CINNEADH Ó CHOMHCHOISTE LEE Uimh. 283/2025

an 5 Nollaig 2025

lena leasaítear Iarscríbhinn II (Rialacháin theicniúla, caighdeáin, tástáil agus deimhniú) a ghabhann le Comhaontú LEE [2026/628]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán (AE) 2025/877 ón gCoimisiún an 12 Bealtaine 2025 lena leasaítear Rialachán (CE) Uimh. 1223/2009 ó Pharlaimint na hEorpa agus ón gComhairle a mhéid a bhaineann le substaintí áirithe a aicmítear mar shubstaintí atá carcanaigineach, só-ghineach nó tocsaineach don atáirgeadh a úsáid i dtáirgí cosmaideacha (1), tá sé le hionchorprú i gComhaontú LEE.

(2)

Cinneadh Cur Chun Feidhme (AE) 2025/1175 ón gCoimisiún an 16 Meitheamh 2025 lena leagtar síos rialacha maidir le cur i bhfeidhm Rialachán (CE) Uimh. 1223/2009 ó Pharlaimint na hEorpa agus ón gComhairle a mhéid a bhaineann leis an ngluais d’ainmneacha coitianta na gcomhábhar atá le húsáid i lipéadú táirgí cosmaideacha agus lena n-aisghairtear Cinneadh Cur Chun Feidhme (AE) 2022/677 ón gCoimisiún (2), tá sé le hionchorprú i gComhaontú LEE.

(3)	Le Cinneadh Cur Chun Feidhme (AE) 2025/1175 aisghairtear Cinneadh Cur Chun Feidhme (AE) 2022/677 ón gCoimisiún (3), cinneadh atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(4)	Dá bhrí sin, ba cheart Iarscríbhinn II a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Caibidil XVI d’Iarscríbhinn II a ghabhann le Comhaontú LEE, leasaítear í mar a leanas:

Cuirtear an fhleasc seo a leanas isteach i bpointe 1a (Rialachán (CE) Uimh. 1223/2009 ó Pharlaimint na hEorpa agus ón gComhairle):

‘—	32025 R 0877: Rialachán (AE) 2025/877 ón gCoimisiún an 12 Bealtaine 2025 (IO L, 2025/877, 13.5.2025).’

Cuirtear an pointe seo a leanas isteach i ndiaidh phointe 1aa (Cinneadh Cur Chun Feidhme 2013/674/AE ón gCoimisiún):

‘1ab.

32025 D 1175: Cinneadh Cur Chun Feidhme (AE) 2025/1175 ón gCoimisiún an 16 Meitheamh 2025 lena leagtar síos rialacha maidir le cur i bhfeidhm Rialachán (CE) Uimh. 1223/2009 ó Pharlaimint na hEorpa agus ón gComhairle a mhéid a bhaineann leis an ngluais d’ainmneacha coitianta na gcomhábhar atá le húsáid i lipéadú táirgí cosmaideacha agus lena n-aisghairtear Cinneadh Cur Chun Feidhme (AE) 2022/677 ón gCoimisiún, tá sé le hionchorprú i gComhaontú LEE (IO L, 2025/1175, 10.7.2025).’

3.	Scriostar téacs phointe 13a (Cinneadh Cur Chun Feidhme (AE) 2022/677 ón gCoimisiún).

Airteagal 2

Is téacsanna barántúla a bheidh i dtéacsanna Rialacháin (AE) 2025/877 agus Cinneadh Cur Chun Feidhme (AE) 2025/1175 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 6 Nollaig 2025, ar choinníoll go mbeidh na fógraí uile dá bhforáiltear faoi Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 5 Nollaig 2025.

Thar ceann Chomhchoiste LEE

An tUachtarán

Stefán Haukur JÓHANNESSON

(1) IO L, 2025/877, 13.5.2025, ELI: http://data.europa.eu/eli/reg/2025/877/oj.

(2) IO L, 2025/1175, 10.7.2025, ELI: http://data.europa.eu/eli/dec_impl/2025/1175/oj.

(3) IO L 127, 29.4.2022, lch. 1.

(*1) Ní shonraítear aon cheanglas bunreachtúil.