(1)

Le Treoir 2014/94/AE, leagtar síos gur cheart sonraíochtaí teicniúla maidir le hidir-inoibritheacht na bpointí athluchtaithe agus athbhreoslaithe a shonrú i gcaighdeáin Eorpacha nó idirnáisiúnta. I gcás na gcaighdeán nár glacadh go fóill, is ar na caighdeáin atá á bhforbairt ba cheart an caighdeánú a bhunú.

(2)

De bhun Airteagal 10(1) de Rialachán (AE) Uimh. 1025/2012 ó Pharlaimint na hEorpa agus ón gComhairle (2), d’iarr an Coimisiún (3) ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (Cenelec) caighdeáin Eorpacha iomchuí a fhorbairt agus a ghlacadh, nó na caighdeáin atá ann cheana a leasú, i gcomhair soláthar leictreachais le haghaidh iompar ar bóthar agus iompar muirí, agus loingseoireacht intíre; soláthar hidrigine le haghaidh iompar ar bóthar; agus gás nádúrtha, lena n-áirítear soláthar bithmheatáin, le haghaidh iompar ar bóthar agus iompar muirí, agus loingseoireacht intíre.

(3)

Ó cuireadh iarraidh M/533 chun feidhme, d’fhorbair CEN agus Cenelec na caighdeáin ina bhfuil na sonraíochtaí teicniúla maidir le pointí athluchtaithe le haghaidh busanna leictreacha dá dtagraítear i bpointe 1.6 d’Iarscríbhinn II a ghabhann le Treoir 2014/94/AE.

(4)

Chuir CEN agus Cenelec in iúl don Choimisiún gurb iad nascóirí Chineál 2 mar a shonraítear i gcaighdeán EN 62196-2 na cineálacha nascóirí is iomchuí i gcomhair na bpointí athluchtaithe gnáthchumhachta agus ardchumhachta le sruth ailtéarnach (SA), le haghaidh busanna leictreacha.

(5)

Chuir CEN agus Cenelec in iúl don Choimisiún gur cheart nascóirí an chomhchórais luchtaithe “Combo 2”, mar a shonraítear i gcaighdeán EN 62196-3, a úsáid i gcomhair pointí athluchtaithe gnáthchumhachta agus ardchumhachta le sruth díreach (SD), le haghaidh busanna leictreacha.

(6)

Chuir CEN agus Cenelec in iúl don Choimisiún gur cheart caighdeán EN 50696 a chur i bhfeidhm maidir le gairis uathnasctha comhéadain teagmhála a úsáidtear chun busanna leictreacha a athluchtú gan sreang i modh 4, de réir EN 61851-23-1, chun idir-inoibritheacht a áirithiú. An caighdeán seo, i gcomhar leis na gcaighdeán thuasluaite, is caighdeán é a mbeidh tábhacht ar leith ag baint leis ó thaobh busanna leictreacha a chur in úsáid sna cathracha.

(7)

De bhun Threoir (AE) 2019/1161 ó Pharlaimint na hEorpa agus ón gComhairle (4), íosmhéid scaireanna náisiúnta suas le 22,5 % le haghaidh 2021-2025 agus 32,5 % le haghaidh 2026-2030 den cheannachán poiblí, cuirfear ar leataobh le haghaidh busanna astaíochtaí nialasacha iad. Agus borradh ag teacht faoin méid údaráis agus oibreoirí iompair phoiblí atá ag iompú ar bhusanna astaíochtaí nialasacha chun na táirgí sin a bhaint amach, tá méadú ar an ngá le hidir-inoibritheacht iomlán a chur ar fáil maidir le bonneagar feithiclí agus athluchtaithe.

(8)

Idir-inoibritheacht na gcineálacha éagsúla athluchtaithe le haghaidh busanna leictreacha, is idir-inoibritheacht í ba cheart a áirithiú chun cothrom na Féinne a chruthú le haghaidh monaróirí agus oibreoirí agus chun barainneachtaí scála a chumasú, agus oscailteacht roimh réitigh theicneolaíocha a áirithiú san am céanna. Ba cheart don idir-inoibritheacht sin úsáid an luchtaithe chliste a fheabhsú, lena n-áirítear seirbhísí feithicle le heangach.

(9)

Saineolaithe ó na Ballstáit, a ndeachthas i gcomhairle leo tríd an gCoiste um Bonneagar le haghaidh Breoslaí Malartacha, agus ataiséanna iompair ó na Ballstáit, chuir siad comhairle ar fáil maidir leis na caighdeáin Eorpacha agus na sonraíochtaí teicniúla is ábhar don ghníomh tarmligthe seo.

(10)

Ba cheart don Choimisiún pointe 1.6 d’Iarscríbhinn II a ghabhann le Treoir 2014/94/AE a fhorlíonadh dá réir leis na tagairtí do na caighdeáin Eorpacha agus do na sonraíochtaí teicniúla a d’fhorbair CEN agus Cenelec.

(11)

Nuair a bheidh na sonraíochtaí teicniúla nua in Iarscríbhinn II a ghabhann le Treoir 2014/94/AE le cur chun feidhme trí bhíthin gníomhartha tarmligthe, beidh feidhm ag idirthréimhse 24 mhí.

(1)

Chun forbairtí teicniúla agus rialála a chur san áireamh, is gá tagairtí a thabhairt isteach agus a thabhairt cothrom le dáta i dtaca leis na gníomhartha rialála a liostaítear in Iarscríbhinn II a ghabhann le Rialachán (AE) 2018/858, ar gníomhartha rialála iad ina bhfuil na ceanglais nach mór d’fheithiclí, córais, comhpháirteanna agus aonaid theicniúla ar leithligh a chomhlíonadh.

(2)

Chun forbairtí teicniúla agus rialála a chur san áireamh, is gá an liosta de ghníomhartha rialála a leagtar síos in Iarscríbhinn VII a ghabhann le Rialachán (AE) 2018/858 a thabhairt cothrom le dáta, ar gníomhartha rialála iad a bhféadfar monaróir a ainmniú mar sheirbhís theicniúil ina leith, mar aon leis na coinníollacha sonracha a bhfuil ainmniú féintástála le húsáid fúthu.

(3)

Dá bhrí sin, ba cheart Iarscríbhinní II agus VII a ghabhann le Rialachán (AE) 2018/858 a leasú i gcomhréir leis an Iarscríbhinn a ghabhann leis an Rialachán seo,

(1)

Le Rialachán Cur Chun Feidhme (AE) Uimh. 563/2014 ón gCoimisiún (2) formheasadh an tsubstaint bhunúsach hidreaclóiríd chiotósáin agus áiríodh í san Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (3).

(2)

Tar éis do Rialachán Cur Chun Feidhme (AE) Uimh. 563/2014 teacht i bhfeidhm, tugadh earráid faoi deara maidir leis an uimhir CAS (Uimhir Achoimreachtaí Ceimiceán ó Chumann Ceimiceach Mheiriceá) a úsáidtear le haghaidh na substainte bunúsaí hidreaclóiríd chiotósáin sna hIarscríbhinní a ghabhann le Rialachán Cur Chun Feidhme (AE) Uimh. 563/2014.

(3)

Is aitheantóir uathúil substaintí ceimiceacha an uimhir CAS, a úsáidtear freisin chun substaint ghníomhach atá in úsáid i gcosaint plandaí a shainaithint; úsáidtear í mar thagairt chun críche trádála agus gníomhaíochtaí rialála le haghaidh ceimiceán go domhanda ach níl sí teoranta do shubstaintí lotnaidicíde.

(4)

Sa cholún a bhaineann le gnáthainmneacha agus uimhreacha aitheantais luaitear “hidreaclóiríd chiotósáin uimh. CAS 9012-76-4”. Tá an uimhir CAS 9012-76-4 sannta don tsubstaint ciotósán, áfach, agus tá an uimhir CAS 70694-72-3 ag hidreaclóiríd chiotósáin. Dá bhrí sin, agus de bhrí go bhféadfadh mearbhall a bheith ann sa bhainistíocht ceimiceán agus sa trádáil maidir le céannacht na substainte, tá gá le ceartú ar an uimhir CAS a luaitear i Rialachán Cur Chun Feidhme (AE) Uimh. 563/2014 agus dá réir sin i Rialachán Cur Chun Feidhme (AE) Uimh. 540/2011.

(5)

Ar mhaithe le soiléireacht, is iomchuí an Iarscríbhinn I a ghabhann le Rialachán Cur Chun Feidhme (AE) Uimh. 563/2014 agus an iontráil ábhartha i gCuid C den Iarscríbhinn a ghabhann le Rialachán Cur Chun Feidhme (AE) Uimh. 540/2011 a ionadú.

(6)

Ar mhaithe le soiléireacht agus deimhneacht dhlíthiúil d’oibreoirí eacnamaíocha agus d’údaráis forfheidhmiúcháin, ba cheart an Rialachán seo a theacht i bhfeidhm mar ábhar práinne.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Allmhairí torthaí citris áirithe arna n-ullmhú nó arna leasú (eadhon mandairíní, etc.) de thionscnamh Dhaon-Phoblacht na Síne, is allmhairí iad atá faoi réir dleacht frithdhumpála chinntitheach a fhorchuirtear faoi Rialachán Cur Chun Feidhme (AE) 2020/1534 (2) ón gCoimisiún.

(2)

Maidir le Toyoshima Share Yidu Foods Co., Ltd (3), cód breise TARIC (4)A889, cuideachta atá lonnaithe i nDaon-Phoblacht na Síne a bhfuil torthaí citris áirithe arna n-ullmhú nó arna leasú (eadhon mandairíní, etc.) á n-onnmhairiú go dtí an tAontas aici, allmhairí atá faoi réir na dleachta frithdhumpála luach EUR 499,6 an tona glanmheáchain den táirge, is amhlaidh a chuir sí in iúl don Choimisiúin gur athraigh sí a hainmníocht go “Hubei Fomdas Foods Co., Ltd, Yidu, Hubei” ón 22 Eanáir 2008.

(3)

Tar éis don chuideachta a hainm a athrú, d’iarr sí ar an gCoimisiún an 31 Márta 2021 a dheimhniú nach ndéanann an t-athrú san ainm difear don cheart atá ag an gcuideachta tairbhe a bhaint as an ráta dleachta le haghaidh táirgeoirí onnmhairiúcháin comhoibríocha nár áiríodh sa sampla a raibh feidhm aige maidir léi faoin ainm a bhí uirthi cheana. Thug an chuideachta le fios go soiléir agus go sonrach gurb éard is áil léi go dtiocfadh an t-athrú ainm i bhfeidhm ón dáta a rinne sí a hiarraidh ar an gCoimisiún, is é sin ón 31 Márta 2021.

(4)

Scrúdaigh an Coimisiún an fhaisnéis a soláthraíodh, agus is é ba chonclúid don scrúdú go raibh an t-athrú ainm cláraithe i gceart leis na húdaráis ábhartha, agus nach raibh aon chaidreamh nua ann le grúpaí eile cuideachtaí mar thoradh air, cuideachtaí nár imscrúdaigh an Coimisiún. Dá réir sin, ní dhéanann an t-athrú ainm difear do thorthaí Rialachán Cur Chun Feidhme (AE) 2020/1534, ná go háirithe don ráta dleachta frithdhumpála is infheidhme maidir leis.

(5)

I bhfianaise na haithrise thuas, mheas an Coimisiún gurbh iomchuí Rialachán Cur Chun Feidhme (AE) 2020/1534 a leasú chun ainm athraithe na cuideachta a léiriú, ainm a sannadh roimhe seo do chód TARIC breise A889.

(6)

Na bearta dá bhforáiltear sa Rialachán seo, is bearta iad atá i gcomhréir le tuairim an Choiste arna bhunú le hAirteagal 15(1) de Rialachán (AE) 2016/1036.

(1)

Le Treoir 2008/127/CE ón gCoimisiún (2) áirítear carbónáit chailciam mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

Substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

Formheas na substainte gníomhaí carbónáit chailciam, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 31 Lúnasa 2022.

(4)

Cuireadh isteach iarratas ar fhormheas na substainte gníomhaí carbónáit chailciam a athnuachan i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (5) laistigh den tréimhse dá bhforáiltear san Airteagal sin.

(5)

Chuir an t-iarratasóir isteach na sainchomhaid fhorlíontacha a cheanglaítear i gcomhréir le hAirteagal 6 de Rialachán Cur Chun Feidhme (AE) Uimh. 844/2012. Chinn an Ballstát is rapóirtéir an t-iarratas a bheith comhlánaithe ina iomláine.

(6)

D’ullmhaigh an Ballstát is rapóirtéir dréacht-tuarascáil maidir le measúnú ar athnuachan i gcomhairle leis an mBallstát is comhrapóirtéir agus chuir sé faoi bhráid an Údaráis Eorpaigh um Shábháilteacht Bia (“an tÚdarás”) í agus faoi bhráid an Choimisiúin í an 23 Deireadh Fómhair 2019. Chuir an tÚdarás an sainchomhad achomair forlíontach ar fáil don phobal. Scaip an tÚdarás an dréacht-tuarascáil maidir le measúnú ar athnuachan ar an iarratasóir agus ar na Ballstáit chomh maith chun barúlacha a fháil uathu agus sheol sé comhairliúchán poiblí ina leith. Rinne an tÚdarás na barúlacha a fuarthas a chur ar aghaidh chuig an gCoimisiún.

(7)

An 9 Feabhra 2021, chuir an tÚdarás a chonclúid (6) in iúl don Choimisiún maidir le cé acu is féidir nó nach féidir coinne a bheith leis go gcomhlíonfaidh carbónáit chailciam na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(8)

Chuir an Coimisiún tuarascáil athnuachana agus dréacht-Rialachán maidir le carbónáit chailciam faoi bhráid an Bhuanchoiste um Plandaí, Ainmhithe, Bia agus Beatha an 19 Bealtaine 2021.

(9)

D’iarr an Coimisiún ar an iarratasóir a bharúlacha a chur isteach maidir le conclúid an Údaráis agus, i gcomhréir le hAirteagal 14(1), an tríú fomhír, de Rialachán Cur Chun Feidhme (AE) Uimh. 844/2012, i dtaca leis an tuarascáil athnuachana. Chuir an t-iarratasóir a bharúlacha isteach, agus rinneadh scrúdú cúramach orthu.

(10)

Maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil an tsubstaint ghníomhach carbónáit chailciam, suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(11)

An measúnú riosca maidir le formheas na substainte gníomhaí carbónáit chailciam a athnuachan, bunaítear é ar líon teoranta úsáidí ionadaíocha, úsáidí nach gcuireann srian, áfach, ar na húsáidí lena bhféadfar táirgí cosanta plandaí a bhfuil carbónáit chailciam iontu a údarú. Dá bhrí sin, is iomchuí gan an srian a choimeád maidir le húsáid a bhaint as mar éarthach.

(12)

Ina theannta sin, measann an Coimisiún gur substaint ghníomhach ísealriosca í carbónáit chailciam de bhun Airteagal 22 de Rialachán (CE) Uimh. 1107/2009. Ní substaint ar údar imní í carbónáit chailciam agus comhlíonann sí na coinníollacha a leagtar amach i bpointe 5.1 d’Iarscríbhinn II a ghabhann le Rialachán (CE) Uimh. 1107/2009. Dá bhrí sin, is iomchuí formheas na carbónáite cailciam mar shubstaint ísealriosca a athnuachan.

(13)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(14)

Le Rialachán Cur Chun Feidhme (AE) 2021/745 ón gCoimisiún (7) cuireadh síneadh le tréimhse formheasa na carbónáite cailciam go dtí an 31 Lúnasa 2022 chun go bhféadfar an próiseas athnuachana a chur i gcrích sula rachaidh tréimhse formheasa na substainte gníomhaí sin in éag. Mar sin féin, ós rud é go ndearnadh cinneadh maidir leis an athnuachan roimh dhul in éag na tréimhse formheasa sin ar cuireadh síneadh léi, ba cheart tosú ar chur i bhfeidhm an Rialacháin seo tráth níos luaithe ná an dáta sin.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (2) na substaintí gníomhacha a mheastar a bheith formheasta faoi Rialachán (CE) Uimh. 1107/2009.

(2)

Le Rialachán Cur Chun Feidhme (AE) 2020/1511 ón gCoimisiún (3) cuireadh síneadh le tréimhsí formheasa na substaintí gníomhacha clóratolúrón, clómasón, cipirmeitrin, daimínisíd, deiltemheitrin, fluidhé-ocsainil, fluifeanaicéat, foistiasáit, iondocsacarb, MCPA, MCPB agus prósulfacarb go dtí an 31 Deireadh Fómhair 2021, cuireadh síneadh le tréimhsí formheasa na substainte gníomhaí tríteasulfúrón go dtí 30 Samhain 2021 agus cuireadh síneadh le tréimhsí formheasa na substaintí gníomhacha aimídeasulfúrón, défheanocs, clóifeintisín, díceamba, défheanaconasól, défhluifeineacan, feanocsapróp-P, feanpróipidín, leanacail, niceasulfúrón, olaí pairifín, pioclóram, sulfar agus trífhlusulfúrón go dtí 31 Nollaig 2021. Le Rialachán Cur Chun Feidhme (AE) 2020/2104 ón gCoimisiún (4), cuireadh síneadh le tréimhse formheasa na substainte gníomhaí ola phairifín go dtí an 31 Nollaig 2021. Le Rialachán Cur Chun Feidhme (AE) 2017/555 ón gCoimisiún (5), cuireadh síneadh le tréimhse formheasa na substaintí gníomhacha clóirmeacuat, própacuiseafop agus cuisileafop-P-eitil go dtí an 30 Samhain 2021 agus cuireadh síneadh le tréimhse formheasa na substaintí gníomhacha 2-feinilfeanól (lena n-áirítear a shalainn amhail salann sóidiam), démhéiteaclór, eatafeanprocs, peanconasól, teitreaconasól agus trí-alláit go dtí an 31 Nollaig 2021. Le Rialachán Cur Chun Feidhme (AE) 2017/1530 ón gCoimisiún (6), cuireadh síneadh le tréimhse formheasa na substainte gníomhaí cuisileafop-P-teafuiril go dtí an 30 Samhain 2021.

(3)

Tá formheas na substainte gníomhaí 8-hiodrocsacuineoilín le dul in éag an 31 Nollaig 2021 i gcomhréir le Rialachán Cur Chun Feidhme (AE) Uimh. 993/2011 ón gCoimisiún (7).

(4)

Cuireadh isteach iarratais ar athnuachan fhormheas na substaintí sin i gcomhréir le Rialachán Cur Chun Feidhme (AE) Uimh. 844/2012 ón gCoimisiún (8).

(5)

Ós rud é gur cuireadh moill ar mheasúnú na substaintí gníomhacha sin ar chúiseanna nach bhfuil neart ag na hiarratasóirí orthu, is dócha go rachaidh na formheasanna atá ag na substaintí gníomhacha sin in éag sula mbeidh cinneadh déanta maidir lena n-athnuachan. Dá bhrí sin, is gá síneadh a chur lena dtréimhsí formheasa.

(6)

Thairis sin, is gá síneadh a chur leis an tréimhse formheasa i gcás na substaintí gníomhacha 2-feinilfeanól (lena n-áirítear a shalainn amhail salann sóidiam), 8-hiodrocsacuineoilín, aimídeasulfúrón, clóifeintisín, clómasón, daimínisíd, feanocsapróp-P, fluidhé-ocsainil, fluifeanaicéat, leanacail, trífhlusulfúrón agus tríteasulfúrón chun an t-am is gá a chur ar fáil chun measúnú a dhéanamh i ndáil le hairíonna suaite inchríneach na substaintí gníomhacha sin i gcomhréir leis an nós imeachta a leagtar amach in Airteagal 13 agus Airteagal 14 de Rialachán Cur Chun Feidhme (AE) Uimh. 844/2012.

(7)

A mhéid a bhaineann le cásanna ina bhfuil an Coimisiún le Rialachán a ghlacadh lena bhforálfar nach ndéanfar formheas substainte gníomhaí dá dtagraítear san Iarscríbhinn a ghabhann leis an Rialachán seo a athnuachan toisc nach gcomhlíontar na critéir formheasa, is é an dáta atá le socrú ag an gCoimisiún mar dháta éaga an dáta céanna sin a bhí ann roimh an Rialachán seo nó dáta theacht i bhfeidhm an Rialacháin lena bhforáiltear nach ndéanfar formheas na substainte gníomhaí a athnuachan, cibé dáta acu sin is déanaí. A mhéid a bhaineann le cásanna ina bhfuil an Coimisiún le Rialachán a ghlacadh lena bhforálfar maidir le hathnuachan substainte gníomhaí dá dtagraítear san Iarscríbhinn a ghabhann leis an Rialachán seo, féachfaidh an Coimisiún leis an dáta cur i bhfeidhm is luaithe is féidir a shocrú, de réir mar is iomchuí sna himthosca.

(8)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (2) na substaintí gníomhacha a mheastar a bheith formheasta faoi Rialachán (CE) Uimh. 1107/2009.

(2)

Cuireadh síneadh le tréimhsí formheasa na substaintí gníomhacha aicrinitrin agus próclóras ón 31 Nollaig 2021 go dtí an 31 Nollaig 2023 le Rialachán Cur Chun Feidhme (AE) 2019/291 ón gCoimisiún (3).

(3)

Cuireadh isteach iarratais ar athnuachan fhormheas na substaintí gníomhacha lena mbaineann i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (4). I gcás na substaintí gníomhacha aicrinitrin agus próclóras, áfach, tá sé deimhnithe ag na hiarratasóirí nach dtacaíonn siad a thuilleadh leis na hiarratais ar fhormheas a athnuachan.

(4)

I bhfianaise aidhm Airteagal 17, an chéad mhír, de Rialachán (CE) Uimh. 1107/2009, níl údar a thuilleadh le faduithe ar thréimhsí formheasa na substaintí gníomhacha sin, dá bhforáiltear le Rialachán Cur Chun Feidhme (AE) 2019/291. Dá bhrí sin, is iomchuí foráil a dhéanamh go rachaidh formheasanna aicrinitrine agus próclóras in éag ar na dátaí a rachaidís in éag gan na síntí a chur leo.

(5)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

An 17 Eanáir 2019, fuair an Coimisiún iarratas ón gcuideachta Probodelt S. L. ar fhormheas suilfíde démheitile mar shubstaint bhunúsach a úsáidfear mar ábhar meallta neamh-mharfach don chiaróg strufal (Leiodes cinnamomeus). Fuarthas iarratais athbhreithnithe an 24 Iúil 2019 agus an 25 Samhain 2019, iarratais a raibh faisnéis ag gabháil leo, is é sin an fhaisnéis a cheanglaítear faoin dara fomhír d’Airteagal 23(3) de Rialachán (CE) Uimh. 1107/2009.

(2)

Bhí dhá mheastóireacht ábhartha ar fáil, agus iad déanta i gcomhréir le reachtaíocht eile de chuid an Aontais dá dtagraítear in Airteagal 23(2) de Rialachán (CE) Uimh. 1107/2009, eadhon meastóireacht ó Phainéal FEEDAP EFSA (2) agus ceann ó Phainéal CEF EFSA (3). Chuir EFSA agus an Coimisiún araon toradh na meastóireachtaí sin san áireamh.

(3)

D’iarr an Coimisiún cúnamh eolaíoch ar an Údarás Eorpach um Shábháilteacht Bia (“an tÚdarás”). Chuir an tÚdarás tuarascáil theicniúil ar fáil don Choimisiún maidir le suilfíd démheitile an 17 Iúil 2020 (4). Tháinig an tÚdarás ar an gconclúid nár chuir an t-iarratasóir an fhaisnéis atá ar fáil maidir le suilfíd démheitile san áireamh mar ba cheart. Léiríonn an fhaisnéis fhoilsithe atá ar fáil gur greannaitheoir don chraiceann, do na súile agus don chonair riospráide agus íogrú craicinn atá sa tsuilfíd démheitile. Dúirt an tÚdarás go bhfuil mionsonraí maidir le géarthocsaineacht, greannú, íogrú craicinn agus ionálú gearrthéarmach ar fáil go poiblí ar shuíomh gréasáin na Gníomhaireachta Eorpaí Ceimiceán (ECHA) agus gur cheart iad a chomhtháthú san iarratas chun forbhreathnú iomlán a fháil ar an tsubstaint bhunúsach. Tá sonraí tocsaineolaíocha ar dhá mheitibilít suilfíde démheitile ar fáil go poiblí freisin ar shuíomh gréasáin ECHA, ach níor comhtháthaíodh iad mar ba cheart san iarratas.

(4)

Thug an tÚdarás dá aire freisin nár soláthraíodh údar eolaíoch maidir leis an easpa imní faoin tocsaineacht agus faoin gcarcanaigineacht fadtéarmach, i bhfianaise phróifíl ghinearálta tocsaineachta na substainte.

(5)

Ina theannta sin, cé go meastar go mbeidh an líon fuíoll sna barra íseal i ngeall ar an gcineál úsáide atá ann (táirge scaoilte gaile i ngaiste) tháinig an tÚdarás ar an gconclúid gur cheart tuilleadh sonraí a sholáthar chun a léiriú nach bhfuil aon chúis imní ann do thomhaltóirí trí ionghabháil chothaithe.

(6)

Chuir an Coimisiún an tuarascáil athbhreithnithe agus dréacht-Rialachán faoi bhráid an Bhuanchoiste um Plandaí, Ainmhithe, Bia agus Beatha an 25 Márta 2021.

(7)

D’iarr an Coimisiún ar an iarratasóir a bharúil féin a chur isteach i leith thuarascáil theicniúil an Údaráis agus i leith dhréacht-tuarascáil athbhreithnithe an Choimisiúin. Chuir an t-iarratasóir a bharúlacha isteach, agus rinneadh scrúdú cúramach orthu.

(8)

Mar sin féin, ainneoin na n-argóintí a rinne an t-iarratasóir, ní féidir an t-ábhar imní a bhaineann leis an tsubstaint a chur as an áireamh.

(9)

Dá thoradh sin, ní rud é a suíodh go bhfuil na coinníollacha a leagtar síos in Airteagal 23 de Rialachán (CE) Uimh. 1107/2009 comhlíonta. Dá bhrí sin, is iomchuí gan a fhormheas gur substaint bhunúsach atá sa tsuilfíd démheitile.

(10)

Leis an Rialachán seo, ní chuirtear cosc ar iarratas eile a chur isteach ar shuilfíd démheitile a fhormheas mar shubstaint bhunúsach i gcomhréir le hAirteagal 23(3) de Rialachán (CE) Uimh. 1107/2009.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Treoir 2008/127/CE ón gCoimisiún (2) áiríodh hidrigincharbónáit photaisiam an 1 Meán Fómhair 2009 mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

Substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

Formheas na substainte gníomhaí hidrigincharbónáit photaisiam, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 31 Lúnasa 2022.

(4)

Cuireadh isteach iarratais ar fhormheas na substainte gníomhaí hidrigincharbónáit photaisiam a athnuachan i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (5) laistigh den tréimhse ama dá bhforáiltear san Airteagal sin.

(5)

Chuir na hiarratasóirí isteach na sainchomhaid fhorlíontacha a cheanglaítear i gcomhréir le hAirteagal 6 de Rialachán Cur Chun Feidhme (AE) Uimh. 844/2012. Chinn an Ballstát is rapóirtéir an t-iarratas a bheith comhlánaithe ina iomláine.

(6)

D’ullmhaigh an Ballstát is rapóirtéir dréacht-tuarascáil maidir le measúnú ar athnuachan i gcomhairle leis an mBallstát is comhrapóirtéir agus chuir sé faoi bhráid an Údaráis Eorpaigh um Shábháilteacht Bia (“an tÚdarás”) í agus faoi bhráid an Choimisiúin í an 19 Nollaig 2019. Chuir an tÚdarás an sainchomhad achomair forlíontach ar fáil don phobal agus sheol sé comhairliúchán poiblí i dtaca leis an dréacht-tuarascáil maidir le measúnú ar athnuachan. Ina theannta sin, scaip an tÚdarás an dréacht-tuarascáil maidir le measúnú ar athnuachan i measc na n-iarratasóirí agus na mBallstát chun barúlacha a fháil uathu agus chuir sé na barúlacha a fuarthas ar aghaidh chuig an gCoimisiún.

(7)

An 20 Aibreán 2021, chuir an tÚdarás a chonclúid (6) in iúl don Choimisiún maidir le cé acu is féidir nó nach féidir coinne a bheith leis go gcomhlíonfaidh hidrigincharbónáit photaisiam na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(8)

Chuir an Coimisiún tuarascáil athnuachana agus dréacht-Rialachán maidir le hidrigincharbónáit photaisiam faoi bhráid an Bhuanchoiste um Plandaí, Ainmhithe, Bia agus Beatha an 5 agus 6 Iúil 2021.

(9)

D’iarr an Coimisiún ar na hiarratasóirí a mbarúlacha a chur isteach maidir le conclúid an Údaráis agus, i gcomhréir le hAirteagal 14(1), an tríú fomhír, de Rialachán Cur Chun Feidhme (AE) Uimh. 844/2012, maidir leis an tuarascáil athnuachana. Chuir na hiarratasóirí a mbarúlacha isteach, agus rinneadh scrúdú cúramach orthu.

(10)

Cruthaítear i ndáil le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil an tsubstaint ghníomhach hidrigincharbónáit photaisiam gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(11)

An measúnú riosca maidir le formheas na substainte gníomhaí hidrigincharbónáit photaisiam a athnuachan, tá sé bunaithe ar líon teoranta úsáidí ionadaíocha, úsáidí ionadaíocha nach gcuireann srian ar na húsáidí lena bhféadfaí táirgí cosanta plandaí ina bhfuil hidrigincharbónáit photaisiam a údarú. Dá bhrí sin, is iomchuí gan an srian a choimeád maidir le húsáid a bhaint as mar fhuingicíd nó mar fheithidicíd.

(12)

Ina theannta sin, measann an Coimisiún gur substaint ghníomhach ísealriosca í hidrigincharbónáit photaisiam de bhun Airteagal 22 de Rialachán (CE) Uimh. 1107/2009. Is substaint í hidrigincharbónáit photaisiam nach údar imní í agus comhlíonann sí na coinníollacha a leagtar amach i bpointe 5.1 d’Iarscríbhinn II a ghabhann le Rialachán (CE) Uimh. 1107/2009. Dá bhrí sin, is iomchuí formheas na hidrigincharbónáite potaisiam mar shubstaint ísealriosca a athnuachan.

(13)

Ba cheart, dá bhrí sin, Rialachán Cur Chun Feidhme (AE) Uimh. 540/2011 a leasú dá réir.

(14)

Le Rialachán Cur Chun Feidhme (AE) 2021/745 ón gCoimisiún (7), cuireadh síneadh le tréimhse formheasa na hidrigincharbónáite potaisiam go dtí an 31 Lúnasa 2022 chun go bhféadfar an próiseas athnuachana a chur i gcrích sula rachaidh an tréimhse formheasa sin in éag. Mar sin féin, ós rud é go ndearnadh cinneadh maidir leis an bhformheas a athnuachan roimh dhul in éag na tréimhse formheasa sin ar cuireadh síneadh léi, ba cheart tosú ar chur i bhfeidhm an Rialacháin seo tráth níos luaithe ná an dáta sin.

(15)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is galar víreasach tógálach é fiabhras Afracach na muc a bhíonn ar mhuc-ainmhithe atá ar coimeád agus ar mhuc-ainmhithe fiáine agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha.

(2)

Glacadh Rialachán Cur Chun Feidhme (AE) 2021/605 (2) ón gCoimisiún faoi chuimsiú Rialachán (AE) 2016/429, agus leagtar síos leis bearta speisialta rialaithe galar maidir le fiabhras Afracach na muc atá le cur i bhfeidhm ar feadh tréimhse theoranta ama ag na Ballstáit a liostaítear in Iarscríbhinn I a ghabhann leis (na Ballstáit lena mbaineann), i gcriosanna srianta I, II agus III a liostaítear san Iarscríbhinn sin.

(3)

Na limistéir a liostaítear mar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2021/605, tá siad bunaithe ar staid eipidéimeolaíoch fhiabhras Afracach na muc san Aontas. Is le Rialachán Cur Chun Feidhme (AE) 2021/1371 ón gCoimisiún a leasaíodh Iarscríbhinn I a ghabhann le Rialachán Cur Chun Feidhme (AE) 2021/605 (3) go deireanach tar éis athruithe sa staid eipidéimeolaíoch maidir leis an ngalar sin sa Ghearmáin, sa Laitvia, sa Pholainn agus sa tSlóvaic.

(4)

Aon leasú ar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a bheith bunaithe ar an staid eipidéimeolaíoch maidir le fiabhras Afracach na muc sna limistéir atá buailte ag an ngalar sin agus ar staid eipidéimeolaíoch fhoriomlán fhiabhras Afracach na muc sa Bhallstát lena mbaineann, ar an leibhéal riosca maidir le leathadh breise an ghalair sin, ar phrionsabail agus critéir atá bunaithe ar an eolaíocht i dtaca le criosú a shainiú go geografach de bharr fhiabhras Afracach na muc, agus ar threoirlínte an Aontais a comhaontaíodh leis na Ballstáit ag an mBuanchoiste um Plandaí, Ainmnithe, Bia agus Beatha, treoirlínte atá ar fáil ar shuíomh gréasáin an Choimisiúin (4). Ina theannta sin, ba cheart caighdeáin idirnáisiúnta a chur san áireamh sna leasuithe sin, caighdeáin amhail Cód um Shláinte na nAinmhithe Talún (5) ón Eagraíocht Dhomhanda um Shláinte Ainmhithe, agus ba cheart a chur san áireamh freisin an bonn cirt a thug údaráis inniúla náisiúnta na mBallstát lena mbaineann leis an gcriosú.

(5)

Ó bhí dáta glactha Rialachán Cur Chun Feidhme (AE) 2021/1371 ann, tharla ráigeanna nua d’fhiabhras Afracach na muc i muc-ainmhithe ar coimeád sa Bhulgáir, i muc-ainmhithe fiáine sa Ghearmáin, agus i muc-ainmhithe ar coimeád agus fiáine sa Pholainn freisin.

(6)

I mí Iúil 2021, tugadh faoi deara go raibh trí chás d’fhiabhras Afracach na muc i muc-ainmhithe ar coimeád i réigiúin Plovdiv agus Pazardzhik na Bulgáire, i limistéir a liostaítear faoi láthair mar chriosanna srianta II in Iarscríbhinn I a ghabhann le Rialachán Cur chun Feidhme (AE) 2021/605. Na ráigeanna sin d’fhiabhras Afracach na muc i muc-ainmhithe ar coimeád, tá leibhéal méadaithe riosca ag baint leis, rud ba cheart a léiriú san Iarscríbhinn sin. Dá réir sin, na limistéir sin den Bhulgáir a liostaítear faoi láthair mar chriosanna srianta II san Iarscríbhinn sin, limistéir atá buailte ag an ráig seo d’fhiabhras Afracach na muc, ba cheart iad a liostú feasta mar chrios srianta III san Iarscríbhinn sin seachas mar chriosanna srianta II, agus ní mór teorainneacha reatha chriosanna srianta II a athshainiú freisin chun na ráigeanna sin a tharla le déanaí a chur san áireamh.

(7)

Chomh maith leis sin, i mí Lúnasa 2021, tugadh faoi deara go raibh roinnt ráigeanna d’fhiabhras Afracach na muc i muc-ainmhithe fiáine in Brandenburg na Gearmáine i limistéir a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2021/605, áit atá dlúth le limistéir a liostaítear mar chriosanna srianta I de. Na ráigeanna nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leis, rud ba cheart a léiriú san Iarscríbhinn sin. Dá réir sin, na limistéir sin den Ghearmáin a liostaítear faoi láthair mar chriosanna srianta I san Iarscríbhinn sin, áiteanna atá dlúth le limistéir a liostaítear i gcriosanna srianta II atá buailte ag na ráigeanna seo d’fhiabhras Afracach na muc a tharla le déanaí, ba cheart é a liostú feasta mar chriosanna srianta II san Iarscríbhinn sin seachas mar chriosanna srianta I.

(8)

Ina theannta sin, i mí Lúnasa 2021, tugadh faoi deara go raibh ráig amháin d’fhiabhras Afracach na muc i muc-ainmhí fiáin in Brandenburg na Gearmáine i limistéar a liostaítear faoi láthair mar chrios srianta I in Iarscríbhinn I a ghabhann le Rialachán Cur Chun Feidhme (AE) 2021/605. An ráig nua sin d’fhiabhras Afracach na muc i muc-ainmhí fiáin, tá leibhéal méadaithe riosca ag baint leis, rud ba cheart a léiriú san Iarscríbhinn sin. Dá réir sin, an limistéar sin den Ghearmáin a liostaítear faoi láthair mar chrios srianta I san Iarscríbhinn sin, limistéar atá buailte ag an ráig seo d’fhiabhras Afracach na muc a tharla le déanaí, ba cheart é a liostú feasta mar chrios srianta II san Iarscríbhinn sin seachas mar chrios srianta I, agus ní mór teorainneacha reatha chrios srianta I a athshainiú chun an ráig seo a tharla le déanaí a chur san áireamh.

(9)

Ina theannta sin, i mí Lúnasa 2021, tugadh faoi deara go raibh ráig amháin d’fhiabhras Afracach na muc i muc-ainmhí fiáin i réigiún Dolnośląskie na Polainne i limistéar a liostaítear faoi láthair mar chrios srianta III in Iarscríbhinn I a ghabhann le Rialachán Cur Chun Feidhme (AE) 2021/605, áit atá dlúth le limistéar a liostaítear faoi láthair mar chrios srianta I de. An ráig nua sin d’fhiabhras Afracach na muc i muc-ainmhí fiáin, tá leibhéal méadaithe riosca ag baint leis, rud ba cheart a léiriú san Iarscríbhinn sin. Dá réir sin, an limistéar sin den tSlóvaic a liostaítear faoi láthair mar chrios srianta I san Iarscríbhinn sin, é suite i gcóngar limistéir a liostaítear i gcrios srianta II atá buailte ag an ráig seo d’fhiabhras Afracach na muc a tharla le déanaí, ba cheart é a liostú feasta mar chrios srianta II san Iarscríbhinn sin seachas mar chrios srianta I.

(10)

Ina theannta sin, i mí Lúnasa 2021, tugadh faoi deara go raibh ráig amháin d’fhiabhras Afracach na muc i muc-ainmhí fiáin i réigiún Dolnośląskie na Polainne i limistéar a liostaítear faoi láthair mar chrios srianta III in Iarscríbhinn I a ghabhann le Rialachán Cur Chun Feidhme (AE) 2021/605, áit atá dlúth le limistéar a liostaítear faoi láthair mar chrios srianta I. An ráig sin d’fhiabhras Afracach na muc i muc-ainmhithe ar coimeád, tá leibhéal méadaithe riosca ag baint leis, rud ba cheart a léiriú san Iarscríbhinn sin. Dá réir sin, an limistéar sin den Pholainn a liostaítear faoi láthair mar chrios srianta II san Iarscríbhinn sin, é suite i gcóngar limistéir a liostaítear i gcrios srianta III atá buailte ag an ráig seo d’fhiabhras Afracach na muc a tharla le déanaí, ba cheart é a liostú feasta mar chrios srianta III san Iarscríbhinn sin seachas mar chrios srianta II, agus ní mór teorainneacha reatha chrios srianta II a athshainiú chun an ráig seo a tharla le déanaí a chur san áireamh.

(11)

Ina theannta sin, i mí Lúnasa 2021, tugadh faoi deara go raibh ráig amháin d’fhiabhras Afracach na muc i muc-ainmhí fiáin i réigiún Zachodniopomorskie na Polainne i limistéar a liostaítear faoi láthair mar chrios srianta III in Iarscríbhinn I a ghabhann le Rialachán Cur Chun Feidhme (AE) 2021/605, áit atá dlúth le limistéar a liostaítear faoi láthair mar chrios srianta I. An ráig sin d’fhiabhras Afracach na muc i muc-ainmhí fiáin, tá leibhéal méadaithe riosca ag baint leis, rud ba cheart a léiriú san Iarscríbhinn sin. Dá réir sin, an limistéar sin den Pholainn a liostaítear faoi láthair mar chrios srianta I san Iarscríbhinn sin, é suite i gcóngar limistéir a liostaítear mar chrios srianta II atá buailte ag an ráig seo d’fhiabhras Afracach na muc a tharla le déanaí, ba cheart é a liostú feasta mar chrios srianta II san Iarscríbhinn sin seachas mar chrios srianta I, agus ní mór teorainneacha reatha chrios srianta I a athshainiú agus a mhéadú chun an ráig seo a tharla le déanaí a chur san áireamh.

(12)

Ina theannta sin, i mí Lúnasa 2021, tugadh faoi deara go raibh dhá chás d’fhiabhras Afracach na muc i muc-ainmhithe fiáine i réigiúin Zachodniopomorskie agus Mazowieckie na Polainne, i limistéir a liostaítear faoi láthair mar chriosanna srianta I in Iarscríbhinn I a ghabhann le Rialachán Cur chun Feidhme (AE) 2021/605. Na ráigeanna nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leo, rud ba cheart a léiriú san Iarscríbhinn sin. Dá réir sin, na limistéir sin den Pholainn a liostaítear faoi láthair mar chriosanna srianta I san Iarscríbhinn sin, limistéir atá buailte ag an ráig seo d’fhiabhras Afracach na muc, ba cheart iad a liostú feasta mar chrios srianta II san Iarscríbhinn sin seachas mar chriosanna srianta I, agus ní mór teorainneacha reatha chriosanna srianta I a athshainiú freisin chun na ráigeanna sin a tharla le déanaí a chur san áireamh.

(13)

Ar deireadh, i mí Lúnasa 2021, tugadh faoi deara go raibh dhá ráig d’fhiabhras Afracach na muc i muc-ainmhithe ar coimeád i réigiún Podkarpackie na Polainne i limistéar a liostaítear faoi láthair mar chrios srianta II in Iarscríbhinn I a ghabhann le Rialachán Cur Chun Feidhme (AE) 2021/605. Na ráigeanna nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leo, rud ba cheart a léiriú san Iarscríbhinn sin. Dá réir sin, an limistéar sin den Pholainn a liostaítear faoi láthair mar chrios srianta II san Iarscríbhinn sin, limistéir atá buailte ag an ráig seo d’fhiabhras Afracach na muc, ba cheart iad a liostú feasta mar chrios srianta III san Iarscríbhinn sin seachas mar chrios srianta II, agus ní mór teorainneacha reatha chrios srianta II a athshainiú freisin chun na ráigeanna sin a tharla le déanaí a chur san áireamh.

(14)

Tar éis na ráigeanna nua sin d’fhiabhras Afracach na muc a tharla le déanaí i muc-ainmhithe ar coimeád sa Bhulgáir, i muc-ainmhithe fiáine sa Ghearmáin, agus i muc-ainmhithe ar coimeáid agus fiáine sa Pholainn, agus aird á tabhairt ar an staid eipidéimeolaíoch reatha maidir le fiabhras Afracach na muc san Aontas, rinneadh criosú sna Ballstáit sin a athmheasúnú agus a nuashonrú. Ina theannta sin, na bearta bainistithe riosca a bhí i bhfeidhm, rinneadh iad a athmheasúnú agus a nuashonrú. Ba cheart na hathruithe sin a léiriú in Iarscríbhinn I a ghabhann le Rialachán Cur Chun Feidhme (AE) 2021/605.

(15)

Ar mhaithe le haird a thabhairt ar na forbairtí is déanaí i staid eipidéimeolaíoch fhiabhras Afracach na muc san Aontas, agus ar mhaithe le dul i ngleic leis na rioscaí a bhaineann le leathadh an ghalair sin ar bhealach réamhghníomhach, ba cheart criosanna srianta nua de mhéid leordhóthanach a chríochú sa Bhulgáir, sa Ghearmáin agus sa Pholainn, agus ba cheart iad a liostú go cuí mar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2021/605. Ó tharla go bhfuil an staid maidir le fiabhras Afracach na muc an-dinimiciúil san Aontas, tugadh aird ar staid na limistéar máguaird nuair a bhí na criosanna srianta nua sin á gcríochú.

(16)

I bhfianaise phráinn na staide eipidéimeolaíche san Aontas maidir le leathadh fhiabhras Afracach na muc, tá sé tábhachtach go dtiocfaidh na leasuithe atá le déanamh ag an Rialachán Cur Chun Feidhme seo ar Iarscríbhinn I a ghabhann le Rialachán Cur Chun Feidhme (AE) 2021/605 i bhfeidhm a luaithe is féidir.

(17)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,