí a chisteodh dáileoirí, soláthróirí fuinnimh nó aonaid riaracháin chríochacha; (4) an dearcadh atá ag an bpobal go bhfuil an fuinneamh glas daor a athrú agus oiliúint a thabhairt don phobal chun go gcaithfidh siad 1 kW d’fhuinneamh gréine ar a laghad le linn an lae chun na billí a laghdú. Éilímid go gcuirfear deireadh le cogadh an fhuinnimh, ullmhaímid córais caidéal tuirbín suas le 400 kW, córais uisciúcháin le sileadh agus gineadóirí hidrigine le haghaidh criosanna dlúthfhuinnimh. Céim mhór i dtreo an iomaíochais san Aontas Eorpach.”

(3)

Tá iarscríbhinn a ghabhann leis an tionscnamh ina dtugtar tuilleadh sonraí maidir le hábhar, cuspóirí agus cúlra an tionscnaimh, trí na cúiseanna atá ann chun tacú leis a leagan amach agus a shonrú. Maíonn na heagraithe go bhféadfaí an t-airgead nach gcaithfear ar athléimneacht, comhtháthú agus forbairt réigiúnach a úsáid chun cistiú a thabhairt, trí aonaid riaracháin chríochacha, le haghaidh 600 milliún painéal fótavoltach agus 197 000 meigeavata d’fhuinneamh glas i 197 líon tí a bheag nó a mhór ar fud an Aontais ar chostas measta EUR 750 billiún, rud a leagfadh síos dúshraith “Aontais fuinnimh ghlais Eorpaigh”.

(4)

A mhéid a bhaineann leis an nglao ar ghníomhaíocht chun painéil fhótavoltacha agus tuirbíní gaoithe a shuiteáil chun fuinneamh glas a sholáthar do lín tithe chun go laghdófar a lorg CO2, tá sé de chumhacht ag an gCoimisiún tograí a chur i láthair le haghaidh gníomhartha dlíthiúla lena gcruthófar oibleagáidí suiteálacha fuinnimh in-athnuaite a chur le foirgnimh nua nó foirgnimh atá ann cheana agus chun go gcuirfear dlús le nósanna imeachta le haghaidh tionscnaimh fuinnimh in-athnuaite ar bhun Airteagal 194(2) den Chonradh.

(5)

A mhéid gur gá cuspóirí an tionscnaimh a bhaint amach le híocaíocht as cistí an Aontais, tá sé leagtha síos gur féidir infheistíochtaí móra a dhéanamh san aistriú glas leis an tSaoráid Téarnaimh agus Athléimneachta, leis an gCiste um Aistriú Cóir agus le InvestEU ar bhun Airteagal 173 agus/nó Airteagal 175 den Chonradh, agus leis an gCiste Aeráide Sóisialta ar bhun Airteagal 91(1), pointe (d), Airteagal 192(1) agus Airteagal 194(1), pointe (c).

(6)

Ar na cúiseanna sin, níl aon chuid den tionscnamh ann ar follas nach dtagann sí faoi chumhachtaí an Choimisiúin chun togra a thíolacadh le haghaidh gníomh dlí de chuid an Aontais chun na Conarthaí a chur chun feidhme.

(7)

Is conclúid é sin atá gan dochar don mheasúnú ar cé acu a chomhlíonfaí nó nach gcomhlíonfaí, sa chás seo, na coinníollacha coincréiteacha substainteacha is gá le go ngníomhódh an Coimisiún, coinníollacha lena n-áirítear comhlíonadh phrionsabail na comhréireachta agus na coimhdeachta, sin agus comhoiriúnacht le cearta bunúsacha.

(8)

Tá fianaise iomchuí curtha ar fáil ag an ngrúpa eagraithe go gcomhlíonann sé na ceanglais a leagtar síos in Airteagal 5(1) agus (2) de Rialachán (AE) 2019/788 agus gur i gcomhréir le hAirteagal 5(3), an chéad fhomhír, den Rialachán sin atá na teagmhálaithe ainmnithe aige.

(9)

Ní tionscnamh é ar follas é a bheith míchuí, suaibhreosach ná cráiteach, ná ní follas go bhfuil sé contrártha do luachanna an Aontais mar a leagtar amach in Airteagal 2 den Chonradh ar an Aontas Eorpach ná do na cearta a chumhdaítear i gCairt um Chearta Bunúsacha an Aontais Eorpaigh.

(10)

Ba cheart, dá bhrí sin, an tionscnamh dar teideal “Every European house equipped with 1 kW photovoltaic and 0,6 kW wind turbines using EU funding through the municipalities alone” [Painéil fhótavoltacha 1 kW agus tuirbíní gaoithe 0,6 kW a chur le gach teach Eorpach le cistiú AE agus trí na bardais amháin] a clárú.

(11)

An chonclúid go gcomhlíontar na coinníollacha maidir le clárú faoi Airteagal 6(3) de Rialachán (AE) 2019/788, ní rud í a thugann le tuiscint go ndearbhaíonn an Coimisiún ar bhealach ar bith go bhfuil ábhar an tionscnaimh cruinn fíorasach, agus is é grúpa eagraithe an tionscnaimh amháin atá freagrach as an méid sin. Ní chuireann ábhar an tionscnaimh ach tuairimí an ghrúpa eagraithe in iúl, agus ní féidir a dhéanamh amach ar aon bhealach gurb iad tuairimí an Choimisiúin a léiríonn sé,

(1)

Cuireadh iarraidh ar chlárú an tionscnaimh Eorpaigh ó na saoránaigh dar teideal “Oidhreacht Tuaithe, Slándáil Bia agus Soláthar Bia an Aontais Eorpaigh a chosaint” faoi bhráid an Choimisiúin an 13 Iúil 2022.

(2)

Is iad seo a leanas cuspóirí an tionscnaimh mar a chuir na heagraithe in iúl iad: “Tá réigiúin thuaithe na hEorpa ag cailleadh a n-oidhreachta, a dtionscal, a ndaonraí agus a luachanna — rud a chuireann slándáil agus soláthar bia ar fud an Aontais i mbaol. Chun an méid a dhéanann na réigiúin sin uathúil a chaomhnú do na glúine atá le teacht agus chun buaine na bpobal táirgthe bia san Aontas a áirithiú, teastaíonn tiomantas athnuaite ón Aontas uainn maidir le cur chun cinn na hoidhreachta réigiúnaí, fás inbhuanaithe tuaithe agus ardú caighdeán maireachtála. Leis an Tionscnamh Eorpach seo ó na Saoránaigh, iarrtar ar an Aontas a ghealltanais tuaithe a nuachóiriú chun aird a thabhairt ar an ngá atá le breis slándála bia, soláthar breise ábhar talmhaíochta agus cosaint bhreise do shaol na tuaithe — a mhuintir, a luachanna agus a slite beatha.”

(3)

In iarscríbhinn a ghabhann leis an tionscnamh, chun tuilleadh sonraí thabhairt maidir le hábhar, cuspóirí agus cúlra an tionscnaimh, leagtar amach na cúiseanna chun tacú leis an tionscnamh agus tugtar mionsonraí faoi na cúiseanna sin. Maíonn na heagraithe “go bhfuil ag méadú ar an mbrú ar earnálacha tuaithe agus orthu siúd a oibríonn iontu agus go bhfuil ag laghdú ar an spreagadh le leanúint ar aghaidh, rud a fhágfaidh, mura dtabharfar aghaidh air, go ndíothófar cuid de na pobail agus na luachanna is bunúsaí san Eoraip”. Iarrann siad ar an gCoimisiún togra a thíolacadh, laistigh de na hinniúlachtaí a thugtar don Aontas faoi na Conarthaí, chun an oidhreacht réigiúnach agus na tionscail réigiúnacha a neartú agus a chaomhnú ar fud an Aontais chun borradh a chur faoin bhfás tuaithe agus chun cleachtais agus gníomhaíochtaí fostaíochta tuaithe a chur chun cinn. Ina theannta sin, iarrann siad go dtabharfaí aitheantas do shlándáil agus soláthar bia, amhail leasachán agus ábhair bhithgháis, chun soláthar láidir de bhia réigiúnach a choinneáil ar bun san Aontas. Iarrann siad ar an gCoimisiún cur chun cinn na hoidhreachta tuaithe agus aitheantas do shlándáil agus soláthar bia a áireamh sa Chiste Eorpach Talmhaíochta um Fhorbairt Tuaithe agus luann siad gur gá raon feidhme na físe fadtéarmaí do cheantair thuaithe an Aontais a mhéadú go dtí 2040, an Comhshocrú Tuaithe chomh maith le Plean Gníomhaíochta Tuaithe an Aontais (2).

(4)

I gcomhréir le cuspóirí an chomhbheartais talmhaíochta (CBT) arna mbunú le hAirteagal 39 den Chonradh, leis an Rialachán maidir le pleananna straitéiseacha CBT (3), saothraítear na cuspóirí ginearálta chun earnáil talmhaíochta atá cliste, iomaíoch, athléimneach agus éagsúlaithe a chothú lena n-áiritheofar slándáil fhadtéarmach bia, lena dtacófar le cosaint an chomhshaoil agus lena neartófar an chosaint sin, agus lena neartófar creatlach shocheacnamaíoch na limistéar tuaithe (4). Sa mhéid nach gcumhdaítear le Rialachán (AE) 2021/2115 na cuspóirí den tionscnamh a bhaineann le cosaint oidhreacht tuaithe agus shlándáil agus sholáthar bia an Aontais, tá sé de chumhacht ag an gCoimisiún togra le haghaidh gníomh dlí a thíolacadh ar bhonn Airteagal 42 agus Airteagal 43(2) den Chonradh.

(5)

Ar na cúiseanna sin, níl aon chuid den tionscnamh lasmuigh, go follasach, de chreat chumhachtaí an Choimisiúin chun togra le haghaidh gníomh dlí de chuid an Aontais a thíolacadh chun na Conarthaí a chur chun feidhme.

(6)

Is conclúid é sin atá gan dochar don mheasúnú ar cé acu a chomhlíonfaí nó nach gcomhlíonfaí, sa chás seo, na coinníollacha coincréiteacha substainteacha is gá le go ngníomhódh an Coimisiún, coinníollacha lena n-áirítear comhlíonadh phrionsabail na comhréireachta agus na coimhdeachta, sin agus comhoiriúnacht le cearta bunúsacha.

(7)

Tá fianaise iomchuí curtha ar fáil ag an ngrúpa eagraithe go gcomhlíonann sé na ceanglais a leagtar síos in Airteagal 5(1) agus (2) de Rialachán (AE) 2019/788 agus gur i gcomhréir le hAirteagal 5(3), an chéad fhomhír, den Rialachán sin atá na teagmhálaithe ainmnithe aige.

(8)

Ní tionscnamh é ar follas é a bheith míchuí, suaibhreosach ná cráiteach, ná ní follas go bhfuil sé contrártha do luachanna an Aontais mar a leagtar amach in Airteagal 2 den Chonradh ar an Aontas Eorpach ná do na cearta a chumhdaítear i gCairt um Chearta Bunúsacha an Aontais Eorpaigh.

(9)

Dá bhrí sin, ba cheart an tionscnamh Eorpach ó na saoránaigh dar teideal “Oidhreacht Tuaithe, Slándáil Bia agus Soláthar Bia an Aontais Eorpaigh a chosaint” a chlárú.

(10)

An chonclúid go gcomhlíontar na coinníollacha maidir le clárú faoi Airteagal 6(3) de Rialachán (AE) 2019/788, ní rud í a thugann le tuiscint go ndearbhaíonn an Coimisiún ar bhealach ar bith go bhfuil ábhar an tionscnaimh cruinn fíorasach, agus is é grúpa eagraithe an tionscnaimh amháin atá freagrach as an méid sin. Ní chuireann ábhar an tionscnaimh ach tuairimí an ghrúpa eagraithe in iúl, agus ní féidir a dhéanamh amach ar aon bhealach gurb iad tuairimí an Choimisiúin a léiríonn sé,

(1)

In Iarscríbhinn I a ghabhann le Rialachán (AE) Uimh. 528/2012 tá substaintí gníomhacha a bhfuil próifíl níos fabhraí acu maidir leis an gcomhshaol nó le sláinte an duine nó le sláinte ainmhithe. Dá bhrí sin, féadfar táirgí ina bhfuil na substaintí gníomhacha sin a údarú faoi nós imeachta simplithe. Áirítear nítrigin in Iarscríbhinn I a ghabhann le Rialachán (AE) Uimh. 528/2012, faoi réir an tsriain nach n-úsáidfear ach cainníochtaí teoranta di i gceanastair atá réidh lena n-úsáid.

(2)

De bhun Airteagal 86 de Rialachán (AE) Uimh. 528/2012, déantar nítrigin a fhormheas mar shubstaint ghníomhach lena húsáid i dtáirgí bithicídeacha de chineál táirge 18, feithidicídí (2). Táirgí bithicídeacha ina bhfuil nítrigin arna formheas, tá siad údaraithe i roinnt Ballstát agus soláthraítear iad i sorcóirí gáis (3).

(3)

Is féidir nítrigin a ghiniúint freisin in-situ ó aer comhthimpeallach. Ní fhormheastar nítrigin a ghintear in-situ lena húsáid san Aontas faoi láthair agus ní liostaítear í in Iarscríbhinn I a ghabhann le Rialachán (AE) Uimh. 528/2012, ná níl sí curtha ar liosta na substaintí gníomhacha a áirítear sa chlár athbhreithnithe de shubstaintí gníomhacha atá ann cheana i dtáirgí bithicídeacha in Iarscríbhinn II a ghabhann le Rialachán Tarmligthe (AE) Uimh. 1062/2014 ón gCoimisiún (4).

(4)

An 5 Aibreán 2022, de bhun Airteagal 55(3) de Rialachán (AE) Uimh. 528/2012, chuir an Fhionlainn iarratas ar mhaolú ar Airteagal 19(1), pointe (a), den Rialachán sin faoi bhráid an Choimisiúin lenar iarradh uirthi cead a thabhairt di táirgí bithicídeacha, arb é atá iontu nítrigin a ghintear in-situ ó aer comhthimpeallach, a údarú, ar mhaithe le cosaint na hoidhreachta cultúrtha (“an t-iarratas”).

(5)

Is féidir le raon leathan orgánach díobhálach, ó fheithidí go miocrorgánaigh, dochar a dhéanamh don oidhreacht chultúrtha. Ní hamháin go bhféadfadh cailliúint na maoine cultúrtha féin a bheith mar thoradh ar láithreacht na n-orgánach sin, ach bíonn an riosca ann freisin go leathfar na horgánaigh dhíobhálacha sin chuig réada eile in aice láimhe. Gan cóireáil chuí, d’fhéadfaí damáiste doleasaithe a dhéanamh do réada, rud a d’fhágfadh go mbeadh an oidhreacht chultúrtha go mór i mbaol.

(6)

Úsáidtear nítrigin a ghintear in-situ chun atmaisféar rialaithe a chruthú ina bhfuil tiúchan an-íseal ocsaigine (anocsacht) i bpubaill chóireála nó i seomraí cóireála atá séalaithe go buan nó go sealadach chun orgánaigh dhíobhálacha ar réada oidhreachta cultúrtha a choinneáil faoi smacht. Déantar nítrigin a dheighilt ón aer comhthimpeallach agus déantar í a phumpáil isteach sa phuball cóireála nó sa seomra cóireála, áit a bhfuil cion nítrigine an atmaisféir méadaithe go dtí thart ar 99 % agus dá bhrí sin bíonn an ocsaigin beagnach ídithe go hiomlán. Socraítear bogthaise na nítrigine a phumpáiltear isteach sa limistéar cóireála de réir riachtanais an réada atá á chóireáil. Ní féidir le horgánaigh dhíobhálacha maireachtáil faoi na dálaí a cruthaítear sa phuball cóireála nó sa seomra cóireála.

(7)

De réir na faisnéise a chuir an Fhionlainn isteach, is cosúil gurb é úsáid na nítrigine a ghintear in-situ an t-aon teicníc éifeachtach amháin atá ann chun orgánaigh dhíobhálacha a choinneáil faoi smacht, ar teicníc í is féidir a úsáid le haghaidh gach cineáil ábhar agus meascán d’ábhair a bhíonn ann in institiúidí cultúrtha gan dochar a dhéanamh dóibh agus atá éifeachtach i gcoinne gach céime forbartha de lotnaidí a fhaightear in oidhreacht chultúrtha.

(8)

Liostaítear modh na hanocsachta, nó atmaisféar modhnaithe nó rialaithe i gcaighdeán EN 16790:2016 “An oidhreacht chultúrtha a chaomhnú — Bainistiú comhtháite lotnaidí (IPM) ar mhaithe le cosaint na hoidhreachta cultúrtha” agus tuairiscítear nítrigin sa chaighdeán sin mar an ní “is mó úsáide” chun anocsacht a chruthú.

(9)

Tá teicnící eile ar fáil chun orgánaigh dhíobhálacha a choinneáil faoi smacht, amhail teicnící turrainge teirmeacha (teochtaí arda nó ísle). Ina theannta sin, is féidir táirgí bithicídeacha ina bhfuil substaintí gníomhacha eile a úsáid chun na críche sin. Dar leis an bhFionlainn, áfach, tá srianta ag gach ceann de na teicnící sin de bharr an damáiste a d’fhéadfaí a dhéanamh d’ábhair áirithe le linn na cóireála.

(10)

Faoi mar atá luaite san iarratas, is annamh a úsáidtear substaintí gníomhacha eile in institiúidí cultúrtha de bharr a bpróifíle guaise. Tar éis na réada a chóireáil leis na substaintí sin, féadfar na hiarmhair ar na réada cóireáilte a scaoileadh de réir a chéile isteach sa chomhshaol, rud a chuireann sláinte an duine i mbaol. Ina theannta sin, d’fhéadfadh na substaintí sin frithghníomhú le hábhair na réad oidhreachta, rud a chruthódh athruithe do-aisiompaithe, go háirithe dá ndromchla.

(11)

De réir na faisnéise san iarratas, ní rogha oiriúnach d’institiúidí cultúrtha é nítrigin i sorcóirí a úsáid, mar go mbaineann míbhuntáistí praiticiúla léi. De bharr na gcainníochtaí teoranta a bhíonn i sorcóirí, is gá iad a iompar go minic agus is gá iad a choinneáil i saoráid stórála ar leith. Chuirfeadh an chóireáil le nítrigin i sorcóirí costais arda ar na hinstitiúidí cultúrtha freisin.

(12)

Dá n-iarrfaí ar institiúidí cultúrtha roinnt teicnící a úsáid chun orgánaigh dhíobhálacha a choinneáil faoi smacht — gach ceann acu oiriúnach d’ábhair shonracha agus do réada sonracha — in ionad úsáid a bhaint as teicníc amháin atá in úsáid cheana féin agus atá oiriúnach do gach ábhar, bheadh costais bhreise i gceist d’institiúidí cultúrtha agus bheadh sé níos casta dóibh an cuspóir atá acu a bhaint amach, is é sin éirí as substaintí gníomhacha atá níos guaisí a úsáid ina IPM. Ina theannta sin, dá dtréigfí saoráidí agus trealamh a fuarthas le haghaidh anocsacht nítrigine a ghineadh in-situ, bheadh caillteanas ann maidir leis na hinfheistíochtaí a rinneadh roimhe seo.

(13)

In 2019, rinneadh plé ag roinnt cruinnithe (5) de shainghrúpa an Choimisiúin d’Údaráis Inniúla do Tháirgí Bithicídeacha maidir le maolú féideartha de bhun Airteagal 55(3) de Rialachán (AE) Uimh. 528/2012 i ndáil le nítrigin a ghintear in-situ.

(14)

Ina theannta sin, arna iarraidh sin don Choimisiún, tar éis an chéad iarratais den chineál céanna ar mhaolú a dhéanamh i gcás táirgí ón Ostair arb é atá iontu nítrigin a ghintear in-situ, rinne an Ghníomhaireacht Eorpach Ceimiceán comhairliúchán poiblí maidir leis an iarratas sin, comhairliúchán lenar ceadaíodh do na páirtithe leasmhara uile a dtuairimí a chur in iúl. Bhí formhór na 1487 ráiteas a fuarthas i bhfabhar an mhaolaithe. Léirigh go leor rannpháirtithe na míbhuntáistí a bhaineann leis na teicnící malartacha atá ar fáil: d’fhéadfadh cóireálacha teirmeacha damáiste a dhéanamh d’ábhair áirithe; fágann úsáid substaintí gníomhacha eile iarmhair thocsaineacha ar dhéantáin, iarmhair a scaoiltear de réir a chéile isteach sa chomhshaol; ní cheadaíonn úsáid nítrigine i sorcóirí rialú na bogthaise coibhneasta sa limistéar cóireála, rud atá ag teastáil chun cóireáil a dhéanamh ar roinnt ábhar.

(15)

Dá ndéanfaí nítrigin arna giniúint in-situ a áireamh in Iarscríbhinn I de Rialachán (AE) Uimh. 528/2012, cheadófaí do na Ballstáit táirgí arb é atá iontu nítrigin a ghintear in-situ a údarú gan aon ghá le maolú i gcomhréir le hAirteagal 55(3) den Rialachán sin. Cuireadh iarratas chuige sin isteach i mí an Mhárta 2022. Mar sin féin, tá am ag teastáil chun meastóireacht a dhéanamh ar an iarratas seo, chun an tsubstaint a áireamh in Iarscríbhinn I a ghabhann le Rialachán (AE) Uimh. 528/2012 agus chun údaruithe táirge a fháil.

(16)

Léiríonn an t-iarratas nach bhfuil aon rogha mhalartach iomchuí ar fáil san Fhionlainn, ós rud é go mbaineann míbhuntáistí leis na teicnící malartacha uile atá ar fáil faoi láthair de bharr neamhoiriúnacht maidir le cóireáil na n-ábhar uile nó de bharr míbhuntáistí praiticiúla.

(17)

I gcomhthéacs na n-argóintí sin uile, is iomchuí a mheas go bhfuil nítrigin a ghintear in-situ thar a bheith riachtanach ar mhaithe le cosaint na hoidhreachta cultúrtha san Fhionlainn agus nach bhfuil aon rogha mhalartach iomchuí ar fáil. Dá bhrí sin, ba cheart cead a bheith ag an bhFionlainn údarú a thabhairt chun táirgí bithicídeacha arb é atá iontu nítrigin a ghintear in-situ a chur ar fáil ar an margadh agus a úsáid ar mhaithe le cosaint na hoidhreachta cultúrtha.

(18)

Tá am ag teastáil chun nítrigin a ghintear in-situ a áireamh in Iarscríbhinn I a ghabhann le Rialachán (AE) Uimh. 528/2012 agus chun go ndéanfaidh na Ballstáit táirgí arb é atá iontu nítrigin a ghintear in-situ a údarú ina dhiaidh sin. Is iomchuí, dá bhrí sin, maolú a cheadú ar feadh tréimhse chun go bhféadfar na nósanna imeachta bunúsacha a chur i gcrích,

(1)

An 19 Deireadh Fómhair 2015, chuir an chuideachta Laboratoria Qualiphar N.V./S.A. (“an t-iarratasóir”) iarratas faoi bhráid údaráis inniúla roinnt Ballstáit, lena n-áirítear an Fhrainc, ar aitheantas frithpháirteach comhthreomhar le haghaidh an táirge bhithicídigh Mouskito Junior Lotion (“an táirge bithicídeach”) i gcomhréir le hAirteagal 34 de Rialachán (AE) Uimh. 528/2012. Is táirge atá réidh le húsáid é an táirge bithicídeach atá beartaithe chun craiceann an duine a chosaint ó ghreamanna feithidí agus is í búitiolaicéitilaimíneaprópánóáit eitile (IR 3535) an tsubstaint ghníomhach atá ann. Is í an Bheilg an Ballstát tagartha atá freagrach as meastóireacht a dhéanamh ar an iarratas dá dtagraítear in Airteagal 34(1) de Rialachán (AE) Uimh. 528/2012.

(2)

Ba iad seo a leanas na maímh a rinne an t-iarratasóir maidir leis an táirge: cosaint i limistéir aeráide thrópaiceacha i gcoinne muiscítí (Aedes aegypti, Culex quinquefasciatus, Anopheles gambiae) agus i limistéir aeráide mheasartha i gcoinne muiscítí (Aedes aegypti, Culex quinquefasciatus), cuileog (Stomoxys calcitrans), beach (Apis mellifera), foichí (Vespula vulgaris) agus sceartán (Ixodes ricinus).

(3)

An 19 Meitheamh 2019, de bhun Airteagal 35(2) de Rialachán (AE) Uimh. 528/2012, rinne an Fhrainc agóidí a tharchur chuig an ngrúpa comhordúcháin, lenar léiríodh nach gcomhlíonann an táirge bithicídeach na coinníollacha a leagtar síos in Airteagal 19(1), pointe (b)(i), den Rialachán sin maidir leis an úsáid i gcoinne beach agus foichí. An 16 Meán Fómhair 2019, pléadh an tarchur sa ghrúpa comhordúcháin.

(4)

Ós rud é nár tháinig an grúpa comhordúcháin ar aon chomhaontú, an 7 Samhain 2019 tharchuir an Bheilg an agóid nach raibh réitithe chuig an gCoimisiún, de bhun Airteagal 36(1) de Rialachán (AE) Uimh. 528/2012. Chuir an Bheilg ráiteas mionsonraithe ar fáil don Choimisiúin maidir leis an tsaincheist faoinar theip ar na Ballstáit teacht ar chomhaontú agus na cúiseanna a bhí lena n-easaontas. Cuireadh an ráiteas sin ar aghaidh chuig na Ballstáit lena mbaineann agus chuig an iarratasóir.

(5)

Ní chomhaontaíonn an Fhrainc leis an moladh ón mBallstát tagartha go n-údarófaí an úsáid i gcoinne foichí agus beach. Rud is sonraí ná sin, measann an Fhrainc nár léiríodh éifeachtúlacht le haghaidh na húsáide sonraí sa tástáil úsáide ionsamhailthe arna soláthar ag an iarratasóir, ós rud é nár ceadaíodh tréimhse ama cosanta iomlán a chinneadh le dearadh na tástála sin (2) agus ós rud é nár leathadh an táirge ar dhromchla atá comhchosúil le craiceann an duine.

(6)

Áitíonn an Bheilg go ndearna an t-iarratasóir na tástálacha a éilíodh de réir na treorach a bhí ann ag an tráth a cuireadh an t-iarratas isteach agus thug sí dá haire nach ann d’aon phrótacal bunaithe i gcomhair foichí agus beach. Measann an Bheilg nach féidir maíomh ar leith a dhíbhe toisc nach ann do phrótacal bunaithe tástála agus gur gá, dá bhrí sin, breithiúnas saineolach a úsáid. Cé gur admhaigh an Bheilg nár cinneadh aon tréimhse ama cosanta iomlán leis an tástáil a chuir an t-iarratasóir ar fáil, tháinig sí ar an gconclúid ar bhonn breithiúnas saineolach gur leor an tacaíocht a tugadh don mhaíomh go ndíbrítear beacha agus foichí.

(7)

An 17 Nollaig 2021, d’iarr an Coimisiún tuairim ar an ábhar sin ar an nGníomhaireacht Eorpach Ceimiceán (“an Ghníomhaireacht”) i gcomhréir le hAirteagal 36(2) de Rialachán (AE) Uimh. 528/2012. Iarradh ar an nGníomhaireacht a chur in iúl (i) an bhfuil gá le cinneadh maidir le tréimhse ama cosanta iomlán chun measúnú a dhéanamh ar an éifeachtúlacht i gcoinne beach agus foichí agus an féidir tréimhse ama cosanta iomlán a chinneadh ar bhonn na tástála úsáide a rinne an t-iarratasóir, (ii) an gá tástálacha úsáide ionsamhailthe a dhéanamh ar dhromchla atá comhchosúil le craiceann an duine agus (iii) ar ghin an tástáil úsáide ionsamhailthe sonraí a léiríonn go gcuireann an táirge bithicídeach smacht ar fhoichí agus beacha trí na horgánaigh sin a dhíbirt de réir na dáileoige molta agus mar sin an dtacaíonn siad leis an maíomh “go ndíbrítear foichí agus beacha”.

(8)

An 2 Márta 2022, ghlac Coiste na Gníomhaireachta um Tháirgí Bithicídeacha a thuairim (3).

(9)

Dar leis an nGníomhaireacht, tá gá le sonraí maidir leis an éifeachtúlacht atá ábhartha do na dálaí iarbhír úsáide chun bunús a thabhairt leis na maímh maidir leis an táirge. Is paraiméadar an-tábhachtach é an tréimhse ama cosanta, go háirithe le haghaidh táirgí atá beartaithe lena n-úsáid i gcoinne feithidí contúirteacha, ag cur san áireamh freisin go bhfuil cealga beach agus foichí ina bhfíor-ábhar imní do dhaoine leochaileacha mar gheall ar fhrithghníomhuithe ailléirgeacha in aghaidh na nimhe.

(10)

Aithníonn an Ghníomhaireacht nach bhfuil aon phrótacal nó critéar comhaontaithe ann maidir le tástálacha éifeachtúlachta le haghaidh éarthaigh logánta i gcoinne foichí agus beach agus measann sí go bhfuil sé de fhreagracht ar an iarratasóir sonraí éifeachtúlachta a sholáthar ó staidéir a dearadh chun staid na húsáide praiticiúla a aithris d’fhonn bunús a thabhairt leis an maíomh.

(11)

Is trialacha allamuigh in úlloird a bhí sna trialacha a rinne an t-iarratasóir. Rinneadh imscrúdú ar éifeachtúlacht an éarthaigh trí úsáid a bhaint as gaistí i bhfoirm buidéil phlaisteacha, líonta le tuaslagán siúcra agus glantaigh chun breith ar na sprioc-orgánaigh. Rinneadh dromchla na ngaistí a chóireáil leis an táirge tástála faoi dhó sa lá nó fágadh é gan chóireáil. Dar leis an nGníomhaireacht, maidir le héarthaigh i gcoinne beach agus foichí, d’fhéadfadh sé a bheith inghlactha an tástáil a shocrú suas agus gaistí le mealladh a úsáid mar ábhar tástála in áit daoine daonna, go háirithe mar gheall ar shaincheisteanna eiticiúla a eascraíonn as nochtadh an duine do chealga dosheachanta pianmhara beach agus foichí. Mar sin féin, ní féidir an tréimhse ama cosanta iomlán a chinneadh leis na sonraí arna mbailiú le linn na trialach allamuigh a rinne an t-iarratasóir.

(12)

Cuireann an Ghníomhaireacht in iúl freisin go bhfuil difríocht shuntasach idir dromchla na mbuidéal a úsáideadh mar ghaistí, ar ábhar neamhphóiriúil é, agus aon ábhar a ionsamhlaíonn airíonna chraiceann an duine, go háirithe i dtéarmaí ionsúcháin agus boladh, rud a d’fhéadfadh difear a dhéanamh d’éifeachtúlacht an éarthaigh. Ní mór do dhearadh na tástála aithris a dhéanamh ar an staid phraiticiúil ina n-úsáidfear an táirge a mhéid is féidir; b’fhearr, mar shampla, úsáid a bhaint as dromchla nó uigeacht ionsúiteach atá comhchosúil le craiceann an duine, amhail craiceann ainmhithe, nó aon ábhar póiriúil saorga arna mhodhnú ar bhealach chun craiceann an duine dhaonna a insamhladh.

(13)

Dar leis an nGníomhaireacht, na sonraí a chuir an t-iarratasóir isteach ó na trialacha allamuigh, tá siad bailí i bprionsabal agus d’fhéadfaidís éifeachtúlacht táirgí atá beartaithe lena n-úsáid mar éarthaigh spásúla nó éarthaigh dromchla a léiriú agus d’fhéadfaidís bunús a thabhairt leis an maíomh “go ndíbrítear foichí agus beacha”. Níl an tástáil a cuireadh ar fáil ábhartha maidir leis an úsáid atá beartaithe, áfach, is é sin mar éarthach logánta i gcoinne foichí agus beach, a leathfar ar chraiceann an duine agus a úsáidfear ar an gcaoi sin chun daoine a chosaint ar ghreamanna/chealga feithidí. Ba cheart na sonraí a gineadh a bheith ábhartha maidir leis an úsáid sin atá beartaithe. Dromchla cóireáilte na ngaistí sa tástáil a rinneadh, ní dhéanann sé aithris cruinn ar staid na húsáide praiticiúla, dá bhrí sin ní féidir a mheas go bhfuil dearadh na tástála oiriúnach chun éifeachtúlacht an táirge i gcomhair na húsáide maíte a léiriú.

(14)

Agus an tuairim ón nGníomhaireacht á cur san áireamh, measann an Coimisiún nach gcomhlíonann an táirge bithicídeach an coinníoll a leagtar síos in Airteagal 19(1), pointe (b)(i), de Rialachán (AE) Uimh. 528/2012 maidir leis an táirge a úsáid mar tháirge éarthach i gcoinne foichí agus beach.

(15)

Tá na bearta dá bhforáiltear sa Chinneadh seo i gcomhréir le tuairim an Bhuanchoiste um Tháirgí Bithicídeacha,

(1)

Le Rialachán (AE) 2021/953, leagtar amach Deimhniú Digiteach COVID AE arb é is cuspóir dó a bheith mar chruthúnas go bhfuair duine vacsaín COVID-19, go bhfuair duine toradh diúltach ar thástáil nó gur théarnaigh duine ó ionfhabhtú chun go n-éascófar ceart an tsealbhóra chun saorghluaiseachta le linn phaindéim COVID-19 a fheidhmiú.

(2)

Ionas go n-oibreoidh Deimhniú Digiteach COVID AE ar fud an Aontais, ghlac an Coimisiún Cinneadh Cur Chun Feidhme (AE) 2021/1073 (2), lena leagtar síos sonraíochtaí teicniúla agus rialacha chun sonraí a chur i nDeimhnithe Digiteacha COVID AE agus chun iad a eisiúint agus a fhíorú ar bhealach slán, chun cosaint sonraí pearsanta a áirithiú, struchtúr comhchoiteann aitheantóir uathúil an deimhnithe a leagan síos agus barrachód bailí, slán agus idir-inoibritheach a eisiúint.

(3)

An 29 Meitheamh 2022, ghlac Parlaimint na hEorpa agus an Chomhairle Rialachán (AE) 2022/1034 (3), lena gcuirtear síneadh le tréimhse chur i bhfeidhm Rialachán (AE) 2021/953 maidir le Deimhniú Digiteach COVID AE go dtí an 30 Meitheamh 2023. Áirithítear leis an síneadh sin gur féidir le Deimhniú Digiteach COVID AE leanúint den tsaorghluaiseacht a éascú le linn phaindéim COVID-19, agus ardleibhéal cosanta sláinte poiblí á shaothrú ag an am céanna. Tá sé sin ábhartha go háirithe i gcás ina ndéanfar srianta áirithe ar an tsaorghluaiseacht ar fhorais na sláinte poiblí a choinneáil ar bun nó a thabhairt isteach (arís), mar shampla mar fhreagairt ar theacht chun cinn agus leathadh athraitheacha nua SARS-CoV-2 arb ábhar imní iad.

(4)

Chun raon feidhme tástálacha diagnóiseacha COVID-19 a fhéadfar a úsáid chun Deimhniú Digiteach COVID AE a eisiúint a mhéadú, rinneadh an sainmhíniú ar mhearthástálacha antaiginí a leagtar amach in Airteagal 2, pointe 5, de Rialachán (AE) 2021/953 a leasú le Rialachán (AE) 2022/1034 chun measúnachtaí antaiginí i saotharlanna a chur san áireamh. Dá bhrí sin, is féidir leis na Ballstáit deimhnithe tástála a eisiúint agus, tar éis do Rialachán Tarmligthe (AE) 2022/256 ón gCoimisiún (4) a bheith glactha, deimhnithe téarnaimh a eisiúint ar bhonn na dtástálacha antaiginí a áirítear ar liosta coiteann an Aontais de thástálacha antaiginí COVID-19, ar liosta é a dhéanann an Coiste Slándála Sláinte a chomhaontú mar liosta a chomhlíonann na critéir cháilíochta a leagtar síos agus a thabhairt cothrom le dáta go tráthrialta.

(5)

Leasaíodh Airteagal 5(5) de Rialachán (AE) 2021/953 le Rialachán (AE) 2022/1034 freisin chun go mbeidh na Ballstáit in ann deimhnithe vacsaínithe a eisiúint do rannpháirtithe i dtrialacha cliniciúla, ar trialacha cliniciúla iad atá formheasta ag coistí eiticiúla agus údaráis inniúla na mBallstát, gan beann ar an bhfuair an rannpháirtí an vacsaín fhéideartha in aghaidh COVID-19 nó, chun nach mbainfear an bonn ó na staidéir, an bhfuair sé an dáileog atá á riar ar an ngrúpa rialaithe. De bhun Airteagal 3(11) de Rialachán (AE) 2021/953, i gcás inar gá, iarrfaidh an Coimisiún ar an gCoiste Slándála Sláinte, ar ECDC nó ar EMA treoir a eisiúint maidir le glacadh le vacsaíní in aghaidh COVID-19 atá ag dul faoi thrialacha cliniciúla sna Ballstáit.

(6)

I bhfianaise na leasuithe sin ar Rialachán (AE) 2021/953, chun idir-inoibritheacht Dheimhniú Digiteach COVID AE a áirithiú, ba cheart na rialacha maidir le sonraí a chur i nDeimhniú Digiteach COVID AE a thabhairt cothrom le dáta chun a léiriú gur féidir measúnachtaí antaiginí i saotharlanna a úsáid le haghaidh deimhnithe tástála agus téarnaimh agus deimhnithe vacsaínithe a eisiúint le haghaidh rannpháirtithe i dtrialacha cliniciúla.

(7)

Ba cheart Cinneadh Cur Chun Feidhme (AE) 2021/1073 a leasú dá réir sin.

(8)

I bhfianaise an ghá atá le cur chun feidhme tapa na sonraíochtaí teicniúla leasaithe le haghaidh Dheimhniú Digiteach COVID AE, ba cheart an Cinneadh seo a theacht i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.

(9)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón gCoiste a bunaíodh le hAirteagal 14 de Rialachán (AE) 2021/953,

(1)

leasaítear Iarscríbhinn II i gcomhréir le hIarscríbhinn I a ghabhann leis an gCinneadh seo;

(2)

leasaítear Iarscríbhinn V i gcomhréir le hIarscríbhinn II a ghabhann leis an gCinneadh seo.

(1)

I gcomhréir le Rialachán (AE) Uimh. 305/2011, úsáidfidh Comhlachtaí um Measúnú Teicniúil na modhanna agus na critéir a sholáthraítear i nDoiciméid um Measúnú Eorpach, ar foilsíodh na tagairtí dóibh in Iris Oifigiúil an Aontais Eorpaigh, chun measúnú a dhéanamh ar fheidhmíocht táirgí foirgníochta a chumhdaítear leis na doiciméid sin i ndáil lena mbuntréithe.

(2)

I gcomhréir le hAirteagal 19 de Rialachán (AE) Uimh. 305/2011, ar lorg roinnt iarratas ó mhonaróirí ar Mheasúnuithe Teicniúla Eorpacha, tá 10 nDoiciméad um Measúnú Eorpach chomh maith le ceartú amháin tarraingthe suas agus glactha ag eagraíocht na gComhlachtaí um Measúnú Teicniúil.

(3)

Na Doiciméid um Measúnú Eorpach a tharraing na Comhlachtaí um Measúnú Teicniúil suas agus a ghlac siad, baineann siad leis na táirgí foirgníochta seo a leanas:

(4)

An Doiciméad um Measúnú Eorpach leis an uimhir thagartha 360001-01-0803 a bhaineann le córas aerála déanta d’olann charraige le fásálacha lasmuigh agus laistigh, tá earráid sa tagairt dó a foilsíodh i gCinneadh Cur Chun Feidhme (AE) 2019/450 (2) ón gCoimisiún. Dá bhrí sin, is gá a shoiléiriú go nglacann an Doiciméad um Measúnú Eorpach leis an uimhir thagartha 360001-01-0803 ionad an leagain roimhe seo den Doiciméad um Measúnú Eorpach leis an uimhir thagartha 360001-00-0803.

(5)

Na Doiciméid um Measúnú Eorpach a tharraing eagraíocht na gComhlachtaí um Measúnú Teicniúil suas agus a ghlac sí, comhlíonann siad na riachtanais atá le comhlíonadh maidir leis na buncheanglais i ndáil le hoibreacha foirgníochta a leagtar amach in Iarscríbhinn I a ghabhann le Rialachán (AE) Uimh. 305/2011. Dá bhrí sin, is iomchuí na tagairtí do na Doiciméid um Measúnú Eorpach sin a fhoilsiú in Iris Oifigiúil an Aontais Eorpaigh.

(6)

Foilsítear liosta na dtagairtí do Dhoiciméid um Measúnú Eorpach le Cinneadh Cur Chun Feidhme (AE) 2019/450. Ar mhaithe le soiléireacht, ba cheart tagairtí do Dhoiciméid nua um Measúnú Eorpach a chur leis an liosta sin.

(7)

Dá bhrí sin, ba cheart Cinneadh Cur Chun Feidhme (AE) 2019/450 a leasú dá réir.

(8)

Chun gur féidir na Doiciméid um Measúnú Eorpach a úsáid a luaithe is féidir, ba cheart don Chinneadh seo teacht i bhfeidhm lá a fhoilsithe,