CINNEADH Ó CHOMHCHOISTE LEE Uimh. 107/2026

an 20 Márta 2026

lena leasaítear Iarscríbhinn XXI (Staidreamh) a ghabhann le Comhaontú LEE [2026/1299]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)	Rialachán (AE) 2019/2152 ó Pharlaimint na hEorpa agus ón gComhairle an 27 Samhain 2019 maidir le staidreamh gnó Eorpach, lena n-aisghairtear 10 ngníomh dlí i réimse an staidrimh gnó (1), tá sé le hionchorprú i gComhaontú LEE.

(2)

Le Rialachán (AE) 2019/2152 aisghairtear Rialachán (CE) Uimh. 48/2004 (2), Rialachán (CE) Uimh. 808/2004 (3), Rialachán (CE) Uimh. 716/2007 (4), Rialachán (CE) Uimh. 177/2008 (5), Rialachán (CE) Uimh. 295/2008 (6), Cinneadh Uimh. 1608/2003/CE (7), Rialachán (CEE) Uimh. 3924/91 ón gComhairle, (8) Rialachán (CE) Uimh. 471/2009 (9) agus Rialachán (CE) Uimh. 1165/98 ón gComhairle (10), atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(3)	Dá bhrí sin, ba cheart Iarscríbhinn XXI a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Iarscríbhinn XXI a ghabhann le Comhaontú LEE, leasófar í mar a leanas:

Cuirtear an méid seo a leanas in ionad théacs phointe 1 (Rialachán (CE) Uimh. 295/2008):

‘32019

R 2152: Rialachán (AE) 2019/2152 ó Pharlaimint na hEorpa agus ón gComhairle an 27 Samhain 2019 maidir le staidreamh gnó Eorpach, lena n-aisghairtear 10 ngníomh dlí i réimse an staidrimh gnó (IO L 327, 17.12.2019, lch. 1).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

(a)

Tá Lichtinstéin díolmhaithe ó shonraí a sholáthar dá dtagraítear in Airteagal 2(1) agus Airteagal 6 agus in Iarscríbhinn I, cé is moite de shonraí ar na hábhair seo a leanas:

—	Fearann 1. Staidreamh gnó gearrthéarmach, Topaic: An pobal gnó, Topaic mhionsonraithe: Imeachtaí déimeagrafaíochta gnó;

—	Fearann 1. Staidreamh gnó gearrthéarmach, Topaic: Ionchuir shaothair, Topaic mhionsonraithe: Fostaíocht;

—	Fearann 1. Staidreamh gnó gearrthéarmach, Topaic: Eastát réadach, Topaic mhionsonraithe: Eastát réadach;

—	Fearann 2. Staidreamh gnó ar leibhéal tíre, Topaic: An pobal gnó, Topaicí mionsonraithe: An pobal fiontar gníomhach agus imeachtaí déimeagrafaíochta gnó (breitheanna, básanna, marthanas);

—	Fearann 2. Staidreamh gnó ar leibhéal tíre, Topaic: Ionchuir shaothair, Topaicí mionsonraithe: Fostaíocht agus Fostaíocht atá nasctha le himeachtaí déimeagrafaíochta gnó (breitheanna, básanna, marthanas);

—	Fearann 4. Staidreamh i ndáil le gníomhaíochtaí idirnáisiúnta, Topaic: Trádáil idirnáisiúnta earraí: Topaic mhionsonraithe: Trádáil earraí lasmuigh den Aontas.

(b)	Tá Lichtinstéin díolmhaithe ón gceanglas sonraí míosúla a sholáthar cé is moite de shonraí faoin topaic Trádáil idirnáisiúnta in earraí dá dtagraítear in Airteagail 2 agus 6 agus Iarscríbhinn I, Fearann 4.

(c)	Tá Lichtinstéin díolmhaithe ó shonraí a sholáthar maidir le honnmhairí agus allmhairí earraí de réir airgeadra sonrasctha dá dtagraítear in Airteagal 2(1) agus Airteagal 6 agus in Iarscríbhinn I, Fearann 4.

(d)	Tá Lichtinstéin díolmhaithe ó na sonraí maidir leis an nglanláimhdeachas athraitheach dá dtagraítear in Airteagal 2(2) agus in Iarscríbhinn IV a áireamh ina clár agus a tharchur chuig gréasán Eorpach na gclár gnó staidrimh.

(e)	Ní bheidh feidhm ag Airteagal 5(2), 5(3), 5(4) agus 5(5), Caibidil V agus Iarscríbhinní V agus VI maidir le Stáit CSTE.

(f)

A mhéid a bhaineann le Lichtinstéin, cuirfear an méid seo a leanas in ionad théacs Airteagal 19:

‘Cinnfidh NSA torthaí staidrimh a bhaineann leis na hallmhairí nó na honnmhairí lena mbaineann a scaipeadh gan aon leasú nó, na torthaí staidrimh a leasú ionas nach féidir allmhaireoirí nó onnmhaireoirí aonair a shainaithint chun prionsabal na rúndachta staidrimh a chomhlíonadh, i gcomhréir le pointe (a) d’Airteagal 20(3) de Rialachán (CE) Uimh. 223/2009.’

(g)	Maidir le trádáil earraí lasmuigh den Aontas, dá dtagraítear in Iarscríbhinn I, Fearann 4, tuigfear go n-áirítear inti trádáil idir na Páirtithe Conarthacha.

(h)	Tá an Íoslainn díolmhaithe ó na sonraí dá dtagraítear sna topaicí Praghsanna, Aschuir agus feidhmíocht agus Réadmhaoin in Iarscríbhinn I, Fearann 1 a sholáthar.

(i)	A mhéid a bhaineann leis an Íoslainn, is ar bhonn deonach a sholáthrófar sonraí maidir leis an topaic Staidreamh gnó réigiúnach in Iarscríbhinn I, Fearann 3.

(j)	Tá Stáit CSTE díolmhaithe ó shonraí a sholáthar maidir leis an topaic mhionsonraithe Trádáil earraí laistigh den Aontas dá dtagraítear sa topaic Trádáil idirnáisiúnta earraí in Iarscríbhinn I, Fearann 4.

(k)	A mhéid a bhaineann leis an Íoslainn, is tréimhsiúlacht dhébhliantúil (gach dara bliain) í an tréimhsiúlacht le haghaidh na topaice úsáid TFC agus r-thráchtáil in Iarscríbhinn II, Fearann 2, agus is é 2025 an chéad tréimhse thagartha.

(l)	Tá Lichtinstéin díolmhaithe ó shonraí a sholáthar maidir le trádáil idir an Eilvéis agus Lichtinstéin.

(m)	In Airteagal 24(1), a mhéid a bhaineann le Stáit CSTE, is ‘laistigh de 3 mhí ó dháta theacht i bhfeidhm Chinneadh Uimh. 107/2026 ó Chomhchoiste LEE an 20 Márta 2026’ a léifear in ionad na bhfocal ‘laistigh de thrí mhí ó dháta theacht i bhfeidhm an ghnímh atá i gceist’.’

Scriostar téacsanna phointí 2 (Rialachán (CE) Uimh. 1165/98 ón gComhairle), 4a (Rialachán (CEE) Uimh. 3924/91 ón gComhairle), 4b (Rialachán (CE) Uimh. 177/2008 ó Pharlaimint na hEorpa agus ón gComhairle), 4c (Rialachán (CE) Uimh. 48/2004 ó Pharlaimint na hEorpa agus ón gComhairle), 8 (Rialachán (CE) Uimh. 471/2009 ó Pharlaimint na hEorpa agus ón gComhairle), 19x (Rialachán (CE) Uimh. 716/2007 ó Pharlaimint na hEorpa agus ón gComhairle), 28 (Rialachán (CE) Uimh. 808/2004 ó Pharlaimint na hEorpa agus ón gComhairle) agus 29 (Cinneadh Uimh. 1608/2003/CE ó Pharlaimint na hEorpa agus ón gComhairle).

Airteagal 2

Is téacs barántúil a bheidh i dtéacs Rialachán (AE) 2019/2152 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 21 Márta 2026, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 20 Márta 2026.

Thar ceann Chomhchoiste an LEE

An tUachtarán

Nicolas VON LINGEN

(1) IO L 327, 17.12.2019, lch. 1.

(2) IO L 7, 13.1.2004, lch. 1.

(3) IO L 143, 30.4.2004, lch. 49.

(4) IO L 171, 29.6.2007, lch. 17.

(5) IO L 61, 5.3.2008, lch. 6.

(6) IO L 97, 9.4.2008, lch. 13.

(7) IO L 230, 16.9.2003, lch. 1.

(8) IO L 374, 31.12.1991, lch. 1.

(9) IO L 152, 16.6.2009, lch. 23.

(10) IO L 162, 5.6.1998, lch. 1.

(*1) Ní shonraítear aon cheanglas bunreachtúil.

Dearbhú Comhpháirteach ó na Páirtithe Conarthacha

a ghabhann le Cinneadh Uimh. 107/2026 ó Chomhchoiste LEE an 20 Márta 2026 lena n-ionchorpraítear i gComhaontú LEE Rialachán (AE) 2019/2152 ó Pharlaimint na hEorpa agus ón gComhairle

Le Rialachán (AE) 2019/2152 maidir le staidreamh gnó Eorpach, aisghairtear 10 ngníomh dlí i réimse an staidrimh gnó. Aithníonn na Páirtithe Conarthacha gur oiriúnaíodh go leor de na gníomhartha aisghairthe sin nuair a ionchorpraíodh iad i gComhaontú LEE chun Lichtinstéin a dhíolmhú ó shonraí áirithe a bhailiú, a thabhairt le chéile agus a chur isteach.

Deonaíodh na hoiriúnuithe sin, go háirithe, mar gheall ar mhéid Lichtinstéin agus a haontas custaim leis an Eilvéis. Dá gceanglófaí ar Lichtinstéin na sonraí lena mbaineann a bhailiú, a thabhairt le chéile agus a chur isteach, chuirfí ualach iomarcach ar a gnólachtaí. Thairis sin, ní fhéadfaí príobháideachas leordhóthanach a áirithiú do sholáthraithe sonraí agus rúndacht na faisnéise a sholáthraítear, agus ní chomhlíonfadh cáilíocht na sonraí an caighdeán Eorpach.

I gcodarsnacht leis na gníomhartha dlí a aisghairtear le Rialachán (AE) 2019/2152, áfach, saineofar go leor sonraí maidir le sonraí atá le bailiú, le thabhairt le chéile agus le cur isteach de bhun Rialachán (AE) 2019/2152 sa reachtaíocht thánaisteach.

Admhaíonn na Páirtithe Conarthacha go mbeidh gá le hoiriúnuithe comhchosúla leis na hoiriúnaithe a áiríodh sna gníomhartha aisghairthe faoin reachtaíocht thánaisteach a dhíorthaítear ó Rialachán (AE) 2019/2152, nuair a dhéanfar iad a ionchorprú i gComhaontú LEE.