(1)

De bhun Airteagal 7(1) de Rialachán (CE) Uimh. 1107/2009, chuir GlenBiotech iarratas faoi bhráid an Bhallstáit is rapóirtéir, an Ísiltír, an 10 Márta 2017, ar fhormheas na substainte gníomhaí Beauveria bassiana tréithchineál 203.

(2)

I gcomhréir le hAirteagal 9(3) den Rialachán (CE) Uimh. 1107/2009, an 20 Iúil 2017 thug an Ballstát is rapóirtéir fógra don iarratasóir, do na Ballstáit eile, don Choimisiún agus don Údarás Eorpach um Shábháilteacht Bia (“an tÚdarás”) faoi inghlacthacht an iarratais.

(3)

I gcás na substainte gníomhaí sin, rinneadh measúnú ar na tionchair ar shláinte an duine, ar shláinte ainmhithe agus ar an gcomhshaol, de bhun Airteagal 11(2) agus (3) de Rialachán (CE) Uimh. 1107/2009, maidir leis an úsáid atá beartaithe ag an iarratasóir. An 5 Meitheamh 2019, chuir an Ballstát is rapóirtéir dréacht-tuarascáil maidir le measúnú faoi bhráid an Choimisiúin agus cóip di faoi bhráid an Údaráis, tuarascáil inar thángthas ar an gconclúid gur féidir coinne a bheith leis go gcomhlíonfaidh an tsubstaint ghníomhach sin na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(4)

I gcomhréir le hAirteagal 12(1) de Rialachán (CE) Uimh. 1107/2009, rinne an tÚdarás an dréacht-tuarascáil maidir le measúnú a fuarthas ón mBallstát is rapóirtéir a dháileadh ar an iarratasóir agus ar na Ballstáit eile, agus d’eagraigh sé comhairliúchán poiblí uirthi.

(5)

I gcomhréir le hAirteagal 12(3) den Rialachán (CE) Uimh. 1107/2009, d’iarr an tÚdarás ar an iarratasóir faisnéis bhreise a chur faoi bhráid na mBallstát, an Choimisiúin agus an Údaráis. Rinne an Ballstát is rapóirtéir measúnú ar an bhfaisnéise bhreise agus in Iúil 2020 chuir sé a mheasúnú faoi bhráid an Údaráis i bhfoirm dréacht-tuarascála nuashonraithe maidir le measúnú.

(6)

Conclúid an Údaráis (2) i dtaobh an féidir coinne a bheith leis go gcomhlíonfaidh an tsubstaint ghníomhach Beauveria bassiana tréithchineál 203 na critéir formheasa dá bhforáiltear in Airteagal 4 de Rialachán (CE) Uimh. 1107/2009, rinne an tÚdarás í a chur in iúl don iarratasóir, do na Ballstáit agus don Choimisiún an 6 Deireadh Fómhair 2020. Chuir an tÚdarás a chonclúid ar fáil don phobal.

(7)

An 22 Deireadh Fómhair 2021, chuir an Coimisiún tuarascáil athbhreithniúcháin agus dréacht den Rialachán seo lena bhforáiltear go bhformheastar Beauveria bassiana tréithchineál 203 faoi bhráid an Bhuanchoiste um Plandaí, Ainmhithe, Bia agus Beatha.

(8)

Tugadh deis don iarratasóir a bharúil a chur in iúl maidir leis an tuarascáil athbhreithniúcháin.

(9)

Bunaithe ar an dréacht-tuarascáil maidir le measúnú leis an mBallstát is rapóirtéir, ar chonclúid an Údaráis agus ar bharúil an iarratasóra, maidir leis an úsáid ionadaíoch a bhaintear as táirge cosanta plandaí amháin ar a laghad ina bhfuil an tsubstaint ghníomhach Beauveria bassiana tréithchineál 203 a scrúdaíodh agus a sonraíodh sa tuarascáil athbhreithniúcháin, measann an Coimisiún go gcomhlíontar na critéir formheasa dá bhforáiltear in Airteagal 4 de Rialachán (CE) Uimh. 1107/2009. Dá bhrí sin, is iomchuí Beauveria bassiana tréithchineál 203 a fhormheas.

(10)

I gcomhréir le hAirteagal 13(2) de Rialachán (CE) Uimh. 1107/2009 i gcomhar le hAirteagal 6(b), (c) agus (e) de agus i bhfianaise an eolais eolaíoch reatha agus an eolais theicniúil reatha, is gá, mar sin féin, coinníollacha agus srianta áirithe a chur san áireamh, is iad sin cion uasta na meitibilíte lena mbaineann, bóiviricin, i dtáirgí cosanta plandaí, chomh maith leis an úsáid a shrianadh go crainn pailme ornáideacha.

(11)

I gcomhréir le hAirteagal 13(4) de Rialachán (CE) Uimh. 1107/2009, ba cheart an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (3) a leasú dá réir.

(12)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

An 1 Deireadh Fómhair 2021, chuir Azelis Denmark A/S (“an t-iarratasóir”) iarratas isteach i gcomhréir le hAirteagal 11(1) de Rialachán (CE) Uimh. 2065/2003, ag iarraidh athrú a dhéanamh ar ainm shealbhóir an údaraithe le haghaidh an táirge phríomhúil um blastán “Scansmoke PB 1110”, mar a leagtar amach i Rialachán Cur Chun Feidhme (AE) Uimh. 1321/2013 ón gCoimisiún (2).

(2)

San iarratas, luaigh an t-iarratasóir go raibh an t-údarú le haghaidh an táirge phríomhúil um blastán deataigh “Scansmoke PB 1110” le haistriú chuig proFagus GmbH. Mar thacaíocht lena ráiteas, sholáthair an t-iarratasóir an comhaontú aistrithe a thug sé i gcrích le proFagus GmbH maidir leis an táirge príomhúil um blastán deataigh “Scansmoke PB 1110”.

(3)

Is athrú glan riaracháin é an t-athrú atá beartaithe ar shealbhóir an údaraithe agus ní dhéanfar measúnú úr ar an mbreiseán lena mbaineann.

(4)

Dá bhrí sin, ba cheart Rialachán Cur Chun Feidhme (AE) Uimh. 1321/2013 a leasú dá réir.

(5)

D’fhonn aistriú rianúil a áirithiú, is iomchuí a fhoráil go bhféadfar leanúint den táirge príomhúil um blastán deataigh “Scansmoke PB 1110”, chomh maith le blastáin deataigh a fhaightear uathu agus bianna ina bhfuil siad, a chomhlíonann na rialacha atá i bhfeidhm roimh dháta theacht i bhfeidhm an Rialacháin seo, a chur ar an margadh agus a úsáid go dtí go mbeidh na stoic atá ann cheana ídithe.

(6)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (AE) 2021/953, leagtar síos creat chun deimhnithe idir-inoibritheacha COVID-19 i ndáil le vacsaíniú, tástáil agus téarnamh (Deimhniú Digiteach COVID AE) a eisiúint agus a fhíorú agus chun go nglacfaí leo, ionas go n-éascófar do na sealbhóirí a gceart chun saorghluaiseachta a fheidhmiú le linn phaindéim COVID-19. Ina theannta sin, leis an Rialachán sin, rannchuidítear le héascú le deireadh a chur de réir a chéile, ar mhodh comhordaithe, le srianta ar an tsaorghluaiseacht a chuir na Ballstáit i bhfeidhm, i gcomhréir le dlí an Aontais, chun leathadh SARS-CoV-2 a theorannú.

(2)

An 21 Nollaig 2021, ghlac an Coimisiún Rialachán Tarmligthe (AE) 2021/2288 (2) lena leasaítear Rialachán (AE) 2021/953, lena mbunaítear, chun críche taistil, tréimhse inghlacthachta chaighdeánach 270 lá le haghaidh deimhnithe vacsaínithe lena léirítear gur críochnaíodh an tsraith vacsaínithe phríomhúil. Foráiltear leis an Rialachán Tarmligthe sin, chun cur chuige comhordaithe a áirithiú, nach ceart do na Ballstáit glacadh le deimhnithe vacsaínithe lena léirítear gur críochnaíodh an tsraith vacsaínithe phríomhúil má bhíonn níos mó ná 270 lá caite ó tugadh an dáileog a léirítear leo. An tráth céanna, ní ceart do na Ballstáit, chun críche taistil, foráil a dhéanamh do thréimhse inghlacthachta atá níos giorra ná 270 lá.

(3)

Is gá na rialacha maidir leis an tréimhse inghlacthachta chaighdeánach 270 lá a bunaíodh le Rialachán Tarmligthe (AE) 2021/2288 a oiriúnú a mhéid a bhaineann le deimhnithe vacsaínithe atá i seilbh daoine faoi bhun 18 mbliana d’aois. Leanann sé sin athmheastóireacht ar an gcur chuige maidir leis an tréimhse inghlacthachta mar a luaitear in aithris 15 den Rialachán Tarmligthe sin.

(4)

An 24 Feabhra 2022, d’fhógair an Ghníomhaireacht Leigheasra Eorpach (“EMA”) gur mhol an Coiste um Tháirgí Íocshláinte lena nÚsáid ag an Duine go bhféadfaí teanndáileog den vacsaín Comirnaty COVID-19 a thabhairt do dhéagóirí atá 12 bhliain d’aois i gcás inarb iomchuí (3). Mheas an Coiste gur leor an fhianaise a bhí ar fáil chun a chinneadh go mbeadh an fhreagairt imdhíonachta ar theanndáileog i ndéagóirí comhionann, ar a laghad, leis an bhfreagairt i measc daoine fásta. Níor aithníodh aon ábhar imní nua maidir le sábháilteacht ó na sonraí a bhí ar fáil. An 28 Feabhra 2022, ghlac an Coimisiún Cinneadh Cur Chun Feidhme lena leasaítear an t-údarú margaíochta coinníollach arna dheonú do Comirnaty dá réir sin (4).

(5)

Tacaíonn an tuairim ó EMA leis na feachtais náisiúnta vacsaínithe sna Ballstáit sin a dhéanann cinneadh maidir le teanndáileoga a thairiscint do dhéagóirí. An tráth céanna, mar a thug EMA faoi deara, ní mór a chur san áireamh sa chinneadh an dtairgfidh siad teanndáileoga don aoisghrúpa seo agus cathain a thairgfidh siad iad, imthosca amhail leathadh an ghalair agus chomh dian is dócha a bheidh an galar i ndaoine óga, go háirithe mar gheall ar athraitheach Omicron, an riosca aitheanta fo-iarmhairtí, go háirithe aimhréidh an-annamh ach tromchúiseach de mhiócairdíteas, agus bearta agus srianta cosanta eile a bheith ann. Dá bhrí sin, is faoi na saineolaithe atá ag treorú an fheachtais vacsaínithe i ngach Ballstát atá sé comhairle a thabhairt maidir leis an gcinneadh agus an t-am is fearr dá dtír.

(6)

Ina thuarascáil theicniúil maidir le héifeachtacht vacsaíní COVID-19 i measc déagóirí idir 12-17 mbliana d’aois agus dálaí eatramhacha sláinte poiblí chun teanndáileog a thabhairt an 8 Feabhra 2022 (5), tháinig an Lárionad Eorpach um Ghalair a Chosc agus a Rialú (“ECDC”) ar an gconclúid gur léirigh staidéir atá ar fáil ag féachaint ar éifeachtacht vacsaíne COVID-19 an vacsaínithe phríomhúil in aghaidh ionfhabhtú, bhí leibhéal an-ard cosanta i measc déagóirí ar ghalar siomptómach agus galar tromchúiseach mar gheall ar athraitheach Delta ar díol imní é. De réir ECDC, ní raibh ach fianaise theoranta ar fáil maidir le himdhíonacht mhaolaitheach tar éis do dhéagóirí vacsaíniú a fháil. Sna sonraí a bhí ar fáil, moladh gur maolaíodh éifeachtacht vacsaíne i gcoinne ionfhabhtú siomptómach 5 go 6 mhí tar éis don vacsaíniú príomhúil a bheith críochnaithe, ach ní raibh aon fhianaise ar fáil ag an bpointe ama sin go raibh imdhíonacht mhaolaitheach i gcoinne galair thromchúiseacha. Moladh i ngeall ar shamhaltú matamaiticiúil ECDC gur dócha nach mbeidh tionchar suntasach ar tharchur SARS-CoV-2 ar leibhéal an daonra agus teanndáileoga á gcur ar fáil do dhéagóirí.

(7)

Nuair a chuaigh an Coimisiún i gcomhairle leis, mheas líon mór saineolaithe de chuid na mBallstát sa Choiste Slándála Sláinte a bunaíodh le hAirteagal 17 de Chinneadh Uimh. 1082/2013/AE ó Pharlaimint na hEorpa agus ón gComhairle (6), fiú dá gcinnfeadh roinnt Ballstát teanndáileog a thairiscint do mhionaoisigh, bunaithe ar na cúinsí éagsúla a ndearna EMA tuairisc orthu, go mbeadh sé iomchuí mionaoisigh a dhíolmhú ón tréimhse inghlacthachta chaighdeánach a bunaíodh le Rialachán Tarmligthe (AE) 2021/2288. Níl teanndáileoga á dtairiscint ag gach Ballstát faoi láthair do dhaoine atá faoi bhun 18 mbliana d’aois.

(8)

Dá bhrí sin, ba cheart an tréimhse inghlacthachta chaighdeánach a theorannú do dhaoine atá 18 mbliana d’aois agus os a chionn.

(9)

Dála na tréimhse inghlacthachta caighdeánaí a bunaíodh le Rialachán Tarmligthe (AE) 2021/2288, ba cheart an díolúine do dhaoine faoi bhun 18 mbliana d’aois a chur chun feidhme ar leibhéal an fhíorúcháin, lena n-áirítear trí na feidhmchláir mhóibíleacha a úsáidtear a oiriúnú chun Deimhnithe Digiteacha COVID AE a fhíorú. Ós rud é go n-áirítear dáta breithe an tsealbhóra ar na deimhnithe vacsaínithe, is féidir leis na feidhmchláir mhóibíleacha a úsáidtear le haghaidh fíorúcháin a chinneadh an bhfuil an tréimhse chaighdeánach inghlacthachta le cur i bhfeidhm nó nach bhfuil. Sa chomhthéacs sin, ba cheart feidhm a bheith ag an díolúine maidir le daoine faoi bhun 18 mbliana d’aois ar an lá a fhíoraítear deimhniú.

(10)

Ba cheart don Choimisiún leanúint d’fhaireachán agus de mheastóireacht rialta a dhéanamh ar an gcur chuige maidir leis an tréimhse inghlacthachta chun a mheasúnú an mbeadh oiriúnuithe ag teastáil ar bhonn fianaise eolaíoch nua a bheadh ag teacht chun cinn, lena n-áirítear fianaise i ndáil leis an tréimhse inghlacthachta le haghaidh deimhnithe lena léirítear gur tugadh teanndáileog.

(11)

Dá bhrí sin, ba cheart Rialachán (AE) 2021/953 a leasú dá réir.

(12)

Ós rud é go raibh fianaise eolaíoch nua atá ag teacht chun cinn maidir le teanndáileoga a thabhairt do dhéagóirí atá 12 bhliain d’aois, ag cur san áireamh go háirithe imthosca amhail leathadh an ghalair agus chomh dian is dócha a bheidh an galar i ndaoine óga agus an riosca aitheanta fo-iarmhairtí, chomh maith le héifeachtacht vacsaíne COVID-19 an vacsaínithe phríomhúil san aoisghrúpa sin, éilítear ar bhonn mhórfhorais phráinne úsáid a bhaint as an nós imeachta dá bhforáiltear in Airteagal 13 de Rialachán (AE) 2021/953. Dá gcuirfí moill ar ghníomhaíocht láithreach, chuirfeadh sé sin leis an mbaol nach nglacfaí a thuilleadh le deimhnithe vacsaínithe atá i seilbh mionaoiseach in ainneoin na bhforbairtí sin. Dá bhrí sin, tá feidhm ag an nós imeachta práinne dá bhforáiltear in Airteagal 13 de Rialachán (AE) 2021/953.

(13)

Tá an Rialachán seo gan dochar do chinntí na mBallstát maidir lena bhfeachtais náisiúnta vacsaínithe.

(14)

Chun go mbeidh go leor ama ann chun an Rialachán seo a chur chun feidhme go teicniúil, ba cheart na Ballstáit a cheadú, go dtí an 6 Aibreán 2022, an tréimhse inghlacthachta chaighdeánach a bunaíodh le Rialachán Tarmligthe (AE) 2021/2288 a chur i bhfeidhm freisin maidir le deimhnithe atá i seilbh daoine atá faoi bhun 18 mbliana d’aois.

(15)

I bhfianaise na práinne atá leis an staid a bhaineann le paindéim COVID-19, ba cheart don Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh,

(1)

Tá reachtaíocht a glacadh ón uair a glacadh Rialachán (AE) 2016/445 ón mBanc Ceannais Eorpach (BCE/2016/4) tar éis roghanna agus discréidí áirithe nua a thabhairt isteach i ndlí an Aontais agus roghanna agus discréidí áirithe dá bhforáiltear faoi dhlí an Aontais agus a fheidhmigh an Banc Ceanais ns hÉireann (BCE) de bhun Rialachán (AE) 2016/445 (BCE/2016/4) (4) a leasú nó a scriosadh. Dá bhrí sin, tá gá le leasuithe iarmhartacha ar Rialachán (AE) 2016/445 (BCE/2016/4) chun na hathruithe sin a léiriú.

(2)

Ina theannta sin, de bhun Airteagal 9(3) de Rialachán (AE) 2016/445 (BCE/2016/4), díolmhaítear risíochtaí inghrúpa ó theorainneacha ábhartha na risíochtaí móra, ar an gcoinníoll go gcomhlíonann institiúidí creidmheasa critéir áirithe. Ón uair a glacadh Rialachán (AE) 2016/445 (BCE/2016/4) tá méadú tagtha ar leibhéal imní stuamachta an BCE faoi chleachtais chlárúcháin institiúidí creidmheasa a bhaineann le heintitis atá bunaithe i dtríú tíortha. Ba cheart, dá bhrí sin, raon feidhme Airteagal 9(3) de Rialachán (AE) 2016/445 (BCE/2016/4) a theorannú do risíochtaí inghrúpa ar eintitis atá bunaithe laistigh den Aontas.

(3)

Ba cheart Airteagal 9(3) agus (4) de Rialachán (AE) 2016/445 (BCE/2016/4) a leasú chun go gceadófar le hinstitiúidí creidmheasa a chomhlíonann na critéir ábhartha, trí theorainn chainníochtúil ar luach na risíochtaí ábhartha a urramú, úsáid a bhaint as díolúine pháirteach i dteannta na díolúine iomláine atá ar fáil faoi láthair.

(4)

Maidir le táirgí a bhaineann le maoiniú trádála atá lasmuigh den chlár comhardaithe, measann an BCE gur gá níos mó solúbthachta a thabhairt isteach i ndáil le rátaí eis-sreafaí a chinneadh chun críocha Airteagal 23(2) de Rialachán Tarmligthe (AE) 2015/61 ón gCoimisiún (5). Dá bhrí sin, ba cheart an sonraíocht ráta eis-sreabhaidh caighdeánaithe 5 % in Airteagal 11 de Rialachán (AE) 2016/445 (BCE/2016/4) a bhaint. Ina ionad sin, mar is amhlaidh i gcás na dtáirgí agus na seirbhísí eile a thagann faoi raon feidhme Airteagal 23 den Rialachán Tarmligthe (AE) 2015/61, ba cheart don BCE rátaí eis-sreafaí i gcomhair táirgí a bhaineann le maoiniú trádála atá lasmuigh den chlár comhardaithe a chinneadh trí ghlacadh leis na rátaí eis-sreafaí arna gcur i bhfeidhm ag an institiúid creidmheasa ábhartha nó trí ráta eis-sreabhadh níos airde a shocrú, le huasteorainn 5 %.

(5)

Chun tacú leis an gcuspóir um cheanglais stuamachta a chur i bhfeidhm go comhsheasmhach i ndáil le hinstitiúidí creidmheasa, ba cheart beartas ginearálta a bhunú chun mórinnéacsanna stoic a shainaithint i mBallstát nó i dtríú tír chun críocha Airteagal 12(1)(c)(i) den Rialachán Tarmligthe (AE) 2015/61.

(6)

Le tabhairt isteach an ceanglas cóimheasa glanchistiúcháin chobhsaí (net stable funding ratio, NSFR) mar atá leagtha amach i dTeideal IV de Chuid a Sé de Rialachán (AE) Uimh. 575/2013, tá sé de chumhacht ag údaráis inniúla roinnt roghanna agus discréidí nua a bhaineann leis an gceanglas NSFR a fheidhmiú. Ba cheart, dá bhrí sin, Rialachán (AE) 2016/445 (BCE/2016/4) a nuashonrú dá réir.

(7)

Chun tacú leis an bprionsabal ar dá réir a gcaitear go comhionann le hinstitiúidí creidmheasa, ba cheart roghanna agus discréidí a bhaineann le cur i bhfeidhm an cheanglais NSFR ag institiúidí beaga agus neamhchasta, mar a thuairiscítear i gCaibidil 5 de Theideal IV de Chuid a Sé de Rialachán (AE) Uimh. 575/2013, a fheidhmiú ar an mbealach céanna a fheidhmítear na roghanna agus na discréidí comhfhreagracha a bhaineann le cur i bhfeidhm an cheanglais NSFR ag institiúidí creidmheasa eile, mar atá leagtha amach i gCaibidlí 1 go 4 de Theideal IV de Chuid a Sé de Rialachán (AE) Uimh. 575/2013.

(8)

Chuir factóirí áirithe bac ar chur i bhfeidhm praiticiúil na discréide a ndírítear uirthi in Airteagal 13 de Rialachán (AE) 2016/445 (BCE/2016/4) trína bhféadfaidh údaráis inniúla údarú a thabhairt d’institiúidí ráta eis-sreafa 3 % a chur i bhfeidhm maidir le taiscí miondíola cobhsaí a chumhdaítear le scéim ráthaíochta taiscí, faoi réir ceadú roimh ré ón gCoimisiún Eorpach i gcomhréir le hAirteagal 24(4) agus (5) den Rialachán Tarmligthe (AE) 2015/61. Tá gá le tuilleadh fianaise agus anailíse d’fhonn a thaispeáint go mbeadh na rátaí caillteanais le haghaidh taiscí miondíola cobhsaí a chumhdaítear le scéim ráthaíochta taiscí dá dtagraítear in Airteagal 24(5) den Rialachán Tarmligthe (AE) 2015/61 faoi bhun 3 % le linn aon tréimhse struis a bheadh ag na hinstitiúidí agus atá i gcomhréir leis na cásanna dá dtagraítear in Airteagal 5 de Rialachán Tarmligthe (AE) 2015/61. Cheal fianaise agus anailíse den sórt sin, ba cheart an beartas ginearálta lena n-údaraítear cur i bhfeidhm ráta eis-sreafa 3 % a bhaint de Rialachán (AE) 2016/445 (BCE 2016/4).

(9)

I gcomhréir leis an nós imeachta a leagtar amach in Airteagal 4(3) de Rialachán (AE) Uimh. 1024/2013, tá comhairliúchán poiblí oscailte déanta ag an BCE ar an Rialachán seo.

(10)

Tá cinneadh Bhord Maoirseachta an BCE an togra chun an Rialachán seo a ghlacadh déanta i gcomhréir le hAirteagal 26(7) de Rialachán (AE) Uimh. 1024/2013.

(11)

Ba cheart, dá bhrí sin, Rialachán (AE) 2016/445 (BCE/2016/4) a leasú dá réir,

(1)

Tá feidhm ag dleacht frithdhumpála maidir le hallmhairí páirteanna riachtanacha rothair de thionscnamh Dhaon-Phoblacht na Síne (“an tSín”) (“an dleacht leathnaithe”) mar gur leathnaíodh an dleacht frithdhumpála a fhorchuirtear ar allmhairí rothar de thionscnamh na Síne le Rialachán (CE) Uimh. 71/97.

(2)

Faoi Airteagal 3 de Rialachán (CE) Uimh. 71/97, maidir leis an díolúine d’allmhairí páirteanna riachtanacha rothair nach dtéann timpeall ar an dleacht frithdhumpála, tugtar de chumhacht don Choimisiún na bearta is gá a ghlacadh chun an díolúine sin a údarú.

(3)

Tá na bearta cur chun feidhme sin leagtha amach i Rialachán (CE) Uimh. 88/97 (“an Rialachán díolúine”) lena mbunaítear an córas díolúine sonrach.

(4)

Ar an mbonn sin thug an Coimisiún díolúine do roinnt cóimeálaithe rothar ón díolúine leathnaithe (“na páirtithe díolmhaithe”).

(5)

Mar a fhoráiltear in Airteagal 16(2) den Rialachán díolúine, d’fhoilsigh an Coimisiún liostaí na bpáirtithe ar tugadh díolúine dóibh ina dhiaidh sin (5) in Iris Oifigiúil an Aontais Eorpaigh.

(6)

Glacadh an Cinneadh Cur Chun Feidhme is déanaí ón gCoimisiún (AE) 2022/403 (6) a bhaineann le díolúintí faoin Rialachán díolúine an 3 Márta 2022.

(7)

Chun críocha an Chinnidh seo, tá feidhm ag na sainmhínithe a leagtar amach in Airteagal 1 den Rialachán díolúine.

(8)

Idir an 29 Lúnasa 2019 agus an 1 Iúil 2021, fuair an Coimisiún iarrataí ar dhíolúintí ó na páirtithe a liostaítear i dTáblaí 1 agus 2 lena raibh an fhaisnéis is gá ag gabháil chun cinneadh a dhéanamh maidir le cibé acu is féidir na hiarrataí sin a ghlacadh nó nach féidir i gcomhréir le hAirteagal 4 den Rialachán díolúine.

(9)

Tugadh deis do na páirtithe a d’iarr díolúintí a mbarúlacha a chur in iúl faoi chonclúidí an Choimisiúin maidir le hinghlacthacht a n-iarrataí.

(10)

I gcomhréir le hAirteagal 5(1) den Rialachán Díolúine, agus ar feitheamh cinneadh maidir le fiúntais na n-iarrataí a rinne na páirtithe a d’iarr díolúintí, maidir le híocaíocht na dleachta leathnaithe i dtaobh aon allmhairiú páirteanna riachtanacha rothair a dhearbhaigh na páirtithe sin atá liostaithe i dTábla 1 agus i dTábla 2 lena scaoileadh i saorchúrsaíocht, cuireadh an íocaíocht sin ar fionraí ón lá a fuair an Coimisiún a n-iarrataí faoi seach.

(11)

Tugadh i gcrích an scrúdú ar fhiúntais na n-iarrataí ón bpáirtí a liostaítear i dTábla 1.

Tábla 1

(12)

Le linn an scrúdaithe a rinne an Coimisiún, maidir le luach na bpáirteanna de thionscnamh na Síne, shuigh sé gur lú ná 60 % de luach iomlán na rothar uile a chóimeálann an páirtí atá liostaithe i dTábla 1 é an luach sin.

(13)

Dá bharr sin, tháinig an Coimisiún ar an gconclúid nach dtagann oibríochtaí cóimeála FIRMA ADAM Adam Ziętek faoi raon feidhme Airteagal 13(2) de Rialachán (AE) 2016/1036.

(14)

Ar an gcúis sin, agus i gcomhréir le hAirteagal 7(1) den Rialachán Díolúine, chomhlíon an páirtí atá liostaithe i dTábla 1 na coinníollacha le díolúine a fháil ón dleacht leathnaithe.

(15)

I gcomhréir le hAirteagal 7(2) den Rialachán díolúine, ba cheart feidhm a bheith ag an díolúine ón dáta a gheofar an iarraidh. Mar sin, maidir leis na fiachais chustaim i leith na dleachta leathnaithe atá ar an bpáirtí a iarrann díolúine, ba cheart a mheas go bhfuil na fiachais sin ar neamhní amhail ón dáta céanna.

(16)

Cuireadh an páirtí leasmhar ar an eolas maidir le conclúidí an Choimisiúin faoi fhiúntais a iarrata agus tugadh deis dó barúil a chur in iúl faoi.

(17)

Ós rud é nach bhfuil feidhm ag an díolúine ach maidir leis an bpáirtí dá dtagraítear go sonrach i dTábla 1, ba cheart don pháirtí díolmhaithe fógra a thabhairt don Choimisiún (7) gan mhoill maidir le haon athrú ar an díolúine sin (mar shampla, tar éis athrú ar an ainm, ar an bhfoirm dhlíthiúil nó ar an seoladh nó tar éis eintitis chóimeála nua a chur ar bun).

(18)

Má thagann athrú ar thagairt, ba cheart don pháirtí díolmhaithe faisnéis ábhartha a chur ar fáil, lena n-áirítear aon athrú ar a ghníomhaíocht atá nasctha le hoibríochtaí cóimeála. I gcás inarb iomchuí, tabharfaidh an Coimisiún na tagairtí cothrom le dáta dá réir sin.

(19)

Tá an scrúdú ar fhiúntais na n-iarrataí ó na páirtithe atá liostaithe i dTábla 2 fós ar siúl. Ar feitheamh cinneadh maidir le fiúntais a n-iarrataí, tá íocaíocht na dleachta leathnaithe ó na páirtithe sin curtha ar fionraí.

(20)

Ós rud é nach bhfuil feidhm ag an bhfionraí ach maidir leis na páirtithe dá dtagraítear go sonrach i dTábla 2, ba cheart do na páirtithe sin fógra a thabhairt don Choimisiún (8) gan mhoill maidir le haon athrú orthu sin (mar shampla, tar éis athrú ar an ainm, ar an bhfoirm dhlíthiúil nó ar an seoladh nó tar éis eintitis chóimeála nua a chur ar bun).

(21)

Má thagann athrú ar thagairt, ba cheart don pháirtí lena mbaineann an fhaisnéis ábhartha uile a chur ar fáil, lena n-áirítear aon athrú ar a ghníomhaíocht atá nasctha le hoibríochtaí cóimeála. I gcás inarb iomchuí, déanfaidh an Coimisiún na tagairtí do pháirtithe den sórt sin a thabhairt cothrom le dáta.

Tábla 2

(22)

Idir an 31 Márta 2021 agus an 7 Bealtaine 2021, thug na páirtithe díolmhaithe nó na páirtithe ar fionraí atá liostaithe i dTábla 3 fógra don Choimisiún faoi athruithe ar a dtagairtí (ainmneacha, foirmeacha dlíthiúla agus/nó seoltaí). Tar éis don Choimisiún scrúdú a dhéanamh ar an bhfaisnéis a cuireadh isteach, tháinig sé ar an gconclúid nach ndéanann na hathruithe difear do na hoibríochtaí cóimeála maidir leis na coinníollacha díolúine nó fionraí a leagtar amach sa Rialachán Díolúine.

(23)

Cé nach ndéantar difear do dhíolúine ná d’fhionraí na bpáirtithe sin i dtaca leis an dleacht leathnaithe i gcomhréir le hAirteagal 5(1) nó Airteagal 7(1) den Rialachán díolúine, ba cheart na tagairtí do na páirtithe sin a thabhairt cothrom le dáta.

Tábla 3

(24)

Chuir na páirtithe a liostaítear i dTábla 4 iarrataí ar dhíolúintí isteach ach measadh go raibh siad neamh-inghlactha de réir bhrí Airteagal 4(4) den Rialachán díolúine, mar níor chomhlíon siad na coinníollacha a leagtar amach in Airteagail 1 agus 2 den Rialachán sin.

Tábla 4

(25)

Na páirtithe atá liostaithe i dTábla 4, cuireadh ar an eolas iad faoi chonclúidí an Choimisiúin agus tugadh deis dóibh barúil a chur in iúl faoi.

(26)

Ní bhfuarthas aon bharúil ó UW Werkmaatschappij B.V. ná ó Smart Urban Mobility B.V. faoi chonclúidí an Choimisiúin.

(27)

Sna barúlacha a thug Bicicletas Mendiz SA agus MK Bicycles GmbH, d’iarr siad go ndéanfadh an Coimisiún athmhachnamh ar an diúltú ar bhonn na doiciméadachta breise agus na n-argóintí a chuir siad ar fáil.

(28)

Tar éis don Choimisiún na doiciméid agus na hargóintí faoi seach a mheasúnú go cuí, tháinig sé ar an gconclúid nárbh fhéidir leis na haighneachtaí breise tacú leis na hiarrataí chun athmhachnamh a dhéanamh ar na conclúidí a nochtadh roimhe seo. Mar sin, deimhníodh go bhfuil na hiarrataí ar dhíolúintí neamh-inghlactha.

(29)

Cuireadh na páirtithe ar an eolas dá réir agus tugadh deis dóibh a mbarúlacha faoi sin a chur in iúl. Ní bhfuarthas barúlacha breise faoi chonclúidí an Choimisiúin.

(30)

Idir an 25 Márta 2021 agus an 28 Deireadh Fómhair 2021, tugadh fógra don Choimisiún gur foirceannadh an dá pháirtí dhíolmhaithe a liostaítear i dTábla 5 agus gur scoir siad dá ngníomhaíochtaí.

(31)

Foirceannadh Sachsenring Bike Manufaktur GmbH agus scoir sé dá ghníomhaíochtaí an 12 Eanáir 2021 tar éis féimheachta, agus foirceannadh Cicli Cinzia srl agus scoir sé dá ghníomhaíochtaí an 27 Eanáir 2021.

(32)

Dá bharr sin, tháinig an Coimisiún ar an gconclúid gur cheart an t-údarú díolúine a tugadh do Sachsenring Bike Manufaktur GmbH a tharraingt siar amhail ón 12 Eanáir 2021, agus ba cheart an t-údarú díolúine a tugadh do Cicli Cinzia srl a tharraingt siar amhail ón 27 Eanáir 2021, i gcomhréir le prionsabal an dea-riaracháin.

(33)

Na páirtithe atá liostaithe i dTábla 5, cuireadh ar an eolas iad faoi chonclúidí an Choimisiúin agus tugadh deis dóibh barúil a chur in iúl faoi.

(34)

Ní bhfuarthas aon bharúil ó Sachsenring Bike Manufaktur GmbH faoi chonclúidí an Choimisiúin.

(35)

Sa bharúil a thug Cicli Cinzia srl, d’iarr sé ar an gCoimisiún athmhachnamh a dhéanamh ar tharraingt siar an údaraithe díolúine.

(36)

Tar éis don Choimisiún an iarraidh a mheasúnú go cuí, tháinig sé ar an gconclúid nár cuireadh aon argóint nua chun tosaigh chun tacú le hathmheasúnú a dhéanamh ar na conclúidí a nochtadh roimhe seo. Dá bharr sin, deimhníodh tarraingt siar an údaraithe díolúine agus cuireadh an páirtí ar an eolas dá réir.

Tábla 5

(1)

Ceanglaítear le hAirteagal 11(2) den Chomhaontú Airgeadaíochta idir an tAontas Eorpach agus Prionsacht Mhonacó (“an Comhaontú Airgeadaíochta”) ar Phrionsacht Mhonacó na gníomhartha dlí céanna agus na rialacha céanna a leagtar síos i bPoblacht na Fraince a chur i bhfeidhm chun na gníomhartha dlí de chuid an Aontais maidir le gníomhaíochtaí agus rialáil stuamachta na n-institiúidí creidmheasa agus maidir le rioscaí sistéimeacha i gcórais íocaíochta agus socraíochta urrús a liostaítear in Iarscríbhinn A a thrasuí.

(2)

I gcomhréir le hAirteagal 11(3) den Chomhaontú Airgeadaíochta, ní mór don Choimisiún Iarscríbhinn A den Chomhaontú sin a thabhairt cothrom le dáta gach uair a leasaítear téacsanna na ngníomhartha lena mbaineann agus gach uair a ghlacann an tAontas Eorpach téacs nua.

(3)

Tá téacsanna nua glactha ag an Aontas Eorpach agus tá leasuithe déanta ar na téacsanna a luaitear cheana in Iarscríbhinn A.

(4)

Dá bhrí sin, ba cheart Iarscríbhinn A a ghabhann leis an gComhaontú Airgeadaíochta a leasú,

(1)

I litir dar dáta an 7 Feabhra 2022, thug Éire fógra foirmiúil, i gcomhréir le hAirteagal 4 de Phrótacal Uimh. 21, gur mian léi glacadh le Rialachán (AE) 2021/1147 agus a bheith faoi cheangal aige.

(2)

Ní bhaineann aon choinníoll le rannpháirtíocht na hÉireann i Rialachán (AE) 2021/1147.

(3)

Dá bhrí sin ba cheart don Choimisiún, i gcomhréir leis an nós imeachta dá bhforáiltear in Airteagal 331(1) den Chonradh, rannpháirtíocht na hÉireann i Rialachán (AE) 2021/1147 a dheimhniú.

(1)

An 4 Aibreán 2017 ghlac an Banc Ceannais Eorpach (BCE) Treoirlíne (AE) Uimh. 2017/697 ón mBanc Ceannais Eorpach (BCE/2017/9) (2) (anseo feasta an ‘Treoirlíne O&D’), inar bhunaigh sé beartais ghinearálta maidir le feidhmiú roghanna agus discréidí áirithe dá bhforáiltear faoi dhlí an Aontais ag údaráis inniúla náisiúnta i ndáil le hinstitiúidí ar lú a suntas. Leasaíodh nó scriosadh le reachtaíocht a tugadh isteach ón uair a glacadh an Treoirlíne O&D cuid de na roghanna agus na discréidí dá bhforáiltear faoi dhlí an Aontais a cuireadh san áireamh sa Treoirlíne O&D. Dá bhrí sin, tá gá le leasuithe iarmhartacha áirithe ar an Treoirlíne O&D.

(2)

Maidir leis na rátaí eis-sreafaí atá le cur i bhfeidhm ar thaiscí miondíola cobhsaí, chuir factóirí áirithe bac ar chur i bhfeidhm praiticiúil na discréide a ndírítear uirthi in Airteagal 13 de Rialachán (AE) 2016/445 ón mBanc Ceannais Eorpach (BCE/2016/4) (3) agus in Airteagal 7 den Treoirlíne O&D trínar féidir le húdaráis inniúla údarú a thabhairt d’institiúidí ráta eis-sreafa 3 % a chur i bhfeidhm ar thaiscí miondíola cobhsaí a chumhdaítear le scéim ráthaíochta taisce (SRT), faoi réir cheadú roimh ré ón gCoimisiún Eorpach i gcomhréir le hAirteagal 24(4) agus (5) de Rialachán Tarmligthe (AE) 2015/61 ón gCoimisiún (4). Tá gá le tuilleadh fianaise agus anailíse d’fhonn a thaispeáint go mbeadh na rátaí caillteanais le haghaidh taiscí miondíola cobhsaí a chumhdaítear le SRT dá dtagraítear in Airteagal 24(5) den Rialachán Tarmligthe (AE) 2015/61 faoi bhun 3 % le linn aon tréimhse struis a bheadh ag na hinstitiúidí agus atá i gcomhréir leis na cásanna dá dtagraítear in Airteagal 5 den Rialachán Tarmligthe (AE) 2015/61. Cheal fianaise agus anailíse den sórt sin, ba cheart an beartas ginearálta lena n- údaraítear cur i bhfeidhm ráta eis-sreabhaidh 3 % a bhaint de Rialachán (AE) 2016/445 (BCE 2016/4).

(3)

Maidir leis an rogha a deonaíodh d’údaráis inniúla faoi Airteagal 12(1)(c)(i) den Rialachán Tarmligthe (AE) 2015/61 maidir le mór-innéacsanna malartáin a shainaithint chun na scaireanna a d’fhéadfadh cáiliú mar shócmhainní Leibhéal 2B sa chóimheas clúdach leachtachta a shainaithint, ba cheart í a fheidhmiú go comhsheasmhach d’institiúidí suntasacha agus d’institiúidí ar lú a suntas. Tá sé i gceist ag an discréid a chinntiú nach n-áiríonn institiúidí creidmheasa ina maolán leachtachta ach na scaireanna sin a áirítear in innéacsanna ar féidir glacadh le leachtacht mhargaidh na scaireanna foluiteacha ina leith. Ó tharla nach bhfuil tionchar díreach ag suntasacht ná méid institiúide creidmheasa ar leachtacht mhargaidh na scaireanna foluiteacha sna hinnéacsanna ábhartha, ní bheadh sé iomchuí cóir dhifreáilte a chur i bhfeidhm d’institiúidí suntasacha agus institiúidí ar lú a suntas.

(4)

Maidir leis an rogha a tugtar d’údaráis inniúla faoi Airteagal 12(3) de Rialachán Tarmligthe (AE) 2015/61 maolú a dhéanamh ar phointí (ii) agus (iii) de mhír 1(b) den Airteagal céanna i gcás institiúidí creidmheasa nach féidir, i gcomhréir lena reachtanna corpraithe, sócmhainní úsmhara a shealbhú ar chúiseanna a bhaineann le cleachtadh reiligiúnach, ba cheart í a fheidhmiú go comhsheasmhach d’institiúidí suntasacha agus d’institiúidí ar lú a suntas, d’fhonn na critéir a chomhchuibhiú chun sócmhainní Leibhéal 2B a shainaithint i ndáil le hurrúis fiachais chorparáideacha.

(5)

Maidir leis an discréid a deontar d’údaráís inniúla faoi Airteagal 428p(10) de Rialachán (AE) Uimh. 575/2013 ó Pharlaimint na hEorpa agus ón gComhairle (5) maidir leis an gceanglas cóimheasa glanchistiúcháin chobhsaí (net stable funding ratio, NFSR) ar dá réir a fhéadfaidh údaráis inniúla na fachtóirí cistiúcháin chobhsaí cheangailtigh a chinneadh le cur i bhfeidhm ar risíochtaí lasmuigh den chlár comhardaithe nach dtagraítear dóibh i gCaibidil 4 de Theideal IV de Chuid a Sé den Rialachán sin, ba cheart í a fheidhmiú ar bhealach comhsheasmhach d’institiúidí suntasacha agus d’institiúidí ar lú a suntas. Nascann an beartas i ndáil le hinstitiúidí suntasacha na fachtóirí cistiucháin chobhsaí cheangailtigh sa NSFR leis na rátaí eis-sreafaí a chuirtear i bhfeidhm sa chóimheas cumhdaigh leachtachta (liquidity coverage ratio, LCR), agus solúbthacht a fhágáil don BCE ag an am céanna fachtóirí cistiúcháin chobhsaí cheangailtigh difriúla a chinneadh. Tá cothromaíocht ag baint leis an gcur chuige seo, ar mhaithe le simplíocht agus stuamacht, idir na fachtóirí atá le cur i bhfeidhm i ríomh an CCGC a chur ar chothrom leis na factóirí a chinntear chun críocha an LCR, ach cóireáil dhifriúil á cheadú fós i gcásanna nach léireodh an nascadh seo an priacal cistiúcháin gaolmhar mar is ceart. Níl sé riachtanach nó cuí imeacht ón gcur chuige sin i ndáil le hinstitiúidí ar lú a suntas mar níor cheart, i bprionsabal, go n-athródh an mhodheolaíocht chun na factóirí cistiúcháin chobhsaí cheangailtigh a chur i bhfeidhm ar na risíochtaí lasmuigh den chlár comhardaithe ar fud institiúidí creidmheasa. Ar an gcúis chéanna, ba cheart an discréid a deontar d’údaráis inniúla de bhun Airteagal 428aq(10) de Rialachán (AE) Uimh. 575/2013 i ndáil leis an NSFR arna ríomh de réir an chur chuige simplithe a fheidhmiú ar an gcaoi chéanna.

(6)

Ba cheart an discréid a tugtar d’údaráis inniúla faoi Airteagal 428q(2) de Rialachán (AE) Uimh. 575/2013 trína gcinnfidh siad téarma ualaithe maidir le sócmhainní leithscartha i gcomhréir le risíocht foluiteach na sócmhainní sin, a fheidhmiú ar an mbealach céanna le haghaidh institiúidí suntasacha agus institiúidí ar lú a suntas. Ba cheart sócmhainní a leithscaradh agus nach bhfuil indiúscartha gan srian a mheas mar ualaithe ar feadh tréimhse a fhreagraíonn do théarma na ndliteanas i leith chlianit na n-institiúidí lena mbaineann an ceanglas sin um leithscaradh, agus dá bhrí sin, ba cheart iad a mhaoiniú i gceart le linn na tréimhse sin. Tá feidhm ag an réasúnaíocht seo beag beann ar mhéid na hinstitiúide lena mbaineann. Ba cheart an discréid a tugtar d’údaráis inniúla de bhun Airteagal 428ar(2) de Rialachán (AE) Uimh. 575/2013 i ndáil leis an NSFR arna ríomh de réir an chur chuige simplithe a fheidhmiú ar an gcaoi chéanna ar na cúiseanna céanna a leagtar amach thuas agus freisin toisc nach bhfuil aon réasúnaíocht stuamachta ann a thabharfadh údar cuí le cur chuige difriúil maidir leis an NSFR arna ríomh de réir an chur chuige simplithe. Ba cheart na forálacha sa Treoirlíne seo lena gcuirtear i bhfeidhm na roghanna agus na discréidí i ndáil le risíochtaí inghrúpa a dhíolmhú ó chur i bhfeidhm teorainneacha na risíochtaí móra a leagtar amach in Airteagal 400(2) de Rialachán (AE) Uimh. 575/2013 a leasú agus a fheidhmiú go comhsheasmhach le haghaidh institiúidí suntasacha agus institiúidí ar lú a suntas. Ón uair a glacadh Rialachán (AE) 2016/445 (BCE/2016/4) tá méadú tagtha ar leibhéal imní stuamachta an BCE faoi chleachtais chlárúcháin institiúidí creidmheasa a bhaineann le heintitis atá bunaithe i dtríú tíortha. Ba cheart, dá bhrí sin, raon feidhme na rogha seo a theorannú do risíochtaí inghrúpa ar eintitis atá bunaithe laistigh den Aontas, agus é mar éifeacht leis sin nach bhféadfar risíochtaí inghrúpa ar eintitis i dtríú tíortha a dhíolmhú ó theorainneacha ábhartha na risíochtaí móra ach amháin tar éis réamh-mheasúnaithe maoirseachta ar bhonn cás ar chás.

(7)

Ba cheart an Treoirlíne O&D a leasú chun go gceadófar le hinstitiúidí creidmheasa a chomhlíonann na critéir ábhartha, trí theorainn chainníochtúil ar luach na risíochtaí ábhartha a urramú, úsáid a bhaint as díolúine pháirteach i dteannta na díolúine iomláine atá ar fáil faoi láthair. Ba cheart go gcabhródh cur i bhfeidhm leathnaithe den sórt sin le cothrom na féinne d’institiúidí creidmheasa sna Ballstáit rannpháirteacha a chothabháil, chomh maith le rioscaí comhchruinnithe a eascraíonn as risíochtaí ar leith a theorannú agus a chinntiú go gcuirtear na híoschaighdeáin chéanna i bhfeidhm ar fud an tSásra Maoirseachta Aonair.

(8)

Ba cheart, dá bhrí sin, Treoirlíne (AE) 2017/697 (BCE/2017/9) a leasú dá réir.