(1)

Chun a iomchuí, a leordhóthanaí agus a éifeachtaí atá a gcuid córas, acmhainní agus nósanna imeachta a áirithiú, ba cheart d’athbhreithneoirí seachtracha breithniú cuimsitheach a dhéanamh ar a socruithe inmheánacha, ó stóinseacht na gcóras faisnéise go leordhóthanacht na n-acmhainní daonna, teicniúla agus ábhartha. Ba cheart d’athbhreithneoirí seachtracha creat measúnaithe stóinsithe a fhorbairt mar chuid dá nósanna imeachta, inar cheart na critéir íosta a chuimsiú atá le cur i bhfeidhm chun measúnú a dhéanamh ar cháilíocht na faisnéise agus ar iontaofacht na bhfoinsí a úsáidtear i ngníomhaíochtaí measúnaithe.

(2)

Ar an gcúis chéanna, ba cheart aon easnamh i gcórais, in acmhainní agus i nósanna imeachta a shainaithnítear agus faireachán agus meastóireacht á ndéanamh ar a leordhóthanacht agus a n-éifeachtacht a thaifeadadh, a leigheas agus a thuairisciú go leormhaith, agus ba cheart do chomhaltaí de chomhlacht bainistíochta an athbhreithneora sheachtraigh formhaoirseacht a dhéanamh ar ghníomhaíochtaí ceartaitheacha.

(3)

Chun go mbeidh an t-údarás ag an bhfeidhm chomhlíonta a cuid freagrachtaí a chur i gcrích i gceart agus go neamhspleách, ba cheart beartas nó beartais maidir le feidhm chomhlíonta arna bhformheas ag bord a bheith ag athbhreithneoirí seachtracha agus ba cheart an fheidhm chomhlíonta a bheith i struchtúir eagraíochtúla ábhartha an athbhreithneora sheachtraigh, lena n-áirítear coistí.

(4)

Chun acmhainní is gá na feidhme comhlíonta a ráthú agus chun a chur ar a cumas don fheidhm chomhlíonta a cuid cúraimí faireacháin a dhéanamh go héifeachtach, ba cheart d’athbhreithneoirí seachtracha acmhainní teicniúla agus daonna leordhóthanacha a thiomnú don fheidhm sin.

(5)

Chun an saineolas is gá maidir leis an bhfeidhm chomhlíonta a bhunú, ba cheart d’athbhreithneoirí seachtracha scileanna agus taithí chomhchoiteann agus cothrom le dáta na ndaoine a dhéanann an fheidhm chomhlíonta a áirithiú, lena n-áirítear trína fhíorú cé acu atá nó nach bhfuil an stair fostaíochta agus na cáilíochtaí gairmiúla is gá ag na daoine sin, agus trí ardleibhéil leordhóthanacha oiliúna inmheánaí a chur ar fáil.

(6)

Chun go mbeidh rochtain ag an bhfeidhm chomhlíonta ar an bhfaisnéis ábhartha uile, ba cheart d’athbhreithneoirí seachtracha a áirithiú gur féidir leis an bhfeidhm chomhlíonta faisnéis a fháil ó na foinsí uile a theastaíonn uaithi chun a cuid cúraimí a chomhlíonadh go leormhaith, lena n-áirítear taifid ar fheidhm chorparáideach agus rialaithe, tuarascálacha iniúchóireachta, tuarascálacha sceithireachta agus gearáin custaiméirí. I bhfianaise an ghá atá ann a áirithiú go gcloíonn soláthraithe seirbhíse tríú páirtí agus aonaid ghnó eile leis na caighdeáin chéanna leis an athbhreithneoir seachtrach féin, ba cheart rochtain a bheith ag an bhfeidhm chomhlíonta freisin ar fhaisnéis maidir le haon fheidhm sheachfhoinsithe nó línte gnó eile de chuid an athbhreithneora sheachtraigh.

(7)

Chun fóntacht a nósanna imeachta riaracháin agus cuntasaíochta a áirithiú, ba cheart d’athbhreithneoirí seachtracha taifid leormhaithe a choinneáil ar bun ar theagmhais chuntasaíochta ábhartha agus caighdeáin agus rialacha cuntasaíochta is infheidhme a chomhlíonadh.

(8)

Chun sásraí rialaithe inmheánaigh fónta a choinneáil ar bun, ba cheart d’athbhreithneoirí seachtracha córas cuimsitheach rialaithe inmheánaigh a chur chun feidhme atá dírithe ar thimpeallacht rialaithe láidir chomhréireach a chruthú, rioscaí a bhainistiú go héifeachtach, gníomhaíochtaí rialaithe is gá a chur chun feidhme, sreafaí soiléire faisnéise agus cumarsáid a áirithiú agus faireachán leanúnach a dhéanamh ar ghníomhaíochtaí.

(9)

Chun éifeachtacht na socruithe rialaithe agus coimirce le haghaidh córais próiseála faisnéise a ráthú, ba cheart d’athbhreithneoirí seachtracha creat rialaithe a chur chun feidhme le haghaidh bainistíocht riosca TFC lena n-áirítear measúnuithe TF agus measúnuithe slándála faisnéise agus tástáil ar chórais chúltaca TFC chun leanúnachas gnó a áirithiú.

(10)

Chun a áirithiú go mbeidh a dtuairim bunaithe ar anailís chríochnúil ar fhaisnéis atá de cháilíocht leordhóthanach agus ó fhoinsí iontaofa, ba cheart d’athbhreithneoirí seachtracha critéir shonracha a chur i bhfeidhm ina modheolaíochtaí measúnaithe chun measúnú a dhéanamh ar an bhfaisnéis sin.

(11)

Chun meastóireacht a dhéanamh ar cháilíocht na faisnéise a úsáidtear, ba cheart d’athbhreithneoirí seachtracha a áirithiú go bhfuil an fhaisnéis sin iomlán, ábhartha, tráthúil agus bunaithe ar thoimhdí réasúnacha, lena n-áirítear trína áirithiú go soláthraítear leis an bhfaisnéis sin léiriú cuimsitheach ar an tionscadal arna chistiú ag banna agus cineál agus earnáil na ngníomhaíochtaí eacnamaíocha á gcur san áireamh. Ar an gcúis sin, ba cheart nasc díreach a bheith ag an bhfaisnéis le saintréithe an bhanna, ba cheart léiriú cruinn a thabhairt ar an tionscadal cistithe léi, ba cheart í a bheith cothrom le dáta agus ba cheart teorainneacha réamhaisnéise agus éiginnteachtaí bunúsacha a mheas léi.

(12)

Chun meastóireacht a dhéanamh ar iontaofacht foinsí, ba cheart d’athbhreithneoirí seachtracha a áirithiú go soláthraíonn na foinsí sin faisnéis oibiachtúil a bhfuil bunús léi. Ba cheart foinsí a bheith inchreidte agus ba cheart doiciméadacht a bheith ag gabháil leo ina leagtar amach na céimeanna chun faisnéis a bhailiú agus a phróiseáil, an cur chuige maidir le hathbhreithniú a dhéanamh ar shonraí stairiúla i gcás inarb infheidhme, agus aon teorainn a dhéanann difear don fhoinse. Ba cheart d’athbhreithneoirí seachtracha tosaíocht chuí a thabhairt d’fhaisnéis a eascraíonn as ceanglais rialála nó d’fhaisnéis atá faoi réir dearbhú nó deimhniú neamhspleách, agus do chaighdeáin ábhartha a aithnítear go hidirnáisiúnta, i gcás ina bhfuil siad ar fáil.

(13)

Chun inchomparáideacht na faisnéise a bhailítear a chur chun cinn, ba cheart d’athbhreithneoirí seachtracha na critéir chun measúnú a dhéanamh ar cháilíocht leordhóthanach na faisnéise agus ar iontaofacht na bhfoinsí faisnéise a chur i bhfeidhm ar bhealach intomhaiste maidir le gach athbhreithniú seachtrach agus maidir le gach foinse faisnéise.

(14)

Ba cheart don Údarás Eorpach um Urrúis agus Margaí (ESMA) a bheith in ann a mheas cé acu a chomhlíonann nó nach gcomhlíonann iarratasóirí ar aitheantas mar athbhreithneoirí seachtracha tríú tír na coinníollacha dá dtagraítear in Airteagal 23(2) agus 42(3) de Rialachán (AE) 2023/2631, lena n-áirítear na coinníollacha a leagtar síos i Rialachán Tarmligthe (AE) 2025/2180 ón gCoimisiún (2). Ar an gcúis sin, ba cheart d’iarratasóirí faisnéis atá cothrom le dáta lena n-áirítear na mionsonraí ábhartha uile a sholáthar i bhformáid atá soiléir agus gan débhrí.

(15)

Chun an tslándáil a choimirciú agus feabhas a chur ar bhainistíocht agus inúsáidteacht sonraí, ghlac ESMA modhanna clárúcháin dhigitigh lena sonraítear faisnéis, foirm agus ábhar an iarratais ar aitheantas mar athbhreithneoir seachtrach tríú tír ar Bhannaí Glasa Eorpacha. Dá bhrí sin, aon fhaisnéis a chuirtear faoi bhráid ESMA in iarratas, ba cheart í a bheith meaisín-inléite agus ar mheán marthanach.

(16)

Chun cúnamh a thabhairt do ESMA na doiciméid atá curtha isteach ag iarratasóir mar chuid den iarratas ar aitheantas mar athbhreithneoir seachtrach tríú tír a shainaithint, ba cheart d’iarratasóirí uimhir thagartha uathúil a chomhfhreagraíonn do gach doiciméad a sholáthar.

(17)

Ar mhaithe le dearbhú agus cuntasacht, ba cheart d’iarratasóirí a dhéanann iarratas ar aitheantas mar athbhreithneoir seachtrach tríú tír an t-iarratas sin a chomhlánú le litir arna síniú ag comhalta dá mbainistíocht shinsearach, lena bhfianaítear go bhfuil an fhaisnéis a cuireadh isteach cruinn agus iomlán chomh fada agus is eol don chomhalta sin.

(18)

Leis an Rialachán seo, urramaítear na cearta bunúsacha agus comhlíontar na prionsabail a aithnítear i gCairt um Chearta Bunúsacha an Aontais Eorpaigh, go háirithe an ceart go ndéanfar sonraí pearsanta a chosaint. Ba cheart próiseáil sonraí pearsanta chun críocha an Rialacháin seo a dhéanamh i gcomhréir le dlí an Aontais maidir le cosaint sonraí pearsanta. I ndáil leis sin, aon phróiseáil sonraí pearsanta a dhéanann ESMA agus an Rialachán seo á chur i bhfeidhm, ba cheart í a dhéanamh i gcomhréir le Rialachán (AE) 2018/1725 ó Pharlaimint na hEorpa agus ón gComhairle (3). Aon phróiseáil sonraí pearsanta a dhéanann eintitis a dhéanann iarratas ar aitheantas mar athbhreithneoir seachtrach laistigh de chur i bhfeidhm an Rialacháin seo, ba cheart í a dhéanamh i gcomhréir le Rialachán (AE) 2016/679 ó Pharlaimint na hEorpa agus ón gComhairle (4) agus le ceanglais náisiúnta maidir le daoine nádúrtha a chosaint maidir le próiseáil sonraí pearsanta.

(19)

Is gá é a chur ar a chumas do ESMA measúnú a dhéanamh ar cé acu a chomhlíonann nó nach gcomhlíonann iarratasóir a dhéanann iarratas ar aitheantas mar athbhreithneoir seachtrach tríú tír na coinníollacha maidir le haitheantas den sórt sin, agus coimircí cuí á n-áirithiú an tráth céanna. Ar an gcúis sin, ba cheart do na hathbhreithneoirí seachtracha sin agus do ESMA sonraí pearsanta a bhaineann le hiarratasóirí ar aitheantas mar athbhreithneoir seachtrach tríú tír a choimeád ar feadh tréimhse nach faide ná 5 bliana tar éis don iarratasóir sin scor dá fheidhm a chomhlíonadh. Ar na cúiseanna céanna, i gcás inar dhiúltaigh ESMA aitheantas mar athbhreithneoir seachtrach tríú tír nó i gcás inar tharraing an t-iarratasóir siar a iarratas ar aitheantas mar athbhreithneoir seachtrach tríú tír, ba cheart do ESMA sonraí pearsanta a bhaineann leis an iarratasóir sin a choimeád ar feadh tréimhse nach faide ná 5 bliana tar éis aitheantas an iarratasóra a dhiúltú nó tar éis an t-iarratas a tharraingt siar.

(20)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé barúlacha foirmiúla an 19 Samhain 2025.

(21)

Tá dlúthnasc idir na caighdeáin theicniúla rialála atá le glacadh ar bhonn na gcumhachtuithe a leagtar síos in Airteagal 26(3), an tríú fomhír, Airteagal 29(4), an tríú fomhír, Airteagal 30(3), an tríú fomhír, Airteagal 31(4), an tríú fomhír, agus Airteagal 42(9), an tríú fomhír de Rialachán (AE) 2023/2631, ós rud é go bhfuil feidhm acu uile maidir le hathbhreithneoirí seachtracha. Chun comhleanúnachas idir na forálacha sin a áirithiú agus léargas cuimsitheach a éascú d’athbhreithneoirí seachtracha ionchasacha ar a n-oibleagáidí faoi Rialachán (AE) 2023/2631, ba cheart na caighdeáin theicniúla rialála sin a chuachadh in aon Rialachán Tarmligthe amháin.

(22)

Tá an Rialachán seo bunaithe ar na dréachtchaighdeáin theicniúla rialála a chuir ESMA faoi bhráid an Choimisiúin Eorpaigh i gcomhréir le hAirteagal 10 de Rialachán (AE) Uimh. 1095/2010 ó Pharlaimint na hEorpa agus ón gComhairle (5).

(23)

Reáchtáil ESMA comhairliúcháin phoiblí oscailte maidir leis na dréachtchaighdeáin theicniúla rialála a bhfuil an Rialachán seo bunaithe orthu, rinne sé anailís ar na costais agus ar na tairbhí gaolmhara a d’fhéadfadh a bheith ann agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010,

(a)

go gcoimircítear leis na córais atá i bhfeidhm slándáil, sláine agus rúndacht na faisnéise agus go n-áirithítear leo leanúnachas agus rialtacht i bhfeidhmíocht na n-athbhreithnithe seachtracha;

(b)

go bhfuil na hacmhainní daonna, teicniúla agus ábhartha a úsáidtear leordhóthanach chun na rioscaí a shainaithint, a bhainistiú, a thuairisciú agus faireachán a dhéanamh orthu, is é sin le rá, na rioscaí seo a leanas:

(c)

tá na gnéithe seo a leanas sna nósanna imeachta atá i bhfeidhm chun modheolaíochtaí measúnaithe a chur i bhfeidhm go hoibiachtúil agus go comhsheasmhach:

(a)

déantar an faireachán agus an mheastóireacht le feidhm atá neamhspleách ar na línte gnó;

(b)

áirítear an méid seo a leanas ar na bearta chun aghaidh a thabhairt ar easnaimh a sainaithníodh sna measúnuithe faireacháin:

(a)

tá beartais glactha ag comhlacht bainistíochta an athbhreithneora sheachtraigh lena gcuirtear ar a cumas don fheidhm chomhlíonta an méid seo a leanas a dhéanamh:

(b)

is fíor an méid seo a leanas maidir le comhalta amháin ar a laghad den fheidhm chomhlíonta:

(a)

tá an líon daoine a dhéanann an fheidhm chomhlíonta oiriúnach do chineál, scála agus castacht ghnó an athbhreithneora sheachtraigh;

(b)

na daoine a dhéanann an fheidhm chomhlíonta i dteannta a chéile, tá na scileanna agus an taithí is gá acu maidir le bainistíocht riosca, iniúchóireacht, dlí nó comhlíonadh;

(c)

tá córais ag an bhfeidhm chomhlíonta a chuireann ar a cumas di an méid seo a leanas a dhéanamh:

(a)

tá cearta rochtana fisiciúla agus digiteacha ag an bhfeidhm chomhlíonta ar an bhfaisnéis uile is gá chun a cuid cúraimí a dhéanamh go héifeachtach i gcónaí, lena n-áirítear an méid seo a leanas:

(b)

tá rochtain fhisiceach ag an bhfeidhm chomhlíonta ar áitreabh gnó agus saoráidí gnó an athbhreithneora sheachtraigh.

(a)

áirithítear leis na taifid a choimeádann an t-athbhreithneoir seachtrach i gcomhréir le hAirteagal 34 de Rialachán (AE) 2023/2631 go bhfuil rian soiléir iniúchta ann maidir leis na teagmhais ábhartha uile;

(b)

leis an gcóras cuntasaíochta, is féidir léiriú cothrom beacht a thabhairt ar staid airgeadais an athbhreithneora sheachtraigh agus tá sé i gcomhréir leis na caighdeáin agus na rialacha cuntasaíochta is infheidhme.

(a)

is mar a leanas atá an sásra rialaithe:

(b)

tá creat bainistíochta riosca ann lena mbunaítear sásraí an athbhreithneora sheachtraigh chun na rioscaí uile a d’fhéadfadh tionchar ábhartha a imirt ar chumas athbhreithneora sheachtraigh a oibleagáidí a chomhlíonadh faoi Rialachán (AE) 2023/2631 a shainaithint, a mheasúnú, a mhaolú agus a thuairisciú go héifeachtach, agus chun faireachán éifeachtach a dhéanamh orthu;

(c)

tá bearta rialaithe coisctheacha agus braiteacha ann chun aghaidh a thabhairt ar rioscaí oibriúcháin sonracha;

(d)

tá nósanna imeachta inmheánacha agus seachtracha ann maidir le faisnéis agus cumarsáid lena n-áirithítear sreabhadh faisnéise ábhartha, tráthúla agus iontaofa;

(e)

tá nósanna imeachta faireacháin ann lenar féidir meastóireacht leanúnach a dhéanamh ar leordhóthanacht agus éifeachtacht na sásraí rialaithe inmheánaigh.

(a)

cuirtear struchtúr rialaithe agus coimirce chun feidhme ar ina leith a bhfuil an méid seo a leanas fíor:

(b)

tá bainistíocht éifeachtach stuama ar rioscaí TFC ann lena n-áirítear an méid seo a leanas:

(a)

tá an fhaisnéis iomlán agus soláthraítear léi léiriú cuimsitheach ar an tionscadal arna chistiú ag an mbanna, lena n-áirítear sonraí leordhóthanacha i ndáil le cineál agus earnáil na ngníomhaíochtaí eacnamaíocha lena mbaineann;

(b)

tá baint dhíreach agus shoiléir ag an bhfaisnéis le saintréithe an bhanna agus soláthraítear léi léiriú cruinn ar an tionscadal arna chistiú;

(c)

tá an fhaisnéis i gcomhréir leis na sonraí is cothroime le dáta atá ar fáil do na hathbhreithneoirí seachtracha agus a n-athbhreithniú á dhéanamh acu agus, i gcás ina bhfuil siad ar fáil agus ina dteastaíonn siad i leith a modheolaíochtaí, tá sonraí stairiúla inti;

(d)

tá aon fhaisnéis ghaolmhar, lena n-áirítear ríomhanna, cóimheasa agus meastacháin, bunaithe ar dhearbhuithe réasúnta.

(a)

soláthraíonn an fhoinse faisnéise, nuair is gá, faisnéis a bhfuil fianaise oibiachtúil ag gabháil léi;

(b)

tá an fhoinse faisnéise in ann a inchreidteacht a léiriú;

(c)

tá na doiciméid seo a leanas ag gabháil leis an bhfoinse faisnéise:

(d)

tugann an fhoinse faisnéise tús áite d’fhaisnéis atá faoi réir ceanglas maidir le nochtadh de réir an dlí, iniúchtaí, measúnuithe comhréireachta, dearbhú neamhspleách nó deimhnithe aitheanta nó, i gcás nach bhfuil sí ar fáil, faisnéis atá faoi réir caighdeáin is infheidhme a aithnítear go hidirnáisiúnta, lena n-áirítear prionsabail agus dea-chleachtais arna bhforbairt ag comhlachtaí idirnáisiúnta inchreidte lena dtugtar treoraíocht maidir leis an gcaoi ar cheart faisnéis a bhaineann le hinbhuanaitheacht a ullmhú, a chur i láthair nó meastóireacht a dhéanamh uirthi, fiú mura gceanglaítear sin go dlíthiúil nó mura bhfuil sí faoi réir iniúchadh reachtúil.