(1)

Tá an fhoirm chaighdeánach dá dtagraítear in Airteagal 17(1) de Rialachán (CE) Uimh. 561/2006 le húsáid ag na Ballstáit chun an fhaisnéis is gá a chur in iúl don Choimisiún, gach 2 bhliain, chun tuarascáil a ullmhú maidir le cur i bhfeidhm an Rialacháin sin agus Rialachán (AE) Uimh. 165/2014 ó Pharlaimint na hEorpa agus ón gComhairle (2), agus maidir le forbairtí sna réimsí a chumhdaítear leis na Rialacháin sin.

(2)

Le hAirteagal 26(4), an chéad fhomhír, de Rialachán (AE) Uimh. 165/2014 ceadaítear do na Ballstáit, i gcásanna eisceachtúla a bhfuil údar cuí leo, cártaí sealadacha tiománaí a eisiúint do thiománaithe nach bhfuil gnáthchónaí orthu i mBallstát ná i Stát ar páirtí conarthach é sa Chomhaontú Eorpach maidir le hObair Foirne Feithiclí ag gabháil d’Iompar Idirnáisiúnta de Bhóthar (AETR) (3). De bhun Airteagal 26(4), an dara fomhír, den Rialachán sin, ar bhonn sonraí arna soláthar ag na Ballstáit, tuairisceoidh an Coimisiún a thorthaí maidir le cártaí tiomána gach 2 bhliain do Pharlaimint na hEorpa agus don Chomhairle. Is iomchuí, dá bhrí sin, ar chúiseanna áisiúlachta riaracháin agus faireacháin éifeachtaigh ar rialacha an Aontais do na Ballstáit na sonraí sin a sholáthar trí úsáid a bhaint as an bhfoirm chaighdeánach dá dtagraítear in Airteagal 17(1) de Rialachán (CE) Uimh. 561/2006.

(3)

Forlíontar na forálacha maidir le ham tiomána, sosanna agus tréimhsí scíthe a leagtar síos i Rialachán (CE) Uimh. 561/2006 le Treoir 2002/15/CE ó Pharlaimint na hEorpa agus ón gComhairle (4), dá bhforáiltear in Airteagal 2(4) di, lena leagtar síos rialacha maidir le gnéithe eile den am oibre. Le hAirteagal 13(1) de Threoir 2002/15/CE ceanglaítear ar na Ballstáit an fhaisnéis maidir le cur chun feidhme na Treorach sin a chur in iúl don Choimisiún gach 2 bhliain. Cumhdaítear leis an tréimhse tuairiscithe 2 bhliain sin an tréimhse chéanna a leagtar síos in Airteagal 17(1) de Rialachán (CE) Uimh. 561/2006. Is iomchuí, dá bhrí sin, ar chúiseanna áisiúlachta riaracháin, faireachán éifeachtach a dhéanamh ar rialacha an Aontais sa réimse a bhaineann le hiompar de bhóthar, agus d’fhonn cur chuige coiteann a chur chun cinn, an fhaisnéis ábhartha a thuairisciú trí úsáid a bhaint as an bhfoirm chaighdeánach de bhun Airteagal 17(1) de Rialachán (CE) Uimh. 561/2006.

(4)

Le Rialachán (AE) 2020/1054 ó Pharlaimint na hEorpa agus ón gComhairle (5), leasaíodh Rialachán (CE) Uimh. 561/2006 trí oibleagáidí a thabhairt isteach, in Airteagail 8 agus 8a, ar ghnóthais iompair aon chostas a bhaineann le cóiríocht lasmuigh den fheithicil a chumhdach agus obair na dtiománaithe a eagrú sa chaoi gur féidir le tiománaithe filleadh ar ionad oibríochtúil an fhostóra nó ar áit chónaithe na dtiománaithe, laistigh de gach tréimhse ceithre seachtaine as a chéile chun tréimhsí scíthe seachtainiúla a ghlacadh. Leis na seiceálacha a bhaineann le tiománaithe nó leis na seiceálacha a dhéanann na Ballstáit ar áitribh gnóthas, ba cheart comhlíonadh na n-oibleagáidí nua sin a fhíorú freisin. Chun cur chuige coiteann a chur chun cinn, ba cheart torthaí na seiceálacha sin a thuairisciú san fhoirm chaighdeánach dá dtagraítear in Airteagal 17(1) de Rialachán (CE) Uimh. 561/2006.

(5)

Le Treoir (AE) 2020/1057 ó Pharlaimint na hEorpa agus ón gComhairle (6) leasaíodh Treoir 2006/22/CE ó Pharlaimint na hEorpa agus ón gComhairle (7) trí raon feidhme na seiceálacha agus na rialuithe cois bóthair ag áitreabh gnóthas iompair a leathnú chun rialuithe ar chomhlíonadh na rialacha maidir le ham oibre a leagtar síos i dTreoir 2002/15/CE a chuimsiú. Ba cheart torthaí na rialuithe sin a thuairisciú don Choimisiún trí úsáid a bhaint as an bhfoirm chaighdeánach dá dtagraítear in Airteagal 17(1) de Rialachán (CE) Uimh. 561/2006.

(6)

Ceanglaítear le hAirteagal 9 de Rialachán 2006/22/CE, maidir le rátáil riosca na ngnóthas, atá bunaithe ar líon coibhneasta agus ar a thromchúisí atá aon sárú a dhéanfar ar Rialachán (CE) Uimh. 561/2006 nó ar Rialachán (AE) Uimh. 165/2014 nó ar fhorálacha lena dtrasuitear Treoir 2002/15/CE, go dtógfar san áireamh í le linn seiceálacha a bheidh spriocdhírithe níos fearr. Seiceálacha ar ghnóthais arna spreagadh ag a rátáil riosca féin i ndáil le cur i bhfeidhm Rialachán (CE) Uimh. 561/2006, Rialachán (AE) Uimh. 165/2014] agus Threoir 2002/15/CE agus an líon sáruithe ar na gníomhartha sin, ba cheart iad a thuairisciú, dá bhrí sin, san fhoirm chaighdeánach dá dtagraítear in Airteagal 17(1) de Rialachán (CE) Uimh. 561/2006.

(7)

Ba cheart, dá bhrí sin, an fhoirm chaighdeánach dá dtagraítear in Airteagal 17(1) de Rialachán (CE) Uimh. 561/2006, a bunaíodh le Cinneadh Cur Chun Feidhme (AE) 2017/1013 ón gCoimisiún (8), a thabhairt cothrom le dáta chun na ceanglais nua dá dtagraítear in aithrisí 2 go 6 a chur san áireamh.

(8)

Dá bhrí sin, ba cheart Cinneadh Cur Chun Feidhme (AE) 2017/1013 a aisghairm.

(9)

Chun comhsheasmhacht na n-oibleagáidí tuairiscithe a éascú agus a fheabhsú, ba cheart don Choimisiún uirlis dhigiteach iomchuí a scrúdú agus a fhorbairt lena gceadófar do na Ballstáit an fhaisnéis a leagtar amach san fhoirm chaighdeánach tuairiscithe a bhunaítear leis an gCinneadh seo a chur isteach.

(10)

Tá na bearta dá bhforáiltear sa Chinneadh seo i gcomhréir leis an tuairim ón gCoiste a suíodh le hAirteagal 42(1) de Rialachán (AE) Uimh. 165/2014,