Ainm

Faisnéis aitheantais

Cúiseanna

Dáta an liostaithe

‘1.

Mirghani Idriss SULEIMAN

Náisiúntacht: Súdánach

Inscne: fireann

Feidhm: Leifteanant-Ghinearál i bhFórsaí Armtha na Súdáine;

Ard-Stiúrthóir Defence Industries System;

Ceann Ghníomhaireacht Táirgthe Arm na Súdáine

Cúntóir do Ghnóthaí na dTionscal Míleata laistigh d’Fhórsaí Armtha na Súdáine

Daoine aonair comhlachaithe: an Ginearál Abdelfattah Al-Burhan, Ardcheannasaí Fhórsaí Armtha na Súdáine

Eintitis chomhlachaithe: Defense Industry System, SMT Engineering; Fórsaí Armtha na Súdáine

Is oifigeach d’Fhórsaí Armtha na Súdáine é an Leifteanant-Ghinearál Mirghani Idriss Suleiman atá ina Ard-Stiúrthóir ar Defense Industry System (DIS), cuideachta atá faoi réir bearta sriantacha ag an Aontas Eorpach as tacaíocht a thabhairt do ghníomhaíochtaí agus do bheartais a chuireann síocháin, cobhsaíocht agus slándáil na Súdáine i mbaol. In 2026, ceapadh é ina Chúntóir do Ghnóthaí na dTionscal Míleata laistigh d’Fhórsaí Armtha na Súdáine.

Cuirtear síos ar DIS mar an fiontar cosanta is mó sa tSúdáin, a ghineann thart ar USD 2 000 000 000 in ioncam trí na céadta fochuideachtaí ar fud earnálacha éagsúla de gheilleagar na Súdáine. Monaraíonn DIS raon mionarm, gnáth-armán, armlón agus feithiclí míleata le haghaidh Fhórsaí Armtha na Súdáine.

Líomhnaítear gur thaisteal Mirghani Idriss Suleiman, mar Ard-Stiúrthóir DIS, go forleathan leis an nGinearál Abdelfattah Al-Burhan, Ardcheannasaí Fhórsaí Armtha na Súdáine, ó thús an chogaidh, chun cur le cumas Fhórsaí Armtha na Súdáine na Fórsaí Mear-Thacaíochta a chomhrac ar roinnt frontaí i gCartúm, Darfur agus Kordofan.

Dá bhrí sin, tacaíonn Mirghani Idriss Suleiman le gníomhaíochtaí nó beartais a chuireann síocháin, cobhsaíocht nó slándáil na Súdáine i mbaol.

24.6.2024

5.

Mustafa Ibrahim ABDEL NABI MOHAMED

Náisiúntacht: Súdánach

Inscne: fireann

Feidhm: Stiúrthóir al-Khaleej Bank; scairshealbhóir tromlaigh Shield Protective Solutions Co. Ltd. (an tSúdáin); Stiúrthóir Airgeadais na bhFórsaí Mear-Thacaíochta

Pas uimhir: B CH 4930920

Daoine aonair comhlachaithe: Musa Hamdan Dagalo Musa, deartháir le ceannaire na bhFórsaí Mear-Thacaíochta, Mohamed Hamdan Dagalo

Eintitis chomhlachaithe: Al-Khaleej Bank; Shield Protective Solutions Co. Ltd. (an tSúdáin)

Is iaroifigeach sinsearach de Bhanc Ceannais na Súdáine é Mustafa Ibrahim Abdel Nabi Mohamed, atá ar iasacht chun feidhmiú mar Stiúrthóir Airgeadais do na Fórsaí Mear-Thacaíochta ó 2017 i leith, agus a chuidíonn le FMT gréasán seach-chuideachtaí agus seacheintiteas a bhainistiú.

I dTuarascáil ó Phainéal Saineolaithe na Náisiún Aontaithe maidir le smachtbhannaí in Darfur, rinneadh tagairt d’iaroifigeach sinsearach de chuid Bhanc Ceannais na Súdáine atá lonnaithe in Dubai agus atá anois ina chomhairleoir airgeadais ag na Fórsaí Mear-Thacaíochta, gan é a ainmniú. Mínítear sa tuarascáil freisin go raibh ról lárnach ag al Khaleej Bank i maoiniú na bhFórsaí Mear-Thacaíochta in 2019 nuair a fuair daoine aonair agus eintitis a bhfuil baint acu leis na Fórsaí Mear-Thacaíochta úinéireacht tromlaigh an bhainc.

Tá tuairiscí sna meáin agus meithleacha machnaimh tar éis an duine sin a aithint mar Mustafa Ibrahim Abdel Nabi Mohamed. Is Stiúrthóir é ar Al Khaleej Bank, banc de chuid na Súdáine.

Tá os cionn 60 % de scaireanna Al Khaleej Bank i seilbh cuideachtaí a bhfuil baint acu le teaghlach Mohammad Hamdan Dagalo (Hemedti), ceann na bhFórsaí Mear-Thacaíochta.

Is é Mustafa Ibrahim Abdel Nabi Mohamed scairshealbhóir tromlaigh Shield Protective Solutions Co. Ltd. Is é duine de dheartháireacha Hemedti, Musa Hamdan Dagalo Musa, an scairshealbhóir eile sa chuideachta sin agus tá os cionn 14 % den scairsheilbh in al Khaleej Bank ag an gcuideachta.

In 2026, aithnítear é mar chuid de líonra atá nasctha le ceannaireacht na bhFórsaí Mear-Thacaíochta, a bhailigh punann ollmhór maoine in Dubai mar chuid de “choimpléasc míleata-tionsclaíoch” ransaithe ar fud na hAfraice agus an Mheánoirthir. Is sa chomhthéacs sin a cheannaigh sé árasán ardleibhéil in Burj Khalifa, stór spéiriúil in Dubai, rud a léiríonn go mbaineann sé tairbhe as an gcoinbhleacht sa tSúdáin.

Mar stiúrthóir airgeadais do na Fórsaí Mear Thacaíochta, tá Mustafa Ibrahim Abdel Nabi Mohamed i mbun, go díreach nó go hindíreach, gníomhaíochtaí nó beartais lena gcuirtear síocháin, cobhsaíocht nó slándáil na Súdáine i mbaol, nó tá tacaíocht á cur ar fáil aige do na gníomhaíochtaí nó na bearta sin, nó tá tairbhe á baint aige astu.

24.6.2024

11.

Abu Aqla Mohamed Ahmed KAIKAL

ar a dtugtar freisin

Abu Aqla KEIKAL

Náisiúntacht: Súdánach

Inscne: fireann

Feidhm: Ceannaire agus Ceannasaí Sciathfhórsaí na Súdáine, mílíste atá cleamhnaithe le Fórsaí Armtha na Súdáine

Eintitis chomhlachaithe: Fórsaí Armtha na Súdáine

Is Ceannasaí Míleata de chuid na Súdáine é Abu Aqla Mohamed Ahmed Kaikal a rinne seirbhís sna Fórsaí Mear-Thacaíochta i Stát Gezira sa tSúdáin go dtí gur fhág sé iad chun dul le Fórsaí Armtha na Súdáine i mí Dheireadh Fómhair 2024.

Ó 2025 i leith, is é Abu Aqla Mohammed Kaikal Ceannaire agus Ceannasaí Sciathfhórsaí na Súdáine, grúpa armtha a throideann in éineacht le Fórsaí Armtha na Súdáine. An 12 Nollaig 2025, bhí sé le feiceáil i bhfíseán ina raibh sé ag bagairt ar shibhialtaigh a bhí ag iarraidh teitheadh ó Chathair El Obeid i Stát Kordofan Thuaidh, stát a bhí faoi léigear na bhFórsaí Mear-Thacaíochta. San fhíseán, cloistear é agus rabhadh á thabhairt aige go lámhachfaí sibhialtaigh a dhéanfadh iarracht an chathair a fhágáil.

Bhí ról tábhachtach ag Sciathfhórsaí na Súdáine sa troid i Stát Gezira agus i ndúiche na Níle Thoir, i limistéar Chartúm. An 10 Eanáir 2025, dhírigh Sciathfhórsaí na Súdáine d’aon ghnó ar shibhialtaigh agus ar a maoin in ionsaí.

Dá bhrí sin, tá Abu Aqla Mohamed Ahmed Kaikal freagrach as gníomhaíochtaí agus beartais a chuireann síocháin, cobhsaíocht agus slándáil na Súdáine i mbaol. Ina theannta sin, tá sé freagrach as gníomhartha a stiúradh sa tSúdáin ar sáruithe tromchúiseacha ar chearta an duine iad, agus le bac a chur ar chabhair dhaonnúil a sheachadadh agus a dháileadh sa tSúdáin, chomh maith le bac a chur ar rochtain ar an gcabhair sin.

18.7.2025’