RIALACHÁN CUR CHUN FEIDHME (AE) 2026/893 ÓN gCOIMISIÚN

an 24 Aibreán 2026

lena leagtar amach teorainnluachanna bliantúla maidir le glanaistrithe gás ceaptha teasa na mBallstát le haghaidh na tréimhse 2026-2029 de bhun Airteagal 4(5) de Rialachán (AE) 2018/841 ó Pharlaimint na hEorpa agus ón gComhairle

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2018/841 ó Pharlaimint na hEorpa agus ón gComhairle an 30 Bealtaine 2018 maidir le hastaíochtaí agus aistrithe gás ceaptha teasa ó úsáid talún, athrú ar úsáid talún agus foraoiseacht a chur san áireamh i gcreat 2030 don aeráid agus don fhuinneamh, agus lena leasaítear Rialachán (AE) Uimh. 525/2013 agus Cinneadh Uimh. 529/2013/AE (1), agus go háirithe Airteagal 4(5) de,

De bharr an mhéid seo a leanas:

(1)

In 2025, le cúnamh ón nGníomhaireacht Eorpach Comhshaoil, rinne an Coimisiún athbhreithniú cuimsitheach ar shonraí an fhardail náisiúnta gás ceaptha teasa arna gcur isteach ag na Ballstáit le haghaidh 2016, 2017 agus 2018, chomh maith le 2021, 2022 agus 2023, i gcomhréir le hAirteagal 38(1a) de Rialachán (AE) 2018/1999 ó Pharlaimint na hEorpa agus ón gComhairle (2). Na sonraí fardail athbhreithnithe, is iad sin an bonn chun conairí líneacha na mBallstát leis na teorainnluachanna bliantúla a ríomh.

(2)

Is líne dhíreach í conair líneach gach Ballstáit. Tá a luach tosaigh in 2022 cothrom le meánluach na sonraí fardail bliantúla athbhreithnithe le haghaidh 2021, 2022 agus 2023 mar a cuireadh isteach iad in 2025. Tá an luach deiridh in 2030 cothrom leis an luach a fuarthas trí luach sprioc an Bhallstáit ó cholún C d’Iarscríbhinn IIa a ghabhann le Rialachán (AE) 2018/841 a chur le meánluach na sonraí fardail bliantúla athbhreithnithe le haghaidh 2016, 2017 agus 2018 mar a cuireadh isteach iad in 2025.

(3)	Is iad teorainnluachanna bliantúla 2026, 2027, 2028 agus 2029 le haghaidh gach Ballstáit na luachanna atá suite ar chonair líneach an Bhallstáit sin i gcás gach ceann de na blianta sin.

(4)

Maidir leis an tseiceáil comhlíontachta agus tar éis an athbhreithnithe chuimsithigh ar shonraí an fhardail náisiúnta gás ceaptha teasa atá le déanamh in 2032, is iomchuí coigeartú a dhéanamh ar chonair líneach na mBallstát a d’athraigh an mhodheolaíocht chun a sonraí fardail náisiúnta a ríomh mar a leagtar amach in Airteagal 14(1a) de Rialachán (AE) 2018/841. I gcás na mBallstát lena mbaineann, tá luach tosaigh agus luach deiridh a gconaire líní le coigeartú leis an gcoigeartú modheolaíochta faoi seach arna bhunú ar bhonn an fhardail gás ceaptha teasa atá le cur isteach in 2032.

(5)	Tá na bearta dá bhforáiltear sa Rialachán seo i gcomhréir leis an tuairim ón gCoiste um Athrú Aeráide,

TAR ÉIS AN RIALACHÁN SEO A GHLACADH:

Airteagal 1

Teorainnluachanna bliantúla 2026, 2027, 2028 agus 2029 le haghaidh gach Ballstáit de bhun Airteagal 4(4) de Rialachán (AE) 2018/841, beidh feidhm acu mar a leagtar amach san Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 24 Aibreán 2026.

Thar ceann an Choimisiúin

An tUachtarán

Ursula VON DER LEYEN

(1) IO L 156, 19.6.2018, lch. 1, ELI: http://data.europa.eu/eli/reg/2018/841/oj.

(2) Rialachán (AE) 2018/1999 ó Pharlaimint na hEorpa agus ón gComhairle an 11 Nollaig 2018 maidir le Rialachas an Aontais Fuinnimh agus na Gníomhaíochta Aeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, Treoir 94/22/CE, Treoir 98/70/CE, Treoir 2009/31/CE, Treoir 2009/73/CE, Treoir 2010/31/AE, Treoir 2012/27/AE, agus Treoir 2013/30/AE ó Pharlaimint na hEorpa agus ón gComhairle, Treoir 2009/119/CE agus Treoir (AE) 2015/652 ón gComhairle agus lena n-aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle (IO L 328, 21.12.2018, lch. 1, ELI: http://data.europa.eu/eli/reg/2018/1999/oj).

IARSCRÍBHINN

Teorainnluachanna bliantúla le haghaidh gach Ballstáit de bhun Airteagal 4(4) de Rialachán (AE) 2018/841

(i dtonaí de choibhéis CO2)
	2026	2027	2028	2029
an Bheilg	- 695 624	- 773 458	- 851 292	- 929 125
an Bhulgáir	-8 833 749	-8 991 605	-9 149 461	-9 307 318
an tSeicia	-2 272 311	-3 103 862	-3 935 414	-4 766 965
an Danmhairg	321 044	463 863	606 682	749 502
an Ghearmáin	39 404 213	36 426 552	33 448 892	30 471 231
an Eastóin	1 144 322	1 224 362	1 304 402	1 384 442
Éire	3 619 749	3 540 727	3 461 705	3 382 682
an Ghréig	-5 048 152	-5 116 023	-5 183 893	-5 251 763
an Spáinn	-57 916 969	-58 826 443	-59 735 916	-60 645 389
an Fhrainc	-48 537 844	-49 040 499	-49 543 154	-50 045 809
an Chróit	-5 707 271	-5 778 524	-5 849 777	-5 921 030
an Iodáil	-48 182 282	-48 164 246	-48 146 210	-48 128 173
an Chipir	- 162 470	- 169 008	- 175 545	- 182 082
an Laitvia	920 510	117 707	- 685 096	-1 487 900
an Liotuáin	-6 250 912	-6 375 424	-6 499 937	-6 624 449
Lucsamburg	- 596 858	- 569 072	- 541 287	- 513 501
an Ungáir	-6 043 740	-6 064 428	-6 085 117	-6 105 806
Málta	261	127	-6	- 139
an Ísiltír	3 761 601	3 814 231	3 866 860	3 919 490
an Ostair	-1 566 484	-2 288 253	-3 010 021	-3 731 790
an Pholainn	-39 191 942	-40 942 192	-42 692 441	-44 442 690
an Phortaingéil	1 217 974	1 778 947	2 339 920	2 900 893
an Rómáin	-44 867 519	-44 832 438	-44 797 358	-44 762 278
an tSlóivéin	-1 865 230	-1 243 913	- 622 597	-1 280
an tSlóvaic	-4 709 883	-4 468 794	-4 227 705	-3 986 617
an Fhionlainn	4 165 705	2 222 902	280 100	-1 662 702
an tSualainn	-41 962 018	-43 998 194	-46 034 371	-48 070 547