(1)

I gcomhréir le hAirteagal 50, mír 2, pointe (a), de Rialachán (AE) uimh. 1151/2012, foilsíodh an iarraidh ar an ainm “Huile de noix du Périgord”, a thíolaic an Fhrainc, in Iris Oifigiúil an Aontais Eorpaigh (2).

(2)

I gcomhréir le hAirteagal 51 de Rialachán (AE) uimh. 1151/2012, ós amhlaidh nár tugadh aon fhógra faoi ráiteas agóide don Choimisiún, rinneadh an t-ainm “Huile de noix du Périgord” a chlárú,

(1)

I gcomhréir le hAirteagal 50(2)(a) de Rialachán (AE) Uimh. 1151/2012, foilsíodh an iarraidh ar an ainm “Rudarska greblica”, a thíolaic an Chróit, in Iris Oifigiúil an Aontais Eorpaigh (2).

(2)

I gcomhréir le hAirteagal 51 de Rialachán (AE) Uimh. 1151/2012, ós amhlaidh nár tugadh aon fhógra faoi ráiteas agóide don Choimisiún, ba cheart an t-ainm “Rudarska greblica” a chlárú,

(1)

Foráiltear le Cinneadh Cur Chun Feidhme (AE) 2018/1137 ón gCoimisiún (3) do sheiceálacha sláinte plandaí agus do bhearta atá le déanamh maidir le hábhar pacáistíochta adhmaid atá in úsáid in iompar tráchtearraí sonraithe de thionscnamh na Bealarúise agus na Síne agus bhí sé infheidhme go dtí an 30 Meitheamh 2020. Bhí feidhm ag na rialacha sin i dteannta na rialacha atá i Rialachán Tarmligthe (AE) 2019/2125 ón gCoimisiún (4) maidir le rialuithe oifigiúla sonracha ar ábhar pacáistíochta adhmaid.

(2)

Maidir le seiceálacha sláinte plandaí arna ndéanamh ag Ballstáit ar bhonn Chinneadh Cur Chun Feidhme (AE) 2018/1137, tá sé léirithe iontu nach gcomhlíonann an mharcáil ar ábhar pacáistíochta adhmaid, a úsáidtear in iompar tráchtearraí áirithe de thionscnamh na Bealarúise agus na Síne, Rialachán (AE) 2016/2031 i gcónaí. Thairis sin, maidir le seiceálacha sláinte plandaí arna ndéanamh ag Ballstáit ar bhonn a measúnuithe riosca, arna dtaifeadadh in TRACES agus i gcóras gréasáin EUROPHYT-Idircheaptha roimhe seo, tá sé léirithe iontu nach gcomhlíonann an mharcáil ar ábhar pacáistíochta adhmaid a úsáidtear chun tráchtearraí áirithe de thionscnamh na hIndia a iompar an Rialachán sin i gcónaí.

(3)

Is éard a léirítear leis neamhchomhlíonadh ar tháinig na Ballstáit orthu go bhfuil riosca ann go dtabharfar lotnaidí beo isteach leis an ábhar pacáistíochta adhmaid a úsáidtear chun tráchtearraí áirithe ó na trí thír thionscnaimh sin a iompar, eadhon an Bhealarúis, an tSín agus an India, agus gur cheart na tráchtearraí sin a bheith faoi réir seiceálacha sonracha.

(4)

Chun na hiarmhairtí a bhaineann le neamhchomhlíonadh den sórt sin a chosc amach anseo, ba cheart bearta a ghlacadh maidir le hábhar pacáistíochta adhmaid chun tráchtearraí áirithe de thionscnamh na Bealarúise, na Síne agus na hIndia a iompar.

(5)

Chun a áirithiú go n-ullmhófar na húdaráis a dhéanann na seiceálacha sláinte plandaí faoi seach ar bhealach níos fearr, ba cheart do na húdaráis inniúla nó do na hoibreoirí a bhfuil baint acu le hallmhairiú na dtráchtearraí sonraithe, a bhfuil ábhar pacáistíochta adhmaid ag gabháil leo, réamhfhógra ina thaobh sin a thabhairt don údarás inniúil ag post rialaithe teorann an chéad teacht isteach a luaithe is eol dóibh gur tháinig an phacáistíocht adhmaid sin isteach.

(6)

Ba cheart ábhar pacáistíochta adhmaid de choinsíneachtaí na dtráchtearraí sonraithe a bheith faoi réir seiceálacha sláinte plandaí ar bhonn rialta. Bunaithe ar an riosca sainaitheanta do shláinte plandaí, níor cheart ráta na seiceálacha sin a bheith níos lú ná 15 % d’ábhar pacáistíochta adhmaid allmhairithe na dtráchtearraí sonraithe, chun a áirithiú go seiceálfar sampla ionadaíoch.

(7)

Ba cheart an t-ábhar pacáistíochta adhmaid, mar aon leis na coinsíneachtaí sonraithe, a bheith faoi réir rialacha an Aontais maidir le maoirseacht chustaim go dtí go gcuirfear na seiceálacha ar shláinte plandaí i gcrích, chun a áirithiú nach mbeidh aon riosca fíteashláintíochta ann mar thoradh ar a saorghluaiseacht laistigh de chríoch an Aontais.

(8)

Ba cheart seiceálacha sláinte plandaí a dhéanamh ag post rialaithe teorann an chéad teacht isteach i gcríoch an Aontais nó ag pointí rialaithe dá dtagraítear i bpointe (a) d’Airteagal 53(1) de Rialachán (AE) 2017/625, chun a áirithiú go ndéantar na seiceálacha sin sna saoráidí is iomchuí.

(9)

Ar mhaithe leis an tsoiléireacht dhlíthiúil, ba cheart Cinneadh Cur Chun Feidhme (AE) 2018/1137 a aisghairm agus an Rialachán seo a chur ina ionad, chun Rialachán (AE) 2016/2031 agus Rialachán (AE) 2017/625 is infheidhme ón 14 Nollaig 2019 a chur san áireamh.

(10)

Chun go mbeidh dóthain ama ag na Ballstáit oiriúnú do na ceanglais dá bhforáiltear sa Rialachán seo, ba cheart feidhm a bheith aige ón 1 Márta 2021.

(11)

Ba cheart feidhm a bheith ag an Rialachán seo go dtí an 31 Nollaig 2023 chun am a thabhairt chun faireachán a dhéanamh ar an gcás agus chun comhlíonadh an ábhair pacáistíochta adhmaid agus na gcoinsíneachtaí faoi seach leis an Rialachán seo agus Rialachán (AE) 2016/2031 a chinneadh.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

I gcomhréir le hAirteagal 16(1) de Rialachán (AE) Uimh. 1306/2013, is iad na huasmhéideanna atá socruithe i leith na fo-uasteorann le caiteachas a bhaineann leis an margadh agus le híocaíochtaí díreacha a leagtar amach in Iarscríbhinn I a ghabhann le Rialachán (AE, Euratom) 2020/2093 ón gComhairle a bheidh san uasteorainn bhliantúil le caiteachas an Chiste Eorpaigh um Ráthaíocht Talmhaíochta (CERT) le haghaidh na mblianta 2021 go 2027 (2).

(2)

I gcomhréir leis an tríú fomhír d’Airteagal 11(6) de Rialachán (AE) Uimh. 1307/2013 ó Pharlaimint na hEorpa agus ón gComhairle (3), thug roinnt Ballstát fógra don Choimisiún faoina gcinneadh maidir leis an laghdú ar mhéid na n-íocaíochtaí díreacha de bhun Airteagal 11(1) den Rialachán sin agus leis an toradh measta ar an laghdú a eascraíonn as i leith na bliana féilire 2020. I gcomhréir le hAirteagal 7(2) den Rialachán sin, táthar le toradh measta an laghdaithe ar íocaíochtaí a chur ar fáil mar thacaíocht ón Aontas arna maoiniú faoin gCiste Eorpach Talmhaíochta um Fhorbairt Tuaithe (CETFT).

(3)

I gcomhréir leis an séú fomhír d’Airteagal 14(1) de Rialachán (AE) Uimh. 1307/2013, thug roinnt Ballstát fógra don Choimisiún maidir lena gcinneadh céatadán áirithe dá n-uasteorainn náisiúnta bhliantúil le híocaíochtaí díreacha i leith na bliana féilire 2020 a chur ar fáil mar thacaíocht bhreise faoi CETFT sa bhliain airgeadais 2021.

(4)

I gcomhréir leis an séú fomhír d’Airteagal 14(2) de Rialachán (AE) Uimh. 1307/2013, thug roinnt Ballstát fógra don Choimisiún maidir lena gcinneadh méid áirithe den tacaíocht atá le maoiniú faoi CETFT sa bhliain airgeadais 2021 a chur ar fáil mar íocaíochtaí díreacha i leith na bliana féilire 2020.

(5)

Rinneadh na huasteorainneacha ábhartha náisiúnta a leagtar amach in Iarscríbhinní II agus III a ghabhann le Rialachán (AE) Uimh. 1307/2013 a oiriúnú dá réir sin.

(6)

I gcomhréir le hAirteagal 2(1) de Rialachán (AE, Euratom) 2020/2093, tá an fho-uasteorainn le caiteachas a bhaineann leis an margadh agus le híocaíochtaí díreacha de chuid an chreata airgeadais ilbhliantúil a leagtar amach in Iarscríbhinn I a ghabhann leis an Rialachán sin le coigeartú faoin gcoigeartú teicniúil dá bhforáiltear in Airteagal 4 den Rialachán sin tar éis na n-aistrithe idir CETFT agus na híocaíochtaí díreacha.

(7)

Ní mór, dá bhrí sin, an t-iarmhéid glan atá ar fáil le haghaidh chaiteachas CERT sna blianta airgeadais 2021 go 2027 a choigeartú. Ar mhaithe le soiléireacht, ba cheart na méideanna atá le cur ar fáil do CETFT a fhoilsiú freisin.

(1)

Le Treoir 2008/127/CE ón gCoimisiún (2) áirítear úsc gairleoige mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

Substaintí gníomhacha a áirítear in Iarscríbhinn I a ghabhann le Treoir 91/414/CEE meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

An formheas ar an tsubstaint ghníomhach úsc gairleoige, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 31 Lúnasa 2021.

(4)

Cuireadh isteach iarratas ar an bhformheas ar an tsubstaint ghníomhach úsc gairleoige a athnuachan i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (5) laistigh den tréimhse dá bhforáiltear san Airteagal sin.

(5)

Chuir an t-iarratasóir isteach na sainchomhaid fhorlíontacha a cheanglaítear i gcomhréir le hAirteagal 6 de Rialachán Cur Chun Feidhme (AE) Uimh. 844/2012. Chinn an Ballstát is rapóirtéir an t-iarratas a bheith iomlán.

(6)

Rinne an Ballstát is rapóirtéir dréacht-tuarascáil maidir le measúnú ar athnuachan a ullmhú i gcomhairle leis an mBallstát is comhrapóirtéir agus chuir sé faoi bhráid an Údaráis Eorpaigh um Shábháilteacht Bia (“an tÚdarás”) agus an Choimisiúin í an 28 Márta 2019.

(7)

Chuir an tÚdarás an sainchomhad achomair forlíontach ar fáil don phobal. Scaip an tÚdarás an dréacht-tuarascáil maidir le measúnú ar athnuachan ar an iarratasóir agus ar na Ballstáit chomh maith chun barúlacha a fháil uathu agus sheol sé comhairliúchán poiblí ina leith. Rinne an tÚdarás na barúlacha a fuarthas a chur ar aghaidh chuig an gCoimisiún.

(8)

An 16 Aibreán 2020, chuir an tÚdarás a chonclúid in iúl don Choimisiún (6) maidir le cé acu is féidir nó nach féidir coinne a bheith leis go gcomhlíonfaidh úsc gairleoige na critéir formheasa dá bhforáiltear in Airteagal 4 de Rialachán (CE) Uimh. 1107/2009. Chuir an Coimisiún, an 16 agus an 17 Iúil 2020, tuarascáil athnuachana maidir le húsc gairleoige faoi bhráid an Bhuanchoiste um Plandaí, Ainmhithe, Bia agus Beatha agus chuir sé dréacht-Rialachán faoina bhráid an 4 Nollaig 2020 lena ndéantar foráil maidir leis an athnuachan ar fhormheas ar an tsubstaint ghníomhach sin.

(9)

A mhéid a bhaineann leis na critéir chun airíonna réabtha iontálaigh a aithint, critéir a tugadh isteach le Rialachán (AE) 2018/605 ón gCoimisiún (7), tháinig an tÚdarás ar an gconclúid go meastar nach gcomhlíonann úsc gairleoige na critéir maidir le réabadh iontálach i gcás daoine agus orgánaigh nach spriocorgánaigh iad, mar a leagtar síos i bpointí 3.6.5 agus 3.8.2 d’Iarscríbhinn II a ghabhann le Rialachán (CE) Uimh. 1107/2009 arna leasú le Rialachán (AE) 2018/605 faoi seach..

(10)

D’iarr an Coimisiún ar an iarratasóir a bharúlacha a chur isteach maidir le conclúid an Údaráis agus, i gcomhréir leis an tríú mír d’Airteagal 14(1) de Rialachán Cur Chun Feidhme (AE) Uimh. 844/2012, maidir leis an tuarascáil athnuachana. Chuir an t-iarratasóir a bharúlacha isteach, agus rinneadh scrúdú cúramach orthu.

(11)

Maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil an tsubstaint ghníomhach úsc gairleoige, suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(12)

An measúnú riosca maidir le hathnuachan an fhormheasa ar an tsubstaint ghníomhach úsc gairleoige, bunaítear é ar líon teoranta úsáidí ionadaíocha, úsáidí nach gcuireann srian, áfach, ar na húsáidí lena bhféadfar táirgí cosanta plandaí a bhfuil úsc gairleoige iontu a údarú.

(13)

Is iomchuí, dá bhrí sin, an formheas ar úsc gairleoige a athnuachan.

(14)

Ba cheart, dá bhrí sin, Rialachán Cur Chun Feidhme (AE) Uimh. 540/2011 a leasú dá réir.

(15)

Le Rialachán Cur Chun Feidhme (AE) 2020/1160 ón gCoimisiún (8), cuireadh síneadh le tréimhse formheasa an úisc gairleoige go dtí an 31 Lúnasa 2021 chun go bhféadfar an próiseas athnuachana a chur i gcrích sula rachaidh tréimhse formheasa na substainte gníomhaí sin in éag. Mar sin féin, ós rud é go ndearnadh cinneadh maidir leis an bhformheas a athnuachan roimh an dáta éaga sin ar cuireadh síneadh leis, beidh feidhm ag an Rialachán seo ón 1 Márta 2021.

(16)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 798/2008 ón gCoimisiún (3) leagtar síos ceanglais deimhniúcháin tréidliachta maidir le héanlaith chlóis agus táirgí éineola (“na tráchtearraí”) a allmhairiú isteach san Aontas agus a bheith faoi bhealach tríd, lena n-áirítear iad a stóráil le linn an idirthurais. Foráiltear leis nach ndéanfar na tráchtearraí a allmhairiú isteach san Aontas agus a bheith faoi bhealach tríd ach ó na tríú tíortha, críocha, criosanna nó deighleoga a liostaítear i gcolúin 1 agus 3 den tábla i gCuid 1 d’Iarscríbhinn I a ghabhann leis.

(2)

Le Rialachán (CE) Uimh. 798/2008, leagtar síos freisin na coinníollacha maidir le tríú tír, críoch, crios nó deighleog a mheastar a bheith saor ó fhliú éanúil ardphataigineach (HPAI).

(3)

I gcomhréir leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (an Comhaontú um Tharraingt Siar), agus go háirithe Airteagal 5(4) den Phrótacal maidir le hÉirinn/Tuaisceart Éireann i gcomhréir le hIarscríbhinn 2 a ghabhann leis an bPrótacal sin, tá feidhm ag Treoracha 2002/99/CE agus 2009/158/CE, agus gníomhartha de chuid an Choimisiúin atá bunaithe orthu, maidir leis an Ríocht Aontaithe i ndáil le Tuaisceart Éireann agus sa Ríocht Aontaithe i ndáil le Tuaisceart Éireann tar éis dheireadh na hidirthréimhse dá bhforáiltear sa Chomhaontú um Tharraingt Siar.

(4)

Dá bhrí sin, liostaítear an Ríocht Aontaithe, gan Tuaisceart Éireann san áireamh, sa tábla i gCuid 1 d’Iarscríbhinn I a ghabhann le Rialachán (CE) Uimh. 798/2008 mar thríú tír óna n-údaraítear tráchtearraí áirithe éanlaithe clóis a allmhairiú isteach san Aontas agus a bheith faoi bhealach tríd ó chodanna áirithe dá críoch, ag brath ar HPAI a bheith ann. Leagtar réigiúnú sin na Ríochta Aontaithe amach i gCuid 1 d’Iarscríbhinn I a ghabhann le Rialachán (CE) Uimh. 798/2008, arna leasú le Rialachán Cur Chun Feidhme (AE) 2021/24 (4).

(5)

An 27 Eanáir 2021, dheimhnigh an Ríocht Aontaithe go raibh HPAI d’fhochineál H5N8 i ngabháltas éanlaithe clóis ar Inis Món sa Bhreatain Bheag.

(6)

Chuir údaráis tréidliachta na Ríochta Aontaithe crios rialaithe 10 km timpeall ar an ngabháltas atá buailte agus chuir siad beartas díbeartha chun feidhme chun láithreacht HPAI a rialú agus leathadh an ghalair sin a theorannú. Thairis sin, dhearbhaigh údaráis tréidliachta na Ríochta Aontaithe gur chuir siad deimhnithe tréidliachta ar fionraí láithreach bonn le haghaidh coinsíneachtaí tráchtearraí a bhí beartaithe a onnmhairiú chuig an Aontas ó chríoch iomlán na Ríochta Aontaithe, cé is moite de Thuaisceart Éireann.

(7)

Tá faisnéis curtha faoi bhráid an Choimisiúin ag an Ríocht Aontaithe maidir leis an staid eipidéimeolaíoch ina críoch agus na bearta atá glactha aici chun leathadh HPAI, a bhfuil meastóireacht déanta ag an gCoimisiún air anois, a chosc. Ar bhonn na meastóireachta sin, is iomchuí srianta a chur ar thráchtearraí a thabhairt isteach san Aontas ón limistéar sa Bhreatain Bheag atá buailte ag HPAI, ar tráchtearraí iad atá curtha faoi shrianta ag údaráis tréidliachta na Ríochta Aontaithe mar gheall ar an ráig reatha.

(8)

Ba cheart, dá bhrí sin, iontráil na Ríochta Aontaithe sa tábla i gCuid 1 d’Iarscríbhinn I a ghabhann le Rialachán (CE) Uimh. 798/2008 a leasú chun an staid eipidéimeolaíoch atá sa tríú tír sin faoi láthair a chur san áireamh.

(9)

Ba cheart, dá bhrí sin, Iarscríbhinn I a ghabhann le Rialachán (CE) Uimh. 798/2008 a leasú dá réir.

(10)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

In Iarscríbhinn III a ghabhann le Rialachán (CE) Uimh. 1210/2003 liostaítear comhlachtaí poiblí, corparáidí agus gníomhaireachtaí agus daoine nádúrtha agus dlítheanacha, comhlachtaí agus eintitis de chuid rialtas na hIaráice a bhí ann roimhe sin, ar comhlachtaí agus eintitis iad a chumhdaítear le reo cistí agus acmhainní eacnamaíocha a bhí lonnaithe lasmuigh den Iaráic an 22 Bealtaine 2003 faoin Rialachán sin.

(2)

De thoradh athbhreithniú teicniúil ar Iarscríbhinn III a ghabhann le Rialachán (CE) Uimh. 1210/2003, ba cheart eintiteas amháin a bhaint de liosta na ndaoine agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo.

(3)

Ba cheart, dá bhrí sin, Iarscríbhinn III a ghabhann le Rialachán (CE) Uimh. 1210/2003 a leasú dá réir,