Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2026/1279 |
16.6.2026 |
CINNEADH CUR CHUN FEIDHME (AE) 2026/1279 ÓN gCOIMISIÚN
an 12 Meitheamh 2026
maidir le caighdeáin chomhchuibhithe le haghaidh trealamh cosanta pearsanta arna ndréachtú chun tacú le Rialachán (AE) 2016/425 ó Pharlaimint na hEorpa agus ón gComhairle agus lena n-aisghairtear Cinneadh Cur Chun Feidhme (AE) 2023/941 ón gCoimisiún
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoir 89/686/CEE agus Treoir 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (1), agus go háirithe Airteagal 10(6) de,
De bharr an mhéid seo a leanas:
|
(1) |
I gcomhréir le hAirteagal 14 de Rialachán (AE) 2016/425 ó Pharlaimint na hEorpa agus ón gComhairle (2), trealamh cosanta pearsanta atá i gcomhréir leis na caighdeáin chomhchuibhithe, ar foilsíodh na tagairtí dóibh in Iris Oifigiúil an Aontais Eorpaigh, nó le codanna de na caighdeáin sin, glactar leis go bhfuil sé i gcomhréir leis na ceanglais fhíor-riachtanacha sláinte agus sábháilteachta a leagtar amach in Iarscríbhinn II a ghabhann leis an Rialachán sin, ceanglais a chumhdaítear leis na caighdeáin sin nó na codanna sin díobh. |
|
(2) |
Le Cinneadh Cur Chun Feidhme C(2020)7924 ón gCoimisiún (3), d’iarr an Coimisiún ar an gCoiste Eorpach um Chaighdeánú (CEN) agus ar Choiste Eorpach na gCaighdeán Leictriteicniúil (CENELEC) athbhreithniú a dhéanamh ar na caighdeáin chomhchuibhithe chun tacú le Rialachán (AE) 2016/425 agus an obair sin a thabhairt chun críche chun a áirithiú go leanfaidh siad de léiriú a thabhairt ar an úrscothacht a nglactar léi i gcoitinne chun na ceanglais fhíor-riachtanacha sláinte agus sábháilteachta a leagtar amach in Iarscríbhinn II a ghabhann leis an Rialachán sin a chomhlíonadh. |
|
(3) |
Leasaíodh Cinneadh Cur Chun Feidhme C(2020)7924 le Cinneadh Cur Chun Feidhme C(2024)2750 ón gCoimisiún (4) chun raon feidhme na hiarrata a oiriúnú trí chaighdeáin áirithe a chur leis agus a bhaint de chun an dul chun cinn teicniúil agus eolaíoch is déanaí a chur san áireamh, chomh maith leis na forbairtí is déanaí ar ghníomhaíochtaí caighdeánaithe ar an leibhéal idirnáisiúnta agus ar an leibhéal Eorpach, agus chun síneadh a chur le sprioc-am na ngníomhaíochtaí caighdeánaithe i ndáil le caighdeáin agus dréachtchaighdeáin áirithe toisc nárbh fhéidir an obair ar chuid díobh a thabhairt chun críche faoi na sprioc-amanna a leagadh síos i gCinneadh Cur Chun Feidhme C(2020) 7924. |
|
(4) |
Ar bhonn na hiarrata a leagtar amach i gCinneadh Cur Chun Feidhme C(2020)7924, dhréachtaigh CEN na caighdeáin chomhchuibhithe nua seo a leanas chun tacú le Rialachán (AE) 2016/425: EN ISO 10256-1:2024 maidir le trealamh cosanta lena úsáid sa haca oighir (ceanglais ghinearálta), EN ISO 10256-2:2024 maidir le cosantóirí cinn le haghaidh scátálaithe, EN ISO 10256-3:2024 maidir le cosantóirí aghaidhe agus súl le haghaidh scátálaithe, EN ISO 10256-4:2024 maidir le cosantóirí cinn agus aghaidhe le haghaidh báireoirí, EN 17961:2025 maidir le gairis comhroinnte ualaigh le haghaidh sléibhteoireachta agus EN 18100:2025 maidir le clogaid le haghaidh sléibhteoirí sciála. |
|
(5) |
Ar bhonn na hiarrata a leagtar amach i gCinneadh Cur Chun Feidhme C(2020)7924, rinne CEN athbhreithniú ar na caighdeáin chomhchuibhithe seo a leanas, ar foilsíodh na tagairtí dóibh in Iris Oifigiúil an Aontais Eorpaigh le Cinneadh Cur Chun Feidhme (AE) 2023/941 ón gCoimisiún (5): EN 397:2012+A1:2012 maidir le clogaid sábháilteachta tionsclaíocha, EN 420:2003+A1:2009 maidir le lámhainní cosanta, EN ISO 12312-1:2013 agus EN ISO 12312-1:2013/A1:2015 maidir le spéaclaí gréine le haghaidh úsáid ghinearálta, EN 12492:2012 maidir le clogaid le haghaidh sléibhteoirí agus EN 17353:2020 maidir le trealamh infheictheachta feabhsaithe. |
|
(6) |
Mar thoradh air sin, ghlac CEN na caighdeáin seo a leanas, mar aon leis na leasuithe orthu: EN 397:2025 agus EN 397:2025/AC:2025, EN ISO 12312-1:2022 agus EN ISO 12312-1:2022/A11:2024, EN 12492:2025, EN 17353:2020+A1:2025, EN ISO 21420:2020 agus EN ISO 21420:2020/A1:2024. |
|
(7) |
Rinne an Coimisiún measúnú i gcomhar le CEN féachaint an gcomhlíonann EN 397:2025, EN 397:2025/AC:2025, EN ISO 10256-1:2024, EN ISO 10256-2:2024, EN ISO 10256-3:2024, EN ISO 10256-4:2024, EN ISO 12312-1:2022, EN ISO 12312-1:2022/A11:2024, EN 12492:2025, EN 17353:2020+A1:2025, EN 17961:2025, EN 18100:2025, EN ISO 21420:2020, agus EN ISO 21420:2020/A1:2024 an iarraidh a leagtar amach i gCinneadh Cur Chun Feidhme C(2020)7924. |
|
(8) |
Leis na caighdeáin chomhchuibhithe seo a leanas agus na leasuithe orthu, comhlíontar na ceanglais fhíor-riachtanacha sláinte agus sábháilteachta is aidhm dóibh a chumhdach agus a leagtar amach in Iarscríbhinn II a ghabhann le Rialachán (AE) 2016/425: EN 397:2025/AC:2025, EN ISO 10256-1:2024, EN ISO 10256-2:2024, EN ISO 10256-3:2024, EN ISO 10256-4:2024, EN ISO 12312-1:2022, EN ISO 12312-1:2022/A11:2024, EN 12492:2025, EN 17353:2020+A1:2025, EN 17961:2025, EN 18100:2025, EN ISO 21420:2020, agus EN ISO 21420:2020/A1:2024. Dá bhrí sin, is iomchuí na tagairtí do na caighdeáin chomhchuibhithe sin agus na leasuithe orthu a fhoilsiú in Iris Oifigiúil an Aontais Eorpaigh. |
|
(9) |
Tar éis don Choimisiún scrúdú a dhéanamh ar chaighdeán comhchuibhithe EN 397:2025, tháinig sé ar an gconclúid gur tagraíodh i gclásal 4.2.7.5.2.5 den chaighdeán sin do chlásal 5.13 seachas do chlásal 5.13.5, agus go raibh an nasc idir clásal 4.2.7.4 den chaighdeán sin agus ceanglas fíor-riachtanach sláinte agus sábháilteachta 3.6.1 d’Iarscríbhinn II a ghabhann le Rialachán (AE) 2016/425 in easnamh. Dá bhrí sin, ba cheart an caighdeán comhchuibhithe sin a fhoilsiú in Iris Oifigiúil an Aontais Eorpaigh maille le srian. |
|
(10) |
Rinneadh Cinneadh Cur Chun Feidhme (AE) 2023/941 a leasú roinnt uaireanta. Ós rud é go bhfuil tuilleadh leasuithe le déanamh air, ba cheart, ar mhaithe le soiléireacht, an Cinneadh Cur Chun Feidhme sin a ionadú. |
|
(11) |
Ar mhaithe le soiléireacht, na tagairtí uile do chaighdeáin chomhchuibhithe maidir le trealamh cosanta pearsanta a dréachtaíodh chun tacú le Rialachán (AE) 2016/425, ba cheart iad a liostú in aon ghníomh amháin. Dá bhrí sin, cuimsítear in Iarscríbhinn I a ghabhann leis an gCinneadh seo na tagairtí a foilsíodh le déanaí leis an gCinneadh seo chomh maith leis na tagairtí a foilsíodh roimhe sin le Cinneadh Cur Chun Feidhme (AE) 2023/941. |
|
(12) |
Is gá na tagairtí do na caighdeáin chomhchuibhithe EN 397:2012+A1:2012, EN 420:2003+A1:2009, EN ISO 12312-1:2013, EN ISO 12312-1:2013/A1:2015, EN 12492:2012 agus EN 17353:2020 a tharraingt siar ó Iris Oifigiúil an Aontais Eorpaigh, ós rud é go ndearnadh athbhreithniú ar na caighdeáin sin. |
|
(13) |
Chun a ndóthain ama a thabhairt do mhonaróirí a dtáirgí a oiriúnú do na caighdeáin athbhreithnithe, is iomchuí foráil a dhéanamh maidir le dátaí tarraingt siar iarchurtha na dtagairtí a ionadaítear leis an gCinneadh seo. Ba cheart, dá bhrí sin, na dátaí tarraingt siar sin a leagan amach in Iarscríbhinn II a ghabhann leis an gCinneadh seo. |
|
(14) |
Ina theannta sin, ar mhaithe le soiléireacht, na tagairtí do na caighdeáin a leanfaidh Cinneadh Cur Chun Feidhme (AE) 2023/941 d’fheidhm a bheith aige maidir leo, is gá freisin na tagairtí sin a chuimsiú in Iarscríbhinn II a ghabhann leis an gCinneadh seo go dtí dátaí a dtarraingt siar mar a leagtar amach san Iarscríbhinn sin. |
|
(15) |
Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, tugtar le fios le comhlíonadh an chaighdeáin sin go nglactar leis go bhfuil comhréir ann leis na ceanglais fhíor-riachtanacha chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe, |
TAR ÉIS AN CINNEADH SEO A GHLACADH:
Airteagal 1
Caighdeáin chomhchuibhithe maidir le trealamh cosanta pearsanta, caighdeáin ar chun tacú le Rialachán (AE) 2016/425 a dréachtaíodh iad, arb in Iarscríbhinn I a ghabhann leis an gCinneadh seo a liostaítear iad, déantar na tagairtí do na caighdeáin sin a fhoilsiú leis seo in Iris Oifigiúil an Aontais Eorpaigh.
Airteagal 2
Aisghairtear Cinneadh Cur Chun Feidhme (AE) 2023/941.
Beidh feidhm aige go fóill, áfach, i leith na dtagairtí do na caighdeáin chomhchuibhithe a liostaítear in Iarscríbhinn II a ghabhann leis an gCinneadh seo go dtí na dátaí a tharraingeofar siar na tagairtí sin a leagtar amach san Iarscríbhinn sin.
Airteagal 3
Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 12 Meitheamh 2026.
Thar ceann an Choimisiúin
An tUachtarán
Ursula VON DER LEYEN
(1) IO L 316, 14.11.2012, lch. 12, ELI: http://data.europa.eu/eli/reg/2012/1025/oj.
(2) Rialachán (AE) 2016/425 ó Pharlaimint na hEorpa agus ón gComhairle an 9 Márta 2016 maidir le trealamh cosanta pearsanta agus lena n-aisghairtear Treoir 89/686/CEE ón gComhairle ( IO L 81, 31.3.2016, lch. 51, ELI: http://data.europa.eu/eli/reg/2016/425/oj).
(3) Cinneadh Cur Chun Feidhme C(2020)7924 ón gCoimisiún an 19 Samhain 2020 maidir le hiarraidh um chaighdeánú ar an gCoiste Eorpach um Chaighdeánú agus ar Choiste Eorpach na gCaighdeán Leictriteicniúil a mhéid a bhaineann le trealamh cosanta pearsanta chun tacú le Rialachán (AE) 2016/425 ó Pharlaimint na hEorpa agus ón gComhairle.
(4) Cinneadh Cur Chun Feidhme C(2024)2750 ón gCoimisiún an 29 Aibreán 2024 lena leasaítear Cinneadh Cur Chun Feidhme C(2020)7924 maidir le hiarraidh um chaighdeánú ar an gCoiste Eorpach um Chaighdeánú agus ar Choiste Eorpach na gCaighdeán Leictriteicniúil a mhéid a bhaineann le trealamh cosanta pearsanta chun tacú le Rialachán (AE) 2016/425 ó Pharlaimint na hEorpa agus ón gComhairle.
(5) Cinneadh Cur Chun Feidhme (AE) 2023/941 ón gCoimisiún an 2 Bealtaine 2023 maidir le caighdeáin chomhchuibhithe i ndáil le trealamh cosanta pearsanta a dréachtaíodh chun tacú le Rialachán (AE) 2016/425 ó Pharlaimint na hEorpa agus ón gComhairle ( IO L 125, 11.5.2023, lch. 37, ELI: http://data.europa.eu/eli/dec_impl/2023/941/oj).
IARSCRÍBHINN I
|
Uimh. |
Uimhir thagartha an chaighdeáin |
|
1. |
EN 136:1998 Feistí cosanta riospráide - Maisc aghaidhe iomláine - Ceanglais, tástáil, marcáil EN 136:1998/AC:2003 |
|
2. |
EN 137:2006 Feistí cosanta riospráide - Gaireas análaithe aeir chomhbhrúite ciorcaid oscailte cuimsitheach le masc aghaidhe iomlán - Ceanglais, tástáil, marcáil |
|
3. |
EN 140:1998 Feistí cosanta riospráide - Leathmhaisc agus ceathrú-mhaisc - Ceanglais, tástáil, marcáil EN 140:1998/AC:1999 |
|
4. |
EN 142:2002 Feistí cosanta riospráide - Cóimeáil bhéalóige - Ceanglais, tástáil, marcáil |
|
5. |
EN 143:2021 Feistí cosanta riospráide - Scagairí cáithníní - Ceanglais, tástáil, marcáil |
|
6. |
EN 144-1:2000 Feistí cosanta riospráide - Comhlaí sorcóra gáis - Cuid 1: Naisc snáithe do nascóir ionsáiteáin EN 144-1:2000/A1:2003 EN 144-1:2000/A2:2005 |
|
7. |
EN 144-2:1998 Feistí cosanta riospráide - Comhlaí sorcóra gáis - Cuid 2: Naisc asraoin |
|
8. |
EN 144-3:2003 Feistí cosanta riospráide - Comhlaí sorcóra gáis - Cuid 3: Ceangail asraoin le haghaidh na ngás tumadóireachta, Nitrox agus ocsaigin EN 144-3:2003/AC:2003 |
|
9. |
EN 145:1997 Feistí cosanta riospráide - Gaireas análaithe ciorcaid dúnta cuimsitheach de chineál ocsaigine comhbhrúite nó ocsaigine-nítrigine comhbhrúite - Ceanglais, tástáil, marcáil EN 145:1997/A1:2000 |
|
10. |
EN 148-1:1999 Feistí cosanta riospráide - Snáithí le haghaidh béalóg - Cuid 1: Nasc snáithe caighdeánach |
|
11. |
EN 148-2:1999 Feistí cosanta riospráide - Snáithí le haghaidh béalóg - Cuid 2: Ceangal lárshnáithe |
|
12. |
EN 148-3:1999 Feistí cosanta riospráide - Snáithí le haghaidh béalóg - Cuid 3: Ceangal snáithí M 45 x 3 |
|
13. |
EN 149:2001+A1:2009 Feistí cosanta riospráide - Leathmhaisc scagúcháin chun cosaint a thabhairt ar cháithníní - Ceanglais, tástáil, marcáil |
|
14. |
EN 207:2017 Trealamh cosanta súl pearsanta - Scagairí agus cosantóirí súl i gcoinne radaíochta léasair (cosantóirí súl ar léasair) |
|
15. |
EN 208:2009 Cosaint súl phearsanta - Cosantóirí súl le haghaidh obair choigeartaithe ar léasair agus ar chórais léasair (cosantóirí súl um choigeartú léasair) |
|
16. |
EN 250:2014 Trealamh riospráide - Feiste tumadóireachta aeir chomhbhrúite ciorcaid oscailte chuimsitheach - Ceanglais, tástáil, marcáil |
|
17. |
EN 342:2017 Éadaí cosanta - Cultacha agus baill éadaigh mar chosaint in aghaidh fuachta |
|
18. |
EN 343:2019 Éadaí cosanta - Cosaint ar bháisteach |
|
19. |
EN 352-1:2020 Cosaintí éisteachta - Ceanglais ghinearálta - Cuid 1: Cosaintí cluas Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425. |
|
20. |
EN 352-2:2020+A1:2024 Cosaintí éisteachta - Ceanglais ghinearálta - Cuid 2: Plugaí cluaise Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425. |
|
21. |
EN 352-3:2020 Cosaintí éisteachta - Ceanglais ghinearálta - Cuid 3: Cosaintí Cluas ceangailte d’fheistí cosanta cinn agus/nó cosanta aghaidhe Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425. |
|
22. |
EN 352-4:2020 Cosaintí éisteachta - Ceanglais sábháilteachta - Cuid 4: Cosaintí cluas a fheidhmíonn de réir leibhéal na fuaime |
|
23. |
EN 352-5:2020 Cosaintí éisteachta – Ceanglais sábháilteachta – Cuid 5: Cosaintí cluas um laghdú gníomhach torann |
|
24. |
EN 352-6:2020+A1:2024 Cosaintí éisteachta – Ceanglais sábháilteachta – Cuid 6: Cosaintí cluas maille le hionchur fuaime a bhaineann leis an tsábháilteacht |
|
25. |
EN 352-7:2020 Cosaintí éisteachta - Ceanglais sábháilteachta - Cuid 7: Plugaí cluaise a fheidhmíonn de réir leibhéal na fuaime |
|
26. |
EN 352-8:2020+A1:2024 Cosaintí éisteachta – Ceanglais sábháilteachta – Cuid 8: Cosaintí cluas siamsaíochta |
|
27. |
EN 352-9:2020+A1:2024 Cosaintí éisteachta – Ceanglais sábháilteachta – Cuid 9: Plugaí cluaise maille le hionchur fuaime a bhaineann leis an tsábháilteacht |
|
28. |
EN 352-10:2020+A1:2024 Cosaintí éisteachta – Ceanglais sábháilteachta – Cuid 10: Plugaí cluaise ina seinntear fuaimeanna chun siamsaíochta |
|
29. |
EN 353-1:2014+A1:2017 Trealamh cosanta pearsanta in aghaidh titime - Gléasanna treoraithe in aghaidh titime lena n-áirítear líne ancaire - Cuid 1: Gléasanna treoraithe in aghaidh titime lena n-áirítear líne dhocht ancaire |
|
30. |
EN 353-2:2024 Trealamh cosanta pearsanta in aghaidh titime - Cuid 2: Gléasanna treoraithe chun titim a stopadh lena n-áirítear líne ancaire solúbtha |
|
31. |
EN 354:2010 Trealamh cosanta pearsanta in aghaidh titime - Láinnéir |
|
32. |
EN 355:2002 Trealamh cosanta pearsanta i gcoinne titim ó áit ard - Ionsúirí fuinnimh |
|
33. |
EN 358:2018 Trealamh cosanta pearsanta chun duine a choinneáil san ionad oibre agus titim ó áit ard a chosc – Criosanna agus láinnéir le haghaidh suíomhanna nó srianta oibre |
|
34. |
EN 360:2023 Trealamh pearsanta cosanta ar thitim - Stopadóirí titime de chineál in-astarraingthe |
|
35. |
EN 361:2002 Trealamh cosanta pearsanta i gcoinne titim ó áit ard – Úmacha don cholainn iomlán |
|
36. |
EN 362:2004 Trealamh cosanta pearsanta in aghaidh titim ó áit ard - Nascóirí |
|
37. |
EN 365:2004 Trealamh cosanta pearsanta in aghaidh titim ó áit ard - Ceanglais ghinearálta maidir le treoracha maidir le húsáid, cothabháil, scrúdú tréimhsiúil, deisiú, marcáil agus pacáistiú EN 365:2004/AC:2006 |
|
38. |
EN ISO 374-1:2016 Lámhainní cosanta in aghaidh ceimiceáin chontúirteacha agus miocrorgánaigh - Cuid 1: Ceanglais téarmaíochta agus feidhmíochta maidir le rioscaí ceimiceacha (ISO 374-1:2016) |
|
39. |
EN ISO 374-5:2016 Lámhainní cosanta in aghaidh ceimiceáin chontúirteacha agus miocrorgánaigh - Cuid 5: Ceanglais téarmaíochta agus feidhmíochta ó thaobh rioscaí maidir le miocrorgánaigh (ISO 374-5:2016) |
|
40. |
EN 388:2016+A1:2018 Lámhainní cosanta in aghaidh rioscaí meicniúla |
|
41. |
EN 397:2025 Clogaid chosanta thionsclaíocha EN 397:2025/AC:2025 Fógra: I gclásal 4.2.7.5.2.5 den chaighdeán, ina léitear ‘5.13’, is é a léifear ina ionad sin ‘5.13.5’. Comhlíonadh chlásal 4.2.7.4 den chaighdeán, is rud é a thugann le fios go bhfuil comhréir ann le ceanglas fíor-riachtanach sláinte agus sábháilteachta 3.6.1. |
|
42. |
EN 402:2003 Feistí cosanta riospráide - Gaireas análaithe aeir chomhbhrúite ciorcaid oscailte éilimh cuimsitheach faoi rialú na scamhóg le masc aghaidhe iomlán nó cóimeáil bhéalóige d’éalú - Ceanglais, tástáil, marcáil |
|
43. |
EN 403:2004 Feistí cosanta riospráide le haghaidh féintarrthála - Feistí scagúcháin le cochall d’éalú ó dhóiteán - Ceanglais, tástáil, marcáil |
|
44. |
EN 404:2005 Feistí cosanta riospráide le haghaidh féintarrthála - Féintarrtháil scagaire ó aonocsaíd charbóin le cóimeáil bhéalóige |
|
45. |
EN 405:2001+A1:2009 Feistí cosanta riospráide - Leathmhaisc scagúcháin chomhla chun cosaint a thabhairt ar gháis nó ar gháis agus ar cháithníní - Ceanglais, tástáil, marcáil |
|
46. |
EN 407:2004 Lámhainní cosanta i gcoinne rioscaí teirmeacha (teas nó dóiteán nó an dá rud araon) |
|
47. |
EN 421:2010 Lámhainní cosanta in aghaidh radaíocht ianúcháin agus éilliú radaighníomhach |
|
48. |
EN 443:2008 Clogaid le haghaidh comhrac dóiteáin i bhfoirgnimh agus i struchtúir eile |
|
49. |
EN 469:2020 Éadaí cosanta do chomhraiceoirí dóiteáin - Ceanglais feidhmíochta maidir le héadaí cosanta chun tinte a mhúchadh |
|
50. |
EN 510:2019 Sonraíocht maidir le héadaí cosanta lena n-úsáid i gcás go mbeadh baol fostaithe le páirteanna a bhogann |
|
51. |
EN 511:2006 Lámhainní cosanta in aghaidh fuachta |
|
52. |
EN 564:2023 Trealamh sléibhteoireachta – Corda cúnta – Riachtanais sábháilteachta agus modhanna tástála |
|
53. |
EN 565:2017 Trealamh sléibhteoireachta - Téip - Ceanglais sábháilteachta agus modhanna tástála |
|
54. |
EN 566:2017 Trealamh sléibhteoireachta - Irisí - Ceanglais sábháilteachta agus modhanna tástála |
|
55. |
EN 567:2013 Trealamh sléibhteoireachta - Teanntáin rópa - Ceanglais sábháilteachta agus modhanna tástála |
|
56. |
EN 568:2015 Trealamh sléibhteoireachta - Ancairí oighir - Ceanglais sábháilteachta agus modhanna tástála |
|
57. |
EN 569:2007 Trealamh sléibhteoireachta - Piotóin - Ceanglais sábháilteachta agus modhanna tástála |
|
58. |
EN 659:2003+A1:2008 Lámhainní cosanta do chomhraiceoirí dóiteáin EN 659:2003+A1:2008/AC:2009 |
|
59. |
EN 795:2012 Trealamh cosanta pearsanta i gcoinne titime - Feistí ancaire Rabhadh: Ní bhaineann an foilseachán seo leis an trealamh a dtugtar tuairisc air sna clásail seo a leanas: — cineál A (feistí ancaire ag a bhfuil ceann amháin nó níos mó de na pointí ancaire seasta agus an gá atá le hancairí struchtúracha nó eilimintí suí chun an struchtúr a shuí) dá dtagraítear i gclásail 3.2.1, 4.4.1, 5.3; — cineál C (feistí ancaire ina n-úsáidtear línte ancaire solúbtha cothrománacha) dá dtagraítear i gclásail 3.2.3, 4.4.3 agus 5.5; — cineál D (feistí ancaire ina n-úsáidtear línte ancaire dochta cothrománacha) dá dtagraítear i gclásail 3.2.4, 4.4.4 agus 5.6; — aon teaglaim díobh sin thuasluaite. Maidir le cineálacha A, C agus D, ní bhaineann an foilseachán seo le ceachtar clásal: 4.5, 5.2.2, 6, 7; Iarscríbhinn A nó Iarscríbhinn ZA. Dá réir sin, maidir leis an trealamh thuasluaite, ní ghlacfar leis go bhfuil comhréir ann le forálacha Rialachán (AE) 2016/425 toisc nach meastar gur trealamh cosanta pearsanta é. |
|
60. |
EN 812:2012 Caipíní tionsclaíocha in aghaidh buillí agus buailtí |
|
61. |
EN 813:2024 Trealamh cosanta pearsanta in aghaidh titime – Úmacha ar féidir suí iontu |
|
62. |
EN 892:2012+A3:2023 Trealamh sléibhteoireachta - Rópaí dinimiciúla sléibhteoireachta - Ceanglais sábháilteachta agus modhanna tástála |
|
63. |
EN 893:2019 Trealamh sléibhteoireachta - Crampóin - Ceanglais sábháilteachta agus modhanna tástála |
|
64. |
EN 943-1:2015+A1:2019 Éadaí cosanta i gcoinne ceimiceán contúirteach soladach, leachtach agus gásach, lena n-áirítear aerasóil leachtacha agus soladacha - Cuid 1: Ceanglais feidhmíochta maidir le cultacha cosanta ceimiceacha de Chineál 1 (cultacha gás-obacha) |
|
65. |
EN 943-2:2019 Éadaí cosanta i gcoinne ceimiceán contúirteach soladach, leachtach agus gásach, lena n-áirítear aerasóil leachtacha agus soladacha - Cuid 2: Ceanglais feidhmíochta maidir le cultacha (gás-obacha) cosanta de Chineál 1 ina aghaidh ceimicí d’fhoirne éigeandála |
|
66. |
EN 958:2024 Trealamh sléibhteoireachta - Córais ionsúite fuinnimh le húsáid i ndreapadh klettersteig (via ferrata) - Ceanglais sábháilteachta agus modhanna tástála |
|
67. |
EN 966:2012+A1:2012 Clogaid do spóirt ar eitilt |
|
68. |
EN 1073-1:2016+A1:2018 Éadaí cosanta in aghaidh cáithníní soladacha aeriompartha lena n-áirítear éilliú radaighníomhach - Cuid 1: Ceanglais agus modhanna tástála maidir le héadaí cosanta atá aeráilte le píobán comhbhrúite aeir, a chosnaíonn an corp agus an chonair riospráide |
|
69. |
EN 1073-2:2002 Éadaí cosanta in aghaidh éilliú radaighníomhach - Cuid 2: Ceanglais agus modhanna tástála maidir le héadaí cosanta neamh-aeráilte in aghaidh éilliú radaighníomhach cáithníneach |
|
70. |
EN 1077:2007 Clogaid do sciálaithe Alpacha agus do chlárscimeálaithe sneachta |
|
71. |
EN 1078:2012+A1:2012 Clogaid le haghaidh rothaithe agus le haghaidh úsáideoirí clár scátála agus scátaí rothacha |
|
72. |
EN 1080:2013 Clogaid chosanta in aghaidh imbhuailtí do leanaí óga |
|
73. |
EN 1082-1:1996 Éadaí cosanta - Lámhainní agus gardaí lámh mar chosaint in aghaidh gearrthacha agus sáite le sceana láimhe - Cuid 1: Lámhainní agus gardaí lámh déanta de mháille na lúb |
|
74. |
EN 1082-2:2000 Éadaí cosanta - Lámhainní agus gardaí lámh mar chosaint in aghaidh gearrthacha agus sáite le sceana láimhe - Cuid 2: Lámhainní agus gardaí lámh déanta d’ábhar eile seachas máille na lúb |
|
75. |
EN 1146:2005 Feistí cosanta riospráide - Gaireas análaithe aeir chomhbhrúite ciorcaid oscailte cuimsitheach ina gcuimsítear cochall d’éalú - Ceanglais, tástáil, marcáil |
|
76. |
EN 1149-5:2018 Éadaí cosanta - Airíonna leictreastatacha - Cuid 5: Ceanglais maidir le feidhmíocht agus dearadh ábhair |
|
77. |
EN 1384:2023 Clogaid le haghaidh gníomhaíochtaí eachaíochta |
|
78. |
EN 1385:2012 Clogaid le haghaidh spóirt curachóireachta agus bánuisce |
|
79. |
EN 1486:2007 Éadaí cosanta do chomhraiceoirí dóiteáin - Modhanna tástála agus riachtanais maidir le héadaí frithchaiteacha le haghaidh comhrac dóiteáin speisialaithe |
|
80. |
EN 1497:2007 Trealamh cosanta pearsanta in aghaidh titime - Úmacha tarrthála |
|
81. |
EN 1827:1999+A1:2009 Feistí cosanta riospráide - Leathmhaisc gan comhlaí ionanálaithe agus le scagairí indeighilte chun cosaint a thabhairt ar gháis nó ar gháis agus cáithníní nó ar cháithníní amháin - Ceanglais, tástáil, marcáil |
|
82. |
EN 1891:1998 Trealamh cosanta pearsanta chun titim ó áit ard a chosc - Rópaí kernmantel ar dheacair iad a shíneadh |
|
83. |
EN 1938:2010 Cosaint phearsanta súl - Spéaclaí cosanta do dhaoine a úsáideann gluaisrothair agus móipéidí |
|
84. |
EN ISO 10256-1:2024 Trealamh cosanta lena úsáid sa haca oighir - Cuid 1: Ceanglais ghinearálta (ISO 10256-1:2024) |
|
85. |
EN ISO 10256-2:2024 Trealamh cosanta lena úsáid sa haca oighir - Cuid 2: Cosantóirí cinn le haghaidh scátálaithe (ISO 10256-2:2024) |
|
86. |
EN ISO 10256-3:2024 Trealamh cosanta lena úsáid sa haca oighir - Cuid 3: Cosantóirí aghaidhe agus súl le haghaidh scátálaithe (ISO 10256-3:2024) |
|
87. |
EN ISO 10256-4:2024 Trealamh cosanta lena úsáid sa haca oighir - Cuid 4: Cosantóirí cinn agus aghaidhe le haghaidh báireoirí (ISO 10256-4:2024) |
|
88. |
EN ISO 10819:2013 Creathadh meicniúil agus turraing - Creathadh láimhe - Tomhas agus meastóireacht ar in-tarchurthacht tonnchreathanna lámhainní ag bos na láimhe (ISO 10819:2013) EN ISO 10819:2013/A1:2019 EN ISO 10819:2013/A2:2022 |
|
89. |
EN ISO 10862:2009 Árthaí beaga - Córas scaoilte thapa le haghaidh úim traipéise (ISO 10862:2009) |
|
90. |
EN ISO 11393-2:2019 Éadaí cosanta d’úsáideoirí sábh slabhrach láimhe - Cuid 2: Ceanglais feidhmíochta agus modhanna tástála le haghaidh cosantóirí cos (ISO 11393-2:2018) |
|
91. |
EN ISO 11393-4:2019 Éadaí cosanta d’úsáideoirí sábh slabhrach láimhe - Cuid 4: Ceanglais feidhmíochta agus modhanna tástála le haghaidh lámhainní cosanta (ISO 11393-4:2018) |
|
92. |
EN ISO 11393-5:2019 Éadaí cosanta d’úsáideoirí sábh slabhrach láimhe - Cuid 5: Ceanglais feidhmíochta agus modhanna tástála le haghaidh loirgneáin chosanta (ISO 11393-5:2018) |
|
93. |
EN ISO 11393-6:2019 Éadaí cosanta d’úsáideoirí sábh slabhrach láimhe - Cuid 6: Ceanglais feidhmíochta agus modhanna tástála do chosantóirí an choirp uachtair (ISO 11393-6:2018) |
|
94. |
EN 12021:2014 Trealamh riospráide - Gáis chomhbhrúite le haghaidh gaireas análaithe |
|
95. |
EN 12083:1998 Feistí cosanta riospráide - Scagairí le hosáin análaithe (Scagairí feistithe gan mhasc) - Scagairí cáithníní, scagairí gáis, agus scagairí comhcheangailte - Ceanglais, tástáil, marcáil EN 12083:1998/AC:2000 |
|
96. |
EN 12270:2013 Trealamh sléibhteoireachta - Dingeacha - Ceanglais sábháilteachta agus modhanna tástála |
|
97. |
EN 12275:2013 Trealamh sléibhteoireachta - Nascóirí - Ceanglais sábháilteachta agus modhanna tástála |
|
98. |
EN 12276:2013 Trealamh sléibhteoireachta - Ancairí frithchuimilte - Ceanglais sábháilteachta agus modhanna tástála |
|
99. |
EN 12277:2015+A1:2018 Trealamh sléibhteoireachta - Úmacha - Ceanglais sábháilteachta agus modhanna tástála |
|
100. |
EN 12278:2007 Trealamh sléibhteoireachta - Ulóga - Ceanglais sábháilteachta agus modhanna tástála |
|
101. |
EN ISO 12312-1:2022 Cosaint súl agus aghaidhe - Spéaclaí gréine agus spéaclaí gaolmhara - Cuid 1: Spéaclaí gréine le haghaidh úsáid ghinearálta (ISO 12312-1:2022) EN ISO 12312-1:2022/A11:2024 |
|
102. |
EN ISO 12312-2:2015 Cosaint súl agus aghaidhe - Spéaclaí gréine agus spéaclaí gaolmhara - Cuid 2: Scagairí le haghaidh an ghrian a bhreathnú go díreach (ISO 12312-2:2015) |
|
103. |
EN ISO 12401:2009 Árthaí beaga - Úim shábháilteachta agus líne shábháilteacht deice - Ceanglais sábháilteachta agus modhanna tástála (ISO 12401:2009) |
|
104. |
EN ISO 12402-2:2020 Gairis snámhachta phearsanta - Cuid 2: Seaicéid tarrthála, leibhéal feidhmíochta 275 - Riachtanais sábháilteachta (ISO 12402-2:2020) Fógra: Cur i bhfeidhm chlásal 5.6 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 1.1.1 d’Iarscríbhinn II a ghabhann le Rialachán (AE) 2016/425. Cur i bhfeidhm chlásail 5.1.2, 5.1.3, 5.1.5, 5.1.7, 5.2, 5.3.1.1, 5.3.1.2, 5.3.2.2, 5.3.2.3, 5.3.4.3, 5.3.4.4, 5.6.1.4, 5.6.1.7, 5.6.1.8, 5.6.1.9, 5.6.1.10 agus 5.6.1.11 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 1.2.1 d’Iarscríbhinn II a ghabhann le Rialachán (AE) 2016/425. Cur i bhfeidhm chlásail 5.1.2, 5.2, 5.3.1.1, 5.3.2.2, 5.3.4.2, 5.3.4.4, 5.6.3 agus 5.7 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 3.4 d’Iarscríbhinn II a ghabhann le Rialachán (AE) 2016/425. |
|
105. |
EN ISO 12402-3:2020 Gairis snámhachta phearsanta - Cuid 3: Seaicéid tarrthála, leibhéal feidhmíochta 150 - Riachtanais sábháilteachta (ISO 12402-3:2020) Fógra: Cur i bhfeidhm chlásal 5.6 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 1.1.1 d’Iarscríbhinn II a ghabhann le Rialachán (AE) 2016/425. Cur i bhfeidhm chlásail 5.1.2, 5.1.3, 5.1.5, 5.1.7, 5.2, 5.3.1.1, 5.3.1.2, 5.3.2.2, 5.3.2.3, 5.3.4.3, 5.3.4.4, 5.6.1.4, 5.6.1.7, 5.6.1.8, 5.6.1.9, 5.6.1.10 agus 5.6.1.11 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 1.2.1 d’Iarscríbhinn II a ghabhann le Rialachán (AE) 2016/425. Cur i bhfeidhm chlásail 5.1.2, 5.2, 5.3.1.1, 5.3.2.2, 5.3.4.2, 5.3.4.4, 5.6.3 agus 5.7 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 3.4 d’Iarscríbhinn II a ghabhann le Rialachán (AE) 2016/425. |
|
106. |
EN ISO 12402-4:2020 Gairis snámhachta phearsanta - Cuid 4: Seaicéid tarrthála, leibhéal feidhmíochta 100 - Riachtanais sábháilteachta (ISO 12402-4:2020) Fógra: Cur i bhfeidhm chlásal 5.6 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 1.1.1 d’Iarscríbhinn II a ghabhann le Rialachán (AE) 2016/425. Cur i bhfeidhm chlásail 5.1.2, 5.1.3, 5.1.5, 5.1.7, 5.2, 5.3.1.1, 5.3.1.2, 5.3.2.2, 5.3.2.3, 5.3.4.3, 5.3.4.4, 5.6.1.4, 5.6.1.7, 5.6.1.8, 5.6.1.9, 5.6.1.10 agus 5.6.1.11 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 1.2.1 d’Iarscríbhinn II a ghabhann le Rialachán (AE) 2016/425. Cur i bhfeidhm chlásail 5.1.2, 5.2, 5.3.1.1, 5.3.2.2, 5.3.4.2, 5.3.4.4, 5.6.3 agus 5.7 den chaighdeán seo, ní rud é a thugann le fios go bhfuil comhréir ann leis an gceanglas fíor-riachtanach sláinte agus sábháilteachta a leagtar amach i bpointe 3.4 d’Iarscríbhinn II a ghabhann le Rialachán (AE) 2016/425. |
|
107. |
EN ISO 12402-5:2020 Gairis snámhachta phearsanta - Cuid 5: Áiseanna snámhachta (leibhéal 50) - Ceanglais sábháilteachta (ISO 12402-5:2020) |
|
108. |
EN ISO 12402-6:2020 Gairis snámhachta phearsanta - Cuid 6: Seaicéid tarrthála agus áiseanna snámhachta feidhme speisialta - Riachtanais sábháilteachta agus modhanna tástála breise (ISO 12402-6:2020) |
|
109. |
EN ISO 12402-8:2020 Gairis snámhachta phearsanta - Cuid 8: Oiriúintí - Riachtanais sábháilteachta agus modhanna tástála (ISO 12402-8:2020) |
|
110. |
EN 12477:2001 Lámhainní cosanta do tháthairí EN 12477:2001/A1:2005 |
|
111. |
EN 12492:2025 Trealamh sléibhteoireachta - Clogaid le haghaidh sléibhteoirí - Ceanglais sábháilteachta agus modhanna tástála |
|
112. |
EN 12841:2024 Trealamh cosanta pearsanta in aghaidh titime – Córais rochtana rópaí – Feistí um choigeartú rópaí |
|
113. |
EN 12941:2023 Feistí cosanta riospráide - Gairis scagúcháin chumhachtaithe ina gcuimsítear coimhéadan riospráide scaoilte - Ceanglais, tástáil agus marcáil |
|
114. |
EN 12942:2023 Feistí cosanta riospráide - Gairis scagúcháin chumhachtaithe ina gcuimsítear maisc aghaidhe iomlána, leathmhaisc nó ceathrú-mhaisc - Ceanglais, tástáil agus marcáil |
|
115. |
EN 13034:2005+A1:2009 Éadaí cosanta in aghaidh ceimiceán leachtach - Ceanglais feidhmíochta maidir le héadaí cosanta in aghaidh ceimiceán a thairgeann cosaint theoranta in aghaidh ceimiceán leachtach (trealamh de Chineál 6 agus de Chineál PB [6]) |
|
116. |
EN 13061:2009 Éadaí cosanta - cosantóirí lorgaí d’imreoirí sacair - Ceanglais agus modhanna tástála |
|
117. |
EN 13089:2011+A3:2023 Trealamh sléibhteoireachta - Uirlisí oighir - Ceanglais sábháilteachta agus modhanna tástála |
|
118. |
EN 13138-1:2021 Áiseanna buacacha do theagasc snámha - Cuid 1: Ceanglais sábháilteachta agus modhanna tástála le haghaidh áiseanna snámhacha atá le caitheamh EN 13138-1:2021/AC:2022 |
|
119. |
EN 13158:2018 Éadaí cosanta - Seaicéid chosanta, cosantóirí coirp agus gualainne le haghaidh úsáide eachaíochta, le haghaidh marcaigh agus iad siúd a bhíonn ag obair le capaill, agus le haghaidh tiománaithe capall - Ceanglais agus modhanna tástála |
|
120. |
EN 13178:2000 Cosaint phearsanta súl - Cosantóirí súl d'úsáideoirí mótar sneachta |
|
121. |
EN 13277-1:2000 Trealamh cosanta le haghaidh ealaíona comhraic - Cuid 1: Ceanglais ghinearálta agus modhanna tástála |
|
122. |
EN 13277-2:2000 Trealamh cosanta do na healaíona comhraic - Cuid 2: Ceanglais bhreise agus modhanna tástála do chosantóirí ard na coise, cosantóirí lorgaí agus ríghardaí |
|
123. |
EN 13277-3:2013 Trealamh cosanta do na healaíona comhraic - Cuid 3: Ceanglais bhreise agus modhanna tástála breise do chosantóirí cabhlach |
|
124. |
EN 13277-4:2001 Trealamh cosanta do na healaíona comhraic - Cuid 4: Ceanglais bhreise agus modhanna tástála breise do chosantóirí cinn EN 13277-4:2001/A1:2007 |
|
125. |
EN 13277-5:2002 Trealamh cosanta do na healaíona comhraic - Cuid 5: Ceanglais bhreise agus modhanna tástála do chosantóirí ball giniúna agus cosantóirí bolg |
|
126. |
EN 13277-6:2003 Trealamh cosanta do na healaíona comhraic - Cuid 6: Ceanglais bhreise agus modhanna tástála do chosantóirí brollaigh le haghaidh mná |
|
127. |
EN 13277-7:2009 Trealamh cosanta do na healaíona comhraic - Cuid 7: Ceanglais bhreise agus modhanna tástála do chosantóirí láimhe agus coise |
|
128. |
EN 13277-8:2017 Trealamh cosanta do na healaíona comhraic - Cuid 8: Ceanglais bhreise agus modhanna tástála do chosantóirí aghaidhe cearáité |
|
129. |
EN 13484:2012 Clogaid le haghaidh úsáideoirí lúis |
|
130. |
EN 13546:2002+A1:2007 Éadaí cosanta - Cosantóirí láimhe, cliabh, bolg, cos agus baill ghiniúna do chúl báirí haca agus cosantóirí lorgaí d’imreoirí haca eile - Ceanglais agus modhanna tástála |
|
131. |
EN 13567:2002+A1:2007 Éadaí cosanta - Cosantóirí láimhe, cliabh, bolg, cos, baill ghiniúna agus aghaidh do phionsóirí - Riachtanais agus modhanna tástála |
|
132. |
EN 13594:2015 Lámhainní cosanta do mharcaigh ghluaisrothar - Ceanglais agus modhanna tástála |
|
133. |
EN 13634:2017 Coisbheart cosanta do mharcaigh ghluaisrothar - Ceanglais agus modhanna tástála |
|
134. |
EN ISO 13688:2013 Éadaí cosanta - Ceanglais ghinearálta (ISO 13688:2013) EN ISO 13688:2013/A1:2021 |
|
135. |
EN 13781:2012 Clogaid chosanta do thiománaithe agus do phaisinéirí mótar sneachta agus bobshleamhnán |
|
136. |
EN 13794:2002 Feistí cosanta riospráide - Gaireas análaithe ciorcaid dúnta cuimsitheach d’éalú - Ceanglais, tástáil, marcáil |
|
137. |
EN 13832-2:2018 Coisbheart mar chosaint ar cheimiceáin - Cuid 2: Riachtanais le haghaidh teagmháil theoranta le ceimiceáin |
|
138. |
EN 13832-3:2018 Coisbheart mar chosaint ar cheimiceáin - Cuid 3: Riachtanais le haghaidh teagmháil fhada le ceimiceáin |
|
139. |
EN 13949:2003 Feiste tumadóireachta ciorcaid oscailte chuimsitheach lena húsáid le Nitrox agus ocsaigin chomhbhrúite - Ceanglais, tástáil, marcáil |
|
140. |
EN ISO 13982-1:2004 Éadaí cosanta le húsáid in aghaidh cáithníní soladacha - Cuid 1: Ceanglais feidhmíochta maidir le héadaí cosanta ceimiceacha a sholáthraíonn cosaint don chorp iomlán in aghaidh cáithníní soladacha aeriompartha (éadaí de chineál 5) (ISO 13982-1:2004) EN ISO 13982-1:2004/A1:2010 |
|
141. |
EN ISO 13998:2003 Éadaí cosanta - Naprúin, brístí agus veisteanna mar chosaint in aghaidh gearrthacha agus sáite le sceana láimhe (ISO 13998:2003) |
|
142. |
EN 14021:2003 Sciatha cloiche le haghaidh gluaisrothaíocht eis-bhóthair chun rothaithe a chosaint ar chlocha agus ar smionagar - Ceanglais agus modhanna tástála |
|
143. |
EN 14052:2012+A1:2012 Clogaid thionsclaíocha ardfheidhmíochta |
|
144. |
EN 14058:2017+A1:2023 Éadaí cosanta – Éadaí mar chosaint in áiteanna fuara |
|
145. |
EN 14120:2003+A1:2007 Éadaí cosanta - Cosantóirí láimhe, bhos na láimhe, glún agus uillinn d’úsáideoirí trealaimh le haghaidh rollóirí spóirt - Ceanglais agus modhanna tástála |
|
146. |
EN 14126:2003 Ceanglais feidhmíochta agus modhanna tástála d’éadaí cosanta in aghaidh oibreán tógálach EN 14126:2003/AC:2004 |
|
147. |
EN 14143:2013 Trealamh riospráide - Feiste tumadóireachta athanálaithe chuimsitheach |
|
148. |
EN 14225-1:2017 Cultacha tumadóireachta - Cuid 1: Cultacha uisce - Riachtanais agus modhanna tástála |
|
149. |
EN 14225-2:2017 Cultacha tumadóireachta - Cuid 2: Cultacha tirime - Riachtanais agus modhanna tástála |
|
150. |
EN 14225-3:2017 Cultacha tumadóireachta - Cuid 3: Córais agus comhpháirteanna culaithe a théitear nó a fhuaraítear go gníomhach - Riachtanais agus modhanna tástála |
|
151. |
EN 14328:2005 Éadaí cosanta - Lámhainní agus gardaí láimhe mar chosaint ar ghearrthacha ag sceana faoi chumhacht - Ceanglais agus modhanna tástála |
|
152. |
EN 14387:2004+A1:2008 Feistí cosanta riospráide - Scagairí gáis agus scagair(í) comhcheangailte - Ceanglais, tástáil, marcáil |
|
153. |
EN 14404-2:2024 Trealamh cosanta pearsanta - Cosantóirí glún chun oibriú ar ghlúine - Cuid 2: Riachtanais maidir le cosantóirí glún inchaite (cineál 1) |
|
154. |
EN 14404-3:2024 Trealamh cosanta pearsanta - Cosantóirí glún chun oibriú ar ghlúine - Cuid 3: Riachtanais maidir le comhcheangal aonair de chosantóirí glún agus éadaí (cineál 2) Fógra: I dteannta chlásail 5.5.1.1, 5.5.1.2, 5.5.5.1 agus 5.5.5.2, is gá freisin clásal 5.5.1.3 a chomhlíonadh chun a thabhairt le fios go bhfuil comhréir ann leis an gceanglas fíor-riachtanach i bpointe 1.3.1. d’Iarscríbhinn II a ghabhann le Rialachán (AE) 2016/425 |
|
155. |
EN 14404-4:2024 Trealamh cosanta pearsanta - Cosaintí glúine le haghaidh oibre a dhéantar ar na glúine - Cuid 4: Ceanglais maidir leis an teaglaim de phillíní glúine idir-inoibritheacha agus baill éadaigh (cineál 2) |
|
156. |
EN 14404-6:2024 Trealamh cosanta pearsanta - Cosantóirí glún chun oibriú ar ghlúine - Cuid 6: Ceanglais maidir le córais um obair ar ghlúine (cineál 4) |
|
157. |
EN 14435:2004 Feistí cosanta riospráide - Gaireas análaithe aeir chomhbhrúite ciorcaid oscailte cuimsitheach le leathmhasc a dearadh lena úsáid le brú dearfach amháin - Ceanglais, tástáil, marcáil |
|
158. |
EN 14458:2018 Trealamh pearsanta súl - scáthláin ardfheidhmíochta gréine atá beartaithe le húsáid le clogaid chosanta agus leo siúd amháin |
|
159. |
EN ISO 14460:1999 Éadaí cosanta do thiománaithe gluaisteán rásaíochta - Cosaint ar theas agus lasair - Ceanglais feidhmíochta agus modhanna tástála (ISO 14460: 1999) EN ISO 14460:1999/AC:1999 EN ISO 14460:1999/A1:2002 |
|
160. |
EN 14529:2005 Feistí cosanta riospráide - Gaireas análaithe aeir chomhbhrúite ciorcaid oscailte cuimsitheach le leathmhasc a dearadh chun comhla éilimh faoi rialú brú scamhóg dearfach a chuimsiú chun críocha éalaithe amháin |
|
161. |
EN 14593-1:2005 Feistí cosanta riospráide - Fearas análaithe líne aeir chomhbhrúite le comhla éilimh - Cuid 1: Fearas le masc aghaidhe iomlán - Riachtanais, tástáil, marcáil |
|
162. |
EN 14594:2018 Feistí cosanta riospráide - Feistí análaithe líne aeir chomhbhrúite le sreabhadh leanúnach - Ceanglais, tástáil agus marcáil |
|
163. |
EN 14605:2005+A1:2009 Éadaí cosanta in aghaidh ceimiceán leachtach - ceanglais feidhmíochta maidir le héadaí a bhfuil naisc leacht-obacha (Cineál 3) nó sprae-obacha (Cineál 4) acu, lena n-áirítear earraí a sholáthraíonn cosaint do chodanna áirithe den chorp agus dóibh siúd amháin (Cineálacha PB [3] agus PB [4]) |
|
164. |
EN ISO 14877:2002 Éadaí cosanta le haghaidh oibríochtaí pléasctha scrábacha nuair a úsáidtear scríobaigh ghráinneacha (ISO 14877:2002) |
|
165. |
EN ISO 15027-1:2012 Tumchultacha - Cuid 1: Cultacha atá le caitheamh go seasta, riachtanais lena n-áirítear sábháilteacht (ISO 15027-1:2012) |
|
166. |
EN ISO 15027-2:2012 Tumchultacha - Cuid 2: Cultacha tréigthe, ceanglais lena n-áirítear sábháilteacht (ISO 15027-2:2012) |
|
167. |
EN 15090:2012 Coisbheart do chomhraiceoirí dóiteáin |
|
168. |
EN 15151-1:2012 Trealamh sléibhteoireachta - Feistí coscánaithe - Cuid 1: Feistí coscánaithe mar aon le glasáil de láimh, riachtanais sábháilteachta agus modhanna tástála |
|
169. |
EN 15333-1:2008 Trealamh riospráide - Feiste tumadóireachta gáis chomhbhrúite arna soláthar trí imleacán ciorcaid oscailte - Cuid 1: Gaireas éilimh EN 15333-1:2008/AC:2009 |
|
170. |
EN 15333-2:2009 Trealamh riospráide - Feiste tumadóireachta gáis chomhbhrúite arna soláthar trí imleacán ciorcaid oscailte - Cuid 2: Gaireas saorshreafa |
|
171. |
EN 15613:2008 Cosantóirí glúine agus uillinn le haghaidh spóirt faoi dhíon - Ceanglais sábháilteachta agus modhanna tástála |
|
172. |
EN 16027:2011 Éadaí cosanta - Lámhainní a bhfuil éifeacht chosanta acu le haghaidh cúl báirí i gcluichí sacair |
|
173. |
EN ISO 16321-1:2022 Cosaint súl agus aghaidhe le haghaidh úsáid cheirde - Cuid 1: Riachtanais ghinearálta (ISO 16321-1:2021) |
|
174. |
EN ISO 16321-2:2021 Cosaint súl agus aghaidhe le haghaidh úsáid cheirde - Cuid 2: Riachtanais bhreise maidir le cosantóirí a úsáidtear le linn táthaithe agus teicnící gaolmhara (ISO 16321-2:2021) Fógra: Déantar tagairt sa chaighdeán seo do thagairt normatach EN ISO 16321-1:2020, a bhfuil a dháta mícheart. Léifear é mar EN ISO 16321-1:2022 ina ionad sin. |
|
175. |
EN ISO 16321-3:2022 Cosaint súl agus aghaidhe le haghaidh úsáid cheirde - Cuid 3: Riachtanais bhreise maidir le cosantóirí mogaill (ISO 16321-3:2021) Fógra: Déantar tagairt sa chaighdeán seo do thagairt normatach EN ISO 16321-1:2020, a bhfuil a dháta mícheart. Léifear é mar EN ISO 16321-1:2022 ina ionad sin. |
|
176. |
EN 16350:2014 Lámhainní cosanta - Airíonna leictreastatacha |
|
177. |
EN 16473:2014 Clogaid comhraiceoirí dóiteáin - Clogaid le haghaidh tarrtháil theicniúil |
|
178. |
EN 16716:2017 Trealamh sléibhteoireachta - Córais málaí aeir i gcás maidhmeanna sneachta - Ceanglais sábháilteachta agus modhanna tástála |
|
179. |
EN 17092-2:2020 Éadaí cosanta do mharcaigh ghluaisrothar - Cuid 2: Baill éadaigh d’Aicme AAA - Ceanglais |
|
180. |
EN 17092-3:2020 Éadaí cosanta do mharcaigh ghluaisrothar - Cuid 3: Baill éadaigh d’Aicme AA - Ceanglais |
|
181. |
EN 17092-4:2020 Éadaí cosanta do mharcaigh ghluaisrothar - Cuid 4: Baill éadaigh d’Aicme A - Ceanglais |
|
182. |
EN 17092-5:2020 Éadaí cosanta do mharcaigh ghluaisrothar - Cuid 5: Baill éadaigh d’Aicme B - Ceanglais |
|
183. |
EN 17092-6:2020 Éadaí cosanta do mharcaigh ghluaisrothar - Cuid 6: Baill éadaigh d’Aicme C - Ceanglais |
|
184. |
EN 17109:2020+A1:2024 Trealamh sléibhteoireachta - Córais sábháilteachta aonair le haghaidh cúrsaí rópa - Ceanglais sábháilteachta agus modhanna tástála |
|
185. |
EN ISO 17249:2013 Coisbheart sábháilteachta a sheasann in aghaidh gearradh le sábh slabhrach (ISO 17249:2013) EN ISO 17249:2013/AC:2014 |
|
186. |
EN 17353:2020+A1:2025 Éadaí cosanta - Trealamh infheictheachta feabhsaithe le haghaidh cásanna meánriosca - Modhanna tástála agus ceanglais |
|
187. |
EN 17487:2024 Éadaí cosanta - Baill éadaigh le hearraí cóireáilte le sármheitrin chun tacú le cosaint ar ghreamanna sceartán |
|
188. |
EN 17520:2021 Trealamh sléibhteoireachta - Láinnéir ancaire phearsanta - Riachtanais sábháilteachta agus modhanna tástála |
|
189. |
EN 17961:2025 Trealamh sléibhteoireachta - Gairis comhroinnte ualaigh - Ceanglais sábháilteachta agus modhanna tástála |
|
190. |
EN 18100:2025 Trealamh sléibhteoireachta - Clogaid le haghaidh sléibhteoirí sciála - Ceanglais sábháilteachta agus modhanna tástála |
|
191. |
EN ISO 18527-1:2022 Cosaint súl agus aghaidhe le húsáid i spóirt - Cuid 1: Riachtanais maidir le spéaclaí cosanta do sciáil le fána agus do chlársciáil (ISO 18527-1:2021) |
|
192. |
EN ISO 18527-2:2021 Cosaint súl agus aghaidhe le húsáid i spóirt - Cuid 2: Riachtanais maidir le cosantóirí súl do scuais agus cosantóirí súl do liathróid raicéid agus do scuais 57 (ISO 18527-2:2021) |
|
193. |
EN ISO 20320:2020 Éadaí cosanta atá le húsáid i gClársciáil - Cosantóirí Rostaí - Ceanglais agus modhanna tástála (ISO 20320:2020) |
|
194. |
EN ISO 20345:2022 Trealamh cosanta pearsanta – Coisbheart sábháilteachta (ISO 20345:2021) EN ISO 20345:2022/A1:2024 |
|
195. |
EN ISO 20346:2022 Trealamh cosanta pearsanta - Coisbheart cosanta (ISO 20346:2021) EN ISO 20346:2022/A1:2024 |
|
196. |
EN ISO 20347:2022 Trealamh cosanta pearsanta - Coisbheart ceirde (ISO 20347:2021) EN ISO 20347:2022/A1:2024 |
|
197. |
EN ISO 20349-1:2017 Trealamh cosanta pearsanta - Coisbheart a thugann cosaint i gcoinne rioscaí i dteilgcheártaí agus le linn táthaithe - Cuid 1: Ceanglais agus modhanna tástála chun cosaint a thabhairt ar rioscaí i dteilgcheártaí (ISO 20349-1:2017) EN ISO 20349-1:2017/A1:2020 |
|
198. |
EN ISO 20349-2:2017 Trealamh cosanta pearsanta - Coisbheart a thugann cosaint i gcoinne rioscaí i dteilgcheártaí agus le linn táthaithe - Cuid 2: Ceanglais agus modhanna tástála chun cosaint a thabhairt ar rioscaí le linn táthaithe agus próisis ghaolmhara (ISO 20349-2:2017) EN ISO 20349-2:2017/A1:2020 |
|
199. |
EN ISO 20471:2013 Éadaí sofheicthe - Modhanna agus ceanglais tástála (ISO 20471:2013, Leagan ceartaithe 2013-06-01) EN ISO 20471:2013/A1:2016 |
|
200. |
EN ISO 21420:2020 Lámhainní cosanta - Ceanglais ghinearálta agus modhanna tástála - Leasú 1 (ISO 21420:2020/Leasú 1:2022) EN ISO 21420:2020/A1:2024 |
|
201. |
EN ISO 27065:2017 Éadaí cosanta - Ceanglais feidhmíochta maidir le héadaí cosanta a chaitheann oibreoirí a chuireann lotnaidicídí i bhfeidhm agus le haghaidh oibrithe athiontrála (ISO 27065:2017) EN ISO 27065:2017/A1:2019 |
|
202. |
EN 50321-1:2018 Obair bheo - Coisbheart um chosaint leictreach - Coisbheart inslithe agus bhuataisí breise lasmuigh EN 50321-1:2018/AC:2018-08 |
|
203. |
EN 50365:2023 Obair Bheo - Clogaid inslithe leictreachais le húsáid ar shuiteálacha ísealvoltais agus meánvoltais EN 50365:2023/AC:2024-09 |
|
204. |
EN 61482-2:2020 Obair bheo - Éadaí cosanta i gcoinne guaiseacha teirmeacha stuanna leictreacha - Cuid 2: Ceanglais (IEC 61482-2:2018, Modhnaithe) |
IARSCRÍBHINN II
|
Uimh. |
Uimhir thagartha an chaighdeáin |
Dáta an tarraingt siar |
|
1. |
EN 352-2:2020 Cosaintí éisteachta - Ceanglais ghinearálta - Cuid 2: Plugaí cluaise Fógra: Ní caighdeán é seo lena gceanglaítear lipéadú a chur ar an táirge a chuirfeadh in iúl cén leibhéal maolaithe torainn is acmhainn dó. Dá bhrí sin, comhlíonadh an chaighdeáin seo, ní rud é a thugann le fios go bhfuil comhréir ann le pointe 3.5 den dara mír d’Iarscríbhinn II a ghabhann le Rialachán (AE) 2016/425. |
16.11.2026 |
|
2. |
EN 352-6:2020 Cosaintí éisteachta – Ceanglais sábháilteachta – Cuid 6: Cosaintí cluas maille le hionchur fuaime a bhaineann leis an tsábháilteacht |
14.8.2026 |
|
3. |
EN 352-8:2020 Cosaintí éisteachta – Ceanglais sábháilteachta – Cuid 8: Cosaintí cluas siamsaíochta |
14.8.2026 |
|
4. |
EN 352-9:2020 Cosaintí éisteachta – Ceanglais sábháilteachta – Cuid 9: Plugaí cluaise maille le hionchur fuaime a bhaineann leis an tsábháilteacht |
14.8.2026 |
|
5. |
EN 352-10:2020 Cosaintí éisteachta – Ceanglais sábháilteachta – Cuid 10: Plugaí cluaise ina seinntear fuaimeanna chun siamsaíochta |
14.8.2026 |
|
6. |
EN 353-2:2002 Trealamh cosanta pearsanta in aghaidh titim ó áit ard - Cuid 2: Gléasanna treoraithe chun titim a stopadh lena n-áirítear líne ancaire solúbtha |
16.11.2026 |
|
7. |
EN 397:2012+A1:2012 Clogaid sábháilteachta thionsclaíocha |
16.12.2027 |
|
8. |
EN 420:2003+A1:2009 Lámhainní cosanta - Riachtanais ghinearálta agus modhanna tástála |
16.12.2027 |
|
9. |
EN 813:2008 Trealamh cosanta pearsanta in aghaidh titime – Úmacha ar féidir suí iontu |
14.8.2026 |
|
10. |
EN 958:2017 Trealamh sléibhteoireachta - Córais ionsúite fuinnimh le húsáid i ndreapadh klettersteig (via ferrata) - Ceanglais sábháilteachta agus modhanna tástála |
16.11.2026 |
|
11. |
EN ISO 12312-1:2013 Cosaint súl agus aghaidhe - Spéaclaí gréine agus spéaclaí gaolmhara - Cuid 1: Spéaclaí gréine le haghaidh úsáid ghinearálta (ISO 12312-1:2013) EN ISO 12312-1:2013/A1:2015 |
16.12.2027 |
|
12. |
EN 12492:2012 Trealamh sléibhteoireachta - Clogaid le haghaidh sléibhteoirí - Ceanglais sábháilteachta agus modhanna tástála |
16.12.2027 |
|
13. |
EN 12941:1998 Gairis scagúcháin chumhachtaithe ina gcuimsítear clogad nó cochall - Ceanglais, tástáil agus marcáil EN 12941:1998/A1:2003 EN 12941:1998/A2:2008 |
8.10.2026 |
|
14. |
EN 12942:1998 Feistí cosanta riospráide - Gairis scagúcháin chumhachtchúnta ina gcuimsítear maisc aghaidhe iomlána, leathmhaisc nó ceathrú-mhaisc - Ceanglais, tástáil agus marcáil EN 12942:1998/A1:2002 EN 12942:1998/A2:2008 |
8.10.2026 |
|
15. |
EN 17109:2020 Trealamh sléibhteoireachta - Córais sábháilteachta aonair le haghaidh cúrsaí rópa - Ceanglais sábháilteachta agus modhanna tástála |
16.11.2026 |
|
16. |
EN 17353:2020 Éadaí cosanta - Trealamh infheictheachta feabhsaithe le haghaidh cásanna meánriosca - Modhanna tástála agus ceanglais |
16.12.2027 |
ELI: http://data.europa.eu/eli/dec_impl/2026/1279/oj
ISSN 1977-0839 (electronic edition)