(1)

Rinne an tAontas an Comhaontú idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta (‘an Comhaontú’) a thabhairt i gcrích trí bhíthin Chinneadh 2002/309/CE, Euratom ón gComhairle agus ón gCoimisiún (1) agus tháinig sé i bhfeidhm an 1 Meitheamh 2002.

(2)

Faoi Airteagal 19(1) d’Iarscríbhinn 11 a ghabhann leis an gComhaontú, tá an Comhchoiste Tréidliachta arna chur ar bun leis an gComhaontú Talmhaíochta (‘an Comhchoiste Tréidliachta’) le breithniú a dhéanamh ar aon ábhar a thagann chun cinn i dtaca leis an Iarscríbhinn sin agus lena cur chun feidhme, agus tá sé freagrach freisin as na cúraimí dá bhforáiltear inti a dhéanamh. Le hAirteagal 19, mír 3, d’Iarscríbhinn 11, údaraítear an Comhchoiste Tréidliachta na foscríbhinní a ghabhann le hIarscríbhinn 11 a leasú, go háirithe d’fhonn iad a oiriúnú agus a thabhairt cothrom le dáta.

(3)

Ag an gcéad chruinniú eile a bheidh aige, tá an Comhchoiste Tréidliachta le cinneadh a ghlacadh lena leasófar Foscríbhinní 1, 2, 3, 5, 6 agus 10 a ghabhann le hIarscríbhinn 11 a ghabhann leis an gComhaontú.

(4)

I gcás ina nglactar an cinneadh ón gComhchoiste Tréidliachta lena leasaítear Foscríbhinní 1, 2, 3, 5, 6 agus 10 d’Iarscríbhinn 11 a ghabhann leis an gComhaontú, beidh éifeachtaí dlíthiúla ann i leith an Aontais.

(5)

Le Rialachán (AE) 2016/429 ó Pharlaimint na hEorpa agus ón gComhairle (2), leasaítear agus aisghairtear roinnt téacsanna atá ábhartha d’Iarscríbhinn 11 a ghabhann leis an gComhaontú. Rinneadh na bearta a bhaineann le rialacha sláinte ainmhithe dá bhforáiltear i reachtaíocht na hEilvéise a mheasúnú agus aithnítear iad a bheith coibhéiseach le reachtaíocht an Aontais. Rinneadh an measúnú ar an gcoibhéis sin agus na gníomhartha dlí uile atá bunaithe ar reachtaíocht an Aontais a bhaineann le sláinte ainmhithe á gcur san áireamh. Dá bhrí sin, ba cheart gach tagairt do na bearta sláinte a bhaineann le sláinte ainmhithe i bhFoscríbhinní 1, 2, 3, 5, 6 agus 10 a ghabhann le hIarscríbhinn 11 a ghabhann leis an gComhaontú a leasú.

(6)

Ag féachaint do choibhéis aitheanta na mbeart a bhaineann le sláinte ainmhithe, ba cheart an t-aitheantas do stádas saor ó ghalair a shimpliú chun dlús a chur leis agus, ar an gcaoi sin, bainistiú níor fearr ar ghalair trasteorann a chumasú.

(7)

I bhfianaise na bhforbairtí comhleanúnacha a bhaineann le hábhar sonraithe riosca agus le húsáid próitéine ainmhíche i mbeatha ainmhithe neamh-athchogantacha feirmshaothraithe, cé is moite d’ainmhithe fionnaidh, ba cheart na forálacha maidir le heinceifileapaití spúinseacha in-tarchurtha áirithe a chosc, a rialú agus a dhíothú, forálacha dá dtagraítear i bhFoscríbhinní 1 agus 6 a ghabhann le hIarscríbhinn 11 a ghabhann leis an gComhaontú, a thabhairt cothrom le dáta agus a shimpliú.

(8)

Le Rialachán (AE) 2017/625 ó Pharlaimint na hEorpa agus ón gComhairle (3), leasaítear agus aisghairtear roinnt téacsanna a bhfuil tábhacht ag baint leo maidir le hIarscríbhinn 11 a ghabhann leis an gComhaontú, go háirithe maidir le cur i bhfeidhm Rialachán (AE) 2016/429. Thairis sin, ón 1 Eanáir 2009 i leith, tá ceanglais an Aontais maidir le rialuithe oifigiúla a dhéantar chun comhlíonadh rialacha sláinte ainmhithe a fhíorú ionchorpraithe ina reachtaíocht náisiúnta ag an Eilvéis, mar aon leis na forálacha uile arna nglacadh lena gcur chun feidhme i réimse an rialaithe ar allmhairí ó thríú tíortha isteach san Aontas Eorpach, rinne an Eilvéis iad a ionchorprú ina reachtaíocht náisiúnta. Dá bhrí sin, ba cheart gach tagairt do rialuithe oifigiúla arna ndéanamh chun comhlíonadh rialacha sláinte ainmhithe a fhíorú agus do rialuithe ar allmhairí ó thríú tíortha, a leagtar amach i bhFoscríbhinní 1, 2, 3, 5, 6 agus 10 a ghabhann le hIarscríbhinn 11 a ghabhann leis an gComhaontú, a leasú.

(9)

Le Rialachán Cur Chun Feidhme (AE) 2019/1715 ón gCoimisiún (4), rinneadh roinnt gníomhartha a bhí ann roimhe seo a thabhairt le chéile, a chuíchóiriú agus a ionadú, ar gníomhartha iad lenar rialaíodh ar leithligh na hardáin TF éagsúla atá anois ina gcomhpháirteanna den chóras bainistíochta faisnéise le haghaidh rialuithe oifigiúla (CBFRO). Chun comhar riaracháin idir na páirtithe a éascú agus chun malartuithe rianúil faisnéise maidir le rialuithe oifigiúla a ráthú idir an Coimisiún Eorpach, údaráis inniúla na mBallstát agus údaráis inniúla na hEilvéise, ba cheart an Eilvéis a chomhtháthú go hiomlán i gcóras CBFRO. Ba cheart don Eilvéis pointe teagmhála a ainmniú chun na críche sin. Dá bhrí sin, ba cheart gach tagairt don chóras bainistíochta faisnéise le haghaidh rialuithe oifigiúla i bhFoscríbhinní 1, 5, 6 agus 10 a ghabhann le hIarscríbhinn 11 a ghabhann leis an gComhaontú a leasú.

(10)

Is bunchloch í úsáid stuama a bhaint as ábhair fhrithmhiocróbacha chun dul i ngleic le frithsheasmhacht in aghaidh ábhair fhrithmhiocróbacha (FSFM). Tá an Eilvéis agus an tAontas ag troid go gníomhach i gcoinne FSFM trí phleananna gníomhaíochta bunaithe ar an gcur chuige ‘Aon Sláinte Amháin’. 1 Cuirfidh an Eilvéis na forálacha céanna i bhfeidhm agus atá in Airteagal 107 (cé is moite de mhír 6) i gcomhar le hAirteagal 37(5) de Rialachán (AE) 2019/6 ó Pharlaimint na hEorpa agus ón gComhairle (5), a mhéid a bhaineann leis na rialacha maidir le húsáid táirgí íocshláinte frithmhiocróbacha in ainmhithe táirgiúla, an toirmeasc ar úsáid ábhar frithmhiocróbach ainmnithe nó grúpaí ábhar frithmhiocróbach arna bhforchoimeád chun ionfhabhtuithe áirithe i ndaoine a chóireáil in ainmhithe táirgiúla, agus maidir le rialuithe ar allmhairiú ainmhithe agus táirgí de bhunadh ainmhíoch ó thríú tíortha. Dá bhrí sin, féadfar trádáil in ainmhithe agus i dtáirgí de bhunadh ainmhíoch idir an Eilvéis agus an tAontas Eorpach a dhéanamh gan deimhniú oifigiúil lena bhfianaítear comhlíonadh na srianta ar úsáid táirgí íocshláinte frithmhiocróbacha go dtí an 1 Iúil 2028. Ba cheart na forálacha sin a chur le Foscríbhinní 2, 3, 5, 6 agus 10 a ghabhann le hIarscríbhinn 11 a ghabhann leis an gComhaontú.

(11)

Ós rud é go bhfuil sé beartaithe ag an Eilvéis nuashonrú níos substaintiúla a dhéanamh ar a reachtaíocht maidir le táirgí íocshláinte sna míonna amach romhainn, tá sé beartaithe ag na páirtithe athbhreithniú a dhéanamh ar an scéim a thuairiscítear thuas faoin 1 Iúil 2028, an dáta a thiocfaidh deireadh léi.

(12)

Is iomchuí, dá bhrí sin, an seasamh atá le glacadh thar ceann an Aontais sa Chomhchoiste Tréidliachta a bhunú i ndáil le Cinneadh Uimh. 1/2026 a bhaineann le leasuithe ar Fhoscríbhinní 1, 2, 3, 5, 6 agus 10 d’Iarscríbhinn 11 a ghabhann leis an gComhaontú,