(1)

An 28 Bealtaine 2025, tríd an Rialachán bunaidh, d’fhorchuir an Coimisiún dleacht frithdhumpála chinntitheach ar allmhairí táirgí cothromrollta d’iarann nó de chruach neamh-chóimhiotail, iad plátáilte nó brataithe le stán (‘táirgí stánphlátáilte’) de thionscnamh Dhaon-Phoblacht na Síne (‘an táirge lena mbaineann’).

(2)

San imscrúdú arb é an Rialachán bunaidh (‘an t-imscrúdú bunaidh’) ba thoradh air, cuireadh sampláil i bhfeidhm chun na táirgeoirí onnmhairiúcháin i nDaon-Phoblacht na Síne a imscrúdú i gcomhréir le hAirteagal 17 den bhun-Rialachán.

(3)

D’fhorchuir an Coimisiún dleachtrátaí frithdhumpála aonair idir 13,1 % agus 46,8 % ar allmhairí an táirge lena mbaineann i gcás na dtáirgeoirí onnmhairiúcháin sampláilte ó Dhaon-Phoblacht na Síne.

(4)

I gcás na dtáirgeoirí onnmhairiúcháin comhoibríocha nár áiríodh sa sampla, forchuireadh dleachtráta 24,6 % ar bhonn Airteagal 9(6) den bhun-Rialachán. Liostaítear na táirgeoirí onnmhairiúcháin comhoibríocha nár áiríodh sa sampla san Iarscríbhinn a ghabhann leis an Rialachán bunaidh.

(5)

Forchuireadh dleachtráta 62,3 % ar an leibhéal náisiúnta ar an táirge lena mbaineann ó chuideachtaí i nDaon-Phoblacht na Síne nár chomhoibrigh leis an imscrúdú.

(6)

Faoi Airteagal 3 den Rialachán bunaidh, is féidir Airteagal 1(2) den Rialachán sin a leasú tríd an dleachtráta is infheidhme maidir leis na cuideachtaí comhoibríocha nár áiríodh sa sampla a dheonú do tháirgeoir onnmhairiúcháin nua, is é sin an dleachtráta 24,6 %, i gcás inar leor an fhianaise a thugann an táirgeoir onnmhairiúcháin nua sin i nDaon-Phoblacht na Síne don Choimisiún maidir leis na nithe seo a leanas:

(7)

An 12 Lúnasa 2025, chuir an chuideachta Linqing Hengtai Metal Materials Co., Ltd (‘an t-iarratasóir’) iarraidh faoi bhráid an Choimisiúin go ndeonófaí stádas an táirgeora onnmhairiúcháin nua dó sa tslí go mbeadh sé faoi réir an dleachtráta is infheidhme maidir leis na cuideachtaí comhoibríocha sa tSín nár áiríodh sa sampla, agus é ag maíomh gur chomhlíon sé gach ceann de na trí choinníoll a leagtar amach in Airteagal 3 den Rialachán bunaidh (‘an iarraidh’).

(8)

Chun a chinneadh ar chomhlíon an t-iarratasóir na coinníollacha chun go ndeonófaí stádas an táirgeora onnmhairiúcháin nua dó (‘coinníollacha maidir le stádas an táirgeora onnmhairiúcháin nua’), chuir an Coimisiún ceistneoir chuig an iarratasóir. I gcomhthráth, chuir an Coimisiún tionscal an Aontais ar an eolas faoin iarraidh ón iarratasóir agus d’iarr sé air barúlacha a thabhairt.

(9)

An 4 Samhain 2025, chuir tionscal an Aontais, agus Eurofer ag gníomhú thar a cheann, na barúlacha seo a leanas isteach maidir le comhlíontacht an iarratasóra le coinníollacha NEPT, agus d’áitigh sé:

(10)

An 18 Samhain 2025, thug an t-iarratasóir freagra ar na barúlacha sin agus chuir sé an méid seo a leanas in iúl:

(11)

Tar éis anailís a dhéanamh ar an bhfreagra a thug an t-iarratasóir ar an gceistneoir, d’iarr an Coimisiún tuilleadh faisnéise agus fianaise tacaíochta, rud a chuir an t-iarratasóir faoina bhráid.

(12)

Rinne an Coimisiún cros-seiceáil chianda leis an iarratasóir i mí Feabhra 2026 inar fhéach an Coimisiún leis an bhfaisnéis uile a mheas sé a bheith riachtanach a fhíorú chun a chinneadh ar chomhlíon an t-iarratasóir na coinníollacha maidir le stádas an táirgeora onnmhairiúcháin nua.

(13)

I ndáil leis an gcéad choinníoll maidir le stádas an táirgeora onnmhairiúcháin nua, shuigh an Coimisiún nár onnmhairigh an t-iarratasóir an táirge lena mbaineann chuig an Aontas le linn na tréimhse imscrúdúcháin bunaidh. Chinn an Coimisiún gur thosaigh an t-iarratasóir ag táirgeadh táirgí stánphlátáilte i mí Eanáir 2024, 3 mhí roimh dheireadh na tréimhse imscrúdúcháin bunaidh.

(14)

Rinne an Coimisiún na hidirbhearta onnmhairiúcháin uile a rinne an t-iarratasóir a fhíorú le linn na tréimhse imscrúdúcháin bunaidh agus níor aimsigh sé aon fhianaise i leith onnmhairí an táirge lena mbaineann chuig an Aontas.

(15)

I ndáil leis an dara coinníoll maidir le stádas an táirgeora onnmhairiúcháin nua, shuigh an Coimisiún nach bhfuil an t-iarratasóir comhlachaithe le haon cheann de na táirgeoirí onnmhairiúcháin i nDaon-Phoblacht na Síne atá faoi réir na mbeart frithdhumpála arna bhforchur leis an Rialachán bunaidh.

(16)

Sheiceáil an Coimisiún úinéireacht an iarratasóra freisin agus dheimhnigh sé nach raibh bunús le líomhain Eurofer a bhfuil achoimre uirthi in aithris 9(c).

(17)

I ndáil leis an tríú coinníoll maidir le stádas an táirgeora onnmhairiúcháin nua, shuigh an Coimisiún gur onnmhairigh an t-iarratasóir an táirge lena mbaineann chuig an Aontas ó mhí Dheireadh Fómhair 2025, mar atá tar éis na tréimhse imscrúdúcháin bunaidh.

(18)

Chuir an t-iarratasóir doiciméid tacaíochta ar fáil chun táirgeacht an táirge stánphlátáilte agus a onnmhairiú chuig an Aontas ag deireadh 2025 a léiriú. Chuir an t-iarratasóir doiciméadacht ar fáil freisin chun a thaispeáint go ndearnadh an dleacht frithdhumpála iomchuí a ghearradh agus a íoc. D’fhíoraigh an Coimisiún na doiciméid sin agus tháinig sé ar an gconclúid gur chomhlíon an t-iarratasóir an tríú coinníoll maidir le stádas an táirgeora onnmhairiúcháin nua.

(19)

Ar bhonn a bhfuil thuas, ba é conclúid an Choimisiún é gur chomhlíon an t-iarratasóir gach ceann de na trí choinníoll chun go ndeonófaí stádas an táirgeora onnmhairiúcháin dó agus gur cheart glacadh leis an iarraidh dá bhrí sin. Dá réir sin, ba cheart an t-iarratasóir a bheith faoi réir dleacht frithdhumpála 24,6 % le haghaidh cuideachtaí comhoibríocha nár áiríodh i sampla an imscrúdaithe bunaidh.

(20)

Ba cheart an Rialachán bunaidh a leasú dá réir sin.

(21)

An 23 Feabhra 2026, cuireadh an t-iarratasóir agus tionscal an Aontais ar an eolas faoi na bunfhíorais agus na bunbhreithnithe ar ar a mbonn a measadh gur iomchuí an dleachtráta frithdhumpála is infheidhme maidir leis na cuideachtaí comhoibríocha nár áiríodh i sampla an imscrúdaithe bunaidh a dheonú don iarratasóir.

(22)

Tugadh an deis do na páirtithe leasmhara uile barúlacha a chur isteach.

(23)

Ní bhfuarthas aon bharúil.

(24)

Tá na bearta dá bhforáiltear sa Rialachán seo i gcomhréir le tuairim an Choiste a bunaíodh le hAirteagal 15(1) de Rialachán (AE) 2016/1036,