(1)

Le Rialachán (AE) 2017/625 leagtar síos rialacha ginearálta maidir le feidhmiú rialuithe oifigiúla le comhlíonadh a fhíorú i gcás rialacha a bhfuil d’aidhm acu rioscaí, cibé acu go díreach nó tríd an timpeallacht, do dhaoine agus d’ainmhithe a chosc, a dhíothú nó a laghdú go dtí leibhéal inghlactha.

(2)

Go háirithe, leagtar síos le Rialachán (AE) 2017/625 coinníollacha ginearálta maidir le teacht isteach ainmhithe agus earraí san Aontas ó thríú tíortha nó ó réigiúin díobh, lena n-áirítear bia lena chaitheamh ag an duine. Le hAirteagal 129 de Rialachán (AE) 2017/625 tugtar de chumhacht don Choimisiún a aithint gur coibhéiseach iad bearta a chuireann tríú tíortha, nó réigiúin díobh, i bhfeidhm agus na ceanglais a leagtar síos i rialacha áirithe dá dtagraítear in Airteagal 1(2) den Rialachán sin, má thugann na tríú tíortha cruthúnas oibiachtúil i ndáil leis sin. Tugtar de chumhacht don Choimisiún leis freisin na coinníollacha lena rialaítear teacht isteach na n-ainmhithe agus na n-earraí sin san Aontas ó na tríú tíortha sin nó ó na réigiúin sin díobh, go háirithe maidir le cineál agus ábhar na ndeimhnithe nó na bhfianuithe oifigiúla atá le gabháil leis na tráchtearraí sin.

(3)

I gcomhréir le Rialachán Cur Chun Feidhme (AE) 2020/1641 ón gCoimisiún (3), na bearta a chuirtear i bhfeidhm i Stáit Massachusetts agus Washington sna Stáit Aontaithe chun an tsláinte phoiblí a chosaint i ndáil le moilisc dhébhlaoscacha, eicínideirmigh, túinicigh agus gastrapóid mhuirí bheo, fhuaraithe, reoite nó phróiseáilte lena gcaitheamh ag an duine a tháirgeadh agus a chur ar an margadh, is coibhéiseach iad leis na ceanglais a leagtar síos i rialacha a mhéid a bhaineann le sábháilteacht bia dá dtagraítear in Airteagal 1(2)(a) de Rialachán (AE) 2017/625.

(4)

Le Rialachán Cur Chun Feidhme (AE) 2020/1641 bunaítear deimhniú oifigiúil caighdeánach le haghaidh allmhairí moileasc débhlaoscach, eicínideirmeach, túiniceach agus gastrapód muirí beo, fuaraithe, reoite nó próiseáilte lena gcaitheamh ag an duine ó na Stáit Aontaithe. Leis an deimhniú oifigiúil caighdeánach, ceanglaítear go ndéanfaidh cigire oifigiúil a dheimhniú gur coibhéiseach iad na bearta arna gcur i bhfeidhm maidir leis na tráchtearraí sin a tháirgeadh agus a chur ar an margadh leis na ceanglais a leagtar síos i rialacha a mhéid a bhaineann le sábháilteacht bia dá dtagraítear in Airteagal 1(2)(a) de Rialachán (AE) 2017/625.

(5)

I gcomhréir leis na bearta a chomhaontaítear le roinn an Údaráis Bia agus Drugaí sna Stáit Aontaithe atá freagrach as moilisc dhébhlaoscacha, eicínideirmigh, túinicigh agus gastrapóid mhuirí bheo, fhuaraithe, reoite nó phróiseáilte lena gcaitheamh ag an duine a onnmhairiú chuig an Aontas, ba cheart an deimhniú oifigiúil caighdeánach a bhunaítear le Rialachán Cur Chun Feidhme (AE) 2020/1641 a oiriúnú don fhormáid iomchuí le haghaidh onnmhairiú na dtráchtearraí sin chuig an Aontas. Go háirithe, ba cheart dáta imeacht na gcoinsíneachtaí a chur in iúl ar an deimhniú oifigiúil caighdeánach. Thairis sin, ba cheart faisnéis a sholáthar cé acu atá na tráchtearraí deimhnithe lena gcaitheamh ag an duine nó lena ndíol leis an tomhaltóir deiridh.

(6)

De bhreis ar cheanglais sláinte poiblí an deimhnithe oifigiúil chaighdeánaigh a bhunaítear i Rialachán Cur Chun Feidhme (AE) 2020/1641, maidir le moilisc dhébhlaoscacha bheo de speicis a liostaítear i Rialachán Cur Chun Feidhme (AE) 2018/1882 ón gCoimisiún (4), atá lena gcaitheamh ag an duine, agus táirgí de bhunadh ainmhíoch ó na moilisc sin, a bhfuil sé beartaithe tuilleadh próiseála a dhéanamh orthu san Aontas roimh a gcaitheamh ag an duine, níor cheart dóibh teacht isteach san Aontas ach amháin má ghabhann deimhniú oifigiúil leo ar a bhfuil na fianuithe iomchuí sláinte ainmhithe. Dá bhrí sin, chun ceanglais sláinte ainmhithe a chomhlíonadh lena dtugtar ráthaíochtaí atá coibhéiseach leis na ráthaíochtaí a thugtar le reachtaíocht an Aontais, ba cheart a áireamh ar an deimhniú oifigiúil caighdeánach na ceanglais ghinearálta sláinte ainmhithe maidir le teacht isteach san Aontas, mar a leagtar amach in Airteagal 6(1), pointí (a) agus (b), Airteagail 6(2) agus 7(1) agus Airteagal 8 de Rialachán Tarmligthe (AE) 2020/692 ón gCoimisiún (5), maille leis na ceanglais shonracha sláinte ainmhithe maidir le teacht isteach na dtráchtearraí sin san Aontas mar a leagtar amach in Airteagal 167, pointí (a), (c)(ii), (c)(iii) agus (d), agus Airteagal 169(1) agus (2) de Rialachán Tarmligthe (AE) 2020/692.

(7)

Dá bhrí sin, ba cheart Rialachán Cur Chun Feidhme (AE) 2020/1641 a leasú dá réir.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

I gcomhréir le hAirteagal 7(1) de Rialachán (CE) Uimh. 1107/2009, chuir Danstar Ferment AG agus Comercial Quimica Masso iarratas faoi bhráid na Fraince an 26 Meitheamh 2017 ar fhormheas na substainte gníomhaí tréithchineál IT-45 Bacillus amyloliquefaciens.

(2)

I gcomhréir le hAirteagal 9(3) den Rialachán sin, an 1 Nollaig 2017 thug an Fhrainc, ina cáil mar Bhallstát is rapóirtéir, fógra do na hiarratasóirí, do na Ballstáit eile, don Choimisiún agus don Údarás Eorpach um Shábháilteacht Bia (“an tÚdarás”) faoi inghlacthacht an iarratais.

(3)

An 15 Bealtaine 2019, chuir an Ballstát is rapóirtéir dréacht-tuarascáil maidir le measúnú faoi bhráid an Choimisiúin agus cóip di faoi bhráid an Údaráis, dréacht-tuarascáil inar chinn sé go bhféadfadh coinne a bheith leis go gcomhlíonfaidh an tsubstaint ghníomhach tréithchineál IT-45 Bacillus amyloliquefaciens na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(4)

I gcomhréir le hAirteagal 12(3) de Rialachán (CE) Uimh. 1107/2009, shocraigh an tÚdarás teorainn ama freisin ar laistigh di nach mór do na hiarratasóirí faisnéis bhreise a sholáthar do na Ballstáit, don Choimisiún agus don Údarás.

(5)

Ina chonclúid, a cuireadh in iúl do na hiarratasóirí, do na Ballstáit agus don Choimisiún, i ndiaidh athbhreithniú piaraí ar an measúnú riosca lotnaidicídí de bhun Airteagal 12(2) de Rialachán (CE) Uimh. 1107/2009, chinn an tÚdarás gur féidir coinne a bheith leis go gcomhlíonfaidh an tsubstaint ghníomhach tréithchineál IT-45 Bacillus amyloliquefaciens na critéir formheasa dá bhforáiltear in Airteagal 4 de Rialachán (CE) Uimh. 1107/2009. Chuir an tÚdarás a chonclúid ar fáil don phobal (2).

(6)

An 21-22 Deireadh Fómhair 2021, chuir an Coimisiún a thuarascáil athbhreithniúcháin maidir leis an tsubstaint ghníomhach tréithchineál IT-45 Bacillus amyloliquefaciens agus dréacht den Rialachán seo maidir le tréithchineál IT-45 Bacillus amyloliquefaciens faoi bhráid an Bhuanchoiste um Plandaí, Ainmhithe, Bia agus Beatha.

(7)

Tugadh deis do na hiarratasóirí barúlacha a thíolacadh maidir leis an tuarascáil athbhreithniúcháin.

(8)

Maidir le húsáid ionadaíoch amháin a bhaintear as táirge cosanta plandaí amháin ar a laghad ina bhfuil an tsubstaint ghníomhach, mar a scrúdaíodh agus a sonraíodh sa tuarascáil athbhreithniúcháin, suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(9)

Ós rud é go measann an Coimisiún gur substaint ghníomhach ísealriosca é tréithchineál IT-45 Bacillus amyloliquefaciens, de bhun Airteagal 22 de Rialachán (CE) Uimh. 1107/2009, agus ós rud é go bhféadfadh coinne a bheith leis, i gcás na dtáirgí cosanta plandaí a bhfuil an tsubstaint sin iontu, nach mbeidh ach riosca íseal ann do shláinte an duine agus do shláinte ainmhithe agus don chomhshaol, féadfar é a fhormheas ar feadh tréimhse suas le 15 bliana. Níor sainaithníodh aon ábhar mór imní don duine, d’ainmhithe ná don chomhshaol.

(10)

Is miocrorgánach é tréithchineál IT-45 Bacillus amyloliquefaciens, rud a chomhlíonann freisin na coinníollacha a bhunaítear le hAirteagal 22(2) de Rialachán (CE) Uimh. 1107/2009, i gcomhar le pointe 5.2 d’Iarscríbhinn II a ghabhann leis an Rialachán sin. Dá bhrí sin, is iomchuí tréithchineál IT-45 Bacillus amyloliquefaciens a fhormheas mar shubstaint ísealriosca.

(11)

Dá bhrí sin, i gcomhréir le hAirteagal 13(4) de Rialachán (CE) Uimh. 1107/2009, ba cheart Rialachán Cur Chun Feidhme (AE) Uimh. 540/2011 ón gCoimisiún (3) a leasú dá réir.

(12)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is éard a leagtar síos le Rialachán (AE) 2017/625 rialacha ginearálta i leith rialuithe oifigiúla a dhéanann an t-údarás inniúil chun a fhíorú go bhfuil na rialacha i roinnt réimsí, lena n-áirítear sláinte ainmhithe, á gcomhlíonadh ar bhonn riosca agus le minicíochtaí iomchuí. Leagtar síos leis an Rialachán sin freisin modhanna agus teicnící i leith rialuithe oifigiúla, lena n-áirítear, i measc nithe eile, cigireachtaí ar áitribh, ainmhithe agus earraí atá faoi rialú na n-oibreoirí.

(2)

Is éard a fhoráiltear le Rialachán (AE) 2017/625 go leagtar síos socruithe praiticiúla aonfhoirmeacha chun rialuithe oifigiúla a dhéanamh maidir le híosmhinicíochtaí aonfhoirmeacha rialuithe oifigiúla áirithe, i gcás ina bhfuil gá leo chun freagairt ar ghuaiseacha agus ar rioscaí sonracha i dtaobh sláinte ainmhithe, agus chun a fhíorú go bhfuil bearta maidir le galair a chosc agus a rialú á gcomhlíonadh.

(3)

Roimh theacht i bhfeidhm Rialachán (AE) 2016/429 ó Pharlaimint na hEorpa agus ón gComhairle (2), leagadh síos le roinnt gníomhartha dlí maidir le sláinte ainmhithe rialacha i leith íosmhinicíochtaí rialuithe oifigiúla, i gcás cigireachtaí go háirithe. Le Rialachán (AE) 2016/429 aisghaireadh na gníomhartha dlí sin le héifeacht ón 21 Aibreán 2021.

(4)

Is éard a leagtar síos le Rialachán Tarmligthe (AE) 2019/2035 ón gCoimisiún (3) ceanglais maidir le formheas, i measc nithe eile, gorlanna agus bunaíochtaí ina gcoimeádtar éanlaith chlóis, bunaíochtaí le haghaidh oibríochtaí tionóil ar chrúbaigh agus ar éanlaith chlóis, ionaid dídine ainmhithe le haghaidh madraí, cat agus firéad, poist rialaithe, bunaíochtaí táirgthe ar leithlis ón gcomhshaol seachtrach le haghaidh bumbóg, bunaíochtaí coraintín agus bunaíochtaí teoranta le haghaidh ainmhithe talún.

(5)

Is éard a leagtar síos le Rialachán Tarmligthe (AE) 2020/686 ón gCoimisiún (4) ceanglais maidir le formheas bunaíochtaí táirgí geirmeacha le haghaidh ainmhithe de chineál buaibheach, mucúil, caorach, gabhair nó eachaí ónar féidir táirgí geirmeacha na n-ainmhithe sin a aistriú chuig Ballstát eile.

(6)

Is éard a leagtar síos le Rialachán Tarmligthe (AE) 2020/691 ón gCoimisiún (5) ceanglais maidir le formheas bunaíochtaí dobharshaothraithe áirithe agus grúpaí de bhunaíochtaí dobharshaothraithe ina gcoimeádtar ainmhithe uisceacha lena mbaineann riosca suntasach do shláinte ainmhithe.

(7)

Tá sé tábhachtach go bhfíoraíonn an t-údarás inniúil trí bhíthin rialuithe oifigiúla rialta, go háirithe trí bhíthin cigireachtaí dá dtagraítear in Airteagal 14, pointe (b), de Rialachán (AE) 2017/625, go bhfuil na hainmhithe agus na táirgí geirmeacha á gcoimeád agus á dtáirgeadh i gcónaí sna dálaí formheasta aonfhoirmeacha i leith bunaíochtaí, dálaí lena mbeartaítear maolú a dhéanamh ar na rioscaí agus guaiseacha a bhaineann le galair a liostaítear i Rialachán (AE) 2016/429 agus le galair atá ag teacht chun cinn. Chun freagairt ar na guaiseacha agus na rioscaí aonfhoirmeacha sin a bhaineann leis na galair sin i leith sláinte daoine agus ainmhithe, is gá íosmhinicíochtaí aonfhoirmeacha i leith cigireachtaí i mbunaíochtaí formheasta áirithe a leagan síos sa Rialachán seo.

(8)

I gcás bunaíochtaí táirgí geirmeacha formheasta, gach íosmhinicíocht aonfhoirmeach i leith cigireachtaí orthu ba cheart a chur san áireamh léi go mbailítear seamhan ó ainmhithe de chineál buaibheach nó mucúil go neamhshéasúrach.

(9)

Gach íosmhinicíocht aonfhoirmeach i leith cigireachtaí i mbunaíochtaí formheasta áirithe agus i ngrúpaí áirithe de bhunaíochtaí dobharshaothraithe ba cheart aicmiú riosca na bunaíochta nó aicmiú riosca an ghrúpa bunaíochtaí sin a chur san áireamh léi i gcomhréir le Rialachán Tarmligthe (AE) 2020/689 (6).

(10)

A mhéid a bhaineann le sainaithint agus clárú ainmhithe áirithe, le Rialachán (CE) Uimh. 1082/2003 ón gCoimisiún (7) agus Rialachán (CE) Uimh. 1505/2006 ón gCoimisiún (8) leagtar síos an t-íosleibhéal rialuithe nó seiceálacha atá le déanamh gach bliain i mbunaíochtaí ina gcoimeádtar ainmhithe de chineál buaibheach, caorach nó gabhair, chomh maith leis an líon ainmhithe ar a bhfuil cigireacht le déanamh i ngach ceann de na bunaíochtaí sin.

(11)

Ina theannta sin leagtar síos le Rialachán Tarmligthe (AE) 2019/2035 ceanglais mhionsonraithe maidir le sainaithint agus clárú ainmhithe de chineál buaibheach, caorach nó gabhair chun a n-inrianaitheacht a áirithiú.

(12)

D’fhéadfadh ról a bheith ag ainmhithe de chineál buaibheach, caorach nó gabhair nach bhfuil sainaitheanta i gcomhréir leis na ceanglais arna leagan síos i Rialachán Tarmligthe (AE) 2019/2035 i scaipeadh galar a liostaítear i Rialachán (AE) 2016/429 agus i scaipeadh galar atá ag teacht chun cinn. Chun an ghuais aonfhoirmeach agus an riosca aonfhoirmeach sin do shláinte an duine agus do shláinte ainmhithe a mhaolú, chun a fhíorú go rialta go bhfuil oibreoirí ag comhlíonadh na gceanglas a leagtar síos i Rialachán Tarmligthe (AE) 2019/2035, agus chun a áirithiú go gcuirfear Rialachán (AE) 2017/625 chun feidhme go haonfhoirmeach, is gá íosmhinicíochtaí a leagan síos i leith na gcigireachtaí a dhéantar le linn rialuithe oifigiúla ar shainaithint agus ar chlárú ainmhithe de chineál buaibheach, caorach agus gabhair.

(13)

Níor aisghaireadh Rialachán (CE) Uimh. 1082/2003 ná Rialachán (CE) Uimh. 1505/2006 le Rialachán Tarmligthe (AE) 2019/2035 go sainráite. Chun cobhsaíocht an dlí a áirithiú, ba cheart na Rialacháin sin a aisghairm leis an Rialachán seo.

(14)

Ba cheart feidhm a bheith leis na rialacha a leagtar síos sa Rialachán seo maidir leis an Ríocht Aontaithe i ndáil le Thuaisceart Éireann, i gcomhréir le hAirteagal 5(4) den Phrótacal maidir le hÉirinn/Tuaisceart Éireann a ghabhann leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach i gcomhar le hIarscríbhinn 2 a ghabhann leis an bPrótacal sin.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(a)

bunaíochtaí formheasta le haghaidh ainmhithe talún ar coimeád agus uibheacha goir dá dtagraítear in Airteagal 1(1), pointe (a), de Rialachán Tarmligthe (AE) 2019/2035;

(b)

bunaíochtaí táirgí geirmeacha formheasta dá dtagraítear in Airteagal 3, de Rialachán Tarmligthe (AE) 2020/686;

(c)

bunaíochtaí dobharshaothraithe áirithe arna bhformheas de bhun Airteagal 176(1), de Rialachán (AE) 2016/429 agus grúpaí de bhunaíochtaí dobharshaothraithe arna bhformheas de bhun Airteagal 177 den Rialachán sin;

(d)

bunaíochtaí cláraithe le haghaidh ainmhithe talún ar coimeád dá dtagraítear in Airteagal 1(1), pointe (a), de Rialachán Tarmligthe (AE) 2019/2035 ina gcoimeádtar ainmhithe de chineál buaibheach, caorach nó gabhair.

(a)

“bunaíocht” mar a shainmhínítear in Airteagal 4, pointe (27), de Rialachán (AE) 2016/429;

(b)

“gorlann” mar a shainmhínítear in Airteagal 4, pointe (47), de Rialachán (AE) 2016/429;

(c)

“oibríocht tionóil” mar a shainmhínítear in Airteagal 4, pointe (49), de Rialachán (AE) 2016/429;

(d)

“ionad tionóil le haghaidh madraí, cat agus firéad” mar a shainmhínítear in Airteagal 2, pointe (7), de Rialachán Tarmligthe (AE) 2019/2035;

(e)

“ionad dídine ainmhithe” mar a shainmhínítear in Airteagal 2, pointe (8), de Rialachán Tarmligthe (AE) 2019/2035;

(f)

“post rialaithe” mar a shainmhínítear in Airteagal 2, pointe (9), de Rialachán Tarmligthe (AE) 2019/2035;

(g)

“bunaíochtaí táirgthe ar leithlis ón gcomhshaol seachtrach” mar a shainmhínítear in Airteagal 2, pointe (10), de Rialachán Tarmligthe (AE) 2019/2035;

(h)

“bunaíocht choraintín fhormheasta” mar a shainmhínítear in Airteagal 3, pointe (9), de Rialachán Tarmligthe (AE) 2020/688;

(i)

“bunaíocht theoranta” mar a shainmhínítear in Airteagal 4, pointe (48), de Rialachán (AE) 2016/429;

(j)

“bunaíocht táirgí geirmeacha fhormheasta” mar a shainmhínítear in Airteagal 2, pointe (2), de Rialachán Tarmligthe (AE) 2020/686;

(k)

“bunaíocht dobharshaothraithe fhormheasta” mar a shainmhínítear in Airteagal 2, pointe (10), de Rialachán Tarmligthe (AE) 2020/990;

(l)

“grúpa formheasta de bhunaíochtaí dobharshaothraithe” mar a shainmhínítear in Airteagal 2, pointe (11), de Rialachán Tarmligthe (AE) 2020/990.

(a)

gorlanna agus bunaíochtaí ina gcoimeádtar éanlaith chlóis;

(b)

bunaíochtaí ina ndéantar oibríochtaí tionóil maidir le crúbaigh agus éanlaith chlóis;

(c)

ionaid tionóil le haghaidh madraí, cat agus firéad;

(d)

ionaid dídine ainmhithe le haghaidh madraí, cat agus firéad;

(e)

poist rialaithe;

(f)

bunaíochtaí táirgthe ar leithlis ón gcomhshaol seachtrach le haghaidh bumbóg;

(g)

bunaíochtaí coraintín formheasta;

(h)

bunaíochtaí teoranta.

(a)

2 uair ar a laghad gach bliain féilire, lárionaid bailithe seamhain le haghaidh ainmhithe de chineál buaibheach nó mucúil;

(b)

ar a laghad uair amháin gach bliain féilire:

(a)

bunaíochtaí ardriosca, déanfar cigireacht orthu ar a laghad uair amháin gach bliain féilire;

(b)

bunaíochtaí meánriosca, déanfar cigireacht orthu ar a laghad uair amháin gach 2 bhliain féilire;

(c)

bunaíochtaí ísealriosca, déanfar cigireacht orthu ar a laghad uair amháin gach 3 bliana féilire.

(1)

Le Treoir (AE) 2019/904 leagtar síos oibleagáid ar na Ballstáit bearta a ghlacadh chun laghdú uaillmhianach marthanach a bhaint amach i dtomhaltas na dtáirgí plaisteacha aon úsáide a liostaítear i gCuid A den Iarscríbhinn a ghabhann leis an Treoir sin (“táirgí plaisteacha aon úsáide”). Tá an Coimisiún chun an mhodheolaíocht a leagan síos chun an laghdú tomhaltais sin a ríomh agus a fhíorú.

(2)

Le Treoir (AE) 2019/904 leagtar amach freisin oibleagáid ar na Ballstáit tuairisc a thabhairt don Choimisiún i dtaca le sonraí maidir leis na táirgí plaisteacha aon úsáide a chuirtear ar an margadh gach bliain, mar aon le faisnéis faoi na bearta atá á nglacadh chun tomhaltas táirgí den sórt sin a laghdú, lena n-áirítear tuarascáil seiceála cáilíochta. Tá an Coimisiún chun an fhormáid le haghaidh an tuairiscithe sin a leagan síos.

(3)

Le Treoir (AE) 2019/904 tugtar corrlach leathan lánroghnach do na Ballstáit maidir leis na bearta a ghlacfaidh siad chun laghdú uaillmhianach marthanach i dtomhaltas na dtáirgí plaisteacha aon úsáide a bhaint amach. D’fhéadfadh na bearta a bheith éagsúil ag brath ar thionchar comhshaoil na dtáirgí plaisteacha aon úsáide sin ar feadh a saolré, lena n-áirítear an tráth a bheidh siad ina mbruscar, agus beidh na bearta sin comhréireach agus neamh-idirdhealaitheach.

(4)

An laghdú tomhaltais a ríomh ar bhonn mheáchan an ábhair phlaistigh i dtáirgí plaisteacha aon úsáide arna gcur ar an margadh, is modh tomhais cuí é sin lena léirítear an tionchar comhshaoil i dtéarmaí truailliú comhshaoil trí chaitheamh bruscair phlaistigh. Leis an modh sin, cuirtear san áireamh freisin na modhanna tomhais agus na formáidí tuairiscithe le haghaidh pacáistíochta agus dramhaíola ó phacáistíocht a leagtar amach i gCinneadh 2005/270/CE (2) ón gCoimisiún, atá bunaithe ar mheáchan agus ar ábhar.

(5)

An laghdú tomhaltais a thomhas ar bhonn chomhaireamh earra na dtáirgí plaisteacha aon úsáide a chuirtear ar an margadh, is modheolaíocht chuí é sin freisin chun faireachán a dhéanamh ar thionchar na mbeart laghdaithe tomhaltais, ar leibhéal an táirge, ar chosc na dramhaíola agus dá bhrí sin ar laghdú féideartha an truaillithe phlaistigh sa chomhshaol.

(6)

I bhfianaise an chorrlaigh lánrogha a thugtar do na Ballstáit le hAirteagal 4 de Threoir (AE) 2019/904, ba cheart rogha a thabhairt do na Ballstáit an laghdú tomhaltais a ríomh bunaithe ar mheáchan iomlán an phlaistigh atá sna táirgí plaisteacha aon úsáide a chuirtear ar an margadh nó ar líon na dtáirgí sin a chuirtear ar an margadh. Ós rud é go soláthraíonn an dá mhodheolaíocht sonraí oiriúnacha chun faireachán a dhéanamh ar threochtaí tomhaltais agus ar thionchar na mbeart arna ndéanamh ar ghiniúint dramhaíola a chosc chomh maith le táirgí a ionadú le roghanna malartacha atá in-athúsáidte nó nach bhfuil plaisteach iontu, ba cheart an rogha a thabhairt do na Ballstáit an mhodheolaíocht atá comhoiriúnach lena mbeartais laghdaithe tomhaltais agus leis na bearta arna ndéanamh faoi Airteagal 4 de Threoir (AE) 2019/904 a roghnú as an dá mhodheolaíocht sin.

(7)

I gcás nach léiriú cruinn i mBallstát áirithe, líon nó meáchan na dtáirgí plaisteacha aon úsáide a chuirtear ar an margadh ar thomhaltas táirgí plaisteacha aon úsáide sa Bhallstát sin de dheasca gluaiseachtaí móra táirgí plaisteacha aon úsáide laistigh den Aontas ar an leibhéal mórdhíola, féadfaidh an Ballstát sin meáchan nó líon na dtáirgí plaisteacha aon úsáide a chuirtear ar an margadh a choigeartú chun gluaiseachtaí den sórt sin a chur san áireamh.

(8)

I gcás ina roghnaíonn Ballstát modheolaíocht bunaithe ar mheáchan a chur i bhfeidhm, ba cheart dó freisin sonraí faoi mheáchan iomlán táirgí plaisteacha aon úsáide atá déanta go páirteach as plaisteach a cuireadh ar an margadh a thuairisciú, mar go gcuireann an fhaisnéis sin le hinchomparáideacht sonraí agus gur féidir forléargas níos leithne a fháil ar thionchar an cheanglais maidir le tomhaltas a laghdú a leagtar amach i dTreoir (AE) 2019/904.

(9)

Chun éascaíocht a dhéanamh ar fhorbhreathnú an Choimisiúin ar na bearta a ghlac na Ballstáit chun laghdú ar thomhaltas na dtáirgí plaisteacha aon úsáide a bhaint amach i gcomhréir le Treoir (AE) 2019/904, ba cheart liosta táscach de na catagóirí difriúla a bhaineann leis na bearta sin a bheith ar fáil san fhormáid tuairiscithe. Is gá do na Ballstáit, áfach, na bearta uile a rinneadh a thuairisciú, fiú murar luadh go sainráite iad sa liosta táscach.

(10)

Chun cruinneas agus fíorú na sonraí a áirithiú, ba cheart a áirithiú leis an bhformáid tuairiscithe go sainaithneofar na paraiméadair uile is ábhartha chun an laghdú ar thomhaltas táirgí plaisteacha aon úsáide a ríomh agus a fhíorú, chun sonraí faoi tháirgí den sórt sin a chuirtear ar an margadh a thuairisciú agus chun na bearta a glacadh chun an laghdú tomhaltais a bhaint amach a thuairisciú agus ba cheart go leagfaí amach iontu an mhodheolaíocht atá le cur i bhfeidhm chun an laghdú tomhaltais a ríomh agus a fhíorú.

(11)

An mhodheolaíocht chun an laghdú ar thomhaltas táirgí plaisteacha aon úsáide a ríomh agus a fhíorú, dá dtagraítear in Airteagal 4(2) de Threoir (AE) 2019/904, agus na formáidí maidir le sonraí a thuairisciú ar na táirgí plaisteacha aon úsáide a chuirtear ar an margadh mar aon leis an bhfaisnéis ar na bearta arna nglacadh ag na Ballstáit, dá dtagraítear in Airteagal 13(4) den Treoir sin, tá dlúthbhaint acu sin uile le chéile i bhfianaise an ábhair a bhaineann leo. Dá bhrí sin is iomchuí an gníomh seo a ghlacadh ar bhonn na bhforálacha sin araon chun comhleanúnachas idir na rialacha maidir le ríomh, fíorú agus tuairisciú an laghdaithe i dtomhaltas táirgí plaisteacha aon úsáide a áirithiú agus rochtain ar na rialacha sin a éascú.

(12)

Tá na bearta dá bhforáiltear sa Chinneadh seo i gcomhréir leis an tuairim ón gCoiste arna bhunú de bhun Airteagal 39 de Threoir 2008/98/CE ó Pharlaimint na hEorpa agus ón gComhairle (3),