IARSCRÍBHINN I

DUALGAIS

EPSO/AD/364/19 — OIFIGIGH SLÁNDÁLA (AD 7)

Réimse 1. Oibríochtaí slándála

Tá seirbhísí slándála na n-institiúidí ar lorg oifigigh arb é an príomhchúram a bheidh orthu cúram a dhéanamh de go mbeidh daoine agus maoin maille le faisnéis íogair agus rúnaicmithe slán sábháilte, agus a mbeidh sé ar a gcumas freisin foirne a bhíonn ag obair ar bhonn 24/7 a chomhordú.

Is féidir go mbeidh siad seo ar na cúraimí a bheidh le déanamh:

—

seirbhísí oibríochtúla slándála amhail seirbhísí frithfhaisnéise, frithsceimhlitheoireachta, OSINT, imscrúduithe, idirghabhála slándála agus seirbhísí maoirseachta ar ghníomhairí slándála agus/nó seirbhísí dlúthchosanta daoine mór le rá, na seirbhísí sin a bhainistiú, a chur i bhfeidhm agus a chomhordú;

—	an fhreagairt ar éigeandálaí a bhainistiú agus a chomhordú (agus sin a dhéanamh ar bhonn 24/7 más gá) i gcásanna ina bhféadfaí slándáil daoine, sócmhainní nó faisnéise a chur i mbaol, agus dul i gcomhar le fórsaí póilíneachta agus ranna ceartais na mBallstát chuige sin;

—	buiséad agus conarthaí na roinne a bhainistiú, a chur i bhfeidhm agus a chomhordú i réimsí amhail conarthaí do ghardaí slándála nó gnéithe eile a bhaineann leis na seirbhísí oibríochtúla slándála;

—	faisnéis a bhailiú, a anailísiú agus a phróiseáil ó fhoinsí éagsúla a bhaineann le bagairtí slándála atá roimh institiúidí an Aontais Eorpaigh, agus lena leasanna, a ngníomhaíochtaí agus a leochaileachtaí i dtaca leis na rioscaí ábhartha;

—	cuidiú a thabhairt beartas bainistithe géarchéimeanna a ullmhú;

—	foireann nó foirne a chomhordú nó a stiúradh agus imscrúduithe slándála a dhéanamh sna hinstitiúidí agus dul i gcomhar le fórsaí póilíneachta agus le ranna ceartais na mBallstát i dtaobh le coireanna agus oilghníomhartha a dhéantar i bhfoirgnimh na h-institiúidí agus/nó ar an bhfoireann;

—	measúnuithe slándála a ullmhú i dtaca le bagairt slándála ar leith, leochaileachtaí a aithint agus bearta slándála iomchuí a mholadh i dtaca le seirbhísí áirithe de chuid na n-institiúidí, chun an riosca slándála comhfhreagrach a mhaolú;

—	gníomhaíochtaí a bhaineann le scagadh agus seiceálacha slándála ar dhaoine aonair a chomhordú.

Réimse 2. Slándáil theicniúil

Tá seirbhísí slándála na n-institiúidí ar lorg oifigigh arb é an príomhchúram a bheidh orthu obair choincheapúil, bainistiú teicniúil, anailísiú agus maoirseacht theicniúil agus riaracháin a bhaineann le suiteálacha foirgnimh agus suiteálacha slándála teicniúla a dhéanamh, agus a mbeidh sé ar a gcumas freisin foirne a chomhordú.

Is féidir go mbeidh siad seo ar na cúraimí a bheidh le déanamh:

—	sonraíochtaí teicniúla nó nósanna imeachta eagrúcháin/oibriúcháin le haghaidh córais chasta, córais TF san áireamh, a ullmhú i bhfianaise measúnuithe bagartha/anailísí riosca, agus iad a chur i bhfeidhm;

—	samhlacha coincheapúla slándála a cheapadh agus a chur i bhfeidhm le haghaidh tionscadail slándála teicniúla agus tionscadail tógála bheaga, mheánacha agus mhóra;

—	bainistiú tionscadal: anailísiú, moltaí a dhéanamh, dearadh, costais a mheas, acmhainní riachtanacha a shainaithint agus a fháil, gníomhaíochtaí a sceidealú, obair iardain a dhéanamh ar an gcur i bhfeidhm, bainistiú athruithe agus tuairisciú, i gcás tionscadail a bhaineann le slándáil;

—	suiteáil éifeachtúil agus cothabháil trealaimh slándála teicniúla a bhainistiú, trealamh le haghaidh ionradh a bhrath, rialú rochtana, físeán agus CCTV agus córais um fheithiclí naimhdeacha a mhaolú;

—	íoschaighdeáin slándála a cheapadh agus a fhorbairt;

—	monatóireacht a dhéanamh ar chur i bhfeidhm córas agus táirgí agus ar fhrithbhearta tionlacain sa réimse i gceist;

—	frithbhearta slándála teicniúla a dhéanamh chun cúléisteacht a chosc;

—	seomraí plé slána sábháilte a dhearadh agus obair iardain a dhéanamh orthu.

Réimse 3. Slándáil faisnéise agus doiciméad

Tá seirbhísí slándála na n-institiúidí ar lorg oifigigh arb é an príomhchúram a bheidh orthu a chinntiú go mbeidh na córais faisnéise agus ríomhaireachta slán, agus a mbeidh sé ar a gcumas freisin foirne a chomhordú.

Is féidir go mbeidh siad seo ar na cúraimí a bheidh le déanamh:

—	beartas slándála na faisnéise corparáidí a ullmhú agus a chothabháil, i gcomhréir leis na prionsabail dearbhúcháin agus na caighdeáin agus noirm shainithe, i gcás faisnéis rúnaicmithe freisin;

—	próisis bainistithe riosca le haghaidh slándáil faisnéise, atá dírithe ar fhaisnéis a aicmiú, rioscaí a dhéanamh amach, bearta slándála a shainiú, agus na rioscaí sin a thuairisciú;

—	athbhreithnithe agus meastóireachtaí slándála a dhéanamh, d’fhonn éifeachtúlacht na mbeart cosanta faisnéise (rúndacht, sláine agus infhaighteacht) a mheas;

—	nósanna imeachta a shainiú i gcás sáruithe ar shlándáil faisnéise, i bhfianaise leibhéal aicmithe an eolais, chun críocha tuairisciú agus aisghabháil;

—	seirbhísí inmheánacha a bhainistiú agus a chomhordú, ar seirbhísí iad atá dírithe ar fhaisnéis rúnaicimithe AE (FRAE) a láimhseáil i bhfoirm páipéir agus/nó i bhfoirm dhigiteach;

—	bainistiú tionscadal: anailísiú, moltaí a dhéanamh, dearadh, costais a mheas, acmhainní riachtanacha a shainaithint agus a fháil, gníomhaíochtaí a sceidealú, obair iardain a dhéanamh ar an gcur i bhfeidhm, bainistiú athruithe agus tuairisciú, i gcás tionscadail a bhaineann le cibearshlándáil;

—	monatóireacht a dhéanamh ar chur i bhfeidhm córas agus táirgí agus ar fhrithbhearta tionlacain sa réimse i gceist;

—	moltaí a ullmhú don Údarás Creidiúnaithe agus Slándála (SAA) chun na Córais Faisnéise agus Chumarsáide rúnaicmithe a láimhseálann nó a phróiseálann faisnéis rúnaicmithe a chreidiúnú;

—	pleananna slándála a ullmhú le haghaidh córais faisnéise, gnéithe den tslándáil faisnéise san áireamh;

—	anailísiú fhóiréinsice a dhéanamh i gcomhthéacs cibeartheagmhas.

EPSO/AST/147/19 — CÚNTÓIRÍ SLÁNDÁLA (AST 3)

Réimse 1. Oibríochtaí slándála

Tá seirbhísí slándála na n-institiúidí ar lorg oifigigh arb é an príomhchúram a bheidh orthu cúnamh a thabhairt leis na gnéithe oibríochtúla a bhaineann le daoine agus maoin maille le faisnéis íogair agus rúnaicmithe a chosaint, ar bhonn 24/7 más gá.

Is féidir go mbeidh siad seo ar na cúraimí a bheidh le déanamh:

—	seirbhísí oibríochtúla slándála amhail seirbhísí frithfhaisnéise, frithsceimhlitheoireachta, imscrúduithe, idirghabhála slándála (e.g. obair ar dualgas) agus seirbhísí maoirseachta ar ghníomhairí slándála a chur i bhfeidhm agus a chomhordú;

—	déileáil le cásanna (éigeandála) ina bhféadfaí slándáil daoine agus sócmhainní a chur i mbaol, agus tuarascáil chuimsitheach slándála a chur isteach maidir le gach teagmhas;

—	tuarascálacha laethúla monatóireachta a ullmhú maidir le haon teagmhas, neamhrialtacht agus seiceáil a tharla agus na seirbhísí á bhfeidhmiú;

—	cuidiú a thabhairt le seiceálacha agus imscrúduithe speisialaithe a sheoltar tar éis do theagmhas amhail gadaíocht, caillteanas nó foréigean tarlú, nó tar éis teagmhais arb é damáiste de chineál éigin a dtoradh;

—	a chinntiú go ndéantar monatóireacht ar fheidhmíocht chuí conarthaí nó seirbhíse a bhaineann leis an tslándáil, go háirithe trí cháilíocht agus comhréireacht na seirbhísí a sholáthraítear a sheiceáil;

—	na bearta ginearálta slándála is gá a dhéanamh i dtaca le cuairteanna oifigiúla, léirsithe agus/nó imeachtaí, soláthar agus comhordú dlúthchosanta daoine mór le rá san áireamh;

—

faisnéis a bhailiú, a eagrú agus a anailísiú ar bhonn foinsí oscailte, taighde agus anailís a dhéanamh ar thopaicí a aithníodh baint a bheith acu le bagairtí agus riosca slándála do na hinstitiúidí, d’fhoireann, sócmhainní agus gníomhaíochtaí na n-institiúidí, anailís riosca a ullmhú i dtaca le slándáil, agus roghanna agus moltaí a thabhairt i dtaca leis na rioscaí a mhaolú;

—	imscrúduithe slándála a dhéanamh agus comhairle agus treoir a thabhairt i dtaobh saincheisteanna a bhaineann le slándáil fhisiciúil, agus cuidiú le hoiliúint slándála agus cláir ardaithe feasachta mar chuid de sin.

Réimse 2. Slándáil theicniúil

Tá seirbhísí slándála na n-institiúidí ar lorg oifigigh arb é an príomhchúram a bheidh orthu obair choincheapúil, bainistiú teicniúil, anailísiú agus maoirseacht theicniúil agus riaracháin a bhaineann le suiteálacha foirgnimh agus suiteálacha slándála teicniúla a dhéanamh.

Is féidir go mbeidh siad seo ar na cúraimí a bheidh le déanamh:

—	suiteálacha slándála teicniúla, córais shábháilte TF san áireamh, a oibriú, a imscrúdú agus seirbhísiú coisctheach a dhéanamh orthu;

—	íoschaighdeáin slándála teicniúla a cheapadh agus a fhorbairt;

—	gníomhaíochtaí slándála agus innealtóireachta lóistíochta a chomhordú;

—	monatóireacht a dhéanamh ar chur i bhfeidhm córas agus táirgí i réimse na slándála;

—	sonraíochtaí teicniúla a ullmhú agus páirt a ghlacadh i nósanna imeachta soláthair phoiblí;

—	cuidiú a thabhairt tionscadail a bhaineann leis na córais slándála teicniúla a ullmhú agus a chur i bhfeidhm, trí choincheap slándála foriomlán a cheapadh, mar shampla;

—	conarthaí arna dtabhairt i gcrích le cuideachtaí/comhpháirtithe seachtracha a phleanáil agus a bhainistiú;

—	dualgais feidhmiúcháin agus mhaoirseachta a bhaineann le cothabháil (riachtanais a mheas, pleanáil ilbhliantúil, tairiscintí, maoirseacht buiséad, oibreacha maoirseachta, imscrúduithe a eagrú);

—	anailísí riosca a ullmhú i dtaca le slándáil;

—	frithbhearta slándála teicniúla a dhéanamh chun cúléisteacht a chosc;

—	seomraí plé slána sábháilte a dhearadh agus obair iardain a dhéanamh orthu.

Réimse 3. Slándáil faisnéise agus doiciméad

Tá seirbhísí slándála na n-institiúidí ar lorg oifigigh arb é an príomhchúram a bheidh orthu slándáil córas faisnéise agus TF a chinntiú.

Is féidir go mbeidh siad seo ar na cúraimí a bheidh le déanamh:

—	seiceálacha speisialaithe agus imscrúduithe slándála a dhéanamh, gnéithe a bhaineann leis an gcibearshlándáil san áireamh;

—	cuidiú chun anailísiú fhóiréinsice TF a dhéanamh agus chun fianaise ríomhairebhunaithe a anailísiú, agus úsáid á baint as uirlisí fóiréinsice ríomhairebhunaithe chun gléasanna móibíleacha a anailísiú;

—	córais shlána TF a fhorbairt, go háirithe chun rialú rochtana ar fhoirgnimh agus ar fhaisnéis a chinntiú;

—	dea-fheidhmíocht seirbhísí atá dírithe ar fhaisnéis rúnaicmithe AE a láimhseáil (FRAE);

—	cuidiú a thabhairt i dtaca le forbairt, riar agus úsáid chuí Córas Faisnéise agus Cumarsáide a láimhseálann nó a phróiseálann faisnéis rúnaicmithe;

—	imréitigh shlándála a chomhordú le haghaidh foireann sheachtrach atá ag obair ar áitribh na n-institiúidí;

—	tuarascálacha agus anailísí a ullmhú;

—	anailísí riosca a ullmhú i dtaca le slándáil;

—	cuidiú a thabhairt i dtaca le hoiliúint slándála agus le cláir ardaithe feasachta.

Deireadh IARSCRÍBHINN I. Cliceáil anseo chun filleadh ar an bpríomhthéacs.

IARSCRÍBHINN II

CRITÉIR ROGHNÚCHÁIN

Déanfaidh an bord roghnúchán na critéir seo a leanas a chur san áireamh agus an roghnú ar bhonn cáilíochtaí á dhéanamh:

EPSO/AD/364/19 — OIFIGIGH SLÁNDÁLA (AD 7)

Réimse 1. Oibríochtaí slándála

1.

Taithí oibre ar sheirbhísí oibríochtúla slándála a bhainistiú, agus ar obair ar dhualgas 24/7, m.sh.: freagairt ar éigeandáil a d’fhéadfadh slándáil daoine, sócmhainní nó faisnéise a chur i mbaol; maoirseacht ar ghníomhaíochtaí oibríochtúla foirne forfheidhmithe dlí, foirne míleata nó foirne slándála.

2.

Taithí oibre ar réimse dlúthchosanta daoine mór le rá, i rialtas nó in eagraíocht idirnáisiúnta más féidir.

3.

Taithí oibre ar bhuiséid nó conarthaí/acmhainní i réimse na slándála a bhainistiú, a chur i bhfeidhm agus a chomhordú.

4.

Taithí oibre ar réimse na seirbhísí oibríochtúla slándála, amhail seirbhísí frithfhaisnéise, frithsceimhlitheoireachta nó bainistithe géarchéime.

5.

Taithí oibre ar eolas a bhaineann le bagairtí slándála a bhailiú, a anailísiú agus a phróiseáil, agus ceapadh agus cur i bhfeidhm sreafaí oibre, nósanna imeachta agus córais sa réimse sin san áireamh.

6.

Taithí oibre ar fhoirne a dhéanann imscrúduithe coiriúla agus/nó slándála in eagraíochtaí rialtais, in eintitis san earnáil phríobháideach nó in eagraíochtaí idirnáisiúnta a chomhordú/a stiúradh.

7.

Taithí oibre ar mheasúnuithe bagartha agus ar anailísí riosca i réimse na slándála —bearta slándála atá curtha in oiriúint don leibhéal measta riosca a mholadh agus a chur i bhfeidhm san áireamh.

Réimse 2. Slándáil theicniúil

1.

Taithí oibre ar mheasúnuithe bagartha agus anailísí riosca a chur san áireamh i sonraíochtaí teicniúla nó i nósanna imeachta eagrúcháin/oibriúcháin agus ar chur i bhfeidhm na measúnuithe bagartha agus na n-anailísí riosca sin.

2.

Taithí oibre ar chórais slándála teicniúla a cheapadh agus a chur i bhfeidhm.

3.

Taithí oibre ar thionscadail slándála teicniúla a bhainistiú.

4.

Taithí oibre ar chórais slándála teicniúla a shuiteáil agus a oibriú.

5.

Taithí oibre ar bhainistiú soláthair i réimse na slándála.

6.

Taithí oibre ar íoschaighdeáin slándála teicniúla a fhoirmliú agus a fhorbairt.

7.

Taithí oibre ar ghníomhaíochtaí ardaithe feasachta i dtaobh na slándála teicniúla.

8.

Taithí oibre ar bhearta teicniúla frithfhaireachais.

Réimse 3. Slándáil faisnéise agus doiciméad

1.

Taithí oibre ar mheasúnuithe bagartha agus anailísí riosca a dhéanamh i réimse na cibearshlándála.

2.

Taithí oibre ar rialuithe slándála TF atá curtha in oiriúint don leibhéal measta riosca a cheapadh agus a anailísiú, ar dhréachtú teicniúil agus dlíthiúil na rialuithe sin agus ar a gcur i bhfeidhm.

3.

Taithí oibre ar iniúchtaí slándála TF, ar thástáil slándála, ar mhonatóireacht ar imeachtaí slándála, agus ar fhreagairt ar theagmhais.

4.

Taithí oibre ar cheapadh agus ar chur i bhfeidhm sreafaí oibre, nósanna imeachta agus córas a bhaineann le láimhseáil, anailísiú agus scaipeadh faisnéise slándála agus EUCI.

5.

Taithí oibre ar bhainistiú tionscadal TF agus/nó ar bhainistiú seirbhísí TF.

6.

Taithí oibre ar mhonatóireacht a dhéanamh ar chur i bhfeidhm córas agus táirgí TF agus ar fhrithbhearta tionlacain.

7.

Taithí oibre ar mholtaí a ullmhú don Údarás Creidiúnaithe agus Slándála (SAA) chun na Córais Faisnéise agus Chumarsáide rúnaicmithe a láimhseálann nó a phróiseálann faisnéis rúnaicmithe a chreidiúnú,

8.

Taithí oibre ar imscrúduithe ar theagmhais (e.g anailísiú fóiréinseach, anailísiú ar bhogearraí mailíseacha, anailísiú ar logaí).

9.

Taithí oibre ar ghníomhaíochtaí ardaithe feasachta i dtaobh na cibearshlándála.

EPSO/AST/147/19 – CÚNTÓIRÍ SLÁNDÁLA (AST 3)

Réimse 1. Oibríochtaí slándála

1.

Taithí oibre ar ghníomhaíochtaí oibríochtúla foirne forfheidhmithe dlí, foirne míleata nó foirne slándála a chomhordú nó maoirseacht a dhéanamh ar na gníomhaíochtaí sin, agus ar obair ar dhualgas 24/7.

2.

Taithí oibre ar réimse na slándála le linn cuairteanna oifigiúla — dlúthchosaint daoine mór le rá san áireamh — i rialtas nó in eagraíocht idirnáisiúnta más féidir.

3.

Taithí oibre ar cháilíocht na seirbhísí slándála a chuirtear ar fáil a fhíorú, agus ar thuarascálacha slándála a ullmhú maidir le haon teagmhas, neamhrialtacht nó seiceáil a rinneadh le linn na seirbhíse, agus ar obair iardain a dhéanamh i dtaobh na dtuarascálacha sin.

4.

Taithí oibre ar sheiceálacha agus imscrúduithe coiriúla a dhéanamh mar aon le scagadh slándála in eagraíochtaí rialtais, in eintitis san earnáil phríobháideach nó in eagraíochtaí idirnáisiúnta.

5.

Taithí oibre ar fhaisnéis a bhailiú, a eagrú agus a anailísiú ar bhonn foinsí oscailte, bunachair sonraí, uirlisí TF eile agus líonraí sóisialta.

6.

Taithí oibre ar bhainistiú riosca i réimse na slándála — taithí ar mheasúnuithe bagartha agus anailísí riosca a thrasuí ina mbearta eagrúcháin/oibriúcháin agus ar chur i bhfeidhm na measúnuithe bagartha agus na n-anailísí riosca sin san áireamh.

Réimse 2. Slándáil theicniúil

1.

Taithí oibre ar shuiteáil agus ar bhainistiú an méid seo a leanas, nó cuid de: próisis slándála frithphléascanna agus frithbhalaistíocht d’fhoirgnimh, córais um ionradh a bhrath, córas rabhaidh, córais aláraim, CCTV, córais um rialú rochtana TF-bhunaithe nó gan a bheith TF-bhunaithe, taisceadáin agus córais um fheithiclí naimhdeacha a mhaolú.

2.

Taithí oibre ar dhoiciméid agus sonraíochtaí teicniúla a dhréachtú le haghaidh suiteálacha teicniúla slándála foirgneamh.

3.

Taithí oibre ar mhonatóireacht a dhéanamh ar obair thógála i réimse an trealaimh slándála agus sábháilteachta.

4.

Taithí oibre ar bhainistiú soláthair i réimse na slándála.

5.

Taithí oibre ar bhainistiú tionscadail theicniúla.

6.

Taithí oibre ar mhonatóireacht a dhéanamh ar chórais agus ar tháirgí slándála teicniúla.

7.

Taithí oibre ar anailís ar riosca slándála teicniúla.

8.

Taithí oibre ar mheasúnuithe bagartha agus anailísí riosca a chur san áireamh i sonraíochtaí teicniúla nó i nósanna imeachta eagrúcháin/oibriúcháin agus ar chur i bhfeidhm na measúnuithe bagartha agus na n-anailísí riosca sin.

9.

Taithí oibre ar bhearta teicniúla frithfhaireachais.

Réimse 3. Slándáil faisnéise agus doiciméad

1.

Taithí oibre a fuarthas in ionad monatóireachta stáit (e.g. in aireacht gnóthaí eachtracha, cosanta nó aireacht inmheánach, nó i ngníomhaireacht eolais nó seirbhísí faisnéise).

2.

Taithí oibre a fuarthas i réimse na slándála ar phróiseáil foinsí san fhíoram (na meáin closamhairc, gníomhaireachtaí preasa, líonraí sóisialta) i gcásanna ina dteastaíonn mearfhreagairt.

3.

Taithí oibre a fuarthas i réimse na slándála ar thimpeallacht ina ndéantar próiseáil ar thacair mórshonraí agus ar shonraí ó ilfhoinsí.

4.

Taithí oibre a fuarthas i réimse na slándála ar anailís riosca, cuardach faisnéise nó imscrúduithe a dhéanamh.

5.

Taithí oibre ar theagmhais a bhaineann le faisnéis, foirgnimh agus pearsanra a bhainistiú agus a réiteach.

6.

Taithí oibre ar chórais TF a fhorbairt i réimse na slándála, go háirithe chun críche rialú rochtana ar fhoirgnimh agus chun críche faisnéis a chosaint.

7.

Taithí oibre ar chórais aicmithe agus córais chripteagrafaíochta a fhorbairt, a oibriú nó a úsáid.

8.

Taithí oibre ar shreafaí oibre, nósanna imeachta agus córais ar leith a bhaineann le láimhseáil, anailísiú agus scaipeadh faisnéise slándála agus eolais rúnaicmithe.

9.

Taithí oibre ar mholtaí a ullmhú don Údarás Creidiúnaithe agus Slándála (SAA) chun na Córais Faisnéise agus Chumarsáide rúnaicmithe a láimhseálann nó a phróiseálann faisnéis rúnaicmithe a chreidiúnú.

Deireadh IARSCRÍBHINN II. Cliceáil anseo chun filleadh ar an bpríomhthéacs.

IARSCRÍBHINN III

NA RIALACHA GINEARÁLTA MAIDIR LE COMÓRTAIS OSCAILTE

FAISNÉIS GHINEARÁLTA

Gach áit a ndéantar tagairt do dhaoine d’inscne ar leith i bpróiseas roghnúcháin de chuid EPSO, glactar leis gur ag tagairt do dhaoine d’aon inscne eile atáthar freisin.

Maidir leis an áit dheireanach le dul ar aghaidh go dtí an chéad chéim eile den chomórtas, i gcás ina ngnóthóidh roinnt iarrthóirí an marc céanna, rachaidh siad ar fad ar aghaidh go dtí an chéad chéim eile den chomórtas. Aon iarrthóir a ligfear isteach sa chomórtas arís mar thoradh ar achomharc ar éirigh leis, tabharfar cuireadh chun na chéad chéime eile den phróiseas dó.

Maidir leis an áit dheireanach ar an bpainéal, i gcás ina ngnóthóidh roinnt iarrthóirí an marc céanna, cuirfear iad go léir ar an bpainéal. Aon iarrthóir a ligfear isteach sa chomórtas arís mar thoradh ar achomharc ar éirigh leis ag an gcéim seo den chomórtas, cuirfear ar an bpainéal é.

1.   NA DAOINE AR FÉIDIR LEO IARRATAS A DHÉANAMH

1.1.   Coinníollacha ginearálta agus coinníollacha sonracha

Tá coinníollacha ginearálta agus coinníollacha sonracha gach réimse nó próifíle (eolas ar theangacha san áireamh), tá siad luaite sa roinn “Na coinníollacha incháilitheachta”.

Maidir le cáilíochtaí, taithí oibre agus eolas ar theangacha, bíonn na coinníollacha sonracha ina leith éagsúil ó phróifíl go chéile. San iarratas, ba cheart duit a oiread eolais is féidir a thabhairt, a bhaineann le dualgais an phoist , i dtaobh do cháilíochtaí agus do thaithí oibre (nuair a iarrtar sin) de réir an méid atá ráite sa roinn “Na coinníollacha incháilitheachta” thuas.

(a)

Dioplómaí agus/nó teastais: Caithfidh gach dioplóma, is cuma cé acu i mBallstát den Aontas nó i dtír nach Ballstát den Aontas í a eisíodh, a bheith aitheanta ag comhlacht oifigiúil de chuid Ballstáit, e.g. roinn oideachais. Cuirfidh an bord roghnúcháin san áireamh na difir idir córais oideachais. Maidir le hoideachas iar-mheánscoile agus oiliúint ghairmiúil, oiliúint theicniúil agus sainoiliúint, luaigh na hábhair a ndearnadh staidéar orthu, fad an chúrsa agus cé acu cúrsa lánaimseartha, cúrsa páirtaimseartha nó rang oíche a bhí ann.

(b)

Maidir le taithí oibre (má iarrtar sin), ní chuirfear san áireamh í ach amháin sa chás go mbaineann sí le dualgais an phoist agus más rud é: — gur fíorobair éifeachtach a bhí inti; — gur obair ar íocaíocht a bhí inti; — go raibh caidreamh íochtaránachta nó soláthar seirbhíse i gceist léi; agus — faoi réir na gcoinníollacha seo a leanas: — obair dheonach: más obair ar íocaíocht a bhí inti agus go raibh na huaireanta oibre sa tseachtain agus an fad a mhair an phost ar nós uaireanta oibre agus fad gnáthphoist; — tréimhsí oiliúna: más tréimhsí oiliúna ar íocaíocht a bhí iontu; — seirbhís mhíleata éigeantach: is cuma cé acu sular baineadh an dioplóma amach nó ina dhiaidh a rinneadh an tseirbhís mhíleata, agus ní chuirfear san áireamh tréimhse seirbhíse níos faide ná an tréimhse atá leagtha síos i ndlí an Bhallstáit i gceist; — saoire mháithreachais/atharthachta/altramais: má bhí an tsaoire leagtha síos sa chonradh fostaíochta; — dochtúireacht: 3 bliana ar a mhéad a chuirfear san áireamh, ar choinníoll gur baineadh amach an dochtúireacht, agus is cuma cé acu obair ar íocaíocht nó obair gan íocaíocht a bhí sa dochtúireacht; agus — obair pháirtaimseartha: is ar bhonn pro rata a ríomhfar obair pháirtaimseartha, ar bhonn an lín uaireanta an chloig a oibríodh, e.g. mheasfaí gur 3 mhí oibre ab ea obair leathama a mhair 6 mhí.

1.2.   Doiciméid tacaíochta

Ag céimeanna éagsúla den phróiseas roghnúcháin, iarrfar ort doiciméad oifigiúil a sholáthar a chruthaíonn do náisiúntacht (e.g. pas, cárta aitheantais), agus ní mór an doiciméad sin a bheith bailí an dáta deiridh le hiarratais a dhéanamh (i gcás iarratas ina bhfuil dhá chuid, is é dáta deiridh na chéad choda den iarratas an dáta sin).

Ní mór bunchóipeanna nó cóipeanna deimhnithe de na nithe seo a leanas a chur ar fáil i leith gach tréimhse oibre:

—	doiciméid ó iarfhostóir(í) agus ó fhostóir(í) reatha ina bhfuil cineál agus leibhéal na ndualgas a rinneadh luaite, dáta tosaigh agus dáta deiridh na tréimhse, agus suaitheantas agus stampa oifigiúil an chomhlachta ar an bpáipéar mar aon le hainm agus síniú an duine a bhí i gceannas; nó

—	conradh/conarthaí fostaíochta agus an chéad duillín pá agus an duillín pá deiridh, maille le cur síos mionsonraithe ar na dualgais a rinneadh;

—	(i gcás taithí oibre gan tuarastal, e.g. féinfhostaíocht nó fostaíocht sna gairmeacha liobrálacha) sonraisc nó foirmeacha ordaithe agus na dualgais a rinneadh sonraithe iontu, nó aon doiciméad tacaíochta oifigiúil eile a bhaineann le hábhar;

—	(i gcás comórtais d’ateangairí comhdhála ina n-iarrtar taithí oibre), doiciméid a léiríonn an líon laethanta a oibríodh agus na teangacha a ndearnadh ateangaireacht astu agus go dtí iad, agus a bhain go sonrach le hateangaireacht chomhdhála.

Is gnách nach dteastaíonn aon doiciméid tacaíochta chun d’eolas ar theangacha a chruthú, ach amháin i gcás comórtas do theangeolaithe agus sainphróifílí áirithe.

Féadfar iarraidh ort, ag céim ar bith den phróiseas roghnúcháin, breis eolais nó breis doiciméad a chur ar fáil. Cuirfidh EPSO in iúl duit cé na doiciméid tacaíochta nach mór duit a chur ar fáil agus cathain nach mór iad a chur ar fáil.

1.3.   Comhdheiseanna agus socruithe speisialta

Má tá tú faoi mhíchumas nó má tá fadhb shláinte agat, agus go bhféadfadh sin bac a chur ort na trialacha a dhéanamh, luaigh sin i d’iarratas agus abair cé na cineálacha socruithe speisialta atá de dhíth ort. Má thagann míchumas nó fadhb shláinte ort i ndiaidh duit an t-iarratas a bhailíochtú, ní mór duit EPSO a chur ar an eolas a luaithe is féidir é ar an dóigh thíosluaite.

Tabhair do d’aire nach mór duit, chun go gcuirfear d’iarratas san áireamh, teastas ó chomhlacht stáit de chuid do Bhallstáit nó teastas dochtúra a thabhairt do EPSO. Scrúdófar do chuid doiciméad tacaíochta sa chaoi is go bhféadfar freastal réasúnta a dhéanamh ort más gá.

Is féidir tuilleadh eolais a fháil ach teagmháil a dhéanamh le foireann inrochtana EPSO:

—	trí ríomhphost (EPSO-accessibility@ec.europa.eu);

—	facs (+ 32 22998081); nó

—	tríd an bpost: An Oifig Eorpach um Roghnú Foirne (EPSO) EPSO accessibility Avenue de Cortenbergh/Kortenberglaan 25 1049 Bruxelles/Brussels BELGIQUE/BELGIË

2.   CÉ A DHÉANFAIDH MEASÚNÚ ORM?

Ceaptar bord roghnúcháin chun iarrthóirí a chur i gcomparáid le chéile agus na hiarrthóirí is fearr díobh a roghnú ar bhonn inniúlachtaí, buanna agus cáilíochtaí, i bhfianaise na riachtanas atá leagtha amach san fhógra comórtais. Is é an bord roghnúcháin sin a chinneann leibhéal deacrachta thrialacha an chomórtais agus a fhaomhann a bhfuil iontu i bhfianaise moltaí ó EPSO.

Chun neamhspleáchas an bhoird roghnúcháin a chinntiú, tá diantoirmeasc ar iarrthóirí agus ar aon duine nach ball den bhord é iarracht a dhéanamh dul i dteagmháil le haon cheann de bhaill an bhoird, ach amháin le linn trialacha ós rud é gur cuid díobh plé díreach a bheith ag iarrthóirí agus ag an mbord le chéile.

Iarrthóirí ar mian leo a gcás a mhíniú nó a gcearta a éileamh, is i scríbhinn is éigean dóibh sin a dhéanamh, agus aon chomhfhreagras atá acu do bhall ar leith de bhord roghnúcháin, is chuig EPSO is éigean dóibh é a chur. Cuirfidh EPSO an comhfhreagras ar aghaidh chuig an mbord. Tá toirmeasc ar na hiarrthóirí aon chumarsáid dhíreach nó indíreach nach gcomhlíonann na nósanna imeachta sin a dhéanamh, agus is féidir go ndícháileofar ón gcomórtas iad dá bharr.

Meastar gur coinbhleacht leasa é cóngas gaoil nó nasc ordlathach a bheith idir iarrthóir agus ball de bhord roghnúcháin, go háirithe. Iarrtar ar bhaill bord roghnúcháin aon chóngas dá leithéid a chur in iúl do EPSO a luaithe a fhaigheann siad a fhios sin. Measfaidh EPSO gach cás ar bhonn leithligh agus déanfaidh sé aon bheart is iomchuí. Mura ndéantar sin is féidir go mbeidh mar thoradh air go gcuirfear bearta araíonachta i bhfeidhm ar an mball den bhord roghnúcháin agus go ndícháileofar an t-iarrthóir ón gcomórtas (féach 4.4).

Foilsítear ainmneacha baill an bhoird roghnúcháin ar shuíomh gréasáin EPSO (www.eu-careers.eu) roimh thosach an Ionaid Measúnaithe/roimh thosach chéim an mheasúnaithe.

3.   CUMARSÁID

3.1.   Cumarsáid a dhéanamh le EPSO

Ba cheart duit breathnú i do chuntas EPSO dhá uair sa tseachtain ar a laghad chun go mbeidh tú ar an eolas faoi dhul chun cinn atá déanta agat sa chomórtas. Mura féidir leat sin a dhéanamh de dheasca fadhb theicniúil ar thaobh EPSO, ní mór duit EPSO a chur ar an eolas faoi sin láithreach agus tríd suíomh greasáin EPSO amháin (https://epso.europa.eu/help_ga).

Forchoimeádann EPSO an ceart gan eolas a thabhairt atá tugtha go soiléir san fhógra comórtais seo, in iarscríbhinní an fhógra comórtais seo, nó ar shuíomh gréasáin EPSO, an roinn “ceisteanna coitianta” san áireamh.

I ngach comhfhreagras a bhaineann le hiarratas, iarrtar ort d’ainm a lua (an t-ainm a thug tú i do chuntas EPSO), mar aon le d’uimhir iarratais agus uimhir thagartha an phróisis roghnúcháin.

Cuireann EPSO i bhfeidhm prionsabail an Chóid um Dhea-iompraíocht Riaracháin, arna fhoilsiú in Iris Oifigiúil an Aontais Eorpaigh https://ec.europa.eu/info/about-european-union/principles-and-values/ethics-and-integrity/code-conduct-eu-staff_ga. Dá réir sin, forchoimeádann EPSO an ceart deireadh a chur le haon chomhfhreagras atá míchuí (i.e. comhfhreagras atá liodánach, tarcaisneach, agus/nó nach mbaineann le hábhar).

3.2.   Rochtain ar fhaisnéis

Tá cearta sonracha ag iarrthóirí sonraí áirithe a bhaineann leo go pearsanta a rochtain, cearta atá acu de bharr na hoibleagáide cúiseanna a thabhairt, ionas go bhféadfar achomharc a dhéanamh in aghaidh cinntí diúltúcháin.

Ach i dteannta na hoibleagáide sin cúiseanna a thabhairt, tá rúndacht imeachtaí an bhoird roghnúcháin le cur san áireamh, rúndacht a chinntíonn neamhspleáchas an bhoird agus oibiachtúlacht an roghnaithe. Ar chúiseanna rúndachta, ní féidir an meon atá ag baill aonair de bhord roghnúcháin i leith measúnuithe ar iarrthóirí aonair ná i leith measúnuithe comparáideacha, ní féidir sin a nochtadh.

Na cearta rochtana sin, is cearta iad a bhaineann go sonrach le hiarrthóirí i gcomórtas oscailte, agus is féidir nach mbeidh aon chearta ag iarrthóirí sa bhreis ar na cearta a luaitear sa roinn seo faoin reachtaíocht atá ann maidir le rochtain phoiblí ar dhoiciméid.

3.2.1.   Faisnéis a nochtar go huathoibríoch

Gheobhaidh tú go huathoibríoch an t-eolas seo a leanas ar fad i do chuntas EPSO i ndiaidh gach céim den phróiseas roghnúcháin:

—	na trialacha ceisteanna ilrogha ar ríomhaire: do thorthaí agus tábla a bhfuil na freagraí a thug tú ann mar aon le huimhir nó tagairt na bhfreagraí cearta. Ní féidir, ar chúinse ar bith, rochtain a fháil ar théacs ná ar fhreagraí na gceisteanna;

—	incháilitheacht: deirtear cé acu ar tugadh cead duit páirt a ghlacadh sa chomórtas nó nár tugadh; murar tugadh an cead sin duit, deirtear cé na coinníollacha incháilitheachta nár comhlíonadh;

—	Talent Screener (an scagthóir buanna): do thorthaí agus tábla ina bhfuil ualú gach ceiste, na pointí a tugadh do na freagraí a thug tú agus do scór iomlán;

—	na réamhthrialacha: do thorthaí;

—	na trialacha idirmheánacha: do thorthaí, mura bhfuil tú ar na hiarrthóirí ar tugadh cuireadh chun na chéad chéime eile dóibh;

—

an t-ionad measúnaithe/céim an mheasúnaithe: mura bhfuil tú dícháilithe, do phas inniúlachtaí ina léireofar na marcanna foriomlána a ghnóthaigh tú i ngach inniúlacht agus ráiteas an bhoird roghnúcháin ina mbeidh aiseolas cainníochtúil agus cáilíochtúil ar a fheabhas a chruthaigh tú san ionad measúnaithe/i gcéim an mheasúnaithe.

Is é is gnáiche nach nochtann EPSO d’iarrthóirí aon cheann de na téacsanna a úsáideadh sna trialacha ná i gcleachtaí na dtrialacha arae bíonn sé beartaithe iad sin a úsáid arís i gcomórtais eile. I gcás téacsanna áirithe, ámh, is féidir go ndéanfaidh EPSO, ar bhonn eisceachtúil, na téacsanna sin a fhoilsiú ar a shuíomh gréasáin, ar chuntar:

—	go bhfuil na trialacha thart;

—	go bhfuil na torthaí socraithe agus gur cuireadh in iúl do na hiarrthóirí iad; agus

—	nach bhfuil sé beartaithe iad a úsáid arís i gcomórtas eile.

3.2.2.   Faisnéis a iarraidh

Is ceadmhach duit cóip neamhcheartaithe de do chuid freagraí sna trialacha scríofa a iarraidh, ar chuntar gur ceisteanna iad nach bhfuil sé beartaithe a úsáid arís i gcomórtas eile. Ní dhéanfar, ar chúinse ar bith, freagraí cás-staidéar a chur ar fáil.

Tá scripteanna ceartaithe agus na sonraí marcála, go háirithe, faoi chumhdach rúndacht imeachtaí an bhoird roghnúcháin agus ní nochtfar iad.

Féachann EPSO leis an oiread faisnéise is féidir a chur ar fáil d’iarrthóirí, i gcomhréir leis an oibleagáid atá air cúiseanna a thabhairt, le rúndacht imeachtaí an bhoird roghnúcháin agus leis na rialacha maidir le cosaint sonraí pearsanta. Is i bhfianaise na dtosca sin a mheasfar gach iarraidh ar faisnéis.

Is tríd an roinn “teagmháil a dhéanamh linn” ar shuíomh gréasáin EPSO (www.eu-careers.eu) ba cheart gach iarraidh ar fhaisnéis a dhéanamh, laistigh de dheich lá tar éis fhoilsiú do thorthaí i do chuntas EPSO.

4.   GEARÁIN AGUS DEACRACHTAÍ

4.1.   Saincheisteanna teicniúla agus eagraíochtúla

Má thagann mórdheacracht theicniúil nó eagraíochtúil romhat ag céim ar bith den phróiseas roghnúcháin, iarrtar ort EPSO a chur ar an eolas ina thaobh sa chaoi go bhféadfar an cás a bhreathnú agus beart a dhéanamh chun é a leigheas. Is féidir teagmháil a dhéanamh linn trí shuíomh gréasáin EPSO (https://epso.europa.eu/help_ga).

Iarrtar ort d’ainm (an t-ainm a thug tú i do chuntas EPSO) a lua i ngach comhfhreagras, mar aon le d’uimhir iarratais agus uimhir thagartha an phróisis roghnúcháin.

I gcás fadhb a tharla san ionad trialacha iarrtar ort:

—	na feitheoirí a chur ar an eolas láithreach sa chaoi gur féidir réiteach a aimsiú san ionad féin. I gcás ar bith, iarraidh ar na feitheoirí an gearán atá agat a chur i scríbhinn; agus

—	teagmháil a dhéanamh le EPSO tráth nach déanaí ná 3 lá féilire i ndiaidh na trialach trí shuíomh gréasáin EPSO (https://epso.europa.eu/help_ga) agus cur síos gairid a thabhairt dóibh ar an bhfadhb.

I gcás fadhb a tharla lasmuigh den ionad trialacha (e.g. fadhb a bhaineann le hiarratas nó coinne a dhéanamh), lean na treoracha i do chuntas EPSO agus ar shuíomh gréasáin EPSO nó déan teagmháil le EPSO láithreach trí shuíomh gréasáin EPSO (https://epso.europa.eu/help_ga).

I gcás fadhbanna a bhaineann le d’iarratas, ní mór duit teagmháil a dhéanamh le EPSO láithreach agus go cinnte roimh an sprioc-am le hiarratas a dhéanamh, trí shuíomh gréasáin EPSO (https://epso.europa.eu/help_ga). Má chuirtear ceist isteach níos lú ná 5 lá oibre roimh an sprioc-am le hiarratas a dhéanamh, is féidir nach bhfreagrófar roimh an sprioc-am iad.

4.2.   Nósanna imeachta um athbhreithniú inmheánach

4.2.1.   Earráidí sna ceisteanna ilrogha ar ríomhaire

Déanann EPSO agus na bord roghnúcháin grinnrialú cáilíochta go seasta ar an mbunachar de cheisteanna ilrogha.

Má mheasann tú nár fhéad tú ceann amháin nó níos mó de na ceisteanna ilrogha ar ríomhaire a fhreagairt toisc earráid a bheith inti nó iontu, tá tú i dteideal iarraidh ar an mbord roghnúcháin an cheist nó na ceisteanna a athbhreithniú (faoin “nós imeachta neodrúcháin”).

Faoin nós imeachta sin féadfaidh an bord roghnúcháin cinneadh ar an gceist ina bhfuil an earráid a chur ar ceal agus na marcanna don cheist sin a athdháileadh ar na ceisteanna eile. Is d’iarrthóirí a raibh an cheist earráideach le freagairt acu, agus dóibh siúd amháin, a dhéanfaidh an t-athríomh pointí difear. Ní thiocfaidh aon athrú dá thoradh sin ar scéim mharcála na dtrialacha a leagtar amach sna codanna ábhartha den fhógra comórtais seo.

Ag seo an dóigh le gearán a dhéanamh faoi thriail ceisteanna ilrogha ar ríomhaire:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga);

—	teanga: sa teanga a roghnaigh tú mar theanga 2 don chomórtas i gceist;

—	sprioc-am: ní mór an gearán a dhéanamh laistigh de 3 lá féilire tar éis an dáta a rinne tú na trialacha ar ríomhaire;

—	faisnéis bhreise: déan cur síos ar an gceist ionas go bhféadfar í a aithint, agus mínigh chomh soiléir agus is féidir cad í an earráid a deirtear a bheith ann.

Iarrataí a gheofar i ndiaidh an sprioc-ama nó iarrataí nach bhfuil cur síos soiléir iontu ar an gceist/ar na ceisteanna atá á conspóid/á gconspóid agus ar an earráid/na hearráidí a deirtear a bheith ann, ní chuirfear san áireamh iad.

Gearáin nach bhfuil luaite iontu, cuir i gcás, ach fadhbanna aistriúcháin a deirtear a bheith ann, agus gan aon sonraí eile tugtha, ní chuirfear san áireamh iad.

Tá an nós imeachta athbhreithniúcháin céanna i bhfeidhm maidir le hearráidí sa chleachtadh inbhosca ríomhphoist.

4.2.2.   Iarrataí ar athbhreithniú

Féadfaidh tú athbhreithniú a iarraidh ar aon chinneadh a rinne an bord roghnúcháin nó EPSO lena gcinntear do thorthaí nó lena gcinntear cé acu a rachaidh tú ar aghaidh go dtí an chéad chéim eile den chomórtas nó a dhíbreofar thú.

Is féidir iarrataí ar athbhreithniú a bheith bunaithe ar:

—	míréireacht ábhartha i bpróiseas an chomórtais; agus/nó

—	an bord roghnúchán nó EPSO gan na Rialacháin Foirne, an fógra comórtais, iarscríbhinní an fhógra comórtais agus/nó an cásdlí a chomhlíonadh.

Tabhair do d’aire nach ceadmhach duit agóid a dhéanamh in aghaidh bhailíocht aon mheasúnaithe a rinne an bord roghnúcháin ar a fheabhas a chruthaigh tú i dtriail ná in aghaidh a ábhartha atá do cháilíochtaí agus do thaithí oibre. Is breith fiúntais measúnú sin an bhoird roghnúcháin agus ní haon chruthúnas é iarrthóir a bheith ag easaontú leis an mbreith a thug an bord ar a thrialacha, a thaithí agus/nó a cháilíochtaí, ní haon chruthúnas sin go bhfuil earráid déanta ag an mbord. Ní bheidh toradh dearfach ar aon iarrataí ar athbhreithniú a dhéanfar ar an mbonn sin.

Ag seo an dóigh le hiarraidh ar athbhreithniú a dhéanamh:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga);

—	teanga: sa teanga a roghnaigh tú mar theanga 2 don chomórtas i gceist;

—	sprioc-am: ní mór an iarraidh a dhéanamh laistigh de 10 lá féilire tar éis an dáta a foilsíodh an cinneadh atá á chonspóid;

—	faisnéis bhreise: luaigh go soiléir an cinneadh atá á chonspóid agat agus cúiseanna na conspóide.

Iarrataí a gheofar i ndiaidh an sprioc-ama, ní chuirfear san áireamh iad.

Laistigh de 15 lá oibre gheobhaidh tú admháil go bhfuarthas d’iarraidh. An comhlacht a rinne an cinneadh atá á chonspóid, déanfaidh sé anailís air agus déanfaidh sé cinneadh i leith d’iarrata, agus a luaithe is féidir é cuirfear freagra réasúnaithe chugat.

Más toradh dearfach a bhíonn ar d’iarraidh, cuirfear isteach sa phróiseas roghnúcháin arís thú ag an gcéim a raibh tú dulta a fhad leis nuair a díbríodh thú, is cuma cén chéim atá sroichte sa chomórtas faoin tráth sin.

4.3.   Modhanna eile le conspóid a dhéanamh

4.3.1.   Gearáin riaracháin

I do cháil mar iarrthóir i gcomórtas oscailte, tá sé de cheart agat gearán riaracháin a chur faoi bhráid Stiúrthóir EPSO ina cháil mar údarás ceapacháin.

Ní fhéadfaidh tú gearán a dhéanamh i gcoinne cinneadh a rinneadh, nó i gcoinne cinneadh nach ndearnadh, a bhfuil tionchar díreach láithreach aige ar do stádas dlí mar iarrthóir, ach amháin más léir gur sáraíodh rialacha an phróisis roghnúcháin. Ní féidir le Stiúrthóir EPSO breith fiúntais a thug bord roghnúcháin a chur ar ceal (féach roinn 4.2.2).

Ag seo an dóigh le gearán riaracháin a dhéanamh:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga);

—	teanga: sa teanga a roghnaigh tú mar theanga 2 don chomórtas i gceist;

—	sprioc-am: laistigh de thrí mhí tar éis fógra a bheith tugtha faoin gcinneadh atá á chonspóid nó tar éis an dáta ar cheart cinneadh a bheith déanta roimhe;

—	faisnéis bhreise: luaigh go soiléir an cinneadh atá á chonspóid agat agus cúiseanna na conspóide.

Iarrataí a gheofar i ndiaidh an sprioc-ama, ní chuirfear san áireamh iad.

4.3.2.   Achomhairc bhreithiúnacha

I do cháil mar iarrthóir i gcomórtas oscailte, tá sé de cheart agat achomharc breithiúnach a chur faoi bhráid na Cúirte Ginearálta, faoi Airteagal 270 den Chonradh ar Fheidhmiú an Aontais Eorpaigh agus Airteagal 91 de na Rialacháin Foirne.

Tabhair do d’aire nach mbeidh achomhairc i gcoinne cinntí a rinne EPSO seachas an bord roghnúcháin, nach mbeidh siad inghlactha os comhair na Cúirte Ginearálta mura ndearnadh achomharc riaracháin roimhe sin faoi Airteagal 90(2) de na Rialacháin Foirne (féach roinn 4.3.1). Go háirithe, is amhlaidh atá i gcás cinntí a bhaineann leis na critéir incháilitheachta ghinearálta, arb é EPSO a dhéanann iad seachas an bord roghnúcháin.

Ag seo an dóigh le hachomharc breithiúnach a dhéanamh:

—	nós imeachta: gabh chuig suíomh gréasáin na Cúirte Ginearálta (http://curia.europa.eu/jcms/).

4.3.3.   An tOmbudsman Eorpach

Is féidir le gach saoránach den Aontas Eorpach agus gach duine atá ina chónaí san Aontas Eorpach gearán a chur faoi bhráid an Ombudsman Eorpaigh.

Sula ndéanfaidh tú sin, ní mór duit teagmháil a dhéanamh leis na hinstitiúidí agus na comhlachtaí lena mbaineann agus na foirmeáltachtaí riaracháin iomchuí a chomhlíonadh (féach ranna 4.1–4.3).

Ní bheidh mar thoradh ar ghearán a chur faoi bhráid an Ombudsman síneadh a chur leis na sprioc-amanna atá ann le gearáin riaracháin nó achomhairc bhreithiúnacha a dhéanamh.

Ag seo an dóigh le gearán a chur faoi bhráid an Ombudsman:

—	nós imeachta: gabh chuig suíomh gréasáin an Ombudsman Eorpaigh (http://www.ombudsman.europa.eu/).

4.4.   Dícháiliú ón bpróiseas roghnúcháin

Féadfar tú a dhícháiliú ag aon chéim den phróiseas roghnúcháin má fhaigheann EPSO amach:

—	gur chruthaigh tú níos mó ná cuntas EPSO amháin;

—	go ndearna tú iarratas ar theaglaim réimsí nó próifílí nach bhfuil ceadaithe;

—	nach gcomhlíonann tú na critéir incháilitheachta ar fad;

—	go ndearna tú dearbhuithe bréagacha nó dearbhú nach raibh na doiciméid chuí mar thaca leis;

—	nach ndearna tú coinne chun ceann amháin nó níos mó de na trialacha a dhéanamh nó nach ndearna tú ceann amháin nó níos mó de na trialacha féin;

—	go ndearna tú séitéireacht i dtriail;

—	nár dhearbhaigh tú san fhoirm iarratais na teangacha nach mór a bheith agat i gcomhréir leis an bhFógra Comórtais seo, nó nár dhearbhaigh tú na híosleibhéil a theastaíonn sna teangacha sin;

—	gur fhéach tú le dul i dteagmháil le ball den bhord roghnúcháin ar dhóigh neamhúdaraithe;

—	nár chuir tú in iúl do EPSO go bhféadfadh coinbhleacht leasa a bheith ann a bhaineann le ball den bhord roghnúcháin;

—	gur i dteanga seachas an teanga/na teangacha a leagadh síos san fhógra comórtais a líon tú isteach d’iarratas (féadfar teanga eile a úsáid i gcásanna áirithe, e.g. ainmneacha dílse, teidil oifigiúla, teidil poist sna doiciméid tacaíocht agus in ainmneacha/teidil dioplómaí); agus/nó

—	go ndearna tú nó gur scríobh tú sainmharc i dtrialacha scríofa a mharcáiltear gan aon ainm luaite leo nó i dtrialacha praiticiúla.

Caithfidh daoine atá ag lorg post in institiúidí an Aontais Eorpaigh a léiriú go bhfuil siad sár-ionraic. Aon duine a dhéanann calaois nó iarracht ar chalaois, is féidir go ngearrfar pionós air, rud a d’fhéadfadh é a dhéanamh neamh-incháilithe do chomórtais eile ina dhiaidh sin.

Deireadh IARSCRÍBHINN III. Cliceáil anseo chun filleadh ar an bpríomhthéacs.

IARSCRÍBHINN IV

SAMPLAÍ D’ÍOSCHÁILÍOCHTAÍ, DE RÉIR TÍRE AGUS GRÁID, A FHREAGRAÍONN, I bPRIONSABAL, DO NA CINN A IARRTAR SNA FÓGRAÍ COMÓRTAS

Cliceáil anseo má tá leagan soléite de na samplaí uait

	AST-SC 1 go AST-SC 6 AST 1 go AST 7	AST 3 go AST 11	AD 5 go AD 16
TÍR	Oideachas meánscoile (lenar féidir leanúint ar aghaidh go dtí an t-oideachas iar-mheánscoile)	Oideachas iar-mheánscoile (cúrsa ardoideachais nach cúrsa ollscoile é nó cúrsa gearr ollscoile a mhair 2 bhliain ar a laghad)	Oideachas ar leibhéal ollscoile (a mhair 3 bliana ar a laghad)	Oideachas ar leibhéal ollscoile (a mhair 4 bliana nó níos mó)
Belgique — België — Belgien	Certificat de l’enseignement secondaire supérieur (CESS)/Diploma secundair onderwijs Diplôme d'aptitude à accéder à l'enseignement supérieur (DAES)/Getuigschrift van hoger secundair onderwijs Diplôme d'enseignement professionnel/Getuigschrift van het beroepssecundair onderwijs	Candidature/Kandidaat Graduat/Gegradueerde Bachelor/Professioneel gerichte Bachelor	Bachelor académique (180 crédits) Academisch gerichte Bachelor (180 ECTS)	Licence/Licentiaat Master Diplôme d'études approfondies (DEA) Diplôme d'études spécialisées (DES) Diplôme d'études supérieures spécialisées (DESS) Gediplomeerde in de Voortgezette Studies (GVS) Gediplomeerde in de Gespecialiseerde Studies (GGS) Gediplomeerde in de Aanvullende Studies (GAS) Agrégation/Aggregaat Ingénieur industriel/Industrieel ingenieur Doctorat/Doctoraal diploma
България	Диплома за завършено средно образование	Специалист по …		Диплома за висше образование Бакалавър Магистър
Česká republika	Vysvědčení o maturitní zkoušce	Vysvědčení o absolutoriu (Absolutorium) + diplomovaný specialista (DiS.)	Diplom o ukončení bakalářského studia (Bakalář)	Diplom o ukončení vysokoškolského studia Magistr Doktor
Danmark	Bevis for: Studentereksamen Højere Forberedelseseksamen (HF) Højere Handelseksamen (HHX) Højere Afgangseksamen (HA) Bac pro: Bevis for Højere Teknisk Eksamen (HTX)	Videregående uddannelser = Bevis for = Eksamensbevis som (erhvervsakademiuddannelse AK)	Bachelorgrad (BA or BS) Professionsbachelorgrad Diplomingeniør	Kandidatgrad/Candidatus Master/Magistergrad (mag.art) Licenciatgrad ph.d.-grad
Deutschland	Abitur/Zeugnis der allgemeinen Hochschulreife Fachabitur/Zeugnis der Fachhochschulreife		Fachhochschulabschluss Bachelor	Hochschulabschluss/Fachhochschulabschluss/Master Magister Artium/Magistra Artium Staatsexamen/Diplom Erstes Juristisches Staatsexamen Doktorgrad
Eesti	Gümnaasiumi lõputunnistus + riigieksamitunnistus Lõputunnistus kutsekeskhariduse omandamise kohta	Tunnistus keskhariduse baasil kutsekeskhariduse omandamise kohta	Bakalaureusekraad (min 120 ainepunkti) Bakalaureusekraad (< 160 ainepunkti)	Rakenduskõrghariduse diplom Bakalaureusekraad (160 ainepunkti) Magistrikraad Arstikraad Hambaarstikraad Loomaarstikraad Filosoofiadoktor Doktorikraad (120–160 ainepunkti)
Éire/Ireland	Ardteistiméireacht, Grád D3, I 5 ábhar/Leaving Certificate Grade D3 in 5 subjects Gairmchlár na hArdteistiméireachta (GCAT)/Leaving Certificate Vocational Programme (LCVP)	Teastas Náisiúnta/National Certificate Gnáthchéim bhaitsiléara/Ordinary bachelor degree Dioplóma náisiúnta (ND, Dip.)/National diploma (ND, Dip.) Ardteastas (120 ECTS)/Higher Certificate (120 ECTS)	Céim onóracha bhaitsiléara (3 bliana/180 ECTS) (BA, B.Sc, B.Eng)/Honours bachelor degree (3 years/180 ECTS) (BA, B.Sc, B.Eng)	Céim onóracha bhaitsiléara (4 bliana/240 ECTS)/Honours bachelor degree (4 years/240 ECTS) Céim ollscoile/University degree Céim mháistir (60-120 ECTS)/Master’s degree (60-120 ECTS) Dochtúireacht/Doctorate
Ελλάδα	Απολυτήριο Γενικού Λυκείου Απολυτήριο Κλασικού Λυκείου Απολυτήριο Τεχνικού Επαγγελματικού Λυκείου Απολυτήριο Ενιαίου Πολυκλαδικού Λυκείου Απολυτήριο Ενιαίου Λυκείου Απολυτήριο Τεχνολογικού Επαγγελματικού Εκπαιδευτηρίου	Δίπλωμα επαγγελματικής κατάρτισης (IΕΚ)		Πτυχίο ΑΕI (πανεπιστημίου, πολυτεχνείου, ΤΕI) Μεταπτυχιακό Δίπλωμα Ειδίκευσης (2ος κύκλος) Διδακτορικό Δίπλωμα (3ος κύκλος)
España	Bachillerato + Curso de Orientación Universitaria (COU) Bachillerato BUP Diploma de Técnico especialista	FP grado superior (Técnico superior)	Diplomado/Ingeniero técnico	Licenciatura Máster Ingeniero Título de Doctor
France	Baccalauréat Diplôme d'accès aux études universitaires (DAEU) Brevet de technicien	Diplôme d'études universitaires générales (DEUG) Brevet de technicien supérieur (BTS) Diplôme universitaire de technologie (DUT) Diplôme d'études universitaires scientifiques et techniques (DEUST)	Licence	Maîtrise Maîtrise des sciences et techniques (MST), maîtrise des sciences de gestion (MSG), diplôme d'études supérieures techniques (DEST), diplôme de recherche technologique (DRT), diplôme d'études supérieures spécialisées (DESS), diplôme d'études approfondies (DEA), master 1, master 2 professionnel, master 2 recherche Diplôme des grandes écoles Diplôme d'ingénieur Doctorat
Hrvatska	Svjedodžba o državnoj maturi Svjedodžba o završnom ispitu	Stručni pristupnik/pristupnica	Baccalaureus/Baccalaurea (sveučilišni prvostupnik/prvostupnica)	Baccalaureus/Baccalaurea (sveučilišni prvostupnik/prvostupnica) Stručni specijalist Magistar struke Magistar inženjer/magistrica inženjerka (mag. ing) Doktor struke Doktor umjetnosti
Italia	Diploma di maturità (vecchio ordinamento) Perito ragioniere Diploma di superamento dell’esame di Stato conclusivo dei corsi di studio di istruzione secondaria superiore	Diploma universitario (DU) Certificato di specializzazione tecnica superiore Attestato di competenza (4 semestri)	Diploma di laurea — L (breve)	Diploma di laurea (DL) Laurea specialistica (LS) Master di I livello Dottorato di ricerca (DR)
Κύπρος	Απολυτήριο	Δίπλωμα = Programmes offered by Public/Private Schools of Higher Education (for the latter accreditation is compulsory) Higher Diploma		Πανεπιστημιακό Πτυχίο/Bachelor Master Doctorat
Latvija	Atestāts par vispārējo vidējo izglītību Diploms par profesionālo vidējo izglītību	Diploms par pirmā līmeņa profesionālo augstāko izglītību	Bakalaura diploms (min. 120 kredītpunktu)	Bakalaura diploms (160 kredītpunktu) Profesionālā bakalaura diploms Maģistra diploms Profesionālā maģistra diploms Doktora grāds
Lietuva	Brandos atestatas	Aukštojo mokslo diplomas Aukštesniojo mokslo diplomas	Profesinio bakalauro diplomas Aukštojo mokslo diplomas	Aukštojo mokslo diplomas Bakalauro diplomas Magistro diplomas Daktaro diplomas Meno licenciato diplomas
Luxembourg	Diplôme de fin d’études secondaires et techniques	BTS Brevet de maîtrise Brevet de technicien supérieur Diplôme de premier cycle universitaire (DPCU) Diplôme universitaire de technologie (DUT)	Bachelor Diplôme d'ingénieur technicien	Master Diplôme d'ingénieur industriel DESS en droit européen
Magyarország	Gimnáziumi érettségi bizonyítvány Szakközépiskolai érettségi-képesítő bizonyítvány	Felsőfokú szakképesítést igazoló bizonyítvány (Higher Vocational Programme)	Főiskolai oklevél Alapfokozat (Bachelor degree 180 credits)	Egyetemi oklevél Alapfokozat (Bachelor degree 240 credits) Mesterfokozat (Master degree) (Osztatlan mesterképzés) Doktori fokozat
Malta	Advanced Matriculation or GCE Advanced level in 3 subjects (2 of them grade C or higher) Matriculation certificate (2 subjects at Advanced level and 4 at Intermediate level including Systems of Knowledge with overall grade A-C) + Passes in the Secondary Education Certificate examination at Grade 5 2 A Levels (passes A-C) + a number of subjects at Ordinary level, or equivalent	MCAST diplomas/certificates Higher National Diploma	Bachelor’s degree	Bachelor’s degree Master of Arts Doctorate
Nederland	Diploma VWO Diploma staatsexamen (2 diploma's) Diploma staatsexamen voorbereidend wetenschappelijk onderwijs (Diploma staatsexamen VWO) Diploma staatsexamen hoger algemeen voortgezet onderwijs (Diploma staatsexamen HAVO)	Kandidaatsexamen Associate degree (AD)	Bachelor (WO) HBO bachelor degree Baccalaureus of ‘Ingenieur’	HBO/WO Master's degree Doctoraal examen/Doctoraat
Österreich	Matura/Reifeprüfung Reife- und Diplomprüfung Berufsreifeprüfung	Kollegdiplom/Akademiediplom	Fachhochschuldiplom/Bakkalaureus/Bakkalaurea	Universitätsdiplom Fachhochschuldiplom Magister/Magistra Master Diplomprüfung, Diplom-Ingenieur Magisterprüfungszeugnis Rigorosenzeugnis Doktortitel
Polska	Świadectwo dojrzałości Świadectwo ukończenia liceum ogólnokształcącego	Dyplom ukończenia kolegium nauczycielskiego Świadectwo ukończenia szkoły policealnej	Licencjat/Inżynier	Magister/Magister inżynier Dyplom doktora
Portugal	Diploma de Ensino Secundário Certificado de Habilitações do Ensino Secundário		Bacharel Licenciado	Licenciado Mestre Doutorado
România	Diplomă de bacalaureat	Diplomă de absolvire (colegiu universitar) Învățământ preuniversitar	Diplomă de licenţă	Diplomă de licenţă Diplomă de inginer Diplomă de urbanist Diplomă de master Certificat de atestare (studii academice postuniversitare) Diplomă de doctor
Slovenija	Maturitetno spričevalo (spričevalo o poklicni maturi) (spričevalo o zaključnem izpitu)	Diploma višje strokovne šole	Diploma o pridobljeni visoki strokovni izobrazbi	Univerzitetna diploma Magisterij Specializacija Doktorat
Slovensko	Vysvedčenie o maturitnej skúške	Absolventský diplom	Diplom o ukončení bakalárskeho štúdia (Bakalár)	Diplom o ukončení vysokoškolského štúdia Bakalár (Bc.) Magister Magister/Inžinier ArtD.
Suomi/Finland	Ylioppilastutkinto tai peruskoulu + kolmen vuoden ammatillinen koulutus — Studentexamen eller grundskola + treårig yrkesinriktad utbildning Todistus yhdistelmäopinnoista (Betyg över kombinationsstudier)	Ammatillinen opistoasteen tutkinto — Yrkesexamen på institutnivå	Kandidaatin tutkinto — Kandidatexamen/Ammattikorkeakoulututkinto — Yrkeshögskoleexamen (min. 120 opintoviikkoa — studieveckor)	Maisterin tutkinto — Magisterexamen/Ammattikorkeakoulututkinto — Yrkeshögskoleexamen (min. 160 opintoviikkoa — studieveckor) Tohtorin tutkinto (Doktorsexamen) joko 4 vuotta tai 2 vuotta lisensiaatin tutkinnon jälkeen — antingen 4 år eller 2 år efter licentiatexamen Lisensiaatti/Licentiat
Sverige	Slutbetyg från gymnasieskolan (3-årig gymnasial utbildning)	Högskoleexamen (80 poäng) Högskoleexamen, 2 år, 120 högskolepoäng Yrkeshögskoleexamen/Kvalificerad yrkeshögskoleexamen, 1–3 år	Kandidatexamen (akademisk examen omfattande minst 120 poäng, varav 60 poäng fördjupade studier i ett ämne + uppsats motsvarande 10 poäng) Meriter på grundnivå: Kandidatexamen, 3 år, 180 högskolepoäng (Bachelor)	Magisterexamen (akademisk examen omfattande minst 160 poäng, varav 80 poäng fördjupade studier i ett ämne + uppsats motsvarande 20 poäng eller två uppsatser motsvarande 10 poäng vardera) — Licentiatexamen — Doktorsexamen Meriter på avancerad nivå: — Magisterexamen, 1 år, 60 högskolepoäng — Masterexamen, 2 år, 120 högskolepoäng Meriter på forskarnivå: — Licentiatexamen, 2 år, 120 högskolepoäng — Doktorsexamen, 4 år, 240 högskolepoäng
United Kingdom	General Certificate of Education Advanced level — 2 passes or equivalent (grades A to E) BTEC National Diploma General National Vocational Qualification (GNVQ), advanced level Advanced Vocational Certificate of Education, A level (VCE A level)	Higher National Diploma/Certificate (BTEC)/SCOTVEC Diploma of Higher Education (DipHE) National Vocational Qualifications (NVQ) Scottish Vocational Qualifications (SVQ) level 4	(Honours) Bachelor degree NB: Master’s degree in Scotland	Honours Bachelor degree Master’s degree (MA, MB, MEng, MPhil, MSc) Doctorate

Deireadh IARSCRÍBHINN IV. Cliceáil anseo chun filleadh ar an bpríomhthéacs.