(1)

Foráiltear le Rialachán (AE) 2016/429 nach mór do choinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch teacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas.

(2)

Le Rialachán Tarmligthe (AE) 2020/692 ón gCoimisiún (2) leagtar síos na ceanglais sláinte ainmhithe nach mór do choinsíneachtaí de speicis agus catagóirí áirithe ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha, nó ó chríocha, nó ó chriosanna de thríú tír, nó ó dheighleoga de thríú tír i gcás ainmhithe uisceacha. Go háirithe, leagtar amach in Airteagal 76 den Rialachán Tarmligthe sin na ceanglais shonracha a mhéid a bhaineann le coinsíneachtaí madraí, cat agus firéad atá beartaithe lena dteacht isteach san Aontas, lena n-áirítear i mír (1), pointe (b) den Airteagal sin, na ceanglais um an tástáil le haghaidh thoirtmheascadh antasubstainte an chonfaidh ar ainmhithe den chineál sin.

(3)

Le Rialachán Cur Chun Feidhme (AE) 2021/404 ón gCoimisiún (3) leagtar síos na liostaí de thríú tíortha, nó de chríocha nó criosanna de thríú tír nó de chríoch, óna gceadaítear na speicis agus na catagóirí sonracha ainmhithe, táirgí geirmeacha sonracha agus táirgí sonracha de bhunadh ainmhíoch a theacht isteach san Aontas. Déantar na liostaí sin agus rialacha ginearálta áirithe maidir leis na liostaí sin a leagan amach in Iarscríbhinní I go XXII a ghabhann leis an Rialachán Cur Chun Feidhme sin.

(4)

Sa tábla i gCuid 1 d’Iarscríbhinn VIII a ghabhann le Rialachán Cur Chun Feidhme (AE) 2021/404, leagtar amach an liosta de thríú tíortha nó de chríocha, nó de chriosanna de thríú tír nó de chríoch, óna n-údaraítear coinsíneachtaí madraí, cat agus firéad a theacht isteach san Aontas. Tá Montainéagró agus an tSeirbia le feiceáil ar an liosta sin agus coinníoll shonrach curtha i gcolún 5 den tábla sin ina leith, Tástáil le haghaidh thoirtmheascadh antasubstainte an chonfaidh’. Leis an gcoinníoll sin, ní mór tástáil le haghaidh thoirtmheascadh antasubstainte an chonfaidh a bheith déanta ar mhadraí, cait nó firéid ó aon choinsíneacht ó na tríú tíortha sin i gcomhréir le hAirteagal 76(1), pointe (b) de Rialachán Tarmligthe (AE) 2020/692 sula dtiocfaidh siad isteach san Aontas. Tá iarrtha anois ag Montainéagró agus ag an tSeirbia a bheith liostaithe gan an coinníoll sonrach sin i gcolún 5 den tábla i gCuid 1 d’Iarscríbhinn VIII a ghabhann le Rialachán Cur Chun Feidhme (AE) 2021/404 agus tá fianaise agus ráthaíochtaí leordhóthanacha tugtha acu don Choimisiún a thugann bunús leis an iarraidh sin. Dá bhrí sin, ba cheart Iarscríbhinn VIII a ghabhann le Rialachán Cur Chun Feidhme (AE) 2021/404 a leasú dá réir sin.

(5)

Dá bhrí sin, ba cheart Rialachán Cur Chun Feidhme (AE) 2021/404 a leasú dá réir sin.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,