Breithiúnas na Cúirte Breithiúnais (an Naoú Dlísheomra) an 12 Meitheamh 2025 (iarraidh ar réamhrialú ón Retten i Svendborg – an Danmhairg) – Deutsche Rentenversicherung Nord, BG Verkehr v Gjensidige Forsikring, ar fochuideachta Dhanmhargach é de chuid Gjensidige Forsikring ASA, Norvège ag gníomhú mar ionadaí Marius Pedersen A/S, Gjensidige Forsikring, ar fochuideachta Dhanmhargach é de chuid Gjensidige Forsikring ASA, Norvège

(Cás C-7/24  (1) , Deutsche Rentenversicherung Nord agus BG Verkehr)

(Tarchur chun réamhrialú - Slándáil shóisialta - Oibrithe imirceacha - Comhordú na gCóras Slándála Sóisialta - Rialachán (CE) Uimh. 883/2004 - Airteagal 85(1) - Íocaíochtaí atá dlite de réir reachtaíocht Bhallstáit ar dhíobháil arna déanamh i mBallstát eile - Ceart cúláraigh ag na hinstitiúidí ag a bhfuil íocaíocht le déanamh i gcoinne an tríú páirtí atá freagrach - Cearta atá ag an íospartach - Seachaíocht - Teorainneacha)

(C/2025/4126)

Teanga an cháis an Danmhairgis

An chúirt a rinne an tarchur

Retten i Svendborg

Páirtithe sna príomhimeachtaí

Iarratasóirí: Deutsche Rentenversicherung Nord, BG Verkehr

Cosantóirí: Gjensidige Forsikring, ar fochuideachta Dhanmhargach é de chuid Gjensidige Forsikring ASA, Norvège ag gníomhú mar ionadaí Marius Pedersen A/S, Gjensidige Forsikring, ar fochuideachta Dhanmhargach é de chuid Gjensidige Forsikring ASA, Norvège

Ábhar

Maidir le hAirteagal 85(1) de Rialachán (CE) Uimh. 883/2004 ó Pharlaimint na hEorpa agus ón gComhairle an 29 Aibreán 2004 maidir le comhordú na gcóras slándála sóisialta,

Ní mór léiriú a dhéanamh mar seo a leanas:

i gcás ina bhfaigheann duine pinsean baintrí i ndiaidh bhás a chéile de dheasca tionóisc cheirde a tharla i mBallstát eile de réir reachtaíocht an Bhallstáit ina bhfuil sainchónaí air, agus ina bhforáiltear le reachtaíocht an Bhallstáit ina bhfuil sainchónaí air do cheart ar sheachú an chirt i leith tríú páirtí a bhfuil an díobháil a dhéantar tríd an tionóisc cheirde sin le cúiteamh aige don institiúid ag a bhfuil íocaíocht le déanamh, níl an chaingean le haghaidh slánaíochta ag an institiúid sin a bhfuil an pinsean le híoc aici ag brath ar bhunús dlí a bheith sa Bhallstát inar tharla an tionóisc cheirde lena leithéid de phinsean nó a chomhionann d’íocaíocht a fháil, sa mhéid gur leor go bhfuil na híocaíochtaí i ndiaidh an teagmhais is cúis leo, ar nós tionóisc cheirde, dá bhforáiltear le dlíchórais na mBallstát lena mbaineann ag teacht le chéile a ndóthain sin, ó thaobh na gcuspóirí nó a gcríoch, go bhféadfadh baint a bheith ag an gceart ar sheachaíocht dá dtagraítear i reachtaíocht an Bhallstáit ina bhfuil sainchónaí air agus dá dtagraítear in Airteagal 85(1) de Rialachán Uimh. 883/2004 leis an íocaíocht dá dtagraítear sa Bhallstát inar tharla an díobháil.

---

(1)  IO C, C/2024/1847