Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2026/837 |
16.4.2026 |
CINNEADH CUR CHUN FEIDHME (AE) 2026/837 ÓN gCOIMISIÚN
an 15 Aibreán 2026
lena leasaítear na hIarscríbhinní a ghabhann le Cinneadh Cur Chun Feidhme (AE) 2021/260 a mhéid a bhaineann le formheas beart náisiúnta áirithe arna gceapadh chun an tionchar a bhíonn ag galair áirithe ainmhithe uisceacha a theorannú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (1), agus go háirithe Airteagal 226(3) de,
De bharr an mhéid seo a leanas:
|
(1) |
Le Cinneadh Cur Chun Feidhme (AE) 2021/260 ón gCoimisiún (2) bunaítear, in Iarscríbhinní I agus II a ghabhann leis, liostaí na mBallstát nó na gcodanna díobh a mheastar a bheith saor ó ghalair áirithe ainmhithe uisceacha, ar galair iad nach liostaítear faoi Airteagal 9(1), pointe (d) de Rialachán (AE) 2016/429, nó atá faoi réir clár díothaithe maidir leis na galair sin, agus a bhformheastar bearta náisiúnta ina leith. |
|
(2) |
Tá fógra tugtha don Choimisiún ag an Danmhairg faoi dheighleog 106314, atá laistigh dá críoch agus a liostaítear in Iarscríbhinn I a ghabhann le Cinneadh Cur Chun Feidhme (AE) 2021/260, nach féidir a mheas a thuilleadh go bhfuil sí saor ó ghalar baictéarach duáin (BKD). Thairis sin, tá fógra tugtha don Choimisiún ag an Danmhairg faoi dheighleoga 84470 agus 103910, atá laistigh dá críoch agus a liostaítear in Iarscríbhinn I a ghabhann le Cinneadh Cur Chun Feidhme (AE) 2021/260, nach féidir a mheas a thuilleadh go bhfuil siad saor ó neacróis phaincréasach thógálach. Ní dhéanfaidh an t-údarás inniúil bearta náisiúnta a thuilleadh chun tabhairt isteach na ngalar sin a chosc ná chun a leathadh a rialú sna deighleoga sin. Dá bhrí sin, ba cheart na deighleoga sin a bhaint den liosta in Iarscríbhinn I a ghabhann le Cinneadh Cur Chun Feidhme (AE) 2021/260. |
|
(3) |
Thug an Danmhairg fógra don Choimisiún freisin go bhfuil an clár díothaithe le haghaidh galair áirithe, dá dtagraítear in Iarscríbhinn II a ghabhann le Cinneadh Cur Chun Feidhme (AE) 2021/260, curtha i gcrích go rathúil a mhéid a bhaineann le BKD i gcás dheighleog 103606 atá laistigh dá críoch agus a liostaítear san Iarscríbhinn sin. Dá bhrí sin, is féidir a mheas go bhfuil an deighleog sin saor ó BKD agus ba cheart í a bhaint den liosta san Iarscríbhinn sin. Ina ionad sin, ba cheart í a chur isteach i liosta na ndeighleog a mheastar a bheith saor ó BKD in Iarscríbhinn I a ghabhann leis an gCinneadh Cur Chun Feidhme sin. |
|
(4) |
Ina theannta sin, tá fógra tugtha don Choimisiún ag an Danmhairg go bhfuil tús curtha aici le clár díothaithe le haghaidh BKD i gcás dheighleog 103670 laistigh dá críoch. Dá bhrí sin, ba cheart an deighleog sin a chur le liosta na ndeighleog atá faoi réir clár díothaithe maidir le BKD in Iarscríbhinn II a ghabhann le Cinneadh Cur Chun Feidhme (AE) 2021/260. |
|
(5) |
Dá bhrí sin, ba cheart Iarscríbhinní I agus II a ghabhann le Cinneadh Cur Chun Feidhme (AE) 2021/260 a leasú dá réir sin. |
|
(6) |
Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN CINNEADH SEO A GHLACADH:
Airteagal 1
Leasaítear Iarscríbhinní I agus II a ghabhann le Cinneadh Cur Chun Feidhme (AE) 2021/260 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 15 Aibreán 2026.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1, ELI: http://data.europa.eu/eli/reg/2016/429/oj.
(2) Cinneadh Cur Chun Feidhme (AE) 2021/260 ón gCoimisiún an 11 Feabhra 2021 lena bhformheastar bearta náisiúnta arna gceapadh chun an tionchar a bhíonn ag galair áirithe ainmhithe uisceacha a theorannú i gcomhréir le hAirteagal 226(3) de Rialachán (AE) 2016/429 ó Pharlaimint na hEorpa agus ón gComhairle agus lena n-aisghairtear Cinneadh 2010/221/AE ón gCoimisiún (IO L 59, 19.2.2021, lch. 1, ELI: http://data.europa.eu/eli/dec_impl/2021/260/oj).
IARSCRÍBHINN
Leasaítear na hIarscríbhinní a ghabhann le Cinneadh Cur Chun Feidhme (AE) 2021/260 mar a leanas:
|
(1) |
leasaítear Iarscríbhinn I mar a leanas:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
in Iarscríbhinn II, cuirtear an méid seo a leanas in ionad na hiontrála a bhaineann leis an Danmhairg a mhéid a bhaineann le galar baictéarach duáin (BKD):
|
|||||||||||||
ELI: http://data.europa.eu/eli/dec_impl/2026/837/oj
ISSN 1977-0839 (electronic edition)