30.6.2017   

GA

Iris Oifigiúil an Aontais Eorpaigh

1

(1)

Tá sé tábhachtach go mbeadh rochtain leanúnach ar sheirbhísí ábhair ar líne a chuirtear ar fáil go dleathach do thomhaltóirí ina mBallstát cónaithe chun go bhfeidhmeodh an margadh inmheánach ar bhealach rianúil agus chun prionsabail na saorghluaiseachta daoine agus seirbhísí a chur i bhfeidhm go héifeachtach. Ós rud é gur limistéar gan teorainneacha inmheánacha atá sa mhargadh inmheánach agus go bhfuil sé ag brath, inter alia, ar shaorghluaiseacht daoine agus seirbhísí, tá sé riachtanach a áirithiú gur féidir le tomhaltóirí seirbhísí inaistrithe ábhair ar líne a úsáid a thugann rochtain ar ábhar amhail ceol, cluichí, scannáin, cláir shiamsaíochta nó imeachtaí spóirt, ní hamháin ina mBallstát cónaithe ach, chomh maith leis sin, nuair a bhíonn siad go sealadach i mBallstáit eile chun críoch amhail fóillíocht, taisteal, turais ghnó nó soghluaisteacht foghlama. Dá bhrí sin, ba cheart deireadh a chur le bacainní ar rochtain ar sheirbhísí ábhair ar líne den sórt sin agus ar úsáid na seirbhísí sin, i gcásanna den sórt sin.

(2)

Na forbairtí teicneolaíocha as a dtagann iomadú gléasanna iniompartha amhail ríomhairí glúine, táibléid agus fóin chliste, tá méadú ag teacht ar an méid a éascaíonn siad úsáid seirbhísí ábhair ar líne trí rochtain a thabhairt orthu cibé áit ina bhfuil an tomhaltóir. Tá méadú mear ag teacht ar éileamh na dtomhaltóirí ar rochtain ar sheirbhísí ábhair ar líne agus ar sheirbhísí nuálaíocha ar líne, ní hamháin ina mBallstát cónaithe ach, chomh maith leis sin, nuair a bhíonn siad go sealadach i mBallstát eile.

(3)

Tá méadú ag teacht ar an méid a dhéanann tomhaltóirí socruithe conarthacha le soláthraithe seirbhíse chun seirbhísí ábhair ar líne a fháil. Mar sin féin, is minic nach féidir le tomhaltóirí atá go sealadach i mBallstát seachas a mBallstát cónaithe leanúint de rochtain a fháil ar na seirbhísí ábhair ar líne agus d’úsáid a bhaint astu, ar seirbhísí iad a bhfuil an ceart faighte acu go dleathach rochtain a fháil orthu agus iad a úsáid ina mBallstát cónaithe.

(4)

Tá roinnt bacainní ann a chuireann bac ar sholáthar na seirbhísí ábhair ar líne do thomhaltóirí atá go sealadach i mBallstát seachas a mBallstát cónaithe. Áirítear ar sheirbhísí áirithe ar líne ábhar amhail ceol, cluichí, scannáin nó cláir shiamsaíochta atá cosanta ag cóipcheart nó cearta gaolmhara faoi dhlí an Aontais. Faoi láthair, tá na bacainní ar inaistritheacht trasteorann seirbhísí ábhair ar líne éagsúil ó earnáil amháin go hearnáil eile. Is ann do na bacainní sin mar gheall ar na cearta maidir le tarchur ábhair atá cosanta ag cóipcheart nó cearta gaolmhara, amhail saothair chlosamhairc, a bheith á gceadúnú go minic ar bhonn críochach, agus mar go bhféadfaidh soláthraithe seirbhísí ábhair ar líne a roghnú freastal ar mhargaí ar leith amháin.

(5)

Is amhlaidh atá i gcás ábhar, amhail imeachtaí spóirt, nach bhfuil cosanta ag cóipcheart nó cearta gaolmhara faoi dhlí an Aontais ach a d’fhéadfadh a bheith cosanta ag cóipcheart nó cearta gaolmhara faoin dlí náisiúnta nó de bhun reachtaíocht shonrach náisiúnta eile agus ar minic freisin a cheadúnaíonn lucht eagraithe imeachtaí den sórt sin nó a thairgeann soláthraithe seirbhísí ábhair ar líne ar bhonn críochach. Tá tarchur ábhair den sórt sin a dhéanann eagraíochtaí craolacháin cosanta ag cearta gaolmhara atá comhchuibhithe ar leibhéal an Aontais. Thairis sin, áirítear go minic ar tharchur ábhair den sórt sin eilimintí atá cosanta ag cóipcheart amhail ceol, fís-seichimh thosaigh nó dheiridh nó grafaic. Chomh maith leis sin, gnéithe áirithe de tharchur ábhair den sórt sin, go háirithe na cinn sin a bhaineann le himeachtaí a bhfuil tábhacht mhór leo don tsochaí a chraoladh chomh maith le tuairiscí gearra nuachta maidir le himeachtaí a bhfuil an-suim ag an bpobal iontu, rinneadh iad a chomhchuibhiú le Treoir 2010/13/AE ó Pharlaimint na hEorpa agus ón gComhairle (4). Ar deireadh, áirítear ar sheirbhísí meán closamhairc de réir bhrí Threoir 2010/13/AE seirbhísí a sholáthraíonn rochtain ar ábhar amhail imeachtaí spóirt, nuacht nó cúrsaí reatha.

(6)

Tá méadú ag teacht ar an méid a mhargaítear seirbhísí ábhair ar líne i bpacáiste nach féidir an t-ábhar atá ann nach bhfuil cosanta ag cóipcheart nó cearta gaolmhara a scaradh ón ábhar atá cosanta ag cóipcheart nó cearta gaolmhara gan luach na seirbhíse a sholáthraítear do thomhaltóirí a laghdú go suntasach. Tá sé seo fíor go háirithe i gcás ábhar a bhfuil costas breise leis amhail imeachtaí spóirt nó imeachtaí eile a bhfuil an-suim ag tomhaltóirí iontu. Chun gur féidir le soláthraithe seirbhísí ábhair ar líne rochtain iomlán ar a seirbhísí ábhair ar líne a sholáthar do thomhaltóirí nuair a bhíonn tomhaltóirí go sealadach i mBallstát seachas a mBallstát cónaithe, tá sé fíor-riachtanach go gcumhdaítear leis an Rialachán seo freisin ábhar den sórt sin a úsáideann seirbhísí ábhair ar líne agus, dá bhrí sin, go bhfuil feidhm aige maidir le seirbhísí meán closamhairc de réir bhrí Threoir 2010/13/AE chomh maith le tarchur na n-eagraíochtaí craolacháin ina n-iomláine.

(7)

Tá na cearta a bhaineann le saothair atá cosanta ag cóipcheart agus le hábhar atá cosanta ag cearta gaolmhara (“saothair agus ábhar cosanta eile”) comhchuibhithe, inter alia, i dTreoracha 96/9/CE (5), 2001/29/CE (6), 2006/115/CE (7) agus 2009/24/CE (8) ó Pharlaimint na hEorpa agus ón gComhairle. Is cuid dhílis de dhlíchóras an Aontais iad forálacha na gcomhaontuithe idirnáisiúnta i réimse an chóipchirt agus na gceart gaolmhar, ar comhaontuithe iad arna dtabhairt i gcrích ag an Aontas, go háirithe an Comhaontú maidir le Gnéithe de Chearta Maoine Intleachtúla a bhaineann le Trádáil atá i gceangal mar Iarscríbhinn 1C a ghabhann le Comhaontú an 15 Aibreán 1994 lena mbunaítear an Eagraíocht Dhomhanda Trádála, Conradh WIPO um Chóipcheart an 20 Nollaig 1996, agus Conradh WIPO um Thaibhithe agus Fónagraim an 20 Nollaig 1996, arna leasú. Ba cheart dlí an Aontais a léiriú, a mhéid is féidir, ar bhealach atá comhsheasmhach leis an dlí idirnáisiúnta.

(8)

Maidir le soláthraithe seirbhísí ábhair ar líne a bhaineann úsáid as saothair nó ábhar cosanta eile, amhail leabhair, saothair chlosamhairc, ceol ar taifead nó craoltaí, tá sé ríthábhachtach go mbeadh an ceart acu ábhar den sórt sin a úsáid i gcás na gcríoch ábhartha.

(9)

I gcás ábhar atá cosanta ag cóipcheart nó cearta gaolmhara a tharchuireann soláthraithe seirbhíse ábhair ar líne, is gá údarú a fháil ó na sealbhóirí ábhartha cirt, amhail údair, taibheoirí, léiritheoirí nó eagraíochtaí craolacháin, maidir leis an ábhar a áirítear sa tarchur. Tá sin fíor chomh maith céanna nuair a dhéantar tarchur den sórt sin chun lamháil do thomhaltóir íoslódáil a dhéanamh d’fhonn seirbhís ábhair ar líne a úsáid.

(10)

Ní féidir ceadúnas a fháil i leith na gceart ábhartha i gcónaí, go háirithe nuair a dhéantar cearta ó thaobh ábhair a cheadúnú ar bhonn eisiach. D’fhonn a áirithiú go gcomhlíontar go héifeachtach eisiachas críochach, is minic a ghabhann soláthraithe seirbhísí ábhair ar líne de láimh, ina gconarthaí ceadúnais le sealbhóirí cirt, lena n-áirítear eagraíochtaí craolacháin nó eagraithe imeachtaí, a gcuid rannpháirtithe a chosc ar rochtain a fháil ar a seirbhísí agus úsáid a bhaint astu lasmuigh den chríoch arb ina leith a shealbhaíonn na soláthraithe an ceadúnas. Le srianta conarthacha den sórt sin a fhorchuirtear ar sholáthraithe, ceanglaítear orthu bearta a dhéanamh amhail toirmeasc a chur ar rochtain ar a seirbhísí ó sheoltaí prótacal idirlín (IP) atá lonnaithe lasmuigh den chríoch lena mbaineann. Dá bhrí sin, is sna conarthaí a tugadh i gcrích idir na soláthraithe seirbhísí ábhair ar líne agus a gcuid rannpháirtithe atá ceann de na constaicí ar inaistritheacht trasteorann na seirbhísí ábhair ar líne, rud a léiríonn na clásail maidir le srian críochach atá sna conarthaí a tugadh i gcrích idir na soláthraithe sin agus na sealbhóirí cirt.

(11)

Ba cheart cásdlí Chúirt Bhreithiúnais an Aontais Eorpaigh a chur san áireamh agus meá á dhéanamh idir an cuspóir cearta maoine intleachtúla a chosaint agus na saoirsí bunúsacha arna ráthú ag an gConradh ar Fheidhmiú an Aontais Eorpaigh (CFAE).

(12)

Dá bhrí sin, is é cuspóir an Rialacháin seo an creat dlíthiúil comhchuibhithe maidir le cóipcheart agus cearta gaolmhara a oiriúnú agus cur chuige coiteann a chur ar fáil maidir le soláthar seirbhísí ábhair ar líne do rannpháirtithe atá go sealadach i mBallstát seachas a mBallstát cónaithe trí bhacainní ar inaistritheacht trasteorann seirbhísí ábhair ar líne a chuirtear ar fáil go dleathach a bhaint. Ba cheart inaistritheacht trasteorann seirbhísí ábhair ar líne a áirithiú leis an Rialachán seo sna hearnálacha go léir lena mbaineann agus ar an tslí sin modhanna breise a sholáthar do thomhaltóirí rochtain dhleathach a bheith acu ar ábhar ar líne, gan difear a dhéanamh don ardleibhéal cosanta arna ráthú ag cóipcheart agus ag cearta gaolmhara san Aontas, gan na múnlaí ceadúnaithe atá ann cheana féin, amhail ceadúnú críochach, a athrú, agus gan difear a dhéanamh do na sásraí airgeadais atá ann cheana. Ba cheart idirdhealú a dhéanamh idir coincheap inaistritheacht trasteorann na seirbhísí ábhair ar líne ó choincheap na rochtaine trasteorann a bheith ag tomhaltóirí ar sheirbhísí ábhair ar líne a sholáthraítear i mBallstát seachas a mBallstát cónaithe, rud nach gcumhdaítear leis an Rialachán seo.

(13)

I bhfianaise ionstraimí an Aontais atá ann i réimse an chánachais, tá sé riachtanach réimse an chánachais a eisiamh ó raon feidhme an Rialacháin seo. Dá bhrí sin, níor cheart don Rialachán seo difear a dhéanamh do chur i bhfeidhm aon fhorála a bhaineann le cánachas.

(14)

Sainmhínítear sa Rialachán seo roinnt coincheapa atá riachtanach lena chur i bhfeidhm, lena n-áirítear an Ballstát cónaithe. Ba cheart an Ballstát cónaithe a chinneadh agus cuspóirí an Rialacháin seo agus an gá lena chur i bhfeidhm aonfhoirmeach san Aontas a áirithiú á gcur san áireamh. Tugtar le tuiscint sa sainmhíniú ar an mBallstát cónaithe go bhfuil cónaí iarbhír agus seasmhach sa Bhallstát sin ag an rannpháirtí. Ba cheart do sholáthraí seirbhísí ábhair ar líne a d’fhíoraigh an Ballstát cónaithe i gcomhréir leis an Rialachán seo a bheith in ann glacadh leis, chun críocha an Rialacháin seo, gurbh é an t-aon Bhallstát cónaithe atá ag an rannpháirtí an Ballstát cónaithe mar atá fíoraithe. Níor cheart a chur d’oibleagáid ar sholáthraithe a fhíorú an bhfuil a gcuid rannpháirtithe ina rannpháirtithe freisin ar sheirbhís ábhair ar líne i mBallstát eile.

(15)

Ba cheart feidhm a bheith ag an Rialachán seo maidir le seirbhísí ábhair ar líne a sholáthraíonn soláthraithe, tar éis dóibh na cearta ábhartha a fháil ó shealbhóirí cirt i gcríoch ar leith, dá rannpháirtithe ar bhonn conartha, ar aon mhodh lena n-áirítear sruthú, íoslódáil, trí fheidhmchláir nó trí aon teicníc eile lenar féidir an t-ábhar sin a úsáid. Chun críocha an Rialacháin seo, ba cheart a mheas go gcumhdaítear leis an téarma “conradh” aon chomhaontú idir soláthróir agus rannpháirtí, lena n-áirítear aon socrú arb ina leith a ghlacann an rannpháirtí le téarmaí agus coinníollacha an tsoláthraí chun seirbhísí ábhair ar líne a sholáthar, cibé acu ar íocaíocht airgid nó gan íocaíocht den sórt sin. Chun críocha an Rialacháin seo, níor cheart a mheas go bhfuil conradh chun seirbhísí ábhair ar líne a sholáthar i gceist nuair a chláraítear chun foláirimh ábhair a fháil nó nach ndéantar ach glacadh le fianáin HTML.

(16)

Seirbhís ar líne nach seirbhís meán closamhairc í de réir bhrí Threoir 2010/13/AE agus a úsáideann saothair, ábhar cosanta eile nó tarchur na n-eagraíochtaí craolacháin ar bhealach coimhdeachta amháin, níor cheart í a chumhdach faoin Rialachán seo. Áirítear ar sheirbhísí den sórt sin suíomhanna gréasáin a úsáideann saothair nó ábhar cosanta eile ar bhealach coimhdeachta amháin amhail mar eilimintí grafacha nó mar cheol a úsáidtear mar chúlra, más é príomhchuspóir an tsuímh gréasáin sin earraí a dhíol, mar shampla.

(17)

Níor cheart feidhm a bheith ag an Rialachán seo ach maidir le seirbhísí ábhair ar líne ar féidir le rannpháirtithe rochtain a fháil orthu go héifeachtach agus iad a úsáid ina mBallstát cónaithe gan a bheith teoranta do shuíomh ar leith, ós rud é nach iomchuí a cheangal ar sholáthraithe seirbhísí ábhair ar líne nach dtairgeann seirbhísí inaistrithe ábhair ar líne i mBallstát cónaithe rannpháirtí na seirbhísí sin a thairiscint thar theorainneacha.

(18)

Ba cheart feidhm a bheith ag an Rialachán seo maidir le seirbhísí ábhair ar líne a sholáthraítear ar íocaíocht airgid. Tá soláthraithe seirbhísí den sórt sin in ann a fhíorú cén Ballstát cónaithe atá ag a gcuid rannpháirtithe. Ba cheart a mheas go bhfuil an ceart seirbhís ábhair ar líne a úsáid faighte ar íocaíocht airgid má tugadh íocaíocht den sórt sin go díreach do sholáthraí na seirbhíse ábhair ar líne, nó do pháirtí eile amhail soláthraí a thairgeann pacáiste ina bhfuil seirbhís cumarsáide leictreonaí maille le seirbhís ábhair ar líne a oibríonn soláthraí eile. Chun críocha an Rialacháin seo, níor cheart íocaíocht táille éigeantaigh le haghaidh seirbhísí craolacháin phoiblí a mheas mar íocaíocht airgid le haghaidh seirbhís ábhair ar líne.

(19)

Níor cheart do sholáthraithe seirbhísí ábhair ar líne a rannpháirtithe a chur faoi réir aon mhuirir bhreise ar inaistritheacht trasteorann seirbhísí ábhair ar líne a sholáthar i gcomhréir leis an Rialachán seo. Chun rochtain a fháil ar sheirbhísí ábhair ar líne agus iad a úsáid i mBallstáit seachas a mBallstát cónaithe, d’fhéadfadh sé, áfach, go bhféadfadh rannpháirtithe a bheith faoi réir táillí is iníoctha le hoibreoirí líonraí cumarsáide leictreonaí a úsáidtear chun rochtain a fháil ar sheirbhísí den sórt sin.

(20)

Go ginearálta, ní dhéanann soláthraithe seirbhísí ábhair ar líne a sholáthraítear gan airgead a íoc Ballstát cónaithe a gcuid rannpháirtithe a fhíorú. Dá gcuirfí seirbhísí ábhair ar líne den sórt sin san áireamh i raon feidhme an Rialacháin seo, bheadh athrú mór ar an gcaoi a seachadtar na seirbhísí sin agus bheadh costais dhíréireacha i gceist. Mar sin féin, mar gheall ar eisiamh na seirbhísí sin ó raon feidhme an Rialacháin seo, ní bheadh soláthraithe na seirbhísí sin in ann leas a bhaint as an sásra dlíthiúil dá bhforáiltear sa Rialachán seo agus a chumasaíonn do sholáthraithe seirbhísí ábhair ar líne inaistritheacht trasteorann seirbhísí den sórt sin a thairiscint, fiú nuair a chinneann siad infheistíocht a dhéanamh i modhanna lena ligtear dóibh Ballstát cónaithe an rannpháirtí a fhíorú. Dá réir sin, ba cheart do sholáthraithe seirbhísí ábhair ar líne a sholáthraítear gan airgead a íoc a bheith in ann roghnú a bheith san áireamh i raon feidhme an Rialacháin seo ar choinníoll go gcomhlíonann siad na ceanglais maidir le Ballstát cónaithe a gcuid rannpháirtithe a fhíorú. Má fheidhmíonn soláthraithe den sórt sin an rogha sin, ba cheart dóibh na hoibleagáidí céanna a fhorchuirtear faoin Rialachán seo ar na soláthraithe seirbhísí ábhair ar líne a chuirtear ar fáil ar íocaíocht airgid a chomhlíonadh. Ina theannta sin, ba cheart dóibh a gcinneadh maidir leis an rogha sin a fheidhmiú a chur in iúl ar bhealach tráthúil do na rannpháirtithe, do shealbhóirí ábhartha cóipchirt agus ceart gaolmhar agus do shealbhóirí ábhartha aon cheart eile in ábhar na seirbhíse ábhair ar líne. D’fhéadfaí faisnéis den sórt sin a sholáthar ar shuíomh gréasáin an tsoláthraí.

(21)

Chun inaistritheacht trasteorann na seirbhísí ábhair ar líne a áirithiú, is gá a cheangal ar sholáthraithe seirbhísí ábhair ar líne a chumhdaítear leis an Rialachán seo a chur ar chumas a gcuid rannpháirtithe seirbhísí den sórt sin a úsáid sa Bhallstát ina bhfuil siad go sealadach ar an gcaoi chéanna a n-úsáidtear iad ina mBallstát cónaithe. Ba cheart rochtain a bheith ag rannpháirtithe ar sheirbhísí ábhair ar líne a thairgeann an t-ábhar céanna ar an raon céanna agus ar an líon céanna gléasanna, don mhéid céanna úsáideoirí agus leis an raon céanna feidhmiúlachtaí a thairgtear ina mBallstát cónaithe. Tá sé riachtanach go mbeadh an oibleagáid inaistritheacht trasteorann seirbhísí ábhair ar líne a sholáthar éigeantach agus níor cheart do na páirtithe bheith in ann, dá bhrí sin, an oibleagáid sin a eisiamh, maolú uirthi nó a héifeacht a athrú. Aon ghníomhaíocht a dhéanann soláthraí a choiscfeadh rannpháirtithe ar rochtain ar an tseirbhís nó úsáid a bhaint aisti le linn dó nó di a bheith go sealadach i mBallstát seachas a mBallstát cónaithe, mar shampla srianta ar fheidhmiúlachtaí na seirbhíse nó ar cháilíocht a seachadta, ba cheart sin a mheas mar theacht timpeall ar an oibleagáid inaistritheacht trasteorann seirbhísí ábhair ar líne a sholáthar agus dá bhrí sin ba cheart a mheas go bhfuil an ghníomhaíocht sin contrártha don Rialachán seo.

(22)

Le ceanglas a bheith ann go mbeadh seachadadh seirbhísí ábhair ar líne do rannpháirtithe a bheadh go sealadach i mBallstáit seachas a mBallstát cónaithe ar aon chaighdeán leis an tseirbhís sa Bhallstát cónaithe, d’fhéadfadh sé go gcuirfeadh sin costais mhóra ar sholáthraithe seirbhísí ábhair ar líne agus dá bhrí sin ar deireadh thiar ar rannpháirtithe. Dá bhrí sin, ní hiomchuí i gcás an Rialacháin seo ceanglas a chur ar sholáthraithe cáilíocht seachadta seirbhísí den sórt sin a áirithiú a bheadh thar an gcaighdeán atá le fáil tríd an rochtain ar líne áitiúil a roghnaíonn rannpháirtí le linn dó nó di bheith go sealadach i mBallstát eile. I gcásanna den sórt sin, níor cheart don soláthraí a bheith faoi dhliteanas más rud é go bhfuil cáilíocht seachadta na seirbhíse níos ísle. Mar sin féin, má ráthaíonn an soláthraí go sainráite cáilíocht áirithe seachadta do rannpháirtithe le linn dóibh bheith go sealadach i mBallstáit eile, ba cheart dó bheith faoi cheangal ag an ráthaíocht sin. Ba cheart don soláthraí, ar bhonn na faisnéise atá ina sheilbh, faisnéis a thabhairt dá rannpháirtithe roimh ré maidir le cáilíocht seachadta seirbhíse ábhair ar líne a chuirtear ar fáil i mBallstát seachas a mBallstát cónaithe, go háirithe faisnéis go bhféadfadh an cháilíocht seachadta a bheith éagsúil leis an gcáilíocht is infheidhme ina mBallstát cónaithe. Níor cheart don soláthraí a bheith faoi oibleagáid faisnéis a lorg go gníomhach maidir le cáilíocht seachadta seirbhíse i mBallstáit seachas Ballstát cónaithe an rannpháirtí. D’fhéadfaí an fhaisnéis ábhartha a sholáthar ar shuíomh gréasáin an tsoláthraí.

(23)

Chun a áirithiú go gcomhlíonfaidh soláthraithe seirbhísí ábhair ar líne a chumhdaítear leis an Rialachán seo, an oibleagáid inaistritheacht trasteorann a gcuid seirbhísí a sholáthar gan na cearta ábhartha i mBallstát eile a fháil, tá sé riachtanach a leagan síos gur cheart na soláthraithe seirbhíse sin a bheith i gcónaí i dteideal na seirbhísí a sholáthar do rannpháirtithe nuair a bheidh siad go sealadach i mBallstát seachas a mBallstát cónaithe. Ba cheart é sin a bhaint amach trína leagan síos gur cheart a mheas gur i mBallstát cónaithe an rannpháirtí a tharlaíonn soláthar seirbhísí ábhair ar líne den sórt sin, rochtain orthu agus an úsáid a bhaintear astu. Ba cheart feidhm a bheith ag an sásra dlíthiúil sin chun críche inaistritheacht trasteorann na seirbhísí ábhair ar líne a áirithiú, agus chun na críche sin amháin. Ba cheart a mheas go gcuirtear seirbhís ábhair ar líne ar fáil go dleathach má chuirtear an tseirbhís agus an t-ábhar araon ar fáil ar bhealach dleathach sa Bhallstát cónaithe. Leis an Rialachán seo, agus go háirithe leis an sásra dlíthiúil lena meastar go dtarlaíonn soláthar na seirbhíse ábhair ar líne, rochtain uirthi agus úsáid a bhaintear aisti i mBallstát cónaithe an rannpháirtí, ní chuirtear bac ar sholáthraí a chumasú don rannpháirtí rochtain bhreise agus úsáid bhreise a bheith aige nó aici ar an tseirbhís ábhair ar líne a thairgeann an soláthraí go dleathach sa Bhallstát ina bhfuil an rannpháirtí go sealadach.

(24)

I gcás ceadúnú cóipchirt nó ceart gaolmhar, ciallaíonn an sásra dlíthiúil a leagtar síos sa Rialachán seo gur cheart a mheas gur i mBallstát cónaithe an rannpháirtí a dhéantar gníomhartha ábhartha atáirgthe, cumarsáide leis an bpobal agus chur ar fáil saothar agus ábhair chosanta eile, chomh maith leis na gníomhartha asbhainte nó ath-úsáide i ndáil le bunachair sonraí atá cosanta ag cearta sui generis, gníomhaíochtaí a tharlaíonn i gcás ina gcuirtear an tseirbhís ar fáil do rannpháirtithe nuair a bhíonn siad go sealadach i mBallstát seachas a mBallstát cónaithe. Dá bhrí sin, ba cheart a mheas go ndéanann soláthraithe seirbhísí ábhair ar líne a chumhdaítear leis an Rialachán seo gníomhartha den sórt sin ar bhonn na n-údaruithe faoi seach a fuair siad ó na sealbhóirí cirt lena mbaineann le haghaidh Bhallstát cónaithe a gcuid rannpháirtithe. Aon uair a bhíonn an ceart ag soláthraithe gníomhartha cur in iúl don phobal nó gníomhartha atáirgthe a dhéanamh i mBallstát cónaithe a gcuid rannpháirtithe ar bhonn údarú ó na sealbhóirí cirt lena mbaineann, ba cheart é a bheith ar chumas rannpháirtithe atá go sealadach i mBallstát seachas a mBallstát cónaithe an tseirbhís a rochtain agus úsáid a bhaint aisti agus nuair is gá aon ghníomhartha ábhartha atáirgthe, amhail íoslódáil a dhéanamh, a bheidís i dteideal a dhéanamh ina mBallstáit cónaithe. Má sholáthraíonn soláthraithe seirbhís ábhair ar líne do rannpháirtithe atá go sealadach i mBallstát seachas a mBhallstáit cónaithe agus má bhaineann na rannpháirtithe sin úsáid as an tseirbhís i gcomhréir leis an Rialachán seo, níor cheart an soláthar sin agus an úsáid sin a bheith ina sárú ar chóipcheart nó ar chearta gaolmhara ná ar aon chearta eile atá ábhartha maidir leis an tseirbhís ábhair ar líne a sholáthar, a rochtain agus a úsáid.

(25)

Níor cheart soláthraithe seirbhísí ábhair ar líne a chumhdaítear leis an Rialachán seo a bheith faoi dhliteanas i leith an tsáraithe ar aon fhorálacha conarthacha nach bhfuil i gcomhréir leis an oibleagáid é a chur ar chumas a gcuid rannpháirtithe seirbhísí den sórt sin a úsáid sa Bhallstát ina bhfuil siad go sealadach. Dá bhrí sin, ba cheart aon chlásail i gconarthaí atá ceaptha inaistritheacht trasteorann seirbhísí ábhair ar líne a thoirmeasc nó a theorannú a bheith neamh-infheidhmithe. Níor cheart ligean do sholáthraithe ná do shealbhóirí ceart atá ábhartha i ndáil le soláthar seirbhísí ábhair ar líne teacht timpeall ar chur i bhfeidhm an Rialacháin seo trí dhlí tríú tíre a roghnú mar an dlí is infheidhme maidir le conarthaí eatarthu. Ba cheart feidhm a bheith ag an rud céanna maidir le conarthaí a thugtar i gcrích idir soláthraithe agus rannpháirtithe.

(26)

Leis an Rialachán seo, ba cheart a chur ar chumas rannpháirtithe seirbhísí ábhair ar líne, lenar shuibscríobh siad ina mBallstát cónaithe a theachtadh agus iad go sealadach i mBallstát eile. Níor cheart rannpháirtithe a bheith incháilithe d’inaistritheacht trasteorann seirbhísí ábhair ar líne ach amháin má tá cónaí orthu i mBallstát de chuid an Aontais. Dá bhrí sin, ba cheart oibleagáid a chur ar sholáthraithe seirbhísí ábhair ar líne leis an Rialachán seo úsáid a bhaint as modhanna réasúnacha, comhréireacha agus éifeachtacha chun Ballstát cónaithe a rannpháirtithe a fhíorú. Chuige sin, ba cheart do sholáthraithe úsáid a bhaint as na modhanna fíoraithe a liostaítear sa Rialachán seo. Ní choisceann sé seo comhaontú idir soláthraithe agus sealbhóirí cirt maidir leis na modhanna fíoraithe sin laistigh de theorainneacha an Rialacháin seo. Is é cuspóir an liosta deimhneacht dhlíthiúil a sholáthar maidir leis na modhanna fíoraithe a bheidh le húsáid ag soláthraithe chomh maith le cur isteach ar phríobháideacht rannpháirtithe a theorannú. I ngach cás, ba cheart éifeachtacht agus comhréireacht modha fíoraithe áirithe i mBallstát ar leith agus maidir leis an tseirbhís ábhair ar líne ar leith a chur san áireamh. Mura bhféadfar Ballstát cónaithe an rannpháirtí a fhíorú le leibhéal leordhóthanach cinnteachta ar bhonn modh aonair fíoraithe, ba cheart do sholáthraithe brath ar dhá mhodh fíoraithe. I gcásanna ina bhfuil amhras réasúnach ann maidir le Ballstát cónaithe an rannpháirtí, ba cheart don soláthraí bheith in ann fíorú Bhallstát cónaithe an rannpháirtí a dhéanamh arís. Ba cheart don soláthraí na bearta teicniúla agus eagraíochtúla is gá a chur chun feidhme, ar bearta iad a éilítear faoi rialacha cosanta sonraí is infheidhme chun próiseáil a dhéanamh ar shonraí pearsanta arna mbailiú chun Ballstát cónaithe an rannpháirtí a fhíorú faoin Rialachán seo. Ar na samplaí de na bearta sin, áirítear faisnéis thrédhearcach a sholáthar do na daoine aonair faoi na modhanna a úsáidtear le haghaidh an fhíoraithe, agus chun críche an fhíoraithe, agus bearta slándála iomchuí.

(27)

Chun Ballstát cónaithe an rannpháirtí a fhíorú, ba cheart do sholáthraí seirbhíse ábhair ar líne brath, más féidir, ar fhaisnéis atá i seilbh an tsoláthraí, amhail faisnéis bhilleála. Maidir le conarthaí arna dtabhairt i gcrích roimh dháta chur i bhfeidhm an Rialacháin seo agus i ndáil leis an bhfíorú arna dhéanamh ar athnuachan conartha, níor cheart cead a bheith ag an soláthraí iarraidh ar an rannpháirtí an fhaisnéis ba ghá a sholáthar chun Ballstát cónaithe an rannpháirtí a fhíorú ach amháin nuair nach féidir é sin a chinneadh ar bhonn na faisnéise atá i seilbh an tsoláthraí cheana féin.

(28)

Ba cheart seiceálacha sheoltaí IP arna bhfeidhmiú faoin Rialachán seo a dhéanamh i gcomhréir le Treoir 95/46/CE ó Pharlaimint na hEorpa agus ón gComhairle (9) agus le Treoir 2002/58/CE ó Pharlaimint na hEorpa agus ón gComhairle (10). Ina theannta sin, chun Ballstát cónaithe an rannpháirtí a fhíorú, an rud is tábhachtaí ná an Ballstát ina bhfuil rochtain á fáil ag an rannpháirtí ar an tseirbhís seachas suíomh beacht an rannpháirtí. Dá réir sin, níor cheart sonraí maidir le suíomh beacht an rannpháirtí ná aon sonraí pearsanta eile a bhailiú ná a phróiseáil chun na críche sin. I gcás ina bhfuil amhras réasúnach ar an soláthraí maidir le Ballstát cónaithe an rannpháirtí agus go ndéanann sé seiceáil sheoladh IP chun an Ballstát cónaithe a fhíorú, le seiceálacha den sórt sin, ba cheart a shuíomh an bhfuil rochtain á fáil ag an rannpháirtí ar an tseirbhís ábhair ar líne nó an bhfuil sí á húsáid laistigh nó lasmuigh den Bhallstát cónaithe, agus é sin amháin. Dá bhrí sin, níor cheart na sonraí a thiocfaidh as seiceáil sheoltaí IP a bhailiú ach amháin i bhformáid dhénártha agus i gcomhréir leis na rialacha cosanta sonraí is infheidhme. Níor cheart don soláthraí dul thar an leibhéal mionsonraí sin.

(29)

Ba cheart do shealbhóir cóipchirt, cearta gaolmhara, nó aon cheart eile in ábhar seirbhíse ábhair ar líne a bheith in ann i gcónaí saoirse chonarthach a fheidhmiú chun údarú a thabhairt ábhar den sórt sin a sholáthar, a rochtain agus a úsáid faoin Rialachán seo gan an Ballstát cónaithe a fhíorú. Is féidir leis an méid sin a bheith ábhartha go háirithe in earnálacha amhail ceol agus ríomhleabhair go háirithe. Ba cheart do gach sealbhóir cirt bheith in ann cinntí den sórt sin a dhéanamh go héasca agus iad ag dul i mbun conarthaí le soláthraithe seirbhísí ábhair ar líne. Le conarthaí idir soláthraithe agus sealbhóirí cirt, níor cheart srian a chur ar an deis atá ag sealbhóirí cirt an t-údarú sin a tharraingt siar faoi réir fógra réasúnach a thabhairt don soláthraí. Mar sin, ní scaoileann an t-údarú a thugann sealbhóir aonair cirt an soláthraí ón oibleagáid chun Ballstát cónaithe an rannpháirtí a fhíorú. Is i gcásanna ina gcinnfidh na sealbhóirí uile cóipchirt, ceart gaolmhar nó aon cheart eile san ábhar a úsáideann an soláthraí údarú a thabhairt a n-ábhar a sholáthar, a rochtain agus a úsáid gan Ballstát cónaithe an rannpháirtí a fhíorú, agus sna cásanna sin amháin, nár cheart feidhm a bheith ag an oibleagáid chun fíorú a dhéanamh, agus ba cheart úsáid a bhaint as an gconradh idir an soláthraí agus an rannpháirtí chun seirbhís ábhair ar líne a sholáthar chun Ballstát cónaithe an rannpháirtí a fhíorú. I gcásanna den sórt sin, ba cheart gach gné eile den Rialachán seo leanúint de bheith infheidhme.

(30)

Urramaítear leis an Rialachán seo na cearta bunúsacha agus na prionsabail a aithnítear i gCairt um Chearta Bunúsacha an Aontais Eorpaigh (“an Chairt”). Dá réir sin, ba cheart an Rialachán seo a léiriú agus a chur i bhfeidhm i gcomhréir leis na cearta agus na prionsabail sin, go háirithe an ceart chun measa ar an saol príobháideach agus ar shaol an teaghlaigh, an ceart go ndéanfar sonraí pearsanta a chosaint, an ceart chun saoirse nochtaithe tuairimí, an tsaoirse chun gnó a sheoladh agus an ceart chun maoine, lena n-áirítear maoin intleachtúil. Le haon phróiseáil a dhéantar ar shonraí pearsanta faoin Rialachán seo, ba cheart na cearta bunúsacha a urramú, lena n-áirítear an ceart chun measa ar an saol príobháideach agus ar shaol an teaghlaigh agus an ceart go ndéanfar sonraí pearsanta a chosaint faoi Airteagal 7 agus Airteagal 8 den Chairt, agus tá sé riachtanach go mbeidh próiseáil den sórt sin i gcomhréir le Treoir 95/46/CE agus le Treoir 2002/58/CE. Go háirithe, ba cheart do sholáthraithe seirbhísí ábhair ar líne a áirithiú go mbeidh aon phróiseáil a dhéantar ar shonraí pearsanta faoin Rialachán seo riachtanach, réasúnach agus comhréireach d’fhonn an cuspóir ábhartha a bhaint amach. I gcás inar leor rannpháirtí a fhíordheimhniú chun an tseirbhís a sholáthar, níor cheart é a bheith ina cheanglas an rannpháirtí a shainaithint. Maidir leis na sonraí arna mbailiú de bhun an Rialacháin seo chun an Ballstát cónaithe a fhíorú, níor cheart don soláthraí iad a stóráil níos faide ná mar is gá chun fíorú den sórt sin a chur i gcrích. Ba cheart sonraí den sórt sin a scriosadh láithreach agus ar bhealach do-athraithe tar éis an fíorú a chur i gcrích. Ní dochar é sin, áfach, do stóráil sonraí a bailíodh le haghaidh críoch dhlisteanach eile, faoi réir na rialacha cosanta sonraí is infheidhme, lena n-áirítear na rialacha maidir le stóráil na sonraí sin.

(31)

Maireann conarthaí faoina gceadúnaítear ábhar ar feadh tréimhse sách fada, de ghnáth. Dá bhrí sin, agus d’fhonn a áirithiú gur féidir le gach tomhaltóir atá ina chónaí san Aontas úsáid a bhaint as inaistritheacht trasteorann seirbhísí ábhair ar líne ar bhonn cothrom ó thaobh ama de agus gan aon mhoill mhíchuí, ba cheart feidhm a bheith ag an Rialachán seo maidir le conarthaí a tugadh i gcrích agus cearta a fuarthas roimh dháta a chur i bhfeidhm má tá na conarthaí sin agus na cearta sin ábhartha d’inaistritheacht trasteorann seirbhíse ábhair ar líne a cuireadh ar fáil tar éis an dáta sin. Tá cur i bhfeidhm an Rialacháin seo riachtanach freisin chun a áirithiú go mbeidh cothrom iomaíochta ann do sholáthraithe seirbhísí ábhair ar líne a chumhdaítear leis an Rialachán seo atá ag feidhmiú sa mhargadh inmheánach, go háirithe do FBManna, trína chumasú do sholáthraithe a thug i gcrích conarthaí le sealbhóirí cirt a bhí le maireachtáil ar feadh tréimhse fhada chun inaistritheacht trasteorann a thairiscint dá gcuid rannpháirtithe, is cuma cén deis a bheidh ag soláthraí conarthaí den sórt sin a athchaibidliú. Ina theannta sin, ba cheart a áirithiú le cur i bhfeidhm an Rialacháin seo, i gcás ina ndéanann soláthraithe na socruithe is gá chun inaistritheacht trasteorann a gcuid seirbhísí a chur ar fáil, go mbeidh siad in ann an inaistritheacht sin a thairiscint i dtaca lena n-ábhar iomlán ar líne. Ba cheart feidhm a bheith ag an méid sin freisin maidir le soláthraithe seirbhísí ábhair ar líne a thairgeann pacáistí lena nasctar seirbhísí cumarsáide leictreonaí agus seirbhísí ábhair ar líne. Ar deireadh, le cur i bhfeidhm an Rialacháin seo, ba cheart a lamháil do shealbhóirí cirt gan é a bheith d’iallach orthu na conarthaí ceadúnaithe atá acu faoi láthair a athrú trí idirbheartaíocht chun a chumasú do sholáthraithe inaistritheacht trasteorann a seirbhísí a thairiscint.

(32)

Dá réir sin, ós rud é go mbeidh feidhm ag an Rialachán seo maidir le roinnt conarthaí a tugadh i gcrích agus ceart a fuarthas roimh dháta a chur i bhfeidhm, is iomchuí freisin foráil a dhéanamh maidir le tréimhse réasúnach idir dáta theacht i bhfeidhm an Rialacháin seo agus dáta a chur i bhfeidhm, le gur féidir le sealbhóirí cirt agus le soláthraithe seirbhísí ábhair ar líne a chumhdaítear leis an Rialachán seo na socruithe is gá a dhéanamh chun cúrsaí a chur in oiriúint don staid nua, agus le gur féidir le soláthraithe seirbhíse téarmaí úsáide a gcuid seirbhísí a leasú. Maidir le hathruithe ar théarmaí úsáide seirbhísí ábhair ar líne a thairgtear i bpacáistí ina gcuirtear le chéile seirbhís cumarsáide leictreonaí agus seirbhís ábhair ar líne, arb athruithe iad a dhéantar d’aontoisc d’fhonn ceanglais an Rialacháin seo a chomhlíonadh, níor cheart go spreagfaidís aon cheart do rannpháirtithe faoi dhlíthe náisiúnta lena dtrasuítear an creat rialúcháin le haghaidh líonraí agus seirbhísí cumarsáide leictreonaí conarthaí maidir le soláthar na seirbhísí cumarsáide leictreonaí sin a tharraingt siar.

(33)

Leis an Rialachán seo, dírítear ar an iomaíochas a fheabhsú trí nuálaíocht a chothú i seirbhísí ábhair ar líne agus trí níos mó tomhaltóirí a mhealladh. Leis an Rialachán seo, níor cheart difear a dhéanamh do chur i bhfeidhm na rialacha iomaíochta, go háirithe Airteagal 101 agus Airteagal 102 CFAE. Níor cheart na rialacha dá bhforáiltear sa Rialachán seo a úsáid chun iomaíocht a shrianadh ar bhealach nach bhfuil i gcomhréir le CFAE.

(34)

Leis an Rialachán seo, níor cheart difear a dhéanamh do chur i bhfeidhm Threoir 2014/26/AE ó Pharlaimint na hEorpa agus ón gComhairle (11) ná, go háirithe, Teideal III di. Tá an Rialachán seo comhsheasmhach leis an gcuspóir rochtain dhleathach a éascú ar ábhar atá cosanta ag cóipcheart nó cearta gaolmhara, chomh maith leis na seirbhísí a bhaineann leis sin.

(35)

Chun an cuspóir inaistritheacht trasteorann seirbhísí ábhair ar líne a áirithiú san Aontas a bhaint amach, is iomchuí rialachán a ghlacadh, rialachán atá infheidhme go díreach sna Ballstáit. Tá gá leis sin chun a ráthú go gcuirfear i bhfeidhm na rialacha maidir le hinaistritheacht trasteorann go haonfhoirmeach ar fud na mBallstát agus go dtiocfaidh siad i bhfeidhm ag an am céanna maidir le gach seirbhís ábhair ar líne. Is le Rialachán amháin is féidir a áirithiú go mbeidh an méid deimhneachta dlíthiúla ann atá riachtanach chun é a chur ar chumas tomhaltóirí tairbhe a bhaint as inaistritheacht trasteorann ar fud an Aontais.

(36)

Ós rud é nach féidir leis na Ballstáit cuspóir an Rialacháin seo, eadhon an creat dlí a oiriúnú sa chaoi go soláthraítear inaistritheacht trasteorann seirbhísí ábhair ar líne san Aontas, a ghnóthú agus, de bharr a fhairsinge agus a éifeachtaí, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú. Go háirithe, ní dhéanann an Rialachán seo difear suntasach don chaoi a gceadúnaítear na cirt agus ní chuirtear iallach leis ar shealbhóirí cirt agus soláthraithe conarthaí a athchaibidliú. Ina theannta sin, níl ceanglas sa Rialachán seo go nglacfaidh soláthraithe bearta chun cáilíocht seachadta na seirbhísí ábhair ar líne a áirithiú lasmuigh de Bhallstát cónaithe na rannpháirtithe. Ar deireadh, níl feidhm ag an Rialachán seo maidir le soláthraithe a thairgeann seirbhísí ábhair ar líne gan airgead a íoc agus nach bhfeidhmíonn an rogha inaistritheacht trasteorann a seirbhísí a chumasú. Dá bhrí sin, níl aon chostais dhíréireacha i gceist leis dá bharr,

(1)

ciallaíonn “rannpháirtí” aon tomhaltóir atá i dteideal, ar bhonn conradh le haghaidh soláthar seirbhíse ábhair ar líne le soláthraí, bíodh sé ar íocaíocht airgid nó gan an íocaíocht sin, rochtain ar sheirbhís den sórt sin agus í a úsáid sa Bhallstát cónaithe;

(2)

ciallaíonn “tomhaltóir” aon duine nádúrtha atá ag gníomhú, de bhun conarthaí a chumhdaítear faoin Rialachán seo, chun críocha atá lasmuigh de cheird, de ghnó, d’ealaín nó de ghairm an duine sin;

(3)

ciallaíonn “Ballstát cónaithe” an Ballstát, arna chinneadh ar bhonn Airteagal 5, ina bhfuil a áit nó a háit chónaithe iarbhír agus sheasta ag an rannpháirtí;

(4)

ciallaíonn “bheith go sealadach i mBallstát” bheith i mBallstát seachas an Bhallstát cónaithe ar feadh tréimhse theoranta ama;

(5)

ciallaíonn “seirbhís abhair ar líne” seirbhís a shainmhínítear le hAirteagal 56 agus le hAirteagal 57 CFAE agus a chuireann soláthraí ar fáil go dleathach do rannpháirtithe ina mBallstát cónaithe, ar théarmaí comhaontaithe agus ar líne, ar seirbhís inaistrithe í agus arb é atá inti an méid seo a leanas:

(6)

ciallaíonn “inaistrithe” gné seirbhíse ábhair ar líne trínar féidir le rannpháirtithe rochtain go héifeachtach ar an tseirbhís ábhair ar líne agus í a úsáid ina mBallstát cónaithe gan a bheith teoranta do shuíomh ar leith.

(a)

cárta aitheantais, modh leictreonach sainaitheantais, go háirithe iad siúd a thagann faoi na scéimeanna ríomh-shainaitheantais ar tugadh fógra ina leith i gcomhréir le Rialachán (AE) Uimh. 910/2014 ó Pharlaimint na hEorpa agus ón gComhairle (12), nó aon doiciméad aitheantais bailí eile lena ndeimhnítear Ballstát cónaithe an rannpháirtí;

(b)

sonraí íocaíochta, amhail cuntas bainc, nó uimhir chárta creidmheasa nó chárta dochair an rannpháirtí;

(c)

an áit ina suiteáiltear bosca bairr, díchódóir nó feiste comhchosúil chun seirbhísí a sholáthar don rannpháirtí;

(d)

táille cheadúnais a bheith á híoc le haghaidh seirbhísí eile a chuirtear ar fáil sa Bhallstát, amhail craolachán seirbhíse poiblí;

(e)

conradh soláthar seirbhíse idirlín nó teileafóin nó aon chonradh dá shamhail lena nasctar an rannpháirtí leis an mBallstát;

(f)

clárú ar rollaí áitiúla toghthóirí, má tá an fhaisnéis lena mbaineann ar fáil go poiblí;

(g)

cánacha áitiúla a bheith á n-íoc, má tá an fhaisnéis lena mbaineann ar fáil go poiblí;

(h)

bille fóntais de chuid an rannpháirtí lena nasctar an rannpháirtí leis an mBallstát;

(i)

seoladh billeála nó seoladh poist an rannpháirtí;

(j)

dearbhú ón rannpháirtí lena ndeimhnítear go bhfuil seoladh an rannpháirtí sa Bhallstát;

(k)

seoladh prótacal idirlín (IP) a sheiceáil, chun an Ballstát ina ndéanann an rannpháirtí rochtain ar an tseirbhís ábhair ar líne a shainaithint.

30.6.2017   

GA

Iris Oifigiúil an Aontais Eorpaigh

12

(1)

Is céim shár-riachtanach atá sa Rialachán seo i dtabhairt chun críche Aontas na Margaí Caipitil, rud a leagtar amach sa Teachtaireacht ón gCoimisiún an 30 Meán Fómhair 2015 dar teideal 'Plean Gníomhaíochta chun Aontas Margaí Caipitil a Thógáil' ón gCoimisiún Eorpach chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún. Is éard is aidhm d'Aontas na Margaí Caipitil cuidiú le gnólachtaí úsáid a bhaint as foinsí caipitil de chineálacha níos éagsúla ó áit ar bith laistigh den Aontas Eurpach (an “tAontas”), an dóigh a bhfeidhmíonn na margaí a dhéanamh níos éifeachtúla agus deiseanna breise a thabhairt d'infheisteoirí agus do choigilteoirí a gcuid airgid a chur chun tairbhe, chun fás a chothú agus poist a chruthú.

(2)

I dTreoir 2003/71/CE ó Pharlaimint na hEorpa agus ón gComhairle (4) leagadh síos prionsabail agus rialacha comhchuibhithe maidir leis an réamheolaire atá le tarraingt suas, le formheas agus le foilsiú nuair a thairgtear urrúis don phobal nó nuair a ligtear isteach iad chun a dtrádála ar mhargadh rialáilte. I bhfianaise na bhforbairtí reachtacha agus margaidh a tharla ó tháinig an Treoir sin i bhfeidhm, ba cheart í a aisghairm agus an Rialachán seo a chur ina hionad.

(3)

Tá sé ríthábhachtach, ar mhaithe le hinfheisteoirí a chosaint, faisnéis a nochtadh faoi aon urrúis atá á dtairiscint don phobal nó atá á ligean isteach chun a dtrádála ar mhargadh rialáilte, agus ar an dóigh sin deireadh a chur le héagothroime ó thaobh faisnéise idir infheisteoirí agus eisitheoirí. Ach an nochtadh sin a chomhchuibhiú, féadfar sásra pas trasteorann a bhunú a éascóidh feidhmiú éifeachtach an mhargaidh inmheánaigh i réimse leathan urrús.

(4)

D'fhágfadh cineálacha cur chuige éagsúla ina leith seo go mbeadh ilroinnt sa mhargadh inmheánach, toisc go mbeadh eisitheoirí, tairgeoirí agus daoine atá ag iarraidh go ligfí urrúis isteach chun a dtrádála ar mhargadh rialáilte faoi réir rialacha éagsúla i mBallstáit éagsúla agus d'fhéadfadh sé go mbeadh cosc ar réamheolairí a formheasadh i mBallstát amháin a úsáid i mBallstáit eile. In éagmais creat comhchuibhithe chun aonchineálacht an nochta, agus feidhmiú an phas san Aontas, a áirithiú, is dócha go gcuirfeadh difríochtaí i ndlíthe na mBallstát bacainní roimh fheidhmiú réidh rianúil an mhargaidh inmheánaigh d'urrúis. Dá bhrí sin, le feidhmiú ceart an mhargaidh inmheánaigh a áirithiú agus dálaí a fheidhmithe a fheabhsú, go háirithe maidir le margaí caipitil, agus le leibhéal ard cosanta a ráthú do thomhaltóirí agus d'infheisteoirí, is iomchuí creat rialála a leagan síos le haghaidh réamheolairí ar leibhéal an Aontais.

(5)

Is iomchuí agus is gá gur i bhfoirm reachtach rialacháin a bheidh na rialacha maidir le nochtadh nuair a thairgtear urrúis don phobal nó nuair a ligtear isteach iad chun a dtrádála ar mhargadh rialáilte, chun a áirithiú go gcuirfear i bhfeidhm ar bhealach aonfhoirmeach ar fud an Aontais forálacha lena bhforchuirtear oibleagáidí go díreach ar dhaoine a bhfuil baint acu le hurrúis a thairiscint don phobal agus a ligean isteach chun a dtrádála ar mhargadh rialáilte. Ós rud é nach féidir creat dlíthiúil a chur ar bun do na forálacha maidir le réamheolairí d'uireasa bearta lena sonraítear ceanglais bheachta maidir le bunghnéithe éagsúla uile na réamheolairí, d'fhéadfadh fiú mionéagsúlachtaí sa chur chuige i leith gné amháin de na gnéithe sin, mórbhacainní roimh thairiscint trasteorann urrús, roimh il-liostú ar mhargaí rialáilte agus roimh rialacha an Aontais maidir le cosaint tomhaltóirí a bheith mar thoradh orthu. Dá bhrí sin, trí úsáid a bhaint as rialachán, atá infheidhme go díreach gan dlí náisiúnta a bheith de dhíth, ba cheart laghdú a dhéanamh ar an bhféidearthacht bearta atá éagsúil le chéile a bheith á ndéanamh ar an leibhéal náisiúnta, agus ba cheart cur chuige comhsheasmhach agus deimhneacht dhlíthiúil níos fearr a áirithiú agus cosc a chur ar mhórbhacainní den sórt sin. Ach rialachán a úsáid is móide an mhuinín a chuirfear i dtrédhearcacht na margaí ar fud an Aontais, agus laghdófar an chastacht rialála a thagann roimh chuideachtaí agus na costais a bhíonn orthu a sheasamh maidir le cuardach agus comhlíonadh.

(6)

Léirigh an measúnú ar Threoir 2010/73/AE ó Pharlaimint na hEorpa agus ón gComhairle (5) nár éirigh leis na hathruithe a tugadh isteach a mbunspriocanna a bhaint amach agus go bhfuil gá le tuilleadh leasuithe ar chóras na réamheolairí san Aontas chun cur i bhfeidhm an chórais sin a shimpliú agus a fheabhsú, chun a éifeachtúlacht a mhéadú agus chun iomaíochas idirnáisiúnta an Aontais a fheabhsú, agus ar an dóigh sin rannchuidiú le laghdú a dhéanamh ar na hualaí riaracháin.

(7)

Is éard is aidhm leis an Rialachán seo cosaint infheisteoirí agus éifeachtúlacht an mhargaidh a áirithiú, agus an margadh inmheánach do chaipiteal a fheabhsú ag an am céanna. Trí bhíthin faisnéis a sholáthar atá, de réir chineál an eisitheora agus na n-urrús, riachtanach chun é a chur ar chumas infheisteoirí cinntí infheistíochta feasacha a dhéanamh, trína bhíthin sin agus trí rialacha maidir le gnó a dhéanamh freisin, áiritheofar cosaint infheisteoirí. Thairis sin, is modh éifeachtach an fhaisnéis sin leis an muinín a chuirtear in urrúis a mhéadú, rud a chuireann le dea-fheidhmiú agus dea-fhorbairt margaí urrús. Is é an dóigh is iomchuí leis an bhfaisnéis sin a chur ar fáil réamheolaire a fhoilsiú.

(8)

Ní chuireann na ceanglais maidir le nochtadh atá sa Rialachán seo cosc ar Bhallstát ná ar údarás inniúil ná ar mhalartán ceanglais shonracha eile a fhorchur, trína leabhar rialacha, a fhad a bhaineann le hurrúis a ligean isteach chun a dtrádála ar mhargadh rialáilte, go háirithe i dtaca le rialáil chorparáideach. Níor cheart na ceanglais sin srian a chur, go díreach nó go hindíreach, le réamheolaire arna fhormheas ag údarás inniúil a tharraingt suas, ná le hinneachar ná le scaipeadh an réamheolaire sin.

(9)

Maidir le hurrúis neamhchothromais a eisíonn Ballstát nó údarás réigiúnach nó áitiúil de chuid Ballstáit, comhlachtaí idirnáisiúnta poiblí a bhfuil Ballstát amháin nó níos mó ina mbaill díobh, an Banc Ceannais Eorpach nó bainc ceannais na mBallstát, níor cheart iad a bheith cumhdaithe faoin Rialachán seo agus, dá bhrí sin, níor cheart don Rialachán seo difear a dhéanamh dóibh.

(10)

Ba cheart urrúis chothromais agus urrúis neamhchothromais, a thairgtear don phobal nó a ligtear isteach chun a dtrádála ar mhargaí rialáilte, a bheith cumhdaithe faoi raon feidhme na hoibleagáide maidir le réamheolaire a fhoilsiú ionas go n-áiritheofar cosaint infheisteoirí. Roinnt de na hurrúis a chumhdaítear sa Rialachán seo, tugann siad teideal don sealbhóir urrúis inaistrithe a fháil nó méid airgid thirim a ghlacadh trí shocraíocht airgid a chinntear de réir tagairtí d'ionstraimí eile, go háirithe urrúis inaistrithe, airgeadraí, rátaí úis nó torthaí, tráchtearraí nó innéacsanna nó bearta eile. Cumhdaítear leis an Rialachán seo, go háirithe, barántais, barántais chumhdaithe, deimhnithe, admhálacha taisce agus nótaí in-chomhshóite, amhail urrúis atá in-chomhshóite de rogha an infheisteora.

(11)

Lena áirithiú go bhformheasfar an réamheolaire agus go mbeidh sé faoi nós imeachta an phas Eorpaigh agus go ndéanfar maoirseacht ar chomhlíonadh an Rialacháin seo ag rannpháirtithe sa mhargadh, ní mór údarás inniúil a ainmniú do gach réamheolaire. Ar an gcaoi sin, ba cheart a chinneadh go soiléir leis an Rialachán seo cén Ballstát baile ar fearr is féidir leis an réamheolaire a fhormheas.

(12)

I gcás tairiscintí urrús don phobal ar lú a gcomaoin iomlán san Aontas ná EUR 1 000 000, is dóchúil go mbeadh an costas a bheadh ar réamheolaire a thabhairt ar aird i gcomhréir leis an Rialachán seo díréireach leis na fáltais is dócha a thiocfadh as an tairiscint. Is iomchuí, dá bhrí sin, gan an oibleagáid maidir le réamheolaire a tharraingt suas faoin Rialachán seo a bheith infheidhme maidir le tairiscintí chomh beag sin. Níor cheart do na Ballstáit an oibleagáid chun réamheolaire a tharraingt suas i gcomhréir leis an Rialachán seo a leathnú chuig tairiscintí urrús don phobal a bhfuil a gcomaoin iomlán faoi bhun na tairsí sin. Ba cheart do na Ballstáit a bheith in ann ceanglais eile maidir le nochtadh a cheangal ar an leibhéal náisiúnta, sa mhéid nach mbeadh na ceanglais sin ina n-ualach díréireach nó neamhriachtanach i ndáil leis na hurrúis sin a thairgtear.

(13)

Ina theannta sin, i bhfianaise méideanna éagsúla na margaí airgeadais ar fud an Aontais, is iomchuí go mbeidh sé de rogha ag na Ballstáit tairiscintí urrús don phobal nach mó ná EUR 8 000 000 a dhíolmhú ón oibleagáid maidir le réamheolairí a fhoilsiú amhail dá bhforáiltear sa Rialachán seo. Go háirithe, ba cheart cead a bheith ag na Ballstáit tairseach idir EUR 1 000 000 agus EUR 8 000 000 a leagan síos ina ndlí náisiúnta, arna shloinneadh mar chomaoin iomlán na tairisceana san Aontas thar thréimhse 12 mhí agus, má tá comaoin níos lú i gceist, ba cheart feidhm a bheith ag an díolmhú sin agus aird á tabhairt ar an leibhéal cosanta a mheasann siad a bheith iomchuí don infheisteoir baile. Mar sin féin, níor cheart, leis na hurrúis dhíolmhaithe sin a thairgtear don phobal agus a dhéantar, tairbhiú den chóras pas faoin Rialachán seo. Faoi bhun na tairsí sin, ba cheart do na Ballstáit a bheith in ann ceanglais eile maidir le nochtadh a cheangal ar an leibhéal náisiúnta, sa mhéid nach mbeadh na ceanglais sin ina n-ualach díréireach nó neamhriachtanach i ndáil leis na hurrúis dhíolmhaithe sin a thairgtear. Níor cheart go gcuirfeadh aon ní sa Rialachán seo cosc ar na Ballstáit sin rialacha a thabhairt isteach ar an leibhéal náisiúnta lena gceadaítear d’oibreoirí saoráidí trádála iltaobhacha (MTFanna) inneachar an doiciméid a chinneadh, ar doiciméad maidir le ligean isteach é a chuirtear de cheangal ar eisitheoir a thaispeáint nuair a ligtear a chuid urrús isteach chun a dtrádála ar dtús nó rialacha mionsonraithe an athbhreithnithe a dhéanfar air a chinneadh.

(14)

Le hurrúis a ligean isteach chun a dtrádála ar MTF nó le praghsanna tairgthe agus tairisceana a fhoilsiú, ní mheasfar gur tairiscint urrús don phobal ann féin é agus, dá bhrí sin, níl sé faoi réir na hoibleagáide chun réamheolaire a tharraingt suas faoin Rialachán seo. Níor cheart réamheolaire a cheangal ach amháin i gcás ina mbeadh teachtaireacht ag gabháil leis na staideanna sin, ar teachtaireacht í ar “tairiscint urrús don phobal” mar a shainmhínítear sa Rialachán seo a bheadh ann.

(15)

I gcás gur ar chiorcal infheisteoirí nach infheisteoirí cáilithe iad, agus orthu sin amháin, atá tairiscint urrús don phobal dírithe, ualach díréireach is ea é réamheolaire a tharraingt suas i bhfianaise an lín bhig daoine a bhfuil an tairiscint dírithe orthu, agus níor cheart, dá bhrí sin, é a bheith ina cheangal réamheolaire a tharraingt suas. Bheadh feidhm ag an méid sin, mar shampla, i gcás tairiscint atá dírithe ar líon teoranta gaolta de chuid bainisteoirí cuideachta nó ar dhaoine dá lucht aitheantais.

(16)

Ba cheart an Rialachán seo a léiriú ar shlí atá i gcomhréir le Treoir 2004/25/CE ó Pharlaimint na hEorpa agus ón gComhairle (6), i gcás inarb infheidhme, i gcomhthéacs tairiscintí táthcheangail, idirbhearta cumaisc agus idirbhearta eile a dhéanann difear d’úinéireacht nó do rialú cuideachtaí.

(17)

Ach stiúrthóirí agus fostaithe a dhreasú urrúis a shealbhú ina gcuideachta féin, is féidir dea-thionchar a imirt ar rialáil cuideachtaí agus tionchar fadtéarmach a imirt ar thiomantas fostaithe agus ar bhraistint na húinéireachta ina measc, sa chaoi go mbeidh leasanna na scairshealbhóirí agus leasanna na bhfostaithe ag teacht le chéile, agus deiseanna infheistíochta á dtabhairt do na fostaithe. Is den tábhacht é fostaithe a bheith rannpháirteach in úinéireacht a gcuideachta i gcás fiontair bheaga agus mheánmhéide (FBManna), ar dóchúil go mbíonn ról tábhachtach ag fostaithe aonair i ndul chun cinn na gcuideachtaí sin. Dá bhrí sin, níor cheart aon oibleagáid a bheith ann maidir le réamheolaire a fhoilsiú i gcás tairiscintí a dhéantar i gcomhthéacs scéim scaireanna d’fhostaithe laistigh den Aontas, ar choinníoll go gcuirtear doiciméad ar fáil ina bhfuil faisnéis faoi líon agus faoi chineál na n-urrús agus mionsonraí na tairisceana nó na leithroinnte agus na cúiseanna atá léi, chun cosaint infheisteoirí a choimeád slán. Lena áirithiú go mbeidh rochtain chothrom ar scéimeanna scaireanna d'fhostaithe ag gach stiúrthóir agus ag gach fostaí is cuma cé acu laistigh den Aontas nó lasmuigh de atá a bhfostóir bunaithe, níor cheart aon chinneadh coibhéise maidir le margaí tríú tír a bheith ina cheangal a thuilleadh, ar chuntar go gcuirtear an doiciméadsin ar fáil. Ar an gcaoi sin, beidh gach rannpháirtí i scéimeanna scaireanna d'fhostaithe ag tairbhiú de chóir chomhionann agus d'fhaisnéis chomhionann.

(18)

Is minic a léiríonn eisiúintí caolúcháin scaireanna nó urrús lena dtugtar rochtain ar scaireanna go bhfuil idirbhearta ann a mbíonn tionchar nach beag acu ar struchtúr caipitil, ionchas agus staid airgeadais an eisitheora, a bhfuil gá leis an bhfaisnéis i réamheolaire faoina gcoinne. Os a choinne sin, i gcás ina bhfuil scaireanna ag eisitheoir a ligeadh isteach chun a dtrádála ar mhargadh rialáilte cheana, níor cheart gá a bheith le réamheolaire chun na scaireanna den aicme chéanna sin a ligean isteach chun a dtrádála ar an margadh rialáilte céanna ina dhiaidh sin, lena n-áirítear nuair is toradh na scaireanna sin ar urrúis eile a chomhshó nó ar mhalartú urrús eile nó ar théachtadh ceart a tugadh le hurrúis eile, ar choinníoll nach bhfuil sna scaireanna nua a ligtear isteach chun a dtrádála ach cion teoranta i ndáil le scaireanna den aicme chéanna a ligtear isteach cheana ar an margadh rialáilte céanna, ach amháin má tá an ligean isteach chun a dtrádála sin comhcheangailte le tairiscint urrús don phobal a thagann faoi raon feidhme an Rialacháin seo. Ba cheart an prionsabal céanna a bheith i bhfeidhm ar bhealach níos ginearálta maidir le hurrúis atá idirmhalartach le hurrúis a ligeadh isteach chun a dtrádála cheana ar mhargadh rialáilte.

(19)

Ní dochar an Rialachán seo do na dlíthe, na rialacháin agus na forálacha riaracháin arna nglacadh de bhun Threoir 2014/59/AE ó Pharlaimint na hEorpa agus ón gComhairle (7) i ndáil le réiteach institiúidí creidmheasa, go háirithe Airteagal 53(2), Airteagal 59(2) agus Airteagal 63(1) agus (2) de, i gcásanna nach bhfuil aon oibleagáid ann réamheolaire a fhoilsiú.

(20)

Díolúintí ón oibleagáid réamheolaire a fhoilsiú faoin Rialachán seo, ba cheart iad a chomhcheangal i gcás tairiscint urrús phoiblí agus/nó ligean isteach chun trádála ar mhargadh rialáilte, más rud é go gcomhlíontar na coinníollacha do na díolúintí sin ag an am céanna. Mar shampla, i gcás ina ndéantar tairiscint a dhíriú ag an am céanna ar infheisteoirí cáilithe, ar infheisteoirí neamhcháilithe a gheallann go n-infheisteoidh siad EUR 100 000 ar a laghad in aghaidh an duine, ar fhostaithe an eisitheora agus ina theannta sin ar líon teoranta infheisteoirí neamhcháilithe nach mó ná an líon a leagtar amach sa Rialachán seo, ba cheart an tairiscint a dhíolmhú ón oibleagáid réamheolaire a fhoilsiú.

(21)

D’fhonn a áirithiú go bhfeidhmeoidh an margadh mórdhíola d’urrúis neamhchothromais go cuí agus d’fhonn leachtacht an mhargaidh a mhéadú, tá sé tábhachtach láimhseáil laghdaithe ar leith a leagan amach le haghaidh urrúis neamhchothromais a ligtear isteach chun a dtrádála ar mhargadh rialáilte agus atá ceaptha d’infheisteoirí cáilithe. Ba cheart a bheith i gceist, le láimhseáil laghdaithe den sórt sin, ceanglais íosta faisnéise nach mbaineann ualach chomh trom sin leo ná na cinn atá infheidhme maidir le hurrúis neamhchothromais a thairgtear d’infheisteoirí miondíola, níor cheart ceanglas ar bith a bheith ann achoimre a áireamh sa réamheolaire agus ba cheart ceanglais níos solúbtha teanga a bheith infheidhme. Ba cheart an láimhseáil laghdaithe sin a bheith infheidhme maidir le, ar an gcéad dul síos, hurrúis neamhchothromais, beag beann ar an ainmníocht atá acu, nach dtrádáiltear ach ar mhargadh rialáilte, nó ar chuid shonrach den mhargadh sin, a bhféadfaidh infheisteoirí cáilithe, agus iadsan amháin, rochtain a bheith air chun críocha na trádála sna hurrúis sin agus, ar an dara dul síos, maidir le hurrúis neamhchothromais a bhfuil ainmníocht EUR 100 000 ar a laghad acu in aghaidh an aonaid, a léiríonn cumas infheistíochta níos airde na n-infheisteoirí a bhaineann leis an réamheolaire. Níor cheart aon athdhíol d’infheisteoirí neamhcháilithe a cheadú le haghaidh urrúis neamhchothromais, nach dtrádáiltear ach ar mhargadh rialáilte nó ar chuid shonrach den mhargadh sin, nach féidir ach amháin le hinfheisteoirí cáilithe rochtain a fháil air nó uirthi chun críocha trádála sna hurrúis sin, mura rud é go ndéantar réamheolaire a tharraingt suas, i gcomhréir leis an Rialachán seo, a bheidh oiriúnach d’infheisteoirí neamhcháilithe. Chuige sin, tá sé fíor-riachtanach nach ndéanfaidh oibreoirí margaidh, agus na margaí rialáilte sin, nó cuid shonrach de, á mbunú acu, rochtain dhíreach nó neamhdhíreach ar an margadh rialáilte sin, nó ar chuid shonrach de, a cheadú d’infheisteoirí neamhcháilithe.

(22)

I gcás ina leithdháiltear urrúis gan gné na rogha indibhidiúla a bheith ann don fhaighteoir, lena n-áirítear leithdháiltí urrús i gcás nach bhfuil aon cheart ann an leithdháileadh a shéanadh, nó i gcás ina ndéantar an leithdháileadh go huathoibríoch i ndiaidh cinneadh cúirte, amhail leithdháileadh urrús do chreidiúnaithe atá ann cheana le linn imeacht breithiúnach dócmhainneachta, ní cháilítear an leithdháileadh sin mar thairiscint urrús don phobal.

(23)

Maidir le heisitheoirí, le tairgeoirí nó le daoine atá ag iarraidh go ligfí urrúis isteach chun a dtrádála ar mhargadh rialáilte nach bhfuil faoi réir na hoibleagáide réamheolaire a fhoilsiú, ba cheart dóibh tairbhiú de phas aonair i gcás ina dtograíonn siad an Rialachán seo a chomhlíonadh ar bhonn deonach.

(24)

I bhfianaise na sainiúlachtaí atá ag gabháil le cineálacha éagsúla urrús, eisitheoirí, tairiscintí agus ligin isteach, leagtar amach, sa Rialachán seo, rialacha d’fhoirmeacha éagsúla réamheolairí – réamheolaire caighdeánach, réamheolaire mórdhíola d’urrúis neamhchothromais, réamheolaire bunaidh, réamheolaire simplithe le haghaidh eisiúintí tánaisteacha agus réamheolaire Fáis de chuid AE. Dá bhrí sin, ba cheart gach tagairt a dhéantar do “réamheolaire” faoin Rialachán seo a thuiscint mar thagairt do na foirmeacha réamheolairí sin uile, mura rud é go sonraítear a mhalairt go sainráite.

(25)

An fhaisnéis is gá a nochtadh i réamheolaire, níor cheart é a bheith ina cheangal i gcás tairiscintí urrús don phobal atá teoranta d'infheisteoirí cáilithe. Os a choinne sin, i gcás aon athdhíol leis an bpobal nó aon trádáil phoiblí trí urrúis a ligean isteach chun a dtrádála ar mhargadh rialáilte, ba cheart go gceanglófaí go mbeadh réamheolaire foilsithe.

(26)

Tugann réamheolaire bailí, arna tharraingt suas ag an eisitheoir nó ag an duine atá freagrach as an réamheolaire a tharraingt suas agus atá ar fáil don phobal tráth láithriú críochnaitheach na n-urrús trí idirghabhálaithe airgeadais nó in aon athdhíol urrús ina dhiaidh sin, tugann sé dóthain faisnéise le go bhféadfaidh infheisteoirí cinntí infheistíochta eolasacha a dhéanamh. Dá bhrí sin, idirghabhálaithe airgeadais a láithríonn urrúis nó a athdhíolann iad ina dhiaidh sin, ba cheart go bhféadfaidís brath ar an réamheolaire tosaigh a d'fhoilsigh an t-eisitheoir nó an duine atá freagrach as an réamheolaire a tharraingt suas a fhad agus atá sé bailí agus forlíonta go cuí agus go dtoilíonn an t-eisitheoir nó an duine atá freagrach as an réamheolaire a tharraingt suas lena úsáid. Ba cheart go bhféadfadh an duine atá freagrach as an réamheolaire a tharraingt suas coinníollacha a chur le toiliú den sórt sin. Ba cheart an toiliú chun an réamheolaire a úsáid, lena n-áirítear aon choinníollacha a ghabhann leis, a thabhairt i gcomhaontú i scríbhinn á chur ar a gcumas do pháirtithe ábhartha measúnú a dhéanamh ar cé acu a chomhlíonann nó nach gcomhlíonann athdhíol nó láithriú críochnaitheach urrús an comhaontú. I gcás ina dtugtar toiliú an réamheolaire a úsáid, ba cheart an t-eisitheoir nó an duine atá freagrach as an réamheolaire tosaigh a tharraingt suas a bheith faoi dhliteanas i leith na faisnéise a luaitear ann, agus i gcás réamheolaire bunaidh, i leith téarmaí críochnaitheacha a sholáthar agus a chomhdú agus níor cheart aon réamheolaire eile a bheith de cheangal. Mar sin féin, i gcás nach dtugann an t-eisitheoir nó an duine atá freagrach as an réamheolaire tosaigh sin a tharraingt suas toiliú lena úsáid, ba cheart ceangal a bheith ar an idirghabhálaí airgeadais réamheolaire nua a fhoilsiú. Sa chás sin, ba cheart an t-idirghabhálaí airgeadais a bheith faoi dhliteanas i leith na faisnéise sa réamheolaire, lena n-áirítear gach faisnéis arna corprú de réir tagairtí agus, i gcás réamheolaire bunaidh, ba cheart dó a bheith faoi dhliteanas i leith na dtéarmaí críochnaitheacha.

(27)

Ach an fhaisnéis a bhíonn sa réamheolaire a chomhchuibhiú, ba cheart cosaint choibhéiseach a thabhairt d'infheisteoirí ar leibhéal an Aontais. Chun é a chur ar chumas infheisteoirí cinneadh infheistíochta eolasach a dhéanamh, ba cheart an fhaisnéis sin a bheith leordhóthanach agus oibiachtúil agus ba cheart í a scríobh agus a chur i láthair i bhfoirm atá éasca a anailísiú, atá gonta agus atá sothuigthe. Ba cheart an fhaisnéis atá san áireamh i réamheolaire a chur in oiriúint do chineál an réamheolaire, do nádúr agus d’imthosca an eisitheora, s do chineál na n-urrús, agus chun a léiriú an infheisteoirí cáilithe amháin iad na hinfheisteoirí a ndírítear an tairiscint orthu.. Níor cheart faisnéis a bheith i réamheolaire nach bhfuil ábhartha maidir leis an eisitheoir agus na leis na hurrúis lena mbaineann ná nach mbaineann go sonrach leo, ós rud é go bhféadfadh an méid sin an fhaisnéis is ábhartha maidir leis an gcinneadh infheistíochta a cheilt agus an bonn a bhaint de chosaint infheisteoirí ar an gcaoi sin.

(28)

Ba cheart an réamheolaire a bheith ina fhoinse úsáideach faisnéise d'infheisteoirí, go háirithe d'infheisteoirí miondíola. Ba cheart é a bheith ina chuid féinchuimsitheach den réamheolaire agus a bheith dírithe ar fhaisnéis bhunriachtanach atá de dhíth ar infheisteoirí chun a chinneadh cé hiad na hurrúis atá á dtairiscint nó atá á ligean isteach chun a dtrádála is mian leo a scrúdú tuilleadh tríd an réamheolaire ina iomláine a athbhreithniú chun a gcinneadh a dhéanamh. San fhaisnéis bhunriachtanach sin ba cheart saintréithe bunaidh an eisitheora, an ráthóra, más ann dó, agus na n-urrús atá á dtairiscint nó á ligean isteach chun a dtrádála ar mhargadh rialáilte, ba cheart sin, agus na priacail a ghabhann leo, a thabhairt le fios. Ba cheart téarmaí agus coinníollacha ginearálta na tairisceana a thabhairt inti freisin.

(29)

Is éard is ceart a bheith sna fachtóirí priacail a chuirtear i láthair san achoimre rogha theoranta priacail sonrach a mheasann an t-eisitheoir a bheith ar na cinn is ábhartha don infheisteoir agus cinneadh infheistíochta á dhéanamh ag an infheisteoir. Ba cheart an tuairisc ar na fachtóirí priacail san achoimre a bheith ábhartha don tairiscint ar leith agus ba cheart í a ullmhú ar mhaithe le hinfheisteoirí agus ar mhaithe leo siúd amháin agus níor cheart ráitis ghinearálta a bheith inti faoi phriacal infheistíochta, ná teorainn a chur le dliteanas an eisitheora, an tairgeora nó aon daoine atá ag gníomhú thar a gceann. Sna fachtóirí priacail sin, ba cheart, i gcás inarb infheidhme, aird a tharraingt ar na priacail, go háirithe d’infheisteoirí miondíola, i gcás urrúis arna n-eisiúint ag institiúidí creidmheasa atá faoi réir tarrtháil inmheánach faoi Threoir 2014/59/AE.

(30)

Ba cheart achoimre an réamheolaire a bheith gearr, simplí agus sothuigthe ag infheisteoirí. Teanga shimplí neamhtheicniúil ba cheart a úsáid ann, agus ba cheart faisnéis a chur i láthair ar dhóigh shothuigthe. Ba cheart níos mó ná tiomsú sleachta a tógadh as an réamheolaire a bheith ann. Is iomchuí uasfhad a shocrú don achoimre lena áirithiú nach ndíspreagfar infheisteoirí óna léamh agus le heisitheoirí a spreagadh leis an bhfaisnéis is sár-riachtanach d'infheisteoirí a roghnú. I gcúinsí áirithe a leagtar amach sa Rialachán seo, ba cheart uasfhad an achoimre a leathnú.

(31)

Lena áirithiú go mbeidh struchtúr aonfhoirmeach in achoimre an réamheolaire, ba cheart ranna ginearálta agus fotheidil a thabhairt ann, agus réimsí táscacha inar cheart don eisitheoir tuairisc ghearr a thabhairt agus figiúirí a lua, más iomchuí. A fhad agus a chuirtear i láthair an fhaisnéis ar dhóigh chothrom agus chóir, ba cheart cead a bheith ag eisitheoirí an fhaisnéis a mheasann siad a bheith ábhartha agus fóntach a roghnú.

(32)

Ba cheart achoimre an réamheolaire a bheith múnlaithe a oiread is féidir ar an doiciméad faisnéise bunriachtanaí a cheanglaítear faoi Rialachán (AE) Uimh. 1286/2014 ó Pharlaimint na hEorpa agus ón gComhairle (8). I gcás ina dtagann urrúis faoi raon feidhme an Rialacháin seo agus Rialachán (AE) Uimh. 1286/2014 araon, bhéadh sé indéanta lánúsáid a bhaint arís as an doiciméad faisnéise bunriachtanaí san achoimre le costais chomhlíonta agus na hualaí riaracháin a chuirtear ar eisitheoirí a laghdú a oiread is féidir, agus mar sin déantar athúsáid den sórt sin a éascú leis an Rialachán seo. Níor cheart, áfach, an ceanglas maidir le hullmhú achoimre a tharscaoileadh nuair a cheanglaítear doiciméad faisnéise bunriachtanaí, ós rud é nach mbíonn faisnéis bhunriachtanach ann faoin eisitheoir ná faoi na hurrúis atá á dtairiscint don phobal nó atá á ligean isteach chun a dtrádála ar mhargadh rialáilte.

(33)

Níor cheart aon dliteanas sibhialta a bheith ar aon duine i bhfianaise na hachoimre amháin, lena n-áirítear aon aistriúchán di, ach amháin má tá an achoimre míthreorach, míchruinn nó neamhréireach nuair a léitear in éineacht le codanna ábhartha den réamheolaire í, nó más rud é, nuair a léitear in éineacht leis na codanna eile den réamheolaire í, nach dtugtar faisnéis bhunriachtanach inti a chabhróidh le hinfheisteoirí agus é á bhreithniú acu ar cheart dóibh infheistiú sna hurrúis sin. Ba cheart rabhadh soiléir ina thaobh sin a bheith san achoimre.

(34)

Maidir le heisitheoirí a chruinníonn maoiniú ar mhargaí caipitil arís agus arís eile, ba cheart doiciméid chlárúcháin agus réamheolairí d'fhormáid shonrach a thairiscint dóibh agus ba cheart nósanna imeachta sonracha um chomhdú agus formheas a thairiscint dóibh freisin, chun solúbthacht bhreise a thabhairt dóibh agus chun é a chur ar a gcumas deiseanna margaidh a thapú. I ngach cás, ba cheart na formáidí agus na nósanna imeachta sin a bheith roghnach ag eisitheoirí.

(35)

I gcás gach urrús neamhchothromais, lena n-áirítear iad siúd a eisítear go leanúnach nó arís agus arís eile iad mar chuid de chlár tairisceana, ba cheart cead a bheith ag eisitheoirí réamheolaire a tharraingt suas i bhfoirm réamheolaire bunaidh.

(36)

Is iomchuí a shoiléiriú nár cheart a bheith i dtéarmaí críochnaitheacha réamheolaire bunaidh ach faisnéis a bhaineann le nóta mínithe na n-urrús is sonrach don eisiúint ar leith agus nach féidir í a chinneadh ach tráth na heisiúna ar leith. D'fheadfadh a leithéidí seo a bheith ar áireamh san fhaisnéis: uimhir aitheantais idirnáisiúnta na n-urrús (ISIN), an praghas eisiúna, an dáta aibíochta, aon dearbhán, an dáta feidhmithe, an praghas feidhmithe, an praghas fuascailte agus téarmaí eile nárbh eol iad tráth tarraingthe suas an réamheolaire bunaidh. I gcás nach bhfuil na téarmaí críochnaitheacha ar áireamh sa réamheolaire bunaidh níor cheart gur ghá formheas an údaráis inniúil ina leith a fháil; ba cheart iad a chomhdú leis an údarás sin, agus sin amháin. Ba cheart faisnéis nua eile a d'fhéadfadh difear a dhéanamh do mheasúnú ar eisitheoir agus ar na hurrúis a chur ar áireamh i bhforlíonadh ar an réamheolaire bunaidh. Níor cheart cineál urrús nach bhfuil tuairisc air cheana sa réamheolaire bunaidh a chur ar áireamh sna téarmaí críochnaitheacha ná i bhforlíonadh.

(37)

I gcás réamheolaire bunaidh, níor cheart don eisitheoir achoimre a tharraingt suas ach amháin i ndáil le gach eisiúint ar leith atá á dtairiscint, le hualaigh riaracháin a laghdú agus leis an inléiteacht a fheabhsú d'infheisteoirí. Ba cheart an achoimre sin a bhaineann go sonrach leis na heisiúintí a chur i gceangal leis na téarmaí críochnaitheacha agus níor cheart don údarás inniúil í a fhormheas ach amháin i gcás ina bhfuil na téarmaí críochnaitheacha sa réamheolaire bunaidh nó i bhforlíonadh air.

(38)

D’fhonn feabhas a chur ar sholúbthacht agus ar chost-éifeachtúlacht an réamheolaire bunaidh, ba cheart cead a bheith ag eisitheoir réamheolaire bunaidh a tharraingt suas mar dhoiciméid ar leithligh.

(39)

Ba cheart eisitheoirí rialta a dhreasú leis an réamheolaire a tharraingt suas mar dhoiciméid ar leithligh arae is dóigh é sin le laghdú ar an gcostas a leanann comhlíonadh an Rialachán seo agus le caoi a thabhairt dóibh deiseanna margaidh a thapú go mear. Dá bhrí sin, eisitheoirí a bhfuil a n-urrúis á ligean isteach chun a dtrádála ar mhargaí rialáilte nó ar MTFanna, ba cheart é a bheith de rogha acu, ach gan é a bheith d'oibleagáid orthu, doiciméad clárúcháin uilíoch a tharraingt suas agus a fhoilsiú gach bliain airgeadais, doiciméad ina mbeadh faisnéis dhlíthiúil, ghnó, airgeadais, chuntasaíochta agus scairshealbhóireachta agus ina dtabharfaí tuairisc ar an eisitheoir don bhliain airgeadais áirithe sin. Ar an gcoinníoll go bhfuil na gcritéar a leagtar amach sa Rialachán seo a chomhlíonadh, ba cheart a mheas gur eisitheoir rialta é an eisitheoir amhail ón nóiméad a dhéanann an t-eisitheoir an doiciméad clárúcháin uilíoch a thíolacadh don údarás inniúil lena fhormheas. Trí dhoiciméad clárúcháin uilíoch a tharraingt suas, ba cheart go gcuirfí ar a chumas don eisitheoir an fhaisnéis a choimeád cothrom le dáta agus réamheolaire a tharraingt suas nuair atá dálaí an mhargaidh fabhrach d'urrúis a thairiscint don phobal nó a ligean isteach chun a dtrádála ar mhargadh rialáilte, trí nóta mínithe na n-urrús agus achoimre a chur isteach. Ba cheart an doiciméad clárúcháin uilíoch a bheith ilchuspóireach sa mhéid agus gur cheart a inneachar a bheith mar an gcéanna is cuma cé acu le haghaidh urrúis chothromais nó neamhchothromais a thairiscint don phobal nó a ligean isteach chun a dtrádála ar mhargadh rialáilte a úsáideann an t-eisitheoir é ina dhiaidh sin. Dá bhrí sin, ba cheart na caighdeáin maidir le nochtadh don doiciméad clárúcháin uilíoch a bheith bunaithe ar na caighdeáin le haghaidh urrúis chothromais. Ba cheart don doiciméad clárúcháin uilíoch a bheith ina fhoinse tagartha ag an eisitheoir, ina dtugtar d'infheisteoirí agus d'anailísithe an t-íosmhéid faisnéise is gá le breithiúnas eolasach a dhéanamh ar ghnó, staid airgeadais, tuillimh agus ionchais, rialachas agus scairshealbhóireacht na cuideachta.

(40)

Aon eisitheoir a chomhdaigh doiciméad clárúcháin uilíoch agus a fuair formheas ina leith dhá bhliain as a chéile, is féidir a mheas gur eisitheoir is aithnidiúil don údarás inniúil é. Ba cheart go bhféadfaí gach doiciméad clárúcháin uilíoch agus aon leasuithe a dhéantar orthu ina dhiaidh sin a chomhdú gan aon fhormheas a fháil roimh ré agus an t-údarás inniúil é a athbhreithniú ar bhonn ex-post i gcás ina measann an t-údarás inniúil sin go bhfuil gá leis. Ba cheart do gach údarás inniúil minicíocht an athbhreithnithe sin a chinneadh ag cur san áireamh dó nithe amhail a mheasúnú ar phriacail an eisitheora, a fheabhas a bhí an nochtadh a rinne an t-eisitheoir san am a caitheadh, nó an fad ama ón uair dheireanach a rinneadh athbhreithniú ar dhoiciméad clárúcháin uilíoch a comhdaíodh.

(41)

Ba cheart go bhféadfaí an doiciméad clárúcháin uilíoch a leasú, a fhad agus nach cuid de réamheolaire formheasta é, bíodh sé ina leasú deonach ag an eisitheoir – mar shampla i gcás athrú ábhartha ar a eagar nó ar a staid airgeadais an eisitheora – nó ar iarratas ón údarás inniúil i gcomhthéacs athbhreithniú comhdaithe ex post i gcás, go dtagtar ar an tuairim nach mbeadh na caighdeáin maidir le hiomláine, sothuigtheacht agus comhsheasmhacht comhlíonta. Ba cheart leasuithe den saghas sin a fhoilsiú de réir na socruithe céanna a bhfuil feidhm acu maidir leis an doiciméad clárúcháin uilíoch. Go háirithe, nuair a aithníonn an t-údarás inniúil easnamh, botún substainte nó míchruinneas substainte, ba cheart don eisitheoir a dhoiciméad clárúcháin uilíoch a leasú agus an leasú sin a chur ar fáil don phobal gan moill mhíchuí. Ós rud é nach tairiscint urrús don phobal ná ligean isteach urrús chun a dtrádála atá i gceist, ba cheart an nós imeachta maidir le doiciméad clárúcháin uilíoch a leasú a bheith éagsúil leis an nós imeachta maidir le réamheolaire a fhorlíonadh, rud nár cheart feidhm a bheith aige go dtí go mbeidh an réamheolaire formheasta.

(42)

I gcás ina dtarraingíonn eisitheoir suas réamheolaire ina bhfuil doiciméid ar leithligh, ba cheart na codanna uile den réamheolaire a bheith faoi réir formheasa, lena n-áirítear, más infheidhme, an doiciméad clárúcháin uilíoch agus aon leasuithe air, i gcás inar comhdaíodh iad cheana leis an údarás inniúil ach nár formheasadh iad. Níor cheart aon leasuithe a dhéantar ar an doiciméad clárúcháin uilíoch a bheith faoi réir formheas ag an údarás inniúil an tráth a chomhdaítear é agus níor cheart iad a fhormheas ach amháin nuair a dhéantar na comhchodanna uile den réamheolaire a thíolacadh lena bhformheas.

(43)

Le dlús a chur le hullmhú an réamheolaire agus le rochtain ar mhargaí caipitil a éascú ar bhealach costéifeachtach, ba cheart go bhféadfadh eisitheoirí rialta a ullmhaíonn doiciméad clárúcháin uilíoch tairbhiú de phróiseas formheasa níos tapa, ós rud é gur formheasadh an phríomhchuid den réamheolaire cheana nó go bhfuil sé ar fáil lena hathbhreithniú ag an údarás inniúil cheana. Ba cheart, dá bhrí sin, an t-am is gá le réamheolaire a fhormheas a chiorrú nuair is doiciméid chlárúcháin uilíoch atá sa doiciméad clárúcháin.

(44)

Ba cheart cead a bheith ag úsáideoirí rialta doiciméad clárúcháin uilíoch agus aon leasuithe a dhéantar ar an doiciméad sin a úsáid mar chuid de réamheolaire bunaidh. I gcás ina mbeidh eisitheoir rialta incháilithe chun réamheolaire Fáis de chuid AE a tharraingt suas faoin gcóras nochta simplithe le haghaidh eisiúintí tánaisteacha nó réamheolaire mórdhíola d’urrúis neamhchothromais, ba cheart cead a bheith aige an doiciméad clárúcháin uilíoch atá aige, agus aon leasuithe a dhéantar air, a úsáid mar chomhchuid d’aon réamheolaire den sórt sin, in ionad an doiciméid clárúcháin ar leith a éilítear faoi na córais sin maidir le nochtadh.

(45)

Ar choinníoll go gcomhlíonann eisitheoir na nósanna imeachta maidir le comhdú, le scaipeadh agus le stóráil faisnéise rialáilte agus na spriocdhátaí a leagtar amach in Airteagal 4 agus in Airteagal 5 de Threoir 2004/109/CE ó Pharlaimint na hEorpa agus ón gComhairle (9), ba cheart cead a bheith aige na tuarascálacha airgeadais bliantúla agus leathbhliantúla a cheanglaítear faoi Threoir 2004/109/CE a fhoilsiú mar chodanna den doiciméad clárúcháin uilíoch, ach amháin murab ionann Ballstát baile an eisitheora chun críche an Rialacháin seo agus Threoir 2004/109/CE agus mura gcomhlíontar coinníollacha Airteagal 20 de Threoir 2004/109/CE le teanga an doiciméid clárúcháin uilíoch. Ba cheart don méid sin nahualaí riaracháin a bhaineann le comhduithe iolracha a laghdú, gan difear a dhéanamh don fhaisnéis atá ar fáil don phobal ná do mhaoirseacht na dtuarascálacha sin faoi Threoir 2004/109/CE.

(46)

Ba cheart teorainn ama shoiléir a leagan síos do bhailíocht réamheolaire ionas nach ndéanfar cinntí infheistíochta atá bunaithe ar fhaisnéis nach bhfuil bord ar bhord leis an aimsir. Chun deimhneacht dhlíthiúil a fheabhsú, is ag tráth a fhormheasta ba cheart bailíocht réamheolaire a thosú, tráth is féidir leis an údarás inniúil a fhíorú gan dua. Níor cheart tairiscint urrús don phobal faoi réamheolaire bunaidh a fhadú thar bhailíocht an réamheolaire bunaidh ach amháin i gcás ina bhformheastar réamheolaire bunaidh comharbais agus ina bhfoilsítear é sula n-imíonn an bhailíocht sin in éag agus ina gcumhdaítear an tairiscint atá ag leanúint de bheith ann leis.

(47)

Fágann leagan amach an réamheolaire, gur faisnéis chomhchineálach amháin atá san fhaisnéis faoi chánacha ar an ioncam ó na hurrúis atá ann, rud nach fiú mórán ó thaobh faisnéise de don infheisteoir aonair. Ós rud é nach í amháin an tír ina bhfuil oifig chláraithe an eisitheora a bhfuil an fhaisnéis sin le cuimsiú, ach na tíortha ina n-iarrtar urrúis a thairiscint nó a ligean isteach chun a dtrádála ar mhargadh rialáilte chomh maith, is amhlaidh, nuair a aistrítear réamheolaire faoi nós imeachta an phas, go mbíonn sé costasach é a ullmhú agus d'fhéadfadh sé bac a chur ar thairiscintí trasteorann. Dá bhrí sin, níor cheart a bheith i réamheolaire ach rabhadh go bhféadfadh dlíthe chánach Bhallstát an infheisteora agus Bhallstát corpraithe an eisitheora tionchar a imirt ar an ioncam a fhaightear ó na hurrúis. Mar sin féin, ba cheart faisnéis iomchuí a bheith sa réamheolaire faoi chánachas i gcás ina mbaineann an infheistíocht atá beartaithe le córas cánach ar leith, mar shampla i gcás infheistíochtaí in urrúis a thugann cóir chánach fhabhrach d'infheisteoirí.

(48)

A luaithe a ligtear aicme urrús isteach chun a dtrádála ar mhargadh rialáilte, tugann an t-eisitheoir nochtadh leanúnach d'infheisteoirí faoi Rialachán (AE) Uimh. 596/2014 ó Pharlaimint na hEorpa agus ón gComhairle (10) agus faoi Threoir 2004/109/CE. Níl an gá le réamheolaire iomlán chomh géar céanna, dá bhrí sin, i gcásanna ina bhfuil urrúis á dtairiscint don phobal, nó á ligean isteach chun a dtrádála ar mhargadh rialáilte, ina dhiaidh sin ag eisitheoir dá leithéid. Ba cheart réamheolaire simplithe ar leith a bheith ar fáil, dá bhrí sin, lena úsáid i gcásanna eisiúintí tánaisteacha agus ba cheart a inneachar a laghdú i gcomparáid leis an inneachar a theastaíonn leis an ngnáthchóras, agus an fhaisnéis a nochtadh cheana á cur san áireamh. Mar sin féin, is gá faisnéis atá comhdhlúite agus dea-struchtúrtha a thabhairt d’infheisteoirí, go háirithe i gcás nach n-éilítear go nochtfar an fhaisnéis sin ar bhonn leanúnach faoi Rialachán (AE) Uimh. 596/2014 agus faoi Threoir 2004/109/CE.

(49)

Ba cheart an córas nochta simplithe um eisiúintí tánaisteacha a bheith ar fáil do thairiscintí don phobal ag eisitheoirí a bhfuil a n-urrúis á dtrádáil ar mhargaí fáis FBManna mar go gceanglaítear ar a n-oibreoirí faoi Threoir 2014/65/AE ó Pharlaimint na hEorpa agus ón gComhairle (11) rialacha a bhunú agus a chur i bhfeidhm lena n-áiritheofar nochtadh leanúnach iomchuí.

(50)

Níor cheart an córas nochta simplithe um eisiúintí tánaisteacha a chur ar fáil lena úsáid ach amháin tar éis do thréimhse íosta dul thart ó ligeadh aicme urrús eisitheora isteach chun a dtrádála ar mhargadh rialáilte nó ar mhargadh fáis FBManna ar dtús. Ba cheart a áirithiú le moill 18 mí gur chomhlíon an t-eisitheoir, uair amháin ar a laghad, a oibleagáid maidir le tuarascáil airgeadais bhliantúil a fhoilsiú faoi Threoir 2004/109/CE nó faoi na rialacha atá ag oibreoir margaidh fáis FBManna.

(51)

Is ceann de phríomhchuspóirí Aontas na Margaí Caipitil é rochtain ar mhaoiniú ar mhargaí caipitil a éascú do FBManna san Aontas. Is iomchuí, an sainmhíniú ar FBManna a shíneadh d'fhonn FBManna mar a shainmhínítear i dTreoir 2014/65/AE a chumhdach chun comhsheasmhacht idir an Rialachán seo agus Treoir 2014/65/AE a áirithiú. Toisc gur gnách gur ísle na méideanna is gá do FBManna a thiomsú i gcomparáid le heisitheoirí eile, is féidir an costas a bhaineann le réamheolaire caighdeánach a tharraingt suas a bheith díréireach ard agus na cuideachtaí sin a dhíspreagadh óna gcuid urrús a thairiscint don phobal. Mar sin féin, i ngeall ar a méid agus ar an teist níos giorra a d’fhéadfadh a bheith acu, d'fhéadfadh sé go mbeadh priacal infheistíochta sonrach ag FBManna le hais eisitheoirí níos mó agus ba cheart dóibh dóthain faisnéise a nochtadh le gur féidir le hinfheisteoirí cinneadh infheistíochta a dhéanamh. Ina theannta sin, d’fhonn FBManna a spreagadh úsáid a bhaint as maoiniú an mhargaidh chaipitil, ba cheart go n-áiritheofaí leis an Rialachán seo go dtabharfaí aird ar leith ar mhargaí fáis FBManna, atá ina n-uirlis thréitheach chun go bhféadfaidh cuideachtaí níos lú, atá ag fás, caipiteal a thiomsú. Braitheann rath na n-ionad sin, áfach, ar a gcumas freastal ar riachtanais mhaoiniúcháin FBManna atá ag fás. Ar an gcaoi chéanna, cuideachtaí áirithe a thairgeann urrúis don phobal nach mó ná EUR 20 000 000 a gcomaoin iomlán san Aontas, thairbheodh na cuideachtaí sin de rochtain níos éasca ar chistiú ó na margaí caipitil chun go mbeidís in ann fás agus ba cheart iad a bheith in ann cistí a thiomsú ar chostais nach bhfuil ard ar bhealach díréireach. Is iomchuí, dá bhrí sin, go mbunaítear, leis an Rialachán seo, córas comhréireach sonrach réamheolaire Fáis de chuid AE a bheidh ar fáil do na cuideachtaí sin. Ba cheart cothromaíocht cheart a bhaint amach idir an rochtain chostéifeachtúil ar mhargaí airgeadais agus cosaint infheisteoirí nuair atá inneachar réamheolaire Fáis de chuid AE á shocrú. Mar is amhlaidh do chineálacha eile réamheolairí faoin Rialachán seo, a luaithe a fhormheastar é, ba cheart, le réamheolaire Fáis de chuid AE, tairbhiú den chóras pas faoin Rialachán seo agus, dá bhrí sin, ba cheart é a bheith bailí le haghaidh aon tairiscint urrús don phobal ar fud an Aontais.

(52)

Ba cheart an fhaisnéis laghdaithe a cheanglaítear ar FBManna a nochtadh i réamheolairí Fáis de chuid AE a shocrú sa chaoi agus go bhfuil fócas ar fhaisnéis atá ábhartha agus infheistiú á dhéanamh sna hurrúis a tháirgtear, agus ar an ngá atá le comhréireacht a áirithiú idir méid na cuideachta agus a riachtanais tiomsaithe airgid, ar thaobh, agus ar an gcostas atá le réamheolaire a ullmhú, ar an taobh eile.

(53)

Níor cheart an córas i ndáil le nochtadh comhréireach do réamheolairí Fáis de chuid AE a bheith ar fáil i gcás ina bhfuil urrúis cheana ag cuideachta a ligeadh isteach chun a dtrádála ar mhargaí rialáilte chun go bhféadfadh infheisteoirí ar mhargaí rialáilte a bheith muiníneach go bhfuil na heisitheoirí a n-infheistíonn siad ina gcuid urrús faoi réir na haon sraithe amháin rialacha maidir le nochtadh. Dá bhrí sin, níor cheart caighdeán nochta dhá leibhéal a bheith ann ar mhargaí rialáilte, agus iad ag brath ar mhéid an eisitheora.

(54)

Is é an príomhchuspóir atá le fachtóirí priacail a bheith i réamheolaire deimhin a dhéanamh go ndéanfaidh infheisteoirí measúnú eolasach ar na priacail sin agus ar an gcaoi sin go ndéanfaidh siad cinntí infheistíochta agus láneolas acu ar na fíorais. Ba cheart, dá bhrí sin, fachtóirí priacail a theorannú do na priacail sin atá ábhartha maidir leis an eisitheoir agus lena chuid urrús, agus a bhaineann leo go sonrach, agus a thagann le hinneachar an réamheolaire leo. Níor cheart fachtóirí priacail atá comhchineálach agus nach bhfuil d'fheidhm acu ach séanadh a bheith i réamheolaire, mar go bhféadfaidís fachtóirí priacail níos sonraí ar cheart infheisteoirí a bheith ar an eolas fúthu a cheilt, ag cosc ar an gcaoi sin faisnéis a bheith á cur i láthair sa réamheolaire i bhfoirm atá éasca a anailísiú, gonta agus sothuigthe. I measc nithe eile, d’fhéadfadh imthosca comhshaoil, sóisialta agus rialachais a bheith ina bpriacail shonracha agus ábhartha freisin don eisitheoir agus dá chuid urrús agus, sa chás sin, ba cheart iad a nochtadh. Chun cuidiú le hinfheisteoirí na priacail is ábhartha a aithint, ba cheart don eisitheoir, ar bhealach leordhóthanach, tuairisc a thabhairt ar gach fachtóir priacail, agus iad a chur i láthair, sa réamheolaire. Ba cheart líon srianta fachtóirí priacail arna roghnú ag an eisitheoir a áireamh san achoimre.

(55)

An cleachtas margaidh ar dá réir nach n-áirítear i réamheolaire formheasta praghas deiridh na tairisceana agus/nó méid na n-urrús a thairgtear don phobal cibé a shloinnfear é mar líon na n-urrús nó méid ainmniúil comhiomlán, ba cheart an cleachtas sin a bheith inghlactha nuair nach féidir praghas deiridh tairisceana den sórt sin agus/nó an méid sin a áireamh sa réamheolaire, ar choinníoll go dtabharfar cosaint d’infheisteoirí sa chás sin. Ba cheart d’infheisteoirí a bheith i dteideal ceart tarraingt siar a bheith acu a luaithe atáthar ar an eolas, faoi phraghas deiridh nó faoi mhéid deiridh na n-urrús, nó, mar mhalairt air sin, ba cheart a nochtadh sa réamheolaire an praghas uasta a d’fhéadfadh a bheidh ar infheisteoirí a íoc as na hurrúis, nó an méid uasta na n-urrús, nó na modhanna luachála agus na critéir, agus/nó na coinníollacha ar dá réir a dhéanfar praghas na n-urrús a chinneadh agus míniú ar aon mhodh luachála a úsáidtear, amhail modh an tsreabhaidh airgid lascainithe, nó anailís ghrúpa piaraí nó aon mhodh eile luachála a nglactar go coitianta leo. Ba cheart na modhanna luachála agus na critéir a bheith cruinn go leor chun go mbeidh an praghas intuartha agus ba cheart leibhéal cosanta infheisteora a áirithiú leo atá comhchosúil le nochtadh phraghas uasta na tairisceana. I ndáil leis sin, ní bheadh tagairt don mhodh “leabharbhunú” inghlactha ina haonar mar mhodh luachála nó mar chritéir luachála, i gcás nach n-áirítear praghas uasta sa réamheolaire.

(56)

Ba cheart cead a thabhairt faisnéis íogair a fhágáil ar lár i réamheolaire, nó codanna de, faoi imthosca áirithe trí bhíthin maolú arna thabhairt ag an údarás inniúil ionas nach gcuirfear an t-eisitheoir ina áit a dhíobhála.

(57)

Foilsíonn na Ballstáit lear faisnéise faoina staid airgeadais, faisnéis is gnách a bheith ar fáil san fhearann poiblí. Ar an gcaoi sin, i gcás ina ráthaíonn Ballstát urrúis atá á dtairiscint, níor ghá an fhaisnéis sin a chur sa réamheolaire.

(58)

Ach cead a thabhairt d'eisitheoirí doiciméid ina bhfuil faisnéis atá le nochtadh a chorprú de réir tagairtí i réamheolaire – faoi réir an cheanglais gur foilsíodh go leictreonach na doiciméid sin – ba cheart gurbh fhusa réamheolaire a tharraingt suas agus ba cheart go dtiocfadh laghdú ar na costais a sheasann eisitheoirí, gan cosaint infheisteoirí a chur i mbaol. Mar sin féin, an cuspóir a bhaineann leis an réamheolaire a shimpliú agus na costais a leanann a tharraingt suas a laghdú, níor cheart sin a bhaint amach ar dhóigh a ndéanfadh dochar do leasanna eile atá an réamheolaire ceaptha a chosaint, lena n-áirítear inrochtaineacht faisnéise. An teanga a úsáidtear don fhaisnéis arna corprú de réir tagairtí, ba cheart go mbeadh sí i gcomhréir leis an gcóras teanga atá i bhfeidhm maidir leis na réamheolairí. Ba cheart go mbeifí in ann tagairt do shonraí stairiúla san fhaisnéis a chorpraítear de réir tagartha. Áfach i gcás nach bhfuil an fhaisnéis sin ábhartha a thuilleadh i ngeall ar athrú ábhartha, ba cheart an méid sin a rá go soiléir sa réamheolaire agus an fhaisnéis a tugadh cothrom le dáta a thabhairt freisin.

(59)

Ba cheart aon fhaisnéis rialáilte, mar a shainmhínítear i bpointe (k) d'Airteagal 2(1) de Threoir 2004/109/CE, a bheith incháilithe le haghaidh corprú de réir tagairtí i réamheolaire. Maidir le heisitheoirí a bhfuil a n-urrúis á dtrádáil ar MTF agus eisitheoirí a dhíolmhaítear ó thuarascálacha airgeadais bliantúla agus leathbhliantúla a fhoilsiú de bhun phointe (b) d'Airteagal 8(1) de Threoir 2004/109/CE, ba cheart cead a bheith acu, freisin, an t-iomlán dá bhfaisnéis airgeadais bhliantúil agus eatramhach, dá dtuarascálacha iniúchóireachta, dá ráitis airgeadais, dá dtuarascálacha bainistíochta nó dá ráitis rialachais chorparáidigh, nó cuid díobh, a chorprú de réir tagairtí i réamheolaire, faoi réir a bhfoilsithe leictreonaigh.

(60)

Ní ag gach eisitheoir atá rochtain ar fhaisnéis agus treoir leordhóthanach faoin bpróiseas grinnscrúdaithe agus formheasa ná ar na céimeanna is gá a leanúint le formheas a fháil do réamheolaire mar go bhfuil cineálacha cur chuige éagsúla ag na húdaráis inniúla ó Bhallstát go Ballstát. Leis an Rialachán seo, ba cheart deireadh a chur leis na difríochtaí sin trí na critéir chun grinnscrúdú a dhéanamh ar na réamheolairí a chomhchuibhiú agus trí na rialacha a bhfuil feidhm acu maidir le próisis fhormheasa na n-údarás inniúil a chomhchuibhiú trí shruthlíniú a dhéanamh orthu. Tá sé tábhachtach a áirithiú go mbeidh cur chuige cóineasaithe ag na húdaráis inniúla uile agus grinnscrúdú á dhéanamh acu ar iomláine, ar chomhsheasmhacht agus ar shothuigtheacht na faisnéise atá i réamheolaire agus aird á tabhairt ar an ngá atá le cur chuige comhréireach agus grinnscrúdú á dhéanamh ar réamheolairí ar bhonn imthosca an eisitheora agus na heisiúna. Ba cheart treoir maidir le réamheolaire a fhormheas a bheith ar fáil don phobal ar shuíomhanna gréasáin na n-údarás inniúil. Ba cheart príomhról a bheith ag Údarás Eorpach um Urrúis agus Margaí (ÚEUM) i gcothú cóineasaithe maoirseachta sa réimse sin trína chumhachtaí faoi Rialachán (AE) Uimh. 1095/2010 ó Pharlaimint na hEorpa agus ón gComhairle a úsáid (12). Go háirithe, ba cheart do ÚEÚM athbhreithnithe piaraí a dhéanamh ar ghníomhaíochtaí na n-údarás inniúil faoin Rialachán seo laistigh de thréimhse iomchuí roimh an athbhreithniú ar an Rialachán seo agus i gcomhréir le Rialachán (AE) Uimh. 1095/2010.

(61)

Le rochtain ar mhargaí na mBallstát a éascú, tá sé tábhachtach maidir leis na táillí a ghearrann údaráis inniúla as réamheolairí agus a ndoiciméid ghaolmhara a fhormheas agus a chomhdú, go bhfuil na táillí sin réasúnach, comhréireach agus go nochtfar go poiblí iad.

(62)

Ós rud é go n-áirithítear rochtain éasca ar fhaisnéis leis an idirlíon, agus chun inrochtaineacht níos fearr a áirithiú d'infheisteoirí, ba cheart an réamheolaire formheasta a fhoilsiú i bhfoirm leictreonach i gcónaí. Ba cheart an réamheolaire a fhoilsiú i roinn ar leith de shuíomh gréasáin an eisitheora, an tairgeora nó an duineatá ag iarraidh go ligfí urrúis isteach chun a dtrádála ar mhargadh rialáilte nó, más infheidhme, ar shuíomh gréasáin na n-idirghabhálaithe airgeadais a láithríonn nó a dhíolann urrúis, lena n-áirítear gníomhairí íocaíochta, nó ar shuíomh gréasáin an mhargaidh rialáilte a bhfuiltear ag iarraidh urrúis a ligean isteach chun a dtrádála ann, nó ar shuíomh gréasáin oibreora na MTF.

(63)

Ba cheart gach réamheolaire a fhormheastar, nó de rogha air sin, liosta de na réamheolairí sin le hipearnaisc chuig na codanna áirithe ar leith den suíomh gréasáin, a fhoilsiú ar shuíomh gréasáin údarás inniúil Bhallstát baile an eisitheora, agus ba cheart don údarás inniúil gach réamheolaire a tharchur chuig ÚEUM mar aon leis na sonraí ábhartha is gá chun é a aicmiú. Ba cheart do ÚEUM córas stórála láraithe réamheolairí a sholáthar, ar a mbeidh rochtain saor in aisce agus saoráidí cuardaigh iomchuí ar fáil don phobal ag dul leis. Chun a áirithiú go mbeidh rochtain ag infheisteoirí ar shonraí iontaofa ar féidir a úsáid agus a anailísiú ar bhonn tráthúil agus éifeachtúil, ba cheart faisnéis áirithe atá sna réamheolairí, amhail an ISINanna lena n-aithnítear na hurrúis agus na haitheantóirí eintitis dhlítheanaigh (LEIanna) lena sainaithnítear na heisitheoirí, na tairgeoirí agus na ráthóirí a bheith inléite ag meaisín lena n-áirítear nuair a úsáidtear meiteashonraí. Ba cheart go leanfadh réamheolairí de bheith ar fáil don phobal ar feadh 10 mbliana ar a laghad tar éis a bhfoilsithe, lena áirithiú go mbeidh a dtréimhse infhaighteachta don phobal ar aon dul leis tréimhse infhaighteachta na dtuarascálacha airgeadais bliantúla agus leathbhliantúla faoi Threoir 2004/109/CE. Ba cheart, mar sin féin, réamheolairí a bheith ar fáil i gcónaí ar mheán marthanach d'infheisteoirí agus é saor in aisce arna iarraidh sin. I gcás ina ndéanfaidh infheisteoir ionchasach éileamh sonrach ar chóip pháipéir, ba cheart don infheisteoir sin a bheith in ann leagan clóite den réamheolaire a fháil. Mar sin féin, ní chuireann sin de cheangal ar an eisitheoir, ar an tairgeoir, ar an duine atá ag iarraidh go ligfí urrúis isteach chun a dtrádála ar mhargadh rialáilte nó ar an idirghabhálaí airgeadais cóipeanna clóite den réamheolaire a chur ar leataobh chun freastal ar iarrataí ionchasacha den sórt sin.

(64)

Is gá, freisin, fógráin a chomhchuibhiú ionas nach lagófar muinín an phobail agus nach ndéanfar dochar do dhea-fheidhmiú na margaí airgeadais. Is den tábhacht é cothroime agus cruinneas fógrán, chomh maith lena gcomhsheasmhacht le hinneachar an réamheolaire má táthar chun infheisteoirí a chosaint, lena n-áirítear infheisteoirí miondíola. Gan dochar do na córais pas faoin Rialachán seo, is cuid dhílis de ról na n-údarás inniúil é maoirseacht a dhéanamh ar na fógráin sin. Ba cheart na ceanglais maidir le fógráin sa Rialachán seo a bheith gan dochar d’fhorálacha eile is infheidhme de chuid dhlí an Aontais, go háirithe maidir le cosaint tomhaltóirí agus cleachtais tráchtála mhíchothroma.

(65)

Ba cheart aon fhachtóir nua tábhachtach, aon bhotún substainte nó aon mhíchruinneas substainte a d'fhéadfadh tionchar a imirt ar an measúnú ar an infheistíocht, a thiocfaidh chun cinn tar éis fhoilsiú an réamheolaire ach roimh dhúnadh na tairisceana nó roimh thús na trádála ar mhargadh rialáilte, ba cheart d'infheisteoirí meastóireacht cheart a dhéanamh air agus, dá bhrí sin, éilítear forlíonadh ar an réamheolaire a fhormheas agus a scaipeadh gan moill mhíchuí.

(66)

Chun deimhneacht dhlíthiúil a fheabhsú, ba cheart soiléiriú a dhéanamh ar na teorainneacha ama éagsúla faoina bhfuil an t-eisitheoir le forlíonadh ar an réamheolaire a fhoilsiú agus faoina a bhfuil sé de cheart ag infheisteoirí a nglacadh le tairiscint a tharraingt siar tar éis foilsiú forlíonta. Ar thaobh, ba cheart feidhm a bheith ag an oibleagáid maidir le réamheolaire a fhorlíonadh nuair a thagann an fachtóir nua tábhachtach, an botún substainte nó an míchruinneas substainte chun cinn roimh dhúnadh thréimhse na tairisceana nó tráth a thosaíonn trádáil na n-urrús sin ar mhargadh rialáilte, cibé acu is déanaí. Ar an taobh eile, níor cheart feidhm a bheith ag an gceart maidir le glacadh a tharraingt siar ach amháin i gcás ina mbaineann an réamheolaire le hurrúis atá á dtairiscint don phobal agus gur tháinig an fachtóir nua tábhachtach, an botún substainte nó an míchruinneas substainte chun cinn nó gur tugadh faoi deara é roimh dhúnadh thréimhse na tairisceana agus seachadadh na n-urrús. Ar an ábhar sin, ba cheart ceangal a bheith idir an ceart maidir le tarraingt siar agus an uair a thagann an fachtóir nua tábhachtach, an botún substainte nó an míchruinneas substainte a bhfuil forlíonadh mar thoradh air chun cinn agus ba cheart feidhm a bheith aige ar choinníoll gur le linn na tréimhse ina bhfuil agus tairiscint ar oscailt agus roimh sheachadadh na n-urrús a tharla an teagmhas truiceartha. An ceart tarraingt siar a thugtar d’infheisteoirí de bharr fachtóir nua suntasach, botún substainte nó míchruinneas substainte a tháinig chun cinn nó a tugadh faoi deara le linn tréimhse bailíochta réamheolaire, ní dhéantar difear don cheart sin tríd an bhforlíonadh comhfhreagrach a bheith á fhoilsiú tar éis thréimhse bailíochta an réamheolaire sin. I gcás ar leith ina mbeidh tairiscint a leanann de bheith ann faoi dhá réamheolaire bunaidh i ndiaidh a chéile, ní dhéantar, d’ainneoin go bhfuil an t-eisitheoir i mbun réamheolaire bunaidh comharba a bheith formheasta aige, deireadh a chur leis an oibleagáid an réamheolaire bunaidh roimhe sin a fhorlíonadh go dtí go mbeidh deireadh lena bhailíocht agus na cearta tarraingt siar gaolmhara a dheonú. Chun deimhneacht dhlíthiúil a fheabhsú, ba cheart a shonrú i bhforlíonadh an réamheolaire cathain a bheidh deireadh leis an gceart maidir le tarraingt siar. Ba cheart d'idirghabhálaithe airgeadais a gcuid ceart a chur in iúl d’infheisteoirí agus imeachtaí a éascú nuair a fheidhmíonn infheisteoirí a gceart maidir le glacadh a tharraingt siar.

(67)

Fágann an oibleagáid atá ar an eisitheoir an réamheolaire iomlán a aistriú go dtí na teangacha oifigiúla ábhartha uile go ndíspreagtar tairiscintí trasteorann nó iltrádáil. Chun tairiscintí trasteorann a éascú, níor cheart ach an achoimre a bheith ar fáil sa teanga oifigiúil nó ar a laghad i gceann amháin de theangacha oifigiúla an Bhallstáit óstaigh nó i dteanga eile a nglacfaidh údarás inniúil an Bhallstáit sin léi.

(68)

Ba cheart údarás inniúil an Bhallstáit is ósta a bheith i dteideal deimhniú a fháil ó údarás inniúil an Bhallstáit baile ina ndearbhaítear gur tarraingíodh suas an réamheolaire i gcomhréir leis an Rialachán seo. Ba cheart d'údarás inniúil an Bhallstáit baile fógra a thabhairt don eisitheoir nó don duine atá freagrach as an réamheolaire a tharraingt suas i leith dheimhniú formheasta an réamheolaire a dhírítear ar údarás an Bhallstáit is ósta le deimhneacht a thabhairt don eisitheoir nó don duine atá freagrach as an réamheolaire a tharraingt suas i dtaca le cé acu ar tugadh nó nár tugadh fógra ina leith agus cathain a tugadh é. Gach aistriú a dhéantar de dhoiciméid idir údaráis inniúla chun críche fógraí, ba cheart iad a dhéanamh trí thairseach fógartha a bheidh le bunú ag ÚEUM.

(69)

I gcás ina dtugtar cead d’eisitheoir leis an Rialachán seo a Bhallstát baile a roghnú chun an réamheolaire a fhormheas, is iomchuí a áirithiú go bhféadfaidh an t-eisitheoir sin doiciméad clárúcháin, nó doiciméad clárúcháin uilíoch, a úsáid mar chuid dá réamheolaire, is doiciméad a d’fhormheas an t-údarás inniúil de Bhallstát eile é. Ba cheart, dá bhrí sin, córas lena dtugtar fógra a thabhairt isteach idir údaráis inniúla chun a áirithiú nach bhfuil an doiciméad clárúcháin sin, nó an doiciméad clárúcháin uilíoch sin, faoi réir a ghrinnscrúdaithe ná a fhormheasta ag an údarás inniúil a mbeidh an réamheolaire á fhormheas aige, agus nach leanfaidh údaráis inniúla de bheith freagrach ach as an gcuid de réamheolaire a bheidh formheasta acu, lena n-áirítear i gcás ina dtarraingítear forlíonadh suas ina dhiaidh sin.

(70)

Lena áirithiú go mbainfear amach cuspóirí an Rialacháin seo go hiomlán, is gá, freisin, urrúis arna n-eisiúint ag eisitheoirí arna rialáil ag dlíthe tríú tíortha a áireamh ina raon feidhme. Chun malartuithe faisnéise agus comhar le húdaráis tríú tír maidir le forfheidhmiú éifeachtach an Rialacháin seo a áirithiú, ba cheart d’údaráis inniúla socruithe comhoibrithe a chur i gcrích le húdaráis inniúla i dtríú tíortha. Ba cheart aon aistriú sonraí pearsanta arna dhéanamh ar bhonn na socruithe sin Rialachán (AE) 2016/79 ó Pharlaimint na hEorpa agus ón gComhairle (13) agus Rialachán (CE) Uimh. 45/2001 ó Pharlaimint na hEorpa agus ón gComhairle (14) a chomhlíonadh.

(71)

Is é toradh a bheadh ar údarás inniúil de chineálacha éagsúla a bheith sna Ballstáit, agus freagrachtaí éagsúla acu, tabhú costas gan ghá agus forluí freagrachtaí gan aon tairbhe breise dá dhroim. I ngach Ballstát, ba cheart aon údarás inniúil amháin a ainmniú chun réamheolairí a fhormheas agus chun an fhreagracht a ghlacadh as maoirseacht a dhéanamh ar chomhlíonadh an Rialacháin seo. Ba cheart an t-údarás inniúil sin a bhunú mar údarás riaracháin agus ar dhóigh a ráthóidh a neamhspleáchas ar ghníomhaithe eacnamaíocha agus a seachnóidh coinbhleachtaí leasa. Níor cheart ainmniú údaráis inniúil chun réamheolairí a fhormheas an comhar atá idir an t-údarás inniúil sin agus tríú páirtithe, amhail rialtóirí baincéireachta agus árachais nó údaráis liostaithe, d'fhonn grinnscrúdú agus formheas éifeachtúil réamheolairí a ráthú ar mhaithe le leas eisitheoirí, infheisteoirí, rannpháirtithe sa mhargadh agus an mhargaidh féin. Níor cheart é a bheith ceadmhach cúraimí údaráis inniúil a tharmligean chuigtríú páirtithe ach amháin i gcás ina mbaineann sin le réamheolairí formheasta a fhoilsiú.

(72)

Is féidir maoirseacht éifeachtach a ráthú ach sraith uirlisí, cumhachtaí agus acmhainní éifeachtacha a thabhairt d'údaráis inniúla na mBallstát. Ba cheart, dá bhrí sin, foráil a dhéanamh leis an Rialachán seo go háirithe maidir le sraith íosta cumhachtaí maoirseachta agus imscrúdaitheacha ba cheart a chur de chúram ar údaráis inniúla na mBallstát i gcomhréir leis an dlí náisiúnta. Ba cheart na cumhachtaí sin a fheidhmiú, i gcás ina gceanglaítear amhlaidh sa dlí náisiúnta, trí iarratas a dhéanamh chuig na húdaráis bhreithiúnacha inniúla. Agus a gcumhachtaí á bhfeidhmiú acu faoin Rialachán seo, ba cheart d'údaráis inniúla agus do ÚEUM gníomhú go hoibiachtúil agus go neamhchlaonta agus a gcuid cinntí a dhéanamh go neamhspleách.

(73)

D'fhonn sáruithe ar an Rialachán seo a bhrath, is gá d’údaráis inniúla a bheith in ann rochtain a fháil ar shuíomhanna seachas áiteanna cónaithe príobháideacha daoine nádúrtha d'fhonn doiciméid a urghabháil. Teastaíonn rochtain ar áitreabh den saghas sin nuair atá amhras réasúnach ann go bhfuil doiciméid agus sonraí eile ann a bhaineann le hábhar na cigireachta nó an imscrúdaithe agus go bhféadfadh sé go mbeidís ábhartha chun sárú ar an Rialachán seo a chruthú. Ina theannta sin tá rochtain ar áitreabh den saghas sin riachtanach i gcás: nach gcomhlíonann an duine ar éilíodh faisnéis air cheana an t-éileamh sin; nó i gcás ina bhfuil forais réasúnacha ann le creidiúint nach gcomhlíonfaí an t-éileamh sin dá ndéanfaí é, nó go ndéanfaí na doiciméid nó an fhaisnéis lena mbaineann an t-éileamh ar fhaisnéis, go ndéanfaí iad a bhaint, go ndéanfaí crioscaíleadh leo nó go ndéanfaí iad a scriosadh.

(74)

I gcomhréir leis an Teachtaireacht ón gCoimisiún an 8 Nollaig 2010 maidir le Córais smachtbhannaí a dhaingniú in earnáil na seirbhísí airgeadais agus chun comhlíonadh ceanglais an Rialacháin seo a áirithiú, tá sé tábhachtach go ndéanfaidh na Ballstáit na bearta is gá chun a áirithiú go gcuirfear sáruithe ar an Rialachán seo faoi réir smachtbhannaí agus bearta riaracháin iomchuí. Ba cheart na smachtbhannaí agus na bearta sin a bheith éifeachtach, comhréireach agus athchomhairleach agus cur chuige comhchoiteann a áirithiú sna Ballstáit agus éifeacht dhíspreagthach a bheith acu. Níor cheart don Rialachán seo teorainn a chur le cumas na mBallstát foráil a dhéanamh maidir le leibhéil níos airde smachtbhannaí riaracháin.

(75)

Chun a áirithiú go mbeidh éifeacht dhíspreagthach ar an bpobal i gcoitinne ag cinntí lena bhforchuirtear smachtbhannaí nó bearta riaracháin eile arna nglacadh ag údaráis inniúla, ba cheart iad a fhoilsiú ach amháin má mheasann an t-údarás inniúil, i gcomhréir leis an Rialachán seo, gur gá iad a fhoilsiú gan ainm leo, moill a chur ar a bhfoilsiú nó gan iad a fhoilsiú.

(76)

Cé gur cheart ag na Ballstáit a bheith in ann rialacha maidir le smachtbhannaí riaracháin agus coiriúla a leagan síos i ndáil leis na sáruithe céanna, níor cheart ceangal a chur ar na Ballstáit rialacha maidir le smachtbhannaí riaracháin a leagan síos i ndáil le sáruithe ar an Rialachán seo agus na sáruithe sin faoi réir smachtbhannaí coiriúla faoina ndlí náisiúnta faoin 21 Iúil 2018. I gcomhréir leis an dlí náisiúnta, níl oibleagáid ar na Ballstáit smachtbhannaí riaracháin agus choiriúla araon a fhorchur i ndáil leis an gcion chéanna, ach, ba cheart go mbeidís in ann sin a dhéanamh má cheadaítear é faoin dlí náisiúnta. Níor cheart, áfach, a bheith mar thoradh ar smachtbhannaí coiriúla a choimeád ar bun in ionad smachtbhannaí riaracháin, i dtaca le sáruithe ar an Rialachán seo, laghdú nó athrú a dhéanamh ar shlí eile ar chumas na n-údarás inniúil a bheith ag comhoibriú nó faisnéis a úsáid nó a mhalartú go tráthúil le húdaráis inniúla i mBallstáit eile chun críocha an Rialacháin seo, lena n-áirítear tar éis sáruithe ábhartha a chur ar aghaidh chuig na húdaráis bhreithiúnacha inniúla le haghaidh ionchúiseamh coiriúil.

(77)

D'fhéadfadh sé go gcuirfeadh sceithirí faisnéis nua ar a shúile do na húdaráis inniúla, rud a chuideodh leo cásanna sáruithe ar an Rialachán seo a bhrath agus smachtbhannaí a fhorchur ina leith. Dá bhrí sin, ba cheart a áirithiú leis an Rialachán seo go bhfuil socruithe iomchuí curtha ar bun chun sceithirí a chumasú údaráis inniúla a chur ar an eolas maidir le sáruithe iarbhír nó féideartha ar an Rialachán seo agus iad a chosaint ar fhrithbhearta.

(78)

Chun na ceanglais a leagtar amach sa Rialachán seo a shonrú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh (CFAE) a tharmligean chuig an gCoimisiún i dtaca le híosmhéid faisnéise doiciméad áirithe a chur ar fáil don phobal i gcás táthcheangail trí bhíthin tairiscint malartaithe, cumaisc nó deighilte, grinnscrúdú, formheas, comhdú agus athbhreithniú an doiciméid clárúcháin uilíoch agus aon leasuithe a dhéantar air mar aon leis na coinníollacha ar a bhféadfar stádas eisitheora rialta a chailleadh, formáid an réamheolaire, an réamheolaire bunaidh agus na téarmaí críochnaitheacha, agus an fhaisnéis shonrach nach mór a áireamh sa réamheolaire, an fhaisnéis íosta atá le háireamh sa doiciméad clárúcháin uilíoch, an fhaisnéis laghdaithe atá le háireamh sa réamheolaire simplithe i gcásanna eisiúintí tánaisteacha agus ag FBManna, inneachar laghdaithe sonrach agus formáid chaighdeánaithe agus ord caighdeánaithe an réamheolaire Fáis de chuid AE agus na hachoimre ar leith a ghabhann leis, na critéir maidir le measúnú a dhéanamh agus maidir le fachtóirí priacail a bheith á gcur i láthair ag an eisitheoir, grinnscrúdú agus formheas réamheolairí agus na critéir choibhéise ghinearálta le haghaidh réamheolairí arna dtarraingt suas ag eisitheoirí i dtríú tír. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (15). Go sonrach, chun rannpháirteachas chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(79)

D'fhonn coinníollacha aonfhoirmeacha a áirithiú do chur chun feidhme an Rialacháin seo i ndáil le coibhéis dlíthe tríú tír maidir le réamheolairí, ba cheart cumhachtaí cur chun feidhme a thabhairt don Choimisiún le cinneadh a dhéanamh ar an gcoibhéis sin. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (16).

(80)

Ba cheart caighdeáin theicniúla i seirbhísí airgeadais cosaint leormhaith ar infheisteoirí agus tomhaltóirí ar fud an Aontais a áirithiú. Ós rud é gur comhlacht é ÚEUM a bhfuil saineolas an-speisialaithe aige, bheadh sé éifeachtúil agus iomchuí ceapadh dréachtchaighdeán teicniúil rialála, nach mbeadh roghanna beartais ag baint leo, a chur de chúram ÚEUM chun go ndéanfadh ÚEUM iad a chur faoi bhráid an Choimisiúin.

(81)

Ba cheart a chumhachtú don Choimisiún caighdeáin theicniúla rialála arna gceapadh ag ÚEUM a ghlacadh, maidir le hinneachar agus formáid chur i láthair na faisnéise airgeadais bunriachtanaí atá le cur san achoimre, i gcásanna inar féidir faisnéis áirithe a fhágáil ar lár sa réamheolaire, an fhaisnéis atá le corprú de réir tagairtí agus cineálacha breise doiciméad a cheanglaítear faoi dhlí an Aontais, foilsiú an réamheolaire, na sonraí is gá chun réamheolairí a aicmiú sa chóras stórála arna oibriú ag ÚEUM, na forálacha maidir le fógráin, na cásanna ina bhfágann fachtóir nua tábhachtach, botún substainte nó míchruinneas substainte a bhaineann le faisnéis atá le cur sa réamheolaire, ina bhfágann sé gur gá forlíonadh ar an réamheolaire a fhoilsiú, na socruithe teicniúla is gá chun go bhfeidhmeoidh thairseach fógartha ÚEUM, inneachar íosta na socruithe comhair le húdaráis mhaoirseachta i dtríú tíortha agus na teimpléid atá le húsáid ina leith, agus an fhaisnéis a mhalartaítear idir údaráis inniúla agus ÚEUM i gcomhthéacs na hoibleagáide maidir le comhoibriú. Ba cheart don Choimisiún na dréachtchaighdeáin theicniúla rialála sin a ghlacadh trí bhíthin gníomhartha tarmligthe de bhun Airteagal 290 CFAE agus i gcomhréir le hAirteagal 10 go hAirteagal 14 de Rialachán (AE) Uimh. 1095/2010.

(82)

Ba cheart go dtabharfaí de chumhacht freisin don Choimisiún bearta a ghlacadh chun caighdeáin theicniúla a chur chun feidhme arna bhforbairt ag ESMA maidir le foirmeacha, teimpléid agus nósanna imeachta caighdeánacha don fhógra atá le tabhairt maidir leis an deimhniú formheasta, an réamheolaire, an doiciméad clárúcháin, an doiciméad clárúcháin uilíoch, aon fhorlíonadh agus an aistriúchán a bheidh ag gabháil leis, an forlíonadh ar an réamheolaire agus an t-aistriúchán den réamheolaire agus/nó an achoimre, na foirmeacha, teimpléid agus nósanna imeachta caighdeánacha don chomhar agus malartú faisnéise idir údaráis inniúla, agus na nósanna imeachta agus foirmeacha do mhalartú faisnéise idir údaráis inniúla agus ÚEUM. Ba chear don Choimisiún na caighdeáin theicniúla cur chun feidhme sin a ghlacadh trí bhíthin gníomhartha cur chun feidhme de bhun Airteagal 291 CFAE agus i gcomhréir le hAirteagal 15 de Rialachán (AE) Uimh. 1095/2010.

(83)

Agus a chuid cumhachtaí tarmligthe agus cur chun feidhme á bhfeidhmiú i gcomhréir leis an Rialachán seo aige, ba cheart don Choimisiún na prionsabail seo a leanas a urramú:

(84)

Aon phróiseáil a dhéantar ar shonraí pearsanta faoi chuimsiú an Rialacháin seo, amhail malartú nó tarchur sonraí pearsanta a dhéanann na húdaráis inniúla, ba cheart é a dhéanamh i gcomhréir le Rialachán (AE) Uimh. 2016/679 agus ba cheart do ÚEUM aon mhalartú nó tarchur faisnéise a dhéanamh i gcomhréir le Rialachán (CE) Uimh. 45/2001.

(85)

Ba cheart don Choimisiún tráth nach déanaí ná an 21 Iúil 2022, athbhreithniú a dhéanamh ar chur i bhfeidhm an Rialacháin seo agus measúnú a dhéanamh, go háirithe, ar cé acu atá nó nach bhfuil na córais nochta d'eisiúintí tánaisteacha agus do réamheolaire Fáis AE, an doiciméad clárúcháin uilíoch agus achoimre an réamheolaire, fós oiriúnach chun cuspóirí an Rialacháin seo a bhaint amach. Go háirithe, ba cheart anailís a dhéanamh, sa tuarascáil, ar na figiúirí agus treochtaí ábhartha a bhaineann le réamheolairí Fáis AE agus measúnú a dhéanamh an bhfuil cothromaíocht chuí, sa chóras nua, idir cosaint infheisteoirí agus na hualaí riaracháin a laghdú do na cuideachtaí atá i dteideal é a úsáid. Ba cheart a mheasúnú san athbhreithniú sin freisin, an féidir le heisitheoirí, go háirithe FBManna, LEInna agus ISINanna a fháil ar chostas réasúnta agus laistigh de thréimhse réasúnta ama.

(86)

Ba cheart cur i bhfeidhm cheanglais an Rialacháin seo a chur siar ionas go bhféadfar gníomhartha tarmligthe agus cur chun feidhme a ghlacadh agus ionas go bhféadfaidh údaráis inniúla agus rannpháirtithe sa mhargadh na bearta nua a thuiscint agus a gcur i bhfeidhm a phleanáil.

(87)

Ós rud é nach féidir leis na Ballstáit cuspóirí an Rialacháin seo, eadhon cosaint d'infheisteoirí agus éifeachtúlacht an mhargaidh a fheabhsú, agus Aontas na Margaí Caipitil á bhunú, a ghnóthú go leordhóthanach, ach gur fearr, de bharr a éifeachtaí, is féidir iad a bhaint amach ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta mar a leagtar amach san Airteagal sin é, ní théann an Rialachán seo thar a bhfuil riachtanach chun na cuspóirí sin a bhaint amach.

(88)

Tá an Rialachán seo ag cloí leis na cearta bunúsacha agus comhlíontar leis na prionsabail a aithnítear go háirithe i gCairt um Chearta Bunúsacha an Aontais Eorpaigh. Dá bhrí sin, ba cheart an Rialachán seo a léirmhíniú agus a chur i bhfeidhm i gcomhréir leis na cearta agus prionsabail sin.

(89)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 28(2) de Rialachán (CE) Uimh. 45/2001;

(a)

aonaid a eisíonn gnóthais chomhinfheistíochta nach den chineál iata iad;

(b)

urrúis neamhchothromais a eisíonn Ballstát nó ceann d'údaráis réigiúnacha nó áitiúla Ballstáit, comhlachtaí idirnáisiúnta poiblí a bhfuil Ballstát amháin ar a laghad ina bhall díobh, an Banc Ceannais Eorpach nó bainc ceannais de chuid na mBallstát;

(c)

scaireanna i gcaipiteal banc ceannais de chuid na mBallstát;

(d)

urrúis a dhéanann Ballstát nó ceann d'údaráis réigiúnacha nó áitiúla Ballstáit a ráthú go neamhchoinníollach agus go neamh-inchúlghairthe;

(e)

urrúis a eisíonn comhlachais a bhfuil stádas dlíthiúil acu nó comhlachtaí neamhbhrabúsacha, atá aitheanta ag Ballstát, chun críocha an maoiniú riachtanach a fháil lena gcuspóirí neamhbhrabúsacha a bhaint amach;

(f)

scaireanna neamh-idirmhalartacha caipitil arb é is príomhchuspóir leo ceart a thabhairt do shealbhóir na scaireanna sin árasán, nó cineál eile maoine dochorraithe, nó cuid de, a áitiú agus ar scaireanna iad nach féidir a dhíol gan an ceart sin a ghéilleadh;

(a)

urrúis nach dtairgtear ach d'infheisteoirí cáilithe amháin;

(b)

urrúis a thairgtear do níos lú ná 150 duine nádúrtha nó dlítheanach, nach infheisteoirí cáilithe iad, in aghaidh an Bhallstáit;

(c)

urrúis a thairgtear arb é EUR 100 000 ar a laghad a n-ainmníocht in aghaidh an aonaid;

(d)

urrúis a thairgtear d'infheisteoirí a fhaigheann urrúis ar fiú EUR 100 000 ar a laghad an chomaoin iomlán ina leith in aghaidh an infheisteora, maidir le gach tairiscint ar leith;

(e)

scaireanna a eisítear in ionad scaireanna den aicme chéanna a eisíodh cheana, ar choinníoll nach bhfuil méadú ar an gcaipiteal eisithe mar thoradh ar eisiúint na scaireanna sin;

(f)

urrúis a thairgtear i gcás táthcheangail trí bhíthin tairiscint malartaithe, ar choinníoll go gcuirfear doiciméad ar fáil don phobal i gcomhréir leis na socruithe a leagtar amach in Airteagal 21(2), ina bhfuil faisnéis faoin idirbheart agus faoina thionchar ar an eisitheoir;

(g)

urrúis a thairgtear, a leithroinntear nó a leithroinnfear i dtaca le cumasc nó roinnt, ar choinníoll go gcuirfear doiciméad ar fáil don phobal i gcomhréir leis na socruithe a leagtar amach in Airteagal 21(2), ina bhfuil faisnéis faoin idirbheart agus faoina thionchar ar an eisitheoir;

(h)

díbhinní a íoctar le scairshealbhóirí reatha i bhfoirm scaireanna den aicme chéanna leis na scaireanna a n-íoctar díbhinní den sórt sin ina leith, ar choinníoll go bhfuil doiciméad ar fáil ina bhfuil faisnéis faoi líon agus faoi chineál na scaireanna agus faoi na cúiseanna atá leis an tairiscint agus mionsonraí na tairisceana;

(i)

urrúis a thairgeann fostóir nó gnóthas cleamhnaithe do stiúrthóirí nó d'fhostaithe atá aige faoi láthair nó a bhí aige, nó a leithroinneann sé orthu nó a leithroinnfidh sé orthu, ar choinníoll go gcuirtear doiciméad ar fáil ina bhfuil faisnéis faoi líon agus faoi chineál na n-urrús agus faoi na cúiseanna atá leis an tairiscint nó an leithroinnt agus mionsonraí na tairisceana nó na leithroinnte sin.

(j)

urrúis neamhchothromais a eisíonn institiúid creidmheasa ar bhonn leanúnach nó arís is arís eile, i gcás inar lú ná EUR 75 000 000 in aghaidh na hinstitiúide creidmheasa a ríomhfar thar thréimhse 12 mhí an chomaoin chomhiomlán san Aontas maidir leis na hurrúis a tairgeadh, ar choinníoll go gcomhlíontar na coinníollacha seo a leanas go léir leis na hurrúis sin:

(a)

urrúis atá idirmhalartach le hurrúis a ligeadh isteach cheana chun a dtrádála ar an margadh rialáilte céanna, ar choinníoll gur lú iad ná 20 %, thar thréimhse 12 mhí, den líon urrús a ligeadh isteach cheana chun a dtrádála ar an margadh rialáilte céanna;

(b)

scaireanna a thagann as urrúis eile a chomhshó nó a mhalartú nó as feidhmiú na gceart a thugtar le hurrúis eile, i gcás gur den aicme chéanna na scaireanna sin agus na scaireanna a ligeadh isteach cheana chun a dtrádála ar an margadh rialáilte, ar choinníoll gur lú iad ná 20 %, thar thréimhse 12 mhí, den líon urrús den aicme chéanna a ligeadh isteach cheana chun a dtrádála ar an margadh rialáilte céanna, faoi réir an dara fomhír den mhír seo;

(c)

urrúis a thagann as údarás réitigh do chomhshó nó do mhalartú urrúis eile, cistí dílse eile nó dliteanais incháilithe eile i ngeall ar fheidhmiú cumhachta dá dtagraítear in Airteagal 53(2), Airteagal 59(2) nó in Airteagal 63(1) nó (2) de Threoir 2014/59/AE;

(d)

scaireanna a eisítear in ionad scaireanna den aicme chéanna a ligeadh isteach cheana chun a dtrádála ar an margadh rialáilte céanna, i gcás nach bhfuil aon mhéadú ar an gcaipiteal eisithe mar thoradh ar eisiúint na scaireanna sin;

(e)

urrúis a thairgtear i gcás táthcheangail trí bhíthin tairiscint malartaithe, ar choinníoll go gcuirfear doiciméad ar fáil don phobal i gcomhréir leis na socruithe a leagtar amach in Airteagal 21(2), ina bhfuil faisnéis faoin idirbheart agus faoina thionchar ar an eisitheoir;

(f)

urrúis a thairgtear, a leithroinntear nó a leithroinnfear i dtaca le cumasc nó roinnt, ar choinníoll go gcuirfear doiciméad ar fáil don phobal i gcomhréir leis na socruithe a leagtar amach in Airteagal 21(2), ina bhfuil faisnéis faoin idirbheart agus faoina thionchar ar an eisitheoir;

(g)

scaireanna a thairgtear saor in aisce do scairshealbhóirí reatha nó a leithroinntear nó a leithroinnfear orthu saor in aisce, agus díbhinní a íoctar i bhfoirm scaireanna den aicme chéanna leis na scaireanna a n-íoctar na díbhinní sin ina leith, ar choinníoll gur den aicme chéanna na scaireanna sin agus na scaireanna a ligeadh isteach cheana chun a dtrádála ar an margadh rialáilte céanna agus go bhfuil doiciméad ar fáil ina bhfuil faisnéis faoi líon agus cineál na scaireanna agus faoi na cúiseanna atá leis an tairiscint nó an leithroinnt agus mionsonraí na tairisceana nó na leithroinnte sin;

(h)

urrúis a thairgeann fostóir nó gnóthas cleamhnaithe do stiúrthóirí nó d'fhostaithe atá aige faoi láthair nó a bhí aige, nó a leithroinneann sé orthu nó a leithroinnfidh sé orthu, ar choinníoll gur den aicme chéanna na hurrúis sin agus na hurrúis a ligeadh isteach cheana chun a dtrádála ar an margadh rialáilte céanna agus go gcuirtear doiciméad ar fáil ina bhfuil faisnéis faoi líon agus cineál na n-urrús agus faoi na cúiseanna atá leis an tairiscint nó an leithroinnt agus mionsonraí na tairisceana nó na leithroinnte sin;

(i)

urrúis neamhchothromais a eisíonn institiúid creidmheasa ar bhonn leanúnach nó arís is arís eile, i gcás inar lú ná EUR 75 000 000 in aghaidh na hinstitiúide creidmheasa a ríomhfar thar thréimhse 12 mhí an chomaoin chomhiomlán san Aontas maidir leis na hurrúis a tairgeadh, ar choinníoll go gcomhlíontar na coinníollacha seo a leanas go léir leis na hurrúis sin:

(j)

urrúis a ligeadh isteach cheana chun a dtrádála ar mhargadh rialáilte eile, ar na coinníollacha seo a leanas:

(a)

i gcás ina ndearnadh réamheolaire a tharraingt suas i gcomhréir leis an Rialachán seo nó le Treoir 2003/71/CE tráth a dhéantar na hurrúis lena dtugtar rochtain ar na scaireanna a thairiscint don phobal nó a ligean isteach chun a dtrádála ar mhargadh rialáilte;

(b)

i gcás inar eisíodh na hurrúis lena dtugtar rochtain ar na scaireanna roimh an 20 Iúil 2017;

(c)

i gcás ina gcáilíonn na scaireanna mar ítimí Ghnáthchothromas Leibhéal 1 mar a leagtar síos in Airteagal 26 de Rialachán (AE) Uimh. 575/2013 ó Pharlaimint na hEorpa agus ón gComhairle (19) d’institiúid mar a shainmhínítear i bpointe (3) d'Airteagal 4(1)(3) den rialachán sin í agus ina dtagann siad mar thoradh ar chomhshó ar ionstraimí Breise Leibhéal 1 arna eisiúint ag an institiúid sin mar gheall ar tharlú eachtra tucaide mar a leagtar síos i bpointe (a) d'Airteagal 54(1) den Rialachán sin;

(d)

i gcás ina gcáilíonn na scaireanna mar chistí dílse incháilithe nó cistí dílse bunúsacha incháilithe mar a shainmhínítear i Roinn 3 de Chaibidil VI de Theideal I de Threoir 2009/138/CE ó Pharlaimint na hEorpa agus ón gComhairle (20) iad, agus ina dtagann siad mar thoradh ar chomhshó urrús eile a ndearna é a thruicearú chun críocha na hoibleagáidí maidir leis an Riachtanas um Chaipiteal Sócmhainneachta nó an tÍosriachtanas Caipitil a chomhlíonadh mar a shainmhínítear i Roinn 4 agus i Roinn 5 de Chaibidil VI de Theideal I de Threoir 2009/138/CE nó an ceanglas maidir le sócmhainneacht an ghrúpa a chomhlíonadh mar a leagtar síos i dTeideal III de Threoir 2009/138/CE;

(a)

ciallaíonn “urrúis” urrúis inaistrithe mar a shainmhínítear i bpointe (44) d'Airteagal 4(1) de Threoir 2014/65/AE, amach ó ionstraimí margaidh airgid mar a shainmhínítear i bpointe (17) d'Airteagal 4(1) de Threoir 2014/65/AE, ar lú ná 12 mhí a n-aibíocht;

(b)

ciallaíonn “urrúis chothromais” scaireanna agus urrúis inaistrithe eile atá coibhéiseach le scaireanna i gcuideachtaí, agus aon chineál eile urrús inaistrithe lena dtugtar an ceart aon cheann de na hurrúis réamhráite a fháil de thoradh a gcomhshóite nó de thoradh na cearta a thugtar leo a fheidhmiú, ar choinníoll gurb é eisitheoir na scaireanna foluiteacha nó eintiteas atá i ngrúpa an eisitheora sin a dhéanann na hurrúis den dara saghas sin a eisiúint;

(c)

ciallaíonn “urrúis neamhchothromais” na hurrúis uile nach urrúis chothromais iad;

(d)

ciallaíonn “tairiscint urrús don phobal” teachtaireacht a thugtar do dhaoine in aon fhormáid nó ar aon mhodh, ar leor an méid faisnéise a thugtar ann faoi théarmaí na tairisceana agus faoi na hurrúis atá le tairiscint le go bhféadfaidh infheisteoir a chinneadh na hurrúis sin a cheannach nó a shuibscríobh. Tá feidhm ag an sainmhíniú seo, freisin, maidir le hurrúis a thairgtear trí idirghabhálaithe airgeadais;

(e)

ciallaíonn “infheisteoirí cáilithe” daoine nó eintitis a liostaítear i bpointe (1) go pointe (4) de Roinn I d'Iarscríbhinn II a ghabhann le Treoir 2014/65/AE, agus daoine nó eintitis a gcaitear leo, arna iarraidh sin dóibh, mar chliaint ghairmiúla i gcomhréir le Roinn II den Iarscríbhinn sin, nó a aithnítear mar chontrapháirtithe incháilithe i gcomhréir le hAirteagal 30 de Threoir 2014/65/AE, ach amháin má tá comhaontú déanta acu go gcaithfí leo mar chliaint neamhghairmiúlai gcomhréir leis an ceathrú mír de Roinn I den Iarscríbhinn sin.Chun críocha phointe (e) den Airteagal seo, ar iarraidh ón eisitheoir, tabharfaidh gnólachtaí infheistíochta agus institiúidí creidmheasa aicmiú a gcliant le fios don eisitheoir faoi réir chomhlíonadh na ndlíthe ábhartha maidir le cosaint sonraí;

(f)

ciallaíonn “fiontair bheaga agus mheánmhéide” nó 'FBManna' aon cheann de na nithe seo a leanas:

(g)

ciallaíonn “institiúid chreidmheasa” gnóthas mar a shainmhínítear i bpointe (1) d'Airteagal 4(1) de Rialachán (AE) Uimh. 575/2013;

(h)

ciallaíonn “eisitheoir” eintiteas dlíthiúil a eisíonn urrúis nó a bhfuil sé beartaithe aige urrúis a eisiúint;

(i)

ciallaíonn “tairgeoir” eintiteas dlíthiúil nó duine dlítheanach a thairgeann urrúis don phobal;

(j)

ciallaíonn “margadh rialáilte” margadh rialáilte mar a shainmhínítear i bpointe (21) d'Airteagal 4(1) de Threoir 2014/65/AE;

(k)

ciallaíonn “fógrán” teachtaireacht lena mbaineann an dá thréith seo a leanas:

(l)

ciallaíonn “faisnéis rialáilte” faisnéis rialáilte mar a shainmhínítear i bpointe (k) d'Airteagal 2(1) de Threoir 2004/109/CE;

(m)

ciallaíonn “Ballstát baile”:

(n)

ciallaíonn “Ballstát óstach” an Ballstát ina dtairgtear urrúis don phobal nó ina n-iarrtar go ligfí urrúis isteach chun a dtrádála, ar mhargadh rialáilte, i gcás nach ionann é agus an Ballstát baile;

(o)

ciallaíonn “údarás inniúil” an t-údarás a ainmníonn gach Ballstát i gcomhréir le hAirteagal 31 mura sonraítear a mhalairt sa Rialachán seo;

(p)

ciallaíonn “gnóthas comhinfheistíochta nach den chineál iata é” iontaobhais aonaid agus cuideachtaí infheistíochta lena mbaineann an dá thréith seo a leanas:

(q)

ciallaíonn “aonaid gnóthais comhinfheistíochta” urrúis arna n-eisiúint ag gnóthas comhinfheistíochta lena léirítear cearta na rannpháirtithe chun sócmhainní gnóthais den sórt sin;

(r)

ciallaíonn “formheas” toradh dearfach an ghrinnscrúdaithe arna dhéanamh ag údarás inniúil an Bhallstáit baile ar iomláine, ar chomhsheasmhacht agus ar shothuigtheacht na faisnéise atá sa réamheolaire;

(s)

ciallaíonn “réamheolaire bunaidh” réamheolaire lena gcomhlíontar Airteagal 8, agus, de rogha an eisitheora, téarmaí críochnaitheacha na tairisceana;

(t)

ciallaíonn “laethanta oibre” laethanta oibre an údaráis inniúil ábhartha gan an Satharn, an Domhnach ná laethanta saoire poiblí a áireamh, mar a shainmhínítear sa dlí náisiúnta is infheidhme maidir leis an údarás inniúil sin;

(u)

ciallaíonn “saoráid trádála iltaobhach” nó 'STI' saoráid trádála iltaobhach mar a shainmhínítear in i bpointe (22) d'Airteagal 4(1) de Threoir 2014/65/AE;

(v)

ciallaíonn “saoráid trádála eagraithe” nó 'STE' saoráid trádála eagraithe mar a shainmhínítear i bpointe (23) d'Airteagal 4(1) de Threoir 2014/65/AE;

(w)

ciallaíonn “margadh fáis FBManna” margadh fáis FBManna mar a shainmhínítear i bpointe (12) d'Airteagal 4(1) de Threoir 2014/65/AE;

(x)

ciallaíonn “eisitheoir i dtríú tír” eisitheoir atá bunaithe i dtríú tír;

(y)

ciallaíonn “tréimhse na tairisceana” an tréimhse a bhféadfaidh infheisteoirí féideartha urrúis a cheannach nó suibscríobh dóibh lena linn.

(z)

ciallaíonn 'meán marthanach' aon ionstraim lena bhféadfar an méid a leanas a dhéanamh:

(a)

nach bhfuil tairiscintí den sórt sin faoi réir fógra a thabhairt fúthui gcomhréir le hAirteagal 25; agus

(b)

gur lú ná méid airgid arna ríomh thar thréimhse 12 mhí, méid nach mó ná EUR 8 000 000, atá i gcomaoin iomlán gach tairisceana den chineál sin san Aontas.

(a)

sócmhainní agus dliteanais, brabúis agus caillteanais, staid airgeadais agus ionchais an eisitheora agus aon ráthóra;

(b)

na cearta a ghabhann leis na hurrúis; agus

(c)

na cúiseanna atá leis an eisiúint agus an tionchar a bheidh aici ar an eisitheoir.

(a)

cineál an eisitheora;

(b)

cineál na n-urrús;

(c)

imthosca an eisitheora;

(d)

i gcás inarb ábhartha, cibé acu atá nó nach bhfuil ainmníocht EUR 100 000 ar a laghad ag na hurrúis neamhchothromais in aghaidh an aonaid nó cibé acu atá nó nach bhfuil na hurrúis neamhchothromais le trádáil ar mhargadh rialáilte amháin, nó cuid shonrach den mhargadh sin, a bhféadfaidh infheisteoirí cáilithe, agus iad sin amháin, rochtain a bheith acu air chun críocha trádáil sna hurrúis.

(a)

nach bhfuil urrúis den chineál sin le trádáil ach amháin ar mhargadh rialáilte, nó ar chuid shonrach de, nach bhféadfaidh ach amháin infheisteoirí cáilithe rochtain a fháil air chun críocha trádáil sna hurrúis sin; nó

(b)

go bhfuil ainmníocht EUR 100 000 ar a laghad ag na hurrúis sin in aghaidh an aonaid.

(a)

curtha i láthair agus leagtha amach ar bhealach soléite, ag úsáid carachtair atá inléite ó thaobh méid de;

(b)

scríofa i bhfriotal agus i stíl lena bhféadfar an fhaisnéis a thuiscint go héasca, go háirithe, i bhfriotal soiléir, neamhtheicniúil, gonta agus sothuigthe d’infheisteoirí.

(a)

réamhrá agus rabhaidh ann;

(b)

faisnéis bhunriachtanach faoin eisitheoir;

(c)

faisnéis bhunriachtanach faoi na hurrúis;

(d)

faisnéis bhunriachtanach faoin tairiscint urrús don phobal agus/nó faoi na hurrúis a ligean isteach chun a dtrádála ar mhargadh rialáilte.

(a)

an t-ainm agus an uimhir aitheantais urrús idirnáisiúnta (ISIN) a bhaineann leis na hurrúis;

(b)

céannacht agus sonraí teagmhála an eisitheora, lena n-áirítear a aitheantóir eintitis dhlítheanaigh (LEI);

(c)

i gcás inarb infheidhme, céannacht agus sonraí teagmhála an tairgeora, lena n-áirítear a LEI má tá pearsantacht dhlítheanach ag an tairgeoir, nó an duine atá ag iarraidh go ligfí urrúis isteach chun a dtrádála ar mhargadh rialáilte;

(d)

céannacht agus sonraí teagmhála an údaráis inniúil a fhormheasann an réamheolaire agus, más éagsúil, an údaráis inniúil a d’fhormheas an doiciméad clárúcháin nó an doiciméad clárúcháin uilíoch;

(e)

dáta formheasa an réamheolaire.

(a)

ní mór an achoimre a léamh mar réamhrá a ghabhann leis an réamheolaire;

(b)

ba cheart aon chinneadh infheistiú sna hurrúis a bheith bunaithe ar bhreithniú a rinne an t-infheisteoir ar an réamheolaire ina iomláine;

(c)

i gcás inarb infheidhme, go bhféadfaidh an t-infheisteoir an caipiteal infheistithe ar fad nó cuid de a chailleadh agus, i gcás nach bhfuil dliteanas an infheisteora teoranta do mhéid an infheistíochta, rabhadh gur féidir leis an infheisteoir níos mó ná an caipiteal a infheistíodh a chailleadh agus méid na gcaillteanas ionchasach sin;

(d)

i gcás ina dtugtar éileamh a bhaineann leis an bhfaisnéis atá i réamheolaire os comhair cúirte, d'fhéadfadh sé go mbeadh ar an infheisteoir is gearánaí na costais a bhaineann le haistriú an réamheolaire a sheasamh, faoin dlí náisiúnta, sula dtionscnófar na himeachtaí dlíthiúla;

(e)

is ar na daoine sin a leag amach an achoimre, lena n-áirítear aon aistriúchán di, agus orthu sin amháin, atá dliteanas sibhialta, ach amháin i gcás ina bhfuil an achoimre míthreorach, míchruinn nó neamhréireach nuair a léitear in éineacht le codanna eile den réamheolaire í, nó más rud é, nuair a léitear in éineacht leis na codanna eile den réamheolaire í, nach dtugtar faisnéis bhunriachtanach inti chun cabhrú le hinfheisteoirí agus é á mbreithniú acu cibé acu ar cheart nó nár cheart dóibh infheistiú sna hurrúis sin;

(f)

i gcás inarb infheidhme, an foláireamh tuisceana atá riachtanach i gcomhréir le pointe (b) d'Airteagal 8(3).

(a)

faoi fho-roinn dar teideal 'Cé hé eisitheoir na n-urrús?', tuairisc ghairid ar eisitheoir na n-urrús, lena n-áirítear an fhaisnéis seo a leanas ar a laghad:

(b)

faoi fho-roinn dar teideal 'Cad í an fhaisnéis airgeadais bhunriachtanach a bhaineann leis an eisitheoir?' rogha d'fhaisnéis bhunriachtanach stairiúil airgeadais maidir le gach bliain airgeadais den tréimhse a chuimsítear leis an bhfaisnéis bhunriachtanach stairiúil airgeadais, agus maidir le haon tréimhse eatramhach airgeadais ina dhiaidh sin a bhfuil sonraí comparáideacha ón tréimhse chéanna sa bhliain airgeadais roimhe sin ag gabháil léi. Déanfar an ceanglas maidir le faisnéis chomparáideach ón gclár comhardaithe a chomhlíonadh tríd an bhfaisnéis ón gclár comhardaithe deiridh bliana a thabhairt. Áireofar san fhaisnéis bhunriachtanach airgeadais, i gcás inarb iomchuí, an méid a leanas:

(c)

faoi fho-roinn dar teideal “Cé na príomhrioscaí a bhaineann go sonrach leis an eisitheoir?” tuairisc ghearr ar na fachtóirí priacail is ábhartha a bhaineann leis an eisitheoir atá sa réamheolaire, agus nach mó ná líon iomlán na bhfachtóirí priacail a leagtar amach i mír 10.

(a)

faoi fho-roinn dar teideal 'Cad iad príomhghnéithe na n-urrús?', tuairisc ghairid ar na hurrúis atá á dtairiscint don phobal agus/nó atá á ligean isteach chun a dtrádála ar mhargadh rialáilte, lena n-áirítear an méid seo a leanas ar a laghad:

(b)

faoi fho-roinn dar teideal “Cá dtrádálfar na hurrúis?”, léiriú á thabhairt le fios an bhfuil nó an mbeidh na hurrúis faoi réir iarraitais lena ligean isteach chun a dtrádála ar mhargadh rialáilte nó chun a dtrádála ar shaoráid trádála iltaobhach agus ina sainaithneofar na margaí uile ina ndéantar nó ina ndéanfar na hurrúis a thrádáil.

(c)

i gcás ina bhfuil ráthaíocht ag gabháil leis na hurrúis, faoi fho-roinn dar teideal “An bhfuil ráthaíocht ag gabháil leis na hurrúis?” an fhaisnéis seo a leanas:

(d)

faoi fho-roinn dar teideal “Cé na príomhphriacail a bhaineann go sonrach leis na hurrúis?” tuairisc ghairid ar na fachtóirí priacail is ábhartha do na hurrúis go sonrach, atá sa réamheolaire, nach mó ná líon iomlán na bhfachtóirí priacail a leagtar amach i mír 10.

(a)

faoi fho-roinn dar teideal 'Cé na coinníollacha agus cén t-amchlár faoinar féidir liom infheistiú san urrús seo?', más infheidhme, téarmaí agus coinníollacha ginearálta na tairisceana agus an t-amchlár a bhfuil coinne leis, na mionsonraí a bhaineann leis an urrús a ligean isteach chun a thrádála ar mhargadh rialáilte, an plean dáileacháin, méid agus céatadán an chaolaithe a thiocfaidh láithreach as an tairiscint agus meastachán ar chostas iomlán na heisiúna agus/nó na tairisceana, lena n-áirítear meastachán ar an gcostas a ghearrfaidh an t-eisitheoir nó an tairgeoir ar an infheisteoir.

(b)

murab ionann é agus an t-eisitheoir, faoi fho-roinn dar teideal “Cé hé an tairgeoir agus/nó an duine atá ag iarraidh go ligfí urrúis isteach chun a dtrádála?”, tuairisc ghairid ar thairgeoir na n-urrús agus/nó ar an duine atá ag iarraidh go ligfí urrúis isteach chun a dtrádála ar mhargadh rialáilte, lena n-áirítear a shainchónaí agus a fhoirm dhlíthiúil, an dlí faoina bhfuil sé ag oibriú agus tír a chorpraithe;

(c)

faoi fho-roinn dar teideal “Cén fáth a bhfuil an réamheolaire seo á tháirgeadh?” tuairisc ghairid ar na cúiseanna atá leis an tairiscint nó leis na hurrúis a ligean isteach chun a dtrádála ar mhargadh rialáilte, agus, más infheidhme,

(a)

teimpléad dar teideal 'foirm na dtéarmaí críochnaitheacha', a bheidh le comhlánú maidir le gach eisiúint ar leith agus ina léirítear na roghanna atá ar fáil maidir leis an bhfaisnéis a bheidh le cinneadh i dtéarmaí críochnaitheacha na tairisceana;

(b)

seoladh an tsuímh gréasáin ar a bhfoilseofar na téarmaí críochnaitheacha.

(a)

gur chun críche an Rialacháin seo a ullmhaíodh na téarmaí críochnaitheacha agus nach mór iad a léamh in éineacht leis an réamheolaire bunaidh agus an forlíonadh nó na forlíontaí a ghabhann leis d'fhonn an fhaisnéis ábhartha go léir a fháil;

(b)

an áit ar foilsíodh an réamheolaire bunaidh agus an forlíonadh nó na forlíontaí a ghabhann leis i gcomhréir leis na socruithe a leagtar amach in Airteagal 21;

(c)

go bhfuil achoimre den eisiúint ar leith i gceangal leis na téarmaí críochnaitheacha.

(a)

an fhaisnéis atá sa doiciméad clárúcháin, nó sa doiciméad clárúcháin uilíoch;

(b)

an fhaisnéis a bheadh i nóta ábhartha mínithe na n-urrús, dá mba ann dó, amach ó na téarmaí críochnaitheacha i gcás nach n-áirítear na téarmaí críochnaitheacha sa réamheolaire bunaidh.

(a)

an fhaisnéis bhunriachtanach sa réamheolaire bunaidh, lena n-áirítear an fhaisnéis bhunriachtanach faoin eisitheoir;

(b)

an fhaisnéis bhunriachtanach sna téarmaí críochnaitheacha iomchuí lena n-áirítear an fhaisnéis bhunriachtanach nár áiríodh sa réamheolaire bunaidh.

(a)

le linn don eisitheoir gach doiciméad clárúcháin uilíoch a chomhdú nó a chur isteach lena fhormheas, go ndearbhaíonn sé i scríbhinn don údarás inniúil, chomh fada agus is eol dó, go bhfuil an fhaisnéis rialáilte go léir a raibh ceangal air a nochtadh faoi Threoir 2004/109/CE, más infheidhme, agus faoi Rialachán (AE) Uimh. 596/2014, gur cumhdaíodh í agus gur foilsíodh í i gcomhréir leis na gníomhartha sin, le 18 mí anuas nó le linn na tréimhse ónar thosaigh an oibleagáid chun faisnéis rialáilte a nochtadh, cibé tréimhse acu is giorra; agus

(b)

i gcás ina bhfuil athbhreithniú déanta ag an údarás inniúil amhail dá dtagraítear i mír 8, go mbeidh a dhoiciméad clárúcháin uilíoch leasaithe ag an eisitheoir i gcomhréir le mír 9.

(a)

liosta crostagartha a chur san áireamh sa doiciméad clárúcháin uilíoch lena sainaithneofar an áit ar féidir teacht ar gach mír sa doiciméad clárúcháin uilíoch, is míreanna a cheanglaítear sna tuarascálacha bliantúla agus leathbhliantúla airgeadais;

(b)

an doiciméad clárúcháin uilíoch a chomhdú i gcomhréir le hAirteagal 19(1) de Threoir 2004/109/CE agus é a chur ar fáil don sásra atá ceaptha go hoifigiúil dá dtagraítear in Airteagal 21(2) den Treoir sin;

(c)

ráiteas freagrachta a chur sa doiciméad clárúcháin uilíoch de réir na dtéarmaí a cheanglaítear faoi phointe (c) d'Airteagal 4(2) agus pointe (c) d'Airteagal 5(2) de Threoir 2004/109/CE.

(a)

má tá sí míthreorach, míchruinn nó neamhréireach nuair a léitear in éineacht le codanna eile den réamheolaire í, nó

(b)

mura dtugtar, nuair a léitear in éineacht le codanna eile den réamheolaire í, faisnéis bhunriachtanach inti chun cabhrú le hinfheisteoirí agus é á bhreithniú acu ar cheart dóibh infheistiú sna hurrúis sin.

(a)

na cineálacha éagsúla faisnéise faoi urrúis chothromais i gcomparáid le hurrúis neamhchothromais a bheidh de dhíth ar infheisteoirí; cur chuige comhsheasmhach a ghlacadh maidir leis an bhfaisnéis is gá a chur i réamheolaire i gcás urrúis a bhfuil réasúnaíocht eacnamaíoch den chineál céanna leo, go háirithe urrúis dhíorthacha;

(b)

na caíonna éagsúla le hurrúis neamhchothromais a thairiscint agus a ligean isteach chun a dtrádála ar mhargadh rialáilte agus na tréithe éagsúla a bhaineann leo;

(c)

an fhormáid a úsáidtear agus an fhaisnéis faoi urrúis neamhchothromais, gach cineál barántais san áireamh, is gá a chur i réamheolairí bunaidh;

(d)

más infheidhme, cineál poiblí an eisitheora;

(e)

más infheidhme, cineál sonrach ghníomhaíochtaí an eisitheora.

(a)

nach bhfuil le trádáil ach ar mhargadh rialáilte amháin, nó ar chuid shonrach de, a bhféadfaidh infheisteoirí cáilithe, agus iad sin amháin, rochtain a bheith acu air chun críocha trádáil sna hurrúis sin; nó

(b)

a bhfuil ainmníocht EUR 100 000 ar a laghad acu in aghaidh an aonaid.

(a)

eisitheoirí ar ligeadh urrúis dá gcuid isteach chun a dtrádála go leanúnach ar feadh ar a laghad na 18 mí roimhe sin ar mhargadh rialáilte nó ar mhargadh fáis FBManna agus a eisíonn urrúis atá idirmhalartach le hurrúis a eisíodh cheana;

(b)

eisitheoirí ar ligeadh urrúis chothromais dá gcuid isteach chun a dtrádála go leanúnach ar feadh ar a laghad na 18 mí roimhe sin ar mhargadh rialáilte nó ar mhargadh fáis FBManna agus a eisíonn urrúis neamhchothromais.

(c)

eisitheoirí urrús, ar ligeadh na hurrúis sin isteach chun a dtrádála go leanúnach ar feadh ar a laghad na 18 mí roimhe sin ar mhargadh rialáilte nó ar mhargadh fáis FBManna.

(a)

ionchais an eisitheora agus na hathruithe móra a tháinig ar ghnó agus ar staid airgeadais an eisitheora agus an ráthóra ó dheireadh na bliana airgeadais deireanaí, más ann dóibh:

(b)

na cearta a théann leis na hurrúis;

(c)

na cúiseanna atá leis an eisiúint agus an tionchar a bheidh aige ar an eisitheoir, lena n-áirítear ar a struchtúr foriomlán caipitil, agus an úsáid a bhaintear as na fáltais.

(a)

An fhaisnéis bhliantúil agus leathbhliantúil airgeadais a foilsíodh sna 12 mhí roimh don réamheolaire a bheith formheasta;

(b)

i gcás inarb infheidhme, réamhfhaisnéisí agus meastacháin bhrabúis;

(c)

achoimre bheacht na faisnéise ábhartha a nochtadh faoi Rialachán (AE) Uimh. 596/2014 le linn na 12 mhí roimh don réamheolaire a bheith formheasta;

(d)

fachtóirí priacail;

(e)

i gcás urrúis chothromais, ráiteas an chaipitil oibre, an ráiteas caipitlithe agus fiachais, nochtadh coinbhleachtaí ábhartha leasa agus idirbhearta le páirtithe bainteacha, mór-scairshealbhóirí agus, i gcás inarb infheidhme, faisnéis airgeadais pro-forma.

(a)

FBManna;

(b)

eisitheoirí, nach FBManna iad, a bhfuil nó a mbeidh a n-urrúis á dtrádáil ar mhargadh fáis FBManna, ar choinníoll go raibh meánchaipitiliú margaidh ar lú é ná EUR 500 000 000 ag na heisitheoirí sin ar bhonn luachanna dheireadh na bliana do na trí bliana féilire roimhe sin;

(c)

eisitheoirí, cé is moite díobh siúd dá dtagraíteari bpointe (a) agus i bpointe (b), i gcás nach mó ná EUR 20 000 000 an tairiscint iomlán urrús don phobal san Aontas arna ríomh thar thréimhse 12 mhí, agus ar choinníoll nach bhfuil aon urrúis de chuid na n-eisitheoirí sin á dtrádáil ar MTF agus nach mó ná 499 meánlíon a bhfostaithe i rith na bliana airgeadais roimhe sin;

(d)

tairgeoirí urrúis arna n-eisiúint ag eisitheoirí dá dtagraítear i bpointí (a) agus (b).

(a)

an fhaisnéis atá ábhartha d’infheisteoirí agus cinneadh infheistíochta á dhéanamh acu;

(b)

an gá le comhréireacht idir méid na cuideachta agus an costas a bhaineann le réamheolaire a chur ar fáil.

(a)

an gá le háirithiú gur éadroime an réamheolaire Fáis de chuid AE ná na réamheolairí caighdeánacha ó thaobh na hualaí riaracháin agus ó thaobh an chostais do na heisitheoirí;

(b)

an gá atá le rochtain ar mhargaí caipitil a éascú do FBManna, costais do FBManna a íoslaghdú agus muinín na n-infheisteoirí a áirithiú agus iad ag infheistiú sna cuideachtaí sin;

(c)

na cineálacha éagsúla faisnéise a bhaineann le hurrúis chothromais agus le hurrúis neamhchothromais a bhfuil gá ag infheisteoirí leo.

(a)

féadfar glacadh an cheannaigh nó suibscríbhinn na n-urrús a tharraingt siar go ceann dhá lá oibre ar a mhéad nuair a bheidh praghas na tairisceana deiridh agus/nó líon na n-urrús a tairgtear don phobal comhdaithe; nó

(b)

déanfar na nithe seo a leanas a nochtadh sa réamheolaire:

(a)

go mbeadh nochtadh na faisnéise sin in aghaidh leas an phobail;

(b)

go ndéanfadh nochtadh na faisnéise sin dochar tromchúiseach don eisitheoir nó don ráthóir, más ann dó, ar choinníoll nach mbeadh mar thoradh ar an bhfaisnéis sin a fhágáil ar lár gur dhócha go gcuirfí an pobal amú maidir le fíricí agus tosca atá bunriachtanach le measúnú feasach a dhéanamh ar an eisitheoir nó ar an ráthóir, más ann dó, agus ar na cearta a théann leis na hurrúis a mbaineann an réamheolaire leo;

(c)

nach bhfuil mórán tábhachta leis an bhfaisnéis sin maidir le tairiscint ar leith nó maidir le hurrúis a ligean isteach chun a dtrádála ar mhargadh rialáilte ar leith agus nach n-imreodh sé tionchar ar mheasúnú staid agus ionchais airgeadais an eisitheora nó an ráthóra, más ann dó.

(a)

doiciméid atá formheasta ag údarás inniúil, nó a comhdaíodh leis an údarás sin, i gcomhréir leis an Rialachán seo nó le Treoir 2003/71/CE;

(b)

doiciméid dá dtagraítear i bpointí (f) go (i) d’Airteagal 1(4) agus pointí (e) go (h) agus pointe (j)(v) den chéad fhomhír d'Airteagal 1(5);

(c)

faisnéis rialáilte;

(d)

faisnéis airgeadais bhliantúil agus eatramhach;

(e)

tuarascálacha iniúchóireachta agus ráitis airgeadais;

(f)

tuarascálacha bainistíochta amhail dá dtagraítear i gCaibidil 5 de Threoir 2013/34/AE ó Pharlaimint na hEorpa agus ón gComhairle (22);

(g)

ráitis rialachais chorparáidigh amhail dá dtagraítear in Airteagal 20 de Threoir 2013/34/AE;

(h)

tuarascálacha ar luach sócmhainne nó cuideachta a chinneadh;

(i)

tuarascálacha ar luach saothair amhail dá dtagraítear in Airteagal 9b de Threoir 2007/36/CE ó Pharlaimint na hEorpa agus ón gComhairle (23);

(j)

tuarascálacha bliantúla nó aon nochtadh faisnéise a cheanglaítear faoi Airteagal 22 agus Airteagal 23 de Threoir 2011/61/AE ó Pharlaimint na hEorpa agus ón gComhairle (24);

(k)

meamram agus airteagail chomhlachais.

(a)

tabharfaidh sé fógra don eisitheoir, don tairgeoir nó don duine atá ag iarraidh go ligfí urrúis isteach chun a dtrádála ar mhargadh rialáilte faoi sin go pras, agus ar a dhéanaí laistigh de na teorainneacha ama a leagtar amach sa chéad fhomhír de mhír 2 nó, de réir mar is infheidhme, de mhír 3, arna ríomh ón dáta a cuireadh isteach an dréacht-réamheolaire agus/nó an fhaisnéis fhorlíontach; agus

(b)

sonróidh sé na hathruithe nó an fhaisnéis fhorlíontach sin is gá ar bhealach soiléir.

(a)

suíomh gréasáin an eisitheora, an tairgeora nó an duine atá ag iarraidh go ligfí urrúis isteach chun a dtrádála ar mhargadh rialáilte,

(b)

suíomh gréasáin na n-idirghabhálaithe airgeadais a chuireann na hurrúis ar fáil nó a dhíolann iad, lena n-áirítear gníomhairí íocaíochta;

(c)

suíomh gréasáin an mhargaidh rialáilte ar a n-iarrtar urrúis a ligean isteach chun a dtrádála nó i gcás nach bhfuiltear ag iarraidh aon ligean isteach chun trádála ar mhargadh rialáilte, suíomh gréasáin oibreoir na MTF.

(a)

a nochtadh do na hinfheisteoirí eile go léir a bhfuil an tairiscint dírithe orthu, i gcás nach gceanglaítear réamheolaire a fhoilsiú i gcomhréir le hAirteagal 1(4) nó (5); nó

(b)

a áireamh sa réamheolaire nó i bhforlíonadh ar an réamheolaire i gcomhréir le hAirteagal 23(1), i gcás ina gceanglaítear réamheolaire a fhoilsiú.

(a)

nach dtugtar ceart chun tarraingt siar ach amháin do na hinfheisteoirí sin a raibh sé comhaontaithe acu na hurrúis a cheannach nó a shuibscríobh sular foilsíodh an forlíonadh agus i gcás nach raibh na hurrúis tugtha fós do na hinfheisteoirí an tráth ar tháinig an fachtóir nua tábhachtach, an botún substainte nó an míchruinneas substainte chun solais nó an tráth ar tugadh faoi deara é;

(b)

an tréimhse ina bhféadann infheisteoirí an ceart chun tarraingt siar a fheidhmiú; agus

(c)

cé leis a bhféadann na hinfheisteoirí dul i dteagmháil i gcás inar mian leo an ceart chun tarraingt siar a fheidhmiú.

(a)

beidh fáil ar achoimre ar an eisiúint ar leith atá ag gabháil leis na téarmaí i dteanga oifigiúil nó ina laghad ceann amháin de theangacha oifigiúla an Bhallstáit óstaigh, nó i dteanga eile lena ghlacann údarás inniúil an Bhallstáit óstaigh, i gcomhréir leis an dara fomhír de mhír 2 nó an dara fomhír de mhír 3, de réir mar is infheidhme;

(b)

i gcás ina bhfuil an réamheolaire bunaidh le haistriú de bhun mhír 2 nó mhír 3 de réir mar a bheidh infheidhme, beidh na téarmaí críochnaitheacha agus achoimre gach eisiúna ar leith a ghabhann leo faoi réir na gceanglas céanna aistriúcháin atá ar an réamheolaire bunaidh.

(a)

nach ndéanfar na hurrúis sin a thrádáil ach amháin ar mhargadh rialáilte, nó ar chuid shonrach de mhargadh rialáilte, nach bhfuil ach infheisteoirí cáilithe in ann rochtain a fháil uirthi chun na hurrúis sin a thrádáil; nó

(b)

go bhfuil ainmníocht ag na hurrúis sin arb ionann í agus EUR 100 000 in aghaidh an aonaid í ar a laghad.

(a)

go bhfuil na ceanglais faisnéise a fhorchuirtear le dlíthe na tríú tír sin coibhéiseach leis na ceanglais faoin Rialachán seo; agus

(b)

go bhfuil socruithe comhair déanta ag an mBallstát baile le húdaráis ábhartha mhaoirseachta an eisitheora i dtríú tír i gcomhréir le hAirteagal 30.

(a)

na cúraimí atá le cur i gcrích agus na coinníollacha faoina ndéanfar sin

(b)

clásal faoina gcuirfear d'oibleagáid ar an tríú páirtí gníomhú agus a bheith eagraithe chun go seachnófar coinbhleachtaí leasa agus chun a áirithiú nach mbainfear úsáid mhíchothrom as an bhfaisnéis a fhaightear le linn do na cúraimí tarmligthe a bheith á gcur i gcrích nó nach gcuirfear cosc ar iomaíocht; agus

(c)

na socruithe go léir a dhéanann an t-údarás inniúil agus an tríú páirtí a dtarmligtear cúraimí chuige.

(a)

ceangal a chur ar eisitheoirí, ar thairgeoirí nó ar dhaoine atá ag iarraidh go ligfí urrúis isteach chun a dtrádála ar mhargadh rialáilte faisnéis fhorlíontach a chur sa réamheolaire, más gá, chun infheisteoirí a chosaint;

(b)

ceangal a chur ar eisitheoirí, ar thairgeoirí nó ar dhaoine atá ag iarraidh go ligfí urrúis isteach chun a dtrádála ar mhargadh rialáilte, agus na daoine a rialaíonn iad nó a rialaíonn siad, doiciméid agus faisnéis a chur ar fáil;

(c)

ceangal a chur ar iniúchóirí agus ar bhainisteoirí an eisitheora, an tairgeora nó an duine atá ag iarraidh go ligfí urrúis isteach chun a dtrádála ar mhargadh rialáilte, agus ar idirghabhálaithe airgeadais arna gcoimisiúnú chun urrúis a thairiscint don phobal nó a ligean isteach chun a dtrádála ar mhargadh rialáilte, faisnéis a sholáthar;

(d)

tairiscint don phobal nó cead urrúis a ligean isteach chun a dtrádála ar mhargadh rialáithe a chur ar fionraí go ceann tréimhse nach faide na 10 lá oibre as a chéile ar aon ócáid ar leithligh i gcás ina bhfuil forais réasúnacha drochamhrais ann go ndearnadh sárú ar an Rialacháin seo;

(e)

fógráin a thoirmeasc nó a chur ar fionraí nó ceangal a chur ar eisitheoirí, ar thairgeoirí nó ar dhaoine atá ag iarraidh go ligfí urrúis isteach chun a dtrádála ar mhargadh rialáilte, nó ar idirghabhálaithe airgeadais ábhartha scor d'fhógráin nó iad a chur ar fionraí go ceann tréimhse nach faide ná 10 lá oibre as a chéile ar aon ócáid ar leithligh i gcás ina bhfuil forais réasúnacha ann chun a chreidiúint go ndearnadh sárú ar an Rialacháin seo;

(f)

tairiscint don phobal nó cead urrúis a ligean isteach chun a dtrádála ar mhargadh rialáilte a thoirmeasc i gcás ina gcinneann siad go ndearnadh sárú ar an Rialacháin seo nó i gcás ina bhfuil forais réasúnacha drochamhrais ann go ndéanfaí é a shárú;

(g)

trádáil ar mhargadh rialáilte, ar MTFanna nó ar OTFanna a chur ar fionraí nó a cheangal ar na margaí rialáilte ábhartha, na MTFannaábhartha nó na OTFábhartha an céanna a chur ar fionraí go ceann tréimhse nach faide ná 10 lá oibre as a chéile ar aon ócáid ar leithligh i gcás ina bhfuil forais réasúnacha ann chun a chreidiúint go ndearnadh sárú ar an Rialacháin seo;

(h)

trádáil ar mhargadh rialáilte, ar MTF nó ar OTF a thoirmeasc i gcás ina gcinneann siad go ndearnadh sárú ar an Rialacháin seo;

(i)

i gcás ina bhfuil eisitheoir, tairgeoir nó an duine atá ag iarraidh go ligfí urrúis isteach chun a dtrádála ar mhargadh rialáilte ag mainneachtain a oibleagáidí a chomhlíonadh, an méid sin a phoibliú;

(j)

an grinnscrúdú ar réamheolaire a tíolacadh lena fhormheas a chur ar fionraí nó tairiscint don phobal nó cead urrúis a ligean isteach chun a dtrádála ar mhargadh rialáilte a chur ar fionraí nó a shrianadh i gcás ina bhfuil an chumhacht atá ag an údarás inniúil á feidhmiú aige toirmeasc nó srian a fhorchur de bhun Airteagal 42 de Rialachán (AE) Uimh. 600/2014 ó Pharlaimint na hEorpa agus ón gComhairle (26), go dtí go mbeidh deireadh leis an toirmeasc nó leis an srian sin;

(k)

formheas a dhiúltú maidir le haon réamheolaire arna tharraingt suas ag eisitheoir, tairgeoir nó duine áirithe atá ag iarraidh go ligfí urrúis isteach chun a dtrádála ar mhargadh rialáilte go ceann uastréimhse cúig bliana, i gcás ina mbeidh sáruithe tromchúiseacha déanta arís is arís eile ar an Rialacháin seo ag an eisitheoir, an tairgeoir, nó an duine sin atá ag iarraidh go ligfí urrúis isteach chun a dtrádála ar mhargadh rialáilte;

(l)

gach faisnéis ábhartha, a bhféadfadh éifeacht a bheith aici ar mheasúnú na n-urrús, a thairgtear don phobal nó a ligtear isteach chun a dtrádála ar mhargaí rialáilte, a nochtadh, nó a cheangal ar an eisitheoir í a nochtadh, d'fhonn cosaint an infheisteora nó oibriú rianúil an mhargaidh a áirithiú;

(m)

urrúis a chur ar fionraí nó ceangal a chur ar an margadh rialáilte ábhartha, MTFnó OTFtrádáil na n-urrús a chur ar fionraí i gcás ina measann siad gur de chineál é cás an eisitheora go ndéanfaí dochar do leasanna infheisteoirí leis an trádáil;

(n)

cigireachtaí nó imscrúduithe ar an láthair a dhéanamh ag láithreacha seachas áiteanna cónaithe príobháideacha daoine nádúrtha agus, chun na críche sin, dul isteach in áitreabh chun rochtain a fháil ar dhoiciméid agus ar shonraí eile i bhfoirm ar bith, i gcás ina bhfuil amhras réasúnach ann go bhféadfadh doiciméid agus sonraí eile a bhaineann le hábhar na cigireachta nó an imscrúduithe a bheith ábhartha chun sárú ar an Rialachán a chruthú.

(a)

go díreach;

(b)

i gcomhar le húdaráis eile;

(c)

trína bhfhreagracht a tharmligean d'údaráis den chineál sin;

(d)

trí iarratas a chur chuig na húdaráis bhreithiúnacha inniúla.

(a)

i gcás inar dóchúil go ndéanfaí dochar dá imscrúdú féin, dá ghníomhaíochtaí forfheidhmiúcháin féin nó d'imscrúdú coiriúil, dá gcomhlíonfaí an iarraidh;

(b)

i gcás ina ndearnadh imeachtaí breithiúnacha a thionscnamh cheana féin i ndáil leis na gníomhaíochtaí céanna agus i gcoinne na ndaoine céanna os comhair údaráis an Bhallstáit ar díríodh an iarraidh sin chuige;

(c)

i gcás inar tugadh breithiúnas críochnaitheach cheana féin i ndáil leis na daoine sin agus ag éirí as na gníomhaíochtaí céanna sa Bhallstát ar díríodh an iarraidh chuige.

(a)

cigireacht nó imscrúdú ar an láthair a dhéanamh as a stuaim féin;

(b)

cead a thabhairt don údarás inniúil a thíolaic an iarraidh páirt a ghlacadh i gcigireacht nó in imscrúdú ar an láthair;

(c)

cead a thabhairt don údarás inniúil a thíolaic an iarraidh cigireacht nó imscrúdú ar an láthair a dhéanamh as a stuaim féin;

(d)

iniúchóirí nó saineolaithe a cheapadh leis an gcigireacht nó imscrúdú ar an láthair a dhéanamh:

(e)

cúraimí ar leith a bhaineann le gníomhaíochtaí maoirseachta a roinnt leis na húdaráis inniúla eile.

(a)

sáruithe ar Airteagal 3, Airteagal 5, Airteagal 6, Airteagal 7(1) go (11), Airteagal 8, Airteagal 9, Airteagal 10, Airteagal 11(1) agus (3),Airteagal 14(1) agus (2), Airteagal 15(1), Airteagal 16(1), (2) agus (3), Airteagal 17, Airteagal 18, Airteagal 19(1) go (3), Airteagal 20(1), Airteagal 21(1) go (4) agus (7) go (11), Airteagal 22(2) go (5), Airteagal 23 (1), (2), (3) agus (5), agus Airteagal 27;

(b)

mainneachtain ó thaobh comhar nó comhlíonadh de i ndáil le himscrúdú nó le cigireacht, nó le hiarraidh a chumhdaítear le hAirteagal 32.

(a)

ráiteas poiblí ina gcuirtear in iúl an duine nádúrtha nó an t-eintiteas dlítheanach atá freagrach as an sárú agus cineál an tsáraithe i gcomhréir le hAirteagal 42;

(b)

ordú lena gceanglaítear ar an duine nádúrtha nó ar an eintiteas dlítheanach atá freagrach as an sárú scor den iompraíocht arb ionann í agus an sárú;

(c)

smachtbhannaí uasta airgid riaracháin ar luach dhá oiread ar a laghad de mhéid na mbrabús a gnóthaíodh nó na gcaillteanas a seachnaíodh mar gheall ar an sárú, i gcás inar féidir sin a chinneadh;

(d)

i gcás duine dlítheanach, smachtbhannaí uasta airgid riaracháin ar luach EUR 5 000 000 ar a laghad nó, sna Ballstáit nach é an euro an t-airgeadra iontu, an luach comhfhreagrach san airgeadra náisiúnta ar an 20 Iúil 2017, nó 3 % de láimhdeachas bliantúil iomlán an duine dhlítheanaigh sin de réir na ráiteas airgeadais deireanach atá ar fáil a d'fhormheas an comhlacht bainistíochta.

I gcás inar máthairghnóthas nó fochuideachta de chuid máthairghnóthais an duine dlítheanach a bhfuil sé de cheangal air cuntais airgeadais chomhdhlúite a ullmhú i gcomhréir le Treoir 2013/34/AE, is éard a bheidh sa láimhdeachas bliantúil iomlán ábhartha an láimhdeachas bliantúil iomlán nó an cineál ioncaim comhfhreagrach i gcomhréir le dlí ábhartha an Aontais i réimse na cuntasaíochta de réir na gcuntas comhdhlúite is déanaí atá ar fáil a d'fhormheas comhlacht bainistíochta an mháthairghnóthais deiridh.

(e)

i gcás duine nádúrtha, smachtbhannaí uasta airgid riaracháin ar luach EUR 700 000 ar a laghad nó, sna Ballstáit nach é an euro an t-airgeadra iontu, an luach comhfhreagrach san airgeadra náisiúnta ar an 20 Iúil 2017.

(a)

tromchúis agus fad an tsáraithe;

(b)

méid freagrachta an duine atá freagrach as an sárú;

(c)

acmhainn airgeadais an duine atá freagrach as an sárú, de réir mar a léiríonn láimhdeachas iomlán an duine dhlítheanaigh atá freagrach as nó ioncam bliantúil agus glansócmhainní an duine nádúrtha atá freagrach as;

(d)

an tionchar atá ag an sárú ar leasanna infheisteoirí miondíola;

(e)

méid na mbrabús a ghnóthaigh an duine atá freagrach as an sárú, nó méid na gcaillteanas a sheachain an duine atá freagrach as, nó méid na gcaillteanas a thagann as an sárú do thríú páirtithe, a mhéid is féidir iad a chinneadh;

(f)

a mhéid atá an duine atá freagrach as an sárú ag comhoibriú leis an údarás inniúil, gan dochar don ghá aisíoc na mbrabús a ghnóthaigh an duine sin nó aisíoc na gcaillteanas a sheachain sé a áirithiú;

(g)

sáruithe roimhe sin ag an duine atá freagrach as an sárú;

(h)

bearta a rinne an duine atá freagrach as an sárú, i ndiaidh an tsáraithe, chun athdhéanamh an tsáraithe a chosc.

(a)

nósanna imeachta sainiúla maidir le fáil na dtuairiscí ar sháruithe iarbhír nó féideartha agus gníomhaíochtaí leantacha ina leith, lena n-áirítear cainéil shlána chumarsáide a bhunú i leith na dtuairiscí sin;

(b)

cosaint iomchuí, ar a laghad, ar fhrithbheartaíocht, ar idirdhealú agus ar chóir neamhchothrom de chineálacha eile a dhéanfadh fostóirí nó tríú páirtithe ar na fostaithe sin atá ar conradh fostaíochta agus a thuairiscíonn sáruithe;

(c)

cosaint a thabhairt do chéannacht agus do shonraí pearsanta an duine a thuairiscíonn na sáruithe agus an duine nádúrtha a líomhnaítear gurb é atá freagrach as sárú agus an chosaint a thabhairt le linn gach céime den nós imeachta ach amháin más gá sin a nochtadh faoin dlí náisiúnta i gcomhthéacs imscrúdú breise nó nósanna imeachta breithiúnacha ina dhiaidh sin.

(a)

cuirfidh siad siar fhoilsiú an chinnidh chun smachtbhanna nó beart a fhorchur i gcás go dtagann deireadh le cúiseanna a neamhfhoilsithe;

(b)

an cinneadh smachtbhanna nó beart a fhorchur a fhoilsiú ar bhonn anaithnid, ar bhealach atá i gcomhréir leis an dlí náisiúnta, má áirithítear le foilsiú anaithnid dá leithéid cosaint éifeachtach ar na sonraí pearsanta lena mbaineann;

(c)

ní fhoilseoidh siad an cinneadh maidir le smachtbhanna nó beart a fhorchur i gcás ina meastar nach leor na roghanna a leagtar síos i bpointe (a) agus i bpointe (b) chun an méid seo a leanas a áirithiú:

(a)

phointe (a) agus phointe (g) d’Airteagal 4(2) de Threoir 2003/71/CE, a aisghairtear le héifeacht ón 20 Iúil 2017: agus

(b)

phointe (h) d’Airteagal 1(2) agus phointe (e) d'Airteagal 3(2) de Threoir 2003/71/CE, a aisghairtear le héifeacht ón 21 Iúil 2018.

(a)

na cineálacha eisitheoirí, go háirithe na catagóirí eintiteas dá dtagraítear i bpointí (a) go (d) d’Airteagal 15(1): agus

(b)

na cineálacha eisiúintí, go háirithe comaoin iomlán na dtairiscintí, na cineálacha urrús inaistrithe, na cineálacha an ionaid trádála agus na hainmníochta.

(a)

anailís ar an méid úsáide a bhaintear, ar fud an Aontais, as na córais nochta a leagtar amach in Airteagal 14 agus in Airteagal 15 agus as an doiciméad clárúcháin uilíoch dá dtagraítear in Airteagal 9;

(b)

staitisticí faoi na réamheolairí bunaidh agus na téarmaí críochnaitheacha, agus faoi réamheolairí a tarraingíodh suas mar dhoiciméid ar leithligh nó mar dhoiciméad amháin;

(c)

staitisticí faoi mheánchomaoin agus faoi chomaoin iomlán na dtairiscintí urrús don phobal faoi réir an Rialacháin seo, ag cuideachtaí neamhliostaithe, cuideachtaí a bhfuil a n-urrúis á dtrádáil ar MTFanna, lena n-áirítear margaí fáis FBManna, agus cuideachtaí a ligtear isteach a n-urrúis chun a dtrádála ar mhargaí rialáilte. I gcás inarb infheidhme, úsáidfear na staitisticí sin chun miondealú a dhéanamh idir na chéad tairiscintí don phobal agus tairiscintí ina dhiaidh sin, agus idir urrúis chothromais agus urrúis neamhchothromais;

(d)

staitisticí maidir le húsáid na nósanna imeachta um fhógra a thabhairt atá in Airteagal 25 agus Airteagal 26, lena n-áirítear miondealú in aghaidh an Bhallstáit maidir le líon na ndeimhnithe formheasa ar tugadh fógra maidir leo i ndáil le réamheolairí, doiciméid chlárúcháin agus doiciméid clárúcháin uilíoch.

(a)

an líon réamheolairí Fáis de chuid AE atá ag eintitis i ngach ceann de na ceithre chatagóir dá dtagraítear i bpointe (a) go pointe (d) d’Airteagal 15(1) agus anailís ar éabhlóid an lín sin agus ar na treochtaí ó thaobh rogha ionaid trádála na daoine atá i dteideal an réamheolaire Fáis de chuid AE a úsáid;

(b)

anailís ar cibé acu a aimsítear nó nach n-aimsítear, a bhuí leis an réamheolaire Fáis de chuid AE, cothromaíocht chuí idir cosaint infheisteoirí agus na hualaí riaracháin a laghdú do na daoine atá i dteideal é a úsáid.