(1)

Le hIarscríbhinn III a ghabhann le Rialachán (CE) Uimh. 853/2004 leagtar síos rialacha sonracha maidir le sláinteachas i ndáil le bia de bhunadh ainmhíoch le haghaidh oibreoirí gnólachta bia.

(2)

Is coimpléasc einsímí í an bhinid a úsáidtear chun cáiseanna áirithe a tháirgeadh. Is ó ghoilí ainmhithe athchogantacha óga a bhailítear í. De réir na taithí atá faighte ag oibreoirí gnólachtaí bia, ba cheart leasú a dhéanamh ar na ceanglais shonracha sláinteachais maidir le goilí a úsáidtear chun binid a tháirgeadh, ceanglais a leagtar síos i bPointe 18(a) de Chaibidil IV de Roinn I d’Iarscríbhinn III a ghabhann le Rialachán (CE) Uimh. 853/2004, chun bailiú na binide ó chaoirigh óga agus ó ghabhair óga a bharrfheabhsú. Thar aon ní eile, is iomchuí cead a thabhairt na goilí sin a thabhairt amach as an seamlas gan iad a bheith folmhaithe ná glanta.

(3)

Mar thoradh ar fhorbairtí teicneolaíochta, tá éileamh ar chloigne agus ar chrúba a fhaightear ó ainmhithe crúbacha clóis chun a scafa nó a scallta agus a bharrloiscthe lasmuigh den seamlas i sainbhunaíochtaí formheasta a dhéanann próiseáil bhreise ar bhia. Mar iarmhairt phraiticiúil air sin, ba cheart cead a thabhairt cloigne agus crúba ó ainmhithe crúbacha clóis a iompar chuig na bunaíochtaí sin faoi dhálaí áirithe lena n-áiritheofar an tsábháilteacht bia. Dá bhrí sin, ba cheart pointe 18(c) de Chaibidil IV de Roinn I d’Iarscríbhinn III a ghabhann le Rialachán (CE) Uimh. 853/2004 a leasú.

(4)

I gcomhréir le hAirteagal 4 de Rialachán Tarmligthe (AE) 2019/624 ón gCoimisiún (2), féadfaidh an tréidlia oifigiúil cigireacht réamhbháis a dhéanamh lasmuigh de sheamlas i gcás marú éigeandála ainmhithe crúbacha clóis. Le pointe 2 de Chaibidil VI de Roinn I d’Iarscríbhinn III a ghabhann le Rialachán (CE) Uimh. 853/2004, ceanglaítear go ndéanfaidh tréidlia cigireacht réamhbháis i gcás marú éigeandála. Ba cheart an ceanglas sin a leasú ionas go mbeidh sé comhsheasmhach le hAirteagal 4 de Rialachán Tarmligthe (AE) 2019/624 agus ionas go ndéanfar tagairt ina áit don tréidlia oifigiúil.

(5)

Ceann de na gníomhaíochtaí a mholtar i Straitéis an Choimisiúin “Ón bhFeirm go dtí an Forc” (3) is ea leas ainmhithe a fheabhsú le haghaidh córas bia atá cóir sláintiúil neamhdhíobhálach don comhshaol, mar chuid den Chomhaontú Glas don Eoraip. Tá athrú tagtha ar phatrúin tomhaltais na feola go háirithe, le héileamh méadaitheach ó Pharlaimint na hEorpa, ó fheirmeoirí agus ó thomhaltóirí go gceadófar marú ainmhithe crúbacha clóis áirithe ar láthair an ghabháltais bhunáitíochta, chun imní a sheachaint d’fhéadfadh a bheith ann maidir le leas ainmhithe le linn a mbailithe agus a n-iompair.

(6)

Cé is moite den mharú éigeandála, tá ceanglas ann ainmhithe crúbacha clóis a mharú i seamlas atá formheasta i gcomhréir le hAirteagal 4(2) de Rialachán (CE) Uimh. 853/2004 chun comhlíonadh na gceanglas sláinteachais a áirithiú, ceanglais a leagtar síos i gCaibidlí II agus IV de Roinn I d’Iarscríbhinn III a ghabhann leis an Rialachán sin. Féadfaidh údaráis inniúla na mBallstát seamlais shoghluaiste a fhormheas i gcomhréir leis an Airteagal sin. Féadfar na saoráidí soghluaiste sin a lonnú i ngach suíomh is cuí, lena n-áirítear feirmeacha, suíomhanna inar féidir grúpaí d’ainmhithe sláintiúla a mharú. Faoi chúinsí eile, is rud é iompar ainmhithe áirithe a d’fhéadfadh riosca a chruthú don láimhseálaí nó do leas na n-ainmhithe. Dá bhrí sin, ba cheart an marú agus an fuiliú a cheadú ar láthair an ghabháltais bhunáitíochta do líon teoranta bó-ainmhithe clóis agus muc-ainmhithe agus each-ainmhithe clóis. Ba cheart an cleachtas sin a bheith faoi réir coinníollacha dochta chun ardleibhéal sábháilteachta bia a choinneáil ar bun maidir leis an bhfeoil a dhíorthaítear ó na hainmhithe sin.

(7)

Maidir le bó-ainmhithe clóis agus muc-ainmhithe agus each-ainmhithe clóis a mharaítear ar láthair an ghabháltais bhunáitíochta, ba cheart deimhniú oifigiúil a bheith ag gabháil leo, lena bhfianaítear gur comhlíonadh na ceanglais sláinteachais a bhaineann leis an marú. Is i Rialachán Cur Chun Feidhme (AE) 2020/2235 ón gCoimisiún a fhoráiltear don deimhniú oifigiúil sin (4).

(8)

An 27 Meán Fómhair 2018, ghlac an tÚdarás Eorpach um Shábháilteacht Bia (EFSA) an dara tuairim eolaíoch maidir le cur chuige na hanailíse guaise i gcás bunaíochtaí beaga miondíola áirithe agus deonacháin bia (5). Leis an Tuairim sin, moltar reo ar an leibhéal miondíola a bheith ina uirlis bhreise chun athdháileadh sábháilte bia a ráthú dóibh siúd atá i lúba an ghátair. Le héascú na gcleachtas maidir le bia a dheonú go sábháilte, coisctear cur amú bia agus rannchuidítear le slándáil bia, i gcomhréir leis na cuspóirí a leagtar síos i straitéis an Choimisiúin “Ón bhFeirm go dtí an Forc” agus leis an aidhm fhoriomlán atá aige córas bia atá cothrom sláintiúil neamhdhíobhálach don chomhshaol a bhunú mar chuid den Chomhaontú Glas don Eoraip. Féadfaidh reo an bhia a bheith ina mhodh tábhachtach chun a áirithiú go ndéanann bainc bia agus carthanais eile an bia a athdháileadh go sábháilte. Faoi láthair, ní cheadaítear reo na feola i gcás gníomhaíochta ó mhiondíoltóir go miondíoltóir ós rud é go bhfuil de cheanglas ann feoil a reo atá beartaithe le reo gan moill mhíchuí tar éis an mharaithe nó an ghearrtha i gcomhréir le pointe 4 de Chaibidil VII de Roinn I d’Iarscríbhinn III a ghabhann le Rialachán (CE) Uimh. 853/2004, a mhéid a bhaineann le hainmhithe crúbacha clóis, agus i gcomhréir le pointe 5 de Chaibidil V de Roinn II den Iarscríbhinn sin a mhéid a bhaineann le héanlaith chlóis agus le giorriaigh. Dá bhrí sin, ba cheart reo na feola a cheadú i gcás gníomhaíochta ó mhiondíoltóir go miondíoltóir faoi dhálaí áirithe chun dáileadh sábháilte na ndeonachán bia a áirithiú.

(9)

I Rialachán (CE) Uimh. 854/2004 ó Pharlaimint na hEorpa agus ón gComhairle (6) tugadh sainmhíniú ar an rud is “tréidlia formheasta” ann. Le Rialachán (AE) 2017/625 ó Pharlaimint na hEorpa agus ón gComhairle (7) rinneadh Rialachán (CE) Uimh. 854/2004 a aisghairm agus tugadh sainmhíniú ar an rud is ‘tréidlia formheasta’ ann. Ós rud é go gcuimsítear “tréidlia formheasta” sa sainmhíniú ar “thréidlia oifigiúil” i Rialachán (AE) 2017/625, ba cheart na tagairtí do “thréidlia formheasta” in Iarscríbhinn III a ghabhann le Rialachán (CE) Uimh. 853/2004 a leasú chun tagairt a dhéanamh do “thréidlia oifigiúil” ina ionad sin

(10)

Maidir leis na ceanglais shonracha sláinteachais a leagtar síos i Roinn III d’Iarscríbhinn III a ghabhann le Rialachán (CE) Uimh. 853/2004 i dtaca le feoil ó mhamaigh géim feirme crúbscoilte a tháirgeadh agus a chur ar an margadh, ní bheidh feidhm acu ach maidir le feoil ó Ce rvidae nó Suidae. Ba cheart feidhm a bheith ag ceanglais chomhchosúla freisin maidir le feoil ó mhamaigh géim feirme crúbscoilte eile, cuir i gcás lámaí, chun riosca féideartha a sheachaint sa tsábháilteacht bia, riosca a eascraíonn as athruithe i bpatrúin tomhaltais de bharr méadú ar thomhaltas na feola sin.

(11)

Coirp agus ionathar na géime fiáine a mharaítear le linn seilge, féadfar a n-iompar go dtí ionad bailiúcháin agus a stóráil ann sula n-iompraítear iad go bunaíocht láimhseála géime. Ba cheart rialacha sonracha sláinteachais a thabhairt isteach maidir le láimhseáil agus stóráil na gcorp agus na n-ionathar sin sna hionaid bhailiúcháin sin chun sábháilteacht bia na feola sin a áirithiú trí leasú a dhéanamh ar na ceanglais sláinteachais le haghaidh géim fiáin a leagtar síos i Roinn IV d’Iarscríbhinn III a ghabhann le Rialachán (CE) Uimh. 853/2004.

(12)

Tá ceanglas ann géim fiáin a iompar a thúisce is féidir chuig bunaíocht láimhseála géime tar éis do dhuine oilte é a scrúdú i gcomhréir le pointe 3 de Chaibidil II de Roinn IV d’Iarscríbhinn III a ghabhann le Rialachán (CE) Uimh. 853/2004 a mhéid a bhaineann le géim fiáin mór agus i gcomhréir le pointe 3 de Chaibidil III den Roinn sin maidir le géim fiáin beag chun gur féidir fuarú a dhéanamh laistigh de thréimhse ama réasúnach tar éis an mharaithe. Ba cheart feidhm a bheith ag an gceanglas sin maidir le géim fiáin i gcás nach ndearnadh aon scrúdú.

(13)

Is éard a fhoráiltear le pointe 3 de Chaibidil I de Roinn VII d’Iarscríbhinn III a ghabhann le Rialachán (CE) Uimh. 853/2004 i gcás ina n-aistríonn oibreoir gnó bia baisc moileasc débhlaoscach beo idir bunaíochtaí nach mór doiciméad clárúcháin a bheith ag gabháil leis an mbaisc. Chun an fhaisnéis a éilítear le pointe 4 de Chaibidil I de Roinn VII d’Iarscríbhinn III a ghabhann le Rialachán (CE) Uimh. 853/2004 a chomhchuibhiú, ba cheart samhail choiteann a bhunú den doiciméad clárúcháin maidir le haistriú moileasc débhlaoscach beo ó bhunaíocht go bunaíocht. Thairis sin, is cleachtas coitianta é baisceanna moilisc bhlaoscacha a sheoladh chuig oibreoirí idirmheánacha freisin, agus dá bhrí sin ba cheart an fhéidearthacht sin a áireamh sa doiciméad clárúcháin.

(14)

I gcomhréir le pointe 1 de Chuid A de Chaibidil IV de Roinn VII d’Iarscríbhinn III a ghabhann le Rialachán (CE) Uimh. 853/2004, ní mór moilisc dhébhlaoscacha bheo a ní in uisce glan atá saor ó láib agus ó smionagar carntha sula gcuirtear tús leis an íonú. Chun uisce a spáráil áfach, níor cheart gur rud éigeantach a bheadh i níochán na moileasc débhlaoscach atá glan. Ba cheart pointe 1 de Chuid A de Chaibidil IV de Roinn VII a leasú dá réir.

(15)

Biththocsainí muirí a sháraíonn na teorainneacha a leagtar amach i bpointe 2 de Chaibidil V de Roinn VII d’Iarscríbhinn III a ghabhann le Rialachán (CE) Uimh. 853/2004, ní ceart iad a bheith sna moilisc dhébhlaoscacha bheo a chuirtear ar an margadh. Tháinig an EFSA ar an gconclúid ina Thuairim maidir le biththocsainí mara i sliogéisc – grúpa Peicteanatocsain (8) nach bhfuil aon tuairisc ann maidir le héifeachtaí díobhálacha ar an duine a bhaineann le grúpa tocsainí Peicteanatocsainí (PTX). Ina theannta sin, faightear tocsainí ón ngrúpa aigéid Okadaic in éineacht le PTX i sliogiasc i gcónaí. Dá bhrí sin, is iomchuí an tagairt do PTX a scriosadh ó phointe 2(c) de Chaibidil V de Roinn VII d’Iarscríbhinn III a ghabhann le Rialachán (CE) Uimh. 853/2004.

(16)

Foráiltear le hAirteagal 11 de Rialachán Tarmligthe 2019/624 nach gá limistéir táirgthe agus athsheachadta a aicmiú i ndáil le holothuroidea a bhuaint nuair a dhéanann na húdaráis inniúla rialuithe oifigiúla ar na hainmhithe sin i gceantanna éisc, in ionaid seolta agus i mbunaíochtaí próiseála. Ba cheart Caibidil IX de Roinn VII d’Iarscríbhinn III a ghabhann le Rialachán (CE) Uimh. 853/2004 a leasú chun go bhféadfaí holothuroidea a bhuaint lasmuigh de limistéir táirgthe agus athsheachadta atá aicmithe.

(17)

Ba cheart soithí a dhearadh agus a thógáil ionas nach n-éillítear na táirgí iascaigh le huisce ruma ná le camras, le deatach na le breosla, le hola ná le gréisc ná le haon substaint mhídheas eile. Boilg, umair agus coimeádáin a úsáidtear chun táirgí iascaigh a stóráil, a fhuarú nó a reo, ní ceart iad sin a úsáid ach oiread chun críocha eile seachas chun táirgí iascaigh a stóráil. Trealamh reo a bhfuil acmhainn leordhóthanach aige rudaí a reo a thapa is féidir i bpróiseas leanúnach agus a bhfuil tréimhse ghabhála teirmeach chomh gearr agus is féidir aige, ba cheart an trealamh sin a fheistiú ar reoshoithí agus ar shoithí cuisnithe, ionas go mbainfear amach teocht lárnach nach airde ná -18 °C. Ní ceart úsáid a bhaint as boilg stórála chun earraí a reo. Ba cheart na ceanglais a bhaineann le trealamh reo agus stórála feidhm a bheith acu maidir le fuarstórais ar an talamh freisin. Dá bhrí sin, ba cheart cuid I de Chaibidil I agus cuid B de Chaibidil III de Roinn VIII d’Iarscríbhinn III a ghabhann le Rialachán (CE) Uimh. 853/2004 a leasú dá réir.

(18)

Tar éis calaoisí a rinneadh le déanaí maidir le tuinníní a reodh faoi sháile ar dtús ag -9 °C agus a beartaíodh don tionscal cannadóireachta ach a atreoraíodh lena gcaitheamh mar tháirgí iascaigh úra, is iomchuí a shoiléiriú i bpointe 7 de Chuid II de Chaibidil I de Roinn VIII d’Iarscríbhinn III a ghabhann le Rialachán (CE) Uimh. 853/2004 maidir le táirgí iomlána iascaigh a reoitear faoi sháile ar dtús ag -9 °C agus atá ceaptha don tionscal cannadóireachta, fiú má reoitear arís iad ag teocht -18 °C, ní ceart ceann scríbe difriúil a bheith acu seachas an tionscal cannadóireachta.

(19)

Ní mór aenna agus eochraí táirgí iascaigh atá ceaptha le caitheamh ag an duine a chaomhnú faoi oighear, ag teocht atá gar do leátheocht an oighir, nó ní mór iad a reo. Is iomchuí cuisniú aenna agus eochraí a cheadú faoi dhálaí éagsúla seachas faoi oighear, ag teocht atá gar do leátheocht an oighir. Dá réir sin, ba cheart pointe 6 de Chuid II de Chaibidil I de Roinn VIII d’Iarscríbhinn III a ghabhann le Rialachán (CE) Uimh. 853/2004 a leasú ionas go bhféadfar aenna agus eochraí táirgí iascaigh atá ceaptha le caitheamh ag an duine a chuisniú ní hamháin faoi oighear ach faoi dhálaí éagsúla cuisnithe.

(20)

Maidir le coimeádáin a úsáidtear chun táirgí iascaigh úra ullmhaithe neamhphacáistithe a stóráiltear faoi oighear a sheoladh nó a stóráil, níor cheart don leá-uisce teagmháil le haon táirge iascaigh. Ar chúiseanna sláinteachais tá sé tábhachtach a shoiléiriú ní hamháin nár cheart don leá-uisce teagmháil le táirgí iascaigh, ach ba cheart é a dhraenáil. Dá réir sin, ba cheart pointe 4 de chuid A de Chaibidil III de Roinn VIII d’Iarscríbhinn III a ghabhann le Rialachán (CE) Uimh. 853/2004 a leasú chun a shoiléiriú nár cheart do leá-uisce teagmháil le táirgí iascaigh agus ní hamháin sin ach gur cheart é a dhraenáil.

(21)

Rialacha sonracha sláinteachais maidir le cosa froganna a leagtar síos i Roinn XI d’Iarscríbhinn III a ghabhann le Rialachán (CE) Uimh. 853/2004, ní bhaineann siad ach le cosa froganna den speiceas RNA (fine Ranidae) i gcomhréir leis an sainmhíniú ar chosa froganna a leagtar síos i bpointe 6.1 d’Iarscríbhinn I a ghabhann leis an Rialachán sin. Níl feidhm ag rialacha sonracha sláinteachais le haghaidh seilidí sa Roinn sin ach amháin maidir le gastrapóid talún den speiceas Helix pomatia Linné, Helix aspersa Muller, Helix lucorum agus speicis den fhine Achatinidae i gcomhréir leis an sainmhíniú ar sheilidí a leagtar síos i bpointe 6.2 d’Iarscríbhinn I a ghabhann le Rialachán (CE) Uimh. 853/2004. De bharr athruithe ar nósanna itheacháin, déantar cosa froganna agus seilidí de speicis eile a tháirgeadh agus a chur ar an margadh freisin le caitheamh ag an duine. Ba cheart rialacha sonracha sláinteachais a leathnú chun na speicis sin a chumhdach chun sábháilteacht an bhia a dhíorthaítear ó na speicis sin a áirithiú.

(22)

Le Roinn XII d’Iarscríbhinn III a ghabhann le Rialachán (CE) Uimh. 853/2004 leagtar síos ceanglais shonracha maidir le teocht chun geirdheascadh a stóráil atá ceaptha le caitheamh ag an duine. A bhuí le forbairtí teicneolaíochta, is féidir teicnící pacáistithe áirithe a úsáid, cuir i gcás folúsphacáistiú, nach dteastaíonn ceanglais shonracha maidir le teocht ina leith chun sábháilteacht an bhia a dhíorthaítear ó gheirdheascadh a áirithiú. Dá bhrí sin, ba cheart na dálaí teochta sin a scriosadh agus ba cheart don oibreoir gnólachta bia sábháilteacht an bhia a dhíorthaítear ó gheirdheascadh a áirithiú trí dhea-chleachtais sláinteachais agus nósanna imeachta atá bunaithe ar phrionsabail Anailís Guaise agus Pointe Criticiúil Rialaithe (HACCP) i gcomhréir le hAirteagal 5 de Rialachán (CE) Uimh. 852/2004 ó Pharlaimint na hEorpa agus ón gComhairle (9).

(23)

Dá bhrí sin, ba cheart Iarscríbhinn III a ghabhann le Rialachán (CE) Uimh. 853/2004 a leasú dá réir,

(1)

Le Rialachán Tarmligthe (AE) 2019/33 (2) ón gCoimisiún, a tháinig in ionad Rialachán (CE) Uimh. 607/2009 (3) ón gCoimisiún agus lenar aisghaireadh é, leagtar síos rialacha lena bhforlíontar Rialachán (AE) Uimh. 1308/2013 a mhéid a bhaineann le cosaint, cealú agus modhnú téarmaí traidisiúnta.

(2)

Leagtar síos in Airteagal 34 de Rialachán Tarmligthe (AE) 2019/33 i dtaca le modhnú téarma traidisiúnta cláraithe, nach bhféadfaidh baint a bheith aige ach leis na heilimintí dá dtagraítear i bpointí (b), (c) agus (d) d’Airteagal 26(1), den Rialachán sin, pointí a thagraíonn do chineál an téarma thraidisiúnta, don teanga ina sloinntear an téarma traidisiúnta agus don chatagóir táirgí fíniúna a bhaineann lena úsáid.

(3)

Mar sin féin, le hAirteagal 42a de Rialachán (CE) Uimh. 607/2009, rinneadh foráil maidir le liosta níos faide de na modhnuithe a d’fhéadfaí a dhéanamh. Go háirithe, cuireadh san áireamh ann go bhféadfadh an téarma traidisiúnta féin a mhodhnú mar aon leis an teanga ina léirítear an téarma traidisiúnta, an fíon nó na fíonta lena mbaineann agus achoimre ar shainmhíniú nó ar choinníollacha úsáide an téarma thraidisiúnta. Dá bhrí sin, bhí na féidearthachtaí modhnaithe faoi Rialachán (CE) Uimh. 607/2009 níos leithne agus ceadaíodh do tháirgeoirí fíona, mar shampla, liosta na bhfíonta a leathnú chun fíonta eile a chumhdach nó é a theorannú, ar fíonta iad a bhfuil sonrúcháin tionscnaimh faoi chosaint nó tásca geografacha faoi chosaint acu agus atá údaraithe chun téarma traidisiúnta a úsáid nó chun na coinníollacha maidir le húsáid téarma traidisiúnta a leasú, lena n-áirítear modhanna táirgthe na bhfíonta lena mbaineann.

(4)

Dréachtaíodh forálacha Rialachán Tarmligthe (AE) 2019/33 maidir le téarmaí traidisiúnta agus é de rún acu leanúnachas an chreata choitinn a bhaineann le téarmaí traidisiúnta a bunaíodh faoi Rialachán (CE) Uimh. 607/2009 a áirithiú, agus na nósanna imeachta atá ann cheana a chomhlánú agus a shoiléiriú aon uair is gá. Déantar tagairtí díreacha in Airteagal 34 de Rialachán Tarmligthe (AE) 2019/33 do na heilimintí d’fhoirm iarratais arna comhlánú go cuí, faoi mar a leagtar amach in Airteagal 26(1) den Rialachán sin. Mar sin féin, de bharr easnamh neamhdheonach, níor luadh pointe (a) d’Airteagal 26(1) d’ainm an téarma thraidisiúnta lena mbaineann, pointe (e) d’Airteagal 26(1), a thagraíonn don achoimre ar an sainmhíniú agus na coinníollacha úsáide agus pointe (f) d’Airteagal 26(1), a thagraíonn do na hainmniúcháin tionscnaimh faoi chosaint nó do na tásca geografacha faoi chosaint lena mbaineann, sa liosta a leagtar amach in Airteagal 34, cé gur cuireadh na heilimintí sin san áireamh in Airteagal 42a de Rialachán (CE) Uimh. 607/2009. Tá iarmhairt neamhbheartaithe aige sin go bhfuil na féidearthachtaí maidir le téarma traidisiúnta a mhodhnú teoranta do mhodhnú i ndáil leis an gcineál téarma traidisiúnta, an teanga agus an catagóir táirgí fíniúna lena mbaineann.

(5)

Go praiticiúil, cuireann foclaíocht reatha na chéad mhíre d’Airteagal 34 bac ar an bhféidearthacht úsáid téarma traidisiúnta a leathnú chun sonrúcháin tionscnaimh nua faoi chosaint nó tásca geografacha nua faoi chosaint a chumhdach nó chun na fíonta sin nach gcomhlíonann a choinníollacha úsáide a thuilleadh a eisiamh ón liosta fíonta atá údaraithe téarma traidisiúnta a úsáid. Thairis sin, ní cheadaítear leis, mar shampla, na modhanna táirgthe atá luaite i sonraíochtaí téarma traidisiúnta a oiriúnú i gcás ina dtagann athrú ar na modhanna sin i ngeall ar na dálaí athraitheacha comhshaoil nó aeráide.

(6)

Chun an t-easnamh neamhbheartaithe sin a cheartú agus chun an tsolúbthacht a tugadh do shealbhóirí téarmaí traidisiúnta faoi Rialachán (CE) Uimh. 607/2009 a athbhunú, ba cheart síneadh a chur le liosta na modhnuithe a d’fhéadfaí a dhéanamh ar théarma traidisiúnta cláraithe dá dtagraítear sa chéad mhír d’Airteagal 34 de Rialachán Tarmligthe (AE) 2019/33 chun go gcuirfí na heilimintí dá dtagraítear i bpointe (a), i bpointe (e) agus i bpointe (f) d’Airteagal 26(1) den Rialachán sin san áireamh.

(7)

Ba cheart, dá bhrí sin, Rialachán Tarmligthe (AE) 2019/33 a leasú dá réir sin.

(8)

Ar mhaithe leis an tsoiléireacht dhlíthiúil agus chun cóir chomhionann na n-iarratas uile ar mhodhnú téarma traidisiúnta cláraithe a áirithiú, ba cheart feidhm chúlghabhálach a bheith ag an Rialachán seo ón 14 Eanáir 2019,

(1)

Leagtar síos le Rialachán (AE) 2021/92 ón gComhairle (2) cuótaí le haghaidh 2021.

(2)

De réir na faisnéise a fuair an Coimisiún, tá an cuóta a cionroinneadh le haghaidh 2021 ídithe ag gabhálacha an stoic péirsí mara i limistéar NAFO 3M a rinne soithí faoi bhratach Ballstáit den Aontas Eorpach nó soithí atá cláraithe i mBallstát den Aontas Eorpach.

(3)

Is gá, dá bhrí sin, toirmeasc a chur ar ghníomhaíochtaí iascaireachta dírithe a bhaineann leis an stoc sin,

(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear ar liosta an Aontais a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, glacadh Rialachán Cur Chun Feidhme (AE) 2017/2470 ón gCoimisiún (2) lena mbunaítear liosta Aontais de bhianna núíosacha údaraithe.

(3)

De bhun Airteagal 12 de Rialachán (AE) 2015/2283, is faoin gCoimisiún atá sé cinneadh a dhéanamh faoi bhia núíosach a údarú nuashonrú.

(4)

Údaraíodh an bia núíosach “Oiléaroisín ar chuid mhór astaxaintine ó algaí Haematococcus pluvialis” de bhun Airteagal 5 de Rialachán (CE) Uimh. 258/97 ó Pharlaimint na hEorpa agus ón gComhairle (3) lena úsáid i bhforbhianna atá beartaithe lena dtomhailt ag an bpobal i gcoitinne, de réir mar a shainmhínítear i dTreoir 2002/46/CE ó Pharlaimint na hEorpa agus ón gComhairle (4). Uasleibhéil údaraithe an oiléaroisín ar chuid mhór astaxaintine ó algaí Haematococcus pluvialisdon phobal i gcoitinne, is leibhéil iad sin a leagtar síos faoi láthair ag 40-80 mg in aghaidh an lae d’oiléaroisín, agus is é an toradh atá air sin ≤ 8,0 mg d’astaxaintin in aghaidh an lae.

(5)

Tráth a bunaíodh liosta an Aontais de bhianna núíosacha atá údaraithe in 2017 agus ar bhonn dhá thuairim roimhe sin (5) (6)in 2014 ón Údarás Eorpach um Shábháilteacht Bia (“an tÚdarás”), tuairim amháin acu maidir le húsáid astaxaintine i mbreiseáin bheathaithe mar a shainmhínítear i Rialachán (CE) Uimh. 1831/2003 ó Pharlaimint na hEorpa agus ón gComhairle (7) maidir le breiseáin bheathaithe le haghaidh cothú ainmhithe, inar leagadh síos Iontógáil Laethúil Inghlactha (“ADI”) 0,034 mg/kg in aghaidh an mheáchain coirp in aghaidh an lae le haghaidh astaxaintine, agus an tuairim eile maidir le sábháilteacht na hastaxaintine mar chomhábhar bia núíosaigh, mheas an Coimisiún go bhféadfadh iontógáil na hastaxaintine ó fhorbhianna ina bhfuil an t-uasleibhéal údaraithe de 8,0 mg in aghaidh an lae bainte amach , go bhféadfadh sí sin dul thar an ADI agus gan bheith i gcomhréir leis na coinníollacha a leagtar amach in Airteagal 7 de Rialachán (AE) 2015/2283. Mheas an Coimisiún gur cheart liosta an Aontais a leasú chun na leibhéil údaraithe astaxaintine a choigeartú i bhfianaise na dtuairimí ón Údarás ó 2014.

(6)

In 2017, tháinig an Coimisiún ar an eolas freisin faoi fhianaise eolaíoch nua a chuir oibreoirí gnólachtaí isteach le linn an chomhairliúcháin phoiblí faoin dréacht-Rialachán Cur Chun Feidhme lena mbunaítear liosta an Aontais de bhianna núíosacha údaraithe, fianaise a léiríonn ADI i bhfad níos airde le haghaidh astaxaintine ná an ADI a bhunaigh an tÚdarás roimhe sin. Ina theannta sin, léirigh fianaise a cuireadh isteach le linn an chomhairliúcháin phoiblí chéanna gurbh ann d’iontógáil shuntasach astaxaintine cheana féin ón ngnáth-aiste bhia mar go mbíonn sí ann go nádúrtha i roinnt éisc agus crústach.

(7)

An 27 Feabhra 2018 agus i gcomhréir le hAirteagal 29(1) de Rialachán (CE) Uimh. 178/2002 ó Pharlaimint na hEorpa agus ón gComhairle (8), d' iarr an Coimisiún ar an Údarás tuairim a thabhairt maidir le sábháilteacht na hastaxaintine nuair a úsáidtear í mar bhia núíosach i bhforbhianna ag leibhéil suas le 8,0 mg in aghaidh an lae, agus iontógáil charnach fhoriomlán na hastaxaintine ó gach foinse bhia á cur san áireamh.

(8)

An 18 Nollaig 2019, ghlac an tÚdarás a thuairimí eolaíocha dar teideal “Sábháilteacht na hastaxaintine i ndáil lena húsáid mar bhia núíosach i bhforbhianna (9)”.

(9)

Sa tuairim eolaíoch ón Údarás, tháinig sé ar an gconclúid, ar bhonn na fianaise nua, gurb é 0,2 mg/kg ina aghaidh an mheáchain coirp an ADI le haghaidh astaxaintine in aghaidh an lae. Agus ADI na hastaxaintine agus iontógáil na hastaxaintine ón ngnáth-aiste bhia araon á gcur san áireamh, tháinig an tÚdarás ar an gconclúid go bhfuil iontógáil na n-uasleibhéil údaraithe faoi láthair d’astaxaintin, is é sin suas le 8,0 mg in aghaidh an lae, as forbhianna ina bhfuil oiléaroisín ar chuid mhór astaxaintine ó algaí Haematococcus pluvialis, go bhfuil an iontógáil sin sábháilte do dhaoine fásta agus do dhéagóirí os cionn 14 bliain d’aois.

(10)

Ba cheart ainmniú soiléir ar an mbia núíosach agus ceanglas lipéadaithe a leagan síos le haghaidh forbhianna ina bhfuil oiléaroisín ar chuid mhór astaxaintine ó algaí Haematococcus pluvialis chun a áirithiú nach dtomhlóidh leanaí ná déagóirí faoi bhun 14 bliana d’aois na forbhianna sin.

(11)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(12)

Cé go n-údaraítear forbhianna ina bhfuil ≤ 8,0 mg d’astaxaintin don phobal i gcoitinne faoi láthair, is cosúil go léiríonn fianaise ón margadh nach mbaineann leanaí ná déagóirí úsáid astu sa chleachtas ach gurb iad na daoine fásta amháin a mbaineann úsáid astu, nach mór. Chun teorainn a chur leis an ualach riaracháin agus chun am leordhóthanach a thabhairt d’oibreoirí gnólachtaí chun a gcleachtais a choigeartú ionas go gcomhlíonfar ceanglais an Rialacháin seo, ba cheart idirthréimhsí a leagan síos chun go gcumhdófar forbhianna ina bhfuil ≤ 8,0 mg d’astaxaintin a cuireadh ar an margadh nó a seoladh ó thríú tíortha chuig an Aontas agus atá beartaithe lena dtomhailt ag an bpobal i gcoitinne, roimh dháta theacht i bhfeidhm an Rialacháin seo. Sna bearta idirthréimhseacha sin ba cheart sábháilteacht na dtomhaltóirí a chur san áireamh tríd an bhfaisnéis faoin úsáid iomchuí a sholáthar i gcomhréir le ceanglais an Rialacháin seo.

(13)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

I gcomhréir le pointe (b)(i) d’Airteagal 45(1) de Rialachán (AE) 2018/848, féadfar táirge a allmhairiú ó thríú tír chun an táirge sin a chur ar an margadh laistigh den Aontas mar tháirge orgánach nó mar tháirge atá á thiontú, más rud é gur cuireadh oibreoirí agus grúpaí oibreoirí, lena n-áirítear onnmhaireoirí sa tríú tír lena mbaineann, faoi réir rialuithe ag údaráis rialaithe nó comhlachtaí rialuithe a aithnítear i gcomhréir le hAirteagal 46 den Rialachán sin, agus gur chuir na húdaráis nó na comhlachtaí sin deimhniú ar fáil do gach oibreoir, grúpa oibreoirí agus onnmhaireoir den sórt sin lena ndearbhaítear go gcomhlíonann siad Rialachán (AE) 2018/848.

(2)

Chun éifeacht a thabhairt do phointe (b)(i) d’Airteagal 45(1) de Rialachán (AE) 2018/848, ba cheart inneachar an deimhnithe dá dtagraítear san fhoráil sin a shonrú, mar aon leis na modhanna teicniúla lena n-eiseofar é.

(3)

Ina theannta sin, chun críocha phointe (b)(i) d’Airteagal 45(1) de Rialachán (AE) 2018/848, is iomchuí an liosta a bhunú leis an Rialachán seo d’údaráis rialaithe aitheanta agus de chomhlachtaí rialaithe aitheanta a bhfuil an inniúlacht acu na rialuithe sin a dhéanamh agus an deimhniú sin a eisiúint i dtríú tíortha.

(4)

Ar mhaithe le soiléireacht agus le deimhneacht dhlíthiúil, ba cheart feidhm a bheith ag an Rialachán seo maidir le táirgeadh ó dháta cur i bhfeidhm Rialachán (AE) 2018/848.

(5)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Tháirgeadh Orgánach,

(1)

Le Treoir 2002/64/CE ón gCoimisiún (2) áirítear famocsadón mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

Maidir leis na substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

Formheas na substainte gníomhaí famocsadón, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 30 Meitheamh 2022.

(4)

Cuireadh isteach iarratas ar fhormheas an fhamocsadóin a athnuachan i gcomhréir le hAirteagal 4 de Rialachán Cur Chun Feidhme (AE) Uimh. 1141/2010 (5) ón gCoimisiún laistigh den tréimhse dá bhforáiltear san Airteagal sin.

(5)

Chuir an t-iarratasóir isteach na sainchomhaid fhorlíontacha a cheanglaítear i gcomhréir le hAirteagal 9 de Rialachán Cur Chun Feidhme (AE) Uimh. 1141/2010. Chinn an Ballstát is rapóirtéir an t-iarratas a bheith comhlánaithe ina iomláine.

(6)

D’ullmhaigh an Ballstát is rapóirtéir tuarascáil maidir le measúnú ar athnuachan i gcomhairle leis an mBallstát is comhrapóirtéir agus chuir sé faoi bhráid an Údaráis Eorpaigh um Shábháilteacht Bia (“an tÚdarás”) í agus faoi bhráid an Choimisiúin í an 15 Iúil 2014.

(7)

Chuir an tÚdarás an tuarascáil maidir le measúnú ar athnuachan in iúl don iarratasóir agus do na Ballstáit chun barúlacha a fháil uathu agus chuir sé na barúlacha a fuarthas ar aghaidh chuig an gCoimisiún. Chuir an tÚdarás an sainchomhad achomair forlíontach ar fáil don phobal freisin.

(8)

An 3 Iúil 2015, chuir an tÚdarás a chonclúid in iúl don Choimisiún maidir le cé acu is féidir nó nach féidir coinne (6) a bheith leis go gcomhlíonfaidh famocsadón na critéir formheasa dá bhforáiltear in Airteagal 4 de Rialachán (CE) Uimh. 1107/2009. Tháinig an tÚdarás ar an gconclúid gurb é is dóichí go sárófar, leis na húsáidí ionadaíocha uile a measúnaíodh, leibhéal na neamhchosanta atá inghlactha ag an oibreoir (“AOEL”) le haghaidh oibrithe le linn bhuaint láimhe na mbarr fiú nuair a úsáidtear trealamh cosanta pearsanta (“PPE”). Ina theannta sin, tháinig an tÚdarás ar an gconclúid go mbaineann ardriosca fadtéarmach le húsáid famocsadóin do mhamaigh agus go mbaineann ardriosca lena úsáid d’orgánaigh uisceacha. Ina theannta sin, luaigh an tÚdarás nach leor an fhaisnéis atá ar fáil chun teacht ar chonclúid maidir leis na measúnuithe riosca fhadtéarmaigh d’éin.

(9)

D’iarr an Coimisiún ar an iarratasóir a bharúlacha féin a chur isteach i leith chonclúid an Údaráis agus, i gcomhréir le hAirteagal 17(1) de Rialachán Cur Chun Feidhme (AE) Uimh. 1141/2010, i leith na dréacht-tuarascála athbhreithnithe. Chuir an t-iarratasóir a bharúlacha isteach, agus rinneadh scrúdú cúramach orthu.

(10)

Mar sin féin, d’ainneoin na n-argóintí a rinne an t-iarratasóir, ní fhéadfaí an t-ábhar imní a bhaineann leis an tsubstaint a chur as an áireamh.

(11)

Dá réir sin, maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad, níor suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009. Dá bhrí sin, is iomchuí gan formheas na substainte gníomhaí famocsadón a athnuachan i gcomhréir le hAirteagal 20(1)(b) den Rialachán sin.

(12)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(13)

Ba cheart a ndóthain ama a thabhairt do na Ballstáit údaruithe le haghaidh táirgí cosanta plandaí ina bhfuil famocsadón a tharraingt siar.

(14)

Maidir le táirgí cosanta plandaí ina bhfuil famocsadón, i gcás ina ndeonóidh na Ballstáit aon tréimhse cairde i gcomhréir le hAirteagal 46 de Rialachán (CE) Uimh. 1107/2009, ba cheart an tréimhse sin a bheith chomh gearr agus is féidir agus gan bheith níos faide ná 12 mhí ó dháta theacht i bhfeidhm an Rialacháin seo.

(15)

Le Rialachán Cur Chun Feidhme (AE) 2021/745 (7) cuireadh síneadh le tréimhse formheasa an fhamocsadóin go dtí an 30 Meitheamh 2022 chun go bhféadfar an próiseas athnuachana a chur i gcrích sula rachaidh tréimhse formheasa na substainte gníomhaí sin in éag. Mar sin féin, ós rud é go ndearnadh cinneadh maidir leis an athnuachan roimh dhul in éag na tréimhse formheasa sin ar cuireadh síneadh léi, ba cheart tosú ar chur i bhfeidhm an Rialacháin seo tráth níos luaithe ná an dáta sin.

(16)

Leis an Rialachán seo, ní chuirtear cosc ar iarratas eile a chur isteach maidir leis an tsubstaint ghníomhach famocsadón de bhun Airteagal 7 de Rialachán (CE) Uimh. 1107/2009.

(17)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (AE) 2021/953, leagtar síos creat chun deimhnithe idir-inoibritheacha COVID-19 i ndáil le vacsaíniú, tástáil agus téarnamh (“Deimhniú Digiteach COVID AE”) a eisiúint agus a fhíorú agus chun go nglacfaí leo, ionas go n-éascófar do na sealbhóirí a gceart chun saorghluaiseachta a fheidhmiú le linn phaindéim COVID-19. Leis an Rialachán sin, rannchuideofar freisin le héascú a dhéanamh ar dheireadh a chur de réir a chéile agus ar mhodh comhordaithe le srianta ar an tsaorghluaiseacht a chuir na Ballstáit i bhfeidhm, i gcomhréir le dlí an Aontais, chun leathadh SARS-CoV-2 a theorannú.

(2)

Le Rialachán (AE) 2021/953, ceadaítear glacadh le deimhnithe COVID-19 arna n-eisiúint ag tríú tíortha do shaoránaigh den Aontas agus dá mbaill teaghlaigh i gcás ina gcinnfidh an Coimisiún gur i gcomhréir le caighdeáin a mheastar a bheith coibhéiseach leis na caighdeáin arna mbunú de bhun an Rialacháin sin a eisítear na deimhnithe COVID-19. Thairis sin, i gcomhréir le Rialachán (AE) 2021/954 ó Pharlaimint na hEorpa agus ón gComhairle (2), ní mór do na Ballstáit na rialacha a leagtar síos i Rialachán (AE) 2021/953 a chur i bhfeidhm maidir le náisiúnaigh tríú tír nach dtagann faoi raon feidhme an Rialacháin sin, ach atá ag fanacht go dleathach nó a bhfuil cónaí orthu go dleathach ina gcríoch agus atá i dteideal taisteal chuig Ballstáit eile i gcomhréir le dlí an Aontais. Dá bhrí sin, aon fhionnachtain choibhéise a leagtar síos sa Chinneadh seo, ba cheart feidhm a bheith aici maidir le deimhnithe vacsaínithe COVID-19 arna n-eisiúint ag an Úcráin do shaoránaigh den Aontas agus dá mbaill teaghlaigh. Mar an gcéanna, ar bhonn Rialachán (AE) 2021/954, ba cheart feidhm a bheith ag na fionnachtana coibhéise sin freisin maidir le deimhnithe vacsaínithe COVID-19 arna n-eisiúint ag an Úcráin do náisiúnaigh tríú tír atá ag fanacht go dleathach nó a bhfuil cónaí orthu go dleathach i gcríoch na mBallstát faoi na coinníollacha a leagtar síos sa Rialachán sin.

(3)

An 16 Iúil 2021, chuir an Úcráin faisnéis mhionsonraithe ar fáil don Choimisiún maidir le heisiúint deimhnithe idir-inoibritheacha COVID-19 i ndáil le vacsaíniú, tástáil agus téarnamh faoin gcóras dar teideal “Single State portal of electronic services” (Tairseach agus feidhmchlár móibíleach Diia). Chuir an Úcráin in iúl don Choimisiún go measann sí go bhfuil a deimhnithe COVID-19 á n-eisiúint i gcomhréir le caighdeán agus córas teicneolaíochta atá idir-inoibritheach leis an gcreat iontaoibhe a bunaíodh le Rialachán (AE) 2021/953, agus ar caighdeán agus córas teicneolaíochta iad lena bhfágtar gur féidir barántúlacht, bailíocht agus sláine na ndeimhnithe a fhíorú. I ndáil leis sin, chuir an Úcráin in iúl don Choimisiún go bhfuil na sonraí a leagtar amach san Iarscríbhinn a ghabhann le Rialachán (AE) 2021/953 ar áireamh sna deimhnithe COVID-19 arna n-eisiúint ag an Úcráin i gcomhréir leis an gcóras “Single State portal of electronic services” (Tairseach agus feidhmchlár móibíleach Diia).

(4)

An 4 Lúnasa 2021, i ndiaidh iarraidh a fháil ón Úcráin, rinne an Coimisiún tástálacha teicniúla a léirigh go bhfuil na deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Úcráin i gcomhréir leis an gcóras “Single State portal of electronic services” (Tairseach agus feidhmchlár móibíleach Diia), ar córas é atá idir-inoibritheach leis an gcreat iontaoibhe a bunaíodh le Rialachán (AE) 2021/953, rud a fhágann gur féidir barántúlacht, bailíocht agus sláine na ndeimhnithe a fhíorú. Dheimhnigh an Coimisiún freisin go bhfuil na sonraí is gá ar áireamh sna deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Úcráin i gcomhréir leis an gcóras “Single State portal of electronic services” (Tairseach agus feidhmchlár móibíleach Diia).

(5)

Ina theannta sin, chuir an Úcráin in iúl don Choimisiún go n-eiseodh sí deimhnithe vacsaínithe idir-inoibritheacha le haghaidh vacsaíní COVID-19. Ar na vacsaíní sin faoi láthair tá Vaxzevria, Comirnaty, Spikevax, vacsaín Janssen i gcoinne COVID-19, vacsaín Coronavac (Vero Cell) Díghníomhaithe i gcoinne COVID-19, Covishield, agus NVX-CoV2373.

(6)

Chuir an Úcráin in iúl don Choimisiún freisin nach n-eiseoidh sí deimhnithe tástála idir-inoibritheacha ach amháin i ndáil le tástálacha aimpliúcháin aigéid núicléasaigh nó i ndáil le mearthástálacha antaiginí a liostaítear sa liosta coiteann cothrom le dáta de mhearthástálacha antaigíní COVID-19 arna gcomhaontú ag an gCoiste Slándála Sláinte ar bhonn Mholadh ón gComhairle an 21 Eanáir 2021 (3), ar Coiste é a bunaíodh le hAirteagal 17 de Chinneadh Uimh. 1082/2013/AE ó Pharlaimint na hEorpa agus ón gComhairle (4).

(7)

Thairis sin, chuir an Úcráin in iúl don Choimisiún go n-eisíonn sí deimhnithe idir-inoibritheacha i ndáil le téarnamh ar a luaithe 14 lá tar éis tástáil dhearfach. Tá na deimhnithe sin bailí ar feadh tréimhse nach faide ná 180 lá tar éis dháta na chéad tástála dearfaí.

(8)

Chuir an Úcráin in iúl don Choimisiún freisin go nglacann sí le deimhnithe i ndáil le vacsaíniú, tástáil agus téarnamh arna n-eisiúint ag na Ballstáit, tíortha LEE, agus tíortha eile a nglactar cinneadh cur chun feidhme ina leith de bhun Airteagal 8(2) de Rialachán (AE) 2021/953. Maidir le daoine a bhfuil Deimhniú Digiteach COVID AE acu lena ndearbhaítear tástáil dhiúltach NAAT agus Deimhniú Digiteach COVID AE lena ndearbhaítear tástáil dhiúltach RAT, chuir an Úcráin in iúl don Choimisiún go bhfuil cead ag na daoine sin dul isteach san Úcráin, ach go gceanglaítear orthu tástáil bhreise NAAT\RAT a dhéanamh laistigh de 72 uair an chloig, rud a cheanglaítear ar shaoránaigh na hÚcráine freisin.

(9)

Ina theannta sin, chuir an Úcráin in iúl don Choimisiún go bpróiseálfaí na sonraí pearsanta atá san áireamh sna deimhnithe chun stádas vacsaínithe, stádas tástála agus stádas téarnaimh an tsealbhóra a fhíorú agus a dheimhniú agus chuige sin amháin nuair a bheidh deimhnithe á bhfíorú ag fíoraitheoirí san Úcráin, agus nach gcoinneofar na sonraí pearsanta ina dhiaidh sin.

(10)

Dá réir sin, comhlíontar na heilimintí is gá chun a shuí go bhfuil na deimhnithe COVID-19 arna n-eisiúint ag an Úcráin i gcomhréir leis an gcóras “Single State portal of electronic services” (Tairseach agus feidhmchlár móibíleach Diia) le meas mar dheimhnithe atá coibhéiseach leis na deimhnithe arna n-eisiúint i gcomhréir le Rialachán (AE) 2021/953.

(11)

Dá bhrí sin, na deimhnithe COVID-19 arna n-eisiúint ag an Úcráin i gcomhréir leis an gcóras “Single State portal of electronic services” (Tairseach agus feidhmchlár móibíleach Diia), ba cheart glacadh leis na deimhnithe sin faoi na coinníollacha dá dtagraítear in Airteagal 5(5), Airteagal 6(5) agus Airteagal 7(8) de Rialachán (AE) 2021/953.

(12)

Chun go mbeidh an Cinneadh seo oibríochtúil, ba cheart an Úcráin a nascadh leis an gcreat iontaoibhe maidir le Deimhniú Digiteach COVID AE arna bhunú le Rialachán (AE) 2021/953.

(13)

Ar mhaithe le leas an Aontais a chosaint, go háirithe i réimse na sláinte poiblí, féadfaidh an Coimisiún a chumhachtaí a úsáid chun an Cinneadh seo a chur ar fionraí nó a fhoirceannadh i gcás nach gcomhlíonfar na coinníollacha in Airteagal 8(2) de Rialachán (AE) 2021/953 a thuilleadh.

(14)

I bhfianaise an ghá atá ann an Úcráin a nascadh leis an gcreat iontaoibhe maidir le Deimhniú Digiteach COVID AE a luaithe is féidir, an creat iontaoibhe arna bhunú le Rialachán (AE) 2021/953, ba cheart don Chinneadh seo teacht i bhfeidhm lá a fhoilsithe in Iris Oifigiúil an Aontais Eorpaigh.

(15)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón gCoiste a bunaíodh le hAirteagal 14 de Rialachán (AE) 2021/953,

(1)

Le Rialachán (AE) 2021/953, leagtar síos creat chun deimhnithe idir-inoibritheacha COVID-19 i ndáil le vacsaíniú, tástáil agus téarnamh (“Deimhniú Digiteach COVID AE”) a eisiúint agus a fhíorú agus chun go nglacfaí leo, ionas go n-éascófar do na sealbhóirí a gceart chun saorghluaiseachta a fheidhmiú le linn phaindéim COVID-19. Leis an Rialachán sin, rannchuideofar freisin le héascú a dhéanamh ar dheireadh a chur de réir a chéile agus ar mhodh comhordaithe le srianta ar an tsaorghluaiseacht a chuir na Ballstáit i bhfeidhm, i gcomhréir le dlí an Aontais, chun leathadh SARS-CoV-2 a theorannú.

(2)

Le Rialachán (AE) 2021/953, ceadaítear glacadh le deimhnithe COVID-19 arna n-eisiúint ag tríú tíortha do shaoránaigh den Aontas agus dá mbaill teaghlaigh i gcás ina gcinnfidh an Coimisiún gur i gcomhréir le caighdeáin a mheastar a bheith coibhéiseach leis na caighdeáin arna mbunú de bhun an Rialacháin sin a eisítear na deimhnithe COVID-19. Thairis sin, i gcomhréir le Rialachán (AE) 2021/954 ó Pharlaimint na hEorpa agus ón gComhairle (2), ní mór do na Ballstáit na rialacha a leagtar síos i Rialachán (AE) 2021/953 a chur i bhfeidhm maidir le náisiúnaigh tríú tír nach dtagann faoi raon feidhme an Rialacháin sin, ach atá ag fanacht go dleathach nó a bhfuil cónaí orthu go dleathach ina gcríoch agus atá i dteideal taisteal chuig Ballstáit eile i gcomhréir le dlí an Aontais. Dá bhrí sin, aon fhionnachtain choibhéise a leagtar síos sa Chinneadh seo, ba cheart feidhm a bheith aici maidir le deimhnithe COVID-19 i ndáil le vacsaíniú, tástáil agus téarnamh arna n-eisiúint ag Poblacht na Macadóine Thuaidh do shaoránaigh den Aontas agus dá mbaill teaghlaigh. Mar an gcéanna, ar bhonn Rialachán (AE) 2021/954, ba cheart feidhm a bheith ag na fionnachtana coibhéise sin freisin maidir le deimhnithe COVID-19 i ndáil le vacsaíniú, tástáil agus téarnamh arna n-eisiúint ag Poblacht na Macadóine Thuaidh do náisiúnaigh tríú tír atá ag fanacht go dleathach nó a bhfuil cónaí orthu go dleathach i gcríoch na mBallstát faoi na coinníollacha a leagtar síos sa Rialachán sin.

(3)

An 8 Iúil 2021, chuir an Mhacadóin Thuaidh faisnéis ar fáil don Choimisiún maidir le heisiúint deimhnithe COVID-19 idir-inoibritheacha i ndáil le vacsaíniú, tástáil agus téarnamh faoin gCóras Náisiúnta Ríomhshláinte. Chuir an Mhacadóin Thuaidh in iúl don Choimisiún go measann sí go bhfuil a deimhnithe COVID-19 i ndáil le vacsaíniú, tástáil agus téarnamh á n-eisiúint i gcomhréir le caighdeán agus córas teicneolaíochta atá idir-inoibritheach leis an gcreat iontaoibhe a bunaíodh le Rialachán (AE) 2021/953, agus ar caighdeán agus córas teicneolaíochta iad lena bhfágtar gur féidir barántúlacht, bailíocht agus sláine na ndeimhnithe a fhíorú. I dtaca leis sin, chuir an Mhacadóin Thuaidh in iúl don Choimisiún go bhfuil na sonraí dá dtagraítear san Iarscríbhinn a ghabhann le Rialachán (AE) 2021/953 san áireamh sna deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Macadóin Thuaidh i gcomhréir leis an gCóras Náisiúnta Ríomhshláinte.

(4)

An 26 Iúil 2021, i ndiaidh iarraidh a fháil ón Macadóin Thuaidh, rinne an Coimisiún tástálacha teicniúla a léirigh go bhfuil na deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Macadóin Thuaidh i gcomhréir leis an gCóras Náisiúnta Ríomhshláinte, ar córas é atá idir-inoibritheach leis an gcreat iontaoibhe a bunaíodh le Rialachán (AE) 2021/953, rud a fhágann gur féidir barántúlacht, bailíocht agus sláine na ndeimhnithe a fhíorú. Dheimhnigh an Coimisiún freisin go bhfuil na sonraí is gá san áireamh sna deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Macadóin Thuaidh i gcomhréir leis an gCóras Náisiúnta Ríomhshláinte.

(5)

Ina theannta sin, chuir an Mhacadóin Thuaidh in iúl don Choimisiún go n-eiseodh sí deimhnithe vacsaínithe idir-inoibritheacha le haghaidh na vacsaíní seo a leanas i gcoinne COVID-19: Vaxzevria, Comirnaty, Sputnik V, Sinopharm agus Sinovac.

(6)

Thairis sin, chuir an Mhacadóin Thuaidh in iúl don Choimisiún nach n-eiseodh sí deimhnithe tástála idir-inoibritheacha ach amháin i ndáil le tástálacha aimpliúcháin aigéid núicléasaigh nó i ndáil le mearthástálacha antaiginí a liostaítear sa liosta coiteann cothrom le dáta de mhearthástálacha antaigíní COVID-19 arna gcomhaontú ag an gCoiste Slándála Sláinte ar bhonn Mholadh ón gComhairle an 21 Eanáir 2021 (3), ar Coiste é a bunaíodh le hAirteagal 17 de Chinneadh Uimh. 1082/2013/AE ó Pharlaimint na hEorpa agus ón gComhairle (4).

(7)

Chuir an Mhacadóin Thuaidh in iúl don Choimisiún freisin go nglacann sí le deimhnithe i ndáil le vacsaíniú, tástáil agus téarnamh arna n-eisiúint ag na Ballstáit, tíortha LEE, agus tíortha eile a nglactar cinneadh cur chun feidhme ina leith de bhun Airteagal 8(2) de Rialachán (AE) 2021/953.

(8)

Ina theannta sin, chuir an Mhacadóin Thuaidh in iúl don Choimisiún go bpróiseálfaí na sonraí pearsanta atá san áireamh sna deimhnithe chun stádas vacsaínithe, stádas tástála agus stádas téarnaimh an tsealbhóra a fhíorú agus a dheimhniú agus chuige sin amháin nuair a bheidh deimhnithe a bhfíorú ag fíoraitheoirí sa Mhacadóin Thuaidh, agus nach gcoinneofar na sonraí pearsanta ina dhiaidh sin.

(9)

Dá réir sin, comhlíontar na heilimintí is gá chun a shuí go bhfuil na deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Macadóin Thuaidh i gcomhréir leis an gCóras Náisiúnta Ríomhshláinte le meas mar dheimhnithe atá coibhéiseach leis na deimhnithe arna n-eisiúint i gcomhréir le Rialachán (AE) 2021/953.

(10)

Dá bhrí sin, na deimhnithe COVID-19 i ndáil le vacsaíniú, tástáil agus téarnamh arna n-eisiúint ag an Macadóin Thuaidh i gcomhréir leis an gCóras Náisiúnta Ríomhshláinte, ba cheart glacadh leo faoi na coinníollacha dá dtagraítear in Airteagal 5(5), Airteagal 6(5) agus Airteagal 7(8) de Rialachán (AE) 2021/953.

(11)

Chun go mbeidh an Cinneadh seo oibríochtúil, ba cheart an Mhacadóin Thuaidh a nascadh leis an gcreat iontaoibhe maidir le Deimhniú Digiteach COVID AE a bunaíodh le Rialachán (AE) 2021/953.

(12)

Ar mhaithe le leas an Aontais a chosaint, go háirithe i réimse na sláinte poiblí, féadfaidh an Coimisiún a chumhachtaí a úsáid chun an Cinneadh seo a chur ar fionraí nó a fhoirceannadh i gcás nach gcomhlíonfar na coinníollacha in Airteagal 8(2) de Rialachán (AE) 2021/953 a thuilleadh.

(13)

I bhfianaise an ghá atá ann an Mhacadóin Thuaidh a nascadh leis an gcreat iontaoibhe maidir le Deimhniú Digiteach COVID AE a luaithe is féidir, an creat iontaoibhe arna bhunú le Rialachán (AE) 2021/953, ba cheart don Chinneadh seo teacht i bhfeidhm lá a fhoilsithe in Iris Oifigiúil an Aontais Eorpaigh.

(14)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón gCoiste a bunaíodh le hAirteagal 14 de Rialachán (AE) 2021/953,

(1)

Le Rialachán (AE) 2021/953, leagtar síos creat chun deimhnithe idir-inoibritheacha COVID-19 i ndáil le vacsaíniú, tástáil agus téarnamh (“Deimhniú Digiteach COVID AE”) a eisiúint agus a fhíorú agus chun go nglacfaí leo, ionas go n-éascófar do na sealbhóirí a gceart chun saorghluaiseachta a fheidhmiú le linn phaindéim COVID-19. Leis an Rialachán sin, rannchuideofar freisin le héascú a dhéanamh ar dheireadh a chur de réir a chéile agus ar mhodh comhordaithe le srianta ar an tsaorghluaiseacht a chuir na Ballstáit i bhfeidhm, i gcomhréir le dlí an Aontais, chun leathadh SARS-CoV-2 a theorannú.

(2)

Le Rialachán (AE) 2021/953, ceadaítear glacadh le deimhnithe COVID-19 arna n-eisiúint ag tríú tíortha do shaoránaigh den Aontas agus dá mbaill teaghlaigh i gcás ina gcinnfidh an Coimisiún gur i gcomhréir le caighdeáin a mheastar a bheith coibhéiseach leis na caighdeáin arna mbunú de bhun an Rialacháin sin a eisítear na deimhnithe COVID-19. Thairis sin, i gcomhréir le Rialachán (AE) 2021/954 ó Pharlaimint na hEorpa agus ón gComhairle (2), ní mór do na Ballstáit na rialacha a leagtar síos i Rialachán (AE) 2021/953 a chur i bhfeidhm maidir le náisiúnaigh tríú tír nach dtagann faoi raon feidhme an Rialacháin sin, ach atá ag fanacht go dleathach nó a bhfuil cónaí orthu go dleathach ina gcríoch agus atá i dteideal taisteal chuig Ballstáit eile i gcomhréir le dlí an Aontais. Dá bhrí sin, aon fhionnachtain choibhéise a leagtar síos sa Chinneadh seo, ba cheart feidhm a bheith aici maidir le deimhnithe vacsaínithe COVID-19 arna n-eisiúint ag Poblacht na Tuirce do shaoránaigh den Aontas agus dá mbaill teaghlaigh. Mar an gcéanna, ar bhonn Rialachán (AE) 2021/954, ba cheart feidhm a bheith ag na fionnachtana coibhéise sin freisin maidir le deimhnithe vacsaínithe COVID-19 arna n-eisiúint ag Poblacht na Tuirce do náisiúnaigh tríú tír atá ag fanacht go dleathach nó a bhfuil cónaí orthu go dleathach i gcríoch na mBallstát faoi na coinníollacha a leagtar síos sa Rialachán sin.

(3)

An 9 Iúil 2021, chuir Poblacht na Tuirce faisnéis mhionsonraithe ar fáil don Choimisiún maidir le heisiúint deimhnithe COVID-19 idir-inoibritheacha i ndáil le vacsaíniú, tástáil agus téarnamh faoin gcóras dar teideal “Health Pass”. Chuir Poblacht na Tuirce in iúl don Choimisiún go measann sí go bhfuil a deimhnithe COVID-19 á n-eisiúint i gcomhréir le caighdeán agus córas teicneolaíochta atá idir-inoibritheach leis an gcreat iontaoibhe a bunaíodh le Rialachán (AE) 2021/953, agus ar caighdeán agus córas teicneolaíochta iad lena bhfágtar gur féidir barántúlacht, bailíocht agus sláine na ndeimhnithe a fhíorú. I dtaca leis sin, chuir Poblacht na Tuirce in iúl don Choimisiún go bhfuil na sonraí dá dtagraítear san Iarscríbhinn a ghabhann le Rialachán (AE) 2021/953 san áireamh sna deimhnithe COVID-19 arna n-eisiúint ag Poblacht na Tuirce i gcomhréir leis an gcóras “Health Pass”.

(4)

An 26 Iúil 2021, i ndiaidh iarraidh a fháil ó Phoblacht na Tuirce, rinne an Coimisiún tástálacha teicniúla a léirigh go bhfuil na deimhnithe COVID-19 i ndáil le vacsaíniú, tástáil agus téarnamh arna n-eisiúint ag Poblacht na Tuirce i gcomhréir leis an gcóras “Health Pass”, ar córas é atá idir-inoibritheach leis an gcreat iontaoibhe a bunaíodh le Rialachán (AE) 2021/953, rud a fhágann gur féidir barántúlacht, bailíocht agus sláine na ndeimhnithe a fhíorú. Dheimhnigh an Coimisiún freisin go bhfuil na sonraí is gá san áireamh sna deimhnithe COVID-19 i ndáil le vacsaíniú, tástáil agus téarnamh arna n-eisiúint ag Poblacht na Tuirce i gcomhréir leis an gcóras “Health Pass”.

(5)

Ina theannta sin, chuir Poblacht na Tuirce in iúl don Choimisiún go n-eiseodh sí deimhnithe vacsaínithe idir-inoibritheacha le haghaidh vacsaíní COVID-19. Ar na vacsaíní sin faoi láthair, tá Sinovac, Comirnaty agus Sputnik V.

(6)

Chuir Poblacht na Tuirce in iúl don Choimisiún freisin nach n-eiseoidh sí deimhnithe tástála idir-inoibritheacha ach amháin i ndáil le tástálacha aimpliúcháin aigéid núicléasaigh nó i ndáil le mearthástálacha antaiginí a liostaítear sa liosta coiteann cothrom le dáta de mhearthástálacha antaigíní COVID-19 arna gcomhaontú ag an gCoiste Slándála Sláinte ar bhonn Mholadh ón gComhairle an 21 Eanáir 2021 (3), ar Coiste é a bunaíodh le hAirteagal 17 de Chinneadh Uimh. 1082/2013/AE ó Pharlaimint na hEorpa agus ón gComhairle (4).

(7)

Thairis sin, chuir Poblacht na Tuirce in iúl don Choimisiún go n-eisíonn sí deimhnithe idir-inoibritheacha i ndáil le téarnamh ar a luaithe 21 lá tar éis tástáil dhearfach. Tá na deimhnithe sin bailí ar feadh tréimhse nach faide ná 180 lá tar éis dháta na chéad tástála dearfaí.

(8)

Chuir Poblacht na Tuirce in iúl don Choimisiún freisin go nglacann sí le deimhnithe i ndáil le vacsaíniú, tástáil agus téarnamh arna n-eisiúint ag na Ballstáit, tíortha LEE, agus tíortha eile a nglactar cinneadh cur chun feidhme ina leith de bhun Airteagal 8(2) de Rialachán (AE) 2021/953.

(9)

Ina theannta sin, chuir Poblacht na Tuirce in iúl don Choimisiún go bpróiseálfaí na sonraí pearsanta atá san áireamh sna deimhnithe chun stádas vacsaínithe, stádas tástála agus stádas téarnaimh an tsealbhóra a fhíorú agus a dheimhniú agus chuige sin amháin nuair a bheidh deimhnithe á bhfíorú ag fíoraitheoirí i bPoblacht na Tuirce, agus nach gcoinneofar na sonraí pearsanta ina dhiaidh sin.

(10)

Dá réir sin, comhlíontar na heilimintí is gá chun a shuí go bhfuil na deimhnithe COVID-19 arna n-eisiúint ag Poblacht na Tuirce i gcomhréir leis an gcóras “Health Pass” le meas mar dheimhnithe atá coibhéiseach leis na deimhnithe arna n-eisiúint i gcomhréir le Rialachán (AE) 2021/953.

(11)

Dá bhrí sin, na deimhnithe COVID-19 arna n-eisiúint ag Poblacht na Tuirce i gcomhréir leis an gcóras “Health Pass”, ba cheart glacadh leo faoi na coinníollacha dá dtagraítear in Airteagal 5(5), Airteagal 6(5) agus Airteagal 7(8) de Rialachán (AE) 2021/953.

(12)

Chun go mbeidh an Cinneadh seo oibríochtúil, ba cheart Poblacht na Tuirce a nascadh leis an gcreat iontaoibhe maidir le Deimhniú Digiteach COVID AE a bunaíodh le Rialachán (AE) 2021/953.

(13)

Ar mhaithe le leas an Aontais a chosaint, go háirithe i réimse na sláinte poiblí, féadfaidh an Coimisiún a chumhachtaí a úsáid chun an Cinneadh seo a chur ar fionraí nó a fhoirceannadh i gcás nach gcomhlíonfar na coinníollacha in Airteagal 8(2) de Rialachán (AE) 2021/953 a thuilleadh.

(14)

I bhfianaise an ghá atá ann Poblacht na Tuirce a nascadh leis an gcreat iontaoibhe maidir le Deimhniú Digiteach COVID AE a bunaíodh le Rialachán (AE) 2021/953 a luaithe is féidir, ba cheart don Chinneadh seo teacht i bhfeidhm lá a fhoilsithe in Iris Oifigiúil an Aontais Eorpaigh.

(15)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón gCoiste a bunaíodh le hAirteagal 14 de Rialachán (AE) 2021/953,