(1)

Bunaíodh creat réitigh an Aontais le haghaidh institiúidí creidmheasa agus gnólachtaí infheistíochta (‘institiúidí’) tar éis na géarchéime airgeadais domhanda 2008-2009 agus de dhroim doiciméad a d’fhoilsigh an Bord um Chobhsaíocht Airgeadais den chéad uair i mí Dheireadh Fómhair 2011 dar teideal Key Attributes of Effective Resolution Regimes for Financial Institutions [Príomhthréithe Córas Éifeachtach Imréitigh d’Institiúidí Airgeadais]. Is é atá i gcreat réitigh an Aontais Treoir 2014/59/AE ó Pharlaimint na hEorpa agus ón gComhairle (4) agus Rialachán (AE) Uimh. 806/2014 ó Pharlaimint na hEorpa agus ón gComhairle (5). Tá feidhm ag an dá ghníomh reachtacha maidir le hinstitiúidí agus maidir le heintitis eile a thagann faoi raon feidhme na Treorach sin nó an Rialacháin sin (‘eintitis’). Is é is aidhm do chreat réitigh an Aontais déileáil ar bhealach ordúil le teipeanna institiúidí agus eintiteas trína bhfeidhmeanna criticiúla a chaomhnú agus trí bhagairtí ar chobhsaíocht airgeadais a sheachaint, agus trí thaisceoirí agus cistí poiblí a chosaint san am céanna. Ina theannta sin, tá sé beartaithe le creat réitigh an Aontais forbairt an mhargaidh inmheánaigh sa bhaincéireacht a chothú trí chóras comhchuibhithe a chruthú chun aghaidh a thabhairt ar ghéarchéimeanna trasteorann ar bhealach comhordaithe agus trí shaincheisteanna maidir le saobhadh na hiomaíochta agus rioscaí na córa neamh-chomhionainne a sheachaint.

(2)

Roinnt blianta tar éis é a chur chun feidhme, níl cuid de na cuspóirí sin á mbaint amach mar a bhí beartaithe le creat réitigh an Aontais. Go háirithe, cé go bhfuil dul chun cinn suntasach déanta ag institiúidí agus ag eintitis i dtreo inréiteachta agus go bhfuil acmhainní suntasacha tiomnaithe acu chuige sin, go háirithe tríd an gcumas ionsúcháin caillteanais agus athchaipitliúcháin a mhéadú agus trí shocruithe um maoiniú réitigh a threisiú, is annamh a bhaintear leas as creat réitigh an Aontais. Ina ionad sin, is amhlaidh a thugtar aghaidh ar theipeanna institiúidí agus eintiteas beag agus meánmhéide áirithe trí bhearta náisiúnta neamh-chomhchuibhithe den chuid is mó. Is airgead cáiníocóirí a úsáidtear fós seachas líontáin sábhála arna gcistiú ag an tionscal, amhail socruithe um maoiniú réitigh. Is cosúil go n-eascraíonn an staid sin as dreasachtaí neamhleora. Eascraíonn na dreasachtaí neamhleora sin as an idirghníomhú idir creat réitigh an Aontais agus na rialacha náisiúnta, rud a fhágann nach ndéantar lánrogha leathan údarás réitigh agus an measúnú ar leas an phobail á chur i gcrích a fheidhmiú i gcónaí ar bhealach lena léirítear an chaoi a raibh sé beartaithe feidhm a bheith ag creat réitigh an Aontais. San am céanna, is beag úsáid a baineadh as creat réitigh an Aontais mar gheall ar an riosca do thaisceoirí institiúidí arna gcistiú ó thaiscí caillteanais a bheith á n-iompar acu chun a áirithiú gur féidir leis na hinstitiúidí sin rochtain a fháil ar chistiú seachtrach i gcás réitigh, go háirithe in éagmais dliteanais eile ar féidir tarrtháil inmheánach a thabhairt orthu. Ar deireadh, ós rud é nach bhfuil na rialacha maidir le rochtain ar chistiú i gcás nach bhfuil faoi réiteach chomh dian céanna leis na rialacha i gcás réitigh, tá claonadh ann leas a bhaint as réitigh eile de rogha ar chreat réitigh an Aontais a chur i bhfeidhm, réitigh ina n-úsáidtear airgead cáiníocóirí go minic in ionad acmhainní dílse de chuid institiúidí nó eintiteas nó líontán sábhála arna gcistiú ag an tionscal a úsáid. Cruthaíonn an staid sin rioscaí ilroinnte, rioscaí maidir le torthaí fo-optamacha i ndáil le teipeanna institiúidí agus eintiteas a bhainistiú, go háirithe i gcás institiúidí agus eintitis bheaga agus mheánmhéide, agus deischostais ó acmhainní airgeadais nár úsáideadh. Is gá, dá bhrí sin, a áirithiú go gcuirfear i bhfeidhm ar bhealach níos éifeachtaí agus níos comhleanúnaí creat réitigh an Aontais agus gur féidir é a chur i bhfeidhm aon uair a bheidh sé chun leasa an phobail déanamh amhlaidh, lena n-áirítear i gcás institiúidí beaga agus meánmhéide áirithe a chistítear go príomha trí thaiscí agus nach bhfuil dliteanais leordhóthanacha eile acu ar féidir tarrtháil inmheánach a thabhairt orthu.

(3)

Ceann de na príomhchuspóirí a bhaineann le hathbhreithniú a dhéanamh ar Threoir 2014/59/AE is ea airgead na gcáiníocóirí a chosaint ar bhealach níos fearr trína áirithiú gur féidir an creat réitigh a chur i bhfeidhm nuair is gá. Le tabhairt isteach creat athbhreithnithe, ba cheart laghdú suntasach a dhéanamh ar an úsáid a bhaintear as airgead na gcáiníocóirí chun a áirithiú go mbainfear úsáid níos minice agus níos éifeachtaí as líontáin sábhála arna gcistiú ag an tionscal, lena n-áirítear socruithe um maoiniú réitigh.

(4)

Athraíonn déine agus leibhéal mionsonraithe na hoibre pleanála réitigh is gá maidir le fochuideachtaí nár sainaithníodh mar eintitis réitigh ag brath ar mhéid na n-institiúidí agus na n-eintiteas lena mbaineann, ar a bpróifíl riosca, ar a ról i soláthar feidhmeanna criticiúla, ar a bpríomhlínte gnó, ar a dtábhacht do leanúnachas oibríochtúil an ghrúpa tar éis réitigh agus an straitéis réitigh grúpa, agus ar thábhacht na fochuideachta sa Bhallstát ina bhfuil sí bunaithe, lena n-áirítear an tábhacht shistéamach a d’fhéadfadh a bheith aici agus an tionchar a d’fhéadfadh a bheith aici ar na hacmhainní airgeadais atá ar fáil don scéim ráthaithe taiscí (SRT) i gcás foirceannadh faoi ghnáthimeachtaí dócmhainneachta. Dá bhrí sin, ba cheart d’údaráis réitigh a bheith in ann na tosca sin a bhreithniú agus na bearta atá le déanamh i leith na bhfochuideachtaí sin á sainaithint acu agus cur chuige comhréireach a leanúint i gcás inarb iomchuí.

(5)

Maidir le hinstitiúidí nó eintitis atá á bhfoirceannadh faoin dlí náisiúnta, tar éis cinneadh a dhéanamh go bhfuil siad i mbéal teipthe nó ar dóigh dóibh teip agus tar éis don údarás réitigh cinneadh a dhéanamh nach rachaidh sé chun leasa an phobail iad a réiteach, beidh siad ag imeacht ón margadh sa deireadh. Sna cásanna sin, níl plean chun an institiúid nó an t-eintiteas sin a réiteach de dhíth a thuilleadh, is cuma ar tharraing an t-údarás inniúil údarú na hinstitiúide nó an eintitis sin siar cheana. Is amhlaidh atá maidir le hinstitiúid iarmharach faoi réiteach tar éis aistriú sócmhainní, ceart, agus dliteanas i gcomhthéacs straitéise aistrithe. Is iomchuí a shonrú, dá bhrí sin, nach gá pleananna réitigh a ghlacadh sna cásanna sin.

(6)

Ba cheart an nós imeachta maidir le faisnéis a bheith á tíolacadh, ag eintitis atá mar chuid de ghrúpa, d’údaráis réitigh chun pleananna réitigh a ullmhú, a ailíniú leis an nós imeachta a leagtar amach i dTreoir 2014/59/AE maidir le faisnéis a thíolacadh chun faireachán a dhéanamh ar an íoscheanglas le haghaidh cistí dílse agus dliteanais incháilithe (ICDI) chun costais agus castacht nach bhfuil gá leo a sheachaint.

(7)

Faoi láthair, is féidir le húdaráis réitigh a chinneadh toirmeasc a chur ar dháileacháin áirithe i gcás nach gcomhlíonann institiúid nó eintiteas, bíodh sé ina eintiteas réitigh nó ná bíodh, an ceanglas maoláin chomhcheangailte nuair a mheastar sin sa bhreis ar ICDI. Mar sin féin, i gcásanna áirithe, d’fhéadfaí a cheangal ar institiúid nó ar eintiteas ICDI a chomhlíonadh ar bhonn atá éagsúil leis an mbonn ar a gceanglaítear ar an institiúid nó ar an eintiteas sin an ceanglas maoláin chomhcheangailte a chomhlíonadh. Cruthaíonn an staid sin éiginnteachtaí maidir leis na coinníollacha faoina bhfeidhmeofar cumhachtaí údarás réitigh chun dáileacháin a thoirmeasc agus maidir leis an Uasmhéid Indáilte a bhaineann le ICDI a ríomh. Dá bhrí sin, ba cheart a leagan síos gur cheart d’údaráis réitigh, sna cásanna sin, an chumhacht a fheidhmiú chun dáileacháin áirithe a thoirmeasc ar bhonn an cheanglais maoláin chomhcheangailte mheasta a eascraíonn as an modheolaíocht a leagtar amach sa ghníomh tarmligthe arna ghlacadh de bhun Airteagal 45c(4) de Threoir 2014/59/AE. Chun trédhearcacht agus deimhneacht dhlíthiúil a áirithiú, ba cheart d’údaráis réitigh an ceanglas maoláin chomhcheangailte measta a chur in iúl don institiúid nó don eintiteas, agus ba cheart don institiúid nó don eintiteas sin an ceanglas maoláin chomhcheangailte measta sin a chur ar fáil don phobal ansin.

(8)

Tugadh bearta luath-idirghabhála isteach chun go mbeadh na húdaráis inniúla in ann an meath ar staid airgeadais agus eacnamaíoch institiúide nó eintitis a leigheas agus an riosca agus an tionchar a bheadh ag réiteach féideartha a laghdú a mhéid is féidir. Mar sin féin, mar gheall ar easpa cinnteachta maidir leis na truicir chun na bearta luath-idirghabhála sin a chur i bhfeidhm agus forluí páirteach le bearta maoirseachta, is annamh a úsáideadh bearta luath-idirghabhála. Ba cheart, dá bhrí sin, na coinníollacha maidir le cur i bhfeidhm na mbeart luath-idirghabhála sin a shimpliú agus a shonrú tuilleadh. Chun deireadh a chur le héiginnteachtaí maidir leis na coinníollacha agus leis an uainiú chun comhlacht bainistíochta institiúide nó eintitis a bhaint agus riarthóirí sealadacha a cheapadh, ba cheart na bearta sin a shainaithint go sainráite mar bhearta luath-idirghabhála agus ba cheart a gcur i bhfeidhm a bheith faoi réir na dtruicear céanna. Faoi choinníollacha sonracha, d’fhéadfaí gur réiteach costéifeachtach é gníomhaíochtaí a fhoirceannadh de réir a chéile, rud a ligfeadh d’institiúid nó d’eintiteas ag a bhfuil samhail ghnó lag imeacht as an margadh agus, ar an gcaoi sin, meath fadtréimhseach a sheachaint a mbeadh cliseadh na hinstitiúide nó an eintitis mar thoradh air. Ba cheart an chumhacht luath-idirghabhála a bheith ag na húdaráis inniúla a iarraidh go gcuirfí plean isteach a bheadh le cur chun feidhme i gcás foirceannadh deonach gníomhaíochtaí institiúide nó eintitis, agus ag an am céanna an cinneadh maidir le cur chun feidhme an phlean sin a fhágáil faoin institiúid nó faoin eintiteas lena mbaineann. Agus cumhachtaí luath-idirghabhála á gcur i bhfeidhm, ba cheart a cheangal ar údaráis inniúla na bearta iomchuí a roghnú chun aghaidh a thabhairt ar chás sonrach i gcomhréir le prionsabal na comhréireachta. Chun go mbeidh na húdaráis inniúla in ann rioscaí clú nó rioscaí a bhaineann le sciúradh airgid nó teicneolaíocht faisnéise agus cumarsáide a chur san áireamh, ba cheart do na húdaráis inniúla measúnú a dhéanamh ar na coinníollacha chun bearta luath-idirghabhála a chur i bhfeidhm, ní hamháin ar bhonn táscairí cainníochtúla, mar shampla ceanglais chaipitil nó leachtachta, leibhéal giarála, iasachtaí neamhthuillmheacha nó comhchruinniú neamhchosaintí, ach freisin ar bhonn truicir cháilíochtúla. Leis an bpróiseas cinnteoireachta i ndáil le bearta luath-idirghabhála, ba cheart a bheith in ann iad a bhreithniú go pras agus, más iomchuí, iad a chur i bhfeidhm, chun nach n-éireoidh staid na hinstitiúide nó an eintitis níos measa.

(9)

Chun deimhneacht dhlíthiúil a fheabhsú, ba cheart deireadh a chur leis na bearta luath-idirghabhála a leagtar síos i dTreoir 2014/59/AE a fhorluíonn leis na cumhachtaí atá ann cheana faoin gcreat stuamachta a leagtar síos i dTreoracha 2013/36/AE (6) agus (AE) 2019/2034 (7) ó Pharlaimint na hEorpa agus ón gComhairle. Ina theannta sin, is gá a áirithiú go mbeidh údaráis réitigh in ann ullmhú le haghaidh réiteach féideartha institiúide nó eintitis. Dá bhrí sin, ba cheart don údarás inniúil na húdaráis réitigh a chur ar an eolas sách luath faoin meath ar staid institiúide nó eintitis, agus ba cheart na cumhachtaí is gá a bheith ag na húdaráis réitigh chun bearta ullmhúcháin a chur chun feidhme. Rud atá tábhachtach, chun go mbeidh na húdaráis réitigh in ann freagairt chomh tapa agus is féidir don mheath ar staid institiúide nó eintitis, níor cheart cur i bhfeidhm roimh ré na mbeart luath-idirghabhála a bheith ina choinníoll chun go ndéanfaidh an t-údarás réitigh socruithe maidir le margú na hinstitiúide nó an eintitis nó maidir le faisnéis a iarraidh chun an plean réitigh a thabhairt cothrom le dáta agus an luacháil a ullmhú. Agus institiúid ar comhalta í de scéim cosanta institiúideach (SCI) á margú, ba cheart don údarás réitigh breithniú a dhéanamh ar bhearta a d’fhéadfadh SCI a dhéanamh roimh an réiteach chun an riosca ábhartha go gclisfeadh ar an institiúid nó gur dócha go gclisfeadh uirthi a sheachaint. Chun freagairt chomhsheasmhach chomhordaithe éifeachtach thráthúil a áirithiú ar an meath ar staid institiúide nó eintitis agus chun ullmhú i gceart do réiteach féideartha, is gá feabhas a chur ar an idirghníomhaíocht agus ar an gcomhordú idir na húdaráis inniúla agus na húdaráis réitigh. A luaithe a chomhlíonann institiúid nó eintiteas na coinníollacha chun bearta luath-idirghabhála a chur i bhfeidhm, ba cheart do na húdaráis inniúla agus d’údaráis réitigh a malartuithe faisnéise a mhéadú, lena n-áirítear faisnéis shealadach, agus faireachán a dhéanamh go comhpháirteach ar staid na hinstitiúide nó an eintitis.

(10)

Is gá gníomhaíocht thráthúil agus luath-chomhordú a áirithiú idir an t-údarás inniúil agus an t-údarás réitigh nuair is gnóthas leantach fós é institiúid nó eintiteas ach go bhfuil riosca ábhartha ann go dteipfidh an institiúid nó an t-eintiteas sin. Dá bhrí sin, ba cheart don údarás inniúil fógra a thabhairt don údarás réitigh a luaithe is féidir faoi riosca den sórt sin. Ba cheart na cúiseanna atá le measúnú an údaráis inniúil a bheith san fhógra sin, chomh maith le forléargas neamh-uileghabhálach ar bhearta malartacha ón earnáil phríobháideach, ar ghníomhaíocht mhaoirseachta nó ar na bearta luath-idirghabhála atá ar fáil chun teip na hinstitiúide nó an eintitis a chosc laistigh de thréimhse ama réasúnta. Ní dhéanann an luathfhógra sin difear d’aon bhearta malartacha ón earnáil phríobháideach, lena n-áirítear bearta ó SCI, lena gcuirfí cosc ar chliseadh nó ar chliseadh dóchúil na hinstitiúide nó an eintitis laistigh de thréimhse ama réasúnta nó lena ndéanfaí dochar do na nósanna imeachta chun a chinneadh an bhfuil na coinníollacha maidir le réiteach á gcomhlíonadh. An réamhfhógra a thabharfaidh údarás inniúil don údarás réitigh maidir le riosca ábhartha go bhfuil institiúid nó eintiteas i mbéal teipthe nó gur dóigh di nó dó teip nó maidir le deireadh na tréimhse ama a sonraíodh chun na bearta a chur chun feidhme chun aghaidh a thabhairt ar an riosca ábhartha sin, níor cheart é sin a bheith ina choinníoll le haghaidh cinnidh a dhéanfar ina dhiaidh sin go bhfuil institiúid nó eintiteas i mbéal teipthe nó gur dóigh di nó dó teip ná níor cheart an méid sin a thuiscint leis. Thairis sin, má mheastar ag céim níos déanaí go bhfuil an institiúid nó an t-eintiteas i mbéal teipthe nó gur dóigh dóibh teip agus nach bhfuil aon réiteach malartach ann chun an teip sin a chosc laistigh de thréimhse ama réasúnta, ní mór don údarás réitigh cinneadh a dhéanamh maidir le gníomhaíocht réitigh a dhéanamh. I gcás mar sin, is féidir le tráthúlacht an chinnidh gníomhaíocht réitigh a chur i bhfeidhm maidir leis an institiúid nó an eintiteas a bheith bunriachtanach chun an straitéis réitigh a chur chun feidhme go rathúil, go háirithe toisc gur féidir le hidirghabháil níos luaithe san institiúid nó san eintiteas rannchuidiú le leibhéil leordhóthanacha cumais ionsúcháin caillteanais agus leachtachta a áirithiú chun an straitéis sin a chur i bhfeidhm. Is iomchuí, dá bhrí sin, a chur ar a chumas an údaráis réitigh measúnú a dhéanamh, i ndlúthchomhar leis an údarás inniúil, ar cad is tréimhse ama réasúnta ann chun bearta malartacha a chur chun feidhme chun nach dteipfidh an institiúid nó an t-eintiteas. Chun toradh tráthúil a áirithiú agus chun go mbeidh an t-údarás réitigh in ann ullmhú go cuí do réiteach féideartha na hinstitiúide nó an eintitis, ba cheart don údarás réitigh agus don údarás inniúil cruinnithe a thionól go tráthrialta, agus ba cheart don údarás réitigh cinneadh a dhéanamh maidir le minicíocht na gcruinnithe sin, ag féachaint d’imthosca an cháis.

(11)

Tá sé i gceist leis an gcreat réitigh go bhféadfar é a chur i bhfeidhm maidir le haon institiúid nó eintiteas, gan beann ar a méid ná ar a samhail ghnó, mura leor na huirlisí atá ar fáil faoin dlí náisiúnta chun a teip nó a theip a bhainistiú. Mar sin féin, ní mór cuid de chuspóirí an chreata a shonrú tuilleadh chun comhchuibhiú a mhéadú agus chun cóineasú a chur chun cinn. Is é is aidhm don chuspóir réitigh maidir le leanúnachas feidhmeanna criticiúla a áirithiú cobhsaíocht airgeadais agus an fíorgheilleagar a chosaint. Is gá, dá bhrí sin, a áirithiú nach scoirfear d’fheidhmeanna criticiúla a chur ar fáil. Go háirithe, is gá a shoiléiriú, ag brath ar na himthosca sonracha, gur cheart do na húdaráis réitigh a bheith in ann teacht ar an gconclúid go meastar feidhmeanna áirithe institiúide nó eintitis a bheith criticiúil fiú dá gcuirfeadh a scor isteach ar chobhsaíocht airgeadais nó ar sheirbhísí atá fíor-riachtanach don fhíorgheilleagar ar an leibhéal réigiúnach amháin. A mhéid a bhaineann le taiscí a ghlacadh, tá na húdaráis réitigh le haird chuí a thabhairt ar an riosca go gcaillfeadh taisceoirí, a shealbhaíonn taiscí nach gcumhdaítear le Treoir 2014/49/AE ó Pharlaimint na hEorpa agus ón gComhairle, muinín (8). Ba cheart cistí poiblí a chosaint tríd an spleáchas ar thacaíocht airgeadais phoiblí urghnách a íoslaghdú, go háirithe nuair a sholáthraítear í ó bhuiséad Ballstáit. Tá taisceoirí a chumhdaítear le Treoir 2014/49/AE, infheisteoirí a chumhdaítear le Treoir 97/9/CE ó Pharlaimint na hEorpa agus ón gComhairle (9), cistí cliant agus sócmhainní cliant le cosaint freisin.

(12)

Le linn chéim na pleanála réitigh, agus cinneadh á dhéanamh ar cheart institiúid a shannadh lena réiteach, má bhíonn institiúid faoi réir oibleagáidí simplithe, ba cheart do na húdaráis réitigh, go ginearálta, é sin a bheith mar tháscaire acu nach chun leas an phobail é an institiúid a réiteach i gcás teipe. Os a choinne sin, ós rud é nach bhfuil institiúid faoi réir oibleagáidí simplithe, d’fhéadfaí a léiriú gur chun leas an phobail é í a réiteach i gcás teipe.

(13)

I gcásanna áirithe, d’fhéadfadh foirceannadh eintitis faoi ghnáthimeachtaí dócmhainneachta an chobhsaíocht airgeadais a chur i mbaol agus cur isteach ar sholáthar feidhmeanna criticiúla. D’fhéadfadh sé sin a bheith amhlaidh, mar shampla, i gcás gur dócha go mbeadh caillteanais ar sciar ábhartha taiscí nó deacrachtaí suntasacha maidir le leanúnachas rochtana ar thaiscí mar thoradh ar dhócmhainneacht, agus i gcás ina measann an t-údarás réitigh go bhféadfadh tionchar suntasach a bheith ag na caillteanais sin nó ag na deacrachtaí sin ar sholáthar feidhmeanna criticiúla, ar chobhsaíocht airgeadais trí thógálacht nó ar an bhfíorgheilleagar. Sna cásanna sin, is rídhócha gur chun leas an phobail a bheadh sé an institiúid nó an t-eintiteas a chur faoi réiteach seachas í nó é a fhoirceannadh faoi ghnáthimeachtaí dócmhainneachta. Sa mheasúnú i dtaobh an bhfuil réiteach institiúide nó eintitis chun leasa an phobail, ba cheart a léiriú freisin, a mhéid is féidir, an difríocht idir, ar thaobh amháin, cistiú arna sholáthar trí líontáin sábhála arna gcistiú ag an earnáil, eadhon na socruithe um maoiniú réitigh nó na SRTanna agus, ar an taobh eile, cistiú arna sholáthar ag na Ballstáit ó airgead cáiníocóirí. Tá riosca níos airde de bhaol morálta agus dreasacht níos ísle do smacht margaidh ag baint leis an gcistiú sin a chuireann na Ballstáit ar fáil. Dá bhrí sin, agus measúnú á dhéanamh ar an gcuspóir an spleáchas ar thacaíocht airgeadais phoiblí urghnách a íoslaghdú, ba cheart gurbh fhearr leis na húdaráis réitigh cistiú a fháil trí na socruithe um maoiniú réitigh nó trí SRTanna ná cistiú trí mhéid comhionann acmhainní ó bhuiséad na mBallstát.

(14)

Agus an measúnú ar leas an phobail á dhéanamh acu, ba cheart do na húdaráis réitigh measúnú a dhéanamh ar cé acu a bheadh nó nach mbeadh aon cheann de na cuspóirí réitigh i mbaol dá ndéanfaí an institiúid nó an t-eintiteas atá i mbéal teipthe a fhoirceannadh faoi ghnáthimeachtaí dócmhainneachta. Níor cheart a mheas go bhfuil gá le gníomhaíocht réitigh chun leas an phobail mura bhfuil aon cheann de na cuspóirí réitigh i mbaol dá ndéanfaí an institiúid nó an t-eintiteas a fhoirceannadh faoi ghnáthimeachtaí dócmhainneachta. Má mheasann an t-údarás réitigh go bhfuil cuspóir réitigh amháin ar a laghad i mbaol i gcás foirceannadh faoi ghnáthimeachtaí dócmhainneachta, níor cheart toradh an mheasúnaithe ar leas an phobail a bheith diúltach ach amháin i gcás ina mbainfí na cuspóirí réitigh amach le foirceannadh na hinstitiúide nó an eintitis atá i mbéal teipthe faoi ghnáthimeachtaí dócmhainneachta, ní hamháin a mhéid céanna le réiteach ach ar bhealach níos éifeachtaí.

(15)

Más rud é nach gcuirtear institiúid nó eintiteas atá i mbéal teipthe faoi réiteach, ba cheart é nó í a fhoirceannadh i gcomhréir leis na nósanna imeachta atá ar fáil faoin dlí náisiúnta. D’fhéadfadh na nósanna imeachta sin a bheith an-éagsúil ó Bhallstát amháin go Ballstát eile. Cé gurb iomchuí solúbthacht leordhóthanach a cheadú chun úsáid a bhaint as na nósanna imeachta náisiúnta atá ann cheana, ba cheart gnéithe áirithe a shoiléiriú chun a áirithiú go bhfágfaidh na hinstitiúidí nó na heintitis lena mbaineann an margadh.

(16)

Ba cheart a áirithiú go dtionscnóidh an t-údarás inniúil nó an t-údarás réitigh nós imeachta nó go n-iarrfaidh sé nós imeachta a thionscnamh faoin dlí náisiúnta chun institiúid nó eintiteas a fhoirceannadh a chinntear a bheith i mbéal teipthe nó gur dóigh di nó dó teip ach nach gcuirtear faoi réiteach. I gcás ina bhfuil foirceannadh deonach na hinstitiúide nó an eintitis ar chinneadh ó scairshealbhóirí ar fáil faoin dlí náisiúnta, ba cheart an rogha sin a bheith fós ar fáil agus ba cheart an chumhacht a thabhairt don údarás ábhartha a iarraidh go dtionscnófar an nós imeachta sin. Mar sin féin, ba cheart a áirithiú, in éagmais gníomhaíocht mhear ó na scairshealbhóirí, go ndéanfaidh an t-údarás náisiúnta ábhartha gníomhaíocht.

(17)

Ba cheart a leagan síos freisin gurb é toradh deiridh na nósanna imeachta foirceanta foirceannadh na ngníomhaíochtaí baincéireachta as a n-eascraíonn imeacht na hinstitiúide nó an eintitis atá i mbéal teipthe ón margadh. Ag brath ar an dlí náisiúnta a chuirtear i bhfeidhm, is féidir an toradh sin a bhaint amach ar bhealaí éagsúla. D’fhéadfaí a áireamh orthu sin díol na hinstitiúide nó an eintitis nó codanna di nó de, sócmhainní sonracha nó dliteanais shonracha a dhíol nó foirceannadh de réir a chéile, lena n-áirítear íocaíochtaí agus glacadh taiscí, d’fhonn a shócmhainní nó a sócmhainní a dhíol de réir a chéile chun na creidiúnaithe atá thíos leis a aisíoc. Chun gníomhaíochtaí baincéireachta a fhoirceannadh, d’fhéadfadh sé go mbeadh gá freisin, inter alia, le teorainn ar eisiúint dliteanas nua chun nach gcumhdófar ach na riachtanais athmhaoiniúcháin a eascraíonn as sócmhainní atá ann cheana a chumhdach, ionas nach gcuirfear síneadh le haibíocht na ndliteanas. Chun intuarthacht na nósanna imeachta a fheabhsú, ba cheart an toradh sin a bhaint amach laistigh de thréimhse ama réasúnta.

(18)

Ba cheart an chumhacht a thabhairt do na húdaráis inniúla údarú institiúide nó eintitis a tharraingt siar ar an mbonn go bhfuil an institiúid nó an t-eintiteas i mbéal teipthe nó gur dóigh di nó dó teip agus nach bhfuil sí nó sé curtha faoi réiteach. Ba cheart d’údaráis inniúla a bheith in ann an t-údarú a tharraingt siar chun tacú leis an gcuspóir an institiúid nó an t-eintiteas a fhoirceannadh i gcomhréir leis an dlí náisiúnta, go háirithe i gcásanna nach féidir na nósanna imeachta atá ar fáil faoin dlí náisiúnta a thionscnamh tráth a chinnfear go bhfuil an institiúid nó an t-eintiteas i mbéal teipthe nó gur dóigh di nó dó teip, lena n-áirítear na cásanna nach bhfuil an institiúid nó an t-eintiteas dócmhainneach i gclár comhardaithe go fóill. Chun a áirithiú freisin gur féidir an cuspóir a bhaint amach, is é sin an institiúid nó an t-eintiteas a fhoirceannadh, ba cheart do na Ballstáit a áirithiú go mbeidh an t-údarás inniúil in ann údarú a tharraingt siar freisin mar chuid de na coinníollacha a d’fhéadfadh a bheith ann chun ceann amháin ar a laghad de na nósanna imeachta atá ar fáil faoin dlí náisiúnta a thionscnamh agus go mbeidh feidhm ag an gcoinníoll sin maidir le hinstitiúidí nó eintitis atá i mbéal teipthe nó ar dóigh dóibh teip ach nach gcuirtear faoi réiteach iad.

(19)

I bhfianaise na taithí a fuarthas agus Rialachán (AE) Uimh. 806/2014 agus Treoracha 2014/49/AE agus 2014/59/AE á gcur chun feidhme, is gá na coinníollacha a shonrú tuilleadh faoinar féidir bearta de chineál réamhchúraim a cháilíonn mar thacaíocht airgeadais phoiblí urghnách a dheonú go heisceachtúil. Ba cheart a áirithiú go ndéanfar bearta réamhchúraim luath go leor. Ina theannta sin, maidir le bearta chun faoiseamh a sholáthar i leith sócmhainní bearnaithe, lena n-áirítear meáin bainistíochta sócmhainní nó scéimeanna ráthaíochta sócmhainní, is féidir leo a bheith éifeachtach agus éifeachtúil chun aghaidh a thabhairt ar chúiseanna anás airgeadais a d’fhéadfadh a bheith ann d’institiúidí agus d’eintitis agus chun a dteip a chosc agus, dá bhrí sin, d’fhéadfaidís a bheith ina mbearta réamhchúraim ábhartha. Ba cheart a shonrú, dá bhrí sin, go bhféadfadh bearta réamhchúraim a bheith i bhfoirm bearta sócmhainní bearnaithe.

(20)

Chun smacht margaidh a chaomhnú, cistí poiblí a chosaint agus saobhadh iomaíochta a sheachaint, ba cheart bearta réamhchúraim a fhágáil mar eisceacht agus níor cheart iad a chur i bhfeidhm ach amháin chun aghaidh a thabhairt ar chásanna ina bhfuil suaitheadh tromchúiseach sa mhargadh agus chun cobhsaíocht airgeadais a chaomhnú, go háirithe i gcás géarchéim shistéamach. Thairis sin, níor cheart bearta réamhchúraim a úsáid chun aghaidh a thabhairt ar chaillteanais thabhaithe nó ar chaillteanais is dóigh a thabhófar. Is é athbhreithniú ar cháilíocht sócmhainní arna dhéanamh ag an mBanc Ceannais Eorpach (BCE), ag an Údarás Maoirseachta Eorpach (an tÚdarás Baincéireachta Eorpach) (ÚBE) a bunaíodh le Rialachán (AE) Uimh. 1093/2010 ó Pharlaimint na hEorpa agus ón gComhairle (10) nó ag údaráis inniúla náisiúnta an ionstraim is iontaofa chun caillteanais thabhaithe nó caillteanais is dóigh a thabhófar a chainníochtú. Ba cheart d’údaráis inniúla an t-athbhreithniú sin nó, i gcás inarb iomchuí, cigireachtaí ar an láthair, a úsáid chun caillteanais thabhaithe nó caillteanais is dóigh a thabhófar a chainníochtú i gcás inar féidir an t-athbhreithniú sin nó na cigireachtaí sin a dhéanamh laistigh de thréimhse ama réasúnta. I gcás nach féidir é sin a dhéanamh, ba cheart do na húdaráis inniúla cainníochtú a dhéanamh ar na caillteanais a tabhaíodh nó ar dócha go dtabhófar iad ar an mbealach is iontaofa is féidir faoi na himthosca atá ann faoi láthair, i gcás inarb iomchuí ar bhonn chlár comhardaithe na hinstitiúide nó an eintitis, ar choinníoll go gcomhlíonann an clár comhardaithe na rialacha agus na caighdeáin chuntasaíochta is infheidhme, mar atá deimhnithe ag iniúchóir seachtrach neamhspleách é. Maidir leis an mbreithniú go bhfuil institiúid nó eintiteas sócmhainneach, chun críocha beart tacaíochta i bhfoirm athchaipitliú réamhchúraim agus ráthaíochtaí Stáit ar dhliteanais nua-eisithe, ba cheart é a bheith bunaithe ar mheasúnú réamhbhreathnaitheach i dtaobh an féidir leis an institiúid nó leis an eintiteas na ceanglais cistí dílse a leagtar síos i Rialachán (AE) Uimh. 575/2013 (11) nó i Rialachán (AE) 2019/2033 (12) ó Pharlaimint na hEorpa agus ón gComhairle, agus an ceanglas cistí dílse breise a leagtar síos i dTreoir 2013/36/AE nó i dTreoir (AE) 2019/2034, a chomhlíonadh.

(21)

Is é is aidhm d’athchaipitliú réamhchúraim tacaíocht a thabhairt d’institiúidí agus d’eintitis inmharthana a shainaithnítear gur dócha go mbeidh deacrachtaí sealadacha acu go luath amach anseo agus a áirithiú nach rachaidh a gcás níos measa. Ionas nach ndeonófar fóirdheontais phoiblí do ghnólachtaí atá neamhbhrabúsach cheana féin, níor cheart bearta réamhchúraim, i bhfoirm ionstraimí cistí dílse nó ionstraimí caipitil eile nó trí bhearta sócmhainní bearnaithe, a dheonú ar mó iad ná an méid is gá chun easnaimh chaipitil a chumhdach mar a sainaithníodh i gcás ina mbeadh toradh diúltach ar thástáil struis nó ar chleachtadh coibhéiseach. Chun a áirithiú go scoirfear den mhaoiniú poiblí ar deireadh, ba cheart na bearta réamhchúraim sin a theorannú ó thaobh ama de agus ba cheart amlíne shoiléir a bheith iontu chun iad a fhoirceannadh (‘straitéis chun imeacht ón mbeart tacaíochta’). Níor cheart ionstraimí suthaine, lena n-áirítear caipiteal Ghnáthchothromas Leibhéal 1, a úsáid ach amháin in imthosca eisceachtúla agus níor cheart iad a bheith faoi réir teorainneacha cainníochtúla áirithe toisc nach bhfuil siad oiriúnach, de bharr a gcineáil, chun an coinníoll go mbeidís de chineál sealadach a chomhlíonadh. Ba cheart d’údaráis inniúla plean feabhsúcháin aonuaire a iarraidh ar institiúidí agus ar eintitis nach gcomhlíonann téarmaí na straitéise chun imeacht ón mbeart tacaíochta. Chun a áirithiú go n-imeoidh institiúidí nó eintitis nach bhfuil inmharthana ón margadh, ba cheart d’údarás ábhartha a chinneadh an bhfuil an institiúid nó an t-eintiteas i mbéal teipthe nó ar dóigh di nó dó teip i gcás nach bhfuil an t-údarás inniúil sásta leis an bplean feabhsúcháin nó i gcás nach gcomhlíonann an institiúid nó an t-eintiteas an plean feabhsúcháin.

(22)

Ba cheart bearta réamhchúraim a theorannú don mhéid a bheadh de dhíth ar an institiúid nó ar an eintiteas chun a shócmhainneacht nó a sócmhainneacht a choinneáil ar bun i gcás ina mbeadh toradh diúltach ar thástáil struis nó ar chleachtadh choibhéiseach. I gcás bearta réamhchúraim i bhfoirm bearta sócmhainní bearnaithe, ba cheart an institiúid nó an t-eintiteas is faighteoir a bheith in ann an méid a deonaíodh a úsáid chun caillteanais ar na sócmhainní aistrithe a chumhdach nó i gcomhcheangal le héadáil ionstraimí caipitil, ar choinníoll nach sárófar méid foriomlán an easnaimh arna shainaithint. Is gá a áirithiú freisin go gcomhlíonfaidh bearta réamhchúraim i bhfoirm bearta sócmhainní bearnaithe na rialacha agus na cleachtais is fearr atá ann cheana maidir le Státchabhair, go n-athbhunóidh siad inmharthanacht fhadtéarmach na hinstitiúide nó an eintitis, go mbeidh státchabhair teoranta don mhéid is lú is gá agus go seachnófar saobhadh ar an iomaíocht. Ar na cúiseanna sin, ba cheart do na húdaráis lena mbaineann, i gcás bearta réamhchúraim i bhfoirm bearta sócmhainní bearnaithe, an treoraíocht shonrach a chur san áireamh, lena n-áirítear treoirphlean an Choimisiúin maidir leis an gcaoi ar féidir cuideachtaí náisiúnta bainistithe sócmhainní a bhunú agus teachtaireacht ón gCoimisiún an 16 Nollaig 2020 maidir le dul i ngleic le hiasachtaí neamhthuillmheacha i ndiaidh phaindéim COVID-19. Ba cheart bearta réamhchúraim i bhfoirm bearta sócmhainní bearnaithe a bheith i gcónaí faoi réir an choinníll sháraithaigh gur bearta sealadacha iad. Le ráthaíochtaí poiblí a dheonaítear ar feadh tréimhse shonraithe i ndáil le sócmhainní bearnaithe na hinstitiúide nó an eintitis lena mbaineann, meastar go n-áiritheofar gur fearr a chomhlíonfar an coinníoll sin ná aistrithe na sócmhainní sin chuig eintiteas a fhaigheann tacaíocht phoiblí.

(23)

Chun sáruithe ábhartha ar cheanglais stuamachta a chumhdach, is gá na coinníollacha a shonrú a thuilleadh chun a chinneadh go bhfuil cuideachtaí sealbhaíochta i mbéal teipthe nó gur dóigh dóibh teip. Ba cheart sárú ábhartha a bheith déanta ag cuideachta sealbhaíochta ar na ceanglais sin i gcás ina bhfuil cineál agus méid an tsáraithe sin inchomparáide le sárú a thabharfadh údar cuí don údarás inniúil an t-údarú a tharraingt siar i gcomhréir le hAirteagal 18 de Threoir 2013/36/AE dá mb’institiúid creidmheasa a dhéanfadh é.

(24)

D’fhéadfadh sé go mbeadh cumhachtaí ag na Ballstáit, faoin dlí náisiúnta, oibleagáidí íocaíochta nó seachadta a chur ar fionraí, oibleagáidí a bhféadfadh taiscí incháilithe a bheith san áireamh iontu. I gcás nach mbeidh baint dhíreach ag fionraí na n-oibleagáidí íocaíochta nó seachadta le himthosca airgeadais na hinstitiúide creidmheasa, d’fhéadfadh nach mbeadh taiscí ar fáil chun críocha Threoir 2014/49/AE. Mar thoradh air sin, d’fhéadfadh sé nach mbeadh taisceoirí in ann rochtain a fháil ar a gcuid taiscí ar feadh tréimhse fhada. Chun iontaoibh agus muinín na dtaisceoirí in earnáil na baincéireachta agus cobhsaíocht airgeadais a chothabháil, ba cheart do na Ballstáit a áirithiú go mbeidh rochtain ag taisceoirí ar shuim iomchuí laethúil óna dtaiscí, chun an costas maireachtála a chumhdach, go háirithe, i gcás nach mbeadh rochtain ar a dtaiscí mar gheall ar íocaíochtaí a bheith curtha ar fionraí ar chúiseanna eile seachas cúiseanna as a leanann eisíocaíocht taisceora. Ba cheart an nós imeachta sin leanúint de bheith eisceachtúil, agus ba cheart do na Ballstáit a áirithiú go mbeidh rochtain ag taisceoirí ar mhéideanna laethúla iomchuí.

(25)

Chun deimhneacht dhlíthiúil a mhéadú, agus i bhfianaise ábharthacht fhéideartha na ndliteanas a thiocfaidh as teagmhais éiginnte amach anseo, lena n-áirítear toradh dlíthíochta atá ar feitheamh tráth an réitigh, is gá a leagan síos mar ba cheart na dliteanais sin a láimhseáil chun an uirlis tarrthála inmheánaí a chur i bhfeidhm. Ba cheart d’údaráis réitigh idirdhealú a dhéanamh idir dliteanais atá bunaithe ar oibleagáidí reatha atá ann mar gheall ar theagmhais a tharla san am atá caite a mbeidh caillteanas mar thoradh orthu ach arb éiginnte a n-uainiú nó a méid agus dliteanais a d’fhéadfadh teacht chun cinn amach anseo ach nach mbeadh caillteanas mar thoradh orthu nó a d’fhéadfadh teacht chun cinn amach anseo go díreach má tharlaíonn teagmhas éiginnte.

(26)

Ba cheart a shonrú freisin nach mór caitheamh le dliteanais arb éiginnte a n-uainiú nó a méid, i gcás ina bhfuil na dliteanais sin bunaithe ar oibleagáidí reatha a eascraíonn as teagmhais a tharla san am atá caite a mbeidh caillteanas ann dá mbarr, ar an mbealach céanna le dliteanais eile. Ba cheart a bheith in ann tarrtháil inmheánach a thabhairt ar dhliteanais mar sin, ach amháin má chomhlíonann siad ceann de na critéir shonracha lena n-eisiamh ó raon feidhme na huirlise tarrthála inmheánaí. I bhfianaise ábharthacht fhéideartha na ndliteanas sin i gcás réitigh agus chun cinnteacht a áirithiú i gcur i bhfeidhm na huirlise tarrthála inmheánaí, ba cheart a shonrú gur cuid de na dliteanais ar féidir tarrtháil inmheánach a thabhairt orthu iad agus, mar thoradh air sin, go bhféadfadh feidhm a bheith ag an uirlis tarrthála inmheánaí maidir leo. Chun cur i bhfeidhm éifeachtach na huirlise tarrthála inmheánaí maidir le dliteanais arb éiginnte a n-uainiú nó a méid a áirithiú, ba cheart an chumhacht a bheith ag an údarás réitigh an phríomhshuim atá dlite i leith na ndliteanas sin a laghdú, lena n-áirítear í a laghdú go nialas, agus na dliteanais sin a chomhshó ina scaireanna nó ina n-ionstraimí úinéireachta eile. Mar sin féin, ní féidir leis an laghdú ná leis an gcomhshó teacht i bhfeidhm ach amháin má chinntear go cinntitheach agus a luaithe a chinnfear go cinntitheach an dliteanas arb éiginnte a uainiú nó a mhéid i dtaca le huainiú agus méid.

(27)

Is gá a áirithiú, áfach, nach ndéanfaidh dliteanas a d’fhéadfadh teacht as teagmhas éiginnte nó dliteanas arb éiginnte a uainiú nó a mhéid a bhunaítear ar oibleagáid reatha tráth an réitigh dochar d’éifeachtacht na straitéise réitigh ná go háirithe d’éifeachtacht na huirlise ar féidir tarrtháil inmheánach a thabhairt uirthi. Chun an cuspóir sin a bhaint amach, ba cheart don luachálaí, mar chuid den luacháil chun críoch réitigh, measúnú a dhéanamh ar na dliteanais sin agus luach féideartha na ndliteanas sin a chainníochtú de réir chumas an luachálaí. Chun a áirithiú gur féidir leis an institiúid nó leis an eintiteas, tar éis an phróisis réitigh, muinín leordhóthanach sa mhargadh a chothú ar feadh tréimhse iomchuí ama, ba cheart don luachálaí an luach féideartha sin a chur san áireamh nuair a bheidh an méid á shuíomh faoinar gá dliteanais ar féidir tarrtháil inmheánach a thabhairt orthu a dhíluacháil nó a chomhshó chun cóimheasa caipitil na hinstitiúide faoi réiteach a athbhunú. Go háirithe, ba cheart don údarás réitigh a chumhachtaí comhshó a chur i bhfeidhm maidir le dliteanais ar féidir tarrtháil inmheánach a thabhairt orthu a mhéid is gá chun a áirithiú gur leor athchaipitliú na hinstitiúide faoi réiteach chun caillteanais fhéideartha a chumhdach a d’fhéadfadh a bheith mar thoradh ar dhliteanas a d’fhéadfadh teacht chun cinn amach anseo de bharr teagmhas éiginnte nó atá bunaithe ar oibleagáid reatha ach arb éiginnte a uainiú nó a mhéid. Agus measúnú á dhéanamh ar an méid atá le díluacháil nó le comhshó, ba cheart don údarás réitigh breithniú cúramach a dhéanamh ar thionchar an chaillteanais a d’fhéadfadh a bheith ann ar an institiúid faoi réiteach bunaithe ar roinnt tosca, lena n-áirítear an dóchúlacht go dtiocfaidh an teagmhas chun cinn, an tréimhse ama dá theacht chun cinn agus méid an dliteanais.

(28)

In imthosca áirithe, tar éis don socrú um maoiniú réitigh ranníocaíocht suas le huasmhéid 5 % de dhliteanais iomlána na hinstitiúide nó an eintitis, cistí dílse san áireamh, a chur ar fáil, tá na húdaráis réitigh in ann foinsí breise cistiúcháin a úsáid chun tuilleadh tacaíochta a thabhairt dá ngníomhaíocht réitigh. Ba cheart a shonrú ar bhealach níos soiléire cé na himthosca ina bhféadfadh an socrú um maoiniú réitigh tuilleadh tacaíochta a thabhairt i gcás ina ndearnadh na dliteanais uile ar féidir tarrtháil inmheánach a thabhairt orthu agus nach taiscí incháilithe iad, ag a bhfuil rangú tosaíochta atá níos ísle ná rangú taiscí nach bhfuil faoi chumhdach de chuid daoine nádúrtha agus micrifhiontar, fiontar beag agus fiontar meánmhéide agus nach n-eisiatar go discréideach ón tarrtháil inmheánach, a dhíluacháil nó a chomhshó ina n-iomláine.

(29)

Is féidir na taiscí a chomhlíonann na coinníollacha chun cáiliú mar dhliteanais incháilithe a úsáid chun ICDI a chomhlíonadh. Mar sin féin, i bhfianaise chineál sonrach na dtaiscí, agus i bhfianaise an róil atá acu san fhíorgheilleagar agus maidir le muinín a chothú sa chóras baincéireachta, ba cheart cuimsiú na dtaiscí i raon feidhme na ndliteanas a úsáidtear chun ICDI a chomhlíonadh a bheith faoi réir ceanglais níos déine, ós rud é gur cheart na hacmhainní atá incháilithe do ICDI a bheith inúsáidte ina n-iomláine chun na caillteanais a sheasamh agus chun rannchuidiú le hathchaipitliú institiúide creidmheasa i gcás ina dteipfeadh sí. Ar an gcéad dul síos, mar atá faoi na rialacha atá ann faoi láthair, níor cheart do dhaoine nádúrtha ná do mhicrifhiontair ná d’fhiontair bheaga agus mheánmhéide a bheith in ann na taiscí a úsáidtear le haghaidh ICDI a shealbhú. Ar an dara dul síos, ba cheart a shoiléiriú nach féidir na taiscí lena dtugtar ceart chun luath-aisíocaíochta dá úinéir a bheith incháilithe do ICDI, lena n-áirítear sna cásanna sin ina bhforáiltear leis na forálacha conarthacha go mbeidh luath-aisíocaíocht faoi réir pionós a íoc. Ar an tríú dul síos, chun trédhearcacht a áirithiú agus chun na rioscaí a bhaineann leis na taiscí sin a chur san áit mhíchuí a íoslaghdú, ba cheart tagairt shainráite a dhéanamh sna forálacha conarthacha ábhartha do rún na hinstitiúide creidmheasa na taiscí sin a úsáid chun ICDI a chomhlíonadh, agus don fhíoras nach gcáilíonn siad mar thaiscí incháilithe agus, dá bhrí sin, nach n-aisíocfaidh SRT aon chuid den taisce sin i gcás nach mbeidh sí ar fáil. Ar an gceathrú dul síos, níor cheart úsáid taiscí in ICDI a cheadú, de ghnáth, ach amháin má d’údaraigh na húdaráis réitigh roimhe sin iad a áireamh in acmhainní incháilithe ICDI ar bhonn measúnú nár ghá na taiscí sin a chosaint ar chaillteanais a iompar i gcás réitigh agus nach n-eascródh bac substainteach ar inréiteacht astu. Ba cheart do na húdaráis réitigh a bheith in ann cead a thabhairt na taiscí a úsáid chun ICDI a chomhlíonadh ar bhonn ginearálta i gcás gach eintitis réitigh, gan measúnú aonair a dhéanamh ar gach taisce, chomh maith le cuimsiú taiscí chun ICDI a chomhlíonadh a theorannú do mhéideanna socraithe. Is féidir le taiscí struchtúrtha, d’ainneoin gur dliteanais iad ina bhfuil díorthaigh leabaithe, cáiliú freisin mar dhliteanais incháilithe institiúide creidmheasa, ar choinníoll go gcomhlíontar gach coinníoll eile.

(30)

Chun éifeachtaí aille a sheachaint, is gá na taiscí atá ann cheana a cháilíonn mar dhliteanais incháilithe a mharthanú. Maidir le taiscí a ghlactar roimh an 12 Bealtaine 2028, ba cheart na critéir incháilitheachta nua a tharscaoileadh. Ba cheart deireadh a chur leis an marthanú an 11 Bealtaine 2029.

(31)

Le Rialacháin (AE) 2019/876 (13) agus (AE) 2019/877 (14) ó Pharlaimint na hEorpa agus ón gComhairle agus Treoir (AE) 2019/879 ó Pharlaimint na hEorpa agus ón gComhairle (15), cuireadh chun feidhme i ndlí an Aontais ‘Bileog Téarmaí an Chumais Iomláin Ionsúcháin Caillteanais (CIIC)’ arna foilsiú ag an mBord um Chobhsaíocht Airgeadais an 9 Samhain 2015 (‘caighdeán CIIC’), le haghaidh bainc a bhfuil tábhacht shistéamach dhomhanda leo, dá dtagraítear i ndlí an Aontais mar institiúidí a bhfuil tábhacht shistéamach dhomhanda leo (G-SIInna). Le Rialachán (AE) 2019/877 agus le Treoir (AE) 2019/879, leasaíodh an ICDI a leagtar síos i dTreoir 2014/59/AE agus i Rialachán (AE) Uimh. 806/2014. Is gá na forálacha maidir le ICDI a leagtar amach i dTreoir 2014/59/AE a ailíniú le cur chun feidhme chaighdeán CIIC do G-SIInna maidir le dliteanais áirithe a d’fhéadfaí a úsáid chun an chuid den ICDI a chomhlíonadh ar cheart í a chomhlíonadh le cistí dílse agus le dliteanais fho-ordaithe eile. Go háirithe, ba cheart dliteanais a rangaítear pari passu le dliteanais eisiata áirithe a áireamh i gcistí dílse agus in ionstraimí incháilithe fo-ordaithe na n-eintiteas réitigh i gcás nach mó méid na ndliteanas eisiata sin ar chlár comhardaithe an eintitis réitigh ná 5 % de mhéid chistí dílse agus dhliteanais incháilithe an eintitis réitigh agus nach n-eascraíonn aon riosca a bhaineann leis an bprionsabal ‘gan creidiúnaí ar bith níos measa as’ ón gcuimsiú sin.

(32)

I gcás eintitis réitigh áirithe, is ar aistriú ghnó na hinstitiúide faoi réiteach chuig ceannaitheoir príobháideach nó chuig droichead-institiúid go príomha a bhraitheann an straitéis réitigh tosaíochta a leagtar amach sa phlean réitigh nó sa phlean réitigh grúpa. Sna cásanna sin, d’fhéadfadh sé go n-iarrfaí ar SRT ranníocaíocht a dhéanamh i dtreo gníomhaíocht réitigh, rud a d’fhéadfadh cosaint taiscí áirithe nach gcumhdaítear leis an SRT a áirithiú. Chun an baol morálta a íoslaghdú, ba cheart a shonrú, dá bhrí sin, i gcás ina mbeartaítear sa phlean réitigh an uirlis díolacháin gnó nó an uirlis droichead-institiúide a chur i bhfeidhm agus imeacht an eintitis réitigh ón margadh, nár cheart ICDI an eintitis réitigh lena mbaineann a shocrú ar leibhéal faoi bhun tairseacha áirithe. I gcás ina mbeidh an méid sin os cionn na dtairseach ó tharla gur cuireadh na rialacha maidir le calabrú ICDI i bhfeidhm, cloífear leis an méid níos airde sin. Níor cheart feidhm a bheith ag na tairseacha sin maidir leis an tacar ICDI d’eintitis réitigh arb é atá ina straitéis réitigh tosaíochta an uirlis tarrthála inmheánaí a chur i bhfeidhm chun críocha a hathchaipitlithe a mhéid is leor chun gur féidir léi leanúint de na gníomhaíochtaí dá bhfuil sí údaraithe a chur i gcrích, fiú i gcás ina mbeartaítear sa straitéis réitigh tosaíochta an uirlis tarrthála inmheánaí a chur i bhfeidhm in éineacht le huirlisí réitigh eile, agus na huirlisí deireanacha sin á n-úsáid ar bhealach coimhdeach.

(33)

Ní áirítear i dTreoir 2014/59/AE rialacha tiomnaithe maidir le socruithe idirthréimhseacha ná spriocleibhéil idirmheánacha chun ICDI a chomhlíonadh tar éis 2024. Mar sin féin, is ann do chásanna nár cheart a cheangal láithreach ar institiúidí ná ar eintitis ICDI níos airde arna shocrú ag an údarás réitigh a chomhlíonadh, lena n-áirítear na cásanna sin inarb iad athruithe ábhartha ar an institiúid nó ar an eintiteas mar gheall ar chumaisc nó éadálacha, cuir i gcás, nó athruithe ar an straitéis réitigh tosaíochta is cúis leis an méadú ar ICDI. Go háirithe, i gcás ina n-athraíonn an straitéis réitigh tosaíochta ó fhoirceannadh faoi ghnáthimeachtaí dócmhainneachta go dtí cur i bhfeidhm gníomhaíochta réitigh, d’fhéadfadh sé nach mbeadh an institiúid ná an t-eintiteas in ann ICDI arna shocrú ag an údarás réitigh a chomhlíonadh ina iomláine láithreach bonn. Ba cheart, dá bhrí sin, an chumhacht a thabhairt do na húdaráis réitigh na hidirthréimhsí iomchuí a chinneadh chun ICDI a chomhlíonadh. Thairis sin, ba cheart é a bheith de chumhacht ag na húdaráis réitigh spriocleibhéil idirmheánacha cheangailteacha a chinneadh le haghaidh na n-institiúidí nó na n-eintiteas sin, chun a áirithiú go ndéanfaidh siad a n-acmhainní atá incháilithe i leith ICDI a fhorbairt ar bhealach iomchuí. Chun ionchais dhlisteanacha a chosaint, níor cheart do na rialacha nua difear a dhéanamh do na hidirthréimhsí a chinn údaráis réitigh roimhe sin ar bhonn na rialacha is infheidhme ar an dáta ábhartha.

(34)

Ceanglaítear ar institiúidí agus ar eintitis aitheantas conarthach ar éifeachtaí na huirlise tarrthála inmheánaí a áireamh i gcomhaontuithe nó in ionstraimí lena gcruthaítear dliteanais arna rialú le dlíthe tríú tíortha, ach amháin i gcás nach bhfuil sé praiticiúil de réir dlí nó ar shlí eile déanamh amhlaidh. Mar sin féin, is léir ón taithí a fuarthas agus an creat réitigh á chur i bhfeidhm go bhfuil na ceanglais maidir leis na téarmaí conarthacha sin um aitheantas tarrthála inmheánaí, chomh maith leis an nós imeachta chun fógra a thabhairt agus measúnú a dhéanamh ar a dhofheidhmithe atá sé na téarmaí sin a áireamh, go bhfuil siad róleathan, róchasta agus go bhfuil ualach rómhór ag baint le hinréiteacht institiúidí a d’fhéadfadh a bheith faoi réir gníomhaíocht réitigh a áirithiú. Is iomchuí, dá bhrí sin, raon feidhme chur i bhfeidhm an cheanglais maidir le hionstraimí cistí dílse agus dliteanais ar féidir tarrtháil inmheánach a thabhairt orthu a chúngú, agus, ar an gcaoi sin, go háirithe, na conarthaí lena gcruthaítear dliteanais a d’fhéadfadh teacht chun cinn amach anseo de dheasca teagmhas éiginnte a eisiamh. Ina theannta sin, ba cheart an straitéis atá beartaithe sa phlean réitigh a chur san áireamh i raon feidhme na n-institiúidí agus na n-eintiteas atá faoi réir an cheanglais. Ar an gcúis sin, níor cheart a cheangal ar eintitis leachtaithe ná ar fhochuideachtaí eintiteas réitigh nach eintitis réitigh iad féin an téarma aitheantais tarrthála inmheánaí a áireamh ina gconarthaí, ach amháin má chuireann an t-údarás réitigh de cheangal orthu é sin a dhéanamh. Ar deireadh, cé nach gá coigeartuithe a dhéanamh ar na forais atá ag institiúidí ná ag eintitis chun a dhofheidhmithe atá sé an téarma aitheantais tarrthála inmheánaí a áireamh ina gconarthaí a agairt, ba cheart simpliú a dhéanamh ar an nós imeachta d’institiúidí agus d’eintitis chun na cásanna sin a thuairisciú don údarás réitigh agus ba cheart é a ionchorprú sa tuairisciú bliantúil chun críoch pleanála réitigh.

(35)

Chun éascaíocht a dhéanamh do phleanáil réitigh, do mheasúnú a dhéanamh ar inréiteacht agus d’fheidhmiú na cumhachta chun aghaidh a thabhairt ar bhaic ar inréiteacht nó chun iad a bhaint chomh maith le malartú faisnéise a chothú, ba cheart don údarás réitigh de chuid institiúid a bhfuil brainsí suntasacha aici i mBallstáit eile a bheith in ann coláiste réitigh a bhunú agus cathaoirleacht a dhéanamh air.

(36)

Ós rud é gur féidir leis an soláthar faisnéise a bhaineann le líon comhiomlánaithe na gcustaiméirí arb í institiúid nó eintiteas an t-aon chomhpháirtí baincéireachta amháin nó an príomh-chomhpháirtí baincéireachta atá acu, ar faisnéis í atá i seilbh na sásraí uathoibrithe láraithe arna mbunú de bhun Threoir (AE) 2015/849 ó Pharlaimint na hEorpa agus ón gComhairle (16), a bheith riachtanach agus comhréireach chun an measúnú ar leas an phobail a dhéanamh, ba cheart do na húdaráis réitigh a bheith in ann an fhaisnéis sin a fháil ar bhonn cás ar chás. Ba cheart a shonrú cathain go díreach a gheobhaidh na húdaráis réitigh an rochtain indíreach ar fhaisnéis freisin.

(37)

Tá idirghníomhaíochtaí idir an creat réitigh agus an creat maidir le drochúsáid mhargaidh. Go háirithe, cé go bhféadfadh gníomhaíochtaí a dhéantar mar réiteach nó mar ullmhúchán don réiteach cáiliú mar fhaisnéis ón taobh istigh faoi Rialachán (AE) Uimh. 596/2014 ó Pharlaimint na hEorpa agus ón gComhairle (17), tá an riosca ann go gcuirfeadh a nochtadh anabaí an próiseas réitigh i mbaol. I gcás inar céimeanna idirmheánacha i bpróiseas fadtréimhseach iad na gníomhaíochtaí sin, ní cheanglaítear le Rialachán (AE) Uimh. 596/2014 go nochtfar láithreach iad. I gcásanna eile, tá institiúidí nó eintitis in ann bearta a dhéanamh chun aghaidh a thabhairt ar an tsaincheist sin trí mhoill a chur ar nochtadh na faisnéise ón taobh istigh don phobal de bhun Airteagal 17(4) nó (5) den Rialachán sin. Mar sin féin, d’fhéadfadh sé nach mbeadh na dreasachtaí cearta i láthair i gcónaí tráth an réitigh nó tráth an ullmhúcháin don réiteach ionas gur féidir leis an institiúid nó leis an eintiteas tabhairt faoin moill sin. Chun na cásanna sin a sheachaint, ba cheart é a bheith de chumhacht ag na húdaráis réitigh a cheangal ar institiúid nó ar eintiteas rúndacht na faisnéise ón taobh istigh a áirithiú maidir leis an ullmhúchán don réiteach agus maidir leis an bpróiseas réitigh nó maidir le díluacháil agus comhshó fad a mheasann siad gur gá sin chun na cuspóirí réitigh a bhaint amach. Níor cheart a cheangal ar institiúidí ná ar eintitis an fhaisnéis sin ón taobh istigh a nochtadh i gcomhréir le Rialachán (AE) Uimh. 596/2014 go dtí go gcuirfidh an t-údarás réitigh in iúl dóibh nach gá rúndacht a áirithiú a thuilleadh chun na cuspóirí réitigh a bhaint amach. I gcás nach n-áirithítear rúndacht a thuilleadh, áfach, ba cheart a cheangal ar institiúidí agus ar eintitis an fhaisnéis ón taobh istigh a nochtadh don phobal a luaithe is féidir.

(38)

Ba cheart nasc leordhóthanach a choinneáil freisin idir pá agus feidhmíocht i gcás réitigh, go háirithe i gcás inar dócha go mbeidh tionchar ag na caillteanais ar na socruithe um maoiniú réitigh. Sna cásanna sin, ba cheart aon luach saothair inathraitheach de chuid comhaltaí den chomhlacht bainistíochta agus de bhainistíocht shinsearach na hinstitiúide faoi réiteach nár íocadh amach nó nár dílsíodh a chur ar ceal. Mura gcruthóidh comhalta den chomhlacht bainistíochta nó den bhainistíocht shinsearach nach raibh baint ar bith acu leis an iompar ba chúis le teip na hinstitiúide faoi réiteach, nó nár chuir siad leis an teip sin, ba cheart an luach saothair inathraithe a dílsíodh nó a íocadh sna 24 mhí roimh an gcinneadh gníomhaíocht réitigh a dhéanamh a thabhairt ar ais nó a aisíoc.

(39)

Tar éis na tréimhse tosaigh ina ndéantar na socruithe um maoiniú réitigh dá bhforáiltear i dTreoir 2014/59/AE a bhunú, d’fhéadfadh laghduithe beaga faoi bhun a spriocleibhéil teacht ar a n-acmhainní airgeadais faoi seach atá ar fáil dóibh, go háirithe mar thoradh ar mhéadú ar thaiscí cumhdaithe. Is dócha, dá bhrí sin, gur beag méid na ranníocaíochtaí ex ante is dócha a ghlaofar sna himthosca sin. D’fhéadfadh sé, dá bhrí sin, sna blianta romhainn amach, nach mbeadh méid na ranníocaíochtaí ex ante sin i gcomhréir a thuilleadh leis an gcostas a bhaineann leis na ranníocaíochtaí sin a thiomsú. Dá bhrí sin, ba cheart do na húdaráis réitigh a bheith in ann tiomsú na ranníocaíochtaí ex ante a chur siar ar feadh 3 bliana ar a mhéad go dtí go sroichfidh an méid atá le tiomsú méid atá comhréireach le costas an phróisis tiomsaithe, ar choinníoll nach ndéanfaidh an t-iarchur sin difear ábhartha do chumas na n-údarás réitigh socruithe um maoiniú réitigh a úsáid.

(40)

Tá gealltanais íocaíochta neamh-inchúlghairthe ar cheann de chomhpháirteanna na n-acmhainní airgeadais atá ar fáil do shocruithe um maoiniú réitigh. Is gá, dá bhrí sin, na himthosca a shonrú inar féidir na gealltanais íocaíochta sin a ghlaoch. I gcás ina scoirfidh eintiteas de bheith faoi réir na hoibleagáide ranníocaíochtaí a íoc le socrú um maoiniú réitigh tar éis cinneadh lena n-údaraítear a thréigean, ba cheart an gealltanas íocaíochta neamh-inchúlghairthe a chealú. Chun a áirithiú nach dtiocfaidh cás as cealú an ghealltanais íocaíochta neamh-inchúlghairthe ina dtiteann na hacmhainní airgeadais atá ar fáil sa socrú um maoiniú réitigh faoi bhun leibhéal a mheasann an t-údarás réitigh a bheith leordhóthanach, ba cheart é a bheith de chumhacht ag an údarás réitigh ranníocaíocht a chinneadh ar cheart a cheangal ar an eintiteas ábhartha í a íoc. Ina chinneadh, ba cheart don údarás réitigh breithniú cuí a dhéanamh ar an ngá atá leis an gcothrom iomaíochta idir na hinstitiúidí rannpháirteacha uile a choinneáil ar bun, lena n-áirítear an t-eintiteas a scoireann de bheith laistigh de raon feidhme Airteagal 1 de Threoir 2014/59/AE. Tá an t-údarás réitigh le cúiseanna mionsonraithe lena chinneadh a thabhairt agus leis an gcinneadh sin a nochtadh, lena n-áirítear a réasúnú, ina thuarascáil bhliantúil. Ina theannta sin, chun níos mó trédhearcachta agus cinnteachta a thabhairt maidir le sciar na ngealltanas íocaíochta neamh-inchúlghairthe i méid iomlán na ranníocaíochtaí ex ante atá le tiomsú, ba cheart don údarás réitigh an sciar sin a chinneadh ar bhonn bliantúil, faoi réir na dteorainneacha is infheidhme. Ba cheart é a bheith mar aidhm ag an údarás inniúil a áirithiú go maolófar aon éifeacht chomhthimthriallach a bheidh ag gealltanais íocaíochta neamh-inchúlghairthe ag brath ar a láimhseáil chuntasaíochta.

(41)

Uasmhéid bliantúil na ranníocaíochtaí ex post urghnácha le socruithe um maoiniú réitigh a cheadaítear a ghlaoch, tá sé teoranta faoi láthair do thrí oiread na ranníocaíochtaí ex ante. Tar éis na tréimhse tiomargtha tosaigh dá bhforáiltear i dTreoir 2014/59/AE, ní bheidh na ranníocaíochtaí ex ante sin, i gcúinsí seachas na cinn ina ndéantar na socruithe um maoiniú réitigh a úsáid, ag brath ach ar athruithe ar leibhéal na dtaiscí faoi chumhdach, agus orthu sin amháin, agus is dócha, dá bhrí sin, go n-éireoidh siad beag. Dá socrófaí uasmhéid na ranníocaíochtaí ex post urghnácha ar bhonn na ranníocaíochtaí ex ante, d’fhéadfaí teorainn mhór a chur leis an deis atá ag na socruithe um maoiniú réitigh ranníocaíochtaí ex post a thiomsú, agus ar an gcaoi sin a gcumas gníomhaíochta a laghdú. Chun an toradh sin a sheachaint, ba cheart foráil a dhéanamh maidir le teorainn dhifriúil agus ba cheart uasmhéid na ranníocaíochtaí ex post urghnácha a gceadaítear glaoch orthu a shocrú ag trí oiread an ochtú cuid de spriocleibhéal an tsocraithe um maoiniú réitigh lena mbaineann.

(42)

Le Treoir 2014/59/AE, rinneadh comhchuibhiú i bpáirt ar rangú taiscí faoi dhlíthe náisiúnta lena rialaítear gnáthimeachtaí dócmhainneachta. Rinneadh foráil leis na rialacha sin maidir le rangú trí leibhéal na dtaiscí, ina raibh an rangú tosaíochta is airde ag taiscí faoi chumhdach, agus ina dhiaidh sin ag taiscí incháilithe daoine nádúrtha agus micrifhiontair, fiontair bheaga agus mheánmhéide atá os cionn an leibhéil chumhdaigh. Na taiscí eile atá fágtha, eadhon taiscí corparáidí móra a sháraíonn an leibhéal cumhdaigh agus taiscí nach bhfuil incháilithe le haghaidh aisíocaíochta ó SRT, bhí sé de cheangal orthu rangú tosaíochta níos ísle a bheith acu, ach ní raibh a suíomh comhchuibhithe ar shlí eile. Ar deireadh, bhain éilimh SRTanna tairbhe as an rangú tosaíochta níos airde céanna agus a bhí ag taiscí faoi chumhdach. Mar sin féin, is léir nárbh é an comhchuibhiú páirteach sin an réiteach is fearr le haghaidh cosaint taisceoirí. Chruthaigh comhchuibhiú páirteach difríochtaí sa chaoi a gcaitear leis na taisceoirí atá fágtha ar fud na mBallstát, go háirithe ós rud é go bhfuil méadú ag teacht ar líon na mBallstát a bhfuil cinneadh déanta acu tosaíocht dhlíthiúil a thabhairt do na taiscí atá fágtha. Chruthaigh na difríochtaí sin deacrachtaí freisin agus cinneadh á dhéanamh maidir le frithfhíorasach dócmhainneachta do ghrúpaí trasteorann le linn na luachálacha réitigh. Thairis sin, mar gheall ar an easpa tosaíochta ginearálta do thaisceoirí, d’fhéadfadh sé fadhbanna a chruthú maidir le comhlíonadh an phrionsabail ‘gan creidiúnaí ar bith níos measa as’, go háirithe i gcás ina ndéantar na taiscí nach bhfuil a dtosaíocht comhchuibhithe le Treoir 2014/59/AE a rangú ar an leibhéal céanna le héilimh shinsearacha. Dá bhrí sin, ba cheart rangú taiscí in ordlathas reatha na n-éileamh a leasú.

(43)

Ba cheart rangú na dtaiscí a chomhchuibhiú go hiomlán trí thosaíocht ghinearálta do thaisceoirí a chur chun feidhme, lena mbaineann gach taisce tairbhe as rangú tosaíochta níos airde ar ghnáthéilimh neamhurraithe, lena ngabhann eisceachtaí teoranta. Cuideoidh tosaíocht ghinearálta do thaisceoirí le muinín taisceoirí a threisiú agus le cosc breise a chur ar an riosca go dtarlódh fuadar bainc. Tá cosaint fheabhsaithe do thaisceoirí ailínithe freisin leis an ról lárnach atá ag taiscí san fhíorgheilleagar, arb é an phríomhuirlis í le haghaidh coigiltis agus íocaíochtaí, agus le gníomhaíocht bhaincéireachta, i gcás inar foinse thábhachtach maoinithe iad na taiscí agus ina bhfuil siad ina bpríomhspreagadh muiníne sa chóras baincéireachta, rud a bhfuil ábharthacht ar leith ag baint leis nuair a bhíonn an margadh faoi strus. Thairis sin, le tosaíocht ghinearálta do thaisceoirí, cuirtear feabhas ar inréiteacht institiúidí creidmheasa trí chur lena gcumas na ceanglais a chomhlíonadh maidir le rochtain a fháil ar na socruithe um maoiniú réitigh agus trí laghdú a dhéanamh ar mhéid an chistithe a cheanglaítear ó na socruithe sin, mar gheall ar an riosca níos ísle go sárófar an prionsabal ‘gan creidiúnaí ar bith níos measa as’ i gcás ina dtugtar tarrtháil inmheánach ar ghnáthfhiachas neamhurraithe. Go háirithe, dá ndéanfaí taiscí a bhaint d’aicme dócmhainneachta na ngnáthéileamh neamhurraithe, mhéadófaí an cumas tarrtháil inmheánach a thabhairt ar na gnáthéilimh neamhurraithe atá fágtha tríd an riosca go ndéanfaí sáruithe ar an bprionsabal ‘gan creidiúnaí ar bith níos measa as’ a íoslaghdú. Tríd an dóchúlacht go ndéanfaí díluacháil nó comhshó ar thaiscí a laghdú chun rochtain ar shocruithe um maoiniú réitigh a áirithiú, rannchuideodh an tosaíocht ghinearálta do thaisceoirí leis an uirlis tarrthála inmheánaí a dhéanamh níos éifeachtaí agus níos inchreidte agus bheadh méadú ar thrédhearcacht agus ar dheimhneacht dhlíthiúil an chreata réitigh mar thoradh air. Rannchuideodh an tosaíocht ghinearálta do thaisceoirí freisin le hinchreidteacht straitéisí aistrithe i gcás réitigh, ós rud é go bhfágfadh sé sin gur níos simplí a bheadh sé an conradh taisce iomlán a áireamh in imlíne na ndliteanas atá le haistriú chuig ceannaitheoir príobháideach nó chuig droichead-institiúid, chun tairbhe an chaidrimh custaiméara agus luach saincheadúnais na hinstitiúide faoi réiteach. Ar deireadh, bheadh comhchuibhiú iomlán ar rangú dócmhainneachta taisceoirí tairbheach ó thaobh na trasteorann de agus ó thaobh na cothroime iomaíochta de.

(44)

Is iomchuí taiscí áirithe neamh-incháilithe a eisiamh ón tosaíocht ghinearálta do thaisceoirí. Go háirithe, níor cheart taiscí a ghlacann institiúid creidmheasa a úsáidfear chun ICDI a chomhlíonadh tairbhe a bhaint as tosaíocht dhlíthiúil, toisc go mbeadh sé sin ar neamhréir leis an bprionsabal ginearálta gur cheart go n-iompródh dliteanais a áirítear in ICDI caillteanais agus go rannchuideoidís le hathchaipitliú institiúide creidmheasa i gcás ina dteipfeadh sí. Níor cheart rangú tosaíochta na dtaiscí sin a chomhchuibhiú le Treoir 2014/59/AE; is ceart, ina ionad sin, é a chinneadh i gcomhréir leis na forálacha reachtúla agus conarthacha is infheidhme. Ina theannta sin, níor cheart go dtiocfaidh athrú ar an rangú fad a dhéantar an taisce ag brath ar cé acu a d’údaraigh nó nár údaraigh an t-údarás réitigh í a áireamh sna hacmhainní atá incháilithe i leith ICDI ná ar a haibíocht iarmhair.

(45)

Ba cheart rangú trí chiseal na dtaiscí atá ann faoi láthair a choinneáil, ós rud é go gcosnaíonn sé go láidir éilimh SRTanna agus, dá bhrí sin, a bhfoinsí maoiniúcháin. Mar sin féin, i bhfianaise na leasuithe ar Threoir 2014/49/AE a tugadh isteach le Treoir (AE) 2026/804 ó Pharlaimint na hEorpa agus ón gComhairle (18) lena n-áirítear taiscí údarás poiblí áirithe i raon feidhme aisíocaíochta arna déanamh ag SRT, is iomchuí gurb ionann an rangú tosaíochta ag an gcuid de na taiscí sin a sháraíonn an leibhéal cumhdaigh agus ag taiscí incháilithe ó dhaoine nádúrtha agus ó mhicrifhiontair, fiontair bheaga agus fiontair mheánmhéide a bhíonn os cionn an leibhéil cumhdaigh.

(46)

Is féidir socruithe um maoiniú réitigh a úsáid chun tacú le cur i bhfeidhm na huirlise díolacháin gnó nó na huirlise droichead-institiúide, sa chaoi go n-aistrítear tacar sócmhainní, ceart agus dliteanas de chuid na hinstitiúide faoi réiteach chuig faighteoir. I gcás mar sin, d’fhéadfadh an socrú um maoiniú réitigh éileamh a bheith aige in aghaidh na hinstitiúide iarmharaí nó an eintitis iarmharaigh ina fhoirceannadh nó ina foirceannadh ina dhiaidh sin faoi ghnáthimeachtaí dócmhainneachta. Is féidir leis sin tarlú i gcás ina n-úsáidtear an socrú um maoiniú réitigh i ndáil le caillteanais a d’iompródh creidiúnaithe murach sin, lena n-áirítear i bhfoirm ráthaíochtaí do shócmhainní agus do dhliteanais, nó i bhfoirm chumhdach na difríochta idir na sócmhainní agus na dliteanais aistrithe. Chun a áirithiú go ndéanfaidh na scairshealbhóirí agus na creidiúnaithe a bheidh fágtha ar lár san institiúid iarmharach nó san eintiteas iarmharach caillteanais na hinstitiúide faoi réiteach a iompar go héifeachtach agus feabhas a chur ar an bhféidearthacht aisíocaíochtaí i gcás dócmhainneachta a dhéanamh ar an líontán sábhála a bhaineann go sonrach le réiteach, ba cheart na héilimh sin sa socrú um maoiniú réitigh in aghaidh na hinstitiúide iarmharaí nó an eintitis iarmharaigh, agus éilimh a eascraíonn as speansais réasúnacha arna dtabhú i gceart, a rangú i gcás dócmhainneachta os cionn éilimh taisceoirí agus SRTanna. Ós rud é go bhfuil sé d’aidhm ag an gcúiteamh a íoctar le scairshealbhóirí agus le creidiúnaithe trí shocruithe um maoiniú réitigh i ngeall ar sháruithe ar an bprionsabal ‘gan creidiúnaí ar bith níos measa as’ torthaí na gníomhaíochta réitigh a chúiteamh, níor cheart éilimh i ndáil leis na socruithe sin a bheith ag éirí as an gcúiteamh sin.

(47)

Chun solúbthacht leordhóthanach a áirithiú agus chun gur fusa do SRTanna idirghabháil a dhéanamh chun tacú le húsáid na n-uirlisí réitigh, i gcás inarb é an toradh a bheidh orthu imeacht ó mhargadh na hinstitiúide faoi réiteach, ba cheart gnéithe áirithe a bhaineann le húsáid na SRTanna i gcás réitigh a shonrú. Go háirithe, is gá a shonrú gur féidir cistí SRT a úsáid chun tacú le hidirbhearta aistrithe lena n-áirítear taiscí, taiscí incháilithe thar an leibhéal cumhdaigh arna soláthar ag an SRT lena mbaineann san áireamh, chomh maith leis na taiscí neamh-incháilithe a áirítear sa tosaíocht ghinearálta do thaisceoirí, i gcásanna áirithe agus faoi choinníollacha soiléire. Ba cheart an ranníocaíocht ó SRT a bheith dírithe ar an easnamh i luach na sócmhainní aistrithe chuig ceannaitheoir nó droichead-institiúid a chumhdach i gcomparáid le luach na dtaiscí aistrithe. I gcás ina n-éileoidh an ceannaitheoir ranníocaíocht mar chuid den idirbheart chun a neodracht chaipitil a áirithiú agus chun comhlíonadh cheanglais chaipitil an cheannaitheora a chaomhnú, ba cheart don SRT rannchuidiú leis sin freisin. Ba cheart an tacaíocht arna tabhairt ag SRT don ghníomhaíocht réitigh a bheith i bhfoirm airgid thirim nó foirmeacha eile, mar atá ráthaíochtaí nó comhaontuithe roinnte caillteanais a d’fhéadfadh tionchar na tacaíochta ar na hacmhainní airgeadais atá ar fáil ag an SRT sin a íoslaghdú agus, san am céanna, d’fhéadfadh sé ligean don ranníocaíocht ó SRT a cuspóirí a chomhlíonadh.

(48)

Ba cheart an ranníocaíocht ó SRT i gcás réitigh a bheith faoi réir teorainneacha áirithe. Ar an gcéad dul síos, níor cheart méid iomlán na ranníocaíochta ó SRT in aon chás réitigh a bheith níos mó ná méid na dtaiscí faoi chumhdach san institiúid creidmheasa lena mbaineann. Ar an dara dul síos, aon idirghabháil a dhéanfaidh SRT i ngníomhaíocht réitigh a bhraitheann go príomha ar an uirlis tarrthála inmheánaí chun an institiúid faoi réiteach a athchaipitliú agus chun leanúint dá gníomhaíochtaí, ba cheart a áirithiú nach mó an idirghabháil sin ná an caillteanas a sheasfadh SRT i gcás dócmhainneachta dá n-íocfadh sí taisceoirí faoi chumhdach agus dá ndéanfadh sí seachaíocht ar a n-éilimh maidir le sócmhainní na hinstitiúide. Ar an tríú dul síos, i gcás ina n-úsáidtear SRT chun tacú le gníomhaíocht réitigh arb é atá inti go príomha an gnó a aistriú chuig ceannaitheoir nó chuig droichead-institiúid, níor cheart méid na ranníocaíochta ó SRT a bheith níos mó ná 62,5 % dá spriocleibhéal, mura roghnaíonn an t-údarás ainmnithe faoi Threoir 2014/49/AE an teorainn sin a dhífheidhmiú chun éifeachtaí díobhálacha ar chobhsaíocht airgeadais a sheachaint nó chun rochtain taisceoirí ar a dtaiscí a chaomhnú. Ba cheart do ÚBE treoirlínte a eisiúint i ndáil leis na coinníollacha chun an teorainn sin a dhífheidhmiú. Ar an gceathrú dul síos, níor cheart an ranníocaíocht ó SRT a bheith níos mó ná an difríocht idir na sócmhainní aistrithe agus na taiscí agus na dliteanais aistrithe ag a bhfuil an rangú céanna nó rangú tosaíochta níos airde i ndáil le dócmhainneacht ná mar atá ag na taiscí sin. D’áiritheodh an méid sin nach n-úsáidfí an ranníocaíocht ó SRT ach amháin ar mhaithe le forchur caillteanais ar thaisceoirí a sheachaint, i gcás inarb iomchuí, agus ní ar mhaithe le cosaint creidiúnaithe atá rangaithe níos ísle ná taiscí i gcás dócmhainneachta. I gcás inarb ábhartha, áfach, d’fhéadfaí a áireamh sa ranníocaíocht freisin an méid is gá chun neodracht chaipitil an eintitis is faighteoir a áirithiú.

(49)

Ba cheart a shonrú nár cheart do SRT a bheith in ann ranníocaíocht a dhéanamh le haistriú dliteanas seachas taiscí faoi chumhdach i gcomhthéacs réitigh ach amháin má chinneann an t-údarás réitigh, ar bhonn cás ar chás, nach féidir tarrtháil inmheánach a thabhairt ar thaiscí a áirítear sa tosaíocht ghinearálta do thaisceoirí seachas taiscí faoi chumhdach, ná iad a fhágáil san institiúid iarmharach faoi réiteach a dhéanfar a fhoirceannadh, agus mura gcomhlíontar na coinníollacha maidir le húsáid na socruithe um maoiniú réitigh le ranníocaíochtaí ó scairshealbhóirí agus ó chreidiúnaithe. Go háirithe, ba cheart cead a bheith ag an údarás réitigh leithdháileadh caillteanas ar na taiscí sin a sheachaint i gcás inar gá an t-eisiamh sin agus i gcás ina bhfuil sé comhréireach chun comhleanúnachas feidhmeanna criticiúla agus croílínte gnó a chaomhnú agus chun tógálacht fhorleathan agus éagobhsaíocht airgeadais a sheachaint, rudaí a d’fhéadfadh a bheith ina gcúis le suaitheadh tromchúiseach i ngeilleagar an Aontais nó i ngeilleagar Ballstáit. Ba cheart feidhm a bheith ag na cúiseanna céanna maidir le dliteanais eile ar féidir tarrtháil inmheánach a thabhairt orthu a chur san áireamh san aistriú chuig ceannaitheoir nó chuig droichead-institiúid a bhfuil tosaíocht acu atá níos ísle ná rangú taiscí faoi chumhdach. Sa chás sin, níor cheart an ranníocaíocht ó SRT tacú le haistriú na ndliteanas sin ar féidir tarrtháil inmheánach a thabhairt orthu. Más gá aon tacaíocht sheachtrach airgeadais a thabhairt d’aistriú na ndliteanas sin ar féidir tarrtháil inmheánach a thabhairt orthu, ba cheart an tacaíocht sin a chur ar fáil leis an socrú um maoiniú réitigh.

(50)

Ós rud é gur féidir SRT a úsáid i gcás réitigh, ní mór sonrú breise a dhéanamh ar na coinníollacha faoinar féidir an ranníocaíocht ó SRT a áireamh i dtreo chomhlíonadh na gceanglas maidir le rochtain a fháil ar shocruithe um maoiniú réitigh. Na hinstitiúidí creidmheasa a bhfuil a luach iomlán sócmhainní cothrom le EUR 80 billiún nó faoina bhun, is iad sin amháin ba cheart a bheith in ann é sin a dhéanamh, agus ba cheart é a bheith i gcomhthéacs gníomhaíocht réitigh atá ag brath go príomha ar an uirlis díolacháin gnó nó ar an uirlis droichead-institiúide a chur i bhfeidhm. Chun a áirithiú go leanfar den réiteach a mhaoiniú go príomha le hacmhainní inmheánacha na hinstitiúide creidmheasa agus chun saobhadh iomaíochta a íoslaghdú, níor cheart úsáid a bhaint as an ranníocaíocht ó SRT chun rochtain ar shocruithe um maoiniú réitigh a áirithiú ach amháin i gcás institiúidí creidmheasa nach ndéanann, sna 24 mhí roimhe sin sula ndéantar gníomhaíocht réitigh, an plean réitigh nó an plean réitigh grúpa foráil maidir lena bhfoirceannadh ar bhealach ordúil i gcás teipe, ós rud é gur socraíodh ICDI arna chinneadh ag na húdaráis réitigh do na hinstitiúidí creidmheasa sin ar leibhéal lena n-áirítear na méideanna ionsúcháin caillteanais agus na méideanna athchaipitliúcháin araon. Ba cheart na híosleibhéil ICDI le haghaidh institiúidí agus eintitis ag a bhfuil straitéisí réitigh tosaíochta lena mbeartaítear go príomha uirlisí aistrithe a úsáid i gcás réitigh a chomhlíonadh le ICDI arna shocrú ag an údarás réitigh le haghaidh institiúidí creidmheasa ar mó ná EUR 30 billiún luach iomlán a sócmhainní ar bhonn aonair, fiú má rinneadh foráil sa phlean réitigh nó sa phlean réitigh grúpa faoi seach maidir le gníomhaíochtaí éagsúla agus, dá bhrí sin, nach raibh ICDI na n-institiúidí creidmheasa sin faoi réir na n-íosleibhéal sin. Thairis sin, ba cheart ranníocaíochtaí cistí dílse agus dliteanas incháilithe le haghaidh ionsú caillteanais agus athchaipitliú a dhéanamh sula ndéanfar ranníocaíocht ó SRT a mhéid is féidir. Ar deireadh, ba cheart do na Ballstáit a bheith in ann a cheangal nár cheart don institiúid faoi réiteach a ICDI a shárú, lena n-áirítear na spriocanna idirmheánacha ceangailteacha, laistigh de thréimhse áirithe roimh ghníomhaíocht réitigh, gan dochar do sháruithe teicniúla gearrthéarmacha ar ICDI.

(51)

Más ionann an ranníocaíocht a dhéanann scairshealbhóirí agus creidiúnaithe na hinstitiúide faoi réiteach trí laghduithe, díluacháil nó comhshó a ndliteanas nó trí na caillteanais a mheastar a iompróidh siad agus an t-eintiteas iarmharach á fhoirceannadh, móide an ranníocaíocht ó SRT, agus 8 % ar a laghad de dhliteanais iomlána na hinstitiúide, cistí dílse san áireamh, ba cheart don údarás réitigh a bheith in ann an socrú um maoiniú réitigh a úsáid chun cistiú breise a chur ar fáil i gcás inar gá sin chun réiteach éifeachtach a áirithiú i gcomhréir leis na cuspóirí réitigh. Sna cásanna sin, ba cheart an ranníocaíocht ón SRT a theorannú don mhéid is gá chun rochtain a thabhairt ar an socrú um maoiniú réitigh. Ina theannta sin, i gcás institiúid creidmheasa ag a bhfuil luach iomlán sócmhainní ar bhonn aonair idir EUR 30 billiún agus EUR 80 billiún, níor cheart an ranníocaíocht ó SRT a bheith níos mó ná 2,5 % de dhliteanas iomlán na hinstitiúide creidmheasa, cistí dílse san áireamh, ar bhonn aonair.

(52)

In imthosca urghnácha, d’fhéadfadh sé tarlú nach leor ranníocaíocht an tsocraithe um maoiniú réitigh, mar atá 5 % de na dliteanais iomlána, lena n-áirítear cistí dílse, chun riachtanais mhaoinithe gníomhaíochta réitigh ar leith a chumhdach. Sa chás sin, agus i gcás inar cumasaíodh an ranníocaíocht sin le hidirghabháil SRT, ba cheart ranníocaíocht bhreise a dhéanamh ó SRT, faoi choinníollacha áirithe, ar ranníocaíocht í a bheidh cothrom le méid na gcaillteanas a bhainfeadh do na taiscí faoi chumhdach mura mbeidís cosanta. Níor cheart costas na ranníocaíochta breise sin a bheith níos airde ná na caillteanais a d’iompródh SRT sa chás hipitéiseach ina ndéanfaí foirceannadh faoi ghnáthimeachtaí dócmhainneachta agus ina n-aisíocfaí taiscí cumhdaithe. Ina theannta sin, níor cheart suim na chéad ranníocaíochta ó SRT agus an ranníocaíocht bhreise ó SRT a bheith níos mó ná méid na dtaiscí faoi chumhdach san institiúid creidmheasa lena mbaineann. In éineacht le ranníocaíocht bhreise ó SRT, ba cheart don údarás réitigh a bheith in ann cistiú breise a lorg ó fhoinsí maoiniúcháin malartacha, i gcás ina gcomhlíontar na coinníollacha maidir leis an gcistiú sin.

(53)

I gcás ina n-úsáidtear cistí SRT chun an uirlis díolacháin gnó nó an uirlis droichead-institiúide a chur i bhfeidhm, ina n-aonar nó in éineacht le ranníocaíochtaí ón socrú um maoiniú réitigh, ba cheart an t-eintiteas iarmharach a bheidh fágtha tar éis aistriú na sócmhainní, na gceart agus na ndliteanas a fhoirceannadh ar bhealach ordúil i gcomhréir leis an dlí náisiúnta is infheidhme, de bhun Airteagal 37(6) de Threoir 2014/59/AE. Ina theannta sin, i gcás ina n-úsáidtear cistí SRT chun tacú leis an uirlis droichead-institiúide, ba cheart oibríochtaí na droichead-institiúide a fhoirceannadh i gcomhréir le hAirteagal 41(3), (5) agus (6) de Threoir 2014/59/AE.

(54)

Chun an próiseas maidir le glacadh gnéithe an-teicniúil de cheanglais tuairiscithe a éascú, agus chun feabhas a chur ar a gcur chun feidhme agus ar an bhfaireachán a ndéanann na húdaráis réitigh orthu, ba cheart athbhreithniú a dhéanamh ar na sainorduithe a thugtar do ÚBE chun caighdeáin theicniúla cur chun feidhme a fhorbairt chun comhsheasmhacht a áirithiú i raon feidhme agus in ábhar na sainorduithe éagsúla i dTreoir 2014/59/AE. Ba cheart na sainorduithe sin a ailíniú freisin leis na forálacha lena rialaítear tuairisciú agus nochtadh faisnéise maoirseachta a leagtar amach i Rialachán (AE) Uimh. 575/2013. Leis na leasuithe sin ar na sainorduithe atá ann cheana, ba cheart a bheith in ann athbhreithnithe a dhéanamh amach anseo ar na caighdeáin theicniúla cur chun feidhme agus níl sé mar aidhm leo difear a dhéanamh do na hoibleagáidí tuairiscithe ná nochta is infheidhme faoi láthair. Ba cheart an chumhacht a thabhairt don Choimisiún na caighdeáin theicniúla cur chun feidhme sin arna bhforbairt ag ÚBE a ghlacadh trí bhíthin gníomhartha cur chun feidhme de bhun Airteagal 291 den Chonradh ar Fheidhmiú an Aontais Eorpaigh (CFAE) agus i gcomhréir le hAirteagal 15 de Rialachán (AE) Uimh. 1093/2010. Ba cheart raon feidhme na gcaighdeán teicniúil rialála atá ann cheana maidir le meastachán a dhéanamh ar na ceanglais cistí dílse breise agus ar an gceanglas maoláin chomhcheangailte le haghaidh eintitis réitigh a leathnú chun eintitis a chumhdach nár sainaithníodh mar eintitis réitigh a chur san áireamh, i gcás nár socraíodh na ceanglais sin ar an mbonn céanna leis an ICDI. Ba cheart an chumhacht a thabhairt don Choimisiún Treoir 2014/59/AE a fhorlíonadh trí na caighdeáin theicniúla rialála sin arna bhforbairt ag ÚBE a ghlacadh trí bhíthin gníomhartha tarmligthe de bhun Airteagal 290 CFAE agus i gcomhréir le hAirteagail 10 go 14 de Rialachán (AE) Uimh. 1093/2010.

(55)

Ionas gur féidir tuairisciú agus nochtuithe maidir le ICDI a chomhtháthú tuilleadh, ba cheart do ÚBE an méid a nochtann institiúidí poiblí agus eintitis phoiblí a fhoilsiú ar bhealach láraithe, agus an ceart atá ag gach institiúid agus eintiteas sonraí agus faisnéis a fhoilsiú iad féin á urramú. Leis na nochtuithe láraithe sin, ba cheart do ÚBE a bheith in ann nochtuithe institiúidí beaga neamhchasta a fhoilsiú, bunaithe ar an bhfaisnéis arna tuairisciú ag na hinstitiúidí sin d’údaráis inniúla agus réitigh agus, dá bharr sin, ba cheart an t-ualach riaracháin atá ar institiúidí beaga neamhchasta a laghdú go suntasach. An tráth céanna, níor cheart aon tionchar ó thaobh costais de a bheith ag lárú nochtuithe ar institiúidí agus eintitis eile, agus ba cheart trédhearcacht a mhéadú agus an costas a bhíonn ar rannpháirtithe margaidh maidir le rochtain a fháil ar fhaisnéis stuamachta a laghdú leis. Leis an trédhearcacht mhéadaithe sin, ba cheart inchomparáideacht na sonraí i measc institiúidí agus eintitis a éascú agus disciplín an mhargaidh a chur chun cinn. Trí nochtuithe a bhaineann le réiteach a lárú, áirithítear ailíniú leis an nós imeachta is infheidhme maidir le nochtuithe maoirseachta mar a leagtar amach i Rialachán (AE) Uimh. 575/2013 chun a áirithiú go láimhseálfar na hoibleagáidí uile maidir le nochtadh ar bhealach comhchosúil.

(56)

I bhfianaise a róil maidir le cóineasú chleachtais na n-údarás a chur chun cinn, ba cheart do ÚBE faireachán agus tuairisciú a dhéanamh ar na cleachtais agus ar na modheolaíochtaí inmheánacha arna nglacadh ag na húdaráis réitigh agus cinneadh á dhéanamh acu ar cheart institiúid nó eintiteas a shannadh lena réiteach nó lena foirceannadh nó lena fhoirceannadh faoi ghnáthimeachtaí dócmhainneachta, i bhfianaise na gcuspóirí réitigh agus an mbeadh réiteach chun leasa an phobail. Ba cheart do ÚBE faireachán agus tuairisciú a dhéanamh freisin ar an dul chun cinn atá déanta ag na húdaráis réitigh chun feabhas a chur ar inréiteacht institiúidí agus grúpaí agus ar ghníomhaíochtaí agus ullmhúcháin na n-údarás réitigh chun cur chun feidhme éifeachtach na n-uirlisí réitigh agus na gcumhachtaí réitigh a áirithiú. Sna tuarascálacha sin, ba cheart do ÚBE measúnú a dhéanamh freisin ar leibhéal trédhearcachta na mbeart arna ndéanamh ag údaráis réitigh i leith páirtithe leasmhara seachtracha ábhartha agus ar mhéid a rannchuidithe le hullmhacht réitigh agus inréiteacht institiúidí agus grúpaí.

(57)

I gcomhthéacs na gcúraimí atá ar ÚBE rannchuidiú le córas comhleanúnach comhordaithe bainistithe géarchéime agus réitigh géarchéime a áirithiú san Aontas, ba cheart do ÚBE cleachtaí ionsamhlúcháin bainistithe géarchéime a chomhordú, agus formhaoirseacht a dhéanamh orthu, ar fud an Aontais. Ba cheart a chumhdach leis na hionsamhlúcháin sin an comhordú agus an comhar idir údaráis inniúla agus údaráis réitigh tráth a thagann meath ar staid airgeadais na n-institiúidí agus na n-eintiteas, tástáil a dhéanamh ar chur i bhfeidhm an bhosca uirlisí sa phleanáil téarnaimh agus réitigh, sa luath-idirghabháil, agus sa réiteach ar bhealach iomlánaíoch. Leis na cleachtaí ionsamhlúcháin géarchéime sin, ba cheart breithniú a dhéanamh go háirithe ar an ngné thrasteorann san idirghníomhaíocht idir na húdaráis ábhartha agus ar chur i bhfeidhm na n-uirlisí agus na gcumhachtaí atá ar fáil. I gcás inarb ábhartha, ba cheart glacadh agus cur chun feidhme scéimeanna réitigh laistigh den aontas baincéireachta a chuimsiú sna cleachtaí ionsamhlúcháin géarchéime, de bhun Rialachán (AE) Uimh. 806/2014.

(58)

D’ainneoin na rialacha rúndachta gairmiúla is infheidhme faoi láthair, ba cheart feabhas a chur ar mhalartuithe faisnéise idir údaráis réitigh agus údaráis chánach. Ba cheart na malartuithe sin a dhéanamh i gcomhréir leis an dlí náisiúnta. I gcás gur ó Bhallstát eile a thiocfaidh an fhaisnéis, níor cheart í a mhalartú ach le toiliú sainráite an údaráis ábhartha a nocht í.

(59)

Le Treoir (AE) 2019/879, leasaíodh Treoir 2014/59/AE chun rialacha tiomnaithe a thabhairt isteach chun a áirithiú nach n-infheisteoidh cliaint mhiondíola an iomarca in ionstraimí atá incháilithe le haghaidh ICDI institiúidí agus eintiteas. D’fhéadfadh sealbhú iomarcach ionstraimí ICDI ag cliaint mhiondíola dochar a dhéanamh d’inréiteacht institiúide nó eintitis agus d’fhéadfadh sé fadhbanna a chruthú don chobhsaíocht airgeadais. D’fhéadfadh fadhbanna ar leith a bheith ag baint leis sin nuair is taisceoirí de chuid na hinstitiúide eisiúna iad na cliaint mhiondíola freisin, ós rud é go bhfuil na taisceoirí sin an-leochaileach i leith ionstraimí dílse na hinstitiúide a bheith á gcur san áit mhíchuí. Dá bhrí sin, ba cheart do na húdaráis a áirithiú go gcomhlíonann díoltóirí, institiúidí agus eintitis na bearta arna nglacadh ag na Ballstáit a thrasuíonn Treoir (AE) 2019/879 chun cosaint cliant miondíola a áirithiú. I gcás nach bhfuil na bearta sin á gcur i bhfeidhm go hiomchuí, ba cheart do na húdaráis na rialacha sin a fhorfheidhmiú. Is iomchuí, dá bhrí sin, cumhachtaí tiomnaithe a thabhairt isteach i dTreoir 2014/59/AE chun aghaidh a thabhairt ar mhainneachtain na rialacha tiomnaithe maidir le cosaint cliant miondíola a chomhlíonadh, in éineacht leis na cumhachtaí atá i dTreoir 2014/65/AE. Thairis sin, agus úsáid á baint as an tuairisciú atá ann chun críoch pleanála réitigh agus ICDI, ba cheart do na húdaráis réitigh measúnú a dhéanamh ar chineál an bhoinn infheisteoirí in ionstraimí atá incháilithe do ICDI agus measúnú ar inréiteacht á dhéanamh acu ar institiúidí agus ar eintitis agus, i gcás inar gá, ceangal a chur ar an institiúid nó ar an eintiteas aghaidh a thabhairt ar aon bhaic a aimsítear nó na baic sin a bhaint. Ar deireadh, ba cheart do ÚBE, i gcomhar leis an Údarás Maoirseachta Eorpach (an tÚdarás Eorpach um Urrúis agus Margaí) arna bhunú le Rialachán (AE) Uimh. 1095/2010 ó Pharlaimint na hEorpa agus ón gComhairle (19), tuairisciú ar na bearta arna nglacadh ag na Ballstáit chun cliaint mhiondíola a chosaint a mhéid a bhaineann le hionstraimí fiachais atá incháilithe don ICDI de bhun Threoir 2014/59/AE, agus comparáid agus measúnú á ndéanamh ar aon tionchar a d’fhéadfadh a bheith ar oibríochtaí trasteorann. Ar an mbonn sin, d’fhéadfadh an Coimisiún togra reachtach a ghlacadh chun cosaint níos éifeachtaí a áirithiú do chliaint mhiondíola.

(60)

Tá measúnú tionchair ardcháilíochta ríthábhachtach chun tograí reachtacha fónta atá bunaithe ar fhianaise a fhorbairt, agus tá fíricí agus fianaise ríthábhachtach chun bonn eolais a chur faoi na cinntí a dhéantar le linn an nós imeachta reachtaigh. Ar an gcúis sin, ba cheart do ÚBE, don Bhord Réitigh Aonair agus do BCE an fhaisnéis go léir a theastaíonn uaidh dá chúraimí a bhaineann le forbairt beartais a chur ar fáil don Choimisiún, arna iarraidh sin dó, lena n-áirítear measúnuithe tionchair a ullmhú agus tograí reachtacha a ullmhú agus a chaibidil. I gcás nach mbeidh an fhaisnéis sin ar fáil do ÚBE, don Bhord Réitigh Aonair ná do BCE, ba cheart do na húdaráis réitigh, do na húdaráis inniúla agus do chomhaltaí eile an Chórais Eorpaigh Banc Ceannais í a chur ar fáil.

(61)

Ós rud é gur gá an chobhsaíocht airgeadais a chosaint agus gníomhú go mear, níor cheart na húdaráis réitigh a bheith faoi réir na nósanna imeachta soláthair maidir le conarthaí poiblí le haghaidh seirbhísí luachála chun críoch réitigh agus chun a mheas an gcaithfí ar bhealach níos fearr le scairshealbhóirí agus creidiúnaithe dá rachadh an institiúid faoi réiteach i mbun gnáthimeachtaí dócmhainneachta. Ba cheart dá bhrí sin na seirbhísí dá bhforáiltear a eisiamh ó raon feidhme Threoir 2014/24/AE ó Pharlaimint na hEorpa agus ón gComhairle (20). A mhéid a bhaineann le seirbhísí dlí a d’fhéadfadh a bheith ag teastáil ó na húdaráis réitigh, eisiadh seirbhísí dlí áirithe cheana féin ó raon feidhme na Treorach sin agus áirítear seirbhísí eile ar liosta na seirbhísí a leagtar amach in Iarscríbhinn XIV a ghabhann leis an Treoir sin a bhfuil feidhm ag tairseacha níos airde agus rialacha comhchuibhithe níos éadroime maidir leo.

(62)

Ós rud é nach féidir leis na Ballstáit cuspóir na Treorach seo, is é sin éifeachtacht agus éifeachtúlacht an chreata téarnaimh agus réitigh d’institiúidí agus d’eintitis a fheabhsú, a bhaint amach go leordhóthanach i ngeall ar na rioscaí a d’fhéadfadh a bheith ag baint le cineálacha éagsúla cur chuige náisiúnta do shláine an mhargaidh inmheánaigh agus, trí rialacha atá socraithe cheana ar leibhéal an Aontais a leasú, gur fearr is féidir iad a bhaint amach ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun an cuspóir sin a ghnóthú.

(63)

Ba cheart, dá bhrí sin, Treoracha 2014/59/AE agus 2014/24/AE a leasú dá réir sin,

(1)

leasaítear Airteagal 2(1) mar a leanas:

(2)

in Airteagal 5, cuirtear an méid seo a leanas in ionad mhíreanna 2, 3 agus 4:

(3)

in Airteagal 6(5), cuirtear an méid seo a leanas in ionad na chéad fhomhíre:

‘I gcás ina measann an t-údarás inniúil go bhfuil easnaimh ábhartha sa phlean téarnaimh, nó baic ábhartha ar a chur chun feidhme, tabharfaidh sé fógra don institiúid nó do mháthairghnóthas an ghrúpa faoina mheasúnú agus cuirfidh sé de cheangal ar an institiúid plean athbhreithnithe a chur isteach, laistigh de 3 mhí, tréimhse ar féidir síneadh míosa a chur léi le formheas an údaráis, lena léireofar conas atá aghaidh le tabhairt ar na heasnaimh nó na baic sin.’

(4)

in Airteagal 8(2), cuirtear an méid seo a leanas in ionad an tríú fomhír:

‘Féadfaidh ÚBE, arna iarraidh sin d’údarás inniúil, cuidiú leis na húdaráis inniúla teacht ar chinneadh comhpháirteach i gcomhréir le hAirteagal 31(2), pointe (c), de Rialachán (AE) Uimh. 1093/2010.’

(5)

leasaítear Airteagal 10 mar a leanas:

(6)

in Airteagal 11, cuirtear an méid seo a leanas in ionad mhír 3:

(7)

leasaítear Airteagal 12 mar a leanas:

(8)

leasaítear Airteagal 13 mar a leanas:

(9)

in Airteagal 15, cuirtear an mhír seo a leanas leis:

(10)

in Airteagal 16a, cuirtear an mhír seo a leanas leis:

(11)

leasaítear Airteagal 17 mar a leanas:

(12)

leasaítear Airteagal 18 mar a leanas:

(13)

cuirtear an méid seo a leanas in ionad Airteagail 27 agus 28:

(*1)  Rialachán (AE) Uimh. 600/2014 ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Rialachán (AE) Uimh. 648/2012 (IO L 173, 12.6.2014, lch. 84, ELI: http://data.europa.eu/eli/reg/2014/600/oj).’;"

(14)

leasaítear Airteagal 29 mar a leanas:

(15)

leasaítear Airteagal 30 mar a leanas:

(16)

cuirtear an t-airteagal seo a leanas isteach i dTeideal III:

(17)

in Airteagal 31(2), cuirtear an méid seo a leanas in ionad phointe (c):

;

(18)

leasaítear Airteagal 32 mar a leanas:

(19)

cuirtear an méid seo a leanas in ionad Airteagail 32a agus 32b:

(20)

cuirtear an t-airteagal seo a leanas isteach:

(21)

in Airteagal 33, cuirtear an méid seo a leanas in ionad mhír 2:

(22)

leasaítear Airteagal 33a mar a leanas:

(23)

leasaítear Airteagal 35 mar a leanas:

(24)

in Airteagal 36, cuirtear an mhír seo a leanas isteach:

(25)

leasaítear Airteagal 37 mar a leanas:

(26)

leasaítear Airteagal 40 mar a leanas:

(27)

in Airteagal 42(5), cuirtear an méid seo a leanas in ionad phointe (b):

;

(28)

leasaítear Airteagal 44 mar a leanas:

(29)

in Airteagal 44a, cuirtear an mhír seo a leanas leis:

(30)

in Airteagal 45, cuirtear an méid seo a leanas in ionad mhír 1:

(31)

leasaítear Airteagal 45b mar a leanas:

(32)

leasaítear Airteagal 45c mar a leanas:

(33)

in Airteagal 45d(1), cuirtear an méid seo a leanas in ionad na foclaíochta tosaigh:

‘Is é an méid seo a leanas a bheidh sa cheanglas dá dtagraítear in Airteagal 45(1) atá ar eintiteas réitigh arb eintiteas G-SII é:’

(34)

leasaítear Airteagal 45f mar a leanas:

(35)

cuirtear an méid seo a leanas in ionad Airteagal 45g:

(36)

leasaítear Airteagal 45i mar a leanas:

(37)

in Airteagal 45j, cuirtear an méid a leanas in ionad mhír 2:

(38)

in Airteagal 451(3), cuirtear an méid seo a leanas in ionad an dara fomhír:

‘Cumhdófar 3 bliana féilire leis an tuarascáil dá dtagraítear i mír 2 agus déanfar í a chur faoi bhráid an Choimisiúin faoin 31 Nollaig den bhliain fhéilire tar éis na bliana deireanaí a chumhdaítear sa tuarascáil. Scoirfidh an oibleagáid dá dtagraítear i mír 2 d’fheidhm a bheith aici tar éis don dara tuarascáil a bheith tíolactha.’

(39)

leasaítear Airteagal 45m mar a leanas:

(40)

in Airteagal 46(2), cuirtear an méid seo a leanas in ionad na chéad fhomhíre:

‘Leis an measúnú dá dtagraítear i mír 1 den Airteagal seo, suífear an méid faoinar gá dliteanais ar féidir tarrtháil inmheánach a thabhairt orthu a dhíluacháil nó a chomhshó chun na gcríoch seo a leanas:

(41)

leasaítear Airteagal 47(1) mar a leanas:

(42)

leasaítear Airteagal 52 mar a leanas:

(43)

leasaítear Airteagal 53 mar a leanas:

(44)

leasaítear Airteagal 55 mar a leanas:

(45)

leasaítear Airteagal 59 mar a leanas:

(46)

leasaítear Airteagal 63 mar a leanas:

(47)

in Airteagal 71a, cuirtear an méid seo a leanas in ionad mhír 3:

(48)

in Airteagal 74(2), cuirtear an méid seo a leanas in ionad phointe (a):

;

(49)

cuirtear an méid seo a leanas in ionad Airteagal 75:

(50)

in Airteagal 84, cuirtear an mhír seo a leanas isteach:

(51)

cuirtear na hairteagail seo a leanas isteach i gCaibidil VIII:

(*4)  Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le cosc a chur ar úsáid an chórais airgeadais chun críoch sciúrtha airgid nó maoinithe sceimhlitheoirí, lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle agus lena n-aisghairtear Treoir 2005/60/CE ó Pharlaimint na hEorpa agus ón gComhairle agus Treoir 2006/70/CE ón gCoimisiún (IO L 141, 5.6.2015, lch. 73, ELI: http://data.europa.eu/eli/dir/2015/849/oj).’;"

(52)

leasaítear Airteagal 88 mar a leanas:

(53)

leasaítear Airteagal 91 mar a leanas:

(54)

in Airteagal 92(3), cuirtear an méid seo a leanas in ionad an dara fomhír:

‘Féadfaidh ÚBE, arna iarraidh sin d’údarás réitigh, cuidiú leis na húdaráis réitigh teacht ar chinneadh comhpháirteach i gcomhréir le hAirteagal 31(2), pointe (c), de Rialachán (AE) Uimh. 1093/2010.’

(55)

in Airteagal 96(3), cuirtear an méid seo a leanas in ionad phointe (b):

;

(56)

in Airteagal 98, leasaítear mír 1 mar a leanas:

(57)

in Airteagal 101, cuirtear an mhír seo a leanas leis:

(58)

in Airteagal 102(3), cuirtear an méid seo a leanas in ionad na chéad fhomhíre:

‘Mura leor na hacmhainní airgeadais atá ar fáil chun an spriocleibhéal a shonraítear i mír 1 den Airteagal seo a bhaint amach, atosófar na ranníocaíochtaí ex ante arna gcruinniú i gcomhréir le hAirteagal 103 go dtí go sroichfear an spriocleibhéal. Féadfaidh na húdaráis réitigh tiomsú na ranníocaíochtaí ex ante arna gcruinniú i gcomhréir le hAirteagal 103 a chur siar ar feadh suas le 3 bliana chun a áirithiú go sroichfidh an méid atá le tiomsú méid atá comhréireach le costais an phróisis tiomsaithe, ar choinníoll nach ndéanfaidh an cur siar sin difear ábharach do chumas an údaráis réitigh na socruithe um maoiniú réitigh a úsáid de bhun Airteagal 101. I gcás inar lú na hacmhainní airgeadais atá ar fáil ná dhá thrian den spriocleibhéal, socrófar na ranníocaíochtaí ar leibhéal lena bhféadfar an spriocleibhéal a shroicheadh laistigh de thréimhse ama réasúnta nach faide ná 6 bliana.’

(59)

leasaítear Airteagal 103 mar a leanas:

(60)

in Airteagal 104(1), cuirtear an méid seo a leanas in ionad an dara fomhír:

‘Ní rachaidh méid iomlán na ranníocaíochtaí ex post urghnácha in aghaidh na bliana thar mhéid atá trí huaire níos mó ná 12,5 % den spriocleibhéal a shonraítear in Airteagal 102.’

(61)

in Airteagal 107(3), cuirtear an méid seo a leanas in ionad phointe (d):

;

(62)

leasaítear Airteagal 108 mar a leanas:

(63)

cuirtear an méid seo a leanas in ionad Airteagal 109:

(64)

in Airteagal 111(1), cuirtear na pointí seo a leanas leis:

;

(65)

cuirtear an méid seo a leanas in ionad Airteagal 128:

(66)

cuirtear na hairteagail seo a leanas isteach:

(*5)  Rialachán (AE) Uimh. 806/2014 ó Pharlaimint na hEorpa agus ón gComhairle an 15 Iúil 2014 lena mbunaítear rialacha aonfhoirmeacha agus nós imeachta aonfhoirmeach maidir le réiteach institiúidí creidmheasa agus gnólachtaí infheistíochta áirithe faoi chuimsiú Sásra Réitigh Aonair agus Ciste Réitigh Aonair agus lena leasaítear Rialachán (AE) Uimh. 1093/2010 (IO L 225, 30.7.2014, lch. 1, ELI: http://data.europa.eu/eli/reg/2014/806/oj)."

(*6)  Treoir (AE) 2026/806 ó Pharlaimint na hEorpa agus ón gComhairle an 30 Márta 2026 lena leasaítear Treoir 2014/59/AE a mhéid a bhaineann le bearta luath-idirghabhála, coinníollacha maidir le réiteach agus gníomhaíocht réitigh a mhaoiniú agus Treoir 2014/24/AE a mhéid a bhaineann le seirbhísí luachála i gcás réitigh (IO L, 2026/806, 20.4.2026, ELI: http://data.europa.eu/eli/dir/2026/806/oj).’;"

(67)

san Iarscríbhinn, Roinn B, cuirtear an pointe seo a leanas isteach:

‘(k)

seirbhísí luachála dá dtagraítear in Airteagail 36 agus 74 de Threoir 2014/59/AE ó Pharlaimint na hEorpa agus ón gComhairle (*7).