RIALACHÁN CUR CHUN FEIDHME (AE) 2026/819 ÓN gCOIMISIÚN

an 1 Aibreán 2026

lena leasaítear den 355ú huair Rialachán (CE) Uimh. 881/2002 ón gComhairle lena bhforchuirtear bearta sriantacha sonracha áirithe atá dírithe ar dhaoine agus eintitis áirithe atá bainteach leis na heagraíochtaí SIIL (Da’esh) agus Al-Qaida

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 881/2002 ón gComhairle an 27 Bealtaine 2002 lena bhforchuirtear bearta sriantacha sonracha áirithe atá dírithe ar dhaoine agus eintitis áirithe atá bainteach leis na heagraíochtaí SIIL (Da’esh) agus Al-Qaida (1), agus go háirithe Airteagal 7(1)(a) agus Airteagal 7a(1) de,

De bharr an mhéid seo a leanas:

(1)	Le hIarscríbhinn I a ghabhann le Rialachán (CE) Uimh. 881/2002 liostaítear na daoine, na grúpaí agus na heintitis a chumhdaítear leis an reo cistí agus acmhainní eacnamaíocha faoin Rialachán sin.

(2)

An 26 Márta 2026, chinn Coiste Smachtbhannaí Chomhairle Slándála na Náisiún Aontaithe a bunaíodh de bhun Rúin 1267(1999), 1989(2011) agus 2253(2015) ó Chomhairle Slándála na Náisiún Aontaithe, leasú a dhéanamh ar dhá iontráil i liosta na ndaoine, na ngrúpaí agus na n-eintiteas ar cheart feidhm a bheith ag an reo cistí agus acmhainní eacnamaíocha maidir leo.

(3)	Ba cheart, dá bhrí sin, Iarscríbhinn I a ghabhann le Rialachán (CE) Uimh. 881/2002 a leasú dá réir sin,

(4)	Chun a áirithiú go mbeidh na bearta dá bhforáiltear sa Rialachán seo éifeachtach, ba cheart é a theacht i bhfeidhm láithreach,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn I a ghabhann le Rialachán (CE) Uimh. 881/2002 i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit uile.

Arna dhéanamh sa Bhruiséil, an 1 Aibreán 2026.

Thar ceann an Choimisiúin,

Thar ceann an Uachtaráin,

An tArd-Stiúrthóir,

An Ard-Stiúrthóireacht um Chobhsaíocht Airgeadais, Seirbhísí Airgeadais agus Aontas na Margaí Caipitil

(1) IO L 139, 29.5.2002, lch. 9, ELI: http://data.europa.eu/eli/reg/2002/881/oj.

IARSCRÍBHINN

In Iarscríbhinn I a ghabhann le Rialachán (CE) Uimh. 881/2002, faoin gceannteideal ‘Daoine nádúrtha’, cuirtear isteach an iontráil seo a leanas:

‘Abd El Hamid Salim Ibrahim Brukan al-Khatouni (an bunchló: عبد الحميد سالم إبراهيم بروكان الخاتوني) (ailias dea-cháilíochta: Abu Omar Al Sarraf). Dáta breithe: 1.9.1970 Áit bhreithe: an Iaráic. Náisiúntacht: an Iaráic. An seoladh: an Iaráic. Faisnéis eile: (a) Bhí sé ina cheannaire sinsearach in SIIL (Da’esh) agus é ina oifigeach bainistíochta airgeadais dó. (b) Ainm na máthar: Khadija Hattab Ismail; (c) Inscne: Fireann. Dáta an ainmniúcháin dá dtagraítear in Airteagal 7d(2)(i): 26.3.2026.’

‘Sami Jasim Muhammad Jaata Al-Jaburi (an bunchló: ﺳﺎﻣﻲ ﺟﺎﺳم ﻣﺣﻣد ﺟﻌﺎطﺔ اﻟﺟﺑوري) (ailias dea-cháilíochta: (a) Mustafa Adnan al-Aziz (an bunchló: ﻣﺻطﻔﻰ ﻋدﻧﺎن اﻟﻌزﯾز) (Cárta aitheantais náisiúnta uimh. 9080002892, arna eisiúint ag Poblacht Arabach na Siria; ainm na máthar Dahiyah al-Mulhim; Dáta breithe: 1.1.1973; Áit bhreithe: Albu Kamal, an tSiria); (b) Mustafa Adnan al-Azeez (Cárta Cónaithe na Tuirce uimh. 4118 arna eisiúint 15.1.2019); ainm bréige lag: (a) Sami al-Ajuz; (b) Hajji Hamid. Dáta breithe: 1.7.1974. Áit bhreithe: an Iaráic. Náisiúntacht: an Iaráic. An seoladh: an Iaráic. Faisnéis eile: Eolas eile: (a) Ghlac sé iliomad ról laistigh de SIIL (Da’esh), lena n-áirítear maoirseacht a dhéanamh ar airgeadas, gnóthaí ábhartha agus foinsí ioncaim SIIL. Bhí sé ina chomhalta freisin den Choiste Tarmligthe, mar a ghairtear de, arb é comhlacht cinnteoireachta SIIL (Da’esh). Bhí sé rannpháirteach freisin i roinnt oibríochtaí sceimhlitheoireachta éagsúla in aghaidh na bhfórsaí slándála nuair a bhí críoch á rialú ag SIIL agus bhí sé bainteach le díorthaigh ola a smuigleáil; (b) Ainm na máthar: A’ishah Hasan; (c) Inscne: Fireann; (d) Tuairisc ar an gcuma fhisiceach: dath na súl: dubh; dath gruaige: dubh. Dáta an ainmniúcháin dá dtagraítear in Airteagal 7d(2)(i): 26.3.2026.’