(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le húdarú ullmhóide d’alfa-galachtóisíodáis arna táirgeadh le Aspergillus tubingensis ATCC SD 6740 agus d’ion-1,4-béite-xiolanáis arna táirgeadh le Trichoderma orientale (a leithdháileadh roimhe seo ar an speiceas Trichoderma longibrachiatum) CBS 139997. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid d’alfa-galachtóisíodáis arna táirgeadh le Aspergillus tubingensis ATCC SD 6740 agus d’ion-1,4-béite-xiolanáis arna táirgeadh le Trichoderma orientale CBS 139997 a údarú mar bhreiseán beathaithe le haghaidh turcaithe lena ramhrú agus turcaithe a thógtar le haghaidh pórúcháin, agus iarrtar ann an breiseán a aicmiú sa chatagóir breiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 19 Samhain 2025 (2) go bhfuil an ullmhóid d’alfa-galachtóisíodáis arna táirgeadh le Aspergillus tubingensis ATCC SD 6740 agus d’ion-1,4-béite-xiolanáis arna táirgeadh le Trichoderma orientale CBS 139997 sábháilte do thurcaithe lena ramhrú agus a thógtar le haghaidh pórúcháin ar an uasleibhéal molta de 20 aonad gníomhaíochta alfa-galachtóisíodáise (GALU) agus 25 aonad gníomhaíochta ion-1,4-béite-xiolanáise (AXC) in aghaidh an kg d’ábhar beatha iomlán, agus do thomhaltóirí agus don chomhshaol. Tháinig an tÚdarás ar an gconclúid freisin go meastar gur íogróir riospráide í an ullmhóid d’alfa-galachtóisíodáis arna táirgeadh le Aspergillus tubingensis ATCC SD 6740 agus d’ion-1,4-béite-xiolanáis arna táirgeadh le Trichoderma orientale CBS 139997 agus go meastar gur riosca é aon nochtadh trí ionanálú di. Níor thángthas ar aon chonclúid maidir le hacmhainneacht an bhreiseáin a bheith ina ghreannaitheoir craicinn nó súl ná ina íogróir craicinn. Tháinig an tÚdarás ar an gconclúid thairis sin go bhféadfadh an ullmhóid d’alfa-galachtóisíodáis arna táirgeadh le Aspergillus tubingensis ATCC SD 6740 agus d’ion-1,4-béite-xiolanáis arna táirgeadh le Trichoderma orientale CBS 139997 a bheith éifeachtúil i dturcaithe lena ramhrú agus i dturcaithe a thógtar le haghaidh pórúcháin ar an íosleibhéal úsáide molta, is é sin 14 GALU agus 18 AXC in aghaidh an kg de bheatha iomlán. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(5)

Maidir leis na conclúidí agus na moltaí ar ar thángthas i measúnú roimhe seo i ndáil le hiarratas eile ar údarú an bhreiseáin chéanna, conclúidí agus moltaí a d’fhíoraigh an tÚdarás sa tuairim uaidh an 19 Márta 2020 (3), mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. I gcomhréir le hAirteagal 5(4), pointe (a), de Rialachán (CE) Uimh. 378/2005 ón gCoimisiún (4), ní raibh gá le tuarascáil mheastóireachta ón tSaotharlann Tagartha dá bhrí sin.

(6)

I bhfianaise an mhéid thuas, measann an Coimisiún go gcomhlíonann an ullmhóid d’alfa-galachtóisíodáis arna táirgeadh le Aspergillus tubingensis ATCC SD 6740 agus d’ion-1,4-béite-xiolanáis arna táirgeadh le Trichoderma orientale CBS 139997 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh turcaithe lena ramhrú agus turcaithe a thógtar le haghaidh atáirgthe. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,