(1)

Na cuótaí iascaireachta le haghaidh 2023, leagtar síos iad le Rialacháin (AE) 2022/2090 (2), (AE) 2023/194 (3) agus (AE) 2023/195 (4) ón gComhairle.

(2)

Na cuótaí iascaireachta le haghaidh 2024, leagtar síos iad le Rialacháin (AE) 2023/2638 (5), (AE) 2024/257 (6) agus (AE) 2024/259 (7) ón gComhairle.

(3)

Na cuótaí iascaireachta le haghaidh 2025, leagtar síos iad le Rialacháin (AE) 2024/257, (AE) 2024/2903 (8), (AE) 2025/202 (9) agus (AE) 2025/219 (10) ón gComhairle.

(4)

De bhun Airteagal 105(1) de Rialachán (CE) Uimh. 1224/2009, i gcás inar shuigh an Coimisiún gur sháraigh Ballstát na cuótaí iascaireachta a cionroinneadh air, déanfaidh an Coimisiún asbhaintí ó chuótaí a chionroinnfear ar an mBallstát sin amach anseo.

(5)

Le Rialachán Cur Chun Feidhme (AE) 2025/2158 ón gCoimisiún (11) bunaíodh asbhaintí ó na cuótaí iascaireachta atá ar fáil le haghaidh stoic éisc áirithe in 2025 de dheasca na ró-iascaireachta sna blianta roimhe sin.

(6)

I gcás Ballstáit áirithe, mar atá, an Pholainn agus an Spáinn, ní fhéadfaí asbhaintí áirithe a dhéanamh le Rialachán Cur Chun Feidhme(AE) 2025/2158 ó chuótaí iascaireachta a cionroinneadh le haghaidh na stoc a ndearnadh ró-iascaireacht orthu de bhrí nach raibh cuótaí le haghaidh na stoc sin ar fáil do na Ballstáit sin in 2025.

(7)

Mura féidir asbhaintí a dhéanamh ón stoc a ndearnadh ró-iascaireacht air sa bhliain i ndiaidh na ró-iascaireachta de bhrí nach bhfuil cuóta ar fáil ag an mBallstát lena mbaineann don stoc éisc sin, foráiltear le hAirteagal 105(5) de Rialachán (CE) Uimh. 1224/2009 go bhféadfar asbhaintí a dhéanamh ó stoic eile sa limistéar geografach céanna, nó ó stoic a bhfuil an luach tráchtála céanna orthu, tar éis dul i gcomhairle leis an mBallstát lena mbaineann.

(8)

De réir phointe 4 de Theachtaireacht 2022/C 369/03 ón gCoimisiún faoi threoirlínte maidir le cuótaí a asbhaint faoi Airteagal 105(1), (2) agus (5) de Rialachán (CE) Uimh. 1224/2009 (12) (‘na Treoirlínte’), b’fhearr asbhaintí den sórt sin a dhéanamh ó chuótaí a cionroinneadh le haghaidh stoic arb é an cabhlach céanna a rinne iascaireacht orthu agus a rinne ró-iascaireacht ar an gcuóta.

(9)

Chuathas i gcomhairle leis na Ballstáit lena mbaineann a mhéid a bhaineann le hasbhaintí áirithe ó chuótaí iascaireachta a cionroinneadh le haghaidh na stoc nach ndearnadh ró-iascaireacht orthu. Is iomchuí, dá bhrí sin, asbhaintí a dhéanamh ó na cuótaí malartacha iascaireachta sin a cionroinneadh ar na Ballstáit sin in 2025.

(10)

I gcásanna áirithe, le malartuithe deiseanna iascaireachta arna dtabhairt i gcrích i gcomhréir le hAirteagal 16(8) de Rialachán (AE) Uimh. 1380/2013 ó Pharlaimint na hEorpa agus ón gComhairle (13), féadfar asbhaintí iomlána nó páirteacha a dhéanamh ó na stoic chéanna faoi chuimsiú Rialachán Cur Chun Feidhme (AE) 2025/2158.

(11)

Thairis sin, tá asbhaintí áirithe dá bhforáiltear le Rialachán Cur Chun Feidhme (AE) 2025/2158 atá níos mó ná na cuótaí oiriúnaithe atá ar fáil sa bhliain 2025 agus, mar thoradh air sin, ní féidir iad a oibriú ina n-iomláine sa bhliain sin. Sna cásanna sin, de réir phointe 2 de na Treoirlínte, rinneadh na hasbhaintí, lena n-áirítear na méideanna a eascraíonn as na fachtóirí iolraithe is infheidhme i gcás inarb ábhartha, go méid iomlán an chuóta atá ar fáil agus ba cheart na méideanna atá fágtha a asbhaint ón gcuóta oiriúnaithe sna blianta ina dhiaidh sin go dtí go n-aisíocfar na asbhaintí atá dlite.

(12)

In 2023 rinne an Ghearmáin ró-iascaireacht 1,320 tona ar a cuóta le haghaidh speicis eile in uiscí na hIorua i limistéir 1 agus 2 (OTH/1N2AB.). Ina theannta sin, i gcomhréir le pointe 2 de na Treoirlínte, bhí asbhaint 19,997 dtona fós ann tar éis don Ghearmáin ró-iascaireacht a dhéanamh ar a cuóta le haghaidh OTH/1N2AB. in 2022. Le post leictreonach dar dáta an 1 Iúil 2024, d’iarr an Ghearmáin an asbhaint atá dlite, is é sin 21,317 dtona, a roinnt thar 3 bliana. Ós rud é, i gcomhréir le pointe 3(b) de na Treoirlínte, go bhfuil aisíoc níos moille incheadaithe go heisceachtúil i gcás ina ngabhtar an stoc lena mbaineann in iascach measctha agus ina gcuirfeadh caillteanas mór cuóta cosc ar shaothrú na speiceas gaolmhar i ngabháil an iascaigh mheasctha sin, glacadh leis an iarraidh sin. Rinneadh asbhaint 7,106 thona ar chuóta na Gearmáine le haghaidh OTH/1N2AB. in 2024 agus in 2025. Cuirfear an asbhaint atá fágtha, is é sin 7,105 thona, i bhfeidhm ar chuóta na Gearmáine le haghaidh OTH/1N2AB. in 2026 gan dochar d’aon oiriúnú eile ar chuótaí.

(13)

An 5 Samhain 2025, chuir an Iodáil dearbhuithe gabhála nuashonraithe isteach le haghaidh mhí Iúil, mhí Dheireadh Fómhair agus mhí na Samhna 2024 tar éis saincheist theicniúil maidir le tuairisciú na ngabhálacha a rinne soitheach faoina bratach. Ar bhonn na sonraí nuashonraithe a tharchuir an Iodáil, sáraíodh cuótaí na hIodáile le haghaidh an tuinnín mhórshúiligh agus an tuinnín bhuí i limistéar inniúlachta IOTC (BET/IOTC agus YFT/IOTC) in 2024. Dá bhrí sin, ba cheart na hasbhaintí comhfhreagracha a dhéanamh ar chuótaí na hIodáile faoi seach le haghaidh 2025.

(14)

Le Rialachán (AE) 2024/257, bunaíodh teorainn cuótaí de chuid an Aontais arb í 209 dtona le haghaidh an tsóil choitinn i limistéir 8c, 8d, 8e, 9 agus 10; Uiscí an Aontais in CECAF 34.1.1 (SOL/8CDE34). Thuairiscigh an Phortaingéil gabhálacha de 226,349 dtona faoin teorainn cuótaí sin. Ar bhonn na sonraí a tarchuireadh, sháraigh an Phortaingéil teorainn cuótaí an Aontais a socraíodh le haghaidh 2024. Dá bhrí sin, ba cheart an asbhaint chomhfhreagrach mar gheall ar an ró-iascaireacht sin a dhéanamh ar chuóta na Portaingéile in 2025. Ós rud é nach bhfuil cuóta ar fáil don Phortaingéil maidir leis an stoc a ndearnadh ró-iascaireacht air, ba cheart an asbhaint a dhéanamh ar stoc malartach i gcomhréir le hAirteagal 105(5) de Rialachán (CE) Uimh. 1224/2009 thuasluaite.

(15)

Dearbhaítear i bpointe 1 de na Treoirlínte go bhfuil an amlíne le haghaidh asbhaintí i gcás ró-iascaireacht ar chuóta maidir le stoic atá á mbainistiú ag eagraíochtaí réigiúnacha iascaigh le cur in oiriúint, i gcás inarb infheidhme, don amlíne le haghaidh asbhaintí a shocraítear sna heagraíochtaí réigiúnacha iascaigh lena mbaineann maidir leis na stoic sin.

(16)

Le Moladh 22-03 ón gCoimisiún Idirnáisiúnta um Chaomhnú na dTuinníní Atlantacha (ICCAT) maidir le caomhnú cholgáin an Atlantaigh Thuaidh (14), foráiltear go ndéanfar aon bharrachas sa chuóta coigeartaithe bliantúil in 2024 a asbhaint ón gcuóta/teorainn ghabhála ábhartha le haghaidh 2026. Ar an mbonn sin, an asbhaint atá dlite mar gheall ar an ró-iascaireacht a rinne an Phortaingéil ar an stoc colgán san Aigéan Atlantach in 2024, lastuaidh de 5°T (SWO/AN05N), ba cheart í a dhéanamh ar a cuóta le haghaidh 2026.

(17)

Ar an gcuma chéanna, le Moladh 22-04 ó ICCAT maidir le caomhnú cholgáin an Atlantaigh Theas (15), leagtar síos go bhfuil aon bharrachas sa chuóta/teorainn ghabhála bhliantúil in 2024 le hasbhaint ón gcuóta/teorainn ghabhála ábhartha in 2026. Dá bhrí sin, an asbhaint, lena n-áirítear an méid a eascraíonn as na fachtóirí iolraithe is infheidhme, atá dlite mar gheall ar an ró-iascaireacht a rinne an Fhrainc in 2024, le haghaidh an stoic colgán san Aigéan Atlantach, laisteas de 5°T (SWO/AS05N), ba cheart í a dhéanamh ar a cuóta le haghaidh 2026.

(18)

Thairis sin, le Moladh 23-10 ó ICCAT maidir le bearta caomhnúcháin chun siorcanna gorma an Atlantaigh Thuaidh a chaomhnú (16), foráiltear go ndéanfar aon mhéid a ghabhtar de bhreis ar na teorainneacha gabhála bliantúla a bunaíodh le haghaidh 2024 a asbhaint ó na teorainneacha gabhála ábhartha in 2026. Dá bhrí sin, ba cheart an asbhaint de dheasca ró-iascaireacht arna déanamh ag an bPortaingéil in 2024 le haghaidh an stoic siorcanna gorma san Aigéan Atlantach lastuaidh de 5°T (BSH/AN05N) a dhéanamh ar a cuóta le haghaidh 2026.

(19)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2025/2158 a leasú dá réir.

(20)

Féadfar tuilleadh nuashonruithe nó ceartúchán a dhéanamh fós i ndiaidh earráidí, easnaimh nó míthuairisciú a bhrath, i gcás cleachtaí reatha nó cleachtaí roimhe seo, sna figiúirí gabhála arna ndearbhú ag na Ballstáit de bhun Airteagal 33 de Rialachán (CE) Uimh. 1224/2009,