(1)

Le Rialachán (AE) Uimh. 904/2010 ón gComhairle (3), leagtar síos rialacha maidir le faisnéis shonrach a stóráil agus a mhalartú, trí mhodhanna leictreonacha i réimse na cánach breisluacha (CBL) chun cuidiú le measúnú ceart ar CBL a chur i bhfeidhm, faireachán a dhéanamh ar chur i bhfeidhm ceart CBL, go háirithe maidir le hidirbhearta laistigh den Chomhphobal, agus calaois CBL a chomhrac. Mar sin féin, ní dhéantar foráil ann maidir le rialacha lena rialaítear an rochtain ar an bhfaisnéis sin a fhaigheann Oifig an Ionchúisitheora Phoiblí Eorpaigh (OIPE) arna bhunú le Rialachán (AE) 2017/1939 ón gComhairle (4), chun a cúraimí a fheidhmiú de bhun Airteagal 4 den Rialachán sin, ná le haghaidh rialacha lena rialaítear rochtain a fhaigheann an Oifig Eorpach Frith-Chalaoise (OLAF) ar an bhfaisnéis sin chun a cúraimí a fheidhmiú arna bhunú le Cinneadh 1999/352/CE, CEGC, Euratom ón gCoimisiún (5) de bhun Airteagal 1 de Rialachán (AE, Euratom) Uimh. 883/2013 ó Pharlaimint na hEorpa agus ón gComhairle (6).

(2)

De bhun Airteagal 24(1) de Rialachán (AE) 2017/1939, tuairisceoidh institiúidí, comhlachtaí, oifigí agus gníomhaireachtaí an Aontais agus údaráis na mBallstát atá inniúil faoin dlí náisiúnta is infheidhme do OIPE, gan moill mhíchuí, aon iompar coiriúil, lena n-áirítear calaois CBL trasteorann, a bhféadfadh sé a inniúlacht a fheidhmiú ina leith i gcomhréir le hAirteagal 22 agus Airteagal 25(2) agus (3) den Rialachán sin. Baineann calaois CBL trasteorann, de réir mar a thuigfí é, le roinnt Ballstát, agus féadfar nach leor an sreabhadh faisnéise ó Bhallstáit aonair chuig OIPE, i gcásanna áirithe, chun forléargas tráthúil agus cuimsitheach ar chalaois CBL trasteorann ar leibhéal an Aontais a áirithiú. Dá bhrí sin, chun OIPE a chur ar an eolas faoi rioscaí calaoise CBL ar leibhéal an Aontais ar bhealach níos tráthúla agus chun a inniúlacht a fheidhmiú i gcomhréir le Rialachán (AE) 2017/1939, is gá na rialacha a leagan amach ar bhealach níos mionsonraithe faoinar cheart do na Ballstáit, laistigh den líonra chun faisnéis spriocdhírithe maidir le calaois trasteorann idir na Ballstáit a mhalartú, a phróiseáil agus a anailísiú go tapa agus chun aon ghníomhaíochtaí leantacha a chomhordú (Eurofisc) arna bhunú le Rialachán (AE) Uimh. 904/2010. Go háirithe, ba cheart do na Ballstáit torthaí phróiseáil agus anailís chomhpháirteach Eurofisc a tharchur chuig OIPE i bhfoirm tuarascálacha anailíse Eurofisc maidir le scéimeanna calaoiseacha trasteorann amhrasta.

(3)

Agus tuarascálacha anailíse Eurofisc á dtarraingt suas, níor cheart do Eurofisc a áireamh ach an fhaisnéis sin a bhfuil fíorghá léi chun go mbeidh OIPE in ann measúnú a dhéanamh ar cé acu a fheidhmeoidh nó nach bhfeidhmeoidh sé a inniúlacht. Maidir le tuarascálacha anailíse Eurofisc, chun na critéir ar ar a mbonn ba cheart iad a tharraingt suas agus an fhaisnéis ba cheart a áireamh sna tuarascálacha sin a shonrú, agus chun foirm chaighdeánach a bhunú dá dtarchur, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (7). Agus an dréachtghníomh cur chun feidhme sin á ullmhú, ba cheart don Choimisiún dul i gcomhairle le Eurofisc.

(4)

Thairis sin, de bhun Airteagal 24(9) de Rialachán (AE) 2017/1939, i gcásanna sonracha, féadfaidh OIPE tuilleadh faisnéise ábhartha a iarraidh a bheidh ar fáil d’institiúidí, comhlachtaí, oifigí agus gníomhaireachtaí an Aontais agus d’údaráis na mBallstát. Dá bhrí sin, is iomchuí na rialacha a leagan amach faoinar cheart do Eurofisc faisnéis maidir le calaois CBL trasteorann a chur in iúl do OIPE tar éis iarraidh a fháil ó OIPE.

(5)

De bhun Airteagal 43(1) de Rialachán (AE) 2017/1939, ní mór do na hIonchúisitheoirí Tarmligthe Eorpacha a bheith in ann aon fhaisnéis ábhartha a stóráiltear i mbunachair sonraí náisiúnta um imscrúduithe coiriúla agus um fhorfheidhmiú an dlí, chomh maith le i gcláir ábhartha eile na n-údarás poiblí, a fháil faoi na coinníollacha céanna leis na coinníollacha sin a bhfuil feidhm acu faoin dlí náisiúnta i gcásanna comhchosúla. De bhun Airteagal 43(2) den Rialachán sin, beidh OIPE in ann aon fhaisnéis ábhartha a thagann faoina inniúlacht agus a stóráiltear i mbunachair sonraí agus i gcláir institiúidí, chomhlachtaí, oifigí agus ghníomhaireachtaí an Aontais a fháil freisin. De réir mar a thuigfí é, tá baint ag roinnt Ballstát le calaois CBL trasteorann agus, i roinnt cásanna, féadfar nach leor rochtain ar leibhéal na mBallstát ar fhaisnéis ábhartha a stóráiltear i mbunachair sonraí náisiúnta do OIPE chun calaois CBL a chomhrac ar leibhéal an Aontais. Dá bhrí sin, gan dochar d’Airteagal 43 de Rialachán (AE) 2017/1939 agus chun a áirithiú go mbeidh rochtain ag OIPE ar an bhfaisnéis ábhartha go tráthúil, a shainordú rialála a chomhlíonadh agus calaois a chomhrac ar leibhéal an Aontais, tá sé tábhachtach na rialacha a leagan amach faoinar cheart do OIPE rochtain a bheith aige ar fhaisnéis ábhartha CBL ar leibhéal an Aontais ó na bunachair sonraí ábhartha agus ó chláir na n-údarás inniúil sna Ballstáit atá freagrach as na dlíthe maidir le cáin bhreisluacha a chur i bhfeidhm. Ar an gcúis chéanna, tá sé tábhachtach rochtain láraithe a thabhairt do OIPE ar an bhfaisnéis ábhartha a bhaineann le himscrúdú trí phointe iontrála aonair, fiú má bhaineann an fhaisnéis sin le roinnt Ballstát. Ba cheart an rochtain láraithe sin a theorannú go docht do chuardaigh spriocdhírithe a bhaineann le cásanna sonracha agus níor cheart fiosrúcháin ná faireachán randamach nó ginearálaithe ar fhaisnéis CBL a bheith i gceist léi. Is de chineál eisceachtúil í an rochtain láraithe sin ar bhunachair sonraí riaracháin do OIPE a dheonú chun críoch breithiúnach agus forfheidhmithe dlí agus tá údar léi mar gheall ar chomhrac na calaoise CBL trasteorann. Níor cheart míthuiscint a dhéanamh air mar fhasach a leagan síos do chur i bhfeidhm níos ginearálta.

(6)

Chun a chúraimí a chomhlíonadh, oibríonn OIPE go dlúth leis na húdaráis náisiúnta ábhartha a thugann cúnamh agus tacaíocht ghníomhach d’imscrúduithe agus d’ionchúisimh OIPE i gcomhréir le hAirteagal 5(6) de Rialachán (AE) 2017/1939. Soláthraíonn OIPE aiseolas freisin agus, i gcás inarb ábhartha, téann sé i gcomhairle le húdaráis náisiúnta inniúla i gcomhréir le forálacha infheidhme an Rialacháin sin, lena n-áirítear Airteagal 5(6), Airteagal 25, míreanna 1 go 3, Airteagal 27(7) agus Airteagal 34, míreanna 1 go 4.

(7)

I gcomhréír le prionsabal an chomhair dhílis a chumhdaítear in Airteagal 4(3) den Chonradh ar an Aontas Eorpach, tá sé d’oibleagáid ar na Ballstáit nach bhfuil rannpháirteach in OIPE tacú le gníomhaíochtaí OIPE agus staonadh ó aon ghníomhaíocht a d’fhéadfadh baint amach a chuspóirí a chur i mbaol. Tá Eurofisc comhdhéanta de na Ballstáit atá rannpháirteach in OIPE agus nach bhfuil rannpháirteach ann. Ós rud é gur féidir calaois CBL trasteorann a bheith ar fud gach Ballstáit, tá sé fíor-riachtanach do OIPE léargas iomlán a bheith aige ar na líonraí calaoise. Dá bhrí sin, tá sé tábhachtach do OIPE faisnéis ábhartha CBL a fháil arna malartú na mBallstát laistigh de Eurofisc, agus ó bhunachair sonraí agus ó chláir na n-údarás inniúil sna Ballstáit atá freagrach as na dlíthe maidir le cáin bhreisluacha a chur i bhfeidhm, gan dochar d’inniúlachtaí OIPE faoi Rialachán (AE) 2017/1939. Ní dhéanann an Rialachán seo difear do raon feidhme inniúlachtaí OIPE mar a shainítear i Rialachán (AE) 2017/1939.

(8)

Mhol Cúirt Iniúchóirí na hEorpa don Choimisiún agus do na Ballstáit deireadh a chur le bacainní dlí a chuireann cosc ar mhalartú faisnéise idir údaráis riaracháin, bhreithiúnacha agus forfheidhmithe dlí ar an leibhéal náisiúnta agus ar leibhéal an Aontais. Mhol an Chúirt freisin, go háirithe, go dtabharfaí rochtain do OLAF ar chóras malartaithe faisnéise CBL mar a bunaíodh le Rialachán (AE) Uimh. 904/2010(VIES) agus ar shonraí Eurofisc. I ndáil leis sin, tá sé tábhachtach go mbeadh bunús dlí soiléir ag an rochtain lárnach ar bhunachair sonraí agus ar chláir ábhartha na n-údarás inniúil sna Ballstáit atá freagrach as na dlíthe maidir le cáin bhreisluacha a chur i bhfeidhm ón gComhairle.

(9)

Chun go mbeidh OLAF ar an eolas faoi chalaois amhrasta CBL a bhaineann le custaim agus a dhéanann difear do leasanna airgeadais an Aontais agus chun go bhfeidhmeoidh sé a shainordú rialála, ní mór na coinníollacha a leagan síos faoinar cheart do na Ballstáit laistigh de Eurofisc, torthaí phróiseáil agus anailís chomhpháirteach Eurofisc a thabhairt do OLAF i bhfoirm tuarascálacha anailíse Eurofisc maidir le scéimeanna calaoiseacha amhrasta trasteorann. Ina theannta sin, arna iarraidh sin do OLAF, ba cheart do Eurofisc faisnéis maidir le calaois trasteorann CBL a bhaineann le custaim agus a d’fhéadfadh dochar a dhéanamh do leasanna airgeadais an Aontais a chur in iúl do OLAF.

(10)

Agus tuarascálacha anailíse Eurofisc á dtarraingt suas, níor cheart do Eurofisc a áireamh ach an fhaisnéis a bhfuil fíorghá léi chun go mbeidh OLAF in ann measúnú a dhéanamh ar cé acu a fheidhmeoidh nó nach bhfeidhmeoidh sé a inniúlacht. Maidir le tuarascálacha anailíse Eurofisc, chun na critéir ar ar a mbonn ba cheart iad a tharraingt suas agus an fhaisnéis ba cheart a áireamh sna tuarascálacha sin a shonrú, agus chun foirm chaighdeánach a bhunú dá dtarchur, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011. Agus andréachtghníomh cur chun feidhme á ullmhú, ba cheart don Choimisiún dul i gcomhairle le Eurofisc.

(11)

I gcás ina bhfuil dóthain amhrais ann, i gcomhréir le Rialachán (AE, Euratom) Uimh. 883/2013, gur tharla calaois tá an ceart le bheith ag OLAF rochtain a fháil ar aon fhaisnéis ábhartha atá i mbunachair sonraí atá i seilbh na n-institiúidí, na gcomhlachtaí, na n-oifigí nó na ngníomhaireachtaí agus prionsabail an riachtanais agus na comhréireachta á n-urramú ag an am céanna. Tá an ceart rochtana sin le feidhmiú faoi na coinníollacha a leagtar amach sa Rialachán sin. Dá bhrí sin, chun go mbeidh OLAF in ann rochtain a fháil ar fhaisnéis CBL ábhartha ar leibhéal an Aontais a d’fhéadfadh a bheith ábhartha a bhaineann le himscrúduithe riaracháin chun a inniúlacht a fheidhmiú, tá sé tábhachtach na rialacha a leagan amach faoinar cheart do OLAF rochtain a fháil ar fhaisnéis CBL ábhartha ar leibhéal an Aontais ó bhunachair sonraí ábhartha agus ó chláir na n-údarás inniúil sna Ballstáit atá freagrach as na dlíthe maidir le CBL a chur i bhfeidhm. Ar an gcúis chéanna, tá sé tábhachtach rochtain láraithe a thabhairt do OLAF, le haghaidh cuardaigh spriocdhírithe de réir an cháis, ar an bhfaisnéis ábhartha a bhaineann le himscrúdú trí phointe iontrála aonair, fiú má bhaineann an fhaisnéis sin le roinnt Ballstát. Ba cheart an rochtain láraithe sin a theorannú go docht do chuardaigh spriocdhírithe a bhaineann le cásanna sonracha agus níor cheart fiosrúcháin ná faireachán randamach nó ginearálaithe ar fhaisnéis CBL a bheith i gceist léi. Is de chineál eisceachtúil í an rochtain láraithe sin ar bhunachair sonraí riaracháin chun imscrúduithe riaracháin a bhaineann le custam a dhéanamh agus tá údar maith léi chun sainordú OLAF a chomhlíonadh, agus ní ceart tuiscint a bhaint aisti mar fhasach do chur i bhfeidhm níos ginearálta.

(12)

Chun a chúraimí a chomhlíonadh, oibríonn OLAF go dlúth leis na húdaráis náisiúnta ábhartha i gcomhréir le hAirteagal 1(2) de Rialachán (AE, Euratom) Uimh. 883/2013. Cuireann OLAF aiseolas ar fáil freisin agus, i gcás inarb ábhartha, téann sé i gcomhairle le húdaráis náisiúnta inniúla i gcomhréir le forálacha infheidhme an Rialacháin sin, lena n-áirítear Airteagal 12, míreanna 1 agus 5.

(13)

Bailíonn údaráis inniúla náisiúnta faisnéis maidir le hidirbhearta laistigh den Chomhphobal, íocaíochtaí trasteorann agus allmhairithe atá díolmhaithe ó CBL agus tá sé tábhachtach don chomhrac i gcoinne na calaoise. Maidir le cosaint sonraí pearsanta, tá an Coimisiún, mar phróiseálaí sonraí, ag éascú mhalartú na faisnéise sin agus gníomhaíonn na húdaráis inniúla na mBallstát mar rialaitheoirí sonraí an tráth céanna, faoi Rialachán (AE) 2018/1725 ó Pharlaimint na hEorpa agus ón gComhairle (8) agus Rialachán (AE) 2016/679 ó Pharlaimint na hEorpa agus ón gComhairle (9) faoi seach. Ba cheart rochtain láraithe OIPE agus OLAF ar fhaisnéis CBL ar leibhéal an Aontais a thabhairt gan dochar do róil agus freagrachtaí na n-údarás inniúil sna Ballstáit sna Ballstáit atá freagrach as na dlíthe maidir le CBL a chur i bhfeidhm maidir le cosaint sonraí pearsanta faoi Rialachán (AE) 2016/679. Tá OIPE agus OLAF faoi cheangal ag na rialacha maidir le cosaint sonraí pearsanta faoi Rialachán (AE) 2018/1725, lena n-áirítear prionsabail na comhréireachta agus na cuntasachta agus na rialacha maidir le cur chun feidhme beart iomchuí teicniúil agus eagraíochtúil, agus maoirseacht arna dhéanamh ag an Maoirseoir Eorpach ar Chosaint Sonraí. Is éard atá san fhaisnéis atá faoi réir cuardaigh spriocdhírithe arna ndéanamh ag OIPE agus OLAF trí rochtain láraithe an fhaisnéis maidir le huimhreacha aitheantais CBL, idirbhearta laistigh den Chomhphobal, maidir le hallmhairí atá díolmhaithe ó CBLi ndáil leis an scéim speisialta maidir le ciandíolacháin earraí a allmhairítear ó thríú críocha nó ó thríú tíortha a bunaíodh le Treoir 2006/112/CE ón gComhairle (10) agus maidir le hallmhairí faoi nós imeachta custaim 42/63, agus faisnéis íocaíochta a stóráiltear sa lárchóras leictreonach faisnéise íocaíochta a bhunaítear le Rialachán (AE) Uimh. 904/2010 (CESOP).. Níl an fhaisnéis a stóráiltear laistigh de chóras Anailíse ar Líonraí Idirbheart Eurofisc le bheith faoi réir cuardaigh spriocdhírithe arna ndéanamh ag OIPE ná ag OLAF.

(14)

Chun rochtain ar shonraí pearsanta a chosaint, na hIonchúisitheoirí Eorpacha, na hIonchúisitheoirí Tarmligthe Eorpacha, agus baill foirne shainaitheanta OIPE agus OLAF, a d’údaraigh OIPE nó OLAF faoi seach roimhe sin, níor cheart ach iad a bheith in ann rochtain a fháil ar fhaisnéis CBL chun a gcúraimí a chur i gcrích. Chun críoch faisnéise ba cheart rochtain a bheith ag údaráis inniúla na mBallstát ar na logaí iniúchóireachta den rochtain a dhéanann OIPE agus OLAF, lena n-áirítear gach rochtain ar cháschomhaid shonracha imscrúdaithe agus ar úsáideoirí a shannadh. Ba cheart na codanna ábhartha den loga iniúchóireachta a chur ar fáil do OIPE agus do OLAF chun críoch sásraí rialaithe inmheánaigh a bhaineann le rochtain cheart ar shonraí agus úsáid cheart sonraí i gcomhréir leis an reachtaíocht cosanta sonraí is infheidhme, a ndéanann na hOifigigh Cosanta Sonraí ainmnithe i gcomhréir le Rialacháin (AE) 2017/1939 agus (AE, Euratom) Uimh. 883/2013 faireachán ar a gcomhlíonadh. Chun coinníollacha aonfhoirmeacha a áirithiú maidir le rochtain den sórt sin, ba cheart cumhachtaí cur chun feidhme a thabhairt don Choimisiún i ndáil leis na mionsonraí teicniúla a bhaineann leis an rochtain láraithe, na bearta teicniúla cosanta sonraí, ceanglais an loga iniúchóireachta agus na socruithe praiticiúla chun rochtain a fháil air. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(15)

Leis an Rialachán seo, urramaítear na cearta bunúsacha agus comhlíontar na prionsabail a chumhdaítear i gCairt um Chearta Bunúsacha an Aontais Eorpaigh, go háirithe, an ceart go ndéanfaí sonraí pearsanta a chosaint.

(16)

Ós rud é gur gá na córais, an bonneagar agus na modhanna teicniúla lena n-éascaítear malartú faisnéise CBL ar leibhéal an Aontais a oiriúnú chun rochtain shlán a thabhairt do OIPE agus do OLAF, is gá cur i bhfeidhm na bhforálacha ábhartha a chur siar chun go mbeidh an Coimisiún, OIPE agus OLAF in ann na hoiriúnuithe is gá a dhéanamh. Ba cheart, sna hoiriúnuithe sin, an dáta a mheastar a bheidh an VIES lárnach oibríochtúil agus an dáta a mheastar a gcuirfear deireadh de réir a chéile le VIES oidhreachta a chur san áireamh. Ba cheart do OIPE agus OLAF a bheith freagrach as na costais a bhaineann leis an mbonneagar ábhartha agus na modhanna teicniúla ábhartha a bhunú agus a chothabháil chun rochtain shlán a fháil ar fhaisnéis CBL. Agus scrúdú agus meastóireacht á ndéanamh ar fheidhmiú na socruithe le haghaidh comhar riaracháin dá bhforáiltear i Rialachán (AE) Uimh. 904/2010, ba cheart do na Ballstáit agus don Choimisiún aird ar leith a thabhairt ar chur i bhfeidhm praiticiúil agus ar thionchar rochtain láraithe OIPE agus OLAF ar fhaisnéis CBL, lena n-áirítear éifeachtacht na gcóras, an bhonneagair agus na modhanna teicniúla ábhartha.

(17)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim uaidh an 7 Eanáir 2026.

(18)

Ba cheart, dá bhrí sin, Rialachán (AE) Uimh. 904/2010 a leasú dá réir,

(1)

in Airteagal 21, cuirtear isteach an mhír seo a leanas:

(*1)  Rialachán (AE) 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh (“OIPE”) (IO L 283, 31.10.2017, lch. 1, ELI: http://data.europa.eu/eli/reg/2017/1939/oj)."

(*2)  Cinneadh 1999/352/CE, CEGC, Euratom ón gCoimisiún an 28 Aibreán 1999 lena mbunaítear an Oifig Eorpach Frith-Chalaoise (OLAF) (IO L 136, 31.5.1999, lch. 20, ELI: http://data.europa.eu/eli/dec/1999/352/oj).’;"

(2)

cuirtear an méid seo a leanas in ionad Airteagal 24d:

(3)

in Airteagal 24k, cuirtear isteach an mhír seo a leanas:

(4)

in Airteagal 36, cuirtear isteach na míreanna seo a leanas:

(*3)  Treoir AE) 2017/1371 ó Pharlaimint na hEorpa agus ón gComhairle an 5 Iúil 2017 maidir leis an gcomhrac in aghaidh na calaoise ar leasanna airgeadais an Aontais trí bhíthin an dlí choiriúil (IO L 198, 28.7.2017, lch. 29, ELI: http://data.europa.eu/eli/dir/2017/1371/oj)."

(*4)  Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith-Chalaoise (OLAF) agus lena n-aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1, ELI: http://data.europa.eu/eli/reg/2013/883/oj).’;"

(5)

in Airteagal 49, cuirtear an méid seo a leanas in ionad mhír 1:

(6)

i gCaibidil XIII, cuirtear isteach na hAirteagail seo: