(1)

Le Rialachán (AE) 2016/429 leagtar síos rialacha maidir le cosc agus rialú galar ainmhithe atá in-tarchurtha go hainmhithe nó go daoine, lena n-áirítear, i measc nithe eile, na ceanglais sláinte ainmhithe is infheidhme maidir le gluaiseachtaí neamhthráchtála peataí isteach i mBallstát ó Bhallstát eile nó ó thríú tír nó ó chríoch. Go háirithe, foráiltear leis nach bhfuil peataí le gluaiseacht isteach i mBallstát ó Bhallstát eile nó ó thríú tír nó ó chríoch chun críoch neamhthráchtála mura bhfuil doiciméid aitheantais shonracha agus dearbhuithe sonracha ag gabháil leo.

(2)

Glacadh múnla do dhoiciméid aitheantais agus múnla do dhearbhuithe a bunaíodh i Rialacháin Cur Chun Feidhme (AE) Uimh. 577/2013 ón gCoimisiún (2) agus (AE) 2021/1938 (3) de bhun Rialachán (AE) Uimh. 576/2013 ó Pharlaimint na hEorpa agus ón gComhairle (4). Aisghaireadh Rialachán (AE) Uimh. 576/2013 le hAirteagal 270(2) de Rialachán (AE) 2016/429 ón 21 Aibreán 2021. Mar sin féin, foráiltear le hAirteagal 277 den Rialachán sin, d’ainneoin na haisghairme sin, go leanfaidh Rialachán (AE) Uimh. 576/2013 d’fheidhm a bheith aige go dtí an 21 Aibreán 2026 maidir le gluaiseachtaí neamhthráchtála peataí. Dá bhrí sin, beidh Rialachán Cur Chun Feidhme (AE) Uimh. 577/2013 agus (AE) 2021/1938 imithe i léig tar éis an 21 Aibreán 2026.

(3)

Le Rialachán Tarmligthe (AE) 2026/131 ón gCoimisiún (5), déantar forlíonadh ar Rialachán (AE) 2016/429 a mhéid a bhaineann le ceanglais sláinte ainmhithe le haghaidh gluaiseachtaí neamhthráchtála peataí isteach i mBallstát ó Bhallstát eile nó ó thríú tír nó ó chríoch.

(4)

I gcomhréir le hAirteagal 11 de Rialachán Tarmligthe (AE) 2026/131, beidh doiciméad aitheantais i bhfoirm phas ag gabháil le peataí madraí, peataí cat nó peataí firéad a thugtar isteach i mBallstát ó Bhallstát eile chun críoch neamhthráchtála i gcomhréir le múnla atá le glacadh ag an gCoimisiún. Beidh iontrálacha sa mhúnla sin de phas chun faisnéis áirithe a chur isteach i gcomhréir leis an Rialachán Tarmligthe sin, chomh maith le ceanglais bhreise maidir le teanga, leagan amach, bailíocht nó gnéithe slándála. Is iomchuí, dá bhrí sin, an múnla de phas agus na ceanglais bhreise a leagan amach sa Rialachán seo.

(5)

I gcomhréir le hAirteagal 18 de Rialachán Tarmligthe (AE) 2026/131, beidh doiciméad aitheantais i bhfoirm deimhnithe sláinte ainmhithe ag gabháil le peataí madraí, peataí cat nó peataí firéad a thugtar isteach i mBallstát ó thríú tír nó ó chríoch chun críoch neamhthráchtála i gcomhréir le múnla atá le glacadh ag an gCoimisiún. Beidh na hiontrálacha maidir le faisnéis áirithe a chur isteach sa deimhniú sláinte ainmhithe caighdeánach i gcomhréir leis an Rialachán Tarmligthe sin, chomh maith le ceanglais bhreise maidir le teanga, leagan amach, bailíocht agus gnéithe slándála. Is iomchuí, dá bhrí sin, an deimhniú sláinte ainmhithe caighdeánach agus na ceanglais bhreise a leagan amach sa Rialachán seo.

(6)

I gcomhréir le hAirteagal 20, pointe (a), de Rialachán Tarmligthe (AE) 2026/131, ceadaítear peataí madraí, peataí cat nó peataí firéad a aistriú ó thríú tíortha áirithe nó ó chríocha áirithe gan deimhniú sláinte ainmhithe a bheith ag gabháil leo, ar choinníoll go bhfuil pas ag gabháil leo a eisíodh i gcomhréir le múnla a leagtar amach, chun na críche sin, i ndlí an Aontais. Is iomchuí, dá bhrí sin, an múnla de phas a leagan amach do na gluaiseachtaí sin sa Rialachán seo.

(7)

I gcomhréir le hAirteagal 26 de Rialachán Tarmligthe (AE) 2026/131, beidh doiciméad aitheantais i bhfoirm deimhnithe sláinte ainmhithe ag gabháil le peataí éan a aistrítear isteach i mBallstát ó thríú tír nó ó chríoch chun críoch neamhthráchtála i gcomhréir le múnla atá le glacadh ag an gCoimisiún. Beidh na hiontrálacha maidir le faisnéis áirithe a chur isteach sa deimhniú sláinte ainmhithe caighdeánach i gcomhréir leis an Rialachán Tarmligthe sin, chomh maith le ceanglais bhreise áirithe maidir le teanga, leagan amach, bailíocht agus gnéithe slándála. Is iomchuí, dá bhrí sin, an deimhniú sláinte ainmhithe caighdeánach agus na ceanglais bhreise sa Rialachán seo a leagan amach.

(8)

Ceanglaítear le hAirteagal 4 de Rialachán Tarmligthe (AE) [C(2026) 20] gur gá dearbhú i scríbhinn arna shíniú ag úinéir an pheata lena n-údaraítear do dhuine údaraithe an ghluaiseacht neamhthráchtála a dhéanamh thar a cheann a bheith i gceangal leis an doiciméad aitheantais ábhartha. Is iomchuí, dá bhrí sin, formáid, leagan amach agus ceanglais teanga an dearbhaithe sin a leagan amach sa Rialachán seo.

(9)

Foráiltear le hAirteagal 18(3) de Rialachán Tarmligthe (AE) 2026/131 go bhfuil dearbhú i scríbhinn arna shíniú ag úinéir an pheata nó ag an duine údaraithe, lena ndeimhnítear gur gluaiseachtaí neamhthráchtála iad gluaiseachtaí na bpeataí madraí, na bpeataí cat agus na bpeataí firéad isteach san Aontas, le cur i gceangal leis an deimhniú sláinte ainmhithe dá dtagraítear in Airteagal 18(1) den Rialachán Tarmligthe sin. Is iomchuí, dá bhrí sin, formáid, leagan amach agus ceanglais teanga an dearbhaithe sin a leagan amach sa Rialachán seo.

(10)

Foráiltear le hAirteagal 26(3) de Rialachán Tarmligthe (AE) 2026/131 go bhfuil dearbhú i scríbhinn arna shíniú ag úinéir an pheata nó ag an duine údaraithe, lena ndeimhnítear gur gluaiseachtaí neamhthráchtála iad gluaiseachtaí na bpeataí éan isteach san Aontas agus lena léirítear na socruithe réamhghluaiseachta agus iarghluaiseachta a rinneadh, le cur i gceangal leis an deimhniú sláinte ainmhithe dá dtagraítear in Airteagal 26(1) den Rialachán Tarmligthe sin. Is iomchuí, dá bhrí sin, formáid, leagan amach agus ceanglais teanga an dearbhaithe sin a leagan amach sa Rialachán seo.

(11)

Ní dhéanfar peataí madraí, peataí cat ná peataí firéad a ghluaiseacht isteach i mBallstát ó Bhallstát eile mura bhfuil vacsaíniú frithchonfaidh faighte acu, vacsaíniú lena gcomhlíontar na ceanglais bhailíochta a leagtar amach i gCuid 1 d’Iarscríbhinn VII a ghabhann le Rialachán Tarmligthe (AE) 2020/688 ón gCoimisiún (6). Mar sin féin, de réir Airteagal 9 de Rialachán Tarmligthe (AE) 2026/131, ceadaítear gluaiseacht peataí óga madraí, cat agus firéad nach bhfuil vacsaínithe nó nach gcomhlíonann na ceanglais bhailíochta a leagtar amach i gCuid 1 d’Iarscríbhinn VII i gcás, inter alia, ina soláthraíonn an t-úinéir nó an duine údaraithe dearbhú sínithe nach raibh aon teagmháil ag na peataí, ó thráth a mbreithe go dtí tráth na gluaiseachta neamhthráchtála, le hainmhithe fiáine de speicis atá soghabhálach i leith an chonfaidh. Is iomchuí, dá bhrí sin, formáid, leagan amach agus ceanglais teanga an dearbhaithe sin a leagan amach sa Rialachán seo.

(12)

Níl peataí madraí, peataí cat ná peataí firéad le gluaiseacht isteach i mBallstát ó thríú tír nó ó chríoch seachas iad siúd dá dtagraítear in Airteagal 17(1) de Rialachán Tarmligthe (AE) 2026/131, ach amháin má tá tástáil le haghaidh thoirtmheascadh antasubstainte an chonfaidh déanta orthu, ar tástáil í lena gcomhlíontar na ceanglais bhailíochta a leagtar amach in Iarscríbhinn XXI a ghabhann le Rialachán Tarmligthe (AE) 2020/692 ón gCoimisiún (7). Ní bheidh idirthuras trí cheann de na tríú tíortha nó ceann de na críocha sin faoi réir na tástála sin, áfach, i gcás ina soláthraíonn an t-úinéir nó an duine údaraithe dearbhú sínithe lena gcuirtear in iúl nach raibh aon teagmháil ag na hainmhithe le hainmhithe de speicis atá soghabhálach i leith an chonfaidh agus go bhfuil siad á gcoimeád laistigh de mhodh iompair nó laistigh de theorainn aerfoirt idirnáisiúnta. Is iomchuí, dá bhrí sin, formáid, leagan amach agus ceanglais teanga an dearbhaithe sin a leagan amach sa Rialachán seo.

(13)

Chun a áirithiú gur féidir stoic doiciméad aitheantais a chomhlíonann na forálacha ábhartha de Rialachán (AE) Uimh. 576/2013 a úsáid ar feadh tréimhse ama iomchuí agus chun gur féidir leis na Ballstáit oiriúnú don mhúnla nua do dhoiciméid aitheantais, is gá foráil a dhéanamh maidir le haistriú rianúil ó chur i bhfeidhm na bhforálacha aisghairthe i ndáil le múnla do dhoiciméid aitheantais le haghaidh gluaiseachtaí neamhthráchtála peataí.

(14)

Chun aon chur isteach nach bhfuil gá leis ar ghluaiseachtaí neamhthráchtála peataí a sheachaint, ba cheart Rialachán Cur Chun Feidhme (AE) Uimh. 577/2013 agus Rialachán Cur Chun Feidhme (AE) 2021/1938 a aisghairm leis an Rialachán seo le héifeacht ar an lá céanna a thiocfaidh deireadh le cur i bhfeidhm leanúnach Rialachán aisghairthe (AE) Uimh. 576/2013 agus a mbeidh feidhm le Rialachán Tarmligthe (AE) 2026/131. Dá bhrí sin, ba cheart an Rialachán seo a theacht i bhfeidhm mar ábhar práinne agus ba cheart feidhm a bheith aige ón 22 Aibreán 2026.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(a)

a tharraingt suas i gcomhréir leis an múnla a leagtar amach i gCuid 1 d’Iarscríbhinn III a ghabhann leis an Rialachán seo;

(b)

a líonadh isteach go cuí agus a eisiúint i gcomhréir leis na nótaí míniúcháin a leagtar amach i gCuid 2 d’Iarscríbhinn III a ghabhann leis an Rialachán seo;

(c)

a fhorlíonadh leis an dearbhú i scríbhinn dá dtagraítear in Airteagal 18(3) de Rialachán Tarmligthe (AE) [C(2026) 20], arna tharraingt suas i gcomhréir leis an múnla a leagtar amach i gCuid 2 d’Iarscríbhinn V a ghabhann leis an Rialachán seo agus lena gcomhlíontar na ceanglais bhreise a leagtar amach i gCuid 6 den Iarscríbhinn sin.

(a)

a tharraingt suas i gcomhréir leis an múnla a leagtar amach i gCuid 1 d’Iarscríbhinn IV a ghabhann leis an Rialachán seo;

(b)

a líonadh isteach go cuí agus a eisiúint i gcomhréir leis na nótaí míniúcháin a leagtar amach i gCuid 2 d’Iarscríbhinn IV a ghabhann leis an Rialachán seo;

(c)

a fhorlíonadh leis an dearbhú i scríbhinn dá dtagraítear in Airteagal 26(3) de Rialachán Tarmligthe (AE) 2026/131, arna tharraingt suas i gcomhréir leis an múnla a leagtar amach i gCuid 3 d’Iarscríbhinn V a ghabhann leis an Rialachán seo agus lena gcomhlíontar na ceanglais bhreise a leagtar amach i gCuid 6 den Iarscríbhinn sin.

(a)

Rialachán Cur Chun Feidhme (AE) Uimh. 577/2013;

(b)

Rialachán Cur Chun Feidhme (AE) 2021/1938.