European flag

Iris Oifigiúil
an Aontais Eorpaigh

GA

Sraith L


2026/1064

10.6.2026

CINNEADH CUR CHUN FEIDHME (AE) 2026/1064 ÓN gCOIMISIÚN

an 8 Meitheamh 2026

lena leagtar síos rialacha maidir le cur i bhfeidhm Rialachán (AE) 2024/982 ó Pharlaimint na hEorpa agus ón gComhairle a mhéid a bhaineann le cuardach uathoibrithe agus malartú uathoibrithe sonraí bithmhéadracha trí ródaire Prüm

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2024/982 ó Pharlaimint na hEorpa agus ón gComhairle an 13 Márta 2024 maidir le cuardach uathoibrithe agus malartú uathoibrithe sonraí le haghaidh comhar póilíneachta, agus lena leasaítear Cinntí 2008/615/CGB agus 2008/616/CGB ón gComhairle agus Rialacháin (AE) 2018/1726, (AE) 2019/817 agus (AE) 2019/818 ó Pharlaimint na hEorpa agus ón gComhairle (Rialachán Prüm II) (1), agus go háirithe Airteagal 5(3), Airteagal 8(2) agus (3), Airteagal 9(3), Airteagal 13(2) agus (3), Airteagal 14(2), Airteagal 22(2) agus (3), Airteagal 23(2), Airteagal 31 agus Airteagal 37(6) de,

De bharr an mhéid seo a leanas:

(1)

Le Rialachán (AE) 2024/982, bunaítear creat chun catagóirí áirithe sonraí a chuardach agus a mhalartú go huathoibríoch le haghaidh comhar póilíneachta trasteorann, lena n-áirítear malartú uathoibrithe sonraí bithmhéadracha idir na Ballstáit agus Europol chun coireacht trasteorann a chosc agus a chomhrac.

(2)

De bhun Rialachán (AE) 2024/982, sonróidh an Coimisiún na rialacha teicniúla maidir le cuardach uathoibrithe agus malartú uathoibrithe sonraí bithmhéadracha, is iad sin próifílí DNA, sonraí dachtalascópacha agus íomhánna den aghaidh, atá le déanamh trí ródaire Prüm.

(3)

Dá bhrí sin, is gá na caighdeáin, na nósanna imeachta agus na sonraíochtaí teicniúla a shainiú le haghaidh oibriú ródaire Prüm agus na seirbhísí gaolmhara chun é a chur ar a chumas do eu-LISA dearadh an ródaire a shainiú agus na sonraíochtaí teicniúla, an tástáil agus bainistiú agus comhordú foriomlán an tionscadail a mhionsaothrú.

(4)

Chun sonraí bithmhéadracha a mhalartú go héifeachtach, tá gá le formáidí caighdeánaithe, aitheantóirí uathúla agus prótacail chomhchuibhithe le haghaidh próifílí DNA, sonraí dachtalascópacha agus íomhánna den aghaidh. Le húsáid caighdeán a aithnítear go hidirnáisiúnta, ba cheart idir-inoibritheacht agus comhoiriúnacht a áirithiú i measc chórais na mBallstát agus le Europol. Leagtar amach leis na rialacha teicniúla ábhartha na cóid eintitis, na struchtúir teachtaireachta, na pálastaí sonraí agus na sásraí ródúcháin chun próiseáil uathoibrithe chomhsheasmhach chruinn a ráthú.

(5)

Ba cheart malartú sonraí bithmhéadracha íogaire a chosaint ar rochtain neamhúdaraithe, ar athrú calaoiseach nó ar chaillteanas agus ba cheart do ródaire Prüm feidhmiú mar chóras ard-infhaighteachta a mbeidh iomarcaíocht aige ar fud suíomhanna príomhúla agus cúltaca. Dá bhrí sin, is gá prótacail cumarsáide sláine, sásraí atrialach uathoibrithe agus nósanna imeachta faireacháin a shainiú. Leis na prótacail, na sásraí agus na nósanna imeachta sin, ba cheart iontaofacht an chórais, freagairtí tráthúla agus láimhseáil earráidí a áirithiú le haghaidh malartú trasteorann sonraí gan bhriseadh.

(6)

Ba cheart malartú próifílí DNA, sonraí dachtalascópacha agus íomhánna den aghaidh a bheith i gcomhréir leis na híoschaighdeáin cháilíochta sa tslí gur féidir sainaithint agus fíorú iontaofa a dhéanamh. Ba cheart nósanna imeachta meaitseála uathoibrithe a chomhlánú le hathbhreithniú fóiréinseach de láimh chun meaitseanna agus iarrataí ar bhunsonraí a dheimhniú. Tá sé ríthábhachtach, dá bhrí sin, rialacha teicniúla a bhunú lena rialófar formáidí próifíle, taifeach, meaitseáil lócas, rangú iarrthóirí, nósanna imeachta athmheaitseála agus tuairisciú. Ba cheart a áirithiú leis sin gur féidir na sonraí a mhalartófar a léirmhíniú go cruinn agus a úsáid le haghaidh imscrúduithe coiriúla i gcomhréir le Rialachán (AE) 2024/982.

(7)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní raibh an Danmhairg rannpháirteach i nglacadh Rialachán (AE) 2024/982 agus níl sí faoi cheangal aige ná faoi réir a chur i bhfeidhm. Dá bhrí sin, níl an Danmhairg faoi cheangal ag an gCinneadh seo ná faoi réir a chur i bhfeidhm.

(8)

Tá Éire faoi cheangal ag Rialachán (AE) 2024/982 agus, dá bhrí sin, tá sí faoi cheangal ag an gCinneadh seo.

(9)

Rannchuidíonn ródaire Prüm le seirbhís phoiblí dhigiteach trasteorann a sholáthar. Ós rud é go dtugtar isteach leis an gCinneadh seo ceanglais cheangailteacha a dhéanann difear dá fhorbairt, ceanglaítear measúnú idir-inoibritheachta faoi Airteagal 3 de Rialachán (AE) 2024/903 ó Pharlaimint na hEorpa agus ón gComhairle (2) (an Gníomh um Eoraip Idir-inoibritheach). Rinneadh an measúnú, agus foilseofar an tuarascáil a thiocfaidh as sin ar an Tairseach um Eoraip Idir-inoibritheach.

(10)

Thug an Maoirseoir Eorpach ar Chosaint Sonraí tuairim uaidh an 27 Eanáir 2026.

(11)

Tá na bearta dá bhforáiltear sa Chinneadh seo i gcomhréir leis an tuairim ó Choiste Prüm II, a bunaíodh le hAirteagal 77 de Rialachán (AE) 2024/982,

TAR ÉIS AN CINNEADH SEO A GHLACADH:

Airteagal 1

Chun críocha an Chinnidh seo, tá feidhm ag na sainmhínithe seo a leanas:

(a)

ciallaíonn ‘eintiteas’ Ballstát nó Europol;

(b)

ciallaíonn ‘eintiteas iarrthach’ Ballstát nó Europol a thionscnaíonn iarratas;

(c)

ciallaíonn ‘eintiteas iarrtha’ an Ballstát nó Europol a fhaigheann iarratas agus a thionscnaíonn freagairt;

(d)

ciallaíonn ‘idirbheart’ idirbheart iarratais amháin agus a idirbheart freagartha comhfhreagrach nó a idirbhearta freagartha comhfhreagracha;

(e)

ciallaíonn ‘pointe cuóta’ pointe a úsáidtear le haghaidh gach idirbhirt a fhaigheann, a phróiseálann agus a fhreagraíonn an t-eintiteas iarrtha;

(f)

ciallaíonn ‘lócas páirteach’ lócas nach bhfuil ach ailléil líonta amháin ann;

(g)

ciallaíonn ‘íomhá ghnúis-seat’ íomhá den aghaidh a ghlactar i dtimpeallacht rialaithe;

(h)

ciallaíonn ‘rianíomhá’ íomhá den aghaidh a ghlactar i dtimpeallacht neamhrialaithe;

(i)

ciallaíonn ‘athmheaitseáil’ an cúram a dhéanann an ródaire chun na hiarrthóirí a rangú go haonchineálach trí chomparáid a dhéanamh idir na sonraí bithmhéadracha a úsáideadh chun iarratas a dhéanamh agus na sonraí bithmhéadracha a sholáthair na heintitis iarrtha sna hidirbhearta freagartha, i gcomhréir le hAirteagal 37(4) de Rialachán (AE) 2024/982.

Airteagal 2

Is mar a leagtar amach san Iarscríbhinn a bheidh na sonraíochtaí a bhaineann leis na rialacha teicniúla maidir le cuardach uathoibrithe agus malartú uathoibrithe sonraí bithmhéadracha trí ródaire Prüm.

Airteagal 3

Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 8 Meitheamh 2026.

Thar ceann an Choimisiúin

An tUachtarán

Ursula VON DER LEYEN


(1)   IO L, 2024/982, 5.4.2024, ELI: http://data.europa.eu/eli/reg/2024/982/oj.

(2)  Rialachán (AE) 2024/903 ó Pharlaimint na hEorpa agus ón gComhairle an 13 Márta 2024 lena leagtar síos bearta le haghaidh ardleibhéal idir-inoibritheachta san earnáil phoiblí ar fud an Aontais (an Gníomh um Eoraip Idir-inoibritheach) (IO L, 2024/903, 22.3.2024, ELI: http://data.europa.eu/eli/reg/2024/903/oj).


IARSCRÍBHINN

Rialacha teicniúla maidir le cuardach uathoibrithe agus malartú uathoibrithe sonraí bithmhéadracha trí ródaire Prüm dá dtagraítear in Airteagal 2

CAIBIDIL 1:   An Ródaire

1.   Tábla cód eintitis

Sainaithnítear na heintitis iarrthacha agus na heintitis iarrtha le cód dhá litir ó ISO 3166. I gcás nach bhfuil cód ISO forchoimeádta ag an eintiteas, sainítear ceann i dTábla 1 den doiciméad seo.

Tábla 1

Liosta de chóid eintitis a úsáidtear i malartuithe uathoibrithe Prüm II

Ainm an eintitis

Cód

An Ostair

AT

An Bheilg

BE

An Bhulgáir

BG

An Chipir

CY

An tSeicia

CZ

An Ghearmáin

DE

An Eastóin

EE

An Spáinn

ES

An Fhionlainn

FI

An Fhrainc

FR

An Ghréig

GR

An Chróit

HR

An Ungáir

HU

Éire

IE

An Iodáil

IT

An Liotuáin

LT

Lucsamburg

LU

An Laitvia

LV

Málta

MT

An Ísiltír

NL

An Pholainn

PL

An Phortaingéil

PT

An Rómáin

RO

An tSualainn

SE

An tSlóivéin

SI

An tSlóvaic

SK

Ródaire an Aontais

EU

Europol

EP

2.   An nós imeachta teicniúil chun go ndéanfaidh an ródaire iarratas ar bhunachair sonraí na mBallstát agus ar shonraí Europol

Bainfidh an ródaire úsáid as Eurodomain TESTA (1) nó as a chur chun feidhme ina dhiaidh sin chun sonraí a mhalartú leis na heintitis. Malartaíonn an ródaire agus na heintitis sonraí trí idirbhearta aisioncronacha thar sheirbhísí gréasáin. Is é eu-LISA a shaineoidh gach idirbheart idir na heintitis uile.

Beidh na seirbhísí gréasáin bunaithe ar na prótacail chumarsáide chéanna agus ar an bhformáid teachtaireachta chéanna atá in úsáid ag an Tairseach Chuardaigh Eorpach (ESP). Cuirfidh gach eintiteas seirbhísí gréasáin chun feidhme chun na hidirbhearta seo a leanas a phróiseáil:

(a)

Iarratas céadchéime a sheolann an t-eintiteas iarrthach tríd an ródaire chuig eintiteas iarrtha amháin nó níos mó

(1)

Iarratas i ndáil le sonraí DNA

(2)

Iarratas i ndáil le sonraí dachtalascópacha

(3)

Iarratas i ndáil le híomhá den aghaidh

(b)

Freagairt céadchéime a sheolann eintiteas iarrtha amháin nó níos mó tríd an ródaire chuig an eintiteas iarrthach

(1)

Freagairt maidir le sonraí DNA

(2)

Freagairt maidir le sonraí dachtalascópacha

(3)

Freagairt maidir le híomhá den aghaidh

(c)

Iarraidh dara céim ar bhunsonraí, ar iarraidh í a sheolann an t-eintiteas iarrthach tríd an ródaire chuig an eintiteas iarrtha

(1)

Iarraidh ar bhunsonraí DNA

(2)

Iarraidh ar bhunsonraí dachtalascópacha

(3)

Iarraidh ar bhunsonraí íomhá den aghaidh

(d)

Freagairt dara céim maidir le bunsonraí, ar freagairt í a sheolann an t-eintiteas iarrtha tríd an ródaire chuig an eintiteas iarrthach

(1)

Freagairt maidir le bunsonraí DNA

(2)

Freagairt maidir le bunsonraí dachtalascópacha

(3)

Freagairt maidir le bunsonraí íomhá den aghaidh

Déanfaidh na seirbhísí gréasáin cumarsáid leis na seirbhísí comhfhreagracha sa ródaire chun na sonraí a phróiseáil agus a ródú i gceart chuig na heintitis eile.

Féadfar rochtain a fháil ar gach seirbhís gréasáin trí scéim shonrach seolacháin IP chun freastal ar chásanna ina bhfuil baint ag roinnt údarás éagsúil leis an malartú.

Féadfar seirbhísí gréasáin a chomhcheangal ina bpointe teagmhála náisiúnta amháin nó níos mó.

I gcás gach idirbhirt, saineoidh eu-LISA imchlúdach ródúcháin sonrach.

Beidh an fhaisnéis ródúcháin seo a leanas san imchlúdach ródúcháin:

—

an t-eintiteas iarrthach;

—

na heintitis iarrtha;

—

an cineál idirbhirt le haghaidh an iarratais agus Cód an Idirbhirt Iarratais (Transaction Query Code – TQC);

—

an cineál idirbhirt le haghaidh na freagartha agus Cód an Idirbhirt Freagartha (TRC);

—

an cineál idirbhirt le haghaidh na rogha athmheaitseála, má iarrann an t-eintiteas iarrthach í; níl an fhaisnéis ródúcháin sin infheidhme maidir le próifílí DNA;

—

an líon iarrthóirí a iarradh.

Féadfaidh faisnéis bhreise ródúcháin a bheith san imchlúdach ródúcháin, amhail na gnéithe roghnacha agus na sonraí anaithnide is gá chun staitisticí a chruthú mar a shainmhínítear i Roinn 5.4.

Laistigh den imchlúdach ródúcháin, cuirfear isteach an pálasta sonraí iarbhír.

Is é eu-LISA a shaineoidh an pálasta sonraí. Áiritheoidh an t-eintiteas iarrthach go mbeidh an pálasta sonraí formáidithe i gceart. Áiritheoidh an t-eintiteas iarrtha go mbeidh an fhreagairt formáidithe i gceart.

I gcás athmheaitseála, bailíochtóidh an ródaire an pálasta sonraí. I ngach cás eile, ní bhailíochtóidh an ródaire an pálasta sonraí.

Bailíochtóidh an t-eintiteas iarrtha an pálasta sonraí chun a áirithiú gur féidir é a phróiseáil i gceart.

Mura bhfuil an t-eintiteas iarrtha in ann an pálasta sonraí a phróiseáil i gceart, seolfar teachtaireacht idirbhirt earráide ar ais chuig an eintiteas iarrthach tríd an ródaire. Is é eu-LISA a shaineoidh formáid agus mionsonraí na teachtaireachta caighdeánaithe idirbhirt earráide sin. Beidh cóid earráide inti a bhaineann leis an eintiteas iarrtha agus leis an ródaire.

3.   Formáid na bhfreagraí ródaire agus an phróisis

Gach idirbheart a sheolfar chuig seirbhís gréasáin iarratais (‘idirbheart iarratais’), sainaithneofar le Cód an Idirbhirt Iarratais é ina mbeidh cód dhá litir an eintitis iarrthaigh agus cód uathúil ina dhiaidh sin a chuimseofar dáta agus am an iarratais agus uimhir an iarratais.

Le gach idirbheart a sheolfar chuig seirbhís gréasáin freagartha (‘idirbheart freagartha’), déanfar tagairt do TQC ón idirbheart iarratais.

Gach idirbheart freagartha ó na heintitis iarrtha, sainaithneofar le Cód an Idirbhirt Freagartha (TRC) é ina mbeidh cód dhá litir an eintitis iarrtha agus cód uathúil ina dhiaidh sin a mbeidh dáta agus am na freagartha agus uimhir na freagartha ann.

Is é eu-LISA a shaineoidh formáid agus mionsonraí TQC agus TRC.

I gcás ina bhfaighidh an ródaire idirbheart freagartha, cuirfear an t-idirbheart freagartha sin, in aghaidh an eintitis iarrtha, ar ais chuig an eintiteas iarrthach. Déanfaidh sé tagairt don TQC ón idirbheart iarratais bunaidh agus don TRC ón idirbheart freagartha. I gcás ina ndearbhóidh an ródaire am istigh, ginfidh an ródaire Cód an Idirbhirt Freagartha, de réir na formáide a leagfaidh eu-LISA amach. Scriosfaidh an ródaire aon fhreagairt a gheobhaidh an ródaire, tar éis don ródaire am istigh a dhearbhú i gcás idirbheart sonrach.

Aithneoidh an tseirbhís gréasáin chomhfhreagrach gach idirbheart.

Laistigh de gach idirbheart iarratais, déantar na sonraí tagartha bithmhéadracha uile (sonraí tagartha DNA, sonraí tagartha dachtalascópacha nó sonraí tagartha íomhá den aghaidh) a lipéadú go huathúil le hUimhir Tagartha Sonraí (Data Reference Number – DRN) arna cruthú ag an eintiteas iarrthach, i gcomhréir le hAirteagail 7, 12 agus 21 de Rialachán (AE) 2024/982.

Laistigh de gach idirbheart freagartha, déantar na sonraí bithmhéadracha uile ar meaitseanna iad (próifílí DNA, sonraí dachtalascópacha nó íomhánna aghaidhe) a lipéadú go huathúil le hUimhir Tagartha Sonraí arna cruthú ag an eintiteas iarrtha, i gcomhréir le hAirteagail 9, 15 agus 24 de Rialachán (AE) 2024/982. Is iad na heintitis a chinnfidh formáid agus sonraí na hUimhreach Tagartha Sonraí.

Sainaithneofar na sonraí bithmhéadracha go huathúil leis an Uimhir Tagartha Sonraí agus úsáidfear í nuair a bheidh na bunsonraí á n-iarraidh.

4.   Rogha athmheaitseála: rialacha teicniúla maidir leis na hiarrthóirí a chur i gcomparáid le chéile agus a rangú de réir sonraí bithmhéadracha

I gcomhréir le hAirteagal 37(4) de Rialachán (AE) 2024/982, i gcás idirbhearta iarratais ar shonraí dachtalascópacha agus ar íomhánna den aghaidh, féadfaidh an t-eintiteas iarrthach iarraidh ar an ródaire comparáid athmheaitseála a dhéanamh, in aghaidh an idirbhirt, idir a shonraí bithmhéadracha agus na sonraí bithmhéadracha a fuarthas ó na heintitis iarrtha.

Déanfaidh an t-athmheaitseálaí bithmhéadrach an athmheaitseáil mar sheirbhís aonarach ar an ardán a óstálann an tseirbhís chomhroinnte meaitseála sonraí bithmhéadracha (sBMS) freisin.

Gan beann ar cé acu a roghnaigh an t-eintiteas iarrthach an chomparáid athmheaitseála nó nár roghnaigh, gheobhaidh an t-eintiteas iarrthach na liostaí iarrthóirí, lena n-áirítear comhaid NIST gach eintitis iarrtha, ina mbeidh tacar iomlán sonraí dachtalascópacha nó íomhánna aghaidhe, de réir mar a gheobhaidh an ródaire iad ón eintiteas iarrtha. Ginfidh an ródaire teachtaireacht am istigh a luaithe a bhraitear an t-am istigh.

4.1.   Comparáid athmheaitseála le haghaidh cuardaigh chun méarlorg neamhfhollas a mheaitseáil le deichlorgach

I gcás ina roghnóidh an t-eintiteas iarrthach an chomparáid athmheaitseála le haghaidh cuardaigh chun méarlorg neamhfhollas a mheaitseáil le deichlorgach, coinneoidh an ródaire go sealadach na liostaí iarrthóirí a fuarthas ó na heintitis iarrtha agus úsáidfidh sé feidhmiúlachtaí sonracha ón ardán a óstálann sBMS chun athmheaitseáil a dhéanamh idir an méarlorg neamhfhollas ón eintiteas iarrthach agus na hiarrthóirí a fuarthas ó na heintitis iarrtha.

Ní dhéanfar an athmheaitseáil ach amháin idir an méarlorg neamhfhollas agus an méarlorg ón tacar deichlorgach atá léirithe mar mheaits fhéideartha.

Leis an bpróiseas athmheaitseála, cruthófar liosta nua-rangaithe de na taifid uile a fuarthas ó na heintitis iarrtha. Úsáidfear aitheantóirí na dtacar deichlorgach sa liosta nua-rangaithe sin. Féadfaidh an t-eintiteas iarrthach a iarraidh go ndéanfar na comhaid NIST uile ina bhfuil na híomhánna méarlorg deichlorgach a chur ar aghaidh mar chuid den liosta nua-rangaithe chuig an eintiteas iarrthach, mar chuid de pharaiméadar roghnach san imchlúdach idirbhirt.

I gcás ina ngníomhachtóidh an t-eintiteas iarrthach rogha na comparáide athmheaitseála sa chéad idirbheart iarratais, spreagfaidh an ródaire an chomparáid athmheaitseála i leith na n-iarrthóirí a fuarthas.

Léireofar sa liosta nua-rangaithe cé na heintitis iarrtha nár fhreagair laistigh den tréimhse ama istigh.

4.2.   Comparáid athmheaitseála le haghaidh cuardaigh chun lorg dearnan neamhfhollas a mheaitseáil le lorg dearnan

I gcás ina roghnóidh an t-eintiteas iarrthach comparáid athmheaitseála le haghaidh cuardaigh chun lorg dearnan neamhfhollas a mheaitseáil le lorg dearnan, beidh feidhm ag an bpróiseas a shonraítear i bpointe 4.1.

4.3.   Comparáid athmheaitseála le haghaidh cuardaigh chun rianíomhánna a mheaitseáil le híomhánna gnúis-seat

I gcás ina roghnóidh an t-eintiteas iarrthach comparáid athmheaitseála le haghaidh cuardaigh chun rianíomhánna a mheaitseáil le híomhánna gnúis-seat, beidh feidhm ag an bpróiseas a shonraítear i bpointe 4.1.

5.   Tuairisc ar an gcóras

5.1.   Infhaighteacht an chórais

Déanfar ródaire príomhúil a thógáil agus a bhainistiú ar phríomhshuíomh eu-LISA agus tógfar agus bainisteofar ródaire cúltaca ar a shuíomh cúltaca.

Tógfar agus bainisteofar an ródaire príomhúil mar chóras ard-infhaighteachta lán-iomarcaíochta ar phríomhshuíomh eu-LISA.

Déanfaidh na heintitis uile cumarsáid le ródaire aonair amháin, le haghaidh gach seirbhíse gréasáin, ag aon am faoi leith.

Tacófar le haistriú na n-eintiteas uile ón bpríomhshuíomh go dtí an suíomh cúltaca (agus vice versa) le sásraí uathoibrithe, a chuirfidh na heintitis uile chun feidhme agus a bheidh bunaithe ar stádas na suíomhanna ródaire a chinnfidh eu-LISA.

Na seirbhísí gréasáin ar an ródaire, ní chuirtear chun feidhme iad chun seasmhacht na sonraí a fhaightear ar fud suíomhanna a ráthú. Bíonn gach idirbheart ‘fosaithe’ chun go gcuirfear i gcrích laistigh de ródaire sonrach amháin é. I gcás nach mbeidh an ródaire príomhúil ar fáil, cuirfear na heintitis ar an eolas go huathoibríoch, bunaithe ar chinneadh arna dhéanamh ag eu-LISA, agus díreofar idirbhearta ina dhiaidh sin chuig ródaire an tsuímh cúltaca. Aon idirbheart leanúnach nár cuireadh i gcrích go hiomlán sa ródaire príomhúil go fóill, measfar é a bheith caillte agus beidh am istigh mar thoradh air.

Déanfaidh gach cliant de chuid seirbhíse gréasáin, ar eintiteas iarrthach, eintiteas iarrtha nó an ródaire féin é, sásra atrialach uathoibrithe a chur chun feidhme. I gcás nach mbeidh an tseirbhís chomhfhreagrach ar fáil, bainfidh an cliant agus an ródaire triail as an tseirbhís arís agus arís go dtí go mbeidh an t-am istigh. Bainfidh an luach ama istigh go sonrach le gach seirbhís gréasáin agus gach eintiteas agus is é eu-LISA a shaineoidh é.

Cuirfidh gach eintiteas láimhseáil earráidí chun feidhme laistigh dá sheirbhísí gréasáin féin chun go mbeidh forbhreathnú iomlán ag an eintiteas sin ar a chuid idirbheart isteach agus amach nár éirigh leo.

Cuirfidh seirbhísí gréasáin an ródaire sásra láimhseála agus tuairiscithe earráidí chun feidhme, bunaithe ar admhálacha teicniúla a fuarthas nó nach bhfuarthas ó na heintitis, a chuirfidh ar a chumas do eu-LISA a bheith ar an eolas más rud é nach bhfuil seirbhísí gréasáin aon eintitis ar fáil. Rachaidh eu-LISA i dteagmháil le heintiteas a bhfuil seirbhís gréasáin aige nach mbíonn ar fáil go seasta ar feadh tréimhse níos faide. Rachaidh eu-LISA i dteagmháil freisin le heintiteas a mbíonn amanna istigh sa ródaire ag baint leis go seasta.

Déanfaidh an ródaire foráil maidir le hidirbheart córas le córas trínar féidir iarratas a dhéanamh go tráthrialta agus go huathoibríoch ar stádas infhaighteachta iarbhír na seirbhísí gréasáin ag na heintitis éagsúla. Féadfaidh gach eintiteas iarratas a dhéanamh ar na stádais sláinte bhailithe trí sheirbhís gréasáin arna soláthar ag an ródaire.

I gcás ina gcríochnóidh iarraidh ó chliant le ham istigh, cuirfear an t-eintiteas iarrthach ar an eolas agus beidh air cinneadh a dhéanamh an t-idirbheart sonrach a sheoladh an athuair chuig an eintiteas iarrtha nach raibh in ann an t-idirbheart roimhe sin a chur i gcrích. Cuirfear an t-eintiteas iarrtha ar an eolas faoi na hidirbhearta neamhiomlána nach n-asbhainfidh an t-eintiteas iarrtha ón gcuóta laethúil.

5.2.   Cuardach uathoibrithe (iarratas agus freagairt)

Chun próifílí DNA a chuardach go huathoibríoch i gcomhréir le hAirteagal 6(2) agus (3) de Rialachán (AE) 2024/982, chun sonraí dachtalascópacha a chuardach go huathoibríoch i gcomhréir le hAirteagal 11(1) de Rialachán (AE) 2024/982 agus chun íomhánna den aghaidh a chuardach go huathoibríoch i gcomhréir le hAirteagal 20(1) de Rialachán (AE) 2024/982, déanfar iarratais a phróiseáil trí nós imeachta lán-uathoibrithe. Maidir leis an meaitseáil gaoil i gcás próifílí DNA, déanfar iarratais a phróiseáil trí nós imeachta leath-uathoibrithe.

Tugtar tuairisc i gCaibidil 2 ar an bpróiseas lena ndéantar próifílí DNA a chuardach go huathoibríoch. Tugtar tuairisc i gCaibidil 3 ar an bpróiseas lena ndéantar sonraí dachtalascópacha a chuardach go huathoibríoch. Tugtar tuairisc i gCaibidil 4 ar an bpróiseas chun íomhánna den aghaidh a chuardach go huathoibríoch.

Má sheolann eintiteas iarrthach idirbheart iarratais nach dtacaíonn an t-eintiteas iarrtha leis, seolfar teachtaireacht ghnó ar ais chuig an eintiteas iarrthach ina gcuirfear in iúl dó nach dtacaíonn an t-eintiteas iarrtha leis an idirbheart iarrtha.

Gach idirbheart iarratais i ndáil le próifílí DNA, ó eintiteas iarrthach chuig eintiteas iarrtha amháin nó níos mó tríd an ródaire, féadfar suas le 500 próifíl a chuimsiú ann. Ansin, san idirbheart iarratais comhfhreagrach a chuirfidh an t-eintiteas iarrtha chuig an eintiteas iarrthach tríd an ródaire, ní bheidh aon iarrthóir meaitseála, nó iarrthóir meaitseála amháin nó níos mó, le haghaidh gach próifíle a rinneadh iarratas ina leith.

5.3.   Bunsonraí a mhalartú (iarratas agus freagairt)

I gcomhréir le hAirteagal 6(6) agus (7), Airteagal 11(2) agus Airteagal 20(2) de Rialachán (AE) 2024/982, tar éis don eintiteas iarrthach na freagraí a fháil ón ródaire, féadfaidh sé cinneadh a dhéanamh meaits idir dhá shonraí bhithmhéadracha a dheimhniú. I gcás ina gcinnfidh an t-eintiteas iarrthach meaits a dheimhniú, déanfaidh sé athbhreithniú de láimh ar na torthaí chun an meaits a dheimhniú.

Trí idirbheart aonair tríd an ródaire, cuirfidh an t-eintiteas iarrthach an t-eintiteas iarrtha ar an eolas faoin meaits deimhnithe agus tarchuirfidh sé tuairisc ar na fíorais agus léiriú ar an gcion bunaidh chuige agus úsáid á baint as tábla coiteann na gcatagóirí ciona mar a leagtar amach sa ghníomh cur chun feidhme a glacadh de bhun Airteagal 11b(1)(a) de Chinneadh Réime 2009/315/CGB ón gComhairle (2). Déanfaidh an ródaire an tarchur sin a chaighdeánú le cóid thábla coiteann na gcatagóirí ciona.

Cód an Idirbhirt Iarratais (TQC), Cód an Idirbhirt Freagartha (TRC) agus an Uimhir Tagartha Sonraí (DRN) a bhaineann leis na sonraí bithmhéadracha meaitseála a fuarthas ón eintiteas iarrtha, seolfaidh an t-eintiteas iarrthach iad sin chuig an t-eintiteas iarrtha ar leis na sonraí sin. Is teaglaim uathúil í teaglaim na dtrí chód sin agus féadfaidh an t-eintiteas iarrtha í a úsáid chun cruinneas na hiarrata ar bhunsonraí a fhíorú.

Úsáidfidh an t-eintiteas iarrtha an Uimhir Tagartha Sonraí chun bunsonraí an taifid sonraí bithmhéadracha a sainaithníodh mar mheaits féideartha a bhailiú. Seolfaidh an t-eintiteas iarrtha na bunsonraí ar ais chuig an eintiteas iarrthach laistigh de 48 n-uair an chloig i gcomhréir le hAirteagal 47(1) de Rialachán (AE) 2024/982.

I gcomhréir le hAirteagal 47, nuair a bheidh meaits deimhnithe de láimh agus tuairisc ar na fíorais agus léiriú ar an gcion bunaidh tarchurtha ag an eintiteas iarrthach, cuirfidh an t-eintiteas iarrtha tacar bunsonraí ar ais tríd an ródaire laistigh de 48 n-uair an chloig. Ní hinfheidhme cur ar ais bunsonraí i gcás ina bhfágann cuardach a rinne Ballstát iarrtha go bhfaightear meaits i leith sonraí tríú tír arna soláthar ag Europol. Sa chás sin, déanfar an obair leantach i gcomhréir le Rialachán (AE) 2016/794 ó Pharlaimint na hEorpa agus ón gComhairle (3).

Cuirfidh an t-eintiteas iarrtha in iúl sa fhreagairt a thabharfaidh sé don eintiteas iarrthach más rud é go dtugann sé údarú roimh ré don eintiteas iarrthach próiseáil a dhéanamh ar na sonraí bithmhéadracha agus na bunsonraí a sholáthraítear, chun críoch eile i gcomhréir le hAirteagal 50(1) de Rialachán (AE) 2024/982.

I gcomhréir le hAirteagal 6(7) de Rialachán (AE) 2024/982, féadfaidh an t-eintiteas iarrtha cinneadh a dhéanamh freisin meaits idir dhá phróifíl DNA a dheimhniú. I gcás ina ndéanfaidh an t-eintiteas iarrtha cinneadh meaits a dheimhniú, déanfaidh sé athbhreithniú de láimh ar na torthaí chun an meaits a dheimhniú agus tionscnóidh sé idirbheart neamhspleách gan iarraidh tríd an ródaire chuig an eintiteas iarrthach chun na bunsonraí a iarraidh. Sa chás sin, tá feidhm ag an nós imeachta céanna um malartú bunsonraí.

Beidh struchtúr na mbunsonraí i gcomhréir leis an bhFormáid Uilíoch Teachtaireachta (UMF). Is é eu-LISA a shaineoidh sonraíochtaí teicniúla an mhalartaithe bunsonraí.

I gcás: (i) nach féidir leis an eintiteas iarrtha na bunsonraí a sheoladh tar éis measúnú a dhéanamh ar chomhréireacht na hiarrata i gcomhréir le hAirteagal 47(1), pointe (c), de Rialachán (AE) 2024/982; nó (ii) gur diúltaíodh an t-údarú breithiúnach i gcomhréir le hAirteagal 47(2) de Rialachán (AE) 2024/982; nó (iii) go bhfuil próifíl DNA eile ag an eintiteas iarrtha sa bhunachar sonraí náisiúnta a chomhfhreagraíonn don duine céanna agus go bhfuil lócais bhreise inti a dhídheimhníonn an meaits i gcomhréir le Caibidil 2 Cuid 5, cuirfear an t-eintiteas iarrthach ar an eolas tríd an ródaire.

5.4.   Staitisticí

Déanfaidh an ródaire anailís ar imchlúdach ródúcháin na n-idirbheart isteach agus amach, sa dá bhealach, ó eintitis iarrthacha agus ó eintitis iarrtha, chun staitisticí a bhaint as.

Beidh an ródaire in ann teaglaim de shonraí anaithnidithe a bhaint as an imchlúdach ródúcháin sin chun iad a chur ar aghaidh chuig an lárstóras um thuairisciú agus staidreamh (CRRS) chun na staitisticí seo a leanas a chruthú:

(a)

An líon iarratas amach in aghaidh an eintitis iarrthaigh agus in aghaidh na catagóire sonraí, de réir táscaire tosaíochta (más ábhartha) agus faisnéis uainiúcháin ann

(b)

An líon eintiteas iarrtha in aghaidh na hiarrata amach (in aghaidh an eintitis iarrthaigh)

(c)

An líon sonraí tagartha DNA uathúla in aghaidh an idirbhirt iarratais (próifíl DNA amháin)

(d)

Roghanna a gníomhachtaíodh le haghaidh na hiarrata amach (in aghaidh an eintitis iarrthaigh)

(e)

An líon freagairtí isteach ó eintitis iarrtha, agus faisnéis uainiúcháin ann

(f)

An líon iarrthóirí a d’iarr na heintitis iarrthacha agus in aghaidh na catagóire sonraí

(g)

An líon iarrthóirí sna freagairtí ó eintitis iarrtha agus in aghaidh na catagóire sonraí

(h)

An líon meaitseanna in aghaidh an idirbhirt freagartha (próifíl DNA amháin)

(i)

An líon meaitseanna deimhnithe ina ndearnadh bunsonraí a mhalartú

(j)

An líon meaitseanna deimhnithe nach ndearnadh bunsonraí a mhalartú ina leith

(k)

Comparáid idir an rangú a rinne na heintitis iarrtha agus an rangú nua trí athmheaitseáil

(l)

An líon iarrataí ar bhunsonraí, in aghaidh an eintitis iarrthaigh agus an eintitis iarrtha, agus in aghaidh na catagóire sonraí, i gcomhchoibhneas leis an gcéad iarratas agus freagairt agus le faisnéis maidir le huainiú

(m)

An líon freagairtí maidir le bunsonraí, in aghaidh an eintitis iarrtha agus in aghaidh na catagóire sonraí, agus faisnéis uainiúcháin ann

(n)

An líon freagairtí maidir le bunsonraí de réir an chineáil ciona choiriúil

(o)

An líon iarratas ar an Stóras Coiteann Sonraí Céannachta tríd an ródaire

(p)

An líon meaitseanna in aghaidh an chineáil mar seo a leanas:

(1)

sonraí sainaitheanta (duine) – sonraí gan sainaithint (rian);

(2)

sonraí gan sainaithint (rian) – sonraí sainaitheanta (duine);

(3)

sonraí gan sainaithint (rian) – sonraí gan sainaithint (rian);

(4)

sonraí sainaitheanta (duine) – sonraí sainaitheanta (duine).

5.5.   Prótacail agus caighdeáin atá le húsáid le haghaidh an tsásra criptiúcháin

Úsáidfear an prótacal Slándála Sraithe Iompair le fíordheimhniú frithpháirteach (mTLS) chun fíordheimhniú a dhéanamh ar gach aon fhreastalaí a óstálann aon chuid de sheirbhís gréasáin, i ngach timpeallacht a chuirtear ar fáil. I gcás ina n-óstálann eintitis seirbhísí gréasáin ar fhreastalaithe éagsúla, soláthrófar deimhnithe ar leithligh le haghaidh gach freastalaí. Is é eu-LISA a ghinfidh agus a bhainisteoidh na deimhnithe slándála.

CAIBIDIL 2:   Próifílí DNA a mhalartú

1.   Airíonna próifílí DNA agus caighdeáin ábhartha Eorpacha nó idirnáisiúnta maidir le próifílí DNA a mhalartú

Déanfaidh na Ballstáit lócais uile na próifíle a mhalartú, de réir a reachtaíochta náisiúnta.

Is éard a fhéadfaidh a bheith sa phróifíl DNA gach péire luachanna atá ar fáil a sheasann d’ailléilí lócas uathshómach, lócas páirteach, aimeiligeinine agus lócas Y-STR.

Taispeántar ainmneacha na lócas sin sa dá thábla seo a leanas:

(a)   Liosta lócais an Tacair Chaighdeánaigh Eorpaigh (ESS)

VWA

TH01

D21S11

FGA

D8S1179

D3S1358

D18S51

D1S1656

D2S441

D10S1248

D12S391

D22S1045

Is é an dá lócas déag an Tacar Caighdeánach Eorpach (ESS) atá ann faoi láthair mar a shainmhínítear i Rún 2009/C 296/01 ón gComhairle (4). Breithneofar aon fhorbairt nua ar ESS i malartú uathoibrithe próifílí DNA.

(b)   Liosta neamh-uileghabhálach de na lócais is féidir a mhalartú

Aimeiligeinin

Gach lócas Y-STR

TPOX

CSF1P0

D13S317

D7S820

D5S818

D16S539

D2S1338

D19S433

Penta D

Penta E

SE33

D6S1043

D6S474

D1S1677

D2S1776

D3S4529

D4S2408

D5S2800

D12ATA63

D14S1434

D17S1301

D20S482

D9S1122

CD4

FES

F13A1

F13B

GABA

 

 

Ina theannta sin, féadfar aimeiligeinin agus gach lócas Y-STR a mhalartú. Ní chuirtear i gcomparáid iad ach féadfar iad a úsáid mar fhaisnéis bhreise chun meaits a fhíorú go fóiréinseach.

Féadfaidh na Ballstáit aon chineál lócas uathshómach eile nach liostaítear sna táblaí a asbhaint agus a mhalartú. I gcás ina mbeidh faisnéis ó lócais bhreise seachas lócais ESS ar fáil, iarrtar ar na Ballstáit í sin a sholáthar agus próifílí DNA á malartú acu. Ní chuirfear teorainn leis an líon lócas a mhalartófar.

Úsáidfidh na Ballstáit fearais DNA lena ndéantar anailís ar na lócais ESS ar a laghad. Agus próifíl á bunú, cumhdófar leis an anailís gach lócas ESS atá i bhfeidhm tráth na hanailíse.

Is é eu-LISA a shaineoidh na sonraíochtaí idirmhalartaithe sonraí.

Déanfar na catagóirí ábhar sonraí a chomhchuibhiú le ISO/IEC 19794-14 i gcás inar féidir:

—

P = duine sainaitheanta;

—

S = smál gan sainaithint;

—

U = taisí daonna gan sainaithint;

—

M = duine atá ar iarraidh;

—

K = duine gaoil atá ar iarraidh.

Comhfhreagraíonn próifíl DNA shainaitheanta do na próifílí seo: ‘duine sainaitheanta’ (P) agus ‘duine gaoil atá ar iarraidh’ (K).

Comhfhreagraíonn próifíl DNA gan sainaithint do na próifílí seo: ‘smál gan sainaithint’ (S), ‘taisí daonna gan sainaithint’ (U) agus ‘duine atá ar iarraidh’ (M).

Tábla 2

Maitrís chuardaigh lena sainítear cé na cineálacha próifílí DNA a chuardaítear i leith a chéile

Meaitseáil próifílí DNA de réir catagóire

P

S

U

M

K

P

Tá

Tá

Tá

Tá

Níl

S

Tá

Tá

Tá

Tá

Níl

U

Tá

Tá

Tá

Tá

Tá

M

Tá

Tá

Tá

Tá

Tá

K

Níl

Níl

Tá

Tá

Níl

Maidir le próifílí daoine gaoil atá ar iarraidh (K), ní mheaitseálfar iad ach amháin i leith próifílí taisí daonna gan sainaithint (U) nó próifílí daoine atá ar iarraidh (M).

Déanfar próifíl taisí daonna gan sainaithint (U) a mheaitseáil freisin i leith próifílí sainaitheanta (P) agus próifílí gan sainaithint (S+U+M).

2.   Íoschaighdeáin cháilíochta

Chun próifílí DNA a chuardach go huathoibríoch i gcomhréir le hAirteagal 6(1) de Rialachán (AE) 2024/982, cuirfear gach próifíl DNA i gcomparáid sa chéad chuardach uathoibrithe tráth an naisc tosaigh leis an ródaire.

Chun próifílí DNA a chuardach go huathoibríoch i gcomhréir le hAirteagal 6(2) agus (3) de Rialachán (AE) 2024/982, urramóidh na próifílí nua DNA a mhalartófar na caighdeáin cháilíochta seo a leanas.

Déantar idirdhealú idir na caighdeáin cháilíochta maidir le próifílí DNA sainaitheanta agus na caighdeáin cháilíochta maidir le próifílí DNA gan sainaithint.

Níl feidhm ag na caighdeáin cháilíochta ach amháin maidir le próifílí DNA a mhalartaítear faoi Rialachán (AE) 2024/982 agus a sheolann na heintitis iarrthacha le haghaidh malartuithe uathoibrithe. Níl feidhm acu maidir le stóráil próifílí DNA sa bhunachar sonraí náisiúnta.

Beidh ar a laghad 10 lócas uathshómach ainmnithe iomlán lena n-áirítear 8 lócas ESS agus 2 lócas ainmnithe iomlána breise sna próifílí DNA sainaitheanta (P).

Beidh 6 lócas uathshómacha ainmnithe iomlána ar a laghad sna próifílí DNA gan sainaithint (S, U agus M). Ní gá aon íoslíon lócas ESS a bheith sna próifílí DNA gan sainaithint.

Na próifílí DNA nach n-urramaíonn na caighdeáin cháilíochta, ní féidir iad a sheoladh le haghaidh comparáide. Is féidir, áfach, iad a chur ar fáil le haghaidh meaitseála i leith próifílí a fuarthas ó eintitis iarrthacha. Áireofar i lámhleabhar Prüm liosta de na heintitis a bhaineann leas as an bhféidearthacht sin.

Chun cruinneas meaitseanna a mhéadú, déanfar na hailléilí uile atá ar fáil a stóráil sa bhunachar sonraí innéacsaithe de phróifílí DNA agus úsáidfear iad chun comparáid agus fíorú a dhéanamh. Ba cheart do gach Ballstát aon lócas nua ESS arna ghlacadh ag an Aontas a chur chun feidhme a luaithe is féidir.

Is éard is luachanna ailléile neamhchoitianta ann luachanna atá ann cheana lasmuigh de na luachanna dréimire éagsúla réamhshainithe san fhearas DNA. Déanfar na luachanna sin atá ann cheana a chomhroinnt amhlaidh gan iad a thiontú ina saoróg (*).

Ní cheadaítear próifílí measctha. Ní bheidh ach dhá luach i luachanna ailléile gach lócais, agus d’fhéadfadh an dá luach sin a bheith mar an gcéanna i gcás homaisiogóiseacht ag lócas ar leith.

I gcás ord luachanna ailléile lócais, ba cheart ailléil ar luach níos ísle a chur sa chéad suíomh agus an ceann is airde luach a chur sa dara suíomh. Ní mór ponc a úsáid mar theormharcóir luachanna ailléile micrea-athraitheacha.

I lócas páirteach, ba cheart spásanna bána (bánáin) a fhágáil mar atá siad, i.e. níor cheart iad a ionadú.

Ní mór déileáil le saoróga agus le micrea-athraithigh leis na rialacha seo a leanas:

—

Ní féidir saoróg a chur in ionad luach atá in easnamh nó in ionad ‘spás bán’ i bpróifílí DNA.

—

Féadfar níos mó ná saoróg amháin a úsáid i bpróifíl DNA.

—

Ba cheart inneall meaitseála a chur chun feidhme, ionas go seiceálfar an dá shuíomh de na luachanna uimhriúla, i.e. chun gur féidir iomalartú a sheiceáil.

—

Eisiatar aon luach ailléile neamhuimhriúil, seachas aimeiligeinin.

—

Luachanna trí-ailléileacha: Lócas a bhfuil luach trí-ailléileach aige, go háirithe lócas próifíle tagartha, is léiriú ar luach neamhchoitianta é an chuid is mó den am. D’fhéadfadh lócas trí-ailléileach próifíle smáil teacht salach ar an dearbhú sin. Glacfar leis an gcéad ailléil agus déanfar an dá ailléil eile a thiontú ina saoróg (*) go huathoibríoch le haghaidh easpórtála agus déanfar cuardach ginearálta leis. Ba cheart feidhmchláir ag láithreáin náisiúnta an tiontú sin a dhéanamh sula n-áireofar lócas trí-ailléileach sa bhunachar sonraí innéacsaithe DNA.

—

Homaisiogóiseacht: I gcás homaisiogóise, ní mór an luach céanna atá ag ailléil eile an lócais a chur in ionad spás ailléile bán. Agus an córas CODIS á chur san áireamh, déanfar lócas, e.g., a bhfuil an péire luachanna ‘a’, ‘’ aige a thiontú ina phéire luachanna ‘a’, ‘a’ sula gcuirfear é sa bhunachar sonraí innéacsaithe DNA le haghaidh cuardaigh agus comparáide ag Ballstáit eile.

—

Nuair a sholáthraítear luachanna saoróg le haghaidh ailléil 1 nó 2, ansin cuardófar dhá iomalartú an luacha uimhriúil a thugtar don lócas (e.g. d’fhéadfaí 12, * a mheaitseáil i leith 12,14 nó 9,12),

—

Cothromóidí Lamháltais Micrea-athraithigh (MTE):

(1)

Meaitseálfar micrea-athraithigh pheinteanúicléitíde (e.g. Penta D agus Penta E) dá réir seo a leanas:

—

x = (x-1).4, x, x.1

—

x.1 = x, x.1, x.2

—

x.2 = x.1, x.2, x.3

—

x.3 = x.2, x.3, x.4

—

x.4 = x.3, x.4, x + 1

(2)

Meaitseálfar micrea-athraithigh thrínúicléitíde (e.g. D22S1045) dá réir seo a leanas:

—

x = (x-1).2, x, x.1

—

x.1 = x, x.1, x.2

—

x.2 = x.1, x.2, x+1

(3)

Meaitseálfar micrea-athraithigh theitreanúicléitíde (is teitreanúicléitídí go príomha iad an chuid eile de na lócais) dá réir seo a leanas:

—

x = (x-1).3, x, x.1

—

x.1 = x, x.1, x.2

—

x.2 = x.1, x.2, x.3

—

x.3 = x.2, x.3, x + 1.

3.   Rialacha meaitseála (íoslíon lócas)

Déanfar an chomparáid idir dhá phróifíl DNA ar bhonn na lócas a bhfuil péire luachanna ailléile ar fáil ina leith i bpróifíl DNA amháin ar a laghad. I gcás dhá phróifíl ina bhfuil an aon lócas amháin líonta go páirteach, ní dhéanfar an lócas páirteach sin a chur i gcomparáid go comhpháirteach.

Beidh luachanna uimhriúla nó saoróg i lócas ainmnithe iomlán agus níor cheart aon spás bán a chur in ionad folúntais anailíseacha.

Déanfar an luach áirimh meaitseanna a ríomh ó na meaitseanna idir dhá lócas ainmnithe iomlána. Déanfar na mímheaitseanna ag lócais ainmnithe iomlána agus ag lócais pháirteacha a áireamh le haghaidh a n-eisiaimh. Roinnfear lócas páirteach mar fhaisnéis bhreise chun meaits a fhíorú go fóiréinseach, chun an líon mímheaitseanna a chinneadh agus chun bréagdheimhnigh a eisiamh.

3.1.   Rialacha maidir le meaitseáil uathoibrithe thráthrialta

Na rialacha maidir le meaitseáil uathoibrithe thráthrialta, tá feidhm acu maidir cuardach leis na próifílí DNA seo: ‘duine sainaitheanta’ (P), ‘smál gan sainaithint’ (S), ‘taisí daonna gan sainaithint’ (U) agus ‘duine atá ar iarraidh’ (M).

Sainmhínítear meaits iomlán (Cáilíocht 1) mar mheaits inar comhionann líon áirithe lócas uimhriúil ainmnithe iomlán (gan lócais aimeiligeinine agus Y-STR a áireamh), agus inarb ionann luachanna ailléile uile na lócas comparáide (lócais ainmnithe iomlána agus lócais pháirteacha) a áirítear go coitianta sa phróifíl DNA iarrthach agus sa phróifíl DNA iarrtha.

Sainmhínítear neasmheaits (Cáilíocht 2, 3 agus 4) mar mheaits nach bhfuil ach luach ceann amháin de na hailléilí a chuirtear i gcomparáid ina leith éagsúil sa dá phróifíl DNA. Tá trí chatagóir neasmheaits ann, is iad sin difríocht saoróige, difríocht mhicrea-athraithigh nó difríocht luacha uimhriúil eile.

Meastar gur difríocht í an chéad saoróg a thagann anuas. Níor cheart an tsaoróg (na saoróga) eile a bhreithniú ach amháin i gcás nach bhfuil na lócais chomhfhreagracha a bhfuil an tsaoróg bhreise (na saoróga breise) iontu i láthair sa phróifíl atá le cur i gcomparáid.

Féadfaidh siad seo a leanas a bheith ina gcúis le neasmheaits:

—

earráid chlóscríobh arna déanamh ag duine ag pointe iontrála ceann de na próifílí DNA san iarraidh chuardaigh nó sa bhunachar sonraí DNA,

—

earráid ailléil-chinntiúcháin nó ailléil-sainaitheanta le linn nós imeachta giniúna na próifíle DNA,

—

eistiteán lócais nó ailléile de dheasca samplaí díghrádaithe DNA nó sócháin,

—

modh anailíse difriúil a bheith úsáidte,

—

bréagdheimhneach, níl roinnt próifílí ábhartha mar gheall ar luach idirdhealaitheach íseal.

Sainítear ceithre leibhéal cáilíochta meaitseála:

—

Cáilíocht Mheaitseála 1 (meaitseáil bheacht/iomlán): meaits 6 lócas ainmnithe iomlána ar a laghad arb ionann dóibh na luachanna ailléile uimhriúla uile a cuireadh i gcomparáid sa dá phróifíl DNA agus gan glacadh le haon difríocht in aon luach breise;

—

Cáilíocht Mheaitseála 2 (neasmheaits/saoróg): meaits 6 lócas uimhriúla ainmnithe iomlána ar a laghad agus glacadh le saoróg amháin nó níos mó in ionad luach ailléile neamhchoitianta a cheadaítear i dteannta na 6 lócas ainmnithe iomlána (6 cinn iomlána + >= 1 saoróg amháin);

—

Cáilíocht Mheaitseála 3 (neasmheaits/micrea-athraitheach): meaits 6 lócas uimhriúla ainmnithe iomlána ar a laghad, ag glacadh le difríocht amháin i gcás micrea-athraitheach a cheadaítear i dteannta na 6 lócas ainmnithe iomlána (6 cinn iomlána + 1 mhicrea-athraitheach amháin);

—

Cáilíocht Mheaitseála 4 (neasmheaits/mímheaits): meaits 8 lócas uimhriúla ainmnithe iomlána ar a laghad, ag glacadh le difríocht amháin (seachas an tsaoróg nó an micrea-athraitheach) a cheadaítear i dteannta na 8 lócas ainmnithe iomlána (8 gcinn iomlána + 1 difríocht amháin). Ní cheadaítear ach luach difríochta amháin in ailléil amháin ag lócas amháin.

Féadfaidh eintitis a chinneadh cé na leibhéil cáilíochta meaitseála atá le fíorú. Féadfar comhéadan úsáideora an innill meaitseála a chumrú ionas nach dtaispeánfar ach na leibhéil cáilíochta mheaitseála is mian leis an eintiteas a fhíorú.

Níl aon mheaits ann má tá dhá luach difríochta in dhá lócas éagsúla nó san aon lócas amháin de phróifíl DNA.

Tábla 3

Tuairisc ar leibhéil cháilíochta an mheaits

 

 

Lócas 1

Lócas 2

Lócas 3

Lócas 4

Lócas 5

Lócas 6

Lócas 7

Lócas 8

Lócas 9

Cás

Toradh

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Ailléil 1

Ailléil 2

Meaits 1 lócas

Gan mheaits

≡

≡

≠

≠

≠

≠

≠

≠

≠

≠

≠

≠

 

 

 

 

 

 

Meaits 2 lócas

Gan mheaits

≡

≡

≡

≡

≠

≠

≠

≠

≠

≠

≠

≠

 

 

 

 

 

 

Meaits 3 lócas

Gan mheaits

≡

≡

≡

≡

≡

≡

≠

≠

≠

≠

≠

≠

 

 

 

 

 

 

Meaits 4 lócas

Gan mheaits

≡

≡

≡

≡

≡

≡

≡

≡

≠

≠

≠

≠

 

 

 

 

 

 

Meaits 5 lócas

Gan mheaits

≡

≡

≡

≡

≡

≡

≡

≡

≡

≡

≠

≠

 

 

 

 

 

 

Meaits >=6 lócas & mímheaits iomlán >= 1

Gan mheaits

≡

≡

≡

≡

≡

≡

≡

≡

≡

≡

≡

≡

≠

≠

 

 

 

 

Meaits 6 lócas & mímheaits ailléile >= 1

Gan mheaits

≡

≡

≡

≡

≡

≡

≡

≡

≡

≡

≡

≡

≠

Ø

 

 

 

 

Meaits 6 lócas & mímheaits ailléile >= 1

Gan mheaits

≡

≡

≡

≡

≡

≡

≡

≡

≡

≡

≡

≡

≡

≠

 

 

 

 

Meaits 7 lócas & mímheaits ailléile >= 1

Gan mheaits

≡

≡

≡

≡

≡

≡

≡

≡

≡

≡

≡

≡

≡

≡

≡

≠

 

 

Meaits 7 lócas & mímheaits ailléile >= 1

Gan mheaits

≡

≡

≡

≡

≡

≡

≡

≡

≡

≡

≡

≡

≡

≡

≠

Ø

 

 

Meaits >= 6 lócas

Meaits de Chailíocht 1

≡

≡

≡

≡

≡

≡

≡

≡

≡

≡

≡

≡

 

 

 

 

 

 

Meaits >= 6 lócas & meaits ailléile >= 1

Meaits de Chailíocht 1

≡

≡

≡

≡

≡

≡

≡

≡

≡

≡

≡

≡

≡

Ø

 

 

 

 

Meaits >= 6 lócas & saoróg ailléile >= 1

Meaits de Cháilíocht 2

≡

≡

≡

≡

≡

≡

≡

≡

≡

≡

≡

≡

≡

*

 

 

 

 

Meaits >= 6 lócas & difríocht micrea-athraithigh ailléile = 1

Meaits de Cháilíocht 3

≡

≡

≡

≡

≡

≡

≡

≡

≡

≡

≡

≡

≡

n.x-1 n.x+1

 

 

 

 

Meaits >= 8 = lócas & mímheaits ailléile = 1

Meaits de Cháilíocht 4

≡

≡

≡

≡

≡

≡

≡

≡

≡

≡

≡

≡

≡

≡

≡

≡

≡

≠

Meaits >= 8 = lócas & mímheaits ailléile = 1

Meaits de Cháilíocht 4

≡

≡

≡

≡

≡

≡

≡

≡

≡

≡

≡

≡

≡

≡

≡

≡

≠

Ø


Eochair eolais

≡

cothrom

≠

éagsúil

Ø

folamh/nialasach

*

saoróg

n.x-1 n.x+1

difríocht mhicrea-athraithigh

3.2.   Rialacha meaitseála maidir le meaitseáil gaoil

Féadfaidh eintitis a roghnú meaitseáil gaoil a chur chun feidhme. Áireofar i lámhleabhar Prüm an liosta eintiteas a chuireann meaitseáil gaoil chun feidhme.

Maidir leis an meaitseáil gaoil, déanfar iarratais a phróiseáil trí nós imeachta leath-uathoibrithe.

Tá coincheap na meaitseála gaoil bunaithe ar chraobh ghinealaigh a úsáid.

I bpróifíl an duine gaoil atá ar iarraidh tá próifílí thuismitheoirí an duine atá ar iarraidh, próifílí leanaí an duine atá ar iarraidh, próifíl an tuismitheora eile ag leanaí an duine atá ar iarraidh nó próifílí shiblíní an duine atá ar iarraidh, agus tá an phróifíl teoranta do na próifílí sin. Roinnfear an cineál caidrimh sna hiarratais.

3.2.1.   Próifíl ghaoil bunaithe ar phróifíl amháin

Féadfaidh próifíl amháin, ar próifíl tuismitheora bhitheolaíoch nó linbh bhitheolaíoch í, a bheith sa phróifíl ghaoil agus 15 lócas ainmnithe iomlána ar a laghad inti. Is féidir lócais Y-STR agus mtDNA a bheith ann freisin le haghaidh an fhíoraithe fhóiréinsigh.

Meaits 15 lócas ainmnithe iomlána a bheidh sa tairseach mheaitseála. Chomh maith leis an luach áirimh meaitseanna, féadfaidh an t-eintiteas iarrthach an cóimheas dealraitheachta a ríomh agus a úsáid le haghaidh tuilleadh próiseála.

3.2.2.   Próifíl ghaoil bunaithe ar dhá phróifíl nó níos mó

Féadfaidh na teaglamaí seo a leanas de dhá phróifíl ar a laghad nó níos mó a bheith sa phróifíl ghaoil:

(1)

Athair bitheolaíoch + máthair bhitheolaíoch

(2)

Athair nó máthair bhitheolaíoch + leanbh bitheolaíoch

(3)

Leanbh bitheolaíoch + tuismitheoir bitheolaíoch eile an linbh sin

(4)

Leanbh bitheolaíoch + leanbh bitheolaíoch eile

(5)

Athair nó máthair bhitheolaíoch + siblín bitheolaíoch

(6)

Siblín bitheolaíoch + leanbh bitheolaíoch

(7)

Siblín bitheolaíoch + siblín bitheolaíoch eile

Tábla 4

Léirshamhlú ar na teaglamaí uile a d’fhéadfadh a bheith ann

Image 1

Beidh 15 lócas ainmnithe iomlána ar a laghad i bpróifíl ghaoil atá bunaithe ar dhá phróifíl. Is féidir lócais Y-STR agus mtDNA a bheith ann freisin le haghaidh an fhíoraithe fhóiréinsigh.

Meaits 15 lócas ainmnithe iomlána a bheidh sa tairseach mheaitseála. Chomh maith leis an luach áirimh meaitseanna, féadfaidh an t-eintiteas iarrthach an cóimheas dealraitheachta a ríomh agus a úsáid le haghaidh tuilleadh próiseála.

Níl feidhm ag an meaitseáil gaoil sin maidir le ‘cúpla monaisiogótach’ toisc go n-úsáidfear próifíl an leathchúpla chomhionainn go díreach mar phróifíl an duine atá ar iarraidh.

Níl feidhm ag an meaitseáil gaoil ach amháin sna ceithre chás shonracha seo a leanas:

—

Taisí daonna gan sainaithint (U) i leith duine gaoil atá ar iarraidh (K)

—

Duine gaoil atá ar iarraidh (K) i leith taisí daonna gan sainaithint (U)

—

Duine atá ar iarraidh (M) i leith duine gaoil atá ar iarraidh (K)

—

Duine gaoil atá ar iarraidh (K) i leith duine atá ar iarraidh (M)

Cuirfear próifílí daoine gaoil atá ar iarraidh (K) i gcomparáid le próifílí taisí daonna gan sainaithint (U) agus le próifílí daoine atá ar iarraidh (M) agus leo sin amháin.

Féadfar próifílí taisí daonna gan sainaithint (U) agus próifílí daoine atá ar iarraidh (M) a mheaitseáil i leith próifílí daoine gaoil atá ar iarraidh (K) i gcás inar ghlac an Ballstát iarrtha an reachtaíocht náisiúnta is gá.

Féadfar próifílí daoine gaoil atá ar iarraidh (K) a mheaitseáil i leith próifílí taisí daonna gan sainaithint (U) nó próifílí daoine atá ar iarraidh (M) i gcás inar ghlac an Ballstát iarrtha an reachtaíocht náisiúnta is gá.

4.   Rialacha tuairiscithe

Ginfidh córas na n-eintiteas iarrtha meaitseanna agus cáilíochtaí comhfhreagracha chomh maith le faisnéis maidir le gan meaits a bheith ann agus tuairisceofar don eintiteas iarrthach iad i nós imeachta uathoibrithe tríd an ródaire. Féadfar an cóimheas dealraitheachta ríofa a áireamh sa tuarascáil mheaitseála. Seolfar an tuarascáil mheaitseála chuig an bpointe teagmhála náisiúnta iarrthach. Cuirfear an tuarascáil mheaitseála ar fáil freisin don phointe teagmhála náisiúnta iarrtha, ionas go mbeidh sé in ann meastachán a dhéanamh ar chineál agus ar líon na n-iarrataí leantacha a d’fhéadfaí a dhéanamh ar thuilleadh sonraí pearsanta atá ar fáil agus ar fhaisnéis eile a bhaineann leis an bpróifíl DNA a chomhfhreagraíonn don mheaits deimhnithe.

Ní dhéanfaidh na heintitis iarrthacha próifílí DNA a fhaightear ó eintitis iarrtha a thaifeadadh ina mbunachar sonraí náisiúnta féin de phróifílí DNA. Ní fhéadfaidh na heintitis iarrthacha an phróifíl DNA a fhaightear ó eintiteas iarrtha a thaifeadadh ach amháin le húdarú roimh ré ón mBallstát a sholáthair na sonraí i gcomhréir le hAirteagal 50(1) de Rialachán (AE) 2024/982.

5.   An meaits a dheimhniú

Ní cheanglaítear ach ar an eintiteas ar mian leis an tacar bunsonraí a fháil meaits a athbhreithniú de láimh agus a dheimhniú.

Féadfaidh pointí teagmhála náisiúnta na n-eintiteas iarrthach agus na n-eintiteas iarrtha teagmháil a dhéanamh le chéile go díreach le haghaidh an fhíoraithe fhóiréinsigh.

Féadfaidh an t-eintiteas a sholáthraíonn na bunsonraí athbhreithniú a dhéanamh de láimh ar an meaits i gcás ina mbeidh próifílí DNA eile a chomhfhreagraíonn don duine céanna arna dtaifeadadh sa bhunachar sonraí náisiúnta. Má thagtar ar an gconclúid de dhroim fíorú fóiréinseach go bhfuil lócais bhreise i bpróifíl DNA eile a chomhfhreagraíonn don duine céanna agus go ndídheimhníonn na lócais sin an meaits, cuirfidh an t-eintiteas an Ballstát iarrthach ar an eolas agus ní sheolfaidh sé na bunsonraí.

I gcás meaitseanna ag 8 lócas ainmnithe iomlána nó níos mó gan beann ar an leibhéal cáilíochta meaitseála, áireofar na nithe seo a leanas san iarraidh ar bhunsonraí:

(1)

Deimhniú an athbhreithnithe de láimh ar an meaits ag ball foirne cáilithe i gcomhréir le hAirteagal 6(6) agus (7) de Rialachán (AE) 2024/982

(2)

Tuairisc ar na fíorais agus léiriú ar an gcion bunaidh i gcomhréir le hAirteagal 47(1)(c) de Rialachán (AE) 2024/982

I gcás meaitseanna ag 6 lócas ainmnithe iomlána nó ag 7 lócas ainmnithe iomlána gan beann ar an leibhéal cáilíochta meaitseála, déanfaidh an t-eintiteas iarrthach anailís bhreise ar an bpróifíl DNA más féidir.

Mura bhfuil sé indéanta anailís bhreise a dhéanamh ar an bpróifíl DNA, áireofar na nithe seo a leanas san iarraidh ar bhunsonraí:

(1)

Deimhniú an athbhreithnithe de láimh ar an meaits ag ball foirne cáilithe, i gcomhréir le hAirteagal 6(6) agus (7) de Rialachán (AE) 2024/982

(2)

Tuairisc ar na fíorais agus léiriú ar an gcion bunaidh i gcomhréir le hAirteagal 47(1)(c) de Rialachán (AE) 2024/982

(3)

Deimhniú gur fhíoraigh saotharlann fhóiréinseach chreidiúnaithe an meaits (ticbhosca Tá/Níl)

(4)

Ainm na saotharlainne fóiréinsí creidiúnaithe

(5)

Ainm an fhearais (na bhfearas) DNA a úsáideadh chun anailís a dhéanamh ar an bpróifíl DNA, an liosta luachanna ailléile ar deimhníodh gur meaitseanna iad agus nár roinneadh sa mhalartú uathoibrithe agus aon fhaisnéis bhreise nár roinneadh sa mhalartú uathoibrithe.

Féadfar an leictrifearagram agus an cóimheas dealraitheachta ríofa a áireamh san iarraidh ar bhunsonraí freisin.

CAIBIDIL 3:   Sonraí dachtalascópacha a mhalartú

1.   Íoschaighdeáin cháilíochta

Ní mór taifeach íosta 500 dpi a bheith ag sonraí dachtalascópacha.

Is é Candamú Scálach Tonnán (WSQ) an t-algartam comhbhrúite íomhá le haghaidh íomhánna a bhfuil taifeach 500 dpi acu, agus is é 1:15 an cóimheas uasta comhbhrúite íomhá.

Is é JPEG 2000 an fhormáid comhbhrúite íomhá le haghaidh íomhánna a bhfuil taifeach 1 000 dpi acu.

Ní mór an íomhá sonraí dachtalascópacha a bheith inaitheanta ag an ionchódóir mar íomhá sonraí dachtalascópacha.

Ní mór méarloirg neamhfhollasa agus loirg dearnan neamhfhollasa a bheith de cháilíocht leormhaith chun gur féidir 6 mhionphointe ar a laghad a asbhaint.

Beidh tacair dheichlorgacha sa seicheamh ceart, gan aon mhéar ann faoi dhó.

2.   Caighdeáin ábhartha Eorpacha nó idirnáisiúnta maidir le malartú sonraí dachtalascópacha

Aistreofar sonraí dachtalascópacha laistigh de choimeádán comhaid NIST. Sa chomhad NIST beidh réimsí a bhaineann le sonraí dachtalascópacha agus réimsí eile le haghaidh sonraí alfa-uimhriúla, ach ní bheidh réimsí ann a bhaineann le híomhánna aghaidhe.

Is é eu-LISA a shaineoidh sonraíochtaí an choimeádáin NIST agus beidh siad bunaithe ar chur chun feidhme INTERPOL. Oiriúnóidh eu-LISA na formáidí comhaid NIST atá ann cheana agus tacóidh sé le formáidí comhaid NIST nua chun comhoiriúnacht an ródaire d’athruithe ar na caighdeáin faoi seach a áirithiú.

Fíoróidh na heintitis an fhormáid comhaid NIST agus seachadfar é gan aon earráid.

Soláthróidh eu-LISA uirlis bailíochtóra comhaid NIST do gach eintiteas chun cur chun feidhme ceart a uirlise cruthaithe comhaid NIST a sheiceáil ina Chóras Uathoibrithe náisiúnta um Sainaithint Méarlorg (AFIS).

3.   Sonraíochtaí maidir le cuardaigh sonraí dachtalascópacha

Tá ocht n-idirbheart fhéideartha sa chuardach sonraí dachtalascópacha:

Cuirfidh gach eintiteas na ceithre idirbheart seo a leanas chun feidhme:

—

TP/TP: Cuardaigh chun deichlorgach a mheaitseáil le deichlorgach;

—

LT/TP: Cuardaigh chun méarlorg neamhfhollas a mheaitseáil le deichlorgach;

—

TP/LT: Cuardaigh chun deichlorgach a mheaitseáil le méarlorg neamhfhollas;

—

LT/LT: Cuardaigh chun méarlorg neamhfhollas a mheaitseáil le méarlorg neamhfhollas.

Féadfaidh eintitis na ceithre idirbheart eile seo a leanas a chur chun feidhme:

—

PP/PP: Cuardaigh chun lorg dearnan a mheaitseáil le lorg dearnan;

—

LP/PP: Cuardaigh chun lorg dearnan neamhfhollas mheaitseáil le lorg dearnan;

—

PP/LP: Cuardaigh chun lorg dearnan a mheaitseáil le lorg dearnan neamhfhollas;

—

LP/LP: Cuardaigh chun lorg dearnan neamhfhollas a mheaitseáil le lorg dearnan neamhfhollas.

I gcás gach idirbhirt iarratais i ndáil le sonraí dachtalascópacha, féadfaidh an t-eintiteas iarrthach líon áirithe iarrthóirí in aghaidh an idirbhirt freagartha a shonrú.

Ní fhéadfaidh an t-uaslíon iarrthóirí in aghaidh an idirbhirt freagartha a bheith níos mó ná 10.

Rangófar na hiarrthóirí ar liosta, ar bhealach uathoibrithe, de réir a scór meaitseála ag an eintiteas iarrtha.

Beidh íomhá mhéarloirg amháin, íomhá loirg dearnan amháin nó íomhá loirg neamhfhollais amháin ar a laghad in aghaidh an iarrthóra ar an liosta iarrthóirí.

Maidir le hidirbheart ina ndéantar cuardach chun deichlorgach a mheaitseáil le deichlorgach, cuirfidh an t-eintiteas iarrtha tacar iarrthóirí ar ais, suas leis an uaslíon arna shonrú ag an eintiteas iarrthach, ina mbeidh tacar deichlorgach iomlán d’íomhánna méarloirg in aghaidh an iarrthóra. Ní sholáthrófar na híomhánna loirg dearnan gaolmhara.

Maidir le hidirbheart ina ndéantar cuardach chun lorg dearnan a mheaitseáil le lorg dearnan, féadfaidh an t-eintiteas iarrtha tacar iarrthóirí a chur ar ais, suas leis an uaslíon arna shonrú ag an eintiteas iarrthach, ina mbeidh na híomhánna loirg dearnan atá ar fáil in aghaidh an iarrthóra. Marcálfar go soiléir an lorg dearnan a fuair an scór meaitseála is airde. Ní sholáthrófar na híomhánna méarloirg gaolmhara.

Maidir le hidirbheart ina ndéantar cuardach chun méarlorg neamhfhollas a mheaitseáil le deichlorgach, cuirfidh an t-eintiteas iarrtha tacar iarrthóirí ar ais, suas leis an uaslíon arna shonrú ag an eintiteas iarrthach, ina mbeidh an tacar deichlorgach d’íomhánna méarloirg atá ar fáil in aghaidh an iarrthóra. Marcálfar go soiléir an méarlorg ón tacar deichlorgach a fuair an scór meaitseála is airde. Mura bhfuil an tacar deichlorgach ar fáil, cuirfear an méarlorg meaitseála ar ais. Soláthróidh eu-LISA mionsonraí cur chun feidhme. Ní sholáthrófar na híomhánna loirg dearnan gaolmhara.

Maidir le hidirbheart ina ndéantar cuardach chun lorg dearnan neamhfhollas a mheaitseáil le lorg dearnan, féadfaidh an t-eintiteas iarrtha tacar iarrthóirí a chur ar ais, suas leis an uaslíon arna shonrú ag an eintiteas iarrthach, ina mbeidh na híomhánna loirg dearnan atá ar fáil in aghaidh an iarrthóra. Marcálfar go soiléir an lorg dearnan a fuair an scór meaitseála is airde. Ní sholáthrófar na híomhánna méarloirg gaolmhara.

Maidir le hidirbheart ina ndéantar cuardach chun deichlorgach a mheaitseáil le méarlorg neamhfhollas, cuirfidh an t-eintiteas iarrtha tacar iarrthóirí ar ais, suas leis an uaslíon arna shonrú ag an eintiteas iarrthach, ina mbeidh na híomhánna méarloirg neamhfhollais atá ar fáil in aghaidh an iarrthóra. Marcálfar go soiléir an méarlorg neamhfhollas a fuair an scór meaitseála is airde.

Maidir le hidirbheart ina ndéantar cuardach chun lorg dearnan a mheaitseáil le lorg dearnan neamhfhollas, féadfaidh an t-eintiteas iarrtha tacar iarrthóirí a chur ar ais, suas leis an uaslíon arna shonrú ag an eintiteas iarrthach, ina mbeidh na híomhánna loirg dearnan neamhfhollais atá ar fáil in aghaidh an iarrthóra. Marcálfar go soiléir an lorg dearnan neamhfhollas a fuair an scór meaitseála is airde.

Maidir le hidirbheart ina ndéantar cuardach chun lorg neamhfhollas a mheaitseáil le lorg neamhfhollas, bíodh sé ina mhéarlorg nó ina lorg dearnan, cuirfidh an t-eintiteas iarrtha tacar iarrthóirí ar ais, suas leis an uaslíon arna shonrú ag an eintiteas iarrthach, ina mbeidh na híomhánna loirg neamhfhollais atá ar fáil in aghaidh an iarrthóra. Marcálfar go soiléir an lorg neamhfhollas a fuair an scór meaitseála is airde.

Féadfaidh an t-eintiteas iarrthach táscaire tosaíochta a shonrú le haghaidh gach idirbhirt, mar a shainmhínítear i gcaighdeán NIST. Mura sonraítear táscaire tosaíochta, measfar go bhfuil an tosaíocht is ísle ag an idirbheart.

Cinneann an t-eintiteas iarrtha conas an táscaire tosaíochta a fhorghníomhú.

Na cineálacha idirbhirt a chuirfidh gach eintiteas chun feidhme, sonrófar iad i lámhleabhar praiticiúil Prüm II, atá le glacadh de bhun Airteagal 79 de Rialachán (AE) 2024/982.

4.   Cuótaí idirbheart (na líonta uasta idirbheart a nglactar leo)

Déanfaidh gach eintiteas iarrtha cuóta uasta laethúil d’idirbhearta sonraí dachtalascópacha a shainiú le haghaidh gach eintitis iarrthaigh i gcás na gcineálacha idirbhirt seo a leanas lena gcumhdaítear méarloirg agus loirg dearnan araon:

—

Cuardaigh chun lorg a mheaitseáil le lorg (TP/TP; PP/PP)

—

Cuardaigh chun lorg neamhfhollas a mheaitseáil le lorg (LT/TP; LP/PP)

—

Cuardach chun lorg a mheaitseáil le lorg neamhfhollas (TP/LT; PP/LP)

—

Cuardaigh chun lorg neamhfhollas a mheaitseáil le lorg neamhfhollas (LT/LT; LP/LP)

Coinneoidh gach eintiteas na heintitis eile, eu-LISA agus an Coimisiún ar an eolas faoi na cuótaí uasta i gcás gach cineáil idirbhirt. D’fhéadfadh gach eintiteas na hacmhainneachtaí cuardaigh sin a mhéadú go sealadach nó go buan tráth ar bith, lena n-áirítear i gcás práinne.

Féadfaidh an t-eintiteas iarrtha diúltú d’idirbheart má sháraíonn sé an cuóta atá sainithe ag an eintiteas iarrtha. Cuirfear an t-eintiteas iarrthach ar an eolas faoin diúltú sin tríd an ródaire.

5.   Dáileadh na n-acmhainneachtaí cuardaigh nár úsáideadh

Féadfaidh an t-eintiteas iarrtha a idirbhearta laethúla isteach nár úsáideadh a athdháileadh ar eintitis eile de láimh nó ar bhealach uathoibrithe.

Déanfaidh an ródaire foráil maidir le hidirbheart córas le córas trínar féidir iarratas a dhéanamh go tráthrialta agus go huathoibríoch ar stádas fíor-ama na n-idirbheart a dhéantar i gcaitheamh an lae mar aon leis na hidirbhearta atá fágtha i ndáil leis an gcuóta.

CAIBIDIL 4:   Íomhánna den aghaidh a mhalartú

1.   Íoschaighdeáin cháilíochta

Ní bheidh ach aghaidh amháin san íomhá den aghaidh a aistreofar. Chun aon diúltú nó earráid a chosc, ní bheidh níos mó ná aghaidh amháin san íomhá agus ní bheidh an íomhá gan aon aghaidh.

Déanfar an íomhá den aghaidh a réamhphróiseáil, i gcás inar féidir, chun aghaidh amháin a thaispeáint.

Beidh taifeach agus cáilíocht na híomhá den aghaidh leormhaith chun go mbeifear in ann í a húsáid le haghaidh meaitseáil bhithmhéadrach uathoibrithe. Is é eu-LISA a shaineoidh na hairíonna is gá a bheith ag an íomhá den aghaidh.

Déanfar íomhánna den aghaidh a chomhbhrú agus úsáid á baint as caighdeáin comhbhrúite íomhá agus córas códaithe JPG (ISO/IEC 10918), JPEG 2000 (ISO/IEC 15444-1) nó PNG (ISO/IEC 15948 Grafaic Iniompartha Líonra).

Úsáidfear na híomhánna den aghaidh mar a stóráiltear iad i mbunachair sonraí na n-eintiteas. Ní cheadaítear laghdú ó scála ach amháin i gcás ina mbeadh an comhad NIST a chruthófaí ní ba mhó ná an t-uasmhéid comhaid arna shonrú ag eu-LISA.

60 picteilín ar a laghad a bheidh san achar idir na súile san íomhá ghnúis-seat de dhuine, ar íomhá amhairc tosaigh í, a úsáidtear le haghaidh cuardach uathoibrithe.

Níl feidhm ag an íoschaighdeán cáilíochta maidir le híomhánna den aghaidh a stóráiltear sa bhunachar sonraí náisiúnta. Níl feidhm aige ach amháin maidir le híomhánna den aghaidh a úsáideann an t-eintiteas iarrthach chun cuardach a dhéanamh i mbunachar sonraí an eintitis iarrtha.

2.   Caighdeáin ábhartha Eorpacha nó idirnáisiúnta maidir le híomhánna den aghaidh a mhalartú

Déanfar sonraí tagartha íomhá den aghaidh a aistriú laistigh de choimeádán comhaid NIST. Sa chomhad NIST beidh réimsí a bhaineann le híomhánna den aghaidh agus réimsí eile le haghaidh sonraí alfa-uimhriúla, ach ní bheidh réimsí ann a bhaineann le sonraí dachtalascópacha.

Is é eu-LISA a shaineoidh sonraíochtaí an choimeádáin NIST agus beidh siad bunaithe ar chur chun feidhme INTERPOL. Oiriúnóidh eu-LISA na formáidí comhaid NIST atá ann cheana agus tacóidh sé le formáidí comhaid NIST nua chun comhoiriúnacht an ródaire d’athruithe ar na caighdeáin faoi seach a áirithiú.

Fíoróidh na heintitis an fhormáid comhaid NIST agus seachadfar é gan aon earráid.

Soláthróidh eu-LISA uirlis bailíochtóra comhaid NIST do gach eintiteas chun cur chun feidhme ceart a uirlise cruthaithe comhaid NIST a sheiceáil ina bhunachar sonraí íomhánna den aghaidh.

3.   Sonraíochtaí maidir le híomhánna aghaidhe a chuardach

Féadfaidh an t-eintiteas iarrthach úsáid a bhaint as íomhánna den aghaidh ó dhaoine sainaitheanta chomh maith le híomhánna den aghaidh ó dhaoine gan sainaithint, i bhfoirm íomhá ghnúis-seat nó rianíomhá. Is féidir an íomhá den aghaidh a bheith ina híomhá amhairc tosaigh, ina híomhá leathphróifíle nó ina híomhá phróifíle.

Ní chuimseoidh idirbheart iarratais ach íomhá amháin den aghaidh.

D’fhéadfadh ceithre idirbheart a bheith i gceist le híomhánna aghaidhe a chuardach: (i) cuardach chun íomhánna gnúis-seat a mheaitseáil le híomhánna gnúis-seat; (ii) cuardach chun rianíomhánna a mheaitseáil le híomhánna gnúis-seat; (iii) cuardach chun íomhánna gnúis-seat a mheaitseáil le rianíomhánna; (iv) cuardach chun rianíomhánna a mheaitseáil le rianíomhánna.

Cuirfidh gach eintiteas na hidirbhearta seo a leanas chun feidhme:

—

Cuardaigh chun íomhánna gnúis-seat a mheaitseáil le híomhánna gnúis-seat

—

Cuardaigh chun rianíomhánna a mheaitseáil le híomhánna gnúis-seat

Féadfaidh eintitis an dá idirbheart seo a leanas a chur chun feidhme freisin:

—

Cuardaigh chun íomhánna gnúis-seat mheaitseáil le rianíomhánna

—

Cuardaigh chun rianíomhánna a mheaitseáil le rianíomhánna

I gcás gach idirbhirt iarratais i ndáil le híomhá den aghaidh, féadfaidh an t-eintiteas iarrthach líon áirithe iarrthóirí a shonrú in aghaidh an idirbhirt freagartha. Ní fhéadfaidh an t-uaslíon iarrthóirí in aghaidh an idirbhirt freagartha, a chuirfidh eintiteas iarrtha ar ais, a bheith níos mó ná 30. I gcásanna eisceachtúla, féadfaidh eintiteas iarrthach suas le 100 iarrthóir a iarraidh in aghaidh an idirbhirt freagartha. Is faoin eintiteas iarrthach a bheidh sé a mheas an ann d’imthosca eisceachtúla.

Beidh an líon iarrthóirí arna shonrú ag an eintiteas iarrthach sa liosta iarrthóirí a mhéid a thacaíonn cumais theicniúla an eintitis iarrtha leis sin.

Rangófar na hiarrthóirí ar liosta, ar bhealach uathoibrithe, de réir na scór a thugann an t-eintiteas iarrtha dóibh.

Ní bheidh sa liosta iarrthóirí ach sonraí tagartha íomhá den aghaidh agus beidh sonraí tagartha íomhá den aghaidh amháin, ar a laghad, in aghaidh an iarrthóra ann. Féadfaidh meiteashonraí ábhartha nach sonraí pearsanta iad, amhail dáta agus tionscnamh na híomhá den aghaidh, a bheith sa chomhad NIST ina bhfuil na sonraí tagartha íomhá den aghaidh.

Féadfaidh níos mó ná iarrthóir amháin a bheith ar an liosta iarrthóirí. Féadfaidh íomhánna d’iarrthóirí éagsúla teacht ón duine céanna.

Beidh gach iarrthóir stóráilte i gcomhad NIST amháin. I gcás ina mbeidh íomhánna aghaidhe iomadúla den duine céanna ar fáil i mbunachar sonraí an eintitis iarrtha, féadfar na híomhánna uile a áireamh sa chomhad NIST céanna. Braitheann an iompraíocht bheacht ar chumraíocht an chórais a úsáideann an t-eintiteas iarrtha.

Féadfaidh an t-eintiteas iarrthach táscaire tosaíochta a shonrú le haghaidh gach idirbhirt, mar a shainmhínítear i gcaighdeán NIST. Mura sonraítear táscaire tosaíochta, measfar go bhfuil an tosaíocht is ísle ag an idirbheart.

Cinneann an t-eintiteas iarrtha conas an táscaire tosaíochta a fhorghníomhú.

Sonrófar i lámhleabhar Prüm II na cineálacha íomhánna den aghaidh (íomhánna gnúis-seat, rianíomhánna, íomhánna amhairc tosaigh, íomhánna próifíle, íomhánna leathphróifíle...) atá ar fáil i mbunachair sonraí na n-eintiteas iarrtha mar aon leis na cineálacha idirbhirt a chuireann gach eintiteas chun feidhme.

4.   Cuótaí idirbheart (na líonta uasta idirbheart a nglactar leo)

Déanfaidh gach eintiteas iarrtha cuóta uasta laethúil d’idirbhearta íomhánna den aghaidh a shainiú le haghaidh gach eintitis iarrthaigh i gcás gach cineáil idirbhirt:

—

Cuardaigh chun íomhánna gnúis-seat a mheaitseáil le híomhánna gnúis-seat

—

Cuardaigh chun rianíomhánna a mheaitseáil le híomhánna gnúis-seat

—

Cuardaigh chun íomhánna gnúis-seat a mheaitseáil le rianíomhánna (i gcás inarb ábhartha)

—

Cuardaigh chun rianíomhánna a mheaitseáil le rianíomhánna (i gcás inarb ábhartha)

Coinneoidh gach eintiteas na heintitis eile, eu-LISA agus an Coimisiún ar an eolas faoi na cuótaí uasta d’idirbhearta íomhánna den aghaidh. D’fhéadfadh gach eintiteas na hacmhainneachtaí cuardaigh sin a mhéadú go sealadach nó go buan tráth ar bith, lena n-áirítear i gcás práinne.

Féadfaidh an t-eintiteas iarrtha diúltú d’idirbheart má sháraíonn sé an cuóta atá sainithe ag an eintiteas iarrtha. Cuirfear an t-eintiteas iarrthach ar an eolas faoin diúltú sin tríd an ródaire.

5.   Dáileadh na n-acmhainneachtaí cuardaigh nár úsáideadh

Féadfaidh an t-eintiteas iarrtha a idirbhearta laethúla isteach nár úsáideadh a athdháileadh ar eintitis eile de láimh nó ar bhealach uathoibrithe.

Déanfaidh an ródaire foráil maidir le hidirbheart córas le córas trínar féidir iarratas a dhéanamh go tráthrialta agus go huathoibríoch ar stádas fíor-ama na n-idirbheart a dhéantar i gcaitheamh an lae mar aon leis na hidirbhearta atá fágtha i ndáil leis an gcuóta.


(1)  Is líonra slán príobháideach uile-Aontais é TESTA Eurodomain lenar féidir sonraí a mhalartú ar bhealach criptithe iontaofa idir institiúidí an Aontais agus údaráis agus gníomhaireachtaí na mBallstát, go háirithe le haghaidh faisnéis íogair amhail sonraí forfheidhmithe dlí agus sonraí ceartais.

(2)  Cinneadh Réime 2009/315/CGB ón gComhairle an 26 Feabhra 2009 maidir le heagrú agus ábhar an mhalartaithe faisnéise a bhaintear as an taifead coiriúil idir na Ballstáit (IO L 93, 7.4.2009, lch. 23, ELI: http://data.europa.eu/eli/dec_framw/2009/315/oj).

(3)  Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus lena n-aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lch. 53, ELI: http://data.europa.eu/eli/reg/2016/794/oj.

(4)  Rún ón gComhairle an 30 Samhain 2009 maidir le torthaí ó anailís DNA a mhalartú (IO C 296, 5.12.2009, lch. 1).


ELI: http://data.europa.eu/eli/dec_impl/2026/1064/oj

ISSN 1977-0839 (electronic edition)