CINNEADH Ó CHOMHCHOISTE LEE Uimh. 94/2026

an 20 Márta 2026

lena leasaítear Iarscríbhinn IX (Seirbhísí airgeadais) a ghabhann le Comhaontú LEE [2026/1289]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán Tarmligthe (AE) 2025/791 ón gCoimisiún an 23 Aibreán 2025 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála lena sonraítear na coinníollacha ginearálta maidir le feidhmiú na gcoláistí maoirseoirí, agus lena n-aisghairtear Rialachán Tarmligthe (AE) 2016/98 ón gCoimisiún (1), tá sé le hionchorprú i gComhaontú LEE.

(2)

Rialachán Cur Chun Feidhme (AE) 2025/790 ón gCoimisiún an 23 Aibreán 2025 lena leagtar síos caighdeáin theicniúla cur chun feidhme chun Treoir 2013/36/AE ó Pharlaimint na hEorpa agus ón gComhairle a chur i bhfeidhm a mhéid a bhaineann le feidhmiú oibríochtúil na gcoláistí maoirseoirí (2), tá sé le hionchorprú i gComhaontú LEE.

(3)	Le Rialachán Tarmligthe (AE) 2025/791 aisghairtear Rialachán Tarmligthe (AE) 2016/98 ón gCoimisiún (3), rialachán atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(4)	Dá bhrí sin, ba cheart Iarscríbhinn IX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Iarscríbhinn IX a ghabhann le Comhaontú LEE, leasaítear í mar a leanas:

Cuirtear an méid seo a leanas isteach i ndiaidh phointe 14v (Rialachán Tarmligthe (AE) 2024/857 ón gCoimisiún):

‘14w.

32025 R 0790: Rialachán Cur Chun Feidhme (AE) 2025/790 ón gCoimisiún an 23 Aibreán 2025 lena leagtar síos caighdeáin theicniúla cur chun feidhme chun Treoir 2013/36/AE ó Pharlaimint na hEorpa agus ón gComhairle a chur i bhfeidhm a mhéid a bhaineann le feidhmiú oibríochtúil na gcoláistí maoirseoirí (IO L, 2025/790, 8.8.2025).

14x.

32025 R 0791: Rialachán Tarmligthe (AE)2025/791 ón gCoimisiún an 23 Aibreáin 2025 lena bhforlíontar Treoir (AE) 2013/36 ó Pharlaimint na hEorpa agus ón gComhairle maidir le caighdeáin theicniúla rialála lena sonraítear na coinníollacha ginearálta maidir le feidhmiú na gcoláistí maoirseoirí, agus lena n-aisghairtear Rialachán Tarmligthe (AE) 2016/98 ón gCoimisiún(IO L 2025/791, 8.8.2025).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

In Airteagal 3(3) agus Airteagal 25(3), cuirfear an pointe seo a leanas isteach:

‘(e)	Údarás Faireacháin CSTE, chun a chur ar a chumas dó a dhualgais a dhéanamh faoi Threoir 2013/36/AE, Rialachán (AE) Uimh. 575/2013, agus faoi Rialachán (AE) Uimh. 1093/2010.’’

2.	Scriostar téacs phointe 14e (Rialachán Tarmligthe (AE) 2016/98 ón gCoimisiún).

Airteagal 2

Is téacsanna barántúla a bheidh i dtéacsanna Rialachán Tarmligthe (AE) 2025/791 agus Rialachán Cur Chun Feidhme (AE) 2025/790 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 21 Márta 2026, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 20 Márta 2026.

Thar ceann Chomhchoiste an LEE

An tUachtarán

Nicolas VON LINGEN

(1) IO L 2025/791, 8.8.2025, ELI: http://data.europa.eu/eli/reg_del/2025/791/oj.

(2) IO L 2025/790, 8.8.2025, ELI: http://data.europa.eu/eli/reg_impl/2025/790/oj.

(3) IO L 21, 28.1.2016, lch. 2.

(*1) Ní shonraítear aon cheanglas bunreachtúil.