IARSCRÍBHINN I

DUALGAIS

EPSO/AD/323/16

1.   Imscrúdaitheoirí: Caiteachas an Aontais Eorpaigh, frith-éilliú (AD 7)

Ar na príomhchúraimí a bheidh le déanamh tá:

2.   Imscrúdaitheoirí: Custam agus trádáil, tobac agus earraí góchumtha (AD 7)

Ar na príomhchúraimí a bheidh le déanamh tá:

EPSO/AD/324/16 – Imscrúdaitheoirí: Cinn foirne (AD 9)

Ar na príomhchúraimí a bheidh le déanamh tá:

Deireadh IARSCRÍBHINN I. Cliceáil anseo chun filleadh ar an bpríomhthéacs

IARSCRÍBHINN II

AN tÚDAR ATÁ LE RIALACHA TEANGA NA NÓSANNA IMEACHTA ROGHNÚCHÁIN SEO

Is é atá sna comórtais seo sainchomórtais arb é is aidhm dóibh imscrúdaitheoirí agus cinn foirne imscrúdaitheoirí a earcú. Na riachtanais atá leagtha amach sa roinn “NA COINNÍOLLACHA INCHÁILITHEACHTA” den chomórtas seo, tá siad ag teacht leis na príomhriachtanais atá ag institiúidí an Aontais Eorpaigh ó thaobh sainscileanna, saintaithí agus saineolais agus leis an ngá atá ann earcaigh nua a bheith ábalta a gcuid oibre a dhéanamh go héifeachtach, i gcomhar le baill foirne eile go háirithe.

Ar an ábhar sin ní mór d’iarrthóirí dara teanga an chomórtais a roghnú as measc líon teoranta de theangacha oifigiúla de chuid an Aontais Eorpaigh. Tá an teorainn sin ann i ngeall ar shrianta buiséid agus oibriúcháin freisin, agus i ngeall ar mhodhanna roghnúcháin EPSO (féach pointí 1, 2, 3 thíos). Cheap Bord Bainistíochta EPSO riachtanais teanga na gcomórtas seo agus aird á tabhairt aige ar na cúinsí sin agus ar riachtanais shonracha eile a bhaineann le dualgais an phoist i gceist nó leis na riachtanais ar leith atá ag an gCoimisiún Eorpach.

Is é is príomhaidhm do na comórtais seo painéal riarthóirí a chur i dtoll óna bhféadfaidh institiúidí an Aontais Eorpaigh daoine a earcú. Tá sé ríthábhachtach riarthóirí a bheith in ann dul i mbun oibre go héifeachtach a luaithe a earcaítear iad agus a bheith ábalta cumarsáid a dhéanamh lena gcuid comhghleacaithe agus lena gcuid bainisteoirí. I bhfianaise na gcritéar maidir le húsáid teangacha i nósanna imeachta roghnúcháin a eagraíonn an tAontas Eorpach (féach pointe 2 thíos), is é tuairim an Choimisiúin Eorpaigh gurb iad an Béarla, an Fhraincis agus an Ghearmáinis an rogha dara teangacha is oiriúnaí do na comórtais seo.

Tráth is go bhfuil an Béarla, an Fhraincis agus an Ghearmáinis ar na teangacha is minice a labhraítear, is minice a n-aistrítear téacsanna astu agus go dtí iad, agus is mó a úsáideann baill foirne laistigh den Choimisiún Eorpach chun críche cumarsáide riaracháin, agus tráth is go bhfuil na teangacha sin ar na teangacha is minice a úsáidtear le tríú páirtithe a bhíonn ag plé le himscrúduithe i dtaobh frith-éilliú, custaim agus trádála, ní mór ceann ar a laghad de na teangacha sin a bheith i measc an dá theanga is éigean a bheith ag iarrthóirí.

Ina cheann sin, meastar go bhfuil eolas maith ar an mBéarla sár-riachtanach le bheith in ann a bheith ag obair i gcomhar le páirtithe eile i réimsí na coireachta airgeadais, i réimse an fhrith-éillithe agus i réimse na n-earraí góchumtha i gcomhthéacs idirnáisiúnta. Dá bhrí sin, tá eolas maith ar an mBéarla sár-riachtanach chun cuir i láthair a thabhairt, plé a dhéanamh agus tuarascálacha a scríobh, lena chinntiú go mbeidh comhar agus malartú faisnéise éifeachtacht ann le húdaráis náisiúnta na mBallstáit agus le tíortha nach ballstát den Aontas Eorpach iad. Sin é an chúis a mbeidh ar iarrthóir triail tuisceana teanga i mBéarla a dhéanamh le linn chéim an ionaid measúnaithe.

An teanga a roghnóidh siad mar theanga 2 don chomórtas (an Béarla, an Fhraincis, nó an Ghearmáinis), sin í an teanga nach mór d’iarrthóirí a úsáid san fhoirm iarratais ar líne, agus is í an teanga sin nach mór do EPSO a úsáid agus é ag déanamh cumarsáid le grúpa mór iarrthóirí a chuir iarratas bailí isteach agus i roinnt de na trialacha a bhfuil cur síos orthu i bpointe 3.

1.   An t-údar atá leis an rogha teangacha i ngach nós imeachta roghnúcháin

Is é tuairim institiúidí an Aontais Eorpaigh gur ar bhonn na gcritéar seo a leanas is ceart an rogha teangacha i ngach nós imeachta roghnúcháin, agus go háirithe aon teorannú ar an rogha sin, a chinneadh:

Caithfidh earcaigh nua a bheith in ann dul i mbun oibre láithreach agus a bheith ábalta na dualgais ar earcaíodh iad lena n-aghaidh a dhéanamh. Dá bhrí sin, ní mór do EPSO deimhin a dhéanamh de go bhfuil eolas leordhóthanach ag iarrthóirí ar theaglaim teangacha a chuirfidh ar a gcumas a gcuid dualgas a dhéanamh go héifeachtach agus ní mór dó, leis, deimhin a dhéanamh de, go háirithe, go bhfuil siad in ann cumarsáid éifeachtach a dhéanamh lena gcuid comhghleacaithe agus lena gcuid bainisteoirí agus a gcuid oibre laethúla á déanamh acu.

Ar an ábhar sin, d’fhéadfadh sé go mbeadh údar le trialacha áirithe gan a bheith ar fáil ach i líon teoranta de theangacha cumarsáide d’fhonn féachaint chuige go bhfuil sé ar chumas gach iarrthóra a chuid oibre a dhéanamh i gceann de na teangacha sin, is cuma cén chéad teanga oifigiúil atá aige. Mura ndéanfaí sin, bheadh baol mór ann go mbeadh líon mór iarrthóirí ar éirigh leo ann nach mbeadh ábalta, faoi cheann tréimhse réasúnta, na dualgais ar earcaíodh iad lena n-aghaidh a dhéanamh. Lena chois sin, ba ionann gan sin a dhéanamh agus neamhaird a dhéanamh de go mbíonn na daoine a chuireann isteach ar phost i seirbhís shibhialta an Aontais Eorpaigh toilteanach bheith ag obair in eagraíocht idirnáisiúnta nach foláir di úsáid a bhaint as teangacha cumarsáide chun a cuid oibre a dhéanamh i gceart agus na cúraimí atá uirthi de dhroim chonarthaí an Aontais Eorpaigh a dhéanamh.

I gcásanna áirithe d’fhéadfadh sé go mbeadh cineál an nós imeachta roghnúcháin ina údar le teorainn a chur leis an rogha teangacha.

I gcomhréir le hAirteagal 27 de na Rialacha Foirne, eagraíonn EPSO comórtais oscailte arb é is aidhm leo measúnú a dhéanamh ar scileanna iarrthóirí agus ar a gcumas a gcuid dualgas a dhéanamh.

Is éard atá san ionad measúnaithe modh roghnúcháin arb é atá ann measúnú a dhéanamh ar iarrthóirí ar dhóigh chaighdeánach, bunaithe ar ghníomhaíochtaí éagsúla a ndéanann baill an bhoird roghnúcháin breathnadóireacht orthu. Is de réir creat inniúlachtaí a dhéantar an measúnú, creat a cheapann na húdaráis cheapacháin roimh ré, agus úsáidtear modh marcála comónta agus modh comhchinnteoireachta chuige.

Trí scileanna sonracha a mheas ar an dóigh sin, is féidir le hinstitiúidí an Aontais Eorpaigh meastóireacht a dhéanamh ar ábaltacht na n-iarrthóirí dul i mbun oibre láithreach i dtimpeallacht atá cosúil leis an timpeallacht ina n-iarrfar orthu bheith ag obair. Tá cuid mhór taighde eolaíoch déanta a léiríonn gurb iad na hionaid measúnaithe, ar ionsamhlú d’fhíordhálaí oibre iad, is fearr a thugann caoi ar mheastóireacht a dhéanamh ar conas a chruthódh iarrthóirí sa phost i gceist i ndáiríre. Sin é an chúis a n-úsáidtear ionaid measúnaithe ar fud an domhain. I bhfianaise a fhad a mhaireann gairmréimeanna in institiúidí an Aontais Eorpaigh agus a fhusa atá sé dul ó phost go post sna hinstitiúidí céanna, tá measúnú den chineál seo fíorthábhachtach, go háirithe agus oifigigh bhuana á roghnú.

Chun deimhin a dhéanamh de go bhfuil na hiarrthóirí ar aon bhonn le chéile agus measúnú á dhéanamh orthu agus gur féidir leo cumarsáid dhíreach a dhéanamh leis na measúnóirí agus leis na hiarrthóirí eile atá páirteach sna gníomhaíochtaí, measúnaítear iarrthóirí le chéile agus gan ach aon teanga amháin á húsáid. Cé is moite den chás ina bhfuil príomhtheanga amháin ag comórtas, níl an dara rogha ann ach céim an ionaid measúnaithe a dhéanamh i líon teoranta teangacha.

Ar roinnt cúiseanna, is é tuairim Bhord Bainistíochta EPSO go mbeadh sé míphraiticiúil céim an ionaid measúnaithe de chomórtas ar leith a dhéanamh i dteangacha oifigiúla uile an Aontais Eorpaigh.

Ar an gcéad dul síos, thiocfadh impleachtaí tromchúiseacha buiséadacha as sin, a d’fhágfadh nach bhféadfadh institiúidí an Aontais Eorpaigh riar ar a riachtanais earcaíochta leis an mbuiséad atá ann faoi láthair. D’fhágfadh sé, leis, nach mbeadh luach réasúnta a gcuid airgid á fháil ag an gcáiníocóir Eorpach.

Ar an dara dul síos, dá gceadófaí céim an ionaid measúnaithe a dhéanamh i dteangacha oifigiúla uile an Aontais, theastódh mórchuid ateangairí le haghaidh gach comórtais agus chaithfí na comórtais a reáchtáil in ionaid ina mbeadh botháin ateangaireachta.

Ar an tríú dul síos, ba ghá líon i bhfad níos mó daoine a cheapadh mar bhaill den bhord roghnúcháin chun na teangacha uile a d’fhéadfadh na hiarrthóirí a úsáid a chlúdach.

2.   Na critéir a roghnaítear na teangacha dá réir i ngach nós imeachta roghnúcháin

I gcás ina mbíonn ar na hiarrthóirí rogha a dhéanamh as líon teoranta teangacha de theangacha oifigiúil an Aontais Eorpaigh, caithfidh Bord Bainistíochta EPSO cinneadh a dhéanamh, cás ar chás, cén rogha teangacha a bheidh ann, ag tabhairt airde dó ar na nithe seo a leanas:

3.   Teangacha cumarsáide

Sa roinn seo tá cur síos ar na rialacha ginearálta maidir le húsáid teangacha chun críocha cumarsáide idir EPSO agus iarrthóirí. Is féidir riachtanais shonracha eile a leagan amach san fhógra comórtas.

Tugann EPSO aird chuí ar an gceart atá ag iarrthóirí, de bhrí gur saoránaigh den Aontas Eorpach iad, cumarsáid a dhéanamh ina máthairtheanga. Aithníonn sé, leis, go b'fhéadfadh iarrthóirí a bhfuil a n-iarratas bailíochtaithe acu teacht chun a bheith ina mbaill de sheirbhís shibhialta na hEorpa agus tairbhiú de na cearta a eascraíonn as na Rialacháin Foirne agus a bheith faoi réir na n-oibleagáidí a ghabhann leis na Rialacháin sin. Ar an ábhar sin, is é tuairim institiúidí an Aontais Eorpaigh gur cheart do EPSO, gach uair is féidir, cumarsáid a dhéanamh le hiarrthóirí agus eolas a chur ar fáil dóibh i dteangacha oifigiúla uile an Aontais Eorpaigh. Chuige sin, cuirfear ar fáil sna teangacha oifigiúla go léir an t-ábhar buan ar fad atá ar shuíomh gréasáin EPSO, fógraí comórtais agus na rialacha ginearálta maidir le comórtais oscailte.

Sonraítear i ngach fógra comórtas cé na teangacha is ceart a úsáid agus na foirmeacha iarratais ar líne á líonadh isteach. Ní mór na treoracha maidir le líonadh isteach an iarratais a bheith ar fáil sna teangacha oifigiúla uile. Beidh na rialacha sin i bhfeidhm le linn na hidirthréimhse a theastaíonn chun próiseas déanta iarratais ar líne tosaigh a chur ar bun a bheidh ar fáil sna teangacha oifigiúla uile.

Ar mhaithe le cumarsáid a dhéanamh go gasta agus go héifeachtúil, a luaithe a bheidh iarratas tosaigh iarrthóra bailíochtaithe, is i líon teoranta de theangacha oifigiúla de chuid an Aontais a dhéanfar gach cumarsáid atá dírithe ar ghrúpa mór daoine. Is sa teanga a roghnaigh an t-iarrthóir mar theanga 1 nó sa teanga a roghnaigh sé mar theanga 2, i gcomhréir leis an bhfógra comórtais, a dhéanfar an chumarsáid sin.

Is féidir le hiarrthóirí cumarsáid a dhéanamh le EPSO ina rogha teanga oifigiúil de chuid an Aontais, ach d’fhonn cuidiú le EPSO déileáil go héifeachtúil le cumarsáid, moltar d’iarrthóirí úsáid a bhaint as an líon teoranta teangacha a bhfuil EPSO in ann plé leo gan dul i muinín an aistriúcháin.

Is féidir go mbeidh trialacha áirithe i líon teoranta de theangacha oifigiúla de chuid an Aontais Eorpaigh chun deimhin a dhéanamh de go bhfuil na scileanna teanga is gá ag na hiarrthóirí chun páirt a ghlacadh i gcéim an mheasúnaithe de chomórtas oscailte. Is san fhógra comórtais a leagtar síos roghanna teanga gach trialach.

Is é tuairim institiúidí an Aontais Eorpaigh go gcinntíonn na socruithe thuasluaite go mbíonn cothromaíocht chóir chuí ann idir leas na seirbhís, ar thaobh, agus ar an taobh eile, prionsabal an ilteangachais agus an neamh-idirdhealaithe ar bhonn teangacha. Bíonn ar iarrthóirí dara teanga a roghnú nach ionann í agus an teanga a roghnaigh siad mar theanga 1 (an mháthairtheanga nó a cothrom de ghnáth), agus ó tharla go bhfuil sin amhlaidh cinntítear gur féidir iarrthóirí a chur i gcomparáid le chéile ar aon bhonn le chéile.

Deireadh IARSCRÍBHINN II. Cliceáil anseo chun filleadh ar an bpríomhthéacs.

IARSCRÍBHINN III

CÁILÍOCHTAÍ AGUS TAITHÍ OIBRE

EPSO/AD/323/16

1.   Imscrúdaitheoirí: Caiteachas an Aontais Eorpaigh, frith-éilliú (AD 7)

Leibhéal oideachais is comhionann le cúrsa iomlán ollscoile 4 bliana ar a laghad agus dioplóma bainte amach ag a dheireadh agus taithí oibre ábhartha 6 bliana ar a laghad a fuair an t-iarrthóir ina dhiaidh sin mar imscrúdaitheoir, oifigeach póilíneachta nó oifigeach de shaghas eile um fhorfheidhmiú an dlí a raibh sé de chúram air imscrúduithe a dhéanamh a bhain le coireacht airgeadais, éilliú poiblí agus cosaint an leasa airgeadais phoiblí.

NÓ

Leibhéal oideachais is comhionann le cúrsa iomlán ollscoile 3 bliana ar a laghad agus dioplóma bainte amach ag a dheireadh agus taithí oibre ábhartha 7 mbliana ar a laghad a fuair an t-iarrthóir ina dhiaidh sin mar imscrúdaitheoir, oifigeach póilíneachta nó oifigeach de shaghas eile um fhorfheidhmiú an dlí a raibh sé de chúram air imscrúduithe a dhéanamh a bhain le coireacht airgeadais, éilliú poiblí agus cosaint an leasa airgeadais phoiblí.

Ní foláir an taithí oibre a bheith faighte ag na hiarrthóirí i ngníomhaireacht nó comhlacht forghníomhaithe dlí, i gcóras dlí nó riaracháin phoiblí Ballstáit, nó in institiúid, gníomhaireacht nó comhlacht de chuid an Aontais Eorpaigh, nó in eagraíocht idirnáisiúnta.

Tá tuilleadh eolais i dtaobh dioplómaí in Iarscríbhinn I atá ag gabháil leis na Rialacha Ginearálta maidir le comórtais oscailte (http://eur-lex.europa.eu/legal-content/GA/TXT/?uri=OJ:C:2015:070A:TOC)

2.   Imscrúdaitheoirí: Custam agus trádáil, tobac agus earraí góchumtha (AD 7)

Leibhéal oideachais is comhionann le cúrsa iomlán ollscoile 4 bliana ar a laghad agus dioplóma bainte amach ag a dheireadh agus taithí oibre ábhartha 6 bliana ar a laghad a fuair an t-iarrthóir ina dhiaidh mar imscrúdaitheoir, oifigeach póilíneachta nó custaim nó oifigeach de shaghas eile um fhorfheidhmiú an dlí a raibh sé de chúram air imscrúduithe a dhéanamh ar chalaois nó ar mhírialtachtaí a raibh dochar iontu do leas airgeadais na mBallstát nó do leas airgeadais an Aontais Eorpaigh.

NÓ

Leibhéal oideachais is comhionann le cúrsa iomlán ollscoile 3 bliana ar a laghad agus dioplóma bainte amach ag a dheireadh agus taithí oibre ábhartha 7 mbliana ar a laghad a fuair an t-iarrthóir ina dhiaidh mar imscrúdaitheoir, oifigeach póilíneachta nó custaim nó oifigeach de shaghas eile um fhorfheidhmiú an dlí a raibh sé de chúram air imscrúduithe a dhéanamh ar éilliú nó ar mhírialtachtaí a raibh dochar iontu do leas airgeadais na mBallstát nó do leas airgeadais an Aontais Eorpaigh.

Ní foláir an taithí oibre a bheith faighte ag na hiarrthóirí i gceann de sheirbhísí custaim na mBallstát, i ngníomhaireachtaí eile um fhorghníomhú an dlí nó in institiúidí sin an Aontais Eorpaigh a raibh sé de chúram orthu imscrúduithe a dhéanamh ar chalaois agus ar mhírialtachtaí a raibh dochar iontu do leas airgeadais na mBallstát nó do leas airgeadais an Aontais Eorpaigh.

Tá tuilleadh eolais i dtaobh dioplómaí in Iarscríbhinn I atá ag gabháil leis na Rialacha Ginearálta maidir le comórtais oscailte (http://eur-lex.europa.eu/legal-content/GA/TXT/?uri=OJ:C:2015:070A:TOC)

EPSO/AD/324/16 – Imscrúdaitheoirí: Cinn foirne (AD 9)

Leibhéal oideachais is comhionann le cúrsa iomlán ollscoile 4 bliana ar a laghad agus dioplóma bainte amach ag a dheireadh agus taithí oibre ábhartha 10 mbliana ar a laghad a fuair an t-iarrthóir ina dhiaidh sin i ngníomhaireacht nó i gcomhlacht um fhorghníomhú an dlí, i gcóras dlí nó riaracháin phoiblí Ballstáit, nó in institiúidí de chuid an Aontais Eorpaigh, comhlachtaí, oifigí nó gníomhaireachtaí, in eagraíocht idirnáisiúnta nó i gceann de sheirbhísí custaim na mBallstát, taithí mar imscrúdaitheoir, ionchúisitheoir nó giúistís a raibh sé de chúram air imscrúduithe a dhéanamh ar chalaois nó ar mhírialtachtaí a raibh dochar iontu do leas airgeadais na mBallstát nó do leas airgeadais an Aontais Eorpaigh.

Ní foláir a bheith ina cuid de na 10 mbliana sin taithí oibre 4 bliana ar a laghad ar obair bhainistíochta nó ar fhoireann a chomhordú , róil a raibh fíorchúraimí bainistithe pearsanra ag dul leo, agus taithí oibre 2 bhliain ar a laghad a fuair an t-iarrthóir mar ionchúisitheoir nó breitheamh i gceannas ar fhoirne imscrúdúcháin nó i gceannas ar fhoireann imscrúdaitheoirí a raibh sé de chúram uirthi imscrúduithe riaracháin nó breithiúnacha a dhéanamh.

NÓ

Leibhéal oideachais is comhionann le cúrsa iomlán ollscoile 3 bliana ar a laghad agus dioplóma bainte amach ag a dheireadh agus taithí oibre ábhartha 11 bhliain ar a laghad a fuair an t-iarrthóir ina dhiaidh sin i ngníomhaireacht nó i gcomhlacht um fhorghníomhú an dlí, i gcóras dlí nó riaracháin phoiblí Ballstáit, nó in institiúidí de chuid an Aontais Eorpaigh, comhlachtaí, oifigí nó gníomhaireachtaí, in eagraíocht idirnáisiúnta nó i gceann de sheirbhísí custaim na mBallstát, taithí mar imscrúdaitheoir, ionchúisitheoir nó giúistís a raibh sé de chúram air imscrúduithe a dhéanamh ar chalaois nó ar mhírialtachtaí a raibh dochar iontu do leas airgeadais na mBallstát nó do leas airgeadais an Aontais Eorpaigh.

Ní foláir a bheith ina cuid de na 11 bhliain sin taithí oibre 4 bliana ar a laghad ar obair bhainistíochta nó ar fhoireann a chomhordú , róil a mbaineann cúraimí bainistithe pearsanra leo, agus taithí oibre 2 bhliain ar a laghad a fuair an t-iarrthóir mar ionchúisitheoir nó breitheamh i gceannas ar fhoirne imscrúdúcháin nó i gceannas ar fhoireann imscrúdaitheoirí a raibh sé de chúram uirthi imscrúduithe riaracháin nó breithiúnacha a dhéanamh.

Chun an taithí ar dhualgais bhainistíochta nó chomhordúcháin a mheas, cuirfidh an bord roghnúcháin san áireamh eolas ábhartha a sholáthróidh na hiarrthóirí, mar shampla:

Ní chuirfear an taithí oibre sin san áireamh ach amháin má fuarthas í i ndiaidh an dioplóma a éilítear chun cur isteach ar an gcomórtas a bhaint amach.

Tá tuilleadh eolais i dtaobh dioplómaí in Iarscríbhinn I atá ag gabháil leis na Rialacha Ginearálta maidir le comórtais oscailte (http://eur-lex.europa.eu/legal-content/GA/TXT/?uri=OJ:C:2015:070A:TOC)

Deireadh IARSCRÍBHINN III. Cliceáil anseo chfilleadh ar an bpríomhthéacs.

IARSCRÍBHINN IV

CRITÉIR ROGHNÚCHÁIN

Déanfaidh an bord roghnúchán na critéir seo a leanas a mheas chun rogha a dhéanamh ar bhonn cáilíochtaí:

EPSO/AD/323/16

1.   Imscrúdaitheoirí: Caiteachas an Aontais Eorpaigh, frith-éilliú (AD 7):

2.   Imscrúdaitheoirí: Custam agus trádáil, tobac agus earraí góchumtha (AD 7):

EPSO/AD/324/16 – Imscrúdaitheoirí: Cinn foirne (AD 9):

Deireadh IARSCRÍBHINN IV. Cliceáil anseo chun filleadh ar an bpríomhthéacs.