(1)

An 24 Iúil 2025, ghlac an Coimisiún Rialachán Cur Chun Feidhme (AE) 2025/1564 (2) lena ndéantar foráil maidir le cur i bhfeidhm dleachtanna custaim breise ar allmhairí táirgí sonraithe de thionscnamh Stáit Aontaithe Mheiriceá (‘na Stáit Aontaithe’) isteach san Aontas agus maidir le srianta a chur i bhfeidhm ar onnmhairiú táirgí áirithe de thionscnamh an Aontais chuig na Stáit Aontaithe (‘na bearta athchothromúcháin’).

(2)

Bhí sé d’aidhm ag na bearta athchothromúcháin na bearta coimirce a fhrithchothromú i bhfoirm dleachtanna custaim breise a thug na Stáit Aontaithe isteach ar allmhairí táirgí áirithe cruach agus alúmanaim agus táirgí áirithe díorthacha cruach agus alúmanaim, feithiclí áirithe do phaisinéirí agus trucailí éadroma áirithe, páirteanna áirithe gluaisteán, cannaí beorach agus cannaí alúmanaim folmha áirithe, agus raon leathan táirgí talmhaíochta, iascaigh agus táirgí tionsclaíocha eile, de thionscnamh an Aontais, dá dtagraítear in aithrisí 1 go 7 de Rialachán Cur Chun Feidhme (AE) 2025/1564.

(3)

An 27 Iúil 2025, tháinig an tAontas agus na Stáit Aontaithe ar chomhaontú polaitiúil a mhéid a bhaineann lena gcaidreamh trádála, rud a deimhníodh ina dhiaidh sin leis an Ráiteas Comhpháirteach ón Aontas agus ó na Stáit Aontaithe an 21 Lúnasa 2025 (3) (‘an Ráiteas Comhpháirteach’). Rinneadh foráil sa chomhaontú polaitiúil, i measc nithe eile, maidir le faoiseamh taraife láithreach i gcás allmhairí ón Aontas chuig na Stáit Aontaithe. Mar thoradh air sin, rinne na Stáit Aontaithe taraifí áirithe is infheidhme maidir le hallmhairí ón Aontas a mhodhnú i gcomhréir leis an Ráiteas Comhpháirteach.

(4)

An 5 Lúnasa 2025, ghlac an Coimisiún Rialachán Cur Chun Feidhme (AE) 2025/1727 (4), lenar cuireadh na bearta athchothromúcháin ar fionraí ar feadh 6 mhí, ón 6 Lúnasa 2025. An 4 Feabhra 2026, ghlac an Coimisiún Rialachán Cur Chun Feidhme (AE) 2026/295 (5), lenar cuireadh na bearta athchothromúcháin ar fionraí ar feadh 6 mhí bhreise, ón 7 Feabhra 2026.

(5)

An 25 Meitheamh 2026, ghlac an tAontas Rialacháin (AE) 2026/1455 (6) agus (AE) 2026/1461 ó Pharlaimint na hEorpa agus ón gComhairle (7), lena gcuirtear chun feidhme gealltanas an Aontais faoin Ráiteas Comhpháirteach dleachtanna custaim ar allmhairí earraí áirithe de thionscnamh na Stát Aontaithe a laghdú.

(6)

I bhfianaise na bhforbairtí dá dtagraítear in aithrisí 3 go 5, agus chun a áirithiú go leanfar den Ráiteas Comhpháirteach a chur chun feidhme, ba cheart cur i bhfeidhm bhearta athchothromúcháin an Aontais a bheith ar fionraí i gcónaí. Dá réir sin, ní gá fógra i scríbhinn a chur chuig Comhairle na hEagraíochta Domhanda Trádála um Thrádáil Earraí faoi láthair a mhéid a bhaineann le cur i bhfeidhm na mbeart sin agus ba cheart cur isteach an fhógra sin a chur ar fionraí.

(7)

Ba cheart don Choimisiún athbhreithniú leanúnach a dhéanamh ar fhionraí na mbeart athchothromúcháin. Féadfaidh an Coimisiún gníomhaíocht bhreise a dhéanamh más gá déanamh amhlaidh chun leasanna an Aontais a chosaint.

(8)

Tá an Rialachán seo gan dochar do sheasamh an Aontais go bhfuil bearta coimirce na Stát Aontaithe fós ar neamhréir leis an gComhaontú lena mbunaítear an Eagraíocht Dhomhanda Trádála.

(9)

Chun a áirithiú go mbeidh feidhm ag an bhfionraíocht dá bhforáiltear faoin Rialachán seo ón 7 Lúnasa 2026, ba cheart don Rialachán seo teacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

(10)

Tá an beart dá bhforáiltear sa Rialachán seo i gcomhréir leis an tuairim ón gCoiste um Bacainní Trádála,