(1)

Tháinig an Coinbhinsiún um Eitlíocht Shibhialta Idirnáisiúnta (‘Coinbhinsiún Chicago’), lena rialaítear aeriompar idirnáisiúnta, i bhfeidhm an 4 Aibreán 1947. Bunaíodh an Eagraíocht Eitlíochta Sibhialta Idirnáisiúnta (EESI) leis.

(2)

Is Stáit Chonarthacha i gCoinbhinsiún Chicago iad na Ballstáit go léir, agus is comhaltaí de EESI iad, agus tá stádas breathnóra ag an Aontas i gcomhlachtaí áirithe de EESI. Tá ionadaithe ó 6 Bhallstát ar Chomhairle EESI faoi láthair.

(3)

De bhun Airteagal 54 de Choinbhinsiún Chicago, is féidir le Comhairle EESI Caighdeáin Idirnáisiúnta agus Cleachtais Mholta Idirnáisiúnta (SARPanna) a ghlacadh, agus féadfaidh sí iad a ainmniú mar Iarscríbhinní a ghabhann le Coinbhinsiún Chicago.

(4)

Ghlac Comhairle EESI leis na SARPanna maidir le cosaint an chomhshaoil mar Iarscríbhinn 16 a ghabhann le Coinbhinsiún Chicago.

(5)

Tá Comhairle EESI, le linn a 237ú seisiún, le roinnt leasuithe ar Iarscríbhinn 16 a ghlacadh, Imleabhair I go III, a ghabhann le Coinbhinsiún Chicago.

(6)

Is iomchuí an seasamh atá le glacadh thar ceann an Aontais i dtionól Chomhairle EESI a bhunú, ós rud é go mbeidh na leasuithe atá beartaithe ceangailteach faoin dlí idirnáisiúnta agus go bhfuil siad in ann tionchar cinntitheach a imirt ar ábhar dhlí an Aontais, is é sin Rialachán (AE) 2018/1139 ó Pharlaimint na hEorpa agus ón gComhairle (1) agus Rialachán (AE) Uimh. 748/2012 ón gCoimisiún (2).

(7)

Is é an seasamh ba cheart a ghlacadh thar ceann an Aontais tacú le leasuithe 3, 12 agus 15 atá beartaithe ar Iarscríbhinn 16 a ghabhann le Coinbhinsiún Chicago.

(8)

Ba cheart do na Ballstáit atá ina gcomhaltaí de Chomhairle EESI faoi láthair, an seasamh atá le glacadh ag an Aontas a chur in iúl, ag gníomhú dóibh go comhpháirteach chun leasa an Aontais.

(9)

Más rud é go nglacann Chomhairle EESI leasuithe 3, 12 agus 15 atá beartaithe ar Iarscríbhinn 16 a ghabhann le Coinbhinsiún Chicago, tá glacadh na leasuithe sin le fógairt ina dhiaidh sin ag Ardrúnaí EESI trí nós imeachta Litreach Stáit EESI. Sa chás sin, is é an seasamh ba cheart a ghlacadh thar ceann an Aontais tar éis a nglactha gan míshástacht a chlárú agus fógra faoin rún atá aige na leasuithe achomhlíonadh. I gcás ina mbeadh dlí an Aontais ar neamhréir leis na SARPanna nuaghlactha tar éis an dáta a beartaíodh a thiocfadh na SARPanna sin i bhfeidhm, ba cheart fógra a thabhairt do EESI faoi aon difríocht idir dlí an Aontais agus na SARPanna áirithe sin. Ba cheart seasamh an Aontais i ndáil le haon difríocht den sórt sin a bhunú ar dhoiciméad i scríbhinn a chuirfidh an Coimisiún faoi bhráid na Comhairle chun é a phlé agus a fhormheas. Ba cheart do Bhallstáit uile an Aontais an seasamh sin a chur in iúl, ag gníomhú dóibh go comhpháirteach chun leasa an Aontais,