(1)

Le Rialachán (CE) Uimh. 272/2009 (2) ón gCoimisiún forlíontar na bunchaighdeáin chomhchoiteanna maidir le slándáil na heitlíochta sibhialta a leagtar síos san Iarscríbhinn a ghabhann le Rialachán (CE) Uimh. 300/2008.

(2)

Cuirtear de chúram ar an gCoimisiún faoi Rialachán (CE) Uimh. 272/2009 coibhéis caighdeán slándála tríú tíortha a aithint, i gcomhréir leis na critéir a leagtar amach i gCuid E den Iarscríbhinn a ghabhann leis an Rialachán sin.

(3)

Liostaítear san Iarscríbhinn a ghabhann le Rialachán Cur Chun Feidhme (AE) 2015/1998 ón gCoimisiún (3) na tríú tíortha atá aitheanta mar thíortha a chuireann caighdeáin slándála i bhfeidhm atá coibhéiseach leis na bunchaighdeáin chomhchoiteanna.

(4)

D’fhíoraigh an Coimisiún go gcomhlíonann Poblacht na Seirbia, maidir le hAerfort Nikola Tesla Bhéalgrád, na critéir a leagtar amach i gCuid E den Iarscríbhinn a ghabhann le Rialachán (CE) Uimh. 272/2009, maidir leis an mbraitheoireacht ar phaisinéirí agus ar bhagáiste cábáin, agus leis an mbraitheoireacht ar bhagáiste boilg, ar lasta agus ar phost agus le slándáil na n-aerárthaí.

(5)

D’fhíoraigh an Coimisiún go gcomhlíonann Stát Iosrael, maidir le hAerfort Idirnáisiúnta Ben Gurion, na critéir a leagtar amach i gCuid E den Iarscríbhinn a ghabhann le Rialachán (CE) Uimh. 272/2009, maidir le slándáil na n-aerárthaí agus leis an mbraitheoireacht ar phaisinéirí agus ar bhagáiste cábáin.

(6)

Le Rialachán Cur Chun Feidhme (AE) 2020/111 ón gCoimisiún (4) lena leasaítear Rialachán Cur Chun Feidhme (AE) 2015/1998 ón gCoimisiún, cuireadh Poblacht na Seirbia, maidir le hAerfort Nikola Tesla Bhéalgrád, agus Stát Iosrael, maidir le hAerfort Idirnáisiúnta Ben Gurion, san áireamh sna Ceangaltáin ábhartha ina liostaítear tríú tíortha atá aitheanta mar thíortha a chuireann caighdeáin slándála i bhfeidhm atá coibhéiseach leis na bunchaighdeáin chomhchoiteanna.

(7)

Le Rialachán Cur Chun Feidhme (AE) 2019/413 ón gCoimisiún (5) lena leasaítear Rialachán Cur Chun Feidhme (AE) 2015/1998 aithníodh Ríocht Aontaithe na Breataine Móire agus Thuaisceart Éireann mar thír a chuireann caighdeáin slándála i bhfeidhm atá coibhéiseach leis na bunchaighdeáin chomhchoiteanna. San iarscríbhinn atá ag gabháil leis an Rialachán sin, rinneadh, inter alia, Ceangaltáin nua inar luadh Ríocht Aontaithe na Breataine Móire agus Thuaisceart Éireann a chur in ionad inneachar uile Cheangaltáin 3-B, 4-B, 5-A agus 6-F.

(8)

Leagadh síos le hAirteagal 3 de Rialachán Cur Chun Feidhme (AE) 2019/413 ón gCoimisiún dáta chur i bhfeidhm an Rialacháin sin, mar atá, an dáta tar éis an dáta ar a dtiocfadh deireadh le feidhm na gConarthaí ar Ríocht Aontaithe na Breataine Móire agus Thuaisceart Éireann agus laistigh de Ríocht Aontaithe na Breataine Móire agus Thuaisceart Éireann de bhun Airteagal 50(3) den Chonradh ar an Aontas Eorpach. Toisc na moille a d’fhág gur cuireadh Rialachán Cur Chun Feidhme (AE) 2019/413 i bhfeidhm an 1 Eanáir 2021, ón lá sin rinne ceangaltáin ionad Cheangaltáin 3-B, 4-B, 5-A agus 6-F agus liostaí iontu nach bhfuil ar aon dul leis na modhnuithe a rinneadh tar éis ghlacadh Rialachán Cur Chun Feidhme (AE) 2019/413, eadhon na modhnuithe a tugadh isteach trí bhíthin Rialachán Cur Chun Feidhme (AE) 2020/111.

(9)

Dá bhrí sin, is gá, maidir le liostaí na dtríú tíortha atá aitheanta mar thíortha a chuireann caighdeáin slándála i bhfeidhm atá coibhéiseach leis na bunchaighdeáin chomhchoiteanna, na liostaí cearta a athbhunú trí na tríú tíortha sin a bhí curtha leo le Rialachán Cur Chun Feidhme (AE) 2020/111 a chur leo.

(10)

Le Rialachán Cur Chun Feidhme (AE) 2021/255 ón gCoimisiún (6) lena leasaítear Rialachán Cur Chun Feidhme (AE) 2015/1998, tugadh treochlár nua isteach maidir le suiteáil trealaimh córas braite pléascán (EDS) de chaighdeán 3 a chur i gcrích de réir a chéile le haghaidh braitheoireacht ar an mbagáiste boilg sna haerfoirt Eorpacha, agus cuireadh an tsolúbthacht ba ghá de thairbhe phaindéim COVID-19 san áireamh. Agus an treochlár sin á tharraingt suas, níor tugadh solúbthacht bhreise den sórt sin ón 1 Meán Fómhair 2021, trí bhotún, d’oibreoirí a úsáideann trealamh EDS de chaighdeán 2 fós chun braitheoireacht a dhéanamh ar lasta agus ar phost. Ba cheart an rogha a thabhairt do na húdaráis iomchuí fadú réasúnta ar úsáid EDS de chaighdeán 2 a cheadú i gcás na n-oibreoirí a dhéanann braitheoireacht ar lasta agus ar phost freisin.

(11)

Is léir ón taithí a fuarthas agus Rialachán Cur Chun Feidhme (AE) 2015/1998 á chur chun feidhme gur gá roinnt leasuithe ar mhódúlachtaí cur chun feidhme bunchaighdeán comhchoiteann áirithe, faoi seach, i réimse bailíochtóirí slándála eitlíochta de chuid an Aontais agus i réimse an deiridh atá le cur, de réir a chéile, le trealamh x-gha aon-amhairc. Is gá na forálacha lena mbaineann san Iarscríbhinn a choigeartú d’fhonn an tsoiléireacht dhlíthiúil a fheabhsú, an léirmhíniú coiteann ar an reachtaíocht a chaighdeánú agus feabhas chur chun feidhme na mbunchaighdeán comhchoiteann i réimse shlándáil na heitlíochta a áirithiú a thuilleadh.

(12)

Dá bhrí sin, ba cheart Rialachán Cur Chun Feidhme (AE) 2015/1998 a leasú dá réir.

(13)

Tá na bearta dá bhforáiltear sa Rialachán seo i gcomhréir leis an tuairim ón gCoiste dá dtagraítear in Airteagal 19 de Rialachán (CE) Uimh. 300/2008,

(1)

Chun an córas TF díláraithe a bhunú chun doiciméad a chur in iúl agus a mhalartú chun fianaise a ghlacadh, is gá sonraíochtaí teicniúla, bearta agus ceanglais eile a shainiú agus a ghlacadh chun an córas sin a chur chun feidhme.

(2)

Tá uirlisí ann a forbraíodh chun sonraí a bhaineann le cásanna a mhalartú go digiteach, gan na córais TF atá ar bun cheana sna Ballstáit a athsholáthar ná gan gá a bheith le modhnuithe costasacha ar na córais TF sin. An Córas Cumarsáide r-Cheartais trí Mhalartú Sonraí ar Líne (e-CODEX), tá sé ar an bpríomhuirlis den sórt sin a forbraíodh go dtí seo.

(3)

Is éard ba cheart a bheith sa chóras TF díláraithe córais chúil na mBallstát agus pointí rochtana idir-inoibritheacha trína bhfuil siad idirnasctha. Ba cheart pointí rochtana an chórais TF díláraithe a bheith bunaithe ar e-CODEX.

(4)

Nuair a bheidh an córas TF díláraithe forbartha, áiritheoidh an coiste stiúrtha go n-oibreoidh sé agus go gcothófar é. Ba cheart don Choimisiún an coiste stiúrtha a bhunú i ngníomh ar leithligh.

(5)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (2) agus thug sé a thuairim uaidh an 24 Eanáir 2022.

(6)

Na bearta dá bhforáiltear sa Rialachán seo, tá siad i gcomhréir leis an tuairim ón gCoiste um chomhar idir cúirteanna na mBallstát le linn fianaise a ghlacadh in ábhair shibhialta agus thráchtála,

(1)

Chun an córas TF díláraithe a bhunú, is gá sonraíochtaí teicniúla, bearta agus ceanglais eile a shainiú agus a ghlacadh chun an córas sin a chur chun feidhme.

(2)

Tá uirlisí ann a forbraíodh chun sonraí a bhaineann le cásanna a mhalartú go digiteach, gan na córais TF atá ar bun cheana sna Ballstáit a athsholáthar ná gan gá a bheith le modhnuithe costasacha ar na córais TF sin. An Córas Cumarsáide r-Cheartais trí Mhalartú Sonraí ar Líne (e-CODEX), tá sé ar an bpríomhuirlis den sórt sin a forbraíodh go dtí seo.

(3)

Is éard ba cheart a bheith sa chóras TF díláraithe córais chúil na mBallstát agus pointí rochtana idir-inoibritheacha trína bhfuil siad idirnasctha. Ba cheart pointí rochtana an chórais TF díláraithe a bheith bunaithe ar e-CODEX.

(4)

Nuair a bheidh an córas TF díláraithe forbartha, áiritheoidh an coiste stiúrtha go n-oibreoidh sé agus go gcothófar é. Ba cheart don Choimisiún an coiste stiúrtha a bhunú i ngníomh ar leithligh.

(5)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (2) agus thug sé a thuairim uaidh an 24 Eanáir 2022.

(6)

Na bearta dá bhforáiltear sa Rialachán seo, tá siad i gcomhréir leis an tuairim ón gCoiste um dhoiciméid bhreithiúnacha agus sheachbhreithiúnacha a sheirbheáil sna Ballstáit in ábhair shibhialta agus thráchtála,

(1)

Le Rialachán (AE) 2016/429 leagtar síos, inter alia, na ceanglais sláinte ainmhithe maidir le coinsíneachtaí ainmhithe, táirgí geirmeacha agus táirgí de bhunadh ainmhíoch a theacht isteach san Aontas, agus tá feidhm aige ón 21 Aibreán 2021. Ceann de na ceanglais sláinte ainmhithe sin is ea gur gá na coinsíneachtaí sin a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin.

(2)

Le Rialachán Tarmligthe (AE) 2020/692 (2) ón gCoimisiún forlíontar Rialachán (AE) 2016/429 a mhéid a bhaineann le ceanglais sláinte ainmhithe maidir le coinsíneachtaí speiceas agus catagóirí áirithe d’ainmhithe, de tháirgí geirmeacha agus de tháirgí de bhunadh ainmhíoch a theacht isteach san Aontas ó thríú tíortha nó ó chríocha, nó ó chriosanna nó ó dheighleoga de thríú tír nó de chríoch. Le Rialachán Tarmligthe (AE) 2020/692, is éard a fhoráiltear nach gceadófar coinsíneachtaí ainmhithe, táirgí geirmeacha ná táirgí de bhunadh ainmhíoch a thagann faoina raon feidhme a theacht isteach san Aontas ach amháin más ó thríú tír nó ó chríoch, nó ó chrios nó ó dheighleog de thríú tír nó de chríoch a thagann siad a liostaítear le haghaidh an speicis agus na gcatagóirí áirithe sin ainmhithe, táirgí geirmeacha agus táirgí de bhunadh ainmhíoch i gcomhréir leis na ceanglais sláinte ainmhithe a leagtar síos sa Rialachán Tarmligthe sin.

(3)

Le Rialachán Cur Chun Feidhme (AE) 2021/404 (3) ón gCoimisiún bunaítear na liostaí de thríú tíortha nó de chríocha, nó criosanna nó deighleoga de thríú tír nó de chríoch, óna gceadaítear speicis agus catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas. Déantar na liostaí agus rialacha ginearálta áirithe maidir leis na liostaí a leagan amach in Iarscríbhinní I go XXII a ghabhann leis an Rialachán Cur Chun Feidhme sin.

(4)

Le hIarscríbhinn IV a ghabhann le Rialachán Cur Chun Feidhme (AE) 2021/404, leagtar amach an liosta de thríú tíortha, de chríocha nó de chriosanna de thríú tír nó de chríoch óna n-údaraítear do choinsíneachtaí each-ainmhithe a theacht isteach san Aontas. Ba cheart an tagairt earráideach i dteideal cholún 2 den liosta sin a cheartú. Dá bhrí sin, ba cheart Iarscríbhinn IV a ghabhann le Rialachán Cur Chun Feidhme (AE) 2021/404 a cheartú dá réir.

(5)

Le Roinn A de Chuid 1 d’Iarscríbhinn XV a ghabhann le Rialachán Cur Chun Feidhme (AE) 2021/404 leagtar amach an liosta de thríú tíortha, de chríocha nó de chriosanna de thríú tír nó de chríoch atá údaraithe i dtaca le coinsíneachtaí de tháirgí feola ó chrúbacha, ó éanlaith chlóis agus ó éin ghéim a theacht isteach san Aontas. Sa chúigiú colún den liosta sin, ba cheart go léireofaí san iontráil a bhaineann leis an tSeirbia a mhéid a bhaineann le muc-ainmhithe na cóireálacha maolúcháin riosca B nó C dá dtagraítear in Airteagal 1, pointe (a), de Rialachán Cur Chun Feidhme (AE) 2019/1351 ón gCoimisiún (4), cóireálacha maolúcháin riosca a raibh feidhm acu go dtí an 31 Nollaig 2021 agus a leagtar amach anois in Iarscríbhinn XXVI a ghabhann le Rialachán Tarmligthe (AE) 2020/692. Ba cheart an iontráil sin a bhaineann leis an tSeirbia a cheartú, agus ba cheart Iarscríbhinn XV a ghabhann le Rialachán Cur Chun Feidhme (AE) 2021/404 a cheartú dá réir.

(6)

Le hIarscríbhinn XVI a ghabhann le Rialachán Cur Chun Feidhme (AE) 2021/404, leagtar amach an liosta de thríú tíortha, de chríocha nó de chriosanna de thríú tír nó de chríoch óna n-údaraítear do choinsíneachtaí cásálacha a theacht isteach san Aontas. Chuir an Mhongóil a cuid freagraí ar cheistneoir faoi bhráid an Choimisiúin, ceistneoir a bhain le coinsíneachtaí cásálacha ón tríú tír sin a theacht isteach san Aontas ó thaobh sláinte ainmhithe agus sláinte poiblí de. Sholáthair an Mhongóil a dóthain fianaise agus ráthaíochtaí don Choimisiún freisin le go gcuirfí leis an liosta sin í, liosta ba cheart a leasú dá bhrí sin chun an tríú tír sin a chuimsiú. Dá bhrí sin, ba cheart Iarscríbhinn XVI a ghabhann le Rialachán Cur Chun Feidhme (AE) 2021/404 a leasú dá réir.

(7)

Le hIarscríbhinn XVII a ghabhann le Rialachán Cur Chun Feidhme (AE) 2021/404 leagtar síos liosta de thríú tíortha nó de chríocha, nó de chriosanna de thríú tír nó de chríoch, atá údaraithe i dtaca le bainne, gruth buí, táirgí bunaithe ar ghruth buí, táirgí déiríochta a dhíorthaítear ó bhainne amh agus táirgí déiríochta a theacht isteach san Aontas, ar táirgí iad nach bhfuil faoi réir cóireáil shonrach maolaithe riosca in aghaidh an ghalair crúb agus béil. Ba cheart a chur san áireamh sa liosta sin an liosta de thríú tíortha nó de chodanna díobh atá údaraithe i dtaca le coinsíneachtaí de bhainne amh, táirgí déiríochta, gruth buí agus táirgí bunaithe ar ghruth buí a thabhairt isteach san Aontas Eorpach, agus ina bhfuil léiriú den chineál cóireála teasa is gá le haghaidh tráchtearraí den sórt, liosta a leagtar amach in Iarscríbhinn I a ghabhann le Rialachán Cur Chun Feidhme (AE) Uimh. 605/2010 ón gCoimisiún (5), toisc gur aisghaireadh Rialachán Cur Chun Feidhme (AE) Uimh. 605/2010 agus gur cuireadh Rialachán Cur Chun Feidhme (AE) 2021/404 ina ionad. Dá bhrí sin, ba cheart Iarscríbhinn XVII a ghabhann le Rialachán Cur Chun Feidhme (AE) 2021/404 a cheartú sa chaoi go mbeidh iontráil ann a bhaineann le hOileán Mhanann, iontráil a liostaíodh in Iarscríbhinn I a ghabh le Rialachán (AE) Uimh. 605/2010.

(8)

Le hIarscríbhinn XXI a ghabhann le Rialachán Cur Chun Feidhme (AE) 2021/404, leagtar amach an liosta de thríú tíortha, de chríocha nó de chriosanna nó de dheighleoga de thríú tír nó de chríoch óna n-údaraítear do choinsíneachtaí ainmhithe uisceacha beo de speicis liostaithe a theacht isteach san Aontas. Ba cheart an Iarscríbhinn sin a cheartú trí Chodanna 2, 3 agus 4 a chur isteach arís, Codanna mar ab infheidhme sular leasaíodh Iarscríbhinn XXI a ghabhann le Rialachán Cur Chun Feidhme (AE) 2021/404 le Rialachán Cur Chun Feidhme (AE) 2021/1937 ón gCoimisiún (6), agus a scriosadh go neamhbheartaithe leis an Rialachán Cur Chun Feidhme sin. Dá bhrí sin, ba cheart Iarscríbhinn XXI a ghabhann le Rialachán Cur Chun Feidhme (AE) 2021/404 a cheartú dá réir.

(9)

Dá bhrí sin, ba cheart Rialachán Cur Chun Feidhme (AE) 2021/404 a leasú agus a cheartú dá réir.

(10)

Ós rud é go bhfuil feidhm ag Rialachán Cur Chun Feidhme (AE) 2021/404 ón 21 Aibreán 2021, ar mhaithe le deimhneacht dhlíthiúil, is díol práinne éifeacht a bheith ag na leasuithe agus na ceartúcháin atá le déanamh leis an Rialachán seo ar Rialachán Cur Chun Feidhme (AE) 2021/404.

(11)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

De bhun Airteagal 20 de Rialachán Cur Chun Feidhme (AE) 2019/947 ón gCoimisiún (2), na córais aerárthaigh gan foireann (“UAS”) nach gcomhlíonann Rialachán Tarmligthe (AE) 2019/945 ón gCoimisiún (3) agus nár tógadh go príobháideach, ceadaítear leanúint dá n-úsáid sa chatagóir “oscailte” faoi dhálaí oibríochtúla teoranta áirithe, i gcás inar cuireadh ar an margadh iad roimh an 1 Eanáir 2023. De bhun Airteagal 22 de Rialachán Cur Chun Feidhme (AE) 2019/947, UASanna nach gcomhlíonann ceanglais Chodanna 1 go 5 den Iarscríbhinn a ghabhann le Rialachán Tarmligthe (AE) 2019/945, ní cheadaítear iad a úsáid sa chatagóir “oscailte” ach amháin faoi dhálaí oibríochtúla teoranta áirithe ar feadh tréimhse aistrithe dar deireadh an 1 Eanáir 2023.

(2)

De bhun Airteagal 23(2) de Rialachán Cur Chun Feidhme (AE) 2019/947, ón 3 Nollaig 2023, ní fhéadfaidh na Ballstáit glacadh le dearbhuithe arna ndéanamh ag oibreoirí UAS i gcomhréir le hAirteagal 5(5) den Rialachán Cur Chun Feidhme sin ach amháin le haghaidh oibríochta a chomhlíonann ceann amháin de dhá chás chaighdeánacha, laistigh d’amharclíne súl os cionn limistéar talún rialaithe i dtimpeallacht ina bhfuil daonra nó lasmuigh d’amharclíne súl os cionn limistéar talún rialaithe i dtimpeallacht ina bhfuil daonra tearc, rud a leagtar amach i bhFoscríbhinn 1 a ghabhann leis an Iarscríbhinn a ghabhann leis an Rialachán Cur Chun Feidhme sin.

(3)

Roinnt de na caighdeáin chomhchuibhithe a thugann aghaidh ar na ceanglais is infheidhme maidir le UASanna de ranganna C0 go C6 agus a bhfuil gá leo chun oibriú sa chatagóir “oscailte” nó sna cásanna caighdeánacha, chomh maith leis an tsainaithint dhíreach ó chian, ní bheidís ar fáil go dtí lár 2023. In éagmais na gcaighdeán comhchuibhithe sin, bheadh bac sa chleachtas ar mhonaróirí UASanna comhlíontacha a chur ar an margadh roimh dheireadh na tréimhse aistrithe dá bhforáiltear in Airteagal 22 de Rialachán Cur Chun Feidhme (AE) 2019/947.

(4)

Dá bhrí sin, is gá síniú a chur leis na dátaí dá bhforáiltear le hAirteagail 20 agus 22 de Rialachán Cur Chun Feidhme (AE) 2019/947 chun a áirithiú go mbeidh na caighdeáin chomhchuibhithe a thugann aghaidh ar na ceanglais is infheidhme maidir le UASanna de ranganna C0 go C06 ar fáil do tháirgeoirí agus d’oibreoirí UAS sula rachaidh na tréimhsí sin in éag. Is gá freisin dáta chur i bhfeidhm an dá chás chaighdeánacha a leagtar amach i bhFoscríbhinn 1 a ghabhann leis an Iarscríbhinn a ghabhann leis an Rialachán Cur Chun Feidhme sin a chur siar chun a áirithiú go mbeidh na caighdeáin chomhchuibhithe sin ar fáil sula bhféadfaidh na Ballstáit glacadh le dearbhuithe le haghaidh oibríochtaí a chomhlíonann na cásanna caighdeánacha sin. Go dtí an uair sin, ba cheart go mbeadh na Ballstáit in ann glacadh le dearbhuithe a dhéanfaidh oibreoirí UAS i gcomhréir le hAirteagal 5(5) den Rialachán Cur Chun Feidhme sin, ach iad a bheith bunaithe ar chásanna caighdeánacha náisiúnta nó a gcoibhéis.

(5)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón gCoiste arna bhunú le hAirteagal 127 de Rialachán (AE) 2018/1139.

(1)

Is gá comhlántacht a áirithiú le cláir ábhartha arna gcistiú ag an Aontas Eorpach, go háirithe Misean Cúnaimh Teorann an Aontais Eorpaigh chuig an Moldóiv agus chuig an Úcráin (EUBAM) agus “EU4Bord Security”.

(2)

In imthosca ina bhfuil gá le foirne bainistithe teorainneacha ó bhuanchór an Gharda Teorann agus Cósta Eorpaigh a imscaradh chuig tríú tír ina bhfeidhmeoidh baill na bhfoirne cumhachtaí feidhmiúcháin, iarrtar, le hAirteagal 73(3) de Rialachán (AE) 2019/1896 ó Pharlaimint na hEorpa agus ón gComhairle (1) maidir leis an nGarda Teorann agus Cósta Eorpach, comhaontú stádais a thabhairt i gcrích ag an Aontas leis an tríú tír lena mbaineann ar bhonn Airteagal 218 den Chonradh ar Fheidhmiú an Aontais Eorpaigh.

(3)

Ba cheart tús a chur leis an gcaibidilíocht d'fhonn comhaontú idirnáisiúnta a thabhairt i gcrích le Poblacht na Moldóive maidir le gníomhaíochtaí arna ndéanamh ag an nGníomhaireacht Eorpach um an nGarda Teorann agus Cósta i gcríoch Phoblacht na Moldóive.

(4)

Is é atá sa Chinneadh seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (2). Dá bhrí sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(5)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Chinnidh seo agus níl an Cinneadh seo ina cheangal ar an Danmhairg ná faoi réir a chur i bhfeidhm,