(1)

De bhun na chéad mhíre d’Airteagal 255 den Chonradh ar Fheidhmiú an Aontais Eorpaigh, cuireadh painéal ar bun chun tuairim a thabhairt ar oiriúnacht na n-iarrthóirí chun feidhmeanna Breithimh agus Abhcóide Ghinearálta den Chúirt Bhreithiúnais agus den Chúirt Ghinearálta a fheidhmiú sula ndéanfaidh rialtais na mBallstát na ceapacháin (“an painéal”).

(2)

Tá ar an bpainéal seachtar arna dtoghadh as measc iarchomhaltaí na Cúirte Breithiúnais agus na Cúirte Ginearálta, comhaltaí de chúirteanna uachtaracha náisiúnta agus dlíodóirí a n-aithnítear a n-inniúlacht, agus déanfaidh Parlaimint na hEorpa duine amháin acu a mholadh.

(3)

Le Cinntí (AE, Euratom) 2017/2262 (1) agus (AE) 2020/539 (2) uaithi, cheap an Chomhairle seachtar comhaltaí an phainéil go ceann tréimhse dar críoch an 28 Feabhra 2022.

(4)

I litir uaidh an 11 Feabhra 2020, chuir Simon BUSUTTIL, comhalta den phainéal arna mholadh ag Parlaimint na hEorpa, in iúl don Chomhairle go raibh sé ag éirí as oifig.

(5)

An 26 Samhain 2020, chuir Uachtarán Pharlaimint na hEorpa in iúl d’Uachtarán na Cúirte Breithiúnais gur mian le Parlaimint na hEorpa Julia LAFFRANQUE a cheapadh ina comhalta den phainéal.

(6)

I litir uaidh an 2 Nollaig 2020, mhol Uachtarán na Cúirte Breithiúnais go gceapfaí Julia LAFFRANQUE in ionad Simon BUSUTTIL ina comhalta den phainéal fad an téarma oifige seo, i gcomhréir le pointe 3 de rialacha oibriúcháin an phainéil mar a leagtar amach iad san Iarscríbhinn a ghabhann le Cinneadh 2010/124/AE ón gComhairle (3),